رديت " ماكو شي باوعتله وكملت .. صدگ نسر ليش لسا ماگلتلي هديل حامل ؟"

كح وصار يفرك بوجهة " خفت عليج تضوجين "

رديت " وليش اضوج هذا حقك .. ليش انت على شنو تزوجتها غير تجيبلك اطفال "

رد " صحيح بس خفت تتذكرين طفلنا وتضوجين "

رديت " اول وتالي اسمع من البنات .. وبعدين مو بعيدة على الله يجي يوم ويرزقنا "

ابتسم " شنو شگلتي ؟ عيدي عيدي "

رديت بأبتسامة " شبيك مستغرب "

رد " اول مرة اسمعج تحجيها .. معقولة هاي شذر التحجي لو متوهم "

ضحكت " ياااا شبيك فضحتنا .. اي اني شذر .. واريد طفل وكون ولد حتى يكون اخو الدنو .. واذا هديل جابت ولد يصيرون اثنين اخوة وهي المدللة "

باوعلي واتنهد " انت شنو ؟"
رديت " شنو ؟"
رد " شنو هالگلب الشايلته لج غيرج هسا ميتات من القهر والغيرة وانتي تگولين هيج ."

رديت " وليش اغار اني احب الاطفال مستحيل احقد على طفل "

سحب ايدي باوع منا ومنا باسها ..
ضحكت " منا عالم عيب "

بعدين گام شوية ورجع..
جابولنا مقبلات وطرشي وزيتون .. بقينا ناكل .
شوية واجت سمجة شكبرها ومحمصه ومنفشة وريحتها تموت ..

شفتها ضحكت " سويتها صدگ وطلبت سمج "
رد " حبيبتي تطلب سمج ومااجيب "
رديت " تتحمل شأسويلك انت العلمتني ع السمج اذا كل اجازة تشويلي ع الفحم لمن ادمنته بسببك "

اكلنا وشبعنا وزاد منها هواي صرت اكلها بدون خبز ..
بعدها گلتله هسا كون موطا باردة بعد السمج ..

اخذنا اكلنا موطا والجو بي برودة بعده بس مااهتميت ..
بالطريق گلتله الجو هسا مال زيارة يخبل ..
لاف السيارة ..
ولا يهمج.. هسا نطلع وتلگينا بكربلاء نص الليل ..

رديت " لا نسر تحجي صدگ وين هسا حتى ماتسوه"
رد " لا تسوة والله نزور ونكمل ونبات بالفندق بعدها ضرب ع الستيرن .. اوووه خرررب ماعندنا عقد زواج او جناسي بيها اسمائنا… "

رديت " خليها غير مرة "
رد " باجر نروح نعقد واكمل الجناسي واول ماالتحق وارجع نروح الكربلاء مشتهي الزيارة حيل "

كنت مترددة بالاول ع سالفه العقد بس بعد السوتة مريم صار لازم نعقد محكمة ويكون زواجنا رسمي..

ثاني يوم رحنا كمل التحليل والعقد بنفس اليوم ..
مهري خلاه عشرة بعشرة… رغم طلبت يكون عمرة وردت اسويها نيابة عن عمة ..

من طلعنا سألته " احنة مو متفقين يكون مهري عمرة"
رد " العمرة تجيج مالها علاقه بالمهر .. واذا على عمتي فلا تخافين اني مسويلها عمرة بالنيابة وان شاء الله مقدملها ع الحج بالنيابة .."

فرحت حيل من سمعت عمة تستاهل وشگد جانت تتمنى تروح البيت الله ..
اباوعله ومستغربه.. حبه العمته ووفائه الها حتى بعد مماتت .. هسا عرفت ليش سجلت املاكها بأسم نسر لان تعرف بي ماينساها ولاينسى البيوت الكافلتهم "

طلعت فرحانة بالعقد مااعرف ليش .. يمكن لان هالمرة برضاتي مو مثل عقد السيد .. كان شكلي ومامقتنعه لمن عقد وبأتفاق ..

بقت بس الجناسي اجلهم للاجازة الثانية يكملهم ..
من راح للدوام ورجع ..
التهى بهديل… حملها متعبها والطفل ضعيف والدكتورة محذرتها ماتتحرك ابد ..

