مع العلم عمو لواء اكبر منه بهوووواي .

تجاعيد داير مداير عينه تتكلم بلحينين بلاشتياق ....

ااااه كم تمنيت ضلك يا ابي ...

عدت لي ؟

بعد سنين هرمت بعد الحصاد والحصار ،..

عدت لي .

بعد ما انقلبت الادوار ...

عدت لي ؟!!

بعد سنين عجاف مضت بغيابك ...

قبل عمي لواء وضليت بايته يمه . وهو راح . وضل ظاهر يمه وهو يسولف ويا عن سبب وفاه حدي سلمان . وفتره سنه ٢٠٠٣ .وشلون مضت وشلون كدرو يطلعون ....

.........
ليلى :
......

احساس الخيانه صعب جدددا . والاصعب من تكول انت الطرف بكسره الكلب . جان كل ضني هو راح يكتشفني . جان كل ضني هو راح يجي ويعاتبني بس تفاجأت بفتحه الباب وشفته لواء وحده : هااا لعد كوثر وين ؟!!!
تغيرت نظرات لواء اليه وصار ينظرلي كأنو اني المتهمه
لواء : يم ابوها ؟!!

ليلى : شعجب ؟!!!

لواء : شنو شعجب ؟!!! ابوها وضلت يمه شنو حرام ...

ليلى : جاوبته بارتباك وادين وحده تضغط ع الثانيه : شلون استقبلها ....

لواء : اولا انتي ميخصج شلون استقبلها ؟!!! هاي بنته وهيه حره !!!!!!!!!!!
ثانيا شنو هلمكياج الي حاطته بوجهج ؟!!! لكيون متوقعه راح اجيبه وياي واكله تعاال اخذ ليلى ؟!!!!

ليلى : لااا مو هيج الله شاهد مو هيج . اني جنت حاطه مكياج من الضهر مو هسه . حتى اسال كوثر ....

لواء : يلا روحي اصعدي اني جاي وراج ؟!!!

ليلى : اي ميخالف ؟!!!

صعدت وسمعته اتصل بسلسبيل : اني ما اكدر اجي احتمال باجر ...
ما ةعرف شحجت ويا بس هو كلش ضاج : يلااا اني منا لاسبوع ما اجي تريدن تطلكين الله وياج .

وطبك التلفون .
شويه واجه ورايه . لزم اديه : تحبيني ؟!!!

ليلى : اي طبعا احبك لواء ...

لواء : لو اجه هسه جاسر وكلج احبج شسوين ....

بان الارتباك عليه وهو يسالني
ليلى : هااا . لا شنوووو ....

لواء : لا شنو ؟!!!!!

ليلى : لواء لتعاملني كأني متهم . اني انسانه وعندي مشاعر ..

لواء : ايييي اريد اعرف هلمشاعر ؟!!!!

ليلى : خلاص كافي لواء . لتلعب جوله بحياتي بعد ما هيه هسه ملعوب بيه فلم ....

تقرب اليه لواء وهو يحاول يبوسني واني اخاف منه اخاف اي رده فعل تحسس اني فكري تشتت . يباوعلي بنظرة متهم : بالج وين ؟!!!

ليلى : الله يخليك لواء . ارحممممني هاي شبيك ....

لواء : ليلى مستعد احط طلقه براسج واكتلج ولا يصير من الي ابالج ؟!!!!

ليلى : هو شنو الي ابااالي شنووو هووووه . لو كوه تريد تحط هلشي براسك وتبني عليه اشياء ...
لواء : متحسين بطرقه كلامج متغيره . اريد اتقربلج جامده مثل الثلج قصص وروايات عراقية كرار صلاح؟!!!!

ليلى : هذا الشي طبيعي لواذ انت قبل شويه ناقلي خبر هازني هز ....

لواء : يعني عندج مشاعر اتجاه جاسر ؟!!!

عرفت حاليا لواء منهار فلازم اخذ حذي بلكلام
ليلى : استغفر الله . مشاعر شنو لواء مره عمري ٤١ سنه قابل اني مراهقه ..

تقرب اليه ما مقتنع بكلام يحاول يشعر اذا جنت استجاب اله لو لا ؟!! وجان وضعي صعب . صارت بس هواي مثلت بيها حتى تمشي هليله ويتأكد من حبي أتجاهه .
تقرب اليه بهمس : مستعد اكتلج واكتله بطقله وحده وميرفلي جفن .

