قرب راسو حدري وانا كزبر جلدي
بس سمعت صوتو هالشكل قريب وينطق اسمي بالعجل ابتعدت وهو يضحك
امو قدمت علبه الذهب وكانت طقم كامل
وبس الحلقه مختلفه عنو ..

هو كضب الحلقه وضل يفر بيها باصبعو ويدحكلي .. تالي قرب راسو وحكالي ..
- تقبلين تتزوجين سايق الطياره ؟

ضحكت وغطيت وجهي بايدي وبعدين دحكتلو وهو حكالي ..
- ها ياغاليه الشيخ تقبلين بالسايق زوج الج ؟ اذا تقبلين حلقتج حاضره .

اشرتلو براسي بمعنى اي بس هو حكالي .
- اريد اسمع صوتج احجي
- اييه اقبل
- بمنو. ؟
- بااسامه ذاتو ما تهمني طيارتو
- هههههههههه يروحلج فدوه

من الخجل ادير وجهي على امي وادحكها تمسح بدموعها وتضحك وهو كضب ايدي فززني واخذت نفس ومديتها الو من جديد ولبسني الحلقه وباقي الذهب
ومن صار لازم البسو حلقتو انتبهت على ايدو ترجف ضحكت وبالعجل خليت الحلقه باصبعو وقلتلو ..
- الساعه اخذها وياك لا تنساها
- والله لو ادري مالبس ساعه
- تهنى بيهه بعدين
- شكرا حلوه

ابتسمتلو وحدرت عمتي تقطع الكيك وانطتني اوكلو .. ساعه ما صارت عيني بعينو حسيت هين بالهداوه .. هين حسيت قراري صح ..

اخوتي كانو منبهين اي تصوير ما يصير هين وعماتي كانو ملتزمات هالموضوع
بس تلفوني بايد خالتي هو الوحيد الي يصور .. عاد هو طلع تلفونو وحكالي ..
- مااثق بلقطات النسوان الكبار خلي ناخذ سلفي احسن
- ترسلها الي وتمسحها من جهازك
-ههههه دباوعي باوعي

دحكت لشاشه تلفونو وهو صار ياخذ اكثر من صوره ولقطه كاضب ايدي وكبل ما يمشي شاورني ..
- ريحتج شعرج ملامحج جسمج وبياضج كلشي مثل ماجنت اتمنى
هواي فرحان بيج يامريتي

دنكت بخجل اول مره اسمع هالشي وكلشي اهجسو غريب وعيب ينحكى
رجع حكالي ..
- اليوم ماانام اذا مااسمع صوتج
- بس ماعرفو
- شنو ماتعرفين!
- الرقم يعني ماعرفو
-هههه اكتبيلي رقمج هنا
- جراح يدري
- اني احجيله اكتبي يلا بعد صرتي حلالي محد يكدر يعترض

كتبت رقمي بجهازو وهو اخذو كتب عليه
' محبوبتي الغاليه '
وضحك وبعدها مشى ..

ادحك فرحتو بكل تفاصيلو وبوجوه كل اهلو واهلي ازيد منهم فرح ..

بعد ما مشت الناس وصار العشى انا صعدت اغير ملابسي بس تذكرت اخوتي ما دحكوني هالشكل .. عاد اخذت صور
وارسلتها الهم بالكروب وكلها دقايق والمسجات بدت توصل منهم
يرفعون من معنوياتي وكلهم يحكولي اختيار موفق هاللون بارز جمالك
ورماح يحكيلي انا نويت اوصي حرمتي تلبس نفس هالشي بمهرنا ان شاء الله
ضليت احكيلو ناوي تتزوج وهو كتب
عن قريب بس نرجع لحديثه

ردت ارسل بعد وافتهم منو بس اتصل رقم غريب وما رديت بالعجل وصلت رساله مكتوب ' اسامه '
ورجع اتصل رديت عليه ..
- محبوبتي الحلوووه
-هلاا اسامه
- هلااا ياكلبه ياعينه لج تجننين تعرفين لهسه مسطور بيج وكلشي ما ماكل
ضال بس اتصفن بصورتنا

كنت اضحك واتمشى بالغرفه وهو يحكيلي ..
- ما مصدك اخذتج غاليه ما مصدك والله والله والله مااامصدك
- ههه اي
- شنو اي !
- مادري يعني عادي ماعرف
- هههههههههه خجلانه
- اي
- هههههه اموت على اليخجل بدلتي لو بعدج
- بعدني
- هاا اا غاليه هذا ايجار الفستان لو اشتريته
- اشتريتو
- ايي كلش زين حتى تلبسيه بعدين ما شبعت بشوفته .. شبيج مرتبكه ودتخليني مرتبك وياج
- هههه
- تضحك ياربي تضحك رحتلج فدوه
ياام طول الحلو
-اسامه
- يا عين اسامه كولي
- عفيه خفف هالحكي الحين تره والله ماعرف ارد عليه ولا سهل عليه اسمعو
كثير يربكني ويخجلني
- صدقه لله شلون صوت شلون لهجه شلون كثير وحكي يجنن ياعيني صار ماحجي بعد
- هه ايي
- ياحلوه نزلي الواتساب حتى ادزلج فيديو
خليتهم يصوروه خصوصي الج
وهم ادزلج صورنا
- ماشي
- هسه بدلي وارتاحي واكلي ونتخابر
- ماشي

سديت الخط وكعدت وانا مخليه التلفون على وجهي واضحك واحكي ..
' واووو انااا اليوم انخطبت وصرت احكي ويه رجال بهالحريه !!! وبينا تلفونات وصور !! سبحان الي غير الاحوال '

نزلت سبحت وطلعت تعشيت حدر عماتي وبناتهم بحريتي هالمره مااختل بنفسي منهم ..
ودحكت الفيديو كان لاسامه وابوه يركصون وحدهم بنص الرجال وابوه يفر بالسبحه وييهز باكتافو ومخلي ايدو الثانيه وره ظهرو واسامه يركص من كل كلبو
ويصفر ويصفك ونازع الستره
بالعجل اخذت تلفون لامي وخليتها ادحكو وهي نزلت دموعها .. قلتلها ..
- يمممه عجل الحين هذول بنتك وتبكين عليهم !!
- فرحتهم جبيره بنتي واثرت بيه
عساها ادوم وتزيد

حضنتها وهي تمسح بدموعها وتطبطب على كتفي ..
دحكت صورنا حلوه وحفظتهم
بعدين هو اتصل صعدت بغرفه امي اجاوبو .. وبس حكيت خمس دقايق وسمعت صوت اخوتي بالعجل حكيتلو

اخوتي هين رجعو بكرا نحكي ماكدر استحي بعد اضل هين اخابر وهو ضحك وتفهمني وسد الخط ..

باركولي اخوتي وابوي وتعللنه ويه عماتنه هالليله ..

ثاني يوم خابرته الصبح من صارلي مجال وكل حكيي وياه اي واضحك او اجاوبو على شي يسألو ..

صرت اتراسل وياه طول اليوم ونتصل بوكت الصبح والعصر بس لان انا ماارضى وكت اخوتي موجودين اضل اخابر استحي منهم .. وبالليل نهائي مااتصل بس اراسلو ...

حسيت بتغيير عجيب بحياتي ملى فراغي
ورجعلي حيويتي وطول اليوم وجهي يضحك حتى اهلي لاحظو تغيري
وحسين يحكيلي لو ندري هالشكل تفرحين من زمان نزوجك ونخلص من وجهك المبوم ..

بس انا ماعندي مجال اتمشكل وياه
كاضيتها مراسله ...

وبعد اسبوع ضبط من خطوبتنا كنا نحكي العصر وهو حكالي ...
- غاليه اريد اعترفلج بشي
-شنو
- بس اسمعيني للاخير يلا تحجين ماشي
-ماشي
- اسمعي .. اني لان داشوفج شلون نقيه وياي واول شخص بحياتج اني وماتعرفين درب الجذب وياي ردت اصارحج بحياتي حسيت لازم احجيلج
ماعرف بس كلبي ماانطاني اضمهه عليج
- شنو اسامه فهمني
- اني جان عندي علاقات قبل مااعرفج
يعني مو علاقه تلفون وغراميات لا اني ما كايل لوحده احبج غيرج ابد والله بس علاقات
جنسيه عابره يعني
- شنووووووو اسامه انته شكاعد تحكيلي
- بس اهدي واسمعيني
هاي قديمات والله يعني قبل ست سنين او ثمن سنين مادري بالضبط لان هنه خمسه
متباعدات
يعني غاليه اني بوكتها ماجنت مسيطر
وصارن بلحظه ضعف .. وحده من الاردن اثنين اجنبيات واثنين عراقيات
ومتندم عليهن والله .. ادري انتي تفاجئتي بهالشي بس ردت ابدي وياج صفحه جديده مبنيه على الصراحه ومابيها اي جذب و
- بس كافي اسامه كافي
-غاليه افهميني
- قلتلك يكفي حكي راح اسد الخط باي

سديتو ونزلت ابكي لامي اخذتني لحضنها و صرت احكيلها ..
- يممه اسامه يحكيلي عندو خمس علاقات محرمه كبلي يمه مكربلهن بالحرااام
.

#شقراء_بغداد

الجزء_الثاني_بارت_١٧


نزلت ابكي لامي اخذتني لحضنها و صرت احكيلها ..
- يممه اسامه يحكيلي عندو خمس علاقات محرمه كبلي يمه مكربلهن بالحرااام
- اسكتي كافي لايسمعج احد امشي فوك نحجي

اخذتني فوك لغرفتها واول ما دخلت سمعت تلفوني يدك بالعجل اخذتو ودحكتو اسامه رديت عليه بالعجل ..
- خييير خييير شضل بعد ما حكيتو
- غاليه شبيج اهدي خلي نتفاهم
- مااتفاهم وياك وماعندي اعصاب حتى اتحملك بعد روح لا تخابرني

سديت الخط وقفلت التلفون وامي كعدتني حدرها وصرت احكيلها ..
- يمه كلام جراح صح والله صح
هذا شابع بنات وعلاقات وتالي عمرو يدور العفيفه الزينه .. يمه هو اعترفلي هسه عندو علاقات ويه بنات بالحرام خمسه يمه خمسسه
اجنبيات وعراقيات ومن الاردن
هذا واحد زاني خدعنا بلسانو وافعالو بس هو طينتو وسخه مشبعه بالحرااام

حضنت راسي ومسحت دموعي وبعدين حكتلي بكل هداوه ...
- هسه اخذي نفس وكافي بجي خلي نحجي يلا

اخذت كلينس مسحت خشميوجريت نفس وصرت ادحكلها وهي كضبت ايدي وحكتلي ..
- شوفي بنتي الانسان خطاء ولا هو المو زين ولا احنه الزينين كلنه عدنا جانب مظلم
- بس انا ماعندي يمه اناا ماعندي كل عمري ماشيه صح ومازليت ماتحمل هالشي انا ماتحملو تلعب نفسي من هالطاري
شلون اتقبلو !!! الحين هو ماسكت وضمهه عني ليش يحكيلي خليهه مستوره ليييش يصارحني بهالاشياء شظنو اخذو بالاحضان عليها واصفك لان صارحني بماضيه!!
يمممه ماردت اوكع برجال خسيس والحرام ماشي بدمو ردت رجال مثل اخوتي واخذت بكلمه جراح ووافقت عليه تاليه طلع

ماكدرت اكمل ورجعت ابكي وهي مسحت دموعي ورفعت راسي وصارت تحكيلي ..

- اذا تضلين بس تبجين راح تخسرين وتضيع عليج هالفرصه
- ياا فرصه يمه
- هاي فرصتج ان استغليتيها تربحين بهالزواج وان ضيعتيها تخسرين وتضلين تخسرين

عدلت كعدتي وصرت استمعلهه ..
- غاليه هسه انتي جبيره و واعيه مو مراهقه
حتى تجرفج الاعصاب وياخذج التسرع
والمشاعر .. بهالعمر انتي لازم تتصرفين بحكمه وعقل بالاخص هسه انتي ببدايه تأسيس حياتج الزوجيه هاي اهم مرحله لازم تكونين بيها رزنه الافعال
بنتي اريدج تسمعين كلامي بعيد عن الانفعال هذا تهدئين وتركزين وياي زين حبيبتي

- اي زين

- اول شي على موقف اسامه اني انطي تفسيرين .. ان هو بي بذره طيبه وان هو يريدج تساعديه يتخلص من هالذنب ..
هو يعرف انه واكع بالحرام ويعرف هالاعتراف جبير ومتخوف من رده فعلج هاي بس هو راد يصارحج بمشكله تواجهه اكثر من كون علاقه مخفيه عنج ..
الرجال من اختارج مايعرف منج شي
بس جان متأكد انتي بنت اصول محترمه ومتدينه نقيه واصيله .. ساعه ماحجى وياي كالي ردت المره الي تسند رجلهه
اذا انتي باول مطب تخليتي عنه وين صفاتج الرادهه وتعب عليهه ؟؟

دنكت راسي وهي كملت كلامها ...
- العيب هسه مو بالخطىء العيب بالي يستهزء وينفر من الخاطىء
لان هذاك يريد يتوب يريد يصحح خطأه بس الثاني يريد يتشمت ويتعالى عليه وهذا عيب بنتي عيب نشوف نفسنا اعلى من البقيه ومنزهين بمجرد ان همه غلطو واحنه لا
المفروض مدامنا زينين وماشين بطريق الحلال وكلوبنا ونفسنا طيبه نساعد الي يخطىء ونمدله ايدنا بكل رحابه صدر
ونشيله من كوم الذنوب الي غاطس بيهه
ونخليه يوكف على رجليه من جديد ونفسه شرحه .. كون من يمشي يحس بروحه خفيفه وينام وباله مرتاح مايعذبه ضميره على مضاميم بكلبه .. هنا راح يضل يتذكر صاحب الفضل عليه الي دلاه وكت ماكان دربه اظلم
دتفهميني بنتي .. اذا انتي وكفتي وياه واحتويتي رجلج بزينه وشينه راح يحبج اضعاف محبتج هسه وراح يصير يحترمج
يقدرج بكل شي وتكسبيه شنو احسن للزوجه من انها تكسب زوجهه وتخلي يلتجىء الهه وكت ما يخطىء او يحتار او يتعب
اذا انتي صرتيله الحل لكل هذني راح تربحين
كلتلج هاي فرصتج حتى تبنين علاقه قويه ويه رجلج وتخلين اساس بيتج منتقى من ارقى الافعال وارقى الكلام والوعود

