اشتغلي ۤ؏ تطوير نفسج وشخصيتج كل يوم☺️🔮
هـالشي مو صعب أبداً لكن يعتمد ۤ؏ ((محاولاتج)) وشنو تختارين تسوين ب يومج الثقه الحقيقيه بالنفس يرادلهـا ممارسه وماتجي من فراغ ابد..

📌عيدي النظر وتحكمي بافكارج واختياراتج و وجهـيها ب شكل مقصود يزيد من تقديرج لذاتج وامكانياتج،،
📌رأي الناس بيج ونظراتهـم الج مو مهـمه ابدد، ألا اذاا قررتي انها مهـمه ليش؟
لان الاهـميه والقيمة آٲنـُُِتي الي تعطينهـا للشي مو العكس💜🌧


#اعـاده_توجيـــہ_لتنسون
#ملوكه
@stylegrils

لو طلب منج🤧🙄💔 حبيبج أو زوجج أنو تسوين هج

فتقبلين👍 او ترفضين👎؟


@stylegrils

💠أعمال الليلة الحادية و العشرون من شهر رمضان (( الليلة الثانية من ليالي القدر )
1. #الغسل .

2. #الصلاة ركعتان يقرأ في كلّ ركعة بعد الحمد التّوحيد سبع مرّات ، و يقول بعد الفراغ سبعين مرة : اَستغفر الله واَتوب اِليه ،

3. #نشر_المصحف الشريف و فتحه و حمله بيده أو جعله بين يديه و التوسل إلى الله به ، و قول : “ اللهم اِني اَساَلك بكتابك ، وما فيه وفيه اسْمك الاَكبر ....
4. #جعل_المصحف الشريف على الرأس و قول : “ اَللهم بحق هذا القرآن ، وبحق من اَرسلته به ، وبحقّ كل مؤمن مدحتهُ فيهِ ، وبحقك عليهم ، فلا اَحد اَعرفُ بحقّك منك.
ثمَّ قُل عَشر مرّات : “ بِكَ يا اَللهُ “ .و عَشر مرّات : “ بِمحمد “ و عَشر مرّات : “ بِعليّ “ .
و عَشر مرّات : “ بِفاطِمَةَ “ وعشر مرات لكل امام معصوم .
5. #زيارة_الحسين (عليه السلام)
6. #احياء هذه اللّيلة بالعبادة و الذكر و تلاوة القرآن ،
7. #الصلاة مائة ركعة فانّها ذات فضل كثير ، و الافضل أن يقرأ في كلّ ركعة بعد الحمد التّوحيد عشر مرّات.
8. #قراءة الدعاء التالي :اللهم اِني اَمسيت لك عبداً داخراً لا اَملك لنفسي نفعاً ولا ضراً...
9. #قراءة دعاء الجوشن الكبير .

@stylegrils

من وصايا الامام علي ( عليه السلام)
الله الله في صيام شهر رمضان فإن صيامه جنة من النار.
📚تحف العقول:ص198
#فزت_ورب_الكعبة

🌙 صلاة الليلة الحادية والعشرين من شهر رمضان.

🥀 شاركوا باعادة المنشور لتنالوا الاجر مضاعفا ان شاء الله.

@stylegrils

#شقراء_بغداد

بارت_٦١


كلتله ....
- هااا خير الجهال بيهم شي
-لاا زينين
-لعد شبيك ؟ صاير شي بالشغل!
-لا لااا
-لعد شنوو ليش ضجت
- ااا هوو .. ام جراح عاودت البيت
- هاا خير ان شاء الله

عفته وانداريت مشيت شويه وهو لحكني ومشى بصفي واثنينه ساكتين ..

اخذتني افكاري لاول شي من سمعت بطاريهه وهو روحته مني ..
شلون اتحملهه !!

كعدت ع الرصيف وصرت استغفر ربي
هي مرته الاولى واحق بي مني وهاي الوساويس حرام عليه افكرلهه ..

كعد يمي وكالي ..

