"شعندج هناااك مطموره.."
"غير انت طردتني .. وما نزلت جوه لان عمتي من الصبح تحجي عليه .. وما ردت يحسون احنا متعاركين "
دفعني على كيف بس مدري شبيه وكعت فقدت التوازن هم زين وراي الجربايه جان تفلشت
هو ما اهتم اخذ اللابتوب ونزل
بعد ما نزلت لجوه ابد كلش قهرني تصرفاته وياي وشكه "هه قابل شعندي واضمه .. بس صدك الصوج بيه .. كمت ارجف وخايفه .. يمكن حقه يشك .. بس قابل شعندي وشنو اجا بباله "
حاولت انسى ما اريد افكر دزيت رسالة لشجن على الفايبر "هلوووو شجن شلونج .. اليوم داومتي .. شعدنا محاضرات "
دقايق وصار مرئي
ردت "هلووو شام ..الحمد لله بخير انتي شلونج .. لا ما داومت "
"تمام ..اووووو لعد شلون خاف عدنا امتحان باجر .. وكلشي ما قارين .. ما عندج وحده تعرفيها بل قسم "
"ما اريد اعرف ما الي خلك اقره "
"ههههههههه زين شلوووون هيج عندج برود "
"والله بصراحه مليت من الدراسه من بدا الدوام ولسا وكعولنا دوسه ونص بل محاضرات.. ملللليييت اريد ارتاح .. حتى لو اخذ صفر ما يهم .. طكت روحيي "
"ههههههههههههههههههه ولج شبيج اليوم .. لازم صاعدات خبالاتج.. ابد ما اصدك انتي ما تهتمين للمحاضرة لو للامتحان اعرفج سجاجه "

"والله يا اختي ماكو سجاجه بهل زلك .. لججج راااح اطككك اذا ما احجي اريد اكتل روحي .."
"يااا شبيج اليوم عبالي تشاقين .. شصاير وياج كولي "
"احححححح تعالي اذا ما اسولف اموووت .. راح اتصل "
"اوكي .."
اتصلت عليه وبدت تحجيلي عن حياتها
وهاي اول مره تفتحلي كلبها وتحجي عن حياتها وحتى اني ابد ممطرقه لهل موضوع
ود"شوفي اني تربيت بعائلة اكثر خلفتها بنات
عمامي كل واحد عنده خمسه سته .. وعماتي ٥ اكثر الخلفه بنات ف جانوا مالين من البنات ويفضلون الولد على البنت
اجيت على ٤ خوات بنات وعندي اخ يكبرني بسنتين .. من صغري اشوف التفرقة.. بين الولد والبنات.. جنت احس روحي عار .. احس اهلي مستعرين مني لان بنيه
خواتي الي اكبر مني زوجوهم بعمر صغير .. والله يمكن الجبيره من زوجوها عمرها ١٢ سنه
والباقيات الـ١٥ ما متعدياتها تزوجن وخلصن من اهلي ما اكلج مرتاحات .. بس يمكن احسن الهن من الاحساس الي احسه ما لحكت عليهن وعلى لمتهن.. بسرعه تزوجن
اخر وحده تزوجت جان عمري بوقتها ٧ سنين وهي هم طفله لمن اتزوجت
وعيت على الدنيا امي تفرقني على اخوي الي اكبر مني بسنتين اسمه مروان.. جان كل الاهتمام متركز عليه
ابد ما شفتها فد يوم حنت عليه لو سولفت وياي .. متجاهلتني احسها مو ام لا والله مرت اب
جنت اقل غلطه انكتل بصونده لو تجوعني .. والله اذكر مره حبستني بل حمام يوم كامل وحتى الضوه طفته عليه
فرفحت روحي بوقتها اختنكت ضاكت بيه الدنيا .. و جان الجو هم زين مو حار واله اكيد افطس شايفه شعوري شنو بذيج الساعه طفله ومكتوله و محبوسه بحمام واظلم ادك الباب فلشته تفليش ما فتحته الي ولا ردت عليه ولا دموعي وصرخاتي حركن كلبها .. صرت اتخيل اشياء من خوفي
صرخاتي ترن بل حمام بي صدى صرخت بكل قوتي "يماااا طلللعييينيي منااا اخاااففف والله.. مااماا ما اعيدهااا التوبة بس طلعيييني اخاااف فدوووه مااامااا .. يمااا والله اخاف .. تعااالييليي .." قصص وروايات عراقية كرار صلاح
صرخاتي ودموعي ونحيبي ما شفعنلي وتدرين شنو السبب حبستني جانت تنضف البيت واني اهوس والعب وصخت البيت بعد ما نضفته
من طفولتي جنت وكحه وحركه شكد اوصخ و اكسر و شكد ما انكتل ما اتوب ابد
مره مكياج ماما لعبت بي وخربته بوكتها هم كطعتني تكطع و جابت السجينه ولزكتها على ايدي وتضرب بيه
وتكلي "حتى اتوبييين تمدييين ايدج علللى غراضي .. مووووتتتيييينننيي الله اكبرررر على راسج الله بلاني بوحده عرمه الله ما يجرررعها وفوك هذا كله بنيه وكالبببه الدنيااا "
لج شام ما تدرين شكد تعذبت بطفولتي وعانيت ضرب واهانه وكتل.. يجوز جنت وكحه و اخرب .. بس كله سببها هي ما احتوتني ما دنتني عليها
جانت ظالمة وياي وقاسيه عليه .. بعمري ما حسيتها ام الي تدرين من وقت الي حبستني بل حمام بقيت سنه كامله بيه خوفه واتخيل اشياء
واكعد من النوم ابجي واصرخ تدرين من تشوف حالتي حتى ما تهتم وترجع تضربني وتكلي لا تتعايرين عليه ما الي خلكج
جنت الحمام اخاف ادخله وحدي بسببها صرت اتوصخ وتكتلني يالله اطب اسبح مره كلتلها سبحيني اخاف لوحدي
دخلتني للحمام سحل و هم كتلتني شعري تفرك بي وتملخه وجسمي بي صابون وهي تضرب بيه
الصابون جواي تزحلكت ووكعت على ضهري و راسي بعد ما حسيت بي من اثر الوكعه
انشك و اختني خيطته الي و ولا متعذره ولا ندمانة بل عكس عدها اني الغلط وهي الصح
شام "زين وابوج وين جان كل هل فتره .. شعجب ما يردها عنج "

