#الوردة المتعطشة

قصة قصيرة اللي صاحبة القصة تروي تفاصيل حياتها اللي عاشتها🌸

القصه حقيقيه 100% فقط الاسماء مو حقيقيه 🌷

@stylegrils

الورده المتعطشه 🥀

البارت الاول


بالبداية اعرف عن نفسي .اني ساره من ذي قار عمري 25 سنه طولي حلوه اوكلش رشيقه وزني 50 اعيوني سود بشرتي حنطاويه عندي غمازات وشعري طويل يوصل نص ضهري راح ابدي من سنه التسعينات امي اتزوجت من ابوي .بابا كان يشتغل ب مخزن كبير بابا كان مريض مريض نفسي وامي اكتشفت هذا شي بعد زواج وكان كلما يجي تعبان من شغل يضربه بقسوة وامي كانت تستحمل الضرب لان كانت تحب بابا وعاذرته لان كان مريض بعد فتره من حياه امي مع بابا امي حست بأعراض الحمل وبعد تسع أشهر اني اجيت على هاي دنيا بابا كان كلش فرحان بجيتي عل دنيا وامي كانت كلش تعبانه فما اخذت ملابس الي فلبسوني ملابس ابن عمي اسامه كان اكبر مني بسنتين ويكلوله هاي خطيبتك خليه تلبس من ملابسك وبعد شهرين من ولاتي خلال هاي الفتره من ولاتي اجت البابا الحال
ه العصبيه اخذني وياي علمود يدفني اونقذتني وحده من عماتي وراه ابفتره تعرض المخزن الي يشتغل بيه بابا إلى حريق كبير جدآ وتوفى والدي على إثر الحادث😭😭😭 وأصبحت يتيمه ابثناء هذا الوقت امي متدري بلصار لان كان ضاربه دخلت مستشفى واني عد خالتي تاخذني ماما علمود ارضع واترجعني لان عمري بلضبط 50 يوم من اتوفه والدي ضل والدي داخل بلمستشفى 9 ايام واتوفه ابسسبب تسمم بالدم من الحرق بس وصه كال عينكم على بنتي اتوفه الله يرحمه طلعت امي من المستشفى اوسمعت بالخبر بقت ابيت اهله الحد بيبيتي ام امي طالبت بالاغراض مال امي صار بيه خربطه اهل والدي متفقين وي عمه اومنطينه مقدار من المال امكان الاخشاب بيبيتي رفضت اورفعت قضيه
على اعمامي اودخلوه جدي سجن يوم عمامي اتاثرو من الي صار اوصار مشاكل ابيناتهم اني بقيت عد اخوالي هسه احجي عن تخوالي عندي ثالاث خالات اوخال واحد عصبي كلش اوكان يضرب اخواته حتى امي الي هيه اكبر وحده بيهم فتحت محل حلاقه اوهيه موضفه كامت تشتغل اوتصرف على البيت اني كانو عمامي بين فتره اوفتره اروح اشوفهم اوجي لان امي متكدر على افراكي خالي كان ايسافر من مكان المكان من اتوفه والده رجع اني كنت اصيح الوالد امي بابا اوكان كلش ايحبني اوكان اول خساره شخص اليه بس كنت اصغيره اوماعرف الحزن صار عمري اول ابتدائي طلعت اعراض ورم ابطني عرضتني امي على دكتور كله عده فتك اولازم انسوي عمليه
اوكان عده المبلغ اداينت اوماخلت باب دكته اودبرت المبلغ انطو خبر اهل ابوي خاف ايصير شي عليه بس محد حضر منهم اوكنت خايفه اخذوني دخلوني ابغرفه كان طفل وياي لعبنه اني وياه دخلوه قبلي اوتوفه بلعمليه خفت كلش وستلموني من امي اخذو كل ملابسي اوجهزوني للعمليه بس كنت لابسه مداليه بيه صوره الامام علي( ع) مااخذوه مني خدروني بعد ماحسيت الى اني بلبنك كلت المي جدو اجه على ابو ابوي كالت لا كلتله بعد ماريده 😟😟😟مرت الايام اوكبرت اوصار عمري سادس ابتدائي كنت كلش شاطره اوكنت كل سنه أوائل اثناء هاي السنوات المرن امي تجي عليه خطابه بس هيه ترفض اوخر شي اجه عليه خاله كاله عندي صديقي اوزوجته مريضه
ويريد يزوج واني اضمنه الج بعد رفض قاطع كام يلحكه للدوام سنه كامله مابطل من الاصرار عليه وافقت عليه كالو زواجه ايصير ابغداد عقد عليه اوملجه واتفقو على يوم يرحون هو اوياه الخته كان اليوم ممطر كعدت الصبح لكيت امي اجهز نفسه كلت ابيني بلكي ايعوضني على مكانت الابو بس هم كنت كلش ضايجه اومقهوره حيل لان انته بس ام عندك وابلحضه بجي غريب اوكدام عيني ياخذه من ايده وايرح حسيت بلوحده اوفراغ القلب اكثر اذيه اجربيت قريب علينه اوثاث اوكعدو بيه اني بين فتره اوفتره اروح يمه مامتعوده على افراكه زوجه كان حباب ايشاقيني وايسولف وياي

