البارت السابع والثلاثين

( الرتبه و الحشمه )

.............................................

الما يجرر حسرره بحياته

لا يسولف على العششك

الما عاش فركة محب هذا

ما عاشك صدك ❤

....................................

متعجبات رجعت للغرفه بدلت ودك تلفوني اثير

الو

اثير.شلونه حبيبي خو ماتعبان

رهف.ميته تعب والله بس نتيجه حلوه لحد الان شعور مااكدر اوصفه انته شلونك

اثير.اني مشتاقلج واريد اشوف تغيرات سويتيهه بيهه مجال طلعين بليل للحديقه

رهف.ياا وين بيبي كاعدتلي كعده وصلت بيهه قفلت الباب عليه من بره

اثير.لابربج صدك عود

رهف.اي والله شبيك

اثير.هههههههههههههه اريد اشوف باجر شلون تخلصج مني هم تقفل الباب عليج

رهف.عفيه لاتحجي هيج والله استحي

اثير.هههههههههههه بس لازم نسوي بروفه على هذا شي حتى تتعودين شويه

رهف.اليوم شبيك شو حتى صوتك متغير

اثير.خايف رهف خايف لاتنكسر فرحتنه خايف لايصير بيج شي والله رغم فرحت العرس بس اريد يخلص بسرعه ولااخليج طلعين من البيت اله وياي

رهف.ترى خوفتني شبيك صاير شي

اثير.اي وماادري اذا لازم اكلج لو لا بس لااحسن خليهه هسه وانشاء الله ماكو

رهف.اثير الله عليك تحجي شنو صاير ترى وكعت كلبي

اثير.اليوم مصطفى شايف اسعد وليد كاعدين بمطعم سوه

رهف.اي وشنو يعني هذا شي

اثير.رهف فتحي مخج ذوله ثنينهم اعدائي ومن ينجمعون شتتوقعين شناوين غير على أذيتي واني اكبر اذيه ممكن تجيني انو واحد يأذيج يعني أقصد خايف يأذوني بيج

رهف.حبيبي خوفتني والله

أثير.ياروح حبيبج لاتخافين واني يمج مستحيل اخلي بشر يمسج وانتي وياي

رهف.واذا مو وياك اثير يعني اقصد اذا ماموجود يمي شنو ممكن يصير

اثير.اخخخخخ رهف لاتزيديهه عليه ترى كوه متحمل وروح عمي

رهف.اذا هيج الموضوع موترك الغي العرس وخليني بلبيت بس علمود تطمأن

أثير. يعني تتنازلين عن اهم يوم بحياتج بس علمود راحتي

رهف. وليش هو هذا اليوم مو انته الجزء الاساسي منه يعني تتوقع اذا انته مامرتاح اني راح افرح وتهنى بهذا اليوم على حساب راحتك اكيد لا يعني بلمختصر لاانته تتهنى ولااني بعد شنو الفايده منه

أثير.والله ماادري شكلج بس حاليا بالي شغله وحده اريد اسويهه انو اخذج بحظني وغمض عيني واني مأمن عليج بين احضاني

رهف.لارد

اثير.حبيبي وينج

رهف.احم وياك

اثير.شبي صوتج شنو مستحيه

رهف. اني حنام تصبح على خير

أثير. نوم العوافي يروحي

رهف. أثير

أثير. ها حبيبي

رهف. الله عليك لا تبقى ضايج ترى من يمي اتكدر والله

أثير. فديت الشايل همي لاتخافين يروحي راح يكون احلى يوم بعمرنه اثنينه ونهايته راح تكون فوق المرضيه بلنسبه اليه لان راح اختمج باسمي من صدك

رهف.حباب اثير لاتفتح هذا الموضوع بعد والله استحي

اثير. ماشي من اليوم بعد ماافتح الموضوع نوب كله تطبيق شتكولين

رهف.هاي عود كتلك كافي

اثير.يلا روحي نامي وراج يوم طويل باجر وتعب

رهف.باي

سديته منه وضحكت يربي شلون بيه باجر اثير مبين من هسه ناوي عليه اووف سمعت الباب ندك دخلن عمه سعاد وعمه نوال

نوال.ياحبيبتي شبيج ليش مدمعه

رهف.مسحت دمعتي طاحت بدون ماانتبه .لاعمه ماكو شي

سعاد.علينه خاف مشتاقه لااثير

رهف.لالااااا بس جنت صافنه حتى ماادري شلون وكعت دمعتي والله

نوال.لاتبجين يروح عمتج افرحي واتونسي هذا احلى يوم بعمرج لاضلين مكتئبه ماكو شي ماينحل بس خليهه وره ربج وهيه تفرج وحدهه

سعاد.وهسه رهوفه حبيبتي لازم سمعين حجينه اني وعمتج كلش زين لان احتمال باجر ماصير فرصه نكعد افهمج خاصه اثير حاجزلكم بفندق مو هنا بلبيت

رهف. فندق ليش !!

سعاد.مايريد بلبيت يكول حتى اخذ راحتي أكثر من هنا هسه ماعلينه شوفي ماما

بدن يحجن واني احس راح تطلع روحي هاي شلون يحجون هيج وعمه نوال تحجي بلقلم عريض يمكن تشرحهه احسن من اثير ذات نفسه احس كلبت معدتي من اخر جمله حجتهه عمه يمه عزززه هاي هيج يصير كوه ضليت مصيطره على روحي لاابجي وهنه صافنات عليه

نوال.سعاد شبيهه شو صارت كركم البت

سعاد.رهوفه يمه كومي غسلي وجهج وتعاي لاتخافين حبيبه ماكو شي يخوف

نوال. لو ماحاجين احسن بس لاتتخربط هسه و شيخلصنه من ابنج

سعاد.غير انتي اكلج مو هيج بس انتي كمتي تحجين بكل فخر خلستي البنيه على اساس فد معجزه هسه هيه شكول عليج نوال على هاي العمله

نوال.ياااا ادور كلبتي عليه خلف الله عليج اروح اشوف امي احسلي وانتي عود فهمي جنتج شلون ابنج ينام وياهه اريد اشوف شلون توصليهه الهه وهاي مبينه مايعه هسه بس شوف شيسموه تخر وطيح ويضل حاير بيهه لو يبقى هنا احسن عاد احنه يمه هههههه

سعاد. ههههههههههههه كافي بروح اخوج بعد مااكدر اسكت لعبتي نفسي والله الله يساعد كلبك يمه اذا صدك هيج صار

طلعت لكيتهن يضحكن طبعا سمعت حجيهن كلهه لعبن نفسي وكرهني بزواج لو ماحاجيات شي احسن ميت مره

سعاد.هايمه شلونج هسه

رهف. الحمد الله احسن شويه

سعاد.حبيبتي لاتخافين ومعليج بحجي عمتج ولاتاخذين حتى بحجينه خليهه وره اثير هوه يعرف شلون يصرف واكيد راح يكون حريص عليج لاتخافين ماما خوش

رهف.انشاء الله

سعاد.يلا اني طالعه عندج شي بعد تردين شي احجي يمه لاتستحين ترى اني امج مو حماتج

رهف. هوه اكو سؤال بالي واتمنى اعرف جوابه

سعاد.شنوه

رهف.عمه انتي سامحتيني يعني مااخذتي فكره موزينه عني بسبب الصار وزواجي من اثير صار بدون علمكم

سعاد.شوفي اني ماانكر انتبهت عليكم بس ابني فاضح روحه اكثر منج لان رجال ومايكدر يلزم اعصابه بكل مره جنتي تنخطبين بيهه يتخبل علينه غيرته زايده وعليج انتي بذات هيه الخلتني اعرف بي شكد يحبج بس خبر زواجكم جان صدمه للكل ماراح اسألج شنو سبب لان سمعت من البنات محذرج تحجين بهذا شي واني متاكده ابني مصخم وجهه وياج هل مايريد احد يعرف

رهف.اعتذر خاله جنت اتمنى احجيلج سبب يمكن جان خفف هواي من سؤء ضن البداخلج عليه بس بهاي طريقه أثير راح يتاذه اذا سمع واني مااكدر اسببله الاذيه بعد كل صار وكلشي مر بينه

سعاد.لهدرجه تحبينه عيونج تلمع وانتي تحجين علي

رهف.دنكت راسي خجلانه منهه لان حبي لااثير صار مفضوح عند الكل همست بهدوء. يعني عمه انتي ماخذه موقف مني لحد الان

سعاد.برئيج اذا ماخذه موقف منج اكابلج واكعد هيج اعلم بيج شسوين لو دمعتي المانشفت عليج وعلى حظج انتي وابني شوفي يمه مثل ما اثير ابني انتي بتي لاتنسين نولدتي على ايدي واني اول وحده حطيتج بحظني

رهف.عمه اني اسفه على كلشي بس والله صار غصبا عني ومو بأرادتي 😢😢

سعاد.لاتبجين يمه مايصلح انتي عروس يلا شو مسحي دمعتج ونامي اريدج تكعدين مورده باجر اريد بنتي تطلع احلى عروس يلا حبيبتي نامي

صدك حطتني على رجلهه وتقره قرءان على راسي بحيث حتى مافكرت بشي وماادري شوكت غفيت كعدت صبح على هوسة سحر تكعد بينه يربي هاي البنيه صايره كلش مزعجه صحت بيهه لو هيه ركعتني بلمخده

رهف.ولججج سحرر شبيج من صبح خلينه نايمين حبابه والله تعبانه

سحر.وسم هاي صيحين عليه كومي ولجج راح يأذن ضهر شوكت تلحكين بعد لو تبقين نايمه هيج ونجيبلج اثير عليمن هوسه وعرس

رهف.حمسس تأدبي

سمر. خو انتي طالعه عينج كلش اثكلي شويه ترى ثكل حلو يبنيه

سحر.ومنو كلج اني بنيه

سمر. شنو تحولتي واحنه ماندري

سحر.الغسل اي والله تحولت شنو بعدين ماتعرفين شنو معنى كلامي جا العندج شبي بس نافخلي عضلاته بلخالي بلاش

سمر.لابالله عيني لاتحجين على رجلي شبي

سحر.اندري انتي كلينه شبي 😉

سمر.لايا ساقطه خل اكوم احسن انتي صايره فد مره

سحر.ههههههههه اشردي اشردي وانتي يلمسعده يلا كومي الولد مشتعل جده من صبح طالع وانتي نايمه

رهف.عزززه بعينج لايسمعج جدي شنو مشتعل جده

سحر.هههههههههههههه تعودي حبي هواي راح سمعين هاي جمله اشتعل جدي واشتعل شيب الخلفج يبدع وادعتج بلغزل وهاا اليوم اشعل اهلج واحد واحد ههههههههههههههههههه

رهف.ههههههههههههه الله يطيح حظج اي والله هسه هذا هم تسمينه غزل عابتلج اي والله

سمر.وج نسيتي شغله سحر اشتعلو الخلفوج بكاز ونفط ههههههههههههههه حتى مابيهه مجال نلحك نطفيهم

سحر. هههههههههههههه دخل نلحك نفلت منهم يلا نروح نطفي اهلنه طول ماهو يشتغل يسب بأاهلج شنو سبب الله اعلم والله من حركت كلبي اجيت اردهه لعمر ذاك اليوم وتراجعت لايكفخني

سمر.عليج الله شردتي تكليله بيناتنه وداعتج

سحر.لا واني زوج وحجي هسه يطلعلي بس تجاوز نقاط الحمر وتعاي يسحر تحملي العقاب وهوه شلون عقاب وي الحمل صدك يشعل شيب الخلفني ههههههههه

رهف.غير المفروض حامل ويدير باله عليج مو العكس

سحر.لا شهاده الله رجال يحاول بكل قوته يسطر بس شنسوي مايكدر بعد على كولت عمر هيه من تجي تسمط ابوي ابويه وانتي تردين على كيف هههههههه

البنات.شنيه تجي ولج !!

