وووف..متدرون اشكد مشتاااااقتلكم هاي اول مرة هج اختفي اسبوعين كامل🥺💔
اللي صار عندنا بناء..جانت عدنا طارمة فسويناها غرفة وبعد تعديلات سوينا..وانتن تدرن اشكد البناء يضوج🤦‍♀اللي لدرجة يوميا من 6 صبح كون اكعد ونحضر للعمال ريوك وغدة واني مامتعودة هج اكعد فبالكوة ومنا بعد ميرحون كون تنظيف وبيت كله صار تراب ومنا كم يوم تعبت كلش لأن مامتعودة🤧

والحساب جان غالقته وتوني فتحته وانصدم بالرسايل ماشاء الله يمكن فوك 100 رسالة😅 وكومه مسجات وصلتني اكثرية عبالهم اتزوجت وهالشي مستحيل يعني اشون اتزوج هج كبل بدون مااطيكم خبر واعزمكم☹️
فشكرا لكل وحده سألت عليه واني هم أحبكم😍💞 والقصة اكيد مانسيتها واليوم رح اختمها

#ملوكه

البارت الواحد والأربعون

( الرتبه والحشمه )

............................................

كم هي قليله لحظات الفرح

ولحظات الحزن لاتعد هل هذا
صحيح
أم اننا عندما نفرح ننسى انفسنا
وعندما نحزن لايمضي الوقت بسبب
التعاسة التي نعيشها ليتنا نستطيع

ان نتفائل بلقادم ولانندم على ايام
مضت من عمرنا كنا فيها في شدة تعاستنا 💔
........................................

سبحت وكملت من طلعت هوه دخل سبح بدلت ورجعت نشفت شعري لان سبلت مفتوح طلع هوه بدل كوه قبل انشفله شعره مايرضه طفيت ضوه واجيت إربد انام بس مددة اذكرت شغله كانوا جاي تكلي موجنج فرحتي زياده ولازم اطيح حظج من جديد لمجرد تفكير جمعت دموع بعيني واختنكت من ذكرت باجر موعد المراجعه لدكتوره اثير يحجي وياي واني مغمضه عيوني اخفي الدموع الكامت تلمع بعيني والغصه صارت بصدري حسيت بي سحبني لحظنه شهكت وكعن دموعي راسا وخر عني ويباوع لوجي حجه بخوف لان شافني أشهك

أثير.رهف شبيج اكو شي يوجعج

رهف.باجر موعد المراجعه شلون اذا طلع الكلام صحيح واني صرت وحده عاكر 😭😭😭😭😭

أثير.اشش يروحي كافي عليمن البجي خليج متفائله انشاء الله ماكو شي

رهف. زين جاوبني اذا طلع صحيح شتسوي

أثير.اول شي اسمهه شنسوي مو شتسوي وثاني شي هذا بيد رب العالمين وشكاتبلنه نشوف حرام نعترض

رهف.بس انته من حقك يصير عندك طفل يشيل اسمك

أثير.حبيبتي ترى صارلنه يومين من زوجنه شبيج كالبتهه دراما محسستني صارلنه عشر سنوات مزوجين وماعدنه جهال وبعدين شنو حظرتج ناسيه دوامج ترى راح تخلص اجازتج شنو مناويه داومين

رهف. والله ولا على بالي زين شوكت يبلش دوام

أثير. عكب باجر تبلشين انتي وسمر خليتلجن خط سوه يجيب سمر ويجي عليج ياخذج والعكس يودي سمر ويرجعج لهنا رجال جبير وثقه حتى أمن عليجن ويا

رهف.بس مامجهزه نفسي لدوام

أثير.باجر نطلع من وكت اخذي احتياجاتج وبعدهه ارجعي لدكتوره

رهف.لا خلي اروح لدكتوره اول شي مااكدر اشتري اي شي بهذا التوتر

أثير.كافي رهف لاتلحين بسالفه شكلنه هذا اختبار من رب العالمين واحنه راح نجتازه انشاء الله بس بطلي تشائمين

رهف.انشاء الله يارب 😢

أثير. كافي عمري يلا نامي خلينه مرتاحين الله يخليج

رهف.اسفه ضوجتك بس والله غصبا عليه هذا شي خارج عن ارادتي اثير اني نحرمت من هواي اشياء وتحملت خسارتهن بس مااتحمل خسارتك بسبب هذا الموضوعو

