★العناية بالمنطقة الحساسة🙈🌸

1⃣أفضل طريقتين لازاله الشعر هي #الحلاوه و #الشمع تجنبوا إزاله الشعر بالموس لان راح تشوفون نتائج مو حلوه بعدين 👍🏻

2⃣سوا تقشير قبل إزاله الشعر حتى ينشاال الشعر من الجذر و ميبقه تحت الجلد و التقشير عباره عن (سكر + زيت الزيتون أو زيت جوز الهند)و التقشير راح يخلصكم من الجلد الميت و التصبغات.

3⃣بعد إزاله الشعر بالحلاوه أو الشمع و تنظيف المنطقه #ضرووووووري ترطبوهه بمواد طبيعيه ( الالوفيرا +زيت جوز الهند) راح ينطي ترطيب رهيب اتركوا ع المنطقه لحد متمصه و فدشي جد رهيب ينطي نعومه اجنن 👍🏻

4⃣أفضل وقت لازاله الشعر بعد الدوره الشهريه

5⃣إذا تحبون تقللون الشعر استعملوا زيت السعد بعد إزاله الشعر 👍🏻

6⃣وأهم شي ترطيب الجسم أسبوعيا حته يبقه ناعم و منتعش

#اعـاده_توجيـــہ_لتنسون
#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

السادس والاربعون

اسبوع حافل بلمفاجئات  نائل من صفحه يريد تقى وامي وشمس وحتى سارة مقابلين يجي يكلي قنعيهه اكل اي اضل حايره اني بنفسي ممقتنعه شون اقنعهه

الخبر الصادم خطوبة محمد قلب وضع خله ساره عيونه تكت دمع كطعت الاكل حاولت احجي منعتني

امي انتبهة عافتهه مدخلت بس تجي الصبح تجبره تكعد تنظف

لحدما زوجت عمي طلبت من امي تروح وياهن يتفقون على الذهب والحاظر والغايب

بيوم الراحت العصر كالت لتحجين كدامهه سكتت

كعدت يمي جنت اوكل يمن بسكت وحليب لازمه تلفونه طلعت قصيده حزينه

اباوع عليهه بسرعه عيونه دمعت تمسح بيهن متسيطر يكتن دمع شلال مي تبرطم وتنصي تلزم روحه عود متخليني احس كسرة كلبي منظرهه يفطر الكلب شسويلهه بدي اروح اذبح محمد ليش علقهه بي

كمت غسلت اليمن وانطيته اله تلتهي بي

بلشت بلعشة  ساعتين ومحد رجع نائل بمحله وشمس كذالك امي ويه زوجة عمي

بيبي صارله فتره يم خالو

سارة كالت مااشتهي لصبين عاد اني صبيت الروحي واكلت

لليل امي ب٩ رجعت نائل وشمس ب١ رجعو بعد معزلو المحلات

ثاني يوم استغليت نوم سارة سألت امي

كالت البنيه حلوه ومعلمه متعينه شرطت ذهب ب٥ وحاضر وغايب ١٠ب١٥

زين الله يهنيهم كعدة الف دولمه وسوينه جدر روبه ماما تعرف وعلمتني تخبل سويهه

شمس حايرة ب ندى بيه ومتضعف الطفل هذا اخذ عافيته امي متاركته بين يومين تروح اشوفهه

سبوع وخالو مبين حيصير شهر هذا ثالث سبوع العرفته نازل قبل سبوع عمتي كالت من خابرته اطمأن عليه

لان بروحته وده على سجاد وزهراء يباتون يمهه

كاعدين شمس ونائل يلعبون دومنه اني امي نسلس حب وباوع عليهم نسولف

دك تلفون شمس شاله شويه وسده

كال هذا عمي عازمنه على عقد محمد

كتله شدعوا مستعجل

شال راسه وهوه لازم الدومنه ليش هوه شعنده

مصارله هواي من طلك وركض خطب

كالت امي هوه يريد يلم  جهاله لهذا خطب بسرعه بسرعه

شمس كال يمه والله هذا بطران شتت عائلته من تفكيرة الماصخ وين يريد يوصل رجال ومرتك فقيره وجهالك زغار من هسه اشتتهم ميرهمون عندك طبيعة الطفل يتعلق بأمه ازوجت من يكول مرتك تحملهم ومتأذيهم  

كالت شكد حجينه وياا امه وابو كلوله بنت الناس غريبه شعرف منه زينه موزينه اصبر بلكت ترجع زوجتك مااقبل وكال شروق مااترجع

نائل اثاوب كال دعوفو هذا ابو راس اليابس

شمس ضربه على راسه دسد حلكك لا تثاوب بلوجهه

كال اهووو هسه اثاوبنه نفخنه غاز الساينيد

كله ولي  بابا عود يعرف كم معلومه وخابصنه

كال شعبالك مااعرف لعد الدراسه وين راحت

كله وهاي دور جهار

طفر نائل لا والله غش هاي شنو

كله كوم لك غش هي ربطت

كتله ماما تره معندي ملابس

كالت اهووو نبأ وصارة عده مناسبه شيفضهه

كتله لعد شون ياماما ممشتريه ملابس طلعه

كالت اكعدي واسكتي شعدجن رايحات

شمس كال ليش ميرحن

كالت شعدهن هوه عقد وصنطاوي بيناتنه

كال خليهن يرحن هوه منو يروح خواته وانتن

سكتت رجعت كالت هسه يخبصني على ملابسهن ويطلعني افرفر بيهن لحد متوكع رجليه

كتله يام هوه محل واحد عده فساتين مناسبات

كالت اشوف لو هم من نوصل هناك وكالن بس هذا المحل بس ذاك

لعد شلون غير نشتري اليعجبنه

عوجت حلكه كمت اليمن شويه وصاحني شمس

اجيت هااا كال اليوم خابرني ابو احمد علمود ابنج لاكي طبيب زين بأربيل

كتله صدك اي وشكالك بعد

متفق ويه اخته احتمال ياخذ وياخذج

كتله يعني اروح وياهم

هز راسه

زين شوكت نروح مكالك

كال لا هوه من يحدد موعد ينطينه خبر

رجعت دخلت للغرفه خابرت عمتي افتهمت منه  مو اكيد تروح يجوز تاخذه اخته ام عابد يمهه

ضليت حايره يمن ميكدر بدوني يبجي شون كايل لخويه تروح

سارة ثاني يوم سمعت ولا كأنو عادي وراحت ويانه تشتري ملابس ندسته شبيج مو علا بعضج

سوتلي حركه بحلكه يعني عادي

كتله انتي مخبله كل يوم بمزاج

كالت اليعوفني هوه الخسران

كتله عاد شونج مو انتي العفتي

كالت اي هوه هذا بلضبط اني العفته

كتله سارة لاتضوجيني منج تره المشاعر موشي هين عيب عليج لاتتباهين لان حبج وكتل نفسه عليج وهسه جايه رافعه خشمج اني واني العفته لاتكولين هيج رجال قدم كل العنده وتوسل بيج

دنكت ونفخت بقلت صبر كالت ادري ادري لصيرين المدام النصوحه

كتله متنجبين شبيج اسلوبج متغير شنو مدام النصوحه
فوك مخايفه عليج

كالت لتخافين مااموت

ويطبج طوب واذا متي للجير والجهنم

ابتسمت بستهزاء ورفعت حاجبهه

عافتني وتفتر تشوف الفساتين

نفرزتني

ضليت اختار شفت واحد اخضر على زيتوني حلو لونه صح بارز بس حبيته من قسته وشفته فيت
موديله كتف ماكو وكتف ردان

والله لو شوفه ام الزوز تشلخني

اخذته وهي كاعده وتتفرج على الطاب والطالع

عاملت واخذته طلعنه مشفت سارة شختارة

وراهه رحنه محل الاحذيه ورجعنه

يومين وكعدنه نحضر بعد مكملت نفسي وشسورت شعري ذبيته واصل جوه من نهاية ضهري مكاصته ابد حتى اطرافه متقصفه امي عدلت

