البارت 11___12

البارت الحادي عشر

(الرتبه والحشمه )

........................................................

ضل وحيد ولاتضل عدهم رخيص

النجمه هم عاشت بدون هلالهه 💔
.

سحر.شبيج ولج ضحكين وحدج 🤨

رهف.هههههههه لاهيج لاتهتمين 🤣

مرح.رهوفه جبتلج خبررر يخبل 😍

رهف. شنو بالله

مرح سعد حفيد جدو طارق خطبج من جدو وجدو وافق وقرو الفاتحه وباجر هيه خطبه وهيه كطع مهر

رهف. جان بيدي كلاص عصير وكع من ايدي من الخوف والرجفه لزمتني لايربي هاي شنو منين اجتني هاي المصيبه

سحر.رهف شبيج ترجفين

رهف.مااريد ازوج مااريد عفيه لاجبروني مرح الله عليج احجي وي عمو والله ماريد مااريدد وييينك بابا 😭😭😭😭😭😭😭

مرح.اسم الله الرحمن شجاج حبيبتي رهف شبيج ليش هيج ترجفين انتي حتى ماشايفته للولد بعد شبيج

رهف.عفتهه تحجي وطفرت رحت لبيبي لكيتهه بغرفتهه

بيبي.ها يمه شبيج تبجين

رهف.بيبي الله عليج احجي وي جدو مااريد ازوج والله

جد.وليش ماتردين تزوجين

رهف.جفلت من صوت جدو طلع وراي مسحت دموعي وكتله .جدو مااريد ازوج واذا مسثقلين وجودي اني ارجع اعيش بيت ماما

بيبي.يااا يمه شني هذا حجيج غير احنه اهلج وجدج يريد يشوفج مستقره بيت زوجج يايمه دنيا ماتتأمن باجر عكبه اني وجدج نحط راسنه ونموت انتي منو الج يمه ارضي بأاسعد خوش ولد والله مكنه وراح يعيشج عيشه زينه وترتاحين ويا انشاء الله

رهف.بس بيبي

جد.ماكو بس اني نطيت كلمه للعالم باجر يجون هيه خطبه هيه كطع مهر احنه اهل ماكو داعي للرسميات هاي

بيبي.على كيفك وياهه موهيج فهمهه بلهداوه

جد.باجر عكبه تترحملي تكول رحمه الله والديك جدي على هاي القسمه

رهف.عفتهم وطلعت ماكو فايده من الحجي جدو قافل بشكل نهائي رجعت للغرفه لكيت البنات كاعدات يسولفن من دخلت سكتن

سمر.ولج شبيج اكو وحده تنخطب تكلبهه عززا شمالج

سحر.رهف ترى والله الولد حلو وشخصيه ومتفهم يعني تعين دراسه عادي يتقبل شنو تردين اشرطي علي

سمر.واهم شي سيارة الراكبهه خرررب يومه وين يلكاهن ذني والعوبات اخواته كل شويه ومنزلات ستوري بفد مكان

مرح.اي ولج انتي ماسمعتي سهى اخته شكالت بيوم خطبت سحر ماخذهن لمحل تلفونات وهنه يختارن علمود يراضيهن لان مصيح عليهن مدري طاكهن

سحر. يا وين يطكهن يحظي ماشفتي شلون يحجن كال اسعد وحجه اسعد مسوياته نبي

سمر.اني هم جنت هيج اكول عليه هسه يطلع بوخه بس مره سمعته يحجي وي قتيبه يكله انته ليش راضي جدي مايخلي البنات يكملن كليه يأاختي عجبني بساعتهه صدك حبيته تحسينه شخصيته قويه وصراحه لان دافع عن حقوق المراءة المضلومه المضتهده مثل حالتنه هنا🤣🤣

سحر.هههههههههههه دكولي المسحوله الماكله نعل هاي اختصاص جماعتنه هنا 🤣🤣🤣

مرح.لا ولج عدليهه كولي راشديات سحل من شعرر خررب يومهم شلون ايدهم ثكيله هههههههههه🤣🤣

سمر.خو اني اخر راشدي اخذته منهم كلت كطعت الخلفه والله هههههههه🤣🤣🤣🤣

سحر.هههههههههه لوشوفن اني عود عروس ورايحتله بمكياجي وخابصه روحي بس ماجاب واير مال كهرباء ونتلني بساعتهه وخلص مني فد مره 🤣🤣🤣🤣🤣

سمر.والله لو اني مكانج ارجعله الراشدي وشيريد يسوي يسوي هيه كتله وماخذتهه على الاقل مااطلع منهه هيج أبرد كلبي بي شويه 🤣🤣🤣🤣🤣🤣🤣

سحر.ههههههههههههههههه ولج هوه يضرب بيه راجديات واني عيني على حزامه خاف يسحله ويستلمني بي مو ادور ارفع ايدي حتى يحطهه بايدي ثانيه

مرح.هسه انتي عليمن ضحكين شابعج دك وانتي ميته من ضحك

سحر.خيه هيه مبينه راح اصير مدكه لاخوج اتقبل الامر انشاء الله يومين ورة العرس لو انتحر لو هوه يكتلني 🤣🤣🤣🤣🤣🤣🤣

رهف.هنه يحجن واني بالي بلمصيبه الطاحت على راسي بس لو اعرف وينه دزيتله رساله

أثير وينك انته

بس ماكو رد صار اليل ونفس الحاله البنات ناصبات عليه طلعت كعدت يمهم سويت الامر طبيعي حتى محد ينتبه كمت رجعت اول وحده للغرفه اخذت تلفون دكيت علي مغلق مرة ثنين عشرا نفس الحاله متت احس روحي جاي تطلع روحي بس على البطيى رحت اخذت علاجي علمود انام وفعلا ورة عشر دقايق غفيت لان اني اريد انام تعبانه ثاني يوم كعدت متكسرة باوعت ساعه بلعشره اووف هلكد نايمه اني كمت غسلت وطلعت يم البنات بدون ماانطق بحرف بلشت انضف هنه يحجن عليه انتي عروس واكعدي ومايصلح ومن هاي سوالف واني ولاجني اسمع باوعت الكراج سيارته ماموجوده اوووف أثير وينك ضليت اشتغل وياهن ماخلصنه الاوي الاذان دخلت سبحت وصليت رجعت دكيت علي هم مغلق ياربي ساعدني شلون بيه اني وين انطي وجهي وين اروح واذا مااجه شسوي اذا رادو يعقدون شلوووون حرام شلون اعقد واني على ذمة وأحد ثاني شلووون بقيت كاعده ولازمه تلفون بيدي دزيت رسائل دكيت علي ماكو وين راح بس اريد اعرف وينه لااكدر أسأل واحد علي هسه الكل يفهمهه غلط شلون يربي

مرح.يلا عروسه تعالي تغدي ساعه بلوحده بعدد ساعتين وتجي المشيه يلا

رهف.مااريد اني

مرح.بس...

رهف . مرح الله يخليج والله مااشتهي وبعدين استحي اطلع يمهم

مرح.ههههه اذا هيج براحتج هسه اجيبلج هنا ونتغدى اني وياج

رهف.راحت مرح جابت غدى وكعدنه سوه شكد حاولت ابلع لكمه ماكدرت مع انو اني على الغدى مال البارحه بس اني هيج طبيعتي من اتوتر لو انقهر اكطع الاكل مااتحمله كلش

مرح.فوفه ماتاكلين شبيج

رهف.مااشتهي

عفتهه وكمت هيه هم من شافتني هيج اخذت الصينيه وطلعت شويه ورجعت عليه بيدهه سبحه وقرءان

مرح.هاج اكعدي سبحي واقري قرءان وشوفي شلون ترتاح نفسيتج هسه

رهف. حظنت مرح وطكيت بجي وهيه هم تبجي وياي 😭😭😭😭😭😭😭😭😭

مرح.ولج مايصلح لاتبجين يلا

رهف.مااكدر مرح والله مااكدر شلون

مرح.رهف انتي تحبين واحد

رهف. لالااالاا ماكو هيج شي

مرح.اي زين ليش هيج خايفه شبيج ترى خوفج مبالغ بي صراحه

رهف.اني راح اقرة قرءان بلكي ارتاح شويه

مرح . ماشي اني رايحه يم البنات نكمل ونجي يمج

رهف.تمام

طلعت مرح فعلا توضيت وكعدت اقره مو ارتاحيت لانار وشبت بصدري حسيت اني غاضبه ربي من وره هاي سالفه شبعت بجي والله مر ساعتين وهو ماكو اجت العالم اسمع البنات مخبوصات علمود جاي اجت سمر كالت تعاي شوفي من شباك المطبخ رفضت ماطلعت بقيت كاعده لحد مااجت مرح

مرح.يلا كومي رتبي نفسج يكول جدو خل تجي لااستقبال علمود يشوفج وتشوفي وتحجون شويه وحدكم

رهف.صدقت وسديت القرءان وخليته على جهه باوعت مرح متظرتني اكوم وياهه

مرح.فضيهه يمعوده يلا

رهف.هههههههههه من كل عقلج تردين اروح اكعد وياه مستحيل والله

مرح.رهف بلا خبال هسه لايجيج جدي ويطلعهه من خشمج والله

رهف.ويجي وشنو يعني هيه موته وحده

مرح. انتي اليوم موطبيعيه والله شبيج ولج

رهف.مرح مااطلع واكعد وي الولد ولااريد اشوفه اصلا

مرح. ههههه حجي يفيدج هذا ورة زواج يصير بس هوه وبس حتى ماتباتين عدنه بعد ماتكدرين تفاركين حظنه ههههههههههههه

رهف. بطرانه هاي اكعد يمه هوه باب مارضه يفتحه الهم أثير واني واكفه مو ادور اكعد وياه حتى يحطله طلقه براسي غير

مرح.اني طالعه اكول جدو وهوه يصرف وياج

رهف.طلعت مرح تاخرت ماكو سمعت صوت جدو دخل للبيت يعني راح جنت كاعده ودك تلفوني أثير دز رساله

أثير.خير شبيح هلكد مخابره

رهف. انته وين

أثير.بلبيت وين يعني

رهف.شوكت رجعت

أثير.ههههههههههههه تحقيق شنو شكو

رهف.لاالله عليك شوكت اجيت شو ماشفناك

أثير.اجيت وصعدت كبل نمت من جنتوا تتغدون وستوني كعدت على هاي الهوسه البرة

رهف.يعني ماعرفت عليمن جايين

أثير.كتلج صعدت كبل نمت صارلي اربعة ايام مانايم ولادقيقه وهسه هم راح ارجع انام عود من اصحصح انزل اشوف شكو

رهف . شنو هذا البرود العندك يجوز اكو مشكله شي

أثير.لا ماكو هيج شي لان لو اكو مصيبه اول واحد يخابروني اني اكيد شغله عاديه

رهف.ردت اكتبله دخلن البنات طفيت جهاز وحطيته وراي

سمر.يلا عروسه شوفي شجبنالج كومي لازم جهزين بعد ساعه ويجون بيت جدو طارق علمود العقد

سحر.شوفي هذا الفستان جبنا الج توصيل من نت هسه يطلع يخبل عليج

رهف.مثل الواحد الضربو على راسه فقدت والله طفرت شمرت الفستان على سحر وركضت للباب هنه كامن وراي درت عليهن كتلهن

الله عليجن لحد تجي وراي

عفتهن وركضت لغرفته فتحت الباب بدون ماادكه جانت الغرفه كلهه ضلمه كلشي مايبين فتحت الضوه نايم على بطنه لابس بس برموده فرت الله منه نايم ومرتاح واني راح اموت من وراه وره مصايبه طبكت الباب بكل قوتي هوه طفر طفرة اجه يوكع على وجهه اجتني ضحكه على شكله والله بس لزمت روحي باوع عليه وضيك عيونه مستغرب ماانطيته مجال يحجي انهديت بي طلعت قهري كله بي

رهف.نايم حظرتك ومرتاح وين جنت صارلك يومين جهازك مغلق ماتكول واحد يحتاجك هسه ما تجي للبيت افتهمنا ليش غالق تلفونك

أثير.شبيج ولج جايه هاده عليه شتردين

رهف.شريد انته صدددك تحجي اثيررر انته ماتدري بلكارثه صارت وراك يعني

أثير. شكو شصاير احجي فضيني

رهف.بلعت ريكي كتله.اسعد ابن جدو طارق خطبني من جدو وجدو وافق

اثير.شنوووووو منو هذا الوافق انتي جاي تحجين لججج

رهف.لاتستعجل خل اكمل اليوم المشيه قبل ساعتين خلصت وراحوا وبعد ساعه راح يجون علمود العقد

يمه اني كلت هيج لو نطت عيونه طفر عليه سحبني من ايدي كلت انخلعت والله

أثير.عيدي شكلتي منو هاي المشوا عليهه ويردون يكطعون مهرر

رهف.حاولت اتصل بيك من البارحه وماكو حجيت وي بيبي وجدو بس مافاد مصرين على قرارهم شسوي هسه أثير الكالك حلل العالم راح تجي شلون

أثير.ياااحللل هذا اذا ماانومه بنجف اليوم مايطلع اسمي اثير

رهف. سحبني حيييل من شعري اجه بيده

أثير.كله منج الف مره كتلج لاطلعين كدامهم الف مره كلت

رهف.اخخخخ شعري والله مطلعت اصلا ماشايفته ولااعرفه والله العظيم

أثير. ولجججججج شايفج ومفصلج تفصيل واجه سألني وكتله عيونك اشلعهه اذا باوعتلهه بعد يروح يخطب انوب ابن الكلب والله لخلي يمشي ويتلفت والله

رهف. اخخخخ شعري هدني

هد شعري وركض سحب سلاحه وطلع هدمه لبس كدامي ولايستحي درت وجهي عنه بس من شفته سحب اقسام تخبلت رحت عليه جلبت بايده

أثير الله عليك لاتورط روحك مو هيج

اثير.وخررري عني لج ولج تعرفين شنو يعني قرو فاتحتج علي يعني صرتي بأسمه وانيييي اني شنووووو هنا كوووواد ازفج بيدي الهذا ابن القندرة

رهف.بلعت ريكي وكوه طلعت مني الكلمه ياريت تخورست وماحجيت . اكو حل

أثير.شنو انتي من كل عقلج دورين حلول تخبلتي شنو

رهف.اثير انته اكيد ندمت من عرفت اني بت عمك ومامعقوله تأذيني ولاراح تتقبلني كزوجه لاتنسى انته تلعب نفسك مني لهذا سببب طلكني وخليني ......