أثير.انتي خبله تصورين اعوفج علمود طفل وليش هوه اذا مو منج راح اتهنى بي اني

رهف.اثير تحجي صدك لو بس تريدني اسكت

أثير . طبعا صدك واذا ماتسكتين اخليج حامل بتؤم هسه وطز بلدوام والكليه شتكولين ههههههه

رهف.هههههههههههه لاخلص راح اسكت مابيه بعد انته تأذيني كلش

أثير.لان بعدج عروس حبيبي بعدين تتعودين وحتى ألم ماكو

رهف.تصبح على خير حبيبي

أثير.ههههههههه اشردي حبيبي وانتي من اهل الخير

حطيت راسي على صدره ونمت متأمله باجر خير انشاء الله اووف مثل كل مره اذب حملي على رب العالمين وهوه يفرجهه عليه .

.................................

مرح.بعد ماخلص العرس وهوسته سمر راحت ورهف صعدت واي اثير وسحر هم صعدت صدك ضجت الغرفه صارت تخنك جنه اربعتنه هنا شكد شهدت هاي الغرفه على ضحكنه وبجينه وسوالفنه ومصايبنه كل وحده بينه عانت اشكال المصايب وهسه افترقنه وكلمن صفت بحظن رجلهه اله اني بقيت وحدي نزلن دموعي مااعرف ليش حسيت نفسي مخنوكه وسام ملتهي عني حتى بأايام العرس هوه عنده شغل قليل تواجد بلبيت ولاشافني رغم شكد اهتميت بنفسي علموده بس مااجه سمعت تلفوني دك باوعت عليه هوه اتصل ماجاوبت احس روحي مالي طاقه احجي شي رجع دك اكثر من مره لحد مانفتح الباب رفعت راسي واكف بلباب فتحه بدون مايدكه يمكن جان متوقع نايمه وماارد علي اشرلي وهوه واكف

وسام.تعاي شويه

مرح.وسام مالي خلك عوفني اريد انام

وسام. ادري شبيج ليش تبجين شصاير وياج

مرح. باوعت علي ورجعت درت وجهي

وسام.مرح لاتعاندين تعاي نطلع بره تدرين مااكدر ادخل للغرفه وانتي وحدج

مرح . روح وسام مااطلع روح كمل شغلك وشوف خاف واحد محتاجك اني شنو وتهتملي بيش الحكه مرح حتى شيل همهه

وسام.استغفر الله بابا شبيج شنو سبب هذا الخبال هسه فهميني

مرح. اني شنو بحياتك وسام بس فهمني اني شنو موقعي بحياتك

وسام.هذا هم سؤال بالله انتي شبيج

مرح.كتلك عوووفني لاتحجي وياي اي شي اني وحده مخبله ومو محترمه وشتريد تكول كول بس عوفني يااخي عوفني 😭😭😭😭😭😭

غطيت وجهي بيدي وشبعت بجي يمكن من كد ما كبتت بداخلي انفجرت عمري ماتخيلت علاقتي بوسام هيج صير بارده ابد مامهتم لو اني ادزله رساله لو هوه عادي عنده يجي للبيت بسبب وجود اهلي دائما حتى مايباوع عليه ولامره حاول يخلق حجه علمود يشوفني وحدنه او حتى نطلع سوه هيه بس مره وحده سمعت الباب نطبكت رفعت راسي طالع زدت بلبجي متت قهر يعني فوك ضيم شراح تخسر اذا طيبت خاطري بكلمه اووف منك وسام اوف 😭😭

...................................

سحر. جنت نايمه بليل وشميت ريحة بيتزا يالله كمت افرك بخشمي فزيت باوعت لساعه بتلاثه عمر نايم كعدته كوه فتح عينه

