مفاتيح لمعرفة أنه مغرم بك حسب برجه؟ 👇☺️✨

برج الحمل:😍💛✨
يظهر مشاعره تجاهك من خلال نظراته وعينيه. إنّه شخص ينظر بعيني الإعجاب إلى حبيبته. إذا كان مغرماً بك، لن يفارقك بنظراته.

برج الثور:😍💛✨
إنّه برج متملّك لا يظهر مشاعره إلا عندما يتأكّد من مشاعرك. برج يريد دوماً أن يحمي حبيبته ويقدّم لها الراحة والحبّ.

برج الجوزاء:😍💛✨
في العلاقات الغرامية، يبدو هذا البرج في غاية الرومانسية. هو يبوح دوماً بمشاعره لك ويحبّ التواصل ومعرفة مشاعرك تجاهه.

برج السرطان:😍💛✨
إنّه برج يتنبأ دوماً بمشاعرك حين يكون مغرماً بك. وهو يعرف رغباتك ويريد دوماً الإفصاح عن مشاعره تجاهك.

برج الأسد😍💛✨:
يتحوّل الأسد إلى برج مليء بالفخر حين يكون مغرماً. يستطيع فعل الكثير من أجل مساعدة رفيقته رغم أنّه يحب دوماً أن يظل في المقدمة.

برج العذراء:😍💛✨
هو شخص متحفظ، ولا يظهر مشاعره. هذا لسوء حظّك. لكن لحسن حظك أنّه برج يعبّر عن مشاعره بالأفعال، وهو سيكون حاضراً دوماً إلى جانبك في حال احتجتِ إليه.

برج الميزان:😍💛✨
إنّه كلاسيكي في إظهار مشاعره، أي يصبح رومانسياً وحساساً عندما يقع في الغرام. ويروح يقدّم لك الهدايا مثل المجوهرات والحلي والعطور.

برج العقرب:😍💛✨
إذا أراد قضاء كل وقته معك، فهذا يعني أنّه وقع في شباكك. إنّه برج يحبّ بشكل مكثّف ومتطرّف. وهو يفعل المستحيل كي يثير إعجاب حبيبته.

برج القوس:😍💛✨
إذا بدأ يضع مشاريع وخططاً مستقبلية، فهذا يعني أنّك المرأة المحظوظة. أهم شيء بالنسبة إلى هذا البرج هو حبيبته. لذا، فهو يحرص على أن تكون العلاقة مستقرة ودائمة.

برج الدلو:😍💛✨
إنّه برج لا يمكن التنبؤ بأفعاله، ينخرط دوماً في أنشطة كثيرة ويريد دوماً أن يحقق أهدافه. ولذا، فهو يبحث عن علاقة غرامية قوية ومتينة كي تساعده في تغيير… العالم!

برج الجدي😍💛✨:
يجيد هذا البرج التعبير عن مشاعره جيداً، ولو كان لا يحب شريكته حقاً. لذا، إذا أراد تمضية جلّ وقته وقتك، فذلك يعني أنّه يحبك فعلاً

برج الحوت:😍💛✨
لسوء حظّك أنّ هذا البرج لا يتحدّث كثيراً عن مشاعره، لأنّه يفضّل ترجمة أحاسيسه وحبّه لك. بالنسبة إليه، لا يحتاج الحبّ إلى الوقت والتعبير عنه، كي يكون موجوداً.

#شقراء_بغداد

الجزء_الثاني_بارت_٣٠


سديت الخط وطلعت ودعتهم وراحو ..
اعز اثنين من اعز اثنين هم راحو وتركو بيتنا فارغ منهم ...