ماخلاني اكمل كلامي

أثير. اطلكج حتى تزوجين اسعد موووو 🖐🖐🖐

رهف.استلمني دك راشديات حتى شفتي طكت دم وجهي خدر من ضرب دفعته من صدره حييل لعبت نفسي منه

مااريدك ولاانته تريدني بعد شكو مجلب بيه خليني اشوف حالي والكل يمدح بلولد ويكولون خوش قسمه طلكني اثير هذا احسن حلل

أثير. انته واعيه لهاي الكلمه الكلتيهه لو لا

رهف. ماعدنه غير حلل خل نفضهه هييج احسن

أثير. لججججججججج ررررهف سدي حلكج لاادفنج مكانج هسه وانعل ابو ساعة سوده الشفتج بيهه

رهف.جان يحجي بغضب وعيونه ناطه كعدت بلكاع بعد مااكدر انطق بحرف واحد وياه حاسه نفسي مثل جثه صرت مااحس بأي شي رغم جانت ايد اثير كلش قاسيه هلمرة اذاني حييل بس مااثرت بيه الكاعد يصير وياي اكبررر حررام هوه مستمر يصيح ويكفر صرخت بصوت لان تعبت منه يذب لؤم عليه اني شبيدي يعني

رهف.كافيييييي حرررام علييك انته شنو حس يااخي اني هم بشر مو حيوان عندك وين جنت حظرتك لييش تاخرت لييش هاااا جاوووب

أثير.صوتج اذا على عليه مره ثانيه اترس حلكج تراب فاهمه

رهف.رجعني لبيتنه القديم اني لااريدكم ولااريد عيشتكم كل يوم جايبلي عريس شكل بس تردون زوجوني هيج اني واكعه من نظركم تردون بس تخلصون مني بس البنات بهذا البيت يردني بيبي وجدو كل همهم يزوجوني حتى يرتاحون من همي ههه نسوان عمامي اشتغل يثنن عليه اكعد مثل البنات اشوف نظرات الاستحقار بعيونهم يخافن على ولدهن من عندي مايشرفهن وحده خدامه صير جنتهن مايدرن اني كارهه زواج كله وانته ماشاء لله ايدك اخذت على الطك صرت مدكه الك رجعني أثير لبيتنه القديم مااريد ابقى هنا وطلك ماطلك مو مهم عندي لان مستحيل افكر بيوم ازوج بس خليني اطلع منا وارجع لحياتي القديمه عندي اخدم بلعالم ولاهاي ذله

أثير.تعاي

رهف . كعد مستواي وسحبني لحظنه وكال

أثير.طلعي البكلبج كله حتى ترتاحين احجي رهف لاتستكتين

رهف.تعبت وروح ابويه تعبت جبتهه من عمر عشر سنوات لحد الان اني ماشفت يوم راحه ياريت الطلقه بذاك اليوم اجت بيه مو بابا اول شي المذله الشفتهه عد خوالي عمري ماراح انساهه ولاراح انسى عيشتنا اني وماما بذاك البيت نسوان ثنين نخاف من يجي اليل نضل نفز من اقل صوت عشت ايام مرعبه بدل ماتكون احلى ايام حياتي اني طفله خسرت احلامي كلهه اول شي نحرمت من بابا وثاني شي اني اعيش بين اهلي وناسي واحس بأمان يمهم خسرت دراستي حلم اي بنيه تدخل للكليه بس اني اختلف عن البنات تمرضت امي وصار لازم اكعد اداريهه كمت اطلع بسته صبح لشغل وارجع بتلاثه العصر حيلي مهدود ادور اكعد اداري بامي المقعده لحد ماتوفت خسرت كلشي بعد مابقالي شي بهاي دنيا غيرهه توقعت الاهل راح ارتاح يمهم صح ارتحت جسديا بس نفسيتي دمرت صح ماحجوهه بوجهي بس اني ماتاكده هم يخافون خاف اجيبلهم العار تعبت أثير والله تعبت بعد حتى مالي طاقه للمشاكل 😭😭😭😭

أثير.اششش كافي بجي انتي مرتي وعد مني محد راح يدخل بيج ولايزعجج بعد اليوم مستعد اخذج واطلع وعيشج احسن عيشه ولااشوفج هيج مهضومه

رهف.وخرت من حظنه كتله.وهسه شراح سوي

أثير.. لازم نعلن زواجنه ماكو حل ثاني

رهف.تتوقع راح يتقبلون بسهوله خاصه اذا حجيت لازم تحجي طريقة زواجنه كلهه

أثير.ريحي بالج ومالج علاقه انتي الج صافي وداعتج كومي هسه وياي

رهف.كومني للحمام غسل وجهي اباوع على وجهي صاير ازرك من طبعات اصابعه وشفتي مشكوكه من هاي جهه شعري منفوش من سحل كالب خلقتي والله لميت شعري وطلعت ادور على شال هوه من شاف وجهي صفن عليه بعدين دنك اخذت شال مالتي بلكاع خليته هيج على شعري اجه هوه وكف يمي ولزم راسي وباسني كال

أثير.اتمنى تفهمين موقفي رهف ترى موسهله عليه اسمع مرتي مخطوبه وقارين فاتحتهه واني شنو كواد مثلا

رهف.بس اني ججيتلك كلشي انته تدري اني مالي ذنب ليش ذب صوج بيه

أثير.انتي ستفزيتيني ترى لاتنسين

رهف.هسه الحل شنو راح الوكت وراح يجون

أثير.تعاي انزلي بغرفتج ولو يكلولج امج الله يرحمهه بالاستقبال ماطلعين مفهوم

رهف.زين وجهي شلون اذا شافوه

أثير.خل اخلص من هذا ابن الكلب واجيبلج مرهم من الصيدليه رهف وروح عمي اذا لمحتج كداهمهم مامسؤل عن تصرفاتي بعد

رهف.بس هزيت راسي شبع الولد شتايم غير ابن عمك يحظي وهو اصلا الي عين اطلع هيج بهاي الخلقه نزلت جوه هوه راح الاستقبال واني دخلت لغرفه توقعت البنات طالعات بس نصدمت لكيتهن موجودات اول ماشافني😱😱😱 لطمن على وجوهن اجن يركضن

مرح. رهف شبيج منو سوه بيج

رهف. 😭😭😭

سحر.ولج رهف احجي وين جنتي انتي

سمر. رهف اذا متحجين اروح اصيح جدو والكل خل يجون يشوفنج وساعتهه هم خلصيهه بجي عود

رهف. عفتهن ورحت كعدت على جربايه ماادري شسوي خايفه من ردة فعل الكل شراح يكون موقفهم تجاهي

سحر.ابقي ساكته اني رايحه أصيحهم

رهف . لااااااا سحرر الله عليج لاتكولين لواحد

سمر.شنو لاتكول العالم راح يجون بطريق وانتي وجهج صاير خريطه وبس تبجين منو سوه بيج هيج

مرح.رهف احجي فضينا لاضلين ساكته شبيج ماتامنين بينه يعني

رهف . لا مو هيج بس .
بعدني اريد اججي اجتني رساله من اثير كاتب بيهه

أثير . رهف نحلت الشغله وانتهت مكانهه بدون مااعلن عن زواجنه

رهف. طفيت التلفون راسا وغمضت عيوني بارتياح

مرح.منو هذا راسلج وهيج رد دم لوجهج

رهف.بنات ورحمة بابا مااكدر احجي شلون

سحر.حجي يفيدج هسه تكولين منو مد ايده عليج لاوالله اروح لجدو

مرح.رهف هذا سوه بيج هيج أثير مو

رهف.😯😯

سمر.معقوله ليش

مرح.احجي عاد هوه لو لا

رهف.تحلفلي مايطلع هذا شي يبقى سر بيناتنه

البنات.وعد والله سرج بير لاتخافين احجي

رهف.من ورة سالفة الخطبه هيج سوه بيه

سحر.اي منو هذا خلصينه

رهف.بلعت ريكي بصعوبه وجاوبت. أثير

البنات.😱😱😱😱😱😱😱😱😱

سمر.عزززة بعيني لجج ليش مخرب وجهج هيج عليمن هذا كله

مرح.يعني هوه يريدج اله

رهف. سكتت

سحر.حتى لو جان حجه وي جدو واكيد راح ينهي الخطوبه مامعقوله جدو يرفض اثير علمود اسعد

مرح.رهف انتي واثير اكو علاقة حب بينكم ومن زمان مو من اجيتي هنا مو

رهف.لالالالاااااااااا والله ماكو هيج شي ابد

سحر.اذا ماكو علاقت حب ولايريدج ليش مشوهه وجهج علمود ماتزوجين 🤔

مرح.رهف حلفت برحمت عمي تحجين شنو بينج وبين أثير حلفتج برحمة عمي لاجذبين علينه

سحر. رهف احنه اخواتج قابل نضرج يعني احجي الج الامان

سمر.الله عليج احجي راح اموت من الفضول والله

رهف.ضليت صافنه عليهن شلون احجي خاف مايقبل هوه يكول مااعلنت كدامهم وهوه رافض بهاي الفترة انو احد يعرف بزواجنه زين شلون احجي هسه واذا نكرت اكو شي يربطنه معناهه ليش ضربني هيج اوف يالله شلون اباوع عليهن كاعدات منتظراتني احجي جليت صوتي وكتلهن اني و.............
.
.


يتبع


.....

البارت الثاني عشر


(الرتبه والحشمه )

................................................

يستطييع العاشق ان يخفي

حبهه أربعين سنه ولكن عندما

يغار تكشفهه الغيره بأربع

دقائق فقط ❤

.....................................................

أثير.صار سبوع اني خفر ماالحك حتى ارجع للبيت واخر اربعه ايام كمت نوم ماانام خامس يوم بعد فقدت كلش اريد بس اخلص رجعت للبيت لكيتهم يتغدون ومخبوصين ماهتميت صعدت كبل سبحت ونمت جفي وين سمعت صوت وهسه بره بس مابيه حيل اكوم كلت اخابر عليهم فتحت تلفوني لكيت رهف متصله هواي ودازه رسائل خفت يكون صاير شي هاي خشم يابس وماتتنازل وتخابر عليه اله صاير شي دكيت على عمر كال ماكو شي الوضع تمام امنت رجعت راسلتهه بس تك عين كوه مفتح بحيث ماشفت اخر رساله منهه شنو رجعت نمت شويه ومااحس اله ظربه هزت الغرفه طفرت لكيته متخوصره واكفه بلباب استغربت جيتهه بس من كالت سبب شياطين دنيا كلهه كامت تكمز كدامي ابن الكلب سألني عليهه وكتله تخصني ومع هذا راح خطب سحبت سلاحي ونزلتلهم مو منحقهم يلغون وجودي هاي كلهه سوالف جدي طلعت ملابس على سريع وبدلت كدامهه شفتهه دارت وجهه يعني مني وتستحي خررب غيرتي اذا خليتك عايش يا اسعد الكلبببب عفت بنات العالم كلهه ماعجبتك غير مرتي ياكواد ردت اعوفهه بلغرفه واطلع بس استوقفني كلامهه رجعت عليهه بغضب دنيا كله فقدت اعصابي فد مره من جهه جدي الخلاهه الطاهه الالسعد وهوه حاس بيه اريدهه وهيه اريد تطلك حتى تزوج انوب ماتسكت اجرمت بيهه اذيتهه حييل غيرتي عليهه فاقت الحدود حتى

اني متعجب من نفسي شلون هيج مااريد واحد حتى يلمحهه بس من بجت تحجي وتشهك كطعت كلبي بساعتهه حسيت شكد نذل اني بدال مااكون سند الهه كاعد اكسر بيهه بازايد راحت غسلت ورجعت اباوع لاديه ولوجهه مشوهه هاي شبيه اني معقوله يجي يوم سامحني نزلنه هيه راحت للغرفه واني كل نيتي اطلعه سحل اليوم ابن القندره حتى مايجرء مره ثانيه ويحط عينه على شغله تخصني وصلت للباب وذكرت شغله كلش مهمه طلعت لبره على سريع سويت كم اتصال ورجعت دخلت سلمت وكعدت يمهم جدي وجهه كام ينطي الوان مايريدني احظر واكيد هوه موصيهم محد يبلغني عباله يكدر يزوجهه بدون علمي مايدري بيهه ملك حصري اليه وبس

