اختفيت اسبوعين وارجع الكى كلشي متغير..😂🤦‍♀
ام اللستة مغيرة اوقاتها واني مادري صايرة باليوم تنزل مرتين
مدري يجوز كل يوم هج او بس هاليوم

عل العموم..عل اساس ردت انشر عصريه بس احتاريت بالقصة😑
وهلكت دورت بالكاتبات لمن لكيت هالقصة بيها عبرة وحلوة 😻💓

#ملوكه

#بالحلال أحله
بقلم jant haider

الجزء الأول


اسمي سمر عمري ٢٠ سنه وعندي اخت واخ
اختي جمانه اكبر مني بااربع سنوات متزوجه وعدها ولد اتزوجت وهي اخر مرحله بالكليه بغير محافظه ونادراً ما تجينه
واخويه عمار اكبر من عندي ب٦ سنوات خريج كليه تقنيه وموظف بشركه حكوميه اداري صارله كم سنه ومتزوج وعنده بنيه تماره
عايشين اني وامي وابويه بالبيت وبيت اخويه
طبعاً والدي متقاعد جان عسكري
وامي ربه بيت عايشين بمنطقه شعبيه وحالنه الحمد لله متوسط المعيشه
اني هاي اول مرحله اليه بكليه التربيه قسم رياضيات ماجنت احب التدريس بس طلعتلي والكل كال وظيفه المدرسه افضل وضيفه للبنيه
شسوي ماعندي غير حل داومت واول يوم اداوم جان بدايه الشته اني لبسي نوعاً ما محتشم مو كلش بس ملتزمه بلبسي ماجنت مثل باقي البنات لا اهتم بمكياج ولا بالي يم سوالف ولد حيل اخاف ربي وااحب احافظ ع سمعه عائلتي حته من جنت بالثانويه
المهم داومت اول يوم جانت بارده واخويه طبعاً شافلي خط وبي بس بنات داومت دخلت للكليه مااعرف احد اتعرفت ع اثنين بنات حبابات غاده ورقيه حبابات ومن صنفي ومرتبات
خلص اليوم دخلنه كم محاظره طبعاً شعبتنه عددها جبير واهوايه ولد بيها
رجعت للبيت اسولف لاهلي عن اجواء الكليه ماحبيتها اول يوم لان تقييد وتعب ونظام دراسه ممتعوده علي اني
مرت الايام وبديت اتعود ع الدوام وصارت علاقتي بصديقاتي كلش قويه وشاطره وادخل كل محاظراتي طبعاً الولد بالنسبه اليه جانو خط احمر ع كد السلام والدراسه وصديقاتي مثلي جنه متونسين وحدنه سويه
اهواي اجوي ولد انعجبو بينه بس جنه نردهم ومانديرلهم بال
نجحت ووصلت مرحله ثالثه جان مستوايه بالدراسه جيد جداً
وبيوم من الايام واني راجعه للبيت صار ويايه حادث دااعبر الشارع وسياره ماانتبهت عليه جايه عكس واندعمت ....
ما حسيت بنفسي الا واني بالمستشفى وامي تبجي يمي واهلي كلهم موجودين وخايفين عليه
اني كوه افتح عيوني واسدهن
حجيت وبالكوة تطلع الكلمه اني وين ؟!!
امي : انتي بالمستشفى ماما صار وياج حادث والحمد لله مابيج شي بس رضوض
ابويه : الحمد لله والشكر ياربي
واخويه حبيبتي سموره انتي زينه لا تخافين
وفجأه سمعت صوت ولد غريب
- الف الحمد لله ع سلامتج اختي اني حيل اعتذر مجان قصدي والله بس سمعت بوالدي متخربط وكمت اسوق بدون وعي وسريع & واندار ابويه - عمو اني حاضر لأي شي اتطلبو واهلي بلغتهم وهسه يجون عليكم للبيت ان شاء الله بس نريد العنوان
- بابا : عمو الحمد لله بنتي طلع ما بيها شي وانته الحمد لله ع سلامه ابوك احنه ما نقبل العوض وهذا قدر وراد يصير بس بابا بعد انتبه اكثر وانته تسوق هاي ارواح عالم
- الولد : صحيح عمو واني غلطان
- طبعاً الولد جان يحجي بكل ادب وذوق واحترام ومبين علي مثقف بكلامه اني ما كدرت لا اشوفه ولا اجاوبه وحيييييل جنت عصبيه منه شنو هالغباء ينطوهم سيارات ويهدوهم بالشوارع كارهته بشكل ما ينوصف
- طلعنه للبيت اني كوه امشي مااكدر من رجليه وراسي دايخه لبست ملابس جايبيلي اهلي وكوه وكفت طلعت من الغرفه ولكيت ابويه واخويه عنده سياره كال راح اشغل السياره وانتظركم
- مشينه نهايه الممر لكينه شاب طويل شكله حلو واسمراني كال لبابا
- عمو الحمد لله ع سلامتها مره ثانيه واعذرني عمو ع التقصير بابا جاوبه شنو هالحجي عمو بعدك هنا اتوكل اطمئن ع ابوك
- خابرتهم اخوتي يمه وكالو الحمد لله زين عمو اني اخذت رقم عمار وان شاء الله نمرلكم
- اني جريت امي كتلها يمه امشينه هو التفت عليه وكلي خويه اني اسف والحمد لله ع سلامتج
- مكدرت اسكت كتله عود لو بيك خير رجع لسياره لاهلك واستر ع ارواح العالم
- امي دغتني يمه شنو هالحجي
- وابويه حاجاني بابا عيب الولد جان عنده ضرف سكت ابويه هو كله حقها عمو واعتذر مره ثانيه والي تريده اني حاضر
- جاوبته بعصبيه انصحك بعد لتسوق وانداريت ومشيت وطلعنه
- ضل بابا يمه شويه واجه بابا صعد بالسياره طبعاً رزلني كال بابا هذا قدر وراد يصير والولد معافج وشرد جان متي بدمج وماقصر ودفع كل مصاريف المستشفى
- جاوبته لا والله مسوي فضل علينه مااعرف ليش كل هالرده الفعل الي عندي جانت
- وره كم يوم الحمد لله اتحسنت اني وجان يوم جمعه اخويه كاعد الظهر اتصل علي
- الو
- الو منو ويايه
- اني احمد
- منو احمد العفو ؟
- اني احمد الي دعم اختك
- هاااا اهلا احمد شلونك؟
- الحمد لله اسف ع الازعاج بس اريد عنوان بيتكم جاينكم بالطريق اني والاهل
- اهلا واسهلا بيكم ..وانطاه اخويه العنوان وختم المكالمه
- اخويه: هذا الولد وااندار عليه الي دعمج بابا خابر يكول راح يجون هسه واخذ العنوان
- بابا جاوبه شكد مرتب هذا الولد مبين علي