دفعته عني : وخررررر . شنو هلحجي لواء شبيك .

باجر تجي ساره وامي ويزن وانتي ترحين وياهم سمعتي .....

ليلى : لا ما اروح . شنو قابل بايكه ناهبه شمسويه . شنو الجريمه الي مسويتها .....
بعدين شنو اني تححي عليه شنو ذنبي ....
لواء : ذنبج احبج ؟!!!

ليلى : انت متحبني . انت عندك حب تملك ...

لواء : هههههههه يعني تردين اصير حب مشارك . اجيب اخويه واكله هاي مرتك هم اخذلك وياها فره سنتين ورجعلياها ....

ليلى : لا اله الا اللله ياااربي ؟!!!!!
لووواء هذا حجيك تره يكرهني بيك ميزيدك محبه ....

لواء : اها فهمت يعني هسه نقاطي قلت ؟!!!!
وراح ترتفع نقاط غيري .

ليلى : عفته وطلعت رحت لغرفه البنات .
كعدت شبعت بجي . وهو هم اسمع صوت تكسيره للمزهريات والمرايه وبده يصيح ويصرخ وحرب كام يبجي . فتح الباب ونزل : اتصل ظاهر : وينك شصار عمك نام لو بعده يسحب الحجي من كوثر .

ظاهر : لتخاف يابه نام . تره عمي تعبان . انت اهدأ ولتخاف ماكو شي ....

.
ليلى : عشت توتر يومين ما شفت مثلهم وكلبي يدك حيل واني منهاره نفسيا . ولحد ثاني يوم لواء اني ويا منتحاجه . بس هو يشرب جكاير ورجله ما بطلت هز . ويدورله حجه حتى يضربني طلقه . لحد ما اجتي خالتي ويزن وساره .
والي عرفته همه ميدرون بسالفه جاسر بس يزن يدري . واجو كعدو ابيتي وبواء اخذهم بسرعه للاستقبال وسمعت صرخات خالتي الي زاضحه : يوووم جاسسر يااا عيوني سوده عليه . رجعت وما شافك ابوك . يااا روحي . انت ...
ولواء يصيح : اعصااابج اهدئي تره اني فهمته ليلى ماتت لتلوصيها عليه ....

سوزان : صدوك يوم انت تحجي . هو شضال سوده عليه وليدي ....

لواء : اني احاجيها وين وهيه وين تحجي . اكلج كتله ماتت مو ترحين وتفلتيها ....

سوزان : يا امي خمو راح تتكاتلون من وره مره تفاهمو وحلوها ...

يزن : شيحلها مثلا يحوله تعال اختار ؟ لو اسويله بلدرهم نقش لو كتابه والمن تصير ....

سوزان : هو بعد ما اله حق بيها لان شرعا هو السيد مطلكها . بس ميخالف يا امي ميصير هلشي ينظم ...

يزن : انتي اسكتي وهو ينظم .

لواء : هو اساسا مزوج ايرانيه شنو بعد هلحجي ...

يزن : لا والله ؟!!!

لواء : مبين ختى مخلف منها ؟!!!!

يزن : شمدريك ....

لواء : سمعته كال لحوثر سمعت كلمه بابا بس ما حسيتها بس منج .
.

ليلى : جنت اتصنت واسمعهم شيحجون كلبي نغزني من كال لواء جاسر تزوج . نست وضعي وحالي نسيت اني الي هم متزوجه ومخلفه : بس مدري شنو الي خمش كلبي بهلحجايه .....

.
.
.

*
‏الحياة قد تنقلب عليك بِـلحظه
بِـ مُكالمة هاتف
بِـ نتيجة تحاليل
بـ خطوة خاطئة في الشارِع
بِـ مقابلة شخص
بِـ كلمة
بِـ موقِف !
لحظة واحدة كفيلة بجعلك تدور حول نفسك
مهما كانت مخططاتك، ترتيباتك و تأميناتك
فالحياة كُل يوم تخبرنا انه لا يوجد فيها ضمان غير إيمانك بربك *

_يتبع..