ه صار ويه نهايه لفيته

بين مسبحت وسبحت يمن وبدلتله يله بدلت

سارة وياي بلغرفه تفتر وحاير شتحط وشتخلي ادري بيه تريد تحرك كلبه

كملت قبلي شفت نفنوفهه عدل مخصر للرجل كلوشه ذاب نفسه طويل  بي فتحه من كدام للركبه والفوك مستور ردان حتى الركبه مضمومه  ياخه صغيره  كلش حلوه عليه خصوصاً هي تارسه مو ضعيفه ولابسه كورسيه للبطن مقسم جسمهه

شعره بس شسورته وبرمت اطرافه

داالبس كبال المرايه كملت باوعت فضيحه والفتحه الوره توصل الزري عزه بعدني دااحجي ويه نفسي ودخلت امي كالت مكملتن

التفتتلي شهكت وضربت على صدرهه

دهر يمفلوكه تردين تخزيني شلابسه

كتله هدوم شلابسه

هنه ذني هم هدوه امشي بدليهن مترحين هيج

كتله شنو ماما مااروح هيج هي بس نسوان وبعدين مااعندي بس ذني

كالت ولج شايفه نفسج باعي بلمرايه صدرج وايدج يااااياااا شوف الفتحه ولج انتي صاقطه منين جايبتج من الملههه تخزين

كتله اي من الملههه وهزيتله وركي واضحك

كالت ايا ادبسز نبيه تنزعيهن وتشوفيلج غيرهن لو تنجبين وتكعدين هناا

اهووو ماما هسه وين ابدل ماعندي

كالت لعد ضلي هناا هاي اختج شمحله لبسهه انتبهت على خلفيته وكالت يااايااا وهاي الثانيه ولجن وين رايحات شلاعبات شنو هل ملابس كاوليه عندي

سارة كالت ملابسي مبيهن شي وهي حفله بنات محد يدخل

وهذا الازك كالت سارة  لعد هاي نباء مو صلوخ ولازك

رجعت امي حجت  ذيج مزوجه ونازعه المستحه انتي شنو هذا لبسج هم ضيك وهااي الفتحه مطلعه كراعينج

بعده محاجيه

كالت ثنينجن تبدلن لو تبطلاً روحه ماكو هيج بنات الزفرة يردن النسوان تحجي عليهه شملبسه بناتهه

طلعت واحنه وحده تباوع على الثانيه ممقنعين دورة بملابسي شي مناسب ماكو

قنعت سارة نقنعهه منفتر ونكعد بمكانه واذا دخلو الزلم نلبس عبينه

والله جابت نتيجه وافقت بس بعد مطاح الساني

تمكيجت وكملت بس حمره مخليت شمس ميسكت ويخليني امسحه كدامه كلت من اوصل هناك اخلي

ل٣ رحنه كلنه لبيت العروس

وصلنه وبيت عمي واصلين قبلنه عماتي بس وحده جايه عمه امتثال منهد طلاك بته مشاكل هي وياهم ممتصالحين  علا ونرجس وزوجت عمي واخته وبنات اختهه واهل العروس كلت بكلبي خوش بيناتنه عازمت الكل

العروس بلصالون عجبني بيتهم راقي

علا اجت يمي وبطنه عاليه كتله يمعزايه بتج زغيره متوازيه

كالت لا شنو زغيره عمره ٣ونص

على كبرهه واذا ٣ اني منج ادخلهه مدرسه شويه تفتهم وتعتمد على نفسهه

كالت لاصيرين كطاعت ارزاق

كتلهه هاااا كولي اني اريد

كالت ثنينه مو بس اني

عود خابريني وكولي مالحك

كالت هسه منو شاكيلج مسكتين

كتله سكتنه اكدرلج تعالي صدك منين عروست محمد

كالت اخت بت عم صديقتي

شون هاي اخت بت عم ص.يقته

كالت اي بت عم صديقتي اختهه

هاااا افتهمت

كالت اي عجبتني وفاتحته بلموضوع قبلت

شكد عمره كالت ٣٢

اجذبين جبيره

اي جانت مخطوبه سنتين لأبن عمهه ومات بحادث وحزنت عليه كم سنه

شعجب قبلت بمحمد وعنده جهال

كالت شبي محمد هي شافته وكيفت

ولج عوبه مكلت بي شي بس بحكم عمره وعنده جهال

كالت يمعوده هنه يردن بس رجال وهي شافته طول وجمال سلكت

هههه كبر لعبتي نفسي

كالت بعدج مشايفه هاي لو تعرف بي قوي يمكن تعبده

كتله شكد ادبسز انتي وشمدريج

كالت غير شروق جانت تحجيلي متعبهه بذيج الشغله هوه طبيعته حااار وهي باردة فيتمشكلون كل مااجيهم لازم يتعاركون

من تنزل مضروبة اسألهه تكول لان مااتفاعل وياا نتعارك وهوه يأذيني فمااقبل

ضحكت عليه ولا عشت هيج اشياء غميت روحي ولا جني مزوجه ومخلفه

هوسة النسوان سوالف وضحك سارة بصف امي

اباوع عليه مطنكرة لان من كعدة على الكرسي طلعن رجليه الفستان ذيق وفتحته جبيره يطلعن رجليه

امي كل شويه تخطيه بعبايته تخليه على رجليه
وهي شوف امي ملتيه ويه النسوان توخره وترجع امي تخليه صدك اضحك عليهن شرايج

علا بصفي وبحنه بته وابني بحضني شعري فالته وكلبته صفح خليت حمرة دمويه بس فاتحه تغير شكلي وكبرة

نص ساعه واجة العروس لابسه بدله كعدوه واستقبلنه خالت محمد هلاهل طرشنه يمعودات بعده معاقده من يعقد هلهلاً

علا تكلي ميسمعنج بهل هوسه  وانتي تنوصين

سكتت عفتهن يهلهلاً شويه كالو نعقد كعدو البنيه يم الباب رادة تكوم تلبس بياض مقبلن خالات محمد لبسنه وشاح ابيض فوك بدلتهه

عيني على العروس وعين على سارة منفوخه واحسه شويه وتنفجر من شافتهه حلوه

عقدو وطشو جكليت وهلاهل وشغلن السستم وبده الردح خواتهه وكرايبه واحنه محنطات علا بطنه متكدر وسارة دمعته بطرف عينه متحملت شفته كامت دخلت جوه كمت اشوفهه علا بصفي تصفك وتهز ركبه

كتله بس هاي الفالحه بيه دهاج هذا يمن حكعده بمكاني اروح اغسل عينج عليه تهز وتأشر بيده روحي

امي شافتني كمت فتت منه جرتني دنكت  كالت وين

كتله اطب للحمام نحصرة

كالت روحي ورجعي لا تفترين

مدافع يله طلعت من الهول سالت وين الحمام كالن جوه الدرج

رحت صدك سارة واكفه يم المرايه ترتب بعينه عيونه ميوكفن تمسح وتع

دل وتزل دمعته لحد مزهكت وكعدة بلكاع

وذني كرايبهم كل شويه تجي وحده تعدل وجهه كومتهه

كالت عوفيني نباء روحي طالعه

كتله بس كومي جريته وكفنه على صفحه شاورته مو انتي ردتي تقهري لاتبيني نفسج متأثرة خليج قويه بس يشوف ضعفج يسوي الازيد حتى ميتقاوه عليج

لزمت وجهه بين ايديه مسحت الصخام النازل على خدوده همزين بيي الجنطه جايبته طلعت باودر عدلت وجهه

كضيت ايده باعي لاطبين اوكفي بلباب حتى يشوفج بس دخلين امي تلبسج العبايه نزة راسه بعدنه دنفوت لاكانه محمد وحسن داخلين وخالاتهم يهلهلن ويسولهم طريق حسن لجهني ضل فاكه حلكه فاتوو