دخلت بيتنا وانا القهر ياكل بروحي عليهم
سديت باب الربعه وقلتلهم ...
- يولو تاذوني بولدي !
تكسرون ركبتي بيهم !
يول نسيتو منو هذوله !!! نسيتو بس مات ابونا وتيتمو صارو ماينحملون بعد !
يمه شلوووون تعيلين بااخيتي
ليش تزيدين همي وتعلكمين ريكي
هاذي اماانتي اخيتي نسيتيهاااا لغاليه هاذي اخيتنا الوحيده تكسرين كلبها وهي يتيمه !
وان ماتحسبيها بنت ابوي فهي بنيتي انا ربيتها
نسيتي كبل مااخطي الخطوه الا ايدها بايدي انام اكل واشرب والعب كلو حدرها مووو انا الربيتهااااا مو امها كانت تقول هاذي الك وصارت اخيتك انته داريها
شسويتي بكل تعبي ورباي حركتيه بتالي العمر

جدتي واخوتي كاعدين وبس يدحكولي وانا اشيط باعصابي وافتر هين وامي ساكته ساكته تاليها ردتلي..

- تعبك الك مو تعبي انته حير بيها انا ساعه ماادحكها نار الله كلها تشب بصدري كافي اني ترملت بسبب امها تالي اتحمل صياحك بسببها !!!

- عجل انتي ماتحملين الكلمه مني وهي كلمه حك وتريدين اسكت واتحمل سواد الوجه كدام ابوي ! تريدين تنكسر ركبتي بيهم ويحاسبني ربي بكسره خاطرهم !
اذاااا انتي مااهتميتي لرضاه ابوي وماهتميتي الي انااا الي مكسور الوجه ومتلوع الكلب
اليوم على ولدي فااااناااا اهتم لنفسي وابوي اهتتتتم
اهتم لان انااا الي حاملهم على كتافي ومتأمن عليهم وانا الي يسود وجهي بيوم الحساب عليهم وانا الي راح اضيع دنيتي واخرتي بكسره خاطرهم واطلع بلاااا ضمير وبلا شرف وغيره لو نبذتهم وكسرت خوتهم بعد وفاه ابونااااا واحنه الي تكاسمنه اللكمه سوه
سنييين وعشنا خوان
انتي اذيتيني برووووحي ساعه ماطلعت غاليه. من هيييين مكسوره كلب وهي يتيمه
موتيني وانا حي ساعه ما مشت مكسور خاطرها وماكو حدررررها اخيها الي لزوووم ياخذ حكها ويسندها بهالييييوم
استغليتي مصابنا بابونا وشدهه بالنه وتدرينا مانكدر نصلها ونحير بيها بهالوكت

لوووو اهد البيت على راسكم الحين ماتطفى ناري ولا يهدالي باااااال

يوووولي كبر ابوي بعده ماانبنى ويطلعون ولده من هين مشردين بثيابهم واحدهم مريض والثاني مكسور كلب !!!
اناااا بنيتي ماادحك بوجهي بسبت احقادكم
يااااااااللله صبرك صببببرك

ول هين دحكو واسمعووو هالكلااااام وثبتوه براسكم ..
الي يتعدى على خويي حسين وبنيتي غاليه
انسى انه من اهلي واعامله معامله العدو الغريب اناااا مااسمح لواحد منكم يهدم تعبي
ويضيع امانتي ويخليني مكسور الوجه بيهم
التتتتتعب الي انااااا عايش اتعبه حتى احفظ امانه ابوووي مااااا يضيعيه احد ولو اعرف اتذابح ويه الي يتعدى عليه

و انتي يمه لو كانت خسره رضاكي على هالايتام اخسرها وارضي ربي وابوي واجازي حك امهم على هالعايله وابري ذمتي منهم يوم الدين فلاااا تاذيهم وتحسبيني اسكت وارضى بالذله الهم انااا مايوكفني عن الحك الي ادحكو بعيني الااا شلت هاللسان وهالجسم

هالمره احسبها الك حركه كلب على وفاه ابونا مره الثانيه الك ربك يشفعلك
وانا مو ابن عاق بس شيخ ماارضى الظليمه

خليتهم ومشيت اخذت ملابسي ودخلت اسبح
وابرد راسي وبعدها طلعت كبل للديوان واتصلت بحسين قافل تلفونه نسيت هو من زمان مقفله رجعت اتصلت بغاليه وعرفت بعدهم ماواصلين بغداد...