طلبت ياخذها الاهلها هاي الفترة ترتاح هناك .. رغم الطريق مو زين عليها بس ماگدر يرفضلها طلب لان مريضة ..

اخذها وصلها بسوعة ورجع بنفس اليوم ..
من رجع خابرني ..
" جهزي نفسج واخذي ملابس وياج "

سألت " وين نروح اخر مرة گلتلي هالكلام من اجينا البيت عمة وجنت صابغ البيت ومرتبه "

ضحك " لاتذكريني بذاك اليوم جنت مخطط وراسمله احلام شكبرها وتالي تفشلت "

ضحكت بصوت " لا صدگ وين رايحين "
رد " الكربلاء "

رديت " بس البنات وخاله هم يردون يرحون "

رد " هسا وين يرحون هنا عندها دوام وعذراء راح تداوم والجهال دوام كلهم عود للعطلة اخذهم نجف وكربلاء "

ضحكت " اتذكر كم مرة گلت هالكلام "
ضحك " شسوي اذا الوضع اعوج كلما ننوي نروح تطلعلنا شغله "

سديت الموبايل منه…
دخلت سبحت جهزت نفسي واخذت ملابس ..
خابرت خاله وگلتلها ..
صارت توصيني كالعادة.. ساعه تهدأ وساعه تتعصب وترزلني واني اسمع منها واضحك "

دخلت للغرفه احضرلة ملابس .. وهاي اول مرة ادخل للغرفه متربة حيل ..
طلعت ملابس اله ..
صارت عيني ع ملابس النوم .. شفت واحد طويل لونة ماروني غامق .. واكو واحد اسود هم نفسه ..

خليتهم على جسمي واباوع المراية خجلت من نفسي شلون راح البسهم واتجرأ .. خاف هم مااسيطر ع نفسي لو يصير شي ..

طلعتهم خليتهم بالجنطة..
اجة بوجهة للحمام سبح ونطيته ملابسه بدل وطلع

شافتنا دنو سألت " ماما وين رايحين هم تعوفوني مووو؟"

باوعت النسر جاوبها " حبيبتي هالمرة ماناخذج المرة الثانية ناخذج بالعطلة ..
حسيتها ضاجت وسكتت بس انهضمت ودمعتها بطارف عينها ..

حضنتها وبقيت اهدي بيها .. " ماما والله لو ماعندج دوام كان اخذتج واحنة باجر راجعين "

اقتنعت بالگوة… طلعنا البيت اهله ..
نزل هو دخلها ووصى البنات عليها ..
وبعدها اجة صعد بالسيارة دگ موبايله .. باوعت هديل بسرعة درت وجهي للشباك..
كنت لابسه عبايه اسلاميه ولافه حجابي .. ولابسه نضارات عن الشمس ماردت احرجه ومايرد ..

مرة مرتين گلتله " جاوبها شبيك نسر خاف شو شبيها "
صوت الموبايل عالي ..
" الو حبيبي شلونك بشر وصلت ؟"

رد " اي وصلت انت شلونج "
ردت " صرت زينة من سمعت صوتك يعمري "
رد " ديري بالج على نفسج "
ردت " لاتگطع بيه صوتك هو علاجي "

بقيت مستغربة من كلامها شلون تحجي وياه معقولة هيج تحبه لو مجرد كلام ؟"

باوعلي " شبيج"
رديت " مابيه شلونها هي "
رد " زينة كون تستقر وتگعد وماتخلصها تفرفر الاخواتها وتأذي نفسها "

سكتت ماحجيت ..
وصلنا الكربلاء بقينا السيارة بالگراج ومشينا .. وي دخلتنا اذن المغرب ..

واني امشي حسيت بقشعريرة من شفت الامام العباس مقابيلي ..
نزلت دموعي لااراديا .. صرت ادعي الله ينسيني كل الآم ويريح بالي ..

همس " حبيبتي خلينا بالاول نحجز بالفندق ونخلي اغراضنا وننزل نصلي ونزور .."

هزيت راسي " بكيفك "

كان اكو فندق مقابل الامام اسمه قمر بني هاشم
نطاه الجناسي ..
صعدنا للغرفه ..
غسلنا وتوضينا .. نزعت العباية الاسلامية… لبست ملف الصلاة . ونزلنا ..