ندست سارة الي عيونه من شافته نزلن دموعه

هااا شكلن مسحتهن شافج

هزة راسه اي شافني

كتله لعد راح افوت فتت بين النسوان وصلت لا يمن ولا علا عود واحد هم يعتمد عليهه لبست عباتي دورة لكيته بحضن امي حسن طلع مضال

جابن الذهب علا تنطي وهوه يلبس بس اي معالم فرح مابوجهه  كمل علا بلنص تركص هاي مو كالت مابيه حامل اغاني وركص

وكفت اصفك واياهم واشوف سارة بلنص تركص هااي شسوي تقسم بجسمهه ورافعه ثوبهن من جوه طويل وكعبهه وهي وتتمايل  خرب غير تكعد فيفي

اريد اجرهه مااكدر عيب وبس هي وعلا ونرجس يركصن خوات واقارب العروس كعدن يستحن من محمد

وعلا مكابلته بس هنه يكمزن انوب دخلن خالاته يهوسن ويكولن

امي وين عنهه قبل ميطلع اجت كالت وين عباتي

كتله شدراني يجوز عد امي راحت

هوه طلع شويه ودو علينه

رجعنه وياهم لان شمس ونائل راجعين من وكت

وصلنه البيتهم دخلنه وهاي تنافخ متقبل تريد نرجع البيتنه

سارة .اختنكت مردة اطب كوه طبيت على اعصابي

كل شويه اكل الامي اريد ارجع الكعب تعبني متقبل عيب عمج جلب بينه على العشه

كوه صبرة نفسي همزين مموجودين بس النسوان
لل٧ طبو حسن ورا محمد شافني دار وجهه عاد اني الكاتله نفسي غير نرجع كلبي راح يطك

كعد مقابيلنه طب عمي شافنه كمت سلمت  باسني براسي كال والله جنت متمنيج لبني

كتله لا عمو بعد وراي جامعه واذا طلعت معدل اكمل ماستر

كال الله يوفقج

رجعت كعدة وهوه على كعدته ومرجع جسمه وكل شويه عيونهه صد البعض من اشوفه يباوع ماانزل عيني اريد اشوفه شيسوي اتأمل نضراته وهوه يسوي مثلي مينزله لحد مااستحي وادير عيني

علا ونباء يحضرن بلعشه اني مكمت تعبت من العب كاعده يم امي وزوجت عمي هم حسن طلع بره

ومحمد كبالنه يشرب جكاير ويسولفون على الكعدة والحاضرة شون مقبلوه ١٠ب١٥ رادو ٢٠ ب٢٥ ونزل نزل لحد ممسوي١٥ب٢٠

يسولف ويشرب لحد ماعمي كله كافي خنكتنه طفاهه
نفخ باوعلي كام صعد فوك مكدرة امنع روحي من النظره من صعد الدرج سوا بايتين نزلت راسي واني بداخلي بدي اصرخ ابجي

منزل منا لمن صاحو على العشه نزلت نرجس يكول 

نزل مبدل كال اني طالع يام اكو كيك زاد رجعو راح احطه  بلطرمه

فترة مرة سفرت علاج يمن تأجلاة الطبيب مسافر

مدنكه اكنس بلغرفه دك تلفوني ذبيت المكناسه واني شادة راسي رقم غريب عفته رجعت اكمل كنس  رجع
دك نفس الرقم  مبطل كم مرة وتوقف

كملت شغل صار الغروب اتصلت علا جاوبت اجاني صوت ولد استغربت وخرة الجهاز باوعت هاي رقم علا واسمهه

كلت منو كال اني حسن شلونج نباء

كتله بخي  وانت كال الحمدالله بخير مدامج بخير

كعدة على التخم الله يسلمك كول حسن محتاج شي وبداخلي بس اريد اسده

كال اي رايدج

ضحكت بهل سرعه رايدج

كال اي مااريد اطول بلكلام واعرف الاعتذار والحجي ميرجع ولا يصلح شي وانتي حقج الرفض وحقج متأمنين بيه بس وكته خليج مكاني كلشي ضدج اصدك منو اصدك حبيبتي لو اصدك اذاني

قاطعته حسن انت كلت الحجي والاعتذار لا يرجع ولايصلح شي فاني هاي صفحه وطويته ماريد اذكر شي منهه عايشه الابني والنفسي

كال نباء وهذا الاصح واني احبج ومستعد التردي اسوي اقبلي اعيشج ملكه والتأمري حاضر

حسن اسمع زين واعتبره الختاميه النفس منك طابت تبقى ابن عمي واكن الك مشاعر اخويه بس اكون الك زوجه لا مااكدر

كال ايباااه شكد متغيره وين نباء الصوتهه مملي برائه ومن تحجي تستحي مني وتخاف

كتله اي هاي اني هيج تغيرة ازوجت صرة أم قابل اضل ثوله

كال لا حشاج لحد الان نضرتي ومشاعري متغيرن اتجاهج رغم ازوجة وماكلت محبيت رحاب عوضتني وملت الفراغ العشته بس مملت كلبي بيقتي محتلته

ارجع واكلج اني احبج ومستعد لكل طلباتج

سكتت وراهه كال فكري وختمهه

سبوع ونفتح موضوعي حسن مفاتح شمس وشمس كال اني شون بيجن ويضحك   ياسارة يا نباء
والله مثل حسن مالكه احسن منه حباب

امي وهوه وبيبي اجتمعو عليه يقنعون واني لو اجاوب لو اسكت

لحد مااشمس كعد وياي كال خويه اني لامتعاجز من لكمتج الوارد خير من الله ومامحتاج واذا تصرفن فهذا كله من ابويه ومحلاته بحصصجن تصرفن لامن جيبي ولا من جيب نائل

بس ابن عمج رايدج وخوش انسان

والطمني كال مستعد اعيش ابنه ومن يمنه

اذا لاسامح الله تمشكلتو ضربج عال بيج اكسر ركبته

مو مثل الغريب من جنتي مزوجه مااكدر اطب اخذج يمنه وفنه اليفتح حلكه

الدنيا م

دايمه وعلى مثل امي الشين التعرفه احسن من الزين المتعرفه

كتله مااريد كسروني وهوه اذاني

كال ادري ومالومج بس اني رجال واعرف شعور الرجال من شي يمس الشرف يصير انسان ثاني

شسوه بزوجته مو طلكهه رغم هي زوجته وحامل محسب الكلشي شاف غلطت وغلطهه طعن اعراض وعليه كاتل ومكتول

ليش اني مقتنع بحسن وكيفت من رادج اعرفه من زغرة يحوم عليج ومن جنتي تلعبين ويه ولد الشارعه يجي يشوفج يلزمج من شعرج ويطببج من زغره يغار عليج ومن كبر كلي اريده بس اكون نفسي

خويه اليحب من كلبه مستعد كلشي يسوي من تصير القسمه متخافين يدور وراج لان ماليه كلبه وطبيت الرجال اذا حب من كلبه لا تخافين منه ميخون

اضربلج مثل ندى رغم فهواتهه وشغلهه بلبيت وامي مراضيه عليهه بس احبه بكل عيوبه ههههه ومياعته الكتلتني كتل بيه

بس تختلف من نكون بلغرفه مأديه واجبه اتجاهي واتجاهه جهالي

تعوف كلشي وتلبي طلباتي ملابسي كاويتهن اكلي حاضر وكل الاريد قايمه بخدمتي وبس مالي دخل بلباقي

لهذا ماليه عليه الجو ممخليتني احس بنقص واذمر وادور عليه

الرجال ميدور على زوجته اله اذا كانت بيه نقص لو مماديه واجباته لو ميحبه

وين تلكين احسن من واحد يحبج لو طلبين لبن العصفور يجيبه تعيشين معززه مكرمه

مضمنين يجيج واحد مثله

وتردين الصدك همه حزام النه رغم الزعل الصار بس يبقون ولد عمي واحنه ماعدنه عمام غير عمي اسماعيل وهذا الوكت مو امان اذا صار شي شياتين محمد وحسن موجودين نائل ماعليه اعتماد فاهي وراكض وره كلبه هذا مااسلمه عائله