- اني : اي وغبي هم وانداريت ع اخويه اي وشيريدون بعد احضر نفسي للدعمه الثانيه ؟؟
- اخويه كلي اسكتي بله شدعوه مبالغه انتي كتله طبعاً الهبطه الي اكلتها مو شويه واني اتخبل من الاهمال بكلشي وكمت
- امي كالت يومه خلي نرتب البيت خاف يجون كتلها والله!!! ليش ما نذبحلهم ذبايح
- عاط

ابويه بيه : كافي مصختيها ومو يجون العالم وتحجين هالحجي عيب تحترمين نفسج وتسكتين احنه من شوكت نعامل الناس هيجي
- كمت اني رتبت البيت وصعدت لغرفتي ادرس صار اسبوع كلشي مقاريه وادردم ع احمد بس مااعرف ليش بداخلي فرح وغضب بنفس الوقت لان راح يجي وما غلس وعافنه
- وره ساعه تقريباً اندك الباب واجوي وصاحتني امي يمه سمر تعالي انزلي
- نزلت لكيت نسوان اثنين مره جبيره وبنيه شابه بس مو كلش صغيره
- سلمت عليهم كالت المره الجبيره والي هي امه مبينه مرتبه وفقيره وحبابه
- الحمد لله ع سلامتج يمه والله تره احمد مو عوايده هاي وصارله ٤ سنوات يسوق سياره بس هو حيل متعلق باابوه وابو متخربط جان صاعد ضغطه وصارت عنده جلطه قبل وخفنه لا هالمره هم تصير عنده وخابرو اخوانه ويكول مااعرف شلون جنت اسوق والبنيه عبرت سريع كدامي
- اني هنا متحملت حجيت
- خاله يا عبرت سريع غير هو جان طاير ويمشي رون سايد
- خاله حقج بس كتلج هو جان من الخوف مو بوعيه وهاي الايام الليل كله مينامه يكول بس لايصير بالبنيه شي من ورايه
وانتي شافج ضايجه حيل منه يكول البنيه ماراضيه وحرام اني أذيتها
واندارت ع امي اني عندي احمد غير عن اخوانه يخاف الله ومرتب ومايقبل بالخطأ
امي ؛ الله يحفظه والله مبين علي ونعم التربيه ولا يشيل هم خيه الحمد لله بتنه ما بيها شي وهذا قضاء وقدر الحمد لله ع كل حال
كمت قدمتلهن عصير واخويه اجه اخذ للولد صينيه عصير ودخلها كاعدين كلهم بالاستقبال
وجايبين همه صندوك بارد وفواكه
وره شويه صاحني ابويه
بابا الرجال يريد يسلم عليج البسي حجابج وتعالي سلمي عيب
طبعا صعدت البس الحجاب وبس ادردم عليهم
دخلتلهم السلام عليكم
وعليكم السلام والرحمه عمو
وهو هم جان كاعد وعليكم السلام
ابو احمد جان رجال جبير وتعبان مبين وصحته ع كده وكوه يحجي كال عمو اني ابو احمد والحمد لله ع سلامتج بنتي واعذرينه وامسحيها بوجهي اني جنت مريض
وحجه نفس الحجي
اني انقهرت كلش علي
كتله الحمد لله عمو هذا قدر والحمد لله مابيه شي اني
كال عمو هسه انتي راضيه ؟
جاوبته الحمد لله عمو والحمد لله ع سلامتك انته
وره شويه كمت طلعت وهمه راحو
بس بداخلي احساس ع الولد ولا حرف حجه وضل بس ساكت ياتره اني طوختها وياه هذاك اليوم ولو هو يستاهل بعد وبعد
رجعت لدوامي عادي وسولفت لصديقاتي ع الحادث
ومرت الايام صرت مرحله رابعه وراح اتخرج وفرحانه وسوو حفله التخرج وجانت عائلتي ويايه وفرحانين والكليه مليانه ناس وعالم
وجنت حيل فرحانه وطالعه كلش حلوه طبعا اني عيوني وساع وشهل وبيضه وعندي شامه بخدي ومتوسطه الطول
واحنه واكفين ناخذ صور شفت شاب واكف يم اهلي ويسلم عليهم اجيت يمهم واشوفه منو
احمد!!!!! نفسه الي دعمني جاي معزوم ع حفله اخوه الي جان ويايه بنفس القسم واني ماعندي علم
- السلام عليكم
- جاوبني هو وعليكم السلام شلونج سمر
- الحمد لله
- الف مبروك التخرج
- الله يبارك بيك
- اني اخويه علي محمد الي وياكم
- كتله اي اعرفه
- مااعرف ليش ضايجه منه بعدني بس فرحت بداخلي من شفته كلت شنو هالصدفه الي مصره تجمعنه كل فتره
- ورحت وي صديقاتي وجاي ناخذ صور
- وكل مالتفت ع اهلي الكي يمهم
- جان شكد حلو طالع لابس قميص نيلي وبنطرون بيجي حيل انيق وشكله حلو وكل مااندار الكي يباوع عليه
- خلصت الحفله وجاي نطلع من الكليه اني جنت ادور علي بين وجوه الناس بلكي اشوفه ويجي يسلم علينه راح نطلع
- ما شفته وضجت حيل لان اكيد مراح اشوفه بعد
- ضليت الطريق كله افكر بي وبشكله وبنفس الوكت احجي علي شكد شايف نفسه ومغرور اكرهه حيل
- واسال نفسي واجاوب ليش اني هلكد اكرهه؟!
- بعد ايام مرت اجه احمد للكليه جنت مخبوصه عدنا امتحانات واراجع قبل الامتحان جاي ع اخوه شفته فز كلبي مااعرف ليش بس سويت نفسي ماشفته فات من يمي سلم عليه هلو سمر شلونج باوعتله بطرف عيني وكتله هلو من وره خشمي ودخلت القاعه هو ضل صافن عليه
- ضليت الامتحان كله افكر بي كلت هسه اني شبيه ليش هيجي جاوبته عيب عليه
- ياربي شو اني فرحت من شفته ليش من احجي وياه اعصب وارد بخشونه وكلت معقوله هسه راح اريد اشوفه ويارب الكي بره
- طلعت من القاعه وكبل رحت للمطعم مال الكليه مالكيته فريت الكليه كلها وهو ماكو متت قهر لان راح
- استغفر الله ياربي شبيه من اشوف هذا الولد تتخربط احوالي
- رجعت للبيت بس كل تفكيري مشغول بي
- وضليت الليل كله افكر شلون اشوفه بعد واعتذرله
- احاجي اخو ؟! اساله عنه اكله يعتذرله؟
- متت من كد التفكير شااسوي عيب هذا مو طبعي والولد سلم عليه بكل ادب
- كوة نومت نفسي ع كل هاي الافكار
- كعدت الصبح وركض بدلت جنت متاخرة ع الكليه وعندي امتحان رحت للكليه وصلت اركض وصلت باب القسم واشوف احمد واكف كدامي انصدمت مو بس اتفاجأت بس شكله حيل عصبي وضايج ومبين علي منتظرني
- سمر
- هلو احمد شلونك
- كال هسه سلمتي عليه
- كتله اني اسفه البارحه جنت مخبوصه بالامتحان ومنتبهت عليك منو وهيجي سلمت وردت اعتذرلك
- اكلج انتي