ردت " ابوي ضابط و شغله يطلب يبات بل دوام.. كل اسبوع يجي يومين .. اصلا ما متعوده علي ولا شايفته هواي .. ما مجربه اشكيله واتقرب اله .. هو هم حاله حال امي يحب الولد ويفضلهم علينا .. شتتوقعين من واحد زوج بناته بعمر صغير .. وهي هم جانت تهددني ان ما احجي واشكي .. من شاف الجرح الي براسي عينك عينك تجذب وتكله وكحه وهي وكعت ..قابل اضل اركض وراها .. اني ما اكلج يضربني او يسوي مثلها بس هو نفسها كاره خلفة البنات .. وشايفه من ينزل عبالج نفتهم منه شي ابد والله يخلصها يتناكر هو وامي .. اجازتين زعلان والثلاثه مصالحين هيج حياتي وياهم خلصتها .. ابد ما حبني بيوم او باسني مثل الاباء الي يحبون اطفالهم .. اقسم برب السماء ولا مر عليه يوم حسيتهم اهلي .. جنت عايشه اليتم بوسط عائلتي .. يتيمه بوجود امي وابوي .." قصص وروايات عراقية كرار صلاح
ومنا وقيسي شكد ظالمة وياي الدنيا وقاسيه عليه
وبل مقابل اخوي جان شما يسوي تغطيله وتتسترله.. جان لعبه مثل العسل على كلبها بس اعترف ما جان مثلي وكح وحرك
جان من يسوي شي غلط تكول هو بس هل ولد عندي .. خلي شيسوي يسوي قابل عندي عشرة

جان حتى هو يكتلني ويتعارك وياي بسبب معاملة امي وهي ولا تدافع عني ولا تمنعه تضحك وتكول وليدي سبع

يتبع ...........

قصه جريئة لفتاة تتعرض للتحرش و.............

#بــــارت 20

.....................................................................

قـــرائـــه مـمـــتــعـه
*

إن قلبي لن يشفى يوماً، ما ظل محتفظاً بذكرى تلك اللحظات الأليمة.
انني أحس أن قلبي قد طُعن إلى الأبد.
********

شام :
جنت استمع لشجن واتكطع على شهكاته وكسرتها .. ابد ما متوقعه الي مثلها هيج يعاني بطفولته حسيت بداخلها طفله مكسورة وتحاول تغطي كسرتها بل ضحك والشقى

شكد رايحه بيها الدنيا وتعدل وترتب وتتشاقى الي يشوفها يكول شكد مرتاحة بحياتها
دموعها حركوا كلبي بجيت وي بجيها وشهكاتها المخنوكه.. تذكرت نفسي هم هيج يصير بيه من يخنكني شي احاول اكبت شهقاتي بس ما اتحمل بسرعه انفجر اما هي ما تكدر وقويه اعتبرها مو مثلي ما اسيطر على نفسي ابد
من صدك احسها محتاجه لصرخه اطلع كل همها وحزنها اني من يخنكني شي او يبجيني اصرخ وما اسكت كلها تعرفني خصوصا بابا من قبل اي شي يصير وياي ويأذيني ما اسكت .. بس اذا صار وياي شي قوي وما اريد احد يعرف تصير وناتي مسموعة واحاول اكبتها ...
عيوني صاروا حمر من البجي وخشمي كذالك
لـ ١١ وهي تحجيلي معاناتها وي الاهل والظلم الي عاشته
بعدني احجي وياها انفتح الباب مهند شافني انصدم بمنضري وشكلي
"شجن عمري باجر اخابرج ..ونكمل ."
"زوجج يمج مو ؟!"
"ايي "
"بيباي .. اعتذر ازعجتج ودوختج .."
"لا قلبي لا تكولين هيج .. احنا خوات .."
سديته منها
مهند "شصاير شام ليش تبجين ..وي منو تحجين "
رديت "صديقتي .. "
"زين شكو ليش تبجين .."
"شغلة بنات .. حتى بهاي ادخل روحك ولازم تعرف .."
"ملاحظه لسانج طولان ومحتاجله ضب .."
سكتت عنه وغسلت وجهي ورجعت انام تعبني البجي وعيوني يحركوني ووجع صار قوي براسي
اخذت بندول يلة نمت
كعدت الصبح ساعه ٦ ونص دخلت اسبح ونشفت شعري
لبست ومكيجت
"مهند اداوم اليوم لو هم ما الك خلك ؟!"
كعد يفرك بعيونه وما رد عليه اخذ الخاولي وراح للحمام
اني طلعت ملابسه خليتهم على الجربايه و نزلت
لكيت عمتي كاعده تسوي ريوك
"صباح الخيررر عمه "
"هلا امي صباح النور .. مهند يداوم لو ما يكدر .."
"ايي يداوم.."
"خوش لعد .. تعالي تريكي لا اطلعين بدون اكل "

