تنظيف جهاز ازالة الشعر 🚶🏼

لا تهملين الأشياء هذني 👎💔
لازم تنظفين آلة إزالة الشعر لان يكون متجمع بيها البكتريا والجراثيم .
.
وهذا الطريقه :
اذا رأس الإله ينشال نقعي الراس بمي بي ديتول
لمدة ربع ساعة بعدين اتركيها لحد متجف تماما .
.
أما إذا رأس الإلة ماينشال
امسحي راس الالة بمناديل ديتول هم تعقيم و هم المنديل ما يتقطع مثل المنديل العادية 🙄🙄
او القطن بداخل الشفرات امسحيها من برا و جوة
و لو اكوو شعر عالق جوة جيبي ئي شيء رفيع مثل ملقط
والقطي الشعيرات .
.
.
تحذير 🚫
كل الطرق الي قلتها تكون الإلة مو على الكهرباء
تنظفينها وهي طافيه ولازم تكون جافه قبل الاستخدام👍

#اعـاده_توجيـــہ_لتنسون
#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

السابع والثلاثون

صير على جفني كحل
حليني بين السمر تعبني ذرف
الدّمع بس ما طفالي الجمر بركان
في داخلي ويا خوفي لا ينفجر
شو مأخرك ما تجي ما ظل إلك
كل عذر أهلال جرحك كمل أي
كمل وأصبح بدر صدكني حيل
اتعبت حبّك عسر مو يسر اترجيت
وتوسّلت بيك شكثر وشكثر ما فاد
بيك الرجه وجبرتني لهل أمر ما
بعد أضلن شهد خلّيك منّي حذر
واحجيها لا تستحي كول أنت طبعك غدر

بعد مسمعنه صوت شمس امي ركضت تلبس حجاب بيبي دخلت للصالة ضليت اباوع على سارة شبيه متوتره وتبجي بعدني محاجيه امي صاحت تعالن دورن المهجومه وين راحت تقصد الربطه

عفت سارة تاكل بروحهه لاكتني امي تلبس بحجابه ودخلت للصالة اني ادنيت على الباب افتهم حجيهم ماافرزن الكلام بسبب اصواتهم العاليه

شويه ودخل عمي اسماعيل وره حسن ونائل هنا خفت لازم صاير شي هاي دموعه تجري شردة من شافتني مركزه عليه واريد اسألهه

رحت للمطبخ هسه يصيحون على جاي ضليت افتر والفضول يزيد بعد مااصواتهم هدئة

مرة ساعه ودخل نائل كال ام النون جاي ومي كتله تعال الله جابك جريته وكف كدامي كال شكو

كتله شكو ليش محمد وشمس تعاركو واصواتهم عاليه

كال موهسه نبأ من نكعد تفتهمين كلشي يله استعجلي حضريلي المي

كتله حرام اذا واحد ياخذ منكم حجايه
انطيته دولكة المي وكملت تحضير الاستكاين وصبيت الجاي التفتت لكيت سارة كاعدة على الكرسي وتباوع عليه كتله

هااا خيه شبيج اعلومج اتخربطة اكو شي

كالت هااا لا ماكو شي

باوعتله بتمعن ضيقت عيوني شافتني دارة وجهه كتله سويرة شوفي من هسه اكلج اذا هاي الهوسه الج ايد بيه حسابج وياي

كالت شبيج نبأ مو حالي حالج كاعدين وسمعنه العياط بعد اني شلي دخل

عفته متوترة متأكدة تعرف شي بجية وكعدته واهتزاز رجله اكدلي عده علم

اجة نائل اخذ الجاي بدون ميحجي شي مر الوقت عمي سماعيل دخل للهول سلم علينه ورا حسن شافني واكفه يم الباب كال السلام عليكم ردينه امي وبيبي ورا دخلن اني على وكفتي امي كالت ياا ابو محمد ليش واكف اتفضل اكعد هسه البنات يجيبن مي بارد ادخل يمه حسن شنو السالفه غربه انتو

اني هم كعدة مقابيلهم بصف امي كالت كومي جيبي مي رحت سارة خاتله بلمطبخ كتله اني اقدم مي وانتي حضري عصير تلكي بثلاجه اخذة دولكه وبطني عاليه مبينه كلش حجابي خالته على راسي دخلت بديت اقدم مي وصلت يمه خليت الدولكه والكلاص على الطبله ودرة وجهي رجعت المكاني باوعتله وجهه ميكصه السيف بكلبي كلت طبك مرض بعدك مشايف شي مني

ورة نص ساعه طلعو لليل وامي وبيبي محجن شي نائل وشمس طلعو من محمد طلع وعمي وحسن دخلونه للهول يسلمون

سارة بلغرفه واني ضالة بس افتر ومامفتهمه شي اجه شمس جايب ندى وياا والجهال

اني وامي كمنه نسوي عشة كتله يمه شصار ليش محمد وشمس تعاركو

كالت يمه هسه مالي خلك احجي من ارتاح اسولفلج

كتله يبوو ياهوه اكله شكو يكلي موهسه شكو متكلولي عايفيني مثل الاطرش بلزفه كلشي ممفتهمه منكم

كالت شبيج اكلتيني حاصل فاصل صاير لسانج يكشط السالفه ومابيه مو قبل كم يوم اجو ناس طلبو سارة واخوج شمس سائل عليه وطلب من محمد يسال اكثر وانتي تعرفين محمد يريد يزوج من سامع جاي طالبه من اخوج كايله اني ابن عمهه واوله بيهه من الغريب والتردو حاضر بيت وحده يأجرلهه

كتله ياا يمه صدك محمد يريد سارة وينه وين سارة اي وشمس شكايله

كالت يا شكايله غير شمس متخبل راكبه جني بلبداية رافض بهدوء ومعتذر منه محمد مساكت عايفه يومين وراهه موديله جماعه اصدقائه وشمس يحبهم من محاجيي وذوله الهم فضل على شمس اخوج ماايكدر يردهم ويفشلهم ولا يكدر يقبل طلبهم مشوفي رجع وده على محمد وهلتعاركو ذاك يكول بت عمي واريده وهذا يكمز يكول على ذيبح ركبتي انطيه الك

كتله زين يمه هسه سويتو من اجه عمو اسماعيل شكال مااعتقد قابل على تصرفات محمد

والله يمه عمج مقابل بس من شاف محمد متمسك وكدامه ميكدر يكول مااريد بت اخويا كال اني يشرفني بت اخويا المرحوم تكون چنتي وبيتي اذا ماحوينه نبأ نحوي سارة هم عمج مغلوب على امره ميكدر محمد مو مثل حسن محمد شخصيته قويه وفارض كلمته على اهله منو يكدر يوكف بوجهه ابو بشيباته ميردله طلب

زين يمه هسه شلون تحلوهه

يمه الحل الوحيد نكعد ويه محمد ونفهمهه وشي اكيد سارة متقبل ونكله البنيه رافضه مااصور يجبرهه عليه ولا اخوانه يجيروهه هاج اخذتنه السوالف حمسي ذني وشويه خلي مي مو هواي ينمردن

طلب محمد كان صدمه للكل سارة ذابته على الصامت كانت فترت امتحاناتهه وايامهه الاخيره محبيت اأثر عليه عفته ماحجيته وحتى امي وشمس ونائله كلنه مفتحنه الموضوع بعد

بس الاحضته اختي دومه ضايجه ودمعته بطرف عينه وراسه بلكتاب كانو تهرب من عدنه بقرايته وبلفعل امتحاناتهه المنفذ الوحيد للهروب

بلشت العطلة والبيت هدوء كان وقته نص شهر السادس حارة وبعد كم يوم الرمضان وبدة امي يوميه ماخذه نائل تسوك وترجع بعد مكعدتني اكتب قائمه الاحتياجات اني بعدنلي