سحر.بالله مرح مأيسه منهه رهف بيهه مجال بس هيه اليوم فاصله الفيشه كلش اله سمسم شنو نسيتي مخلفات الحرب شنيه 😉

سمر.والله دنعل ابوج لاابو حتى سمسم لعبتي ارواحتنه من صبح ذاك رجلج ولي خل يشبع بيج

البنات . ههههههههههههههههههههه

سحر.والله مااعتب عليج اذا انتي ماخذه مصطفى شتطلع اخلاقج

سمر.وشبيهه اخلاقي يمه !!

سحر. نفس اخلاقي ههههههههههههههههه

البنات.هههههههههههه

مرح.يلا كومن راح الوكت لاحكين على سوالف تعبانه مالتجن

كمنه كلنه طلعنه تريكنه ودخلت سبحت وبدلت علمود نروح لصالون طبعا البنات كلهن وياي حتى هدى اخذنه قتيبه وصلنه لصالون وراح بلشت بيه اول شي سحبت شعري وبلشت تشتغل بوجهي كالت غمضي واسترخي واني ماصدكت غمضت عيوني ومر شريط حياتي كدام عيني ماحسيت غير على البنيه تحجي وياي

رهف.لعفوا مانتبهت

شبيج حبي شو تعبانه ولاكانو اليوم زواجج انتي مجبوره على زواج

رهف.لا ماكو هيج شي بس صارت شغله صفنت بيهه بدون ماانتبه

هاا دشوفي نفسج شطلعتي هسه تتغير نفسيتج كلهه

صدك عدلت روحي باوعت بلمرايه الكدامي شكلي متغير جذريا طالعه وحده ثانيه باوعت للبنات كامن يصلن على نبي طلبت مني البس بدلتي كمت لبستهه مساعدة البنات طبعا جان لونهه تفاحي راهم وي المكياج لان خليت شي بسيط ماردته ثكيل لبست حذائي وطلعت اباوع لروحي ومامصدكه اني جاي اعيش مثلي مثل اي بنيه فرحانه بزواجهه من حبيبهه انتبهت على البنات يحجن وياي

مرح.فوفه وين صافنه ابتسمي خل اخذلج صوره

رهف.خل تكمل شعري يلا

مرح.لا هيج اريدهه طالعه تحفه بيهه

رهف.هههه بس بدون غش ممنوع دزين صور مرح تمام

مرح.ولج ليش شبيج حتى يجي متلهف حتى يشوفج

رهف.ميمي لاتعاندين اني اريدهه يشوفني واني كدامه مو بلصوره

سحر.هنا الحجي قصدج الصوره كلشي ماتحصلين منهه تردين ردة فعل وياهه من يشوفج

رهف.ولكم ماتكلولي المن جبتوا سحر راح تجلطني

سحر.احترمي لجج ترى مرت حماج اني واكبر منج احطج هسه اطيح حظج

هدى.واذا اكوملج اني ترى اني جنه جبيره مو انتي

سحر.دسكتي انتي حيري بتؤم العندج البارحه سمعت قتيبه يشيل روحه ويطكهه من الهوسه

هدى.وشسويله يمه كايلتله يخلف و لاتخافين ابن عمج يريد يخاويهم البارحه ومن نرفض طلبه تخبل عليه

رهف.يااا صدك والله هدى ترى جهالج زغار بعدهم عمرهم شهرين ونص شنو سالفه وانتي تعبتي بيهم لازم فترة نقاهه غير

هدى.دتعالي فهمي الاستاذ هذا الحجي

سحر.وجايه لصالون اني منج البس كونيه واكعد والله هسه شيخلصج اليوم على هذا جمال طالعه تخبلين

هدى.ولج سحر لاتخوفيني صدك والله اني شلون نسيت

رهف.حبيبتي تونسي اليوم وفهمي بطريقتج انج حاليا تعبانه مو مال حمل ولاده وتعب وجهال بعدهم يرادلهم رعايه وزغار

سحر.اني وي رهف سايسي لاتعاندينه لايسويهه صدك ويحبلج ويخليج تركعين راسج بلحايط وانتي فاهمه قصدي كلش زين

رهف.كافي سحر ترى زدتيهه عليه هدوش لاتكلبين وجهج الله عليج خليج متونسه

هدى.لا يروحي انتي شتحجين اكيد اني راح اصرف واشوف شلون نلكه حل يرضي طرفين انتي اليوم يومج خليج ريلكس ولاتتوترين اهم شي تحافضين على هدوئج

مرح.بنات ماما تكول القاعه نترست عالم شوكت تجن

سحر.احنه كملنه بعد العروس غير

رهف.عفيه شكد بقى وقت

هاي كملت عيني بقى بس اضافرج هسه تسويهن الج البنيه

هدى.معناتهه خابريهم مرح خل يدزولنه واحد بين ماتخلص فوفه

مرح.وهوه هيج

رهف.سحر هم شفتي تلفوني

سحر.اي عندي ودك عليج اثير مرتين ورفضته وسويته صامت

رهف.ولججج عززه ليش خاف يريد شي

سحر. لااتصلت عمر كال ماكو شي عادي فحبيت اخبث علي

رهف.لاوالله مو علي عليه شوفي اذا ماطيح حظي اليوم من وراج

سحر. لا من ناحية يطيج حظج راح يطيح حظج وتنغسلين وجه وكفه ههههههههههه

هدى.ههههههههههههه ولج كافي عوفيهه

مرح.بنات قتيبه بلباب يلا واثير يكول لفن رهف زين مايريد يبين منج اي شي

رهف.اتصلتي علي

مرح.اي علمود يدز احد وسال ليش ماجاوب كتله تلفونهه عد البنات مو عدهه

صدك كامن البنات يلبسن ويلمن بلغراض بعدهه لبسني الكبع وغطني بي وطلعنه كلشي مااشوف صعدنه بسياره تباركلي قتيبه والتهه وي هدى ناصب عليهه ومتنه من ضحك علي وصلنه للقاعه كبل دخلوني لان بعتبار مكمله ميحتاج اروح اعدل واسوي دخلت وكعدت الاجواء جانت حلوه لدرجه مااكدر اوصفه بس اني احسس بحساس غريب كانوا ناقصني شي اي فعلا اني ناقصني وجود ماما وبابا وياي ياريت لو جان عندي اخ هوه يسلمني لااثير بدال بابا الله يرحمه لو اخت توكفلي مثل وكفت البنات وياي فرت دمعه من عيني ماكدرت اصيطر عليهه حسيت ايد نمدت ومسحت دمعتي باوعت مرح وسحر وسمر كاعدات كدامي على ركبهن حجيت بندفاع من منظرهن

رهف.هايي ليش هيج كعدتن لج سحر كومي لايتاذه طفل شبيج

مرح.حبيبتي واختي وصديقتي ومرت اخويه ربي يسعدج وما تشوفين غير الفرح بحياتج

سحر.فوفه الف مبروك يكلبي ربي يجعلهه زواجت دهر انشاء الله الف مبلوك خالتوا هاي نيابة عن ابني ههههه

رهف.يعمري فدوة تروحله خالتوا بس الله عليج كومي لايتاذه موزين عليج هيج كاعده

سمر. ام دميعه انشاء الله اشوفج حامل بتؤم وكل سنه طفل يعني ماتفرغين لو حامل لو ترضعين وحده من ثنين ههههههههههههههه الف مبروك يروحي انشاءالله من اليوم عيونج ماشوف غير دموع الفرح ياروحي

رهف.بنات والله ماادري شحجي عجز لساني عن الوصف بس ادعي ربي لايحرمني من محبتجن الي ولا مم لمتنه سوه

البنات.أمين

بعدهه بلشت الحفله والبنات نطلقن فد مره خو سحر كوه لازمته عمه سعاد وبيبي كل شويه وطافره ويركضن يلزمنهه ههههههههه جماله بطنهه مبينه ولابسه فستان ضيك كلش بس يخبل عليهه جنت مندمجه وي البنات لحد ماسمعت ام الديجي تعلن عن دخول اثير شلت راسي اباوع علي دخل لابس قاط نيلي وقميص ابيض ومزين طالع يصفن ضلت عيني حتى مارمشت لحد ماوصل يمي ضل مدنك وكلهه تباركله اجت عمه كالتله

سعاد. يلا يمه بدلو الحلقات انته ومرتك

اثير.لاخليهن بعدين نبدلهن

سعاد. ياااا ليش يمه هاي عاداتنه

أثير.حجيه بالي شغله خليهه بعدين مو بس ابدللهه الحلقه ابدلهه حتى هيه الج

سعاد.ولك عيب لايسمعنك نسوان فشله هههههه

سمر.يلا اثير افتح ايدك خل احطلك حنه

أثير. شتحطين !!

سعاد.هم كول لاتحطن حنه الايدي

أثير.اي طبعا شنو هاي العادات سخيفه

سعاد. لاتخبلني المن اجيت بعد ومتعب روحك جان فتحت ويانه كاميرا احسن

أثير.ههههههههههههه اجيت علمود تردن تصورن مو انتن كتلي هيج وبعدين بشرفج حجيه اطلع هسه لجماعتي رائد وخبصه وكلهه تحسبلي حساب اطلع حاط حنه الايدي شلون ترضيهه اليه بس اريد اعرف

سعاد.خل اوخر عنك احسلي راح ابتلي بيك ولك انته منين جايب هذا العناد

سحر.يلا باوعو خل اصوركم

رهف. جاي نصور تقرب همس يم اذني

أثير.هاي شطالعه حبيبي

رهف. حلوه لو لا

أثير.انوب تسأل يمحمد بس تدرين عندي اشوفج على طبيعه احلى بهواي

رهف.😊😊😊

اثير.ههههه فهمتي قصدي لو لا

رهف.غير تقصد لامكياج ولا هيج منظر

أثير. لا موهيج اني قصدت اشوفج مثل ماربي خالقج و****** فهمتي هسه

رهف.عززه اثير صوتك عفيه لايسمعوك

اثير.ههههههه يلا طالع اني ربع ساعه وارجعلج على ماتخلصين الحفله تمام

رهف.تمام

طلع اثير ورجعن علكنهه بلركص اباوع كلهه تهز صفنت شو اني مااعرف اسوي هيج مثل البنات بعدين ضحكت على روحي هسه وكت هذا تفكير بالله اجت عمه نوال كالت لبسي بدلتج البيضه كمت وي البنات لبستهه جان مستوره نوعا ما ماحبيت تكون فاضحه ردتههه بسيطه ومابيهه شغل هواي هيج احلى وانزك بس طبعا صدرهه من نص مفتوح هاي بدلتي 👇



