‏عزيزي ‎#الميزان ندري إنك أهبل ومجنون بس مسوي عاقل ، مارس جنونك بكل أريحيّه وخل الناقد ينقد شعليك ؟ 💅🏻

#الأسد قدامك بريء ووديع.. لكم مصايبه من تحت لتحت

‏شلون تتخلص من برج ‎#الحمل ؟
الصق فيه وحاول تعرف كل تفاصيله وحاول تتحكم باللي يسويه واطلع له بكل وقت وكثر زعلك منه، جذي راح تسود عيشته.

#العقرب مايحب يبقى معلق مو عارف وين ارضه من سماه، يهمه انه يحط النقط على الحروف وتكون الامور واضحه قدامه حتى لو كانت القرارات ماتناسبه، المهم مايبقى بوضع اللي مو فاهم الي دا يصير..

#الثور؛
مّن النَاس اللي ما يحبّ يشوف إنكسارات الأشخاص قدّامه، أو لحظة الخيبة، أو أي شي يسببّ الإحراج، يلتفت على طول ولا كنّه شاف شي .

#الدلو خبير في افتعال الاعذار و اختبارك في حال إن كنت تكذب عليه ولالا😏😂..

‏تبدو مرأة ‎#برج_الأسد متكبرة.. لكن لو بدأت بالتحدث معها ستجدها جداً.. لاتعبث معها ﻷنها ذكية ولماحة أكثر مما تظن.

‏برج ‎#الحوت يقدر انه يعكس شخصيتك بكل صفاتها ويتعامل معك كأنه النسخة الثانية منك.

‏مولود ‎#الجدي هو غضوب ومزاجي وعصبي، شهواني بطبعه، لكنه يحاول على الدوام أن يخفي هذه الطباع السلبية عن أنظار الناس🌝

‏يظهر ‎#القوس بمظهر الأناني في معظم تصرفاته وهو فعلاً كذلك
لأنه ببساطة يعتبر العمر مره واحده ويجب ان يستمتع به
لذا يخسر الكثير من صداقاته

#الجوزاء ارواحهم لطيفة وخفيفه تتمنى الخير للكل ما تحط الانتقام في قاموسه

#السرطان جاذبيه عاليه ، فريد من نوعه في الحب ، مهتم ، مبدع ، عشوائي ، عفوي ، راوي قصص ومتحدث بارع ، مساند

#العذراء
عرفت اشخاص قد يصابون بالجنون لو تُركوا وحدهم لساعات طويله، أما أنا ، فكان الأمر عندي عكس ذلك تماماً ، قد أصاب بالجنون لو كان علي مرافقه أشخاص لوقت مديد ،
سأفتقد عُزلتي .

‏انت كثير الحظ اذا اهتم بك مولود برج ‎#الحوت

‏بالرغم من أن رجل ‎#برج_الأسد يحب تأمل الحسناوات.. إلا أن قلبه لا يتسع إلا لأنثى واحدة😍😍😍🤤فديت😹

#شقراء_بغداد

الجزء_الثاني_بارت_٢١


طريق طويل كضى بلمسه ايده وصوته الفِرح ويه انغام اغاني ماجد المهندس
من حلو الشعور ماصارلي مجال افكر بالي تركتو وره ظهري ومشيت ..
كل الي حدر عيني هو اسامه بوسامته ودفو ايده وحلو صوته وهو يغني ..
' اقترب مني تره الدنيا فرص
واخذ من شوكي اذا شوكك نقص
خلي احجيلك مواويل وقصص
شما يعدي العمر حبنا يضل جديد '

فرحه اسامه مبينه بكل تفصيل بي .. من ايدو الي مافاركت ايدي وهو يضغط عليها ساعه
وساعه يبوسها وعينه الي تلمع فرح وابتسامته الي ماغابت لحظه من وجهو من ساعه الي كضب يدي من يد ابوي واخذني من بيتي

زفتنا بسيطه ما بيها غير سيارتنا وسيارتين لاهلو واثنين لاصحابو .. من وصلنه لبغداد
اتفاركت السيارات ضلت ويانه بس سياره الي بيهه عمي ابو سالم وام سالم وام اسامه وهديل
وطلعنه لمنتجع العبسلي ...

