البارت 32___33

البارت الثاني والثلاثون

( الرتبه والحشمه )

...........................................................

حين احببتك ادركت انك انت وحدك الصوابي

الذي بحثت عنهه طول سنين ❤❤

.................................................

اياد.احسلك تبتعد عن طريقي ترى ماأتردد لحظه اكتلك لاتجربني يكون احسلك

اثير.لك نذذذل تريد تاخذ اختي وتروح وابقى اباوع عليك

ماسمع لكلام لااثير رمى طلقه قريبه على البنات صرخن ركضلهن أثير ماادري منو بيهن صوبت رجع ضرب مره ثانيه سمعت البنات صرخن

مرح وسحر. لاااااا رهففففف اثير الحك ررررهف

اثير.عمررر مصطفى تعالوله بسرعه صار المتوقعينه

هوه استغل الفرصه سحبني لسياره شمرني بيهه وقفلهه رمه طلقه لفوك وصعد وشغل سياره اباوع من جامه رهف واكعه والبنات ملتمات عليهه واثير ركض ورانه ضل محتار بيني وبين ورهف شفته صعد سيارته ولحكنه صاح عليه بس باوعتله مدري شرش بوجهي بسرعه فقدت الوعي بعد ماادري شصار .

..........................

مرح.حالنه صار يصعب على الكافر اني وسحر واكفين باب العمليات منتظرين رهف بعد ماعافنه اثير وراح وره اياد اجوا مصطفى وعمر مصطفى راح وراهم وعمر جابنه للمستشفى ودنيا مخبوصه اجو جدو وعمامي والكل جمع يمنه مناك ماما وعماتي حايرات بااهل مصطفى وناس الحاضره بلقاعه علمود سمر اخخخ ياسمر الله اعلم بحالهه هسه وين وداهه هذا الحقير شفت اثير اجه يركض وشحاله صاير سأل عمر راسا مجاهل وجود جدي

اثير.عمرر وينهه

عمر.بعدهه بالعمليات انشاء الله ماكو شي

اثير.هذا الوكت كله يعني محد طلعلكم ابد

عمر.لامحد طلع بشرني شصار وياك لكيتهه لولا

أثير.اي واخذناهه كبل للقاعه العالم منتظره هناك

عمر.خو ماماذيهه

اثير.مالحك يسوي شي حاصرناه بنص الطريق لكيناهه مخدره لحد الان ماصحت

عمر.شسويتله لو صار حصت مصطفى

أثير.بعدين اكلك هسه اخذ مرتك ومرح تكول امي خل يجن حتى العالم ماشك بشي رهف محد راح يفتقد وجودهه

عمر.شلون اعوفك واروح خل واحد من الولد ياخذهن

اثير.عمر وديهن وتعال مالي حيل اناقشك هسه

عمر.ماشي يلا كومن كدامي

مرح.شلون نعوفهه بهاي الحاله ونروح والله مااكدر

اثير.مرح روحن هاي احنه يمهه بس سمر محتاجه الجن اكثر من رهف

عمر.يلا كومن حتى اوديجن وارجع لهنا

ماكدرنه نحجي لان وضعهم مو مال عناد ابد طلعنه وي عمر وصلنه للقاعه دخلنه كبل لغرفة تبديل لكينه ماما وعمه نوال كاعدات يم سمر ويصحن بيهه لكيناهه ستوهه تفتح بعيونهه

سمر.اني وين ماما رهف كتلهه والله شفتهه سابحه بدمهه 😭😭😭😭

ماما.اهدي بنتي اسمعيني زين انشاء الله رهف مابيهه شي بس هسه لازم تكومين وياي نسكت هاي العالم

سمر.ياعالم اني وين ومنو رجعني شلون خلصتوني

ماما.ماادري شصار شلون بس رجلج جابج لهنا وكال مااريد اي بشر يدري بصار من الموجودين جوه يجوز يقصد اهله

سمر.شلون تردوني احظر وافرح بزواجي وكانوا ماصاير شي

عمه . كومي يمه العالم منتظره راح تنوكل وجوهنه اذا مادخلتي هسه

مرح.كومي سمر يلا عيب لاتطلعنه سالفه جديده هسه

ماما. اي صح حتى هوه كال مايطول شويه ويستعجل زفه حتى تخلص هاي الهوسه

عمه.اووف سوده عليه شني من حظ حظكم خطيه الولد وجهه طافي عود اليوم عرسه وانتي شحالج صايره

كوه قنعناهه وكامت ويانه عدلنه مكياجهه وطلعنه اشتغلت القاعه بلهلاهل واصوات ديجي بقينه كاعدين حتى ماشاركنه ماما تحججت اني استحي وسحر حامل ماتكدر بس همه ماشاء الله كلبوا العرس كلاب بدلت سمر مرتين بس كوه عليهه ثالث بدله لبستهه هم حبيره جانت طالعه تخبل بيهه كالو راح يدخل العريس بهاي الاثناء دك تلفوني عمر طلعت اركض بلكي خبر عن رهف طلعت للمر وجاوبته

الو

عمر.ها مرح اكلج بلغي امي والكل يمج رهف طلعت من العمليات

مرح.والله زين شنو وضعهه هسه

عمر.بعدهه ماكعدت حاطينهه بلعانيه المركزه خل تكعد ونشوف انشاء الله ماكو شي

مرح.اوف انشاء الله اكلك عمر هيه وين اصابتهه

عمر.بطنهه هلمره ولان وكعت بسرعه انفتح جرحهه القديم وهم رجعوا خيطوا الهه هاي البت ماادري وين نايم حظهه

مرح.اي والله المصايب توكع ركع فوك راسهه واثير شخباره

عمر.هذا موجود شخباره يعني كاعد منتظر رحمة الله

مرح. الله كريم حباب عمر اول مايصير شي خابرني الله عليك

عمر.اي ماشي اكلج سحر شخبارهه خو ماتعبت شي

مرح. لامابيهه شي بس عمر شو ساكته ولاتنطق بحرف واحد حتى من احجي وياهه ماترد عليه

عمر.خليهه لاتحجين وياهه اني ادري شبيهه بس انتي عينج عليهه مرح مااوصيج بعد

مرح.لاتوصي اكيد عيني عليهه هاي اذا عافتهه امي بلتهه بلوه كل شويه جايبتلهه شي ساعه مي ساعه عصير ساعه اكل

عمر. واكلت لو لا

مرح.اي اكلت تكدر ترد ايد امي

عمر.تمام يلا بعد مااوصيج وسمر هم انتبهيلهه ترى صار وياهه اليوم موسهل ابد

مرح.انشاء الله

سديته منه ودخلت لكيت مصطفى طالع هاي شبسرعه دخل شبسرعه طلع الله يعينج ياسمر شراح يسوي اليوم من وره اياد ودكاته الماتخلص .

........................

سمر. كعدت لكيت نفسي يم ماما وعمه وسعاد شلون كدرو يخلصوني منه ورهف شخبارهه لحوه عليه هواي طلعوني للقاعه غصبا عليه مارايده هذا شي ابد بس مابيدي شي بدلت مرتين بثالثه دخل مصطفى خفت كلش مااعرف شنو راح تكون ردة فعله ضليت مدنكه حتى مارفعت راسي علي من كد خوفي كعد يمي اجة امه كالتله حنيهه اخذ ايدي وحط بطرف الاصبع ومسحهه دنك عليه همس

مصطفى. بيج شي

سمر.ماادري 😥

مصطفى. اشش امسحي دمعتج لاواحد ينتبه علينه

سمر.انته شلونك خو مبيك شي

مصطفى. لامابيه شي هاي كدامج تمام

سمر.عفيه شنو صار وي رهف

مصطفى. طلعوهه هسه من العمليه وانشاء الله خير

سمر.والله مااسامح نفسي اذا صار بيهه شي

مصطفى. كافي سمر شبيج عدنه غير وقت ونحجي براحتنه هسه لازم اطلع منا فد نص ساعه وتجي زفه لاضلين تبجين حتى محد ينتبهه وبعدين افهمج ليش تمام

سمر.تمام

طلع ورجعن علكنهه وانوب لبست البدله مال زفه علمود الجلوه هلكت بس ابد مافرحت ولامرت الفرحه عليه بهذا اليوم رغم تفاصيل أكثر من روعه بس الصار اليوم موشويه صدك نص ساعه مرت واجة زفه دخل هوه وأخوته ضليت خايفه اهلي محد منهم يكدر يجي كلهم يم رهف شلون بس تفاجئت بجدو وبابا وعمر وقتيبه واكفين همه سلموني اله بس اثير ماهوه الله يساعدك ياخويه على مصيبتك اجه جدو لزم ايدي وحطهه بيد مصطفى وكاله

جد.بويه هاي امانه عندك كون تحافظ عليها وتحطهه بعيونك مااريدهه تجينه بيوم مهضومه لو متكدر خاطرهه خليهه دوم رافعه راسهه بيك ورافع راسك بيهه انشاء الله لان احنه واثقين من تريبتنه فهمتني بويه

مصطفى. بعيوني لاتخاف عليهه جدي

بابا.هاي شمعت بيتنه مصطفى لاتنسى هذا شي

عمر.ههههه يلا ابو شباب بعد مايخلوك تطلع لصبح

جد.ههههههه يلا توكلوا بويه

طلعنه بعد ماحجه وي جدو ماطول هواي بزفه حتى ماودعت اهلي لان ماشفتهم تكيد راحوا وي عمر لرهف وصلنه للبيت بعد معاناة لان بالي كله يم رهف شصاير وياهه هسه دخلنه للبيت جانت لأجواء لاتقل عنه من يصير عدنه عرس تفاجئت ماما وعمه نوال جايات وياي يالله شكد رتاحيت من شفتهم بقه كاعد يمي شويه وطلع بقينه تقريب ساعه وكالت امه خل تصعد ترتاح فوك صدك صعدن وياي امي وعمه واخواته ثنين ماعافنه ابد رغم شكد ردت احجي وياهم وحدنه بس استحيت ابينلهم هذا شي كعدنه جابولهن عشا بس مااكلن ماما كل شويه متصله وماكو خبر بعدهه ماكاعده صارت تقريبا بثمانيه وكالوا راح يزفون العريس طلعنه ماما وعمه بعد مابوسني وصني كومه توصيات الي من وره توصياتهن بطني موتتنني من الخوف دخل مصطفى سلمن علي بلباب ونزلن طب هوه وقفل الباب وانزع ستره وربطه شمرهن على جربايه وطلعله بطل مي جابه بيده وكعد على طرف مال جربايه شرب منه وضل لازم راسه اني على وكفتي رفع راسه باوع عليه بس عيونه بيهن نوع من الحزن غريب كال

مصطفى. ماسمعتي شي على مرت اخوج

سمر.بعدهه لسه ماكعدت 😥😥

مصطفى. اثير يتخبل اذا صارلهه شي ولاأني الاكدر اسامح نفسي

سمر.ليش انته شنو علاقتك

مصطفى. اثير طلب نسجنه على مايخلص العرس بس اني رفضت لان هذا شي مخالف للقانون شنو بكيفنه نسويهه بس والله لو ادري هيج جان سجنته بيدي وماترددت لحظه وحده

سمر.عمري كله ماتوقعته توصل بي لهنا 😭😭

مصطفى. سمر تحبي

سمر.ابدا مستحيل احب هيج شخص ماعنده ذرة رجوله طول عمره نذل وعملته اليوم اكدتلي اني ماغلطانه من ماامنت بواحد مثله

مصطفى. شنو الجان بينكم بلظبط

سمر.ابد مجان بينه شي خاص بس اني جنت الوحيده بلبيت اختلط وياهم وي اخوتي واي شي يردو يصيحون عليه وهوه جان من ضمنهم عادي حاله حال اخوتي بمرور لايام لاحظت نصراته تغيرت عليه وتصرفاته كأي بنيه مراهقه اكيد تعجبهه هيج شغلات بس جان اكو حاجز كلش جبير موجود بداخلي يمنعتي اتقبل اي تصرف منه ماانكر بادلته الاعجاب بس هسه طلعت غلطانه حتى الاعجاب شي وهمي صنعه خيالي التافهه من كد اهتمامه بيه اخر شي من شافتي مانطيته وجهه لاتلفون الأرضيت اكعد او اوكف مكان ونحجي وحدنه ابتعد من كيفه لحد مامره سمعته يخابر تقربت للمكان ولكيته فاتح كام وي بنيه ساعتهه تاكد انو هذا شخص عمري ماحبيته ولادك كلبي اله لان اليحب يسامح يغفر لحبيبه بس اني كلبي مات من يمه من ساعتهه وراهه بفتره سافر عادي عندي اصلا ارتاحيت خلصت من همه بس سبب خباله من سمع انخطبت بس لان مايريد يخسر راد هوه يزوج واحظر عرسه بظنه يكسرني وبعدهه عود اني ازوج