سحر.عمرر عمر اكعد

عمر.ها شبيج اكو شي يوجعج

سحر.لا ماكو بس جوعانه وبطني توجعني

عمر.متكومين تاكلين منو لازمج لو تريدن انزل اجيبلج اكل

سحر.لا لاتنزل اريد بيتزا حباب ريحتهه ترست خشمي حموت واضوكهه

عمر.ومنين اجيبلج بيتزا ساعه بتلاثه

سحر.ماادري حباب عمر كوووم دور بلكي تلكه واحد مفتح

عمر.ولج منو يكعد هسه ساعه بتلاثه صبح يامطي كاعد يبيع هسه

سحر. ماااا معليه اريد بيتزا كوووم 😭😭😭😭

عمر.ههههههههههه صدك بالله تبجين على البيتزا

سحر.واني شعليه غير ابنك هذا ماعرف يشتهي شي اله هسه

عمر.شهل طفل المسقط من هسه هذا ساعه يريد مباوس وساعه يريد اكل وجه الصبح والله كمت اخاف منه

سحر.عوف تصنيف وكوم اخخخ

عمر.شبيج

سحر.رفسني عمر تحرك والله تحرك

عمر.وينه شو

سحر . حط ايدك هنا وشوف

عمر. اي ياروح ابوك جوعان والله لو اعرف اخلقهه الك البيتزا هسه هم ماخليهه بنفسك

سحر . ستوك يلا تحركت لمن رفسك

عمر.هههههههههههه هسه اشوف بلكي احصل للكم

صدك بدل واخذ سويجه وطلع مدري شبيه شلون واحد مدمن مخدرات ضليت افرك بخشمي واروح واجي بلغرفه انوب خفت على عمر طلع الفجر ةره ساعه نفتح الباب ودخل عمر بيده علبة بيتزا وبطل عصير من هذا جبير ضل صافن عليه من شافني افتر بلغرفه

عمر.هاي ليش وجهج احمر هيج

سحر.جنت افرك بي علمود مااحك حتى غسلت مي بارد وماخف

عمر.هاج تعاي اكلي موزين عليج لاتفركين

اجه كعدني بلكاع وكعد وياي وكلني بايده يمه موتكول بيتزا احس ردتلي روحي خرب يوم نساوه شسوي طيرت نصهه تقريبا وشربت عصير عمر ماقبل ياكل كمت غسلت ورجعت ضميت الباقي بثلاجه ورحت تمددة بحظنه بسته بخده

سحر.شكرا حبيبي واسفه ضوجتك وطلعتك بهيج وقت بس والله غصب عني

عمر.لا يروحي لاتكولين هيج راحتكم انتي وابني اهم من حياتي كلهه مو بس نومتي طير فدوه الكم

سحر.هههه صدك وين حصلت بهيج وقت واحد كاعد يسوي بيتزا

عمر.هذا واحد الولد بلمركز يجيبون منه بيوم العدهم خفر اتصلت عليهم واخذت رقمه اتصلت علي وطلع صدك مفتح وصيته يسوي وحده حاره على مااوصل وهاي رحت جبتلج واجيت

سحر.زين هوه مطعم جبير لو كافتريا وتاخذون منه

عمر.لا مطعم بس مايعزل يبقى علمود هاي الحرس والدوريات اليفترون ياخذون منه بليل

سحر.يجوز يستفاد اكثر من نهار هل يبقى كاعد

عمر.ماادري بعد الله يرزقه بلشفتين نهار وليل هههه

سحر.اي والله الله يرزقه انشاء الله خلصني من الحكه موتتني

عمر.يالله نامي بروح عمج لاتشتهين غير شي هسه

سحر.مو هسه كلت ادللو انتي وابني شو تراجعت راسا

عمر.لاعمي لاتراجعت ولاشي بس وراي طلعه من صبح واريد انام فد ساعتين حتى اكعد مصحصح

سحر.ماشي تصبح على خير

عمر.وانتي من اهله يروحي

نام عمر بسرعه خطيه مبين نعسان باوعت لساعه بلخمسه ونص هاي شبسرعه صارت هيج ساعه كمت توضيت وصليت لان فايت وقت الاذان واني ماادري ماسمعته خلصت صلاة ورجعت لمكاني كوه بسرعه نمت صايره انام هواي حتى سمنت ضاله بس اكل ونوم هههههه منا لمن اجيب اصير جني دب ههه

.................................

