#شقراء_بغداد

بارت_٥٧


دخل الشيخ وشايل ابنه رماح ويباوعلي ويبتسم .. رحت يمه سلمت عليه وهو كالي ..
- تينه ولدي ودي يضل هين حدر اخوتو
ما يزعجك هالشي ؟
- لاااا ياعيني شلون يزعجني .. كل الهلا بي

اخذته من ايده وهو كبران ومدنفش
وكلش هادىء هالولد ما ينسمعله صوت
حضنته وكلت للشيخ ..
- منو جابه ؟
- انا ارسلت على خوالو هالصباح وهمه الحين يلا جلبوه لي كانت نفسي عندو وماتحملت ولدي يعيش بعيد عن عيني
- حقك والله .. هم خطيه هو فقير ماله حس وضال وحيده هههه هالزوج عالنين عليه الحرب
- لزوم يتغيرو معو احكيلهم هالشي وان ما فاد انا افهمهم عدددل
-لاا لاا يفهمو هسه شبيك عليهم ياعيني
تعال خلي نتعشى هسه
- لااا كلو انتو بالعافيه انا لزوم اعاود الديوان رجالي ينتظرو وعيب توخرت عنهم
- هاا زين لعد ارجع من وكت عفيه مو تتاخر
- ان شاء الله .. يلااا ديري بالك عليه
- تدلل

بوس خده وراح .. اخذته ورحت يم جراح وغاليه وهمه وكفو لعب وضلو يباوعولي .. ضلييت احاجيهم وافهمهم رماح يضل وياهم بعد ميعوفو وغاليه متقبل اخذتهه على جهه وكلتلهه ..
- كل ما تدارينه وتلعبينه وياج اكثر راح يسوولج بيت حلوو وجبير بالجنه وهسه جراح يلعب وياه اكثر وياخذ البيت وانتي كلشي متحصلين

رأساً صاحت لاااا وراحت ركضت على رماح وتحضن بي وجابتله مكعباتهه وضلو يمه وهو شينطوه ياخذ وشيكلوله يسوي هادىء وماله حس .. رغم عمره ٣ سنين بس ابد مو حرك ...

خليت الاكل واخذته بحضني اوكله قبل لا اكل وافكر بام جراح هسه شلون ضلت بدون ولدهه ؟ هي متعلقه برماح شلون دزته هيج ! خاف الشيخ مهددهم ؟
ضلت الافكار تاكل براسي وكل شويه اباوعلهم واكول شذنبهم خطيه بدون امهم ضلو وضاك صدري عليهم ...

ولحد ما رجع الشيخ واكل وسبح وارتاح
وضلينه وحدنه بالغرفه سألته ..
- خالد ضل بالي شي حباب تحجيلي عليه بدون متضوج
- اييه وش هو
- ام جراح شلون حتصبر بدون ولدهه ؟
- تصبر ماعليهه شي
- لاا خطيه والله هيج كلشي انحرمت منه
- من يدها مااعيل مع احد انا
- زين شناوي عليهه ؟ الى متى تضل هيج بعيده عن جهالها
- مادري للحين ما قررت بوضعها لكن بالاول خلها تعرف كيمه الي كان بيدها وخسرتو
- والجهال شلون
- تييينه الجهال ارسلهم لها لو ودهم امهم ماامنعهم انا لكن عيشتهم حدري ولدي ما يربو عند الخال وراسي يشم الهوا
لو مضايكك وجودهم هين احكي وارسلهم عند امي
- لااا والله مامضوجيني شبيك خالد يعني متعرف شكد احبهم ! شنو هسه قابل تغيرت عليهم !!! ماتعرف يعني بمعزه جراح عندي لو رماح الي من قبل اني اروح واجي عليه واذكره بكل شي
- عجل سدي هالسيره
- مسدوده هالسيره عيني بس انته شدعوه هيج عصبي اني سألت من خوفي عليهم
- تينه الي عليكي داري ولدي وبس
وغيرو انا اتكفل فيه زيييين

كالها ودار ظهره عليه وتغطى بعصبيه
ضحكت وتدنيت يمه وخليت ايدي على وجهه وكلتله ..
- وانته متريدني اداريك !
- مااا ودي شي انااا عوفيني انسي بس عينك عليهم
- ليش هالاعصاب ياعيني والله مقصدت اضوجك بس غير افتهم منك شيصير
-ههههه يولووو ابعدي هيك واحكي هالحرف لااا بنص اذني تخليني اهج الحين

طكيتهه بضحكه وهو اندار يباوعلي ويضحك وكالي ..
- عمري كلو اوصي فيكي ماتفهمي انتي
عجل احكيها بالقلم العريض يلا تجوزي عنو
- ههههه ماكدر شبيك
- يالله دحك هالحين انا من يحتركو اسلافي واتسرسح بالشوارع بهالليل احد يلومني !!!
-هههههههههه راح اسكت والله نام ماحجي شي بعد
- ما تعرفي انتي لو ماتحكيه وتخليه يدك براسي نامي لااا والله الحين اكضبو للسانك واعدلو بيدي .. ياويلك لو حكيتي هالحرف بعد
-صار
- هااااا يولو ماتجوزي انتي انااا عارف ماتجوزي
- نسييييت والله ههههه راح اسكت

جريت الغطى وتلفلفت وضليت اضحك جوه البطانيه وهو يدثرني بي ويكولي
-اسكتي يولو خلي هالشياطين مربطه
- ههههه ساكته والله والله ساكته
- راح انام لا تتكربي حدري ولا اسمعلك نفس
- ماشي تصبح على ...
-على شوو هااا
- عافيه عافيه
-ههههههههه وانتي من اهل العافيه
اااخ ربي شبليتنا بهالحرف شبليتنا

انطاني ظهره وتغطى واني ضليت احوص مداعرف انام .. رحت طلعت اشوف الجهال خاف مكشفين ..
تطمنت عليهم ورجعت اخذت حبايتي ونمت ..

ثاني يوم جمعه حضرت غدا من وكت واخذت الجداري ورحت لبيت الشيخه
هناك صبينا وسوينه سفره مرتبه وتغدينا كلنا سوه وبعد ماراح الشيخ اخذني جراح
وصعدنا لغرفه امه فوك حتى اطلع ملابسه مال الدوام واحضرهن اله لا باجر يبدأ دوامه ...

واني اطلع ملابسه اباوع للغرفه مرتبه بس كئيبه بيهه كل شي من احسنه بس ما بيهه روح .. اخذت غراضه ونزلنا ورجعت لبيتي كويتله ملابسه وحضرت جنطته وصرت افكر اخليهم ينامون يمنه بعد .. اضوج اشوفهم بالهول نايمين ..

وبالليل حجيت ويه الشيخ وقبل انومهم يمنه ...
بس الي اعترض هو جراح .. مقبل ينام يمنه بالغرفه وكالي اخذيهم يمج بس اني بعد انام يم الشيخه ..

وقبل مااحجي اي شي الشيخ شجعه على هالشي ودزه هناك ويكول البيت فارغ يضل عندهم احسن ...

صرت افرش لغاليه ورماح بالكاع واضل كل شويه اباوعلهم خاف تكشفو واكوم اغطيهم ..

الشيخ ساعه عصبي وساعه يسكت ميحجي شي حتى لو الح وياه بالحجي يتجاهلني لو يختم كعدتنه بكلمتين ويطلع لو ينام ..
واذا اضل اسأله شبيك ليش هيج وياي يصيح مابيه شي مابيه شي ويطلع وره شويه يدزلي بيد جراح علاكه بيهه شويه حلويات لو يدز ورده بيد غاليه ..
يخليني اضحك وانسى عصبيته ومن يرجع كأن مصاير شي ...

مهتمه بكل تفاصيله .. كل يوم الصبح احضرله ريوك شكل واوكله بايدي والبسه الشماغ والعباه وحتى الحذاء
وهو يبوس راسي ويطلع .. والظهر
لازم ساعه ١٢ كلشي مخلصه .. التنظيف والغدا وسابحه ومتعطره ومرتبه شعري ولبسي واتلكاه بضحكه واحضنه واعوفه يروح للغرفه يبدل اني اكون محضرتله ملابسه على الجربايه بس يلبس ويطلع
يلكى الغدا ينتظره .. وباليوم الي الجهال يتغدون ويانه تكون بيني وبينه مسافه
بس من همه ماكو اكعد بصفه واضحك واشاقيه واضل حاضنته وكاعدين شويه وره الاكل وبعدين ينام على ايدي والليل كذلك كلشي محضر ومرتب اله ..
الحمام والحلويات وكلشي زين بيناتنه
ماعدا تقربنا باقي على حد حضن مو ازيد

رحت للدكتور وانطاني محلول امسحه على الاثر بالكطنه كالي هذا مقشر للجلد
ابقي ربع ساعه وافرك المكان يتقشر الجلد كله وبعدين اخليله عصاره ادهن الاثار بيهه مرتين باليوم بس التقشير
٣مرات بالاسبوع ...