مصطفى. هههه وتكولين مااحبه وهيج محروك كلبج منه لان خانج هذا كله سويتي سمر لان خانج لو جاي ومعتذر منج جان غفرتيله مو ويمكن حطيتيني هدف حتى تخلينه يرجع ويتمسك بيج

سمر.لا والله موهيج انته فهمتني غلط شوف راح اكلك شغله وحده بدون مااكعد افسرلك وانته افهمهه عمري ماخفت على احد مثل خوفي اليوم لايصيرلك شي

مصطفى. وشتسمي هذا حب لو احساس بذنب

سمر. كتلك فسر على كيفك والايام تثبتلك اني شنو وترجعلك ثقتك المهزوزه هاي

مصطفى. اي خل نشوف راح ترجعين تكسبين ثقتي لو لا

سمر.الله كريم

مصطفى. يعني ماسألتي شصار بي لو وين وديناه

سمر.مايهمني حتى اسأل

مصطفى. متاكده سمر يعني ماراح سألين اثير علي

سمر.لا مااسأل وعلى طاري اثير تكدر تتصل علي تلفوني باقي عند مرح

مصطفى. لاهذا تلفونج اطانيا عمر من طلعنه

سمر.صدك انطينا خل اتصل عليهم والله كلبي نار

مصطفى. اني راح اتصل انتظري

صدك اتصل عليهم حجه شويه وي اثير من خلص باوع علي وابتسم

مصطفى. حمدالله على سلامت مرت اخوج

سمر.الله عليك صدك تحجي رهف كعدت

مصطفى. اي ستوهه كاعده بس بعدهه تعبانه

سمر.هيه وين صوبت

مصطفى. بطنهه جايه طلقه هل حالتهه خطره هيج

سمر.اوووف سوده عليه بعدهه ماطابت من ذاك صوابهه 😭😭😭😭😭

مصطفى. وتالي تخلصينهه بجي اليوم يلا العالم منتظره بره فضينه

سمر.شنو يعني شتريد مني

مصطفى. يعني عريس برئيج شيريد من مرته بليله عرسهم

سمر.بعد كلشي صار تريدني

مصطفى. هذا شي لازم يتم بس مومعناتهه رايدج

سمر.يعني اسقاط فرض شنو

مصطفى. عفيه هيج بلضبط

سمر.واني مامستعده لهذا شي عود من تتقبلني ساعتهه يصير .....

مصطفى. كملي ساعتهه شنو

سمر.انته فهمتهه بعد

مصطفى. ههه لاتخافين كومي بدلي وتعاي خل نصلي وامني اني مالي مزاج اتقرب منج مو لان حظرتج ماتردين وحجيت هيج ارد اشوفج شتكولين

من حجه هيج ضحكت بكلبي ذكرت رهف من كالت اثير مسويلهه اختبار بالله ذوله صدك يحجون الحمدالله وشكر كمت اخذت سيت نوم مجبوره خاف احد يدخل حاولت افتح البدله بس ماكدرت لحد ماحسيت بادي على ضهري ويفتح بلبدله حجيت بهدوء

سمر.خليهه اني افتحهه

مصطفى. معناتهه صلاة الفجر صير على هاي سالفه

ماحجيت شي فتحهه اليه ودار وجهه راسا ورجع لمكانه دخلت للحمام نزعتهه وعلكتهه راسا لاتوكع بلمي غسلت المكياج وتوضيت وطلعت خليت البدله مكانهه السيت جان القطعه الجوه قصيره كلش وفوكهه روب طويل مااكدر اكول علي مستور لاوالله تورطت لان لبسته فضيحه هوه جان مدنك على تلفونه ركضت للكنتور اريد شي مستور البسه هسه يكول بس تريدني اتقرب منهه على هذا لبس اول مافتحته سده بايده وباوعلي من فوك لجوه بجمود كانوا شي غريب كدامه حجه بعد مادار وجهه

مصطفى. كتلج خل نصلي ماكتلج تعاي انام وياج هيج لابسه

سمر.مامتقصده البس هيج بس لبسته خاف احد يدخل علينه

مصطفى. سمر اسكتي بدال ماتكحلينهه عميتيهه يعني اني مااريد اشوفج هيج اخلي غيري يشوفج شبيج بابا فاصله الفيشه عندج اليوم

مارديت علي رجعت فتحت الكنتور وطلعت تراك ورجعت للحمام لبسته وطلعت لفيت شال على راسي وصليت وراه لان ماعندي جادر مال صلاه صلينه وكملنه اجه حط ايده على راسي وقره الدعاء مال المزوجين من كمل راح كعد على طرف جربايه واتصل على مدري منو من اهله كلهم شنو مادزولنه عشا اليوم صدك ثواني وندك الباب اشرلي يم الكنتور رحت وكفت بهاي جهه يعني ماابين

نهى.وينهه عروستك شو مامبينه بس لااكلتهه ترى هيه قابله للكرط

مصطفى. هههههههه نهى اطفري منا موكت شقاج الماصخ هذا

نهى.هههههههههههه ها بعدنه من اول يوم طردتني هيه هاي الخوه مع الاسف

مصطفى. ههههههههههههه وتالي شتردين هسه

نهى.حرك جيبك يحلو والا كل دقيقه ادك الباب ومااخلي جاهل بلبيت مااخلي يدك عليك الباب

مصطفى. ولج مو صبح قطيتيني بعد شتردين عموما اوكفي خل اجيبلج

نهى.خل ادخل وياك حباب والله مااسولف شفت بغرفتك وداعت الخوه البينه

مصطفى. ههههههههههههه طلعي بره لج انتي ماسولفين غير برنامج الاذاعه حظرتج

نهى .ماشي رايحه بس سمر باجر عود اخذ منج ألااريد اعرفه موتنسين هههههههه

مصطفى. ها بلشنه نهى شكتلج اني

نهى.شبيك غير اجيس نبضهه اشوفهه تستقبل شقى لا

مصطفى. واذا طلعت لا شسوين

نهى.أخليهه تتعود عليه وصير اضرب مني وداعتك ههههههههه

مصطفى. لاهاي هيه ربحت يلا ولج ولي ثلج الاكل لااصيحلج الحجيه هسه سحلج

نهى . لافدوه كلشي ولاهيه رايحه ههههههههه

طلعت اخته وسد الباب واجه كعدت على جربايه اشرلي على الاكل مارديت عود مايحجي شيسموهن ياشر رجع كال

مصطفى. ماتجين مو اطمنه على رهف بعد شبيج

سمر.الف عافيه اكل انته اني مااشتهي

مصطفى. حجي يفيدج هذا تعاي يلا لااجي اشيلج ترى

سمر.لاااا جايه خلص

كعدت هيج انقش بالاكل مسدوده نفسي كلش حتى هوه مااكل شويه وكام غسل لميت الاكل وحطيته على جهه من طلع كتله

سمر.انزل الاكل واجي مايصير يبقى بلغرفه

مصطفى. لايابه وين تنزلين شني سالفه غير الامه مكلوبه جوه هسه عود خلي بثلاجه وبعدين نزلي

سمر.اي مثل ماتريد

بهاي الاثناء دك تلفوني رحت شفته سحر راسا جاوبت لان خايفه عليهه وجهه اصفر كلش صار

الو

سحر. ها سموره شلونج

سمر.الحمد الله انتي طمنيني شلونج النونو شخباره

سحر.لازين اليوم رغم انهبطت على خالاته بس الحمد الله ماكو شي

سمر.يمه فدوه اله ولخالته بس ولج اني عمته مو خالته

سحر.انجبي ولج غير من جهتي يعني خالته لاتناقشين ومرح هم خالته

سمر.ههههههه ماشي لاتعصبين شيخلصنه من عمر صدك وينه عنج اليوم اكلتيهه

سحر.يم اثير بلمستشفى راح يبات يمه مايرجع

سمر.سوده عليه هم حجيتي وياهه

سحر.يا وين يكول عمر كوه تنطق مابيهه حيل حتى تحجي

سمر.اووف مالحكت ترتاح عود فرحانين بيهه اليوم

سحر.اي والله وجنت ناويه اخبث عليهم اليوم ونبات يمهم اني وعمر بس صار كلب كل الموازين

سمر.يلا الحمدالله شنريد نكول بس تدرين خفت عليج لان وضعج خطر

سحر.يمعوده يتعلم على صكعات من هسه حتى مايستغرب من يجي لدنيا

سمر.ياا اسم الله حظه حلو انشاء الله

سحر. اكلج رجلج يمج لو لا

سمر.اي موجود ليش سألين

سحر.عززه شكد عيب طولت وياج اني بس ردت اطمأن عليج والله

سمر.لايروحي عادي شبيج

سحر.يلا عيني خل اسده بكرامتي لايسبني هسه

سمر.ههههههه الله عليج اي شي سمعي عن رهف بلغيني بي

سحر.انشاء الله يلا صبحين على خير

سمر.اجمعين وانتي من اهله

سديته منهه باوعت مصطفى لكيته متمدد على جربايه ومكنك بحياتي ماتخيلت اول ليله بزواجي هيج راح تكون بهل برود ضل كاعد هيج واني نعست وماعندي شي اسوي سمعته كال

مصطفى. نعستي شنو

سمر.يعني بس دخت لان هدوء

مصطفى. اول مره اشوف واحد يدوخ من الهدوء

سمر.اي اني لاتستغرب هيج

مصطفى. بويه شكد لسانح طويل اله تردين الحجايه يلا ترتاحين

سمر.هسه اني موكاعده وساكته انته الحجيت وهاي حتى تفض راح انام تصبح على خير

مصطفى . انتي عاجبج اسلوبج هذا اكو وحده تحجي وي رجلهه هيج بأاول يوم الهم

تمددة وسكت ماحجيت شي بس شنو بطرف جربايه يعني حركه وحده الطش بلكاع

مصطفى. ههههههههه ادري ماتنامين عدل قابل راح اكلج

سمر.لاهيج مرتاحه شكرا

مصطفى. والحجاب شنو معناته هذا راح تنامين بي

سمر.اي هم مرتاحه بي خليني هيج عفيه لاتعلق على كلشي

مصطفى. هوه شنو المااعلق على تراك لابسته لو على الحجاب سمر شبيج ترى هاي اول ليله النه

سمر.وانته كلت مااريدج بعد شنو هذا الحجي هسه

مصطفى. يجوز اغير رئي بأي لحظه شمدريج وانتي عليج طاعه وبس

ردت احجي سكتني بيده لان تلفونه دك سمعته يحجي وي اثير لان قريبه عليه سمعته

مصطفى. اثير لاتحاول مااكلك المكان اله نروح سوه

اثير.يمعود انته عريس خليك يم مرتك واني اتصرف وداعتك

مصطفى. بلا عريس بلابطيخ ليش هوه خله بيهه عرس بعد

اثير.تمام انته ماراح تقتنع يلا فضني خل نروح حتى ارجع للمستشفى

مصطفى. يلا طالع كدامك من اوصل اوديلك الموقع

سده منه باوع عليه جنت متمدده من شفته هيج يباوع عليه راسا طفرت وكعدت عدل هوه عافني وكام بدل ملابسه نزع القاط ولبس بنطرون وتشيرت وطلع وصل لباب ورجع عليه

مصطفى. تعاي كومي قفلي الباب وراي واي واحد يدكه من اهلي لاتفتحي مفهوم واذا لحوا كلش كليلهم مصطفى نايم همه يرحون تمام

سمر.زين انته وين رايح هسه وشلون تطلع مايشوفوك

مصطفى. لامحد يشوفني اعرف شلون اطلع من البيت وساعه ب١١ هسه خفت الهوسه جوه

سمر.مصطفى لاتخوفني وين تريد بهل ليل

مصطفى. مااتاخر لاتخافين اقفلي الباب ونامي ومن ارجع ادك عليج عود تمام

سمر.تمام

عافني وطلع كلبي ناغزني والله شلون شغله هاي اكيد راحوا على المكان البي اياد متاكده لان ثنينهم متفقين ضليت كاعده منتظرته تاخر كلش ماادري شلون غفيت يمكن لان الغرفه بارده كعدت على صوت الموبايل يدك لان بيدي طفرت راسا جاوبته

الو

مصطفى. فتحيلي الباب بسرعه

كمت راسا فتحت الباب دخل وقفله وراه فتحت ضوه راسا طفه دكمه ماخلاني افتحه راح للحمام رحت وراه اريد اشوفه شبي فتح الضوه مال الحمام شهكت هدومه كلهن دم ركضت علي بدون وعي

سمر.عزززه مصطفى وين جنت شنو هذا دم

مصطفى. اششش لاتخافين ماكو شي واحد زباله ويرادله تربيه

سمر.كتلته مصطفى صدك والله

مصطفى. شنو خايفه علي بعد كلشي سواه

سمر.لاماخايفه علي يطبه مرض بس انته شلون تورط نفسك وياه

مصطفى. اكول احد كلج اني ابيع عطور ومكياجات ترى اني ضابط تعودي شوفيني بهاي الحالات حتى ماينخطف لونج هيج

