وهذيني أحسن😍 انواع لواقي شمس..
اهم شي انو تنتبهين نسبة واقي مركز 50 لو 60..فهذيني كلش زينات

اكو نسب ب20, 15،30 فهذيني ميفيدج

#ملوكه

بنوتات بالنسبة😎 💜للترطيب..

خاصه هسه بالصيف..☹️حاولي لاتكثرين لانو هسه صيف وحارة..فيزيت عل الوجه كله

كون من تخلين بس فد نقطتين عل اصبعج ومسحي على كل وجهج..

واذا بشرتج من نوع اللي تتزيت اهواي ويضوجج.. فعندي الحل😎
جيبي بودرة اطفال مو باودر ميك_أب 😅😒

لازم بودرة اطفال 👼..خلي عل بشرتج..هاي الخطوة رح تخلي البشرة صافيه وتبقى لفترة طويله بدون اي عرق🌚

#ملوكه

مكياج وكنتور ✨للوجه البيضوي
بطريقة الاكس والأو😂

#اعـاده_توجيـــہ_لتنسون
#ملوكه

ميك_اب بسيط🌚 يفيد أهل الدوام

#اعادة_توجيه_للفائده
#ملوكه

مكياج سهل وهادئ ..يفيد بالمناسبات
حبيت اللوك😍..وانتبهو عل الخطوات👆🏻
اول خطوة سوتها شدو الانتقالي حطته لون برتقالي 🧡

#ملوكه

واللي ماتعرف بالشدو 🤓انتقالي...فمنا👆🏻 تلكوه بالتفصيل

لكل عروس ...
👰👰👰💐💐

لكل عروس أشياء يجب معرفتها قبل الزواج🙈🌺🌺🌺




مع اقتراب موعد الزفاف هناك أمور يجب على كل عروس الإطلاع عليها والإلمام بها، ذلك لأنها مقبلة على حياة جديدة لم تعتدها من قبل؛ حيث لا مسؤوليات عليها ثم تصبح كامل المسؤوليات على عاتقها. لذا فإن الإلمام بهذه الأمور يوسع مداركها ويجعلها تتخطّى الصعاب بسهولة.

🔴إليكم قائمة بالأشياء التي يجب معرفتها قبل الزواج:

💕- أخطر سنوات الزواج هي السنة الأولى، فإن اجتزت الامتحان ضمنت لنفسك ولزوجك عيشة هانئة.

💕- لا تنسِ أن فترة الخطوبة لا تكشف عن طباع زوجك أو من تقدم لك، فكوني على استعداد لمواجهة المفاجآت بحكمة وعقل.

💕- اعلمي أن التضحية من جانب الطرفين أمر لا بدّ منه، فهي أساس الحياة الزوجية.

💕- اعلمي أن من أسس الحياة الزوجية الناجحة، التعاون في مواجهة أمور الحياة. وذلك بتدبير شؤون البيت دون إرهاق لميزانية الزوج.

💕- مهما يكن الأمر فلا تنسي أن تحرصي على العلاقة الطيبة مع أهل زوجك، فإنك إن أحببتهم أحبوك وأحب هو أهلك وإن وصلتيهم ساعد ذلك على وصاله لأهلك وبرهم.

💕- وثّقي علاقتك بأم زوجك فهي التي ربّت وسهرت وأعطتك أعز ما تملك، واعذريها إذا طمعت في جرعة زائدة من الحنان، فقدري ظروفها خاصة عند الكبر وكوني حليمة ورفيقة بوالده.

💕- تفقّدي مواطن نظر زوجك وسمعه وشمه، وكوني له أرضاً يكن لك سماءً، وكوني له فرشاً يكن لك غطاءً، واحفظي غيبته وماله.

💕- بيت الزوجية هو مملكتك؛ فعليك أن تتعلمي فنون الطهي والاهتمام بالمطبخ، فالزوج يحب زوجته التي تهتم بأناقته وثيابه وملبسه ونظام بيته ومكتبه، ويزيد احترامه لها إذا ثبتت له أزرار قمصانه وذكرته بمواعيده.

💕- شاركي زوجكِ أفكاره واهتماماته وآماله وآلامه وطموحاته.

💕- إذا اشترى لك شيئًا أو هدية فاشكريه ولا تعيبيها أبدًا حتى ولو لم تعجبك، مجاملة له واتقاءً لجرح مشاعره وعدم الطعن في ذوقه واختياره.

💕- استخدمي معه أسلوب النفس الطويل والخطوة خطوة والكلمات الحانية والمعاني الرقيقة والهمسات الجميلة عند تغيير سلوك لا يعجبك فيه، وإياك والمصادمة حرصاً على مشاعره.

