قصه ب اسم احببتك لرغم كل شيئ

البارت 13

جسمي صار يرجف وشفايفي احسها يبست كمت بسرعة شلت جنطتي وكتبي من فوك الميز .... سويت نفسي وكاني مسمعته ولا شفته ...وكلت لصديقتي
امشي يلا المحاضرة بدت هسه
الحقير بعد كلشي سواه اله عين ويجي يوكف كدامي
ويحاجيني فوك شينه كوة عينه
بس هو مسكت لزم ايدي بسرعه وكال
- اوكفي رقيه عندي حجي ضروري وياج ميتأجل

لاول مرة انتبه عليه شلون ضعفان ووجه شاحب مبين عليه مهموم وحزين ... يمكن ضميرة مأنبة
بس الي مثله هم عنده ضمير !! لا اشك والله
خزرته وجاوبت بعصبية واحس كل ذرة
بجسمي ترجف
ماعندي كل حجي وياك
حيدر : لازم نحجي دا اكولج شي ضروري ومهم
صديقتي انحرجت كالت بصوت ناصي
- اني اروح بعدين نكمل حجينه

عافتنا وراحت بسرعة ... درت وجهي عليه وحجيت بصوت حاد الحمدلله الكافتريا جان مابيها هواي طلاب
- شتريد مني بعد الي سويته .. بعدين اني مرة مزوجة واحب زوجي وعيب عليك هلسوالف السخيفة التسويها
مشيت وعفته لكن هو مسكت كال بصوت عالي وقوي
- حتى لو جان الحجي يخص زوجج الشفية
وكفت بمكاني واجمدت
انداريت عليه وكلت
جواد ؟؟؟؟
هز راسه باي وكال
اي جواد افندي ليش اكو غيره !!
تعالي بمكان هادئ حتى نحجي براحتنا واكولج ليش هشكل سويت وشنو علاقة زوجج المحترم بالموضوع
.....................
...............................
مااعرف شلون وصلت للبيت عقلي وكف ...مااكدر اصدك الي سمعته
مستحيل ....مستحيل جواد هشكل يسوي
مستحيل القدر هيج معاكس ويايه
بس اني جنت حاسه اكو سر
جنت اعرف فرحتي هذي وراها مصيبة بس شلون مصيبة !!!!!
ليش هيج جواد ليشششش مو اني حبيتك حبيتك من صدك ....كلبي مارف على احد غيرك انتا
غمضت عيوني واني كاعدة على طرف الجرباية
حتى ملابسي مغيرتها
صافنه .... وكانو عايشة بكابوس مزعج
اااااخ ياربي ليش هيج حظي ليششش
خابرت جواد وايدي ترجف بقوة
بالموت اصابيعي اتحركت وضغطت على ازرار المبايل
بس سمعت صوته راستا انترست عيوني دموع
كتله بصوت مهزوز مبحوح
اريدك هسه تجي هسسسسه هسسسه
سديت بوجه اوف ماريد اسمع صوته
ماريد اشوف وجهه بس لازم اوجه لازم اعرف راسي من رجليه
لاخر ثانية جان عندي امل انو حيدر يطلع كذاب ويبلى عليه ....لا جنت ادعي بكلبي
يارب يطلع حجية جذب جذب
يارب يجي جواد ويكول لاصدكين مصار هيج شي
والله اصدك والله
.............. .. ...
مطول نص ساعه وسمعت صوت الباب تنفتح ويصعد الدرج بسرررعة
دخل للغرفه بخوف ولهفة وجه مخطوف لونه
اقترب مني بساع وكعد على ركبته وصار يلمس جسمي يريد يتاكد انو اني مابيه شي وكال
حبيبتي شكو شصاير ... يوجعج شي ؟؟؟