سمر.واثير وين

مصطفى. اثير صاير مثل المخبل كوه سحبته وطلعته لبره اله شويه جا خرطه من فوك لجوه

سمر.يمه عززززه معقوله اثير يكتل مااصدك

مصطفى. ههههههههههه اثير يكتل اكو شرايط تسجيل هنا بلكنتور شوفيهن حتى تعرفين اخوج يكتل لو لا

سمر.زين اذا ماكتلته هذا دم منين

مصطفى. هههههههههه تلذذة بي وداعتج تحاسب على كل دمعه طاحت منج بسببه واثير اخذ حكه منه وزايد هم

سمر.هاي جزات الينسى اصله وربه اهم شي

مصطفى. هسه شنو اريد اسبح تبقين يمي لو طلعين

سمر.لاااا لا طالعه

عفته وركضت كعدت على كراسي جانو خاليهن بطرف الغرفه جسمي كله يرجف من منظر دم بس ابد ماحن كلبي علي يستاهل هوه جاب الاذيه لنفسه على هاي كعدتي وطلع مصطفى من الحمام لاف المنشفه على خصره وصدره عاري وينكط مي شعره حسيت الحراره صعدت عندي فوول من المستحى راسا درت وجهي عنه بس هوه خبيث اجه وكف كدامي ورفع راسي بيده وضحك

مصطفى. شبيج شنو ستحيتي مني

سمر.مارديت علي دنكت رجع كال

مصطفى. تعودي سمر مااحب البس بلحمام لهذا سبب اكو حمام موجود بغرفتي وهسه علمود يضيع هذا الخجل كومي طلعيلي هدوم

سمر.بس بب بس اني مااعرف شتلبس من تنام حتى اطلعلك

مصطفى. اطيني بس برموده وفانيله من يمج

كمت كوه لزمت ملابسه طلعتهن اله حطيتهن كدامه شو هذا لزم ايد علمود ماادير وجهي وخر المنشفه راسا غمضت ضحك فتحت عيوني على كيف طلع لابس وناصب عليه اخذ بس الفانيله لبسهه ونشف شعره وهوه ميت من ضحك

مصطفى. يلا يحلو طفي ضوه وتعاي خل نام لان تعبان مو شلون ماجان

سمر.اني ستوني كعدت ماجايني نوم نام انته تصبح على خير

مصطفى. هههههههههههه تعاي نامي مااسويلج شي شبيج يلا سمر لاشلعين كلبي لااغير رئي هسه

صدك طفيت ضوه الحمام بس انتبهت ملابسه بسله ردت ادخل اغسلهن صاح عليه مدري شلون عرف شريد اسوي

مصطفى. تعاي عوفيهن لاتغسليهن

سمر. مو خاف ينطبع بي الدم مايوكع بعد

مصطفى. صبح حطيهن بجيس زيل وذبيهن مااريدهن بعد

سمر.مثل ماتريد

طفيت ضوه ورحت نفس مكاني سحبني عليه جانت الغرفه ضلمه بس فجاءه طفر حجه بصوت غاضب

مصطفى. شنو معناتهه تنامين وهذا الصخام على راسج

سمر.شنوه صخام

مصطفى. هذا وهاي اخر مره سوينهه مفهوووم

سحب الحجاب من راسي بحركه سريعه ونتر بيه دار وجه لجهه ثانيه ونام حطيت راسي على المخده وكعن دموعي على حالي وعلى كسرة اجمل يوم بعمر كل بنيه 😭😭😭😭😭.

................................

رهف . كعدة على الم فضيع بطني صرخت بصوت اجو اسمع صوتهم بس مااكدر افتح عيوني مغمضتهن حييل من الالم سمعت صوت اثير يحجي وياي كوه كدرت افتح عيوني واجاوبه من الالم

اثير . رهف سمعيني ردي عليه

رهف.اثير بطني راح اموت من الوجع نار تطلع منهه 😭😭😭

اثير.اهدي حبيبتي هسه اصيح كتور يطيج شي اهدي

رهف.عفيه استعجل بعد مااتحمل 😭😭😭😭

طلع اثير بقن يمي عمه سعاد وعمه نوال يهدن بيه بس اني جنت مثل طير المذبوح بس اريد اخلص شويه ودخل اثير هوه ودكتور شافني منهاره ماحجه شي راسا صاح للمرضه ضربتني ابره بلكانونه بقه يفحص علمود يلهيني عن الوجع صدك قريب ربع ساعه بلش يخف شويه هوه جان يحجي وي اثير وعمر واكفين بعدين افتر عليه اجه يكمل اسأله

د. ها بابا هسه احسن مو

رهف. اي شويه احسن

د.تمام هاي لان ستوج كعدتي على العلاج انشاء الله تتحسسنين لاتخافين المهم ديرين بالج من المي والبروده لان خطرات عليج ثنينهن

اثير.دكتور يعني هسه تمام ماعليهه اي اضرار

د.حاليا ماكو اي اضرار الحمدالله بس بقت شغله لازم تتاكدون منهه

اثير.خير دكتور خوفتنا

د.انتم عدكم اطفال لو لا

اثير.لا ماعدنه

د.زين اكو اشكال طبي مانعكم لو انتو ماتردون

أثير.لااحم احح احنه مزوجين جدد ومامقررين نسوي خير دكتور

د.معناتهه لازم اول ماطيب زوجتك تعرضهه على دكتوره نسائيه يكون افضل وهيه طمنكم

رهف.ليش دكتور شنو بيه اني

ياريتني ماسألت ضل دكتور عيونه تتنقل بيني وبين اثير اول ماحجه نزل الخبر مثل الصاعقه على راسي اباوع اثير فاتح عيونه على وسعهن وصافن على دكتور وعمه سعاد لطمت على وجهه 😱😱😱

د.جزء من الرحم متهشم بسبب الاصابه الي تلقتهه زوجتك واحتمال هذا شي يسببلهه عدم القدره على الانجاب يعني يكون مثل العجز يعيق الامومه عدهه .

.
.
يتبع

البارت الثالث والثلاثون

( الرتبه والحشمه )

.............................................
كل مااكول تهون يثكل حملها
يربي اني مو ايوب حتى اصبرلها 🙏
............................................

عمه سعاد. يمممه عززه العزاك يااياد حرمت ابني من الخلفه 😱😱😱

عمر.يمه اهدو موهيج الحجي انشاء الله ماكو شي
عمه سعاد. ولك يممه شهدء دشوف اخوك وجهه صار كركم ومرته هل صكت مكانهه شلون تريدني اسكت

عمه نوال.عمه رهف سمعيني لتضلين ساكته هيج

احس لساني نعكد لابجيت ولانطقت بحرف واحد اذا جان الي امل واحد بلميه اعيش حياتي بأمان وي اثير فهسه فقدت هذا الامل

عمر.اثير شبيك ماتحجي شي شوف رهف عينهه عليك لاتخوفهه بلزايد

أثير.خليك يمهم هسه ارجعلك

قتيبه.ها الله يساعدهم بشرو شلونهه رهف

عمر.الحمدالله هاي كاعده

اثير.اني طالع خليكم يمهه

قتيبه.اثير وين رايح شبيك وضعك موطبيعي

اثير.ماكو شي هسه ارجع مااتاخر

عمر.اثير بروح عمي لاتتهور ادري بيك وين رايح لاتخلي غضبك يسيطر عليك

أثير. عمرر وخررر عني مااريد اجاوز عليك

قتيبه.فهموني شكو شو ضاربيني عرض الحايط ولاجني اخوكم الجبير واحجي وياكم احترموو عاد

عمر.قتيبه امنعه اذا طلع معناتهه رايح لااياد واكيد يكتله لامحال

قتيبه.يروح لااياد شسوي عايف مرتك ومسافر وراه اكعد وسكت يلا ادبته انته وذاك واخذتوا حككم وزايد منه بعد خل يولي عوفه لاتوصخ ايدك بي

أثير.اووكف شكلت انته شنو يعني سافر !!! شلوووون سافر ومنو طلعه واطلق سراحه لاتكلي انته عمررررر احجييييي

عمر.لامو اني طلعته ولاادري بي مسافر هم

أثير.احجي صدك عمر لان مصطفى مستحيل يطلق سراحه اله انته ماعدك شي وياه

عمر.ماعدي شي ويا !! شلوون بالله ليش الشوه سمعتهه وانخطفت مو اختي وهاي المضروبه مو بت عمي ومرت اخوي هيج اني ماعندي غيره برئيك اذا هيج عليش صارلي تلث ايام ماكل تبن وياك هنا حتى للبيت مااروح بس هاي لهنا وخلص مشكور ياخوي وماتقصر من طلعتي ناقص غيره

اباوعله رغم عمر يحجي بحركه واثير هم متعصب وقتيبه يجر بهذا ويرجع على هذا اله اني ولاجن صاير شي كدامي اباوعلهم بجمود اخذهم قتيبه وطلع اجن كعدن عمه نوال وعمه سعاد غمضت عيوني مدعيه نوم مااريد اتواجه وياهم بس ضلت بالي حجاية عمر تلث ايام يعني صارلي تلث ايام نايمه هنا ريتني متت ولاصار وياي هذا اووف ربي اختبارك شوكت يخلص وياي مو تعبتتتت استغفرك ربي الهم لاجزع بس ربي دخيلك ارحم بحالي وكعن دموعي واني نايمه لجهه ثانيه حاولت امسحهن بس حتى هاي مااكدلهه احس جسمي كله متصلب ومااكدر اتحرك 😭😭😭😭😭😭😭 .

..................................

سمر.كعدت ثاني يوم صبح على صوت الباب يندك او يتكسر فتحت عيوني اريد اتحرك اكو شي مقيدني ركزت شويه هاي شنو!! مصطفى حاضني ورايحين بسابع نومه زين هوه مو دار وجهه ردت اكوم بس ماكدرت اتحرك مقيد حتى رجليه برجلي عززه بعينج سمر ادري ميته ماحسيتي بي من حظنج ونام همست بهدوء لان الباب تكسر وهوه ولاكانو عادي عنده

مصطفى اكعد

مصطفى. خليني نايم شتردين من ٠صبح

سمر.الباب تكسر خل اكوم اشوفه عيب

مصطفى. ماتكومين منو لازمج يعني

سمر.بس وخر اديك عني

مصطفى. كومي بس لاتفتحي وبدون نقاش مالي خلك

مارديت علي وخر ايده وكلب على بطنه ونام مبين علي كلش نعسان كمت اشوف الباب اباوع لروحي شعر مفتوح وملابسي مخربطه هذا شمسوي بيه صحت بهدوء

سمر.منوو

احنه عيني صار ضهر العالم منتظرتكم يلا فضوهه اطلعوا

سمر.اي خل اكعد مصطفى

ماتفتحين الباب ليش تحجين من جوه عود

سمر.اي بس لحظه

مصطفى. سهى روحي هسه جايين وراكم

التفت علي مصدومه هذا مو جان نايم شكعده بس ليش مايريد افتح الباب عود همست بهدوء

سمر.صباح الخير

باوعلي من فوك لجوه بنظرات ماعرفت افسرهن ورجع كال

مصطفى. صباح نور عيني

عفته ورحت للحمام اريد اغسل حتى البس بعدين ذكرت رجعت للغرفه طلعت فستان كريمي عندي خليت شال على جربايه ورحت للحمام جاي ابدل وصارت عيني على المرايه ركبتي وصدري بيهن علامات زرك استغربت شنو هاي توقعت ممكن يكون تحسس لان مره صارت بيه بس ذنيج حمر مو زرك طخت بالي لايالله هذا مستغل نومي وماخذ راحته عززه بعيني اذا طلع مكمل زواجنه ادري ميته شبيه اني لبست بسرعه وطلعت فايره منه لكيته كاعد مكنك وكفت كدامه رفع راسه شافني معصبه رفع حاجبه وكال

مصطفى. خير شرايده واكفه على راسي

سمر.اشرت على ركبتي وحجيت بنبرة غضب...اكدر اعرف شنو هاي

مصطفى. بعدم مبالا....صوتج لاتعلي عليه لااهفج بلطمه على حلكج هسه

سمر.لاوالله فوك مغلطان جاي تحجي هيج شيسموهه هاي هاا

مصطفى. استغفر الله بابا شتردين من صبح ترى هذا هيج تنقش مادخلنه بلمفيد وبعدين اذا انتي تمبل مال نوم وماحسيتي شسويلج يعني