سألتو ليش ما ضلو اخوتو ويانه ؟
حكالي .. الكل مشت بناء على اوامر جراح الي ماخلاني احرك سيارتي بدون مااوعدو بيها ..
ضحكت ساعتها .. اخوي حتى بزفتي ما يرضى يدحكني احد ...

طبكت سيارتنه مقابيل الباب وهو نزل فتحلي الباب ونزل الكبوس على وجهي وانا اصلاً منزله الطرحه على وجهي وعلى كتفي عباه ابوي السوده عباه الشيخ ويشمغو ..

من ساعه ما صار لازم نمشي انا واسامه من بيتنا ابوي نزع عباتو ولفها على جسمي ونزع يشمغو خلاه على راسي وبوس راسي
حكالي ..
' انتي وارثه المفخره من امك ومثل ما بيوم لبستها يشمغي برفعه راس اليوم البسو الك لانك قدرتي التعب والربى وكنتي دايماً رفعه راسي بين اهلي '

نزلت وانا احاول ارتبهن على كتفي واسامه حكالي نزلي ايدك لا تبين .. نزلتها وضليت كاضبه مسكه الورد واطراف العباه وهو اخذ اليشمغ فرشو فوك العباه الي على كتفي وانطاني كضبت اطرافو ودخلنه نمشي وانا امشي على اثر خطواتو لان يادوبني ادحك موضع رجلي ...

دخلنه غرفتنا وكانت حدري هديل شايله جنطتي الفضيه الصغيره وكتاب قران صغير امي حطتو بايدي كبل لا اطلع وانا سلمتو لهديل من نزلنه هين ..

رتبت بدلتي والطرحه وهين دخلت المصوره
الي صورتنا بالحنه رغم انا كرهتها بالاول وتمشكلنا بسببها بس تقبلتها لزوم اتقبلها حتى نتصور ..

اخذنا الصور نص بالغرفه ونص بره وبعدين اخذنا ويه اهلو .. ام اسامه فرحتها ماتقل عن فرحه ابنها بس الي واضح فرحتو اكثر من الكل هو عمي لانه ما ترك اسامه بدون مايحضنو او يبوس راسو ويبتسم اكثرهم

ودعناهم ودخلنه غرفتنا ...
هين اول شي سواه هو حضني بقوه ويحكيلي
- ثاني اكبر فرحه بحياتي
-ههه الاولى لمنو؟
- يوم الي صرت طيار
-امممم يعني الشهاده اغلى مني
- لاا والله بس هي داحجيلج على الترتيب
-ههههه اريد بس اناا بكل شي
- انتي بعد صرتي الكل بالكل ام بيتي وحبيبتي ومريتي و محبوبه اهلي كلشي صار بايدج والج مهنايه بي
- يابعد عمري الله يوفقني واسعدك على كثر ما سعدتني وقدرتني
- ضلي حبيني و تسعديني

ضحكت وبوست ايدو الي مخليها على خدي
اعرف هالشي مني يعنيلو كثير وحبيت اسعدو بيها ..

نزع سترتو السوده وصار يتصل بالموظفين وانا رحت افتح الجنطه واطلع الي احتاجو كبل ماادخل الحمام ..

اخذتهن وسديت الجنطه وهو تكرب اخذ ايدي لوجهو يبوسها ويحكيلي ..
- غاليتي تريد تشرد مني !!
-هههه لاا بس اخذت الي يلزمني كبل مااسبح
- اييي عبالي تشردين وبعدني مافهمت منج شي

دحكتلو وهو تلمس شفتي وحكالي ..
- حلو الخمري عليها بس ليش مو المشمشي
- البارحه استخدمتو مايصير بالعرس هم نفسو
- اني مااشبع منه بس اجرب هذا ميخالف

