ساره : اكو عندي احتمال انو هيه جذابه وكلبي ديكلي حجيه صحيح لان هو ميجذب وعيونه جانت تحجي الحقيقه بس مع هذا خلاااص اني لازم اسوي حل لروحي . فبعد خمو اضل منتظره ١٠ سنوات علما يخلص يزن علم ودراسه ....
كوثر : ههههه والله انتي ما ينخاف عليج ...
ساره : بس لتكولين هلحجي عليج الله . واني حتذا سالني ابويه اكله شفتي بعيني وياها بلغغفه (غرفه) بلكي يصيغ ضغط عليه ويجي لهنا . وحتى امي لتكولين الها .
كوثر : ههههه باع التخطيط يهودي ....
ساره : امشي لججج ...
.
.
.
____
يزن :
_

بعد ٦ ساعات تقريبا جابولي خبر سفرها من مطار اميركا الى الاردن . جننن حنوني وكل عقل ما ضل براسي . تمنيت كون يمي اله انهيها بأيدي .
رجعت حلكي يابس . وروحي تفووور ودي اكسر الدنيا وما اخلي لاي احد وجود . من وراها .
احس روحي كرهتها كلشش .
ومن هليوم اعلنت حرب طاحنه وحرب اسمه : نزال الموت ....
.
.
بلصدفه عرفت مشروع البيت الي ناويه تبيعه كوثر . وتاخذ حصتها .
تفاجأت من هلموضوع يعني مجنت متوقعه هيج راح يصير وشنو السبب الي يخلي كوثر اطالب بحصتها ؟؟؟؟؟
.
بدون مااتعب روحي خابرت ليلى بعد يومين على سفرها واتصلت بيهم : سلام
حسيتها كوه تحجي مبينه ساره ناقله الي صار ...
ليلى : وعليكم السلام . تفضل .......
بخير الحمد لله . شنو كزثر تريد تبيع البيت ....
ليلى : اي تريد حصتها . رجلها خطيه يريد يشتري بيت .
يزن : وهيه شلها دخل بي . خل يتشري بيت ...
ليلى : مو رجلها شلون شلها دخل بي .
يزن : وهيه شنو موضفه قابل وتصرف عليه . خلي تضمها الها لا شهاده ولا راتب يصير ميصير ....
ليلى : مو كلها الناس تضلم بنات العالم . اصلا مخليها مثل الاميره . وهو اصلا ميدري تريد تاخذ حصتها . .
يزن : اهااا يعني هيه من وحدها حظرتها متبرعه ....
ليلى : رجاءا يزن . خليهن يعيشن براحتهن . اذا تريد تشتري براحتك متريد هم براحتك ...
يزن : اتتيي وصليلها كلامي ... واذا ضلت ع موقفها وفد جم يوم اني اجي بس اطلع امي من المستشفى وانطيها فلوس واشتري منها ...
لبلى : الله كريم . شلونها خالتي من كالتلي ساره لسا واني كلبي يمها ... قصص وروايات عراقية كرار صلاح
يزن : الحمد لله شويه تحسنت بس شويه اعض
يزن : ممكن احجي وي ساره ...
ارتبكت وكالت : شتريد منها ....
يزن : صيحليتها بلا امر عليج ....
ليلى : نايمه ...
يزن : كعديها بسرعه وكوليلها يزن ع التلفون .
ليلى : اي هسه ...
شويه وحاجتني ساره بعجرفه : نعم شكو ....
يزن : طريقتج هاي بلحجي راح انتي تدفعين ثمنها وخلي يكون بعلمج محد راح يتأذه غيرج . ونزلتج هاي من امريكا للعراق راااااح ادفعج ثمنها غالي...
ساره : ههههه صكغي الجنت ازامط بي غافكله بومه .
(صكري الجنت ازامط بي رافكله بومه )
وخلي البومه تفيدك انت وياها تتوالمون ....
يزن : اني مراح ارد عليج بس راح اراويج منا وجاي شلون راح تعيشين . شلون تتمنين الموت بعيونج .

ساره : يزن لتهدد تغه (تره ) اكل لابويه عليك ....
يزن : ههههههههههه سلمان بعضمته ما جنت اخاف منه تريدين اخاف من جاسر ؟؟؟؟ .. يلا ولي ...
سديت التلفون بوجهاا احاول اخليها تشعر بلخوف والقلق .
.
.
.
مر شهر على اخر مكالمه . ومنها قررت بلسفر للعراق . واخذت امي وياي . لان طلعت وشويه صحتها شويه بده بيها روح بعد ما كانت شبه ميته . بس سبحانه من يحي العظام وهيه رميم
بعد ما يقارب الاف الجلسات للعلاج الطبيعيه الي خضعت الها .
لملت غراضي وسافرت ع اول طياره متجه للاردن .
ومن الاردن للعراق . وهيه وياي .ووصلت لبيت ليلى .
اني وضعي متخربط معندي شي باسمي ولا اي شي املكه بلعراق فقط الجنسيه .
وهنا اجه ع بالي يتقسم الورث كامل وكلمن ياخذ حقه من اخوتي وعمي ونسوان لواء .
استقبلتنه ليلى استقبال زين بس حسيت وجهه ثكيل .
بعد ما يقارب ٣ ايام ضلينه هناك وساره متحاشيه تشوفني وامي كاعده وي ليلى كوه تسولف وتجر الحجايه جرر . لان كلامها صار بصعوبه يطلع .
فتحت كوثر الموضوع وهيه تصيحلي : عمو ...
عمو اني لازم اخذ حصتي الله يخليك والله محتاجه الفلوس .
كوثر : باوعلي بخزره وهو رافع حاجبه ...
وهو يوجه اليه سؤال : شلونه عادل ....
كوثر :الحمد لله. ...
يزن : ليش تبيعين حصتج ؟؟؟
كوثر : نريد نشتري البيت الي ماجرينه وهم يفيدنه ومشتري سياره بلفلوس البقيه وبلكي يرمم محله شويه ...
يزن : اهااا وانتي شنو شراح يصير بجيبج ....
كوثر : ضجت من هيج كال بس مجاوبته . وهو افتهم علامات وجهي كلي : اوك براحتج سوي الي يعجبج . اهم شي مطلعين خاليه اليدين ....
شفت ليلى واكفه من بعيد وحرب هم اشرت لحرب تعال . اجه يركض . بوسته حيييل .
لك انت شلون شخبارك ...
حرب : زين ...
يزن : بيا صف صرت ...
حرب : بلرابع ابتدائي ....
يزن : شاطر لو كسلان ....
حرب : لااا شاطر ودرجاتي كلها عشرات ...
يزن : عفيه بلسبع . اخوتك ٤ واحد دكتور وواحد ظابط وواحد مهندس وواحد ثور . انت وي منو تريد تصير ....

حرب : اريد اريد اريد اريد اصير اريددد مهندس ...
يزن : ههههه يلا خوش .
حرب : وانت شنو شغلك ؟؟؟
يزن : اني دكتور . بس ما اضرب ابر . اكسرر رووس .
شفت ساره رافعه حاجبها ضليت اغثها بلحجي .
ليلى : من خلال طريقته بلكلام . عرفته يوجه الكلام لساره مثل القنابل ....
كوثر : طلعت امشي ضايجه من حجيه وياي . شافنتي ساره : ها شبيج ...
كوثر : هذا شكد غثيث شنو من بشر هذاااا ادري اذا ما اساعد زوجي المن اساااعد لو يريد مثلهم كون نعيش بلدمار ...
ساره : شبيج حبيبتي ...
كوثر : كام يلقي عليه محاظره بلوفاء حقه عمي يخاف لان همه ياكلون الناااس مثل المكينه ابو النسوان يروح فدوه لعادل وطول عادل ...
ساره : على كيفج عمي على كيفج غيغ (غير ) على حسابج خاف ياكل فلوسج يحظي ...
كوثر : لااا مو على حسابي . اني متأكده لان اني بت عمه وعادل غريب يريدني اني ادوسه بلقندره مثل ما همه يمشون ويدوسون علينه وعلى امي ...
ساره : لااا ولج اني اعغف يزن مو هيج تفكيغه والله ...
كوثر : شووو بلا لتدافعيله انتي الثانيه لو بي خير مجان دك الناقصه وي ست الحسن .
اجتي امي تركض : شكو شبيجن ...
كوثر : كوليله تريد تبيع البيت عجبه يشتري عجبع معجبه ابيعه لاي احد وهاهيه ....
ليلى : هسه اكله لتخافين شيريد يحجي . يحجي يحجي ويسكت .
ليلى : روحي كامت تفور من وره يزن واني اشوفه مثل المكعبات يحرك بينه .
وقررت افاتح موضوعه وي جاسر . وخليت كوثر تتصل بجاسربت هيه تسلم عليه وكالتله : بابا هاي ماما تريد تحاجيك ...
جاسر : اي يا الله خل تحاجيني ....
ليلى : سلام عليكم ...
جاسر : يا هلاا بهلصوت يا ميه هلااا ...
ليلى : رجاءا جاسر اني اتصل بيك لأجل بناتي ما اريد هلحجي ...
تحولت طريقه جاسر للجديه : أمريني كولي ....
ليلى : اريدك تخلصني من يزن وهلشي اريده بهلوثت . خانك ساره خنك ويمشي ويبسمر الها شنو ناطيته بتي فصليه خمو فصليه . قصص وروايات عراقية كرار صلاح
شنو من بشر هذاااا يكلها اكسر روس ليش يابه عليمن يكسر راسها على شنووو ..
خلاااص بتي متريده واني هم ما ازوجها اله لو تموت ...
جاسر : على كيفج مو هيج تنحل الامور ....
ليلى : اني خليتها عليك . حلها من يمك ....
جاسر : زين واذا عافها ترجعيلي ....
ليلى : الله كريم عود كلشي بوقته ....
جاسر : لاااا اريد حجايه لو اي لو لا ....
ليلى : مو كتلك كلشي بوقته . اريد شغله ساره بلاول . يلا نححي بلتفاصيل البقيه ...
جاسر : اعتبريها تمت ....
ليلى : خل نشوف .....
.
.
.
‏"إذا لم تمنحني بعضًا من وقتك في أيام الشدة ، فلا يوجد ما نتقاسمه في أيام الرخاء💜

.
.
.
هسه اني ذكرت الكم حياه جيهان وسلسبيل وعدي وقصي وظاهر باختصار لان ما اريد اشعب واجر طول وعرض . اذا صار ظهورهم بلقصه راح اطرق اله بس حاليا دا كتب بس عن ساره ويزن وكوثر وعادل والاحداث هيه تبدي تتسلسل ...

اما عن يزن فاحب انوه انو هلكلام والمشاعر جانت ادور عنه بفتره معينه يعني حصريا بنهايه سنه ٢٠١٠ وبدايه سنه ٢٠١١ وان شاء الله راح تتغير الاحداث منا وجاي ....
ترقبو المزيد .