سمر...بس مو من حقك تتقرب مني وانته نافرني بهاي طريقه

مصطفى. لاحقي وشريد اسوي بيج اسوي مزاجي الج شي عندي

سمر.شنو احد كلك اني عبده عد حظرتك

مصطفى. لا موعبده بس غير شي وملك حصري بس اليه يعني الي مطلق الحرية اسوي بيج للاريده لاالله يحاسبني ولااهلج فخليني محترمج لاكمل البديته وانتي بكيفج بعد وبلنسبه اني نافرج او لا هذا شي راجع اليه يعني شوكت مايطخ بالي انام وياج تنجبين وتسكتين مفهوووم

سمر.اباوعله مصدومه هذا صدك يحجي عود شاييف نفسه على شنو اجيت ارد عليه بس اندك الباب اباوعله كام لبس دشداشته وراح فتح الباب دخلن امه واخواته واني افور من الغضب همزين لحكت ارتب وجهي بلحمام قبل لاابدل

خاله.اللهم صلى على محمد وال محمد مبروك عليكم ماما زواجت الدهر انشاء الله

مصطفى. الله يبارك بيج حجيه ويخليج خيمه فوك روسنه

سهى.مبروك ابو صوف مبروك سموره شلونهه خباثتي قبل شويه على باب 😉

سمر.كوه ابتسمت بوجهه طالعه روحي من وره اخوهه

شهد.صوفي شو مرتك ذابتهه على صامت خيرهه

خاله.تأدبي ولجج انتي شعندج جايه لغرفة أخوج اني مو كلت ممنوع دخلين غرفهم

سمر.لا ليش خاله شتردين منهه

خاله.لاحبيبتي مايصير هيه بنيه وتدخل غرف المزوجين كلشي بيهه

مصطفى. يمه والله مكبره الموضوع شدعوه بعدين خليهه يم سمر على الاقل تبقى يمهه من اطلع خفر

سهى.لاتكلي اليوم تروح للمركز

مصطفى. اي والله بليل لازم اروح

خاله. بس بعدك عريس يمه شلون تعوف سموره وحدهه خاف تستاحش

مصطفى. ههههههههههههههههه لاتخافين حجيه اشبعهه واطلع حتى تنام جفي لمن ارجع يلا

خاله.يااااا عززززه بعينك ولك انته زايع المستحه كلش اخواتك واكفات ومرتك استحي شويه

مصطفى. حقج عليه حجيه يلا ولجن حطن ريوك طكني جوع

خاله.ياا سوده عليه جا ماتعشيت يمه

مصطفى. خاف احجي وتكولين ماأستحي هذا هم سؤال حجيه اي تعشيت ولا يهمج

خاله.يمه الله يساعدج علي لسانه مزروف اسم الله

مصطفى. هههههههههههههه تسكتين عني لو اغرد عليج مثل كل مره واطفرج

سهى.ههههههههههه لاطالعين اسكت خطيه مرتك صارة طماطه من وراك

خاله اخذت البنات وطلعت اباوعله رجع لبس وجهه مكلوبي مثل قبل شويه

مصطفى. يلا تعاي اريكي حتى ننزل

سمر.مااشته...........

مصطفى. بلا لغوه زايده تعاي زقنبي خل ننزل

سمر.شهل اسلوب هذا مصطفى

مصطفى. والله هذا الموجود عندج اعتراص ست سمر

سمر.استغفر الله اللهم طولج ياروح

مصطفى. اي اني اريدهه طول حتى اعرف ادبج زيين

سمر.سكتت ردت اعبرهه بس شلون كوه لزمت روحي صبيتله جاي واليه هم شربته بس جاي ماحطيت لكمه بحلكي هوه خلص قبلي كام غسل ورجع مشط وتعطر وعدل روحه واني شلت الاكل لفيت شالي عدل وخليت عطر هوه صار وراي دنكت اشيل صينيه سواله حركه اجت توكع من ايدي راسا باوعت عليه ابتسم

مصطفى. بخبث . شبيج تباوعين هيج

مارديت علي شلت صينيه علمود ننزل اول مافتح الباب جان صير شهد كبالنه

شهد.اوووي سوده عليه عروستنا شايله لااكل لا عيني ارتاحي انتي جيبي عنج

سمر.شنو سالفه اني اخذهه شبيج

شهد.اي حتى امي هسه تشمرني من فوك بعدين يحلو انته ناس كلهه منتظرتج تنزلين شايله صينيه لومتعصبه بلحجاب بعد احسن ههههههههههههه

سمر.هههههههههههه لاهاج خلصيني يمه شهل لسان هذا

شهد.شبي لساني

سمر.عسسسل وربي فديتج

شهد.اني الفديتج مرت اخوي الورد

مصطفى. وتالي اليوم ننزل لو لا ماخلصت فقرة الغزل مالتجن

سمر وشهد.هههههه

نزلنه جوه جانو اهلهم موجودين اخذني مصطفى واشرلي على الحجيه

الحجيه. على الخير يمه منك المال ومنهه العيال انشاءالله

مصطفى. بوجودج ياشمعة بيتنه انتي

الحجيه. يمن فدوه رحتلك على هذا لسان الحلو ويكلك ليش تحبينه

مصطفى. مو اكلج يغارون من علاقتنه وداعتج هههههه

الحجيه.خايب اسكت مو راح تبلش وانته لسانك زفرر

مصطفى. افااا حجيه اني لساني زفر وداعتج هيه جكاره وستكان جاي ماماكل زفر اليوم ههههههه

الحجيه.ولك انته الشرطه طيحت حظك حتى نسيتني ابارك لمرتك تعاي يمي يمه

تقدمت كعدة يمهه متفاجئ من مصطفى ليشوفه يضحك وينكت مايشوفه قبل شويه فوك لابس وجهه مكلوبي كعدت يم الحجيه بوستني وتباركتلي و دنكت شاورتني

الحجيه. هااا يمه خو مااذاج هم عدج نزف شي احجي بيبي شبيج ساكته

اباوعله صافن عليه يمكن افتهم شرادة الحجيه سوه روحه يحك بلحيته واشرلي حط اصبعه على شفته بمعنى اسكتي درت على الحجيه لكيتهه صافنه علينه حجت همس لان احنه قريبين كاعدين يمهه يعني محد يسمع

الحجيه.ولك بس لامادبرتهه واخذتهه صخام صخمني اذا صدك

مصطفى. منين جيبين هذا الحجي حجيه شنو مادبرتهه صدك تحجين

الحجيه.وعليمن ضجت وصرت عصبي ومرتك حتى راسهه ناشف احجي ولج خلصت شغلتكم لو لا

سمر.هسه شكلهه شلون ورطه هاي دنكت واحس وجهي راح يطك ضحكت هيه

الحجيه.ياااا شوف البت غدت طماطه ترى سألتج اني ماكتلج أذكري شسوالج بليل

سمر.عزززه هاي شنو .هاا لاوالله موهيج بب بس

الحجيه. انته حاجيني مرتك راح تموع روحهه شلون شفتهه

مصطفى. ههههه كلشي تمام حجيه هذا الاكدر اكوله الج هسه

الحجيه.اوووف ريحتني ضل بالي من شفت مرتك تخورست عبالي طلعت عاطل

مصطفى. لا وداعتج حجيه تووب الحمدالله

خاله.شعدكم خانسين شسولفون

الحجيه.ماعدنه شي جاي يعرفني على مريته

خاله.تعاي سمر ماما تعرفي على أهل زوجج واهلج صارو هم

كمت وي خاله وهوه عدل كعدته لان كلهم تباركوله اول مانزل عرفتني على عمامهم تلاثه همه ونسوانهم سلامهم حلو واخوته كمال الجبير مزوج وعنده جهال كبار مرته مبينه مو هلكد من سلامهه ومهند اخو ثاني هم مزوج بس عنده طفله وحده جانت بحظن امهه بعدهه زغيره فدوه شحلاتهه ونصير هم مزوج وعنده جهال مبين علي متدين كلش حتى مارفع راسه عليه ومن سلمت علي جاوب بكل هدوء مرته هم مبين من لبسهه حتى جواريب لابسه بلبيت ومعاصم وكب وشال اووف شدعوه هيج خانكه روحهه الااعرفه همه كلهم كاعدين بنفس البيت محد طالع بيهم يعني هذا لبسهه للبيت سلمت عليهم كلهم ورجعت كعدت يم الفندي شفته يتراسل وي جماعته شويه ودخلو ولد عمهم همه وعوائلهم هم تباركولنه وكعدو اجة مرت نصير اشرتلي بهدوء استغربت ليش ماتحجي هنا شبيهه كمت وياهه طلعنه من الاستقبال جان تكول

لبنى.اني اعتذر منج والله لان طلعتج هيج بس نصير يتخبل اذا وحده من عدنه بقت كاعده يم زلم واشرلي كال خل تطلع واني مااكدر احاجيج كدام مصطفى لان مايصير ادنك احجي وياج وهوه قريب عليج

سمر.انتي تحجين صدك لو ناصبه عليه

لبنى.لاوداعت جهالي فدوه لادخلين ترى اني الاتاذه لان مايحجي وياجن بس يفرغ حركته بيه 😢

سمر.لااا لاخلص ماداخل لاتبجين عفيه بس اذا مصطفى صاحني شلون

لبنى.لا همه يعرفون طبعه ماراح يصيح عليج كدامهم

سمر.تمام هسه اكو مكان معين لازم نكعد بي لو عادي

لبنى. سمر عن الاستهزاء عفيه ترى مااقبل علي

سمر . واني ماكلت شي ليش تاخذينهه بغير نظره قصدت وين لازم ننجمع حتى ميحجي شي

لبنى.مبين عليج طيبه وحبابه يستاهل مصطفى الله يسعدكم

سمر.تسلمين حبي

مصطفى. سمر وين رحتي

اباوع مرت اخو طفرت بسرعه بس طلع مصطفى يااا هاي شبيهه صدك عود ضليت فاتحه عيوني على وسعهن مامصدكه خاصه من طلع نصير وره مصطفى وماشافهه رجع دخل انتبهت علي يضحك باوعت علي كال

مصطفى. هههههه هااا بلشوا نصير ومرته وياج

سمر.عفيه عود صدك يحجون ذوله

مصطفى. شرادو منج بالله

سمر.طلب اطلع لان كاعدين ولد جوه ومايصير ابقى يمهم

مصطفى. هااا

حسيته ضاج لان حتدة ملامحه كلش هسه اني شحجاني بالله غيرة الموضوع سالته

سمر.مصطفى هم خابرت على اثير شنو اخبار رهف

مصطفى. انتظري هسه راح اخابره لان قبل شويه دكيت وماكو ماجاوبني

سمر.عفيه اتصل والله كلبي نار عليهه

مصطفى. هم مايرد هسه اشوف عمر لان هوه يمه بلمستشفى والله لو ما هاي العالم جا ماعفته وحده بهيج وضع

سمر.خل تخف الهوسه ونروحلهم شتكول

مصطفى. وين تردين للمستشفى لو لهلج

سمر.ثنيهن لااهلي اريد اشوف مرت عمر تعبانه والمستشفى علمود رهف

مصطفى. خليهه بعدين نتناقش بروحة اهلج مو هسه

سهى.شهل عصافير يربي فدوه تخبلون سوه

مصطفى. ههههههههه خل يسمعج نصير هسه

سهى.لايمه راح اسكت توبه

مصطفى. همس باذني .شنو عاجبتج الكعده بحظني هيج حلوه حظني

سمر.طفرت مخروعه جنه كاعدين على القنفه وحاط ايده على كتفي يعني شبهه بحظنه كاعده ونسولف مامنتبهين للمكان وسهى كاعده يمنه وخرت راسا رجع مصطفى لاستقبال واحنه بقينه كاعدين اني وسهى واجت شهد طبعا بس ذني اخوات مصطفى ماعنده بس اثنين اخوات خلصناهه سوالف وضحك وتعرفت عليهن وكل شويه وحده كامزه بسؤال صار وقت الغده صبوا لزلم وحد ولنسوان وحد هيج ضليت انقش بالاكل استحيت منهم وهم نفسيتي مسدوده خلصنه كمت اريد الم الاكل وياهن عيب كاعده بس ماخلتني الحجيه وخاله ماقبلن رحت غسلت ورجعت كعدت بعدين كمنه لغرفة شهد كالت تعالن نكعد هناك وطبعا كلهه جمعت بس البنات والجناين النسوان الكبار ضلن كاعدات وحدهن خلصنهه دك تحشسش تنجبر تضحك صح جنت اضحك وياهن بس مثل الغصه عندي بسبب حالة رهف راحت شهد جابت كيك وببسي لمتهم كلش حلو لدرجه شتاقيت للبنات وياي اووف احنه حتى كعداتنه كلهه بواجي خاصه رهف انتبهت على سهى تحجي وياي

سهى.سموره يلا كومي اجوي علينه خطار روحي جهزي نفسج

سمر. سهى ممكن شويه تجين وياي

سهى. اي عادي حبي امشي

رحنه للغرفه دخلنه طبعا اني رتبتهه قبل لااطلع منهه فتحت شالي ذبيته لان مامتعوده علي وهيه هم كعدت
متناسيه العلامات البركبتي سمعت صوتهه ضحكت درت عليهه

سمر . شبيج شو ضحكين

سهى.اكول مصطفى شلون متحمل من صبح لسه ماسحلج للغرفه

سمر.هااا

سهى.ههههههه شبيج ولج اشاقه وياج اي ماكتيلي شردتي

سمر.اريد اخذ فكره مختصره عن البيت علمود اعرف شلبس هسه اقصد احنه عدنه العروس تلبس وتكشخ براحتهه بس مااعرف انتو شلون ...