كضيت شغلي اليوم وانا افكر شلون ارجع المحنه بين اهلي ؟؟؟
ثاني يوم طلعت لدوامي واخذت اجازه لبكرا
و من طلعت بوجهي للسوك اخذت بجامه لحسين و ثوب لغاليه وبنتها اخذتلها لعابه
ورجعت خليتهن بغرفه جدتي الي هي هم غرفتي ... و وصيت عباس وصكر يحضرولي صناديك فواكه من بساتينا
ولليل تاكدت كلشي تحضر من الصوغه
والصبح تانيت للساعه تسعه وطلعت لبغداد
وصلتهم ويه الصلاه ..
طبكت بابهم واتصلت بالعم ابو سالم
وقلتلو ..
- كواك الله عمي
- هلا هلا ومرحبا هلا بالشيخ شلونك يابه
- الحمدلله عمي تستقبلون ضيف لو عندكم شي
-لااا يابه على هالراس انخلي ضيفنا كل الهلا
- عجل انا بالباب افتحلي
- ثواني يابه ثواني

سديت تلفون وطفيت السياره ونزلت وهو فتح الباب ورحب بيه ومبتسم ..
كبل لا ادخل نزلت الغراض وهو يعتب عليه ليش مكلف نفسي وانا قلتلو ..
هاذي لاخوتي مو للغرب

بعدها دخلنه للبيت وهو خلاني كاعد شويه ودخل وساند حسين ... رحت اخذت حسين لحضني وشميته .. كل ماادحكه يصير ابوي حدر عيني وهو يوصيني عليه ..

كعدته وتطمنت عليه وهين دخلت غاليه
سلمت ببرود وانطتني كلاص المي شربت واخذته من ايدي وراحت ...

العم صاحلهم يحضرون الغدا وانا قلتلو اريد اصلي بالاول ...
ودخلت توضيت وماادحك غاليه ولا وكفت حدري وتعاملني مثل الغريب ..
رجعت لمكاني وصليت ودعيت ربي يوفقني على مااحمله من نيه بهاليوم ..

ضلينه كاعدين نسولف انا والعم وحسين
ادحكو هين مرتاح اكثر من كان بينه
والعم عينه على اشاره ايده ..

هو عارف وكت علاجه وانطاه اله ويدحك جرحه ويتطمن على كعدته وكل سالفتين بينه يرجع يدخل حسين بسالفه ويضحكه
طمني هالشي عليه بس ضلت اخيتي وخاطرها الي يجرح بصدري هذا صدها ..

دحكتها دخلت وقالت ..
- الغدا جاهز تفضلو للصاله

رحت وانا كاضب ايد حسين ومشينا للصاله
دحكت السفره هين مليانه من كل شكل ونوع
كعدت وحدرت غاليه شايله صينيه وخلتها حدر حسين وهو متمدد ..
وضلت كاعده حدرو ما تكربت للاكل
قلتلها ..
- يولو هالاكل من ايدك لو ايد عمتك
- تساعدنا عليه اثنينا
- هاا يسلم يدكم ما كصرتو
- الف عافيه
- ما تتغدين ؟

ضلت ادحكلي وحسين دفعها ويريدها تحدر تاكل .. وهي حدرت كعدت مقابيلي ..
اكلنه بهدوء وبعدها ضلينه هين نشرب جاي
وهي كاعده حدر حسين وتدحكلي ..
قلتلها ..
- غلوي حدري هين يابه حدري

اشرتلها تكعد حدري وكعدت ..
طلعت تلفوني و قلتلهم ..
- ابوي الله يرحمو وصاني عليكم باول اسبوع من وفاه امكم وهاذي هين وصيتو اسمعوها