ضحكت وهو رفع ايدي خلاهه وره ركبته وصار يبوسني بهداوه ويتلمس ركبتي وظهري والخصر وانا كلبي احسو انتفخ
وخرت وجهي عنو وهو حكالي ..
- لااااا
رجع قرب وجهي عليه ويبوسني وصار يفتح السحاب هين انا رجفت ضليت متمسكه بقميصو من كتافو وهو كل ما يفتح بي اكثر يتلمس وجسمي يقشعر ..
احساس خوف عجييب تملكني بهاللحظه
انا محد مدحك جسمي ومتلمسني هالشكل
والحين لازم اضل عريانه حدرو !! شي كزبر جلدي وخلاني افكر اشكال الوان

بالعجل نزلت ايدي كضبت البدله على صدري وحكيتلو ..
- انا انزعها
- بس اني احب انزعها بايدي يلا حبيبي تعالي مابينه خجل بعد
- لاا لا خليني براحتي اسامه فدوه
-شبييج فهميني هسه جنتي شلونج تخبلين
شكو ترجفين شسويتلج هسه!

ما رديت عليه ومشيت للحمام وهو يتأفف
وراي .. سديت الباب وضليت اتلمس بوجهي وركبتي واهفي مادري شصارلي وانكلب كل شي عندي من فرح وحلاه الى توتر وخوف ورهبه ورفض ...

نزعتها براحتي وفتحت الباب شويه وصحتلو اخذها من ايدي و وصيتو ينطيني الغراض الي على الفراش وجابهم الي ...

فتحت الدوش وغسلت بس جسمي وشعري رافعتو لان تسريحتي نازله مو سحب ومرفوعه ..

نشفت وضليت متلفلفه بالروب واتمشى بالحمام الي كله خطوتين بس اعيدهم من كثر توتري ماعرف شلون اتصرف الحين واهدأ

صرت اعدل بمكياجي واتعطر وانا اكمز واضرب على وجهي شويه واحكي لنفسي

اصحي عاد اهدي فكيها ..
لبست الروب الابيض وطلعت ..
دحكلي وضحك حكالي ..
- هسه بدا الحجي الزين بعد عمررري

ابتسمت بس انا وجهي ناار ضليت امشي خطوتين وارجع شويه واروح يمنى ويسره
واتلفت وهو يدحكلي وكاضب بطل المي ويضحك ويحكيلي ..
-شبيج اثبتي خبلتيني شكو هسه خلي افتهم سالفتج
- ماكو شي
-ههه زين تعالي نتعشى
-ما لي نفس بعدين
-هاا اووكي نعوف العشى ندخل بالنظيف يعني
-اساااامه
- يروحلج فدوه كولي
- اريد اخابر جراح
- هيي ولج تريدين تفضيحني اكعدي شتخابرين
- ايييه اريد احاكيه هو متعود على اتصالي بكل وكت
- غاليه عيب هسه تخابرين اخوج
-عجل اخابر امي
- وشكو تخابرين اصلاً شكو مخابره !!

ضليت ادحك بالتلفون وماارد عليه حدر هو واخذو من ايدي وكضب وجهي يدحك بعيني ويحكيلي ..
- شبيج حبيبي بس فهميني
-مادري ماادري
- اذا متوتره فهالشي عادي لا تخافين تعالي نتعشى ونسولف على راحتنه مشتاقلج والله خلي اشبع منج شكو هسه تلفونات ماكو تلفونات اليوم بس اني وانتي براحتنه ياحلوه
- بعديين نكعد اريد امي هسه اريدها
- استغفر الله اخذي يلا خابريها