ابو اسعد. ها يابو محسن سيد راح يوصل خلو العروس تتحضر

قتيبه. بعد اذن الحاضرين اسعد خويه هاي كدام الكل من هسه اكلك موعبالك يتيمه وتستقوي عليهه ترى وراهه حزام زلم اذا اجت بيوم متكدره لو طايحه دمعه منهه راح تلكانه كلنه بوجهك

جد. بويه ماله داعي هذا الكلام اسعد خوش زلمه وراح يحط الله بين عيونه ويدير باله عليهه

قتيبه. اعرف جدي بس لازم يكون كلشي واضح من البدايه حتى باجر عكبه مايصير شي نندم علي

أسعد واني اوعدكم وعد رجال اذا اجتكم بيوم زعلانه لو مهضومه وماماخذ حكهه اني اتحشم الكم بعد

أثير.هو يحجي واني كوه لازم روحي عنه اريد اكوم اكسر سنونه بحلكه ابن نعال اخخخخخ اني ينحجي بعرضي بنص ديوان واكعد وسكت خرررب بلوكت اي والله بس اذا كمتله هسه كلهه تحط لؤم عليه والهم جدي راح يعاديني رغم نار شابه بصدري بس مبين كاعد عادي جدي وعمر نظراتهم كلهه عليه منتظريني احجي شي شويه وصلت رسائل على تلفون اسعد ماجاوب دك تلفون هم غلس مره ثنين لحد ماكالوله جاوب خاف شي مهم جاوب على تلفون اباوع وجهه احتقن وكام يطي الوان ضحكت علي بكلبي هينه ياساقط اذا ماخليتك تمشي وتتلفت مااطلع رائد أثير

جد.هااا بويه خيرك شو انكلب وجهك

اسعد. بس لحظه هسه ارجع

أثير.طلع يخابر برة بقينه كاعدين فوك ساعه وهوه ماكو دزيت رساله لرهف خاف تحجي كدام البنات مااريد واحد يعرف بهاي طريقه ماراح ينسوهه وراح يجي يوم وتتعير بيهه مر ساعتين والعينتين مارجع بعد اتصل على ابوه سمعنا يصيح ضل حاير شلون يحجي اخر شي اجه اسعد اعتذر من جدي يكله صاحبي توفه هههههههه واحد جذاب والله لنومك بصف صاحبك يازباله اخذ اهله وطلع دز جدي على رهف ضليت كاعد عادي بس شايل هم شلون اذا شافو وجهه جان ظربتهه بأي مكان اله وجهه خررب غيرتك أثير هم الك عين تظربهه بعد اجت مرح

مرح. جدو رهف اخذت علاجهه ونامت قبل لادز عليهه انته

جد.لاحول الا بابا كلولهه مالغت الخطبه بس الولد صار عنده ضرف ومايكدر

أثير.اخذت سويجي وطلعت ههههه يرجع هاي اذا اجه مره ثانيه اله اطلعه جنازه منا رحت لصيدليه جبتلهه مرهم وهذا يشيل الاثار ورجعت بس بقيت حاير شلون اطيهن الهه لكيتهه دازتلي رساله

رهف.أثير البنات عرفن انته سويت بيه هيج ويردن يعرفن شنو يربطنه مصرات يعرفن الحقيقه شسوي هسه

أثير.رهف ممنوع يطلع حرف واحد فاهمه هذا شي سر بيناتنه محد راح يعرف بي بس اني وانتي ورب العالمين فاهمه رهف وبعدين افهمج سبب

سديته ودخلت لكيت الكل مجمع يم جدي دكيت الباب على غرفة البنات طلعت مرح وتباوعلي بحيره

أثير.هاج انطي ذني لرهف

مرح.أثير ليش هيج مدمر البنيه شنو سوتلك والمصيبه بس تبجي ماترضه تحجي شي

أثير.احم احح هاج انطيهه هذا العلاج هيه تعرف ليش ماكو داعي تدخلين مرح مفهوم ولاضغطين عليهه عوفيهه ترى نفسيتها كلش تعبانه

مرح.اي ماشي هسه راح انطي الهه

أثير.تمام اني فوك اي شي تحتاجي تعاي لفوك تمام

مرح. تمام

أثير.حتى مالي نفس اكعد وياهم عفتهم وصعدت لفوك اجذب اذا كلت عيني تاخذ نوم بعد ضليت كاعد طلع صبح واني بس ادخن منين مااجيبهه ماترهم مولازم ينحجي بلموضوع اذا اريد لازم اخطبهه حسب الاصول حتى ماصير اشكالات بلموضوع .

.............................

مرح.شكد حاولنه نفهم من رهف ليش سوه هيج اثير بس ماتحجي بس بواجي اخر شي ركضت للحمام وضلت تتقيئ خطيه وجهه صار اصفر طلعت دايخه كلش كعدناهه وانطيناهه علاجه اشرت للبنات يسكتن خليهه تنام خطيه اول مانامت دز عليهه جدو تفاجاءنه تأجلت الخطوبه اليوم رجت حجيت وي جدو لكيت اثير هناك عادي كاعد ولاكانو مسوي شي عافنه وطلع رجعت يمهه البنات طلعن يسون بلعشا بقيت كاعده يمهه اندك الباب أثير جايبلهه علاج اووف بس لو اعرف شنو بينكم انتو ثنين جان رتاح كلبي رجعت كعدت يمهه خطيه نايمه والوجهه مايبين من الضرب الماكلته طلعت دهن وبلشت اخليلهه على كيف يمكن لان ماخذه علاج ماتحس خليت لوجهه كله شبعت بجي عليهه والله متستاهل تعبت وتأذت حييل بحياتهه نزيت من سمعت صوت تلفوني دك باوعت وسام اني اعرف رقمه بس ليش داك عليه شيريد يعني عفته ماجاوبت رجع دك مره ثانيه جاوبت طلعت عمه نوال

ألووو

عمه.ها مروحه شلونج عمه

مرح.هلو عمه هله بيج الحمدالله انتي شلونج

عمه.الحمدالله بخير اكلج عمه شعدكم اليوم شو ادك ومحد يجاوب صاير شي

مرح.والله عمه ماادري شكلج

عمه.خير ماما شصاير والله نهبطت شكو

مرح. اليوم جانو عدنه بيت جدو طارق مشوا وتمت الخطبه

عمه.المن الخطبه

مرح.لااسعد حفيد جدو طارق

وسام.دااكول المن منوووو بيجن

مرح.نصدمت من صوته يعني عمه فاتحه مايك

عمه.ولك شبيك اني نزيت والله على كيفك مرح وينج ماما سمعيني

مرح.اي عمه

عمه.حبيبتي منو خطبوا لااسعد

مرح.رهف لوشوفين عمه تخبلت حتى تمرضت بس جدو مايرضه يسمع لواحد مصر على قراره

عمه.استغفر الله شبي ابوي متوازي على زواجهه لمن يهجج البت يالله هسه خليهه كاعده شعليهه عود حجيت وياه وفهمته وكتله على كيفك وياهه

مرح. والله مااعرف عمه على اساس رادو يعقدون هسه بس صديق اسعد توفى وتاجلت

عمه.صدك تحجين عود ليش مايكلولي وانتن ولاوحده خابرتني

مرح.والله ياعمه البارحه درينه العصر ولتهينه وي رهف الكلبتهه مناحه

عمه.اوووف الله يكون بعونهه ولج عمه البنيه ستوهه خسرة امهه وبعدهه حزنانه عليهه حتى سنويه مادارت عليمن مستعجل ابوي يربطهه برجال

مرح . والله عمه ياريت تحجين وياه لان رهف خطيه كلش تعبانه متخبله من سالفت زواج كلش

عمه.البت تعقدت من شافته غير نطيهه مجال شويه تأمن ونفسيتهه تتعدل وبعدين الله كريم طاير العريس وين يروح يعني يلا ماما عينج عليهه ولو انتي ماتوصين خل ادك على جدج بلكي احصله

مرح.سديته من عمه وضحكت على عصبية وسام عباله اني نخطبت طلعت يم البنات نشتغل على صامت رهف نامت وعافتنه كل وحده تحلل من يمهه ليش اثير كتلهه هيج.

...........................

سمر.كملنه العشا سحر جاي تغسل اماعين كالت

سحر.سمورة عفيه اياد راد جاي ودي لغرفته بين ما اخلص اني

سمر.اي ماشي

رحت وديتلهم كلهم طبعا سحر تلزم الماعين والمطبخ علمود ماتطلع تخاف من عمر يشوفهه اخذت كوبه وصعدت ردت ادك الباب بس جذبني صوت البنيه وحده تحجي بمياعه وصوت ضحكتهه عالي هوه يكلهه صوتج فضحتينه دفعت الباب ودخلت علي جان مثبت التلفون على جربايه وكاعد فاتح دكم قميصه ويكلهه شوفي شسويتي بصدري البارحه اله اطلعهه من خشمج هاي العلامات وهيه تضحك باوعت عليهه وحده كلشي مالابسه ربي ماحلقتني غمضت عيوني بسرعه وحطيت اديه على اذاني هوه حس على وجدي طبك تلفون واجه يركض عليه لزم اديه دفعته بسرعه

أياد.شلون اجيتي سمر انتي من شوكت دخلين لغرفتي هيج وليش مادكيتي الباب سمررر ترى انتي فاهمه غلط احجي شبيج ليش هيج ساكته

سمر. اختنكت مااكدر اشوف اكثر من هيج صرخت بصوت عالي حسيت كلبي يريد يوكف من كمية القهر شفته

حقيييررررر الله ياخذذذذك انته شنووووو من بشررر

اياد.ألزمي لسانج لااطيح حظج

سمر.واحد خاين وتافهه وحقير وحرامات تنحسب على زلم تدري لو لا اني غلطانه وثقت بواحد مثلك الخيانه تمشي بدمه

أياد.انجبيييي حيييوانه 🖐

سمر.جابني براشدي دار وجهي لجه ثانيه عفته وطلعت اركض ادور هوا أختنكت حطيت ايدي على حلكي اكتم صرختي وركضت وره البيت بنهاية الحديقه اريد اصرخ اريد اطلع هاي الحسره البكلبي حيييوان من خررررب بكلبي لدك لواحد مثلك ياحقير 😭😭😭😭😭😭😭😭😭

.............................................

سحر.جنت اغسل الماعين العشا كملت ورتبت المطبخ درت وجهي لكيت عمر يشرب ماي من البراد وصافن عليه درت وجهي علمود اكمل شغل بس جسمي كله يرجف منه كملت كلشي وهوه نفس وكفته غسلت اديه ونشفتهن اريد اطلع اجيت اريد اعبر سد عليه طريق وسد باب المطبخ صرت وره الباب كام يتقدم واني ارجع لورة لحد مالزكت بلباب كلش صار كدامي بدون مقدمات 💋 اريده يوخر ماكو حتى اخاف ادفعه وخر عني واني دنكت مد ايده وكرصني من ايدي حييل وجعني بيهه ضل يلوي بيدي دمعت عيوني مم الوجع وهوه مستمر صدك بجيت لان اذاني والله مااعرف شيريد احسه متناقض بتصرفاته وخر عني فتح الباب وطلع بدون ماينطق بحرف واحد حتى كعدت بلمطبخ وبجيت على حظي على ضعفي وياه اني ليش مااكدر اواجهه ليش هيج ضعيفه يعني ضليت طاعده واندب بحظي 😭😭😭😭😭😭😭😭.

.................................................