سمر.بعدما سلمت عليهم وكعدت شويه بقت خاله والحجيه يسألن عن اهلي وعن رهف بذات وراهه عفتهم وترخصت رحت لغرفتي ضوجتني نصرات نصير يخزر بيه خزر يالله شكد اكو فرق اول مااجيت جان مايحط عينه بعيني شكد حترمته بس هسه كام يطلع العكس ماادري شنو شاف عليه وهيج يتعامل وياي دخلت للغرفه باوعت الساعه الوقت متاخر مو مال انضفهه عود ردت اغير بيهه شويه تالي دزيت رساله لمصطفى انو رجعت وبدلت ملابسي ونمت حتى ماشفته رد عليه لو لا ثاني يوم كعدت متاخره باوعت لساعه بتسعه خررب هسه اكلي رزاله معدله طفرت غسلت وطلعت لبست ثوب مال بيت ولفيت شال خاف يطلع هذا المعقد موجود نسيت اخذ تلفوني وياي دخلت لكيتهم مجعين

صباح الخير

خاله.هله يمه صباح نور خيرج ضل بالنه يمج مومن عادتج تتاخرين بنومه

سمر.اعتذر خاله بس راحت عليه نومه والله يمكن لان مانام زين ذنيج الايام عد اهلي هوسه والخبصه مال العرس

الحجيه.اي يمه صدك واحد مو مثل مكانه يرتاح بي

شهد.سمسم شوكت داومين

سمر.والله ذني اليومين منتظره اثير يكمل اوراقنه ويتصل عليه لان راح نباشر اني ومرته سوه

خاله.هاا هم تدرس شمطلعه

سمر. قانون

شهد.شو مامبين عليهه من شفت صورتهه عدج زغيرونه

سمر.هههه هيه ناعمه كلش عكس اثير طويل وضخم

خاله . بس اثير يخبل شكل وأدب واخلاق الله يحفظه كامل من كلشي

سمر.ضحكت بكلبي من كالت اخلاق وأدب كون مصطفى هنا ويسمعج ياخاله

بعدههه اتفرقنه كلمن راحت على شغلهه اني جان نصيبي الغدى اليوم طبعا بلشت اطبخ اني بلفتره راح بيهه مصطفى ذيج اني استلمت البيت عادي خلصت الغدى ودخلت لغرفتي علمود اصلي من كملت صلاة شفت تلفوني لكيت مصطفى مخابر عليه هواي وداز رسائل واثير هم ردت اتصل على مصطفى رجع خابر اثير

الو

أثير. ها سمسم شلونج

سمر. الحمد الله انتم شلونكم

أثير.الحمد الله اكلج تحظري العصر امر عليج علمود ترحن انتي ورهف تجهزن لدوام

سمر.ليش شوكت نداوم

اثير.باجر اول يوم وحطيتلجن خط ياخذجن ويجيبجن

سمر.خل اتصل على مصطفى ورجع اخابرك

اثير. هيج هيج بلااربعه اني يمج مفهوم وترى اني اتصلت على مصطفى وبلغته

سمر.ماشي فوفه شلونهه

أثير.رهف كالبتهه مناحه من صبح لسه

سمر.اوف الله يساعدهه علمود الدكتوره اليوم

أثير. شنسوي الله كريم يلا موتنسين

سمر.ماشي سلم على اهلي وياك

سديته منه دكيت على مصطفى همزين حصلته اول دكه جاوب

مصطفى. الو

سمر.شلونك

مصطفى. الحمد الله انتي شلونج

سمر.تمام الحمد لله

مصطفى. وينج شكد دكيت عليج

سمر.بليل من راسلتك راسا نمت ماادري بعد وصبح التهيت بلبيت وتلفون نسيته بلغرفه مو يمي

مصطفى. شسويتي اليوم

سمر.سويت فاصوليا للغدى

مصطفى. اويلي واني ميت من جوع هنا لعبت نفسي اكلهم لاطعم ولالون كمت اطلب من بره المصيبه اهل البصره معروفين بطعم اكلهم ماينوصف بس هنا بلمركز موشي اكلهم

سمر.يعني راح تخلصهه تطلب من بره

مصطفى. جا شسوي منا لمن تفرج وارجع ومرتي تطبخلي بيدهه دور بس راح تبلش دوام خاف تخلصهه عليه انوب تعبانه وعندي دراسه

سمر. ههههههههههه يعني حظرتهه اليه من هسه بعدين لاتخاف لو مودراسه مستحيل اقصر وياك بشي

مصطفى. ههههههههههههههه هسه شنو مجهزه نفسج لدوام بعدج

سمر.لا والله مامجهزه اتصل عليه اثير قبل شويه كال ياخذ رهف العصر جهز نفسهه وراد اروح وياهم فكلت خل اشوفك اروح لا