#بارت35

_____

مرات الانسان بضروف معينه يغيب عنه التصرف والمصيبه انو يخطأ بتصرف معين والاكثر من المصيبه انو يمشي بهلتصرف الخطأ الي اساساً ما جان المفروض يمشي بي .....

ليلى : قلق دام ٣ ايام مع ليلتان من ابشع الايام الي مرن بحياتي . نظرات لواء الي توحي اليه بلشك والريبه . وترقب مني اي هفوه حتى يصدر امر بأعدامي . وكلعاده ياخذ من مسار كلامي الطبيعي ويأوله بمزاجه ويسوله فبركه ويتهمني انو قثدت شي معين اتجاهه واني اساسا ما افكر بربع تفكير لواء .

.
بعد اللقاء الي دار بين يزن وسوزان وساره وي لواء . وكوثر الي تجي قليل وترجع لابوها حسب ما جانت تكول : خطيه ماما يكسر خاطري .

مرت ايام وليلى حسب اعتقاد جاسر انو هيه ماتت لحد ما اجه اليوم الي اختارت كل الاطراف انو يخبرونه بلحقيقه . بسبب سوء وضع لواء الي كلما جايله يتخببل بلزايد وصار شبه انسان مو طبيعي . هجر نسوانه وضل مكابلني وكاعد يحسب حساب لكل كلمه احجيها . فختارت خالتي تكعدي وي
جاسر وتفهمه بوجود يزن وظاهر . : حبيبي امي الضروف جانت قويه وبعد وكع ابوك احنه نسكمنه ابوك ايام وليالي جان بس يفكر بيك وابناتك واحنه اختارينه انو ليلى تزوج ...
جاسر : شنووو ....

زواجيش . ليلى ميته لو متزوجه .؟!!!!!
سوزان : اسمعني يوم .
جاسر : شسمع يمه شسمع كوليلي وين هيه المن متزوجه منو الي متزوجها ؟!
وين هيه .
والتفت لكوثر وساره : اجذبن عليه . كلشي ما ردت منجن . تجذبن عليه ليششش ....
شنو الي طلبته منجن .
يوم وين ليلى الله يخليج ....
سوزان : اذا متهدأ والله فلا راح احجي وياك ....
التفت جاسر لظاهر : ظاهر وين ليلى ؟!!!
فهمنوووووني يا نااااس يا عاااااالم كلووولي وين ليلى .....
ظاهر . سكت بدون حتى ميحجي .
رجع يحجي وي يزن : احلفك بداعه امك يزن . وين ليلى فهمين ....
يزن : تزوجت ....
جاسر : منو ااي تزوجته . اني متأكدر اذا تدري بيه ليلى ترجع . فهمني وكلي يزن وارحم نار الي بكلبي والله تترك كلسي وتجي على حسابي ....
يزن : شتترك على حسابك جاسر الله يخليك صار عدها ولد وما شاء الله شطوله ....
جاسر : لو درزن مو ولد واحد راح تترك الدنيا وتجي اليه . فهمني اني عاذرها وعاذر كل الناس ومقدر انتم حنتو تتوقعوني ميت . بس ايامي الي اريد اعيشها . راح اعيشها وياها ....
يزن : جاسر الكلام الي راح تسمعه هسه يمكن يأذيك بس انت مجبور تسمعه ....
جاسر : فهمت !!!! كبل لا تحجي فهمت !!! تزوحت لواء مو ؟؟؟؟؟؟؟