امي كامت متقبل اشاقي وياه كالت الوحده من خالاتي بان ابقه عدهم بعد ماروح اله اني اقهرت
كلش كانت المخده المواسي الي ابجي جوه الغطه الحد ماعيوني اتورم بعدفتره اشكم شهر كم زواجه طلعت حامل ابولد كلش فرحت عالى الاقل راح ايصير عندي اخ امي بدت اتصير مشاكل بين امي اوهله يعني امه حيل موزينه وياه وتريد الراتب منه امي تنطيه جزء منه اني كان عندي راتب التقاعد مال والدي ساتر عليه ابحتياجاتي الخاصه والمدرسه بعد زواج امي اني انتكست بلدراسه اورسبت اول متوسط اوبيومه خالي ضربني بسونده الحد ماتوسلت بيه بس مارحمني بجيت اوكلت ليش هيج حضي محرومه من الفرح شنو ذنبي بس تبقه اراده رب العالمين امابيدي شي

اتحملت اوصبرت صارت ولاده امي حولوه عمليه كانت بيبيتي متحجي وي امي اني 13 سنه اروح انضف واطبخ واجيب الخبز من المخبز واهمتم بلطفل حبيته كلش كمت اداريه واعتبره ابني مواخ حسيت ابمسواليه اتجاه عشت على هلمنوال روتين يومي اروح اسوك الخوالي واذامرحت عقابي ماكو دوام كنت اضطر اروح من اروح اشوف احد اعمامي بلسوك اشوفه ميقبل وايضل يحجي عليه ماجنت عندي جرءه اروح الهم اخاف من خالي ميقبل يوم من الايام اتفق خالي اوزوج امي

يتبع.......

الورده المتعطشه🥀

البارت الثاني


اتفقوا على شراء سياره. من الطبيعي الزوجه تساعد زوجهه وامي هذ السوته. خالي سمع وبالنتيجه اني دفعت الثمن💔😓غالي انحرمت 4 اشهر ماشوف والدتي هي ام ماتكدر على فراكي واني نفس الشي متحملت افراكهه كعدت الصبح لكيت خالي نايم اسغليت الفرصه رحت شفت امي كاعد خالي سال عليه كلوله راحت لمهه وده عليه اوضربني اومارحمني حيل قسه عليه خفت بعد ماطلعت شفته اجوارينه عدهم ارضي انخابر عليه القاربنه دزت عليه كالت يردوج على التلفون اني رحت وي مافتحت الباب شفت امي كاعده متحملت المنضر اربع اشهر مشايفته ركضت الحضنه خليت راسي اوبجيت😍😭 ابكل حركه كلب الرجال اومرته بجوه ويانه ياناس بس امي حرموني شوفته 😂😂😂من اروح اشوف ابن عمي اسامه