العم راد يطلع وقال اترخص واخذو راحتكم بس انا ماخليته يطلع قلتلو ..
- استريح عمي استريح مو غريب انته من اهلنا واسمع حتى تصير شاهد

فتحتلهم التسجيل الاول الخاص بيهم
وغاليه نزلت دموعها وهي تسمعو وانتظرته خلص وقفلت التلفون وقلتلهم ...
- سمعتي يااخيتي قلتلك البيت بيتك وانا حتى لو ابوي ماوصي عليه اسجله ملك الكم
وهو صار حصتك ورثك من امك وسند الكاع ياخيي انا ضامه الك بيتنا وكت ماترجع بالسلامه اخليه بايدك وانته حر بكاعك
ومفتاح غرفه اهلك هم اسلمه الك بوكتها
لان الفلوس والذهب بيها وانته اخذهم تصرف بيهم ..
وبيتك يااخيتي انتي حره تسكني او تتركي واذا صار وردتي تبيعيه بيوم انا شراي هالبيت منك
- لاا مابيعه هالبيت يضل لحسين هو يسكن بي وكت يتزوج مايحتاج يبني كاعو وبيت اهلنا موجود وماينكصو شي
- انتي حره بهالامر
الحين يااخيتي انا اتعذرلك على كل كلمه نطقتها وغثت خاطرك واتعذرلك نيابه عن اهلي الي سائو بحكك وحك امك ويشهد الله مارضيتلهم ولا سكتت عن فعلهم ولو كان هاليوم الي بدر هالشي منهم غير يوم العزا
كان تصرفت غير تصرف بس عزا ابوي وكفني ..
وانا مااهديت عليكي باعصابي الا من غيرتي عليكي يااخيتي وانتي تعرفيني خيالك لو مر بشارعنا ودحكو جار لو ولد عم تنطحن روحي مو عاد ادحكهم يعرفونك اخيتنا وهين صوتك بنص الرجال ينسمع واسكت عليه
ماكدرت ادحك كدامي بعد
انا دفنت ابوي بايدي وضليت صحيح البال بس حدرك فقدت وطلع صوتي
انتي تعرفين خوييك شلون غيرتو بحريمو

دحكتلي وبعينها الدمعه ودارت وجهه عني
تدنيت حدرها وقلتلها ..
- يولي كل هذا وماترضين
تردين اذبلك هالعكال والله انتي اعز منو
- لااا خيي لاا

اندارت وحضنتني وتشهك وتبكي وانا بوست راسها وهي قلتلي ...
- جراااح
- يول يابه يا يابه بنيتي يا يابه زعلانه ومهموم كلبها
- خيي مسوده الدنيا بعيني بدونك لا تبعدني عنك بعد والله ماتحمل وكلبي ينزف قهر بفراكك
- والله ان هذا هو حالي وماتهنيت بساعه من بعد مشيتك وزعلك يولو انتي روحي يومي مايحلى الا بصوتك
- يعني بعدك تحبني ماكرهتني بسبب وفاه ابونا
- يولي انتي ضارب عقلك ! ليش اكرهك !!
عجل مو انا الي كعدت وفهمتك على وفاتو بذاك الصباح دحكتيني كرهتك ! لو طيبت خاطرك ؟!
- شدراني ياخيي صرت بعد مافهم شي كلشي عندي تخربط
- يولو انتي لو تطعنيني بظهري هم ماكرهك
انتي بنيتي غااااليه كلبي يولو مشتاكلك و متعني لخاطر ادحكك واطيب خاطرك وانتي تفكرين اكرهك !
- يابعد عمرري ياخيي