يزن : كل اخنه جنه مجبورين .. وحتى هيه وهو حانو مجبورين .....
جاسر : هيه مرته ام قيصر مو ؟!!!!!
يزن : لا هاي مرته الثانيه .....
جاسر : اهاااااا ما شاء الله . خوووووش دامكم موافقين على كل شي . اريد اطعن بهلزواج . وهلزواج باطل . وما بني على باطل فهو باطل . وليلى مرتي اخذها واروح .....
يزن : هو شنو لعب تاخذها وتروح ....
جاسر : انت زعطوط شمفهمك بلحجي . هااااا . وين لواء اريد اشوفه .....
يزن : جاسر استهدي بلرحمان وصلي على محمد ....
سوزان : يوم الله يخليك لتخرب حياة كامله ....
جاسر : واني شنووو ذنبببي ....
يزن : انت شنووو تريد تلعب بلعالم بكيفك . عاشت ويا ١٢ سنه وراك انت شتحجي . هيه شعايشه وياك هنه ٣ سنوات متكلي . تريد تجي وكأن شي ما كان ولا صار ......
ترك جاسر المكان وراح اخذ كوثر . كومي كوثر وساره .
يزن : انت وين رايح ...
جاسر : انت مالك دخل افتهمت .
يزن : ساره متطلع وياك . ساره مرتي . تريد تاخذ كوثر اخذها ....
ظاهر : جانت الوضعيه محتده بين جاسر ويزن واحد يتصايح وي الثاني لحد ما كله ساره مرتي وهنا ثار عمي جاسر : هههههه مرتك ؟!!!!!
كامله يزن ومن خلال وكفته مبينه اعصابه الي مستعده لتوجيه اللكمه . ونظرات ساره الي تنظر بعدم قبول هلتصرف من يزن : اي مرتي ؟!!!! من اجيت لسه اكلك مرتي .
جاسر : زواجك باطل . اله بموافقتي وزوووواج من ساره من المستحيل قصص وروايات عراقية كرار صلاح.....
ظاهر : كام يزن سحل ساره وخلاها بصفه وهو ينطق كلمات لاول مره يزن يتجاوز بحياته على احد من عائلته : سااااااره مرتي . واي احجايه منك اخبرك عنك بأختطاف مرتي وانت عميل ايراني وطالبني بلتجسس على امريكا ابو بلتهديد بلقتل واخليك تتحسر على أسر ايران .
جان جاسر اكثر حنكه وخبره فهو اكيييد العم الاكبر : هههههه خليها يمك . اني اكلك زواجك باطل شرعا . لان اني ما موافق . لو انت نغل وميهمك اذا ولدك هم نغوله مثلك .
فقد كل اعصابه يزن وبده بلهجوم الي كل احنه نعرف شنو نهايته تسارعنه لصده اني وامي وساره وكوثر وهو يصيح فاقد كل عقله : خلي حزب الدعوه يفيددددك كوووواد . جايني صارله ١٧ سنه يدور نسوان .
عافه عمي وراح واخذ كوثر وراح . ويزن يصيح ويفرفح : هذا مخبل مو طبيعي هذا مجنون نكسسس . وساره دموعها تصب عشره على عشره .

وهو يصيح عليها : بطللللللي بجيييي .
..............
كوثر :....
.........
الطريق كله وبابا دموعه بعيونه : يريد يتخبل : تاليتي هيج ارجع الكه اخويه طاعني بظهري ....

كوثر : بابا تره والله ماما مضلومه سنين ضلت غلى حبك وحتى حلقتها ما نزعتها ....
حتى ملابسها ضمتهن وما لبستهن وراك ....
امشي ويا وهو يكلي وين وين واني ادلي حد ما وصلنه لبينه نزلت ويا وهو نزل دك الباب . شويه وطبع حرب صوته واضح : منوووو ....
كوثر : اني حرب اني
جاسر : منو هذا حرب ....
كوثر : بابا الله يخليك لتسوي هيج . الله يسلمك بابا هذا اخويه الصغير .
جاسر : اسمه حرب .
كوثر : اي اسمه حرب ....
عافني وراح . وضليت وحدي اني بلباب . فتحلي الباب عمي لواء وهو راح بلسياره وسالني : ها منو جابج ....
كوثر : ابويه ....
لواء : دره ....
كوثر : اي ماما سوزان وعمو يزن كالوله ....
لواء : وشكال ؟!!!
كوثر : شكال شتتوقع كام يصيح وصارت مشاحنات واجو يتضاربون ....
لواء : عليمن ....
كوثر : عمو خل اطب واسولفلك دكتني الشمس ...
لواء : لا احجي هنا . اذا طبيتي تسدين هلموضوع ومتفتحين حلكج بي ....
كوثر : يبووووو من اجه ابويه لسا واحنه حياتنه نكلبت . عمو الله يخليك . والله ما احجي بس خل افوت ....
لواء : طبي .
طبيت وضل يسولف وياي بلطارمه واجتي امي وصاح بيها صوت عمي : امشششي طبببي . عرفت امي جاي تعيش ايام ضيم وقهر وعرفته من. علامات وجه امي الي صاير اصفر .
سولفت لعمي كل الي دار . وطبيت
وهرفت امي من نظراتها تريد تعرف شنو الي صار . بس ما اكدر احجي وياها فعمي لواء مراقبها مثل الضل مالتها ومستعد يطلع روحها لمجرد تذكر اسمه .
اول محاوله لامي للاختلاء بيه جانت بخطه محكمه : اكلك لواء اريد اشوف اهلي والله مشتاقه الهم ....
لواء : باحر اوديج بيدي بسس انتي وحرب نتغده ونرجع وبسسس ....
ليلى : عمي امي مشتاقه لبناتي كول غيرها
يعني انت خمو تضل مرابطني هيج
لواء : يعجبج لو لا ؟!!!!
ليلى : صل على محمد يمعود لواء فدوه لعينك ....
لواء : ليلى دماااااغج لتخلي يودي ويجب هسه . احتاري بروحج وابيتج وبأبنج وغير شي طلعي من مخج ....
كوثر : وكل عادة عمي لواء مستحيل تعبر عليه هلخطه الي بنظر امي * خطه محكمه * وحسب راي عمي سولفج مسويهن بلثالث ابتدائي ... اكيد رجال مثله متعبر عليه هلحجي ...
.
.
.