💕وأخيراً ولضمان حياة زوجية ليس لأحد العبث بها؛ لا تفشي لزوجك سراً، ولا يتجاوز ما بينكما عش الزوجية لأيّ كان

#اعـاده_توجيـــہ_لتنسون
#ملوكه

🔴جدول العناية بجسم العروس 🧖‍♀قبل الزفاف "الأ᷂سبوع᷂ الرابع" ᷂ للعناية بالعروس:يجب أن تداوم العروس قبل الزفاف بأربعة أسابيع😎👇🏻 على:

💕• مجموعة من الأقنعة والماسكات الطبيعية الخاصة بتفتيح بالجسم وبالأخص تفتيح المناطق الداكنة.
💕• التقشير الطبيعي للجسم للتخلص من إجهاد وتعب وإرهاق على مدار فترة من الزمن. 
💕• عمل حمام بخار للجسم (الساونا) للتخلص من الدهون ولتنشيط حيوية الجسم.
💕• إجراء حمام زيت طبيعي للشعر.
💕• الحصول على قسط كافي من النوم.
💕• التوجه لطبيبة الأسنان لعلاج أي مشاكل في الأسنان.

⭕جدول العناية بجسم العروس 🙈قبل الزفاف "'الأسبوع الثالث""
قبل الزفاف بثلاثة أسابيع تحتاج العروس لتكثيف العناية بالبشرة وذلك من خلال:

🎀• الحرص على التنظيف اليومي للبشرة بمنظف مناسب لطبيعة البشرة
🎀• غسل الوجه يوميا بماء فاتر والبعد عن الماء الساخن في غسل الوجه
🎀• تجنب أشعة الشمس، وإذا كانت الظروف تضطر لخروج العروس فينبغي الحرص على استعمال واقي مناسب من أشعة الشمس.
🎀• عمل ماسكات وأقنعة طبيعة لترطيب البشرة ما بين العسل والخيار والزبادي.
🎀• التوجه لطبيبة العيون لعلاج أي مشكلة تعاني منها العروس قبل يزم الزفاف، خاصة التي تحدث عند مكياج العينين.

🍇جدول العناية بجسم العروس قبل الزفاف"' الأسبوع الثاني"' للعناية بالعروس: 
اقترب موعد الزفاف، ولم يبقي كثيرا أمام العروس، لذا لابد وأن تحرص العروس في تلك الفترة على:
🌺• إزالة الجلد الميت وتنظيف القدمين بالمانيكير والباديكير.
🌺• عمل ماسكات للعناية بالشعر.
🌺• إجراء مساج وتدليك للجسم من خلال الاسترخاء في ماء دافئ مع زيوت عطرية وفقاعات الحمام العطرية للحصول على مزيد من الراحة والاسترخاء للجسم.
🌺• تناول كميات من العصائر والفواكه الطبيعية للحصول على بشرة حيوية ونضرة.

✨جدول العناية بجسم العروس قبل الزفاف الأسبوع الأخير 😍🙊للعناية بالعروس:

باقي على يوم الزفاف 7 أيام، وتحتاج العروس للتركيز 😎في العناية بالبشرة والجسم خلال تلك الفترة، ويمكن أن تحقق كل عروس ذلك إذا قامت بما يلي:

🔹اليوم الأول: التوجه لمصففة الشعر لتحديد تسريحة الشعر واختيار لون الصبغة المناسب + إجراء حمام زيت للشعر.
🔹اليوم الثاني: تنظيف الأسنان والمداومة على تنظيف وغسل الوجه بمنظف يناسب نوع البشرة.
🔹اليوم الثالث: تدليك الجسم وإزالة الشعر الزائد بالمناطق الحساسة بالجسم.
🔹اليوم الرابع: عمل باديكير ومانيكير القدمين.
🔹اليوم الخامس:عمل حمام بخار لتنظيف الوجه والبشرة للتخلص من الأتربة، مع عمل مساج للوجه حيث يمنح شعورا بالراحة والاسترخاء.
🔹اليوم السادس: راحة للجسم واسترخاء والاستمتاع بيوم الحنة.
🔹اليوم السابع: هذا هو يوم الزفاف، ليلة العمر الذي ستظهر فيه العروس بكل حيوية ونضارة .