بوستني بخدي وتبسمت وانا كرصت خدها ورجعت حضنتها قلتلي ..
- انا اصلاً بكلبي راضيه عليك بس شويه اشتاكيت ادلع عليك وادحك معزتي عندك
- هااااا يولي عجل مارضيتي من اول مره
- قلتلك اتدلع
- يلوكلك الدلع والله
تدلعي وتدللي دام خويكي عايش سوي الي بنفسك بس لا تحركين روحي بالغيره
- يسلملي خويي تاج راسي
تعرفني مااسوي الي يغضبك ومره صارت وتعرف سببها
-انسيها عاد انسي هذاك اليوم والصار كله خليه وره ظهرك احنا اهل ومايفركنا شي
وانتو بالذات افديكم بروحي واهلي واضل اخاف مكصر بحكّم
- ماتكصر ياعيني انته
ربي يحفظك النه ويديمك فوك راسنه يااطيب اخ بالدنيا
- ويحفظك الي يا راحه بالي يابنيتي
-ههههه فرحانه والله حدرك انا مرتاحه
- الحمدلله كدرت ارجعلك راحه الكلب
- جراح
- ياعينو
- شكراً خيي موقفك هذاك ماانساه لاخر عمري
- يا موقف !
- هذاك الكلام الي وجهتو للاهل يوم الي طلعت انا وحسين اول البارحه
- وانتي شدراكي انا شسويت !؟
- ههه صوت وصوره ياخيي
- يااا خونه يااهو منهم هذا الي دزلك
- صكر صورلي فيديو وارسلي وكتبلي
قولي خويي مايحبني دحكي هذا هجم البيت علينه بصوتو ويهدد بامنا واحنه ساكتين لخاطرك مانرضالك الصار
عاد انا ارتاح كلبي شويه من دحكتك اخذت حكي ومانسيتني

- باااالله انتي وحده حياله ام دميعه تلعبين على كلبي بدموعك ومسكنتك وانااا الفطير الي ماكل همك ومتعلكم الريك وانتي جنابك هين راضيه ومرتاحه وتدورين دلال
-ههههههه ايي خيي مو حكي ادلل
- قوليلي يابه اريد ادلل ياجراح لا تحرك بروحك انا بس اريد ادلل ودحكي من مايدللك
- لااااا ماتضبط اذا مو هالشكل ادحك معزتي عندك اصلا كان كلبي تعبان شويه بس هسه لا ارتاح للاخر
- عيديها بعد ياغاليه عيديها وبهذلي حالي وخليني اوهس عليكم ودحكي شلون اطلع الدلال من خشمك
- ههههه لااااا كفينا خيي هاذي الختام
-ايييه
-شنو ايييه يعني دار الزعل عندك الحين؟
- روحي يلا كافي تراضينا وتدللتي كافي بعد خلصنا حكي
- هااااا مو ازعل بعد هاي طرده ثانيه وهم بيتي
-لا اله الا الله يابه اكعدي اكعدي
-هههه انا اعرف شلون اعدلك مزاجك

كامت بالعجل وطلعت وانا ضليت ادحك لحسين واضحك قلتلو..
-هااا يول عجل انته تدري بيها تدلل وساكت وادحك خويك مشلوع كلبه
- انا رجال مريض لادوخوني بسوالفكم
تتصالحو تتزاعلو مالي دخل انته واخيتك وانا وبطني
- تهون يابه تهون
يلا عجل ماترجع وياي اليوم
- لاا خليني هين ادلل عليها عجل بس وكت المشترى اخيتي واحير بيها خلي تحير بيه اليوم
- يول لا نزحم على الناس هين خلي نرجع اخيتك وراضيناهه امشي هناك بيتك تدلل
وناخذهه ويانه اسبوع ونرجعها