حط التلفون بايدي وراح وهو عاكد الحاجب
كعد يشرب مي ودايرلي ظهرو .. اتصلت على امي وكعدت على طرف الجربايه البعيد
واتصل وامي ماترد الا بالمره الثالثه جاوبتني ..
- هلا بنتي
-يمه وينك دخيل الله وينك
- كاعده ويه عماتج وتلفوني عايفته شبيج حبيبتي
- يمه مادري كلبي احسو انتفخ صار هالكبرو وكل جسمي يرجف
-اهدي حبيبتي اهدي ماكو شي يستاهل الخوف هذا اسامه الي تحبيه ونفسج بي شكو خايفه منه
- يمه احسو تغير وجهو نظرتو كلها تغيرت
والله حتى صوتو احسو صار يتمسكن حتى يتمكن
- ههههههه غاليه ياعيني يعني والله حيرتيني شحجي هسه
- يمممه عفيه سوي شي ماريد اضل هالشكل كأني بين ايد مفترس هين ينتظرني لحظه لحظه ول ماتعرفين نظرتو شلونها يمه اكلت كلبي من الخوف عفييه
- دكولي يالله بنتي شجاج هاي لعد البارحه المن احاجي وادز بهالفيديوات واطمن شو انتي صايره كلشي تفرمتين من راسج
- راحن يمه راحن وبعدين انتي ماحكيتيلي يصير مدري شلون ول احكيلها مو نفس مااعرفو والله يمه احسو يتنفس نار بوجهي يخوفني
- ههههه ولج ليسمعج عيب
- صوتي ناصي وهو بعيد مايسمع
- اسمعي غاليه ياروحي انتي بنيتي اول شي اخذي نفس براحه وخلي بالج ماكو شي يخوف هاي بس كثره التوتر هيج تهيألج
وهمه كل الرجال هيج يصيرون بقرب زوجاتهم يعني مو شي غريب
خلي بالج هاي ليلتج انتي هم مو بس هو
رجلج يحبج وانتي تحبيه تهدي وياه واسمحيله يتقرب منج براحته ويدللج هاي بعد حياتج كلهه وياه قابل تضلين تتهربين منه وتخابرين بيه ياعيني ميصير هيج
وانتي فهمتي كل شي يصير واذا ترددتي بشي فهو رجلج عندج يداريج ويفهمج على الي يريده صيري هادئه وطاوعي هو ميريد غير يعيش كم لحظه حلوه وياج وانتي هم هسه تشوفين هالشي حلو وتحسين مثل مايحس وتفهمينه .. استرخي وكولي يالله اكعدي وياه سولفي اضحكي وكليه بايدج لتخربين الليله عليكم بهالوساوس ماكو شي حبيبتي لتخافين
- واذا تصرف وياي باذيه
- لا هو رجلج مثقف وواعي وحباب وياج انتي بس لا ترفضين شي منه وهو مياذيج بشي ماشي بنتي
- ماشي
- يلا سلمي عليه واكعدي يمه مثل ماوصيتج تهدأين وتكعدين وياه مثل ماتمنيتي وتحبين
لزمي ايده وكليه احجي كم كلمه حلوه وهسه يتغير الوضع بينكم ويروح التوتر
- ماشي
- يلا اخذي راحتج ومن يصيرلج مجال بعد خابريني او دزيلي رساله راح يضل بالي يمج ماماتي مو تنسين
-اي يمه صار
- يلا حبيبتي تهني

سديت الخط وضليت ادحكلو وهو متمدد على القنفه ويكلب بتلفون .. ذبيت تلفوني ورحت وكفت حدرو .. دحكلي وهو رافع الحاجب
مديتلو ايدي وابتسمت ..
بادلني الابتسامه وقفل تلفون وكعد ..
كعدت حدرو وهو كرب الاكل حدرنا
حكالي ...
- شوفي وصيتلج كلشي نباتي فطاير جبن ومشكل مقبلات بيتزا جبن وزيتون وزعتر مثل متحبيهه اكليهن كلهن واشبعي
مريتي تعبانه هاليومين مو
- ايييه كلشي صار ركض بركض
- اعرف حبيبي بس هسه بعد كله راحه
-ههه ان شاء الله .. زين وانته اكل وياي لو بس لحوم ؟
- لا حبيبي اني خليني على المشاوي محتاج طاقه