#اعـاده_توجيـــہ_لتنسون
#ملوكه

طبعا عرس اغلب 🙈❤️بنوتات بعد العيد
فحبيت انزل كل العنايات وتجهيزيات الخاصه بالعروس😍

وبعد صلاة ..رح انزل التكملة من التجهيزات😎

#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الأربعون

راح أصبر بدونك وأرهم بلياك
وأذبح رمش عيني الجان يبجيلك
وأتحمل عذابك والبعد والشّوك
وما حط صورتك كدّامي وأشكيلك
ما أكلّك نسيتك بس جرح بالرّوح
يكسر واهسي وما يقبل أمشيلك
عيني الشّالتك كلتلها أشيلج راح

كعدة تبجي كتله سالمين ليش ترفضين وليش جايه تعوين شكو
احد ضربج على ايدج كلج بطلي

مجاوبتني ساعه كامله وهي تبجي طكت روحي كمت طلعت وقبله كتله باعي راح اسوي شاميه واطلع فلم نكعد نسهر عليه واعزم ندى ويانه اذا ضليتي هيج وروح بابا اجيج بلطاوه عفته طلعت

شكد احجي وياهه ماكو منطويه على روحهه وبس تريدله فرصه تبجي امي من شوفه هيج تنزل بيه رزايل وغلط تسكت وتروح الغرفته

الايام تمشي بين يمن وبين عمتي متركته حركته صارة صعبه اكلاص المي متكدر اشيله جهه اليمنه ميته عدهم

خالو معايفه جابلهه ممرضه بس رغم هذا مكادرة اعوفه اجيه الصبح ارجع قريب الغروب ومرات بليل اطبخ وانظف ويمن يمي مرات اجيبه تفرح من اشوفه

رغم وجودي محافظه على حجابي ودشداشتي العريضه استحي من خالو

اكعد يمهه ادلكله تعرفة على الممرضه صغيره والحاجه خلته تجي بس مضل هواي

اوقات معينه تجي وتروح مقابل فلوس العرفته يدفعله ٤٠٠ حتى اجرة التكسي محسوبات

كمنه نتناوب على عمتي كانت اصعب مهمه الحمام مااكدر احطه على كرسي المتحرك ثكيله وهي اصلاً سمينه احير شلون اشيلهه

وخالو بلدوام ميكدر يجي لان بداية طيحة عمتي اخذ اجازه سبوعين وخلصة

من الممرضه موجوده نتعاون على شيلته

بيت عمي اجو استسمحو مني وعمي عيونه تحجي الندم كتلهم ماعندي شي وياكم محمد بعد مشفته وحتى من يجي مااطلع

سارة شكد متحاول تتعايش الوضع اسمع بجيه بليل اعوفه مراة كلبي يعصرني اريد اخفف عنه

وارجع خليه ترتاح حسن سبوعين وهوه مشاكل ويه بيت عمتي امتثال اهل رحاب ويطلعوله حجج ميقبلون ترجع كوه رجعهه

كام يشك شاف اهله ميحجون وياهه رغم يصرفون طبيعي كدامه

علا تخابر وتطمأن مرة كالت حوبتج بينت ويجي يوم حسن يعرف واتوقع راح يعرف هذا ملعب ومتفوته

كتله عفت الموضوع المهم طلعت برائتي ميهمني بعد شي

محمد متخبل شهر مر وهويه يوميه جايب اهله وحار شسوه شمس مأيد سارة وطابك وياهه وبنفس الوقت زعلان منهم على عملتهم بيه عمي وزوجته حجو ويا سارة

مدنكه ذابته على الصامت خلتهم يحجون ومن كاللهه هاا عمي شنو رأيج كالت عمو جيتكم على عيني وراسي بس اني تعبت من الصار وحليت اهلي بوضع موحلو ماريد هذا الزواج اعرف ورا مشاكل ومراح ارتاح زوجته واطفاله مالهم ذنب يشتتون

عمي مقبل على حجيه كال عمي هذا الكلام حجينه بي سابقاً وانتهه بوقته ياعمي اريدج اني لبني متمسك بيج زوجتهم ثنينهم ومصار براسهم حظ

ماريد اتندم واخسرج عمي انتي بتنه ومن لحمنا ونعرف اصلج ومعدنج تربية علي ونعم ماربه راح وهوه مرتاح معافكم زرع بيكم المبادئ والاصول خلاكم بطريق عدل مشاكم على ممشاا لاتستعجيلين بعد ابوج فكري والتريدي يصير واحنى من هاي ايدج الهاي
وشوفي مصلحتج ومصلت المسكين ضال يتفاور
حايف لا ينجلط من اعصابه

كام وكال يله بعد هي ضلت يمج ولاشيلين هم ولو شفتينه نضغط عليج ان جان رائيج نفسه لاتتردين اهم شي ماريد تنطين جواب وانتي مامقتنعه