غاليه الزواج ان تريديه يكون مزدهر دائماً ومحافظ على الحب والاحترام والثقه لازم تتصرفين بحكمه والتصرف الحكيم يجي وكت الشده ووكت الاعصاب هنا لازم يطلع جوهرج الي اختارج اسامه بي
رادج تصلحيه وهو يريد يبني حياه جديده وياج يقصد انتي الي تخلين اسس هالحياه
زينه بمثل مايباوعلج بهالصفات الحلوه الاصيله ، انتي خلي الاساس وهو يمشي عليه
هيج يريد المعنى مكمون بصدره بس يستصعب يحجيه بكونه رجال ويخاف تفكرين انه بلا شخصيه وانتي تتحكمين بي
بس هو يريدج تصلحيه وتبنين حياه متكامله اله بدون ما تجرحين رجولته او تسويهه عليه فضل دتفهميني !
- اي
- اي هو يصيرلج كلشي تريديه يبقيج اميره مدللـه وياه ويضل يعيشج ايام حلوه كل مايشوفج محتويته بحنيه ومخليه وجوده وياج امان .. اهم شي لازم تنتبهين عليه ان لاا بيوم تخليه يتخوف من رد فعلج لاي موضوع
هذا هو الي يجر المشاكل والخيانه وقله الثقه كلهااا تجي من رد الفعل الخاطىء

لازم تخلينه من يجي يحجيلج شي يخصه او يخص اهله اصدقائه ، مأمن انتي ماتغيرين نظرتج عليه تضلين تشوفين بي الجانب الزين وما تملين من تصليح الجانب المو زين
هيج يضل ممنون الج بداخله حتى ان ماحجاهه .. الرجل بطبعه مكابر على مشاعره بس هو اكثر من المره يحتاجها

- يمه يعني هسه انساهه لهالسالفه !واسامحو

- هو ماغلط وياج حتى تسامحيه هذا شي قبلج شي صار وراح ماجنتي موجوده حتى تعتبريه غلط وياج .. كولي اتقبله وادارك الموضوع

- يمه هيين بكلبي تدك هالسالفه ماكدر

بهاللحظه اندكت الباب وامي فتحتو وطلع
عباس ..
- غاليه اسامه هين وابويه يريدك عمتي
- زين هسه نجي

سدت الباب امي وانا وكفت على حيلي وقلتلها ..
- يممه ماانزل ماانزل مامستعده اواجهو الحين
- شجاج تخبلتي لعد صار ساعه ويامن احجي
- يمه دخيلك مانزل انا يادوبني اكدر اكلمو بالتلفون اخجل والله والحين بينا مشكله ماعرف احكي شي ماكدر لاا ماكدر مانزل
- غاااليه
- يمممه
- اشش كافي سوالف العناد هاي بطليهه لعد رجلج عليمن جاي غير رايد خاطرج
انزلي يلا عيب هالتصرفات

ضليت اتأفف وامشي وكاضبه راسي افكر شسوي شتصرف وياه ماطلع وياي شي عاد سألت امي ..
- زين هسه انا شسوي وياه شنو ارد لو فتح هالسالفه
- اعتبريه طفل وغلطان ومتخوف من غلطته شلون راح تتعاملين وياه تعاملي هسه ويه اسامه
- بس هو مو طفل رجال هالكبرو
- كل الرجال اطفال بدلي وانزلي عاد يلا
- مابدل عايز اتأنقلو ويدحكني متأنقه لحضرتو ومابينه شي
- لعد تنزلين هيج بضفيرتج
- ايييه وشبيهه ضفيرتي و دشداشتي مرتبات
- هههه كيفج يلا بس انزلي

طلعنه وكبل مانزل على الدرج قلتلها ..
- بس احط شويه عطر

رجعت للغرفه ركض تعطرت ونزلت كذلتي رتبتها ونزلت ويه امي ..

كانو اخوتي متجمعين حدر جدتي بس عباس
واكف بالمطبخ ياخذ الجاي وانا ضليت حدر امي واكفه بالمطبخ وهي تحكيلي امشي ادخلي وياي واحكيلها لاا الا يطلع ابوي

تالي هي راحت دخلت تسلم وانا ضليت واكفه حدر الباب اتسنط وتالي يلا طلعت هي وابوي
واشرتلي ادخل ومن دخلت هي سدت الباب

خجلي هين اكبر من الزعل وكل شي نسيت كلشي بس بالي اخوتي بره وابوي وانا هين كاعده ويه اسامه وحدنا ! بالي جراح برا البيت خاف الحين يرجع ويدحكنا كاعدين

كلبي يتسارع بدكتو وبطني تلويني وحتى ما ركزت على شكلو بالعجل سلمت وكعدت بعيد عنو ... وافكر باخوتي ..

تالي هو كام من مكانو وانا دحكتلو وهو يمشي .. كعد حدري وصار يفرك كصتو
ويهز برجلو ويدير وجهو كل شويه لجهه
بهاللحظه تذكرت كلام امي ..
ودحكتو ينطبق عليه بالحرف .. ابتسمت
وهو دحكلي وبالعجل كضب ايدي وحكالي ..

- غاليه كل شي صار قديم والله ومتندم عليه
كلتلج اريد ابدا صفحه جديده وياج بس انتي مانطيتيني مجال افهمج واحجي وياج خليتيني اتندم على ساعه الحجيتلج ولج اني ماصدكت فرجت وانخطبنا تاليهه هيج تتخلين عني !
بهالسهوله !!! هيج يعني جزت نفسج مني !
ماتتقبليني بعد مو !

يدحكلي ويحكي بسرعه وانا ساكته استمع لكلامو .. قلتلو ..
- عفى الله عما سلف

بالعجل ضحك ورفع ايدي باسهه مرتين
وصار يحكيلي وهو مبتسم ..
- اروح فدوه لهالصوت .. غاليه من حجيتلج هيج لان ردت كدام صفحتج البيضه هم تصير صفحتي بيضه تفهميني
- افهمك افهمك
- لعد ليش خوفتيني عليج هيج
تغلقين تلفونج وتبجين خليتيني اجي ركض حتى طلعت بهدوم البيت شكد عيب من ابوج
كاعد كدامه بالتراكسود وحتى جواريب ملابس جاي بالشحاطه

ضحكت وصرت ادحك لرجليه بيض والاصابع والكعب احمر وهالملابس والله ظلم يستهزء بيهن .. بدله رياضيه مو بجامه بيت
تمعنت بوجهه وشعره كلشي مرتب
ينكط نظافه وانا المبهذله والله
حكيتلو ..
- كلشي مرتب بيك وحلو الله يحرسك من العين
- هه اشكرج
- اسامه
- عيونه كولي
- عندي طلب منك
- ادللي شنو طلبج
- تضل صريح وياي هالشكل دائماً وما تخاف انا مابيوم اكرهك او تتغير نظرتي عليك
بس اخذ على خاطري منك اذا خفيت شي عني
- اني اصلاً صريح واحب تصيرين كلشي الي اعرفج
- ايييه زين وبعد عندي طلب
- هم تدلليين شنو بعد
- بخصوص هالموضوع الصار بينا اليوم
-اي
- هذا اريد انا انهي على ايدي لا تسألني شلون بس اريدك تسمحلي بي
- مسموح الج كلشي
- تسلم .. نأجلو بعدين نتفاهم عليه
- ما ضل بالج شي ابد ! ما بينه زعل يعني !

هين تذكرت كلمه امي وابتسمت ورجعت كررت جوابها عليه ...
- انا مايحقلي ازعل عليك بهالشي
هذا شي صار كبلي وراح .. انا اتقبلك بزينك وشينك والي يتعبك ويتعبني من اخطاء نصححها ونتجاوزها ان شاء الله

اتسعت ابتسامته وراد يحضني بس انا وخرت
اخجل ومااكدر عليها بعدني يادوب كدرت اتقبل ايدو بايدي .. تدارك الوضوع هو ورجع رفع ايدي لصدرو وحكالي ..
- كلبي ما غلط من اختارج اصيله والله
كلامج هذا برد كلبي

ابتسمتله وهو عاف ايدي وحكالي ..
- تذكرت على طاري البروده جبتلك موطه

ههههه طلعت مستعجل وافكر شاخذلج يهدي نفسيتج ويبرد اعصابج وصار كبالي ابو المثلجات كبل نزلت جبتلج مشكل ماعرفت شتحبين يانوع جبتلج من كلشي شويه

يحكيلي وهو يفتح بالعلاكه وطلع العلبه والخواشيك .. فتحها وحكالي ..
- ياهي تعجبج تاكليهه
- الفستق
- ذواقه اطيبهن هي

اخذ منها شويه ووكلني قلتلو ..
- تسلم طيبه
- اكلي بعد جربيهن كلهن

اخذت خاشوكه وصرت اجربهن بالسره
وهو صافن عليه .. اخذت شويه من الفستق وقربتها اله فتح حلكه بابتسامه ووكلتو بالعجل حكالي ..
- هذا شعرج ممسرحته
-لا
- هذا وجهج محاطه بي شي لا كريم ولا بودره او اي شي
- ههه لا
- والله يعني طلعتيلي هيج كبل بدون متسوين شي
- هههه اييييه
- ما اصدك شو

حط اصبعو على خدي وضل يمسح بي ويدحك لاصبعو وانا اضحك ورجع حط اصبعو على شفتي هين درت وجهي عنو
وهو حكالي ...
-صدقه لله مكيجه من كاعج .. اني من شفت اهلج هيج حلوين كلت لعد هاي بنتهم شتطلع حتى هيج ضاميهه من العين !!!
-ههههههه
- فدوه لهالضحكه لوحه ربانيه
وجه تقاسيمه واضحه خدود خشم منحوت مثل امج والحلك يا يابه

عض شفتو وهو يدحكلي وانا اهجس الدنيا زادت حررر وماعرف وين اردي عيوني منو .. ضل يدحك لركبتي وايدي وحكالي ..
- بخيت اني عمي والله بخيت
هم بنت شيخ وهم من ديرتي وهم حلوه من مكاعهه .. تدرين اول ما شفتج بالكليه
جانت الشمس عاكسه بعينج ومبين عسلهن
هاي قبل ماتجين علينه من جنتي تخابرين
- هااا يعني مدحكني كبل عركتنا
-ههههه اييي هيج كدامي صرتي من اجينه نكعد بس يالله شكد حبيت كلامج شكد ضل يرن باذني وتعمدت اضل ساكت حتى اسمعج بعد شتحجين
- ههههههه كنت مغرور بنفسك ترا وصاحبك كرهتو من ساعتها مغرور اكثر منك
- ههههه متعود يتفاخر هيج هو
تدرين قبل مااسمع هذيج حجياتج القنبله
ام سايق الطياره
-ههههههههه
- والله من قبلها اني مو بس مغرور لاا ماشوف الناس هم بس حجيايتج هاي اجتني شلون ضربه على الراس طيرت سنين دراستي والميه ساعه الطايرهن والانكليزي الذبحت نفسي حتى تعلمته والملايين الصرفتهن كلهن طيرتيهن يا يابه بوكتهه حسيت نفسي فلسين مااسوى يا طيار يا بطيخ سايق صرت سايق من كابتن لسايق وباستهزاء هم وكدام البنات الاصغر مني !
تمنيت نفسي اطرش ولا سامعهه

ضليت اضحك من كل كلبي على كلامو
وهو يحكيلي ..
- والله ضليت اسبوع اني امشي واحاجي نفسي سايق يااسامه سايق ! هذا تالي حلمك ودراستك سايق ! خرب والله شلتي حتى واهسي بالشغل من يومها كل مااشغل اتذكر حجايتج واضحك
- ههههههههههههه تاليتي اناا الي تزوجت السايق
- ترا طيار اني طيار دفعت دم كلبي حتى صرت لا تسميني سايق تكرهيني روحي
- ههههههه بس شغلتك تسوق
- بس الالفاظ شويه ترفع المعنويات
- ههههههههه حاضر حضره الكابتن
- ههههه بعد ان شاء الله ادعيلي حتى اصير كابتن طيار
ولج والله شغلتي حلوه مو مال تساويني ويه سواق الكيه
لا وجماله محصل رزاله من اهلها و ماخذ نصيب من حجيها يعني لا وحده ولا اثنين
طيرتي الشهايد والفلوس والاملاك وييين جانو يعرفوني باابن العقيد كلهه تخنس
تجين حضره غاليه تنطيني درس بالاخلاق
وتسميني سايق
- ايييييه لو انك متصرف عدل وياي كان ماحصلت هالدرس والتسميات الحلوه
- اني جنت متونس عليج
- ياااه وتحكيها بوجهي !!!
- مو اتفقنه صريحين
- اييه وشكو متونس عليه هاي بدل ما تكضب هالكتب وتمدهم الي وتسكت هذا صاحبك
وتصير صاحب نخوه
- والله مادري مامتعود اخدم احد
- يااخدمه هاذي مساعده موقف حلو
- صح والله حقج مادري شنو صار بوكتهه بس عجبني اضل اتفرج عليج هههههه

رفعتلو حاجبي بعدم رضا وضليت اهز برجلي وهو حكالي ..
- لابسه حجل ؟
- اييه
- شو اشوفه
-لااااا
- شبيج شنو حرام اشوف!
- لاا بس يعني لا ماحب
- حتخبليني بس اشوف والله راح يضل بالي
- عيييب
- رجلج اني خبله خلي اشوف

ضحكت وهو استغلهه ومد ايدو على طرف
ثوبي وانا كضبتها ..
- بايدي احسن
- هههه يلاا بس شوفيني

وخر ايده ورجع ظهرو وصارت كعدتو عدله
وانا كنت مخليه رجل على الثانيه رفعت دشداشتي شويه على حد الحجل بس وهو ضحك وحكالي ..
- ما مبين هيج كومي اوكفي
-لا والله
- والله هسه اني شفتهمت بس اوكفي وارفعيهه خلي اشوفهن عدل
- ما يحتاج
- بداعتي حبيبي ضلت بنفسي

دحكتلو وهو يحكيلي بداعتي عاد وكفت كدامه
ورفعت لفوك حد الحجل وهو يمشي اصابعه بشعرو ويبتسم ويحكيلي ...
- احب هالنظافه والعنايه بالرجل عجبتني
سالفه الحجل
- انا من صغري البس الحجول وما تخلى رجلي منهن بيوم
- يعني من ياعمر
- حسب حكي امي من عمري ٤ سنوات او خمسه
- ماا شاء الله وهذيج الحجول من صغيره بعدهن عندج ؟
- ايييه كلهن مضمومات عندي ويه بقيه الذهب
- ههه يعني شكد عندج ذهب
- وليش تسأل
- فضول ماابيعه والله
- هههههه لااا يفداك هالذهب عندي خير من الله .. اكثرو احصلو هدايا من ابوي كل نهايه سنه
عدلت كعدتي حدرو وقلتلو ...