كم يوم وادخل بشهري واحتمال دخلت مااعرف محاسبه على حساب الدكتورة

قبل ايام اجت عمتي واخذتني كوه جيكت كالت جيبين طبيعي مية الراس زينه بس خلي تمشي شماتكدر
ردنه نرجع عمتي كالت تعالي نروح للسوك محتاجه كم شغله افترينه اسوكت اخذنه ملابس جهال من شوف ملابس الجهال ومتعرف جنس الطفل اضل تحجي عليه نص الطريق ودك جهازهه شالته خالو قادر سمعته ادلي بمكانه عرفت حيجي يوصلنه صدك أجه خالو من شفته شكد جنت مشتاقتله من الفاتحه مشايفته ولا هوه شايفني  شكد بي حنيه مرات من اصفن على وضعه وضع نهله اكول شبيه ليش هيج تصرف ومخليته يتعب وحياتهم مخربطه اشو مامقصر وبلبيت هادء

واغلب وقته بلشغل وشتريد يجيب بعد شتريد الشغله الوحيده منغصه حياته الطفل وتكدر تجاوز هذا الموضوع وتنسي ومتخلي ينتبه

نزل وصل يمنه سلم هلا بويا نبأ شلونج

كتله هلو خالو زينه الحمدالله انت شلونك

كال الحمدالله بخير يله صعدو شو عوفي عنج ام قتيبه اني اصعدهن بلجنطه

صعدنه وهوه صعد بعد مااصعد الغراض حرك وكضه الطريق يسولف ويه عمتي وسأل على وضعي سولفتله عمتي  كال خلي تمشي شعده بليل اجيبكم ويم المجسر انزلكم واني وياكم نمشيه لحد متتعب

كتله لا خالو اني بليل اخذ امي وسارة ونتمشى عمتي تتعب 

كالت عمتي اي والله قادر اني بيه حيل للمشي

كال على راحتكم

وصلت كتلهم انزلو مقبلت عمتي بس خالو نزل الغراض ططبهن وكال سلميلي على الولد

مر اسبوع وسارة وجه ذابل وعايشه بعالمهه اختي بيه ومتبتعد عني وعن الكل شمس بعده على موقفه ولحد الان مراد جواب بلرفض هذا السبوع الثاني مر

كمنه نطلع نتمشى مرة اني وامي ونائل مره بس اني ونائل وهذا على اعصابة ضوجني مره نص الطريق وكتله رجعني كال شبيج كتله مابيه رجعني تعبت

كال هوه شمشينه وتعبتي بعدنه للحبوبي (محل يبيع مرطبات) موصلنه

نائل فدوه العينك كتلك تعبانه رجعني او اكلك اخذلي تكسي كله يوصلني للبيت وانت منا وروح الجماعتك عليمن بعد راجع وياي

كال اهاا هيج كولي زعلتي امشي يابه شعندي عادي جماعتي غير مره اروحلهم

كتله ميحتاج روح بس اخذلي تكسي

كال نبأ لاتعاندين امشي واسكتي

كتله ماامشي ورجعني باوع عليه وعيونه بكصته كال شلج بهل راس اليابس امشي ولاتخليني اطلع من طوري

قفلت رجعني يعني رجعني وخطوه وحده ماامشي ولو اعرف اموت بعد مااخليك اطلعني اتحمل منيت الغريب ولا منيتك

كال هسه اني شسويتلج الله يصبرج ياروح بابا شبيج راكبج جني امشي وفضيني

كعدة على الرصيف كتله اه اها كعدة ولو تسحلني ماامشي خطوه

باوع عليه بغيض وحجه من بين اسنانه كال والكفلج لو ماعيب من العالم صدك اسحلج واعلمج على اعنادج هذا امشي كومي نعبر ارجعج

كمت عبرنا طول الطريق وهوه بلتكسي ساكت وينفخ

نزلنه طبيت وصلت للغرفه صاح تعالي اريد افتهم شنو هلوكاحه منين متعلمته ماجنتي هيج

عفته ودخلت ابدل واسمعه يصيح وامي وبيبي يحجن وياا

سارة تسال شكو كتله ماكو شي مالج خص حيري حبيب الكلب وعالمج الخاص

ضلت صافنه عفته وطلعت بعد مغيرة ملابسي دخلتلهم كال شرفت اريد افتهم شنو الوكاحه اكلج امشي ادكين رجل ماامشي حتى حترام متحترمين

كتله كول الروحك مو اكلك مشيني كانو مدري شطالبه منك تكلب الخلقه وطول الطريق تتأفأف وشايلنه على طرف خشمك شدعواك قابل سويت ركضت بيه من طبيب الطبيب ازوجت واجيت يمك اني وجهالي على هاي الساعه التمشيني بيه هيج سويت

كال ولج هوه منو الضايج محد ضايج مجرد خابرني صديقي هلى شغله مصارة وضجت منو يمج

كتله نائل رجاءً اسكت مو غبيه تقشمرني بكلامك انت حصره ماكتلك مشيني تكلب وجهك وعلى اعصابك هاي هيه بعد لااكل ولااعتبرك موجود اخذ امي وسارة ونتمشه هم اخذ راحتي وياهم وياك متقيده

كال بله كافي تمضرط مو بكيفج تحللين الامور مضايج منج وبلعكس نمشي ونسولف ومرتاح بعد لتعيديه اعنادج بطلي اول مره واخر مره هيج سوين باجر اطلعج

كتله لاتعب روحك بعد مااطلع وياك

عاط وطبج مرض لاطلعين انعل ابو اليطلعج عافنه وطلع امي وبيبي ساكتات من طلع كامن يحجن شنو هلوكاحه وشبيج ويه اخوج سكتت مالي خلكهن

ماعرف اعصابي فجئه تعبت والحمل تعبني ونفسيتي صايره بخشمي على اقل موقف اتنرفز

ورة ايام وخابرت مرة عمو اسماعيل تحجي ويه امي ونسمع صوت عياط وصياح سدته وركضت لبست عبايته مفتهمنه غير محمد حاصر مرته يريد يحركهه

بيبي تهز براسه مراضيه واني وسارة مصفصفين منعرف شنسوي ندى تكول الله يستر شبي تخبل

للعصر ومحد راجع امي نخابر عليه مترد ماعندي غير علا

خابرته بلبدايه مجبت سيرة للموضوع كتله انتي وين كالت اني يم عيالي مكدرت احجي واهبطهه

شويه وسديته صار عندي وجع بضهري من البارحه الظهر ولهسه يروح ويرجع هملته كلت يجوز لان هليام اتحرك هواي

لليل الوجع زاد اتحرك شويه يزيد مكدرة اعيط  ساعه متحملت كتلهن بنات الحكلي ضهري موتني طفرن سارة وندى بيبي جانت صلي بلغرفه

سارة كالت بله هسه شنسويلج ماعرف

ندى ركضت خابرة شمس واني الألم يزيد كتله ساره روحي طلعي الجنطه

وجيبيلي دشداشه الضامتهه

كمت مااكدر اضغط على نفسي كمت اعض باصابعي وعطت من الالم

ندى نزلت تركض لابسه صايه كالت هسه شمس بلطريق هوه وخالتي

كتله مااتحمل ولج راح اموات بيبي اجة كالت بيبي الرحمان اجاج الطلوك شو مددي ندى روحي جيبلي زيت زيتون وانتي مددي على جانبج

كتله بيبي اني بيا حال كمت مااتحمل لفيت الشال وعضيته وكمت اعيط عضامي احسهن يتكسرن الوجع مميت ضهري نصين صار

....يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الثامن والثلاثون

يا قمر بهيدة على بختك يا كمر،
مساهر وأريد أشكيلك انه غريب
ابدنيتي مضيّع وادور ابليلك عن ربعة اهلي ،
ودلّة الديوان ، ومواويلك عن
ضحكة البربين لعيون الدلو عن رقصة
الصفصاف والماي الحلو عن صحبتي
، وخلاني، وعيون النّهر بهيدة على
بختك يا كمر يا غربتي غربة عصافير
التودع عشوشها برفّة جنح ويا دمعتي
دمعة الكاع اللي تبكي موت اهروشها
بجيت الملح يا دار أهلنا الطاهرة


سارة كعدة بصفي ادلكلي ضهري وخرته اتمددة على جانبي جريت ايده كتله دلكي ضهري عطت على كيفج مو هيج دقايق واجو امي وشمس ومرة عمي اسماعيل امي صاحت بلعجل بوشيتهه والعبايه ماعرف شلون لبسوني مكدرة امشي اجه يشيلني شمس مكدر ثكيله كوه وصلت وصعدة طولي الطريق امي تدعي وتقرة ايات واني الوجع وصل حده واستحي اعيط كدام شمس ضاله اتلوه واعضعض بلعبايه لحد موصلنا روحي طلعت نزلوني مرة عمي

سارة

بعد.مااخذو نباء ضلينه اني وندى لازمين كلبنه هاي متتحمل ألم الولاده خصوصاً بعد ماا الدكتوره كالت ماعده توسع واحتمال كبير ولادة قيصريه

ضلينه على تواصل ويه امي وشمس ساعتين وماكو خبر لحد مااخابر نائل كال ولدة هناا ضليت اكمز من الفرحه وسالته على وضع نباء طمني زينه ومكادرين يدخلون لان مستشفى توليد وكله نساء ممنوع الدخول امي طالعتلهم ومطمنتهم

عمتهه وخالهم رايحين ركضت حضرة الغرفه وسرير الطفل سويتله مكان يمهه صاير بين الجربايتين وطلعت سلته والغراض المجهزيهن

ندى طلعت الضيافه وحضرة العصاير كالو ساعه ونجي يخافون على الطفل

مرة ٣ ساعات صارة ب٢ بليل وماكو ندى خطيه من خبصته نست الجهال وعايفتهم سهرانيين وذوله مكيفين يلعبون

اجت كعدة يمي كالت هسه اني حضرة الضيافه شنو قابل نهار

ضحكت عليه كتله غير اني نثولت طلعت ملابس الطفل كلهن كومتهن بلسله صفنت عليهن شنو عرض ازياء نسويله انوب رجعتهن

...اسكتي وخليه عيطته ذكرتني بولادتي مشوفيني ذوله ثنينهم عمليه

اجو طفرنه ثنينه طلعنه طب نائل شايل غراض وراهه زوجة عمي كايده نباء بوسناهه وتحمدنالهه وعمتهه دخلت وارههم امي دخلت شايله الطفل جوه عباتهه تلكيته جاي اوخر عباته

كالت لا يمه

بعدنه نريد ندخل صاح شمس سوو طريق بسرعه مشينه لكيت ندى مدخله نباء للغرفه ومرة عمي اخذة الولد من امي خلته على صدر نباء صاحو علينه سون جاي

اسبوعين مخبوصين ب نباء والخطار عمتهه معافتنه حايره بلولد وبأمهه اكثر من امي دارة نباء تروح وترجع يوميه وتحير شسوي اكل وطايره بلولد مراة اشوفهه عيونه تغورك دمع وبحضنه الطفل نباء عايفته على راحتهه شتكللهه تكله حاضر
شجيب وتحط تاكل

اصفن عليه الانسجام بين نباء وعمتهه مشايفته من قبل علاقتهن كانو ام وبتهه الوحيده من اقارن امي وندى وياهن شي مناقض مرة عمي اسماعيل وشروق لو بيبي وزوجة خالو حيدر ماكو اي وجهه مقارنه

عمري مصورة نباء تكون مطيعه لهل درجة لو انسانة تفكر بعقلة من تحجي كانو انسانه صاحبت تجارب مااعرف منو الكسبت منو نباء لو عمتهه لو نباء عرفت اسايرة لهدف لو هذا الحب نابع من كلبهه خلتني بلغز مااعرف شلون افكه مراة من تحجي عمته وتجيب طار ابنهه قتيبه تشبع بجي لو تناغي ابنه وتذكرة لاكن الاحظ نباء ولا دمعه تنزل منهه رغم مخليه صوره بجهازهه ومراة طلعهن لبنهه ادكله هذا ابوك ومتفوة خميس بدون ثواب الروحه واشوفه دائماً تقراله قرأن حتى هيه التزمت بصلاتهه

اسبوعين ونباء حايرة شسمي يوميه اسم وخالهه وشمس يكلولهه لازم اسمي لحد مااقررة اسمي يمن رغم اعتراض الكل ضلت مصرة على هلأسم

كنت كاعدة اناغي يمن
كتلهه متكليلي وين لكيتي هلاسم شثكله

كالت يمه فديته شنو ثكيل اكو احله واسهل منه

كتله اي اكو هاي الاسماء مكومه هم سهله وهم معروفه ياهو اكله اسمه يمن يكلي شنو اكله يمن يكلي شنو يمن واحير ششرح

كالت انجبي بله معليكم ابني وحابه اسمه لا كلساع واحد كايل محلو

كتله لا تعصبين موزين عليج يطكلج عرج الهواشم من خالكم

كالت واني شجابني عليهم همه سادة اني عاميه مالي خص

كتله لا عزيزتي يلوحج بلوراثه الهوائيه عطت بيه مشوفين روحج صايره نسخه منهم حصره نحاجيج وكبيتي عوذه الرحمان

كالت لا والله بس من ولادني  لحد هسه متوجعه

.كتله اكيد تتوجعين اذا امي وعمتج طاح لسانهن ويكللج دفي روحج نفسه موزين عليج البرد انتي بس يجي اليل وهنه مو يمج ركضتي لبستي ز

كتله وانتي شكو طبع نكس لازك بيج خلصي هاي الايام شون ماكان تحملي وبعدين رجعي لبسي بكيفج وهوه اصلاً الجو حلو بداية الخريف

خلصت العطله وموضوع محمد نسد مااعرف شمس شلون سده ولحد الان لازمه كلبي وخايفة من

محمد ردة فعله بعد مكتله مومناسبين زمخ بيه زمخه خلاني مااعرف احجي بسرعه انهضمت كام يصيح ومنطاني مجال احجي اخر شي هددني ياخذني غصب سديته واني خايفه وراهه بفتره تقدملي واحد

من سمع حرك التلفون حرك عرفت بوكته دره لحد مودالي مسج اذا مااجاوب يجي للبيت بوكته صدك نفسيتي تعبت كعدة ابجي وماخلالي منفذ جاوبته واني دمعتي بعيني

كال شوفي سارة الحب البكلبي الج وحق من خلقج بكد عمري وعمرج انتي بذره ونزرعتي بكلبي يوم عن يوم تكبر هاي الزرعه استوطنت واشعبت وتجذرة وجذورهه انغرست بأعماقي ربيتي وكبرتي حليتي بعيني ايام واشهر واني حارم

روحي شوفتج اتعمد ماازوركم احرم على روحي ماريد اجازف واتندم زغيرة واني بكد اخوهه الفرق لا سنه ولاسنتين ١٥ سنه اكول هاي بكد علا وربت وياهه شون اخلي عيني عليه استحي اكول او اطلبج حتى ابويا مكايله مااكدر اخلي عيني بعينه شون اتقدملهه وهي تلعب بيت بيوت ويا خواتي كبرتي ودخلتي دخلتي متوسطه واشوفج ورده والعين عليج