شفت باول اسبوع فرق وجان دائماً الشيخ
يطلب مني اشوفه الجرح وين ومااقبل
ونتعارك على هالشي يصير عصبي يعوفني ويطلع ومن يرجع احاول وياه واصالحه بس يضل يكولي انتي بعدج بعيده عني رغم اني ماطلبت منج شي
واشوفه حتى حجيه ثكيل وياي ..
ما هان عليه يضل بخاطره شي رغم اني
اموت قهر لو شافهن بس تحملتهه وتعمدت هالموقف ....

بالليل هو كاعد يراجع لجراح بالهول واني رحت للغرفه لبست ثوب ربع ردان
وكصير ورفعت شعري وضليت فاتحه الباب شويه واباوعله انتظره شوكت يجي
وضليت انتظر وانتظر واتافف وهو مندمج ويه جراح ولحد ما كملو وراح جراح يلا طفى التلفزيون واجه باتجاه الغرفه واني بسرعه لزمت العصاره واخذت منهه شويه وخليتهه على الاثر الي بالزند وسويت نفسي منداره ومااشوفه ... وضليت ادهن بيهن وحسيت على ايده تلمست الاثر واني كلبي يرجف غمضت عيني بقوه وبعدين انداريت عليه وابتسمتله وهو عينه ضلت على ايدي
يتلمسهن وحده وحده واني عاصره طرف ملابسي بايدي ومبعده عيني منه ..
كالي ...
- بسيطات ليه رفضتي ادحكهن
- مادري بس ماردتك تضوج منهن
- ما يغيرنك عندي يولو

جر راسي لحضنه وكالي ..
- كيف صارت هالجروح ؟
- بالكزاز
- احبك انا والله
-ههه تعرف شلون تغير مواضيع
- ماتحبيني انتي يولو

رفع ايدي لوره ركبته وضليت هيج اباوعله وعيني بعينه واردد هالسؤال ببالي .. هاي المره الاولى اليي يسألني هيج ... اخذتني لمعه عينه وهدوءه ولكيت نفسي اكوله ...
- شلون مااحبك
- ايييه

جرني لحضنه اكثر وقرب وجهه مني ويكولي ..
- وبعد
- خالد
- لااا ما تنفع بعد هالموضوع ماينسد
-هههه
- احكيلي يلا

ضحكت وميلت راسي عنه وهو سحبني اكثر اله ويأشرلي بحواجبه .. كثر الخجل الي تشبع بيه بهاللحظه كثر ما احساسي برجفه الكلب والدكات المتسارعه يزداد
كل ما تقرب نفسه من وجهي وتلمس ظهري باطراف اصابعه بهداوه ..
رجع كالي بنبره صوته الهادئه ...
- تحرميني سماعها بعد !
- لااا
- عجل !!

ضل مخلي عينه بعيني ومبتسم ولمعه عينه بهالقرب كأنها غيرت كل موازيني
مالكيت نفسي غير اكوله ..
- احبك
-والله؟
- ههه والله احبك
- بعد ما شبعت سمعي
- هههه كافي

ردت اوخر وهو رجعني اله وضل مقرب وجه مني ويكولي ..
- اسكي هالعشك تينتي اسكيه بكثر حبك
لا تضلي بعيده عني وكريبه انا ما ودي جسمك ودي كلبك هذا الي اعاتبك فيه والله ماكصدت جسمك ولا اكربلك لو ماانتي تطلبي لكن كلبك ليه تحرميني منو!!
- مااحرمك منه بس ماعرف يعني كلشي صار بسرعه
- مايهمني الي راح تين .. انا ودي اعيش عمر جديد بحبك وللحين ماحسيت اني بديتو
- ليييش !!
- من الاول حكيتلك انا انتظر اليوم الي ادحك نفسي بعينك وهو صار ودحكتو لكن انتي بعيده عنو .. ودي احس روحي تلامس روحك تينتي ما ودي جسمك والله
- فهمتك اي
- لاا ما فهمتي .. انا من زمان منتظر هالوكت الي افهمك فيه انك لو فتحتيلي كلبك لحبي فهو ما يعني اني راح انكث بوعدي الك .. افهميني ياتينتي احس الحب حدرك كفيل انو يغنيني عن هالعلاقه لاخر العمر والله ماتهمني كثر ما يهمني ادحك اني الوحيد الي ملك كلبك
يهمني ادحك نفسي غير عندك .. حبك ياتينه حبك هذا الي انا صابر عليه مو جسمك وحك الحك

جان لازم ايدي ويحجي وعينه بعيني
كل كلامه توثق عليه نبره صوته ولمعه عينه .. بس ضل بالي سؤال وسألته ...
- وعصبيتك وياي ليش ؟
- لاني كل يوم اصحى وافكر هاليوم
راح يكون غير عن الي كبلو معها لكن ادحكك نفس الشي ..

بعيده رغم كربك وانا هالشي اكرهو ياتينه اكرهوو ياتكربي ياتبعدي لا تضلي بين بينين
هين انا ماتحملها لاني ماعرف كيف اتصرف معك بهالحال ..
لا انا الي ماخذ راحتي معك كحبيب ولا كزوج ولا الي ضالين اصحاب مادري هيك كلها شبكت واحترت انا اي واحد منهم عندك ؟؟

وخر مني وضل يزفر النفس بقوه
رفعت نفسي وتعلكت بركبته وكلتله ..
- كلهن اني اعيشهن وياك بس ماكو احلى من حبك

ميل راسه وباوعلي وعاكد حواجبه
خليت راسي على جتفه ودرت وجهي عنه وصرت احجيله ...
- مااجذب عليك واكولك ماتخوفت من افتح كلبي الك واصلاً قبل جنت شاكه اذا اكدر املكك كلبي ماتوقعتهه تصير والله
كل ظني اكدر اعيشك براحه ودلال واخليك بعيوني وماحرمك من شي بس
هنا لكيت نفسي سبقتهن كلهن من حسيت بدكه هالكلب
- ماكان ودك تحبيني بيوم !
- ماجنت اريد ادخل بالحب لاني اخاف اتاذى منه وانخذل خفت اصير ضعيفه لو فتحت كلبي لذلك اتجنبته وقفلت على هالسيره
- اييه؟!!!
- بس حسيت من ايام ان هالباب نفتح من جديد وبكل هدوء وبدون مااحس من ياموقف او يا كلمه لكيت نفسي تدريجياً
افتح هالباب كل مااباوع للمعه عينك وياي
كل ما اصفن على تفاصيلك من تنام على ايدي
- متندمه عليه ! تمنيتي لو انه ما صار؟
- لااا لاااااا اني مطمئنه بي مطمئنه لان كلبي بيد شيخ مايشوف بالدنيا غيري
اعرف بي ميأذي هالكلب ويسعده كل العمر .. اني واثقه بيك وبحبك وبشهامتك وبحكمتك اني من يوم عرفتك اشوف كلشي من نظرتك لو كلتلي هذا المي اسود مااناقش بي ادري بكلامك غايه واعترفلك جنت محتاره بهواي امور بالتعامل وياك
بس رتبتهه كلهه بحجيك وياي ومن فهمتني شتريد اطمنت لاني غايتي مثل غايتك
- اهاا يعني وش غايتك ! فهميني ؟
- غايتي يعمر بينه حب قوي بعيد عن الشهوات وساعه ماعرفت غايتنا وحده
انفتح هالكلب الك على وسعه

تلمست خده وباوعت لعينه وابتسمت
كلتله ..
- ازرع كلبك بي مثل ماتمنيت والله مايستاهل هالكلب غير خالد

ضحك وباس راسي وكالي ..
- اخلدك فيي والله

اخذ ايدي بوسهه وحضني قوي ويكولي ..
- الحيييين ارتاااحيت يالله كلامك كأنو مي الفرات ونزل على كلبي وروحي محى منها تعب السنين .. ويييين كنتي يولووو وييين كنتي بعيده عن كلبي وعيني
الحين ابتدا العمر والله بهاليوم ابتدا

- اعيشك احلى عمر وداعت ربيع عينك

ضحك وصار يفتر وحاضني ..
تمدد على الجربايه وجرني لحضنه
كلتله ...
- الجهال وحدهم بقو خلي اجيبهم انومهم
- ودي نحكي للصبح لاتنوميهم هين
- لاا شلون خليهم ينامون ونكعد بره نحجي خطيه اخاف عليهم
-زين زييين يلا نوميهم بالعجل
-صار

فرشتلهم ورحت للهول اخذت الدفاتر والاصباغ المطشره بينهم وخليتهن على جهه وشلت رماح واخذت غاليه تغسل وتفرش اسنونهه وبعدين اخذتهم نومتهم بفراشهم وضليت متمدده يم رماح لحد ماغفى يلا رحت للشيخ ...