شوفي عمي عمري مشه وشيبت وشفت اشكال الضيم بس وروح ابوج شيبت اضعافه بعد عملت رحاب ويه اختج خلتني اتمنه الوكت يرجع

مستحي من ابوج بيا وجع بعد ازوره الجنت كل خميس اني يمه هاي سبوعين مزايره شكله

اتنهد يله ام محمد خلينه نتوكل طلعو للهول الخارجي جانت امي وبيبي كاعدة لان عمي طلب يحاجيه سارة وحدهم

كل هذا الكلام سمعته لان كعدتهم قريبه من باب غرفتنه وصوتهم مسموع

امي مسلمه الامور الشمس بعد المشكله ماسكت كعد ويه امي وسمعه كلام يغث لحد الان ميتحاجي رغم اعتذر منهه بقت شايله بكلبهه

والايام توالة بين مد وجزر يوم هادئ يوم عاصف

شمس كلي قليلي روحتج الام زوجج يبقون ناس غرب
سمعت كلامه وقللت بلسبوع مرتين اوثلاثه

عمتي عتبت كمت ابلعم شكللهه بعدين اضطريت اشرحله خطيه سكتت وكالت حقه

وضعهه شويه شويه يتحسن كمت اشغللهه قرأن بلتلفون ترتاح من اسمعه علمته عليه شون اشغله ودرة الشريحه من الصرصور للجديد تعلمت كيفت عليه

امي مراة تجي وياي اشوفه ساعه وترجع

اسويله كمية شوربة خضروات وصدر دجاج تحبه خفيه شوكت مجوع الممرضه تحميه اله

وضعهم تعبان كمت اروحلهم من الصبح اسوك الاحتاجه وهناك اكابل عمتي والف كبه وبورك

ومراة مرك نوعين ثلاثه ويه الكبب تمن اطبخه هم
واحطهن بلمجمده ماعليهن شي يكفيهم سبوع

عمتي من اشوفني تدعيلي وميسكت حلكه من الدعاء كم مرة رادت تعتذر عن عملة قتيبه مقبلت هي ماله ذنب ابوسه من راسه واكله انتي امي الثانيه لاتشغلين بالج اني سامحته من يوم الجبت يمن وشفته بلحلم

عمى اريد اعيش براحة بال ماريد اضل بعالم الحقد لهذا انسي كلشي سمعتي بيتنه وترحميله وارجعي مثل قبل تقريله قرأن وثوبيله ولو

اني كل خميس اجي هنا اثوبله واذا بيتنه وياا بابا ومناسيته

هزة راسه وسكتت

سألته على نهله كالت من قبل طيحتي زعلت

:ياا ليش هلمره شمسويه

رايدة تشتري بتوت مقابل عده ذهب معانده

:اي

كايللهه شسوين بيهن العندي حطيتهن بلمعرض على البضاعه الجديده

ساكته وره كم يوم كايلتله وهوه جاي تعبان من الدوام وخفارة بديالى محولين شغله وصاير اعصاب تحويلت دوامه يروح ١٥ يوم ينزل ١٠ ايام

كايللهه تعبان بعدين نتفاهم

مقابله انطيني فلوس علمود العصر نطلع عفيه قادر عاجباتني ماريد يروحن مني وحاجزتهن

كتلج ماعندي هسه

عفيه دبر من جماعتك ومن يصير سدد

نهلة شبيج زغيرونه اصبري من ينباعن انطيج كافي لتنكين

ماقابله وزعلت وضلت تدردم وهوه يصيح كافي اسكتي

وهي اختك لو رادة متركض تجيبله

زمخ بيه الصمي وضاله على هل نكه لحد مكام خبزه ولة زعلانه
واني جوه بلهول اسمع صياحهم

كتله عمه هاي ليش طماعه

كالت اسكتي ياعمه ربج بيه حكمه من قسمهه القادر والا هاي وين قادر وين وفوكاهه خلفه ماكو

يمن بده يكبر وينشنش على الاكل صار عمرة ٦ اشهر وكمت اكدر اوكله وحليب
عصاير بلممه طبيعي انطي
وصفولي حليب وموز كل تلتيام ايام اربعه الكثره يسوي حساسيه عنده

خالو كلش متعلق بي اذا ماروحلهم هوه يجي ياخذه وهذا يكيف على الطلعه والشيله

بس حمودي يتنحس منه يبجي

ارتاحيت من سمعت خواته معايفاتهه رغم ذيج الفتره يجن جيت الخطار يشوفنه ويطلعن لحد مااخالو لازمهن ومرزلهن سمعت من الممرضه كانت موجوده تنطي علاج من هي بلمطبخ محاجيهن