2011



#بارت43

_______
يزن


تفاجأت بجاسر هو يطلب مني ترك ساره .
جاسر : متريدك وهيه رافضه زواجها منك .
يزن : هيه كالتلك ؟؟؟؟
جاسر : اي هيه كالت ....
يزن : اني جاي ابيع البيوت لان كلها تريد حصصها وواهوتي يردون حه ابوبه ونسوانه هم . مجاي احجي بهلموضوع .
واذا تريد حظرتها تطلك . تدري اني عاقد عليها بامركيا وهيه مسجله باسمي وهناك سين وحيم بمساله الطلاق ....
جاسر : اني وصلني خبر رافضه الزواج وبلتالي شتريد هيه مستعده تتنازل قصص وروايات عراقية كرار صلاح ...
يزن : يصير خير الله كريم . كل من ياخذ حقه ويصير خير .
.
بهذا اليوم اخذت امي ورحت كعدت ابيت سلسبيل الي بنا لواء اساسا لجيهان وبعدين سلسبيل جلبت بي وخلاعا لواء بي ووعد جيهان يشتريلهاوبيت غيره واكبر .
ما رضت ليلى وهيه تكلي : وين ماخذها مره جبيره متتحمل ....
يزن : مشكوره . زحمناج . وتعبانج . هيه ايام ان شاء الله منتأخر .. .
ليلى : اي حتلو عوفها يمنه خطيه نداريها .
يزن : لاااا اني رايح وامي وياي ....
.
طلعت وامي اعصااابي شايطه من برود ليلى . وهلشي اثر على علاقتي بساره تخبلت منها . حان ودي احركها حرك .
بديت امشي بلبيع والورث والحصه . وصار تقسيم الحصص .
اول شي عرقل عمليه البيع جان حرب لان قاصر وقصي .وهلشي زاد معاناة ضعف . وليلى رفضت تبيع البيت الي هيه كاعده بي وكالت حصتي وحصت حرب .
يزن : لااا انتي تدرين بهذا البيت امي الها حصه صح لو. لا ؟؟؟
ليلى : املاك لواء هواي . اجيتو على هذا البيت ؟؟؟؟ ...
يزن : هيه مو شغله اجينه ع هذا البيت . بس هذا حق وانتي بحصتج وحصه ابنج تشترين بيت ...
ليلى : هذا بيتي وعلى حياته انطانيا لواء قبل حتى ميزوجني وبيتي اني تعبت عليه .
يزن : خوش اذا نستقطع من حصه كوثر فلوس الفلوس .
ليلى : شعلينه بحصه كوثر . كوثر حصتها الها وهذااا بيتي . احنه ردنه نبيع بس حصه كوثر . تبيع البيوت ليش ....
يزن : ام حرب اكوو بكلبج حجي اذا ممكن طلعي خل اسمعج ؟؟؟؟
ليلى : حجي شنوو ...
يزن : عيونج بيها حجي وانتي ضامه هلحجي خايفه من شي معين .
واني دا اشوف هلكتم بس يزيد عداوه وضغائن . فلافضل انو هاهيه طلعي الي بكلبج حتى ترتاحين ....

ليلى : لا ماكو شي . بس انتم مدفوعين عليه جيف تشوفون ما النه احد يحمينه . كضيت عمري بشوطات وهسه اجيتو على بناتي ...
يزن : منو اجه ع بناتج ؟؟؟؟
ليلى : احنه بس نريد حصه كوثر ....
يزن : اولا كوثر بت عمي . واعتقد لحمها لحمي . والشي الي يأذيها يأذيني .
اني اخويه جان يريدها وكلي فركش زواجه ما قبلتل ان شفتها هاويه تاخذ عادل . فليش متوقعه احنه راح نضلمها ؟؟؟؟؟؟ ....
ليلى : انطوها حصتها خطيه تريد فلوس البيت . هم تريد تساعد رجلها . كايم بيها ويداين منا ومنا في سبيل ياخذها للدكتوره وممقصر وياها بعد مره تشوف رجلها يحبها ومدللها ليش تقصر ويا وتشوف بأمكانها تساعده ..
يزن : ومنو كلج اني ضد مساعدته ؟؟؟
بس بنفس الوقت اني ضد تسجل ورثها باسمه وهاهيه ...
ليلى : لا شنو تسجل ورثها باسمه . اصلاوهيه تشتري بيت ويداورون بي وبعدين تكله . بس حتى ع الاقل تضمن روحها ،....
يزن : اي خلاص ميحتاج الها روحه للشرع . بعد ام حرب شنو مشكلتج ؟؟؟؟
ليلى : معندي مشكله انتم الي داخلين علينه ....
يزن : شداخلين عليكم . عايف بيت ابويه وحاسر يتوسل بيه تواسيل اجي يمه بس اني ما متعلم على مرته فما اعرف اكعد هنا . شنو الي موضوجج ...
ليلى : اني هذا البيت احبه وبي ذكريات هواي عشتها ما اريد ابيعه ما اريد اطلع منه . وهو والله لواء بحياته كلي الح ولحرب .
يزن : بس انتي لتنسين حصه امي بهذا البيت . وهلشي حق ...
ليلى : مو حق والله لواااء انطانيا على حياته والله هو كلي الج هذا البيت ...
يزن : عوفي البيت شغلته محلوه ان شاء الله . غيرهن ....
ليلى : ما عندي غيرهن ...
يزن : لا عندج ...
ليلى : والله معندي ....
يزن : وساره ؟؟؟؟
ليلى : تفاهمو انتو وشوفو الي يرضي الطرفين ....
يزن : وجاسر يكول اطلكها ؟؟؟
ليلى : اذا ساره تشوف وضعها وياك صعب اني افضل هلخيار ...
يزن : اهاااا . انتي فهمتيوالي صار مو ؟ واكيد سولفتلح ...
ليلى : اي سولفتلي . بس حجي عام مو تفاصيل ...
يزن : ممكن احجي وياها بلا زحمه ...
ليلى : اي هسه اصيحلها ....
.
.
ساره .....

كاعده بلغرفه واني اصنت على حجيهم واشوف امي ثايره واعصاب صايره ويزن هاااديء حسيته مثل الساحر الي مسيطر على امي بسحر معين . وماما مثل المخبوصه .

اجتي تركض . وتلهث : لتكولين اله اطلك . ولج خاف يبيع البيت . ويسويها عناد ...
ساره : ميبيع البيت يزن ....
ليلى : يريد حصه امه من البيت ع اساس هو ابن سوزان .
عفت امي تفرفح ادري ابيتها عزيز عليها . هيه خطيه حانت تحسه هذا اول بادره حب من عمي لواء . طلعت ليزن واني ماسكه برباط الجأش : سلام عليكم ...
يزن : وعليكم السلام .

كعدي هنا ...
رجليه كامت تتحرك وحدهن وكعدت بمكاني .
يزن : اي ساره تريدن تطلكين ؟؟؟؟
ساره : نعمم ؟؟؟
يزن : جاسر يكول طلكها ....
ساره : انت دتحجي تغيد (تريد ) تحغك (تحرك) اعاصبي لو شنو ؟؟؟
يزن : ع شنو احرك اعاصبج ؟؟؟
ساره : شلون تغيد اضل وياك ...
يزن : يعني هسه اني نمت وياها ؟؟؟
ساره : اييي ...
يزن : والمطلوب سنو ؟؟؟
ساره : فرحان يعين ؟؟؟
يزن : لا مفرحان ....
ساره : شنو مفغحان ....
يزن : هسه انتي شتردين ؟؟؟ ...
اجحي واني اكو غصه بكلبي
ساره : يزن اختار وغسيني ( ورسيني) ع بغ (بر ) وياك اني هم الي حق خو مستحيل اني اقبل تجاهلني هيج . انت اصلا جامد ومعندك مشاعر اتجاهي . واني صح احبك بس ممستعده اكضي عمغي (عمري) كله وياك واحسب حساب اذا جنت مقتنع بزواجك مني لو وصيه جدي تنفذها وبس ...اذا متحبني ومتريدني بعد شعندي ضاله وياك ...
يزن : دتحجين هيج . بأعتبار اني خنتج مو ؟؟؟
ساره : اي هاي يصيحولها خيااانه ....
يزن : انتي من اجيتي لسا شسوين ؟ عايقه دوامج . وحياتج عايفه مستقبلج . شناويه عليمن ...
ساره : خلصت دراسه والحمد لله بعد عليمن اضل منتظره شنو الي وره الدراسه . وانت معندم توقف تضل تدرس العمر كله . ...
يزن : توضفي ....
ساره : اني وين احجي وهو وين يحجييي .
شنو المانع من زواجنه هسهسسسسه بس فهمني . لو تحبني لو لاااا . وهاي حجج اتوضف بابا يوضفني . واني اكله يوضفني بس اغيد اعرغف حياتي وياك شنووو .
يزن : ما اكدر هسه وضعي مخربط بعدني مواصل للي اريد اوصله ....
ساره : شهاداتك تاغسه (تراسه) الكنتوغ(الكنتور ) خو اكيد ممنتظغ ( ممنتظر ) تنزل عليك النبوه يزن . ماكو هيج شي قصص وروايات عراقية كرار صلاح ...
يزن : اني اريد انشر البحث مالتي واحصل على الشهاده الي اني اطمح الها ...
ساره : متنشغ (متنشر ) منو لازمك ....

يزن : اول شي يحتاج فلوس والبحث الي اريد انشره يحتاج ٣ دول من ٣ جامعات رصينه . وبعدين يحتاجن فكر صافي واني هلايام تشوفين وضعي ...
ساره : اوك لعد اخذ حصتي وبيعها وانشغ بحوثك ...
يزن : ههههه ممنون كلشش . بس حصتج الج اني ما اقرب الها . وان شاء الله لمن تنشرين بحثج وتكملين دراستج تاخذين فلوس مني وتنشرين بحوثج ....
ساره : ههههه هيج مأمل عليه . يعني اني هسه عقلي اساسا مو مال دراسه ...
يزن : ها شنو زنجر هليام مو مال زواج وبس يعني ....
ساره : لااا مو بس للزواج . بس احس غوحي تعبانه حاليا ...
يزن : ارتاحي هنا هاي السنه والسنه الجايه ارجعي كملي وقدمي ع الماجستير . معدلج يقبلج هنا وبلاخص الجامعه الي جنتي تدرسين بيها امريكيه . ولو اني انصحج ترجعين لامريكا لان هنا كل مستقبل ماكو ...
ساره : ممكن اسالك سؤال ....
يزن : تفضلي ....
ساره : تحبني ؟؟؟
يزن: منو كلج ما احبج . منو كلج اني مرايد اتزوجج وبلذات انتي مفكرت بوحده غيرج .. ما اعرف احس عندج مخاوف من هلموضوع . سولفيلي يجوز نتوصل لنتيجه اني وياج . ....
ساره : دا احس انت متحبني لو تحبني متغثني وتغوغ (وتروح) تنطي المفتاح بأيدك لمايا وتخليها تلعب شاطي شباطي ولووو فعلااا انت ممسوي شي الها . فهذا مو دليل انت برائتك ... لان بعد كدامنه حياااة طويله ما استبعد من هذا تصغف ( تصرف ) اذا فد يوم زعلت وياك تغوح (تروح )تزوج عليه في سبيل تكسغ كلبي ....
يزن. شنو هلتخااااريف هاااي ساره اني رايدج ورايد اعيش وياج ....
ساره : بلي انت تغيده (تريده ) وشوكت ما انت تريده ميهمك اذا جان الوقت يوالمني او لاااا او حتى تلعب بعداد عمري وتستفذ كل طاقه بيه .
يزن : موضوع مايا سدي رجاءا . ولتضلين تفكرين بلسلبيات تره يزود درجت الخبال عندج .
ساره : لتتشاقه يزن اني فايغه (فايره )والله . الك مهله سنه بس يزن بعد هلسنه ينتهي كلشي بيناتنه ....
يزن : اذا رحت لامريكا ما ارجع اله بعد مرور سنتين وانتي بكيفج اي اجراء تتخذي اني موافق عليه ...
ساره : يعني متخلي عني ....
يزن : اريدج تقدرررين ضروووفي من كعدت لسا اكلج وضعب مو مال زوووواج ...
سمعت صوته امي ودخلت بسرعه .
ليلى : على كيفكم هو هذا حبكم هو هذا شبابكم . شنو من عيشه اذا انتم ممزوجين ....
يزن : ام حرب فهميهاااا انشر البحث وارجع الهااا . مراح اتركها ابددد .
ساره : احلفلي يزن كول بداعه جدي سلمان مراح تتركني وتفشلني كدام الدنيا كولها ....

يزن : عجيييب لج بابا انتي متفتهمين . اني مااا اريد وحده غيييرج نقطه راس سطر . ما اريددد غيرج .
ساره : هاهيه خلاص اوعدك مغاح افتح هلموضوع . وانتظغك عمغي (عمري ) كله هم مو سنتين ...
كام يزن يريد يطلع . امي جلبت بي
ليلى : بروح ابوك ضل . مسويه الغده بثواب لواء ضل تغده ويانه قصص وروايات عراقية كرار صلاح ....
يزن : ما اكدر والله عندي شغل . اريد اروح للدلال ....
ليلى : الحجيه شلونها ....
يزن : جبت الها ممرضه وخليتها يمها ...
ليلى : ما خليتها ليش اخذتها منا ..