"ما اشتهي عمتووو .. هنا وينها شو ما موجوده "
بعدها عمه ما راده عليه دخلت هنا لابسه ومحضره نفسها
"صباااح الخيررر يا حلوووين سمعت اسمي ..شحجيتوا عليه "
ردت عمتي "واحنا ما عدنا شغل ومشغله بس هنا دكعدني .. تريكي يله اطلعين .. وانت شام تريكي شوفي وجهج صاير اصفر من قلة الاكل "
كعدت اني وهنا شربت جاي واكلت شوي جبن خليته بربع صمونه واكل بي
اباوع بل تلفون جنت دخل عمو
"صباح الخير بابا "
هنا و شام "صباح النور "
عمو "شام كم مره نبهت عليج من تاكلين تتركين التلفون على صفحه .. كلشي واله وقته .. وانتي كدام النعمه على الاقل احتراما الها اتركي "
قفلة الجهاز و كملت اكلي
هنا "هيييج احسسسلللج "
شام "اونجبييي ادبسوووزز "
هنا "ههههههههههههههههههههههههههههههههههههههههههههههههههه هاي منين جبتيها نوب شنو دخلتي جامعه وصرتي تعوجين بحلكج .. لج مووو هيييج مو هيج فشلتينا .."
" ههههههههههههه شسوي غير هناك كلها تعوج بحلكها حاولت وما ضبط وياي الانعواج .."
"بس لا هيج تحجين هناك .."
"لا يمعوده مو لهل درجه مجرد شقه بيناتنا ..ما افشل روحي .."
طلع عمو من الحمام
"ها بابا بعدجن شنو ما اجا الخط .."
رديت "لا والله بعده ..صدك هنا شو تأخر .."
"ما اعرف هسه اخابره .."
هنا خابرته كاللها أتأخر اليوم لان السياره عطلانه ردت عليه "ايي غير تكول يا عمو صار ساعه ننتضر وراح علينا الوقت .. لو مخابر من وقت جان دبرت حالي "
ما اعرف شكال سدته
مهند دخل وسمع هنا تشرح العمو على الخط وليش ما يجي
التفتت على مهند
"هلاااو هندوسي .. ما توصلنا "
ضحكت اني وعمو على الدلع
رد عليها "هلا .. ايي هسه بس اشرب جاي "
كعد يشرب بل جاي و لازم الملزمة لو يحجي هو وعمو
هنا "مهند عندي امتحان تأخرت يلة "
كام وعدل ملابسه و طلع كدامنا للسياره
اخذت الجنطه وتلفوني وطلعت ورا
اباوع على شكله وشخصيته ثكيل وحنون بنفس الوقت لبسه وهندامه كله راقي وانيق .. من يمشي بمكان يكون عطره سابقه .. الكل تحترمه وتقدره نظافته الشخصية هي اهم شي عنده لو الجو يجمد والماي بارد هم يسبح ويرتب نفسه
حتى قبل لا ينام يسبح ويمشط واني مرات اعوف شعري ومن اكعد امشطه قصص وروايات عراقية كرار صلاح
لاول مره انتبه لشكله جان الكره والحقد عاميني على كل محاسنه

هو من النوع الطويل ومحافظ على رشاقة جسمه كل فتره يروح للجم يدرب جسمه حلو لا عضلات كبار ومن النوع الي يلعبن النفس جسمه رياضي بل مختصر
عضمة عريض و الشرايين بارزة بدي حواجبه معكودات وعيونه كبار ورموشه كثيفات
اسمر مملوح و كل هذا بجهه ولبسه وساعته و ملابسه كلهم جديدات و معتني بيهم ابد ما يخليني اغسلهم كبل لمغسلة الملابس
وهادئ عنده برود مو طبيعي بس وياي تشتغل الحماوة
درت وجهي واكول بكلبي "فسخته تفسيخ من فوك لجوه كبر ملطلطه "
وصلنا لجامعة هنا جانت قريبه على البيت اني ابعد منها يمكن اذا لوحدي اضيع
"وصلنا .."
نزلت من غير كلام لان زعلان عليه اني هم زعلت اتخبل من واحد يزعل عليه اني هم ازاعله ونوب لوحده يرجع طبيعي
دخلت للقاعدة جانت شبه خالية وهسه بدوا الطلاب يدخلون
بقيت انتضر شجن تجي
اول ما دخلت للقاعدة ابتسمت بوجهي واجت شبكتني
"والله جني شهر مفاركتج مو يوم .."
شام "اااا هيج اني عزيزه عندج .. واعتذر جدا عن البارحه سديته وانتي ما مكمله كلامج .. بس زوجي دخل وما كدرت اكمل .."
ود "معذوره يروحي .."
جنت احجي وياها
"شام نسيتي تلفونج .."
التفتت شفت مهند واكف وبل قاعه
القاعدة كلها التفتت عليه وتباوعله
من شفته كمزت صار هواي من راح شرجعه
اخذت التلفون منه
"مهند هذي شجن صديقتي .. وهذا مهند زوجي "
مهند "اهلا انسه شجن.. تشرفت بمعرفتج.."
شجن "اهلا بحضرتك.. الي الشرف اكيد .. تفضل اعزمك على ريوك "
مهند "اتمنى بس عندي محاضرات .. ان شاء الله غير مره نتعرف .. شام محتاجه شي "
شام "لا قلبي ما محتاجه تسلملي "
استغرب من كلتله قلبي وطريقة كلامي
ابتسم واستأذن وراح
انغاضيت كلش من تعامله وي شجن وتجاهله الي رغم هو سألني بس كلش ضجت ما اعرف ليش
شجن تسولف واني بالي كله يمه اكيد هناك هيج يتصرف مع البنات .. مدري شبيه تخبلت بساعتها
وود كل شوي تحجي بي وتسأل عنه وتمدح بي وبتعامله وتكلي شكد مثقف ومحترم هنياج بي