رجعت للقاعه وبدت الطقوس الاخيره مال جلوه ( هيه اليختمون بيهه حفلة الحنه واعتقد موجوده بااغلب محافظات العراق ) من خلصت جابت هدى البركع لبسته اليه وخلته على راسي وكالت راح يدخلون دخل جدو اول شي هوه وقتيبه وبعدهه اجه اثير وراهم هوه وعمر وعمو محسن وامجد وعمو علي ومصطفى وياهم سمر جانت يمي همست لسحر

سمر. ولج سحر شوفي رجلي طالع يخبل هاي عود ليش دخل للقاعه وهوه هيج لابس

سحر.ولج غير عرس شبيج انتي

سمر.وانتي وين صافنه يعيني

سحر.على عمورتي رغم اني طلعت ملابسه بس معبالي يطلع هيج

جد.تقرب جد وباس راسهه .الف مبروك بويه

رهف.بس ابتسمت بهدوء اجه اثير وكف يمي وخزرني هذا شبي اجه قتيبه تقدم عليه وباس راسي كال

قتيبه.خيتي ربي يهنيج بحياتج جديده بس اريد اكلج شغله انو اني اخوج انتي مو اخو اثير تمام وانتي فهمتي قصدي صح لو لا

رهف.تسلم ابو ملوكه

قتيبه.اثير اختي امانه عندك اذا شفتهه بيوم مهضومه لو نازله دمعه من عينهه هاي بعد الله كتبهه عليك اريدك داريهه ماي عيونك وتحط الله بين عيونك من تتعامل وياهه

اثير.لاتوصي حريص احطهه بعيوني

قتيبه.تسلم عيونك يلا يابه نتوكل راح يأذن الاذان

جد. يلا بويه

اخذ ايدي جدي وحطهه بأيد اثير وطلعنه وسط الهلاهل ترست القاعه مد ايده سحب البركع ذبه على وجهي ولزم ايدي وطلعنه بعد كلشي مااشوف حسيت اعضام ايدي انكسرت بيده من كداما ضاغط عليه صعدنه بسياره وطبعا جان عمر اليوسق وجدو كاعد يمه همست بخفوت

رهف.أثير ايدي عفيه دتأذيني

أثير.اششش صوتج وهاي ايدج هديتهه بس سكتي

هد ايده كمت افرك بيهه اباوع الاسوارت لابستهن مطبوكات بيدي من كد ضغط وطالع منهن دم رفعت راسي شفته عينه عليه وعلى ايدي لان طالع منهه دم مد ايده انطاني كلنس مسحتهه بس يوجعني اريد انزعهن حاولت اعدلهن موتني دمعت عيوني من الوجع لان ضاغطات على ايدي حيل تقرب وهمس يم اذني

أثير.كافي تتحركين اثبتي ترى سياره مامضلله

رهف.اذني حيل مااتحملهن

أثير.تحملي هسه نوصل ونزعيهن

صدك حاولت بس يوجعن اخر شي صفطت كلنس ودخلت بيناتنهن شويه خف الوجع اووف يمه وره فتره وكفوا ونزلو جماعتهم يركصون وهوه هم نزل بس ماابتعد عن سياره ادري بي خايف منهم وره ربع ساعه رجعوا صعدو وطلعنه نزلو تقريبا تلث مرات والهوسه نزلنه يم مصور دخلنه بس اني واثير اخذتلنه لقطات حلوه بس شبهه تقليديه ماادري اثير شبي اليوم كلش مزعوج رجعنه صعدنه بسياره بعد مانزلو لحد ماوصلنه للفندق ولاسياره اجت ورانه بس البيهه البنات وعماتي نزل واجه نزلني من جه ثانيه لزم ايدي ودخلنه وانطه رقم لعمه سعاد وصعدنه للغرفه وهوه ضل يم جماعته دخلنه اباوع هاي سويت مو غرفه كعدن البنات بصاله هنه وعمه اجة مرح وخرت البركع مني ومسحت العرك صار بوجهي ورتبت شعري وراهه اجت سمر كامت تعدل مكياجي وخلتلي حمره طوخ حمره برزت وي البدله لابستهه دك تلفون عمه نوال كالتهن يلا اطلعن راح يزفون الولد صدك راسا طلعن بعد ما وصني على ملابسي خالاتهن بجنطه وعلى العشا كمت افتر وين اروح مااعرف ليش خايفه منه يمكن بسبب نظراته لو تصرفاته وياي اليوم واسلوبه التغير فجاءة دخلت كعدت على جربايه سمعت الباب نفتح بقى تقريبا عشرا دقايق وبعدهه دخل للغرفه اباوعله نازع الستره وكاف ردانات القميص كمت مرتبكه من نظراته الخترقتني من فوك لجوه وركز اكثر شي على فتحة البدله اجه وكف يمي ورفع ايده اباوع شنو هاي صفنت بوجهه شيسوي بيهن ذني اثير لازمهن بيده معقوله مااصدك و الله طلع سؤال مني بصوره عفويه

رهف.هاي شنو اثير انته تريد..........
.يتبع

البارت 38____39
البارت الثامن والثلاثون

( الرتبه و الحشمه)

...........................................

كولوله

شما يبتعد بس هوه

يبقى بالي مهره وأصيله معدله

مااغدر بخيالي ❤

.....................................

ودخلنه وانطه رقم لعمه سعاد وصعدنه للغرفه وهوه ضل يم جماعته دخلنه اباوع هاي سويت مو غرفه كعدن البنات بصاله هنه وعمه اجة مرح وخرت البركع مني ومسحت العرك صار بوجهي ورتبت شعري وراهه اجت سمر كامت تعدل مكياجي وخلتلي حمره طوخ حمره برزت وي البدله لابستهه دك تلفون عمه نوال كالتهن يلا اطلعن راح يزفون الولد صدك راسا طلعن بعد ما وصني على ملابسي خالاتهن بجنطه وعلى العشا كمت افتر وين اروح مااعرف ليش خايفه منه يمكن بسبب نظراته لو تصرفاته وياي اليوم واسلوبه التغير فجاءة دخلت كعدت على جربايه سمعت الباب نفتح بقى تقريبا عشرا دقايق وبعدهه دخل للغرفه اباوعله نازع الستره وكاف ردانات القميص كمت مرتبكه من نظراته الخترقتني من فوك لجوه وركز اكثر شي على فتحة البدله اجه وكف يمي ورفع ايده اباوع شنو هاي صفنت بوجهه شيسوي بيهن ذني اثير لازمهن بيده معقوله مااصدك و الله طلع سؤال مني بصوره عفويه

رهف.هاي شنو اثير انته تريد تصلي

أثير. اي واليوم اريد نبدي حياة جديده بعيده كل البعد عن الماضي جنت عايش بي او الاصح المستنقع جنت مدخل روحي بي رهف أريد نبدي حياتنه سوه واحنه ساجدين لرب العالمين حتى يوفقنه لحياتنه

رهف.اثير والله مامصدكه جاي اسمعه منك صارلي شكد وياك ما شفتك تقربت لسجاده بس اليوم صدمتني مااعرف شكول والله

أثير. لاتكولين شي هذا جان نذر عليه اذا الله كتبلج عمري ورجعتيلي راح التزم تدرين لو احجي منا لصبح مااكدر اوصلج ولو ربع من الاحساس الحسيت بي من شفت اياد رماج وطحتي سابحه بدمج والله وصلت مرحله سجدت بلكاع بدون ولا شي هيج بس ساجد علمود اطلبج من ربي وهاي اول مره صير وياي رغم شغلي وطلعاتنه لموصل بنص الموت ومافكرت بحياتي ولادعيت اعيش عادي عندي بس الج طلبتج من رب العالمين وهاي جانت اول مره اخظع لربي وناجي وجانت على ايدج وبعدهه الله ستجاب لدعائي وما حرمني منج الف الحمد لله وشكر ولهذا سبب ردت اول صلاة نكون اني وياج سوه شنو رئيج

رهف. مسحت دموعي لان طول ماهوه يحجي اني دموعي مانشفن حظنته راسا وهوه مسح على راسي وخر عني باسني براسي وكال

أثير.يلا حبيبي روحي توضي وتعاي

رهف.ماشي ثواني

رحت لجنطه فتحتهه اجه حط ايده عليهه رفعت راسي علي مستغربه

رهف.شنو شبيك

أثير. شتردين تسوين

رهف.بس اخذ ملابس علمود اسبح واتوضه واجي

أثير.ههههههه كل عقلج تحجين

رهف.اثير شبيك مو جنت الله هاديك شكلبك

أثير.ههههههه اي صح كتلج توضي خل نصلي ماكتلج سبحي ونزعي البدله وخربي ام شغل كله

رهف. اي والمعنى هسه شسوي

أثير. روحي غسلي وجهج وتوضي وتعاي خل نصلي وبعدين عوفي البدله اني اساعدج بيهه 😉

رهف.😊😊

رحت للحمام صدك غسلت وجهي وتوضيت وطلعت طلعت شالي لفيته وكفت وراه يصلي بصوت عالي شكد ما احاول اوصف هاي لحظه ماتنوصف خلصنه صلاة وبعدهه تقدم كعد يمي وباس راسي مد ايده وسحب الحلقه من ايدي ولبسهه بايدي ثانيه ضحكت هسه فهمت قصده واني وين راح بالي والله عيب بدلتله الحلقه مالته ولزم ايدي وكمنه طلعنه لصاله جانوا خالين لااكل على طبله كعدت فتحت شال وخرته لان ضايقني وي تسريحه عدلت واجيت افتح الاكل لااثير شفته صافن عليه

أثير. موردنه نتعشى ليش نزعتي الحجاب وطلعتي الااستغفر الله كدامي

رهف.ضوجني مجلب بلماشات البشعري بس راح ارجع البسه مو مشكله

أثير.لا خليج هيج لاتلبسي وتعاي خل نتعشا

كعدنه نتعشا بس شنو كوه حسيت باادين تلتف على خصري شهكت لان اثير جان كاعد كبالي شبسرعه صار ورايه فرني عليه واحنه كاعدين بلكاع طبعا واني وبدلتي مبسطه بلكاع هههه

أثير.شبيج فزيتي خفتي مني شني

رهف.ها لا مو انته فاجئتني

أثير.وين جنتي صافنه لو بالج شي معين ودايخه بي 😉

رهف.كافي عفيه لاتحجي هيج

أثير.شلون احجي انتي كليلي اليوم انتي اميرتي شنو التردي حاليا

رهف.توخر عني اروح ابدل ملابسي وانام وانته نام هنا بصاله

أثير.صافن عليهه

رهف.ها شو سكتت اعتبر هاي موافقه مو

أثير. شنو هذا الغباء حبيبتي اني كتلج أميرتي بس انتي فهمتي حجي غلط

رهف.فهمتك غلط وشنو صح بالله

أثير.هذا صح

رهف.لاااا اثير شدسوي

ماحسيت غير شالني من الكاع ودخل للغرفه كعدني على جربايه ونزع قميصه رجعت لوره بخوف كتله بتلعثم

رهف.ش شراح سوي عفيه اثير شتريد مني

أثير.هاي دروب بعد ماتوكل خبز اليوم لامفر يحلوو وين ترحين مني

رهف. عاشت ايدك خوفني بلزايد

أثير. تتعودين يروحي بس اليوم وبعدهه صير مثل العسل على كلبج ومو بعيد تكومين انتي طالبين بيهه

رهف. لاعفيه اجلهه غير اليوم تعبانين من الهوسه والحفله خليهه غير مره ها شكلت

أثير. كلت تقبلي الوضع حبيبتي لان اليوم مابيهه مجال اخذج اخذج وانتهى نقاش

رهف.بس اثي......