سهى.فهمت عليج حبي لاالبسي براحتج اليعجبج بس لبسي فوكه بشت او جبه ولفي شال لااحتياط ومن دخلين يم نسوان ذبي

سمر.هاا ماشي فهمت عليج شكرا حبي

سهى.ولو بس عجبتيني سمر تصرف كلش حلو منج انو تستفسرين عن هيج شي وهسه اعوفج تبدلين واني اطلع

سمر. ماشي هسه البس واجي وراج

طلعت سهى رحت طلعت فستان قصير احمر هوه مال مناسبات يصير حمالات من فوك وصدر مالته تووول ونفش وصيت علي من نت كولش عجبني فتحت شعري سرحته ومكيجت مكياج بسيط بس الحمره خليتهه طوخ شويه بحيث برزن شفايفي طلعت الجبه وشال لبستهن وطلعت رحت الاستقبال استحيت ادخل اجة مرت مهند من شافتني واكفه ضحكت

نيفين.هااا يحلو مدخلين هههههه

سمر.استحي والله تعالي وياي

نيفين.اي بلخدمه تعاي يروحي

دخلنه اني وياهه نزعت الجبه ورتبت ملابسي اباوع هاي صافنه عليه كتلهه

سمر.شبيج

نيفين. اللهم صلى محمد وال محمد طالعه كيكه ربي يحرسج من العين

سمر.يعمري تسلمين

دخلنه سلمت على نسوان جانوا كرايبهم وياهه جناينهه وبناتهه دخل تجي ماما وعمه نوال يشوفن احنه حتى من يجيهن واجب مايخلنه ندخل نسلم ضليت بس اوزع ابتسامات لحد ماحجة وحده الي من اجت لسه بس تخوزر بيه

اي سمر شلون شفتي مصطفى زين لو لا

سمر.عفوا مافهمت قصدج شنو

شبيج قصدت على ليلتكم شلون جانت

سمر.ماأعتقد هذا شي حلو انو ينحجي بي مهما يكون هاي خصوصيه واكيد مصطفى مايرضه انو ينحجي بهيج مواضيع كدام الكل

هههههههههه والله ضحكتيني عيني رجلج مامخلي ساقطه تعتب علي هسه مايريد واحد يعرف خصوصياته وهوه جان يحجي وياهن كدامنه

سمر.رغم نرفزتني بس اني طبعي مااعرف اسكت لازم ارد. بعيد عن لفظ لفظتي بحق زوجي بس هم شفتي مره خابرني لو حجه وياي وانتي كاعده يمه

صراحه لا

سمر.معناتهه اكيد فهمتي قصدي حبيبتي جان يطلع وياهن شي واني شي ثاني بلنسبه اله فلا تقارنين رجاءا

اوووي عمه هاي جنتكم لسان وماتنجرع من اولهه هيج

خاله.ليش شو جاوبتج بكل ادب وحجيهه صحيح عيب تدخلين بينهه وبين زوجهه وخاصه انتي بعدج بنيه شمدريج بهاي سوالف كلهه

ياقابل شكتلهه هسه اني هيج مجرد فضول لااكثر ولااقل

الحجيه.اثكل مريود بس بهذا وكتنه البنات ستخفت شو

بقوا وحده ترفع وحده تكبس العجيب امهه ابد ماردتهه بلعكس تبتسم الهه فوكاهه كاعده وتخازر بيه والله لوما اكول عيب وبعدني جديده اله اكوم اسحلهه هسه اتخبل من واحد يباوعلي بهاي نظره كوه صبرت روحي لحد ماطلعوا ردت اطلع وكفتني الحجيه

الججيه.اوكفي يمه امسحيهه بوجهنه هاي البت دومهه رعنه وماتعرف تصرف لاتشلين بكلبج عليهه

سمر.بكلبي لاوالله حجيه مو رعنه هاي وراهه شي بس يلا لابد ينعرف فد يوم رديت بكل هدوء عكس الضوجه البداخلي ... لابيبي لعفوا على شنو اضوج عادي والله

خاله.الله يكملج بعقلج ماما يلا بنتي روحي بدلي ملابسج وكت عشا وسمر خاله حطي حجاب وضبطي على راسج لان الولد كلهم يلتمون

سمر.انشاء الله خاله

عفتهه وطلعت هذا اكيد ابنهه كايللهه يلا اساس حتى مصطفى مايخليني اطلع بلا حجاب رحت للغرفه اريد ابدل دخلت لكيت ضوه مشتغل وملابس دوام على جربايه شامرهن وباب الحمام مسدود يعني ديسبح استغليت الفرصه طلعتلي ثوب مال بيت وشال ذبيت جبه وشال واريد البس بس مديت ايدي فتحت السحاب طلع من الحمام راسا سديتهه حتى كرصتني لكفت الملابس وركضت للحمام حتى مارفعت راسي علي قبل لاوصل للحمام سحبني عليه نلزكت بصدره جان لاف المنشفه على خصره وثانيه ينشف بيهه شعره مااكدرت ترفع راسي من الخجل وخرني عنه وخذ نظره من فوك لجوه كال بصوت خافت

مصطفى. هاي هيج جنتي يم نسوان

سمر.أمم

مصطفى. سمعيني صوتج عوفي الامم هاي

سمر . حجيت بارتباك من نظراته .اي

مصطفى. شنوووو اي وشلوون طلعين من الغرفه هيج صدك تحجين انتي بالله شافج واحد بهذا المنظر

سمر.لااا لا موهيج جنت لابسه جبه فوكهن وشال والله مطلعت هيج شوفهن ذنيج على جربايه

مصطفى. اووف جريت نفس برتياح .تدرين لو طالعه هيج واحد شايفج جا نسيتج حليب امج اليوم

سمر.مم مكن توخر خل اروح ابدل بلحمام

مصطفى. وليش تبدلين خليج هيج هوه منو اكو غيرنه اني وياج بلغرفه

سمر. بفهاوه ..هاا

مصطفى. انتي جبتيهه لروحج تعاي 💋💋

سحبني علي مد ايده غرسهه بشعري ورفع راسي لفوك وهجم على شفايفي جان هادى ورقيق لاأبعد حد ضليت جامده مو كارهه هذا شي بس شعور ماادري شنو اوصفه غريب حسيت جسمي كله رجف تحت لمساته جان يصرف بطريقة واحد محترف رفع اديه وحطهن على ركبته وهمس باذني

مصطفى. خلي ايدج بشعري وحركيهه

ماادري ليش نفذت كلامه بدون مااعترض احسه مسيطر عليه بهيج لحظات دنك على ركبتي وصار يتنقل بيهه من جهتين هنا وهنا حسيت شويه وراح افقد توزاني وفعلا حسيت نفسي راح اوكع حظني اكثر وسحبني لجربايه كعد وخلاني على رجله ومستمر حسيته بده يتقرب شويه وايده ماخذه راحتهه المصيبه مااكدر ادفعه مدري شبيه انوب الفستان قصير طفر بلزايد اول مانزلني على جربايه ندك الباب وتلفونه هم دك بنفس توقيت صاح عليهم واخذ تلفونه يخابر وفتح الباب و هوه بس المنشفه لافهه عليه استغليت الفرصه وشردت للحمام سديت الباب وكعدت احس جسمي كله يرجف اخر شي فتحت المي علمود اهدى شويه سبحت وبدلت ملابسي وطلعت مالكيته توقعته طلع لان ملابسه ماموجودات نشفت شعري جنت متوضيه كعدت اريد اصلي انفتح

الباب ورجع دخل باوع عليه اجه كعد يمه بلكاع راسا دنكت فد فشلانه من موقفي قبل شويه وياه

مصطفى. اني راح اطلع تقريبا بلعشره ااصبح فوك العشره تلكيني هنا تلفونج يمج اي شي تردي بس دكي عليه تمام وهسه تردين طلعين يمهم تردين اوصي شهد تجي هنا تعشن انتي وياهه

سمر.لا فشله شنو اكل وحدي هسه اطلع يمهم مايصير

مصطفى. ابتسم. ماشي يلا اني رايح ومثل ماوصيتج موتنسين

سمر.اي تمام الله وياك

طلع واني كملت صلاتي ولبست حجابي ضبطته كانوا طالعه من البيت ورحت يمهم لكيت البنات جاي يصبن بالاكل ردت اساعدهن ماقبلن كعدو كلهم اباوع كلمن زوجته وجهاله يمه اشرتلي شهد اجيت كعدت بينهه وبين سهى هيج تنقش رغم جوعانه بس استحي اكل رفعت راسي صدفه لكيت نصير خازرني يمه والله شكله يخوف شبي هذا دنكت اباوع لنفسي حجابي مضبط وثوبي عريض همست لسهى كاعده يمي

سمر.اكول سهى هم بيه شي غلط لو طالع شي مني

سهى.لابلعكس مقبطه بلبس شدعوه لافه شال هيج يخنك يمعوده لو خاف ركبه مخرمشه 😉

سمر.ههههههه اذا هيج معناتهه ليش اخو.....

نصير . سمرررر انتي مو طفله حتى تحجين على الاكل احترمي نعمه لو تكومين هذا مو مكان دك سوالف

احس الهوه كام كوه يدخل لصدري من الفشله التفشلتهه هذا شلون يحجي وياي هيج شنو طفل كدامه وبعدين اني غريبه عليهم موعيب علي يجاوز هيج كمت بكل هدوء كتلهم

سمر.اني اسفه مجان قصدي عن اذنكم

ابو مصطفى. تعاي عمو كملي اكلج مااكلتي شي

الحجيه.خايب شمالك فشلت البت شسوت هيه احترم مرت اخوك مو هيج

نصير.واني شحجيت يعني شدعوه عليهه ماتتحمل حجايه هسه لو مصطفى مرزلهه ومطيح حظهه مجان زعلت بعد عليش هلغوه هاي

سمر.ماكدرت اتحمل اكثر من هيج عفتهم ورحت لغرفتي حسيت دخان كام يطلع من اذاناتي من الحركه الاكلتهه ضليت رايحه جايه بلغرفه بس اريد اهدء دكيت على مرح وسحر حجيت وياهن شويه طبعا مالاحظن تغير بصوتي لان اني صارلي فتره هيج من كد البجي البجيته سديته منهن وكعدت اجة خاله تتعذر نيابة عنه ماحجيت اي شي ولانطيت اي ردة فعل جنت مقرره احجي وي الافندي مالتي واشوفه شسوي بس بعدين تراجعت اول ماطلعت خاله قفلت الباب وراهه بدلت ملابسي وطفيت الاضويه باوعت لساعه بلعشره ونص هسه شينومني اني من وكت بالله شو اول ماحطيت راسي على المخده غفيت من تعب كعدت صبح على صوت تلفون مرح بشرتني رهف كعدت كمت راسا توضيت وصليت صلاة شكر لبست وعزلت الغرفه بقيت متررده شلون اطلع تالي شجعت شويه وطلعت يمهم صبحت عليهم باوعلي مستغربين يمكن مامتوقعين اطلع يمهم بسهوله بعد صار البارحه كعدت يم خاله بس شربت جاي كمت اريد اساعدهن ماقبلن يكولن لحد سبعه وراهه عود اشتغل وياهن ضليت كاعده يم الحجيه بعدين رحت لغرفتي طكت روحي ملل موطبيعي باوعت لساهه بثنعش صارت ومصطفى لسه ماكو نغزني كلبي على رهف اتصلت على مرح راسا وجان تصدمني بهلخبر والله رجليه بعد مااحس بيهن الله يكون بعونج يارهف على هاي المصيبه 😭😭😭😭😭😭😭😭😭😭.

...................................