متحملت طلبتج من ابويا وحاولت وجبتهه منا ورجعتهه منا اقتنع الخايف منا ابوج لاكن كان جوابه مريح بس الفاجئني اعتراض امج وكانت حجتهه فرق العمر ودراستج شكد حاولت وحاولت ٣ سنين واني عند أمل بس الموت هلأمل بيوم امج كايله لمي سارة تخال من محمد وتشرد من اشوفه مكنت اعرف سبب خوفج لان تعاركت ويه امج لو عركتي ويا خالج حيدر بيوم كلي زغير ومويمج تستاهل واحد بعمرهه حزة بداخلي اني كان وكته عمري ٢٥ سنه وانتي ١٥ لحد ماامي

كالت كافي ذله مينطوك وحقهم بتهم زغيره وفاجئتني خاطبتلي بت خالتهه ايام واني اعارك الحياطين تجيني ساعات احط عليهم بانزين واحركهم وتستسلمت للأمر تلواقع وازوجت ومن شفته فقيره وحبابه وطينه متعرف شي كلت اراعيه امام ربي ماريد اضلمه حاولت اشيلج من بالي مااكلج نسيتج لا بس اتناسيت عشت ورجعت الحياتي وصار ابني الاول كان فرحتي بي تعادل فرحتي لو صرتي من نصيبي كل ماابوع عليه اتمنا منج مرة السنتين واني حياتي انكلبت وضعي اتغير اكعد على هوسه اريد اروح الشغلي ملابسي

الكاهن وصخات لو يه هوست الجهال نظامي اليومي انكلب سنه كامله احجي واعلم شفت ميفيد كمت اضرب واتندم تنعدل اسبوع وترجع لعادة والا مبالا تعبت سنتين ماكو ميفيد السياسه والضرب عفت كلشي لحد وصلتي سادس وصار حادث عمي متحملت واشوفج تملخين بروحج وفاقده وتردين طلعين ورا الجنازه متحملت سحبتج وحظنتج مااعرف شنو من احساس اجاني رغم هوسه وانتي منهيه من البجي حتى منتبهتي عليه من طببتج للبيت وراهه ياحبببتي حنيني جنت

متوقع دفنته ونسيت كل هذا الوقت اضحك على روحي كمت امشي واتخيلج حبيبتي اكعد اكل اتخيلج موجوده وياي تسويلي اكل بعد كل معاناتي تتوقعين بسهوله اتنازل واكلهم مشوهه ليش انتي حق تعبي انتي بنت كلبي كلشي وياج بنيته بعقلي رسمت اشياء اتمناهه وياج اسويه دم ومااخليج لغيري صيرين

كتله محمد يعني انت تفكر بس بنفسك اذا تنضر من كل الجوانب هلحب غلط زوجتك مصره على الطلاك اطفالك وين يرحون اذا ابالك اني اربيهم لا غلطان اكون صريحه وياك بعدني طالبه يادوب الحك اكل وارتاح واكعد ادرس اطفالك مالهم ذنب واذا تاخذني وشروق بحياتك فمستحيل اقبل واتحمل وجودهه

كال سارة الافتهمه من كلامج مترديني هااا احجيه ليش ساكته شوفي يابت الناس اني رجال امشي عدل ماعندي لوفه ان جان رفضج علمود شروق فشروق بلحالتين مويمهه وأن عفته عايفه لجل الاطفال ماريد يتربون بعيدين عنهه وأن جان طلبت الطلاك فهذا حقهه ماا امانع ويوصلهه كل حقوقهه لتخليه عثرة طريق

كتله محمد وشمس واهلي امي اول المعارضين وامك وعمي شيكولون عليه مااريد يحجون عليه وبسببي ام تنحرم من اطفالهه شوفلك وحده تقبل تنزل على ضره

كال سارة انتي تفهمين الحجي الحجيته لو عقلج قافل بابا شروق مااضرج ورقته احترك من سنين والناس شعليج بيهم اليسمعج حجايه عبري وكانو مموجود يابت عمي اني رايدج وشاريج بروحي التردي واليردو اهلج اجيبه لو بلقمر

سكتت رجع كال

اعوفج هسه ماريد اسمع بعد امي امك الناس مالج خص باحد فكري بيه وبيج فقط محد يعيش ويانه اريد اكمل باقي وياج نباء لحد هذا عمري محاس روحي مزوج راح اطب الاربعين واني بنفسي مرة افكر تارك زوجتي بلبيت اشتاقله واقفل شغلي وارجعلهه ملهوف هذا ابسط شي صيري قويه للتخافين شمس ميغصبج لو كتيله قابله واذا يزعل الايام طويله وترضي

كتله محمد انت ليش متفهمني صعبه مااكدر تعبت واني افكر ماريد اكون انانيه اعترف اي حبيتك واتمنه اعيش وياك وتكون زوجي لليالي اكضيه ابجي لان انت صرة امنيه اذا اواجهه اهلي معناهه انضرب ويحرموني حتى من الكليه ومستقبلي يضيع امي وموسهل التعامل وياهه مصيري مثل مصير نباء لنفرض ماوجهنه مشكله قبولي معناهه اول شروطي طلاك شروق مستحيل واماتنازل عن هذا الشرط واعرف انت ماعندك مانع بس اطفالك مصيرهم يعيشون بله ام وهذا مااقبله على نفسي

سمعته يتنهد كال الحل شنو انطيني حل منين مااجيج متجين

كتله الحل الوحيد تعوفني وتنسه فكرة تتقدملي

عا

اط شنو عيدي خانم صارلي ساعه شلغي هااا لج لاتخبليني شنو عوفني بله اني شحجيت قبل شويه لا اله الاالله

كتله هسه انت ليش عصبت هذا الحل الوحيد المناسب

عاط لج امشي ولي امشششي لا اجيج وعلي اخليج تنسين حتى اسمج عبالي تفتهم وكاعد افهمهه الثوله عوفني وعوفني اسمعيني زين كلمة عوفني شيليه من الطابوكه البراسج وتوقعي باي وقت اجي افتح الموضوع يله فيمالا وسده

خلاني بوقتهه اكمز لاليلي ليل ولانهاري نهار ايام على اعصابي عايشه

وصدك سواهه بوقت شمس كله أسألي على الولد زين محسينه غير جاي وطلبني

بوقته عشت برعب وخوفي الاكبر لا يحجي عن علاقتنه شكد حاولت اوصله مكان يرد ادز رسائل ميرد

وارهه التهينه بولادة نباء سبوعين البيت هدوء كنت اتختل من تجي زوجت عمي اسماعيل بس الغريب بلموضوع لاشروق ولا رحاب اجني

نباء

رغم صعوبة الولادة والألم لاكن احساس الامومه ماكو اجمل منه اجه يمن للدنياصغيرون ابيض احمر قطعه صغيره اخاف اشيله وارضعه امي وبيبي وعمتي وياي وياي يعلمني كمت اسيطر عليه تعلمت طريقت شيلته وكماطه اول ايامه دولبني بس يبجي واليل اكضي كاعده كلساعه كاعد يريد يرضع سارة شردة الغرفت امي بس تنام هناك تضوج من صوت بجيه وره سبوع شويه كام ينام ساعات اطول