ظاهر .....
..،.....
ومن هذا اليوم رجع عمي جاسر اخذ ملابسه وطلع وهو يصيح هلبيت راح ابيعه وحقي كوووله اخذه ع داااير مليم ....

سوزان : تعال يوووم الله يخليك اسمعني .....
جاسر : لحدددد يحجي وياي ... سمعتوني . ما اررريد ولا واحد يحجي وياي ....
ظاهر : ركضت ورا بيبيتي وتحاول تحجي ويا وهيه بكل هدوء : ولك يمه والله اخوك يكسر الخاطر دشوف بناتك شلون حماهن وكبرهن ووصلهن ....
جاسر : اريد ليلى . افتهمتي لو لا .....
واله ليلى . ولو نسوان الدنيا كولها تنطونياها اااااااله ليلى ....
سوزان : ميحتاج تروح قاضي ومحاكم لواء معنده مشكله ينطيك حقك وحصتك كلها .....
جاسر : اريد ليلى . وليلى حقي ....
سوزان : يووووم صير مكانه . وحس باحساسه صعبه يا امي والله صعبه ....
جاسر : مراح يشوفها وهو مو كلي ماتت .. اييي خل يعتبرها ماتتتتت .
سوزان : ما مقسوووومه الك صدكني ....
جاسر : هههههههه انتم تقشمرون روحكم لو شنوووو . شنو ممقسومه اليه ...
ظاهر : دفع بيبتي وراح اخذ غراضه وطلع ومندري بي وين راح . ومرت ايااام هواي مموجود وما شفنا نهائيااااا . وابويه ما خله واحد ما دز بيده الاخبار يساله اذا جاسر رجع لايران والجواب يرجع : لا ما طلع من العراق ....
ابويه بهلايام ما طلع بيت ليلى وهذا الي خله الصراعات تشتد بينه وبين ساسبيل . وجان على وشك انو يطلكها بس الله ستر وهيه عرفت انو الامور واصله حدها فكعدت وسكتت لحد ما يهدأ ابويه وضلت تصيح : يا عالم والله مسويتله سحر مو خالي هلرجال مو طبيعي . مبين والله لو شايله خرزه محبه . وبعد مرور ٣ اشهر على هاي الحادثه طلع ابويه والقلق بكلبه . وبده يرجع لشغله شويه شويه ساعه ويرجع ساعع ونص ويرجع . لحد يوم من الايام جنه مجموعين اجه اتصال هاتفي من كوثر ليزن : الووو ....
كوثر : بابا اجه . بلبيت .....
سد التلفون يزن وطلع يركض .
ظاهر : شكووو ..،
يزن : هذا جاسر رايح ليلى !! ...
ظاهر : هذا شبي صدك يحجي مسودن على مره راح يهد الدنيا ......
يزن : خابر لواء . اني رايحله كبل لا يسوي مصيبه ....
ساره : يزن وين غايح ....
يزن : طبي ومعليج انتي .....
ساره : اي شكو ماخذ المسدس ....
يزن : طببببي لج ....
.
_
ليلى ....
__
طلع لواء الساعه ب ٩ الصبح وره ١٠ دقايق اندكتوالباب جنت متوقعه لواء نسه شغله ورجع عليها فتحت الباب : اول ما حط اصبعه ع الباب عرفته مو لواء . ما عرفت شنو هلخوف الي تملكني بهاي اللحظه . شردت اركض للمطبخ . وهو طب يركض ورايه . اجتي بتي كوثر : بابا شتريد الله يخليك بابا عوفهااا ....