غمزلي وصار يقرب مني العصير ..
اخذت قطعه من البيتزا وكلته وهو ياكل ويبتسم .. اندمج هو باكل المشاوي واني
باكلي .. صار يسويلي واهس عل الاكل
كل شويه جربي هاي وخلي نخلص هاي
و يحكيلي على اصحابو شلون ركصو بدايه الزفه كدام بابهم كبل ما يطلعو علينه

ماخلينه شي بالاكل اخذتنا السوالف ونسينا نفسنا بالاكل لحد ماخلصنه الوجبه كلها
رحنه غسلنه وهو لحد هين مبتعد مني
وكعدنا ندحك الصور بتلفوناتنه انا اخليه يدحك صور حنتي وهو هم يحكيلي اسماء اصحابو ..
صرت ادحكو يهز برجلو وصافن على شاشه التلفون دحكت ساعه صارت ١٠:٤٠
بلعت ريكي وضليت ادحك لاظافري واحكيلو
- ما صليت اليوم من وره الاظافر التركيب هاذي
- بس الاظافر بس المكياج

-هههه صدكت المكياج هم بس انا كنت متوضيه كبل مااتمكيج وامي حكتلي يصير اصلي بس
-بس شنو
- هههه انته مانطيتني مجال
-ههههه هي بوسه شسويت ياعيني
- ايييه مادري راحت بعد .. اخليهم لو انزعهم ؟
- انزعي حبيبي انزعي كلشي انزعي
- حبيتهم كلبي ماينطيني الوانهن حلوه
- شنو
-الاظافر حبيبي عجل على شنو انا حكيت
-هاا اي حلوات كلش يجنن بقيهن حبي عادي
- اييه راح ابقيهن
-اي
- اسامه هاذي جنطتك كبيره شنو مخلي بيها ؟
- غير ورانا سفر الملابس والاحذيه مكينه حلاقه هالسوالف
- هاا عجل مانرجع لبيت اهلك بكرا !
-لاا حبيبي كبل للمطاااار لا نشوف احد ولا احد يشوفنا
- يعني بكرا احنه بتركيا
- اي ياعمري ولو تمنيت اوربا بس انتي مالله هداج
- ماريد مدحكتها ويه جراح بس تركيا مارحتلهه ضلت بنفسي
- متعجب اني شلون اخذج جراح يعني شسويتي وقنعتيه ياخذج وحدكم !!
- ههههه وعيونك ماسويت اي شي
- ما صدك
- هو من ذات نفسو كان مفكر ومخطط وجامع الفلوس من شغلو بس ساعه مادخلت الاعداديه شرط عليه البس النقاب واتبع اوامرو وهو يعوضني بعدين وانا سويت مثل ما طلب مني بالحرف الواحد وبمرحله ثانيه
هو حكى لابوي نروح انا وياه رحله لاتحاد شنغن وابوي ماعترض ورحنا
- رحتو باريس
-اكيد وديزني لاند ماخلينه شي بنفسنا ماسويناه حكك ماتصدكني لان انا بعد احس انه حلم كان وخلص
- هههههههه والله مدام ويه جراح اكيد حلم
اني لو ماشايف جوازج ولا اصدك
-يااا والله انا ماكذب بحكيي وياك
- ههههه فديتهااا للتحجيلي الي بكلبها مريتي تفاحتي ولج تخبلين شهالرجل المصبوبه صب
شو حركي رجلج خلي اسمع الحجل
- ههههههه هذا مابيه صوت
-ليش ؟؟
- استحي البس الي بيه صوت وكت مااطلع
- بالبيت ماتنزعيه اريده هذاك الي يرن
مفهوم
-مفهوم
- زين هسه شكو خجلانه مني ياعيني انزعي هذا الروب خلي اشوف جسمج الحلو بهاللبس
- مرتاحه انا عيني
-بس اني ممرتاح واذا تعاندين اني افتحه
-لاااا
-لعد يلا
- ااا خلي افتح شعري بالاول راسي يأذيني شويه
- ماشي تعالي افتحه الج
- تعرف ؟
-اعرف شيرادلهه

انطيته ظهري وصار يفتح الماشات هو صح تسريحتي نازله بس البف اذاني صار تنزل الحشوه وتجر الشعر وياهه وهو يشيلها بسرعه مو بتأني وانا كضيتها على كيفك و شويه شويه تشلع شعري وهو مااسمع منو بس صوت النفس القوي ..