عمتي شبه مقيمه يمنه مراة احسه تستحي من اهلي وتتقيد رغم محد يطب من الولد اذا هي موجوده وهمه اغلبيت وقتهم ممتواجدين خالو ودالي ٣ اوراق هدية ال يمن مقبلت كلت العمتي هواي كالت لا موهواي ال حبيبي بيبيته هي هم مامقصره يوميه طالعه جايبتله شغله حتى ملابس مال عمر سنه امي متقبل اتكله ميخالف ينظمن من ينشنش ويكبر يلبسهن  وتكضيه لازمته وتناغيله اعوفه شسوي على راحته
اعرفه تتخيله قتيبه بزغره لو تحسه قطعه من ابنهه وتحس ابنه موجود ويشوفهه اعيوني تنترس دمع من اتكله يمه ابن العزيز ابن كلبي بيك دم وريحت ابوك بودي اشبع بجي

طلعت اربعين يمن والحال كما هوه لحد ماا اجه شمس عيونه بكصته دخل ضرب الباب حيل كال وين هاي الصاقطه امي طفرة ياا منو شبيك يمه

عاط كال اكلكم وين سارة اجة خطيه تركض ستوهه طبت للغرفه كالت ها شمس بعده ممكمله جملته كضه من زنده وجره الغرفة امي وسد الباب حتى يمن البحضني شمرته بحضن بيبي كتله بيبي لاتكومين امي قبلي راحت ورا لحكتهه
سمعنا يعيط ويغلط اندك بلباب عاط بينه لحد يدك الخ.... لا احرككم  وعلي مامسويله شي بس افتهم منه امي صاحت يمه فهمنه شكو شمسويه كال هواني شمفتهم حتى افهمج عوفني وياهه مااضربه

سحبت امي كتله عوفي مدام ميضربه بعدين نفتهم منه ندى خطيه حاضنه الجهال خافو من شافو ابوهم يعيط وعصبي

ساعه وهوه جوه منسمع شي بس من يعيط ويرجع يهدئ لحد مطلع يكفر اول مره نسمعه هيج يحجي كمنه نستغفر وره

ركضنه امي راحت عود تحجي وياا عاف امي وطلع طبيت على ساره شفته كاعده على الجربايه وجهه احمر امبين ضاربه وشابعه بجي تناشغ رحت حضنتهه زادة دخلت امي صاحت

هاا يامكموعه شمسويه وهيج اخوج اجه شايط

باوعتله كتله يمه مشوفين حاله تجين ازيدين عليه

كالت اوووي  يمه اكعد امسدله اكيد عاملتلهه عمله وهل اخوهه اجه فاير شمس مو من عوايده يعصب لو يضرب بله سبب

كتله اووو يمه عوفيه رحمه الربج لا تبدين اشكين وتبنين سوالف من بالج

كالت بله انتي سكتي احجي ولج ليش ضربج شعامله احجي لا اطيح حضج وروح ابوج

كتله يوم من كل عقلج واكفه تهددين وبسرعه شكيتي يعني لو مااعايشه وياكم اكو صدك هاي مسويتله سالفه وهل أمه هيج تعامله مبينه عده سوابق شبيج يمه يمته تبطلين هذا تعاملج واسلوبج يعني شبينحجي وشيصير اشكين يعني دثبتين الحجي عليهه

زمخت بيه انتي انجبي واسكتي شوكت شاكه اشو عايفته على راحته تلبس وداوم لو اشك مااخليه اداوم جامعه ولا اخليه تطلع سفرات ويه صديقاته ولااخليه تعتب عتبت البيت

كتله لا واضح من اول حجايه اجيتي حتى ممفتهمه من شنو شمس سوه هيج افتهمي بلاول وبعدين تعالي حاسبي

كالت ولج انتي صايره متستحين لاشفتي نفسج ازوجتي وصرتي امي هاي هيه كبرتي وصرتي ام العريف لا شجعيه كاافي بجي واحجي شبي اخوج

هاي ساكته بس تبجي متقبل تحجي وامي مصره تعرف وماافضت لحد ماابيبي اجة ادخلت وعاطة بمي وكالتله لاتعيدين سالفت نباء خلي يجي اخوه ونفتهم منه  رغم امي تتكاتل تريد تعرف وبيبي كوه سكتتهه اجة نائل اخذ يمن عضه وخلا يبجي واني منا ضايجه عطة بي  ضل متفاجئ بتصرفي عاف يمن وطلع

كمت اغم بكصتي زعل يبوو عليه شبيه هسه اني كلت بس يمر اليوم بسلامه اصالحه
بليل نايمه ويمن بصفي عفته مخليته بفراشه حسيت على شي يرفع المخده على كيف  بلبدايه خفت بس ضليت محافظة على هدوئي وراهه بشويه نسد الباب على كيف فتحت عيوني ماكو شي رفعت راسي شفت فراشهه فارغ عرفتهه هي اخذة جهازي وطلعت خلتني بشك انتضرة وره اقل الربع ساعه ودخلت ورجعته جوه راسي خليته تنام طلعت التلفون دورة ماكو شي رحت على الرصيد طاير من شي بسيط عرفته متصله بأحد 

يومين ونريد نفتهم ماكو شمس كلما امي تحاجي يسكته ساره عازله نفسه و

متقبل تحجي امي كل شويه هاده عليهه تكله احجي شمسويه وضالين مثل البارود اني عايفته على راحته ماسألته ولاكتله خابرتي منو  اشوفه خلال يومين ذبلت صارة صفره وعيون مورمات

لحد ماامي طكت مرارته لزمت شمس بعد مرجع من الشغل كالتله وروح ابويه وابوك يااشمس الماحجية هسه لا عوفلكم البيت بكبره شنو متحترم يومين افتر وراك وانت زمخ وتعيط شنو زعطوطه كدامك انت ابني وذيج بتي شصاير ليش متقبلون تحجون فمهني حرام عليكم عايفيني اتكله بنار ومحد بيكم يحجيلي ويخليني ارسالي على بر

شمس فرك وجهه كال يمه ليش تلحين يعني اختي واريد اعلمه الصح من الغلط ميصير بدون محد يدخل شفتيه گصبته شسويتله مجرد حاسبته

كالت امي هاي هيه وتخلينه هيج مامفتهمين شي مو نحقي اعرف بنتي شمسويه شمس من يمته ماتحسب لوجودي شفت نفسك كبرة واخذة مكان ابوك

كال يمه شنو هل حجي ماله داعي وجودج على عيني وراسي انتي الخير والبركه

كالت لا مامعبرني لو صدك مثل متحجي جان اجيت وكتلي يمه گيت وگيت الشغله شسوي اشورني ابو ادم لا تغرك المسؤليه والكباريه بعدني ماميته خشمي يشتم الهوه

كام كعد يمهه كال يمه صدك هيج تحاجيني معاش اليقلل من قيمتج وقدرج وصدك جانت ساعة عصبيه ومااردة احجي تعرفين بيه الأسوي مااحجي وهاي بوسه وكومي وياي بلصاله احجيلج

كالتله ولي لاجر ايدي مابيه حيلك

كال يمه هسه شسوي لاانتي قابله اسولفلج ولاقابله ترضين

كالت ارضه بشرط اسولف كلشي ماتكطم وضم شي

كال وروح الوالد اضم شي كومي وفضيني جماعتي منتضريني تاخرة عليهم

صدك كامت واني استحي من شمس اكله اني هم اريد اعرف
جيت اروح اكل الساره بعدين سكتت تنهبط هاي ماريد اخوفه

ندى مطفيه بعد العشه اصعد جهالهه وتنام وضليت اني وحدي يمن نايم وبيبي اخذة دواهه ونامت ضليت الوب اريد اعرف

ساعه واجت امي معصبه وضايجه دخلت للغرفه صفنت بله هسه شلون اعرف اليوم شبيهم كله شايله اعصابهه بيده سالمين اكوم لوليدي اشوفه اشرفلي شفت ساره طلعت للمطبخ دخلت نمت