فتحلي البطانيه واشرلي اجي يمه ..
تقربت ونمت على ايده وهو قربني اكثر
كلتله ..
- ماتريد نطلع نسولف
-لاا غيرت رايي ودي انام على ريحتك
-هههه اي احسن

خله وجهه بشعري واني راسي بركبته واحس اني املك امان الدنيا بقربه هذا
وصرت اطمع بي واريده بكل وكت
من بعد هالليله تغيرت حياتنا للاحسن
اني نفسيتي ارتاحت واطمئنت اكثر من خف عليه ضغط العلاقه جنت احس عصبيته ونفرزته دائماً بسببها واحس لازم استعجل بالعلاج واضغط على نفسي اخاف بيوم يتعب ويتغير وياي بعد واخسره .. بس هو ثبتلي ان هالظنون كلها خطأ وثبتلي انه كد كلمته من كالي
ماريد جسمج الي يهمني كلبج ..
فعلاً هو ساعه الي اطمئن من ملكه تغير جذرياً ...

صار يطول بالكعده وياي بالبيت ويتشاقى وحتى بالمطبخ يوكف وياي يااما يترس مي او يغسل خضورات او يكعد يسألني هاي شحطتي هنا وشسويتي لهالاكله وهيج طعمهه ودائماً يكولي وكليني اضوك بالاول يلا تصبين ..
وكل مااوكله ماينطي اضافات يكولي اي طيب يلا صبي ...

هو يشيل الصينيه ووصاني نتغدا سوه وحدنا بالاول وبعدين يطلع هو واصيح الجهال اغديهم ..
على الاكل يصير ياكل لكمتين ويجي يخلي بحلكي شويه يكولي هاي على كدج
ولازم وره الجاي حضنه طويله يسميهه
تصبيره الديوان ...

والعشى مو دائماً يمنه بس يعوضهه من يرجع حتى لو الجهال موجودين يحضن واني استحي من عين جراح بس هو يكولي خليهم يتعودو مااضل اتختل بحضنك ...

من نكعد يم الجهال لازم بصفه اكعد
ويطلع من جيبه ككو بشكل درهم مغلف بكاغد ذهبي يخلي اثنين بحضني والباقي ينطيهن للجهال ...

اني اخذ عضه منه والباقي اوكله اله
وارجع افتح الثانيه هم نفس الشي ..

وكت النوم الا العب بشعره لو اضل اهمس باذنه بالكلام بهدوء يلا ينام واذا ماصارن يضل ينتظرني لحد مااجي يمه واسويهن يلا تغمض عينه ...

مرتاحه وياه ومرتاحه بدلاله وحبه بس نظره عينه ساعه الي يشوفني تكفيني
عن اهلي والدنيا كلهه .. يشوفني بيهه
شكد مميزه عنده ويحسسني كأن ماكو غيري مره .. للحظه حسيت اني تغلبت على كلشي وعشت براحه ... حتى جلساتي ويه الدكتوره تمشي باريحيه

ملتزمه بكل تعليماتها والادويه واجاوب لكل شي تسأله واتفهم كل تفسير تحجي
واشارك الشيخ مرات شغلات منهن
بس غلب هالمسير كله لحظه غير متعمده
رجعتني لشهووور تعبت حتى اجتازها ..

بعد الغدا رحت انظف المطبخ واغسل مواعين واجه رماح يركض وصار بين رجليه وغاليه تركض وراه ويروحون منا ويجون منا وهوستهم شلشتني خلتني اندار بسرعه من السنك وبالتفاتي ضربت ايدي بماعون جنت غاسلتهن و جافيتهن على السنك والي صار وكع الماعون يم رجلي وصوته تركز بسمعي ...

حسيت ان اطرافي تجمدت ساعه الي انكسر وضليت صافنه على القطع المتكسره واتذكر هذيج القطع الي جانت داير مدايري وبايدي اكسرها والي كملها
غاليه وهي تشيل بالقطع المكسره وتباوعلهن ... خلتني اعيط عليهه وجفلت عافتهن وركضت بره المطبخ ..

ضليت مجلبه بالسنك واحس راسي صدع ونفسي ضاق وجسمي كله يرجف
حسيت على الشيخ جرني لحضنه بس اني عيني بعدهه على الكاع اباوعلهن وصار
يهزني ويحاجيني بس مااسمعه ماافهم شديكول صوت تصفير باذني والتركيز بدا يقل عندي ...
حسيت على رشكه مي بوجهي خلتني اجفل واركز نظري واباوعله وهو استمر يغسل وجهي وايدي بمي بارد وبعدها
كالي ...
- تسمعيني ؟ احكيلي تسمعيني!
-اي ايي
- اهدأي يا يابه اهدأي كلشي بخير وماكو شي يستاهل الخوف
- ما كدرت .. ماكدرت اتجاهله حتى هسه ماكدرت

ضليت ابجي بحضنه وهو يطيب خاطري ويحاول ينسيني الصار بس اني حسيت فشلت ... كل هالتعب الي بذلته بالعلاج
كله مافاد وموقف واحد خلاني انهار ولو ما تدخل الشيخ جان انهاريت اكثر مثل قبل ...

اخذني للغرفه نومني على ايده وضل يمشي ايده على شعري ويطمني ماكو شي ..واني ادري ماكو شي بس صار الي صار .. اريد مايصير هالشي من هو ماكو شي مااريد اخاف واقل صوت ياثر بيه لهالدرجه ...

ثاني يوم اخذني للدكتوره وحجيتلهه الصار كلتلي اذا تكرر احسبي تنازلي من ميه للعشره ... وضلت تحجي ويه الشيخ
واني كاعده بره واحس نفسي بعدني تعبانه من موقف البارحه ...

رجعني للبيت وطلع للديوان ضليت بس متمدده واحسب تنازلي كل شويه لحد ماتعبت ونمت ...

لليل هم جراح صعد على الدرج ووكع من اخر بايه علبه حديد بيهه دعابل وصار صوت يزعج يزززعج خلاني اكعد بالكاع واضل ساده اذني متحملته
احس كل جسمي ينتفض بسماع هالاصوات ...

ضليت اهدأ تفسي بالحساب اركز واحسب من الميه تنازلي واعيدهن لو غلطت لان بلحظه يسهى تفكيري وبلحظه يثبت ... لحد ما هدأت شويه اني جسمي مرتخي وتعبانه بس اريد اتمدد وعفت كلشي ورحت تمددت وراساً نمت ...

جان هالصبر على النفس صعب صعب الى اقصى حد .. اتمالك نفسي واني اصب دموع واحاول احافظ على عقلي بهالزمان لا يرجع للماضي اثبت تفكيري بكل الطرق حتى لاانهار بالذكريات
صح كدرت اقاوم شويه بس ضريبتهه
تعب وخمول بالجسم متواصل لايام
حتى جلسات مرحت بعد ماعندي حيل
مكضيتهه بس نايمه وحتى حجيي قليل ويه الشيخ وهو متفهم تعبي وساندني بهالفتره ويحاول يغير مزاجي بكل شي يكدر عليه بس اني قفلت عندي الحاله هنا
ماكدرت ارجع لنشاط قبل ضليت خامله وتعبانه ...

بعد اصرار الشيخ رحت للدكتوره وضليت بس كاعده واستمعلهه وهو يمي ما طلع .. صارت تعلمني شلون افكر بايجابيه وشلون احاول اواجه الصوت للاخير بدون حتى مااحسب او التجىء لاي شي ثاني ...

وثاني يوم العصر طلع الشيخ واني جنت اريد انظف الغرفه .. و وكفت امسح المرايه وعيني تركزت على انعكاس شكلي بيهه ...

شفت شحوب وجهي شلون تغير عن هذيج الايام واتذكرت روحي شلون جانت عفويه وطليقه ومرتاحه وهسه داشوف اثار الزمن والصار هدم كل حلو بيه
كلهه تجمعت براسي بهاللحظه وفقدت اعصابي ..

كرهي لنفسي وضعفي ولايامي وهذيج الشهور كله هاج مره وحده ...
شلت شكو شي على الميز ركعته بالمرايه وصوت تكسيرهه زادني وجع وفقدت اصيح واكسرهه اكثر اريد هالشي ينتهي
تعبت منه تعبت ...

ضليت كاعده بين اكوام المكسره بالكاع وابجي واعصر براسي . .

