قصه جريئة لفتاة تتعرض للتحرش و.............

#بــــارت 19
****


.....................................................................

‏شيءٌ ما ينقُصني، ربما شغفي، ربما أحلامي، ربما أصدقائي، ربما أنتِ.
"ما احب اداوم ببدايه الدوام لان ماكو محاضرة ولا دروس "
"ليش بل عكس نتعرف على اصدقاء ونتونس ..هاي اول سنه الج لو عايده "
"اول سنه وانتي "
"هم اول سنه ..شبيج كل ما اسألج تجاوبين واتكولين وانتي "
"هههه ما عندي سالفه.. "
"اممممم ..شلونه الدوام وياج "
"والله صعب هاي اولها وهيج بعدين شلون "
"بل عكس هسه شوي شوي تتعودين ويصير كلشي سهر .. اكلج انتي مزوجه "
"ايي "
"عاد زوجج حلو لو لا "
"ايي حلو "
"وياج بل جامعة "
"لا هو قانون واني هندسه معمارية "
"شكد حلو هيج "
"شلون يعني .."
"يعني ثنينكم دارسين وواصلين ..تشرفت بمعرفتج حبي "
"الي الشرف "
"تعالي نطلع ليش كاعده هنا ..خل نروح الكافتيريا..متت جوع ما متريكه "
رحت اني وياها للكافتيريا وطلبنا اكل وعصائر
كعدنا نسولف ونتعرف على بعض اكثر
خلص الدوام بتعب رجعت للبيت هلكانه
ردت اصعد
عمتي "تعالي وين "
نزلت "هلا عمه .. تردين شي "
"اي تعالي اكلي "
"اكلت بل جامعه .. اريد انام تعبانه .. ترين اساعدج بشي قبل لا انام "
"لا روحي ارتاحي .."
صعدت ذبيت على نفسي ماي وطلعت ميته حر
حتى شعري ما مشطته نمت لحد المغرب يلة كعدت
مهند "صح النوم .. شلون الدوام وياج "
"يصح بدنك .. عادي شلون ما كان مر بعدني ما متعوده تعبت .." قصص وروايات عراقية كرار صلاح
"هسه تتعودين وتحبين الدوام "
"ايي ان شاء الله .. انت شلونك بل دوام "
"والله صعب .. هواي شغل .. محتاج ويراد حيل هاي اخر سنه "
نزلت جوه لكيتهم ملتمين بل صاله و عمو يصلي بعده
رحت يم عمتي كعدت
"ها يمه ما تاكلين شنو ما جعتي من العصر ولسه ماماكله "
"لا انتضر العشى .. شمسوين "
"دجاج و تمن .."
كمل عمو "ها بابا شام شلون الدوام وياج "
"زين عمو ..بعدني بل بداية .. بس حسيت بي صعوبة "

"لا بابا لا تكولين هيج كلشي يسهل بس كولي يا الله اني اعرفج سباعيه .. اهتمي بدروسج وكلنا وياج "
"ان شاء الله "
شفت عمتي كامت رحت وراها سويت الزلاطه وساعدتها بل اكل صبينا اكل
رحت اصيح مهند دخلت للغرفه كاعد يدرس
"مهند تعال تعشى .."
"روحي هسه اجي "
نزلت وهو وراي
الايام تمشي بسرعه كلشي ما فهمت من حياتي بس دراسة ودوخة راس لعبت نفسي صعب كلش
تعذبت هواي يلة سيطرت على المواد
مهند يدرس وملتهي ما اشوفه هواي
صرت احسه ما يهتملي مثل قبل وهل شي يغيضني ويضايقني انقلبت تصرفاته وياي من حب ودلع
الى عدم اهتمام و تجاهل استغربت ليش هيج يتصرف وياي ليش تغير ما اذكر بدر مني شي يضايق امشي مثل ما يريد
وين جان اذا ما اكل او يشوفني متضايقه يتخبل هسه ابد ولا كأنو بشر كدامه هو ما مأذيني ولا كايلي كلام جارح بل عكس ما يحاجيني ومتجاهل وجودي