التهيت بيمن وعمتي كلشي باقي على وضعه لحد ماامي اجت كالت كومي حضري روحج عمج اسماعيل عازمنه ام قتيبه عيوني خوما تاخذين بخاطرج والله مستحيه لو ماايصر نجي وبعد تعرفين عم ولدي ومنقصر وياهم زحمه ارده

كالت لاعيوني ام شمس بلعكس عيب تنرد حجايه الجبير اني هم تعبانه وراي روحه للنجف صارلي هواي مازايره قتيبه

يحجن واني اباوع كتله يوووم اني مااروح

خزرتني عود اسكتي موهسه

عمتي التفتلي كالت ليش عمى روحي اطلعي عيب من عمج وحتى يمن زين تكدرين تاخذي وياج

كتله ان شاءالله شويه وطلعت عمتي

وره ساعه كالت امي استعجلي مرة عمج كلساع تخابر

كتله يوم تعرفين بيه مااروح

كالت يمه عيب من عمج حتى ذيج المكموعه كال جيبيه واصر تجن

كتله مااريد اشوف خلقهم لاتلحين

كالت ولج يمه عيب جاي اكلج عمج طلبجن وثواب لبوج واجدادج وشعندج اكعدي وابن بحضنج ولاتخطين خطوه وحده

كتله مااشي بس من هسه اكلج رحاب لو تحرشت بيه مااسكت ولاتكليلي عيب وعمج هاي البنيه مااتحملهه

كالت ولج شبيج متخبله شلج بلنيه بت عمتج المفروض كلب على كلب شصايرلج وكلبج اسود عيب يمه صرتي ام لازم تضبطين نفسج وتعرفين تتصرفين

كتله اعرف اصرف لو مثل ممصورتني جان هجمت بيوت بس ساكته لان مكبره عقلي

كالت شبيج على شنو تهجمين بيوت صايره وكحه ازوجتي شنو نزعتي المستحه

عفته مرديت خلت وطلعت كمت طلعت صايه خليجيه اشترته  ندى اليه من جبت حلوه وبيه شريط من النص الخصر يلبس وبيه تور على الحافه اسود وبي بلك سود راقيه شال اسود رغم الكل حجه انزعي الاسود ميصير بعد ولدتي موزين على ابنج مقبلت اعرف اقاربي لو نزعته كالن ماصدكت عمتي شكد حاولت ماقبلت

بدلت اليمن صار عمره شهرين الايام تمر بسرعه ذاك اليوم تمشكل محمد ويه شمس قبل مااجيب شبسرعه صار شهرين

يمن  صاير يخبل اغلب ملامحه عليه ماخذ عيون ابوو وسط وبيهن جره مسحوبات بدلتله واخذتله كماط وغراضه بجنطه اجت أدم كال عمى تيته يله يحجي مكسر رغم عمرة دخل بالخامسه يسمي امي تيته لأن بيبيته ام امه مسيحيه مستسلمه بس باقيه على عاداتهه فراهم السانه على تيته بدل البيبي

اخذته وطلعنه لكيتهم مكملين ساره كاعده ومدلغمه مبينه مجبورة والدمعه بطرف عينهه

امي كال هاي وين صارت صاحت نددددى فضيهه تأخرنه خطيه نزلت تركض ولازمه اديم وتلبسهه بحذائهه وامي استلمته اني شايله يمن وهاي بته تبجي من صاحت امي وسارة ضاربه ركن لحد مصحت متكومين مشوفينه مخبوصين اخذي البنيه منهه باوعت عليه كالت مااشتغل عندج كل وحده تحير بزعاطيطه خلت وطلعت للطرمه امي وراهه كتله يوم اخذ الجنطه لو أدم كالت تعال بيبي راحله
طلعنه لكينه سيارة تكسي أجرتهه امي شمس بلمحل ونائل طالع بيبي يم خالي اخذهه

بعد موصلنه دخلنه سلمنه وكعدنه حتى رحاب سلمت علينه  كعدنه سوه اني وندى ساره يمنه احسه كاعده كوه وخجلانه شروق فوك وره نص ساعه نزلت سلمت بس تعدة سارة مسلمت عليه وحتى سلامهه ثكيل كلش مو مثل قبل تموت علينه وتتلكانه

امي ومرة عمي كعدن يسولفن اني خاله يمن بحضني ونده لازمه جهالهه متخليهم يطلعون

صار وقت الصلا كمت خليت يمن بغرفت زوجة عمي صارلي شكد مداخله من قبل لاازوج دخلت وراي رحاب

كالت هاج حبيبه هاي مصلايه

كتله بعدني ممتوضيه

كالت ميخالف ادري بيج متندلين وين مكانهن باوعتله بطرف عيني

كتله باقيه لو طلعين

كالت لاباقيه ليش

كتل خوش عينج على ابني ليكعد عفته وطلعت

توضيت ورجعت لكيته يبجي وشايلته ساره تهز بي كتله شي كالت مااعرف اجتني رحاي كالت هذا يبجي كومي شوفي

كتله انطينياا سوده عليه يمه الأدبسزز شو شمسويتله وخلته يكعد يبحي كوه سكته امي وندة صلن وخلصن واني شايلته وافتر بي امي اجت شافته كالت اخاف ممتون مااعرف سوتله كالت مابي شي

رضعته نام صاحو صبو الغده بوكته انجمعنه كلنه بلصاله محمد وحسن موجودين شمس عمي جابه يعرف بي يطلعله حجه وميجي نائل اخر واحد طب علا خابرته قبل منطلع من البيت كالت رسول مصخن ومريض مكدرة تجي

الجو جان شبه مشحون شمس ساكت محمد نفس الشي بس نائل مستلمهم تحشيش هوه وحسن واحنه وياهم عمي ياكل ويسمعلهم ومراة يشاركهم 

اباوعلهم حسيت بفرحة المه فاقدته من سنتين الشخص مقابيل كان احد امنياتي او امنتي الوحيده اليوم اشوفه انسان عادي مشاعري متحركة اتجاهه سبحان الله مااعرف الضروف غيرة البداخلي لو المريت بي لو اني صايره قويه وكلبي مات

خلصنه شلنه الصحون شروق محضره الجاي كمت اخذته منهه ياالله عينهه خطيه صدك مكسوره كسرة احسه على شويه تبجي شجابرج ومتحمله اني منهه اخذ جهالي واعولفه الاول والتالي والحضانه الهه لو شمايسوي محمد رحاب واكفه تعزل وترتب

وزعتلهم الكل مندمج يسولفون ماعده الكرانديز وباتمان ثنينهم اعصاب مااعرف ربي منين خالقهم مع العلم شخصياتهم واسلوبهم مشترك وعاشو سوه واصدقاء من همه اصغار اجت ساره لاصت الأول والتالي اول مره يكعدون سوه وميسولفون ويضحكون اذكر من يجي يمنه ويكعدون ضحكهم وشقاهم يوصل الغرفتنه طلعاتهم سوه قبل ميزوج شمس ويسافر اكثر واحد تأثر بسفره 