صفنت على وجه اخ جواد صدك جنت مخدوعة بيك ...
صدك راهنت عليه انت وابن عمي بالملاهي والبارات
وخرت ايده وكوه طلعت الكلمة من شفايفي
- اليوم اجه حيدر للكلية
هدأ وملامحه صارت اكثر شحوب
حسيت بيه بلع ريكه وكال وهو يتصنع القوة والعصبية اااخ جواد من معالم وجهك عرفت عرفت كلام حيدر صدك مو جذب
- و شعنده جاي هذا الكلب ابن الكلب هسه اروح انعل ..
قاطعته وهمست بجمود
- وليش متريده يجي
كام وكف بتوتر وعكد حواجبه جان مرتبك ميعرف شيحجي كتله بابتسامة ميته مابيها روح
حتى لايحجيلي على مراهنتك انتا ويا عليه مو
سكت ظل يباوع عليه وعيونه صارت حمر
صحت بصوت عالي ومبحوح
- احجيييييييي لاتنكر ....راهنتو عليه انتا وياااااا ؟؟
كلشي حجالي وكلشي عرفت ...شلون خدعتني ...شلون صدكتك ...شلون حبيت واحد حقير ناقص غيرة وشرف مثلك انتاااا
جاوبني بسرعه وهو يحظن وجهي بايديه
- حبيبتي وعمري انتي مفتهمه غلط ...اني راح
قاطعته وخرت ايده
- وخرررر ايدك لاتلزمني ...اكرهك واقرف منك ياحقير .....
صاح بصوت عالي
- كافي رقيه كااافي افتهمي .... انا انقذتج من واحد كلب ميستاهلج ...هو لو صدك يحبج ميعوفج هيج بسهولة
ابتعدت عنه عدة خطوات واني ارجع ليورة لحد ما طخ ظهري بالشباك ... صرخت بوجع واني ااشر عليه
- ومنو يستاهلنيييي انتاااااا ...انتااا هم حقير ونذل مثله ...اثنينكم وجهين لعملة وحدة
اتقدم مني بسرعه ولزمني من اجتافي وكال بهمس وهو يركز بعيوني الغىكانه بالدموع
- ولج لو اني بمكانه ....بملاييين الدنيا ماابدلج
لو اعرف اخيس بالحبوس ماافرط بيج بس هو +
دفعته من صدره وصحت
كاااافي كااافي ...خاطر الله كااافي .... لك اني رقيه بنت الحسب والنسب مو من بنات الليل الديحات حتى هيج تسوون بيا !!!!!
شوف جواد اني وانتااا خلص خلص انتهينا طلكني ...طلكني ماريدككككك اكرهككككك
جر ايدي بقوة حسيتها انخلعت من مكانها
- طلاك مااطلك ...اعقلي وكافي خبال ....
- اي صح اني مخبله اذا بقيت على ذمتك دقيقه وحدة....هسه ...هسسسسسسسه اطلكني يلا يلا كولي انت طالك كول وخلصنيييي بعد ماريدكككككك
تقدم واقترب مني اكثر ...ضرب الجامه ورايه بقوة حسيتها اتكسرت ايده انملت دم ... رفع اصبعه وكال بصراخ خلا اذاني تصوفر
- طلاك ماكوووو ماكوووو افتهمتيييي
دفعته من صدره ورحت طلعت الجنطة الجبيرة الخاصة بالسفر وبديت مثل المخبلة اطلع ملابسي من الكنتور

واشمرها بالجنطة
- غصبا عنك اطلك ....ماريدك بعد نفسي لعبت منك ماريدككككك
متحمل حجي شال الجنطة وشمرها بالكاع اطشرت الملابس وصار يكسر كلشي بالغرفه مبقه شي حتى المرايا كسرها وهو يصيح طلاك ماكو ...اموتج والله اذا عدتيها ...افتهمتيييييييي اموووووتج
وبحركة سريعة منه اخذ مبايلي من الميز الي بصف الجرباية و طلع وقفل الباب بالمفتاح ..... ركضت و ضربت الباب حيل وحسيت ايدة اتملخت