رهف.شكد حاولو يكعدوني يحجون وياي بس اني ماكو اي ردة فعل تطلع مني لحد مااجه الدكتور وكال تكدرون طلعون اجت عمه نوال هيه واثير كوموني رادني اكعد على كرسي بس رفضت هزيت راسي بلا طلعنه على كيف واني شلون جثه صرت يجيبوهه منا ترد منا ماانطقت بحرف واحد وصلنه لبيت جدو يعني مااخذونه لشقه يلا مو مهم كلهه نفس شي نزلنه عمه ساندتني عمامي وجدو وبيبي واكفين استقبلوني وذبحوا على سلامتي اباوعلهم شلون متلهفين ويسلمون سبحان الله طلعت منا للمستشفى بسبب ضلمهم وجبروتهم ورجعت لهنا بنفس ضلم واكثر هم دخلوني جوه رادو اكعد استندت على الحايط وعفتهم ورحت لغرفه اجت مرح ساعدتني هيه وسحر ذبيت الحجاب وحطيت راسي على المخده ودرت وجهي ماحجيت وي اي واحد بيهم لحد ماغفيت البنات ماحجن وياي اي شي لحد ماحسيت اكد يكعد بيه فتحت عيوني بيبي

بيبي.يمه رهوفه كعدي اكليلج لكمه يروحي مايصير هيج يبيبي

عمه نوال.يلا ماما لخاطر بيبيتج لاترديهه

عفتهم ورجعت غمضت عيوني بقوا يحاولون وياي بس بلا نتيجه البشر من يفقد الإحساس بلحياة صعب يكدر يرجع يتعامل وي البشر خاصه بعد ضلم شفته من اقرب ناس اليه بقن يحاولن وياي بس بلا فائده ليل دخلو كلهم عليه وكل واحد عنده رئي شكل

مرح.فوفه الله عليج لاتردينه علمود علاجج

سحر . فيفي بروح امج احجي اي كلمه بس سمعينه صوتج الله يخليج

رهف.😢 اشرت براسي لا ومسحت دمعتي راسا

جد.بويه لازم تاكلين علمود علاجج لاتخلينه نجبرج

عمه سعاد. احد يفهمنه ليش ماترد علينه مو حجت وي دكتور لو اني غلطانه عمر

عمر.لاحجيه حشاج اي حجت وحاجت اثير هم ورا ماكعدت

عمو محسن.هوه وينه وين دايح وعايف البت تصارع هنا

عمر.يابه عنده خفر اليوم مايكدر مايجي واني هم طالع هسه حتى مصطفى هم اجه اليوم عدنه انذار

عمه سعاد. ياااا مصطفى جا غير عريس!!

عمر.هاي بعد اجا نداء مايكدر يغلس عليهه عقوبه

عمو محسن. والحل تبقى بدون اكل لحد مايرجع شلون بس هوه يكدرلهه وتسمع حجايته

جد.حاولن تجبرنهه على الاكل علمود العلاج

مرح.تعاي سحر جيبي الاكل رهف بروح عمي

جبرني مرح ورهف كوه اكلت شويه شوربه ودفعت الاكل اخذت علاجي ودرت وجهي ونمت حتى مارديت عليهن سويت روحي نايمه سمعت تلفوني دك اسمع مرح تحجي وي اثير سولفتله كلشي نمت من اثير العلاج ماحسيت بشي ثاني يوم نفس الحاله تكررت عندي المشكله اني مااريد احجي وياهم همه عبالهم خاف بيه شي ليل كاعده مرح وسحر بس يردني احجي شي والكل مجمع بلغرفه بعد ما جبرتني عمه نوال اكل واخذ علاجي شفته دخل باوعت عليه ودرت وجهي ماانكر احساسي رجعلي من شفته دخل للبيت

أثير. السلام عليكم

الكل.وعليكم السلام

عمه.هاي شصاير بيك يمه شوف حالك

أثير.جانت عدنه مهمه وستونه خلصنه متنه من تعب هدو حيلنه

مرح.احظرلك الحمام

اثير.ياريت والله لان مابيه حتى اوكف هسه

مرح.هاي طالعه كدامك

اثير.شلون صارت رهف

عمو .والله هاي كدامك واسألهه لان عجزنه نحجي وياهه وماترد علينه

اثير.بستغراب..ليش ماتحجي يعني رهف سمعيني

بيبي . خلونه نطلع خليهم وحدهم هسه هوه يحجيهه الملعونه ماتأمن بس برجلهه احنه كلنه هيج عدهه بس اثير متربع وكاعد ههههههه

الكل.هههههههههههه

اثير.لاخليكم مالهه داعي والله

جد.يلا بويه اطلعونه

طلعوا الكل ضلينه وحدنه اباوعله سد الباب واجه كعد يمي باس راسي ولزم ايدي شبكهه بيده

أثير.حبيبتي عمري مريتي لحمد الله على سلامتج

رهف.لارد

اثير.رهف ترى كلبي خلصان ومالي طاقه اتحمل شي بعد احلفج بروح عمي تحجين وتسمعيني صوتج

رهف.لارد

اثير.زين شبيج اكو شي يوجعج اشريلي لاتحجين

رهف.😥😥

اثير.اوعدج اسويلج اي شي تردينه وتطلبينه بس احجي اي شي

رهف.اثير 😭😭

اثير.ياعمر وكلب اثير وروحه كولي

رهف.طلكني اثير

.
.
يتبع

البارت 34____35

البارت الرابع والثلاثون

( الرتبه والحشمه )
...............
ويبقى
الهدوء أفضل عتاب لكل
من خاب ضني فيهم ..........

...............................................
طلعوا الكل ضلينه وحدنه اباوعله سد الباب واجه كعد يمي باس راسي ولزم ايدي شبكهه بيده

أثير.حبيبتي عمري مريتي لحمد الله على سلامتج

رهف.لارد

اثير.رهف ترى كلبي خلصان ومالي طاقه اتحمل شي بعد احلفج بروح عمي تحجين وتسمعيني صوتج

رهف.لارد

اثير.زين شبيج اكو شي يوجعج اشريلي لاتحجين

رهف.😥😥

اثير.اوعدج اسويلج اي شي تردينه وتطلبينه بس احجي اي شي

رهف.اثير 😭😭

اثير.ياعمر وكلب اثير وروحه كولي

رهف.طلكني اثير

أثير.شنوو شتفضلتي مدام

رهف.اثير صدكني هذا افضل حل النه ثنينه اني بعد ماافيدك ليش تحرم نفسك من انو يكون عندك طفل تفرح بي طلكني واخذ وحده تناسبك وتسعدك

اثير.هااا اهنا الحجي يعني هذا سكوت والخبصه علمود سالفة الاطفال لجج بابا فتحي مخج شويه انتي بعدج بنيه شلون كدرو يعرفون

رهف. مافهمت شلون يعني

اثير.تعاي اكلج

دنك عليه شاورني رغم بس احنه بلغرفه خلاني فاتحه عيوني على وسعهن خرب يومك

رهف.😱😱 انته شلون تحجي وياي هيج

أثير.هههه هاي حجي وهيج صوفرتي اذا تطبيق شلون 😉

رهف.كافي اثيررر لاتطبيق ولاهم يحزنون احنه نتهينه

اثير.وتالي راح نبقى ندور بنفس المكان طلاك ماكو وانتهه الموضوع وهسه رايح اسبح لان واجي لان انتي سالفتج تعبانه

رهف.صدك عود غير جاي نتناقش وين رايح

اثير.هذا نقاش مامنه فائده وجهزي نفسج بس طيبين نزوج ونفض هاي سالفه

عافني وطلع بدون مايخليني ارد علي دخلن مرح وسحر وراه

سحر.ها شلونج هسه

مرح.احجي ولج لاتسكتين هسه سمعتج تحجين وي اثير

سحر.والله ترتاحين

رهف.شتردني احجي تعرفن شنو احساسي واحد مذبوح هذا احساسي

سحر.اووف يعمري الله يساعدج

مرح.سحر عمر يريدج بره

سحر.اي رايحه هسه ارجعلجن بنات

مرح. اي فوفه بعدج متوجعه

رهف.اي شويه دخت من العلاج حنام تصبحين على خير

مرح.وانتي من اهله حبيبتي اجمعين

درت وجهي لجهه ثانيه ادعيت نوم لان مالي خلك اناقش كولش تعبانه ونفسيتي مزفته سمعت صوت سحر رجعت والعرفته من حجيهه هيه ومرح اثير رجع للمركز .
................................

سحر.طلعت اشوف عمر عبالي بره طلع صاعد فوك دخلت للغرفه مالكيته سمعت صوت دوش يعني جاي يسبح حظرتله ملابسه مال دوام وذني خليتهن على جه حتى اغسلهن طلع هوه ينشف بشعره

عمر.ها حبيبي شلونج اليوم احسن

سحر. اي احسن شويه بس نغزات بسيطه تجيني

عمر.خو مجاي تشتغلين وتعبين نفسج

سحر.لاوالله اصلا لاعمه سعاد ولاعمه نوال يخلني اشتغل شي بس مرح خطيه واكعه براسهه

عمر.ليش هدى وندى وين

سحر.اسكت وخليهه بالله هدى حقهه تؤم شالعين كلبهه اله ست ندى معتكفه بحجت حماتهه مو هنا فما تشتغل

عمر.ماعلينه عوفج من سوالف نسوان مااحب ادخل بيهن امج ماتواصلت وياج سألت عن وضعج

سحر.ههههههه والله ضحكتني المهم لا ماخابرت ولاسألت حتى لاهيه ولا السيد الوالد

عمر.الله كريم الله يهديهم انشاء الله

سحر.امين هاي ملابسك حظرتهن تريد شي ثاني

عمر. اي اريد

سحر. شنو شتريد

عمر. اريدج انتي ماترحمين بحالي مشتاقلج سحر حسي بيه شويه

سحر.بس مايصير انته تعرف وضع الطفل كولش زين مااكدر اجازف بي

عمر.لا ماعلي شي اني استفسرت من دكتورتج وكالت عادي

سحر.😯😯 شلون يعني حجيت وياهه بهذا الموضوع

عمر.اي وشكو بيهه ترى عادي

سحر. صدمتني صراحه ماتوقعت سوي هيج وتسالهه على هاي شغله

تقرب سحبني لحظنه ويحجي همس وياي بحيث نفسه يضرب على وجهي

عمر. مو مشتاق ومااتحمل بعد فسألتهه عن وضعج

سحر.وو وخر عمر خل اروح اشوف البنات

عمر.اششش كافي سحر مابيه صبر بعد والله

سحر.بس عمر

ماانطاني مجال احجي شي دنك على ركبتي واستلمهه شالني خلاني على جربايه ماادري شلون تفاعلت وياه ماحسيت اله على صوت الباب يندك رفع راسه عمر وهوه يلهث كوه طلع صوته وصاح منو

عمر . منووو

اثير . ادري نمت يلا فضهه تاخرنه ترى

عمر.خررب روحك هسه وكتك انته

اثير.يمعود خاف على ابنك وتعال لاتلوص الدنيا مابينه حييل مستشفيات هسه

عمر.لاياااا ساقط جايك بس انزل مو فضحتنه

اثير.ههههههههههههه طالع كدامك لسياره يلا

عمر.اشتعلوا اهلك اثير على هاي طلعه هسه

سحر.يااا شلون تشتم على عمو

عمر.مو كطع عليه اهم لحظه شتردين اسويله اطكله تحيه

سحر.يلا كوم البس عيب منتضرك جوه

عمر.خل اكوم هذا ماعنده مانع يصعد مره ثانيه

اول ماكام عمر شهكت وغطيت وجهي هوه ضحك

عمر.ههههههههههه ها شبيج من اكلج واصلين اهم مرحله تكليلي كوم

سحر.روح البس الله عليك

عمر . ماتكومين انتي تلبسين اول شي لاارجعلج هسه

فتحت عيوني من حجه هيج اباوع باقيه بس بداخليات عزززه هاي شوكت احنه وصلنه لهنا سحبت الغطا وغطيت روحي بي سمعته يضحك بدل كمل اجه وخر الغطا باس راسي وباس بطني اخذله صفنه شويه فرك وجهه وطلع اني هم كمت وراه لبست ونزلت يم البنات عيب كتلهن هسه ارجع نزلت لكيت رهف نايمه وبس مرح جنه كاعدين اني وياهه ودك عليهه وسام الحقيره عافتني كاعده وكامت تخابر بي عفتهه ورجعت صعدت فوك عزلت الغرفه من الملل وين اروح تالي طلعت فلم بلتلفون وكعدت اتفرج علي لحد ماانعس .

...................................