- صياح حكالي ان امي ارسلتو لاهلها
ودها رماح منهم وماراضيه هي ترسلو
قال انها ماترضى ترسلو كون والدو مو هين وماترضى انه يضل من ايد لايد وساعه الي سامعه امي بهالحكي طلبت ان يوصللها هالحكي ...
ان الولد ولدنا ومرجعو هين بحضور والدو ولا بدونو ويا تعاود هي وولدها وتعاود تلم ولادها وتراعيهم يا ترسل الولد وتضل ببيت اهلها وطلاكها يصلها وكت اعاود ... قال انها من صباح ثاني يوم اخوها عاودها للبيت ...
وهيك عاودت المي لمجاريها

- احسن هيج صار .. خلي الجهال يستقرون .. خطيه هسه ترتاح نفسيتهم

- ايييه ايييه

- اني لحد هسه مافهمت ليش هيج انتو صرتو

- حكيتلك انا الي يشيخ على شيخو هاذي جزاتو ،، اتركيهم الحين

- ماشي على راحتك

- تين تضايكتي من هالخبر؟

- خالد هي ام ولدك وزوجتك الاولى اني حتى عيب عليه لو ضجت بس مادري هالشعور يخوف شويه

- وش هو الي مخوفك!

- ما تبقى يمي هذا اكثر شي يخوفني واني ماكدر بدونك ولا لحظه

- ههههه ياعيني تطمني انتي بس تطمني
انا الي اصنعو للوكت واحدر لعندك يولو وين اكدر انا بلياكي

- يعني ما تغيب عن عيني ! اكيد !

- وكاد يانظر عيني وكاد والله انا الي مكدر عليها تطمني انتي الك الاولويه ما يعلى على حبك شي

ابتسمت براحه ولزمت ايده وبعدها رجعنا للفندق وثاني يوم كملنا جولتنا بالحمامات
هنا الشوارع تفوح بريحه اشجار الليمون والياسمين ... لدرجه انهم يسموهه ..

.. يسمين الحمامات ..

بالليل باقين على الشط وبايدنا الخريطه نختار وجهتنا الثانيه وهو سألني ..
- تين الحين وين ودك نكمل وجهتنا !
جزر ولا صحاري ولا اثار ؟؟؟
- اشوف كافي جزر وشواطىء خلي نشوف الاثار
- والله هو ما ينشبع منها لكن لزوم ندحك الباكي من البلد
- ماكو مكان يجمع بينهن ؟
- يا حبيبه كلبي هين ذاكرين لنا
مدينه النفيضه ، سوسه ،
وش اساميهم هذول !!
- ههههه كلمن وطبيعته بعد .. ايي شبيهه سوسه المحروسه
- يحكيلك هين عندهم رباط سوسه هذا برج صاير بوسط حصن يحكيلك هذا واحد من ٨٠٠ حصن بناه الاغالبه هين على سواحل تونس ..
قال انها تطل على المدينه كلها .. نزورها؟
- اي نزورها ليش لا ... وبعد شنو
- مذكور هين سوق الاحد .. يحكي انه سوق كبير واثري وفيه العطورات والبهار والزخارف للفسيفساء ! وش هاذي بعد ؟؟؟
- ههههههه شنو هاي خاف فد شي تراثي عدهم
- اييه هو هيك الظاهر
- اي نروح لسوسه نروح
- فيها سوق وكاد تروحي
-هههههه هو شحلاه المدينه غير سوكهه
- اييه اييه .. دحكي هين الحين بعدنا على شرق تونس يعني هين المدن الي متسلسله كلها على البحر وهين مكتوب ان الجنوب والوسط فيه اثار اكثر من الشرق يعني لزوم نحول لجهه الوسط ونترك الساحل
- هااا زين هسه هاي سوسه على الشرق لو الوسط
- لاا بعدها بالشرق ما تبعد كثير عن الحمامات هاذي
- اي زين وبعد شنو يجي وراها ؟
- تجي المنستير وبعدها المهديه وصفاقس
هاذي كلها على الساحل
- امممم يعني كلهن حلوات
- ايييه هين مذكور المنستير والمهديه خلابه المناظر
- هههه لعد نروح
- ول والوسط ما نمشيلو ؟
- اي غير نكمل الشرق يلا
- تين كل مكان منهن يحتاجلو يومين على هالحال بعد ست ايام يلا نعبر للجنوب وبعدها للوسط
- ييي مدنهم هواي بس حلوات كلبي مينطيني افوت شي منهن
- والحين شو ! اثبتيلك على راي يلا
- مادري ... زين انطيني شكد. مده هنا بعد نبقى حتى اقرر
- اسبوع
- اي هم كافي اشتاقيت لبنيتي
- وانا ماشتكتيلي !
- هههه يعمري انته يمي بس بنيتي بعيده وكلبي متلهف عليهه
- تينه حبيبتي انا اكره اسمعك تشتاكي لغيري حتى لو انها بنتك ما تعجبني هالسالفه ..ايييييه بلا ضحك
خليهه ببالك زين .. شوكك حبك لهفتك تنذكر مع اسمي بس خالد يجي حدرها غيرو احاسبك عليها لو حكيتيها
- صار عيوني صار
- دخيل رائك انا
-ههههههههه خااالد عوفه للراء عوفه
- ول يابه هو من شعل اهلي غيرو اترك روحي وماتركو
- ههههههه اسم الله على روحك