يزن : وضعها صعب وتحتاج ممرضه تفتهم شويه بحالتها . وتحتاج هدوء وهاف تضايقكم . اني موديتها يم جاسر من وره بته خاف تأذيها ....
ليلى : الله ينطيها العافيه .
فجأه رن تلفونه جاوب : ايي هسه جاي بسرعه . طلع يركض . ركضت ورا . يزن شصار شصار ...
يزن : طبي جوه . ماكو شي امي متخربطه .
ساره : اجي وياك ...
يزن : طبببببي جووووه ....
يزن رايح يركض بلسياره واني رحت لامي . يوووم بيبتي متخربطه . حبابه روحي وره يزن ...
ليلى : عززه يلاااا خل نروح .
بسرعه لملمنه غراضنه وطلعنه ورا رحنه لبيت جيهان . وجان جاسر ومرته فاطمه موجوده . طبت امي اول شي ارتبكت من وجود فاطمه وهذا اللقاء الاول بيناتهن . واخنه نشوف الممرضه الي مأجرها يزن لبيبيتي واكفه على كتر وخايفه وهيه تكول : تره مطول ادعولها سوره يس
تشاهدولها خطيه ...
ضل يزن يبجي بدموع دم وهاي المره الاولى الي اشوفه يبجي ما شفته ولا مره حتى بموتت عمي لواء ما بجه وهو يصيح : يووووم .
هو وابويه هم جان عزاءه نفس الالم . حتلو جان بعيد عنها وعاش غربه الالم تضل ام .
لحظات جانت موجعه حسيت بسكرات الموت وهيه تختكنك ابد كأنو الهوه انكطع عنها نهائيااا وتشخر وماكو وصوتها دقايق اجيت اتخبل اول مره اشوف انسان يحتظر كدامي .
راحت امي تركض ادور بلمكتبه على قران . ما لكت طلعت جابت قران من السياره جان عمو لواء حاطه بلسياره وضلت تقرالها . وصوتها يرجف من الخوف واني حسيت يبس الدم بيه .
شويه وسكتت . اني خفت من هلمنظر وصياح يزن وابويه الي دوووه كانو قامت القيامه ويزن يصيح بكل علو صوته : يووووم يمممه الله يخليييج .
ما حسيت على روحي اله واني بلمستشفى والم راسي فضيع . حسب ما كال الدكتور : ضغطها انخفض .
رجعت للبيت وي امي وامي تلوووج . وهيه تاكل بروحها اكل . وتوجهت بوجها لزياء الامام الكاظم : اوكفي خل ازورج خاف تنادسين ...

ساره : يوم يا انداس الله يخليج . هو اني صايغه (صايره) خرغه (خرده ) فدوه غوحلج غجعيني للبيت ...
لزمتني امي ودموعها على خدها ...
ليلى : كوليلي شسوي . حتى عقلي مجاي يستوعب . اريدجن تعيشن حياة سعيده ولوما هاشي ما تصرفت هيج وي يزن . ما اريدج تعيشين مثلي وتشوفين نار الشريجه ولا تضلين عايشه بقلق رجلج يزوج عليج . اريده الج خالي مختلي وتعيشين حياتج ويااا . والله ما اعرف مرات اكول اني شسويت لروحي حتى اسويلهن ومرات اكول لازم ادافع عنجن واخاف عليجن ما حصلت غيرجن . ولله احس نار بكلبي ...
ساره : ماما مو وقت هلحجي . خل نغوح للفاتحه ...
ليلى : لترحين اني اروح وحدي ارتاحي شويه ...
ساره : يزن يحب امه كلش ويعتبغ هلشي عدم احتغام اله . واني احبه ماما .
ليلى : اذا تحبينه ادعيله الله يهدي عليج . مالج غير هلحل هذا وتحملي شسوين هو هذا طبعهم بس والله يتغيرون .
ساره : الله كريم ماما الله كريم ...
رحنه اني وامي بلطريق واشوف امي تعبانه واصله لمرحله الهلاك . بدت عيونها تتجعد وميبين بيها غير القص الازرك .
واديها بدن يجعدن لزمت ايدها بستها . حسيت بكميه التيهان الي تايهته ...
رحنه بوجهنا للبيت لبسنه الاسود ورحنه للفاتحه . وهنا ثاني لقاء بين فاطمه وامي . بدون ميدور كلام بيناتهم . بس عيوني ضلت تراقب فاطمه بكل فعل تسوي .
وهيه ضلت تباوع لامي متركتها ولا دقيقه . بعدين كوثر اجتي . وبطنها تتدربه واني كاعده منتظره اشوف يزن واحجي ويا .
مرت الايام ويزن يوم عن يوم يصير اعصاااب واني ويا منتحاجه اخاف ابادر واخاف يصدني . وضليت احووم فوكا .
لحد ما قررت اروح اله بلغرفه . رحت ع كيف ودميت الباب مجاوبني
. فتحت الباب على كيف وطبيت .
رفع راسه يزن : شعندج هنا . روحي منا ...
ساره : بس اني جايه ع حسابك .
يزن: لا الوقت ولا المكان مناسب .
ساره : اكو وحده تعوف حبيبها بهلمحنه.
يزن : اذا تحبيني روحي عني هسه . لان مو طايق اشوف احد ...
تقربت عليه شويه بتردد : يزن شوفني كبال عينك معندي غيرك والله . وسعاده عمغي من سعادتك والي يضوجك يحغك (يحرك ) كلبي . صدكني ودي الالم ينداغ (يندار) من عليك ويصيغ عليه واشيله عنك .....
ربت على ايدي الي جانت محطوطه على رجله . الله يخليج اليه قصص وروايات عراقية كرار صلاح .
هو اني شعندي مثلا ؟؟؟؟ اب ام جد جده اخو من امي وابويه اخت من امي وابويه املاك شعندي متكليليييي . حتر الخوال جدي جان محرم طبتهم للبيت وانتي تدرين بلقضيه كلها . لا اعرفهم ولا يعرفوني . تره الحياه اخذت كلشي مني . اني ما اريد اتعلق بواحد لا تاخذه الدنيا مني . شنو اني صفيت هسه بلشارع . وين اروح ....

ساره : ليش هيج تحجي حصص عمي هواي واخذ حصتك واشتري بيت ....
واذا خوالك هسه انت واعي وجبير روح الهم واسال عنهم .
يزن : شكلهم اجيتكم وره ٣٠ سنه وبعد هم مترهم مماخذ عليهم ...
ساره : لا بلعكس ان تأتي متأخغا (متأخرا ) خيغا (خيرا ) من ان لا تأتي ابدااا .
واني بغاي (برأي) تغوح وتشوفهم وهم يسولك حتفز وتحس بناس قريبه عليك .

وانت دتحجي هيج اصلا والله كل احنه نحبك وحتى ماما خطيه ماتت عليك بس شسوي هيه خايفه عليه ...
يزن : امج متفكر غير بس بيجن وهذا حقها . بس مو معناتها المقابل معنده احساس .
ساره : خطيه امي والله ميته عليك وعلى بيبيتي بس شسوي هاي كلب والده وعاشت ضيم وتريد بناتها ميعيشن مثلها .
يزن : وشبيها عيشتها ....
ساره : يعني تمنيت تزوج انسان واحد وتعيش ويا عمرها كله .
يزن. مو هذا الشخص موجود مترجعله ...
ساره : مترجع بعد اله . امي عاشت وي عمي الله يرحمه اكثر من ابويه بعد تعتبر كبرت وياا بعد صعبه تتقبل ابويه مو مثل الاول جانت صغيره ومعاشت وي ابويه غير سنتين بينما عمي هواي . تره والله ماما نظلمت ومحد ديشوف شلون عايشه تره هيه صغيره وترملت وهسه هم بعدها صغيره . اكو مره عاشت الترمل مرتين بعز شبابها نحرمت من كلشي . ولتنسه حانت ماما اوامر حدي تنفذهن مثل تلسيف على ركبتها حتلو جانت مموافقه . وكل هذا وهسه مخلصانه مرادت شي . بس رادت حياة مو بس تعتبر زوجه وهاهيه تنطي حقوق وتاخذ حقوق وهاهيه تعيش شلون مجان . رادت تبني اسره . ع سالفتها تكول حنت احب الطويل والضخم وهذني لكتهن بعمو لواء بس بنفس الوقت تكول ما حنت اتمنى اخذ رجال متزوج وهو جان متزوج ٢ غيرها . يزن تره كل انسان وعنده افكار ومتطلبات ...
يزن : الله كريم ساره . حبابه مو وقت هلحجي هذا ....
.
.
ساره : طلعت من الغرفه واني ما ادري اذا جانت دخلتي ويا اصلا واسيته لو زدت همه لو واسيت روحي .
متعلقه بي وما ودي يتركني نهائيااا وحتى بعد وفاه بيبتي الله يرحمه بعد صعبه ارجع وحدي ويا لامريكا . فخليت وضعي يحله الزمن هو كفيل امو يحله بيده .
بعد مرور شهر انباعت البيوت كووولها وكل من اخذ حصته وكل البيوت الب انباعت اشتراهن ابويه . وانطته البيت الي كاعده بي امي هديه لامي وامي ما قبلت تاخذه .
وكوثر استلمت حصتها اما . وهاي الحصه سلمهيا يزن بيده وهو يكلها : اتمنى تعرفيت تصرفين بيها صح .
.
.
____
كوثر :
____
اخذت الحصه مالتي واني حنت حامل بلشهر السابع أخذتها بوجهي ورحت طبيت لعادل .
عادل وهو فاح اديه اليه : ياااا هلاااا هستوه نور البيت ستوني ردت اخابرج كلت بلكي يزن يذبج بلباب اشتاقيتلج ...

كوثر : تشاقلك العافيه . واني هم اشتاقيتلك ... ابويه جابني . واسمع احلى خبر . استلمت الفلوس وباحر راخ نشتري البيت ....
عادل : يا بيت ...
كوثر : باع عادل اني مفكره انو نشتري هلبيت ونشتري سياره ونشتري المحل مالتك شنو رايك ؟؟؟؟
عادل : شنو هلحجي هذاا كلبي . واني اخذ فلوسج ؟؟؟
كوثر : ليش هيج تحجي شنو قابل غريبه عنك اني ....
عادل : لا حبي مستحيل . فلوسج الج ...
كوثر : هههه يا اخي اعتبرهم دين ومن تحصله رجعليا ...
عادل : والله ما ادري شكلج ...
كوثر : حبيبي . احنه جايتنه بنوته صغيره وما اريد ابوها يضل مضهود بلايجار والتكسيات . حتى النوب نفرخ لروحنه وبس اجيب نسافر اني وياك ....
عادل : هههه وين متردين نروح ....
كوثر : مشتهيه اروح يكول يزن احلى من امريكا ...
عادل : فرنسا حته وحده هههههه ... بكيفج نروح ....
.
ومرت الايام وسجلت البيت الي اشتريته باسمي والمحل مالته هم باسمي بس السياره ما قبل كال لا خاف تنظرب لو شو شيصير خمو تجين للمركز . فسجلتها باسمه .
ومرت الايام وصارت بنوتي الصغيره وسميتها حياه . هو راد نجوى بس اني سميتها حياه وحاجيته بدلع : عادل الله يخليك سميها حياه والله محلو نجوى ...
عادل : لتسوين هيج تره اشك هدومي حياه حياه انعل امه وابو المايسميها حياه .
وسمينه اول طفله عدنه حياه .
يزن وره بيعه البيوت رجع لامريكا . وساره توضفت مدرسه فيزياء ...
ومرت الايام وحبلت وره حيوته مباشرة . بحيث ما اخذ ريست شويه . ومن خلوضع صرت اسمن وجسمي كله تشقق وخرب . سالت عادل : عادل هم مضةحك اني حامل يعني وجسمي متغير ....
عادل : ولج اني وياج شفت حياتي وعمري وروحي . عمري مراح اباوع لهل شي . واتمنى اليوم كبل باجر تجيبين وليد واشوفه منح ويشبهلج ...
كوثر : الله يخليك اليه وميحرمني منك ....
عادل : اكول كوثر . متكولين لابوج بلكي يشوفلي شغله منا منا والله رجليه يوجعني من وكفه الحلاقه ...
كوثر : سوده عليه . والله هو ذيج المره كلي . اكله والله بعيني ...
وبسرعه خابرت ابويه : يابه الله يخليك شوف شغله لعادل خطيه رجليه متكسره من وره الحلاقه . بس ما اريد بيها مركز قوي حباب . اريدها هيج شغله بسيطه .
جاسر : مثل شنو هيج شغله بسيطه يعني ....
كوثر : حتلو كاتب الله يخليك . اهظ شي ما اريده بمركز دوله ...