اطلبي ضمان الج بيت قطعة ارض شفتي قبل مخسرانه مااقبل هوه الخسران وهاي اني وياج مو ضدج

قربني باس راسي اهم شي عندي اسلمجن بيد زلم تخاف الله بيجن واليخاف الله ميأذيج

سكتت كلام شمس حيرني

مااعرف بداخلي مااريد حسن بس الكلام الكاله شمس قنعني على الاقل ضامنه حسن ميخون لو يأذيني ميعيشني العشته ويه قتيبه

مااعرف اليغاد وذكرة قادر نخمش كلبي ماريد هلشعور
ماريد احب

ضاله اعاند بروحي

سبوعين واني بصراح امي وبيبي حتى سارة تكلي قبلي

اخر شي تعاركت ويااا امي من كد ماتلح اقبلي عطت شغيرج اتبدلتي مو انتي جنتي رافضتهم مو انتي كلتي انطيه الكناس وماازوجهه الولد اسماعيل

سكتت شافتني كملت كالت اشك حلكج مره لاخ لو صيحتي كلبه ممتربايه

عفتهه خنكتني تريد بس ازوجني كاعده على كلبه واني مااعرف صارلي مده مخنوكه وبس اريد اطلع اشتم هوه  وكلشي سوو رجعلي

اجه على بالي عمتي خابرته كتله خالو يمج كالت اي

كتله يكدر يجي ياخذني

كالت  بيج شي

كتله من اجي اسولفلج مختنكه كلش بس خلي خالو يخابر شمس وينطي خبر

كالت الرحمان هسه يجيج سمعته يكللهه شكو

سدته كلت الساره انطي خبر لامي خالو جايني

كالت نباء تره ماله داعي امي المصلحتج

كتله مااريد هيج مصلحه موتتني عبالهه ممنتبه حتى ابني متحبه ومتعامله مثل جهال شمس ترجف عليهم
وابني ماله دخل بي لا تخاف مياكل ورث احد

عفته تقنع بيه حضرت جنطتي شلون مكان ومن باب المطبخ طلعت للطرمه ١٠ دقيق واجه خالو

صعدة بس كلت السلام عليكم

اخذ يمن مني وساق من شافني هيج مااسألني

راح بغير طريق كان مطلع موال بس سمعته بجيت مااعرف شبيه حيل مختنكه

ضليت ابجي بدون صوت اجاني صوته شبيج يابه عليمن البجي

كتله مااكوشي

طبك جاب حلاوة وكرزاة  وصعد واني على كعدتي ايدي على خدي وكل شويه تطفر دمعه

تحرك وطبك بمكان معزول مبي محلاة وناس تمشي

التفتلي احجي شبيج

عدلت روحي هزيت راسي ماكو شي

اذا ماكو شي ليش تبجين

يمن بحضنه لازم جكليته يجعص بيهه

كتله مااعرف مختنكه وكل متجيني هل حاله اريد بس ابجي

كال بدون سبب تختنكين

درة وجهي عليه لكيته يتفحصني هااا لا

اذاً احجي شصاير

حرة شكله مالكيت نفسي غير حاجيتله كلشي

احجي واباوع وانص يسمعلي ماانطه اي فعل

كال انتي مقتنعه بي

لا مااريده

مومشكله رفضي

ديضغون عليه وشمس مقتنع وكلهم وعمي خلانه امام امر الواقع اخرهه كال اذا نباء رفضة حسن بعد مااطبلكم

كال هذا موحجي الزواج مو فرض وفكري بيمن

التفتت عليه فاتحه عيوني

كتله شتقصد

باوع اليكدام كال مثل مكتلج يمن ميتربه عند الغريب

خالو اني اموت بدون ابني ليش تخليني امام امرين

باوع بعيني بعد مدار وجوهه عليه

هذا العندي نباء يمن ابني وبيبيته موجوده شتردين زوج الام يربي شعرف عنه

كتله حسن حباب ويحبه ومااعتقد يأذي اصلاً هوه يحب الاطفال

رفع حاجبه هااا يعني مفكره بلموضوع وتردي

كتله لا بس هوه انسب خيار لي بس داخلي رافضه وممتقبلته كلشي داسوي افكر بأبني

لعد هاي هيه فكري بأبنج ونتائج قراراتج

ضليت الطم خالو انت ليش هيج شمسويتلك وهيج تكرهني اني ممأذيتك

سكت فرك لكيته يمن من شافني ابجي واحجي برطم

كتله كلي ليش تخليني امام الامر الواقع يعني لو ماازوج واشوف حياتي كول عمري لو اقبل بيك وابني يضل بحضني حتى الله ميقبلهه

عاط لعد شتردين نباء تزوجين وتعيشين مرتاحه وناار تلهب بيه

سكتت واني مصد

مه سكت

راد يحرك كتله لالا اوكف دارعليه شكو

اذا ماافتهم منك شي ماانتحرك منا

يانار تقصدهه تلهب بيك فهمني لتخليني اجهل كلشي بيك تصرفاتك طبعك لا انته تحبني ولا انته تكرهني

مراة تحن عليه اكثر من امي ومراة تصرف بكراهيه بدك تطردني ومتشوف وجهي

ساكت ومحجه ولا علق

خالو جاوب لاتسكت

رحمة الربج وللملائكه والامج وابوج بكلي هل خالو ورمتي كلبي بيه

لعد شكلك

لاتكولين شي بس عوفيه

ادري شصيحلك

سكت

اتنهد حرك واني صحت ليش مجاوبني وتتهرب التفتلي خزرني صوتج

والله اني كاعدتلك وماانزل لو وصلنه اريد افتهم فلمك

كال شتفتهمين هوه شكو

مااعرف انت تعرف هااا اذكرة لعبالك ساكته سألت محاميه كالت الحضانه الج وحتى لو طالبت بيه بيبيته الج وهوه خاله ماله حق بكلشي

اشو هذا ضربني على راسي مو حيل كال كولي من البدايه ممخمتهه براسج وتردين تزوجين عليمن بعد تعالو مختنكه وتبجين هاا ضحكين عليه

كتله اي مااريد بس خليت بالي فرضاً اجاني شخص مناسب اضل خايفه منك

وصلنه باوعلي وهو ضايج وبده ياكلني شتردين

اني لو انته

اتنهد اني ماريد شي غير هذا يصير يمنه وطلبتج على سنة الله ورسوله

مااعرف شلون طلعت مني

يعني متحبني

صفن بيه متفاجئ كال.....
............. يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

السابع والأربعون

وك يا كمرنة مروتك حنّي الشواطي بدمعتي
كلهم كبرت أعله الصبر والونّه صارت غنوتي
مشتاق ابوسن دجلة واشرب مايها واعزف ترانيم المحبّة بنايها دجلة الهوى، والسّوق، والحب،
والسّهر بهيدة على بختك ياكمر

طبيت ودمعتي بعيني عمتي ماخذه علاجهه ونايمه كبل الغرفتي يمن يم خالو اني هم بس دخلت للغرفه شمرت اللبيدي عفته يطبب بلسياره

كعدته مخروعه على ابني ساعه ب٤ لفيت شالي والغرفت عمتي

فتحت الباب خالو نايم بلفانيله ويمن بصفه رجعت مرتاحه

ثاني يوم من الصبح كعدة لكيتهم كاعدين بست عمتي ويمن يمهم نايم يم خالو من البارحه

خالو مبدل يروح للدوام وكاعد يشرب جاي

سويت ريوك عمتي ممتريكه دااحضر بلصينيه وفات كعده على الكرسي يلبس حذائه يريد يطلع لزم يدة الباب التفتلي نبأ