ميلت راسي على جتفه واخذت الكتيب من ايده وضليت اكلب بي وبعدين كلتله ..
- هاي شنو ليش ماكلتلي هنا بالحمامات اكو موقع روماني
- ايييه مو كاعدين ندور على غير وجهه وش عندنا بعد هين !!!
- ميخالف بس هاي اثار لقرن قبل الميلاد وهاي قريبه ومنشوفهه!!!!!
- كم تبعد ؟
- ٣ كيلومترات يعني هياتهه
- يعني ودك نمشيلها ؟
- ايييي نروح نشوفها وبعدين نطلع لسوسه
- ان شاء الله وبعدها ؟

- بعدها ؟؟؟؟ ياهو اقرب يصير علينا الوسط لو الجنوب ؟
- الوسط طبعاً فيه مدينه القيروان ذاكرينها حلوه
- زين لعد نكمل سوسه ونروح للقيروان
- وين ؟
- قيروان حبيبي
- بالله عليكي تين ماتكدري هيك تلفظيها عدله ولو مره وحده
- هههه هاي شبيك
- لا بالله هيك جربي تلفظيها بهداوه ما تضبط معك
- لاا ما تضبط
- دحكي انا اكضبلك شفتك هاذي حتى لا تتحرك وانتي الفظيها
- ماا ماااا شنو تضحك عليه انته
- يلاااا يولو

يريد يلزم شفتي واني اوخر ايده واضحك واحاول وياه يعوفني بس هو مصمم الا يسويهه .. وسواهه ضل حاط اصابعه على طرفين شفتي الجوه ويكولي يلا احجي واني اكوله قيروان وهو يضحك
ويكولي عيدي واعيدها ونفس الشي
ما تطلع عدله الا تتحول الراء الى واو
لان لازم شفتي لو عايفهه جان صارت راء مكسوره تشبه لام ..

كضاهه تمضحك عليه وزعلت عليه يقلد حجيي بمياعه اني مااحجي بيهه
وهو يعرف نقطه ضعفي وين ...
من رجعنا لغرفتنا واني مطنكره عليه
اول شي سواه حضني وضل مخلي وجهه على وجهي بحيث اشتم نفسه ويدري بيه هنا اضعف وهو يحجيلي ...
- حبيبتي عروستي زعلانه
- لاا يعني مو هواي
- ما يهون على كلبي ضيك خاطرك تين روحي جمال دنيتي ما ترضي وانتي بين هالضلوع
- هاا لاا
- وشو لا !