- عندنا بحديثه معمل اخشاب هذا اب عن جد ورثو ابوي ومشغلو بصنع الاثاث كل نهايه سنه ابوي يهديلي قطعه ذهب ويحكيلي هذا نصيبك من رزقنا هالسنه
- ما شاء الله يعني حتى اخوتج هم لو بس انتي
- ههه بس انا اخوتي معتمدين على نفسهم
ابوي ما يتدخل بعيشتهم همه يدبروها
- يعني شلون ما ينطيهم شي ابد
- لا هو لحد عمر ال ١٧ ابوي يسحب يدو منهم ويخليهم يشتغلو ويوفرو عيشتهم بس يتكفل بمصاريف دراستهم غير هذا همه مسؤولين عنو .. يريد يعلمهم يعتمدون على نفسهم مو عليه
- هااا زين زين اني ابويه الله يرحمه ما حصلت منه شي بس ذكراه
- شنو ؟ ابوك متوفي !
- اي ما تعرفين يعني !
-لاا وعجل ابو سالم
-هذا عمي اخو ابويه . . ابويه انقتل على ايد الامريكان بزمن السقوط وعمي بوكتها جان بالاردن قتلوه لان رادو عمي جان ضابط بزمن صدام واله اسمه رادو يرجع من خطفو ابويه وجدي الله يرحمه ما قبل اذكره يكول
ماتحمل فقد اثنين خلي ايوب يطيب جرح ايهاب .. فصار من مات ابويه عمي تكفلنه
جنت بعدني صغير بوكتها بس اذكر شلون امي اجتي تحاجيني تكولي راح تتزوج عمي ايوب لان جدي طلب واني مارضيتلهه هالشي بس هي كلتلي من تكبر تفهم وكبرت وفهمت ان هالزواج حمايه الها والنه
ضلت امي لليوم هي تذكر ابويه ومحترمه عمي ما صارتله زوجه ابد
تدرين حلقتها بعدها نفسها مال زواجها الاول
هاي الصب الرفيعه معتزه بيهه وماغيرتهه
رغم شكد تشتري محابس ذهب بس الحلقه متوصللهه ابد ماتفكر تنزعهه
- ياعيني وعمك مااعترض !
- مايعترض لا هو مااله دخل بامي
بس شاهد الله عينه علينه اكثر من امنا نفسهه
هسه تجين وتشوفين بعينج
- ان شاء الله
- تحبين نطلع ؟
- لااا يا طلعه
-ها غير يوم تريدين
- لاا ولا يوم مااطلع استحي
- غاليه شسالفتج كلشي وكلتي استحي يعني خفيهه شويه وياي ميصير هيج
- اسامه انا استحي من اخوتي ماكدر افهمني انا اصلا متعجبه على نفسي شلون هاديه هالشكل وكاعده وياك وابوي واخوتي برا
- ههههه شكد لعد تهابينهم
- اكثر من الي تتخيلو
- زين اني تخافين مني ؟

حكاها بصوت هادي وهو مكرب وجهو حدري بهاللحظه سمعت صوت باب الشارع
بالعجل طفرت من مكاني وقلتلو ..
- جرااح رجع هذا وكتو والله اعرفو
- وشبيج انخبصتي هسه شكو بايكين !
- ول احكيلو اخووي هين والله مايرضى على كعدتي هاذي بدون علمو

مشيت بالعجل للشباك ودحكتو من فتحه البرده
دخل للمطبخ ورجعت وانا افرك بيدي واحكيلو ..
- اسامه الحين جراح يدري انته هين وكاعدين وحدنا يالله شلون ادحك بوجهو بعد
انا ابوي وماكل كلبي الخجل منو مو عاد جراح !!

وكف وتكرب لزم كتفي ويحكيلي ..
- شبيج حبيبي عادي غير خطيبج قابل جايج من الشارع ! كافي اهدي والله خبلتيني بخوفج هذا ومستحاج منهم
- افهمني هذوله ست اخوه كلهم عينهم عليه بكل حركه وكلهم رجال بطولي اخجل منهم والله
- ههههه تخبليني انتي شلون بيج ولج اهدي
- والله احسب للخمسه وهسه يدخل جراح
اعرفو انا اخوي واعرفو مايكعد
- خلي يجي مشتاقله احب سوالفه شبيج تره وترتيني اكعدي هسه شكو واكفه

جر ايدي كعدنا وانا تدنيت بعيد عنو وعيني على الباب وماكو دقايق واندك الباب ودخل جراح وانا ثلج جسمي من دحكتو هين واسامه حدري متت خجل حتى مارفعت عيني عليه
وبس كعد هو وصار ياخذ بالحكي ويه اسامه طلعت بدون كلام ومشيت للمطبخ بالعجل اشرب مي وامي حدرت تدحكني هالشكل وتضحك .. تحكيلي ....
- هااا خفتي
- يمه راح ينكطع نفسي لانعل ابو الزواج
خليني حدر اخوتي رجال مثلهم ولا تزوجوني
-هههههههههه انزول عليج

هديت شويه وكربت حضنتها وبوست راسهه
امي اكصر مني احضنها برهاوه .. قلتلها..
- يمه عسى الله لا يحرمني منك ومن عقلك هذا ابوس راسك ابوسووو على هالكلام
-هههه هااا استفاديتي منه
- والله دحكتو مصور تصوير كدامي مجسد باسامه ونظراتو والله من يحكيلي انا اتذكر بكلامك وابتسم
- عاد تفاهمتو
- اييييه عجل شلون مانتفاهم وانتي علمتيني شلون اتلافه الموضوع
-كلش زين ان شاء الله دومكم متفاهمين
- والله حكه ابوي يعشكك وما يدحك غيرك
اثاري انتي ماخذتو بالكلام المعسول والعقل المعدل هذا
- ههههه جبته بتعب ترا
- لااا انتي ويه الكل تتصرفين بشي مايخطر على البال طينتك اصيله يااامييييي
- الحمدلله عندي هالعقل حتى افيدج بي
- ااا يمه ابوي هم سألك عني
- اي سأل وكلتله متعاركين وبعدهم جدد سوالفهم صغيره متستاهل يحلوهه هسه
كلي بنتج الظاهر مطوخه زعل وخلت الرجال يجي ركض من بيته علميهه تتأنى
تدرين كالي علميهه تصير مثلج حتى اتطمن عليهه
- فديييتكم اناا فديتتتتكم يمه انا لو صرت مثلك ابوس نفسي والله

ضلت امي تضحك وبعدين سمعت صوت جراح يصيحني اصفر وجهي بالعجل
رحتلو ودحكت اسامه واكف يريد يمشي
سلم عليه وطلع وانا بالعجل ركضت صعدت لغرفه امي حتى ماادحك احد من اخوتي

تمددت وضليت صافنه على السكف وافكر
بالصار كيف هالشكل تحولت من كتله اعصاب ودموع الى صبر وتأني وهداوه
امي كدرت تخليني ادحك اكثر من الي حدر عيني بكلامها ..

وقررت بساعتها اضل اتعلم منها شلون اتصرف بزواجي بعد ..

بعد ساعتين واكفه بالمطبخ ويه عمتي ودك تلفوني بالعجل اخذتو وصعدت كان حسين بغرفه امي ردتو يطلع عاند ما يرضى
عاد مشيت لغرفه عمتي سديت باب وجاوبت
اسامه ..
- الوو
- ياعيني ما تردين بسرعه اله اضل اتصل يلا
- ايي هو كنت بالمطبخ ومشغوله
- ماشي بس حاولي لتتاخرين مره ثانيه
- ان شاء الله ، شلونك
- بخير اشتاقيتلج وكلت خلي اسمع صوتج قبل ما يصير العشى ويبدا الحظر عليه
- ههههه تحملني شويه
- اتحملج هي كم يوم ونتزوج
- امم ايمتى يعني بالك
- والله مفكر على شهر الرابع حلو الجو بي
واحنه ماعدنا شي يعجبج هالوكت ؟
-لا مايعجبني
- ها ! ليش
- لان انا ماتزوج الا نرجع لحديثه
- شنووو عيني !! مارجعتو لسنه !! شسوي اني اضل انتظر ؟
- اييه انتظر ما تخرب الدنيا
- غاليه اريدج يمي هي شنو انتظر لعد شكو خطبتج حتى ابقيج بيت اهلج !هاي اضل بس على التلفون !!!
- اسامه انا بنت شيخ والي صيتي بديرتي
تحدر تاخذني من ديوان ابوي وبيتي الي ربيت بي ما تاخذني من ديره غريبه علينه
حديثه اصلي ومن عدها تطلع زفتنا
- ادري افتهم بس شلون لو طولت رجعتكم اني شيصبرني !!!؟ انتي متعرفين بيه شفكر
لعرسنا .. اني محسب حساب من اعزمكم يمنه انطيج فلوس تجهزين نفسج ومن ارجع من رحلتي نطلع نختار غرفه جديده واذا كلش كلش نطول لنص الرابع احنه متزوجين
كلشي حاضر عدنا شكو هالتاخير ياعمري
- بس غراضي وكلشي املكو بيتنا هناك
-اي مو مشكله نتزوج وشوكت ميرجعون اهلج نروح نجيبهم
- لااا ما يرضيني زواجنا من هين الا من حديثه
- يصير خير احاجي ابوج واشوف رأيه لعد
- رأي ابوي بزواجي هو من رأيي وانته كيفك بعد تصرف باليعجبك
- زين زين روحي كملي شغلج
- ماشي باي

سد الخط وانا نزلت بس حسيت كأن صار على خاطره شي ! مدري انا اوهس ؟؟

لليل هو مختفي حتى ما راسلني وانا ما ارسلتلو شي ولثاني يوم الصبح كعدت
دحكتو منزل ستوري بالمطار ساعه ٥ الصبح
اتصلت عليه مغلق خطه عرفته سافر
ضلت بخاطري ليش هالمره يطلع وما ينطيني خبر ولا اعرف وين رحلتو ؟؟

للظهر يلا اتصل على الواتساب ..
- وينك اسامه ليش مانطيتي خبر برحلتك
- انتي الي ما سألتي لو سائله جان كلتلج
- افف مادري بارحه مزاجي خربان فد مره
اسفه
- مااحبج بعيده عني اخوتج وفهمت منكدر نخابر بسببهم زين ومراسله ! شنو ؟؟
- انتظرتك وانته مامتصل بالنت
- بس عندج رصيد وتكدرين ادزيلي رساله تشوفين ويني ليش ماعندي نت !! طالع نايم بيه شي هيج الي يريد يسأل
- زين اسفه انتبه بعد بلا هالاعصاب
- انتبهي فدوه لعينج تره لحد هسه اني متعجب على نفسي شلون هادي وياج متعرفين بعقلي من يقفل شلون صدكيني اصير ماانحمل لتوصليني بايدج لهالمرحله وياج خليج مهتمه بيه وقريبه مني لان اني ردتج وتمنيتج ماتعبت كل هالتعب حتى اديرين وجهج وتمشين اطنشيني
- حقك عليه . . اسفه ياعيني ما تقصدت اهملك وازعجك هالشكل لخاطري اهدا
- راح اعديها هالمره بس اريد اشوف تغيير تمام
-تمام ،، وينك هسه ؟
- اني هسه بمطار انقره عندي اربع ساعات وارجع لبغداد
- زين تغديت ؟
- لا بعدني راح انزل اتمشى واكل تريدين شي اجيبلج وياي
- اريدك ترجع بسلامه
- الله يسلمج .. بس صدك كوليلي شنو بنفسج اجيبلج راح اشتري كم قميص صيفي الي ولاخويه واجيب لجراح هم
- هههه تضبط معو كثير
- غير خوينا هذا ياعيني
- ان شاء الله ادوم خوتكم انا ما بنفسي شي والله تسلم روح اكل وانتبه على نفسك
- ماشي عيني

سديت الخط ورحت لامي كعدت حكيتلها
الي يشتكي منو اسامه وهي ضحكت وردتلي ..
- الغباء والغلط منج انتي مو منه
-يمممه تعذرتلو
- شيسوي بالاعتذار ! يريد افعال
- اييه هو انا اريد افهم منك شنو الافعال الي اسويها حتى ابين مهتمه بي وما يرجع يضبط عليه هالشكل والله لو ما رجلي وعيب لاطلع لساني عليه هالطول واخرسو
- هههههههه يفيد بيج انتي ! ابد ميفيد
اتعب نفسي بس هيج بالخالي بلاش
-لاا والله يمه اسمعك والله اريد استفيد منك احكيلي بداعتي
- اسمعي لعد ...
اول شي بطلي خشم عالي على رجلج لج والله زحمه الرجال يدللج ويتغزل بيج ويحجيلج الكلمه الحلوه وانتي رايي من رايي ابوي كيفك يعجبك

ضحكت بعلو صوتي على تقليد امي لصوتي من احكيلو هالكلام .. وهي كملت حكيها ..