قاطعهه راسا ساحبهه لحظنه وحاط راسه بركبتي حس بيه جامده ماتفاعلت ويا مثل كل مره بس مع ذلك مااهتم رفع راسه وباسني بشفافيفي وره مده وخر وفرني وصار يفتح بسحاب مال البدله مااعرف شبيه حتى ماكدر احجي احس لساني نعكد وكعت البدله بلكاع ردت ابتعد راسا رجع طوقني بحظنه وبده من جديد

بعد مرور ساعتين

أثير.كاعد على جربايه ويدخن و اعصابه تلفانه من وره رهف وسوته قبل شويه عاط بيهه بصوت سمع بس صوت شهكاتهه تعلى بلغرفه

أثير. وتالييييي تجييين لو ادخل اسحلجججج كافي لعبتي نفسي تره صار ساعه منتظرج ماخليت طريقه ماقنعتج بيهه بس فهميني شنو هذا راس اليابس العندج

رهف. حجيت من وره الباب مال الحمام. انته ضحكت عليه ماكلت هيج كتلك مااكدر اتحمل حس بيه وانته ولايمك

أثير.لجججج بت الاوادم هوه شلحكت اسويلج حتى ماتحملتي لاتخليني اكسر الباب واطلعج طلعي من وحدج يلاااااااا رررررهفففففف

رهف. مامعليه اخاف والله مااطلع انته ماالك امان

أثير.مالي امان مو تحملي راح يجيج انتي مو مال احترامات صار ساعتين اتوسل بيج طلعين من الحمام وحظرت جنابج تتعززين عليه بس خلص بعد راح تاكليهه وربج وبسبب غبائج هم

رهف.بلعت ريكي بصعوبه من كلامه يمه شراح يسوي بيه مااحس اله ندفر الباب وفتح باب الحمام باوعلي كاعده بزاويه ودموعي تجري ضل صافن واني حايره بيش استر روحي من نظراته اجه سحب ايدي وطلعني ركضت لجربايه اخذت جرجف ولفيت نفسي بي حجه بعصبيه

أثير.انتي جبتيهه لروحج رهف اكليهه

رهف.اثير والله ماتحمل الله يخليك عوفني 😭

أثير. هههههههههههه ولج خبله هوه اني شسويتلج وهيج خايفه هيه بوسه وطفرتي لحمام بعد شبيج ترجفين

رهف.مااا اخاف عمه نوال خوفتني والله كالت تموتين من الالم

أثير.هاااا هنا الحجي يعني حجن وياج

رهف.بس هزيت راسي ماحجيت شي تقرب مسح دموعي وانطاني كلاص مي شربته راح سد الباب وطفه ضوه واجه تمدد يمي وسحبني لحظنه

اثير.يلا نامي ارتاحي خلص بطلت بس اهدي راح يوكف كلبج من البجي

ماصدكت حجه هيج حتى مناقشته توترت واني احس بحروره ايده على ضهري لان حاظني ماحجه اي شي توقعته نام اني هم استسلمت لنوم واحس جسمي رخه احسن من قبل شويه ماادري غفيت او لا بس حسيت بي جاي يتحارش والمصيبه مااكدر اتحرك لان يلزم مكانات على كولت سمر محظوره غمضت عيوني حييل واني احس بي حاط راسه بركبتي شال راسه لكاني كاعده اباوعله عيونه حمر وعركان رغم الغرفه بارده همس بهدوء

أثير.حبيبتي اني الي مااتحمل بعد مو انتي بس سلميني نفسج ولاتخافين

رهف.يعني ماتأذيني مو

أثير. اعتبر هاي موافقه

رهف.دنكت خجلانه منه وبنفس الوقت خايفه من جاي فجاءة كلبني ماانطاني مجال حتى افكر لو احجي اي شي

بعد اربع ساعات

ابتعد نايم على جه ثانيه وجار راسي لحظنه باس راسي وكال

أثير.مبرووك حبيبتي صرتي مرتي كول وفعل

رهف. بألم.الله يبارك بيك حبيبي

أثير.كومي اسبحي حتى ترتاحين شويه

رهف.مااكدر اتحرك الم موتني 😭

أثير. ليش البجي ياروحي

رهف.شكد توسلت بيك وحجيت وياك وانته ولاكانوا تسمع موتتني لافاد وياك دموعي وتوسلاتي هيج مااهمك اني 😭😭

أثير.حبيبتي شنو هذا الحجي ماتهميني شنو بس انتي هم قدري الوضع هذا شي لازم يصير سواء اليوم او باجر او بعد سنه صدكي نفس الالم بس لان بعدج بنيه وراهه تصير عاديه و كل هاي ألالم يختفي بس بلدايه هيج

رهف. شنو بعدين انشاء الله عدك نيه تعيدهه مره ثانيه

أثير.هههههههههههه لاحاليا مااكدر ارجعلج اخاف عليج لان موزين عليج بس نكدر نكول لصبح بيهه مجال 😉

رهف.ياااا والله معليه انته شوراك اني طاحظي من الوجع

أثير. وانتي شمدريج اني ماتأذه بس انتي تتأذين ها اعترفي 🤨

رهف.اني كايمه اسبح انته اليوم مدري شبيك ولاجنك اثير اصلا كانوا كدامي شخص مااعرفه

أثير. وعجبج اثير جديد لو لا 😉

رهف.والله انته بلحالتين مطيح حظي قبل جنت ايدك وطك وهسه هم والله مراح انساهه الك هاي اثير روح زعلانه عليك بعد لاتحجي وياي

أثير . أم زعلانه انتي منتبهه لوضعنه حاليا لو لا هههههههههه

رهف. غمض عيونك خل اطلع للحمام يلا حباب

أثير.ههههههههههههههههه

رهف. حباب عوف ضحك وخل اكوم

أثير.تعاي مدام أثير

رهف.شدسوي انته

مارد عليه شالني بيده وطبعا لافه جرجف عليه ودخلني للحمام فتح ضوه وطلع وسد الباب وخرت جرجف عني وانصدمت منظر دم عززه تكول ذبيحه هاي شنو خفت والله سبحت على سريع ودم مستمر بس من خلصت سبح انكطع امنت بس تحركت لبست الروب مال الحمام رجع وكع ضليت حايره شلون اطلع هسه كمت امشي على كيف واحس رجليه فاضن اول مافتحت الباب لكيت اثير كبالي شاف وجهي متغير من الخوف

أثير.حبيبي شبيج

رهف.اثير شوف داانزف مجاي يوكف

أثير. لابربج صدددك تحجين

رهف.داأكلك شوووف حموت من وجع بطني شسوي 😭😭😭😭😭

أثير.كله مننننج كتلج ثبتي ثبتي هيج احسن هسسسه فهميني شسوي بهاي الحاله انيييي

رهف.لاااا صيييح عليه كله من وراك انته فقدت متسمع بعد كتلك تاذيني جاي اموت من الوجع وانته ولا مهتم اصلا هسه جاي تلومني شوفلللك حلللل بعد مااتحمل حس بيه شويه الله يخليك 😭😭😭😭😭

أثير.انتظري خل اتصل على امي واخذج للمستشفى

رهف.ليش مستشفى !!

اثير.سكتي رهف هيه معروفه مامكتوبتلي راحه هيه كوه حتى بيوم عرسي لازم اتصخم واكلهه معدله

اباوعله يحجي بحركه اتصل على خاله شويه وكطعه مااعرف شكلتله رجع اتصل على عمر طلب اسم الدكتوره هذا الحجي اني كوه لازمه نفسي وكاعده بس تقريبا الاالم خف شويه باوعت على روحي انكطع دم رجعت للحمام غسلت جسمي وضليت اتحرك اريد اشوف انكطع لو لا بس نشفت غريب شنو هاي هيج وحده انكطع رجعت طلعت لكيته يدور عليه

أثير. ها شبيج شو تصفنين

رهف.اثير انكطع دم ماكو بعد

أثير.هيج وحده انكطع

رهف.اي وحده والله حتى الالم اختفى

أثير.هاج هاي دكتورت سحر احجي وياهه وفهميهه شنو الجان بيج وحاليا صاير وياج

رهف.شنو والله استحي احجي شي

أثير.رهف ترى تلفت اعصابي كافي احجي وياهه وفضيني خلي هل ليله تعدي على خير

رهف. اهدء خلص راح احجي وياهه

اخذت تلفون منه وهوه طلع كوه طلع صوتي وحجيت وياهه

رهف.الو

د. اهلا عروسه خيرج

رهف.مااعرف جان عندي الم ونزف كلش قوي بس شو فجاءة انكطع مااعرف ليش وحتى الالم اختفى

د. تمام راح اسألج كم سؤال واريد اجابه واضحه عوفي المستحه شويه رهف

رهف.انشاء الله

بدت تسألني اسأله محرجه وخاصه هيه تعرف حالتي كلش زين من خلصت جاوبتهه كالت

د. ههههههههههههه لاتخافين ماما ملابيج شي بس ضاهر زوجج فهم طلبته منج اكثر منج انتي بذات نفسج

رهف.شلون يعني مافهمت

د. بنتي انتي الغشاء عندج مطاط مو مثل باقي البنات وحسب كلامج هسه انو زوزجج كدر يخترقه من اول مره مع انو اكو حالات تطلب تدخل جراحي بس بحالتج انتي لابلممارسه ينفتح

رهف.هسه يعني دكتوره هذا الالم كله جان عندي بس لان اول مره مو

د. اي ماما انتي كلتي انو من سبحتي ولفيتي نفسج انكطع بس انتي المفروض مسبحين لصبح يلا حتى جرح ينشف ومايلتهب عموما بعد ماسمعت كلشي منج مااعتقد بقى التهاب بس انتي حاولي دفين نفسج رغم صيف بس احسن ومابيج غير العافيه

رهف.مشكوره دكتوره واسفين على الازعاج بهيج وقت

د.لا حبيبتي هذا واجبي وها لاتنسين ممنوع تخلي يتقربلج لباجر بليل يلا وبهدوء مو بعنف حتى ماتتاذين

رهف. انشاء الله دكتوره وشكرا مره ثانيه

سديته منهه وكمت فتحت جنطه طلعت سيت مالتي لبسته وجاي انشف بشعري ودخل اثير باوع عليه وكال