ابو سالم هين اعترض وكعد حدر حسين وقال..
- الي عاجبه يدلل خلي يدلل هنا
ماكو احد يطلع من بيتي لا حسين ولا اخيته
اني ادللهم عوفهم الي وحير باقي اهلك وعشيرتك
- لا عمي كفيت ووفيت انته ماكصرت بس بيتنا موجود والخلاف حليناه واريد اخوتي حدر عيني اتطمن عليهم
- واني اريدهم يمي هم اريد اتطمن عليهم
انته ماتلحك تشوفهم مشغول طول اليوم
واني رجال متقاعد وكاعد بيتي ماعندي شغله غيرهم عوفهم يمي متونس وياهم ومرتاح
ولو بيدي ازوج حسين هنا بيتي واكعده وياي
متعرف غلاته عندي شلونها
- اعرف تعزهم عمي والله اعرف بس ماترهم كعدت اخوي هين وبيوتنا موجوده واهلنا هم يريدوه
- احنه هم اهله واذا تعزني وتريد خاطري
خليه يمي من يطيب اني بنفسي اجيبه الك
واجيبلك غاليه هم خليهه اسبوع عندك
بس هسه هالوكت اريدهم يمي وهالمره الاولى الي اطلب منك شي
- ولو يعز علي كعده اخوي بغير بيتنا بس خاطرك عندي عزيز وتبشر هذا هو خليه عندك
- تسلم يابه تسلم

دخلت غاليه وشايله بنتها وتضحك وخلتها بحضني شميتها ريحتها تسحر الروح وخدودهه ترفه .. نسيت نفسي وياهه اعضعضها واضحك على ضحكها واشم بيها وغاليه قلتلي ..
- هاا خييي تحن للجهال مبين
- لااا هلا بهالسيره
- هههه وين الله وادحك ولدك واخذو بايدي الاعبو والله والله لاخيط جهازو بايدي واصمملو احلى لبس واحلى حفل مولود اسويله
- عجل تطمني فلوسك لهالحفل تضل مضمومه انا سالفتي بالزواج معدومه
- يجيلك يوم وتتزوج جدتي ماتخليك
- ندحك لوكتها منو الي تصح كلمتو
ضلت هناك هديه المزنه اخذيها زين
- وانا ياخيي مالي هديه
- الك مانسيتك انتي وحسين ذكرتكم
- ربي لا يحرمنا منك تسلم ياخيي ياحبيبي

ادحكلها تضحك ومرتاحه معانيها ومن راحتها صارت راحتي ..
ترخصت وطلعت مريت على محل الاثاث هين دحكت الاحوال وسلمت على الخال علي
انا امن بي وهو رجال عليه الاعتماد مأسس حياته على العزوبيه ومستقر وافكاره لمستقبله ويه مستقبلنا وكان مرتب خطه لمجمع خاص بالاثاث بغير منطقه وكعدنا تفاهمنا بالتفاصيل
ودحكت كلشي محسوب وماغفل عن شي
دايماً هو كد ثقتنا بي ومخلص النا ومايوم نكص دينار واحد من ارباحنه هين
واتفقنا على هالشغل الجديد وخلال يومين
ارسلتلو الفلوس الي يحتاجهه وهو دخل شريك بنص وكل الاشراف عليه ...

صار يوم الخميس و رادو اهلي يوزعون ثواب قلتلهم الثواب يصير بعد كل خميس
تين وتمر ولبن والجمعه غدا على ارواحهم ويحضرون بيت عمي ابو حسن عليه ...

وعلى هالاساس وصيت يجمعون من بساتينا صناديك التين وتضل دايماً متوفره بالبيت

صار اسبوع على كعده حسين ويه غاليه
وكل مااتصل بغاليه و احكي ويه حسين
يحكيلي العم مايرضى ارجع واتصل بابو سالم كل يوم يطلعلي سالفه شكل ناوي يسويها ويه حسين ومحتاجه يضل حدرو ..
وطولت كعدته ٣ اسابيع بس الي صبرني عليه كل هالايام كلام غاليه عليه بأنه نفسيته تتحسن على ايد ابو سالم وراجع لخطيبته وماخذلها هديه وطالعين وسياره ابو سالم مسلمها بايده و يجبره كل ٣ ايام ياخذ السياره ويطلع هو وخطيبته بمكان هو يختارله ومن يرجع يضل يستمع لتفاصيل طلعتهم وحتى الصور هم يدحكهن والصبح يطلع هو وياه يتمشون بملابس رياضيه والعصريه اذا مايطلع ويه خطيبته يطلع ويه ابو سالم