بدت مراهقتي بديت انعجب بي احجيلكم اشويه عن اسامه مواليد 1990 اكبر ابعامين اسمر طويل جسم حلو كان ذكي جدا بس كنت اني وياه كلش عنيدين اوكان عصبي عنده ثلاث اخوات وحده مزوجه ابن عمته واثنين بعدهن االوسطانيه كانت قريبه عليه كنت اروح يمهم ايسولف على بنات الجيران اني اضوج 😉 بس مابين خلال روحاتي الاربع سنوات كنت ابد. مابيني اوبين حتى سلام بس كلما اروح اصير مشكله مره عمي وداني على شغله اجيبه منه اني كنت كلش استحي حتى احجي وياه فكتله رفض اني رحت اخذته منه كتله شوف هياته كانت حاسبه ركض عليه ا لوه ايدي اوخلاهه وره ضهري اوخلفي اني انزعجت منه كلتلهم مابقه ودوني لمي ضليت ابجي😞 اني كلش
ام دمعه على ابسط شي ابجي ضجت منه ابوه ضل يحجي عليه اني رجعت الخوالي بس صراحه جنت اغمض عيني اوذكره اوشتاقله🙊 مره خالي اجه للبيت اوكان امعصب حيل كسرت ماعون اجت بيبيتي كلتله كلهم جيبولي صوط اني خفت لبدت وره بيبي كامت دفعتني عليه كلتله هاكياه اضربه اوهوه ماقصر وياه من توسلاتي بس ماشفعتلي عنده مايعرف شنو رحمه وان كنت يتيمه صارعمري 17 سنه اني بيه رابع اعدادي رحت ادبي اوحيل تعبت على دراستي كنت ابيت عمامي كاعده بليل وي بت عمي رنا الي هي اوسطانيه والصغيره سومه كعدت وياه سولفت عن ماضيه العشته ابيتاخوالي كلتلي ليش متجين اهنا اني ماشفت منهم شبي اوفكرت ابكلامه رحت على

عمو صغير كان مزوج الساعه 2 بليل كان نايم كعدته كتله اريد اجي اهنا بعد اني مليت كالي اي بس كان نايم حتى ميدري اشحجيت وياه كعد الصبح بيبيتي ام والدي كيفت حيل اوجدو همينه ماخفي اكو ناس مافرحت ابهذا القرار كنه متفقين اني اوجدو اوعمو اروح اجيب اغراضي من اخوالي رحنه العصر طلعت بيبي كتله اني قررت اروح الهلي ماقبلو ابهلحجي كلو الجدو روح راح اوكان كلش امعصب اجه خالي كالوله بلصار سكت محجه شي بدوه عمامي ايودون ناس علينه كالو بتنه كبرت وانريده بعد مشاكل دامت اشهر اجه عليه خالي كلي تردين ترحين اول مره ابحياتي اقون قويه كتله اي اريد اروح سكت كال حضري نفسج باجر عدنه كعده.
اني جهزت اندك الباب بالاربعه العصر كان اقاربنه عنده سياره كلي يله سلمت عليهم بس بيبيتي شرطت عليه اني بعد ماوصل هذا البيت اني سكتت اوطلعت جاي انزل بلاغراض دكيت الباب اوفتح اسامه اليه سلمت عليه اوكام ايساعدني بالاغراض بس اني محسيت دخلت البيت حسيت دخلت كلبه حتى نضرته اليه اختلفت اول مره عيني اصير ابعينه كانن عسليات احس كلبي كلش خفق عليه بديت عادي وياهم اشتغل بلبيت عمي ابو اسامه هو الكبير نقلني يم مدرسه قريبه عليهم شرطوه عليه البس عبايه اني معترضت بديت اداوم طلعت عندي موهبه الهيه كمت اكتب شعر

احجيلكم اشويه عن بيت عمو همه اربع اخوان ابيت اومزوجين اوكل واحد عنده خمسه اوست جهال كانت عايله جبيره كلش ابوسامه عنده خمس اولاد اكبرهم اسامه هذاحبيب كلبي اوعشقي 🙈راح انطي القلم الاسامه اني اسامه سادس علمي اجت ساره علينه اومن زمان ايكولون ساره الأسامه اواسامه الساره انزرعت هاي الفكره ابالنه اثنينه كانت تجي كلش هادء اوخجوله عندي رنا اختي قريبه عليه اساعدني املابسي ابكلي مهتمه بيه اجت ساره اتعيش ويانه اني مجنت متعود على احد غريب ماخذ راحتي بس ماخفي عندي مشاعر اتجاه بس اني جنت عصبي واتنفرز من كلشي

بديت ادرس بس اواجه صعوبه بالدراسه اروح العمو ايكلي اسامه خل ايساعدج اني استحي اشجعت اورحت امنا بدت علاقه حبنه بده ايدرس بيه يوميه بليل جدو يمنه نايم هويبقه ايدرس اوماحسيت بلوقت وياه يوم كنه ندرس انطاني مثال كلي حليه اني ردت القلم مديت ايدي اخذه مسك القلم منطرف وانطانياه بس ضل لازمه اني باوعت ابعينه وابتسمت ابتسملي شوه اشويه اله لزم ايدي حيل حسيت ابحرارت ايده ابكد ماحبيته ضليت ارجف راسا كمت بس كتله هاي اخر مره ماحبيته منك هومكال شي اشويه اذن الفجر نمنه بس جنت الكاع مشايلتني من الفرح😂🙊