أثير.هااا شنو خلصتي مكالمتج

رهف.اي خلصت

اثير.وجاي سوين

رهف.اريد انشف شعري بس شو ماكو شسوار

اثير.انتي صدددك تحجين ادري من سديتي ماتكولين اكو كواد كاعد بره اطلع اكله شحجت وياي دكتوره وشنو حالتي

نزلت الخاولي عن شعري ورحت حظنته علمود اوخر التوتر شويه لان مبين خطيه كوه لازم اعصابه وجهه مكلوب كلاب رفعت نفسي وبسته بخده

رهف. اسفه حبيبي بس والله من كد الوجع جان بيه ماانتبهت لكلام الكلته

اثير.ليش انتي خليتي شي ماكلتي حسستيني واحد حيوان جان نايم وياج ولو مغتصبج هم ماتتخبلين عليه هيج

رهف.خلص انسى حباب وخلي هليله تخلص على خير مثل ماجنت رايد

اثير.ولاشي صار مثل ماجنت مخططله رهف تعرفين شنو ولاشي

وخر عني وراح كعد على جربايه وكام يدخن ضليت واكفه مكاني رفع راسه عليه وكال

أثير.اي شنو كالتلج سبب النزف زين تحتاجين مستشفى لو شنو

رهف.لامايحتاج تكول هاي لان الغشاء مطاط وانته اذيتني صار نزف قوي

أثير. والحل شنو هسه كالتلج على علاج شي

رهف.لا ماكالت كالت بس ادفي ولاتبردين منا لباجر

أثير. يعني ماكو شي خطر

رهف.لا ماكو

أثير.الحمد الله

كام دخل للحمام يسبح نشفت شعري بلخاولي فتحت جنطه علمود كلت ارتب وجهي شويه وصدك الكه شسوار راسا طلعته ونشفت شعري وسرحته وعفته وخليت مكياج شي بسيط بس علمود ارتب وجهي لان صار خريطه من البواجي طلع اثير من الحمام ااجه ينشف بشعره باوعلي من فوك لجوه سحبني عليه فتح الحزام مال روب وشمره بلكاع وطفه ضوه وراح لجربايه حظني وتغطينه ونمنه بدون مانحجي حرف واحد ثنينه ساكتين يمكن الصار ويانه اليوم خله كل واحد بينه يكتفي ومايحجي شي غمضت عيوني واستسلمت لنوم في سبيل يخلص هذا اليوم المتعب من بدايته لنهايته .

.................................

سمر.بعد ما خلصت العرس وزفيناهم للفندق رجعت اريد اصعد وي اهلي واجه مصطفى سلم على بابا واشرلي يلا رحت ويا بدون كلام ماحبيت الاسن كدام اهلي من صعدنه بسياره اني ساكته محجيت اي شي

مصطفى. هااا خير شو كالبه الخلقه

سمر . بشرفك هذا الترتيب وتعديل كله وتكول كالبه الخلقه صدك تحجي

مصطفى. هههههههههه بويه شبيج مو هيج قصدي بس شفتج ضجتي تردين ارجعج يم اهلج ماعندي مانع بس لاتبوزين هيج واذا على شكل فماكو داعي احجي لان الكاع محظوره حاليا اسكت احسلي ههههههههههه

سمر . كافي مصطفى لاتحجي هيج

مصطفى. شلون احجي انتي كليلي

سمر.اووي مصطفى شبيك

مصطفى. شنو هاي الاوي ولج اليسمعج يكول جاي*** .

سمر.يبووو عليك والله بعد ولااحجي شنو انته

مصطفى. هسه عوفج من هذا الحجي روح نتعشا مطعم وبعدهه ارجعج لااهلج لان هيج هيج اني رايح باجر للبصره

سمر.شنوو شسوي بلبصره !!

مصطفى. شغلي غير شسوي يعني وجبتج اليوم علمود تبقين وياي لان هاي الفتره صاير اشتاقلج كلش خو الغرفه مادخلتهه من طلعتي ولج جني حبيتج اني ماادري

سمر.وليش تحجيهه ومكشول وجهك كانوا فد شي مقرف

مصطفى. خررب يومج انتي شلون تفسرين الحجي بس فهميني

سمر.هوه اني لو انته الحجيت

مصطفى. سمسم سدي حلكج شويه مابيه حيل عركه خلينه مصافين رحمه لذاك الاب الطيب

سمر.هههههههههه هسه شنو شراح تعشيني

مصطفى. هاي وصلنه تعاي خل ننزل

نزلنه فد مطعم راقي بشكل يجبروك على الهدوء جنه ناكل بس اني مليت صار ساعه كاعدين هنا ماحجينه شي

مصطفى. شبيج شو ضايجه ماعجبج الاكل

سمر. هوه طيب يصير نطلبه سفري ونطلع منا حباب

مصطفى. ليش اكو شي ماعجبج بلمطعم ترى نظيف شغلهم وطبخهم لاتتوهوسين

سمر.لا مو هيج بسس

مصطفى. بس شنو سمر فضيني احجي

سمر.صراحه غير المطعم هدوء بي عجيب اذا تذب الابره تسمع صوتهه شلون تريدني اتعشا بهيج أجواء والله ولاابلع لكمه غير

مصطفى. ههههههههههههههه وشنيه الاجواء تناسبج ست سمر

سمر.نكعد على شط بسياره ونفتح اغاني بغرفتنه وناخذ راحتنه اكثر والله احلى من هذا المكان

مصطفى. ولج ناس دور الهدوء وأنتي تردين الهوسه صدك جذب

سمر.خلص اني راح اكعد هيج لمن تخلص عشاك ونطلع

مصطفى. وانتي ماتتعشين

سمر.مو اكلك مااعرف اكل بهدوء ومو اي هدوء لا مخيف بلنسبه اليه

مصطفى. هههههههههههههههههه كومي خبله خل اخذج اعشيج بلمركز بنص الهوسه انتي تفيدج هيج أجواء

سمر.لاتضحك عليه اني طبعي هيج مأاحب الهدوء شسوي يعني ماعاجبك رجعني لهلي

مصطفى . دكومي كدامي لاابتلي بيج هسه حتى اني نسدة نفسي من الاكل والمكان من وراج كومي

صدك طلعنه وطلب الاكل سفري رحنه سفط سياره على شط وفتح اغاني وتعشينه بسياره ضحك كال

مصطفى . هههههههههههههه هسه نفتحت نفسيتج زوجتي العزيزه

سمر.اووف كلش اممم الاكل يجنن عاشت اديهم

مصطفى . دخلصي وخل نروح للبيت تره صارت بثنعش هسه

سمر.صدك والله هاي شبسرعه

مصطفى. ماحسينه بلوقت والله لو ما سالفتج جان كملنه سهره بلبيت وشاركنه اثير عرسه اليوم

سمر.احم خلصت يلا نروح

مصطفى. ههههه يلا

طلعنه طول طريق لازم ايدي حسيت باحساس غريب ويا مااعرف شنوه بس شعور حلو من يحجي وياي لو من يتقرب مني احس فراشات طير معدتي عمري محسيت هيج وي اياد بالعكس جان دائما اكو شعور احتقار لنفسي مااعرف شنو سبب بس هسه تأكدت لان جان كلشي غلط من البدايه انتبهت من صفنتي على صوت مصطفى يحجي وياي

سمر.لعفوا ماسمعتك

مصطفى . بيج شي

سمر.لا ماكو شي يمكن تعب لان صار كم يوم حتى نوم مانام زين علمود الخبصه مال العرس

مصطفى. هاي وصلنه هسه ننزل كبل بدلي وتعاي نامي بحظني يجوز تعودتي عليه ماتكدرين تنامين اله عدي

سمر.اليسمعك يكول من زوجنه لسه انته مافاركتني شوهنه ليلة العرس وقبل عرس اثير بعد شوكت بتت يمنه بليل

مصطفى. هههههههههههههههه ابد ماضايجه مني مبين

سمر.لاعليمن اضوج لازم اتعود على شغلك قابل بيدك وماتجي

مصطفى. اروح فدوه لليفهمني ويطلعلي اعذار

سمر.😊😊😊

مصطفى. انوب تستحي دخيلج ترى احنه بشارع

جان يحجي وياي تقرب باس خدي ورجع لمكانه شلت راسي اريد احجي وياه صار ضوه قوي كدامنه صارة عبالك نهار باوعت لمصطفى يريد يسيطر على سياره ماكو والهورنات اشتغلت عطت بصوت عالي من حسيت بضربه

سمر.مصطفى انتبه دخييلك !!!!

.
.
يتبع

البارت التاسع والثلاثون

( الرتبه و الحشمه )
...........................................

عندما احسست بأن الموت يطاردنا
لم افكر في نفسي فقط كان همي الوحيد

وما يؤلم قلبي هوه خسارتك انت
رويتك وانته في تلك الحاله جعلت

قلبي يخفق وبشده ايضا حينها
فقط علمت انك استوليت على قلبي ❤
....................................................

مصطفى. هاي وصلنه هسه ننزل كبل بدلي وتعاي نامي بحظني يجوز تعودتي عليه ماتكدرين تنامين اله عدي

سمر.اليسمعك يكول من زوجنه لسه انته مافاركتني شوهنه ليلة العرس وقبل عرس اثير بعد شوكت بتت يمنه بليل

مصطفى. هههههههههههههههه ابد ماضايجه مني مبين

سمر.لاعليمن اضوج لازم اتعود على شغلك قابل بيدك وماتجي

مصطفى. اروح فدوه لليفهمني ويطلعلي اعذار

سمر.😊😊😊

مصطفى. انوب تستحي دخيلج ترى احنه بشارع

جان يحجي وياي تقرب باس خدي ورجع لمكانه شلت راسي اريد احجي وياه صار ضوه قوي كدامنه صارة عبالك نهار باوعت لمصطفى يريد يسيطر على سياره ماكو والهورنات اشتغلت عطت بصوت عالي من حسيت بضربه

سمر.مصطفى انتبه دخييلك !!!!