رهف. مر يومين اني مااطلع من الغرفه مع انو وجهي تحسن على العلاج جابه مرح كالت جايب علاج ومنطيه الهه يمكن هوه حاجي وياهه لان بعد ابد ماسألتني شصاير اليوم لا طلعت ورجعت اشتغل وي البنات حتى جدو مايحجي وياي ماادري شبيهم كلهم صايره على صامت توقعت هوه حاجي وياهم خلصنه غدى والكل تفرقوا لغرفهم احنه هم رحنه رحت اجيب مي لبيبي ودخل هوه باوع عليه اني دنكت هم مقهوره منه على اخر موقف وهم استحي احجي ويا اصلا جنت واكفه اترس مي من البراد اجه وكف وراي وهمس يم اذني

أثير.بيهه مجال الحلو مالي يصبلي اكل لان ميت من الجوع وداعتج

رهف.ماحجيت وياه اي شي رحت وديت لماي لبيبي ورجعت حميت الاكل وصبيتله بس مااعرف هوه وين هسه طلعت اريد اشوفه شفته كاعد بلهول البره ومكنك بعده ملابسه جبت الاكل وحطيته يمه اول ماخليت الصينيه فات جدو يمه يبس دم بوجهي والله همس اثير

أثير.روحي يم البنات بسرعه

جد.رهف جدو شلون صرتي اليوم

رهف.الحمدالله جدو

جد.هاا هذا قتيبه اجه اليوم تاخذ رهف لطبيب

قتيبه. اي اليوم المراجعه

جد.اخذ اثير وياك اليوم مالي خلك اني

أثير.أني عندي شغل راح اطلع اجيت اخذ اوراق وشفت رهف بلمطبخ كتلهه اذا اكو غده تحطلي لاتعتمدون عليه

قتيبه. اتمنى مره وحده تحس بمسؤليه تجاهه البيت مثل ماشايل هم شغلك

أثير.انته موجود والكل هنا مطوع مو اله اني

جد.هاي هيه بويه هسه اخلي اسعد يروح وياكم بس اخابره يجي مايكول الولد

رهف. لاااجدو عفيه لاتخابره

قتيبه.انتي ماتكليلي شنو سالفتج بس واحد يجيب طاري الولد تنكرصين منه شبيج

جد.بعدهه تستحي منه عود من ينسد عليهم باب يصير هوه ولاعنه

رهف.اباوع أثير وجهه صار دم حتى غص بلكمه عاف الاكل وكام صعد فوك مرات احس جدو يعرف بينه ومتقصد يسوي هيج وي أثير دخلت سبحت وخليت دهن لوجهي باقي بي قليل لبست وطلعت سمعت قتيبه ومرته يتعاركون يمكن نزعجت لان راح ياخذني لطبيب عفتهم وردت ارجع للغرفه نزل اثير وجان طب سوزان وامهه

سوزان. حبيبي شتاقيتلك شلونك 💋

أثير.هله بيج

سوزان.عندي موضوع مهم عندك يصير نكعد وحدنه

أثير.مايصير يتأجل يعني

رهف.شعوطت واكف يدك سوالف وياهه وهيه كلش مستورة بلبسهه ماشاء الله طلع قتيبه هوه ومرته

قتيبه.يلا رهف امشي تاخرنه

رهف.باوعت على هدى لا زينه مبينه وتضحك بس تريده يطلع مدري شبيهه قتيبه طلع واني لطشت مكاني غير كال مستعجل مايطلع لو غير رايه من شاف ست الحسن دكيت رجلي بحركه بلكاع وطلعت جنت لابسه بنطرون وقميص عود البس العباه وياهن مالت مرح عفتهه وطلعت هيج بعدني بلباب اجه وراي يركض سحبني من ايدي بس على كيف همس

أثير.هيج طالعه خاتون

رهف.عفوا تحجي وياي

أثير.والله هاي شنو دور هههههه

رهف. درت عليه بحركة كلب كتله .انته موتكول مستعجل حتى لدكتور مارضيت تروح وياي ومن شفت هاي المايعه نسيت روحك جوه يعني

اثير.هههههههههههههههه هاي غيره يعني شيسمونهه

رهف.أثير الله عليك خل اطلع مااريد اجفص بلحجي

اثير.هههههههههههه لا رايح اني مااريد ضيجة خلك خلينه هيج حاليا

رهف.شفته رجع دخل ركضت لزمت ايده من يم العكس

اثير.شبيج

رهف.انته موتريد تطلع شكو رجعت جوه

أثير.هههههههههههههههه ولج بس اجيب تلفوناتي وسويج نسيتهن شبيج

رهف.اني اجيبهن انته اطلع اثير لاتدخل الله عليك

أثير. ههههههههههههه ولج خبله وذا شافج جدي

رهف.مومهم اهم شي ماتدخل هاي راح اجيبهن

عفته ميت من ضحك ركضت جبتهن واجيت محد شافني انطيتهن اله ضل واكف

رهف.ماتطلع شبيك يلا

أثير.ههههههههههههههههههههه وربي مو صاحيه

رهف.عفته وطلعت اخذني قتيبه لدكتوره من سويت تحليل وشافته كالت لازين صاعده درجتين بهذا سبوع بس بعده خطر راوتنه اوراق مال دم كالت هاي وحده دمهه تسعه ونص وثانيه عشرا ونص ولان مجاي يصعد عدهن راح يحطن دم ضحكت عليه كالت انتي بلنسبه الهن انتحاريه هههههه كملنه وطلعنه كالت ابقى على علاجج ماكو داعي نغيره بس لازم اضل متابعه وياهه من طلعنه بلطريق سألت قتيبه

قتيبه ممكن سؤال

قتيبه.جواب

رهف.هدى نزعجت لان جبتني لطبيب

قتيبه.منيلج هذا الحجي لابلعكس هيه ذكرتني والله وماخلتني انام حتى ههههههههههه ولجن مرتي صافه وياجن عليه وين صايره هاي

رهف.هههههههههههههه وين اكو منهه هداوي بلسم على جرح

قتيبه.هههههههه بس وياجن وداعتج راح تخبلني بغيرتهه والله

رهف.اي غير تحبك شي طبيعي تغار عليك

قتيبه.غير العشك مالي انتي مالحكتي على المطاحنات صارت يلا اخذتهه

رهف.صدك والله يعني زواجكم عن حب

قتيبه . اي عن حب بس جانت عاقله من زوجنه اكتشفت عدهه خيط خبال من حبلت ضلت ولاخيط ههههههههه الله وكيلج كل جفصه تجفصهه جيب اليسكت ادور ترجع تعتذر وكالت هرمونات الحمل ادري شايله طفل لو خبالات هههههههههه

رهف.هههههههههههههه اتحمل مابقى شي وتجيب وترتاح الله يكومهه بسلامه انشاء الله..

قتيبه.امين اي والله شايل هم لولادتهه بس الله كريم ربج يسهل

رهف.وصلنه للبيت لكينه سيارة أثير بلباب موكال عندي شغل يضحك عليه شنو نزلنه وهوه نزل من سيارته يمكن ستوه جاي

أثير.هااا شني الاخبار

قتيبه. الحمدالله صاعده نسبه صايره اربعه انشاء الله فد سنتين توصل للعشره بيهه مجال 🤣🤣🤣

أثير. 🤣🤣🤣🤣🤣 شني معدة عصفور شبيج ماتاكلين

رهف.هاي قابليتي على الاكل شسوي يعني

قتيبه.شوفي ولج اريدج تكعدين بجدورة تمسحيهه مسح يعني اذا رحنه مره ثانيه مااضل متفشل من ابو التحليل من وراج اليوم يكلي ليش هيج حرام عليكم

أثير.خاف ماتردين سمنين ولجج

رهف.لاوالله بس هيج اني طبعي مااعرف اكل هواي والله

قتيبه.دفوتي هسه اكلي شي واخذي علاجج سمعتي شكالتلج لاتهملي

رهف.انشاء الله

أثير.انته وين رايح

قتيبه. يمعود بيت خالتك بعدهم وهاي الخبله مسويه عليه حظر اكلهه ولج عادي غير بت خالتي وراح صير مرت اخوي ولاتقتنع

ضلن

أثير. يعني من سوزان تغار عليك صدك تحجي انته

قتيبه أثير لاتاخذهه بغير نضره كتلك خبله هاي حتى من اكعد وي امي تغار ذاك اليوم دخلت لكيتهه تبجي يابه شبيج جان تكول بعد لاتنام على رجل خالتي شايف هيج بالله 🤣🤣🤣🤣

أثير.ههههههههه يمعود غير تحبك اتحمل

قتيبه.عسل على كلبي غيرتهه

أثير.الله يديمهه عليكم ويرزقني انشاء الله بوحده تغار عليه مثلك 🙏

قتيبه. ولعدك شبيهه يعني ماتغار عليك

أثير.غيرتهه نارررر وتموت تخليك ودك تكرطهه هههههه

قتيبه.ولك رهف واكفه شبيك الزم لسانك

أثير. هههههههههههههههه

قتيبه.رهف بلغي هدى اذا تريد شي خل تتصل عليه رايح للكوفي

رهف.راح قتيبه دخلت بعدني بلكراج ونسحبت من خصري اخذني للحديقه لا الاضاءة خافته بيهه

أثير.وين تعاي اريدج موضوع شويه

رهف.شتريد مني عندك تغار عليك ناررر

أثير.اليوم شكو الغيره كابه فوول

رهف.اني سلام ماتخليني اسلم على اي واحد وحظرتك نازله تبوس ام رتوش بيك وانته عاجبك الوضع

أثير.هههههههههه غير خطيبتي كدام العالم

رهف.واني شنو هااا

أثير. محتاجه سؤال مرتي غير يعني انتي اقرب بس انتي منشفتهه عليه شسويلج يعني وذيج تجي تبوس اطردهه رزق وجايني اتبطر يعني ههههههههههههههه

رهف.سكتت مارديت عليه اني شريد هسه ليش جايه نتعارك على شنو شبيه اني معقوله اتقبله بعد كلشي سواه بيه

أثير.هااا وين صفنتي

رهف.عود ليش احنه هيج يعني اقصد مو مثل ناس العاديين انته كدام العالم خاطب وبسر اني زوجتك واني نفس حالتك ليش هيج

أثير.لااني خاطب ولاهم يحزنون وماكو وحده غيرج مرتي لاصارت ولاراح صير مفهوم والكلام الكلتي اذا نعاد النه حساب ثاني

رهف.شلون شراح سوي سوزان من جهه واسعد من جهه

أثير.حللهم عندي ثنينهم هسه عوفج منهم اريد اكلج شغله

رهف.شنو

سحبني من خصري صرت بحظنه رفع شال وحط راسه بركبتي وصار يبوس بيهه على كيف وبكل رقه دفعته على كيف

رهف. شدسوي

أثير.لاسألين شي لان اني نفسي ماادري شبيه من اشوفج مااكدر الزم نفسي

رهف.هههههههههه

أثير.شبيج ليش ضحكين

رهف.اخاف اكلك لاواحد يشوفنه

أثير.ههههههههه ديري بالج لان من تنطقيهه تحسسيني صاحبج اني

رهف.زين سؤال

أثير.💋 جوواب

رهف.باسني على سريع وخر

أثير.اسألي شنو ردتي

رهف. ليش دائما تسحبني من خصري يعني ماكو غير هذا المكان

أثير. ههههه بكيفي حلالي واني حرر بي منين ماالزمج براحتي عندج اعتراض

رهف.ترى حتى جدو شايفك ذاك اليوم

أثير.رحمه لبوج لااذكريني بجدج تكول كاتل ابوه مدري شبي وياي

رهف.هههه صدك هوه ليش هيج متناصب وياك مرات احسه يدري بينه وكاعد يلعب باعصابنه والله

أثير. حتى اني عندي هيج احساس بس الله اعلم حاس جدي ماناوي يعديهه على خير اذا صدك

رهف.بعده يحجي وسمعنه صوت هلاهل ترست البيت

أثير.هاي شكو شنو هذا صوت

رهف . أثير بس لا بيت جدو طارق رجعوا

أثير.اي حتى احطه للهم بجنطة سياره بعدين انسيهه سالفه بعد لايجون ولايوصلون اصلا

رهف.صدك انته شسويت وخربتهه بهل سرعه هاي

أثير. ههههههه اسرار المهنه هاي مايصير احجي

رهف.زين شنو تتوقع هذا صوت

أثير.تعاي خل نشوف شكو ولو واحد ماوده يعوفج على هاي الوكفه هسه

رهف.عزززه انتبهت اني بعدني بحظنه فد ستحيت دنكت هوه هدني ودخلنه جوه لاكتنه مرح بلمطبخ هيه وسحر خررب حظي بعد مافكن ياخه مني اليوم

أثير.هاي شكو شنو هذا صوا

مرح.هاي امي ومرت عمي وبيبي

أثير.اي عليمن شصار

سحر.مو جدو اتصل على ابو سوزان وحددو موعد العقد مالتكم

أثير. شنوووو

رهف.عافنه أثير ودخل ركض لجوه البنات لحكنه اني ضليت بلمطبخ مالي حييل والله يعني خاف ضحكنه شويه شهل حظ العندي هذا اني رحت جبت كلاص مي اريد اصيطر علي الزمه مااكدر هاي شبيه اني ؟؟؟
.
.
يتبع..

البارت 13___14
البارت الثالث عشر

(الرتبه والحشمة

..........................................
(رهف)

مرات أكول شجباني شعرفني
بيك شلون صدفه لخلتك كل
أهلي ❤

...................................