- افتح الباب ...افتح ....لك جواد حتى لو حبستني
مراح تغير شي ...خلص كلبي عافك عاااافك سمعت عااااافك
رجعت كعدت على الجرباية واني اجر رجليه جر ....تعبانه واحس راسي يريد ينفجر ....سمعت صوت سيارته ....الحقير طلع من البيت ....ياربي شلون هسه ...شراح تسوي .....الشي المتاكدة منه هي مراح تبقى على ذمته ..... شلون تكدر تباع لوجه
كرهته ....كرهته كلش
نزلت دموعها الحارة ....نزلت تجوي خدودها عبالك ناررررررر .....
ليش قفل الباب ....شيريد يسوي مثلا يذلها !!!
معاش اليذل رقيه
ميعرفها هي منو وشنو
ومن تكول حجايه كتتراجع عنها ابد....وهي متريده يعني متريده
كامت بسرعه اخذت الجنطة وصارت تلم ملابسها بسرعة واصرارها على الطلاك صار يزيد اكثر واكثر
..........................
البيت هادئ ....اوف يمكن نايمة
النذل الناقص انهزم
اني اعملك حيدر وين تروح من ايدي الكاك الكاك
وشوف شلون ماراح ارحم بحالك
تقدم وكعدت على القنفه ررجعت راسي ليورة
ايده جانت تقطر دم ... اشكت من كسر الجامه مالت الشباك .... بس وجع ايده ميوصل ذرة لوجع الي يشعر بيه دينهش بكلبه ..... كلشي حسب حسابه من يوم الي اتقدم الها .... فكر بكل الاحتمالات والمشاكل الي ممكن اتصادف حياتهم لكن اخر شي جان يفكر بيه هو انو رقيه راح تعرف الحقيقية ....تعرف شلون هو لوه ذراع ابن عمها وقشمر عليه
بس لا هو ملوه ذراعه ....لو حيدر صدك يحبها فعلا حب قوي ومتين مجان استسلم لاي ضغط
بس صدك هو محباها واصلا حيدر طايش
ميتأمن على شي فمابالك بوردة جورية رقيقة مثل
رقيه !!!!!
اااااه رقيه ....سامحي وانسي ...انسي وفتحي عيونج
رفع عيونه يباوع الساعة وجانت الساعة بالخمسه ونص العصر
اكيد هسه هدأت وعقلت ويكدر يحاجيها بهداوة
..................
كاعده على طرف الفراش وتهز رجلها بقوة وتوتر الغرفه بعدها هوسه الغراض والكزاز المكسر مطشر هنا وهناك ....المخبل مبقه شي مكسره
سمعت صوت القفل ينفتح وكفت بسرعة وكل ذرة بجسمها متحفزة للهجوم
طب ووجه تعبان كال بكل ثقه وعيونه تركز على وجها وكانو عيون نسر جارح
رقيه لازم نحجي بهدوء
جاوبته بصراخ وحدة
ماعندي حجي وياك
اريد اروح الاهلي يلا وديني مااطيق اشوف وجهك
باوع على الجنط الي محظرتهن بالكاع عكد حواجبه وجاوب
يعني شلون وياج وتاليها شنوووووو وين تريدن توصلييين بعنادج
- اريدك اطلكني ....طلكني وكل واحد يروح لطريقه

متحمل هذا الضغط كله تقدم عليها ولزم وجها وهزها حيل
- طلااااااك ماااكو ...م ..ك...ووووو ...افتهمتي
نفضت ايديه من وجها وكالت
- ابتعد عني ....اياك اطخني والله اكلبها الدنيا عليك
اكرهكككككك دا اكولك اكرهك افتهم بابا افتهممم هااااا
جاوبها بصوت حاد بيه نبرة قهر وعذاب واضح بيها

- شنو التردي مني حتى تسامحين وتنسين ؟؟؟ ترديني اموووت هاااا ترديني اموووت ....والله العظيم هسه اموت نفسي علمودج اذا جان هذا يريحج بسسسس كافي نك براسي عاد تعبتينييييي

بهتت وحسيت الدم انسحب من وجهي ردت اصيح بعلو صوتي اسم الله عليك يومي قبل يومك ... بس مكدرت لساني انربط كل الي كدرت اكوله اله
- ماريد منك