- تعلمي تردين بكلام حلو ونبره هاديه مو جنج اخوج .. بنتي هي مو سباقي ياهو اليغلب
هي سياسه وحبيبي وعمري وتمشي العيشه
- يمه انا ما قلتلو حبيبي لليوم
- هههههه ايي شوكت ناويه تكوليهه
- مادري ابمتى وكت مناسب !؟
-ههههه ولج بنتي انتي ثوله لو تستثولين فهميني شسالفتج
- يمممه
- يمي تتنعوصين ويم المكرود جنج توثيه لاتهش ولا تنش
-هههههههههه يمه انتي تحبيه لو تحبيني
- اثنينكم احبكم واريد علاقتكم حلوه ومرتاحين بيهه ماريد بينكم برود ومشاكل من هسه
- يعني شسوي ؟؟

- يعني لا تطلعين لسانج وتلعلعين كدامه لان هو مو حسين مااشي خليهه هناا بعقلج طبعيهه هذا مو حسين ويكيفج على اعصابج ولا جراح الي ياخذج على كد عقلج
تره اسامه غييير عنهم ، يحبج يحترمج ويريد المثل فهمتي
- اييي يمه فهمت اسكت والله اسكت
- اي وشغله ثانيه دااحسج تحجين وياه بس شلونك وينك اكلت رحت اجيت
-اييه وهو اكو غيرهم
- بله هو شيكولج ؟
- يسألني نفس الشي ومن نسكت يخلص الحكي هو يروح بشغله او يحكيلي روحي سوي هالشي بعدين نحكي
-اي وانتي مثل الثوله الحبابه تسدين الخط وتمشين وتنتظرين لحد مايرجع يخابرج بعد
-ههههه اييه والله بالضبببط
اكو غلط هين مو ! مامرتاحه لنبرتك هاي ؟
- ههههه ولج انتي يراد اعلمج من ال
د . و . ا مثل الجهال
- يمه يعني انا اجي متعلمه من كاعي علميني علميني عجل مو بنتك انا
- مو حاطه راسج بهالمسلسلات ماتعلمتي منهن شي لو بس تضيعين وكت
- عزااا واطبقهن عليه !!! حتى ياخذ عليه نظره مو زينه والله
- لعد هيج راح يحسب نفسه متزوج امام مسجد
-هههه يمممه هالتركيين شغلاتهم كلها عيب اسويها
- غاليه هسه شيلي قوانينج ومعلوماتج كلهاااا ذبيهه على جهه وخلي حجيي بالج بس هوه
مفهووم
- يعني كلشي مافيد انا!
- تفيدين بغير مجال حبيبتي مو ويه رجلج هذني ميعبرنج وياه باب الغرفه
-ههههههههه
- هسه كولي وراي .. اسامه بس بصوت حلو يعني مثل ما تصيحين جراااح
- هههههههه يمه استحي
-اذا متحجين سدي سالفه وروحي دبري نفسج وحدج احسن ماتعبيني بدون فايده
-هههه لا لاا

عدلت كعدتي وصرت ادحك لامي والضحكه شاكه الوجه وانطق اسم اسامه بمياعه وهي تخليني اعيد لحد ما طكت ضحك يلا سكتت انا ... حكتلي ...
- هسه هاااي اول تغيير ، يجوز تشوفيه عادي بس متدرين هالنعوصه شلون الها تاثير عجيب وتشوفين بعينج بعدين
-ههههه ايييه يمه مدحكتها باخوتي
-لعد ماتسويهه وياه يحتاجلها تعلوم ؟
- يمممه استحي استحي بعدني ما ماخذه عليه
- تتعودين وبعد تصيرين متكدرين بلياه
هسه شغله الثانيه ..
من تبدين تحجين وياه لا كبل تسألين عن اخباره او شغله اكلت كعدت هذني اجليهن
-عجل شبقى ؟
- احجيله عنج بالبدايه وشويه غزل وهالسوالف ومن يخلصن يلا تسألين شسويت ووينك والحجي المعتاد
- يعني شلون شحكيلو عني !
- يعني مثل كوليله .. اليوم اني هواي مشتاقه لصوتك اول ماكعدت افكر بيك
-ههههه يممممه لاااااا
- ايي شنو لا هيج الحجي لازم يصير
اكمل لو تكومين
- كملي كملي
- اي كوليله مثلاً . . جنت اسوي فلان اكله
مثل كليله برياني او كيك او اي شي تحسين يحبه كوليله .. اجيت بالي كلت اخابرك اشوفك اذا تحبهه حتى اسويلك منها
راح يكيف بهالحجي وهسه تشوفين ينكلب مزاجه الف درجه وبالاخص اذا تكوليله
داتعلم على حلويات جديده وغريبه حتى اسويها الك بزواجنا وادللك بيهن
كوليله .. احب كل تفصيل وياك مميز يصير وكلشي هو عندي مهم واحب انوعلك بي خاصه اكلك
- هههههههههههههه يمه منين تجيبين هالكلااام
- لعد صارلي بالعشرين سنه متزوجه شنو ! شسوي ؟؟؟
- نيااال ابوي نيااااله حرمتو معدله
ول احنه دايخين ومطير عقلنا ابوي شلون هالشكل حدرك مثل المي ساكن اثاري انتي البلا كله
- ولج بلا شنو ! هذا دلال شمعرفج انتي بدلال الرجال شلون
- ههههههه ايييه اتعلمو منك ياامي بنيه فقيره انا شعرفني بهالدروب كلها
زين يمه مثلا انا حكيتلو هالكلام وانا مااطابخه شي ورادني اصورلو شسوي بوكتها ؟؟
-هههههههه مشكلتج بعد انتي هم لا تروحين زايد احجي على كد الحال واني كلتلج مثل هذا مثل مو تروحين تورطين روحج بشي اكبر منج
- يعني على كد الحال احكيلو
-اي ، وبعد شنو ؟؟؟؟
ها مثلا كوليله اذا هو ممخابرج صار كم ساعه .. كوليله كلش ضايجه احس يومي فارغ مامتعوده بدونك هيج ضلي كل شغله بيومج اربطيهه بي وحطيله نصيب منها يلا تصير حلوه فهمتي !
- هههه ايييي فهمت
- واذا يريد يسد الخط ويروح وهو ضايج من شي او خلص حجي بينكم لا تخلي يروح هيج بسرعه كوليله .. راح اضل منتظره اتصالك او لا تتاخر عليه اشتاقلك ، او مثلا كوليله
يومي صار حلو بصوتك لاتحرمني منه
هيج لواكه بنتي لواكه
-ههههههههههههه اليوم اكلب حالو لاسامه
- اي خطيه لعد هو ماخذله مره لو حجاره
كلمتين حلوه تعدله مزاجه يصيرلج دوا
- فديييت هالام المعدله
- وها لا تضلين اسامه اسامه غيري
كوليله حياتي حبيبي او حتى دلعي اسمه
وبصوت مايع حلو كلشي يصير حلو
ههههه اذكر ابوج قبل جنه بعدنه ما مزوجين
باول ايامي وياه هناك بحديثه .. هو يعاملني باحترام واخويه وبينه حدود بس خلي يسمعني احجي بغدادي كبل يتغير
- هههه يعني شلون يتغير ؟
- يضل يضحك لو يباوعلي بنظره يخليني اخجل والله احسه يريد يحجي وميكدر
بس يتغير مزاجه وبالاخص من بعد ما تزوجنا يتعمد يجيبني بالحجي حتى يسمعهن مني
- يمه شنو هنه ! انتي يعني دايما كلامك بغدادي شنو الي تقصديه ؟
- شوفي مو هسه كلام البغدادي يختلف عن اهل قبل .

احنه البغادده الاوليين عدنه لهجتنه الخاصه ما يكدر عليهه بس اهلها حتى هسه اذا تلاحظين اكو ناس يحجون بغدادي بس مبين مو كلامهم .. احنه لهجتنه البغداديه الاوليه بيهه مياعه هوااااي رجال او نسوان
نبرتهم هادئه وبنفس الوكت مرحه
بيهه روح عفويه و احترام ودلال ووقار للمقابل بشكل زايد ، عدنا بالاخص البنات نتنعوص هواي بالكلمه
- بغلاتي عندك يمه احكيلي شي منها مثل كبل امانه يمه اماانه
- هههه ماكدر هيج والله هي تطلع وحدهه بالموقف لا تصيرين مثل ابوج يجبرني احجيهه وتطلع محلوه عوفيهه عفويه
- ايي وايمتى تطلع هالعفويه
- شمدريني
- بس انتي بكل وكتك كلامك عسل انا لو مو جراح معلمني على ايدو من صغري كان طلعت مثلك بالحكي
- انتي بيج روح بغداد وحديثه تخبلين بكل شي
- هههه اسامه يحكيلي خشمك حلو مثل امك
-هههههه هم زين ورثتج خشمي وشعري بعد شتريدين
- احلى شي هذني يمه تسلمين

ضحكت امي وانا تصفنت شويه وقلتلها ..
- يمه زين اسامه احس مراضي على سالفه
الاتصال ماكو بالليل وبالغصب بالعها شسوي عليهه
- اصعدي خابري يمي
-لاااا انا ماعرف احكي الا وحدي
- زين لعد عوضيه بالرسايل بس كون رسايل من رسايل تسوه يسهر عليهه
- ههههههه يعني انجرف بمشاعري
- ايي لعد تضلين جامده هم لازم تلينين شويه
اسمعي غاليه .. اسامه هو رجلج هو حبيبج هو صديقج كلهن هذني هو لازم يصيرهن
بالاخص هو اول شخص خارج نطاق الاهل عرفتيه انطيه مجال يصيرلج كلشي ماحصلتي بحياتج
حلو الحب لو تعيشيه ويه رجلج بالاخص الحب الي يجي بالعشره اله نكهه خاصه
مو مثل حب الي يخطف على الكلب هذاك يأذي ويتعب بس حب الي يكبر بالعشره والمواقف هذا يدوم وكل ما يمشي العمر تحسينه صار اغلى وارقى وتلكين نفسج تحبين ازيد من الاول .. رجلج محب وفرايحي يحب الضحكه الشقى الروح الطفوليه ، وانتي هذني كلهن عندج لا تضميهه عليه بحجه بعدين بالزواج تره
هي الخطوبه هسه وكت الضحك والسوالف والغزل لازم تخلينه من يتذكرهه يضحك ويذكرج بيهه وهو مشتاق الهه
صيري مرحه وياه طفوليه شويه تره الرجال لو شمهما كبر حركات ودلع البنوتات يفرن عقله مثل نقطه ضعف اله
ماريد اضل اكولج سوي هيج واحجي هيج
اني هسه دليتج على الطريق انتي بعد بدعي بي بعفويتج ومشاعرج
غاليه ماريدج تصيرين نسخه مني
اريد تصيرين انتي بافضل شي بنفسج
انتي كلشي بيج حلو ، دمج محبوب
عندج الجمال والعقل والرزانه وعندج روح الطفوله والغنج كلهن هذني استفادي منهن
كلهن شغليهن ويه رجلج لا تهملين شي منهن
تره هو حباب يستاهل مره الي تريح كلبه
اوصليه بكل طريقه مدام مفتحلج ابوابه
وينتظرج توصليه لا تتعبين ابد ضلي حاولي وياه جربي كلشي وشوفي رجلج بشنو يتاثر
وركزي عليه ..
يحب الشقى والضحك لا تخلين يمر يوم بدون ما تضحكيه وتغيرين نفسيته
يحب الكلام المعسول شبعي منه بس بقي كلمه حبيبي نادره بالحجي حتى تخليهه لوكت الحاجه هناك استفادي منهه
واذا يحب الرومانسيه والاجواء اطلعي على هالمواضيع مو عيب ولا غلط حلوه هالثقافه الزوجيه اطلعي عليهن حتى تصيرلج افكار تكدرين بيهن دائماً تغيرين من روتين حياتكم
ويضل متلهف الج عمره ما يمل منج
كثري اسأله وياه على كلشي بشخصيته بس بشكل غير مباشر
يعني كوليله .. مثلاً اني احب هيج لون واكثر اشيائي بي انته تحبه ؟ اذا كلج اي كوليله وبعد شنو تحب يالون ، واذا كلج لا راح تلقائياً يكولج احب هيج لون
فهمتي يعني الشغله الي تريدين تعرفيهه منه احجيهه عن نفسج وبعدين جيبيهه عليه
مراح ينتبه هو انتي تريدين ادققين بكلشي وياه وبنفس الوكت راح يعرف شخصيتج هم

انصتت لامي بكل حرف تحكيه الي واتخيل اني اطبق هالشغلات وياه ورد فعلو وتحمست اجرب كل هذا وابدا اكتشف شخصيتو لاسامه

ضل عندي سؤال من بعد طول هالكلام قلتو لامي ..
- يمه هسه بعيد عن اسامه .. انتي هالاسلوب تتبعيه ويه ابوي من اول يوم لليوم او تغيرتي ؟
- ههه لاا والله مو من اول يوم بس يعني جنت اكسر واجبر اعوض بشي يصبره عن شي
-يعني هسه انا شفهمت !!!
- جان بالبدايه بينا شويه مواضيع حليناهه
وتأقلمت وياه وكمت ابدع بالدلال ولحد هاليوم ماحرمته من دلالي ولا غيرته وياه
لحد هسه مااعبر يوم بدون مااحضنه فد مرتين اقل شي وحتى مرات اكعد بحضنه واحاجيه على اي شي حتى لو عليكم
بس مجرد كعدتي هاي تفرق عنده
- ياااا شكد حلوين انتو ابوي مبين معلمك وياه بكامل حريتك تتصرفي
- هو رادهه بالبدايه كالي عليهه ..
اثنينه نعيش بدون قيود بدون خجل بكامل الثقه والتقبل .. هذا اساس حياتنا الي بقانا لهاليوم متفاهمين
- اممم بس يمه انتو عركاتكم تخوف
- ياا شبيهه تخوف
- والله تخوف احسكم ساعه الساعه يصيبكم شي .. ابوي يرتفع ضغطو ويكرهنا كلنا يحير شيسوي بينا حتى يفرغ اعصابو وانتي تكطعين نفسك بالمناحه والبكي تخوفون والله
مو مثل عمتي من تتعارك ويه ابوي هو يدير وجهو ويطنشها وهي تطلع حركتها بالمطبخ

- هههههههه مو احنه منتعارك اذا مو شي قوي يزرف الكلب مينحمل بس الباقيات اتلافاهن بكلمه منا حضنه منا خلصت السالفه
-هاااا يمه طلعت السوالف طلعت
- انزووول عليج فوك مااحجيلج اسراري واعلمج
- ههههههه لااا ان شاء الله تدحكين بنتك رفعت راسك
-ماريد ترفعين راسي اريد ادارين رجلج
- اداريه يمه اداريه عجل شعندي غيرو
- اييي هيج اريدج

صاحها ابوي وصعدو وانا على كعدتي بغرفه جدتي فتحت التلفون ودخلت على محادثتنا
كتبتلو ...
' اشتاقيتلك ما خلصت غدا '
دقيقتين وارسلي ..
' مااكلت بعدني ملتهي بالمحلات اشتري ملابس بس هسه انفتحت نفسيتي وراح اكل '

علت ابتسامتي ورجعت كتبتلو ..
' عمري اكل وخابرني قبل ماتطلع احب يطمني صوتك '
بالعجل ارسلي ..
' يدلل حبيبي '

سديت التلفون وانا اضحك .. من كلمتين تغير كلشي وصار احلى ...
حسيت بحماس رهيييب حتى اتعمق وياه بكل شي واكسب محبتو واكسب رضاه واخليه عندي الكل بالكل لاني ادري راح يقابلني بالاكثر والاحلى ...