باوعلي صفن " ليش لبستي هذا ؟"
رديت " ليش بي شي ؟"
رد " لا مابي بس مضوية بي شلون اليوم بيه ماادري "

ضحكت " ليش ؟"
رد " قابل شسوي اغمض عيون العالم عنج لو اتعارك فهميني "
رديت " كافي مو متوضي "
رد" قابل شمسوي بايس حاضن اشو اخو واخته عايشين "

ضحكت وسكتت عنه ..
دخلنا زرنا واحس الدموع ماتقبل توگف .. بقيت اناجي رب العالمين وابجي .. دعيت الي والاخواتي بالستر وللبنات هنا وعذورة خاصه ربي يريح بالها وينسيها .

كلمت صليت وطلعت لگيته منتظرني برة ..
طلعنا للامام الحسين هم زرنا وصلينا وطلعنا..

من طلعنا نطاني ايده ..
باوعتله ابتسم .. مديت ايدي اله عصرها وابتسم ..
رحنا للمطعم تعشينا وكملنا . بعدها افترينا اخذنا هدايا للجهال والبنات ..

رحنا گعدنا ع الشط يم مقام الامام الحجة ( عج )
اكلنا موطا ورجعنا للفندق ..

من وصلنا نطاني المفتاح .. اصعدي واني رايح اجيب شغلات لليل ومي واجي ..

صعدت قبله سبحت ومشطت ..
طلعت الثوب الماروني لبسته .. طبعا مكياج ابد مااخلي ولااعرف اصلا اخلي ..
رشيت عطر .. جان الجو حلو بشهر الرابع ..
شغلت التبريد بردت الغرفه ..
اندگت الباب طفيت الضوة وفتحتها ..
دخل :
" ليش مطفية الضوة "
رديت :
" هيج احسن هاي ضوة الامام علينا تطل شنسوي بالضوة .."
التفت شافني ..
" تعاي خليني اشوف شلابسه .. راد يفتح الضوة ترجيته
" لا حباب لتشغله استحي "

ضحك : " زين اتلمس "
رديت : " هااا مو هسا "
رد " وشترديني اشتم العطر بي .. مادام نطيتيني اشارة بعد مو بكيفج اسبح واطلع واعلمج شلون "

سبح وطلع ..
اني رتبت المي والعصير بالثلاجة. .
ورحت تمددت ع الجرباية..
كمل واجة ..
" تشربين عصير تاكلين شي ؟"

هزيت راسي " لا شبعانه "
رد " بس اني جوعان "
گعد يمي صرت اقرأ ايات بگلبي وغمضت ..
هالمرة لازم اقاوم لازم انسى وافتح صفحة جديدة بحياتي .. لازم اتحدى نفسي قبل الماضي ..
ماانكر اقشعر بدني .. بس وجوده وهمساته وهو يهديني يبعث الطمأنينة الداخلي ..
اتقرب مني بهدوء وامتلك بيومها جسمي وقلبي وكل حواسي ..
بيومها حسيت بالامان بدل الخوف .. الحب بدل الكره والاشمئزاز..
اما هو فكان بعالم ثاني .. بكل تنهيدة مني يبعث رسالة حب وشغف عبر لمساته وحركاته ..
واااخر شي ختمها بكلمة .. افيييييش هسا ملكت الدنيا ومابيها ..!!
دعيني اغوص في أعماقك
دعيني أريكي كيف يكون الجنون
دعيني ولا تسألي عن ما كان وما سوف يكون ..!!

يتبع…… .

حبي استعملي فيت مي وبماأنو بشرتج دهنية فبعد ماتخلين الكريم ثبتي بباودر حتى لايزيت بشرتج🙃

#ملوكه

هاي هج حبي خطأ مطبعي من الكاتبة..ههه

#ملوكه

عيوني اذا هج عندج فميصير تهملين نفسج دوم كون تاخذين فيتامينات ومو يوم يومين تركين كون تلتزمين منا لأشهر لو سنة يعني حسب حالتج

وهمين اكلي معلاك ،عدس،كرفس ،بيض هذيني بيهن نسبة حديد🌚🌺
فمن جسمج يصعد فيتامينه تلقائيا شعرج يقل تساقطه واكو عناية للشعر منزلته قبل هسه اوجهه

#ملوكه

#عناية_لشعركِ ماسك بروتين للشعر 💆🏼‍♀️🤍؛

مكوناته 🥣:

زيت جوز الهند 🥥
مايوني💛
صفار بيضة وحدة 🥚
زيت زيتون أو عسل 🍾🍯

وبدأت تحطو من الأطراف لفوق وطبعًا
ما خلت عل الفروة ..