مصطفى. اي روحي وياهم بس حاولي لاتتاخرين عن البيت ليل وخابريني من ترجعين وها سمر تلكين فلوس بلكنتور اخذي اليكفيج ممنوع تخلين اثير يصرف عليج مفهوم لو اعيد

سمر.بس والله مابيهه شي ليش مكبر الموضوع واذا يعني غير اخوي

مصطفى. شكلت اني

سمر.تمام مثل ماتريد

شهد.سمر بسرعه اجوي الولد تعاي صبي الاكل لايرزلج نصير

سمر. اشششش اشرلههه اريد مامنتبهه خرب يومج

شهد.همس . شبيج ويامن تحجين

سمر.مصطفى

خطيه ضربت على وجهه وطلعت رفعت تلفون لكيته يعده

سمر.مصطفى بعدك وياي على الخط

مصطفى. سمر احجي صدك شصاير وراي

سمر.وداعتك ماكو شي بس هاي شهد جفص بلحجي يلا اني حروح اصب الاكل من تفرغ اتصل عليه

مصطفى. روحي واني اعرف منو اليحجي كلشي مكانج

سديته منه وطلعت صبيت الغدى ماكعدت وياهم تجنبا للإحراج اليصير بسبب نصير وهمه هم مالحوا عليه فهموا السالفه جابن البنات الاماعين غسلتهن وكملت همه كاعدين يصبون جاي طلعت كلت ابلغ خاله خاف تنام الضهر علمود اروح أنظف غرفتي كعدت يمهه

سمر.خاله العصر راح يجي عليه اخويه علمود اجهز لدوام لان باجر أداوم

نصير. شنو شو ماخذه راحتج زياده طلعين بكيفج وتردين داومين ماكو واحد يردج عبالج تنجبين وتكعدين لاطلعه ولا دوام واحترمي نفسج وخلينه محترميج

كمال.نصير مو هيج شلون تجاوز عليهه لاتنسى هاي مرت اخونه

نصير.واذا اخونه مابي حظ رايح هناك بنص ضيم وست الحسن تريد داوم

سمر.لعفوا منك بس اني مبلغه زوجي بهذا شي وهوه طلب مني اطلع وي اهلي وللعلم ترى هوه متفق وي اخويه علمود يشوفلي خط يأخذني اني ومرته واني اجيت هسه ابلغ خاله والحجيه بعتبارهن الاكبار بلبيت فعيب عليك تجاوز عليه بلحجي هيج وتغلط

نصير.ادبسززز شنو هاي صلافه اذا اهلج ماربوج احنه نربيج من جديد

عمي.كافيييي احترم نفسك انته شلون تجاوز عليه افهم سالفه اول شي احنه من خطبناهه وهمه بلغونه عدهه دراسه واخوك ماعنده مانع بعد محد يحقله يفتح حلكه بكلمه وحده وياهه وقبل شويه خابرني وبلغني مرته باجر داوم يعني عنده علم بكلشي معناهه هذا الموضوع ينسد ومحد يدخل عدكم شي خلو يجي واحجو وياه عيب عليكم مستقوين على مرته كافي مصختوهه وانتي بويه روحي ارتاحي بغرفتج لعصر اذا تردين اني اخذج وتشترين تردينه

سمر.مشكور عمو بس اخويه حيجي عليه

حجيت هيج وعفتهم وركضت للغرفه اول ماسديت الباب كعدت بلكاع وطكيت بجي يربي شيخلصهه ويا هذا 😭😭

.............................

رهف.مر اليوم بصعوبه عليه احاول احجي واضحك بس كله جذب بلحقيقه اني خلصت طاقتي وصبر اخذ من حيلي ماصدكت صار الوكت لبست على سريع وطلعنه مرينه على سمر اخذناهه ويانه واني ساكته احس لساني معكود من الخوف شكد حجه وياي اثير راد بس مالكه مني غير سكوت صعدت سمر ومبين عليهه باجيه سالتهه اشرت على اثير فهمت وصلنه اول شي للعياده ماراح لسوك اريد بس اطمأن احس راح اوكع من طولي كوه مكابره وصلنه سره ودخلنه اني وسمر سلمنه عليه وصعدت فحصتني وطلبت تحاليل طلعنه سويتهن ورجعنه يمهه اول ماشافتهن ابتسمت كالت