سمر . خلص اليوم ومصطفى مارجع للبيت رغم كال صبح يجي صار وقت الغدى ماطلعت خليني هنا احسن هم يمكن اتفهموا الوضع محد طلب مني اجي اكعد وياهم شويه وندكت الباب اجة شهد سحلتني سحل للمطبخ بدون ماتنطيني مجال دخلت لكيتهه محظره اكل وكاعده هيه وسهى

سهى. يلا سموره ترى طكنه جوع

سمر . والله ماله داعي ليش عفتوا مكانكم علمودي

شهد.اليسمعج يكوول مكانه فد شي يعني سو دتعالي كعدي وخلصينه

سمر. أنجبرت اكعد وياهن نتغدى من كملنه شلت الامواعين علمود اغسلهن ماقبلت شهد هيه غسلتهن بلشن البنات يجيبن الاكل كمت اني سويتلهم جاي وصبيته واخذته شهد لان اني مااريد اطلع ضليت كاعده يمهن شويه وكلهه تفرقت اني هم رجعت لغرفتي دكيت علي كلت خل اشوفه خاف صاير شي بس مارد عليه خابرت على مرح

مرح.ياهلا بلعروسه شلونج

سمر.الحمد الله انتي شلونج رهف شلونهه

مرح.لازينه الحمدالله قبل شويه اخذت علاجهه ونامت

سمر.الحمدالله بعدهه ساكته ماتحجي

مرح.اي والله بعدهه وهاي منتظرين اثير يجي يشوفهه بلكي يطلعهه من هاي الحاله

سمر.ليش اثير وين

مرح.اول ماطلعوا من المستشفى عافهه وراح ولسه مابين بعد

سمر.هاا

مرح.اي مصطفى شلونه وياج تقبل موضوع اياد لو بعده

سمر.والله ماادري شكلج

مرح.شبيج احجي صاير شي وياج زين انتم كملتوا لو شنو

سمر.مرح ماينفهم طبعه غريب كل شويه شكل ساعه تلكي هادء وطبيعي شويه ويتحول بارود ماتكدرين حتى تججين ويا

مرح.انتي هم قدري وضعه ياسمر اكيد الولد صعبه علي يتقبل الموضوع هم خربو علي يوم عرسه وهم مرته نخطفت كدام عينه ومن منو ابن عمهه وحبيبهه ترى زين من عنده ولازم اعصابه لحد الان

سمر.بس هذا ماينطي الحق يستفزني بهذا الموضوع كل شويه

مرح.سمر الله عليج اضبطي لسانج وياه موهيج حبيبتي ترى ينفر منج وهاي احلى ايام حياتكم استغليهه وخلي ياخذ انطباع حلو عن شخصيتج مو مكابلته وبس العرك

سمر.والله ضحكتيني هو اني وين شايفته حتى اتعارك ويا شو طلع من البارحه المغرب ولسه ماكو

مرح.ياااا عافج وانتي عروس وطلع معقوله وين راح

سمر.لدوام عنده دوام على اساس يرجع صبح بس لسه ماكو

مرح.اي صدك حتى عمر واثير لسه مارجعوا بس هوه عريس يعني غير لازم ماخذ اجازه

سمر.والله ماادري يجوز عدهم شغل مهم

مرح.والله ماادري اكلج صدك حظري نفسج اجوكم ماما وبيبي وعمه اجن عليج

سمر.صدك والله وستوج تحجين

مرح.ههههههه نسيت والله دكومي جهزي نفسج راح يوصولكم هسه

سمر.يلا باي خل بليل اخابرج اريد اكلج على شغله راح تخلبني

مرح.هاي اذا مااجه مصطفى مو ههههههه

سمر.هههههههه اي اذا بقيت وحدي اخابرج

مرح . مااوعدج لان وسام يستلمني بليل مايقبل انشغل عنه يزعل

سمر.صدك شلونه وضعكم انتي ويا

مرح.عسسسل فديته هوه وين اكو منه وسومي يربي احببببه احبه

سمر. وسم واني شعليه زرفتي اذني ماترحين تكليله حتى يهجم عليج هسه مدام والبيت فارغ هههه

مرح.لا عيني احنه مؤدبين مانسوي هاي سوالف بس حبجيات وبتلفون هم حبيبي كلش محترم مو مثل زلمجن ههههههههه

سمر. اي هوه بس انتي طفرتي بينه والانفس نسخه العد رهف عدي الله وكيلج هههههه

مرح.ههههههههه الله يساعدجن

سمر.يلا اطفري خل البس

مرح.يلا باي سمسم

سمر .باي

سديته منهه وكمت بدلت لبست قفطان مغربي عندي لونه ذهبي وابيض عفت شعري مفتوح وخليت مكياج طوخ شويه علمود يبرز وي ملابسي لبست حذائي اندكت الباب دخلت شهد

شهد.اوووو شهل اناقه والكياته

سمر.عيونج الحلوه حبي

شهد.لاجد طالعه تملخين وين اخوي عنج يجي يشوف الجمال العنده

سمر.خليه مكابل المركز احسله

شهد.أشم ريحة عركه بطريق ياستار يا ربي

سمر. ههههههههه كلشي توقعي مني اذا طكن عندي

شهد.بعد كلبي انتي هم عندج خيط خبال ويطك مثل رجلج

سمر.الله لايراويج اخبصهه كلهه وياي هناك اخليهم بس يردون يرضوني بأي طريقه

شهد.ماتعلميني بالله بس هسه اجيت اكلج اهلج هنا يلا تعاي

سمر.اي لحظه بس اجيب شالي

طلعنه اني وشهد بعدما أصرت تصورني بهذا الفستان وطبعا بتلفوني وصلنه الاستقبال سحبت شهد شال من راسي ودخلت اول ماشفت ماما ركضت لحظنهه

سمر.ماما شتاقيتلج ونبي

ماما.يبعد عمري ولج البيت وحشه عليج متعودين على سوالفج وضحكتج تارسه البيت حتى قتيبه يكول البيت فاهي بدون سمسم وسوالفهه

سمر.مو بكدي والله طك كلبي عليهم ولاتكول تلث ايام

بيبي.ها سمسمه شلونج

سمر. الحمد لله بيبي انتي شلونج جدو شلونه

بيبي.بخير الحمدالله أم كمال شلونه سموره وياكم

خاله.يا ورده سموره وين اكو منهه صوتهه ماسمعنا لسه

بيبي. عفيه بنيتي هيج اريدج

عمه. شلونج حبيبتي

سمر.عمتو الحمد لله انتي شلونج

عمه . الحمدالله بعد عمتج شلونج مصطفى شلونه

سمر.الحمدالله زين

ماما.وينه رجلج ماما ماصحتي خل نباركله

سمر.هااا

باوعت على خاله دنكت والحجيه هم دارت وجهه

سمر.ماما مصطفى بدوام ماموجود

ماما.هاا اي صدك حتى اخوتج هم من امس طلعوا ولسه ماردو يكولون انذار عدهم

خاله. شغلتهم صعبه لانوم مثل الاوادم ولااكله بوكتهه

ماما.اي والله خو اثير سوده عليه لان يطلع نهلك هلاك اشو من عمر الكاعد بمكتبه

خاله.الله يساعدهم شنسوي

بقوا كاعدين قريب ساعتين وطلعوا قبل المغرب علمود رهف مايكدرون يعوفوهه جلبو بيهم على عشا بس ماقبلوا اول ماطلعوا رجعنه الاستقبال اجو بيت عمهم لفيت شال على راسي وبقيت كاعده وهوه دخل

مصطفى. السلام عليكم

الكل.وعليكم سلام

العم.شني بويه هذا حالك وين جنت

مصطفى. والله حجي عدنه شغل وهسه يلا فرغت

العم. غير عريس وتاخذ اجازه

مصطفى. مارضوا يطونه اجازه بسبب الضرف الصاير عدنه بلمركز هسه

خاله. دكعد يمه ليش واكف

مصطفى. لا والله تعبان كلش بس اسبح وارجعلكم

العم.براحتك ابوي احنه خطار قابل

الحجيه.روحي يمه وره رجلج خاف يريدله شي

صدك طلعت وره لكيته جاي ينزع ملابسه التفت عليه ورجع يكمل تبديل اخذت ملابسه الشمهرهن بلكاع فرغتهن علمود اغسلهن وهوه دخل يسبح مانطق بحرف واحد نزعت حجابي ورتبت شعري وردت اطلعله ملابس بس ترددت مااعرف شيلبس هسه صافنه و اندك الباب واجة خاله

خاله.ها يمه وينه رجلج

سمر.جاي يسبح تفضلي جوه

خاله.ياا هيج بسرعه طب للحمام شجاه حتى عيب من بيت عمه عافهم وطلع شيكولون هسه

سمر.ماادري يمكن لان تعبان ماشفتي شصاير بي خطيه

خاله.ههههههه يعمي هنياله اذا مرته هيج تخاف علي

سمر.هههههههه

طلع هوه من الحمام وكلعاده مايلبس بلحمام من شاف خاله استغرب

مصطفى. سمر طلعيلي البدله الثانيه اليمج مال دوام وهاي اغسليهه

خاله.شني راح ترجع

مصطفى. اي والله حجيه راجع اصلا كوه اطوني اذن اسبح وارجع

خاله. شني سالفه ادري انته مامقدم اجازه مال زواج

مصطفى. اكيد قدمت بس الضرف حاليا مايسمح

خاله.ولك يمه فشله عايف مرتك وانتم بعدكم عرسان اصلا شافت منك وانته مخلصهه بلمركز والله مساع استحيت من اهلهه من سألوا عليك

مصطفى. وشبيدي قابل اني غير شغلي هذا وين رايح يعني اكو**** شوفت عينج ماكل تبن

خاله.انته ماجوز من الفشاير شوكت توب

مصطفى. حاليا مستعجل حجيه وداعتج من رجع انشاء الله نتناقش بهذا الموضوع

خاله. يلا خل اعوفك وي مرتك شويه خطيه البت شافت منك من ليلة العرس وطفرت

مصطفى. هههههههههههههه والله عدج سوالف حجيه وصلت لطرف لساني وردت الحجايه

خاله.ههههههههههههه

طلعت خاله سديت الباب وراهه هوه كام يبدل دار عليه بعد بس بلفانيله

مصطفى. شلونج

سمر.الحمدالله

مصطفى. مرتاحه هنا احد ضوجج سمعج حجايه

سمر.لا ماكو هيج شي مرتاحه الحمد لله

مصطفى. الحمدالله اي شي تحتاجي اتصلي عليه او طلبي من امي هيه يمج

سمر.ليش انته جاوب حتى اتصل عليك

مصطفى. ادري اتصلتي بس جان الوضع مايسمح ارد فسويته صامت رجعت دكيت عليج وراهه جان مشغول

سمر.اي ردت اشوفك انته كلت ترجع صبح وصار العصر ومابينت من ماجاوبت اتصلت على مرح

مصطفى. بس اني ماسألتج ويامن تحجين

سمر.سكتت مارديت علي كمل لبس وتعطر واجه تقرب عليه رفع راسي بيده ضل صافن عليه بعدين حجه

مصطفى. ليش مثكله بلمكياج اليوم

سمر.مو علمود وي البس لابس.......

مالحكت اكمل جملتي اقتحم شفايفي اول نبت سنونه بيهن حسيت بلهفه بطريقته مو مثل قبلهه يعني شلون واحد مشتاق فزيت على الحركه سواهه شهكت هوه باوع عليه

مصطفى. شبيج هو لزمت * لو غير شي شسوين 😉

سمر.انته فاجئتني بحركت ايدك

مصطفى. لوما ولد الكلب ذوله جان عرفت شلون افاجئج من صدك

سمر.انته موتكول مستعجل زين ترجع لو لا

مصطفى. ترديني ارجع لو مرتاحه بدوني بلغرفه

سمر.لارد

مصطفى. ههههه ماشي ضلي مستحيه براحتج بس هوه حتى اذا اريد افلت بليل اخوتج كاعديلي هو اثير تكول يطلبني بثار

سمر.حلوه علاقتكم انته واثير حسيتكم اقرب من الاصدقاء

مصطفى. اني واثير عشرة عمر من جنه بلمتوسطه ولحد هذا اليوم احنه سوه ماتفرقنه

سمر.الله لايفرقكم انشاء الله

مصطفى. يلا تعاي خل نطلع لو تبدلين

سمر.لاخل ابدل هسه الولد موجودين

مصطفى. بس خففي الحمره وحطي شال على راسج وتعاي عيب من بيت عمي كاعدين بره

سمر.مو خاف شسمه

مصطفى. شنو سمر انتي ضامه عليه شي

سمر.لا موهيج فهمت غلط بس اكول خاف اخوك يكوم يحجي هسه اذا شافني مكيجه ومبدله

مصطفى. اخوي يحجي منو بيهم

سمر.نصير

مصطفى. ونصير شنو علاقته بيج حتى يحجي سمعج حجايه لو شسوالج

سمر.بس انتظر هنا اغسل وابدل ملابسي ونطلع سوه

مصطفى. سمر شبيج خايفه جاي اكلج بس حطي شال على راسج ليش تبدلين

سمر.يربي شكله هسه هذا اني لو مخليته يطلع وطالعه وراه

مصطفى. هاااا وين صفنتي ترى من غير شي تعطلت امشي يلا

سحبني وطلعنه اني مو خوف من نصير بس خايفه خاف مصطفى يسويله مشكله لان مبين ماعاجبه وضعه وصلنه الاستقبال سمعت صوت الولد لزمت ايده بسرعه افتر عليه