يتبع

الورده المتعطشه🥀

البارت الثالث


كان اسامه عنده امتحنات سادس علمي ويريد معدل واحنه عائلة جبيره قرر يروح البيت عمته يقره الي هم اعيال اخته الكبيره حوراء اني قبل ليروح كنت متاكده من مشاعري اوهاي مومراهقه قررت اعترف ابحبي لايروح للكليه وايضيع حبي من اديه واني ماكيفت لكيت الفرح بعد 17 سنه عذاب كتبت ابرساله اونتضرت ايخلص شرح اليه كتله احبك اومااكدر اعيش من دونك وذا على الكليه مستعده انتضرك الحد متخلص واريد منك جواب اذاكنت اتحبني لولاكتبته ابورقه خلص كتله عندي شي خاص الك راح انطي الك واريد رد عليه مكال شي انطيته اله اوخفت من رده كالي انتضري

وره نص ساعه جاب الي ورقه اني قريته تنصدمت اشون عبر عن مشاعره ابطريقه حلوه كلش قال ماذا اقول واي الكلمات التي تتجاسر وتقف امام عينيكي لتقراءيها الى تخجل هذه الكلمات نعم انا احبكي احبكي احبكي 😻🙊😻ضلت الكلمات تتردد المسمعي اوحس الدنيه وكفت اومااحس على شي اجه باوع عليه اوراح اني بعدني بلحلم من كنه انام كان فاصل ابينه باب كليدور عنه اوبيه فتحات مرات اباوع عليه من هو نايم حبي اله فاق الخيال بس اكو مثل كلشي زاد عن حده انقلب ضده اني حبيته ابجنون بعد ابنيه تعترف الولد هي اتحبه ماعرف امين اجتني هل القوه واحتمال الايام كلما. قۣۗـۙصۣۗـۙصٍ 📖ۆبۣۗـۙسۣۗ 💯
قست على احد تصنع شخص صلب اوقوي بس يبقه الوحيد ابلاسند محد ايرحمه بس كان ايماني ابالله جبير كملت رابع نجحت كان هو يقره ابيت عمته بس من تجي يكتب رساله ايوديه ابيد اخته خو يكتب شعر اويتغزل بيه اني هم منتروح اودي رد الكاه منتضرني حتى يقراه ويبلش ايراجع ايكلي نفسيتي ترتاح من اتراسليني عمامي كانو محافظين ماعدهم بيت عده فون امي اتكلي خل اشتريلج عمي ابو اسامه رفض اخابر ابين فتره اوفتره من عمي ابوغيث كان كلش قريب اويعرف احبه الاسامه من ايروح جيش اويجي اجازه ايخلي جهاز يمي حتى اراسله وانعم العم بس اوحيد الكان

قريب كلش احجيله كلشي نسوان عمي استغلن طيبتي وايسون مشاكل على اقل شي وايشغلني بلبيت ماجنت اكول شي صبرت اسامه من ايخلص ماده يجي ايشوف اهله يوم وايروح ثاني يوم ياخذ ماده ثانيه حتى ايراجع جنت اشتاقله ايروح اسبوع اويجي يومماكنه ثلاث اشهر كاني اعرفه اسنين اجه مره انطيته رساله بس واكعه منه اخذته اخته رنا قرته اتخبلت اوماقبلت لزمتني اوكامت اترد ابكلمات الرساله اوضلت تحجي عليه اتكلي مستحيل هذا الشي ايصير اني حيل ضجت اونقهرت اخته بعده ابتدائي سومه بس جانت كلش واعيه اويعجبني تفكيره طلبت الرساله

من رنا كالت مانطيه اوراح انطيه البويه اني خفت مايقبل ابعلاقتي ابسامه هوكان معلم بس طابعه عشائري اوتفكيره بس سومه الملعونه انطتني فكره اتخلص من الرساله خلت رنا نامت جابت مفاتيحه اوكالت اخذي الرساله اوحركيه اني جنت خايفه اوكلت مي خالف ماعرف امد ايدي على اغراض خاصه ابغيري بس الموضوع يختلف فتحت اخذت الرساله حركتهه الصبح جنت اكعد وي مرت عمو ام اسامه اخبز 6 الصبح اوحطيته بلتنور اجه اسامه بلليل متخبل هو طلع الصبح كتله هيج السلفه لكيته عد رنا بس مكتله هددتني اوحركته هو ارتاح ليش بليل كاعد ابين كتبه