ضايقتني اكثر .. لا ونوب تريد تتعرف عليه اكثر وتعزمه على اكل .. غير اشنقهم ثنينهم
شجن كلش اعزها واحبها بس مدري ليش حسيت بل غيره على مهند ابد ما جنت هيج
جنت ولا اهتمله و ما اغار عليه حتى من نطلع يمكن البنات يباوعون عليه اكثر مني
حجيت بكلبي "ههههه يتعرض لتحرش الفتيات "
مدري شبيج تخبلت يمكن
خلص الدوام وطلعت انتضر ابو الخط
واكفه بباب الجامعة و هو ما بين
الجامعه شبه فرغت وما بقى اله قليل خفت بوقتها
خابرت على هنا ما ردت
رجعت اتصلت بأبو الخط شفت هنا تتصل فصلته وخابرت هنا
"هنااا شو ابو الخط ما بين وين صار .. الجامعة فرغت وهو ماكو .. عفيه اخاف لوحدي .."
"لج اجينا عليج و بل طريق هم عطلت السياره وانشتلت.. راح اخذ تكسي وارجع للبيت
انتي هم تعالي لا تظلين "
"لا ولج اخاف والله شنو أأجر تكسي والوحدي.. تعالي عليه "
"بعيده وما اكد اخذي تكسي وتعالي صيري سباعيه اعتمدي على حالج لا تبقين جبانه "
"لج هي مال سباعيه بهل زلك روحي هسه ااجر وامري لله "
مشيت وابتعدت على الجامعة رحت على الشارع العام وارجف من الخوف اول مره اسويها
التكاسي والسيارات يفوتون من يمي بسرعه انمعط كلبي وخفت لا اندعم
فاتت سياره مني وبيها مجموعة شباب
السايق وكف قريب عليه سوالي بوسه بل هوى وغمز
والي بصفه اسمعه يكله "والله صاكه ... " ويفشر
اني خفت بساعتها حيل مشيت بسرعه وكلبي يدك
صارت السياره تمشي ببطىء ويذبون حجي
"يحلوااا محتاجه توصيلة.. "
كلبي يدك سريع والشارع فارغ بس السيارات الي تمر وكلها طايرة قصص وروايات عراقية كرار صلاح
خفت لا ياخذوني صرت اركض بسرعه من صدك اترعبت واسمع ضحكاتهم وكلامهم
صرت امشي بسرعه وكوه حاصره دموعي
تقربت يم اسواق
كأني شفت الفرج رحت بسرعه عليه
طلع رجال جبير بل عمر
من شاف السياره وسرعتي بل مشي فهم السالفه وصار يرزل بيه

وهما يفشرون عليه ويغلطون صار مرادد بيناتهم
اني عفتهم ومشيت دخلت للمحل جان فارغ وبس ابو الاسواق موجود
حرت شأكله اشتريت بطل ماي
و طلعت وكفت يم الجام
خابرت مهند
"الو مهند تعالي فدوه.. ابو الخط هم ما اجا واني بل شارع الوحدي .. كلها طلعت "
"هسه اجي "
سد التلفون واني بقيت واكفه
ابو الاسواق طلع ويسأل شكو وليش واكفه هنا
وهو يحجي دخل الرجال الشايب
"بويا شلون تمشي لوحدج بهل ضهريه ما خفتي من ولد الحرام .. سوولج شي "
"مو ابو الخط عطلت بي السياره وما اجا وردت اخذ تكسي وهذول تعرضولي .. خابرت على زوجي هسه يجي ياخذني "
الرجال سكت عني
وصار يسولف لـ ابو المحل عليهم وعلى ألفاظهم السوقية البذئية
نص ساعه وخابر مهند "وين انتي اني بباب الجامعه ضربت كصتي هسه شكله بالله غير يتخبل ونسيت روحي هنا من الهبطه انثولت وما رجعت للجامعة

كلتله اني يم اسواق الـ..........
صار يسأل ويستفسر ليش هناك وشوداني كلتله تعال واسولفلك
بعد عشر دقايق اجا
من شفت سيارته رحت عليه طلعت وابو الاسواق والرجال الشايب
ويسولفله على الموقف ويكله بنيه شابه ما تخافون عليها لوحدها وتريد تاخذ تكسي
يعني بل مختصر حرك فلمي
مهند يجاوبه بـ اي وان شاء الله ومشكور ما قصرت
ويخزر بيه لان بعدني واكفه يمهم وهما يسولفون اشرلي اصعد صعدت ورجليه اطكطك من الخوف بان على ملامحه العصبيه والانفعال
بقى يسولف ويا هواي يالله صعد
يسوق وهو ساكت ما باوع بوجهي ابد
كل شوي يجر بل رباط اخر شي عته من ركبته وشمره
صارت سياره كبالنا كسرت علينا
الصوج جان من الولد مهند كام يغلط عليه وينعل بي
السياره ما تأذت بس هو طلع عصبيته بل ولد
هذاك هم ما سكت نزله ويكله عليمن
مهند بدون كلام فتح السياره و كام بسرعه
"عللللييك رايد شي "
ويدفع بي بصدره
جان مبين عليه مراهق بل ١٩ سنه هيج
خفت لا يتعارك ويا
السيارات من شافوا صاروا ينزلون ويحجون ويا مهند ويهدون بي ويكولوله طفل لا تخلي بالك ويا وذاك تخبل شلون يكولوله طفل كام يزاكط جنه مطي مصروع