قصه ب اسم احببتك رغم كل شيئ

البارت 14

بهتت وحسيت الدم انسحب من وجهي ردت اصيح بعلو صوتي اسم الله عليك يومي قبل يومك ... بس مكدرت لساني انربط كل الي كدرت اكوله اله
- ماريد منك شي .... غير بس اتوديني لهلي واطلكني .....
ظل جواد واكف كبالها وجه جامد وعيونه تعتب عليها ...هز راسه بيأس وجاوبها بصوت لاهث وبيه بحه وكانو جان يحاول يهدي نفسه +
- ماشي رقيه ..... ماشي ....انت هسه عصبية واني عاذرج ...راح اخذج ابيت اهلج بدون جنطة ملابسج تهدين يومين ...ونرجع نتفاهم

صدرها جان يصعد وينزل تتنفس بسرعة
ميخالف مراح تاخذ ملابسها مو مهم المهم هي تطلع منا والله كريم
طول الطريق واحنا ساكتين بالسيارة
ماعرف شنو سبب سكوتنا ...يمكن لان بعد ماعدنا حجي ينكال ...وحتى لو حجة او برر ماكو شي يكدر يشفعله الي سووا +
اصلا لو يظل يحجي منا لباجر كلبي مراح يلين وينسى
شلووون انسى ..... مااكدر صعب صعب كلش انسان
حبيته من كل كلبك وامنت بيه يطلع كذاب ومخادع
دموعي نزلت غصبا عن ارادتي
مجنت اريد اضعف كدامه بس مكدرت
ظليت مركزة على واجهات المحلات واني دايرة وجهي على صفحة الشباك ....بكد مجنت احبه
هسه اكرهه ....اي اي اكرهه ومستحيل اسامحه
وصلنا لبيت اهلي وقت المغرب
فتحت باب السيارة بسرعة وكأنو اريد انهزم من نفسي قبل لا اضعف واندار عليه وارتمي بحضانه الدافية ....حسيت بأيده تلزم معصمي بقوة
همس بصوت قوي وواثق
- يومين ...يومين وبس رقيه لاتنسين .....اريد اجيج والكاج عاقله وعقلج براسج

محجيت شي ...جريت ايدي بقوة وباوعت عليه بحقد وكره قبل لا اطلع من السيارة واسدها حيييل وبكل قوتي ....

راقبها بعيونه الحمرا التعبانه الي فقدت قوته وصلابتها بس هي نزلت ....رجع راسه على كشن السياره وهمس بصوت تعبان

الله يهديج حبيبتي ...وتعقلين ومتهدمين الي بنيته علمودج .....ادري السويته غلط وماعندي عذر يبرر تصرفي لكن عذري الوحيد والاكيد هو حبي الج

...............................

دخلت من باب المطبخ امها واكفه يم السنك تغسل طماطة وبس شافتها اتعجبت

- رقيه !!!!! خير يمه شعندج جايه بهل مغربيه ؟؟؟

دخلت وكعدت على الكرسي وكالت بتعب وملامحها صفرا مبين على وجها الحزن والكآبة

ماكو شي يمه

امها : لعد شعندج جاية بهيج وكت ... اوينه رجلج ليش مدخل وياج ؟؟

جاوبتها بصوت مهزوز وهي تحاول متباوع على امها

وصلني وراح بعدين شكو بيها لو اجيت بيت ابويه قابل ممنوع يايمة ؟؟؟؟؟؟

جاوبت امها وهي تمسح ايديها بالخاولي
لا يمه مو ممنوع بسسسسسس
قاطعتها رقيه وهي توكف بسرعه
ماكو بس يمه ....اجيت ارتاحلي كم يوم يصير لو لا ؟؟؟؟ اني رايحة لغرفتي
الام جاوبتها وهي تراقب بنتها الي طلعت من المطبخ بسرعة ...
يصير يعني ليش ميصير ....بس غير نفتهم شكووووو ؟؟؟ الله يستر
...............................
طبت بغرفتها القديمة
اااه شلون ذكريات بيها .....ياريتها ممتزوجة ...ياريتها مشافت لا حيدر ولا جواد بحياتها
من حيدر فسخ الخطبة وانهزم ماانقهرت مثل ما انقهرت من جواد
جواد غير شكل .....زوجها وفوك كل هذا حبته
حبته هووووواية هو صار مثل النفس الها
راحت طلعت ملابس من الكنتور لان من ازوجت مااخذت كل ملابسها بقت كم تراك الها ابيت اهلها