ضل يمشي خشمه بهداوه على وجهي واني اكوله ..
- ايي ارضى
- لاا مااظنك رضيتي
- لا حبيبي رضيت
- عجل دامك رضيتي وينها بوستي !!
انتي تحرميني منها بس وكت الي تطبك فيوزاتك
-هههههههه

بوست خده مرتين بقوه وهو ضحك
كلتله ...
- هاي بوستك هسه رضيت !
- لااا بعد بعد ناكصني كم وحده بكم مكان

ضحكت بعلو صوتي وهو من وراي مد ايده وطفه الضوا واخذني لعالم حنانه

ثاني يوم طلعنا الصبح لموقع بوابات الروماني ....
اول ما شفته كلتله ..
- لو ما جايه هنا جان كضيت عمري متندمه والوم بيك
-ههههه الحمدلله الله لطف بحالي واخذتك

المكان عباره عن كاع واسعه كلها حشيش اصفر وعليها اثار معماريه بشكل مستطيل طوال .. رفيعه شويه وطويله حيل .. متطشرات على طول المكان
الوحده منهن عليها نقوش الي يسموها بالفسيفساء ونقوش ثانيه ... لون الحجر مايل للحني وعليه شي ابيض يشبه الملح
متناثر عليه من فوك بس منطيه جماليه اكثر والمجسم الواحد منهن منقوش باربع جهاته بكل دقه والي يعجب اكثر طريقه توزيعهن بشكل سره وحده وره الثانيه
وغيرهن بمسافه ابعد ومنهن اثنين واكعات وتعجبنا من طريقه تثبيتهن بهالشكل من دون حفر داخل الكاع او شي يسندهن او يثبتهن طول هالسنين !!!!

توجهنا بعدها لمدينه سوسه ...
كل الي عرفناه عنها باول يوم النا بيهه
انها مدينه مبنيه على اطراف الساحل والحصن صاير باعلاها .. شفناه من بعيد
وتوجهنا للفندق حتى ننام هالليله ونرتاح
وصباح ثاني يوم بدينا بجولتنا بيهه ..

بديناهه بركبه بالعربه ام الاحصنه اخذتنه لبرج الرباط هناك نزلتنا قريب الحصن
وصرنا نباوع لكبره وارتفاعه ..
سياجه بناءه سميك وبعده حجره محافظ على لونه المايل للصفار ...

تعبنه بصعوده لحد ما وصلنه الوسط يم البرج كعدنا ارتاحينه واخذنا صور واخذنا فره حوله وبعدين رحنا وكفنا على اطراف السياج وضلينه نباوع لكل المدينه منه ...
صرنا نحس ان المكان كله بين ايدينا
البيوت البيض والاشجار والبحر كلها تحت نظرنا ...

بعدها نزلنا وتمشينا لحد ما طلعنا من الحصن هذا ورحنه شربنه عصير وبعدها توجهنا لسوق الاحد ...

اخذنا عطور هدايا وهو اختار عطرين خاصات الي واله واكلنا من الكشك الي بين كل اربع خمس محلات نلكه واحد
ونجرب شعنده ..
ووكفنا على واحد ابو بهارات ... اخذت للشيخه انواع منه وساومناه بالسعر لان اخذنا هواي ...
وجربنا كهوتهم والشيخ ما عجبته يكول
لو بدويه الكهوه لو ما تنشرب ..

بوكت العصريه جربنا لعب الكولف
وهو ضبطت وياه بس اني لا

كضينا الليله على الشط اشبع قصايد منه وهو يفسرلي كلماتهن بعد ما يختمهه
واني احجيله شكد احبه واوصفله تفاصيله بعيني وهو يضل يسألني .. شكد تحبيني؟
وبكل مره انطيه جواب اكبر عن الي قبله
ووكت صار الهدوء بهالليل وبس ضوا
الكمر على المي عاكس وهو نايم على رجلي سألني ....