حجيت هيج وبعد ماحسيت بنفسي اغمى عليه حسيت على ايد تضرب على وجهي فتحت عيوني بثكل اني وين اباوع هاي غرفتنه شنو هاي يعني جنت احلم اني مامعقوله يطلع حلم باوعت لكيتهم كلهم ملتمين عليه خاله والحجيه وشهد والبنات طفرت بفزع

سمر.مصطفى ويين مصطفى وينه الله يخليكم احجو وينه

خاله.على كيفج يمه موجود اهدي شويه

سمر.الله عليج خاله وينه لاجذبون عليه 😭😭😭

الحجيه.خايبات روحن صيحن رجلهه البت فرفحت علي

سمر.يعني هوه بره

شهد.سمر اهدي والله موجود ومابي شي جان كاعد يمج بس دك تلفونه وطلع

مصطفى. ها ما كعدت

اباوعله طب للغرفه اول ماحجت شهد نسيت كل الموجودين وركضت عليه حظنته وبجيت

سمر. ونبي متت خوف شنو صار انته بيك شي خو ماتأذيت 😭😭

مصطفى. كافي على كيفج ماكو شي هاي واكف كدامج بعد شبيج

سمر. احجيلي شصار

مصطفى. نظربت سيارتنه من وره حاولت اسيطر عليه بس صارت سياره كدامي ربج جان اكو عرصه فارغه راسا دخلت بيهه وكدرت اخلص منهم بس للاسف وحده دخلت بثانيه سيارات ردت انزل اشوفهم لكيتج مايعه روحج جبتج واجيت لهنا

سمر.يعني ثنينهم ماتوا هسه

مصطفى. ماادري نقلوهم للمستشفى مانعرف شنو اخبارهم بعد

الحجيه.هسه جده الحمدالله من طلعت انته ومريتك بخير من هذا الحادث

خاله.اي والله يمه الف الحمد لله من طلعتوا انته ومرتك بسلامه

شهد.اكول سمسم ماعندج نيه توخرين من حظن مصطفى شنو عجبج الوضع

سمر . عززه ستوني نتبهت بس جانن مرت كمال ومرت مهند بس واكفات وخرت عنه ومااسمع اله صوت اكثر شخص صرت اكرهه بهذا البيت

نصير. بعد وكت ليش وخرتي جان ستحيتوا واكفين متحاضنين كدام الكل شني يخوي حتى العيب نسيته من وره مرتك المصون

مصطفى. نصييير لاتبلش ماعاجبك وضعنه لاتباوع محد كلك ادخل علينه للغرفه

نصير.هوه انته ضل طول عمرك طايح حظك جان ستحيت اخوك واكف كدامك وانته حاظن مرتك

مصطفى. نصير بروح اعزازك اسكت لاتخليني اجفص بلحجي انته ملاحظ احنه ستونه طلعنه من حلك الموت جان رحنه بيهه ثنينه لوما ستر الله وانته جاي تحاسبني على سوالف تافهه وبعدين بطل تجاوز مو زعطوط كدامك حتى تحاجيني هيج

نصير. طبعا سوي حادث ليش الوكت جاي بي شتتوقع هيج وكت شارع متروس بس سكاره وسرسريه انته لو محترم نفسك وراجع للبيت من وكت ماصار عليكم شي

خاله.ولك يمه غير جان عدهم عرس اكيد يتاخرون

نصير.اكو عرس باقي لثنعش ونص كولي شوفي ابنج وين جان دايح هوه وست الحسن

مصطفى. والله اعتقد هذا شي مايخصك وين اروح وين اجي موشرط اكعد افسرلك وهسه مرخصتك اريد ارتاح وراي كعده من الخمسه

نصير.وين تريد تولي بلخمسه تلزم باب الفندق لاأخو مرتك لو تاخذله الريوك وتروح ههههههه

مصطفى. لااولي للبصره وعساني لااجيت بعد من وراك كرهتني بعيشتي وبزعتني بنكك كافي انته ماتمل يعني

الكل.اسم الله

الحجيه.يم اسم الله عليك ليش تحجي هيج وانته وراك درب ماتدري شيصير

مصطفى. حجيه بزعني ماكو هيج والله العظيم على طلعه يحاسبني على نومه يحاسبني حتى لو ازغر نفر بلبيت هم ميحجي وياي هيج. ترى مو طفل اني ظابط ولي هيبتي شنو يعاملني هيج اكبر مني امنت بالله بس كافي مصخهه

سمر.همست على كيف .كافي شبيك مايصير هيج

خاله.يمه غير يخاف عليكم لاتتحسس منه هوه من خوفه وحرصه عليك يحجي هيج

مصطفى. واني مقدر هذا شي بس ..

نصير.لا بس ولاشي لو تحجي لصبح ماأجوز عنك لاانته ولاهاي الوكفه بصفك منا لمن تجرون عدل و هسه موتريد تنطمر انطمر احنه طالعين يلا امشوا

مصطفى. انته فعلا الكلام ضايع وياك

الحجيه.كافي بيبي لخاطري اتعوذ من شيطان ونام وراك طلعه من صبح يلا يمه امشونه

طلعوا وسدو الباب وراهم راح كعد على جربايه ويدخن حقى محد يلومه نصير مصخهه كلش يعني وصلت بي يدخل لغرفتنه ويرزلنه شنو جهال عنده بس مصطفى هم غلط مايصير يعلي صوته علي يبقى اخو جبير رحت كعدت يمه ولزمت ايده

سمر.كافي تحرك بأعصابك اهدء شويه

مصطفى. سمر عوفيني لاتجين يمي لان كوه لازم نفسي لاتطلع بيج ابتعدي عني مااريدج تنغثين من كلامي

سمر.ماشي براحتك

عفته وكمت ماحبيت اضغط علي خلي ياخذ راحته رحت اخذت ملابس بدلت بلحمام وطلعت هوه على نفس كعدته طلعته جنطته وحظرت ملابسه بيهه جنت اشتغل على صامت هوه طفه جكاره كام ذب هدومه ونام على بطنه رحت شلتهن فرغت جيوبه وشلت الهدوم وكعت ورقه شلتهه فتحتهه بيهه رقم ومكتوب جواهه موتتاخر عليه منتظرتك ضليت جامده شنو يعني للحظه ردت اتعارك وياه بس تراجعت رجعت الورقه مكانهه وطفيت الضوه ورحت نمت من جه ثانيه اجذب اذا اكول غفت عيني تفكير

اخذ من حيلي حسيت عليه يكعد بيه ماادري شوكت نمت كوه فتحت عيوني

سمر . همم

مصطفى. كومي لبسي وكملي نومتج يم اهلج

سمر.ليش شعندي رايحه لااهلي من صبح

مصطفى. كومي سمر بسياره افهمج مااريد اعوفج هنا ولاتنسين اليوم صباحية اخوج

سمر.بس عيب من اهلك شنو كل يوم رايحه

مصطفى. لاماتباتين عدهم خل واحد من الولد يرجعج او ادزلج مهند عود من اوصل اني اخابرج بس استعجلي راح وكتي ترى

سمر.كمت غسلت وطلعت لكيته يبدل عدلت الفراش وطلعتلي بشت لبسته فوك تراكي وجاي ادور على شال اجه حظني من وره

مصطفى. شنو نعسان الحلو حتى لابسه فوك هدومج ومامنتبهه

سمر.والله كوه فاتحه عيوني مالي خلك ابدل بعدين عود هناك البس

مصطفى. زين اخذتي هدومج

سمر.لامااخذت هنه ملابسي بقن هناك

مصطفى. تمام يلا استعجلي

سمر.شنو ماتتريك قبل لاتروح

مصطفى. لامااريد مااعرف اكل من صبح خليهه عود من اوصل اتريك

سمر.ماشي براحتك يلا ماعندي شي بس غير لازم نكول لخاله للحجيه

مصطفى. تعاي ورايه الحجيه جاي صلي هسه

طلعت وراه وقفلت الغرفه بأمر منه ورحنه لغرفة الحجيه هيه تفاجئت بينه من دخلنه عليهه

مصطفى. صباح الخير يلغاليه

الحجيه.صباح العافيه عليكم يمه شعدكم مغبشين اليوم

مصطفى. حجيه اني طالع للبصره وسمر راح اوديهه لهلهه

الحجيه. يااا ليش يمه تروحين لهلج شني زعلتي من نصير لو هاي كل مايروح رجلج انتي ترحين لهلج

رحت كعدت كدامهه

سمر.لا والله بيبي مو هيج انتي تعرفين اليوم صباحية اخويه والكل مجمع عد اهلي انشاء الله العصر ارجع لو بليل يعني موشرط يطلع مصطفى اني اطلع اني مكاني هنا بعد هذا بيتي بس وداعت بابا لان اليوم اكو مناسبه بيت اهلي رايحه واني اعرف زودتهه كل يوم رايحه بس اتمنى تعذروني بس اليوم

الحجيه.لايمه معذوره غير عرس اخوج لاتخافين حبيبه محد شايل بكلبه عليج ومن تعاشرينه راح تعرفينه زين

سمر. مشكوره بيبي

مصطفى. يلا سمر تاخرنه حجيه بلغي اهلي من يكعدون واني اخبارهم من اوصل ان شاء الله

الحجيه.الله وياك يمه ودير بالك من طريق محروس بالله ومحمد وعلي

باس راسهه مصطفى واني سويت مثله وطلعنه اباوع السياره متاذيه من وره يلا الحمدالله محد بينه تأذه من صعدنه كتله

سمر.مصطفى شلون تروح بيهه هاي سياره وهيه هيج

مصطفى. لامااروح بيهه راح اذبهه بلمركز وأخذه سياره مالتنه هاي مايصير اروح بهاي وعود من اجي اخذهه لتصليح

سمر.ليش خو خلي واحد من الولد ياخذهه يسويهه على ماترجع

مصطفى. الله كريم اشوف بعدين

بعد سكتنه محد حجه شي الجو جان حلو ستوه طالع صبح بده يكشف الوكت وشوارع فارغه هدوء عجيب بيهه وصلنه لاهلي اتصل على عمر علمود يفتح الباب من ردت انزل كال

مصطفى. هاج خلي ذني بيدج خاف تحتاجين واني عايف بلكنتور فلوس شنو تحتاجين اخذي منهن ماشي

سمر . ماله داعي عندي والله

مصطفى. سمسم لاتعاندين يلا وها من ترجعين للبيت اتصلي عليه وشنو يصير وياج بلغيني مفهوم

سمر.مفهوم وانته هم دير بالك على نفسك ولاسوق سريع الله يخليك

مصطفى. انشاء الله يلا هذا عمر طلع انزلي

عمر.هاا ولك مكعدني من الصبح شعندك

مصطفى. موتدري بيه طالع للبصره بعد شلك بيهه هاي و ردتك تفتح الباب لسمر واني رايح ارجع انطمر يلا ههههه

عمر . وانتي ولج تبيعين كيمر شعندج من صبح جايه

سمر.وخر عمر خل ادخل راح انام واني واكفه والله

عمر.ادري متوازيه ماخليتي رجال يتوكل واني اجيج من تكعدين انته ماخابرتني ليش تعطلت على مودهه

مصطفى. لايخوي شني سالفه مانريد نزحمك يلا هسه اودعناكم تاخرت وباركلي لااثير وخل يعذرني هوه يعرف شغلنه شلونه

عمر.طيحان حظ غير بس شنسوي الله كريم

مصطفى. يلا اخابرك عود اوفيك بالاخبار

عمر.الله وياك بس جر عدل دروبك هناك بطلهن لااخرطهن لسمسم وانته فاهم قصدي زين ههههه

مصطفى. هههههههههههههههه كافي صم حلكك رايح

عمر.الله وياك يخوي درب سلامه

راح مصطفى دخلنه اني وعمر ماحجه شي باس راسي وصعد يكمل نومته واني دخلت لغرفة مرح بس شمرت جبه وشال ونمت جفي كوه فاتحه عيوني من نعاس والله .

..........................