سمعت صوته وراي وماهتميتله
اجه حضني وخرته مني وكلتله ...
- روووح عوفني رووح لجماعتك لاتضل يمي
- ليييه ياعيني لييه ماتريديني حدرك !
- ماريد تشوفني هيج روح عفيه الله يخليك عوفني
- مااتركك والله مااتركك اتعبي وكسري وصرخي كد ما ودك انا مااتركك ولا اخليكي تبعدي عن حضني

ضل حاضني ويبوس براسي واني بس ابجي واكوله ...
- شسوي بعد فهمني شسوي اريد اخلص اريد اطلع من هالفكر تعبت والله ماكدر اتحمله بععععد والله ماكدر
- حكك ياعيني حكك بس اصبري كلهن ايام وتعدي انتي اقوى من هالتعب انتي
الي صبرتي عليه هالسنين كلها ماتصبري كم يوم بعد !!
- ماكدرر
- لااا تكدري تكدري حرمه الشيخ تكدر
على كل شي تكدر ... دحكيلي تينه
دحكيلي وركزي اسمعيني

لزم جتافي بقوه وضل مركز بعيني وكالي ...
- انا ما تزوجت حرمه ضعيفه ..
انا حرمتي شجاعه واجهت صعاب الدنيا وصبرت وكدرت تعيش وتعيشني معها

كلب الشيخ مايختار الضعاف يولو اختارك لانك كويه وشجاعه وعندك اصرار ماتستهيني بنفسك انتي اكوى حتى مني .. انتي مو ماتكدري انتي بس تعبانه شويه .. الحين ترتاحي بحضني وتنامي ومن تصحين ترجع كوتك نفسها
انا ايدي بايدك مااتركك لحين ماتوكفي على حيلك مثل اول

وكف وكومني واخذني غسلت وراد ينومني بالهول كلتله ...
- لاا اريد انظف الغرفه
- اتركيهاااا ارتاحي الحين
- لاا اني اريد اشيلهن بايدي مااريد اكعد الكاهن ماكو اريد اغيرهه اريد اشيلهن
عوفني

عافني ورحت اذت سله الزباله وضليت المهن وامسح بالدموع وهو واكف بباب الغرفه يباوعلي .. لميتهن كلهن ومسحت الميز والكاع ورحت اريد اغسل بس وصلت المغسله دخت وخلصت هنا كل طاقتي الي واجهت بيهه ...

شالني للغرفه نومني ولحد ما صحيت هو يمي لكيته متمدد وغافي ..
ضليت صافنه واتذكر الصار وحسيت اريد انام بعد ماريد اكعد .. وانداريت وغطيت راسي وكملت النومه لثاني يوم
حسيت الفجر كعدت قبل الصلاه وهو حس عليه وكالي ...
- هاا ياروحي شلونك اليوم
- الحمدلله زينه

وكفت اطلع ملابس من الكنتور وهو كعد وكالي ...
- وش رايك نصلي هالفجر بالمسجد
صار زمان ما مشينالو سوا

هزيتله براسي موافقه وهو اجه باسني وراح يغسل ...
بدلت ملابسي وتوضيت ولبست العبايه وطلعت وياه للمسجد ...
نمشي والجو بعده اظلم بس صوت التكبير بدا يعلى واستعجلنا بمشيتنا
صلينا الفجر وكضيناهه تجويد القران لحد الشروق وبعدهه ضليت اسبح واستشعر هدوء هالمكان ومن نزلت شفته شايل ورده صغيرونه بيضه ويفرهه باصابعه
وكفت يمه وهو ابستم ومدهه الي وكالي ..
- تقبل الله صلاتك
- تقبل الله اعمالك حبيبي
-يااازين هالكلمه والله .. الحين بانت شمسنا

ضحكت وشتميت الورده وكلتله ..
-شكراً
- تدللي يابعد اهلي تدللي

ابتسمت بخجل وطلعنه .. باثناء مشينا كالي ..
- الحين احسن ؟ نفسك مرتاحه اليوم؟
- اي احسن .. الحمدلله فرق عن هذيج الايام
-الحمدلله
- ضجت مني الله عليك
-والله لا انا بس خفت عليكي مابالي غير الخوف على صحتك وراحتك
- ولا بأي شي ضجت ابد!!!
-اي بالله ولا شي ضوجني منك .. انا كل الي يهمني ترتاحي والصراحه الصراحه
-اييي
- اشتكتلك تعودي فراشه خفيفه هيك بالبيت وتسري عيني بطلتك ماايرضيني ذبولك تين

ابتسمتله وكلتله ...
- الله لا يحرمني منك
-ولا يحرمني هالبسمه

وصلنا للبيت وحضرت الريوك اكلنه سوه وضليت مخليه راسي على جتفه ولازمه اصابعه امشي اصابعي عليهم بخفيه وهو هادىء وبس يبوس راسي كل شويه ببوسه خفيفه وبعدين كالي ..

- تينتي كومي نطلع بره شويه
-ماشي

طلعنه وهو جان شايل كلاص مي بايده
شربه وانطاني الكلاص وكالي ...
- اكسريه
-شنوو
-اكسريه يلا
-لااا عفيه لااا
-لااااا اكسريه يلا ليه الخوف اكسريه الحين مثل ماكسرتي البارحه كسري اليوم يلااا
-ماريد
-يلااااااا اكسري لاتعاندي تين اكسريه يلا

ضليت لازمته ومتردده وهو ملامحه تغيرت للعصبيه وعلت نبره صوته
وضليت اتصفن وهو صاح بيه يلااا
يوووولي .. عاد ضربته بالحايط وضليت مغمضه عيني قوي وسمعت صوت كسرته الخفيف .. شويه وجان يكولي..

- دحكيلو الحين

فتحت عيني شويه شويه وباوعتله متطشر بس اني هادئه .. كالي ...
-امشي لميه يلا بالعجل

رحت اخذت المكناسه ولميته وغسلت ورجعت يمه وهو لزم ايدي اثنينهن وكالي ...
- هاا دحكتي كيف انك تجاوزتي هالصوت والخوف
- معقول ! يعني كدرت !!
-ايييه كدرتي عجل الحين مو مرتاحه وباريحيه تعاملتي معو
-ايي
-ايييه دحكتي كلشي بيدك وتكدري عليه
انتي الي كسرتيه ولميتيه وماخفتي ولا ترددتي رحتيلو بخفيه لييييه لانو مايسوى الخوف وانتي كدرتي تتحكمي بافكارك ناحيتو

ضحكت وكمزت حضنته واني اكوله ..
-ايييي اييييي كدرت والله ماخفت ابد ابببد
-ههههههه ماحكيتلك تهون وتكدري ياعيني

بوست خده وهو يضحك ورجعت حضنته
واحمدالله واشكره كدرت اتجاوز هالموقف بقوه .. يمكن هو شي عادي عند الغير بس اني هالشي مسسبلي كابوس بحياتي وتحملي اله انتصار بحد ذاته

رجعت بهالموقف ثقتي بنفسي بتكميل العلاج واصريت اكثر على النجاح
ودخلت الشهر الرابع من العلاج

تجاوزت بيها هواي اشياء والاثار قلت بهواااي وضلت شي خفيف وبعضها انمحت وجربت اكثر من مره ان اواجه الصوت نفسه وكدرت اتجاوزه وكل فرحه بتقدمي خطوه جان يشاركني بيها الشيخ ويفتخر بيها كأنها اعظم انجاز
وهيج ختمت مشكله رهاب الاصوات
وانتقلت مواضيع جلساتنا الى الخوف
وكره العلاقه ....