شنو شايفه نفسج اتحملتج بما فيه الكفايه من عرفتج لهسه اعاملج بكل احترام واتقابليني بكل قله احترام وكل مره اكول حقها ضايجه مني اني ماسويتلج شي وكلشي ما صار بيج مثل القرده والسانج اطول منج والبارحه كدام الناس اتفشيليني بردج التافهه مثلج لا عبالج اني كاتل نفس ع خلقتج
- اني بس صافنه علي هذا شبي انهد بيه وجان يدخن طبعاً حيل عصبني بكلامه
- جاوبته ها ها ع كيفك شو انهديت بيه شتريد هسه مو صوجك صوجي احترمتك ورديت عليك واعتذرت ع البارحه ودرت وجهي
- كال باعي لا اهوايه اتشوفين نفسج تره انتي كلش عاديه ولا بيج شي حلو والسانج ينرادله كص
- اكلك ليش متروح منا احسن ما ألم الكليه عليك
- اتقرب عليه وكال شلون تريد اكسر راسها هايه
- اني صدك خفت منه ودمعت عيوني
- ورحت دخلت للقاعه بس فاااار دمي منه ومن كلامه هذا شلون يحاجيني هيجي كملت الامتحان وطلعت للبيت بس حيل عصبيه وضايجه ومقهوره لان احس ماارتاحيت بردي علي جان قليل بحقه مقابيل الكلام الي كاله عليه
- مغروره؟
- وشايفه نفسي؟
- والساني طويل وينرادله كص ؟
- وما بيه شي حلو وعاديه ؟ معقوله هذا هيجي كل هذني شايفهن بيه ؟؟!

يتبع .