كل هذا انا كنت اعرفو واتأمل انه تغير من صدك وليوم الي رجع حسين هين لحديثه
وسلم علي ودحكتو راجع لترتيبو والوجه متفح من جديد يلا عرفت انه من صدك تحسنت نفسيته وكدر يتجاوز فراك امه
ويقوي حيله على فراك ابونا..
غاليه رجعت وياه وضلو بيتهم .. كان وكت رجعتهم هو عيد الاضحى ..

ردينا المعايده الي عايدنا بس ضلت معاني الحزن على بيتنا
بعد اربعين وفاه ابوي ماطلعت ..

اخذتهم للمكبره زرنا اعزازنا وقرينالهم الفاتحه وانا مابيوم نسيتهم كل صلاه اذكرهم واقرالهم الفاتحه .. وماكطعنا بثواب الهم

الشتلات الي زرعها حسين هين كبرانه ومورده وهو بايده سكاهن وكان يتلمس اسمها ويقولها ..
-يمه وردتي تسلم عليكي وتقولك حفظت الامانه وماخنت الوعد

كل اهلنه رجعو للبكي والمناحه هين
بس انا واكف وادحكلهم ومانزلت مني الدمعه
كنت احس ابوي هين يدحكلي ويرجع يوصي عليهم وانا بالي يروح على كل واحد بيهم افكر اذا كصرت بحكو لليوم وغفلت عن شي يخصه !؟
وتذكرت امي وغاليه وعلاقتهن الي تخربطت
انتظرتهم لحد ما فرغو الي بكلوبهم من كلام ودموع و وكفت بين هالكبرين وقلتلهم ...

- ول يابه دحكو هين
الحين احنه حدر منو واكفين ؟ حدر ابونا وعمتنا واثنينهم ماراضين علينا
لان بينا صاير خلاف ومذمه
دحكي غاليه يااخيتي اهلك مايرضولك الزعل ويه امنا وابونا ماتهون عليه بنيته ماتدخل بيتو وعازله نفسها عنا
وانتي يمه هم لاتنسين ان ابونا يعز اخيتنا وهي حبيبته ومالها ذنب بشي وتسمع شين الكلام عليها او على امها واثنينهن عزاز ابوي ومايرضى عليكي الزعل وياهه
وهذا عيد الله رجعو النفوس متصافيه
لاعمر ابوي كان يطول بعيشه عمتي ولا يكصر هذا قدر وابوي نال حسن الخاتمه
الخلاف بعد موتهم عيبه بحكنا كلنا لان احنه اهل عشنا الحلوه والمره سوه واليوم ضلينه واحدنا سند للثاني ماترهم نفكك علاقتنه
ويضل كل منا بصوب
انا لا ارضى لغاليه تصد عن امي وما تسلم عليها ولا ارضى لامي تكره اخيتي وتنبذها
والحين ان ماتراضيتن تحلمن بعد برضا ابوي وزياره كبرو وانا تخسرني ماتلاكن مني بعد غير الصد
لان الي مايريد صله الرحم وحك الاهل مايهمني بعد

ضليت ادحكلهن وهنه وحده تدحك للثانيه
تالي جدتي صاحت غاليه وجرت ايد امي
وخلت ايد بايد وهنه تباوسن وتصالحن
قلتلهم ..
- الحين ودعن ابوي وامشن للسياره

ودعنه وراحن ويه اخوتي وضليت انا وجدتي هين .. ندحك لهالكبرين وساكتين تالي جدتي
قالت ..
-الوداع يااهل الهوى الوداع

كضبت ايدها واخذتها لسيارتي ورجعنا لبيتنه
كان هذا اول عيد بدون حلويات عمتي وعيادي ابوي وذبايح المعازيم ..