ضليت على طول اليوم مراسلات ووكت الي صارت رحلتو خابرني كبلها ومن اول ماوصل بغداد ومن طلع برحله ثانيه بالليل
وانا اتبعت كل نصايح امي وادحكو طاير من فرحتو بالاخص من احكيلو بالاشتياق
والمحبه يصير يردلي باكثر من كلمه
ومن خلصت رحلاته ورجع لبيته ثاني يوم
الصبح خابرني وفاجأني بطلبو ..

حكالي معزومين عندهم على الغدا بكرا
والحين هو يسده مني يخابر على ابوي وجراح ..

انا هين بالعجل سديت تلفون ونزلت ركض لامي ... كضبتها من ايدها وحكيتلها ...
- معزومين بييت اسامه بكرا يمه نتغدا عدهم
شلون اروح يمه استحي من اهلو
وابوه موصيه كلنا نروح حتى كل اخوتي
.
.
يتبع

#شقراء_بغداد


الجزء_الثاني_بارت_١٨


بالعجل سديت تلفون ونزلت ركض لامي ... كضبتها من ايدها وحكيتلها ...
- معزومين بييت اسامه بكرا يمه نتغدا عدهم
شلون اروح يمه استحي من اهلو
وابوه موصيه كلنا نروح حتى كل اخوتي

دارت ظهرها لي وحكتلي ..
- تعذري منه مانروح
- ليش يمه مو الاصول لازم نروح ونتعرف عليهم
- اجليهه بعدين غاليه مو وكتها هسه
- عجل ايمتى ؟ يمه الحين تلاكين اسامه اتصل على ابوي وحكالو عنها
- وابوج راح يرفض العزيمه
- شلون متاكده لهالدرجه؟

دحكتلي وابتسمت ابتسامه طرفيه ودارت وجهها وراحت وخلتني بحيرتي !!

وره نص ساعه اتصل اسامه وهو عصبي بالعجل حكالي ..
- شبي ابوج وياي !! انتي كلتليه شي
- شنو شبي ؟
- قافل على الجيه ميقبل اول ماكلتله انتظركم باجر على الغدا وابويه يسلم عليكم كبل كالي لا عيني نعتذر مشغولين
- هاا والله مادري
- انتو شعدكم شغل ؟
- ها يعني ماعدنا شي يجوز ابوي عندو طلعه ويه رجالو مادري بيهم
- غاليه ترا لازم تجون لاازم
بيبيتي من ساعه ماابويه انطاهه خبر على العزيمه هي تحضر وتنبه على امي وعمتي
على الاكل وحتى عزمت اخويه فيصل هو وزوجته باجر يجون يتعرفون عليكم
ميصير هيج ابوج يقفل فد مره
جراح مااعترض كالي اشوف الوالد وابوج قفل فد قفله والله حتى خجلني لو ادري ولا مخابر
- زين انطيني مجال افهم منهم واخابرك
- يلا انتظرج

سديت الخط ورحت على امي بالعجل حكتلي ..
- ابوج كال لا وانتهى سدي الموضوع
- يمه والله تخجلت كدامه الحين يحكيلي عازم اخوه وزوجته واهلو محضرين للعزيمه
وهو اخذ على خاطرو من ابوي
- وليش ياخذ على خاطره واحذ ماعنده مجال
شيسوي يعني
-بس يمه احنه ماعدنه شي وما يضر بشي لو رحنه هي اولها وتاليها نروح

صفنت بوجهي وانا حكيتلها ..
- عجل اجلناهه هالمره والثانيه؟ هم تتعذرون
والله عيب منهم يمه شيخلصني من لسانو دخيلك حليها
- زين تكدرين تروحين انتي وعمتج والشيخه واخوتج عادي !
-وانتي ؟
- ماكدر اروح
-ليش ؟!؟
- مالي خلك شويه تعبانه
-يمه ليش الجذب لييش يعني
- غاليه حبيبتي ماحب اروح هناك اني اريد هالزواج يتم على خير وعيشي انتي وياهم
واحنا نبقى بعيدين لا تخربين عليه الي تعبت حتى اسويه
- يمه شعندك انتي وياهم ؟
-ماعندي شي بس خلي لا نختلط احسن
اذا تقبلين هيج هسه اروح احاجي ابوج واكوله يرجعلهم خبر بالروحه باجر
اذا متريدين حتى اروح اسبح
- يمه شلون اروح بدونك غير انتي امي لازم وياي تكعدين عجل رايحه وحدي والله عيب وش اجاوب لو سألو وين امك !!!
- كوليلهم مريضه طالعه اي شي
- ماحب اجذب يمه ماتسوى ليش ماتمشين ويانه عجل انتي تكرهين عيالي يعني لو شنو!
- بنتي خلي افكارج الج وافكاري الي
وضلي ماكو اي روحه

عافتني وراحت وخلتني احير وين انطي وجهي .. خابرت اسامه وحكيتلو ان امي تعبانه وماتكدر تروح ولهالسبب ابوي رفض العزيمه .. ضل شايل بخاطره بس سكتنا بعد

ثاني يوم الصبح خابرني وسألني ..
- غاليه تعرفين اذا اكو علاقه بين اهلج واهلي من قبل ؟ سامعه بشي عنهم لو لا
- لا ما سامعه بشي ليش
- مادري شو احس هيج
-انا هم احس هالشي
- ابويه شفته بارحه مقهور فد مره
جان كاعد بالحديقه بالليل ويدخن وهو عنده ربو كاطع التدخين بس من يصير اعصاب يدخن وحده اثنين بس بارحه شفته هواي مدخن مطيرله نص باكيت بنص الليل
عاتبته وهو ماكالي بس احجزلي على عمان هالاسبوع اريد اسافر كم يوم وارجع
- الله يهدي سرو عجب يسافر الحين؟
-مادري هو اني متفاجىء شعنده بعمان هو مصفي كلشي هناك يعني ماكو شي يسوه ومستعجل حتى يتعنى ويسافر اله
-عجل شسالفتو؟
- ما عرف والله بس هو من كلتله مايجون ام غاليه مريضه وتعذرو هو تغير وضعه جان فرحان وما بي شي وحتى وصى سالم على صينيه مشكل حلويات من الخاصكي كال اريدها تجي حاره لخاطر نسابتنه
ويجيب وينبه عليه تخابر اخوتهه واحد واحد
وكلهم يجون اهم شي حسين .. ابويه يكول حسين دمه محبوب وكلش يحبه
- والله هو مال اخوتي كلهم يجون ماظنها تصير
-ليش
- لان شويه همه يستحون واكيد مانترك البيت فارغ لازم احد يضل هين
- هاا اهم شي يجي حسين حتى ابويه يرتاح اخوج حلوه سوالفه
-هههه اييي هذا لسانو مايسكت
- يلاا هو انتو بعد سديتوهه للسالفه وانتهت
لا حلويات ولا حسين ولا شي
النوب حتى ابويه راح يسافر هم ماتسوى بعد
- اا اسامه اسألو بلا شعندو بالسفر وجيب طارينا هم دحكو زعلان من اهلي لو لا
- هو هم كلت اسأله دافهم شبي
- ماشي عجل اسألو وانطيني خبر
-زين عمري

سديت الخط ورجعت اتذكر رده فعل امي
وعصبيه ابوي على اسامه والشك اخذو مكان بكلبي عليهم .. رحت بالعجل صعدت لامي
كانت بعدها تعزل الملابس بغرفتها ..
قلتلها ..
- يمه دحكي اسامه واهلو زعلانين مننا
- شكو زعلو
- لان رفضتو عزيمتهم وحتى ابوهم متعصب و اسامه يحكيلي مقهور حيل وكان بنفسو يدحك حسين ويكعد وياه وطالبو خصوص من اسامه يعزمو
- هاا

- اسامه يحكيلي ابوه طلب منو بارحه يحجزلو لعمان يسافر هالاسبوع بدون اي سبب ويحكيلي ابوه ضايك نفسو وما مرتاح
مايدري شسالفتو
- الله يهدي باله
- يمه مو لزوم نروحلهم وكت ابوهم يعاود من سفر
- غاااليه
- ها يمه خيرك تعصبتي
- شعدنا رايحين هذاك اليروح لحج لو يسوي عمليه ويرجع يروحون يشوفوه ايوب ان راح او رجع مايهمنا شكو رايحين لو تريديهه حجه حتى ترضين جناب اسامه

كانت تحكيلي بعصبيه وهي تصفط بالملابس وانا قلتلها ..
- منو هذا ايوب !؟
-منو يعني منو ابو رجلج
-بس ابوه ايهاب اسمو شعرفك اسم ابو سالم ايوب!
- عرفته من ابوج
- وابوي منين يعرفو هو دايماً يسميه ابو سالم
-غاااليه شتريدين توصلين
- والله ياامي ياريت انتي توصليني بايدك للي فهمتيه
-امشي اطلعي برا
-يمه ما حكيت شي يزعل
- اطلعي كلت كافي حجي زايد يلا انزلي
- يعني مضبوطه شكوكي وشكوك اسامه !

امي رفعت شعرها عن وجهه واستغفرت ودحكتلي ..
- شبي اسامه شحجالج
- ماكو شي
- شحجىىى
- سألني اذا اهلنه يعرفون اهلو من زمان
- يجوز ابوج يعرفهم منين روحي اسألي اله شكو جايه عليه
- بس انتي تتاثرين اكثر من ابوي بهالسالفه
-شمدريج حاجيه ويه ابوج وشايفته ممتاثر !
لتصفطين بكيفج حجي
- يمه بالهداااوه وياي شحكيتلك انا

ماردت عليه وضلت تكمل تعزيل ملابس
وانا على كعدتي صافنه عليها وهي كملتهن وعزلت الميز وتالي دحكتلي ..
- عمج شوكت يسافر
- بعد ماحجز اسامه
- هو عنده سبب للسفر لو مال مستعجلين
- مال مستعجلين
- زين

نزلت وانا نزلت وراهه وضليت ادحكلها
وهي تشتغل بسرعه وماكعدت بمكان ابد

للظهر اسامه خابرني وفتحنا الموضوع
حكالي ابوه اليوم منعزل بمكتبو ما كدر يحكي وياه ...

لليل امي وابويه واكفين بره بالطرمه ويحكون
كل شويه اخذلي فره وارجع ادحكلهم من شباك المطبخ وطولت وكفتهم ساعتين وتالي دخلو كعد ابوي وبالعجل طلب اسويلو جاي
ورحت سويت من اخذتو وكعدت حدرو
حكالي ...
- اسامه بكرا بالبيت لو بالشغل
- يمكن يطلع للشغل مادري هو مامضبوطه مواعيد سفرو على غفله يمشي
- زين زين اسأليه اذا ماعندو شي حتى نروح نزورهم
- ها؟ بكرا !!
-اييه امشي دكي عليه واسأليه حتى انطي خبر لاخوتك
- حاضر يابه

مشيت بالعجل اخذت تلفوني وصعدت واتصل عليه وهو ما يرد ضليت الح بالاتصال تالي جاوبني وحدرو اصوات ولد قلتلو..
- اطلع على جهه خلي نحكي
- اي اي لحظه

شويه واجاني صوتو ..
-هاا حبيبي اسمعج
- انته وين ؟ ويه منو كاعد!
- كوفي ويه ولد من منطقتنا ليش
- هاا زين عوف هالسالفه ركز وياي
ابوي يسأل عندك شغل بكرا ؟
- اي عندي رحله لبنان بالعشره الصبح
- عجل ابوي كان ظنو نحدر عليكم نزوركم بكرا
- صدك تحجين !
-اي والله هو الحين فجأه حكالي وقلي اسألك
- يابه صدك جذب كل الهلا ابوج يطلب يجي واكوله لا بعدين ! عمت عيني اذا صدك
اني اجيكم باجر بيش ساعه يعني
-هههه مو عندك رحله
- انطيها لغيري عادي معليج اني ارتبهه
بس كليلي شوكت اجيكم
- مادري خلي ارجع خبر لابوي
- اي كوليله اني اجي اخذكم زين واني هسه راح ارجع للبيت حتى اكول لابويه
- اي يلا ماشي
- راح اشوفج ولج
-ههههه
- صدقه لربج امشي بسرعه ودزيلي رساله اذا متكدرين تخابرين اكتبيلي كلشي يصير وتحجوه
-ماشي عمري

سديت الخط ونزلت ركض ومن حدرت للباب تهديت ومشيت بثكل وكعدت حدر ابوي وقلتلو ..
- يابه اسامه ماعندو شي بكرا
- زين عجل اخذي تلفوني ودكي عليه

كمت اخذت تلفون ابوي من الشحن واتصلت على اسامه وانطيتو التلفون وضليت كاعده حدر امي وهي ادحك لابوي ..

ضلو يحكون وابوي فاتح السببكر وكلنه نسمع شلون اسامه يحير شلون يتودد لابوي
وحكالو بكرا بعد صلاه الظهر هو هين

ابوي اتصل على رماح وحكالو يرجع من وكت ورجع اتصل على جراح ونفس الحكي
كررو لحد صكر لان كلمن كاعد حدر جماعتو ..

حكالي ..
- صبيلي بعد جاي
- حاضر يابه

كمت وعبرت الباب وسمعتو يحكي لجدتي ..
- يمه انتي دحكي وش يلزم ناخذلهم ووصي الولد عليه وتحضرو من وكت عيب نخلي الولد ينتظر

مشيت بالعجل وانا احس تسارع النفس عندي عجل بكرا اروح بيتهم وادحك اهلو واكعد حدرو !!