جاسر : ههههه خوش .
ومرت الايام وعادل عاف المحل مال الحلاقه وانسد قررت أئجره واستلم فلوسه . وهو وافقني . عادل جان مدللني سنتين اني عايشه ويا ملكه واميره وحتى ينطيني الفوس اني اضمله واحمعله بحيث ما حان يمشي برايه ابددد كله بشوري وبرايي .

كمت البس بنتي مثل ما يعجبني واني هم اشتري احلى شغلات واميش شعري وهو متسووودن بمعنى الكلمه اذا احط حمره يضل يطفر عبالك طفل مو رجال . حسيت بلحب وحسيت اني انسانه ويا .
حسيت هو هذا الي جنت اتمنى رغم بساطه عيشتنه بس اني ملكه . وحتى اهله هم يحبوني ويقدروني . ما فد يوم غثوني بحجايه
لحد ما اجه اليوم الي قرر يترك العراق : كوثر خل نبيع البيت والسياره وندخل مناقصه بلكويت ...
كوثر : شنو مناقصه شسوي بيها ...
عادل : والله اذا حصلتها احنه فوووك فووووك السما ...
كوثر : لاااا عادل لا . اني مرتاحه بحياتي ويني وين الكويت قصص وروايات عراقية كرار صلاح ....
عادل : بداعه امج لترفضين هلشي . ابن عمي اكد اليه المناقصه متنزل وبورصه ونشتري اسهم بلسوك ونعرضها واحنه مستفيدين ...
كوثر : عادل منين جبتلي هلشي النوب . اني ما اتحرك من العراق اهلي وناسي هنا . هاي ساره مو لفت لفت ورجعت للعراق شستفادينه ....
ضل عادل يلح وينغط ويتوسل . واني جنت رافضه فكره انو البيت ينباع نهائيااا .
وقررت احجي وي امه بهلموضوع . فرحت الهم شفت الوجوه مكلبه وهاي اول مره تصير من زواحي لحد هسه عبالي شو شكو ما حجيت وجان صادف بيها رمضان كالتلي اديان ومرفت خوات عادل خل نروح للحفافه اني كيفت كتلهن اريد اميش واحف رحنه اني وياهن الحفافه تتمعمس تمعمس لمن شلعت كلبي اول شي اني كتلهن خل اسوي شعري كبلجن وانتن بس حفافه اديان ما قبلت بس مرفت سكتت وضلت تنغط اديان . لااا اني اسوي وحهي شنو ضاله منتظره ...
استحيت منها وهيه اكبر مني . سوت الها وجهه . وبلشت بشعري كالت شتردين يا لون .
اني بوقتها اختاريت الاحمر وردت اغير فكالتلي ١٦٠ الف لان شعرج طويل وثابت ...
اني قبلت : هاهيه بكيفج سوي ....
هنه كملن حفافه وراحن كبلي واني ضليت يم ام الصالون لمن كملت كالت اليه ام الصالون على اديان : هاي حماتج مبينه صعبه كلش مو مثل ذيج ...
كوثر : اي هيه حتى بلحقيقه صعبه ههههه ....
كملت الشغل وخابرت عادل يجي عليه .
بلطريق كتله سويتلك احمر . وهو يطفر ميعول شوكت يوصل للبيت ويشوفه . رجعني لبيت عيالي
اول ما طبيت تلكتني ام عادل : اييي تردين تاخذين عمو البيت وتهجين تريد تاكلين بحلاله من هلفج لهلفج . متستحين على روحج حلالج ومالج بس للصالونات والمكياج والزواكه ....
كوثر : شنو عمه شكو شنو هلحجي وبعدين زوحي وراضي قابل اني طالعه بدون شوره .
ام عادل سكتت ما حجت بس اني شويه ضحت هيج منها بس عفتها تلغث اذا الكمر يمي شلي بلنجوم .
رحت شافن البنات شعري وتعحبن عليه واني مرفت صديقتي شاورتها :ولج حتى ام الصالون كالن على اديان مبينه عصبيه ههههه ...
مرفت : ههههه انشهرت اديان .
بس هلحجايات حجينه بيهن ما تنفسنه بغيرهن شو من رحعنه بلليل اجتي ام عادل وهيه تصيح : اني عندي عتب .
واريد اروح اعتب ام الصالون شبيها بتي وتحجن عليها ...
ضليت متفاجأه من تصرفها : لا عمه والله جانت تشاقه وحجتها بحجه شقه ....
ام عادل : لاااا انتي لان شفتي عادل ينطينه جم فلس كتلتي نفسج كتل ادري بيج .
كوثر : عمه والله حتى ما ادري بي ينطيكم . والله العظيم . واني شعندي وي اديان . وحتى فشله من ام الصالون شكول الها بعد لا ترحين الها ..
ام عادل : لا اريد افضحج اكول باكت ابني وطلعته من بيته وهسه تريد تاخذه من عدنه لان كايم بواحبه علينه ...
كوثر : خاله والله اني ضد السفر وهذا عادل كدامج واسالي .
عادل : يوم شهلحجي هذا . هيه اصلا مموافقه ع السفر ...
ام عادل : ايي مسوتلك سحررر مثل امها ماخلت بنفسها واحد ثنين رجوله تلعب ع الحبلين
كوثر : التفتت لعادل : عادل احجي وي امك كبل لا يتحول النقاش لغير موضوع . وعفتها ودخلت . واني احس كلبي بي نار . واسمها تكله دير بالك على روحك تره بس يصير بيك شي تاخذ الها واحد جديد ...
شاطت اعصابي واني احس روحي تريد تنتهي من وره حجيها طلعت الها بحركه كلب : اطلعي بره يلاا . هذا بيتي الي ميحترمني ابيتي شعنده جايني ....
ام عادل : اطلع بررره ... اطرديني .... شوف عادل مو كتلك اضغط عليها يبين معدنها شنوووو ...
خو طردتني قصص وروايات عراقية كرار صلاح ...
عادل : يوووم خل ارجعج للبيت واني وياج باجر نحجي ...
اخذها عادل ورجعها واني نااار شابه بكلبي . لحد ما رجع شافني منهاره وعيوني متروشه دمع لزم راسي باسه وكلي : حقج عليه واني اسف . هيه ابيتج ميصير هيج تحجي ...
كوثر : يعني لو البيت باسمك ؟؟ يصير هيج تحجي ؟؟؟؟
عادل : لا طبعا اني اقصد انتي ام البيت سواء كان بسمي او اسمج بس هلحجي خطا وهيه انقهرت لان سمعت بيه اريد اسافر ....
كوثر : اييي بلاها هلسفر بلاااا
عادل : اذا مترحين وياي اني اروح وحدي ....
كوثر : شلوووون ؟؟؟
.
.
.
*ارجوا عدم أستخدام شخصٍ ما لنسيان آخر. ♥️♥️

يتبع..

2012 -


#بارت44

___________

صرخات تقطع الانفاس تبشر بالام الولاده . رايحه جايه رايحه جايه غريبه بدوله غريبه محد وياي بعد ما افلس عادل بلبورصه ونزل قيمه السهم وخسر كل الفلوس .
لحظات ودخلت وبعد ما حسيت بلدنيا طشت لو رشت . وبده البنج يسري بنفسي وبدمي وماكو غير بس ادعي الله ينجينه من هلمحنه هاي الي احنه بيها صفينه بلشوارع .
بنفس اليوم كعدت ولكيت بحظني بنيه معانيها تشبه معاني ساره اختي وامي هم برصه وبيييضه ثلج . عكس حياه الي ماخذه معامي ابوها.
فرحت كلش من شفتها .
لكيت بس عادل واكف يمي .
وكلي حمد الله ع السلامه ....
كوثر : الله يسلمك .
شسميتها ....
عادل : سميتها نور حتى تنور حياتنه ...
باوعتله بعتب : شلون بينه عادل شراح يصير ...
عادل : دير بالج يمتوده الطفله سبيعيه وخاف تموت .خمش كلبي من الخوف على بتي واني اذكر سبب ولادتها جان فرفحتي بخساره عادل الفلوس . وفوكاها اباوعله ممهتم . بدت النار تاكل بكلبي .
باوعلي.بعيون راجيه : اكلج كلتي لامج ادزلج فلوس العمليه وين صارت شو لسا ماكو ....
كوثر : اني وين وانت وين يا عادل لو ما جيبتك لهنا جان مصار بينه هلشكل ونحتاج من فلان وعلان ...
عادل : امج مو غريبه واني بس الله يرزقني ارجعهن ...
كوثر : شترجع عادل شترجع . بس فهنيي . اذا الدينار الكويتي يعادل ٤ الاف الدينار العراقي يعني المليون يصير ٤ ملايين . شفايلتنه هسه هلمصيبه الي طحنه بيها ....
عادل : شبيج كلتي راسي اكل . شنو محملتني جميل شنو القصه هنه جم فلسس ...
كوثر : جممم فلسس عادل صدك تحجي .
عادل : شو انجبي واسكتي . هاي عود ستوج طالعه من العمليه بالعه لسان مسجل ...
كوثر : هيج صار الحجي عادل صرت هسه بالعه لسان مسجل . انعم الله عليك ....
عادل : بدل لا تكول رجلي واوكف ويا واساعده ...
كوثر : شنو النوب ابيعلك كلياتي لو ابيعلك بناتي ؟؟؟؟
عادل : اكلج تمسلت لتمسلتين . وهاج التلفون خابري امج خل نطلع من الخره المستشفى ....
كوثر : نطلع وين نولي بلااا هم نروح لبيت ابو صبري النصاب لو شنسوي قصص وروايات عراقية كرار صلاح....
عادل : لا لكيت واحد دبرلي لجوء لامريكا وراح نطلع ...
كوثر : تهريب ؟؟؟؟

عادل : لا هجره قانونيه . ليش تهريب بس يحتاج فلوس ....
كوثر : يلااا منين تجيب فلوس ؟؟؟؟؟
عادل : اي دساعديني شبيج ؟؟؟؟
كوثر : بشنو اساااعدك فهمني ...
عادل : خابري ابوج خل يحول النه ٢٠ مليون ....
كوثر : والله لو اموت ما اخابره تخبلت انت لو شنووو .
شويه وخابرت امي وكالت وديت الكم فلوس وضلت امي تلح شسوين بيها شنو فلوسكم وين شصار بيكم . كأنو كلبها يعلمها .
ما كدرت استحمل بجيت : خسر عادل كل الفلوس .
ليلى : شنوووو والله عرفته والله عرفته رجال ميستقر ويكعد وضيفه وبيت وسياره ومرتك وجهالك شتريد بعد ...
كوثر : والله ما ادري ماما هسه احاجي ولا كأنو رشر ديحجي ويا خبلني واخر فلم يريد يسافر لامريكا ...
ليلى : شنو هلخرابيط هاااي شنو يسافر لامريكا . هيه شنو هيته ويسافر الها . ارجعي اني اكل لابوج خل يرجعج ...
كوثر : لاا حبابه لتكليله .. وعادل وين يضل ...
ليلى : خل يسوي صرفه لروحه وين يضل ليششش عيج ٢٥٠ مليوووون شالهن وشكرهن بلكاااع ليششش من الله لا ينطي ...
كوثر : لتدعين عليه حبابه ماما ...
ليلى : طبعاااا الفوس ما واجعه كلبج . لو واجعه كلبج ما هيج صار . اريد اعرف الانسان شيريد الله هيالك مره تحبك وبنياتك وبيت وسياره ووضيفه ومحل متاجر ليششش ادوس بنعمتك ليششش ما اعرف ....
كوثر : هاي بعد والله مدري شبي حتى اني ىاح اتخبل تكولين عادل مسحور مو طبيعي ....
ليلى : كله منج شرتيني وكتلج لترحين ويااا . سالتيني وكتلج يوم هاي ضربه حظ واكيد يخسر . ورحتو رحتووو وضلت امه تهيع كدام العالم كوثر باكت ابيني وشردت عبالك ابنها ديرضع ممه . بس شسوي للفكر يضل طول عمره فكر ...
كوثر : هسه شسوي ماما ....
ليلى : اذا تسمعين حجايتي اخابر ابوج اخلي يرجعج ...
كوثر : لاا. خل اشوف وين تصفه واخابرج .
شويه واجه عادل : يلا يلااا امي دفعت الفلوس خل نطلع . يلا بسسسرعه . طلعت ويا واني عمليتي بعدها خظره ولمها قويه . وهو ماخذ سياره من ابن عمته النصاب .
سفط يم بيته وكلي حظري روحج اني راح اروح لامريكا ...
كوثر : وحدك ...
عادل : لا اخذج وياي . وهناك قدمت ع الضمان واني عاطل عن العمل والعراق بي اضطهاد اليه .
كوثر : ايي مبارك . وهاي هيج بين يوم وليله طلعت ....
عادل : لا دفعت الفلوس ....
كوثر : يا فلوس منين جبتها ...
عادل : بعت المحل ودزولي فلوسه ....