مهند عافهم وصعد للسياره
ساق بل سرعته .. اني ما حجيت من الخوف
وكف السياره بماكان فارغ ما بي هواي ناس
تخبلت واجت ببالي هواي افكار ساعه راح يذبحني لو يكتلني لو يذبني هنا صرت اتخيل اكشن و ضفت هواي بهارات
بقى ساكت ويباوع لكدام ما باوع لوجهي ابد
وايده على الستيرن
بقى هيج تقريب خمس دقايق واني ساكته ولا سألت ولا حجيت لان بس احجي ما اضمن سلامتي
باوع بوجهي قصص وروايات عراقية كرار صلاح
"يعني فهميني لشوكت تبقين هيج شالعه كلبي ومعلعلتني "
يحاول يهدي بنفسه ويحجي على كيف
اني سكتت ما جاوبت
"مو احاجيج .."
"يعني شمسويه اني شعليه وليش شالعه كلبك شو حتى ما تسمع صوتي "
"هه لا هاي حلوه انتي ما اسمع صوتج
بس من تلعلعين وتمدي متر عليه .."
سكتت
"شام انتي طفله وهيج تتصرفين ما عندج عقل .. فهميني شلون بيج .. شكد اوصي واعلم ماكو ما يفيد .. من اطلعين الوحدج بهل ضهريه والشارع فارغ ما خفتي .. شنو من صلافة عندج .. وكل هذا تمشين من دون علمي حتى ما كلفتي نفسج تخابريني .. طرطور اني كدامج يعني مو بعينج .. ليش كلشي احذرج منه تسوي هي عناد لو شنو
فهميني شنو فلمج اريد اتفاهم وياج .. ليش انتي هيج
كله من راسج تمشين رجال انتي .. وتمشين لوحدج
ونكول ما ينخاف عليه .."
رديت "شمسويه اني "
ضرب الستيرن بوكس
"وبعددددهاااا تسسسسسأأأأل شمسوووويييه بعدددهاااا .. اني شلون ورطت نفسي بوحده مثلج ما ادري .. الله عماني وحبيتج وبعدني احبج .. اخخخ من كلبي اخخ
يعني هسه انتي مقتنعه كلشي ما مسويه مقتنعه بنفسج ولج علعلتيني والله من ازوجتج ولسا يوميه انبهج على تصرفاتج وانتي ماكو تعاندين بزيادة
اكلج البسي شال يم ولد عمي ماكو مرمرتيني يله اتنبهتي لروحج.. اكلج لا ادنكين يم مهيمن لو ابوي هم ما تردين واله تسوين الي براسج
يابه ملابسج كلها دلع غيريها لا تلبسيهم وهم ما تسمعين الكلام انتبهي الكدتج يم مهيمن
ماكو عبالك كاعده يم اخوج مو اخو رجلج .. ولج هنا ما عدها ميانه ويا بكدج وهو اخوها عود
ليش ما تنتبهين لحركاتج وتصرفاتج ؟!
من اردج من شي ماكو تعاندين وهم بل زيارة عاندتي وخليتيني يوم كامل ادور ومشتولين وضعتي
وهسه هم تردين تاخذين تكسي شكلتي لروحج ما خفتي يطلع واحد زايعته الكاع ويخطفج يصخم وجهج

شنو الي تردي بل ضبط كولي شسويلج بعد تعاملت وياج بلين ما فاد تعاملت بقسوه ما فاد تجاهلتج ما فاد
شسوي اكثر من هيج كولي وما اقصر
العبرة خنكتني
كلامه وياي و اهانته الي ويكلي الله بلاني بيج كل هذا اثر بيه وتحسست..
رديت "اريد اطلكني .."

باوعلي وفتح عيونه على وسعهم

من سمع كلمة طلكني بل اول انصدم وبقى فاتح عيونه بكل وسعهم

ما حجه اي كلمه ذب السترة ونزل مرتجي على السياره ويدخن بقيت اباوع عليه منطيني ضهره
ما اعرف شبي وليش هيج تفاجا يمكن توقع شلت لفكره من راسي بس مستحيل ما جاي اتقبله ابد لو شما يصير ما اتقبله لو شيسوي بس سكوتي عن هل موضوع علمود عمي ومرته لان اشوفهم يدللوني ويشجعوني ويوصون على مهند

بس من كال ورطت روحي بيج تخبلت من هل كلمه تمنيت الكاع تنشك وتبلعني ما اعرف ليش ضجت جنت ما اهتم

قطع افكاري وهو يصعد للسياره شغلها ورجعنا للبيت بعد ما فتح حلكه وعلى طول الطريق هنا تخابر عليه ومسويته صامت
اول ما دخلت للبيت تلكتني تعيط وتحجي فرفحت
"الله ياخذج على هل عمله ولج مو اخابر عليج ليش ما تردين صارلج شكد تأخرتي لج قطرت دم ما بقت بيه من الخوف .. شنو وين صرتي ليش ما تردين "