كنت امشي واهفي على وجهي واضحك وانخبصت بالجاي لحد مااخذتو لابوي
دحكت امي كامت طلعت وراهه وحكيتلها ...
- يمه شعجب ابوي جاب هالسيره اليوم
- مو تريدين تروحين
- اي قصدي لا يعني مو لازم
-هههه دمشي اصعدي امشي هسه اجيج

تركتها راحت الحمام وانا صعدت ووكفت كدام المنظره وادحك وجهي ادقق بالشعر الطالع ودحكت ايدي هالكارثه الي بعمري مااخلص منها شعرها مايوكف وانا معصمي عريض وايدي بيضه بس شعرها اسود كل مااشيلو من هين يطلع ثاني يوم ويبقى المسامات واضحه ماتصير ايد ملسه
مابيها اي شي تضل واضحه المسامات تكرهني عمري احير بيها وما تروح ..
عندي رجلي مرتاااحه منها اسويها مره كل شهر قليييل شعرها ومتناثر بكم مكان بس الايد معلعلتني ..

دخلت امي وقلتلها ..
- يمه وكت الحفافه
- كل يوميه هي والله حتخبليني

- قليل يمه كم وحده تلكط هيك على الماشي
- ايي شي يجر شي اعرفها
- يمه شلبس ؟
- كيفج
- شو دحكيلي
-شكو
- شو مالك خلك صاير شي ؟
-لاا ماكو شي
- امانه يمه
- ماكو كلتلج ماكو شي طلعي شعندج داشوف شتلبسين

فتحت الكنتور وصرت اطلع الملابس وهي صافنه حتى ماادحكلهن عاد انا ضليت متكتفه وادحكلها لحد ما اخذت نفس ودحكتلي
وحكتلي ..
-ها شبيج
-اناا لو انتي !
-يبوو منج
- يمه بس فهميني شغله ابوي شجاب هالسالفه على بالو مو هو كان رافضهه وتوسل بي اسامه وما رضى ؟
- وهسه عجبه يقبل شكو بيهه
- ايي بس من حالو يعني ماتدخلتي بشي ؟؟
- ههه انتي هاي كاتلتلج
- بغلاتي عندك يمه احكيلي
- مادخلت هواي بس لمحت وهو قبل
- جذابه والله
-ولج
-اي قصدي يعني مو الحكي الصح هذا
- هسه شتريدين
-يمه انتو ساعتين واكفين تتناقشون معقول ماادخلتي !!
- شكد حشريه انتي تدرين بنفسج
-هههههه ادري والله ادري احكيلي فدووه
- هو بس كلتله اهل اسامه ماخذين على خاطرهم منا وعيب منهم وهو تاليها رايحين خلي نخصمها هسه قبل ما نرجع لحديثه
وتصير صعبه جيتنه وهو فكر وشافه مابيهه شي وقبل
- هااااا
-ايييي
-هم خلف الله عليكي ياامي ياحبيبتي
- ارتاحيتي هسه
- اييي كثير

كمت وادحك للملابس وسألتها ..
-يمه انتي شتلبسين ؟
- عبايتي السوده
- هاذي المذهبه!
-اي
-لاااا يمه لااااا مو مال هيك يوم
-لعد شنو
- البسي وحده من هالجبب الملونه تطلعين حلوه بيها
-لا ماريد
- يمه مكبره نفسك زياده والله مادحكتي ام سالم وام اسامه اكبر منك ولبسهن ومكياجهن يعجب وانتي كلشي لا لاا
- مالي نفس
- ما يعجبني هالكلام انا اتخيرلك لبس ولزووم تلبسيه

ما ردت وضلت ادحكلي وانا فتحت خانتهه
ودحكت لملابسهه وبعدين اخترتلهه جبه لون نيلي و هي هزت راسهه موافقه عليها حضرتلها الشال البنفسجي والجنطه نيلي
وبعدها ارتاح بالي وصفيت ادحك لملابسي
خليت الاختيار لامي وهي اختارتلي فستان
مشمشي والشال كريمي وبعدها ضليت مخليه راسي بحضنها وهي تحفلي وجهي واخذت الاله وضليت كاعده حدرها اسولف واسوي ايدي وامي حكتلي ..
- باجر اي شي تسألج الحجيه كوليلها مادري
-ليش
- مثل ماكلتلج سوي ومعليج
-ماشي

كملت ونزلت سبحت وضليت اراسل باسامه
وهو فرحان يحكيلي مامصدك بكرا انتي حدري وافرج بيتنا براحتي ..
نمنا من وكت وكعدت على صوت جدتي تكعد بالكل وتصيح ..
- ول الصلاه انتم يهود يولو الصلاه اكعدو النوم مايفيد يولد اكعدو حك ربكم هذا يلا
هدو هالفراش لا يتلبسكم ابليس ويجركم للنوم

نزل وياهه ابوي علينا وكام يدك الباب ويصيح ..
- الفجر طلع حك النوم راااح يلااا ياولد
يلااا غاليه يلااا ياحريم وينكم
ياووولد بالعجل اتحركووو ول انتم طرشان نوم الموتى انتو نومكم !! تحركووو يولوو

جرني من ايدي جراح وكمنا اثنينا صبحنا عليهم وادحك اخوتي واحد وره الثاني يطلع للحمام البره وابوي واكف حدر الدرج يصيح
- يالله يالله صباحكم عافيه يا يابه يلاا تنشطو تنشطو ورانه صلاه يلاا اغسلو وجهكم بمي بارد يلا

انا وجراح بالعجل توضينا واخذنا السجادات
ومشينه للربعه .. انا متعوده افرش السجادات
لكل اخوتي واخلي لابوي وحدو بالوسط
وبعدو سره لاخوتي وانا بالاخير ويه جدتي
ورانه تنزل امي وعمتي ..

ابوي يطول بالصلاه وصوتو عااالي
بحيث احنه غصب عنا نركز وما يروح بالنه لشي ثاني غير الصلاه ..
من نكمل صلاه ابوي يرفع ايدو بالدعاء
وكلنا نردد وراه يالله .. وهو كبل ما يختمو بالصلاه على النبي يخفت صوتو ويحكي وبعدين يعلى صوتو ويحكي بحق الصلاه على محمد وال محمد .. وهين نختم صلاتنا ..

ويطلع ابوي يتمشى للفرن حتى يجيب صمون حار .. اخوتي دايماً يريدون همه يمشون بدالو بس هو ما يرضى يحكيلهم هذا احلى جزء بيومي اتمشى الصبح والشارع هادىء بعدو

الي عندو دوام يتحضر لدوامو والي ماعندو يرجع ينام مثل ما انا كنت اسوي بس اليوم
ضليت كاعده وحضرت الريوك ويه امي
وانتظرنا رجعه ابوي يلا حطينا السفره
وتريكنا وكبل ما يكومو الولد ابوي حكالهم ..
- منو منكم يمشي ويانه اليوم لبيت اسامه ؟

دحكولي اخوتي كلهم عدا جراح وانا رفعتلهم حاجبي باستفهام !؟ شكو انا شدخلني يدحكولي!؟

رماح حكالو ..
- جراح يروح ؟
- اييه
- عجل انا اضل بالبيت
- عباس صكر ؟
- لا مانروح
- حر اسر ؟
- اييي نروح يابه نروح عجل احنا نفوت العزايم !؟
-حسين ؟
-اكيد يابه عجل اعوف امي !
- زين عجل رماح انته دحك جدتك شتحتاج
وانزل للسوك اشتريه
وعباس وصكر من المدرسه للبيت لا هين ولا هين زين يابه
وانتي غاليه تكفين شغل البيت وتصعدين تلبسين ماريد تأخير وام جراح غدا الولد تحضريه من وكت كبل الصلاه هو جاهز
مفهوم يابه
- مفهوم مفهوم
- تين انتي اصعدي حضري ملابسي لان عندي طلعه مستعجله اكضيها وارجع من وكت ان شاء الله
- ماشي عيني

كامت امي صعدت وانا لميت السفره
حسين وحر واسر رجعو نامو ماعندهم دوام
جراح طلع لشغلو ورماح ضل حدر جدتي
تحط بيدو فلس وتحكيلو شيشتري بي

- قليل يمه كم وحده تلكط هيك على الماشي
- ايي شي يجر شي اعرفها
- يمه شلبس ؟
- كيفج
- شو دحكيلي
-شكو
- شو مالك خلك صاير شي ؟
-لاا ماكو شي
- امانه يمه
- ماكو كلتلج ماكو شي طلعي شعندج داشوف شتلبسين

فتحت الكنتور وصرت اطلع الملابس وهي صافنه حتى ماادحكلهن عاد انا ضليت متكتفه وادحكلها لحد ما اخذت نفس ودحكتلي
وحكتلي ..
-ها شبيج
-اناا لو انتي !
-يبوو منج
- يمه بس فهميني شغله ابوي شجاب هالسالفه على بالو مو هو كان رافضهه وتوسل بي اسامه وما رضى ؟
- وهسه عجبه يقبل شكو بيهه
- ايي بس من حالو يعني ماتدخلتي بشي ؟؟
- ههه انتي هاي كاتلتلج
- بغلاتي عندك يمه احكيلي
- مادخلت هواي بس لمحت وهو قبل
- جذابه والله
-ولج
-اي قصدي يعني مو الحكي الصح هذا
- هسه شتريدين
-يمه انتو ساعتين واكفين تتناقشون معقول ماادخلتي !!
- شكد حشريه انتي تدرين بنفسج
-هههههه ادري والله ادري احكيلي فدووه
- هو بس كلتله اهل اسامه ماخذين على خاطرهم منا وعيب منهم وهو تاليها رايحين خلي نخصمها هسه قبل ما نرجع لحديثه
وتصير صعبه جيتنه وهو فكر وشافه مابيهه شي وقبل
- هااااا
-ايييي
-هم خلف الله عليكي ياامي ياحبيبتي
- ارتاحيتي هسه
- اييي كثير

كمت وادحك للملابس وسألتها ..
-يمه انتي شتلبسين ؟
- عبايتي السوده
- هاذي المذهبه!
-اي
-لاااا يمه لااااا مو مال هيك يوم
-لعد شنو
- البسي وحده من هالجبب الملونه تطلعين حلوه بيها
-لا ماريد
- يمه مكبره نفسك زياده والله مادحكتي ام سالم وام اسامه اكبر منك ولبسهن ومكياجهن يعجب وانتي كلشي لا لاا
- مالي نفس
- ما يعجبني هالكلام انا اتخيرلك لبس ولزووم تلبسيه

ما ردت وضلت ادحكلي وانا فتحت خانتهه
ودحكت لملابسهه وبعدين اخترتلهه جبه لون نيلي و هي هزت راسهه موافقه عليها حضرتلها الشال البنفسجي والجنطه نيلي
وبعدها ارتاح بالي وصفيت ادحك لملابسي
خليت الاختيار لامي وهي اختارتلي فستان
مشمشي والشال كريمي وبعدها ضليت مخليه راسي بحضنها وهي تحفلي وجهي واخذت الاله وضليت كاعده حدرها اسولف واسوي ايدي وامي حكتلي ..
- باجر اي شي تسألج الحجيه كوليلها مادري
-ليش
- مثل ماكلتلج سوي ومعليج
-ماشي

كملت ونزلت سبحت وضليت اراسل باسامه
وهو فرحان يحكيلي مامصدك بكرا انتي حدري وافرج بيتنا براحتي ..
نمنا من وكت وكعدت على صوت جدتي تكعد بالكل وتصيح ..
- ول الصلاه انتم يهود يولو الصلاه اكعدو النوم مايفيد يولد اكعدو حك ربكم هذا يلا
هدو هالفراش لا يتلبسكم ابليس ويجركم للنوم

نزل وياهه ابوي علينا وكام يدك الباب ويصيح ..
- الفجر طلع حك النوم راااح يلااا ياولد
يلااا غاليه يلااا ياحريم وينكم
ياووولد بالعجل اتحركووو ول انتم طرشان نوم الموتى انتو نومكم !! تحركووو يولوو

جرني من ايدي جراح وكمنا اثنينا صبحنا عليهم وادحك اخوتي واحد وره الثاني يطلع للحمام البره وابوي واكف حدر الدرج يصيح
- يالله يالله صباحكم عافيه يا يابه يلاا تنشطو تنشطو ورانه صلاه يلاا اغسلو وجهكم بمي بارد يلا

انا وجراح بالعجل توضينا واخذنا السجادات
ومشينه للربعه .. انا متعوده افرش السجادات
لكل اخوتي واخلي لابوي وحدو بالوسط
وبعدو سره لاخوتي وانا بالاخير ويه جدتي
ورانه تنزل امي وعمتي ..

ابوي يطول بالصلاه وصوتو عااالي
بحيث احنه غصب عنا نركز وما يروح بالنه لشي ثاني غير الصلاه ..
من نكمل صلاه ابوي يرفع ايدو بالدعاء
وكلنا نردد وراه يالله .. وهو كبل ما يختمو بالصلاه على النبي يخفت صوتو ويحكي وبعدين يعلى صوتو ويحكي بحق الصلاه على محمد وال محمد .. وهين نختم صلاتنا ..