بالحلال أحله #
الجزء الثاني
وصلت للبيت دخلت كبل من كد القهر راسي حيل يوجعني نمت وما حسيت الا واني ارجف بالليل ومصخنه وامي اتكلي متكليلي شجاج اليوم
فتحت عيوني اثاري اني مصخنه وباقيه بس ارجف وخطيه امي قلقانه حيل عليه وضاله يم راسي والوقت حيل متأخر يمكن من القهره هيجي صار بيه شلون هيجي حاجاني وكل عقلي اني جنت مقهوره لان فشلته البارحه من سلم طلع متحملي اخخخ شلون سكتت هاي اول مره احد هيجي يحاجيني ويصيح عليه ويكلي اكسر راسج
وفوكاها يكلي مو حلوه معقوله الكل يكلي اتخبلين وكلشي بيج حلو وهذا يكلي مابيج شي حلو معقوله هو هيجي شايفني !!!!
كل هذا جان يدور ابالي من التعب ماحسيت بنفسي ونمت غفيت وكعدت الصبح رحت للكليه وماالي نفس لكلشي امتحنت وطلعت من الامتحان كعدت اني ورقيه وغاده
رقيه : بنات تدرون علي محمد عنده اخ اسمه احمد بس شنو اول مره اشوف هيجي شاب جامع كل المواصفات الراقيه اخلاق وثكل وادب اجه وياه بحفله التخرج
غاده : اييي لج شفته شلون ولد الله يحفظه
ولكم بنات احنه راح نتخرج لازم يجينه هيجي شاب يتقدملنه
وهمه يضحكون اني صافنه هذني يحجن ع نفسه احمد
اكللكم تقصدون علي محمد الي ويانه
رقيه : اي لج شبيج مطفيه اليوم
رقيه تدرين هذا نفسه الي دعمني والي اكرهه وماعنده اي ذوق وبعد لتجيبن طاري كدامي ابد
غاده : هاي شبيج كل عقلج تحجين ع هذا والله اتمنيت لو الله يرزقني بهيجي شخص يصير زوجي بالمستقبل لج مارفع عينه ع اي وحده بالكليه وثكيل ووسيم
اني حييل ضجت مااعرف غرت لا لا شنو غرت قابل اني احبه
بس يمكن لان ضايجه منه مااريد احد يمدح بي كدامي
شلت محاظراتي وكمت
انتن اليوم بطرانات واني مريضه رايحه للبيت مع السلامه
وطلعت للبيت بس كلامهن يرن بااذني
مرت الايام وكلما حجينه بطاري الزواج اني وصديقاتي ذكرو احمد كدامي واني نفس ردت الفعل اتصير عندي اضوج حيل من هنه يحجن بي ويتغزلن كأنو بي
ومرت الايام واخر يوم لامتحاناتنا جنه نتوادع ونبجي لان راح نتخرج واني حيل مقهوره لان راح افارك صديقاتي طبعاً رقيه قبل نهايه الامتحانات ابن عمها رادها من عرف راح تتخرج وبعد اسبوعين من النتائج خطوبتها حيل فرحنالها اني وغاده
المهم ردنه نطلع للبيت وبعد منتشاوف صاح عليه ولد
سمر سمر
انداريت ولكيته علي اخو احمد
- هلو سمر شلونج
- الحمد لله علي انته شلونك
- الحمد لله ، سمر ممكن طلب
- اتفضل
- كال اختي الي اجتي وي امي من صار الحادث وي احمد تريد رقمج ويوميه اتوصيني وانسه وهسه كلتلي مو تنسه اتجيب رقمها خاف متشوفها بعد
- اني اترددت بالبدايه بس بعدين استحيت من عنده وكتله اسفه مااكدر انطيك الرقم
- جاوبني كال اوك براحتك زين انطيج رقمها وانتي براحتج فكري وعود خابريها اذا ردتي
- اوك ، انطينياه
- انطاني الرقم وخزنته بااسم اخته زينب
- رجعت للبيت وبعدني مقهوره ع جماعتي وع الكليه وبنفس الوقت كعده البيت شلون اتحملها
- ومرت ايام واني نسيت انو اتصل ع زينب
- وره كم يوم اتذكرت ورحت طلعت الرقم ورسلت مسج كتبت بي
- ( مرحبا زينب.. اني سمر وهذا رقمي)
- وماكو ثواني واجاني الرد
- يا كل الهلا بسمر شلونج؟ اخبارج؟ اتوقعت قبل ايام من اخذتي رقمي لهسه انتظر رسالتج
- بداخلي صار تسائل شدعوه كل هذا عليه قابل شتريد مني جاوبتها - اسفه والله بس انشغلت ونسيت اراسلج بيومها بس خير حبيبتي كولي خما محتاجه شي ؟
- معذوره حبيبتي بس ضل بالي لا سلامتج ممحتاجه شي بس الصراحه حبيت اتعرف عليج من شفتج حيل حبيتج
- اشكرج حبيبتي ربي يخليج . جاوبتها وردت انهي الحديث لان مامفتهمه شي واحس اكو غرابه بالموضوع
- وره شويه اجاني مسج قريته مكتوب بي( سمر اني مااعرف اكذب وهاي اول مره اكذب اني احمد وهذا رقمي الصراحه اني كلت لعلي يكلج احمد يريد رقمج وهو جاوبني كال مستحيل تنطيني رقمها خلي نكللها لزينب نريد رقمها علمود مترفض واني ردت بكل طريقه اوصلج علمود اعتذر عن كل حرف كلته هذاك اليوم وماقصدت بي شي بس حيل جنت معصب منج لان تصرفج جان ابد محلو اتجاهي وماكو مره التقينه اذا مكشيتي بوجهي
- واكثر من مره ردت اجيج للكليه واعتذرلج بس اترددت لان اني وياج من نتشاوف لازم نضوج بعض فردت احل المسأله بالتلفون لان حيل احسج كارهتني ومااعرف السبب واسف ع طريقتي هايه
- اني انصدمت بس الفرحه الي اتملكتني متنوصف مااعرف ليش لان جنت انتظره يوميه يجي للكليه مااعرف انو اكو شي بكلبي اتجاهه او ردت اكسر كبرياءه مشاعري اختلطت بس ماجان عليه غير انو ارزله ع كذبه وع طريقه اخذه لرقمي كلش عيب وغلط جانت فرسلت مسج - شوف انته كل مره تثبتلي انو انته انسان مااعرف الله منين خالقك
- اول مره اهمالك وطفولتك بسياقه السياره ودعمت بشر كدامك ، وثاني شي تدفع مصاريف المستشفى شنو تريد اتبين عود عندك فلوس وثالث شي جيتك للكليه واصلاً يجوز علي مو اخوك وهاي هم كذبه ورابعاً من اجيت ومخليت كلمه مو حلوه بحقي مكلتها وهسه كذبك هذا !! بله مو عيب عليك الي يشوفك يكول عليك ثكيل ومحترم
- جاوبني

وره شويه انتي ليش هيجي السانج ؟؟! اني كل غايتي انو اعتذرلج بس هاي انتي كل مره اتطلعيني من طوري والله اني غلطان وراسلتج
- جاوبته اي طبعا انته غلطان انوب معاجبك وانته ابو الراهي
- والله انتي مو صاحيه ابد لج بابا اني كل الي دتحجين عنه ماقصدت بي الي ابالج واذا ممصدكه انو اني اخو علي هسه اصورلج جنسيتي وجنسيته واتاكدي ولو اني جذاب جان استمريت احجي وياج ع انو اني زينب
- وهسه شتريد انته مني؟!
- اريد اعتذرلج وننهي هالحرب الي مااعرف ليش بيناتنه دعمتج وبالخطإ واعتذرت الف مره ومصار بيج شي ليش هلكد كارهتني مااعرف
- وشنو انته ضايج لان مصاير بيه شي ؟
- لا والله لو ادري بيج هيجي والسانج هذا جان دعمتج عدل وكسرت راسج
- هههه اني ضحكت بداخلي شو حبيت طريقه كلامه ويايه وقوته ورجولته بس جاوبته بكل كبرياء
- هاي ثاني مره اتعيدها مال اكسر راسج انته منو حته اتكسر راسي ودير بالك تعيدها بعد
- اكسر راسج ، اكسر راسج، اكسر راسج واريد اشوف شتسوين بله واتمنه لو الي سلطه عليج علمود هذا خبالج وعنادج اخليج اتبطلي
- كمت اضحك وبنفس الوكت خايفه لان اول مره احجي وي ولد انتبهت ع نفسي كلت كافي سمر اشو انتي دتعلقين بكلامه وبي انهي المحادثه كافي
- رجاءا بدون تجاوز ولو سمحت اذا عندك باقي ذوق امسح رقمي وابد لتراسني اذا انته رجال
- اذا اني رجال !!!!!!! ؟؟؟؟
- عزه اني انتبهت ع نفسي شبيه اني اكو وحده تكتب هيجي بله اني مو صدك ينراد الساني ينكص استحيت حيل واحتاريت شجاوب مو مال اعتذر وانزل نفسي وبعد متتلغمط جاوبته - اي اذا رجال وتوعدني انو بعد متراسلني ابد ولتكوم تتحجج يوميه بسالفه اني مااراسل ولد
- اني رجال غصباً عنج واطلع ع كولتج مو رجال اذا لكيتي حرف مني بعد الله وياج
- ياالله شسويت اني بس لا صدك بعد ميراسلني ابد ضجت حيل ومااعرف شاارد بس ماعندي غير انو مااكسر كبريائي ورديت
- الله وياك .. بس حسيت الدنيا اضلمت عليه ياربي ليش هيجي اني وي هذا الولد لان دااحسه عاجبني شبيه اني ليش هيجي اجفص بالحجي وياه .... مر يوم وره يوم واني بكل دقيقه تمر انتظر مسج او اتصال منه كل يوم اكعد اكتب رساله اله وامسحها ردت اعتذر عن كلامي حسيت نفسي حيل هنته بس مكدرت هم كبريائي وغروري منعوني
- وضليت ع هالحاله ايام واشهر وبقيت اختنك من كعده البيت وماخليت احد ما وصيته ع تعيين وصار سنه واني كاعده بالبيت بس احمد ماغاب عن بالي ابد مااعرف ليش مستحيل يكون حب لعد شنو الي يخليني افكر بي يوميه وانتظر بلكي يراسلني
- ويوم من الايام كاعدين ع الغده وجانو بيت اختي هم يمنه والكل مجموعين دك تلفون اخويه عمار