كتله نعم واني اغسل بلكوابه

كال الله ينعم عليج

كملت الكوابه حطيتهن بلصيني بصفي

كمل حذائه وكف اليوم لسوين غدا اجيب بطريقي سمج مسكوف بس حضري زلاطات طرشي اذا اكو هذني نمنمات السمج

كتله مااشي التفتتله واكف بزيه الكاعد على جسمه مرتب صاحب جتاف عراض مملي

كال هااا وخابري اهلج يحضرون جناسيكم ومسمتسكاتهن اسويلكم جوازات

ماشي

يله محتاجين شي يحجي وترك يدة الباب وكف يعدل بروحه مقابيل جامة الباب كان مضلل

التفت شافني اباوع مااهتم

سد الباب وطلع فتح باب الخارجي يطلع السيارة ورجع نزل سد الباب شكد متعجرف ولاكأنو بجاني البارحه على ابني

اخذة الصينيه تريكنه يمن كعدته ياكل

يوم كامل مر عادي واني مطنكرة وضايجه

لليل اجت ام سجاد شوف عمتي وتطمأن عليه ورة ساعه راحت

لل١٠ رجع خالو بملابس الدوام

يابه السلام عليكم

عمتي وعليكم والرحمه شنو قادر دوامك صاير لليل

كال لا جنت بكعده عشاير من الدوام وطلعت كعد بلكاع

عمتي خير ياستار ياكعده

كال بيت سعود خوان نسابت خالتنه ام كاظم

كالت ياا خوان عبد الرحمان

اي خوانة

خير شصاير

علمود كاع مشتريه اخو الوسطاني ومتكاتبين ودافع سعرهه وره شهر راجع يردهه ومقابل علوان
ويوميه رايح راد يقنع بي علوان قافل ميرجعه

كالت عمتي اي حقه بعد صارة ملكه عليش بعتهه لو رايدهه

اي وجيب ودي وماخذ كم شخص يرجعهه علوان طاردهم ذاك كض علوان وموته ضربه مكسوره رجله وأيده وضلوعه مفتحه

وتالي

تالي فصلوهم هم دوست بيتهم وهم ضربهم العلوان

والله ناس متخاف ولا تستحي

كال هاي الناس خويه

يحجي ويبدل كمل سالفته ويه تبديلته طبيعته صيف شته يلبس جوه ملابسه بجامه خفيفه جنه ستريج بس عريضه

التفت هااا يابه مناويه توكلينه ميت جوع

كتله ممسويه شي تاكل خفايف

حي الله كلشي جان كال وين هذا الفصعون

كمت عمتي جاوبته نايم طلعت سويتله زلاطه وياهه وفطر وخبز حار على السريع وديته

اي رحمه الله والديج اخذ الصينيه مني كال تعالو تفضل

عمتي كالت بلعافيه تعشينه

التفتلي انزلي اكلي وياي

لا مجوعانه قبل شويه اكلت

سمه وبده ياكل عمتي تتفرج اخبار

شويه وكالت مناوي ترجع مرتك

رفع رسه ورجع كمل كال قابل اني طارده

قاادر ابنك يمهه لو ترجعهه لو طلك وترجع حمودي

ماارد كأنو مااسمع

اني بداخلي ضجت واباوع على ملامحه وردت فعله عاديه

كمل كال الحمدالله طلع يغسل شلت الصينيه عمتي كالت بدربج حمي الجاي

سويت الجاي وصبيته طبيت قدمته

كال ايي والله عشتي يابه اخذ الاستكان باوعلي وابتسم

باوعتله واني نفس تعابير وجهي حس بيه بعدني ضايجه

تفرج اخبار واني كاعده اتفرج وياهم اقرة بلتايتل حسيت بي نظراته عليه باوعت

لكيته غارق بلتلفزوين والمذيعه حلوه صدك غرة يربي ليش هل شعور الخايس ويامن ويه خالو حاولت مااكدرة

كل شويه اسرق نضرة وارجع اباوع للتلفزوين هوه منتجي على ايده ورجل ماده ورجل ثانيهه

ماكو موضوع يخص السياسه اذا ماعلق وكل تعليقه بي غلط ومسبه وينزل اهلهم واحد واحد ويختمه وضع جايف ميتغير حالنه

اتأمل ملامحه حاجبه ثخين نفس شمرة حاجب قتيبه ونفس العيون الاختلاف قتيبه ملونه هوه جوزي لحيته دائماً ايخففهه مراة يطكه صفر

بس الشارب يعوفه قبل اشوفه بحمام البره يعدله بلمكص علمود الضوه النهار قوي مرتب مومثل الشاربهم ثخين ونازل على شفايفهم

شافني صافنه عليه ماادري بروحي سرحانه ضل يباوعلي حسيته مستغرب صفنتي كمت كتلهه عمى راح انام محتاجه شي

كالت لا روحي ارتاحي طلعت وسديت الباب كبل للغرفه خرب ثولج نباء شمالج هيج صفنين

تكلبت شويه ونمت ثاني يوم من الصبح امي كعدتني ارجعي موصارلج يوم محبيت اجادل كتله ان شاءالله ارجع فد شويه

يمن كعدته غسلتلهه

سويت ريوك خالو ستوه كاعد ينزل من الدرج شافني اطكطك بلمطخ كال صباح الخير

صباح النور

يمن بس سمعه ركض اسمعه يكله اصبر بابا بس اغسل عمتي طلعت على صوتنه

كعدة بلهول خالو شال يمن واجاني يشرب مي

كال بعد موكف بصفي واني احط البيض بلطاوه لاتحطين ملح على البيض شي قليل خلي لو تسويلي على صفحه

التفتت ليش متحب الملوحه

اي موزين يرفع ضغطي

يمن حاط اصبعه بحلكه يرضع وخرة ايده ممنتبهه على قربي منه

ولك ماما كم مرة كتلك لا تمص اصبعك ضحك

يمه فدوه لهل وجهه يمهه فدوه وفداوين كزكزة عليه وادغدغ بطنه

وخالو شايله على ايده وذاك يكركر

ادبسز ممضحكتك حكير مااحجي وياك واضحك

شلت عيني خالو ملامحه ذبلت يباوعلي وشبه ابسامه ماليه وجهه ميل راسه ويتمعن وجهي موخرة رغم توتري ودكات كلبي اريد اشوف ليش ديباوع هيج

جريت ايد يمن ابوس بيه درة وجهي نصيت للبيض
مما اليوم نرجع حبيبي ومناك اشتريلك مرجوحه

ابتعدة احضر بلصينيه شنو خالو منيلك ضغط اتمشه متوجهه للسنك عبرته

ماارد اخذ يمن وراح للهول ضحكت شبي مسلطن

كملت واخذة الصينيه ناكل يمن بحضن بيبيته توكله

كملنه شلته غسلتهن ورتبت الهوسه صاحتني عمتي

كالت عوفي البيدج وتعالي

اجيت هاا عمى خالو على التخم متمدد وايده وره راسه ويمن بين رجليه

كالت ابو حمودي شافلكم دكتور زين والسبوع الجاي حجزلكم ترحون واني مال اروح وسفر وطريق اتعب مااكدر حاولي تقنعين اهلج واذا مااقبلو اخذي واحد من خوانج او امج

زين عمى اذا محد قبل لان اعرف امي متقبل وخواني عدهم شغل

خالو كال مومشكله واحد منهم يسلمه بيد عامل واحنه منتعطل يومين ونرجع

هزيت راسي اشوف وانطيكم خبر

كملت طبخ وكعدة يمهم خالو مطلع مااعرف عطلته لو مجاز يمن كام يبعثر بلجبس شلته وزمخت بي حرام مما نعمة الله برطم

خالو كال صوتج لازمخين بوجهه ميفتهم علمي بهدوء

هوه حرك ويمشي ميكعد مخبلني افتر ورا

عمتي فتحت موضوع الحج والعمرة كاللهه الله كريم اني اذبلج واذا انطوني اجازه اذب وياج