راحت للحمام سبحت وطلعت ....كعدت كدام المراية تمشط شعرها وهي تفكر
هسه المشكلة الحقيقية الي تواجها هو شلون حتوصل نيتها واصرارها على الطلاك لأهلها
شراح تكول لابوها ؟؟؟؟
خاصة وهي وجواد كانو سعيدين وفرحانين باخر زيارة زاروها هنا وهمين امها وابوها يحبون جواد
ويحترموه كلش ....اااخ جواد الحقير المنافق
بلسانه العسل اكبر واحد يوكعه بحبه
يفرض احترامه فرض على الناس
عنده اسلوب لين يطلع الحية من الزاغور
غمضت عيونها ودموعها صارت تنزل بحرارة
ياربي شلووون شلووون شراح اسوي
احبه واموت عليه بس بنفس الوكت اكره الي سواه بيا .......شلون حيره هاااااي شلوون
صوت دكات على الباب خلتها تمسح دموعها وتعدل كعدتها بسرعة ....دخلت اختها غدير وهي فرحانه
تحظن باختها
- الله مصدكت من امي كالت رقاوي اجت عبالي تشاقه
ابتسمت رقيه وهي تحاول تبين طبيعيه كدامها
-اييي راح ابقى هنا ومطوله كلش ...
- وليش مطولة
رفعت رقيه كتفها وجاوبت بدون اهتمام
- هيج تعبانه اريد ارتااااح شبيكم ويايه كلساع واحد يتعجب ويسال !!
كعدت غدير على طرف الجرباية والتفتت تباوع لاختها بدهاء
صارحيني رقاوي اني اختج ...صح صغيرة بس ترى افتهم كلش زين ... شصاير بينج وبين جواد ؟؟؟
جاوبتها رقيه وهي تبلع ريكها وتلتفت مرة لخ على جهة المراية
- ماكو شي .... مشكلة وراح انحلها عن قريب
- وشنو هي المشكلة دحجيلي بلكت اكدر اساعد !

شغلت رقيه الشسوار وبدت تنشف شعرها وهي تجاوب
- ميحتاج ....اني راح احل كلشي لاتهتمين انتي وركزي بدراستج
مقتنعت غدير بكلام اختها وحست اكو شي جبير صاير بين اختها وزوجها بس مرادت تدخل
- كومي نحضر العشا وي ماما خطية وحدها بالمطبخ
نزلو وساعدو امهم بتحضير العشا
كعدو اتعشو ابوها جان طول الوكت ساكت
م