د. مبروك عروسه وضعج كله تمام ومابيج غير العافيه

رهف.يعني دكتور اني اكدر احمل واصير وام

د. اي خلل طبي ماعندج بقى الحمل هذا رزق من رب العالمين مو بدينه حتى نحكم بس انشاء الله الله يرزقج بالاطفال لاتأيسين من رحمة ربج

سمر.اووف الحمد الله يعني هسه مابيهه شي مو

د. لا الحمد الله وضعهه طبيعي ومابيهه غير العافيه روحي ماما مارسي حياتج طبيعي ولاتهتمين للموضوع بعد

رهف.اشكرج دكتوره ماتدرين شلون جنت عايشه بقلق وهسه ريحتنيني

د. ههههههه مو هوه هذا الإجراء جان لازم ناخذه وره زواجج حتى نتاكد من وضعج لان سبق وبلغتج بتلفون بليلة زواجكم عن الحاله مالتج وهسه يلا روحي لزوجج تلكيج منشفه دمه روحي طمني وسافرو شهر عسل تونسوا هههههههههههههه بعد هذا تعب يرادلهه مو

رهف ههههههههه يلا مع سلامه ومشكوره مره ثانيه واعذريني لذا لحيت بالاسئله وياج بس والله من خوفي

د. معذوره حبيبتي سلمي وياج على سحوره وعمر

رهف.يوصل

عفتهه وطلعت اركض اريد ابشر اثير جان ازدحام جاي ادور عليه شفت سيارته ورحنه اني وسمر احس نفسي طايره من الفرحه جنت امشي بسرعه فجاءة صار بوجهي اسعد .

.
يتبببع

البارت 42___43

البارت الثاني والأربعون

( الرتبه و الحشمه

........................................

عفتهه وطلعت اركض اريد ابشر اثير جان ازدحام جاي ادور عليه شفت سيارته ورحنه اني وسمر احس نفسي طايره من الفرحه جنت امشي بسرعه فجاءة صار بوجهي اسعد ضل صافن بوجهي بعدها ابتسم بستهزاء ودار وجهه وراح اول ماعبرنه شفنه اثير صافن علينه وشرار يطلع من عيونه وصلنه يمه واني رجليه صارت خيوط من الخوف اثير مايتفاهم ايده وضرب اشرلنه على سياره صعدنه كال

أثير. شحجه وياج هذا الكواد

رهف.محجه اي شي بس باوع علينه وراح

سمر.هسه عوفه ماتريد تعرف شكالتنه دكتوره

اثير.مابيهه شي وكلشي طبيعي مو

رهف. شلون عرفت

اثير.مبين من وجهج لو غير هذا الحجي جا اجيتي دكين وتلطمين مااعرفج

رهف.هههههههههه اوف اثير ماتصور الراحه الموجوده عندي هسه يربي احس جبال وانشال من على صدري

أثير.انتي شايله هم بلخالي بلاش بس عموما الحمد لله عدت على أخير لان لو غير هيج مايكفيني راس مصطفى

سمر.بشهكه . ياا ومصطفى شعلي

أثير. غير من وره عرسكم الاكشر جان راحت مرتي

سمر.اي والله صدك يمه الحمدالله طلع مابيهه شي والله ماجنت راح اسامح نفسي

رهف. لايعمري لاتكولين هيج هذا قدر وصار انتم شنو دخلكم

أثير.دخيلج ربج شكد كلبج ابيض

رهف.😊😊

أثير. لاحبيبي مو وكت خجلج سمر كاعده اجليهه

رهف.اثير كافي عفيه شبيك

أثير.سمر سدي أذناتج مااريدج سمعين لان لعبت روحي بس تعوي صارلهه سبوع وطكني جفاف

.سمر.ههههههههه اعتبرني ماموجوده واخذ راحتك خويه

أثير. هههههههههههه

تقرب مني وباسني بخدي وهمس يم اذني

أثير.يعني اليوم صباحي سهرتنه مو

رهف. عيب من سمر شبيك

أثير.معليج بيهه جاوبيني اي لو لا

رهف . انته شتكول ههههههه

أثير.يعني ارجع سمر ونحجز بفندق حتى نطلع كبل

رهف.ههههههههههههه كافي الله عليك عيب والله بعدين شنسوي بلفندق وغرفتنا موجوده

أثير.بغرفتنا بغرفتنا اهم شي راحتج حبيبي

سمر.يمعودين كافي حسوا ترى هم بشر يمكم

أثير.هااا مو كلتي اخذو راحتكم

سمر . بس هم راعو شويه اني هم خطيه ضاله اتأمل شبكه شوكت ترجع علمود يتصل سيادة سفير