خطيه كيفت شوية ودك تلفونهه

جاوبت عرفتهه امي شويه وباوعتلي بين على وجهه الضوجه دقايق وسدته مفتهمت من ترد بس

ان شاءالله

اذا الله راد

ماشي

لا بلعكس لاتشيلين هم والاكد اسوي اقدمه

ماشي مع السلامه مع السلامه ام شمس حبيبة
نزلت جهازهه وهي تتنهد بقلة صبر

كالت كومي زوجت عمج اسماعيل جايتنه دخلي الغرفتج متدري انتي هنا

سالت شنو عمى شرادة امي

هزة راسه مرايده شي هيج سالفه

خالو كال اصعدي بغرفتي بلهول يكعدن وابنج حرك

صدك صعدة خليت طيور الجنه اليمن وانطيته حلويات والعاب كدامه صعدتهن وياي

كعدة على الجربايه فضولي مخلاني كاعده وكفت اكلب بلعطور على الميز كلهه قويه

ماحبيتهن قويات لهذا بعده على الدرج واني بلمطبخ اشتم عطرهه

يغير بلعطور لهذا ملابسه شما تنغسل يضل العطر مشبع بيهن شويه ونفتح الباب

كمزة ويه كمزتي طاحت الشيشه من أيدي همزين منكسرة لان الكاع مفروش سجاده

كال هااا ولج شسوين تلعبين بعطوري وتوجهه للكنتور سحب الباب طلع دشداشه

كال اذا خمطتي تنكتلين

صخنت من الاحراج

لا شسوي بيهن ماحب نوع عطورك

لا ليش متحبيهن كلهن ماركه

اي قويات وادوخ من القوي

باوعتله ابتسم وكال استغفرالله هسه غير يكعد راحه اكوه احله من القوي

عكدة حاجبي شنو

طلع منشفه وملابس داخليه يفتح باب ويسد باب

مو يمج يابه احجي ويه روحي

خالو شبيك شتحجي

كال ماكوشي بعد خالج

رجع اخذ ساعته من الميز بصفي واخذ وحده من الشيش

اي شتحبين من العطور

كتله احب الهادئاة وهيج عطور قويات

رجع للسرير شال ملابسه توجهه دنك بوس يمن و مكدر يسكت ضحك يابه والله عليج سوالف تجلطني وطلع وهوه يضحك شبي

مكدرة ركضت فتحت الكنتور طبيعته يغسل ملابسه ويوديهن للمكوه وجبات يكومهن كلهن معلكات القوط والدشاديش وزي دوامه

جواهن قاطع مخلي احذيته بيهن

بقية الخانات ملابس نهله مصفطات اكو خانه مقفوله
كعدة ضايجه

ساعه ويمن نام من التعب والعب واني ماله كلت اطلع اشوف بلكت طالعه

سمعته تودع بيهه نزلت على كيفه عمتي كوه واكفه تودعهه وطلعت للمطبخ

نزلت خالو طب ضايج شنو وين جان كاعد

عمتي كعدة وجهه معقوج

كتله عمى شبيج مو على بعضج شكلتلج ومرة عمي شعده جايه

مرايده شي مابيه حيل احجي

عمى متأكده جيت مرة عمي ضوجتج شكو شتريد

كالت يمه لتلحين مكالت شي ولا رادة شي

خالو من شافهه كلش مخنچره كال ام قتيبه شبيج

سكتت رجع كال خويه شبيج

حسيتهه مختنكه كلش كالت كايمه الغرفتي ارتاح ردة اكوده مقبلت

بس دخلت وسدة الباب دقيقه وسمعنه صوت تكسير

طفرنه خالو كبلي فتح الباب شفناهه كاعده على جربايته دخلت جوه المي مبلل ثوبهه والكزاز بلكاح

خالو ضل يحجي وياهه كالت ردة اشرب مي دوركه ثكيله مسيطرة

خالو كال خويه مااتحجين شبيج

اتنهدة وباوعت عليه

مرة عمهه اجة تتفاهم وياي على يمن و تريدني اقنعهه تقبل بأبن عمهه

فتحت عيوني شبيه زوجة عمي تخبلت وتطلب من عمتي هيج طلب نست اني چنت چنتهه

خالو كال اي شحجت

واصلهم خبر انت مهدد نباء اذا تزوج تسحب ابنهه منهه

التفتلي خزرني

سكت كال اي وبعد

كالت ماكو بعد بيت عمهه مجلبين بيهه ويردوهه بأيديهم ورجليهم بجت اني دفنت واحد ومحصلت منه غير هلوليد ويبتعد عني اموت قاادر ابن ابني الوحيد يربه يم غيري هوه

يم امه وجيبه ومشبعانه منهه انوب يروح

من شفتهه حيل مقهوره كعدة يم رجليهه عمى والله مقابله ولا اريده همه يلحون ومفاكين من يمي شسوي

سكتت مردة عليه خالو من شاف وضع عمتي اخذ باكيته وطلع

العصر رجع لكاني مكمله ولابسه ارجع منتظرته وكفت

كتله خالو توصلني طب وماارد عليه شفته صعد يمن يم عمتي مبدلتلهه

شويه ونزل

من شفته رحت ورا وصلت يمه هاا توصلني

هم طنش وراح جوه الدرج يغسل على المغسله ضجت

رحت يمه شفته كمل كتله توصلني لو لا لتخليني افتر وراك

مسح وجهه بلمنشفه

شافني رجع الخاولي ودخل العمتي سألهه اذا صارة زينه شال يمن طلع كال يله

رحت بوست عمتي كتله عمري مراح ابعد يمن منج تعرفين معزتج بكلبي امي مماليه عليه بكدج
واعرف شعور الام من يبتعد يمن عني اموت واعرف شعورج لاتتوقعين احرمج منه

كالت يمه مااعرفج لو اعرف انتي من ذني احبج هيج لو عندي ولد ثاني هم ازوجج اله ومااخليج طلعين الغيري بس يايمه ماريد اكون باطله واحرمج تزوجين وتستقرين وتكملين حياتج

بست ايده جرتني حضنتني بوستني من راسي روحي يمه هذا خالج واكف وعيونه بكصته

قاادر على كيفك خويه هالله هالله

كمت صدك واكف ويمن على ايده

طلع وطلعت وره قبل مااصعدانطاني يمن شلته وصعدة اجه صعد وحرك ساكت دقايق وكال

شناويه ست نباء

التفتت شتقصد خالو شناويه

كولي البالج وعلى هذا الاساس نسولف ونتفاهم

كتله مبالي شي واذا بالك اني كايلتلهم غلطان اني محاجيه غير السارة مكدرة اضم وسولفتلهه

لعبالج ضايج لان كتيلهم بلعكس وفرتي عليه هواي

اباوعله شكد مستفز سكتت شرد عليه

تنهد وكف بلازدحام شويه حرك ولاف غير طريق وكفنه يم مطعم

عبالي مثل كل مرة ياخذ اكل كلي انزلي

التفتت حجيت بعصبيه وين انزل خالو شعدنه هناا

اتفاهم وياج اعوفج ترجعين هيج لا اني حال موضوعج ولا اني مرتب وضع يمن انزلي انزلي

نزل ماانزلت ولا راح انزل لاف التفت شافني منزلت اجه اشر انزلي

مارديت اجه فتح الباب متنزلين شمنتضره

ماانزل تريد خلي هنا نتفاهم فرضن شافني احد نائل دائماً هوه وجماعته يجون هنا

كال انزلي احجز بطابق العوائل محد يشوفج وخوانج بمحلاتهم

خالو فدوه عوفني مال انزل هناا ماانزل ولد عمي كرايبنه كومه مااكدر

ولج لايشوفنه الحرس وحدنه بلسيارة ومنازلين شعدنه واكفين بكراج السيارة وضالين بلسيارة ويطلبون جنسيتج لا انتي بتي ولا انتي زوجتي