#شقراء_بغداد

بارت_٥٨


الحادي عشر من اذار للعام السادس والتسعين ...
في عشيه هذا اليوم اجلس عند النافذه التي تطُل على الباب الخارجيه انتظر مجيء ملك هذهِ المملكه ليملىء اركان منزلي من ربيع عينيه سعاده واطمئنان
هنالك حفيف مطر خفيف يهطل بين حين واخر .. يتخلل بعض النسيم البارد من فتحتات نافذتي مصحوباً برائحه التراب المبلل وشيء من عبق الياسمين الذي يزين اركان حديقتي محمولاً كل هذا على خفائف ورق شجر اخضر كان قد نمى في اواخر السنه الماضيه ...
يعيد لي الذاكره لثمانينات الفرح حيث كانت شوارع بغداد تبث هذهِ الاجواء طوال هذا الشهر وتضيف فوق فرحي فرح كأنها تعطي الحلوى لطفل يخرج في الاعياد فرحاً ولعوب بكل الارجاء
بغداد ام الاعياد .. محبوبه كل اديب وقارىء ومضيف لكل مهاجر ..
كما يلقبها والدي
... بغداد خاتون العراق ...
مضت ست سنوات على فراقها ولم اشعر انني بعيده عنها لم اشعر انني افتقدت وطني .. حديثه كانت كفيله بملىء فراغ كان سيكبر ببعدها
اعطتني نفس الاجواء ..بغروب شمسها وزرقه سمائها ولطف اصحابها واعطتني نفسي بذلك المعطف الابيض والثوب القصير والشعر المرفوع بعنايه والخد المتورد والضحكه المشرقه بين غيوم الشتاء والخطوات الواثقه كأن العالم برمته ملك يميني ..اسير على ارجائه بطفولتي واول الشباب وهو يشرع لي ابواب الامل لدخوله
كلها قد اهدتني اياها بكامل الامتنان
حين القتني عند شجره من املاك
ملكٍ اصبح على حملي لمملكته عاشق
وبعظيم عشقه اعاد لي عظيم ما فقدت
اليوم انا في حضره عينيه امرأه لا تشيب
لا تكهل لا يزورها تعب ولا تكبر مهما تعدت من السنين ربيعاً ....
كل يوم ينيره صوته وجمال بسمته
بنطق اسمي الذي اسماني به بكل حب هو تخليد لي عند عمر الشباب ..
كأن الجنه التي نخلد فيها ثلاثيين العمر
اصبحت ملكي اليوم معه ..
كان لي في الماضي عزيز ظننته قد حمل كل ماتبقى من قلبي معه لكن قد توضح لي انه لم يحمل سوى تجربه علمني فيها كيف استدل بطريقي الى من سيملك القلب بكامل الهدوء ورِقه الحضور
كأنه كان اشاره من القدر ليعرفني بها موطني الاصلي ..قد بعثني فيها لمكان خلودي الدنيوي.....

بكامل ما اضحى عليه عقلي من دروس وعبر ومطبات قد اضافت لعقلي عقلًُ اخر من الموعظه ودقه الفكر وبعيداً عن كما لو اني منجرفه المشاعر للحظه
اوثق هذهِ العباره لتكن ختام ما مضى من جهل وتشتت وبدايه لما يأتي من نور صنعه لي القدر ..

لا عشق الا خالد
ولا حياه سواه
❣️❣️❣️❣️❣️❣️❣️❣️

سديت الدفتر ورحت فتحت باب الكليدور بلهفه واني اباوعله وابتسم .. اول ما وصل يمي دنك باس راسي واني حضنته
كالي ...
- حبيبك جوعان
- يدلل حبيبي عشاه حاضر

اخذ بايدي ودخلنا راح هو يحضن بغاليه ورماح واني رحت صبيتله الاكل واخذت الصينيه واجيت يمه بالهول خليتهه ووكلته اول لكمه .. اكلهه وبوس اصابعي وصار هو ياكل ...

حضرتله الجاي المهيل بكثره واخذته اله بعد ماكمل اكل .. صار يشربه ويحجيلي شنو مرت عليه من شغلات اليوم بالديوان ...

اخذت الجهال نومتهم ورجعت كعدت يمه بالهول نباوع تلفزيون وهو شويه وسده من صارو يعيدون الاخبار واللقاءات
ورجع كعد يمي ويكول ...
- بالله اطفشت ارواحنا خلنا ندحك هالحور وش عدنا بالريس

ضحكت وميلت راسي عليه وهو حضني وكالي..
- تينتي هالطبيبه ماحكتلك ايمتى يخلص هالعلاج
- كالتلي ما بقى شي
- ان شاء الله
- ليش شنو ضجت لان طول
- لااااه يولو لكن سفرتي للشام معلكه
انا وصيتو لشريكي يصبر علي هالشهرين وهاي خلصو ومحتار بالامر
- ليش تحتار ياعيني روح توكل وسافر كمل شغلك هسه قابل شكو عليه
- ماكدر اخليكي وحدك والجلسات كيف يولو
- اتفق وياهه نطول الفتره لحد ماترجع او اروح وحدي
- مااااتطلعي لوحدك تيين كم مره حكينا بهالسالفه
- لعد ناخذ فتره استراحه لحد ماترجع
تره تحسنت هواي لتضل خايف عليه
- خلي بكرا نحكي معها وندحك وش يصير
- حبيبي لا تعطل شغلك بسببي الدكتوره ماطايره بس شغلك فرصتك لو راحت مره متتعوض
- الله كريم

ضل صافن شويه واني كطعتهه عليه
اخذته حتى نام وثاني يوم اخذني الصبح
للدكتوره ووصاني اتفاهم وياهه على سالفه السفر شلون ترهم وضل كاعد بره

سلمت عليهه وكعدنا وهي صفنت بوجهي شويه وكالتلي ...
- من يومين خطر بالي سؤال .. ايوب شنو الي منعك من مواصلتو ؟
- لاني ردت حياه جديده مابيهه اي شي من الماضي حتى ايوب ماردتله ايد بحياتي بعد .. لان هو تغير صاحب صاحب عائله ومسؤول عنهم وشغله كبر رجعته لحياتي تزيد الاوجاع اله والي بهذاك الوكت
- يعني ما ردتي تخربين سير حياتو
- اي بالضبط .. هو اكيد صار اب ورتب حياته من جديد بعيد عني ودخولي المفاجىء الهه راح يخرب موازينه
- زين لو هو وصلو خبرك وعرف مكانك وطلب رجعتك معو توافقي؟
- هسه لو قبل
- قبل
- لا مااوافق
- هاا شنو السبب ! كان عشتو حبكم الي ضاع من جديد

- لاا لاا مااوافق ابد حتى لو انه حاجاني باول يوم الي هنا ماجنت راح اوافق ارجع وياه
- اكو سبب لرفضك !!
- اي .. ما تحمل يشوفني بهذاك تعبي وبهذا مرضي .. ما ردت يشوف اثار اختيار ابويه شطبعت عليه بهالسنين
هالشي جان راح يحز بخاطري هواي لو شفت نظره الشفقه منه على وضعي بغيابه
- بس بهالتصرف خسرتي ايوب للابد
- ربحت الشيخ

كلتها وضحكت وهي ضحكت وكالتلي
- عفيه عفييه .. انتي تعجبيني والله
والله تعجبيني
- هههه
- قويه ورزينه عقل .. دحكي انا هالحكي حكيتو وانا عارفه بكل اجابتك لكن خليتك تسمعيها حتى بكل مايمر عليكي من سنين
تتذكري ان حب ايوب وقتي وحب الشيخ ابدي
- ايوب ذكرى جانت بالاول تاذيني بس هسه لو ذكرتها ما اكول غير ربي يوفقه وين ما جان .. يبقى عزيز بس بمكانه الابن اما الشيخ هو مترأس الكلب
- هاالله هالله نيالك يا شيخ ... قارنتي بينهم مره ؟
- قبل جنت اقارن بصفات الشكل لان اثنيهم شكران بس مره وحده قارنت بالحب وهي قبل مااوافق بالزواج منه
وتندمت صراحه لان قارنت
- هاا ليش ؟
- الشيخ وحبه اكبر من ان اقارنه بماضي
- عجل دامو هالحب بينكم كبير يستاهل يثمر بولد يحمل دمكم واسمكم
- ههههههه بقت يمج دكتوره هاي اني ماكدرلهه
- لااا تكدرين تكدرين مثل ما كدرتي على الاصعب منها تكدرين عليها بعد
- شلون دكتوره اني هالشي مو بس اخافه لا كارهته على الي عشته كرهته ولعبت نفسي منه
- اكيد مدام بهالطريقه والتعامل الغلط اكيد تكرهي
- وهو اله طريقه ثانيه !! كل الرجال يعمون بغريزتهم ويتوحشون
- يعني بالضبط فهميني كرهك وين
احكيلي بدون خجل خليني افهم النقطه الاساسيه وين