كتل راح ابقه اليوم اني هم ماشبع منه ولاهو جدو نام طفه الاضويه اني تجيت عليه همست اباذنه كتله اريد بوسه اني ماقصرت نزلت على خده ترف🙈 اوحار بسته ماحسيت على نفسي🙊 ذبت ابنفاسي هو ماقصر نزل وباسني اخذ بوسه اني صحيت على نفسي اوهربت😱 ماعرف ليش هيج سويت اونسيت روحي وياه

يتبع....

الورده المتعطشه🥀

البارت الرابع


بس كان شعور يخبل وياه كان ودي ارجع وعيده بس لومعيب جان سويته هههههه🙈 مجنونه لاتلوموني الحب ايخلي عقل كتله انته ملك متركز بكلبي وبتاج 👑الملوك انه بيدك امري
خلص مراجعه اجه للبيت كام ايحضر للامتحان امتحن اول يوم كال زين واني كمت اشجع بيه اوياخذ جائزة على كل ماده زين بيه بوسه💋 كان اكو لعبه امتابعيه اعمامي اجه ولد من اقاربنه مقبل اسامه ندخل لان كلش ايغار عليه كتله انتابع من الشباك كال ماشي اني اوخته رنا اجه عمو ابوليث شافنه كال دخلوه احنه كلنه لا لان عرف اسامه ميقبل راح اتحاجه وياه اوصار عصبي

بس المشكله موهذا السبب مرته امحاجيته على الجهال حاجاهم لان ايريد يقره اوميخلوه اموصلتله حجي منيمه اومزوده عليهاوكبرت الموضوع اني حيل ضجت عليه لان مجان غلطان😠😠😠 واتوعتدت امرت عمو كلشي ولاحبيبي خط احمر كمت اسمع عليه حجي عمو اشاكل من اجيت عنده بيت يبني بيه كلي اخذج وياي هاي عنده حيه مقبلت بس ماتكدر تحجي لان اتخاف منه احب شخصيته استمديت القوه منه اوكان ايكلي اي احد ايضرج كولي بس مااحب اسوي مشاكل احبه كلش اوحيل سعه ابعلاقتي وياه حتى تقوه هوعمو ابوغيث اوحوراء اخته الكبيره اوسومه بزر الكعده من البنات ويانه اوماتخلوه عنه

المهم خلص امتحان اسامه اني فرحانه اوخايفه لان يطلع كليه وايروح اومن ايجيب طاري الكليه وحده ينقبض كلبي اوبجي كلي لاتحجين وي ولد اقاربنه اولاطلعين اني عاندت مومن هسه يتحكم بيه اوطلعت سلمت عليهم شافني خزرني مااهتميت طلعوه اوبليل من نامت الناس اريد اطلع لبره سحب ايدي حيل اوكلي لاتعاندين مااحب البنيه التعاند سحبت ايدي كتله شنو انته بلنسبه الي كال حبيبج وابن عمج كتله اثبت حبك اليه كال يعني البناتنه موكافي اني كان نيته يطلبني للزواج بس سكت اقرب عليه اني رجعت لوره صديت بلحايط خله اثنين اديه على الحايط اوصار قريب كلش كال مايكفي احبج كتله اذاتحبني صدك اريد اثبات على حبك وانطيني وعد

كلي انطيج وعد بس اهلي حجو وياي اوكال نعرف بيكم اتكعدون سوه واحنه ماقابلين ابهلشي
اني انصدمت كتله ميخالف بس اوعدني مديت ايدي كتله الزمه لزمه كتله مهما ايصير شي ويانه واحد ميترك الخ حتى لواجهنه مشاكل انواجه سوه كال وعد سحبت ايدي اوضليت سادته للصبح ماودي افتحه اوحراره ايده كمنه انقلل كعداتنه بيبيتي ام ابوي ماتشوف عميه تجي نسوان عمي ايطلعن حجي عليه اوعلى اسامه احنه سوه نكعد ماعدهم هيج شي تجي تلزمني حجي اورزايل
بس اكول مي خالف لان متشوف اوتحجي الحجي اليوصل

خافو ايصير شي ابيني وبين اسامه ضلو يضغطون علينه حتى منلتقي حتى خلو الجهال اتراقب واتوصل حجي الهم اشنصرف اني هذاحيل ضايقني لان ماكو ثقه كلت همه ميعرفوني شنو بس ماعدهم ثقه بأبناهم 🤦‍♀

يتبع....