يتبع .....

الحلال أحله#
بقلم jant haider
الجزء الثالث

رد عمار - الووو ها يا بذات وينك صار شكد ماسأل عليه الحمد لله انته شلونك اخبارك ؟
وكام عمار طلع بره
وره شويه دخل ولج اجاج تعيين بعد شتردين احله هديه اليه زين ؟
كمزت اني من مكاني كوول والله عمار
والله شبيج هسه تدرون منو خابرني واندار ع اهلي كلناله منو؟
كال احمد
يااحمد ؟ كلنه جاوبنه
كال احمد الي دعمج اول العام
اني هنا مو انصدمت لا انصعقت وجاوبت اي؟؟
كال هو لاكي لاخو علي تعيين ورايدين اثنين وخلف الله ع الولد متذكرج ماادري علي مذكره بيج وخابرني وكال اكو بوزاره العدل ولد وراح يدزلي رقمه نروح ننطي فايلج وان شاء الله خير يعرف احد هو هناك
اهلي فرحوو وكالو بلكي يارب وشكد دعو لاحمد كالو والله ماكو مثل هالولد
اني ماكدرت ابقه يمهم اكثر لان حسيت بنفسي اتغير وجهي بس اكتفيت بيارب تصير واتعين بااي مكان الي عرفته انو عمار واحمد صارو مثل الاصدقاء وبين فتره وفتره يلتقون ويتخابرون لان عمار كلش حب احمد وارتاحله
صعدت لغرفتي وركض ع تلفوني لزمته باايدي وصفنت وضليت احجي وي رقمه انته شنو ؟
ليش هيجي جاي اتعذبني واتحسسني بعذاب الضمير اكثر
ليش اتفكر بيه صار سنه وانته ردتلي الخير واول وحده اجيت ابالك مو اني الي اجرحك دائماً بكلامي!
ياربي وشمرت الجهاز ياربي اريد اراسله واساله ليش هيجي اتسوي ويايه
ياالله اني من كاعي وبدون اي شي يوميه افكر بي انوب يطلع هو هم مناسيني
اكو فرحه بداخلي وبنفس الوقت دااحس بالذنب اتجاهه وشلون طلع مو جذاب من كال اخو علي وماراسلني ابد لان عزه نفس عنده رغم ع التعيين ماراد يحسسني انو يريد يستغلني
ياالله ساعدني شااسوي هسه اراسله خاف يجرحني بكلامه وخاف يفشلني لو شسوي
عفت التعيين والفرحه بالتعيين وضليت بس افكر بي
وصلت لحد الليل بعد مكدرت لزمت التلفون وطلعت رقمه وبديت اكتب رساله شااكتب بيها ياربي اعتذر ع كلامي خاف يكول تتلوكلي علمود التعين
لو اتشكر منه خاف يكول كامت تتحجج علمود تراسلني ومو مال اتركه ومااراسله عيب عليه
كلت احسن شي اتصل ماارسل مسج
اتصلت وكلبي راد يوكف من الخوف والخجل والتردد رد
- الو
- بقيت ساكته زين شااكول جاوبته الو وسكتت
- هلو بيج
- بقيت ساكته والساني يرجف
- رد هو الو
- ضليت ساكته مااعرف شبيه مااكدر احجي وياه وصوته جان خشن وحلو رجولي وموزون
- الو سمر خير بيج شي ؟
- عزه من كال سمر حسيت الدم رجع لوجهي واتنفست معناها بعده خازن رقمي الحمد لله جاوبته - بعدك حافظ رقمي؟ جاوبني
- اي
- ليش ؟
- هسه انتي اتصلتي علمود هالشي انو تعرفين بعدني حافظ رقمج بالجهاز لو لا
- وانته هسه ضايج لان اتصلت بيك العفو ازعجتك
- استغفرك ربي سمر انته متصله بعد سنه تعرفين شنو سنه وهم بعده نفس اسلوبج شكو متصله تريدين بس تغثيني
- هااا اني اغثك!،؟
- اي اتغثين بااسلوب كلامج انتي ملاحظه ماكو مره حاجيتيني اذا متناكريني شكوو شبيج
- انتبهت ع نفسي صدك هاي اني عود اتصلت اتشكر منه واعتذرله شو هم كلبتها عركه كتله - مااتصلت اغثك ولا شي بس ردت اتشكرك اليوم كلي عمار ع الشغل وكلت اشكرك واعتذر عن كلامي الاخير لان ع رغمه انته فكرت بالخير اليه
- شنو شنو شنو عليج الله عيديها اشكرك😲😲 واعتذرلك؟؟!!!!! ليش هذني موجودات بقاموس حياتج ؟
- اني ضحكت كتله شدعوه محسسني اني الساحره الشمطاء
- جاوبني لا انتي الشمطاء نفسها وضل يضحك
- هااا !!! هيجي !!!!! مو؟؟ خوش والله صوجي اتصلت عليك يله باي
- ههههه اوكفي اوكفي شمطاء شلونج سمر ؟
- ياالله حسيت بنبره صوته اتغيرت وكلها لهفه وحنيه صارت
- الحمد لله وانته شلونك احمد ؟
- يااااااربي صاح شكلتي بربج كولي اسمي بعد تدرين ابد مسامعه منج
- ضحكت اني وكتله الحمد لله والشكر طلعت مو بس اني مجنونه
- الله عليج سمر بس كولي اسمي بعد،،،
- احمد
- يمه كلبي خرب بيوم احمد وسنينه الي فاتت قبل هاللحظه
- خير شكو شبيك مااحب هالنبره
- العفو اسف مو قصدي بس نسيت نفسي
- اي لتنساها بعد ، يله من رخصتك اني اروح واشكرك ع كلشي واسفه هم ع كلشي
- ممكن طلب
- اتفضل
- لتشكريني ع شي حسيته واجب عليه مااعرف ليش
- وشي ثاني اذا سديتي الخط لتتوقعين مني اراسلج ابد او اتصل بس الي اتمناه يا سمر لتكطعين بيه بين فتره وفتره طمنيني عنج
- ليش؟؟
- لتسألين ليش الله يخليج
- ان شاء الله ، يله مع السلامه وبداخلي مااريد انهي المكالمه ابد
- الله وياج ،، سمر سمر
- نعم
- من تروحين ديري بالج ع نفسج واي احد يضوجج كليلي
- يبوووو راح يكرع راسي ويسوي نفسه فد شي لان قدملي خدمه تره مااروح بعد
- ههههههه مااتبطلين السانج هذا صدك ينرادله كص
- هم عادها😡
- صيري حبابه واني مااكولها ولو ادري انتي اتحبيها مااعرف ليش هيجي حاس
- احساسك خطأ
- مستحيل يكون احساسي باإي شي يخصج خطأ سمر
- حسيت اكو اهوايه معاني من وره كلامه هذا بس ردت انهي المكالمه
- يله اني رايحه باي
- ا