أثير.هاي شكو شنو هذا صوا

مرح.هاي امي ومرت عمي وبيبي

أثير.اي عليمن شصار

سحر.مو جدو اتصل على ابو سوزان وحددو موعد العقد مالتكم

أثير. شنوووو

رهف.عافنه أثير ودخل ركض لجوه البنات لحكنه اني ضليت بلمطبخ مالي حييل والله يعني خاف ضحكنه شويه شهل حظ العندي هذا اني رحت جبت كلاص مي اريد اصيطر علي الزمه مااكدر هاي شبيه اني كمت رحت يمهم اريد اشوفه شسوه بس نصدمت لكيتهه كاعده يمه ويحجون على كيف هذا شنو ويضحك عليه لو عليهه لو شنو موضوعه

رهف.السلام عليكم

أم سوزان. وعليكم السلام مبروك على الخطوبه تستاهلين

رهف.جاوبت بعناده.الله يبارك بيج اشكرج خاله

جد.تعاي بويه شكالتلج دكتوره

رهف.تكول اكو تحسن على العلاج بس لازم استمر وياهه

جد. اهم شي اكو نتيجه زينه

رهف.اي الحمدالله

أم سوزان.بعدج مازوجتي ولزمتي درب دكتورات شجاج غير ديرين بالج على صحتج

رهف.وزاج شنو دخله بفقر دم

عمه سعاد. هههههههههه حبيبتي هيه شغله جر شغله

بيبي.بس الصبح وجهج احسن شو هسه مصوفره

رهف.لان حاره بره تعبت شويه

بيبي.دكومي بدلي ورتاحي

رهف.وهوه هيج عن اذنكم

جد. لا بويه اكعدي لاتبدلين

رهف.ليش جدو

جد.راح يجي خطيبج يريد يحجي وياج يكول عنده موضوع مهم

رهف.بس جدو

جد.رهف بلا خبال جدو اكعدي وي الولد وشوفي شيريد واحنه كلنه يمج قابل راح ياكلج

رهف.ماكدرت احجي شي سكتت رفعت راسي عليه هيج صدفه مومتقصده لكيته كاعد يدك سوالف وي أم رتوش والله بعنادك اله اكعد وياه رفع راسه خزرني خزره يمه راسا دنكت شنو سمعني هذا خررب يومك

سعاد.دكعدي ياعيني شعندج مستعجله بعد وكت

أم سوزان. لاوالله تاخرنه هم يالله يلا سوزي ماما

سعاد. دبقي ياعيني اتعشي وأثير يوصلكم

أم سوزان. والله مااكدر رجال مناك وحده هم يريد عشا يريدله شغله

سعاد.خل أثير يوصلكم دنيا ليل صارت كوم أثير يمه وصل خالتك

رهف.يعني راح تطلع وياه حسيت دخنت منه والله

أثير.منتظر جماعتي راح يجون وسياره مابيهه بانزين شوفي عمر بلباب

جد.من شوكت تعوف سيارتك بدون بانزين

أثير.صار عندي شغل ومالحكت افول هسه من يجون الولد واحد ياخذهه يفولهه

أم سوزان.جا نروح احنه ناخذ تكسي شعلينه

سعاد.لا خل اشوف عمر اياد ثنينهم كاعدين بره

رهف.راحت خاله شويه ورجعت كالت عمر راح يوديهن هنه طلعن واني ضليت يم بيبي والافندي طلع وراهه خاف مالحك يودعهه بس عوزهه تكعد على رجله بنات تالي وكت زايعه المستحى كلش هوه مارجع اجت مرح كعدت يمي جاي تكلب بتلفون ضلينه كاعدين سمعنه صوت الجرس اني طفرت اريد اروح للغرفه لزم ايدي جدو واخذني الاستقبال ادور بعيوني علي ماهوه وين راح هذا فتحت تلفوني دكيت علي راسا جاوب

أثير.الو

رهف. خانكتني العبره كوه حجيت ..وينك انته

أثير.فوك شبيج شكو

رهف.اثير اجه ش......

وكطعت الخط لان جدو دخل هوه وياه أثير يدك مااكدر اجاوب هوه اصلا تلفون صامت جدو عافنه وطلع ركضت وراه رجعني ويضحك عليه

جد.ههههههههههههه شبيج جدو ترى ماياكلج الولد تعاي كعدي

رهف.كعدت بس افرك بديه هاي شديصير يربي

أسعد.شلونج رهف

رهف.الحمدالله

أسعد. ارفعي راسج شبيج باعيلي

رهف.بقيت مدنكه اجه تقرب يمي ومد ايده رفع وجهي من يم حنكي طفرت راسا

أسعد.شبيج ليش طفرتي هيج

رهف.انته شلون تمد ايدك على وجهي منو سمحلك

أسعد.ترى انتي خطيبتي عادي شبيج

رهف.حررام مايصير.

ابو خطيبتي هوه اني اثير وكوه عليه متقبله يلمسني بس ابد مالعبت نفسي منه مثل هذا هسه حسيت كشت روحي والله

أسعد.انشاء الله كم يوم ونعقد ويصير حلال

رهف.اني طالعه راح اصيحلك جدو

أسعد. انتظري انتي شبيج ليش هيج ترجفين

رهف.جان يحجي ويتقرب اخترقني بنظراته لعبت نفسي منه والله رجع كال

أسعد.احجيلي صدك انتي جنتي تخدمين بلبيوت جنتي تحبين وانضحك عليج لو واحد اتحرش بيج حتى اذا موبنيه عادي احجي

رهف.😰😰😰 انته منو سمحلك تحجي وياي بهاي طريقه عبالك اذا اشتغلت عد العالم يعني موشريفه هيج صارت بنظركم التشتغل بشرف لازم تكون بايعه روحهه يلا تعيش بهاي دنيا مع الاسف دنيا غبره ونترست عديمين شرف واخلاق امثالك

أسعد.اكووول لاتستشرفين براسي على الاقل اني راح اخطبج واحطج بيتي مو مثل حظرة رائد ضال يضحك عليج..

رهف.انته جاي تخربط بلحجي بس تدري شغله اني غلطانه انس واكفه احجي وي واحد مثلك

أسعد. وتالي وي هاي درامه ماتخلص يعني سألتج سؤال انتي بعدج بنيه لو لا ماعلينه بلماضي كله بس جاوبي على هذا سؤال

رهف. جان ستحيت على هذا شارب الحاطه همزين عرفتك على حقيقتك انته ذرت رجوله ماعندك

أسعد.اذا مااعلمج رجوله شلون صير ياساقطه

رهف.تقرب عليه واني شردت فتحت الباب اول مافتحته طحت بحظن أثير جان نازل يركض وكفني عدل من شاف حالتي اركض ودموعي تجري عاط بصوت هز البيت هززز

أثير.شسويتلههه كلبببب شسوالج احجيييي

رهف.تقربت وشاورته كتله.راد يضيع شرفك وطعني بشرفي وسمعتي

أثير.لكككك كوووواد اليووووم انعل اهل اهلك واريد كووواد يطلع وراك ساقطططط حييييوان

رهف.تحول اثير مثل الوحش صار هجم على الولد صارو دك ملاطم تخبل من سمع شكتله اجة كلهه على صوت تركض فاككوهم الولد واثير اركض لفوك الولد كوموا اسعد وجدو واكف يريد يعرف شنو سالفه اني حجابي مسحول لان من ركض وراي سحله نزل اثير يركض وبيده سلاحه سحب اقسام وجهه على اسعد

جد.ولك اثير مو هيج بويه لاتتهور خل نفهم شصاير

أثير.شتفهمون كتلكم واحد كلببب بس محد صدكني ولك تتعدى على عرضي اليوم ماتطلع منا

جد. هسه غير نفهم شصار

أسعد.اني احجيلك جدي

أثير.تاكل تبببن ترس حلكك فاهم ولك ماصار بعينك كل احنه بلبيت وجاوزتنه

أسعد.اني ماسويت شي بعدين سوء تفاهم بيني وبينهه نحله بيناتنه انته ليش دخلت

أثير. وللك بعدك تحجي لاتذكرهه على السانك النكس يانكسسس

قتيبه.اثير بروح عمي بغلاته عندك نزل سلاحك وخل نفهم شنو سالفه

جد.اكعد اسعد تعاي رهف بويه اكعدي خل نعرف شصاير

أثير.رررررهف اختفيييي منننننا بسررررعه

رهف.اني عفتهم وركضت يم بيبي بلغرفه وموعي عشرا عشرا مانسمع اله صوت صايح صار بفلس اجه اياد

أياد.رهف جدي ي يدج بسرعه يمعوده تعاي هذا اثير تخبل فد مره يريد يكتله

رهف.ما مااكدر اجي اخاف من اثير والله يموتني هسه اذا شافني 😭😭😭😭

قتيبه.تعاي ررهف

عمر.قتيبه اياد تعالو عوفوهه هذا اذا شافهه يتخبل بلزايد خليهه هنا احسن

رهف.رجعو راحو تقريب ساعه وصارت هدوء احنه نفس مانكدر نتنفس نخاف منهم اجه جدو والولد كلهم طبوا حتى هوه بس صاير كتله من الاعصاب حتى ماباوع عليه

عمو محسن.رهف بويه احجيلنه شكالج واثير شلون سمع بيكم

قتيبه . هوه يكول سوء تفاهم عادي صدك حجيه رهف

رهف. قويت نفسي وكلت لازم احجي . لا مو عادي

جد.احجي بويه لاتخافين نكسرلج ضهرهه والله

رهف.جدو يعير بيه لان جنت اشتغل وطعن بشرفي يكلي اريد دليل انتي بعدج ب😭😭😭😭😭😭

ماكدرت اكمل صعبه حيييل صعبه والله الكل واكفين

عمر.والله كتلته صارت حلال ابن الكلب

عمو محسن.وبعد بويه شصار

رهف.بلعت ريك وكتله.عمو شسمه 😭😭😭😭

جنت احجي وي عمو بس ماكدرت اكمل حسيت غواش صار على عيوني وكعت راسا من الخوف الاكلته

.............

مرح.وكعت رهف مغمى عليهه من الخوف والبجي البجته وطبعا اثير اول واحد ركض شالهه ملابسهه اخذهه وطلع يركض هوه وعمر وقتيبه اخذوهه للمستشفى كتلهم خل اروح وياكم بس ماقبلوا شويه وسمعنه هوسه بلباب بيت جدو طارق هادين علينه علمود أثير طلعولهم بابا وجدو بلغوهم انو رهف وكعت بلمستشفى وانو ابنهم سبب صار صايح وهوسه اخر شي طردوهم وسدو الباب جدو تعب خطيه الكل خايف ومتوتر رغم لحد الان محد يعرف تفاصيل غير أثير ورهف بس بقينه كاعدين وندعي انو مايصيرلهه شي اووف يارهف شهل حظ العندج هذا

.................................

رهف.كعدت عيوني مغوشه وراسي شثكله كوه فتحت عيوني عرفت نفسي بلمستشفى بس محد يمي وحدي بلغرفه انفتح الباب اجة ممرضه من شافتني كاعده طلعت بلغتهم دخلو أثير وقتيبه وعمر

قتيبه.ها رهف شلونج هسه

رهف.الحمدالله..

عمر.هم بعدج دايخه

رهف.لا بس ثكل على عيوني

جنت كوه اجاوب فد مستحيه منهم كلش وخاصه هسه نايمه على سديه واحجي وياهم أثير واكف يم الباب مانطق بحرف شويه واجه دكتور شافني وكال اطلعوا كمت على كيف البنيه ساعدتني اكوم

قتيبه.تكدرين لو نجيبلج كرسي

رهف.لاماكو داعي اكدر امشي

عمر.معناتهه يلا خل نتوكل

رهف.طلعو الولد جاي نمشي كلنه سوه هو صار يمي بس تحسينه بس سويله بز ينفجر والله طلعنه من المستشفى ورجعنه للبيت لكيناهم مخبوصين قتيبه أشر للبنات كالهن اخذنهه ترتاح بلغرفه دخلت للغرفه بدلت ملابسي وكعدت شويه ونفتح الباب ودخل أثير وسد الباب طفرت راسا عيونه حمرر وشرار يطاير منهن اجه سحبني من ايدي بكل قوته وجابني براشدي 🖐

أثير.اني شكلت موصخمت وحجيت ونبهت انتي ليش ماتاخذين الحجايه هاااا ليش تكسرين كلامي ودخلييين يمه احجييييي

رهف.وانته وين جنت ماسمعت جدو ماخلاني اكوم ليش مابقيت كاعد ليش طلعت خاف تزعل عليك الخاتون لحكتهه واني يطبني مرض عايفني وي جدي اني اكدرله يسمع كلامي قابل انوب جملتهه ادك عليك يعني شريد غير المفروض تجي لا انته صاعد تنام اني اخر همك اصلا فلا تجي هسه تبيع دور الزوج يمي خوش

لزمني من حنكي ولواه بيده اتاذيت بس ماحجيت مااريد انزل دمعه وحده كدامه صايره مدكه لحظرته

أثير.سمعيي لججج جرررين عدل لاوروح عمي اعلمج الأمهات شجيب

رهف.وخر عني أثير ودير بالك تلزمني بعدد مفهوم مو لعبه عد حظرتك اني شوكت ميعجبك تجي بدون ماتخليلي مكان بحياتك انته ماألك مكان يمي

أثير. عوفي هذا الخرط كله مو انتي تتحددين شوكت أجيج مزاجي شوكت مااريدج غصبا عليج تنجبين وتسكتين

رهف. لاوالله انته على شنو ماخذ دنيا بحيلك هيج وبعدين جاي تحاسبني ليش دخلت الكاعد يصير بينه انته سبب بي

أثير.هو سؤال واحد جاوبي علي صدك لااخليج تفلين سنون هسه شسوالج هم لزمج

رهف.هههه لاامن ماكدر يطخني عرفت ادافع عن نفسي وخلصت منه لان زوجي المحترم مو فارغ لي حاير بعروسته جديده

أثير.اليوم طولان لسانج كلش جري عدل لج ولاتعلين صوتج عليه لااطيح حظج

رهف.هسه سمعت جواب شتريد مني بعد اثير اترجاك اعتقني لوجه الله كافي تعبت والله العظيم تعبت