أثير.ههههههههههههه بويه مفوله على المكرود وهوه بنص ضيم

سمر. لاعمي عليمن هسه شحجيت اني شو كاعده وساكته

رهف.صدك سمر الله يعينج اني اذكر من راح اثير متت والله وضاله بس افكر اربعه وعشرين ساعه ليش مغلق ليش مايتحصل منا لمن رجع روحي طلعت

انتبهت على نفسي عبرة شوقي وخوفي على اثير لااول مره وكدامه شلت راسي عليه لكيته صافن عليه ابتسم وغمزلي ودز بوسه بلهوا بدون ماتنتبه سمر وصلنه للمول واثير خلصهه علينه امشن منا وتعالن منا ماخلانه نشوف دروبنه اخر شي دخل محل مال نسائيه ضل واكف بلباب واحنه دخلنه اخذنه نريده اني وسمر بس طبعا بعد ساعه يلا حصلنه طلعنه بعدهه رحنه لمحل احذيه وفره لحد ما وكعت رجلينه صارة دنيا ليل اتعشينا بلمول وطلعنه العجيب اثير لاتعصب ولاحجه علينه لان تاخرنه بلعكس جان كلش هادى ويانه وصلنه سمر بس شو انخطف لونهه اول مانزلت ماادري ليش انقهرت عليهه خلصه من سولفتلي على نصير شمسوي بيهه الحقير ماخذ راحته ويحجي بكيفه عباله ماوراهه زلم بس هيه خوافه والله لو اخوتهه يدرون جان طيحو حظه بس شنكول منتظرين مصطفى يرجع بلكي يلكالهه حل خطيه سمسم ما تستاهل وصلنه للبيت دخلنه سلمنه عليهم وكلت لعمه شكالت دكتوره خطيه من فرحتهه بلخبر حظنتني وبجت تكول اجه يوكف كلبي من طلعتوا لسه بقينه كاعدين يمهم شويه وترخص اثير كالهم عندي دوام اول مادخلنه للغرفه حضني ورفعني لفوك كال

أثير.حبيبي مشتاقلج واريد احس بيج رهف مو بس جسد وياي اريدج اليوم توخرين المستحى ماكو شي اسمه عيب تمام حبيبي

رهف.بس والله بعدني استحي منك خلينه نتعود فتره وراهه يجوز من وحدي ابادر

أثير.لايحلو كلت اليوم يعني اليوم يلا استعجلي

رهف.استغربت كتله.على شنو استعجل

أثير. اني شوصيتج موكتلج مشتراج اريده كله مشلح اريد اكثر واحد سك**** عندج البسي وكون يبن لاا*** عرفتي

رهف.كافييي اثير لسانك شنو هاي عود صدك تحجي انته

أثير.اذا اني شايف جوه الهدوم عليمن مستحيه بعد يلا يحلو لاتخريين المزاج اني نازل اصعد الكاج توب

رهف.وين رايح مو ستوك صعدت كدامهم عيب

أثير.ليش عيب نازل عليهم بسيت نوم ههههههههه والله عدج سوالف يعني اذا صعدت بعد مايصير انزل

رهف.يمه شجاك شحجيت هسه اني روح انزل بكيفك

أثير.موتنسين كليبي هههههههههههه

عافني ونزل بالله هسه شلون اطلعله عذر وافلت منه مبين ماناوي يفك ياخه عني اليوم زين باجر دوام واثنينه غير المفروض نام من وكت تعبت من تفكير اخر شي ستسلمت كمت خليت الملابس جبتهه على جهه ورحت طلعت اكثر واحد مفضوح على كولته رحت للحمام خضيت جسمي ومكيجت بدلت ملابسي اباوع اني شلون اطلع بي كدام اثير هذا جان عباره عن شورت قصير ويا حماله مال صدر شويه نازله على البطن جان لونه زيتوني