رهف.كعدت صبح قبل اثير جان نايم على بطنه بس وجهه عليه ضليت صافنه عليه مرات تجي بالي اكول معقوله هذا زوجي مشيت ايدي على لحيته بهدوء عجبني ملمسهه ناعمه وهاي اول مره اجرء واسويهه تقربت منه وبوست شفايفه على كيف ردت اوخر سحبهن راسا فتحت عيوني مصدومه شنو غير نايم فتح عيونه مبتسم طول كلش بلبوسه لحد ماختنكت وخر عني وكال

اثير.ليش تتحارشين بيه من صبح

رهف. انته موجنت نايم شكعدك هيج بسرعه

أثير. خفت على روحي لاتعتدين عليه وأني نايم ههههههه

رهف.او اثير كافي شبيك موكتلك لاتحجي وياي هيج والله استحي

أثير. فديت اليستحي اني صباح العسل يا عسل انته

رهف.هسه شكلك اني صباح نور هيج احسن مو هههههه

أثير.مشيهه عمي اهم شي ضحكتي

رهف.بيش ساعه هسه

أثير.اوو بلعشره يلا كومي البسي خل نروح للبيت تاخرنه عيب هسه الكل منتظرنه

رهف.اي كايمه

اول ماكمت جنت ناسيه شلابسه اني وماأسمع اله صوت تصفير باوعت عليه جان عاض على شفته كال

أثير. تعاي تراجعت خليهم منتظرين لباجر شنو يعني

رهف.لاعيب شنو خليهم يلا كوم البس

أثير.يعني مابيهه مجال كلش ترى عريس اني لاتنسين

رهف. هههههههههه كوم اثير عفيه وبعدين دكتوره كالت مايصير بعد

اثير. شنو شنو شوكت هذا الحجي شو ماكلتي امس من سالتج

رهف. هيه كالت والله مايصير لان اتاذه

أثير. وشكد بالله لازم انتظر

رهف.بعدين اكلك كوم البس

اثير.احجي ولج فضيني

رهف. هههههههه ليل يلا

أثير. هااا يعني اليوم لازين واني عبالي جم يوم كايلتلج

رهف.ههههههه

ضحكت ورحت بدلت بلحمام وطلعت خليت شويه مكياج علمود يترتب وجهي واثير هم لبس بس ماكو مايبطل يتحارش

اثير.يلا حبيبي كملتي حتى نطلع

رهف.اي كملت بس اجيب عباتي

لبست عباتي وطلعنه لاكانه عمر باب الفندق سلم علينه وتباركلنه وصعدنه طول طريق هوه وعمر واحد يرفع واحد يكبس عززه متت من المستحه من وراهم ههههههه.

.
يتبع

البارت 40
البارت الأربعون

( الرتبه و الحشمه )
............................................

رهف.وصلنه للبيت والكل ستقبلونه بلهلاهل وجكليت وتبريكات حتى دخت ومااذكر منو سلم ومنو لا لان هوسه دخلنه جوه واني عفت اثير ورحت للبنات

مرح.ياهلا بلعروسه شلونج يحلوه

رهف.هله بيج يروحي انتي شلونج

مرح.والله على هذا الوجهه المورد الحمد الله هههه

رهف.ههههههههههه

سحر.مبروك فوفه شلونج خو مامتاذيه

رهف.الله يبارك بيج شوي مو هواي

سحر.معناهه ليلتكم جانت طاحنه هل تعبانه هيج 😉

رهف. لاتبلشين تأدبي سحر

سمر.مبروك يااحلى مرت اخ 😘

رهف.يعمري سمسم الله يبارك بيج

مرح.تعالن خل نكعد هنا اليوم كل وحده عدهه اخبار شكل

رهف.اني عن نفسي فضايح عندي مو اخبار هههههههههه

سحر.لاولج اني اقوى جان راح طفل امس لو ما ستر الله

البنات.😯😯😯

مرح.ليش ولج

سحر.يمعوده اخوج غير البارحه مزاجه عسل علمود زواج اثير تالي جا راح الطفل من وراه

سمر.ليش انتي سامحتي وعادي رجع يتقرب منج لو امس اول مره

سحر.اي تصالحنه صارلنه سبوع يعني اقصد من رجع من الخفر ذنيج العشرة ايام

رهف.وهم ذكرتي شسوه بيج اول مره لو كدر ينسيج

سحر.مااجذب عليجن واكول نسيت صعب انساهه واصلا نطبعت بذاكرتي شنسه منهه بس كولي تناسيت علمود الطفل جاي شنو ذنبه يعيش بين عائله متشتته

مرح.تفكيرج صح والله لازم تفكرون بي لان خطيه هوه الوحيد اليوكع بيهه اذا بقيتوا على خلاف انتي وعمر

سحر.وهوه هذا سوينا احنه

رهف . يعني انتي ماحبيتي عمر لحد ألان

سحر.لا طبعا حبيته وهذا شي ساعدني انو اكدر اسامحه وافتح وياه صفحه جديده

سمر.الله يسعدكم يارب

البنات.امين

مرح.بنات تدرن وسام حدد موعد العرس واني خايفه كلش شسوي

سحر.صدك شوكت

مرح.بعد شهر

رهف.وخايفه من هسه شنو سالفه مرح بعد وراج هواي

مرح.لا شنو هسه بسرعه يخلص ومانحس بي الايام تركض ركض

سمر.وانتي عليمن خايفه موتحبين وسام معناهه كلشي يسهل من وحده اهم شي اكو رابط قوي بينكم مو زواج تقليدي

رهف.سمسم شبيج شو احسج مخنوكه

سمر.لامتوهمه مابيه شي عادي

سحر.خاف لان ابو صوف ماهوه وكمتي تشتاقيله .

سمر.هااا لا اني رايحه اشوف ماما خاف تريد شي

رهف.شنو شبيج اكعدي من شوكت اضمين علينه احجي البكلبج حتى ترتاحين

سمر.بس وعد تبقى بيناتنه

البنات.وعد والله

سمر.شوفن اني من زوجت لحد لان ................

مرح. وانتي شلون تخلينه يجاوز عليج حتى لو مرت اخو المفروض يحترمج مو يقلل من قيمتج ويرزلج كانوا طفل كدامه

رهف.مرح على كيفج وياهه مو هيج

مرح.من حركت كلبي والله شنو يجاوز عليهه وهيه ساكته ورجلج شلون يسكت عنه و هوه يشوفه يرزل بيج وبي

سمر.مرح انتي سمعتيني شكلت كتلج كل شويه متعاركين هوه وياه على نفس الموضوع بس مايجوز شيسويله يعني لحد اليوم صبح راح وهوه صاير بارود من وراه

سحر.اووف الله يكون بعونج شلون متحمله وساكته

رهف.بنات خلينه نكون واقعين شويه يعني هوه واحد مستفز لاابعد حد حسب كلام سمر ومصطفى بكل مره يوكف بوجهه بس مايجوز منهم بهاي الحاله تردن سمر نجاوز وترد عليه شراح يكون موقفهه ساعتهه اول شي ماحترمت رجلهه وثاني شي توكع من عينهم لان جاوزت على حماهه فهيه من تسكت تكسب ثقة الاهل واحترام مصطفى لان لخاطره هيه ساكته فهمتن قصدي

سمر.اي والله وهذا المسويته اني بس لخاطره ولان استحي والله امد لساني عليه وهمه كلهم ملتمين وخاصه مصطفى يبقى يشيل روحه ويطكهه بلكاع وهوه يحجي بكل برود ولاجنه مسوي شي

سحر.الله كريم اتحملي شسوين بلكت من وحده يبطل منكم

سمر.ياريت هيج الله يسمع منج

رهف.كافي سمسم لاضوجين والله ميستاهل هيج وتحد تغثين روحج من وراه

سمر.لايمعوده بس اني شايله هم شلون بيه هناك وخاصه مصطفى ماهوه وماادري شوكت يرجع

مرح.خليج هنا لحد مايرجع رجلج وروحي وياه

سمر. مايقبل ابقى كال ارجعي وحتى عيب منهم كل يوم جايه هم عندي التزامات هناك فشله هسه شيكولون عليه

سحر.انتي بعد بكيفج شنريد نكلج اذا انتي مقتنعه بحجيج هذا روحي وخليج على تواصل ويانه

سمر. وهوه هيج ماعندي غير صبر واشوف شنو تاليتهه وياه

عمه نوال . شنو هاي لمه الحلوه شلونهن بنياتنه

سحر.عمه حددي كلنه لو بس مرح مرت العزيز هههههه

عمه.لاكلجن نفس المعزه وكلجن بنياتي

رهف. بعد عمري عمتوا

سحر.وحتى رهف هم الهه معزه خاصه عندج موردتيهه لحيدر

عمه.يااا ولج اسكتي لايسمعج هذا الخبل ويهد عليه هسه

سحر.اعترفي عمه يعني ماضجتي لان ماصارت رهف جنتج هاا

عمه.ولك عمررر تعال خلصني من مرتك صايرتلي خرابة بيوت من وره حبالتهه ولج انتي شطلع عينج هيج جنتي عاقله

البنات. ههههههههههههههههه

عمر.خير عمه سمعتج صحتي عليه

عمه.ولك تعال خلصني من مرتك هالايام متخبله علينه لسانهه شطوله صاير

عمر.افاا صدك سحر لسانج طولان شو ماادري اني ههههههه شو طلعي خل اشوفه

سحر.ههههههههههههههه كافي عمر موقصدي والله

عمر.لاابد لازم تتعاقبين على غلطج شلون تجاوزين على عمتي مو عيب عليج يلا

سحر.شنو يلا انته صدك تحجي تريد تعاقبني وهنا هم

عمر. لا مو هنا تعاي وراي اليوم اطيح حظج حتى توبين

عمه.ياا يمه شبيك انته ماصدكت شني اشاقه وياهه روح يم اخوتك وعوف البت حامل لاتسويلنه طركاعه

عمر.ها ماتحجين ست سحر شو نخرستي

سحر. لا اني صدك جاوزت على عمتي عاي راسج ابوسه عمه بس سامحيني

عمه.يبعد عمتج اشاقه وياج ماادري بي خبل هذا

عمر. هسه تصافيتن واني طلعت موزين يلا عمي نعم الله عليجن

هدى.يلا رهف عمه تكول خل تجي اثير منتظرج حتى تتريكون

رهف.يا والله استحي اروح يمهم شون

سحر.تعاي اني وياج روح اني هم جعت لان تريكت من وكت امشي

ضحكت على سحر صايره بسرعه جوع رحنه للهول جانو كلهم متجمعين يالله عود صدك نكعد هنا اجت هدى كالت

هدى.تعاي رهف اثير بغرفة جدو

سحر.يلا روحيله اني رايحه اشوف عمر وين اريد اعاقبه على سالفة لسان

رهف. اكلج صدك الفهمت اني من كلامكم لو جان صدك يحجي

سحر.ياا شوف هاي ثوله جاهوه اذا راد يعاقبني بلساني شبيج رهف فتحي مخج شويه

رهف.والله عرفته لان ميت من ضحك خرب يومكم همزين عمه مانتبهت شكد عيب منهه ههههههههههه

سحر.دخل اروح اشوفه وين خطيه لاضل بكلبه ههههههههههه

رهف.عمه بعينج ولج عيب شتكليله

سحر.سهله حبيبتي اجتني نساوه مو ما تدرين غير نساوتي على بوسات عمر

رهف.لاصدك والله

سحر.اي والله شفتي ابني من هسه واحد ساقط يدور مباوس وهوه بطني ياخوفي من يكبر شيطلع بس لايطلع على اثير