حطته 30 دقيقة وغسلته⌚️🌸


#اعادة_توجيـهہ_لصديقاتج
#ملوكه
@stylegrils

ماسك مغذي للشعر 🦋☺️

اللي شعرهم تعبان فانصحكم مرة بالاسبوع تستعملون هالماسك👆🏻 لان بي فوائد وبروتينات

#اعادة_توجيـهہ_لصديقتج
#ملوكه
@stylegrils

اهم ثلاث خطوات لزيادة طول🙃👆🏻 الشعر

بنات اللي رايدين شعرهن يطول..فانصحكم بهالطريقة يوميا تسووها انو تقلبون الشعر وتمشطون بالعكس
هاي تعتبر مثل رياضة للشعر..فتنشط الدورة الدموية بالشعر ويحفزه🥰


#اعادة_توجيـهہ_لصديقاتج
#ملوكه
@stylegrils

فدوة الج عمري.. اني الاشوق😻

حبي اذا قصدج صنع معكرونة الاسبكتي 👇🏻🌚فهاي طريقة

#ملوكه

مشاهدة "Fresh Pasta | طريقة عمل الباستا الفريش | مع صوص احمر و صوص ابيض بدون كريمة | شيف شاهين" على YouTube
https://youtu.be/Hlb2ASTOXgA

كلشي يخص الواقي 🙃✨شارحة عنه قبل هسه اوجهه

وطريقة استعمال
المرطب كون قبل الواقي يعني بالبداية خلي مرطب وبعد نص ساعة خلي الواقي وبعد نص ساعة اطلعي
واخذي واقيات اللي نسبتها 50 والنوعية حسب اللي يوالم بشرتج وكل ساعتين جددي


#ملوكه

منا وليجوة👆🏻☺️

عمري شراب يانسون والماي الورد والعسل ..هذيني ينعم الصوت🥰

يوميا اشربي منهن..وقللي الكلام ومن تحجين احجي بصوت ناصي..لان كثرة الصوت العالي والصياح .. يتعب اوتار الصوت ويثخنه..

وسالفة الطبخ من يوم يومي اموت منه🤦‍♀😂مدري مستقبلا يجوز اتغير..هههه
مع انو اني بالبيت اطبخ بس شنسوي غير الجبيرة
▪ف رح اشرحلج بشكل مبسط ..المركات عندج بالبداية تحمسين البصل ومن يتغير اشويه لونه تذبين اللحم وتحمسين وياه ولمن انحمس زين تضيفين اشويه كركم وهالنوب ماي وتخلي عل نار ناصي لمدة ساعة أوساعة ونص حتى يستوي اللحم
ومن استوى تضيفين معجون او وياه طماطة يعني حسب مركتج وتكملين الباقي
▪والتبسي عندج المكونات بذنجان، طماطة، بصل، فلفل اخضر،بتيته
كلهن تكصيهن حلقات والفلفل الاخضر اذا أحد من عائلتج ميحبه..فلاتكصي حلقات واثرمي ناعم بعد ماكملتي..تقلين الباذنجان والبتيته والطماطه وطبعا كون عل صفحة تحضرين صلصلة معجون وطماطة فبكيفج شتضيفين وياه ضيفي من بهارات او ثوم حسب رغبه

وهالنوب تضيفين بالطاوة تيفال بالترتيب
بالبداية بصل وفوكاه طماطة وفوكاه فلفل اخضر وفوكاه بذنجان وفوكاه بتيته واخير شي الصلصلة ..من يفور تركي عل نار ناصي
واللحم او الدجاج حسب الرغبة مرات احنا نخلي ومرات بدونه فعادي اثنينهن يصير بس كون طابخته عل صفحه وبعدين تضيفي للطاوة وي البقية

واكيد اليوتيوب تلكين بي كلشي يعجبج صح اكو طبخات مضبوطة واكو لا
بس الواحد كون يجرب حتى اذا غلطتي تتعلمين من غلطج وماتكرري وتصححين الغلط☺️🌸

#ملوكه