خلصو جاي عمي كال بصوت مسموع بويا شمس وام شمس  اني جمعتكم مو بس لجل ثواب اخويا لا علمود شي اخر
التفتلي عمي ابوك الله يرحمة كبل ميموت بساعه وانه يم راسه وصاني بيكم وخصوصاً البنات ومن ذاك الوقت انتو بعهدتي اليجرالكم يجرالي والماارضا على اهل بيتي ماارضا عليكم انتو مو بس ولد اخويا لا انتو ولدي والله يشهد تعرفون قبل سنين محمد راد سارة واجاني بوكته عارضته وصلت بيه ضربته لان البنيه زغيره ومومال زواج شتعرف وهي عمره ١٥ سنه تلعب ويه الجهال مااضلمهه حتى لو ابني
لاكن شفت الولد متولع بيه وترجاني كتله مااريد اتفاشل ويه اخويه علمودك شنهي واخذلك بزر لو اخذته وتصرفاته تصرفات طفل هاي مال مسؤليه ورجال لابويه عوفه مااعرفت بي رايح لبوكم وطالبه الفاجئني مرحب بطلبه وكايله اخذ شورهه وشور امهه وهااي ام شمس كدامي لاكن الرفض والماقابل بطلبه هي امكم صح خويه لو لا امي هزة راسه كمل كال هسه لمتي الكم بت عمه وكبرة ودخلت جامعه وصارة انسانه راشده وتكدر تزوج وتحمل مسؤليه عيال وطفل اجاني واكع على راسه هم رفضته كتله بويه شجرالك لو تجيني وهي زغير لو تجيني وانت مزوج شحلهه الك واني مااقابل ضل مصر من العام والسنه وهوه يريدني اطلبه واني مقابل لحد مشفت مابيه مجال والولد ماطلب شي مو من حقه بت عمه واوله بيه واعرف زواجه وجهاله شاغل بالكم اطمئنو من الناحيه هاي زوجته عاقله وهي بنفسه كالت خل يزوج

شمس كله عمي كلامك على عيني وراسي ولو طالب غير شي ثق وروحه للوالد مااتردد دقيقه ماانسه فضلك علينه بيوم وكفتك ويه امي وخواتي بعد غيابي وعلاج نائل بس عمي كلشي واله ثمن مااكدر انطيك كلمه واعرف مردوده عليه انا اتحمله اختي بعده بعمر الورد انطيه فارق العمر الوضعيه متسمح

كال بويه شنو النقص ببن عمك ومتنطي وهو تكفل بكلشي وكال اليطلبو حاضر ومااقصر بشي

رد عليه شمس عمي محمد اخويه وصديقي قبل ميكون ابن عمي عشنه وربينه ولعبنه سوه واعرف لو كان بغير وضع وغير ضروف وروح وابويه اكله تعال كبع واخذ اختي ماتغله عليه لاكن ياعمي لاهي بلفلوس ولاهيه بلبيت مااكدر انطيه على حساب خراب عائله لو كانت اختي ام كيان قابله اعرف قبوله وره ضغط ومابيده شي الامور طلعت من ايده

محمد كال السموحه يابه ابو ادم انت تعرف وضعي وضروفي ومتورج عليه ومسولفلك وانت اقرب شخص الي وهيج تحجي انطيني اسباب تقنعني غير ذني مااريد تكلي تخرب عائله زواجي من اختك او منغيره بلحالتين متأثر على عائلتي كلمن بيته محد اله دخل باحد غير ذني انطيني

كله محمد تعرف بيه احبك واعزك لاكن زواجك من سارة غلط اخذلك وحده تناسب عمرك اختي مو من عمرك ولامن تفكيرك لاتغلط نفس الغلط الفرق بينك وبين زوجتك ام كيان ١٢ سنه وهاي نتائجة زواج فاشل شنو الفرق وبينك وبين سارة ب١٥ سنه يعني جريمه بحقك وبحقه ثق تتولد عداوه بيناتنه بعد الزواج وعدم التفاهم اني مااسكت لو اختي انضربت هاي نباء بعد ماتجيت شفته متجي هوا

ي يوميه اخابره دخلت البيت تحقيق اعرف السبب احد مسمعه كلمه وحاجيت زوجهه وخاله لو مانعهه فيا ابن عمي مااريد لااخسرك ولااخسر عمي اعفيني وعتبرك مفتحت موضوع ولاطلبت

محمد كال بصوت شويه اعله ابو أدم هااي اني كدام ابويه وامي وعمتي والحضور كله من قبل ٣ سنين ناوي ازوج  والكل تعرف الاسباب والفارق التكول عليه هواي اخذو الفارق اكثر مني وعايشين حيات حلوه  وهاااي اني كدام الكل احجيه اني طالب ايد اختك على سنة الله ورسوله والتريده حاضر من الابره اللخيط  بيت مستعد اطلعه بيت واثاث عله مزاجهه دراسه تكمل مااعندي مانع شنو التطلبو حاضر بت عمي ومالكه مثلهه ومرة متاكل مره

امي ادخلت كلتله عمى احنه متهمنه الفلوس ولا عمرهن اشترن السعاده بس ياامي مرتك بنيتنه مانريد نكسر خاطره وهي حبابه وسنين ماشفنه من عده الشينه ولا سوة غلط والبنكم ينصلح لابد فديوم ربكم يصلح الكلوب

رد محمد كال  عمى ام كيان ونعم منهه اعرف تربيته واحترمهه واقدره واخليه على راسي بس البناتنه منتهي مينصلح مثل مدكولين واني متفاهم وياهه واتفقنه على كلشي ماعده أشكال   واني ممسوي شي عيب ولا حرام رجال محد اله كلمه عليه بهلموضوع مطالب غير حق والله سبحانه حللي اخذ اربعه مو وحده مدامني احد بيناتهن واني رايد وحده تغيني عن الاربعه واعرف بت عمي معدله وتصوني ومالكه مثله

رجع كال  انطيكم وانطي لخويه ابو ادم كم يوم يفكر ويردلي الخبر اذا عدكم حجي غير الكلتو هاي مدامنه ملتمين خلي الامور كله تنطرح

امي كالت عمى انت والنعم منك ومنلكه احسن منك  وتعرف الرايي الاول والاخير للبنيه ولخوهه بعد هوه ولي أمره والبي خير وصالح ربك يقدمه

شمس سكت بس وجه انكلب احمر

على طول الحديث الكل ساكت وهمه يحجون اسمع بس انين شروق بسكوت لان كاعده يمي ساره مدنكه راسه وعيونه تجري وتمسحن بس رحاب عيونه تفتر وتعلج حتى حسن ونائل مدخلو لان ماكو حجي بعد حجي الكبار زوجت عمي ساكته ومبينه متريد تكسر بخاطر ابنه ولابخاطر بت اختهه

طلعنه بس شمس ساكت  مغثوث لان محمد كرر طلبه وبأصرار ومنطاا مفكه لو حجه يعترض نائل طلع ويه حسن

وصلنه شمس وطلع الشغله محد حجه بلموضوع امي دخلت الغرفته اني التهيت بيمن بدلتله جاي ابدله واشوف ايده طكعه زركه يمه اخذته كبل الامي

ضلت تكلب بيه كالت هاي كرصته انسان هيج زورك رأسن طخت بالي بت .... يعني طفل مكسر خاطره هيج تكرصه كتله هاي بت عمتي الكحبه هيج كرصته

كالت يمه مالي خلك سوالفج وعركج اطلعي وسدي الباب اريد امددلي ساعه ضغطي صعد

طلعت اكلب بيده اكول ليش فرفح سوده عليه دخلت للغرفه ساره نايمه ومغطيه راسه اعرف هاي حركته تشرد من الضغوط عليه بلنوم اذا صدك نايمه كعدة على الجربايع يمن بحضني رضعته ونومته اباوع عليه بله هذا الوجه مال واحد يأذي

حطيته وصدك نمت كعدوني على العشه مقبلت نعسانه رجعت نمت يمن مو يمي يم امي من اجت ندى تعكدني سألته

كعدت مرة ثانيه على صوة  تلفون شفته رقم خالو كعدة عدل فتحت الخط اجاني صوت عمتي سلمت عليه وسألتني على يمن كالت يمه خالج يريد يشوفه من الولاده مشايفه غير كم مره وهاي من تاخذيله صور بجهازي يشوفهن  فكلت اسألج اخوج ابو ادم موجود كمت شفته مجاي كتله لاوالله بس هسه اخابره يجي