صدفه سمعت من سألتني شَصير منهم وسألت على خوات عمى سولفتلهه كالت هاا مو اكول سمعته يرزل بيهن وصوته عالي

رجعت للبيت ويا نائل تعبانه تلكاني أدم يبجي

طببته ونائل يسأل بي شبيك كال بيبي متشتريلي

لكيت ندى سوي عشي وامي تحظر بلباجه تكسر بيه ثواب روح بابا

ادم شايله نائل كال يوم هذا شبي

التفت عليه ورجعت تقسم هذا دللته زايد وطلعت عوينته

كال لالا ليش حجيه أدومي الفقير شمسوي

ندى كالت والله يانائل ماكو فقير غير هاي تأشر على أديم كاعده وتلعب بلملاعيب الكدامهه

امي رجعت رفعت راسه وتأشر بيده والسجين للزمته كالتله شايفه شكد ينعر دوه البيت دوي بصريخه ليش اريد سيارة مثل مال بابا كعدت وياا سولفت قنعت كتله اجيبلك رشاشه قافل على السيارة

لم الدنيا علينه لو تشترولي لو ابجي والله لنعل ابوك لاابو دلالك ابن الزفرة خوش تعلوم لو ناس فقرة وماعدنه منين نجيبله رجعت تتكص وتكسر بلطبر ومستمر تغلط عليه

نائل شايله ويضحك اخذه يشتريله وندى ذابته على السكوت تعرف امي ومزاجه

دخلت بدلت ونيمت يمن سارة تنظف بلهول والصاله مددة شوية واجت ندى

كالت نباء شاكه بروحي حامل

كعدة كتله بيه الخير

كالت نباء عفيه شون بيه ماريد هسه احمل والله كوه منتبه لنفسي من هذوله الزوج انوب يجي ثالث

كتله شسوين بعد هذا رزق ربج قابل ذبي

كعدة على جرباية سارة كالت هوه هيج ناويه اذبه

كتله صدك ندى من كل عقلج حرام نفس تكتلين يعني ذبحين طفلج بيدج

كالت شسوي نباء هاي انتي شوفة عينج يادوب ملحكه بيناتهم غير اموت اذا خلفت بعد وين الحك

كتله ندى عيني اول شي ادم كبير ويعتمد على نفسه بلاكل من يدخل الحمام حتى مراة يبدل ويلبس هوه بدونج وأديم خليه يم امي وسارة واني وتتعود علينه تكوم متريدج يبقى هذا البطنج وين المشكله بعد

كالت ياا نباء شنو اذب اديم على خالتي وينه وين الجهال ادوخ منهم وسارة بعد كم يوم تبدي دوام وانتي بس يمن وبجيه يرادله ثنين

كتله اهوو انتي من تردين سديه سديه خليه على ربج وتدبر ومنا لمن جيبين أديم عمرهه ٣ سنوات تقبط

كالت الله كريم

اي سهليه لا تسديه ربج يفرجه شمس عرف

كالت لا وين اول وحده انتي وبعدني ممتأكده هسه اخابره يجيبلي اختبار

طلعت وهي مغندبه يربي شكد نازوكيه مرتك يشمس

صدك ثاني يوم نزل شمس فرحان خبرنه بحملهه الكل فرح نائل كام يهلهل

مسكت لحد ماشمس ركعه بلمندر سارة تكلهم اذا ولد الكم واذا بنيه الي اني اخذه

شمس كال ام السوس موجوده أديم اخذيه وفكينه

كالت لا عيني هاي المشعوذه ام الصافوره مااريده صوته يوترني من تبجي بلكت الجاي بلطريق صوتهم ناعم انثوي

كال اوووي عيني انثوي هوه طفل اكيد من يبجي صوته عالي

كالت لا والله خويه جهالك ثنينهم وارثين غارة حرب مو صوت

امي كالت عوفكم من الجهال التفت على شمس يمه اسويت على شغلة ابن عمك

كال يمه شسويله خلي يركع راسه بلحايط ماريد اتعارك والناس تشمت تكول ولد عم من وره نسوان يتمشكلون
عايفه شوكت ميخلي عقله براسه اتفاهم وياا

نائل كال هو شبي ليش هيج راكب راسه ويدور المشاكل عيب والقرأن لو ماا اخلي اعتبار للقرب والعمره غير اكسر رجليه

جاوبه شمس يشرب يورث الجكارة نائل هي مومال سباعيه واكسره ويكسرني نبقى ولد عم من اطيح عليمن عليهم وابن عمك خوش اعرفه ورابين سوة هوه سواهه عناد شون تقبلون وبعدين ترفضوني شبي حقه بس احنه نكول ندفعه بكشايه

امي كالت ادري