ويطلع ابوي يتمشى للفرن حتى يجيب صمون حار .. اخوتي دايماً يريدون همه يمشون بدالو بس هو ما يرضى يحكيلهم هذا احلى جزء بيومي اتمشى الصبح والشارع هادىء بعدو

الي عندو دوام يتحضر لدوامو والي ماعندو يرجع ينام مثل ما انا كنت اسوي بس اليوم
ضليت كاعده وحضرت الريوك ويه امي
وانتظرنا رجعه ابوي يلا حطينا السفره
وتريكنا وكبل ما يكومو الولد ابوي حكالهم ..
- منو منكم يمشي ويانه اليوم لبيت اسامه ؟

دحكولي اخوتي كلهم عدا جراح وانا رفعتلهم حاجبي باستفهام !؟ شكو انا شدخلني يدحكولي!؟

رماح حكالو ..
- جراح يروح ؟
- اييه
- عجل انا اضل بالبيت
- عباس صكر ؟
- لا مانروح
- حر اسر ؟
- اييي نروح يابه نروح عجل احنا نفوت العزايم !؟
-حسين ؟
-اكيد يابه عجل اعوف امي !
- زين عجل رماح انته دحك جدتك شتحتاج
وانزل للسوك اشتريه
وعباس وصكر من المدرسه للبيت لا هين ولا هين زين يابه
وانتي غاليه تكفين شغل البيت وتصعدين تلبسين ماريد تأخير وام جراح غدا الولد تحضريه من وكت كبل الصلاه هو جاهز
مفهوم يابه
- مفهوم مفهوم
- تين انتي اصعدي حضري ملابسي لان عندي طلعه مستعجله اكضيها وارجع من وكت ان شاء الله
- ماشي عيني

كامت امي صعدت وانا لميت السفره
حسين وحر واسر رجعو نامو ماعندهم دوام
جراح طلع لشغلو ورماح ضل حدر جدتي
تحط بيدو فلس وتحكيلو شيشتري بي

ابوي صعد لبس وطلع مستعجل وضلت عمتي تحضر الغدا وانا انظف على الخفيف
وبين ما خلصت غسلت وبالعجل صعدت لغرفه امي دحكتها كاضبه دفتر وادحك بي
بالعجل قلتلها ...
- وييين صافنه امي الحلووه

سدتو بالعجل وضمتو بين ملابسها وهي تحكيلي ..
-ها خلصتي تنظيف
- ايي خلصت
- يلا لعد حضري نفسج
- يمه عادي اتمكيج ؟
- اي عادي
- يعني بالي ارسم عيني عادي لو جراح مايرضى؟
- خابريه اسأليه احسن
-زين عجل خلي اخذ رأيو حتى ما يفشلني من اطلع

اتصلت عليه وهو مثل عادتو بالعجل يجاوبني ..
-ها غلوي
- اخووي حبيبي
- اسمعج احجي
- عادي اتمكيج
-لا شكو معرسين
- هو خطين كحل وش اخلي يعني
- تنزلين الخمار
- ماشي انزلو
- يلا سوي الي بنفسك
- فديييتك انااا حبيبيي
- هلو هلو

سديت الخط وانطلقت اتحضر واسامه خبصني بالمكالمات كل شويه يسألني شي
ويسده ويرجع يتصل انثبرت وصرت مادحك كدامي ..
يسألني .. اخوتك يحب اللحم لو الدجاج
واحكيلو لحم ، يرجع يسأل والدك يا نوع فواكه يحب ..واحكيلو كلهن
ويدقق وجراح شنو يحب نوع عصير
احكيلو ليمون .. اخر شي سألني البس بنطرون لو تراكسود .. قلتلو البس بجامه بيت مريحه عادي يعني حكالي عندي وحده جديده رياضيه راح البسها واجي
دحكت للساعه بعدها عشره ونص قلتلو
بعد ساعتين حكالي لا ساعه ونص وانتظر بابكم عشر دقايق للصلاه وادك هورن

سديت الخط واني اضحك .. والوكت يركض ركض امي لبست بعشر دقايق وكعدت صافنه عليه وانا اتمكيج حكيتلها ..
- يمه احطلك شويه كحل
-لا ماريد راح اضل لابسه النظاره شسوي بي

هين انمرد كلبي عليها احس من راحت عينها لليوم امي تركت نص حياتها كبل وباخر اسبوع ادحكها هواي تعبانه ومافهم سبب تعبها شنو ..

قلتلها ..
-عجل احطلك حمره خفيفه ما تضر بس تزيدك حلى

ابتسمت ووافقت .. حطيتلها وردي على خمري لان مارضت بلون شالها امي تحس نفسها كبرت بعد وكلشي عندها عيب
عكس عمتي ام جراح تدلع بنفسها للحين ..

انا كنت متوضيه كبل مااحضر نفسي ومن صارت الصلاه وصلتني رساله من اسامه
يحكيلي ...
' اني هنااا براس الفرع صلو بسرعه منتظركم '

بالعجل حطيت السجاده وصليت وبعدين نزلت
دحكت حسين يسشور بشعرو ضربتو على ظهرو وقلتلو ..
-ول تعجل وكت شعرك الحين
- اييي لا تلحين وخري وخري

سمعت صوت الهورن لو ثبرتو وجدتي
تمشي وتصيح ..
' يارمااح الغراض طلعها للسياره ول وينك يا غاليه '

ركضت عليها وانا اسحسل بعباتي وهي تحكيلي ..
- نسيت اتعطر واحط هيلات بافمي ادخلي افتحي البوفيه وطلعي العطر يلا بالعجل
- المفتاح جده

ضلت تدحس يدها بجيبها وانا واكفه على نار
بس اخذتو ركضت فتحت خانتها وطلعت العطر والهيلات ورجعتهن الها وهي تصيح على الولد يمشون بسرعه ..

طلعو اخوتي كبلنا وانا ضليت انتظر امي
وجراح من باب الشارع يأشرلي انزل الخمار
ونزلتو بالعجل ...
دحكت عمتي طلعت للسياره بس امي وابوي واكفين يتشاورون ..
وشكلو ابوي ينبه بوصايا على امي
بس ماعرفت امي شنو همست باذنو وهو ضحك وطلع كدامهه ..
اول ماصارت امي حدري قلتلها ..
-شلون ضحكتيه
- بطليها للحشريه هاي لا عمتي ولا ضرتي حاطات عينهن عليه مثلج
-ههههههه يمه والله تضل تدك بكلبي سوالفكم احب اعرفهاا

هزت بايدها ومشت كدامي وطلعنه صعدنا انا وامي بسياره اسامه وحدرنا عمتي وجدتي
بس ابوي بالصدر واخوتي بسياره ثانيه جراح يسوقها ..

كانت سيارتو عاليه وسبعه راكب اخذنا راحتنه بالكعده واخذت راحتي بنظرتي عليه
لاني منزله هالخمار .. هو مستمر يحكي ويه ابوي بس انا ادحكلو واحفظ تفاصيلو

حد اللحيه ابيض والشعر مرررتب ومو كثير عالي بس مسفط تسفيط .. على طول الدرب هو مبتسم وانا مبتسمه من يمي بعد ..
اول ما وصلنا هو نزل وفتح الباب الي بجهتي
دحكتو لابس بدله رياضيه رصاصي وابيض ونيلي مرتبه الوانها وحذاء رياضي ابيض
همستلو ..
- شلونك ياحلو
- بعدني مو بخير

اشرلي امشي كدامو ومشيت شويه وانداريت ادحك امي وينها دحكتها حدر ابوي اشرتلي اروح ورحت ويه اسامه دخلت وحدري يمشون اخوتي وعمتي وجدتي حدرها جراح
اول ما تلكانه عمي ابو سالم والحجيه
و ولد اثنين .. سلم عليه عمي وردتيلو السلام
واسامه اشرلي ادخل بس انا وكفت انتظر امي
الي كانت حدر ابوي يمشون سوه خطوه بخطوه .. تسالمو ابوي وابو سالم وامي ردت سلام بالعجل ومشت ..
من دحكتها وصلت حدري يلا دخلت
جراح كان حدري شاورني ..
- غاليه هذول حموينك سالم وفيصل ما تطلعين كدامهم بلا عباتك هاذي بس ترفعين الخمار مفهوم
-اييه مفهوم

ترك ايدي وراح كعد حدرهم وانا كعدت حدر امي ودخلو الحريم اربعه .. ام سالم وام اسامه
و بنات اثنين ..

سلمنه عليهم وكعدنه وصرت ادحك للاستقبال
كبير وفخم الوانو سمائي وكريمي والتحفيات كلها مذهبه هين .. عمي ابو سالم كان لابس
دشداشه رصاصي و ملتهي بالحكي ويه ابوي
وما دار وجهو حدرنا ابد بس ابوي عينو كل شويه علينا ..

تكربت مني ام اسامه وحكتلي ..
- كومي بنتي روحي ويه هديل واخذي راحتج

دحكت لامي وهي وافقت ورحت ويه هديل
حكتلي ..
- جنتنا مستحيه مبين ..شو ارفعي عن وجهج
ماكو احد هنا

رفعتو وهي دحكتلي وابتسمت حكتلي ..
-عسسل .. امشي اخذج لغرفتي حتى تنزعين عباتج براحتج

اول ماحطيت رجلي على الدرج سمعت صوت بنت وراي تصيح هديل .. اندرت عليها ودحكتها البنيه الثانيه الي سبمت علي
توقعتها مرت فيصل واكدتلي عليها هديل

صعدت ويانه و اول ماعبرنا الدرج حكتلي هديل ..
-شوفي غاليه هذا الباب هو لجناحنا الخاص
اني وامي واسامه وهذا باب غرفه سالم
وهذا الركن الخشبي هو مكتب ابويه

دحكتلو المكتب كان عباره عن ضلعين بشكل زاويه صايره .خشبي فاتح لونو وحدرو زرعات اصطناعيه ..

دخلنا لجناحهم وكان اول شي حمام على اليمنى وحدرها غرفتها هي وامها والثانيه غرفه اسامه ..

دخلت غرفتها دحكت سريرين ابيض الها ولامها و ميز مرايه ابيض ذكرني بغرفتي بحديثه هالشكل كانت بناتيه .. ومليانه دبب
ولعابات وماتخلى من الوردي والابيض ..

حكتلي مرت فيصل ..
- شكد هادئه انتي ماطلعلج صوت واحنه نحجي نحجي ماسكتنا
-ههه لا عادي
هديل- امشي اخذج لغرفه اسامه او غرفتج
غرفتكم كلها ترهم هههه شوفيهه تخوف
عليج الله غيريهه

دخلناهه ودحكتها غرفه كبيره بطول مضيع عليها العرض .يعني انا بالباب وادحك على بعد بالاخير صايره الجربايه ..
الغرفه لونها رصاصي فاتح الاضلاع والاخشاب اسود .. الجربايه جلد اسود
بس محدده باطار خشبي رفيع والميزين على جهتها اسود بس الارجل الرفاع مالتها خشبيه
وفرشه زيتوني واسود ..
الكنتور اسود وبي مرايه سلايد صاير الابواب وميز المرايه اسود وبس الارجل خشبيه ..
الغرفه صايره بداخلها قاطع مفتوح يفصل بين الجربايه والكنتور وبين القنفه الزيتونيه والتلفزيون وميز المرايه وصاير بزاويه
كدام الباب حمام جاهز محطوط بدون غرفه خاصه للحمام يعني هيك وحدو بشكل زاويه صاير وبي باب شفاف وحدرو ميز المرايه
على حايط الجربايه معلك صورتو وهو صغير ويه ابوه ايهاب وصورتو هو بزي الطيار وحدرو عمي ابو سالم ..

كنت افتح بازرار العبايه وادحك للغرفه وسمعت صوت اسامه بالعجل انداريت دحكلتو وهو تبسم وحكى لهديل ..
- امي تريدكم انزلو حضرو الاكل وياهه
- اخويه مايضيع الفرص

طلعن بالعجل وانا انداريت وكملت فتح ازار العباه ونزعتها وصرت افتح بالنقاب نزعتو
وخليتهم على القنفه ودحكتلو وانا اعدل بشالي
وهو متكتف ويدحكلي وبنفس مكانو ماتحرك
قلتلو ...
- ننزل
-لاااه حبيبي وييين ننزل ماصدكت صعدت

تكرب حدري وصرت ابتسم وادحكلو
وهو يعض شفتو ويبتسم حكالي ..
- اخوج يكولي لاتخلي اخوتك يشوفوها
واخوتي كاتلين نفسهم على شوفتج شلون ارهمهه !!!
-ههههههه وشعدهم يدحكوني اخوتك
- مو اني ماخليتهم يشوفون اي صوره الج بالمهر لان مالابسه حجاب واكيد تضل بنفسهم شلونها مرت اخوهم الكتل نفسه عليهه
- جراح ما يرضى اكعد بلا نقاب كدامهم
- وبعدين شلون ؟
- صدكني راح يوصيك ويوصيني الف مره
مانزل حدرهم ولا اكابلهم
- لااا شسالفه يعني همه اخوتي قابل غربه !
وتره اني هم اخاف عليج واغار قابل بس اخوج ! بس هذوله اخوتي وانتي حتعيشين وياهم بعد كل العمر تضلين لابسه نقاب بالبيت هم ؟
- لاا مو لهالدرجه
- لعد شلون
- راح اخابر جراح

طلعت الموبايل من جنطتي وهو حكالي ..
- هاي بكلشي هيج تخابرينه لو بس بشغلاتي
-ههه لااا بكل شي والله

اتصلت عليه وبالعجل جاوبني ..
- ها اسمعك
- جراح عادي انزل بدون نقاب لان زعتهم الحين
- لا
- عجل عيب ارجع البسهم ماراح اكدر اكل
- ادزلج رساله يلا سدي

سديت وضليت ادحك للتلفون و وصلتني رساله اسامه حط راسو حدري ودحكلها وياي
مكتوب ..
' تبقين ويه البنات هسه لا تحدرين هين
واذا انتي فوك انزلي عيب تضلين والبنات جوه واذا صار الاكل سفره وحده تكعدين بس ماتنرفع عينك '

ضحك اسامه وجر التلفون من ايدي وقفلو
وشمرو على القنفه وحكالي ..
- شحلاته اخوج جابهه لحد رجلي
- شنوو ترا حكالي انزل
- واني اكول ماتنزلين ! ماتسمعين كلمتي؟
- لا اسمعهه بس اخاف عيب
- بالحلال واكفين وبغرفتنا شنو بعد عيب
هو منو اكو كلهه ملتهيه جوه بطلي هالمستحى وياي ترا شيبتي كلبي
-اييي اسامه ماحكيت شي لا تتعصب

مشيت للمرايه اعدل شالي وهو وكف حدري وضل يدحكلي بالمرايه ويحكيلي ..
- لو بس ماتعاندين اسبوعين واجيبج هنا بعد ماطلعج
-هههه حلو الصبر
- ايي شنو رأيج بغرفتنا شيعجبج نغير بيهه
-كلها حلوه
- شوفي هاي جانت جهه الجربايه غرفه وحد وهاي وحد وابويه من اشترينه البيت كال هاي جهتكم رتبوهه بكيفكم ..
على اساس امي تخليها غرفه لهديل بس اني مقبلت ردتهه تبقى ويه امي بغرفه وحده وكلتلهم هاي الي واخذتها فتحتها ويه هالغرفه وسويتهن وحده
- حلوه صايره نفهه اكثر ومريحه بكبرها
- ايي اشتريت هذا الشور حتى اعوف هذاك الحمام خاص الهن .. ردت اسوي حمام وتواليت هنا بس ابويه ماقبل كالي مو صحيح هالشي بالغرفه وتفليش وهوسه عوفهه على كد الشور هذا وفعلا حسيتها هيج احلى