كالت ماشي انطيني خبر  ونجيكم ختمته باوعت الساعه ب٩ طفرة كلت لمي خابري شمس جاي خالو ابو محمد وعمتي يريد يشوف يمن مكالت شي ندى موجوده ساره بلمطبخ تنظف اخذة يمن غسلتله ونشفته على السريع لايتمرض بدلتله حطيته عطر اطفال يمه فدوه للولد يمه اسم الله عليك لو ابوك عايش يكول هذا مو ابني منين بايكته الله يرحمك برحمته الواسعه

رحت لامي كالت جاي بلطريق انطيت خير العمتي ماكو ربع ساعه يمنه خالو بي طبعة لو تنكلب الدنيا ميجي ومحد موجود من الولد استقبلهم شمس هوه وخالو بلصاله عمتي متعوده بلهول تدخل لو بغرفتي لان تجينه هواي سلمت واخذة يمنه تحضنه وشم بي كتلهه عمى عيب مااسلم على خالو هي وامي كالن اي عيب روحي لبسيلج شي ودخلي سلمي رحت لبست عبايتي الرحت بيه اليوم لبيت عمي وتفس الشال طلعت اخذة يمن دكيت الباب ودخلت

مااعرف مستحيه بشكل كأنو اول مره اسلم عليه يمكن لان صار فتره مشايفته واضافه ايام حملي كله مااشفته ٦ اشهر من حملي يم اهلي

شفته كاعد نفس ماهوه ذاك الطول والقيافه والدشداشه من سلمت يله رفع راسه شافتي

رد السلام بعد مكتله شلونك خالو

كال هلا خالو شلونج صحتج احوالج

كتله بخير الحمدالله انت شلونك

كال الحمدالله عايشين هذا الفصعون شلونه شو انطينيا  اخذ يمن يبوس بي وشايله يباوع عليه  ضليت شويه سألته على حمودي اجنبت اساله على نهله بعد مكالت عمتي متعاركين وهم ضاربهه شويه ترخصت وطلعة متقيده هم من شمس وهم خالو ماعندي ذيج الميانه ويا

ضلينه سوالف وضحك اول مره اشوف عمتي تضحك من موت قتيبه وهي ضحكته غابت حسيته مرتاحه وسالته حالهه بعد مسمعت نهله زعلانه يم بيت عمى يمنه بنفس المحافظه
سالته من ينظف يسوي اكل كالت اني والبيت مابي شي شعندي راسي م

ن راس خالج وحمودي ويه امه خلا خالج من البارحه باجر يجيبه

راحو بعد متأخر الوقت يومين وشمس محاجي ساره وحدهه اخذه بلصاله ساعتين حتى امي كتله اتفاف الامم المتحده مخلص ندى كالت مااعرف شيحجون هلكد

طلعت هم من سألناهه ساكته كتله انتي شبيج هليام ضاربج الحمزه مجاوبين احد ومنعرف منج شي

كالت نباء البيه مكفيني لاتتقربين يمي ومااحجي شي عوفيني

شكد حاولت ويااهه حجيت اساعده مااسكت لو احتاجت احد ماكو قافله احسه عده صدمه تخليه مبتعده

امي مااعرف شعجب مدخلت ساره اليل كله كاعده كلما افز على بجي يمن الكاهه كاعده مراة تطلع وره ساعه تدخل

اشوفه واسكت مااريد اضغط عليه هي لو تريد تحجي جان حجة هي طبيعته اتفضفضلي هاي الفتره مفضله السكوة

لحد ثاني يوم على العشه وكفت كدام شمس وكلنه كاعدين بوكته بيبي ستوهه جايه من بيت خالي حيدر

كالت خويه اني موافقه كلنه انتبهنه عليهه

كال متأكده كالتله اي

كال على بركت الله  باجر اردلهم موافقتج

الكل ساكت اني اباوع على امي ساكته سعجب رادة تحجي شمس كال يمه شتفقنه لاتضغطين على البنيه هذا اختياره وقراره اني عليه بريت ذمتي وحجيت ونصحت وانطيته نقاط العلط من الصح  بعد هي تتحمل مسؤليت قراره واني وياهه حتى لو كان قراره غلط لاتنسه اني ابوهه موبس اخوهه الاسأذيه يأذيني

يمكن هاي فاتحة خير ويمكن حياة اختي تكون احله من حياتي ومتأكده مدام يحبهه وحارب الكل لجلهه ومستعد يسوي كلشي علمود يحصل عليه مثل واحد ياخذ سمكه من حلك سمك القرش واخذهه من شمس

بداخلي فرحانه وادعيله بلسعاده الابديه ماريد يجري عليهه الجره عليه سارة اقوه مني بس سكوتيه تتحمل اكثر مني تمشي بعقله

ماعندي شي اقدمه غير الدعاء

حـنتكلم عن العنايه ب"الابط" 🤓🍃
.
.
خطوات بسيطه تكدرين تحافظين على نظافه المنطقه 😘👌🏻
.
.
١- مزيل العرق مهم جداً ما يحتاج انبه عنه سواء تسوينه بالبيت ولا تشترينه اهم شي يكون يناسب بشرتج مو مهم طبي ولا مو طبي او معطر او لا 👌🏻اهم شي تحطينه على منطقه نظيفه مغسله بالصابون ما تحطينه و جلدج بي عرق من قبل 😷
٢- تستعملين صابون ينظف و يعقم المنطقه سوا كان طبيعي مثل البابايا او طبي مثل كيوفي ، يومياً تغسل المنطقه 😚
٣- سنفرة المنطقه ھـہميہنھ❥ مهمه تشيل الوساخه و الجلد الميت حہٗ☻ـٺـۍ بقايا العرق ينشال ، وهو عامل مهم لتفتيح البشره ❄️
٤- ممكن قبل النوم او اذا كاعدة بالبيت تستغنين عن مزيل العرق ، تغسلين المنطقه و تحطين بودره حہٗ☻ـٺـۍ ما يعرق و بس 👌🏻
٥- اهم شي إزالة الشعرررر 📍📍 سواء بالمكينه او بالحلاوه او الشمع ✂️
الموس ما انصح بي حيسببلج مشاكل 🌸

#اعـاده_توجيـــہ_لتنسون
#ملوكه

🍬عدج علم اذا غسلتي وجهج بماي عادي ومسحتي بماي ورد راح يشد بشرتج وصير جنن ❤
…………………………………
🍒عدج علم انو ملازم تغسلين وجهج هواي بصابون لان راح تجف بشرتج وتتعب استخدمي غسول بشره واذا جنتي بشرتج جافه شتري غسول خالي من صابون حته تبقة بشرتج رطبه 💛
…………………………………
🍓 دايما بالشتة الادين تيبس لتنسين النيفيه باليل غسلي اديج بصابون وحطي نيفيه كعدي صبح غسلي وحطي مره ثانيه صير ايدج جنن وحته متجمد بالبرد 💜
…………………………………
🎂عدج علم من تخلين مرطب لرجليج قبل نوم راح صير رجلج ناعمه وتجنن خلي هذي عاده عدج كل يوم سويها 💚
…………………………………


#اعـاده_توجيـــہ_لتنسون
#ملوكه

طريقة رسم الحواجب🌚 بالجل

اللوك حلو..بس عدها فد غلطة 🧐صغيرونه
انو مقدمة الحاجب لازم تسويها بخطوط خفيفة حته يبين الحاجب طبيعي🙂🌸

#اعادة_توجيـهہ_للفائده
#ملوكه

مكياج طوخ_يفيد🙈بالمناسبات
حبييــت😍

#اعـاده_توجيـــہ_لتنسون
#ملوكه