كوثر : شنو بعت المحل يا محل و منو دزلك فلوسه ...
عادل : محلي غير ؟؟؟ اخويه دزلي فلوسه ....
كوثر : شنو عادل غير احنه بعنا كله سويه . مو هو جان بسمي وبعنااا بعد شنو هلحجي ....
عادل : امشي واسكتي بعته وهاهيه .. مجنت ماخذ فلوسه ضامهن ...

كوثر : شنو ضامهن ؟؟؟؟؟ وين ضامهن ...
عادل : لتحجين حجي زايد ...
كوثر : عااادل اريد افتهم رسيني ع بررر ...
عادل : شبييييج تنغطين . بت الكلب خل نوصل وانغطي ع راحتج بت المطي امشي يلاااا .
كوثر : هاي عليمن تغلط عادل . صدك تحجي انت . شنو شبيك تخبلت ؟؟؟؟ عليمن هلغلط هذااااا ....
عافني وراح واني غصيت مدموعي : لاااا ابد مو هذا عادل والله هذا انسان ثاني . مستحيل الحجي الي حجا هسه حجي عادل قصص وروايات عراقية كرار صلاح.
شويه ودخل عليه : اني اسف واعتذر ...
وخررر عني . اسسسف حطها بجيبك . وخررر اني اليوم ارجع للعراق مستحيل بعد اضل وياك . انت اكبر كذاب شفته بحياتي .
عادل : اني اسف وحقج والله حقج وحقج والله بس مدري شصار بيه ....
كوثر : اريد اعرف شغله الفلوس شنو ...
عادل : الفوس مو فلوس المحل . فلوس رجال اداينتهن منه وراح ارجعهن ...
كوثر : بس اسمعني وافهمني : ووولك شترجع منيلك وترجع ...
عادل : لتسالين خل نوصل لامريكا وهناك كلشي اسولفللج
كوثر : ما اتحرك خطوه وحده اذا متسولفلي ....
عادل : اخذت هروين من واحد تاجر مخدرات بقيمه ٣٠ مليون كويتي اذا ما رجعت الفوس يكتلني . واني انطيتهن عربون وصولي لأمريكاا
كوثر : لااااا عادل لتحجي هيج مروووتك الله يخليك . شنو هذا حجيك ....
عادل : باجر اطلع وي اول طائره وانتي وياي . لان اني مم ع اللجوء من اول ما اجيت . فاذا مترحين وياي اروح وحدي لان اني بكلا الحالتين ميت ظظ.
كوثر : وعمليتي عادل اني البارحه طالعه من المستشفى . وين اكدر امشي ....
عادل : تره حتى ابو صبري ميدري اذ١ا يدري راح نسافر يبلغ علينه صاحب الكار . لان هو ضمني يمه ...
كوثر : وشنسوي هسه والله ما اعرف .
عادل : باجر تتخربطين واخذج وياي للمستشفى وتعوفين شكو شغله وكلابس الج هنا . بس تاخذين كم غرض وياج حتى لحد يحس ...
بده الرعب يدخل كلبي اني اسمع عن تجار المخدرات والقتل بس عمري مشايفه ابد . وبلاخص عادل الي ميحل رجل دجاجه شلون خطط هلتخطيط ما ادري
طلعت ثاني يوم مثل ما وصاني كدام ابو صبري وعلى حجايته كلت العمليه مالتي مأذيتني واريد ارحع دكتوره ...

وعادل اخذني وسحلني سحل للمطار . اني امشي واتلفت ياربي شراح يصير وشنو معقوله عادل مرتب الامور وحده والله ما اصدك .
رحت ارجف وصعدت بلطائره ارجف . لحد ما باوعلي وضحك . شبيج خلاص هاهيه خلصنه من الهم ...
ما انتبهت لروحي لحد ما صعدت بلطائره . واني اباوع لعادل فرحان ويضحك . امي شجاي اسوي . عادل وين تريد نروووح فهمني يمعود ....
عادل : وصلنه حبيبتي راح نوصل
.
عقلي مجاي يستوعب كميه الضغط الي ديصير هسه . ولا دا اشوف تصرفات عادل طبيعيه وهذا الي خلاني ابدي اخاف بس بنفس الوقت اذكر سنتين عشتهن ويا ملكه هسه شبي ؟؟؟؟ ما ادري ....
بقلق وخوف نزلنه من الطائره واني خايفه لا واحد يجي ويكتلنه وخايفه على بناتي . يمشي بيه عادل واني خواصري يموتني .
عادل فدوه بطني تموتني والم مو طبيعي ....
عادل : شبيج يا عيني دستحملي علما تلكه شقه ....
كوثر: عادل حباب الزم نوره والله راح اطيح ....
عادل : اي جيبيها . اخذها مني وخلاني بمكان وراح واني بطني تموتني والم يصيح عليه . وررررراح لحد ما حسيت امعائي رادت اطك . اول ما وصل صيحت عليه : ووووين جنت عادل صدك تحجي بهذلتني تبهذل وهاي بتك بعدها صغيره والثانيه ترضع وانت تدري حتى خياطاني بعدهن ملاحمات ارضع بنص الشارع ؟؟؟؟
عادل : اي لكيت شقه هسه اخذج واروح ...
كوثر : انت شنو تعرف تحجي انكليزي ؟؟؟ عادل لتخبلني . شنو هلحجي وين شقه الي اجرتها . تره تصرفاتك مو طبيعيه ...
خابر ساره . عفيه . خل ادزلي رقم يزن ...
عادل : لتخليني اسبج واسب يزن هسه امشي يلا ...
كوثر : عااادل شبيك هيج تحجي تره والله هسه املخ روحي كدام امه محمد ...
عادل : هو هنا امه محمد . ديلا امشي ...
كوثر : خابر ساااره اذا متخابر ساره ما اتحرك خل اطمنهم عني ...
عادل : لمن نوصل للبيت امشي يلاااا ...
عليت صوتي حيل : خااابر ساااره دا اكولك لو والله هسه افضحك هناااا خابر اميييي .
ضل عادل يشتم ويغلط عليه واني احس كلبي نار هذا الرجال مو طبيعي ابددد . واني ضليت مصره ع موقفي : اذا متخابر امي ما اتحرك ...
وهو ضل يصيح ويشحرج لحد ما خابر ساره وانطاتي التلفون احجي وياها : ها ولج شلونج ...
كوثر : دزيلي رقم يزن ...
ساره : شسوين بي ...
كوثر : دزيليا يلاااا وبعدين اكلج ...
ساره : هسه غير تحجي كلبي كام يلعب ...
كوثر : ولج دزي لتشلعين كلبي ساره .
ساره : يلا يلا هسه ادزه وعود خابريني لتخليني هسه كلبي يلوج .
كوثر : تي ان شاء الله .
اول ما لزمت التلفون ووصلت رسالتها . خابرته وعادل يباوعلي وعيونه يبثن شر ...
كوثر : يزن اني كوثر ....
يزن : اي اعرف صوتج ؟؟؟ رقمج امريكي انتي وين ...
كوثر : اي اني بامركيا ...
يزن : شلووون ؟؟؟
.
.

.
* • حبني بـ عناديّ وزعلاتي الـهوايَه .
_

يتبع..
من هذا البارت راح تتحول القصه
الاستاذ هو يزن وراح تتحول مجرى القصه كووولها عليه .
الله يرحم سلمان ولواء وسوزان والعلويه ام تحسين والسيد .
طبعا اسمائهم حقيقيه كولهم . تحياتي للجميع ....

اما بلنسبه لمنصب جاسر : خو تعذروني ما اكدر اكوله بس مو سياسي . بلدوله بس مو سياسي .

2013 -


#بارت45

______

يزن : اول ما رفعت الخط وسمعت صوتها ميزته بي شبه من صوت ساره بس الرتله مموجوده دقايق وحسيت اني اخلم ع كد ما افكر بساره .
باوعت للتلفون والمعرف موجود الاتصال من امريكا ...
كوثر انتي وين ؟؟؟
كوثر : يزن اني بامريكا اجيت اني وعادل ...
يزن : وين انتي ؟؟؟
وصفتلي المكان الي هيه بي بعيد عني كلش هواي . اتصلت بظاهر بسرعه : ظاهر جذب مدري صدك . بس كوثر بامريكا ...
ظاهر : ههههه لاااا كول غيرهااا....
يزن : والله العظيم اتصلت بيه وانطتني رقمها . وانت اقرب عليها روح عليها .
ما صدك ظاهر يسمع هلخبر كأنو حان متمني اليووووم قبل باجر . وراح الهم .
___
كوثر :
_

تصرفات عادل جانت تخليني اشك بي مو طبيعيه وهو بنفس الوقت عصبي واحس هلعصبيه الها سبب بس شنو ما اعرفه . معقوله سنتين عشت ويا خداع وغش وكذب ...
عيونه هلايام يحجن غير حجي ...
سويعات جانت معدوده حتى وصل ظاهر كدام عيوني واني اشوفه يرجف بطوله : هااا سلام عليكم ...
سلمنه اني وعادل عليه وسالته عن يزن : يزن وين ...
حب يشاقه ظاهر
ظاهر : هااا طارت العمووو .
قاطعه عادل وهو يكله : يلا تعالو للشقه ام حياه لساها طالعه من العمليه ....
التفتت ظاهر وهو يتحسف على حب كلبه الي تركه وهو يشوفني شايله ثنين جهال باوعلي وكلي : يزن هسه عنده محاظره شويه ويجيكم .
انطلقنه اني وعادل ووظاهر بسياره ظاهر وهو ميعرف انو داهر جان خاطبني ورايدني قبل بساع ...
ظاهر: شنو اجيتو هيج سفر لو شنو وشعجب ؟؟؟
عادل : اي اجينه اقامه ....
ظاهر : اقامه ؟؟؟؟!!!!
شلون اجيتو اقامه وشطلعها الكم . شو يزن ممبلغني بهيج شي .....
عادل : لااا يزن ماله دخل طلعها اليه واحد صاحبي من جنت بلكويت .
ظاهر : يا كويت هاي كول غيرها يمعوده ؟
عادل : اي موانطيت فلوس ....
كوثر : جسيت باضطراب حجج عادل وكل شويه يطبع بفلم ساعه يكله طلعتها من الاردن وساعه انطيت ٤٧ ورقه ع كل نفر وطلعولياها وساعه يكله صاحبي طلعها اليه يصير اقرباء السفير الامريكي . وظاهر كل شويه يحصره بزاويه ويدبر جذبه اكثر . عرفت ظاهر مراح يرادد ويا لان عادل مبييين جذبه ميحتاجله مجهر . فضليت متمسكه بحلي الوحيد يزن لان ادري بي ميجامل .