ن خلصو كامت رقيه تسوي جاي
ابوها وكف وكال جيبي الجاي بالصالة
جانت تعرف ابوها راح يسالها عن سبب وجودها هنا ولوحدها صارلها اكثر من شهرين وهي متزوجة ولا مرة اجت وحدها وحتى من تبات جواد يبات وياها
ودت الجاي البوها وكعدت بصفه سالها ابوها مباشرة
- هسه اريد اعرف شصاير بينج وبين زوجج بالضبط ؟؟؟
همست وهي تنصي راسها
- بابا .... اني راح احجي وياك بصراحة ....
خلى استكان الجاي على الطبله لي بصفه وعدل كعدته وكال
واني اريدج تحجيلي بصراحة ومتضمين عليه شي
رفعت عيونها المغوركة بالدموع وكالت
بابا اريد اطلك ....جواد بعد ماريده خلص
وقبل لايحجي ابوها دخلت امها الي الظاهر جانت تسنط عليهم وهي تكول بصراخ
شنوووو تطلكين ...انت مخبله لو شنو ؟؟؟ ماعدنا بنات تنطلك افتهمتي
باوع عليها زوجها وكال بهدوء
اسكتي انت وخلينا نفتهم السالفة شنو ...احجي بابا شنو السبب الي علموده تردين تطلكين ؟؟؟؟
صرخت الام وهي تضرب على صدرها
يعني انت موافق على كلامها يا ابو عبير ؟؟؟
جاوبها بصوت حاد
دا اكولج سكتي وخليني افتهم لو اكولج روح اطلعلي وخليني وحدي وي بنتي
كامت الام وكالت
هاي عين وصابتهم هذاك الاسبوع جانو مثل الورد شصار وغيرهم هشكل ....اروح اطكطك الهم حرمل احسنلي ....وانت خاتون افتهمي طلاك ماكو ...من اموت سوي الترديه خوووش
عافتهم وطلعت بسرعة
ابوها كال بهدوء وطيبة
معليج بيها بابا ...احجيلي بينتي شكو شصاير وشسوه وياج جواد ؟؟؟؟
مااعرف شكول وشحجيله .... كلبي منطاني اكوله على شغله القمار ....مااعرف ليش
رغم كل الي سواه بعدني احبه
احبببه ومو بيدي ياربي شنو هلحيرة الي اني بيها
- م..مسوه شي ...بس ..بس
-بس شنو كملي
-احنا مختلفين بكلشي ...واخر ايام صرنا بس نتعارك على اتفه شي
- هشكل فجاةتتعاركون بدون سبب ؟؟
هزيت راسي
-اي بابا بدون سبب الله يخليك ماريد ارجعله ....كل واحد يروح لحالة وخلص
-بنتي هذا مو حجي ....شنو كل واحد يروح الحاله وخلص ليش هو لعب جهال
-يعني شنو بابا ؟؟؟
-يعني ماكو لا طلاك ولا شي انطيني سبب مقنع يدخل العقل
مجاوبت ظليت ساكته ....رجعت لغرفتي واني اجر اذيال خيبتي ....احبه واريده بس كرامتي انجرحت
ماتكدر انسى مااااكدر
........
يومين واني ابيت اهلي صدف جمعة وسبت وكلية ماكو ... بهل يومين راسي احسه راح ينفجر من التفكير ........
جنت متمددة على جربايتي اتفرج على التلفزيون بملل حتى كتبي وملازمي مجايبتهم جان هسه كعدت قريت شويه بس شسوي من القهر والعصبية نسيت كلشي حتى مبايلي ماخذت منه
جنت لابسه تراك احمر قديفه حصر على جسمي
معالمي الانثوية كلها بارزة خاصة منطقة الصدر والورك شعري مسويته ذيل حصان
فجاة سمعت صوت الباب اندك وانفتح راستا
التفتت وجان اشوفه واكف يباوع عليه
عيونه تحجي الشوك واللهفة والعتاب
ملامحه تعبانه ووجه شاحب
كلبي رف عليه وحن اله ردت اكوم احضنه وابوس كل مكان بوجهه بس كرامتي وكبرياىي اهم من كلشي همست بداخلي
اتماسكي غبيه ولاتضعفين ابد
حجيب ابرود واني اعدل كعدتي
- والك عين تجي مرة لخ ابيتنا يا غشاش ؟؟

قصه ب اسم احببتك رغم كل شيئ

البارت 15
دخل للغرفه وسد الباب ورا
عكدت حواجبي وكتله بحدة
ليش سديت الباب ...امشي اطلع من غرفتي ...لا اكولك شنو ... اطلع من بيتنا كله +
اتقدم بهدوء وكعد بصفي على الجرباية وجاوب وكانو مسمع شكلت

- يلا كومي غيري ملابسج حتى نرجع لبيتنا .. ترى تعبتيني

جاوبته بعناد وتحدي
- ماعندي بيت هذا بيتي
- بلا حجي مزعطة وكومي لاتعصبيني

- كتلك رجعه ماارجع .... متفتهم انتا ؟؟

- رقيه بلا خبال وكافي عاد عفتج يومين ترتاحين وتهدأين ...هذا عنادج ميفيد ترى

كزيت على سنوني ..اوف شكد مغرور وشايف نفسه بس مع ذلك احبه مو بيدي
- مو عناد بس اني فعلا بعد ماريدك طلك بهدوء وبدون مشاكل لاتخليني احجي لبابا على دكتك الناقصه انت وذاك الحقير
ابتسم وملامحه صارت لينة والفرحه بينت بعيونه
- يعني انت محجيتيله ؟؟
درت وجهي للصفه الثانية وكلت بهمس
- لا محجيتله
حسيته اتقرب منه اكثر وجاوب بهمس
- وليش مكتيله ؟؟؟
رجعت ليوره وجاوبت بغرور وثقه كذابه