أثير.وشسويتلج حتى تعبانه هيج

رهف.هيه كلمه وحده ياأبن عمي لاتفكر تزوج واني على ذمتك مستحيل اقبلهه على روحي اكون رقم ثاني بحياتك بيوم تعقد على بت خالتك صدك بعد ماشوف وجهي ولاتلكاني

أثير.تهدديني شنو

رهف.مو تهديد بس جاي اكلك شراح يصير وره الخطوه تاخذهه

أثير.واني كتلج ماكو مره غيرج بحياتي

رهف.لاتضحك علييييه أثيرررر اذا ماكو غيررري شكوووو حاطههه بحظنك ودكون سوالف سوه هااا

أثير.هااا يعني هذا لسان والخبال اليوم من وره هاي سالفه فهمت وحتى دخلت وي جدي لنفس سبب مو

رهف.نفس السبب الخلاك تفقد اعصابك يعني انته ربك وحد بس انته تعصب وتصيح واني لازم انجب واسكت واتقبل منك كلشي مو

أثير.موكافي طولت لسان ولاتخافين ماكو هيج شي يجيج الحجي بعدين ورجع واكلج انتي مو رقم ثاني انتي لااول وللعلم انتي الوحيده المطول خلك وياهه فاهمه

رهف.جان يحجي وطبت مرح تفاجئت من وجوده هنا هو هد ايدي وكال بصوت هامس

أثير.اذا سمعت حرف واحد طالع على البيني وبينج حسابج عسير ديري بالج لايزل لسانج مفهوووم

رهف. عافني وطلع كعدت بلكاع مهدود حيلي والله تعبت وتالي وياه يعني اني اخلص حياتي وي شخص كل ماننجمع نتعارك

مرح.ها شلونج هسه

رهف.شلوني طايح حظي بلزايد

مرح.ادري شبي متخبل عليج على شنو والله من شفته اني خفت اني شفته من اجه للغرفه معصب وشكله يخوف خفت احجي وياه بس من شفتهه ماكو صوت فتحت الباب

رهف.مرح تعبت منه والله ماادري شيريد بلظبط ساعه هيج وساعه هيج تناقض موطبيعي

مرح.والله مااعرف لان اني مااعرف شنو بينكم فمااكدر احكم على الموضوع

رهف. اني داخله اسبح

عفته ودخلت للحمام سبجت وطلعت اريد انام بلكي اخلص شويه افضل حل صاير عندي هوه نوم وفعلا بقيت اتكلب لحد مانمت .

.............................

سحر.تحدد موعد العرس بعد اربعة ايام والازم نروح لمركز تجميل واكيد لازم اخذ الاذن من حظرة جنابه انتظرته يجي تاخر كلش المصيبه تلفون عنده والكل ناصب عليه يكلولي جنتي تلفون مايطيح من ايدج وهسه من انخطبتي بعد ما لزمتي امداني على هاي الخطبه اي والله سمعت صوت سيارته اجه طلعت للمطبخ حتى احجي وياه هوه شافني وطلع للبره رجع ركضت وراه كتله

عمر ممكن للحظه

عمر.خيير شرايده

سحر. ماما وعمه سعاد يكولن باجر لازم ....

عمر.لازم شنو ماتكملين ليش سكتي

سحر.هو علمود نروح للمركز تجميل

عمر.شسوين يعني

سحر . هو غير علمود العرس

عمر.علمود العرس وترحين قبل اربعة ايام شعندج

سحر. مو لازم نحجز وسوي شعري ووو

عمر.ووو شنو يعني هاي

سحر.شغلات هواي

عمر.ماشي صبح اطي لاامي فلوس وسوي كل البنفسج

سحر . شكررا

عمر.عليمن شكرا هوه كله اليه هذا تعديل غيير بس ياريت يغيروج كلج احسن ويرجعوج ذيج طفله البريئه نقيه مو وحده شيطانه

سحر. هاي اني انته ليش دائما تكول هيج شفت مني حتى تكول شيطانه

عمر.عوفج من هذا الموضوع هسه مابقى شي ونخلص منه هسه تردين بعد شي

سحر.لا هاي هيه اني داخله جوه

عمر.يعني ماسألتيني اذا اريد شي

سحر. تريد شي انته

عمر . اي سويلي عشا وجيبي هنا راح اكعد

سحر.شنو اسويلك

عمر.انتم شمسوين جيبيلي ولاتكثرين شي قليل

سحر.اي ماشي

عمر.مو بفهاوه دخيل ربج لان تعبان واريد انام

سحر.بس هزيت راسي رحت سويتله عشا على سريع ورتبت الصينيه وديتهه اله كام غسل ورجع ياكل ردت ادخل صاح عليه

عمر.خلي جاي من يمج بين مااكمل عشا

سحر.استفغر الله اني اموت من هاي طلبات اخوتي اغلس عليهم بس هذا هسه بس احجي يتحول وحش ومالي خلك رحت حطيت القوي وبقيت كاعده منتظرته يخلص كمل كام يغسل رحت وديتله جاي وشلت صينيه كال

عمر.عاشت ايدج خو ما تعبناج مدام سحر

سحر.لاماسويت شي عادي

عمر.امم روحي دخلي جوه يلا

سحر.عفته وطبيت هذا شبي الله يثبت علينه العقل ودين يالله اغسل بلمواعين وافكر اني شنو مسويه حتى عمر يكرهني هيج تعبت وماوصلت لنتيجه والله بس ليش كال مابقى شي شيقصد عود اووف اي دحجي هيج بلقلم العريض اله تخليني بحيره وماادري شسوي ياررب فرجهه من يمك

يتبع

البارت الرابع عشر

(الرتبه والحشمه)

..........................................

عشكتك والعشك بلوه

وكلبي وعيوني تروح

لشوفتك فدوه ❤

(مرح)
.

أثير. اعرف بنفسي جاي اذيهه بتصرفاتي بس موبيدي اي واحد مكاني مايتحمل يشوف مرته واحد يريد يعتدي عليهه وحتى اذا مو مرتي هم بت عمي اني من البدايه مارايده لهذا الكلب بس جدي جلب بي عباله خوش ادمي من شفتهه طلعت شعرهه طالع وتركض خايفه انوب جملتهه من وكعت خلتني فقدت اخر ذرة عقل عندي رجعنه للبيت واني بس اريد اتاكد اذا ماد ايده عليهه اله ادفنه وروح عمي الحمد الله طلع ماطاخهه بس تفاجاءة بيهه لسانهه شطوله وياي واني اكول فقيره طلعت مرتي وكحه🤣🤣 ههههههههه مو لسان عدهه غضب اخر شي اجيت اسد حلكهه بطريقتي لان ماعدهه نيه تسكت بس مرح خربت السالفه كلهه عفتهه وطلعت بره ضليت ادخن رهف تغار من سوزان واضحه وضوح شمس ماتحتاج واحد يفكر بيهه معقوله رهف عدهه مشاعر تجاهي زين سؤال الاهم اني شريد منهه لااني ناوي اطلكهه ولاريدهه مرتي فعليلا ولاحبيبه زين شنو موقعهه بحياتي دخت ومالكيت غير جواب واحد انو هيه زوجتي وانتهى الكلام عندي خلي اخلص من سالفة سوزان اول شي وبعدين واشوف حل لاام لسان لان طلعت مخالبهه عليه وصايره تخرمش ههههههههههه بس اخ جدي هوه الورطني بهاي الخطبه وهسه اني متاكد مايعوفني منا لمن اعقد عليهه يلا وخاف هاي الخبله العندي سويهه صدك وتشرد موجديده عليهه مو شردت مني من نص الفندق وكدام عيني اووف يارهف اذا اكو شخص لاطش بمخي اربعه وعشرين ساعه فهيه انتي .

........................

رهف. تجاهلته بشكل موطبيعي كمت اعرف وقته اليجي بي من يجي للبيت لحد مايطلع اني مختفيه ابقى بلغرفه قبل زواج سحر بيومين جنه كاعدين البنات سولي فيس وانستكرام صرت كل وقتي عليهن يعني اندمج وياهن مثل الماشايف واني فعلا انحرمت من ابسط الاشياء جنت كاعده اكلب والبنات جاي يسون شيره لسحر سمر ومرح متكابلات عليهه وهيه شيل روحهه وطكهه بلكاع شفت فستان عجبني كلش واسود ردته للحنه لان بلبيت مايصير مااحظر

مرح.ولج انتي نايمه على تلفون صارلج ساعه شسوين

رهف.تعالي شوفي هذا الفستان يجنن

مرح. صدك حلو ونازك

رهف.عجبني كلشش

سمر.اكيد اكو خدمة توصيل شوفي كاتبين سعر ورقم الحجز

رهف.اي ذني موجودات

سحر.ماطلبي شمتانيه واطلبي قياسج واكدي على لون

رهف. استحيت اكلهن مااعرف صدك راسلتهم من مااعرف شغله اسأل البنات عليهه لحد مانطونه موعد بليل يجون

سمر.ها شكالولج

رهف.يكول بليل يوصلكم

مرح.والله مامصدكه رهف ماتدرين شلون فرحتينه من تأقلمتي وي الوضع وجاي تحاولين طلعين من حزنج

رهف. جاي احاول كل جهدي والله

سمر.رهف الاحسن تعيشين لنفسج لان محد يستاهل تعبين نفسج وتفكيرج على موده

مرح.انتي شنو سالفتج شو متغيره كلش

رهف.اي صدك سمر شبيج صاير وياج شي احنه مانعرفه

سمر.لا ماكو شي

سحر.بنات اني خايفه شسوي

رهف.وكلي امرج لله لان محد يعرف شراح يصير بينكم بس رب العالمين

سحر.😥 موبيدي والله احس كل ما يقرب الوقت مثل الي يلفون علي حبل المشنقه

مرح.مو لهدرجه عاد شبيج لاتتفاولين بلموزين انشاء الله خير

سحر.ماادري مرح عقلي واكف تهديدات عمر كلهه مطبوعه براسي

سمر يمعوده لاتخافين والله اني كل مااشوف اخوي يكوم ماينام اله يحطج بحظنه يلا ههههههه

رهف.هههههههههههههههه هو باجر يحطج بحظنه يحطج مابيهه مجال ومااعتقد عمر يصبر عليج يلا يتمم زواجكم

سحر.ولج رهف طالعه عينج هاي من وره الفيس مو هههه

مرح.هههههههههههههه لا من وره الرائد مالتهه

رهف.بلعت ريكي ودنكت من جابت طاريه مرح خرب يومج مااصدك انساه يعني

سمر.اكو تطورات من ورانه

سحر. وعلى اساس احنه عرفنه شكو بينهم حتى نعرف اذا اكو تطورات

مرح.هههههههههههههههه والله صدك

سمر.اليوم تحجين كلشي مابيهه مجال

سحر . اي رهف الله عليج احجيلنه شنو قصتكم انتو

رهف.بنات ترى ماكو شي من البالجن والله يعني لاحب ولااعجاب ولا اي شي اصلا بس هوه عاجبه يدخل بيه ويريدله حجه حتى يمد ايده عليه حتى ذاك اليوم ماكفاه ضربه الااسعد ويدري بيه تعبانه وهم مافوتهه اليه 😥😥😥

مرح.كافي لاتبجين لو ندري ماسألناج

سحر. بلعافيه خيه مابقى شي ونصير اني وياج جناين هذا البيت ههههههه

سمر.حتى اني أشوف هيج ماادري ليش

مرح.ياريت والله يعني هسه انتن نسوان اخوتي يارب كون صير صدك

رهف.ضحكت من كل كلبي على شكل مرح من تدعي عليمن يحظي تدعين 🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣

سمر.هاي شبيهه البت

سحر . عوفيهه خيه مصدمه مثل حالي شكول عليج مرح على هاي دعوه شحال لو ماتعرفين اخوتج زين 🤣🤣🤣🤣🤣🤣🤣🤣🤣

سمر.كومي ولج عوفي ضحك خل نكمل طابق الفوك اني وياج ونرجع يمهن

رهف. تمام يلا كومي

صعدنه اني وسمر هيه راحت لغرفة عمر تكمل ترتيب واني صار نصيبي غرفة زوجي دخلتلهه عايف التبريد مشتغل والضوه طافي صدك نعست خرب يومك شلون مسوي اجواء الغرفه تساعد على انو الواحد ينام سديت الباب فتحت الاضويه نزعت الحجاب لان ادري بي مايجي هسه بلشت انظف بيهه كملتهه ومسحتهه وعطرتهه دخلت للحمام طبعا هوه مرتب بس هم كأي رجال من يطلع يضل يشمر بغراضه غسلت تراكه وشريته اكو مشره بلحمام مالته ردت ارجع سله لكيت ملابسه الداخليه استحيت اغسلهن شلت سله اريد ارجعهه وكعن بسطل التايت بعد اطريت اشيلهن حطيتهن بلمغسله وفتحت عليهن المي غسلتهن على سريع وشلتهن من طرف وحطيتهن على المشر واني مغمضه عيوني وجهي احسه يريد يطك درت وجهي اريد اغسل سمعته صوته حجه واني طفرت

أثير.ترى مابيه جرب شدعوه عليج هيج لعبانه نفسج

رهف.يممممه انته من يمته هنا

أثير.من جنت تغسلين ملابس

رهف.لا موقصت لعبان نفس بس ب.