انطه عنوان الشقه بورقه لظاهر وكله هنا بهذا المكان . عيون ظاهر صارت عليه من مرايه السياره وكأنه ينذرني بخطر راح يحل عليه . ما حجه ويا طووول الطريق لان حس اكو شي مو طبيعي . وبعده طول الطريق ساكت والارتباك باين على عادل وهو يهز برجله وهو كاعد .
يسوق ظاهر وكلماته الي ميكدر يحجيها علناً حجاهت بعيونه . واني فهمته وعلى ما اتوقع فهم ردي عليه .
وصلنه للشقه ونزلنه وساله ظاهر : انت شعجب اجيت لأمريكا ؟؟؟
رد بكل سذاجه : يمعودد نخلص من العراق بس الهم ...
ظاهر : اهااا . لازم تعرف احد بأمريكا .
عادل : هااا اي يعني معارف من طرف ابويه .
ظاهر : اي خوش هم يفيدوك .
.
شويه وبدت المكالمات تتراكع على ظاهر والي عرفته هو يزن لان كله يازي . تحولت لغه ظاهر للغه الامريكه بسرعه وكأنه يزفله خبر مشؤم وما اعرف شنو هوه ...
.
.
اول ما دخل يزن . طب ودنك من الباب بطوله الفارع شفته كام كلبي يجف ارتميت بأحظانه مثل الطفله : عموو شلونك .
شبكني وهو يكلا : يااا اهلااا بلخاتون نورتي امريكااا يابه امول اليوم الشمس مبينه اثاري كوثر منور امريكا .
وي احتقان عادل الي شافني ملهوفه على جيه يزن زاد باضطرابه وهو يكلي بصوت ناصي روحي طبيي جوه .
كوثر : اي هسه خل اسلم على ابن عمي شبيك ....
عادل : روحي طبي لتخليني افشلج كدامهم .....
.
طبيت حوه واسمع حجي يزن وهو يحازل يسحل منه كلمه كلمه بدون ميحس ...
يزن : اي شلونكم شخباركم ؟؟؟ شعجب قررتو تحون لامريكا . .
عادل : عاي بعد والله ضروف صعبه ....
يزن : اي صحيح . عاشت ايدك والله خوش خطوه . واحد شغنده ضال بلدول العربيه بس التهجول ...
عادل: والله شبعت ضيم ومرار ومن فكر لفكر . ....
يزن : قدمت من الكويت على لجوء ؟؟؟؟
عادل : والله واحد صاحبي قدملي على لجوء وكال انطي ع اانفر ٤٧ ورقه والحمد لله رهمت ...
يزن : اهااا اي الحمد لله ...
دام عندك واسطه مطلع النه حرب اخويه . تدري انت شلون جاي اتمرمر ويا وفايله مجاي يطلع مع العلم قدمتله من الاردن . حتى بلقنصليه العراقيه هم ذبيت فايله ....
عادل : اي والله خطيه اكله ليش لااا . بس ياخذون فلوس ....
.
ضل يزن يستجوب عادل وعادل يجاوب بحذر وخوف وكل شويه ضاكنه يزن بسؤال وهو يتهرب منه لحد ما ساله : شكد ايجار الشقه . عاشت ايدك لكطه وين لكيتها ....
عادل : هههههه تره مجاي تحقيق اني ....
يزن : لا والله مو تحقيق بس صعب واحد يلكه شقه مباشره اول ميجي لأمريكا . وانت مدبر امورك ..

.
.
.

ترخص يزن وهو يكول تعالو يمنه زورونه وانطانه العنوان وراد يروح هو وظاهر يلم عليه ويزن يضحك ويشاقه وي عادل ولاااول مره هيج يسوي ما اعؤف شنو السبب .
على اعتاب الباب وجهله سؤال : زين هسه شناوي تشتغل ؟ دير بالك كون شغلك قانوني وبعلم الحكومه تره تنسجن اقل شي سنتين ..
عادل. : ان شاء الله اني ناوي اشتغل ....
يزن : اذا تحتاج شي خابرني . وكوثر هم لازم تشتغل احسن متضل كاعده بلبيت . التكاليف بامريكا متعبه ولازم المره تساعد الرجال بلعمل ..
رفض عادل هلحجي وكله : لاا خل تربي جهالها بلاول . خل تكوم من عمليتها هسه والله كريم ...
يزن : كوثر تردين دكتور اخذج لا ...
عادل : لا اني اوديها اذا احتاجت شي
وطلع يزن وظاهر وصفينه بلشقه بس اني ويا . وهو يسألني : متستحين شنو ذبيتي روحج بحظنه لا غيره ولا غرغره . ادب سزز وما مربايه ...
تجاهلت حجيه الي انبره نابع من غيره واني اشوف وضعه مو طبيعي وسالته : عادل اني صارلي اشهر بلكويت وياك وتصرفاتك ابدااا مو طبيعيه . من بدايه حملي بنووور وبساك معاجبني . تغلط وتصيح وتحجي ولا كانو ذاك الرجال الي يموت عليه واكعد من النوم الكا مسوي الريوك ..
عادل : اي شهر العسل خلص . وبده شهر البصل ...
كوثر : صارحني وحاجيني اذا متحبني اطلع من حياتك نهائيااا . عادل ليش هيج تسوي وتحجي .
عادل ضل يكفر ويصيح ويحجي : شتريدن رجال مشغول وصعوبه وضع دا امر بي خسران فلوس ...
كوثر : خل تولي الفلوس فدوه والله يعوضها . بس فهمني شبيك ؟؟؟؟ وينه عادل الي جان يخاف عليه من ضربه الشمس وينه عادل الي جان مينام اذا ميبوس ايدي . وينه عادل الي جان راسملي نزار قباني ووووينه .
عادل : شمسووويلج هسه شمسويللللج ...
كوثر : طلعنه اني وياك مثل الحراميه وتدري لسه مشايله خياطاتي . والم العمليه ابطني . عادل مول غيرهااا . انت الي جنت تخاف عليه اشر الملابس بوقت الضهر تريد هسه اصدك هيج مستغني عني بدون سبب ؟؟؟؟
.
كلمات عادل وحججه الواهيه بانو طلع بهجره غير شريعه ودفع فلوس . ومرات يكول لا طلعت بحجه شرعيه وناوي اكسر الفيزا واضل هنا شغل . ومره يكول طلعت بعقد عمل لمده ٥سنوات . حججه الواهيه خبلتني وصرت اشوووفه عباره عن شيطاااان كدامي . خبلني جذبه خبلني .
.
.
.
يزن ::::
_
الكلاام وااااضح وميحتاج اي دليل عادل كذاب جدا . اما مهرب وتجه مثل ميكول تهريب واذا هيج معناتها كوثر وبناتها بخطر اووو يشتغل وي الحكومه الامريكيه وهلشي مصيييبه بحد ذاتها . بس اذا فعلا صحيح منو مستهدفي منعرف ....

.
مرت الايام واني اتحين الفرصه للقاء كوثر . واشوفه اببدد ميتكرها . او حتى يخليها تجي النه . مع العلم هواي راحولها وبلاخص ظاهر الي جان مرابط على بيتها . كل شويه : خاف كوثر محتاجه شي .
سألت عن هجرتهم . وكالولي طبيعيه ١٠٠% وما بيها ذررره خطأ .
زين شلون طبيعيه وبتها ستوها جايبتها ؟؟؟؟ هذا الي جان مخبلني .
وبس احاول اخذ كوثر وابعدها عنه حتى لو جان الثمن اطلع من امريكا وما ارجع الها مره ثانيه .
اما ساره الي رادت تنجن هيه وامها وحتتتى ابوها جاسر من عرف سفرهم . وصلتلهم شكي ناحيه عادل واستنتج جاسر : انو هو المستهدف من هلعمليه وجان الثمن بنته ....
وضل يحل على رجوعها بكل طريقه حتى لو يعرف تترك بناتها وهو يكلي : يزن رجعها وارجعو هناك اخطر عليكم بعد صار الوضع خطر ...
يزن : ماكو شي ان شاء الله لتخافون . ارجعها بس بعد متعرف حقيقته هيه لان هسه صعبه عليها وخاف تتخبل .
........
كوثر ....
_
صعوبه الايام دتمر عليه واشوفه كدامي سارح وهو يكلي : اريد ارجع للعرق ...
كوثر : مصار السنه شهرين من اجينه وين نرجع .
عادل : هلاسبوع اني راجع ولازم ارجع ...
كوثر : شكووو ترجع وين نكعد فهمني ووووين ...
عادل : حبيبتي بس فهميني . نكعد ابيت ابوج فد جم يوم علما الله يحلها ...
كوثر : اكلك شنو انت اشو استهلست هااا شنو تكعد ابيت ابويه . عااادل يمعود صدك تحجي جذب ...
.
رجع عادل يتمسكن وهو يدافع عن قضيته بكل اخلاص ولازم يبدي من اول وجديد وهاي غربه والغربه مو حلوه . وي رفضي القاطع لتصرفاتي الي ما عادت تاكل وياي نهائياااا ....

يزن : تركت امريكا وتوجهت للكويت عندي امل راح الكه شي يخص عادل ولو شي بسيط بمساعده اصدقاء جدي سلمان ولواء الموجودين بلكويت . حتى احدد هو شنو وشراح يكون دفاعنه ضده . وتركت كوثر بيد ظاهر وروحت اسال عن اذا ما كان عادل جاسوس لو مهرب محترف .
_______
كوثر : تسمتر الايام وطلعات عادل بره البيت الي زادت عن حدها وسفر يزن خلاني وحدي ضعيفه بدون اي سند اليه .
وكل ما اسأله : يابه وين دتسهر ؟؟؟
عادل : وي احسان ....
.
مرت الايام وصار احسان (جارنا بلشقه الي مقابيلنه ) منفذه الوحيد كلما اساله وين جنت تأخرت يكلي وي احسان .
احسان رجال عراقي جاي وي جماعه رفحاء حسب ما قال يعني .
تعرفت على زوجته بلصدفه وجانت وجهه ثكيل . سلمت عليها وجان عندي غرض من طلب صداقتها .

اريد اعرف اذا جان عادل يجذب عليه لو لا .

واكثر من مره رحت عليهم وضليت كلما اطبخ اوديلها وهيه هم توديلي لحد ما مره من المرات كالتلي : اشتري ملابس نوم حلوات . روحي للجيم شويه كصي شعرج غيري ....
كوثر : شبي جسمي تره طبيعي يعني مدا اشوفه اوفر وبس كرش صغيره مال ولادات ولتنسين اني عمليه وعادل ميقبل اطلع ...
مرة احسان الي اسمها انمار : اي بس لازم اامره تغير شويه حتى الرجال ميمل ....
كوثر : منو كلج عادل يمل بلعكس عادل اصلا يحبني ويموت عليه وهو بعضمه لسانه كلي : جسمج وشكلج حلو . تدرين اني اخذته عن حب ..
انمار : والله اني انصحج نصيحه واذا متتقبلين بكيفج ...
زاد شكي بكبامها بضل غياب عادل المتكرر .
كوثر : اكو شي ؟؟؟؟ سامعه شي ....
انمار : شنو سامعه شي ام حياة رجلج كل يوم جايبله وحده ابيتي ....
كوثر : شلووون شلووون ؟؟؟؟ شنو هلحجي هذا عادل مستحيل يسوي هيج وانتي دتكذبين ...
انمار : ام حياه اني كتلج اريدج تشوفين جاره لروحج قبل متصيرين بلهاويه واداركين روحج واني صراحه هم اخاف على زوجي ....
كوثر : كذب كذب الي دتحجي كذب ... ما اصدك انتي براسج شي .
كامت انمار تريد تطلع وهيه تكول : براحتج بس الي عليه اني قررت أجر شقه ثانيه لان ما اريد هلوصاخه ابيتي ...
كوثر : وانتم شجابركم تتحملون عيني هلوصاخه ...
انمار : تدرين بيه معندي اطفال . واخاف احجي وي زوجي ليتزوج عليه . مخليني ساكته عن القرف الي ديصير . بعدين مسألتي روحج زوجج منيله فلوس ؟؟؟
رادت اطلع واني صحت وراها : تعالي ممكن تفهميني ؟؟؟ منيله فلوسه ...
انمار : ما اعرف اسالي انتي ؟؟ زوجي لو زوجج ...
...
تركتني كوثر بين ذهول وصدمه ما مصدومه مثلها . الانسان الوحيد الي حبيته وضحيت على حسابه . الانسان الي قررت انشيء ويا حياتي وابنيها طابوكه طابوكه يدور نسوان وتمويله ممعروف . ختين ناكره العشره . باعني برخص .
بجيت حد ما طكن عيوني وحياه ونور صغار اشوفهن كدام عيوني . تعبي وحياتي كله راح هدر .
والحب ويننن. ووووين الحب وووين . وووين راااح ردت اتخبل .
شويه وطبلي واجهته بحماقه مني وصوت عالي : عااادل فهمني الححي الي ديحجونه عنك الناس يوميه وي وحده صح لو غلط ؟؟؟
عادل : ياا حجي هذا هاا فهميني يا حجي ؟؟؟
ضليت ابجي واملخ بوجهي كدامه ولعله يتصدق على وضعي ويرحم عذاب كلبي الي بده يتكسر شويه شويه : كولي متجيب نسوان وتروح لبيت احسان الله يخليك . كولي الناس تتجذب .