خلص العيد ورجع كل واحد لحياته
ورجعنا التمينا على اربعين ابونا وقمنا بالواجب وبعد الاربعين سمعتهم وصيه ابوي
الي تخص حسين والي تخص البقيه

رماح صار عنده ولد سماه انمار . .
كان هالولد جيتو علينه فرحه
صرنا على اسمه عمام وكل واحد منا حاير شلون يدلل هالولد ...

اخوتي حر واسر امتحنو بنص هالاحزان
وطلعو بمعدلات بالسبعين ما نالو المعدل الي بالهم بس انا ماخليت امنيتهم بالهندسه اضيع
وقلتلهم اختارو الجامعه والقسم الي يناسبكم وانا ادفع كل مصاريف دراستكم ..

وضلو محتارين بين يدخلون تحليلات على راي رماح او هندسه طيران على راي اسامه
تالي بالليل حدرو مشترين كنافه وخلو الماعون كدامي وكعدو يتبسمون قلتلهم ...
- شعدكم من سالفه
حر - ياخوي هو خريج السادس شنو سالفته غير التقديم
- اييه قررتو وين ؟
اسر - احنه قررنا نختار الي يعجبك منهن
- قولولي الي بالكم خلي افهم
اسر - ياخوي من الاخر اقساط الطيران خمس ملايين
حر - واقساط التحليلات ٣ ونص
- ههههههه ادحك براسكم كلام اسامه مطبوع
يا جامعه ؟
حر - الفراهيدي

اخذت الماعون بايدي واكل وهمه يدحكولي وانا اتأنى بالاكل تالي اسر قال ..
- حلوه التحليلات زينه هم حلوه عاجبتنه
حر - ايييه شكو بيهه محللين نصير

خليت الماعون بالكاع ومسحت يدي وقلتلهم ..
- يعني عشر ملايين بالسنه
سهله ترخص لعينكم

ضحكو وكربو حدري قلتلهم ..
- العشر ملايين و وياها مصرف كل شهر وفلوس الملابس وحتى العطور تاخذوها اصليه من الي تعجب ذوقكم بس شرط
ان النتيجه ما توصلني الا جيد جداً او امتياز
ويا مره ادحكها تنزل عن هذني الدرجتين
اكطع عنكم كل هذا وحيرو بنفسكم وكتها

حر - انا عن نفسي شاطر وذكي واقدر هالكرم
اسر - وانا اتعهدلك اسر خاطرك ومااطلع الا من الاوائل

- زين عجل نتوكل عليها دحكو يايوم يعجبكم واتفرغلكم ونروح نقدم

دحكت فرحتهم لموافقتي عليها كانو مترددين على سالفه الفلوس مايدرون انا ارخصلهم روحي بس كون ينسعدون بمستقبلهم ...

وبعد كم يوم اخذتهم لبغداد وقدمتلهم ودفعت اقساطهم و ضل السكن ..
ابو سالم يريدهم عنده ويحلف يمين مايكعدون بغير بيته وخوال حسين يريدوهم عندهم
وحسين يقوللهم نسكن بيت واحد هين نأجر ونستقر وهمه على الكل مايرضون ويريدون اقسام داخليه ..

تالي خصمها الخال علي كان رايد ينتقل بشقه مشتريها من زمان ومتماهل بهالسالفه لان وحده وعلى واهسهم قرر ينتقل الها وهمه وافقو لان وحدهم وياه ما ينحرجون من الاهل
وشاركو بتأثيث الشقه ومسواكهم كامل مال شهر اخذه الهم رماح واستقرو بغداد على بدايه الدوام ..