أثير.بس شنو تستحين

رهف . اني راح أنزل كملت اخذ راحتك

طبعا جنت احجي واني مدنكه حتى مارفعت راسي علي اجيت اريد اعبر وخر سوالي مجال او اني هيج شفت طلعت راسا رحت لباب حتى حجابي نسيته فتحت الباب لكيته مقفول اكول خلاني اطلع خررب هسه شون حسيت بيده على خصري حظني من وره وفرني علي لزم ايدي واخذني كعدنه على تخم الموجود بلغرفه كعد وكعدني على رجله يربي هذا شيريد اريد اطلع بس مايخليني مقيد حركتي بعد شعري ودنك باسني بركبتي وهمس بأذني

أثير.اذا تستحين ليش تمدين ايدج على ملابسي

رهف.لل لان كل مره مرح تنظف الغرفه بس هيه ملتهيه وي سحر فصعدنه اني وسمر

أثير.جان نظفتي ونزلتي بعد الحمام من نتظفين لادخليله تمام

رهف.بغباء.ليش والله نظفته زين

أثير.ههههههههههههههههههههههههههه ولكم مرتي فاصله عدهه شبكه كلش مافهمتي شقصدي

رهف.لا مافهمت

أثير.مدام هيج بعد ممنوع وحده تدخل للغرفه مالتي هسه تمام

رهف.ومنو ينظفهه الك تكعد بيهه وصخه يعني

أثير.ومرتي المن موجوده اذا غرفتي وصخه وهدومي

رهف.طفرت من حظنه لان رخه لزمته وكتله بنبره هادئه بس بيهه حقد موطبيعي حجيت بستهزاء

هههه هاي إذا دبرتهه تخاف على اظافيرهه ليتكسرن عيني

أثير.هههههههههههههههههه لاتخافين واثق منهه مرتي نظيفه ومعدله بس ثوله ماتدري شسوت بيه من طفرت من حظني

رهف.خررب فد ستحيت جان يقصد عليه واني عبالي يحجي على ام رتوش ضليت مدنكه وافرك باديه

أثير.هسه مابيهه مجال نرتاح شويه سوه

رهف.بلعت ريكي وكتله.شنو يعني

أثير.يعني تجين بحظني شويه راعي الله بيه رجلج تعبان ومانايم مااستاهل دورين راحتي حتى الله يحاسبج عليهه هاي اذا ماتسمعين كلامي

رهف. لاتضحك عليه بهاي سوالف اذا ماتنهي علاقتك بهاي بت خالتك المايعه لاتطلب مني شي

أثير.لاحولا الله احنه جاي ندور بنفس المكان يعني انتي ماعندج ثقه بيه رهف كم مره كتلج ماكو لاخطوبه ولاصخام ليش تلحين بسالفه

رهف.دنكت وطاحت دمعتي😥 لان جان يصيح عليه بس والله موبيدي شسوي يعني اني ادري بروحي اغار علي بس هذا شي خارج عن ارادتي مااكدر اتحكم بغيرتي اجه تقرب مني ورفع راسي بيده رغم نفس الموقف نعاد وي اسعد بس ذاك لعبت نفسي من لزمني يمكن لان حرام او أثير صار مصيطر عليه مد ايده ومسح دموعي كال

أثير.رهف انتي تغارين عليه

رهف.لا مااغار

أثير.متاكده اذا ماتغارين شنو سبب عصبيتج هاي ومودعج

رهف.عوفك مني انته موتكول ماراح تخطبهه بعد ليش لازكه بيك من تجي ترى تصرفاتهه كلهه مو محترمه تشبك عليك وماخذه راحتهه اني استحي اسوي هيج والله 🤭🤭

خرب اني شحجيت لايربي شفت ابتسامه واضحه على وجهه سحبني من خصري لزكني بي كال

أثير. يعني ترديني ابعدهه عني أضوجين من شوفينهه واكفه يمي لو لان ماتكدرين سوين مثلهه

حجيت بندفاع هوه يعرف شلون يستفزني .

رهف.اي طبعا اضوج شنو لاطشه بيك هيج وبعدين منو كالك مااكدر اسوي مثلهه

جنت احجي وحطيت اديه ثنينهن على صدرة أثير جماله لايقاوم صراحه بس هوه واحد نذل 🤣

أثير.🤨🤨 انتي كد هاي الحركه السويتيهه هسه

رهف.شسويت اني يعني

أثير.تعاي اكلج شسويتي

أخذني واني بحظنه وتمدد على جربايه صرت فوكاه ضليت ادفع بي اريده يوخر عني وهوه يغمض بعيونه
حييل ويرجع يفتحهن على كيف بس من عطت بي كعد

رهف.اثير شبيك كتلك وخرر عني عفيه اثيررررر

أثير.شبيج ليش صيحين

رهف.بس وخر خل اكوم حباب انته جاي سوي

أثير.تمام طفي ضوه وياج من طلعين اريد انام

رهف.طبعا الغباء العندي ماله حدود كتله . راح تنام ملابسك ماتبدل

أثير . دتعاي واني اكول خطيه كوه لازم روحي عنج

كلبني وصار العكس اباوعله شكله تغير هذا شبي دنك راد يبوسني اندك الباب صاح وهو بعده نفس وضعه

أثير.منووووو

سمر.اثير انته هنا

أثير.انتي شتكولين

سمر.هههههههههه لامو رهف جانت هنا تنظف يمك هيه

أثير.وشسوي يمي رهف اريد انام اني لحد يدك الباب بعد وخلن تنظيف لمن اطلع

سمر. اي ماشي

أثير.شنو هاي نظره شبيج

رهف.هسه شلون انزل وانته كتلهه مو هنا اني

أثير.ومنو كالج تنزلين راح تنامين بحظني اليوم

رهف.لا لااااااااااا وخر اثير خل اطلع هسه سمر دور عليه وخاف يسمع جدو

أثير.تمام بس شنو تنطيني حتى اخليج تنزلين

رهف.شنو ؟

أثير.خل ارتوي شويه 💋

رهف.دنك عليه وباسني بطريقة واحد محترف وخبره دفعته من صدره اختنكت كلش وخر واشرلي اطلع حط المفتاح يمي وراح للحمام كمت عدلت ملابسي ولفيت شال وطلعت نزلت اركض للحمام جوه وسديت الباب حطيت ايدي على كلبي شعور ماادري شنو اوصفه جسمي لحد الان يرجف اوف منك أثير شسويت بيه لكيت نفسي ابتسم وحدي ذكرت الحركه سواهه من جان يبوسني احس وجهي اشتعل نار خررب بليسك شلون هيج سوه بس هسه تاكدة من شغله انو زوجي واحد ساقط بمعنى الكلمه .

................................

مرح.من خلصت من مرح كمت طلعت لكيت عمه نوال جايه سلمت عليهه وطلعت رحت للمطبخ سويت جاي بطلب من بيبي ملتهيه اشتغل بلمطبخ سمعت صوته يمه احس ستوه ردلي كلبي

وسام.السلام عليكم

مرح.وعليكم السلام

وسام.شلونج

مرح.الحمد الله انته شلونك

وسام . موزين

مرح.خير شبيك مريض شنو

وسام.اي مريض وعلتي مالهه دوه بس كلش عاجبني هذا المرض ومااريد اتعالج منه

مرح.اكو واحد يحب المرض

تقرب يمي وهمس على كيف

وسام.وانتي تعرفين شنو مرضي

مرح.لا انته شنو بيك عفيه وسام لاتخوفني 😥

وسام.هاي شنو لاتبجين مرح

مرح.بقيت ساكته تقرب باس راسي وهمس بأذني

وسام.انتي مرضي وانتي دواي ونبض كلبي مرح اني أحبج

مرح.خلاني جامده مااكدر انطق بعد هم قربه مني وهم نفسه اليضرب على وجهي من يحجي والكلام الكاله هذا بحث وحده وخر باوع بعيوني كال

وسام.عندج وقت جاوبي براحتج بس اتمنى تكون المشاعر متبادله

مرح.ابتسم وراح واني طكيتهه ركضه للبنات لكيتهن ملتمات سديت الباب وكعدت على جربايه هنه انتبهن عليه لان وجهي احمر صار

سمر. شبيج ولج

سحر . جنتي وي وسام مو

رهف.اعتقد نطق ابو الهول

مرح.اي ولجججن نطق نطق وكالهه

البنات.شكالج نريد بلحرف الواحد

مرح.طلعن رهف منا هاي ماتحجي شي كدامنه وتريد نحجي كدامهه

رهف.يمعوده دبقي فرحانه شتردين سمعين مني شو اخوج كل ميشوفني يرزلني بعد عليمن احجيلج لذا اكو تطورات احجيلجن عود

سحر. مرح عوفي رهف واحجيلنه يلا

مرح.اعترف كالي احبج يمه كلبي راح يوكف والله

سمر. تفاصيل مرح تفاصيل

مرح.لا هاي شي شخصي بينه مايصير احجي

سحر . وتحجين على رهف ولج احنه مو نحجي كدامج

مرح انتن ماتسكتن شسويلجن يعني

عفتهن وطلعت بس احس نفسي شلون الفراشه وطايره .

....................................

سحر . اليوم الحنه مالتي الكل مخبوص وفرحان واني من ضمنهم شكد حاولت اخلي كلامه كدام عيني حتى ماافرح بس اني مفرحانه بي فرحانه بالاجواء اكثر شي ادري بي راح يطلعهه من خشمي هيج حاسه بس خليني افرح والباقي كله سهل رحت لصالون وياي عمه نوال ومرح مكيجتني ولبست فستاني جانت بدلتي الاولى تفاحي لونهه واني بيضه طلعت تخبل عليه سوتلي شعري كله رفعته لفوك واضافري هم لونهم تفاحي على ابيض حتى يرهم وي بافي البدلات من كملت باوعت على روحي تفاجائت احجي وي روحي والله حرامات هذا جمال كله لعمر الخبل ضحكت على نفسي البنات تتمنى يشوفهه زوجهه بيوم حنتهم واني مااريده يدخل حتى مايخرب فرحتي اجه قتيبه ياخذني لفتني مرح وطلعنه السياره لكينه البيت متروس عالم والبنات يركضن رهف وسمر انوب مرح اجت وياهن زوجة أمجد جانت كاعده يم امهه تكول بعدهه عروس لان ماصارلهم سبوع من رجعو من شهر العسل وهدى هاي ايامهه خطيه كوه جر نفس بدة الحفله رحت بدلت بدله نفس الموديل بس لونه جكليتي طلعت بعد احلى بهاي الاثناء كالو راح يدخل عمر اخذتني عمه للهول لان مايقبل يدخل كدام النسوان شفته واكف جان لابس بنطرون اسود وقميص ابيض وعليهن يلك ومزين متغير شكله كله وطالع حلو حناني واخذنه البنات كم لقطه سوه اجه جدو وابابا وعمو محسن واخوتي صورو ويانه بس لاقتيبه ولااثير دخلو

عمر . لاتفرحين زياده بعمرج ماراح تحلين بعيني

سحر.كلام عمر خلاني أفقد الامل بي بشكل نهائي خاصة من كال

عمر.حظري روحج عروس

سحر. لشنو

عمر.ودعي اهلج لان هاي اخر ساعات الج بدنيا وراح تنقتلين بتهمة شرف يامدام سحر

سحر. شنو قصدك تمهة شرف انته جاي تكول

عمر . مابقى شي يحلوه وادفنج بيدي ياساقطه

سحر. عافني وطلع خلاني انفصلت عن العالم من الخوف الستلمني وكلبي احسه على اي دقيقه يوكف البنات انتبهن عليه لان يدرن عمر ماناويلي خير ابد رجعت كعدت وحاولت ابين الوضع طبيعي بس مااكدر مخنوكه كلش دمعه تلالي بعيني ماصدكت خلصت الحفله حتى مانتبهت زين رحت راسا للغرفه نزعت ولبست مال بيت اجن البنات اشرتلهن مااكدر احجي حطيت راسي على للمخده ودرت وجهي وانطيت لاذن لدموعي كامن ينزلن مثل المطر 😭😭😭😭😭😭😭

.............................

رهف. وصلت الملابس طلبته طلعت عمه نوال استلمتهن والحلو بلموضوع اجن قياسي ضبط ثاني يوم بلشنه ركضه من صبح علمود الحنه خلصناهه ركضه بركضه سحر ومرح راحن لصالون واني وسمر استلمنه البيت ندى زوجة امجد مامدة ايدهه تكول اني عروس هم هههه بطرانه بس هدى خطيه كولش تعبانه حتى هيه خايفه جيب هاي الساعات الجايه رحت سبحت وطلعت سحبتلي سمر شعري ولبست فستاني جان شيفون اسود الصدر مالته صاير شلون سبعه وضيك شويه من يم صدري عود مو جبير صدري بس برز بس موطويل فوك ركبه يصير وبدون ردن بس ضهر مغطى عادي فتحت شعري بس بعدين شلته ذيل حصان عالي كلش خليت بس كحل لعيني اني وجهي ميحتاج احط باودر هو ابيض ولبست حذاء كعب اسود وطلعنه عمه نوال كل ماتشوفني تبتسم ولانزلت عينهه مني ابد اجيت ابارك لسحر جان صير عمه ام امجد كدامي

أم امجد . وين رايحه

رهف.عمه بس ابارك لسحر.