لعد خلي نغير المكان نزله هنا ماانزل

طبك الباب حيل كمزني ابتعد مسافه يدخن خلص صعد

نعلعله مرضعج شهل الاعناد منين جايبته يمن رادة مااشاله اول مره يسويه عصب من عاندته

يعني انت متعذر اذا شافنه عرف وصل لهلي بتكم شفناهه بفلان مطعم شكوللهم

باوعلي اسكتي لا اشمرج منا سكتت اعرفه من يعصب يخيط ويخربط

هدء شويه و كال اني مااريد اظلمج بس شفتي حال عمتج تموت بدون حفيده متعلقه بي لان فقدة ابنهه اشوفه قتيبه تدرين من ولدتي رات اسمي على اسم ابنهه تكلي مااريد انسه ابني ومن يكبر واذا انطاني عمر اشوفه ابني

ااتنهد سكت تعرفين شنو تعنيلي ام قتيبه موبس اختي شخص من وعيت وهيه وياي ربت وشالت وسهرة ودارة امي ماتت واني مشايفه

تنهد باوعلي و دار كال شبيت واني اشوفهه ام واخت وصديقه وكعت وكومتني

سلكت غير طريق كضتني نصايح مفاد بيه كامت تسويلي ختمات هدايه هم مفاد بيه

اضحك عليه بالي طايش نسيت ديني رافكت ناس ازبل من الزباله تخبلت تعوف قتيبه يم خواتي وتروح مزاراة تنخه وتدعي وتنذر كومه

يمكن نذورته لحد هسه مموفيتهن بيوم وليله تعاركت ودجوني سجين بخاصرتي شفت الموت بعيني

مشفت غيره كبالي خايف عليه لو متت تتخبل وراي
من صحيت شفته موته روحه بجي
طلبه الوحيد انعدل وابطل سوالف المكسره

طبت واخذتني للمقام وكفتني وحلفتني بي وطلبت الخاطرهه شافتني مااحلفت زعلت ماهتميت كلت يوم يومين وترضه

طولت شهر مجايه اروحله متطلعلي زوجه يطلعلي وطول زعله صار ٥ اشهر

لمن دخلتله غصب وكالت ماارضيك اذا متحلفلي تبطل حلفت لجل عيونه مااتحمل زعلهه

رغم ابويا يحبني ومدللني ودلاله خبلني
شريد بلي على ابو الولد الوحيد وخلاني بله تربيه
سربتني

مفديوم تأخرة وسأل ليش متأخر ولد شعليه

هي الوحيده محسستني بوجودي من تجينه وشوفني متأخر تحركني من ارجع تلزمني صياح وغلط وعلى شويه تضربني وهي الوحيده اسمحلهه تحجي عليه

ورث جكارة

يوم الي محل ابويا حترك وراح الاول والتالي تأزمت حالتنه كمنه يادوب ناكل واحنه مدللين ومتعلمين على الخير واحنه عشيرة ٩ خوات ويردن وكلهن مدارس

نفخ باوعلي تدرين كمت كوه ادبر البنطرون والقميص اداوم بيهن

هي رغم وضعهه ورجله على كدة دبر القماش وتكعد تخيط الي والخواتي الي شوفنهه نجوم بعز الضهر

تجي بذيج الضهريه تنطينه الملابس والخبز الحار وترجع تلحك تخيط البقيه وخياط العالم

لو اشتغلت قريب يم منطقتهه كامت متمر ضهريه اذا مجابت جدورة الاكل متعوفني وتكلي ميرجعن ممليات تفرغهن بطنك

مااجازيه ولا اوفي حقهه بحنيته مشفت

كم

ل شمر جكارته اشوفه كلبه متعلق بيمن شسوي اعوفج تزوجين وتاخذينه وهي امنيته ليل نهار كدام عينه

سكتت

كال مااجبرج حقج والتردي محد يلومج عليه بس يكول لجل عين تكرم الف عين ششوفين الاصح شسوي

ارجع واكرر طلبي تقبلين بيه على سنة الله ورسوله اخليج بعيوني ومااقصر عليج ويمن ابني اقصر على حمودي ومااقصر عليه

كتله انت تريدني علمود يمن واني اريد اعيش حالي حال البنات مااكدر ازوج على الورق

باوعلي تردين زواج حالنه حال العالم ماعندي ماانع بس تتكيفين ويه الوضع نهلة يجي يوم وترجع واكيد من تسمع بزواجي ترجع

مااكدر مااتحمل هيج وضعيه اني لو اريد ازوج اريد انسان يحبني يقدرني يعوضني عن ضيم قتيبه مااخطي هيج خطوه واني بس اريد زواج لا اريد اعيش حياتي الماعشته ولا شفت طعم الراحه
ومخليه اول شروطي يصوني ويتقبل ابني

احجي وعيوني على ابني كاعد بحظني مدري التوتر الحسيت بيه قويت نفسي وحجيت

رفعت راسي داير جسمه اتجاهي وصافن عليه

شفتهم من جوابج

كتله ماادري

استغفرالله فرك وجهه لعد اني الادري البالج شنو

البالي انسب شخص الي ابن عمي انت وضعك صعب تريدني علمود يمن وعندك زوجهه واكيد ترجع ومااتحمل وتبدي مشاكل وترجع

كال وهوه عيونه فاتحهن عليه يعني تردين ابن عمج

هزيت ارسي

تمام ابنج يرجعلنه

كتله والله ماانطي ابني يضل يمي

كال ثقي باالله لاحضانه وسالفته تمشي معارفي واصلين للبرلمان بتلفون واحد اكسب حضانته

كتله اي ضل هدد وكلشي ماكو

عاط بيه بصوت ادبسزز هسه اشوفج البس حجي

رفعت تلفونه مدري خابر منو جاوب وفتح حاكيه

كاله الوو شونك خالي الصحه الحوال
ضل يسولف شويه

رجع سأله كال ابو تمام عيني سالفته حضانت ابن قتيبه سويت عليه

ابووحمودي خابرتهه للقاضيه من جماعت حجي فلاح سألته كالت سهله بس يجيني ملفه اني اكسبله القضيه

انت تعرف متمشي بلوش اذا مو تحلا

اذا على هاي سهله التأمرة

اي لعد شغلتك ماشيه

هههه مشكور ابو تمام تعبناك

لايابه سهله

يله خالي اخذ راحتك وسلملي على الجماعه

يوصل فيمالا

التفتله واعصابي نار اسمع وجسمي اشتعل

الله لا ينطيك وين وصل بيك تلويني بأبني شرايد مني هاي رجوله تهددني عود شوفي اني شكدر اسوي لان شفتني فقيره
ادنه لزمني من زندي وصاك سنونه احترمي نفسج رجال وغصبن على الخلفج كلبه

نترت ايده أذاني صحت اخخخ ايدك دوخر

شتريد مو والله مليت كمت ابجي لان اريد ابن عمي

كال نجوم السما اقربلج ترفضي واجي اتقدملج اريد اشوف ترفضين

مااوخر مقربني عليه وعاصر ايدي يمن بجه

ولا اهتم مااوخر كتله شكد شايفه مثلك مشايفه وابجي من ايدي يعني هم تكرهني وهم تجبرني عليك

تلاويت وياا وخرر ايدي عطت حقه من شردة منك تعرفك همجي وانسان بلا رحمه ولاشرف الحيوان احسن منك عنده رح..