بقيت ساكته دخل مهند على صوتها صار يسألها شبيج وليش تعيطين كلتله ان هي كالت ااجر تكسي واجي للبيت وابو الخط عطلت سيارته وما كدر ياخذنا وبقت تسولفله وتحجي عليه

واني على الدرج امشي واسمع كلامها جيت ارجع ارد عليها واطيح حضها بس هل مره من صدك تعبانه ما بيه اتعارك او اتناقش بأي موضوع تعبت من الاخذ والعطا بل كلام

اريد بس اسكت وما اريد اسمع لوم او عتب او رزايل اريد هدوء اريد راحت بال تعبت من الضغط النفسي
اعصابي مشدوده على طول .. وبخصوص مهند جنت اشوف اكو تطور بعلاقتي ويا صرت مو مثل قبل ما اهتم
او اتجاوز او اضوج منه .. بس بعد الكلام الي كاله وتصرفاته وتجاهله الي حسيت صارت فجوه جديده بعلاقتنا
اصلا هي علاقه مبنيه على غلط فـ شلون تستمر لابد يجي يو وهو يمل او اني وننهي كل شي ابد مو متوالمين شخصياتنا مختلفه متباعده قصص وروايات عراقية كرار صلاح
بدلت ملابسي و ذبيت نفسي على الجربايه وافكر
نوب باجر عندي امتحان مهم جداً واليوم اصلا هم جان اكو امتحان وما جاوبت ما بيها مجال اليوم هم ما اقرا بس الواهس ياجماعه طااار تبخر بعدني بأول سنه وصار عندي احباط وتندمت على القسم مالتي لو مختاره اسهل كان افضل ما ادبرها ابد ووضعي مو تمام

بقيت بمكاني لا كمت اقرا ولا نمت ساعتين اني بمكاني صافنه وافكر تالي قررت انام اشرفلي
نمت تقريب ساعه وكعدت راسي يفتر ويريد يطك من الوجع جيت ابجي صرت ادلك بي نوب شديته بشال ما فاد

اخذت الغرفه طول وعرض بل فره اريده يهدأ ماكو مثل الطبل بي يدك يدك يدك اريده يسكت ماكو

اخذت مسكن ومنوم ردت ابلعهم تراجعت كلت لنفسي على الاقل اقرا لان اعرف بنفسي اذا اخذتهم بعد ما اكعد
قريت الاشياء المهمه كلش و راجعت الي اعرفله ودارسته.. مهند من جابني ولسا وهو ما بين ولا هنا اجت
ما اعرف شصاير ولا همني كل مره يكلبون الدنيا اذا ما انزل اكل وياهم .. هل مره محد اجا او سأل
كلت لنفسي طز بيهم اهم شي اني .. اقرا والوجع براسي موتني ردت بس اخلص حتى اخذ علاج

اشرت كم شغله كلت بل خط اقراهم الصبح .. اخذت الحبوب ورجعت للملازم اقرا شوي لحد ما يمشي مفعوله وفعلا بعد ربع ساعه نعست وراح الوجع شوي

نمت بيومها نوم يمكن عمري كله ما نايمه هيج ابد ما حسيت على نفسي .. غير الفجر صليت وبعدها سبحت وكعدت اراجع .. اليوم كلي حيوية من الصبح لان نمت ومرتاحه
نزلت جوه سويت كهوه و كعدت بل طرمه اشرب واقرا
كمت اريد اطلع للحديقه .. فتحت الباب وطلعت افتر بيها
والجو بارد والحديقه هواها طيب بي رطوبة
ما حسيت ببرودة الجو بل عكس احب البروده حتى ملابسي الشتويه خفيفه اشتريها .. طلعت الفون من صدري باوعت ساعه صارت سته اله ربع .. طبيت للبيت صعدت بدلت على السريع و مكيجت بقى بس الشال ما لافته
اخذته جوه وياي هو والقراصه .. عمتي لسا ما كاعده .. سويت ريوك حضرت الجاي و هو اصلا من اليل يجيبون وجبه الريوك باوعت اكو بل ثلاجه جبن وبيض
اخذت بتيته قطعتها وكليتها .. وطلعت صمون وخبز خليتهم بل فرن .. دخلت عمتي للمطبخ
"صباح الخير عمه "
ردت "صباح النور .. شعجب كاعده تحضرين الريوك ومكمله كلشي لازم كاعده من الفجر بس مو عوايدج "
"ايي من المغرب نمت وكعدت شبعانه نوم .."
بدوا يكعدوان واحد بعد الثاني مهيمن عمو مهند بس هنا ما شفتها التمينا نتريك .. مهند اصلا ما باوع بوجهي نوب هو الزعلان عشتوووو
اني كمت قبلهم صعدت للغرفه اخذت اشيائي المهمه ومسحت حذائي .. وكفت الف الشال كدام المرايه

دخل مهند .. يلبس بملابسه ويعدل بشعره وعطر عبالك رايح عرس مثل كل يوم .. لا اني حجيت ولا هو اخذت الجنطه ونزلت
انتضرت هنا .. دخلت للمطبخ تباوعلي صفح .. اني تجاهلتها واصلا ما اعرف ليش هيج تباوعلي او على شنو زعلانه انتضرت تكمل حتى نطلع .. ما دام كاعده كل شوي ترميني بنضره اني سويت روحي مو يمها والعب بل فون
اتصل ابو الخط على هنا رفضته وتلبس بحذائها .. حتى ما كالت يله تعالي طلعت لوحدها اني ما كمت وراها
بقيت كاعده .. حجه عمو "ابو الخط اجا عمي خطيه واكف بل باب وانتي هنا تلعبين بل تلفون كومي "
طلعت وامشي التقيت وي ليث ابن عمي صبحت عليه وطلعت .. كعدت بل سياره هي ما حجت
اني هم سكتت كعدت اقرا الاشياء الي ما لحكت عليهم السايق وصل هنا و بعدها وصلني للجامعة