أم امجد . لاتروحين اول شي انتي لابسه اسود موزين تكبلين عليهه بالاسود وثاني شي اني مااتفائل بوجهج صراحه فبتعدي عن سحر ذني اليومين

رهف.ضليت متيبسه مكاني حتى مارمشت والله عافتني وراحت اجت سمر يمكن سامعتهه

سمر.تعاي رهف معليج بيهه هاي وجهه البومه هيه الفكر موانتي

رهف. والله مابنيتي شي بس ردت اسلم عليهه واباركلهه بس خلص مدام وجهي فكر هيج الاحسن اطلع من الحفله كلهه

سمر.دسويهه وشوفي حتى اروح اكل لسحر ونكعد وحدنه بلغرفه ونسوي حفله وخليهن وحدهن هنه

رهف.هههههههههههههه والله عليج سوالف سمر

سمر.بروح عمي وغلاته عندج لاتتكدرين واضحكي والله ماتلوكلج البواجي

رهف.هوه العنده هيج اخوات هم يبقى مهموم

سمر. يمه فديتج وحماتج هم لاتنسين ولج

رهف.والله مصدكه روحج انتي ههههههه

سمر.نشوف وكولي سمر كالت ههههههه

رهف.ضليت كاعده على جهه جان تلفوني بيدي اباوع البنات البس والمكياج والذهب مامخليات شي يعتب عليهن صدك مبين عليهن راحه خو سوزان يمكن لابسه هدوم مال نوم وجايه بيهن دك تلفوني أثير رفضته دز رساله

أثير.رهف تعالي للمطبخ اريد جيبلي شغله

رهف.اي تمام جايه

كمت اريد اروح البس شي مستور شفت أم رتوش تباوع عليه يمكن سمعت تلفوني من دك اتعمدت اطلع هيج هم اريده اشوف ردة فعله وهم على عناد هاي الحيه هسه ماعدهه مانع تطلعله هيج رحت لكيته واكف بلباب وداير وجهه

أثير

أثير.همزين اجيتي هاج هاي........

رهف.كطع كلامه من شافني شخصني تشخيص من فوك لجوه تقدم عليه كال

أثير.هاي شنو شطالعه

رهف.حلو يعني لو لا

أثير.انتي ناويه صيرين أم كليلي ليش تعبين نفسج

رهف.شهكت من كلامه 😱

أثير.ههههههههههه لاتخبلين طالعه اشاقه وياج بس فوتي جوه لاواحد يشوفج واكلبهه عليج هسه

رهف . شنو تغار عليه

أثير. وليش مااغار غير مرتي ومااريد واحد يحط عينه عليج لان ساعتهه افكسهه اله

رهف.زين شنو ردت مني

أثير. خررب يومج نسيتيني شردت هاج هذا مفتاح الغرفه وثاني زغير مال القاصه تلكيهه بلكنتور من ادك عليج جيبيلي الفلوس الحاطهن لبره مو بلمجر ماشي

رهف.واذا واحد شافني شكول الهم

أثير.كليلهم اثير وداني وياريت ينتبهون ويخلصونه لان بعد مابيه صبر اكثر من هيج

رهف.ههههه ماشي

مديت ايده علمود اخذ المفتاح منه تقرب هوه نزل ايدي ومد ايده على صدرى وحط بي المفتاح بس ماطلع ايده ضل يحرك بصابعه علي واني فاتحه عيوني على وسعهن من صدمه ضغط علي حيل بيده طلع من صوت من اثر الالم

رهف.اوووي اثير شدسوي لاواحد يشوفك هسه بعدين وخر ايدك مو عيب حاطهه هنا

أثير.خررب يومج شهل نعومه هاي أم عيب جا وين احط ايدي اذا مو هنا

رهف.😱أثير كافي شبيك اليوم

أثير.ههههههههههه هسه دخلي يلا لاواحد يجي

رهف.جنه واكفين اثير ضهره صاير لباب الطبخ الداخلي واني كدامه سمعت صوتهه

سوزان.حبيبي هاي انته هنا ماادري بيك

رهف.أثير موحطيت المفتاح اطلع منا يلا

أثير.خل اسلم عيب شبيج

رهف.والله متشوفهه اطلع ولاترفع عينك الله عليك مو محتشمه بلبسهه

أثير.وانتي عادي اشوفج يعني بهيج لبس

رهف.اي عادي اني زوجتك هيه لا

أثير.هههههههه واخيرا اعترفتي عموما لاتخافين لوتطلع مصلخه كدامي هم ماتأثر بيه بس انته يحلو ودي هسه اخذك واطفر للغرفه اله اخلي صياحج يوصل لسابع جار ههههههههههههه

رهف.😱😱😱😱 اطلع اثير

توقعت ماتوصل لهنا لان لبسهه كولش مو محتشم بس هيه عادي عدهه شافتني عبرت من يمه وهيه اجت عليه واني ادري بي زوجي كلبه رهيف يفقد على الحلوات

سوزان.حبيبي ممكن لحظه

رهف.اول ماوصلت يمه رادت تبوسه وهوه مدنك كتله

.اخخخ رجلي نلوت اثيررر

أثير. شبيج ررهف شو تعالي

رهف.لزمني من خصري ورفعني تجيت روحي علي ولزمت ايده هيه نطت عيونهه ضربت رجلهه بلكاع وطلعت تركض ويطبج مرض عابت اي والله عدلت روحي وكفت عدل هوه باوعلي مصودم

رهف.يلا صرت زينه شكرا اطلع انته منا وياريت ماتدخل بعد

أثير.هههههههههههههههههه لابربج صدك تحجين يعني مابيج شي

رهف.ههههههههههه لا هيج وجعتني شويه وراحت يلا اطلع لاتطلعي وحده صفح هسه

أثير.والله مبين عليج غيرتج نار

رهف.دير بالك لاتحركك هههه

أثير.ههههههههههههههههههه بس خوش فرصه على الاقل حصلت حظن احس من ماكو

رهف.صدك انته بعدك لازمني وخر

أثير.والله زين ماتخافين تروح تكلهم شافتنه

رهف.ماتكول اصلا ماتهمني اهم شي ماتوكف وياك وانتهى الموضوع

أثير.ههههههههههههههههههههه وربي مو صاحيه بس عجبتيني 😉

رهف.سمعنه صوت احد جاي للمطبخ هوه طلع راسا بس ميت من ظحك رحت رجعت يم البنات اباوع سوزان ودهه تاكلني ولاهتميتلهه اصلا اني الي حق بي اكثر منهه خلصت الحنه ورحنه وره سحر للغرفه خطيه بدلت ونامت راسا ياترى شنو كالهه عمر ويج انخطف لونهه بدلت وطلعنه التهينه بلعشا بعدهه حفلت الولد ماباديه .

يتبع

البارت الخامس عشر

( الرتبه والحشمه)

...............................................

مرح.من خلصت الحنه التهينه انركض علمود العشا والولد الي يبدل والي يريدله شغله خبصونه خبص من صارت هوسه جنت خاله شال على راسي لفيته بطريقه مرتبه ورجعت اشتغل من دخل وسام للمطبخ صفن عليه وضحك راح دخل لجوه شويه وطلع مر من يمي كال همس

وسام.وصلني جوابج حبيبي

مرح.ضليت صافنه بعدين انتبهت هذا عباله لبست الحجاب علموده هههههههه يلا اهم شي فهم انو اني هم معجبه بي وابادله مشاعره جنت جاي اشتغل واجت سوزان يمي عود سترت نفسهه لبست ثوب ضاب جسمهه ضب خرب يومهه تكول عارضة ازياء بس لاحظتهه ضايجه وعينهه على الباب طبت رهف نازعه الحجاب وشعرهه شايلته لابسه ثوب طويل شويه مو كلش ونص ردن اجت تشتغل سألت سوزان

مرح.سوزي شبيج منتظره شي

سوزان.اي منتظره حبيبي هسه حيدخل اريده بشغله ضروريه

مرح.مااتصور يدخل لان جماعته كلهم هنا لاتتنتضرين عل خالي بلاش

سوزان.لاهوه دزلي رساله كال انتظريني بلمطبخ هسه اجي

مرح.اي براحتج

رهف.ميمي اكولج بما انو لتجئتي لدين حاره لو زينه البس حجابي

مرح.ههههههههههههه عابت اي والله

رهف.هههههههههههههه قابل مجذبه يعني هسه ماكتيلي شنو ها علمود من يجي أثير الكالي عذر يمعوده هههه

سوزان.شكد كالو عليج ساقطه بس ماصدكت بس بعد شفته طلع كله صدك الحجي سمعته

مرح.انتي شبيج شلون تحجين وي رهف هيج لزمي لسانج سوزان رجائا ولا تجاوزين

رهف.عوفيهه مرح كلمن يشوف ناس بعين طبعه ههه

سوزان. وشبي طبعي على الاقل مااخلي وأحد غريب عني يمد ايده ويلعب بصدري واني اضحك واون بيده

مرح.😱😱اباوع لرهف وجهه صار اصفر وكام ينطي الوان بس ماسكتت ردتهه بوجهه شنو سر الثقه العدهه هاي وماهتمت لحجي سوزان

رهف.وانتي شكو

سوزان.ترى لاتنسين خطيبي وبعد كم يوم ونعقد يعني احترمي نفسج وابتعدي عنه لاافضحج والله ماتردد لحظه اسويهه

رهف . هههههههههههههههههه اروح ادخل جوه احسن مااكعد وي وحده تافهه مثلج

مرح.عافتنه وراحت عجيب امرهه معقوله رهف تسمح لااثير يلزمهه هيج اني اعرف اكو شي بينهم بس ماتصورت واصلين لهنا اليوم لازم اعرف كلشي وغصبا عليهه تحجي يعني تحجي رحت وراهه اخذتهه للغرفه سمر وسحر جانن كاعدات يسولفن وسحر تبجي ماهتميت المصيبه هاي اكبر وخاف اثير ماخذهه واحنه ماندري على الاقل نتلاحك الموضوع البنات من شافني هيج وجهي احتقن وكمت ارجف من الاعصاب وسحبتهه من ايدهه كعدتهه ورحت وقفلت الباب ورجعت عليهه

هسه تكولين كلشي بلحرف حلفت بغلات امج عندج تحجين كلشي

رهف.شكول شبيج مرح

مرح.لاتخبليني تعرفين شقصد لاي درجه واصلين انتي واثير حتى يجراءة ويمد ايده على صدرج من جوه الملابس وماخذ راحته هيج

سحر وسمر . 😱😱😱😱😱

مرح.احجي رهف لاوالله ترى اكول لعمه نوال وهيه تصرف انتم شكو بينكم اثير ماخذج احجي لاتخافين احنه اخواتج وبير اسرارج

رهف.😭😭😭😭 لاوالله ماماخذني بس اثير

سمر.اي احجي شبي اثير

سحر.مرح على كيفج وياهه موهيج

مرح.ولجن نار مشتعله بصدري ادري بخوي ملعب وهيه فطيره خاف ضحك عليهه وشلون بينه

رهف.لاتخافين مرح اني بعدني بنيه واخوج مالامسني

سمر.زين شنو أثير حبيبج قبل لاتجين هنا مو

رهف.اي اعرفه قبل لااجي لهنا بس مو حبيبي

سحر.جا شنو

رهف.أثير زوجي

سحر وسمر ومرح.😱😱😱😱😱😱😱😱

.......................

رهف.جنت متاكده بعد كلام سوزان البنات لازم يعرفن من كتلهن بقن مصدومات ولانطقن بحرف واحد تقريب خمس دقايق

مرح.شنو زوجج صدك تحجين

رهف.والله زوجي وروح بابا وماعندي شي وياه بلحرام اذا تردن احلفلجن والله مالامسني بس اليوم وشافتنه سوزان

سحر.جنت متوقعه بينكم شي بس مال طلعون مزوجين هاي مااجت على بالي ابد

سمر.يعني زوجج ومايدري بيج بت عمه شلون هاي

رهف.اي لاهو ولاحتى اني ماعرفنه لحد ما توفت ماما واجيت لهنا واصلا هوه عقد عليه وعافني بعد لاشفته ولاشافني

مرح.زين ليش زوجتوا بهاي طريقه اقصد شنو السبب وليش عقد عليج وعافج

رهف.مرح والله مااكدر احجي مايرضه محذرني والله العظيم يعني موتي يصير على ايده اذا واحد عرف الله يخليجن لاتحجن كدام احد

سحر . ليش هيج ترجفين على كيفج مرح كافي عوفيهه مولازم نعرف كلشي اذا أثير محذرهه لااحسن تسكت حتى مانورطهه وياه

مرح.كعدت وحطت اديهه على راسهه .ولجن منو يتخيل هذا شي معقوله اخوي هيج ماعنده رحمه واستغل بنيه مكسوره وضعيفه علمود نزواته

سمر.انتي شمدريج لهذا سبب

مرح.مدام مايرضه واحد يدري يعني مايريد يوكع من نظرنه

سحر . وشوكت ناوين تعلنون زواجكم

رهف.ماراح نعلن احنه متفقين من البدايه انو نطلك بس هسه أثير جاي يماطل بسالفه

سحر.معناتهه مايريد يطلك مدام مغلس على الموضوع

سمر.انشاء الله مايطلك والله انتم لايكين سوه