نصـيحتي لکل بنيـهۂ لما تتعـرفين ع شخـص اعرفي هالشـخص زين وشنو الي بداخله مو كبل تجين وتنـطين كل معلوماتج وأسرارج وهوه يجي يرسملج احلام ورديه ويحسسـج انتي اميرا وملكه..الخ
تـرا والله بالنهاية متحصلون غير النـدم "🤦‍♀💔 هواي اكو شباب مراهقين يضحكون عالبنـات واكو بـيهم حته يوصلون لتهديد وياخذون منهن فلوس وكلشي

فلاتثقين بأي ولد عالنت خلي تكون ثقتج بالشخص المناسب لان اكو شباب عرضهم مفضوح وميحبون الستر للناس
فعلمود هج اكول اللي أعمارهن أقل من 20 لترتبطوووون لأن بعدكم مراهقين فكروا بس بالدراسة وبسس ..من تعبرون 20 ذاك الوكت الانسان يوعى عل نفسه ويعرف معنى الحب والتضحية
والحياة لاتشوفوها بس زواج ..عندج أهداف حقيقها ومواهبج بدعي بيها.. استغلي كل وقتج ونظمي امورج من ناحية شغل البيت والرياضة والراحة والعناية ف رح توصلين لمرحلة تحبين نفسج💓


#ملوكه

عيوني تفكيرج تجاه امج غلط..تصرفاتها وياج دليل عل حرصها وخوفها عليج حتى لاتوكعين بفد غلط او مشكله

لأنو بعدج صغيره فحقها ..فسالفة اريد اروح للجيم لو دورات انكلش ورافضين هالشي فعادي تكدرين بالبيت تسويهن
اليوتيوب بحر واشكال تلكين بي ..أي شي تريدين تتعلمين ابحثي بي

فلاتصعبون السالفة😅💔 وتعاندون هي كم سنة وتكبرون فتتغير نظرتكم للحياة

#ملوكه

حبيبتي اول شي عمرج صغير يعني تقريبا بالاعدادية فأنتي لمن بهالعمر فكري بس بدراستج وخلي هدف ببالج حتى تطلعين من الاوائل
ابد لاتهتمين لشكليات من ناحية اللبس والمكياج والموبايل..الخ
احنا عل زمانا ماجان عدنا موبايل ونت وكله لو صرصور وباندا لو نوكيا وماشاء الله اهواي درجات عالية وصلوا

واعرف بنات يمكن بس صدرية وحده عدهن للدوام وجم سنة يلبسوهن فانتي لاتشوفين الناس اللي أعلى فشوفي الاقل منج واحمدي ربج وادعي تعبرين هالازمة
وأخوج وابوج لاتطلعين كدامهم ولاتراددين ولاتحاجيهم وخليج بشغلج ودراستج وبس هي فترة وتعدي بس ينرادلج صبر🌺


#ملوكه