اول ما دخلت شفت وشجن رحت بأتجاها
"هلاووو شلونج "
"هلوووو الحمد لله بخير .. لج عندنا امتحان تدرين "
"ايي اعرف لازم ما قاريه مو ؟!"
"لا. ولج شلون والبارحه هم ما قريت "
"اني اساعدج اذا تردين "
"اي فدوه لان كلشي ما قاريه وما جنت ادري "

دخلت للقاعدة وكعدنا نمتحن كل شوي ود تندسني لحتى اغششها بس الاستاذ واكف فوك راسنا ما يخلينا نتنفس
وكل نضراته علينا لان شك بينا صار يروح ويجي يمنا
فـ ما كدرت انطيها حل اله قليل رديته الها
من طلعنا من الامتحان كامت تبجي كعدت اهدي بيها واواسيها

"يله حبيبتي ان شاء الله غير مره تعدلينها انتي شاطره وهل مره ما تدرين .. قابل اخر الدنيا تعوضيها على الجايات "
مسحت دموعها "شعوض يا شام هذا ثاني امتحان و ما قاريه و اخذ صفر ما متعوده هيج "
"لا ان شاء الله منا ورايح تتعودين "
ضربتني بخفه على كتفي "انجبي ادب سززز شكد حقيره عود تواسيني "
"لا عود بخور .. كومي لج لا تبجيني اني هم طاكه روحي اذا تبقين هيج اكثر يمكن اكابلج والطم وياج مشتهيه ابجي "
"ليش شبيج انتي من الصبح مو على بعضج حسيت بيج شي بس التهيت عنج وما سألت "
جريت نفس بقهر
"البارحه صار وياي موقف .. وتعاركنا اني ومهند "
"اييي غيرررر تحجين شنو الموقف لو بس صار موقف وجنج يومه مكابلتني .. بل اول تعالي خل نروح للكافتيريا .. جعت ناكل ونسولف "

"ماااا اني شبعانه .. روحي انتي "
"لا بللله خاف ما تقبلين كومي عيني كومي .. تجين وغصبا على خشمج "
كمت وياها راحت تجيب الاكل اني شبعانه بس وياها على الواهس كعدت
بقت تسال وتلح سولفتلها على الصار البارحه
"اممممممم الضاهر طكيتكم عين البارحه .."
"ايي ليزر بعد كلبي مو عين .. ولج انتي شتحجين هو الله ما يجرعه مو بدور هسه "
" انجبي انجبي شنو اطردين عيون واضح يحبج والله البارحه من كلتيله قلبي اجه يتخربط .. مبين مسويه حصار عليه "
" شكد سخيفه "
"اننننننننننن "
"عابت زعطوطه .. اكلج صدك ذاك اليوم ما كملتي كلامج وعلى شنو جنتي ضايجه وطاكه روحج "
تنهدت تنهيده طوووويله
وحجت
"مثل ما كلتلج جانت تأذيني وتضربني وعدها مروان بس هو وبس توجته ملك وهو هم ما قصر من كثر الدلال
جان يسحلني سحل من شعري اذا شافني بره البيت . واذا يشوفني العب يجي يخرب العابات مالاتي واني عود ابجي واروح اشكي لماما نوب هي تضربني لان اصرخ وابجي
ولج جانت تكتلني كتل مال عدو والله شايفه الاثار والجويات الي بجسمي كلها تشهد عليها
خو الحبسه ما انساها تحبسني يوم كامل على اقل غلطه بس من سالفه الحمام بطلت كامت تخليني فوك وتحبسني بغرفه مخلينها مال اغراض قديمه وكلها سكراب ووصخ وتراب
تعوفني بيها وتقفلها عليه وحق ربج حتى صرت اذا يمر يوم واني ما مكتوله لو محبوسه استغرب بس ثاني يوم يطلع عليه
شدت وياي شدت موت .. جانت كل كلمه ولا الثانيه البنات همهم ما اخلص منه كطيعه الي تاخذج خلصت من الكبار بقيتي انتي شوكت تكبرين وازوجج ما اخليج على كلبي
جانت الدعاوي والغلط على طول .. تدرين هذا الحجي كله جنت صف ثالث ابتدائي .. يعني طفله واني كل هذا اشوفه من ماما قصص وروايات عراقية كرار صلاح
كبرت صرت رابع صرت اعقل من قبل وما العب وبس ساكته يعني صرت اتجنبها وما احجي ولا اضحك ولا العب لن اللعب والضحك جان هو السبب بكتلتي وتعذيبي

بس هذا كله وما خلصت صارت تشغلني بل بيت وشالت ايدها من كل شي حتى بوقت الدوام لازم ارجع من المدرسه اكرب وانضف .. من ارجع حتى الفراش ما شايلته وصينية الريوك بمكانها .. واني اجي الم الفراش اغسل البيت والماعين واذا تشوف تقصير لو ما مسويه عدل تقوم القيامه على راسي .. جانت عليها بس الطبخ هي الي تسوي لان ما اعرف