مرات اكول يجوز ضغط دراسة بس من اصفن اذكر تصرفاته وياي قبل هم جان دراسه بس مخصصلي وقت ما متجاهل امري هسه ابد ما شفت اهتمامه ودلالة الي دخت من التفكير بي وبحركاته

جنت كاعده بغرفتي ساعه ٩ ونص البيت هدوء كلمن بغرفته لو نايم جنت ادرس ومكابله الصوبه الكهربائي
مهند طالع هو واصدقائه ولسه ما بين ..تركت القلم من ايدي واني اسمع صوت الرعد القوي
ركضت بأتجاه الشباك اباوع السما تمطر مطر غزير والكهرباء انقطعت صارت ضلمه وهدوء وبس صوت الرعد مسموع
فتحت الشباك دخلتلي نسمة هوى بارده والمطر رشك بسبب الهوى صار المطر والهوى بوجهي
رغم بروده الجو ما دخلت بقيت واكفه ما اعرف شبي كلبي يأذيني ويعصرني جنت ضايجه بشكل
رفعت راسي للسما وخليت ايدي على كلبي "ربي اكو هنا نار تسعر بيه .. ما اعرف سببها .. اللهي بحق هذا المطر والنسمة الطيبة .. تطفي لهيب قلبي .. اللهم أيامًا كما احب .. وحال الى ما هو افضل .. وهماً يزاح عن صدري .. رب انت اعلم بحالي .. اطفئ لهيب قلبي بنور من عندك .."
بقيت هيج هواي واكفه اخر شي سديت الشباك ورجعت اقرا على ضوه الموبايل
حسيت اكو حركه على الدرج اكيد مهند مدري ليش فز كلبي بخطواته سويت نفسي ما مهتمه وبقيت بملازمي

دخل للغرفه "الله يساعدهم "
رديت "ويساعدك "
شمر السويج على الميز و اخذ ملابس وطلع بدون اي كلام شمرت القلم بعصبية اريد اهدي نفسي
بقيت افتر بل غرفه وافرك بوجهي "اللهي الصبر .. الصبر ."

قصه جريئة لفتاة تتعرض للتحرش و.............

#بــــارت 20

.....................................................................

قـــرائـــه مـمـــتــعـه
*

إن قلبي لن يشفى يوماً، ما ظل محتفظاً بذكرى تلك اللحظات الأليمة.
انني أحس أن قلبي قد طُعن إلى الأبد.
********

شام :
جنت استمع لشجن واتكطع على شهكاته وكسرتها .. ابد ما متوقعه الي مثلها هيج يعاني بطفولته حسيت بداخلها طفله مكسورة وتحاول تغطي كسرتها بل ضحك والشقى

شكد رايحه بيها الدنيا وتعدل وترتب وتتشاقى الي يشوفها يكول شكد مرتاحة بحياتها
دموعها حركوا كلبي بجيت وي بجيها وشهكاتها المخنوكه.. تذكرت نفسي هم هيج يصير بيه من يخنكني شي احاول اكبت شهقاتي بس ما اتحمل بسرعه انفجر اما هي ما تكدر وقويه اعتبرها مو مثلي ما اسيطر على نفسي ابد
من صدك احسها محتاجه لصرخه اطلع كل همها وحزنها اني من يخنكني شي او يبجيني اصرخ وما اسكت كلها تعرفني خصوصا بابا من قبل اي شي يصير وياي ويأذيني ما اسكت .. بس اذا صار وياي شي قوي وما اريد احد يعرف تصير وناتي مسموعة واحاول اكبتها ...
عيوني صاروا حمر من البجي وخشمي كذالك
لـ ١١ وهي تحجيلي معاناتها وي الاهل والظلم الي عاشته
بعدني احجي وياها انفتح الباب مهند شافني انصدم بمنضري وشكلي
"شجن عمري باجر اخابرج ..ونكمل ."
"زوجج يمج مو ؟!"
"ايي "
"بيباي .. اعتذر ازعجتج ودوختج .."
"لا قلبي لا تكولين هيج .. احنا خوات .."
سديته منها
مهند "شصاير شام ليش تبجين ..وي منو تحجين "
رديت "صديقتي .. "
"زين شكو ليش تبجين .."
"شغلة بنات .. حتى بهاي ادخل روحك ولازم تعرف .."
"ملاحظه لسانج طولان ومحتاجله ضب .."
سكتت عنه وغسلت وجهي ورجعت انام تعبني البجي وعيوني يحركوني ووجع صار قوي براسي
اخذت بندول يلة نمت
كعدت الصبح ساعه ٦ ونص دخلت اسبح ونشفت شعري
لبست ومكيجت
"مهند اداوم اليوم لو هم ما الك خلك ؟!"
كعد يفرك بعيونه وما رد عليه اخذ الخاولي وراح للحمام
اني طلعت ملابسه خليتهم على الجربايه و نزلت
لكيت عمتي كاعده تسوي ريوك
"صباح الخيررر عمه "
"هلا امي صباح النور .. مهند يداوم لو ما يكدر .."
"ايي يداوم.."
"خوش لعد .. تعالي تريكي لا اطلعين بدون اكل "