جاسر : كوليلها والله ما اسويلها شي . بس خل احجي وياها ....
ليلى : خفك كلبي لهل كلمات واني اشوفه كاعد يتوسل صحت بصوت عالي : اكلع روح والله اذا اجه لواء يكتله الله يخليك قصص وروايات عراقية كرار صلاح....
جاسر : خليني اشوفج وخل يكتلني والله مرايد شي ....
ليلى : رووووح الله يخليك روووح يخليك . حتسر لتصعب الامر عليه . الله يخليك صارلي ٤ اشهر عايشه جحيم . .
جاسر : لج كلبي معقود على حبج . افهمممميني لج اطلعي لخااااطر الله خل اشوووفج . ريحه شعرج لسه بخشمي وماكو مره حلتلي وراج . لج ليلى لتحرميني منج الله يخليج . بس اشوفج واروح ...
مع هلكلمات بدت رجليه تتسحب وتتقدم للامام ما عندي كل سيطره عليهن . وباوعتله مو هذاك حتسر الي تزوجته صار اكبر من لواء ب ٢٠ سنه . تعباااان ضعيف هزيل . ولحيته متروسه شيب . وي طلعتي بده يضحك . وابتسامته بينت بجمال شكله . وهو يكلي : زاااااايده جمااااال . تقرب عليه . واني كل جسمممي يرجف .
لزم ايدي وباسها . انتي حلالي . ليلى : تعاي وياي . انتي وكوثر وساره واخذكم لايران احلى عيشه هناك تعيشون ....
جاوبت بكل برود : لااا جاسر . روووح لواء اذا اجه هسه يذبحنه .
جاسر : ١٧ سنه وانتي ابالي ولا لحظه نسيتج ....
بدة الكلب ينبض وبده الدم يمشي بي من كلماته الي جنت اريد اسمعها : مو ع اساس تزوجت ؟!!!
جاسر : تزوجت بس انتي اريدج ...
ليلى : مدام شفت حياتك بعد شكو تجيني .....
جاسر : كل حياة ناقصه بدونج وكل عيشه متسوفه فلسسس وانتي مموجوده وياي .
اني كلبي قفل على حبج صرتيلي حواء الي طردت ادم من الجنه ....
صرتيلي نظر لعيوني ودونج اني ما اشوووف وصارلي ١٧ سنه اعمه ....
صرتيلي يقضه ويقضه حلوه بكابوس مزعج مر عليه ١٧ سنه ....
ليلى : روووح هسه وبعدين احاجيك اني . رووح الله يخليك .
جاسر : خلي كلشي وره ضهرج وتعاي وياي ....
ليلى : انت عبالك لواء هين . يلكانه لو نطير ....
جاسر : هههههه صارله ٣ اشهر يدور عليه . وليش عبالج اني هين . اطلعج بكلمه وحده مني . بس رايدج بموافقتج . ما اريد اجبرج ....
حتار كلبي واني اشوفه هيج مستميت عليه : جاسر تذكر حجايه ابويه . اني لساها ابالي .
جاسر : ههههه ولا نسيتعا يوم من الايام هو ولفلي ....
ليلى : روووحي الله يخليك ...
يااااااااا .
ليلى : تفاجأت بيزن واكف على راسنه . وهو شايل مسدسه بيده ومصوبه باتجاه راس جاسر ....
ضليت اصرخ .
ليلى : يزن شدسوي يموووود
يزن : اعتذر والله مطعت خلوتكم . بس دام السيد مولفلك ولفه فكر ما وليت وخلصتنه منك .