حكالي ..
- عود وصيتج افتحي شعرج حتى اخلص من دوخه الراس هاي تاليهه طلعت اضربين
- هههههه هنه كم ماشه وخلصتين مرفوعه
- اي من هالكوم
- هسه مشكور على مساعدتك الحلوه
خلي اروح ارتب هالغراض
-وييين بعد
- اشيل البدله والتاج ليش هالشكل مشمورات هين
- روحي شيلي روحي
- امشي ساعدني نرتبها بجنطتها عجل انا اكدرلها وحدي

وكف وهو يتأفف واخذ الجنطه فتحها وصار يدحس البدله بيها وانا اخذتها منو رتبتها بتأني وهو يفتر حدري ويحكيلي ..
-غاليه تره حتصير ال ١٢
- اييه وتصير شعدنا
- تعبان خلي نام كافي عوفيهن باجر رتبي براحتج
- نام براحتك انا اريد اغسل مكياجي وافرش اسناني يلا انام
- دعوفيهن وامشي غسلي انتظرج يلا

خليتهن على القنفه واخذت حذائي رتبتو بالجنطه ورحت للحمام تأنيت بمسح مكياجي ونزع رموشي براااحتي ..
مسحت بالكلينس المرطب وبعدين غسلت بالغسول وبعدها صرت ارطب وجهي وشفايفي والمعهن شويه وامشط شعري بهداوه واتعطر وهو يدك بالباب ويحكيلي ..
- يعني تنامين بالحمام اليوم شسالفتج
- المكياج يتعب بالغسل كثير اصبر شويه
- راح اطلع شويه واجي الكاج مكمله زين
-زين

سمعت الباب انسدت وضليت ادحك بالمرايه واحكي لنفسي ..
' غاليه كافي زودتيها عاد لا ينفجر باعصابو الحين وتتصخم ليلتك اعقلي زين اعقلي '

طلعت وصرت انزع العقد والمحبس والتراجي وهو دخل حكيتلو ..
-وين رحت
-تمشيت ... بعدج مانزعتيه يعني تنتظريني بايدي اشيله

درت وجهي عنو وهو صار وره ظهري وايدو تفتح الروب وبالعجل نزعو ضليت مخليه ايدي على وجهي وهو دارني عليه
وحكالي ..
-هواااي طولتي وياي ياحلوه هواي يلا صرتي بين ايدي
باوعيلي احاجيج

دحكتلو وهو وجهو احمر ونظرتو متغيره مو مثل كبل شويه حدري هسه ماعرف شكلو شنو الي تا يتغير بي ..
حكالي وهو ايدو على فتحه الصدر يتلمس قماشه الثوب ..
- تعرفين من شوكت اريدج هيج ؟
هاا جاوبي
- ما اعرف من ايمتى
- من ساعه ما شفتج بيوم قرايه الفاتحه انتي بعد مفاركتي خيالي جان جسمج ميبس ريكي
صورتج هذيج طبعت بالي ردت اشوف شكو جوه هالقماش السمائي من جمال .. زين تعرفين شكد اريدج ؟
- لااا
- اريدج هيج بهالقوه

نطقها و بالعجل شك الثوب على طولو ضل يشك بي سواه نصين وانا عطت عيطه وحده وبعدها هو سكتني بايدو ضلت عيني مدمعه وتدحكلو وهو بس يعض بشفتو ويتلمس
باقي جسمي .. وخر ايدو من حلكي وصار يحكيلي بهمس ..
- غاليه احبج اريدج بكل قوتي وحيلي اريدج لا تخافين مني بس عوفيني براحتي ومااتعبج
زين حبيبي بس سلميني نفسج واعيشج احلى ليله
- اساامه