- تين وش هي اكبر امنيه عندك ؟
- ههههه اكبر امنيه
- اييه احكيلي بالله ودي اعرفها
- اتمنى اخليك تشوف نفسك بعيني
يعني شلون اني اشوفك بيهه

اخذ نفس قوي وبوس راحه ايدي وكالي
- ما ظني اتحملها .. لانك تدحكيلي بنظره كبيره وعظيم وصفها .. احس اني لو دحكتها كيف لضعفت كدامها
- اني اشوفك بس انته كأن الي يمك كلهم
مجرد اصوات بس انته حقيقه لعيني
- ايييه بالله صدكتي .. انا ما مريح فكري وكلبي غير هالنظره منك .. دحكي انا
كبل طلبت منك اني ادحك نفسي بعينك
لكن انتي عطيتيني اكثر مما طلبت
عن حك والله انا ساعه الي اتمعن بنظرتك علي احس اني وحدي الي اهم عينك
وهالشي ياتينه زادني جنون فيكي انتي تجبريني على حبك والله
- يا بعد عمري هو ليش اكو شي انخلق يستاهل النظر غير خالد حبيبي
- وما يستاهل خالد غير عينك ..

انا لها فدواي وطايع
- لااا انته نورها .. تدري اني قاسمه قسم على ان مااخليك بيوم تفديني بشي
- ليييه يوولوووووو
- ماتحمل اذاك
- وول تين
- والله .. كل شي يصيرلي هين وعادي واحمد الله عليه الا انته لو جرح صغير يصيبك اني ماتحمله .. لذلك عاهدت نفسي كل عمري اضل احميك وافديك بروحي بس لا اشوف عليك اذى
- ليه هالكثر حبك تينه؟
- ياعيني اسأل نفسك هالسؤال اسألها شلون خلتني هيج احبها

رفع ايدي لشفته بوسهه وخلاهه على وجهه وهو يكولي احبج ويعيدها واني العب بشعره وابتسمله ...

نومته هالليله على ايدي وثاني يوم
من بعد الغدا رحنا بالباص لمدينه القيروان .... اول ما بدينا دورنا على فندق وتعشينه ونمنه وثاني يوم بدات جولتنا بيها ..

بديناهه بجامع عقبه بن نافع ...
جامع جبيييير الساحه الوسطيه الي بيه تعادل بناء جامعين من الي عدنا بحديثه
وتصميم المكان عبالك متحف مو جامع
احلى ما بتونس هندستهم المعماريه
تصاميم عباقره وهي كلها مبنيه لو قبل الميلاد لو قبل سنه الالف من الميلاد
دقه التصميم والقياسات والمواد القويه الي بقت صامده كل هالسنين كلها تثير الاعجاب باصول هالبلد..

واخذنا يوم ثاني نفتر باسواقها المركزيه
واخذت منها ملابس للجهال ولصفيه ومناسك واخذت منها ملابس قصيره
ومدلعه للبيت وبعدها رجعنا للفندق
وبهالليله اني كلبي ناغزني على بنتي
ماكدرت اغمض عيني وانام ..
والصبح من كعد كلتله ...

- خالد عمري خلي نرجع لبلدنا اليوم
- خير حبيبتي وش غيرك هيك
- كلبي على غاليه ما مرتاحه
- سمي باسم الله ياعيني
- ما مرتاحه كلبي عليها حباب خلي نرجع هاي تونسنا بما يكفي وما بقينا شي ما شفناه كافي خلي نرجع عفيه
- ابشري ياعيني ..ابشري الحين ادور حجز لا تضيكي خاطرك

حضنته وهو يهديني ويحاول يطمني بس اني كلبي مفرفح عليها ويا من يوديني الهه ..

نزلنه اكلنا ورحنا ندور حجز للعراق
والي لكيناه الا على خطوط التركيه
والاردنيه تتاخر لباجر بالليل
خيرني بينهن واحترت وهو قرر ان باجر نرجع على الخطوط الاردنيه وحجزنا
على باجر ...