- مو لسواد عيونك بس اخاف على ابويا المسكين ليصير بيه شي وهو مريض ميتحمل
رفع حواجبه الثخينة وكال
- اي صدكتج
-شنو يجبرني تكذب عليك ؟؟؟؟؟ حبك انتهى من كلبي خلص
حسيت بأيده الضخمه تسللت لفخذي يمسد عليها بهدوء ورقه يصعد وينزل ...كلبي رجف وصار يدك بسرعه ..جسمي احسه صار حاااار وانفاسي لهثت
همس بصوت ناصي بيه بحه رجوليه
- ياعمري انت ...مشتاقيتيلي ...مشتاقيتي لمكانج ...شلون كلبج انطاج يومين متنامين بحضن حبيبج
دفعت ايده عني بسرعة وجاوبت
- وخر ايدك ....ولاعبالك نسيت السويته ... وبعدني مصره على الطلاك وغصبن عليك اطلكني
نفخ بضوجة وكال
ميخالف امشي نرجع لبيتنا وهناك نتفاهم
شنو شايفني طفله تضحك عليها ...شنو نرجع نتفاهم
بابا افهم رجعه ماارجع
استغفر الله وكال
- يارب صبرني
- والله ممجبور تصبر عليا طلكني وخلص
مشط شعره الاسود الكثيف باصابيعه وبعصبية وظل ساكت شويه وبعدين باوع عليه بجمود وجاوبني

- زين .... عندي اقتراح ...ارجعي وياي هسه وابقي شهر واذ ظليتي مصرة على الطلاك خلص انطيج حريتج وعد مني
رفعت حواجبها وصفنت عليه بلعت ريكها وجاوبت بشك
-خاف تكذب عليه ؟؟؟
-والله مااكذب
-احلف
-والله العظيم انطيج حريتج وسوي الترديه
-الزم شاربك
ابتسم الطفوليتها الي يعشقها ولزم شاربه وكال
-وهاي شاربي مو عليه اذا كذبت عليج
.................................