جاسر : هههععععع انت مو جنت شاهد على حبنه . رسايلي بيدك جنت ادزها .....
ليلى : جاسر خلاااص كاغي شهلحجي هذا ..
يزن : امشي اصعدي فوك انتي . وانت سيد الرومانسي . ما سولفت الها عن الزوجه الايرانيه الي عندك منها ثنين ولد وبنيه ..
ليلى : شنو قصص وروايات عراقية كرار صلاح....
يزن : ايييي لعد شعبالج . ههههههه ليكون عبالج خالي مختلي وراح يغركج بعيشتج هناك . هذا جاسوس ايراني ....
جاسر : انجب لك . احترم نفسك حقير تافهه . خاف عبالك اني مثل ابوك يوميه بحظن وحده ..
يزن : الي دتحجي عنه جان مينام اذا مينامن بناتك . وهلشي وحده كافي .....
جاسر : هااااا من شوكت صار لواء مثلك الاعلى ....
ليلى : بدت الكلمات مثل الصواعق واحد يذب صاعقه للثانيه . شويه واجه لواء وهو يباوع لهاي المسرحيه . واني واكفه بدون حجاب حتى . ويباوعلي بنظرات كلها ندم . خجلتني واستحيت حتى من روحي .
يربي شجايه اني شبيه صرت مؤاهقه واني الي اعيب ع البنات ادوالكالبات الي عندي .
لواء : وهسه ارتاحيت من شفتها ؟!!!!
جاسر : اييي طبعا ....
لواء : يلا تفضل اطلع بره .
جاسر : طالع . ما احتاج شي بعد ....
لواء : طلع جاسر وهو يحاول يوكف على طوله . ويزن يبث اول كلمه ناريه : طلكها واخلص .
وتقرب عليه يهمس باذانه كلمات ما سمعتها
لواء : هيه من هذا اليوم تعتبر نفسها طالق وباجر تجيها ورقه السيد .
ليلى : لاااا شنو هلحجي لووواء ....
لواء : حرااامات التعب بيج ....
ليلى : ميصير هيج انت تحكم عليه بلموت لمجرد يزن كلك كلمه ....
لواء : اني موبحال حجي يزن . اني منظرج هيج وانتي واكفه كباله . ما اريدج بعد ....
ليلى : لاااااا حتى اسال كوثر ضليت اصيح عليه . هلحجي الي تحجي عيب وانيزما اقبل بي . لواء اني احبك .
لواء : هههههههه كولشي بيج بوووخه . تعبتيني راوتيني نجوم الظهر وخلاااص ما عندي طاقه بعد .
ليلى : فهمني ذنبي اني يرجع جاسر ؟!!! ذنبي ....
لواء : ولا ذنبي اشوف مرتي هيج كدام الغريب .
ليلى : دخل فجاه والله ....
لواء : مع السلامه ....
عافني وطلع ويزن ويا .
ركضت ورا : لواااء لووواء الله يخليك لتسوي هيج شغله . بداعتي عندك .
ليلى : ما الج كل معزه بكلبي .
.
.
.
*
الطريقة الامثل في ان تجد حلاً لاي مشكلة هو أن تخرج نفسك من دائرة تأثيرها على وعيك ، و تنظر اليها بامعان كما لو كنت تتفرج على فلم سينمائي .
*
.
.يتبع

اللي تعرف هالقصة😇 خل تفيد هالبنوتة

#ملوكه

عمري بمحلات الذهب اشكال تلكين
فانتي روحي للصياغ واشكال يطلعلولج واتعاملي وياهم والسعر يتحدد حسب المثقال والوزن☺️🌸

فالذهب مو مال بيج..لانو اغلبية مينشرون كلشي بالبيج

#ملوكه

هههه..موخوش سؤال😂🤦‍♀ لان سنة بعد سنة معدل الطبية ديصعد
فأعلى معدل الطب بكلية بغداد 101.3
وبقية المحافظات اختلاف بدرجة واعشار
فيجوز عالسنة الجديدة يغيروها

#ملوكه

يي حبي اكو..يعني اللي مكمل علمي يكدر يروح قانون🙃✨

#ملوكه

اهواي تنسيقات اكو بالبطرون الكابوي وتقريبا نص ألوان الشال تلوكله من ماروني، احمر، عنابي، وردي وصخي، بيجي..الخ
وحتى القمصان واحلاهن ك لون قميص ابيض ،اسود،اوف وايت، وردي فاتح

فاني منزلة قبل تنسيقات هسه اوجهن 🤗💞ونسقي باللي يعجبج

#ملوكه

🌚👆🏻منا وليجوة