لله وياج
- سديت الخط بس شنووووو الاحساس الي حسيته ما ينوصف مو معقول احس نفسي انولدت من جديد هذا احمد الي جنت احجي وياه وطلع يفكر بيه هم وحسيت اكو شي اتجاهي منه . مرت الايام واني كل يوم اتمنه اراسله بس مااريد انزل من نضره وشيكول عليه بس حيل اشتاقيتله ياربي هو مو طلب مني اطمنه عني واراسله لا لا ماانزل نفسي ليش مو هو يراسلني اي غير انتي كلتيله مو رجال اذا راسلتني كمت اسال واجاوب
- اجه يوم المقابله مال شغل وانقبلت وداومت اول يوم ومن رجعت للبيت فكرت اراسل احمد واكله اليوم باشرت واتشكر منه وفعلاً وصلت للبيت ودزيتله مسج اليوم باشرت بالدوام اول يوم والفضل يعود الك حبيت اطمنك واشكرك
- جاوبني سمر ممكن اتصل بيج
- ممكن
- كبل اتصل عليه
- الو
- الو
- ااااه سمر شلونج؟
- الحمد لله بس ليش هالحسره
- لا هيجي ماكو شي ، مبروك ع التعيين
- اشكرك بفضلك هالشي صار
- لتشكريني انتي تستاهلين الخير
- تسلم
- سمر
- نعم
- بقه ساكت
- الووو
- وياج
- خير عبالي انكطع ليش ساكت
- لا ماكو شي بس ،،،
- وهم سكت جاوبته بس شنو احمد ؟
- خررب هم كالت احمد تريدين اتموتيني انتي ؟
- هههه ضحكت كتله شااكولك لعد سعاد غير انته اسمك احمد
- هههههه حلوه هاي مال سعاد ادري اسمي احمد بس باالسانج غير شكل
- ها رجعنه لهالحجي ؟
- اسف سمر
- شبيك احمد احسك تريد تكول شي ومتردد
- سمر
يتبع ....

الحلال أحله#
الجزء الرابع

- سمر
- نعم
- سمر
- نعمم
- هيجي هيجي
- انته صدك دتحجي شبيك شكو احجي الله عليك صاير شي بيك شي
- اي سمر اي بيه شي
- شنو ؟؟؟خير ؟
- سمر اني
- انته شنو احمد بس حسيت كلبي راد يوكف معقوله هسه يكولها شنو انته احمد ؟
- سمر اني أحبج
- يوووووووومه كلبي حسيته وكف لا شنو حسيته هو وكف كلبي بقيت سااكته ومااعرف شااحجي
- سمر ادري مصدومه وممتوقعتها مني بس سمر من يوم الي شفتج بي بالمستشفى عجبتيني حيل متت عليج والله سمر جنت اختلق اي عذر علمود اتصل بعمار واقوي علاقتي بي وبلكي اعرف اخبارج منه ومن رحت بحفله علي وشفتج والله مااوصفلج احساسي معقوله الصدفه هلكد حلوه
- ووراها كمت اتحجج لاي سبب واجي للكليه حته اشوفج واكثر من مره اجيت اني اشوفج من بعيد بس مااخليج اتشوفيني بس المهم اني اشوفج حتلو من بعيد ومن ماسلمتي عليه اتخبلت والله الليل كله ما نمته وبس ادخن شيجيب الصبح واجي احاجيج اني رجال مااقبل مره هيجي اتحاجيني وبنفس الوقت اتندمت لان حاجيتج بقساوه سمر انتي كلشي بيج يعجبني وحلو واحبه واكبر جذاب اني من كتلج مابيج شي حلو سمر والله ولا لحظه رحتي من بالي هذا عنادج والسانج اعشقهن طول هاي السنه ولا لحظه رحتي من بالي وكل دقيقه اريد اراسلج واكول لا ما تعتبرك رجال عوف كلبك سمر اني مااكلج اريد نضل نحجي وعلاقه وشي لا اني اريد اجي اتقدملج ع سنه الله ورسوله فكري ع راحتج ورديلي الجواب واني مراح اضغط عليج ابد
- اني وكف عندي الكون بهاي اللحظه معقوله اني محظوظه هلكد وطلع هو هلكد يحبني ومثلي لااا واكثر من تعلقي بي ماعرفت شااجاوبه بس جمعت كل قوتي
- احمد
- يا .... احمد
- شنو هاي النقاط ؟
- شي مو من حقي اكوله هسه كولي شنو ردتي اتكولين
- احمد انته فاجأتني هسه واني صراحه ممفكره بموضوع ارتباط حالياً
- حقج وع راحتج واني اسف واعتبريني صديق الج بس سمر فكري بالموضوع لان روح انسان متعلق بيج حيل منتظره ردج
- الله كريم انطيني وقت ' هو اني يا وقت ودي اكله موافقه موافقه موافقه
- ماكو اكرم من ربي وانتظر كرمه عليه سمر
- اترخص اني هسه مع السلامه
- الله وياج ربي يحفظج
- سديت الخط بس انفتحت كل احلامي وامنياتي صح اني مو مثل البنات وعندي علاقات بس جنت احلم انو اتزوج شخص يحبني ومو زواج تقليدي عن طريق الاهل عشت سعاده الدنيا كلها بهاي اللحظه
- مر يومين واني احوس اريد اردله الخبر شلون استحي اريد اكله مواااافقه احمد ومنتظرتك واني هم احبك ههههه صدك مخبله يا سمر دكوليله اول مره بس موافقه ع خجلج هذا
- وره يومين دزيتله مسج واحتاريت شااكتب ولكيت شي تختصر كل الي بداخلي وترد ع طلبه وتريح انتظاره وكتبتله ..
يتبع ....