فعلا رجعنا للبيت وامي فرحت كلش ظلت توصيني وتشاورني تكولي ديري بالج على رجلج وبيتج
ياترى لو امي عرفت راح اظل ادافع على جواد وتفضله على بنتها ؟؟
وحتى ابويا هم فرح وحسيت بيه ارتاح من كلتله راح ارجع ويا
من دخلت للبيت حسيت روحي ردت الي
صح اني صار شهرين ونص متزوجة بس
ارتبط كلش بهذا البيت
احس كل جزء وكل ركن منه يحمل ذكرى عزيزة عليه
شلون ميحمل ذكرى وجواد مابقى مكان ما جان يقل
بيه ادبه ويايه
حتى بالمطبخ على طاولة الطعام هم مددني وظل يتحارش ويبوس ويفقد عليه
هزيت راسي ودخلت لغرفتي ...حظرت ملابسي ودخلت اسبح ....
مشطت شعري ونشفته لبست ثوب قطني خفيف ومخصر دلعته جبيره طالع منه مقدمة صدري
والصراحة تعمدت هشكل البس اريد احركه حرك
لازم يندم ويعرف هو شيضيع منايده
اني متعودة البس ملابس خفيفة بالبيت اصلا بيتنا دافي
طبيت للمطبخ شفته جايب كباب ومقبلات وببسي وديصفطهن على الميز بدون اي اهتمام وكأن جواد الواكف كدامي بطوله الفارع وجسمه الضخم مجرد هوى لاشي ...كعدت عل الكرسي وبديت اكل
الصراحة جنت ناوية اسوي اضراب عن الاكل
بس ماكدرت من شفت الكباب كلبي منطاني هههه
كعد كبالي وبده ياكل بس نظراته مركزة عليه
من خلصنا هو راح صعد للغرفه واني بديت
انظف واضم الكباب البقه بالثلاجة
صعدت شفته متمدد على الجرباية لابس شورت ازرق وفانيله بيضا
عكدت حواجبي بصمت وطلعت فراش وفرشته بالكاع
عدل كعدته وكال باستغراب
- وين نايمه ؟؟؟؟؟؟؟
جاوبت بدون اهتمام
مثل مشوف بالكاع ميعجبني انام بصفك
جر حسرة ووجه معبس وكال
-مخبله انت !! تعالي نامي هنا المكان واسع وجبير واذا تردين حطي مخاديد بيناتنا
ماريد ....شكرا
استغفر الله بصوت ناصي وكام وكف
روحي نامي عل الجرباية واني انام بالكاع
ابتسمت بخبث وكتله
والله بعد احسن
رحت نمت واني اشعر بنشوة الانتصار ...اوف شكد غبيه وعنيدة اني
.......................
مشت الايام واني على نفس اعنادي متغيرت
صح يوديني للكلية ويرجعني عادي ... و كدام اهله اصير طبيعيه واحاجيه برقه
لكن كلشي يختفي بمجرد دخولنا لبيتنا
هو ممل يوميه يحاول يتقرب مني بس اني قافله
صح كلبي يحن اله لكن من اتذكر السواه احس النار تشتعل مرة لخ بكلبي جنت افررررح وكانو مسويه انجاز عظيم لمن اشوفه ضايج ومعبس
.................
الساعة 6 الصبح حسيت بيه كام راح للحمام وطلع
اجه كعد على الجربايه و اقترب مني ايده دارت جسمي عليه
همس برقه
رقاوي حبيبتي اني مسافر للشمال احتمال بالليل ارجع او باجر
محجي

ت شي اقترب مني اكثر وباس شفايفي
مدري ليش سكتت ومصديته
اوف ربي احبه والله العظيم بس كلبي العنيد
ميريد ينسه
من شاف استسلامي وهدوىي اتمادى ويايه
قبلاته اتوزعت على ركبتي وشفايفي خدودي عيوني رجع مرة لخ لركبتي يشمها ويهمس بكلمات عذبه
احبج والله احبج كل الي سويته لخاطرج
اموت عليج انت اهلي وعشيرتي وبنتي وزوجتي وام جعالي انطيني فرصه والله مراح تندمين
كلمات دخلت بروحي وعقلي
خدرت جسمي
ريحته اوووف من ريحته شكد مشتاقتلها
حضني بيديه وصار فوكايه
نزعني قميص النوم الحريري الجنت لابسته
وبده يوزع بوساته على كل جزء من جسمي
مكدرت اصده بس ايده تمشي ببطء على ظهره المعضل
وايدي اللخ لازمه بيه ذراعه السمرا
امتلكني بشوك ولهفه وسرعه
وكانو ممصدك اني انطيه حقه الشرعي بعد حرمان
عشرة ايام
كل ما وجه يقترب من وجهي يهمس احبج ويبوس شفايفي
دموعي نزلت بصمت وبس صوت اناتي وتنهداتي مكدرت اتحكم بيها
من خلص باس كصتي وكال
والله احبج يا بعد بيتي وعشيرتي
باوعتله وعيوني مدمعه
حنانه لمس كلبي وخترق كل دفاعاتي الحصينه
حس بدموعي مسحن وكال بحزن
ليش تبجين حبيبتي ....
هزيت راسي وكلت
مابيه شي ....
تردين ابقى يمج ؟؟؟ والله اذا ترديني هسه اكنسل الروحه عمري انت بس لاتبجين
روح جواد ..روح الله وياك
تنفس وزفر الهوا بحرارة وحسرة
كام راح للحمام واني دفنت وجهي بالمخدة ابجي بحركة وقهر ...... محتارة
بين كلبي اليريدة والي يكولي سامحيه وبين عقلي العنيد اليكولي كرامتج وكبريائج اهم من الحب