اخذت نفس وزفرته بقوه ودرت وجهي عنها وصرت اتذكر تفاصيل هالتجربه واحجيلها ...
- اكره عصبيته قوته على ضعفي بهالحظه اكره استمتاعه باذيتي
ملامحه الي تتحول كأنه يريد ياكل هالفريسه ويمثلها بالعض وغرز الاظافر
يتعامل بحيونه ولا كأن الي جوه ايده بنيه صغيره ماتتحمل الهمجيه هاي ..
اكره عدم اهتمامه لرفضي لتعامله القوي
وعدم فهمه لاذيتي ساعه ماهو يستمتع
والاكثر اكره كوني وسيله لتفريغ شهوته اني اكره العلاقه من اولها لاخرها واكره حتى صوت نفسه الي يتسارع بيهه كلشي كرهته من اول ليله وبقيت جابره نفسي اتحمله واحسبهن دقايق ويخلصن هيج مشت السنين وياه احسب وهسه تخلص واصبر بنفسي وخلص وخر .. نام بدون اهتمام واني اسبح واضل وحدي اتصفن بالبيت
- اذاً السبب نلخصه بعدم التفهم ومحو حق المشاركه
-اي مشاركه دكتوره
- العلاقه هاي مشاركه طرفين كلاهم
لازم يستمتع بيهه ويعبر عن رغبته
المرأه الهه الحق الكامل بيها نفس مالرجل اله الحق .. لكن التخلف والفكر القديم هذا الي تعلم عليه زوجج السابق مايفهم هالشي ..تلكيه توارث هالشي عن ابوه وهكذا من اب لاب يتوارثون قمع
المرأه بالحياه اليوميه والفراش
- يعني اني مدافهم اني بشنو اشارك بيهه ! شنو دوري هنا !! دكتوره تره اني بصراحه حتى جنت ماركز هو شيسوي من كد ما لعبانه نفسي وحابسه حتى النفس ومغمضه وساكته هاي مرات اباوعله واتندم لان فتحت عيني يزيدني خوف وارجع اغمض
- اي متفهمه هالشي ... دحكي راح نرجع نتعلمها من جديد .. انسي انك خضتي تجربتها وكل الي تعاملو معك هو غلط بغلط وما يتكرر لا تخافي
- لاا يتكرر دكتوره كلهم هيج قابل بشنو يفرقون بهالناحيه
- يفرقون باسلوب التعامل .. يعني انتي تتخيلين الشيخ بيوم يعاملك مثل محمد!
تعقليها!!!!
- يمكن لا مايوصل لمثل همجيته
- عجل لاتخافي من هالناحيه وتطمني اكو فرق بين الرجال بالتعامل مع زوجاتهم وهالشي مثبت حتى علمياً ان لكل واحد منهم طرقو بالعلاقه الزوجيه

كامت من مكانها وراحت لخزانه صغيره وطلعت منها كتاب واجتني كعدت يمي
وحطته بايدي .. كالتلي....
- اكو عدنا شي اسمو الثقافه الجنسيه
لازم الانسان يتعلمها بطرق علميه ثقافيه مو من تجارب الاباء وكلمتين قبل ليله العرس هالشي يسبب رهبه بداخل البنت ويسبب قلق من حسن الاداء عند الولد
وبالتالي مايحصلو على المتعه الي مفروض انهم يمارسون لاجلها
وانتي ما عشتي المتعه من اول مره وكرهتيها للاخر ... لكن من راح تقراي
هالكتاب وتتمعني بتفاصيلو راح تفهمي
معنى حكيي وتتغير نظرتك عنها وتبداي تتقبليها من هالمنظور لان احنا اتفقنا نتعلم كانها اول مره ماعندك سابق تجربه لانها ماتسوى نسميها تجربه حتى .. من اليوم
راح تغيرين هواي امور استعداداً للمرحله الجديده ...

- حلوه فكره الكتاب ..بس شنو اغير ؟

- راح ارسملك خطه تمشين عليها للتغير
اولها .. استكشفي جسمك ...
بوقت فراغك اوكفي كدام المرايه ودحكيلو .. دحكي شنو الشي الحلو عندك
مواضع شام ،بشره ناعمه ، طريقه رسمتو لجسمك ، ركزي شنو الي ممكن تغيري ويصير احلى ، شنو الي راح يعجبو لزوجك لو دحكلو وتلمسو !

- ماشي

- وبالثانيه .. استكشفي مواضع اثارتك
تلكيها مفصله عندك بالكتاب .. جربيها واعرفي الي يخفى عنك من جسمك هالشي راح يغيرك اكثر مما تتصوري

-ههه نشوف

- اييه والثالثه ..

تبدأين باستكشاف جسمو لزوجك

-لااا يعني شلون

- يعني غيري نظرتك بالاول انا ماحكيتلك شي كبير ... يعني ركزي على جسمو دحكي شنو الي ملفت لنظرك منو
دققي بتفاصيل تفاصيلو .. احفظي مرسم جسمو هذا حلالك وحقك ومو شي يخوف وتتجنبيه ... ابداي خطوه خطوه حببي عينك بتفاصيلو ليحبها عقلك وترغبيها

- امم ماشي

- وبعد ما تعبري كل هالخطوات ابداي
بلمس جسمو .. وتقبلي لو بادلك بالمثل
حاولي تحبي لمستو على كتافك ركبتك خصرك كلها تمهدلك الطريق لتحبي البقيه منو

- زين ميخالف بس اذا اني راح اقرا كل هذا واتعلمها بطريقه مختلفه عنه شلون راح اتفاهم وياه هيج ؟

- ولا يهمك نعلمو للشيخ بعد

-ههههه ياا شتعلميه عييب

- ما عليكي هالشي انا اتصرف فيه انتي احفظي مهامك وانجزيها وانتظر سماع تجربتك

- ماشي اسويهن.. بس اكو شغله .. الشيخ
عنده سفره ضروريه وهو اجلها هذيج الفتره وبعد مايكدر ياجلها اكثر .. يصير نكطع الجلسات لحد رجعته ؟

- شكد يطول بسفرو؟

- اسبوعين تقريباً

- ماشي اسبوعين مكدور عليها .. وهم انتي تاخذي راحتك بالقراءه وتطبيقها

- زين يعني ميأثر

-لا لا نعوضها .. اطلعي نادي عليه خلي نتفاهم

رحت فتحت الباب وهو شافني ورأساً اجه يمي ودخلنا ...
كعد وسلم وهي كالتله ...
- سمعت بسفرك شيخ .. ان شاء الله تروح وترجع بالسلامه
-الله يسلمك يابه .. ان شاء الله ما يكون عثره بالعلاج ؟
-لاا محتاجين لفتره راحه اصلاً ..اخذ راحتك بالسفر وتطمن
-الحمد لله
- ااا عندي موضوع خاص وياك شيخ
-هاا خير ان شاء الله

باوعولي واني ترخصت وطلعت كعدت بره وافكر شراح تحجيله ؟؟؟

ضليت اهز برجلي وافكر شديحجون هسه ؟؟؟ لحد ما طلع واشرلي اكوم
رحت يمه وكالي...

- تحكيلك انتظمي بالدوا
-ههه ماشي
-يلا نعاود البيت
-اا شنو رادت منك
- توصيني عليكي ياحلوه

ضحك واخذ ايدي ونزلنا وهو طنش الموضوع بعد ...

بالبيت استغليت فتره العصر يكون طالع
واخذت الكتاب وصرت اقرا المقدمه
وجذبتني اكمل الباقي ...

باول ورقتين وسديته .. صرت اتخيل نفسي بهيج شي وياه .. خجلت احتريت
استحيت من مجرد التفكير وقرايه كلمتين

صرت افتر بالهول واهفي على وجهي
ورحت اخذت الكتاب ضميته .. طلعت اسكي الحديقه وافكر بالقريته وساعه اكول اكمل قرايته وساعه لا محلو يخجل
وضليت هيج لليل ..

ردت انام بحضنه وشفته صافن على صدري راساً وخرت وطلعت بره مدري اني تفكيري راح لبعيد مدري هو تغير
رغم هو ما حجى شي ولا حتى لمسني بس مجرد الفكره سببتلي قلق وخلتني هالليله ماانام ..

ثاني يوم الصبح بعد ما كملت ترتيب ملابسه وواكفه اعطره هو كالي ..
- الي بديتي فيه كمليه حبيبتي منتظرك انا

وخرت عيني منه بخجل وهو طلع لشغله
ضليت كاعده على الجربايه ومحتاره ازيد اكمل بس ممتعوده بهالشي حتى مجرد الكلام بي مستصعبته ..

التهيت بتنظيف البيت والطبخ وسبحت
من وكفت امشط عجبني اشوف جسمي
اني مامواجهه نفسي هيج بالمرايه وشايفه تقاسيم جسمي دائماً البس بعيد عن المرايه واتجنب شوفته بس من صرت اعالج الاثار اشوف بس مكانهن .. جنت اخاف اشوف شي جبير من الاذى بجسمي ومتغير .. بس هسه تشجعت وساعدني بهالشي اختفاء جزء من الاثار ...

قفلت الباب ونزعت ملابسي وصرت اباوع لجسمي بالمرايه .. دققت بكل شبر بي ... شفت اكو شعر ناعم بالظهر ضوجني وجوده .. صدري خصري نفس ما جنت بالعشرين .. خطين تشقق الولاده
بنهايه البطن بس مشدوده بعدها ..
اثر الجرح على المثانه اختفى وهذا اكثر شي فرحني من شفته ..
انتبهت على اثر العمليه باليسره خط خفيف تلمسته وضحكت .. هذا نيشان حبه
ليوم مماتي يبقى وياي افتخر بوجوده

قلقني تشوهات الي صايره بالمنطقه الحساسه .. احتاريت بيها .. رحت لبست وطلعت وكضيت اليوم محتاره شلون شسويلهن ؟؟؟ اكيد لو شافهن يتخبل
ادري هو شكد مايبينلي متقبل الامر بس ينقهر لو شاف هالشي وعرف الي مريت بي ....
مااريد يشوفني بنقص اريد اجيه كامله

خلصت كلشي عندي بالبيت وغاليه بره تلعب واني جنت ناويه اروح للشيخه بس عرفت يمهه خطار فبقيت بالبيت ..
مليت من الصفنه ولكيت نفسي اطلع هذاك الكتاب ..
اخذته وكعدت بالهول اقراه ...