محسيت غير راشدي فر وجهي فر بنت الكلب اني الحيوان احسن مني وبلا شرف

كام يعيط حقيره سنين اصارع روووووحي واتغاضه عنج واشرد ماااااااااريد اطخج من المحروك عااااااايش ومن ماااااااات

دمرتيني حتى للرضا رحت ونخيته كلللللبه بت سطعش كلب

ضل يغلط ويسب وصل حتى كفر اويصيح اني بلا شرررف ويضرب الستيرن

يمن يبجي وحاضنته وابجي

عاااط واني روووحي بيج واريد احافظ عليكم وكدام عيني

لللللج شفتيني لزمتج تقربتلج دنستج هذاااا بلا شرررررف مو اني

لزمني من زندي حاجيني وباعي بعيوني رفعت راسي واني اطك من الخوف عصبيته يذبحني وميحس بروحه

لازم ايدج هزيت راسي بلا

رافع ثوبج فتحت عيوني ايي اي هذا البلا شرف

نايم وياج

ولج اني نظرة مااكدر ادنسج بيه اخاف عليج

للللج كلشي اريده وياج بلحلال عصرني حيل

ااااااني بلا شرف والحيوان احسن مني وهمجي

الشيب طك راسي ومحد متعدي عليه تجين انتي تجاوزين عصرني حيل من الوجع احس ايدي تنكطم

اصيح اخخخ وخر يله وخر

يمن فحط بحضني وهوه مااسكت يحجي ويأشر على روحهه كسر السيارة من كد مااضرب ودفر برجله وايده حتى امبيثري كسره بوكس

لزمت ايده خايفه على ابني فدوه قادر اسكت يمن فحط من البجي خاف من عياطك دفع ايدي ونزل طبك الباب

شلته على كتفي كاافي هاي هيه

ماما ماما اسكت ماكو شي ضل يبجي طلعتله مبايلي يلعب بي فتحته عزه العزاني اهلي كلهم داكين عليه

خابرت امي اجاني صوته يرعد كوه اخذة نفس

يام جاين يمن ماله خلك ودينه ضربو ابر وعلكوله مغذي

كالت انعل ابوج لا بو يمن بيش الساعه وانتو طالعين من ال٥ وهسه ب٧ شعندج

شبيج يام كتلج يمن ماله خلك

عمتج مكالت مريض

متدري ويمن ضل يبجي

تلفونج وين خالته ليش متردين

ماادري خالته صامت ماما هذا حيفحط

كالت تعالي وحسابج بلبيت

اشرتله صعد اهلي خابرو وكالبين الدنيا اذا وصلنه كللهم تخربط وماله خلك

ماارد حرك وهوه ساكت يمن هدء شويه بس ضل يناشغ مال بجيه

عيوني ماسكتن من وجع ايدي وجع كلبي نزلت نزل وياي درة اخذة الجنطه وكفت دكيت الباب

فتحه نائل شافني باجيه كال شبيج

كتله مابيه شي فتت سمعته يكله من تخربط يمن خافت عليه واختك ام دم

يعه

مااعرف بعد شكاله طبيت كبل

تلكتني امي وسارة من شافت حالي سكتت عبالهن يمن صدك بي شي لان هوه بعده اثار البجي مبينه بوجهه حتى مسلمت للغرفه

نزعته وبدلتله طلعت سويتله ممه ورجعت انطيته بحظني يشرب والوليله

سارة وامي دخلن شبيج يمن شبي

مابي شي مصخن وصار احسن

امي كالت وانتي ليش باجيه

خفت عليه من البجي فحط وكوه كام يجر النفس عبالي صارله شي

لاتخافين يمه الصخونه تنزل كماداة وادوي ماكو طفل ميتمرض والبعمره مناعتهم قليله غسلي ولاتفاوليله

امي طلعت ساره رادة تطلع صحته تعالي

هااا

انتي كايله قادر مهددني بأبني

ارتبكت كعدة يمي شوفي نباء والله لان شفت حسن يحبج ويريدج وانتي جنتي تموتين عليه وتزوجون بلعشره ترجعين تحبي

شكو بيهه لو كلنالهم وشمس من يسمع يوكف وياج ميكدر ياخذ ابنج بس يخوف بيج القانون وياج منحقج الحضانه بعد عليمن خايفه

سارة انتي علمودي لو علموده

علمودكم اثنينكم وانتي اختي اقربلي اكيد علمودج

اقصد محمد

كامت كالت لا نباء صدك تحجين تشكين بيه هذا زواج ومستقبل وعمر بحاله شستفاد وهوه خطب وهوه ميهمني والله

سارة المن كلتي

كالت ال علا

خوش بعد مالج شغل لتدخلين بيه اني اعرف اصرف وحياتي تخصني لا تسوين شي تخربين كلشي واني الاوكع بيه خوش

كالت نباء شبيج صدك هيج تحاجيني لان افكر بيج وشايله همج وحايره شون اقنع بيج هيج تاليهه

اي هاي تاليه كمت خليت يمن بجربايته وغطيته

لاتخربين عليه انتي متعرفين شي ولاتتوقعين بعد أمنج على سر مو كفو

برطمت مدمعه كالت موصوجج وطلعت تبجي

خابرة علا طيحت حظه فرغت حركت كلبي بيه ومنوره عملتجن طيحتن حظي حاولت تفتهم مني شي مااحجيت حذرته وكتله تفهم امهه السمعته غلط ماكو هيج شي سديته

كعدة خليت ايديه على راسي

حتى تفكير مااعرف افكر مشوشه

كلماته ترن بأذني كل الكاله بكفه واعترافه بكفه

منمت اتكلب طلعت بلحديقه افتريت الساعه ب٢
جوعانه ممتعشيه ومااشتهي الاكل النوم

اريد اصفي بالي واراجع حياتي السابقه

محسسني بحبه ولا بنظره هاي ٣ سنه الي يمهم

معقوله اني ثوله وماانتبه لو الخلل وين

كعدة بلمرجوحه ماأله صورة بالي سواهه دل بحبه كضه ايامه بلدوام وبلمعرض ياكل يشرب ميباوعلي

ماكو مناسبه صارة وحضرته كاشخه شفته انتبهلي

حتى وره وفاة قتيبه من كد مااجامد احسه بلا مشاعر مجرد عاطفه ابويه او اخويه

مراة اكول هم يبوس زوجته ويكله كلام حلو ويتغزل بيه

لحد اخر فتره شويه اتغير بس مبين حبه مدري اني مطنشه الوضع

لالا لا تغير وهواي هم حتى كلامه اني الجنت مثولتهه

اكولا لا لتتعلقين وتحبين غميت كصتي اني الغشيمه

......يتبع

😊(قصة قصيرة معبرة)😊

حكم احد الملوك على نجار بالموت

فتسرب الخبر إليه فلم يستطع النوم ليلتها

قالت له زوجته :
ايها النجّار نم ككل ليلة فالرب واحد والأبواب كثيرة !.

نزلت الكلمات سكينة على قلبه فغفت عيناه

ولم يفق إلا على صوت قرع الجنود على بابه شحب وجهه

ونظر إلى زوجته نظرة يأس وندم
وحسرة على تصديقها

فتح الباب بيدين ترتجفان ومدهما للحارسين لكي يقيدانه

قال له الحارسان في استغراب :

لقد مات الملك ونريدك أن تصنع
تابوتا له

أشرق وجهه ونظر إلى زوجته نظرة اعتذارفابتسمت

وقالت :
أيها النجّار نم ككل ليلة فالرب واحد والأبواب كثيرة !

فالعبد يرهقه التفكير و الرب تبارك وتعالى يملك التدبير
من اعتز بمنصبه فليتذكر فرعون
ومن اعتز بماله فليتذكر قارون
ومن اعتز بنسبه فليتذكر أبا لهب

إنما العزه والملك لله وحده سبحانه
✨🌹✨

رسم ايلانير للعيون🤓 المبطنة.

عجبني 😻طريقة رسمة الحاجب..وكأنو طبيعي

#اعـاده_توجيـــہ_لتنسون
#ملوكه

مكياج سموكي😍🙈حبيييت

هاللوك يناسب العيون الجاحظه😎 والمبطنة

#اعـاده_توجيـــہ_لتنسون
#ملوكه

ميك_أب..للعيون 🌚الجاحظه

#اعـاده_توجيـــہ_لتنسون
#ملوكه