- حلو وجوده غريب وفيكه
- اضل اشوفج تسبحين هنا
- عيييب
- ههه شحجيت ولج قابل جذب ! ماتسبحين يعني !!
- امشي لحمام البنات
- زوج اليخليج تطلعين

ضحكت ومشيت وكفت حدر الرفوف الي صايرات على جوانب بهالقاطع الرفوف كانت بلون ابيض وعليها تحفيات صغار ..
سيارات وطيارات وجنود ومجسم الكره الارضيه دراجات حديديه صغيره واشياء حلوه تجذب العين ..
ضليت اتمعن بيهن وحده وحده و بعدين
انجرت ايدي وبس درت عيني عليه
هو حط وجهو على وجهي وبوس شفتي
بالعجل دفعتو ورجعت لوره وهو وجهو احمر
حكالي ..
- ماكدرت اصبر عليهن محمرتهن باكثر لون افقد عليه
- بس ما يصير بدون رضاتي
- ههه حلاتها بدون اذن حبيبي

مارديت عليه وانداريت وانا احس بكلبي يرجف وحتى ردت ابكي والله خفت مادري شصار بحالي ساعتها وهو تكرب لزم ايدي
وحكالي ..
- شبيج غاليه شكو هسه هي ربع بوسه
شسويتلج !
- ما تفهم انا انا
-شنو شنو فهميني

ماعرفت احكي شي ضليت ازم بشفتي وادير وجهي عنو وهو كضب وجهي باثنين ايديه
وحكالي ..
- تستحين ؟ تخافين لان غريب عليج مو !
-اي
- شلون بيج انتي ياعمرري
باوعيلي
-هاا
- مو رجلج حبيبج اني بعد شكو هالخوف
لعد بعدين شراح تسوين بيه انتي حتشوفيني النبي عربي
—ههه
- اضحكي من فدوه لهالسنون
-اسامه
- ولج انتي امنييتي تفهمين شنو امنيتي
تعالي اكعدي خلي احجيلج وافهمج دتعبرين هالخجل وياي من تفهميني

كعدنا على القنفه وهو لازم ايدي ويحكيلي ..
- اسمعي غاليتي احنه متفقين صريحين
مو
-اي
- اي اسمعي ..اني من طبعي جريء
مغرور متكبر ما اهتم بس لنفسي
من يوم الي شبيت لهاليوم اتحدا واحد من اهلي يكول اسامه فد يوم سوالنه هيج شي
جابلنه شي .طلعنه او كعد ويانه وسولفنه
او سهرنا سوه او حتى يكولون نعرف شي عن اسامه اببد غير الفلوس و مكان الرحله وين هنه الي يعرفوهن عني وهنا اقرب شخص الي هو ابويه يعني هو ممكن يعرف عني كم شغله سطحيه بس مقارنه بالبقيه لاا هو اعلاهم ..
اني بره البيت عايش حياتي طول وعرض
لو احجيلج الي اسوي ماخلص منا لباجر
بس اكولج مدلل نفسي ومبذر بدلالهه
حاجي ويه بنات وطالع واشكال الوان شفت بس ما رحتلهن بيوم هنه يجن ويبادرن بكل شي يعني بالمختصر مامتعب نفسي بس عليج
وما انطيت مجال لاحد يتقرب الي مثلج
تمنيتج كل يوم اصبح بي اني افكر شوكت تجين يمي شوكت اكعد وياج هيج براحتي
واشاقيج واسمع صوتج من تدلعين باسمي
يعني اني اكوم من فراشي وبوجهي الضحكه من اتخيلج هنا .. وشكد بنفسي شغلات وياج
بس حتى بطاري الحجي ماجبتهن كدامج

اخذ نفس وضغط على ايدي وركز بعيني وحكالي ..
- اكول خاف اخجلهه واحرجهه حبيبتي ماتعرف لهالسوالف بعدين من تصير يمي
احجيلها واتمعن بخجلها
وشكد بنفسي افتح كاميرا وياج ونسولف
ومن كلتيلي لا عفتهه ادري تستحين
كلتلج صوره دزيلي هم كلتي لا وتحججتي خاف تبقى بتلفوني ويشوفهه احد وبقيتج على هواج واني ادري تستحين وتخافين اخوتج مايقبلون ادزين صوره وماخذه شمره على هالسالفه ..
شكد هذني بنفسي واتمناهن وهنه مو عيب ولا حرام كلهن حقي لانج زوجتي شرعاً
بس اجلتهن كلهن لحد ماتتعودين عليه
حاسبج مثل بنوته صغيره باول ايامهه بالمدرسه كلشي عدها خوف وحذر وخجل
واكول تتغير الاحوال من تتعود عليه
فهمتيني شكد اخاف على رده فعلج وياي
واحساسج
- فهمتك ياعيني وان شاء الله اكسر هالخجل بدون مااتعبك
- اكسريه وياي حبيبتي صدكي كل ماتتقربين الي اكثر كل ما تشوفين غلاتج عندي اكثر
وحتى تحسين براحه وياي لان تقربنا
انطيج مثل
- شنو
- هسه اذا احضنج راح تحسين براحه وتفهمين حجيي اكثر ،، نجرب
- هههه لاا
- جربي هالمره واوعدج بعد راح يقل خجلج وياي وتفهميني اكثر

ضليت ابتسم وادحكله وهو ميل راسه ويدحكلي ويحكيلي يلا ..
قلتلو ..
- باب مفتوحه
- محد يوصل غرفتي لتخافين

حكاها وتكرب حط ايدو وره راسي وكربو
لصدرو وانا قابضه ايدي اخذها فتحها وخلاها على ظهرو وحضني باثنين ايديه ومااسمع بس دكات كلبو .. حسيت ببروده باطرافي
وشي من الراحه لحظه ما شميت عطرو الدافي وبداخلي شي يحكيلي هذا نصيبي من الدنيا بحلال الله الي قسمتي ..

نزل راسو حدر اذني وحكالي ..
- هدأت حبيبتي
- امم
- هسه نحضن على المضبوط
ابتسمت وهو رفع ايدي خلاه وره راسو
وحضني بقوه هالمره وضل مخلي راسو بركبتي واسمعو شلون يجر النفس منها
ويحكيلي ..
- مادري الله شمخلي بيج
ولج افقد عليج افقد

كنت اضحك من اسمع حكيو واعض شفتي من الخجل وهو وخر راسو وصار يدحكلي ووجههو احمر .. مادري شلون تجرأت وتلمستو وهو بهالكرب مني
حكيتلو ..
- بالهداوه ياعيني وجهك احمر دم
- راح اموت ولج
-اسم الله ليش هالحكي
- اذا مارجعتو هالشهر لحديثه اجي اخذج بعباتج تقبلين متقبلين فهمتي
-ههههه يصير خير

بعدت منو وهو حكالي ..
- مادري شلون الكه كلشي احبه انتي مسويته
يعني اني اعرف بنفسي ماحاجيلج عليهن ولا احد يعرف الي بالي وموصله الج
شلون هيج تضبط وياج ؟
-ههههه يعني شنو تقصدو

- حمرتج المشمشيه هاي اني اكثر لون احبه بالحمر ، عطرج الي بي نفحه حمضيات وبارد هذا لو ردت اشتريلج اخذلج هيج نوع
مكياجج احب رسم العين بس كحل
احب طبيعتج نفسها ممتغيره
احب تلبسين الفساتين النازكه والراهيه على جسمج
حبيت انج لابسه جواريب شفافه ناعمه
حبيت ذوق جنطتج الكريمي الصغيره اكره الجنط الكبار ام السلاسل
وادري برجلج الحجل ولابسته هالمره بدون اجراس مابي صوت
حبيت ان ماكو صبغ اظافر بايدج لان مافوتي صلاتج ومحسبه حسابها
حبيت عباتج الاماراتيه بدال العراقيه
حبيت قماشهه مو الي يلزك على الجسم
وبنفس الوكت سواده فخم
حبيت اكتفاء ايدج بحلقتي ومحبسي
حبيت نعومه السوار بدون كثره ملاوي تخرخش باذني
حبيت صدرج ما عليه كلاده هالكبرهه نازله
حبيت ذوقج بكل شي وحتى اكو اشياء يمكن اني مامفكرلهه من قبل بس لكيت نفسي راضي عليها بيج وهالشي طبعا جان كلش
مخوفني بيج
-هههههه
- والله يعني جنت اكول خاف تطلع مو نفس ذوقي خاف تسوي فلان شغله اكرهه
بس طلع كلشي عال العال
- والله على الفطره هي صارت
- رحت فدوه لهالصوت
- يا بعد عمري
-حبيبتي شلونه الحضن حلو
-ههه اييي
- شوكت متحبين موجود
- يخليك الله الي خلي ننزل اسامه تأخرنا وعيب والله
- بس اخذيلج نظره بالغرفه حتى تكوليلي شتحبين اغير

وكفت ودحكتلها من الطول للطول وحكيتلو ..
- غرفتك شبابيه بحته مالها مكان لبنيه
- ههههه اعجبج حبيبي ،، اشتري غرفه ابيض تريدين لو مطعمه بالوان شتحبين
- بصراحه بصراحه
- اي
- احب هالغرفه لا تغيرها
- ها صدك والله ؟
- اي والله

تكرب مني وانا رفعتلو راسي وحكيتلو ..
- عاجبني اشاركك اشيائك واعيش وياك مثل ماكنت عايش وحدك حابه ادحك شلون كنت
تستخدم اشيائك كلهااا احس راح اندم لو ما جربت كلشي تملكو هين
- فرحتيني والله والله فرحتيني يعني مادري شكولج ههه بس فرحت والله
يعني تحسين الها قيمه لان مالتي
-ايييه انته عندك ذكرى بكل شي هين وانا حابه احتفظ بي لا تغيرها والله حلوه وعجبتني
- صار تدلل مريتي تامر امر
- تسلم بس شغله وحده حيرتني
- شنو
- الكنتور صغير معقول يكفينا اثنينا ؟!
-هههه لااا وين يكفينا ترا ماانطيج الكنتور وابقيلي خانتين شوفي هذا كله مليان ملابس
ومااستغني عن شي بيهن لا عبالج
-ههههههه ياعمري ماقلتلك شيلهن بس فكرت هيك يعني
- فهمتج .. شنو رأيج افصل كنتور جبير
من ذاك الحايط لحد هنا
- لااا شدعوا هالكبر
- والله احلى افصله تركي ابيض واغير صبغ الغرفه احس صاير باهت وابقي الاخشاب البقيه واذا تريدين نغير شي بعد او نضيف شي كولي حبيبتي
- امم يعني منين يبدا الكنتور
- يبدا من ضلع الي يم جربايه لحد مكان القنفه واسوي بي ديكور مكتبه بالنص بس نستغل هالضلعين برفوف وابواب ونفرغ هالجهه
- تمام حلوه الفكره بس ضيف وياه مرايا حتى تخلي جماليتو اكثر
- اي اكيد
- و نحول ميز المرايه هين حدر الشباك
حتى نفرغ هالمكان للقنفه
- ماشي عاجبج لون القنفه لو اغيرها ؟
-لا حلوه بس نغير لون الصبغ
- صار انتي اختاري ودزيلي واغيره
- ان شاء الله
- قبل مننزل خلي انطيج هديتج
- اي هديه ؟
- مشتريلج من انقرا هديه وضامهه

طلع من الكنتور علاكه كارتون لونها اخضر
وحطها بايدي ..
فتحتها ودحكتها لعبه بشكل الاميره سنو وايت
بالعجل ضحكت ودحكتلو .. حكالي ..
- مادري تعجبج هيج اشياء بس اني احبهه

حضنته بقوتي وقلتلو ..
- تعجبني تعجبني يررربي اعشكها لهالاشياء
اساامه تجنن هاللعبه وهالاميره حبيتهاا والله حبيتها تسلم حبيبي حبييبييي تسلم
- هههههه فدوه لله فدووه لله شلون مره تنكرط تنكررط

وخرت منه وصرت ادحك للعبه وهو حكالي ..
- شوفي هاي تره جبيره بس رجليهه تركبيهه
محطوطه بالفلينه ليجوه ركبيهن وهسه تصير هالطولهه وحتى ثوبهه هم طويل بس مصفط جوه الباقي
-شكررررا تجنن
- اني لو ادري هيج تحبين الالعاب وهالهدايا جان جبتلج كل الاميرات بس هاي اخذتهه تجربه
- والله عندي احلى من اغلى الهدايا
اسامه انا روحي بهالاشياء
-ولج خلي روحج بيه بسس بيه
-ههههه حاضر
-كولي حبيبي شنو بس مره وحده
- ههه حاضر حبيبيييي
- اووف يربي شلون يوم حلو لج اني اليوم احب امي لان جابتني واحب ابويه لان رجعني لبغداد احب اهلي كلهم
- اممم وانا ؟
- انتي انزلي احسن
- يعني ماتحبني
- والله احبج والله انتي اكثر وحده احبج
- لااا بس انا المفروض تحبني
- غاليه
- ياعيونها
- ننزل حبيبي احسن

ضحكت ورجعت العلبه بالعلاكه وهو حكالي ابقيهن هين جنطتي وعباتي وكلشي
ونزلنا ايد بايد وهو يحكيلي ..
- باوعيلي وجهي احمر لو لا
- لا زين
- شعري مرتب
- ايي مرتب
- اكلج شو اهلي سكتاوي خاف تغدو وعافونه
- اذبحك اذا صدك
- ههه عدنا اكل هواي لتخافين
- ول اخوتي اخوتي يااكل
- شوف صار بيهه اخوتهه نست نفسهه

هديت ايده ومشيت بالعجل للمطبخ دحكت البنات بعدهن يشيلن بالاكل بس يطلعن من غير جهه
انداريت عليه وقلتلو ..
- وين راحن البنات بالاكل ؟مو المفروض هين