رهف. ليش يمه وابوه شناقصه ويطلع على اثير

أثير.لا مو عمه ضرب رقم القياسي بسقوط سنه ونص مزوج بت عمه وبنفس البيت ومحد فكس بي هههههههههه

رهف.هههه كافي سحر لايسمعج أثير كلش ينزعج من هذا الموضوع

سحر.اووي عيني كايمه تخاف على احساسه دروحيله تلكينه هسه طكه جوع

رهف.ههههههههههه راجعتلج بس خل اشوفه

سحر.ديرو بالكم مو تتريكون بغرفة جدو ولنه جافت عليكم هههههههههههههه

رهف.هههههههههه يمه منج خل اشرد احسن

عفتهه ورحت لغرفة جدو لكيته كاعد هوه بيبي وعمه سعاد وجدو وعمو محسن عزززه واني عبالي وحده

عمه سعاد. تعاي يمه برد الاكل

بيبي.ولج ماتدنين شبيج شارده عن الولد لو هاي بس كدامنه

رهف.هاي بيبي كعدت

رحت كعدت يمه صبتلنه عمه جاي هوه جان مدنك على تلفونه مارفع راسه اخذ جاي منهه مااكل شي

عمه.يمه دتريك ليش بس جاي

أثير.لاحجيه مااشتهي وداعتج بس جاي مصدع شويه

رهف.همست على كيف. شبيك ليش ضايج

أثير.ليش يهمج يعني

الحجيه.يمه رهف خلصي ريوكج وروحي تحظري لاتجي العالم تبارك على الغده هسه يجون

عمه سعاد. اي ولاتقبطين بلبس هيج البسي مال عرايس شوفيلج وحده من بدلاتج البسيهه

اثير.خو ماكو شي بدلتيش والبيت متروس عالم هاي ملابسهه مستوره مابيهه شي وحتى الحجاب ماتنزعه

بيبي . يااا ولك غير عروس شلون ماتبدل وتعدل على حجيك هذا تطلع للعالم بجادر صلاة احسن

أثير.اني ماكلت هيج حجيه بس كلت تلبس مستور لان البيت متروس شباب

عمه. دتريك هسه وعود هيه تلبس مثل ماتريد لاطلعهه من خشمهه على كيفك وياهه مو كله نتر

عمو.وانتي شبيج محروك دمج عوفي الولد هوه ومرته لاتدخلون

بيبي.يا واحنه شكلنه هسه خليهم براحتهم

أثير.دايمه رهف اذا كملتي لحكيني بره

رهف.اي جايه

عمه.هههههههههههه يمه الله يساعدج شماله هذا مطنكر غير صباحيته اليوم

عمو .هههههههههههههههه والله ولامبين شو مكدر

عفتهم يضحكون بينهم وشلت صينيه وطلعت اخذتهه للمطبخ حطيتهه اريد اغسلهه ماقبلت مرح اخذتهه مني واني طلعت اريد اشوفه وين لكيته يم درج اشرلي اجي صعدت وراه كبل لاندخل للغرفه دار عليه كال

أثير.غمضي عيونج

رهف.ليش اغمضهن يعني

أثير.موكتلج غمضي ليش تعاندين

رهف. بس لااصيح هاي راح اغمض

أثير.عفيه اسمعي الكلام

غمضت عيوني وحسيت نرفعت عن الكاع فتحت عيوني بسرعه لكيته اثير شايلني وفتح باب الغرفه ودخلنه سد برجله اباوع الغرفه تخبل شي خيالي ضليت صافنه عليهه نزلني وضليت افتر بيهه وهوه وياي حاضني من خصري كال

أثير . هاا عجبتج غرفتنا

رهف.جنن اثير ولاتوقعتهه هيج شنو هاي معقوله هاي غرفتي

أثير.روحي شوفي الحمام غيرت ديكوره كله

رهف . صدك والله

اثير.والله روحي

صدك فتحت الباب اباوع عليه شكله قريب على غرفة نوم سديت ضوه وطلعت كتله

رهف.كلش حلوو تصدك يشهي الواحد يسبح هسه

أثير.لا لاتسبحين خليهه ليل واسبحي

رهف.ليش يعني

أثير.هههههههههه بلا ليش يلا جهزي نفسج حتى ننزل

رهف.زين سؤال شبيك جنت ضايج جوه

أثير.منج جنت ضايج

رهف.ياا مني ليش شسويت

أثير.انتي من شفتي البنات اختفيتي بعد ولاجن اليوم صباحيتنه ولازم تبقين يمي احذرج تعيديهه مره ثانيه رهف وين مااكعد انتي تكعدين يمي حتى من يخلص سبوع العرس

رهف.ماشي مثل ماتريد بس لاضوج

أثير . اكلج تعاي شويه ناخذ ريست كبل لاتبدلين

رهف.ههههه مو كلنه مايصير شبسرعه نسيت

أثير.هاي شون سالفه تعاي عمي خل ننزل وبعد لاصعدين ليل احسن حل لان مااكدر الزم نفسي عنج بعد صار البارحه

رهف. تمام بس اجهز نفسي وننزل وانته ماتبدل

أثير . اي أطيني تراك من يمج تلكي معلك بلزاويه

رهف.تراك !!

أثير.شبيج شو مستغربه

رهف.لا بس توقعت تلبس دشداشه لان اليوم صباحيتنه

اثير. عادي روحي جيبيهه معلكه بلكنتور يمج

رهف.اي تمام

رحت طلعتهه اله عفته يبدل واخذت ملابسي ورحت للحمام بدلت وطلعت اباوع على اثير طالع يخبل بلدشداشه متغير شكله كله جان واكف يعدل بشعره على المرايه صدك صفنت علي

أثير.ها هيج عجبتج حتى عيونج تلمع كامت

رهف. حجيت بدون وعي .طالع تخبل كلش حلوه عليك والله

أثير.هههههههه عيونج الحلوه حبيبي

رهف.تلاحكت نفسي عززه اكلت الولد بعيوني هسه شيكول عليه رحت اكمل تبديل جنت لابسه فستان طويل ابيض شيفون ساده ومن يم الصدر بي حفره وردن مالته طويله وبيهه نقش حفر بالاخير فد شي مرتبه لبست وياه الحذاء الأبيض مال البدله طلعت طويله سحبت شعري عفته مفتوح ورتبت وجهي ماخليت مكياج هواي لاشي قليل وبارز بنفس الوقت عدلت شعري وشلته من طرف اريد اخلي ماشه وجان اسمع صوته باوعت واكف وراي كال

أثير.لفي شعرج ولبسي حجابج لاتنزلين هيج

رهف. ميكعد حلو وياه الحجاب خليني اعدله وننزل بس اليوم

أثير. لاتحاولين ماكو طلعه منا لباب بدون حجاب يلا حبيبي استعجلي شويه

رهف.ماشي شريد اكلك يعني

صدك طلعت شال قريب لونه اله ويكعد وياه لفيت شعري ولبست شال وهم استفاد منه لان اثير مسوي ركبتي خريطه كملت ونزلنه البيت صاير هوسه ضليت كاعده يمه مثل ماراد اجت سمر صورتنه لان اثير لااول مره يلبس دشداشه بارز بيهه وكل شويه واحد ينطي رئيه بيهه التهوا بلغده والهوسه واحنه على نفس الكعده متت ردت اروح يم البنات بس ماقبل كعدت وسكتت .

.....................

سمر.اليوم جان طويل ومتعب واثير ورهف ماشاء الله عليهم يخبلون طالعين سوه جنه كاعدين نضف بلمطبخ وره الغدى وهوسته مصطفى ماكو اخبار عنه شكد اتصلت علي ومارد ردت اشوفه وين وصل جنه ملتهين نظف ودك تلفوني همزين خالته بجيب البنطرون طلعته راسا بس رقم لحد الان ماخازنته بجهازي كون يدي بيه حتى يتخبل صدك ههههههه اخذته وطلعت للحديقه جاوبت

الو

مصطفى. شلونك ياحلو

سمر.الحمد الله انته شلونك شوكت وصلت

مصطفى. والله ميت من تعب من وصلت لسه اني اركض على هاي وعلى هاي

سمر.الله يساعدك اكول اتصلت عليك ومارديت ضل بالي

مصطفى. كتلج والله انشغلت اي اثير شلونه شخباره

سمر.الحمد الله زين كاعد يم مرته اليوم من صبح لسه الكل مصدوم من اثير شلون كاعد لسه وماطلع

مصطفى. غير عريس ومبين مرتاح شعنده طالع الله يهني

سمر.إي والله امين الله يسعدهم

مصطفى. واحنه شوكت يوصلنه سره ونرتاح مثلهم

سمر.هاا

مصطفى. دخيل لها هاي مالتج تخليني افقد عليج

سمر.اريد اسالك شغله بس موتفهمني غلط وبدون اعصاب

مصطفى. ياستار كولي بالله

سمر.البارحه من شمرت ملابسك بلكاع وشلتهن وكعت منهن ورقه ومكتوب بيهه رقم وكلام هم اريد اعرف شنو معناهه

مصطفى. هاي البارحه بعرس بااثير اجت وحده حطتهه بيدي وراحت ردت اشمرهه بس اجه ابوج حطيتهه بجيبي وبعد نسيتهه اليوم صبح من بدلت شفتهه وشمرتهه بزباله ماشفتيهه

سمر.شنو معقوله بنيه هيه تنطي رقم تلفونهه مو الولد

مصطفى. والله هذا صار يمكن كسرت خاطرهه شافتني شاب حلو وانيق ورتبه ومرتي مو بحالي شفقت عليه لان شافتني وحيد

سمر.ليش يمه وحيد واني شنو خراعة خضره وتشفق عليك وبعدين حظرتك عايشلي دور الفقير ومتونس بي صدك تحجي

مصطفى. ياربي دخيلك انتي متاكده سمر لو مبدليج شنو هذا صوت ولج

سمر.اذا انته تجفص بلبطن شتريد اسويلك يعني اطكلك تحيه

مصطفى. هههههههههههههههه شنو ولج تغارين عليه مااصدك

سمر.ليش ماصدك ومنو كالك اغار عليك طبعا لامااغار

مصطفى. وهذا الخبال شتسمينه

سمر.مجرد ردة فعل لااكثر ولااقل

مصطفى. هااا كتيلي ردة فعل

سمر.اي اني حروح البنات يصيحن عليه خل اشوفهن

مصطفى. اي شردي شردي بس خل ارجع واني اعلمج ست سمر لسانج طولان وياي كلش

سمر.لالعفوا عيني اني اكدر اجاوز على سيادتك

مصطفى. هم عوزج تجاوزين حتى اشيلهه اخر حاحز حاطه بيني وبينج ولو هيج هيج راح الغي انشاء الله بس ارجع

سمر.هاا يلا تريد شي مني

مصطفى. لاسلامتج بس من ترجعين اتصلي عليه از دزي رساله حتى اعرف بيج رجعتي تمام

سمر.تمام انته هم اتصل من تفرغ واذا ماكو دز رساله

مصطفى. ماشي يلا اروح اني يمي جماعه بعد مااكدر احجي ديري بالج على نفسج تمام

سمر.تمام وانته هم دير بالك على نفسك