جان كلشي بي جريء بس بطريقه لبقه
اول ما لفت انتباهي حول التقرب للزوج هو التدليك للاسترخاء .. مشروحه بالتفصيل ومبين بيها فوائدها لتعرف على جسم الاخر وكسر الخجل ..

سديت الكتاب وفكرت اجربهه .. عجبني اكسر الروتين الي بينه واثبتله اني داحاول واكدر اتغير ..

رحت اشوف شعندي من زيوت ولكيت زيت اللوز المر اتذكرت الشيخ يرطب وجهه بي بعد كل حلاقه ..
شفت الشيشه بيهه هواي هو اصلا يستخدم قطرتين منه يعني متفرق لو استخدمه اليوم ...

اخذته خليته بالغرفه وحضرت مفرش هم فرشته على الجربايه ورحت حضرتله ملابس بالحمام والتهيت بعدها بالعشى
ومن رجع وتعشى وشرب جاي اني اخذت الجهال نومتهم ورحتله لكيته يحسب بفلوس ويقسمهن .. كعدت يمه
وكلتله ...
- مشغول حبيبي
- لا ياعيني هاي خلصت

قسم الفلوس ٣ اقسام وشال قسم انطاني اياه وكالي...
- خليهن عندك هاذي مصرفك لحين اعاود من الشام
- شوكت تروح ؟!
- بعد بكرا باذن الله
- ترجع بالسلامه ياعيني
-الله يسلمك .. هذني الي ضلن لامي وام جراح برسلها بكرا لعندها مع الولاد
- راح تاخذ رماح !
-اييه خليهم عندها هالفتره احسن
- تعودت عليه

ميلت راسي على ايده وكلتله ..
-هسه غاليه تتخبل لو جراح مو يمهه
- فكرت فيها ماتخافي اوصيه يومين ويعاود مع اخوالو لكن لزوم يدحك امو
- صحيح .. زين حبيبي ليش ماترجعهه هنا وهي بيتها ويمهه ولدهه احسن
- والله انا حكيت لاخوتها لو ودها تضل هين ماامانع خليها بيتها معززه مكرمه
مالي شغل فيها لكن هي ما رضت
- لييش!!!
- قالت ودها تعاود حرمه الشيخ مو مربيه وخادمه لبيتو .. ماتدري ان الشيخ حرمتو هي تينتو بوسط كلبو متربعه
- هههههه يابعد عمري .. يبقى حقها بالحجي لانها الاولى عمرها ماترضى احد ياخذ مكانها افهمها اني
- انا ماكصرت معها بشي حكيتلك دايماً
حياتنا هي هي ماتغيرت لكن الي تغير انها بدت ترفض هالحياه وودها مثل حياتنا الحين ولو ادري انها لمحبه فيي
كنت عطيتها لكن لاجل التباهي مو ازيد
وهالشي انا مااعاونها عليه ...
خليتها بنفس مكانها لا زدت ولا نكصت
لكن ساعه الي عالت معي لا والله هيييين انا تغيرت معها ورجعتها للصفر ..
كل الي ضل عندي لها هو حكها بمصرفها وبرسلو كل شهر انا مانسيتو
والولاد هي ماطلبت تدحكهم لكن انا ارسلهم لها ..وعلى هالشغلتين ماينزل ثالث ..
- الله يصلحها .. الجهال انقهر عليهم اتمنى هالوضع ما يطول بينكم
- هااا ودك تعاود !
- هههه تره احبك بس الي لا عبالك بس هي تبقى الاولى وام الجهال حرام عليه لو بعدتها
- تتحمليها عجل ؟
- اتحملها ان شاء الله .. اتحملها لان مثل ماداشوفهه صعبه عليه اتفهمها وغصب عني اتحملها
- يعني اثنينكم مامرتاحات
- الطمع بالرجال وحبه حلو ياشيخ
- ياحبيبتي انتي لا تطمعي انتي تطمني
لو عندي اربع حريم من دونهن انتي ام هالكلب وتلاكيني عندك من فجر الله
-هههه يابعد كلبي

حضنته وهو ضل يشتم بشعري وكالي
- يوم الي اسافر انتي تضلين عند امي
ماامن تضلي لوحدك وانا بعيد عنك
- امم ماشي
- بكرا عندي شغل كثير لزوم اكملو
ودي امر على المعمل وبعدها عندي نزله للسوك ودي لخذ كم غرض لخوالي وعندي رجال ينتظرو على العشى
-الله يكون بعونك
- حضري جنطتي من وكت لاتنسي
-اكيد حبيبي تدلل
-تسلمي

وخرت من حضنه وكلتله ..
- اا خالد
- ياعينو
- اا هوو .. بما ان عندك باجر يوم متعب
شنو رايك افركلك جسمك شويه تسترخي ؟

ابتسم وضل صافن بوجهي وكالي..
- ياريت والله
- لعد يلا كوم

اخذت بايده كومته ورحنا للغرفه .. نزع دشداشته وبقى بالفانيلا والبجامه ..
اخذت الشيشه وباوعتله كلتله ..
- لااا يعني مترهم هيج
- هااا فهمت فهمت

ضحك ونزعهن وبقى بالشورت اجه حضني وبوس خدي وكالي ..
- تعرفي انا وين اكثر مكان احب تدلكيه ؟
- لا وين
- وسط كتافي والدفتين
- ماشي افكرهم تدلل
- يلا لكن بقوه
-صار

تمدد واني كعدت بصفه وخليت شويه زيت بايدي وقطرته على كتوفه وظهره
واول ما لامست ايدي جسمه وحسيت بنعومته جسم اقشعر .. وكاتمه الضحكه

دهنته بالبدايه باطراف اصابعي وبعدين صرت افركله كتوفه ومن نهايه راسه لاخر ركبته وكل ماافرك الدفه يكولي اقوى بعد واضل اضغط عليهن لحد ماتعب اروح لمكان ثاني افركه براحه
ايديه ونهايه ظهره ونزلت على رجليه
فركتهن وحتى اصابع رجله هم وهو بعدهه اندار ونام على ظهره وكالي ..

- بعد دلكي كتافي من هين

اشرلي على بدايه كتوفه وتقربت فركتهن براحه وبعدين ضغطت عليهن وهو هادىء ويباوعلي واني كل شويه اوخر عيني منه بشوفتهن ارتبك اكثر ..

جر ايدي وخلاها على صدره وكالي ..
- وهين بعد
- بس هذا ما يتفرك
- تلمسيه بيدك يعوض عنو

مشى ايدي شويه عليه وبعدين وخر وصرت اني افركه بحركات دائريه وخفيفه وتمشيت على طوله واني عيني متركزه على طريقه الشعر الموزعه عليه

شعره اشكر وبادي من جوه كتوفه لحد بدايه بطنه بالعرض متوزع الشعر وبطنه بيضه ومابيها ولا شعره ..
رجليه شعرها مو بكثره وناعم اشكر
بس ايديه بيهه اكثر شويه شعر..

انتبهت على ندبات جروح بايده وبخاصرته بس مسألته عنهن ..