الحلال أحله#
الجزء الخامس والأخير

( لو بحثت في اعماق الكون لن اجد أجمل من رجلاً احبني وخاف علي من نفسه وارادني بحلال الله وانتظر كل هذا الوقت ليرضي غروري فهنيأ لي انت يا فارسي وهنيأ لك الشمطاء)
اتصل بيه ورديت
- الو
- الووو سمر احبج ولج والله احبج
- صوته مو بس فرحان لا يركص من الفرح واني اضحك من الخجل مااعرف شااكول
- مجنون شبيك
- ولج شمطاء اريدج مرررررتي هسه راح اخابر عمار مااكدر انتظر بعد وباجر اجيب اهلي واريد عكبه نخطب والج اسبوع واتجهزين نفسج واسبوع الجاي انتي زوجتي
- هههههههههههههه ضحكت اني والله مو اني الخبله طلعت انته هم
- اي سمر مخبل بيج شسوي يله ادعيلنه ربي يسهلها
- بس احمد واهلك شلون لازم اتكوللهم اول شي
- ضحك ورد عليه ولج اهلي صار سنه يعرفون اني رايدج ومااريد غيرج ابد ويوميه امي تسالني عنج وشوكت افتح الموضوع وي اخوج لان تريد تزوجني وتفرح بيه
- اني حيل فرحت بموقفه هذا وانو هو شلون صاحب كلمه وموقف وكلت صدك اني الف هنيالي بااحمد
- سدينه الخط وفعلاً راح حجه وي اخويه واخويه رد علي والله يااحمد مااعرف شنو اكلك هسه بس خلي انطي خبر للوالد واردلك خبر
- عمار : بابا عندي موضوع وياك احنه جنه كلنا كاعدين بمكان واحد اجه عمار وصاح بابا وراحو سويه وره ساعه اجه عمار وبابا ووجوهم متتفسر اني بقيت صافنه اكيد عمار راد بابا علمو يحجيله ع احمد لان خابره معقوله بابا ماوافق؟؟!!
- وره شويه بابا صاحني تعالي بنتي سمر اريدج بموضوع
- نعم بابا
- بنتي اني قبل سنه عندي صديق قديم اليه خطبج مني لأبنه واني انطيته حجايه وابنه هسه مسافر وهاي اخر سنه اله يدرس قانون بره العراق ولد مثقف وخلوق ومرتب شكله اني ما شفت بي اي عيب والصراحه اني كتله بنتي الكم لان ماالكه احسن من حسام الج
- اني هنا وكف عندي العالم وكمت كووووة اتنفس واحس راح اوكع جاوبته بالكووة حته يكمل اي؟
- اي بابا وهسه اخوج اجاني متقدملج ولد ثاني احمد الي دعمج وهو هم خوش ولد بس بابا انتي تعرفين اني عيب عليه بعد انطيت حجايه للرجال مااكدر ارجع بيها بعد تقبلين يكول عليه مو كد كلمته
- بابا ؟؟!! شلون تنطيني بدون ما تسمع رأيي شلون ما فكرت بيه ؟ شنو اني سلعه وكبل انطيتني مستحيل اتخيل انته اتسويها بيه
- بابا ليش اني اعرف مصلحتج وبس انتي عندي بقيتي واريد قسمه زينه الج وحسام كلش خوش ولد ابن او رائد صديقي الي دائماً يجونه وهو شايفج الولد وعاجبته بعد ليش متوافقين ؟
- اني شفت انو انتي اتخرجتي من قبل سنه ومااتقدملج احد من الكليه واعرف تربيتي ماكو واحد ابالج علمود تنتظري
- اني ما عرفت شاارد غير اسكت وكمت كتله بس اني مموافقه ابد ع حسام
- واني بابا ما فكرتي بيه اخسر صديقي وهيبتي وكلمتي تنكسر
- جاوبته بكل تفاجأ لعد احسن تخسر بنتك ؟؟؟!!
- ليش اخسر بنتي اني راح ازوجها لشخص يسعدها ويقدرها اني بس كل المشكله انو مااريد اطلع مو صاحب حجايه كدامه
- كمت اني كتله واني مفكرت بيه اذا مااريده شلون وعفت وصعدت غرفتي بس ميته بجي لكيت التلفون يدك وما ساكت ابد ب٤٠ مكالمه ورسايل كلهن من احمد
- مخابره عمار وكايله تره الوالد منطي حجايه لناس وبعد فتره راح يجون يلبسون الحلقات واحمد متخبل
- اتصل ورديت علي بس اني منهاره من البجي
- الو
- الو سمر الووو شنو هالحجي صدك الي كاله عنار جاوبيني راح اتخبل معقوله ماعندج علم سمرررر احجي
- مااعرف احمد والله مااعرف اني اتفاجأت هسه مثلك بهاي الأثناء دخل اخويه عمار الغرفه وسمعني كلت احمد مااعرف الدنيا انكلبت اول مره عمار يضربني اخذ التلفون وضل يكسر ويعيط ولج تحجين وياه ولكم اتطعنون بينه ولج انتي شنو ماعندج اخلاق ما خله كلمه مو حلوه بحقي وبحق احمد ما كالها
- كال اني ردت اوكف بجانبكم اني احمد يطعني صديقي بضهري اليوم اموته واموتج
- كوه خلصوني امي وابويه من ايده
- بابا: شكو شنو السالفه ابني احجيلي
- يابه هايه بنتك تتزوج حسام وغصباً عنها ماتستاهل ثقتنه بيها ابد
- ولج شسويتي امي اندارت عليه شصخمتي احجي
- كللها بنتج تحجي وي احمد كل هالفتره والله اعلم من شوكت وهسه يله فكر الاخ يخطبها اني الكم اثنينكم
- اني كوة جاوبتي وميته من البجي والله ما حاجين غير اليوم خابر وكلي ع الموضوع ولا حاجين ولا عدنه علاقه والله
- اششششش ولا كلمه انتي مو مال واحد يوثق بيج
- طلع ويصيح ودفر الباب كال راح اذبح هذا الحقير الي أمنت بي
- ابويه كال ضاعت تربيتي بيج ونزلتي راسي وتتزوجين حسام غصبن عنج وطلع وعافني
- امي هم ضلت اتصيح عليه واني انهاريت ياربي بس لا يسوي بااحمد شي وضليت ادعي واصرخ وابجي
- كمت اتوضيت وسديت الباب عليه وصليت وبقيت ادعي ربي اني ماسويت شي يغضبك ياربي لا اني ولا احمد بس انت تدري بينه وتصدك انو ما صار بيناتنه شي خطأ يارب مااريد شي ابعد عن احمد كل سوء واجمعنه بحلالك يارب اني ماعندي غيرك واريد تظهر الحق وادعي وابجي
- وره شويه اندك باب الغرفه كمت فتحت الباب لكيت عمار بوجهي كال اتصلين ؟واني عيو