الورده المتعطشه🥀

البارت الخامس


بدوه ايضغطون حيل علينه حتى نبتعد اني كل هاي الفتره ماشايفه امي فقط اتصال من بيبتي عده جهاز يتصلون ولده عليي لان اثنين منهم عسكريه اابوغيث والصغير سالم اجه اتصال من خالي كال اريد احجي ويه ساره اني خفت عبالي صار شي بأمي لان مو من عوايدهم يتصلون ويسؤلون عني فكال امج تعبانه تعالي شوفيه فأني اخذت لأذن من عمي ابو اسامه فكلي روحي فخذاني عمو أبو غيث بسيارته للبيت اخوالي دخلت انصدمت لكيت امي محتركه رجله من الفخذ واكع عليه جدر مرك اجيت بوسته اوكنت كلش خايفه عليه بيبيتي كاعده على صفحه اجيت ابوسه من راسه

بعدت عني اودارت وجهة كلت حقه بعدهي زعلانه بقيت يومين اورجعت العمامي اوجنت مشتاقه السامه بدت تطلع النتائج طلع معدله 82 اونص سوه انسيابيه طلع كليه تقنيه طبيه ابغداد بالاعضميه اني صراحه مثل مافرحت اله خفت لان وره السقوط اواوضاع بغداد موتمام اوتفجير هذا كله ابجه واشون افاركه ابجه راح قدم هو اوالده اومرتاح اوراح تبدي مرحله جديده ابحياته مشت الايام ابسرعه ماحسيت الى انو بعد يومين ايروح اول ايام فندق بس بعدين جهزولهم قسم هو وثلاثه وياه من اصدقاء من المنطقه واجه اصعب يوم عليه اني جنت خامس اعدادي راح اسامه باجر ايروح

واشون الوداع اني كضيت اليوم كله بجي اومااكل حسيت اني روحي راح اتروح مني كله نامت هو تاخر يم الحلاق اجه باليل اني ماكدرت انام بس سويت نفسي نايمه ماردت ايشوف ضعفي سبح ووتعطر بس قبل لاينام اجي يمي وخر الغطه سحبني من ايدي اوكومني طلعني بره بلطارمه كله نايمه الاضويه طافيه سحبني على حضنه حيل اني حضنته اوبجيت بعد ماكدرت اشويه واحيه هو هم بجه وياي اني تفاجئت لان دائما مايبين عليه شخصيته قويه بس صدك حسيت ابحبه الي ارتاحيت جان حضنه بلنسبه هو بيت احلامي🙊😍 اشويه هديت نزل على ركبتي باسه هو ايكلي احب الشعر الطويل بس مشايف شعري لان جنت محجبه

اني نزعت الحجاب اوفتحته اتخبل عليه كام ايشم عطره اتمنيت ماتخلص هاي اللحظه كانت احلى لحضات عمري لاول مره كمت تحس نفسي انو مهمه بلنسبه الشخص كتله ابهمس احبك كلي اموت عليج كلي تاخر الوقت روحي نامي ردت اروح بس تمنيت ماروح احس عطره صار املابسي درت وجهي حنه ردت اروح سحب ايدي عليه حيل اوخذ بوسه🙈 على الخاطف حسيت ابخوف لاحد يجي ويشوفه سحبت ننفسي منه رحت بس طعم اشفايفه بقه. ب💋 🙊طعم اطيب من العسل بعد بوسه حبيب
اسامه ،اني كنت ضايج حيل لان اشون راح افاركه بقيت يم الحلاق اوكتله على راحتك حتى اتاخر من تجي علمود كله نايمه حتى اخذ راحتي وياه سبحت اوخليت عطر هي دائما ادكول احب عطرك حسبت بيه ماتتحمل افراك لانعاشت ايام صعبه اوشي ثاني ماحب اشوف ادموعه سحبته من الفراش الحضني بجت اني بجيت وياه كلت اخر يوم خل اشبع منه لو الحب مينشبع منه😞

يتبع .....