تقربت عليه ولعلي اجد به حبيباً ولعلي اجد به زوجا . انفاسي قريبه على انفاسه : كولي هلشفايف مباست وحده غيري . كولي هلعيون مشافت وحده غيررررري . كوووولي صنتج مثل ما صنتك من كل بشر وما حله كدامي خيال رجال غيرك . كولي لساك تحبني مثل الاول ....
ارتعد واصفر وجهه وهو يشوف علامات الانتكاسه بوجهي صايره : مالكه غير ماكو شي جذابين هسه راح اروح العب بيهم فلم ....
مسحت دموعي بوهن وقهر وسحبت ايده وكعدت ويا ع الكرسي : كولي اكو شي معاجبك بيه . كولي واني احاول اغيره ...
عادل : بابا اصحي شبيج دا اكلج يجذبون والله ....
كوثر : هاهيه اني مصدكتك . بس قهمني منيلك فلوس هاي الفتره كاعد وتصرف . وانت لا شغل ولا عمل ....
عادل : اكلج الصراحه بس متزعلين ...
كوثر : كول وفضني ...
عادل: اني ما خسرت بلمناقصه ولا دخلت بيها هم . الفلوس جوه ايدي وحطيتهن بلبنك الامريكي ...
كوثر : لعد ليش تكول خسرت . عادل تره اني مرتك وحبيبتك . الشي الي يضوجك يضوجني والشي الي يفرحك يفرحني . واعتبر هلشي سوء تصرف منك
.. وهلشي محبيته . اني فضلتك على كلشي زانت كلاواتك اطب منا وتطلع منا ...
.
كان هذا اخر نقاش بيناتنه ومحاوله عادل لاقناعي بحسن تصرفه وهو راد يبني شي جديد ويسجله بأسمي وادعائات هواي اكتشفت بعدين كلها عاريه من الصحه
وافق اروح للجيم وابدي بلتمارين رياضيه ومخليه بناتي بحظانه قريبه من اخلص اخذهم واروح . وره طلعتي بحدود نص ساعه اجاني اتصال هاتفي من انمار تكلي : تعاي ارجعي شوفي زوجج بعيونج ...
عفت بناتي بلحظانه ورحت اركض مثل المجنونه تتسابق خطواتي وانفاسي تلهث . وحلكي يابس
خايفه لا يكون الي كالته انمار صحيح فتحت الباب ودخلت مثل السارحه ابيتي احس روحي غريبه عن هذا البيت واشوف عادل وي وحده قوقازيه ناصعه البياض شقراء
وهمه بفراشي . لحظات وضليت اصيح : عااااااااااادل ليششش هييييج عاااادل .
طفر من مكانه وهز يضرب بيه : جلبه حقيررره ....
صرخات كعطت انفاسي وهو يضربني حتى يداري خزيه وجريمته ينتقم من نفسه بضربي . وصرخاتي ودفاعي تن نفسي وحبي وكرامتي حالت دوم توقفني وحلفت اليوم لا هو ولا هيه اخليهم عايشين .
هيه شردت وهو ضل يضربي ويصيح : من حقي انام وي وه حلوووه مو اناملي وي هايشه بطنها مششكه جنها خريطه ....

فاض بيه الصبر وصار كلبي ينزف واني اشوف عادل صار عباره عن شيطان : وووولك منين بطني مشكككه غيرررررر من الام الولااااده غيييير مت الحبااااله مو هذوووله بناتك موووو هذووووله بناتك . ولك ليشششششش تخونييي ليشششش هاي تالي صبرييي وياااك .
وهو يضربني ويشك بملابسي ويصيح طلعي بررره
كحبه ساقطه سايبه . وطلعني بره واني حتى حجاب ملابسه وملابسي مششكه .
وكفت بلباب ادك بلباب واصيح : افتح الباب خل البس حجابي ... افتتتح الباب ...
فتحت الباب مره مسنه امريكيه وكالت : جميع العراقيين همج اذا متسكتون راح اتصل بلشرطه ....
بهلاثناء طلعتلي انمار اخذتني جوه يمها طلبت منها اخذ التلفون حتى اتصل بظاهر . واضطريت اتصلت بي . تعال اليه ظاهر حباب ...
ظاهر : شبيج دتبجين ....
كوثر : اذا اجيت لدك الباب تعال واني اشوفك واطلعلك كاعده بلشقه مال جوارينه ....
ظاهر : ثواني واني يمج .
دمعتي على خدي واني الجأ لظاهر من عادل واني الي عفته على حساب عادل .
.
.
.
" بدلًا من أن تُبادر بالهجوم على الشخص الناجح، بادر في أن تصبح أكثر نجاحًا منه... هذا هو الفرق بين (الحقد) و(الطموح)"
.
.
.
بقايا ضحيه



#بارت46
__

ظاهر : انطلقت بعلو درجات القياده القصوى احسب روحي مثل الغراب واريد احلق بشئم على صدر عادل واكل كلبه بسنوني مثل ما لزم كلبي وكطعه بثنين اديه .
.
تسوق بلطريق واشوف كوثر نزلتلي من الدرج تركض وحاطه ححاب على راسها . والكحله الممزوجه بلدموع راسمه تضاريس بخدها مو هاي كوثر الطفله الصغيره الي عمري كله اعرفها ...
مو هاي صاحبه القوام الممشوق الي تميزت عليه بين بنات عشيرتنه حتى فاقت اختها رغم ما حانت ساره اكبر .
وصلت لاخر بايه وهيه تستنجد بكلمات : حباب ظاهر خل نروح تجيب بناتي الله يخليك ...
باوعت الها بقهر : رجلج التحفه وين ...
اشاحت بوجها عني تريد تغطي عن الي صار : الله يخليك وديني خل اجيب بناتي .
صعدت وياي باسياره فجأه توقفت عن البجي كأنو غرورها يمنعها من البكاء كدامي . اسوق بلسياره وعيني عليها هيه حست بضعف ورغم هلشي تمسح بدمعتها الي كل شويه نازله على خدها . وكفت للمكان الي جانت مخليه بي بناتها واخذناهن ورحنه .
بنص الطريق سالتها احاول استفزها : ارجعج لبيت مسيو عادل لو لا ؟؟؟؟
جاوبت بكل غطرسه : ظاهر شنو ناوي تذلني ؟؟؟ لان اتصات بيك !!!!!!
قررت احرك كلبها بلزايد : لا مو هسه ناويلج نيه كشره بس مو هسه ..
جاوبتني بخشم مرفوع : وديني ع بيت يزن ...
ظاهر : نعممممم ؟؟؟؟
كوثر : ظاهر رجاءا ما عندي طاقه لهلحجي حاليا الله ينطيك العافيه بطل هلحجي احس روحي مشتعله نار وانت ددوس ع اعصابي ...
ظاهر : اوووي دا ادوس ع اعصابج ؟؟؟ عمت عيني عليج ...
بدت كوثر تبجي بهستيريا وتضرب بخدها وتصيح سوده بوجهي ع هذا الحظ الاغير . لزمتها من ايدها حيل ومفضتها : شبيج لججججج هاااا شبيجججج ...
كوثر : يا ريت ددتحس الي اني ماره بي هسه روووحي دتتكطع فالله يخليك نهائيااا مو مال حجيك فدوه روحك تعال وره سبوع يمكن تلكاني واكفه ع حيلي ...
ظاهر : ليش شصاير بلا ؟؟
كوثر : مصاير شي . ....
ظاهر : كوووثر شصاير ...
مو وياااج ؟ ليش متحجين ....
راح اضربج والله واكسرلج صف سنونج اججي لججج ....
كوثر : لو اعرف جان كتلك . الانسان الي عشت ويا سنتين من عمري يختلف عن هذا الانسان الي دا اشوفه حاليا ...
ظاهر : اي بعد احسن هو اني شريد ...
كوثر : استغفر الله يا ربي صدك اذا كالو كلمن همه شكل ....

ظاهر : اكلج شو انتي مبينه جنج ما كدرتي عليه اطلعين حركت كلبج بيه .. هسه شصار اريد افتهم طلعتيلي ملابسج امرعده وعيونج تجري وااحذاء تكرفين بيها وبناتج مهجولات عليمن ؟؟؟؟ هااا عليمن تريد اهرف شصار ....
كوثر : رجاءا ظاهر اذا صدك حبيتني يوم من الايام لتسالني شي الله يخليك ويجي يزن وتنحل ...
ظاهر : يعني انتي عبالج اني اشمت بيج لو شنو ؟؟؟ وتتوقعين يزن هو الوحيد الي راخ يوكف بضهرج ؟؟؟ تتوقعين راح اتركج يعني مثلااا . لو شمهما يصير انتي بت عمي الي ربيتها على ايدي ...
كوثر .
استحيت احجي الي صار واكوله جتبله وحده البيتي هذا الي ضحيت الدنيا كلها ع حسابه . درت وجهي للجامه وهو حس عليه كمل طريقه بدون ميحجي بس ريحه الجطايره عبت السياره : ممكن اطفي الجكاير بنتي صغيره متتحمل ....
طفاها وهو العصبيه تطاير من عيونه . وهو يكلي يلا ست الحسن انزلي وصلنه .
نزلت ويا واني امشي خايفه من عيون العالم . سألني : شبيج تتلفتبن مثل المطيرجي نزلي راسج وامشي ...
كوثر : ما اتلفت بس اخاف لا واحد يشوفنه ...
ظاهر : اييي وشيريد يسوي الواحد ... اشكه بلنص وداعتج . عرفته يقصد على عادل ....
كوثر : لا امن خلصت المهمه وياي وبعد ميكلبني ...