وبطريق رجعتنه اخذنه جنط سفر اكبر
من الي عدنا ورجعنا رابنا بيهه غراضنه
وصارت رجعتنه ب٣ جنط سفركبار وجنطه ايد ...

واويلي من دخلنا حديثه جريت النفس براحه ماكو اريح من الوطن ..

دخلنا المنطقه بالتكسي ومعارف الشيخ بداو يرحبون بينه من بعيد ..
جان وكت وصولنا ويه الغروب
جراح تلكانه يركض ويصيح ...
- جدتي عاود ابوي عاود

ركض لحضن ابوه وهو شاله ويشمشم بي
عفتهم ينزلون الغراض ودخلت متلهفه لبنيتي ....

تلكتني الشيخه من الباب تحضن وتبوس
وبعدها دخلت واني اسالهه بنتي وين ؟؟

وماانتظرت منهه جواب كبل دخلت واصيحلهه
- وينج غلاتي بنيتي
- نايمه البنت ما تصحيها الحين بصوتك اكعدي تريحي

ردت ادخل لغرفه الشيخه ونزلت ام جراح من الدرج وتحجيلي وهي تنزل

- الحين جايه وتذكرتي بنتك دخيل الله بعد هالسفر والفرفره الحين تذكرتي عندك بنت شامرتها وماشيه تتمعشكي
- ام جراااااح كفي لسانك هالحين عاودو ما تبلشي

عفتهه ودخلت لغرفه الشيخه وشفت بنيتي نايمه بالكاع وذبلان وجهه وعلى كصتها واديها كمادات ..

ركضت كعدت يمهه وشلتهه لحضني وابوس بيهه وهي حرارتهه عاليه
واني ابجي واكعد بيهه وبالكوه فتحت عينهه وهمستلي ماما بصوتهه التعبان
واني سمعتهه هيج لو كل البجي نزل عليه
ضليت عاصرتهه بحضني وابجي والوم بنفسي شلون عفتهه وسافرت ...

ماحسيت الا على الشيخ وهو يجرهه من ايدي ويرجعهه لفراشهه .. واني مجلبه بايدهه وابجي وهو صاح عليه ...

- بسسسك يولي وش هالمناحه !! هيك استلمتي البنت بالبكي والولوله اذكري ربك البنت مابيها شي

- خالد بنتي مريضه واني مو يمهه مو كلتلك نرجع من بارحه والله عرفت بيهه شي عرفتهه مريضه والله

- عين الله عليها الحين هي بس تدحكك حدرها تعاود عافيتها لا تضلي بهالبكي وتفاولي البنت

- خلي ناخذهه للدكتور

- ول احكيلها مابيها شي البنت مرشحه وصابتها حمى هين داويها لا تشلشي الامه

دنكت على راسها ابوسهه وسمعت جراح يكولي ...
- عمتي انا داويتها ماتخافي عليها جبتلها الطبيب هين الصبح والله وحكالي انها تصير زينه من تشرب الدوا وجدتي شربتو الها الحين تشفى
- ان شاء الله
- هي بنتك راسها يابس انا محذرها ما تلعب حدر البطات وهي تغافلني وتمشيلهن وانا عرفتها مشتلهن ورحت اكضبها وهي حدرت علي تبكي ومبلله نفسها و انا ما اخذتها لجدتي تغيرلها لااا صرت اتكاون معها وبكيتها ازيد وضلت هيك مبلله انا اسف عمتي ماعيدها معها والله ماعاد اتكاون معها

جريته حضنته وبوسته وهو مدنك راسه كدامي واني كلتله ...
- هاي مو جبتلهه الدكتور هسه تصير زينه وترجع ادير بالك عليهه
- ايييه والله اداريها عدل ومااغفل عنها
- سبع انته بطل

ابتسم بخجل وراح وره ظهر ابوه واني رجعت ابوس بغلاتي واتلمس وجهه وركبتهه وقريت الشراب الي يمهه مال خافض حراره والثاني مال مغص

كعد يمي الشيخ وشاورني ...