سمر.اسويلك عشا قبل لاتطلع

مصطفى. هوه اصلا راح يصبون عشا تعاي اكعدي يمي لاحكه على شغل

سمر.بس البنات جاي يشتغلن

مصطفى. على حد علمي بعدج عروس مو مال شغل صح بس شكل بس المهم

سمر.شنو قصدك بس شكل

مصطفى. يعني اقصد من اني وياج فهمتي هسه صيرين عروس كامله

سمر.😱😱😱😱😱

مصطفى. ههههههههههه يلا تعاي اكعدي يمي واحسبي حسابج طول مااني بلبيت تبقين يمي ماكو شغل مفهوم

ولارديت علي ذبيتهه على صامت من وره حجيه عززه هذا ماعنده شي اسمه عيب زايع المستحه فد مره دخلنه كعدنه كعدت يمه وبنات عمهم فد حبابات التهينه بسوالف كامن البنات ينكلن بالاكل ردت اكوم لزم ايدي وشاورني كدامهم

مصطفى. وين تردين اني شحجيت

سمر.بس عيب ابقى كاعده وهمه يحطون الاكل كدامنه

مصطفى. هاي كملن صب شعندج كايمه بعد لاتخلين واحد ينتبه علينه كل شويه طافره

سمر.هنه كملن بعد وين اكوم بس ها جايك عليه اليوم اني اسويلك قبل لاتطلع

مصطفى. يدلل الحلو اصلا ماكو اطيب من جاي تسوينه بربج شكد تحطين هيل كرهت جاي من وره الهيل تحطينه

سمر.يااا شمدريك اني احط هيل

مصطفى. جنج ناسيه سهراتي وي اخوتج بيتكم وانتي جنتي جيبين جاي ودردمين هم تارسته هيل وهم ماراضيه

سمر.يعني انته ماتحب الهيل وتحجي عليه مو بعيني اله حتى بلماي احطلك هيل مو تدلل

مصطفى. اي حتى **

سمر.يااا انته شنو هاي الفاظك والله عيب لاواحد يسمعك ترى مرتك اني مو صاحبتك

مصطفى. متاكده انتي مرتي شواخخخخخ

جنه كاعدين بنهاية الاستقبال ومنطلقين بلحجي لحد ماصاح مصطفى طلعت الحجيه ضربته بلعوجيه على رجله وهوه طفر باوعنه كلهم عينهم علينه شكد عيب احس روحي راح اوكع خررب وهوه ولايمه كاعد عادي وتقدم على الاكل كاللهم

مصطفى. يابه اعذرونه بس اخذتنه سوالف

العم.براحتك وليدي اكيد مشتاق لمرتك صارلك يومين ماشايفهه

مهند.والله عمي حقك شلون متحمل ماادري هوه هذا احلى اسبوع وراهه يبلش طيحان الحظ هههههههههه

مصطفى. لا اني اختلف عنك راح اجدد الاقامه فد سبوعين ههههههههههههه

مهند.ههههههههههههه احترم لاتبلش اكو بنات كاعده

مصطفى. سمر كلاص جاي على سريع اريد اروح

خاله.هسه انته شكلت دكمل عشاك

مصطفى. لاوالله شبعت الحمدالله

خاله.شهد كومي انتي سوي لخوج جاي خلي مرته تتعشى

سمر.لاخاله اني رايحه عليمن

خاله.هوه انتي حتى غدى ماتغديتي اكعدي على الواهس وخلي شهد سويله

نصير.وشهد ماتتعشى يعني بس سمر تتعشى خليهه هيه تكوم تخدم رجلهه ماعدنه نسوان يسفطن ويكعدن بس لسوالف والضحك

اباوع لمصطفى خززره خزره اني من يمي شردت رحت للمطبخ سويت جاي وحطيته على نار انعتت ايدي فرني عليه بعصبيه

مصطفى. شمسويلج نصير امس احجييي

سمر.ماسوالي شي شبيك ايدي مصطفى اذيتني

مصطفى. شلون ماسوالج مو مصيح عليج ومرزلج امس على العشا

سمر. شوف اسفه والله احنه هناك نختلف عنكم عادي عدنه اي ثنين يكعدون يحجون سوه على الاكل ماادري انتم ماترضون بهذا شي

مصطفى. ماشي بسيطه اني اعرف شلون اصرف وياه وانتي هاي اخر مره واحد يحجي وياج وماتكليلي

سمر.افهمني اني مااريد تصير مشاكل بسببي فلا تتوقع اجي اكلك هيج صار وهيج صار وياي بلبيت

مصطفى. استغفر الله لو ما شغلي هذا طلع هسه جا عرفت شسوي ويا المصيبه بيت عمي هنا مااكدر احجي كدامهم

سمر.لاتهتم ماصار شي والله لاتضوج نفسك عادي يمون هوه بحساب اخوتي هوه جاي يفهمني على العيشه هنا بس طريقته غلط

مصطفى. ماشي هسه صبي من هذا الاكل الموجود وحطي بصينيه

سمر.المن موكلت شبعت

مصطفى. حطي سمر مالي خلك اناقش من البارحه صبح من كعدت لحد الان على فد جره

سمر. الله يساعدك تخلص انشاء الله

حطيت الاكل مثل ماكال صار جاي صبيتله كلاص هم اخذني ورحنه للغرفه كال

مصطفى. يلا هذا الاكل كله تخلصي وعندج الحمام عود غسلي الاماعين بعد لاطلعين منا لمن يرحون كلمن لغرفته مفهوم

سمر.مفهوم

مصطفى. يلا ديري بالج على نفسج وخابريني ماادري شوكت يصير عندي مجال واجي مره ثانيه

سمر.الله وياك

طلع واني رحت ذبيت ملابسي لبست ثوب مال بيت خفيف وقفلت الباب خاف احد يدخل فجاءة لان يدرون بي طلع وشغلت تلفزيون وكعدت اتعشى اجذب اذا اكول مارتاحيت اصلا شعور يخبل وين لاكيته الغرفه جنن وجاي اتعشى وحدي ونت فول يمي مسلطنه وعلي والاهم مصطفى ماهوه يعني اخذ راحتي على الاخيرر.

...................................

رهف.مر سبوع بديت اتحسن شويه خاصه اليوم راح اشيل الخياط يعني اكدر اتحرك براحتي بعد اليوم عازمين سمر وعيالهه على الغدى طبعا سمر صارلهه عشرة ايام من زوجت بس اليوم يلا فرغ رجلهه علمود يجون على الغدى جنت واكفه الف بحجابي لان ايد وحده حيل مضايقتني جنت لابسه ثوب تسعين لونه وردي فاتح وبي رود ابيض باوعت على تلفوني اثير كل يوم هيج وقت يدز رساله شلونج هم يوجعج شي غير ذني سؤالين ماكو وحتى للبيت مااجه طالع للبصره كملت لف شال وكعدت على جهه لان تعبت من حالتي شوكت اكدر ارجع مثل قبل انفتح الباب ودخلت سمر تركض عليه

سمر.فوفه يعمررري شلونج شلون صرتي

رهف.حبيبتي الحمدالله انتي شلونج الزواج شلونه وياج

سمر.يازواج يمعوده هوه اني شايفته صارله اسبوع مجاي للبيت و هسه اجانه من الباب حتى ما نزل

مرح.سمر مبين عليهه راح تنفجر من القهر

سمر.لاوالله مو قهر بس هوه خطيه لو شوفي هسه حتى مابي حيل يحجي ذابهه على صامت

رهف. الله يساعده صارلهم عشرة ايام بس يركضون هسه لو يحجون شبيهم

سحر.ياهوه اليحجي يمكن لوما سبح حتى للبيت مايرجعون

سمر.اي والله صدك احنه وصلنه مرحله يدز مهند علمود هدومه ويجيب ذنيج لوصخات وهيج مخلصيهه

رهف.حتى تلفون ماكو بس رسائل

سحر.اسكتي اني لعبت نفسي من هاي الحاله ذاك اليوم خابرت عمر كتله اريد موطه عبالي هوه يجي يطلعنه تالي دز بيد واحد وياهم وطلع قتيبه اخذهه منه

رهف .واكلتيهه لو لا اهم شي

سحر.طبعا اكلتهه شتدرين بيه اقاوم كدام الموطه اني

سمر ورهف.ههههههههههههههههه

رهف.كافي ولج مااكدر اضحك

سحر.ياا شبيهن ذني شكو ياااا حمسس اي والله وين شطح مخجن عابت بنات طالعه عينهه كلش واني احجي على فطاريتي

مرح. والله اني الفطيره الوحيده بيجن لان كلشي مافهمت

سحر . روحي لوسام يفهمج احنه مانفيدج صارلنه عشرة ايام بجفاف اني ماخايفه بس من شغله وحده

البنات.شنيه شكو

سحر.شراح يسون بينه من يرجعون اني بالله ابني يشفعلي شويه اخفف ورهف بعدهم ماواصلين لهنا بس سمسم راح تاكلهه مدبسه بعد بيتي راح يطلع بيج ضيم شغل كله وكولي سحر كالت ههههههههه

سمر. انجبي ولجج لوتني بطني من وراج

سحر.عليمن يمه لوتج بطنج عادي اكليهه واسكتي نصيحه من الج

رهف.ولج سحر عوفي البنيه شوف شصار بيهه صوفرت من وراج

سحر.ياا سمر شبيج تستحين لو صدك خفتي

سمر.اني راح اشوف ماما وعمه خاف يردن شي

سحر. شردي وين ترحين طيرين

رهف.كافي ولج طلعتي روحهه للبنيه

سحر.هههههههه وانتي شبيج صافنه ست مرح

مرح.مامصدكه رهف رجعت اليوم تحجي وتتشاقه ويانه مثل قبل

سحر.اي والله الحمدالله وهسه يلا كومن خل نطلع يمهم عيب بقن وحدهن بلمطبخ

كمنه طلعنه كلنه للمطبخ يم عمه بعدهم مصابين الاكل ودخل اثير

اثير.يابه الله يساعدهم شلونكم

عمه سعاد. يابعد عمري هله بيك يمه يمته وصلت

دنك باس راسهه هيه وعمه نوال وبيبي ورجع حجه وي عمه

اثير.والله حجيه هاي جيتي كبل اجيت لهنا لان صاير فلم من تعب مابيه حيل حتى اوكف بعد

بيبي.الله يساعدكم يمه دروح اسبح واكعد يم نسيبك كاعد بالاستقبال

أثير. مصطفى عدنه اليوم خو ما كو شي

عمه . لاماكو شي غير عازمينهم على الغدى لسه ماسوينالهم عزيمه

اثير.لاصدك ليش مو صارلهم هواي

عمه.يا غير الولد هم ملتهي مثلكم وين بعد نعزمهم

اثير.اي صح متعاونين هوه وعمر هنا وبعد وياهم جم ضابط

سحر.اثير جا عمر وين مايجي

اثير.لاجاي وراي هسه خابرته كال بطريق

مرح.البيت وحشه بدونكم والله

اثير.متاكده وحشه علينه لو ماخذات راحتجن

جان يحجي وي مرح وتقدم عليه اجه دنك عليه كال بهمس

اثير. شلون صار حبيبي

رهف. بخفوت . الحمدالله

أثير. اليوم تفتحين الخياط مو

رهف.اي اليوم

اثير. تكدرين تكومين وحدج لو لا

رهف. اي اكدر ليش

اثير.تعاي هناك اريدج بشغله

رهف.خير صاير شي

اثير.كل خير بس كومي ترى شعلتي شيب الخلفني بهذا صوتج هسه

رهف.يااا اثير صوتك بعدين شوف شلون عينهم علينه وخر عيب منهم

اثير.حجيه صدك عيب اذا سالتهه شلون صارت كدامكم عيب احجي وياهه

بيبي.ياا خايبه عليمن العيب ماتخلين الولد ياخذ راحته مو رايحه روحه من تعب

اثير.رحمه الله والديج حجيه وهاي بوسه من راسج فهمي هاي اليمج مو كل شغله وثانيه وكالت عيب

بيبي.ولك انته هم على كيفك وياهه تستحي

اثير.وداعتج على كيفي وياهه بس اكثر من هيج ماترهم عدي ههههههههههه

بيبي.مايلام جدك من يكول عليك ساقط دفوت اسبح وعوف البت مريضه خل طيب واشبع عود

اثير.هههههههههه مااضن حجيه حظي واعرفه هسه تطلعلي شغله عوجه

عافنه وطلع صدك صعد سبح ورجع يمهم بالاستقبال خلص الغده والتمينه كلنه سوه مثل قبل شويه ودزلي اثير رساله كال تحظري حتى تروح لدكتور صدك لبست مساعدت البنات لان مااكدر بايد وحده كملت وطلعنه مصطفى راح وعاف سمر يمنه بطلب من جدي ماكدر يحجي شي طلعنه وتفاجئت بجدو كاعد بسياره وعمه نوال هم واثير يسوق وصلنه للعياده نزلنه اني وعمه حجزتلنه عد دكتوره نسائيه هيه راح تفتح الخياطات