الورده المتعطشه🥀

البارت السادس


كعدت الصبح ودعت اهلي اوطلعت شفته ماكاعده تركت قميصي اللابسته بليل الحضنته بيه عفته يمه اوخليت رساله حتى تصبر على افراكي☺️ طلعت طول الطريق افكر ابحياتي الجديده وافكر بلحب اشون بغيابه وصلنه اجرنه فندق خابرت الاهل كلتلهم وصلت
اني اتصل ابوالده خفق كلبي وارتاحيت من وصل ابخير بس اشون ماراح اشوفه شهر صعبه حيل عليه كان دوام عصري عندي صديقه اروح وياه زهراء سالتني راح اني انفجرت بلبجي اريد اسكت مااكدر حسيت نفسي منهاره كومي اوضربتني راشدي خلت اصابعه على خدي كلتلي اصحي على نفسج هوايحبج اومايتركج لان اخوه اوسامه كلش اصدقاء من الطفوله اسامه حاجيله عليه

هواوزهراء علاقتهم حلوه كصدقاء مو اخوه شفت كلامه صح اني لازم اتحمل اوصبر كمت ايام العطل اروح البيت اخوالي اتغيرت معاملتهم الي كامو مبضربوني اشويه قوت علاقتي بامي اوحجيتله على اسامه كتله ايحبني واني احبه هي معترضت كالت الله ايوفقج بس كون نهايت هذا الحب زواج

كتله الله كريم هوبعده مفاتح الموضوع وي اهله بس كال من اجي امحضر مفاجئة بديت اشويه ارتاح بس مرت عمي ابوليث جنت خايفه لاتوكعني امشكله حتى لاطلع وياه بلبيت اني اروح للدوام كل يوم والاكدر عليه بين الدراسه والشغل انضم وقتي على الرغم اهواي بلبيت بس كانن ايشغلني اني مااهتم بس عمو سالم وابوليث يدرون اشون ايعاملني نسوانهم من يجي عمو ابوليث ايخليني اخابر اسامه من جهازه عمو ابو اسامه ماعرف اشون عرف بلموضوع اوحاجي على عمو ابوليث بس مااهتم لان كلش ايحبني بس الحيه العده ضلت اتوصل كلام اله بس مابين شي الي اسامه ضل اول
اجازه شهر اونص مشايفته خابر اهله كالهم راح انزل اني سمعت مصدكت الى اشوفه ابعيني اجه اوسامه حبيبي اوشفته ردت روحي اليه بليل هو ملتقى العشاق بليل واما ادراك ماليل كان جايبلي حلقه اوبيه حجر زمورد كانت ناعمه اوحلو كلي اتقبلين تزوجيني اني حضنته كتله اكيد اولكه مثل طيبتك هو كان ماخذ صور وي بنات قسمه بس ماكال حتى ليضل ابالي

بس واحد من اقاربنه شاف الصور اوحجه ابصوت على اني سمعت انقهرت كلت هاي بدايته بنات
حس بيه رحت الغرفه عمو سالم محد بيه فتحت الشباك واباوع على السماء اومقهوره اجه عليه وكف بلباب كالي ساره التفتت عليه بيده الصور كالي واعيونج اشكهن بس لاضوجين ابكلبي كتله هواني اكدر على زعلك ابتسمت ارتاح كتله عوفهن مجرد صور بس مااخفي انو ابداخلي غيره عليه😡😅

يتبع ...

حبي اذا انتي دتستعملي لغير شي ببالج يعني للتسمين طبعا يضرج😕

يعني هو الدوة شغله لغير شي اشون تستعملي لشي ثاني ..شي اكيد يسببلج اضرار
هو يستعملو لالتهابات الجلدية والتهابات الانف والحكه وطبعا بنفس الوكت يفتح الشهية مويسمن
وكثرة استعماله ..يسوي دوخه وتقيئ وسعال واسهال وجفاف وارق

#ملوكه

هههه..لاعيوني واني الأشوق🥰
وانصحج تحللين..زنك وحديد وd والغدة الدرقية حته اذا نقص بيهن تاخذين فيتامينات
لان اذا عندج نقص..اي شي تسوين متحصلين نتيجة🤦‍♀💔
وبالاسبوع مرة سوي ماسك من بيض وعسل وموز وزيت زيتون وخلي عل شعرج 45 دقيقة وغسلي ..حته يقوة شعرج بالبروتين

#ملوكه