عالم البنات🙈🎀

تله محمد رجعني

كال سارة هم الج كلب وسوين هيج

كتله شمسويه تقرب رجعت كال ليش السويتي قليل شايفه الطير من هوه بيدين شخص وبعدين ياخذ حريته ويلكه نفسه بلسما وفرحان بحرياته وفجئه يقيدو ويحطو بقفص هيج سويتي بيه طيرتيني وركعتيني بلكاع

دوختيني كمت مااعرف شسوي حلم جنتي الي وتحقق واخطط وخابرة جماعة يفصلولي غرف نوم تفصال حالف اسوليج بيت تحلمين بي وادللج دلال مصاير

واحد وركعني راشدي وصحاني من حلمي وتسالين شسويتي

كتله رجعني

رفع راسه متنفرز اكفر يعني احجي وكاعد افهمج تكليلي رجعني ولج انتي شنو من بشر وبصبع ايده يحرك راسي دنكت

كتله شتريدني اكلك متحملت رفعت صوتي اكلك مااريدك المشاكل بصفحه مرتك بصفحه ام زوجتك وعملته بصفحه ورحاب هاي وحده سالفه

مااتحمل اعيش وياك وزوجتك تنام تكعد تدعي عليه ودمعته بعينه حوبته تبين بيه اني شذنبي

كال اني شكول اعيد واسقل بابا بنيتي انتي مالج دخل بخلق الله كلهم زوجتي مطلكه لا محال

رحاب مو يمج انتي بيت وهي بيت بعد شوراج اخذ نفس يرتاح ولج خبله اكلج محد يدنالج واني موجود

تقدم سارة خلينه نرتاح نبرة رجاء وعيونة تتوسل ليش نفترق واحنه نكدر ننجمع ونتخطه كل الحواجز

تقرب اكثر وهوه يحجي بحب صار قريب عليه كلش يفصلنه مسافه شبر

غمضة عيوني واني اشتم عطرة احسه مخدر هدئة وجسمي رخهه بعد شد الاعصاب حسيت انفاسه قريبه

كصته لامست كصتي تنهدة ونفسه كله بوجهي ياخذ نفس عميق ويذبه شكد مر الوقت دقيقه ساعه مااعرف

هدئ وكوه طلع الحجايه اخخخ ياحبج دمرني اريدج كل شي بيه يريدج طلع صوته وحنجرة صوته بينة

حسيت بلمست ايده على خصري قربني صرة على صدره تهت بقربه

همس مااكدر دونج احبج

ماصدر مني ردة فعل حسيت بشفايفه على شفايفي باسني برقه حسيته يستطعم بكل ذرة مني

ضعت بي جسمي رخه شد على خصري وسندني
تعمق بوسته خلاني بغير عالم

محسيت غير من ابتعد ياخذ نفس فتحت عيوني دايخه

حسيت على نفسي دفعته وخرة

درة وجهي حسيته مرتبك

راح جاب مي شرب وانطاني شربت

تحمحم كال سارة كم يوم واجيب اهلي

درة عليه متفاجئه كمت كتله لا محمد كلشي ولا تودي اهلك

كال سارة شحجيت قبل شويه شنو المانعج

كتله نفس الكلته حتى لو طلكت اني مااريد اضل طول عمري مدولبه وام زوجتك متكعد راحه والله سويلنه اشكال المشاكل

نفجر بيه كام يرعد كال

امشي لا اخربلج خلقتج الزفرة خرب بهيج حب انعل ابو اليجيج دفعني كدامه مشيت وهوه مستمر يغلط

صعدة وصعد طبك الباب حيل

والله سارة وثم والله وحق الرفع السما لا اخليج تتندمين وشوفي شسوي

لاعبالج ساكتلج اعرف شصرف اخليج تستوين وغصب
اريد افتهم كلامي فارسي لو هندي

سمطتي ابو ابويه من بابهه ادوخين بقربي ومن جهه ترفضين اخطبج
اني ساكته ودايره وجهي على الجامه

عاااط لج خبلتيني والله مخليتي براسي عقل صاير نار يرجف سكت

وصلنه ازحام سياراة طلع جكايره يدخن

اباوعله عاكد حواجبه ومستمر جكاره وراه الاخ

اني بداخلي نار وساكته واحاول ابين هادئه ماريد ابينله ضعفي رغم خوفي منه ومن عصبيته

ضلينه ساكتين قريب منوصل كال

شوفي لج تنسيني وهذا كلبي ادوس عليه وانعل عشيرته

نزلت وهوه شخط وطلع كبل

تغطيت ضليت اناشغ تلمست شفايفي وارجف اموت بي موبيدي مااكدر من اذكر شروق وبجيهه عليه وتتوسل بيه اتركه بيوم المشكله لزمتني بلمطبخ

نباء اسبوع واني مرايحه العمتي ضاله بس على المخابرة

بيبي هليام حالته منتكسه خالو حيدر اخذهه يمهه كال اخذه الاربيل موصفيله دكتور زين

امي سكتت مني الناس منتضرين ردي واني لحد الان ممفكرة ولا بالي

لحد مخابرتني عمتي كالت اجري تكسي وتعالي مشتاقه الحفيدي

حاولت اعتذر ماقبلت كالت تعالي وامج اني هسه اخابرهه

رحتله وحدي وصلت دخلت وصلت الباب المطبخ فتحته

خالو كاعد على ميز الطعام يشرب جاي

سلمت كال شنو خالو منو جابج

كتله وحدي اجيت خواني طالعين عكد حاجبه كال شنو اجيتي وحدج ليش مكلتي اجيبج

كتله بعد خالو معبالي انت موجود اتقدم اخذ يمن وهذاك كيف

كال وهوه يبوس يمن بعد مطلعين وحدج هاي اخر مره اذا محد يوصلج خابريني واذا مموجود اني اوديلج احد

كتله شعليه قابل ياكلوني

باوعلي وهوه مزعوج

بويه ادري ماعليج شي بس دنيا مو أمن موكلهم ولد حلال وخوش اودام وانتي زغيره وبيدج طفل يستغل وضعج ويطلع بيكم كبل

شهكت كتله خالو والله عليك افكار وين اكو هيج قابل وين عايشين بمافيه

كالو هاج انطاني ابني رجع كمل لاتعاندين ولاتطوليه وحدج بعد لطلعين ماريد اسمع طالعه يصير كلامي وياج يختلف

طبي عمتج منتظرتج

طبيت واني احجي بداخلي وانت شعليك ولي امري والله حلوه شدخله يحاسبني

شفت عمتي على جربايته رحت بوسته واخذة يمن باسته وتلعب بي

سالته على حمودي كالت يم امهه

رجعت سألتهه على نهلة كالت متنحره مترجع

كتله ليش كالت ماادري علمي علمج شتريد مانعرف وقادر لابسه ميرجعهه يكول اني ماغلطان بحقه تريد ترجع اهلاً وسهلاً متريد كيفه شعدي مرتاح وراسي فايخ لا

350 views”“S҉E҉N҉O҉R҉I҉T҉A҉""✿❧, 18:55