ني مورمه من البجي درت وجهي ودخلت للغرفه كال احمد انطاني جهازه وكال والله ما ماسح ولا حرف وشوفني كل الحجي بينكم صح انتي غلطانه بس الولد كال اني نيتي صادقه واختك مافكرت بيها بحرام ابد وردتها ع سنه الله ورسوله واني مستعد لو اتموتني مااكولك لا بس لا اتاذيها وانته شاب وتفتهمني اني اقتنعت واني ارتاحله باعي انتي اختي والحمد لله ما فشلتينه ونزلتي راسنه واني راح اصير وياكم واحاول اقنع ابويه انو ميزوجج لحسام
- طبعاً اني بس مدنكه وابجي مامصدكه رب العالمين شلون عادل ورحمته واسعه ورجعت وسجدت لله وضليت احمد واشكر ربي شلون الحلال راح ينتصر بالاخير ولان اني وهو ماعدنا شي وواثقين بهالشي اثنينه حجينه بكل ثقه والف الحمد لله وضليت ابجي
- عمار قنع ابويه وفهمه ع كل السالفه وكله هي تريده وهو كلش خوش ولد وشرحلي الي صار وانطاني تلفونه
- بابا كله والعالم واهل حسام كله بابا كله البنيه مموافقه وممقتنعه بي واتحسه ميوالمها حرام علينه نجبرها
- وصدك انتهت المشكله بوقت قياسي وابد مجنت هيجي تخلص بسرعه بس اتأكدت انو رب العالمين وي الحلال وي الحق وفرحته ماكو اسرع منها
- والحمد لله اجه احمد وعائلته وتمت خطبتنه والحمد لله
- وعشنه احله ١٠ ايام خطوبه واجه يوم الزواج واحنه منتظري بفارغ الصبر وفعلا اني ببدله العرس ومنتظره خيالي يجي ياخذني
- واجه احمد وطالع عريس من كل كلبه
- كلبي فز من مكانه من شفته
- وهو اتخبل من شافني شاورني كبل
- سمر شطالعه تريدين اتموتيني اليوم
- ابتسمت اني ودنكت راسي
- ووصلنه لبيت احمد ووره شويه زفونه لغرفتنه جانت واسعه واحله غرفه اخشاب بيها ومسوي بيها شموع بالكاع وورد اثنينه نحب هاي الاجواء
- دخلت وكلبي وجسمي يرجفون من كد الفرحه والخوف
- وكف مقابيلي لزمني من راسي وباس راسي
- سمر انتي هديه ربي الي لان ماشي كل حياتي عدل وخايف ربي بكلشي وماردت وياج شي بالحرام ابد وردت اعيش وياج كلشي صح وبالحلال واحله نتيجه حصلت عليها واحله فرحه وانتي الليله بحضني
- اني لزمت ايده وبستها وكتله احمد وانته هديه ربي اليه لان بحياتي مافكرت بولد ولا مشيت طريق اعوج والله انطاني اجمل واحن واطيب رجال بالدنيا
- احمد
- سمر
- وثنينه بنفس الوقت (( طعم الحلال ماكو احله منه ))
- واتزوجنه وصار عدنا تؤم جود وملك وعايشين احله حياه
- فمن وجد الله ماذا فقد ،،، ومن فقد الله ماذا وجد !!؟
- اتمنه نالت رضاكم ووصلت الكم عبره القصه وهدفها

#النهاية

وحده من متابعات القناة..كعقوبة عل هالاختفاء🌚💔 طلبت اليوم انزل قصة واختمها بنفس اليوم

وهاي القصة نشرتها وختمتها بنفس اليوم😂🙂
يمكن هاي اصغر قصة عندي بهالقناة كلها

صح قصيرة بس بيها عبرة انو اي شي عندج او محتارة بأمرج او بكلبج فد حاجة منو يسهلها ويسرها غير الله؟ فقوو علاقتكم بربكم
احنا غافلين عن اهواي امور اللي دعائنا مديستجاب 💔ولادنتوفق بحياتنا

والسبب احنا مقصرين😔 ..يوميا قبل لاتنامين بس فكري بالايجابيات والسلبيات اللي سويتها بهاليوم حته لاتكررين الغلط وتصلحي وبنفس الوقت قوي علاقتج بالله من صلاة وصوم وقراءة قران وصلوات واستغفارات وصدقة وبر الوالدين..الخ هذيني كلهن يتسجلن بميزان حسناتج🌺

#ملوكه