"ما اشتهي عمتووو .. هنا وينها شو ما موجوده "
بعدها عمه ما راده عليه دخلت هنا لابسه ومحضره نفسها
"صباااح الخيررر يا حلوووين سمعت اسمي ..شحجيتوا عليه "
ردت عمتي "واحنا ما عدنا شغل ومشغله بس هنا دكعدني .. تريكي يله اطلعين .. وانت شام تريكي شوفي وجهج صاير اصفر من قلة الاكل "
كعدت اني وهنا شربت جاي واكلت شوي جبن خليته بربع صمونه واكل بي
اباوع بل تلفون جنت دخل عمو
"صباح الخير بابا "
هنا و شام "صباح النور "
عمو "شام كم مره نبهت عليج من تاكلين تتركين التلفون على صفحه .. كلشي واله وقته .. وانتي كدام النعمه على الاقل احتراما الها اتركي "
قفلة الجهاز و كملت اكلي
هنا "هيييج احسسسلللج "
شام "اونجبييي ادبسوووزز "
هنا "ههههههههههههههههههههههههههههههههههههههههههههههههههه هاي منين جبتيها نوب شنو دخلتي جامعه وصرتي تعوجين بحلكج .. لج مووو هيييج مو هيج فشلتينا .."
" ههههههههههههه شسوي غير هناك كلها تعوج بحلكها حاولت وما ضبط وياي الانعواج .."
"بس لا هيج تحجين هناك .."
"لا يمعوده مو لهل درجه مجرد شقه بيناتنا ..ما افشل روحي .."
طلع عمو من الحمام
"ها بابا بعدجن شنو ما اجا الخط .."
رديت "لا والله بعده ..صدك هنا شو تأخر .."
"ما اعرف هسه اخابره .."
هنا خابرته كاللها أتأخر اليوم لان السياره عطلانه ردت عليه "ايي غير تكول يا عمو صار ساعه ننتضر وراح علينا الوقت .. لو مخابر من وقت جان دبرت حالي "
ما اعرف شكال سدته
مهند دخل وسمع هنا تشرح العمو على الخط وليش ما يجي
التفتت على مهند
"هلاااو هندوسي .. ما توصلنا "
ضحكت اني وعمو على الدلع
رد عليها "هلا .. ايي هسه بس اشرب جاي "
كعد يشرب بل جاي و لازم الملزمة لو يحجي هو وعمو
هنا "مهند عندي امتحان تأخرت يلة "
كام وعدل ملابسه و طلع كدامنا للسياره
اخذت الجنطه وتلفوني وطلعت ورا
اباوع على شكله وشخصيته ثكيل وحنون بنفس الوقت لبسه وهندامه كله راقي وانيق .. من يمشي بمكان يكون عطره سابقه .. الكل تحترمه وتقدره نظافته الشخصية هي اهم شي عنده لو الجو يجمد والماي بارد هم يسبح ويرتب نفسه
حتى قبل لا ينام يسبح ويمشط واني مرات اعوف شعري ومن اكعد امشطه قصص وروايات عراقية كرار صلاح
لاول مره انتبه لشكله جان الكره والحقد عاميني على كل محاسنه