ظاهر : خوش بعد احسن . لو كايلي من البدايه جان اني انطيته فلوس وضربج بوري معدل ....
اباوعله اني محتركه بناااار ميعلم بيها الا الله وهذا فرحااان : هنيالك ع هذا الدم البارد . اي والله الف هنيالك . وهنيال حظي بهيج يوم يزن مسافر ...
سحلني من ايدي وطببني للبيت : طبي وانجبي بدل هلغوه الزايده ،...
طبيت ضليت متفاجاه فأني طول هلشهور الي موجود ما رحت لبيت يزن لان عادل ما جان يقبل .
باوعلي ظاهر وكال : لتخلين جهالج يخربطوم البيت تره يزن بي حاله نفسيه مال نضافه ...
كوثر : هو اني منيلي جهال تخربط . هيه بس حياه ستوها ادكش ونور هاي وياها ستوهي تتكعد ...
ظاهر : اييي خاف انتي توصخين البيت شمدريني انتي انكس من الطفل ...
كوثر : كافي ظاهر . انت شنو تريد تنتقم مني . كتفي الله يخليك ...
ظاهر : اي والله اريد انتقم منج . تقرب اليه بخطوات وبيده مفتاح البيت : هاج هذا المفتاح .
اخذت المفتاح منه سحب ايدي . لواها وخلاها وره ضهري وتقرب عليه
دفعته وخرر عني شدتسوي انت ؟؟؟؟
ظاهر : اكو واحد كلج الكحله متلوكلج ؟؟؟؟
كوثر : وخر ظاهر ....
بدت توقه قبض ايده واحس بده المفتاح ينبت بلحم اديه . نصه صوته وكال بصوت : سبحانه من خله امرج بيدي وشاءت الاقدار ترجعين واشوفج بعيني . هلحظه عممممري تمنيتها

كوثر : بلعافيه عليك لعد . همزين من شفتني مذلوله ومهضومه وراجعه مكسوره خاطر ....
ضربني راشدي حسيت عيني صارت دم من وا : هذا الج بمكان كل لحظه تعب عشتها واني اشوفج كدامي .
ضربني راشدي ثاني وهذا راشدي الج لان كالولي ركصتي بزواجي وما همج كلبي الي تفسر ابعدج ...
بدت دموعي تجري واني اشوف دموعه واضحه بعيونه وهو يضرب بيه ويحسب ونات عليه لخد ما شفته يدت دموعه تجري وصااااح : اااااخ يا بت الناااس شليتي حااالي وموتيني ....
نزلت اتوسل بي : الله يخليك روووح ظاهر ابوس ايدك روووح والله راح اموت ظاهر ارحم بحالي وخلصني . اكتلني واخذ روحي وخليني اموت وجفيني شر هلحياه العايشتها ....
عافني وراح وبحت صوته تمشي بخلايا دماغي . دموعي تجري واني اشوف انكسار حياه واضح على عيونها وهيه تحس بألمي رغم طفولتها .
خفت كلشش وره مراح ظاهر لميت علي بناتي وكعدت وحياه كافه وياي حاسه بلخطر القادم . رجع بيه الزمن للوره قبل ٢٠ سنه . بلحديقه ابيت جدي . واني اسال ساره عن الدجاجات الي ابيت جدي وهيه جاوبتني : هذني يردن يزوجن .
وصوت جدي سلمان وهو يأمر امي أمر بلزواج لو تتخله عنه وترجع لبيت اهلها ...
رجع بيه الزمن لقلق امي وخوفها وهيه لامتنه وتسال ساره : منيلج هلحجايه منين تعلمتيها منو كلج عليها ؟؟؟
وساره صافنه بوجها وخايفه . واجه الليل واشوف امي تبجي مقابيل المرايه حاطه راسه بين رجليها وهيه تبجي . دااار الزمن بيه وصرت نفسها عندي ثنين بنات حطيت وحده فوك الثانيه مثل ما امي حطتنه وبلتالي صفينه بدون رجال يحمينه ويحمي بناته .
على افكاري ودموعي الي ترسن وجهي وعيوني حتى ضليت ما اشوف بيها ونفس كعدتي طب ظاهر : هااا شو نفس كعدتج ....
كوثر : هاا خوفتني شوكت اجيت ...
ظاهر : جبتلج اكل لو متردين تاكلين ....
كوثر : ليش زحمت روحك . جان اني كمت سويت ...
ظاهر : انتي من عفتج لسا كاعدخ نفس كعدتج تردين اطبخين اكل . هسه اكيد بناتج جاعن ....
كوثر : رحم الله والديك . اني هم جعت ،...
ظاهر : يلا دكومي جيبي كلاصات وصبي الببسي حتى ناكل الفلات ...
كوثر : اي هسه .
رحت دورت لكيتهن مسطرات مثل مكال ظاهر . يزن مهوس بلنظافه ...
جبت كلاصات واجيت اني كوه تحط اللكمه بحلكي وخو ياكل بسرعه : متاكلين شبيج حلكج بي عظم ...
كوثر : اي جاي اكل ...
ظاهر : خابرت امج وكتلها كوثر تريد تطلك .
كوثر : لااا ليششش خابرتها . خطيه هسه تضل تحمس بكلبها ليششش حرام عليك .
ظاهر : ههههه اجذب عليج هيج اريد احرك كلبج ...

كوثر : شتريد مني وتحرك بكلبي ؟؟؟ مكفاك الراشديات هسه ما روه كلبه بيه ....
ظاهر : لااااا ابددد اليروي كلبي شي واحد وبس .
كوثر : موتي ... موتني والله موتني وخليني اخلص . بلكي اللعنه الي صارت بحياه ليلى متنتقل لحياتي ...
ظاهر : ها يعني بعد تردين ترجعين لعادل ؟؟؟
كوثر : لا ما ارجع ارتاحيت ....
ظاهر : فهميني شمسوي غير افتهم
كوثر : ممسوي شي .
ردت اضغط عليها ..
ظاهر : يجوز الصوج بيج ؟؟؟
كوثر : لا مو بيه ....
قررت العب وياها بمكر : اكيد اذا انتي بارده بلفراش اكيد ميكلبج ؟؟؟؟
كوثر : شنو هلحجي هذاااا . ظاهر شتحجي انت نسيت نفسك انت لو شنو عبالك امريكيه وتحجي وياي ؟؟؟؟
ظاهر : اي يا بت عمي غير تحبينه واحتمال الصلح خير . وهو اتصل بيه وكلي هيه غلطانه ....
كوثر : هو انصل بيك ؟؟؟؟ عادل يتصل بيك ؟؟؟؟
ظاهر : ليشش لا ؟؟؟ شنو كايلتله جان يحبني وميتصل ؟؟؟ اله اذا كايلتله جان يحبني بعد ميتصل ....
كوثر : مكايلتله ....
ظاهر : حرامات . ما خليتي لروحج متعه المطارده .
كوثر : انت عاحبتك هلعبه اني ما اهوي هيج شغلات ...

ظاهر : متشوفين نفسج فاشله . لا بيت ولا دراسه ولا زواج ....
كوثر : مو اني فاشله حظي وغبر ....
ظاهر : هو هاي حجايه شكو واحد فاشل بلدنيا يذبها براس الحظ .
كوثر : وهسه شنووو اني فاشله وغبره وما افتهم وغبيه . تريد شيييي ؟؟؟؟
ظاهر : اييي اريد فلوس التوصيله ...
كوثر : اعذرررني انطيت فلوسي كلهن لعادل ولغفني من هلفج لهلفج وما عندي ولا فلس هسه ....
ظاهر : اني موجود ادايني مني وانطي للسايق ...
بدت تبجي معلنه الهزيمه امام جبروتي وحركان كلبها ولعبي بأعصابها .
كوثر : كافي لخاااطر الله كااافي . والله بعد ما اتحمل . كاافي ظاهر ارحمني وجفيني شرررك ...
ظاهر : لتصيحين . واحجي بأدب . انتي مره والمره لازم يصير صوتها ناصي مو مسترجله ....
كوثر : اي اني مسترجله ....
ظاهر : روحي ع عادل استرجلي مو عليه ... ذاك عادي لان هو مره ...
كوثر : كااافي لخاااطر الله . خابرلي يزن اريد احجي ويا ...
ظاهر : صدك اريد اسألج . عود ليش تصيحيله عمو ...
كوثر : استغفر الله يا ربي . شلووون طلابه هاي ....

ظاهر : جاوبيني ؟؟؟
كوثر : استحي منه ....
ظاهر : واني متستحين مني ؟؟؟
كوثر : كافي ظاهر .
ظاهر : الفرق بيني وبينه ٤ سنوات ... هم صيحيلي عمو ع الواهس ....
كوثر : خوش عمو. صاااار عمووو ...
تقرب عليه : ضايجه ...
كوثر : ظاهررر ... خابر يزن اريد احجي ويا الله يخليك ...
خابرته وكلي جاي فد اسبوع ....
كوثر : وانت حتضل مكابلني اسبوع ....
ظاهر : كاعد ابيت اخويه قابل كاعد بحصتج الي انطيتيها لعادل ....
كوثر : لملت الاكل وحطيته ع السكني ورحت اخذت البنات وخلت لوحده من الغرف عرفتها غرقه يزن سديتها وطلعت طبيت للغرفه الثانيه شفت بيها صوه جدي عرفتها غرفه بيبيتي : دخلت عليها وسديت الباب ...
شويه وصاخ : ام القذاااره متكوميت تغسلين الكلاصات لو ناويتهن يخمخمن ... هم كاعده بلاش وهم تاكلين وهم تزبيلين ...
طلعت من الغرفه فاض الصبر بيه اريد املخ روحي : روووووح ظاااهر ررررروح لا اشمر روحي من البلكونه واخلص . .
سحبيني بديه تعااااي خل اني اشمرج . ضليت ارااافس : وخرررر عنييي وخرررررر مجنوووم والله بتلاني بيك ...
وكفني ع البلكونه : يلا شمري روحج . يلااا اذا بيج حظ ....
كوثر : ظاهر شتريد ابوس ايدك ؟؟؟ ابوس رجلك ؟؟ كلي . تريد تكل للناس كلها اني غلطانه . لو شتريد . حتى تعتقني بحالي تره والله اني بوضع تعبان الله يخليك ...
تقرب عليه بحذر : شسوالج عادل ....
كوثر : خاني ارتاحيت ... جابله وحده بيضه شكره قوقازيه ونام وياها ع جربايتي. ...
ظاهر : هههههه اي ارتاحيت ...
كوثر : ممكن بعد متلاشيني . وتحرك كلبي كل شويه ...
تقرب اليه وباسني : انفاسه ع انفاسي : احبج ....
دفعته بعيد وخررر وخرر . شدتسوي ؟؟؟
ليش هيج ظاهر ليشش : هيج هانت عليك بت عمك وحالي حال كحاب امريكا .
ظاهر : هااا شكتلج اني ...
كوثر : انت شبيك ظاهر . شبييييك فهمني .. ناوي تموتني هااا ...
ظاهر : اذا متكوليلي شبيج . اضل احرك باعصابج والله ...
تنهدت بقهر واني اسولفله
كوثر : خاني خاني وي وحده قوقازيه وجابها بفراشي . ....
ظاهر : المهم هسه ناويه ترجعيله يعني ....
كوثر : شنو ارجعله ؟؟؟ ظاهر انت بغير عالم . اني وين حالي وانت وين ؟؟؟؟
.
.
استمر هلاسبوع بمضايقات ظاهر اليه الي جانت تصير بكلبي غريزه القتل جنت كل شويه اريد اروح اشمر بروحي من البلكونه واخلص . لحد ما اجه يزن . ركضت عليه بخوف : شلونك يزن ..
يزن : يااا هلااا حي الله من اجانه ....
نزل دنك على بناتي باسهن : اوووف نسيت اشتريلهن فد شي والله جانت سفرتي مستعجله ...
.
حاول يغطي الحجي عنه منا ومنا وميريد يجرحني كعد وكال : ماكو مسواك ؟؟؟
حاولت اغطي عن فشلي ضليت اتجنب نظرات عيونه : اكيييد ظاهر مسولفله ....
راح جاب اكل واجه يباوعلي : يلا خل ناكل سويه ...
كوثر : اي ان شاء الله ....
ع السفره ضليت اني ساكته ومنتظرته هو يبدي بلموضوع جان يكول : احم. ااا
رفعت عيوني واباوعله شلون يحرك بلسجينه بيده : انتي شلون مقدمه مقابله ع امريكا ؟؟؟
كوثر : ما ادري هيه تقديم هو اخذني وراح ...
يزن : اوراقكم كلها ثبوتيه . وشلون وليش ما ادري ... وروحتي للكويت اسال عنه ما حابت كل نتيجه ...
كوثر: زين وابو صبحي ....
يزن : اصلا ابو صبحي كال مقدم معامله صارله سنتين بعد شلون ما ادري ..
وهذا اكبر كلاوجي .
زين انتي صارلج هنا فتره هو ما سأل عنج ؟؟؟؟
نزلت راسي بقهر .
كوثر : لا
.
.
.
.
*• حبني بـ عناديّ وزعلاتي الـهوايَه .*

يتبع..