بديت اكبر ويكبر حقدي تجاهه و دائما اسال نفسي ليش تكتلني هيج وتحبسني ابد ما حسستني بحنان كل الي احسه كره تجاهي
صرت صف سادس ابتدائي.. بدت ملامح جسمي تبين وبيت اكبر يوم عن يوم .. الى ان بيوم اجيت من المدرسه
احس روحي تعبانه مرهقه ما عرفت شبيه دخلت للبيت كبل نمت .. هي مدري وين جانت دخلت ولكتني ما منضفه البيت لو انكلبت عليه وحش سحلتني من الفراش
ودك على ضهري ووجهي شعري تكطع بيدها و مروان واكف يباوع ويضحك حتى ما سحبها مني واني جنت تعبانه ومريضة ما دافعت عن نفسي او احتميت بمكان عن ضرباتها
تالي لوحدها عافتني و طلعت اسمعها تلم بل بيت وادردم الخايسه الوصخه الله بلاني بيج هذا حضي الله يشمر عليه وين الما بيها خير وين العوجه يركبها براسي ومحسوبه عندي بنيه امداها وامده الساعده الولدتها بيها لو ميته كبل لا تطلع الدنيا وتمرمرني
وهواااااي حجي
اني بقيت بمكاني ودموعي تجري واحس لويه قويه ببطني موتتني من الوجع حسيت نفسي بحاجه للحمام
طلعت و امشي على كيف وضهري محني من وجعي .. دخلت للحمام ونزعت ملابسي الداخليات وانصدم بل دم
بقيت اضرب بوجهي واخرمش بي وادور بنفسي خاف مجروحه ودموعي تجري بسكته على حالي واخاف اروح لماما واكللها لا انوب تكتلني
ما شفت جرح ولا شي بس دم يجري و مدمر ملابسي ما ادري من شوكت بس هواي دم
بقيت بل حمام انضف بنفسي وملابسي غسلتهم من الدم والكالون مليان اخذته ولفيته بملابسي وطلعت لحتى اذبه
لفيته بعلاكه وذبيته بين الزرع .. والخوف ماكل كلبي

بقيت كل شوي اطب للحمام اشوف نفسي لو ابدل ملابسي
وامي كل ما تشوفني تغمني لو تتفل عليه .. استمر الوضع ثلاث ايام لحد ما انقطع كيفت و عبالي انتهى الموضوع
بس انصدمت كل فتره تجيني هاي الحالي واشبع بجي لوحدي وملابسي كلها تدمر اذا اكلج يمكن تضحكين
حتى شاش مال جروح وقطن استعملت و خليت عبالي جرح
من افوت للحمام اشبع بجي واضرب على وجهي
جانت مرات خفيفه ومرات لا اموت من الوجع وابقى حايره شسوي المن اكول اضم وجعتي بكلبي واسكت
استمرت عليه ٣ سنين واني ما ادري شنو هاي واخلصها بجي ونوح انسل سل وعبالك اني السبب
جانت تشوفني اطلع من الحمام مبين عليه جنت ابجي بس تتجاهل وما تسال شبيه وليش
بس تعرف تهددني ازوجج واخلي ابوج ينطيج لاي واحد جنت اصرخ واعاركها حتى تبطل مني بس ما يفيد اما بابا مدري شعجب من كلتله ما ازوج سكت وما حجه اي شي
بس امي جانت كل ما يجي واحد تعاركه وتكله المن مخليها بس اتوقع لان اخر وحده من خواتي كانت كلش صغيرة وانطاها ولليوم متندم عليها عيالها يشلعون الكلب وجلاب لو اسولفلج عليها منا لباجر ما اخلص معاااناتتت حياتها المهم على كلوبنا مو اخواتها كلهم ازوجوا وانستروا ببيوتهم
خلصنا وزوجها معتز بيها لا تعنس بعد من ياخذها اذا كبرت اكثر
هو ما جان يرد عليها ما اعرف ليش ولا قبل يزوجني وهو يا هو الي يجي ما بي خير ومسوي زواعات الدنيا ف ما يريد يتورط
بقت حالتي هيج وما اعرف شنو السبب بهذا الدم الي ينزل عليه وصديقات صح جان عندي بس ما نسولف بهيج موضوع
وصلت للثالث متوسط واخذنا الموضوع هذا بل اول استغربت
بس صارت سوالف عليه بيناتنا الى ان بنيه سولفتلي وشرحتلي بس بوقتها ضربت خدها وهي تكلي ما تعرفين وانتي بهل عمر عود ليش خاف ما تجيج ترى مو زين
بس اني غلست عليها .. وهنا الله رحمني بعد ما عرفت يعني هاي البنيه كسبت بيه اجر من شرحتلي
سالتها "يعني شسوي من تجيني "
"ههههه يعني شسوين قابل .. كلشي ما تسوي بس خلي فوطة "

"شنو فوطه " شرحتلي عليها
بس اني ما اكدر اشتريها استحي وامي من سابع المستحيلات اطلبها منها

يتبع .............

حبي هاي مثل قناع منظف للبشرة بشجرة الشاي الأخضر🌚🌺

#ملوكه

قصدج صبغ مؤقت اهواي أنواع اكو مثل لوريال ؛sun in ؛ crazy تلكيهن بالكوزمتات☺️🌸

#ملوكه

ماسألتي سؤالج😅🌚 بس عالعموم الفستان حلو وبسيط ويرهمله ألوان وردي وصخي وبيجي وابيض وزيتوني


#ملوكه

عمري هج شي تلكيهن بمحلات الكوزمتك او بالمولات
فانتي شوفي اللي يناسبج لان اسعاره تختلف بكل محل
واكو ستاند للمكياج والعطور حلوات 👇🏻😻نفس هالصور

#ملوكه