ضليت مخليه ايدي على بطنه وتحسست ملمسها قويه .. حتى عضلات رجليه قويه
وصدره هم .. سألته ..
- شلون سويت هالعضل ؟
- من السباحه
- امم
- انا من زمان كنت اعبر الشط هذا مرتين باليوم من عمري ثمان سنين انا اسبح فيه وبعمر العشر سنين انا واصحابي كنا نعبر للصوب الثاني ناخذ تفاح ونرتاح ونعاود سباحه لاهلنا
- حلوو
- للحين انا كل نهايه اسبوع امشي انا واصحابي نسبح للجزره هنيك نشوي سمك ونتعشى ونعاود
- هاا لعد شو ماتحجيلي
- انتي ما سألتي
-اممم ،، بس حلو جسمك
- عجبك !
-هههه اييي
- خذيه يابه حلال عليكي والله
- يابعد عمري الله يحفظه

جرني من زندي وقربني اله وكالي ..
- تين .. احبك والله

- واني احبك ياعيون تين
- وش كثر تحبيني يعني ؟
- امممم احبك بكل يوم الف يوم من اول بدايه هالخليقه ليوم الدين وانته احسب بعد
- هههههههههههههههه نيااالي والله بهالحب لو اكضي عمري احسبو مايخلص
- شعبالك لعد هذا حب الشيخ ماينحسبله حساب
- عجل تعرفين حبك وش كثر !
-اعرفه هواي بس مادري شكد ههه
- حبك يضاعف حجم سبع سماوات بسبع مرات لكل وحده
- هههههه يالله مجرد اتخيله يذهل العقل
- ما تتعجبي ياعيني انا حبيتك بكل مااخلق فيي ربي من احساس .. مااتخيل عمري من دونك تين .. ايييه بالله مالي عمر الا حدر عينك
- ولا اني الي حياه بدونك حبيبي بحضنك اني اتمنى اعيش واموت
- تين تدرين انا دايماً اتمناكِ مو بشر
- ههه ليش؟
- والله لا تضحكي من صدك احكيلك
انا اتمناكِ مو بشر حتى لا يمرك تعب
ولا مرض ولا ينحد عمرك بزمن
تمنيتك ملاك له عمر طويل ما يخلص الا بيوم الحساب هيك اشبع حدرك واتهنى
لاني والله وجلال الله يرعبني عيشتك كبشر ويمرك يوم الاجل انا ادعي عسى الله يرحمني باجلي قبلك
- لااااااا اسم الله عليك اسسسم الله
لتحجي هيج حبيبي فدوه
- افهمي انا مكدر بدونك وجلال الله
انا مريض فيكي تين متشبع بتفاصيلك وريحتك واسمك لاااخر خليه بجسمي كلها متشبعه بحبك هيك انا احس انك عايشه فيي .. والله هيك روحك احسها ملازكه لروحي وحتى بشغلي وكعدتي بالديوان وطلعتي وسفري ولو وييين مااروح انتي معي ادحكك فيي والله بشربه المي اذكرك ... ماادري هالناس كلها هيك تحب ولا انا وحدي هيك !

ضحكت وحضنته .. كلتله ..
- تخليني دائماً عاجزه كدام حبك
يابختي بيك .. الله يحبني وخلاني احظى بحبك ... بس تدري اني ماخايفه من اجلي
لاني راح اضل خالده بحبك هذا
- لكن انا اخاف منو
- ما تخاف حبيبي اخذك وياي هههه
- سويها بالله عليكي ماتتركيني وحدي اعيش
- مو زين اعوفك تعيش وروح عود تزوج ثالثه
- هههه يولووو اشيب بساعتي بعد محد تدورني
- هههههه وشحلاته الشيب بيك حبيبي
- هااااا يعني ترضين اتزوج زيين عجل من اعاود من الشام اجيب حرمتي من هنيك معي
- هاااا خالد هاااا ما صدكت هي حجايه شبيك كبل خططت واختاريت وحرمتي اموتك شنو حرمتي ماكو غيري بعد انتهى
- ههههههههههههه يولي انتي من كل عقلك تغاري وتعصبي ول انا من دكيكتين المن حكيت ووصفت هالحب
- اييي حتى لو هنا يختلف مااسكت هنا اعذرني
- هههه اعذرك ول والله اعذرك انا على هالحرف اعذرك وانا الي استسمح بعد

حجاها وجرني نومني وصارفوكايه يعضعض بخدي واني اضحك ..
لزمته من جتفه وكلتله ..
- خالد الله عليك من جنت تسافر قبل هم تباوع للسوريات
- هههه ول تين علكتي بهالسالفه اتركيها يابه
- لااا من صدك والله هم صاير شي منا منا
- يولو وش يصير يعني سمعتيني متزوجلي سوريه !!!
- لااااا يمه اسم الله
- ههههه ليييه اسم الله وشحلاهن هنه يردن الروووح
- اوييلي عليك طايره روحك على هالسفره
- اخذك معي لترتاحي
- اييي حتى تحرك بكلبي هناك عوفني هنا كلشي ماشوف احسن
- وووول ماامدحكلهن والله .. انا رجال امشي بدربي مالي دخل بالحريم
- امممم
- هااا ماتصدكيني يولوو
- لااا اصدكك بس هم ديربالك يعني
-هههه كيف يعني ادير بالي
- يعني تذكرني بكل شي حتى لو تباوع لبنيه هم اتذكرني وشيل عينك منهااا
- وحك الله ما مدحكلهن يولووو لا تلحي عاد فكينا
- اي اي سدينا السالفه ... صدك حبيبي هناك وين تبات
- بيت شريكي
- عدهم بنات !
- ههههههه شيخلصهه عاااد .. عدهم عدهم اييييه عجل ربهم وحد عدهم بنات
- هااا كبار صغار
- مادري ما مدحكهن
- اممم اي احسن شتسوي بيهن

ضحك وهو مخلي راسه على جتفي وشويه وعضني من جتفي خلاني اعيط وادفعه وهو وخر نام على ظهره وضل يضحك .. كلتله ..
- تعضني علمودهن بسيطه
-هههههههه يولوووو ما سافر هاي ارتاحي هييين ضال مكابلك زييين
- اييييي حبيبي كولش زييين
- كوووولش والله !

كالها وجرني خنكني جوه ايده وضل يفرك براسي وايده على ركبتي يقربني كل شويه لصدره ويخربط بشعري وعلى صوتنه كعدت غاليه .. وهي تحجي ...

- اوووف مااانام اووف بابا هسه جناح يزعل يدحك عنوني سود الصبح
- هاا يابه حكك نامي نامي هاي سكتنا نامي

رجعت تغطت واني صرت احجي بهمس وياه واكوله ...
- امشي خلي نطلع لا تكتلنه
- ههههه جراح تربيتو تخوف يولي امشي

طلعنه وهو كالي تعالي سبحيني ..
مالحكت حتى اتردد كبل جرني من ايدي وياه للحمام ...

فتح الدوش واني واكفه ماعرف شسوي انثولت .. الا هو كالي ...
- حدري يولو ليه تتصفني
- اي اجيت

جنت لابسه روب فوك ثوب كصير
واول مااخذت صابون والليفه دانكعهن
هو مد ايده من وره وفتح شده الروب
ضليت متجمده بمكاني وهو نزله من كتوفي ويكولي ...

- انزعيه احسن مايتنكع حتى من تطلعي تلبسيه
- اي

وره ما علكه اخذ شعري رفعه واني دائما مخليه كماشه على الشباك اخذهه وثبت شعري بيهه وباوعلي وضحك .. ورجع جوه الدوش وكالي...
- يلا الحين تكربي

تقربت يمه وصرت اليفله ايده وظهره ورجليه وهو يدندن اغاني ماينفهم منها شي .. ومن وصلت لصدره صرت كدامه واليفله ركبته وهو هدء وليفت صدره وغسلته واني امشي ايدي عليه وهو مركز بوجهي وهادىء .. انداريت اعلك الليفه وهو حضني من وره وضل مخلي راسه بركبتي وعاصرني كلش على جسمه .. لزمت ايده وهو كالي ..
- اهدأي بس اهدأي

ضل نفسه بركبتي وشويه ورفع راسه وزفر نفس قوي وكالي ...
- تسلمي حبيبتي .. حلو الحمام معك

باوعتله مبتسم ووجه احمر .. كلتله ..
- تدلل انته

رحت نشفت ايدي وركبتي ولبست الروب وطلعت وهو سد الباب ورايه ...

رحت رتبت الفراش وتمددت وهو اجه
نام على ايدي ورأساً غفى ...
ضليت صافنه بملامحه واخلي وجهي بشعره البارد كل شويه .. احسه مخلوق بس الي .. احبه اكثر من كل اهله ومستعده اضحيله بكل شي بس اشوفه بهالراحه يعيش ..

رغم هو نايم بس اني حاضنته كأني خايفه يروح .. اريد الليل يطول ويبقيه هيج بحضني نايم ومتهني وكلبي متطمن عليه

ثاني يوم ... وياه بكل شي من اول ما يصحى لحد ما يطلع لشغله .. لبسه عطره ساعته حذاءه شماغه ومحفظته والسويج
والريوك كلهن ايدي بيهن .. يطلع من بيته مدلل ويرجع مدلل ...

صرت احضرله جنطته العصر واني افكر شلون حكضي هالاسبوعين بدونه ..
رتبت غراضي وغراض غاليه هم حتى نروح يم الشيخه نبقى .. وكضيت باقي اليوم احضرله كليجه ونكعت تمر هند
حتى اسويله عصير يشربه بالطريق

ولليل يلا كملت ونظفت وسبحت وضليت انتظره .. واول ما سمعت الباب البره انفتحت رحت للكليدور ..
اول مادخل حضنته وضليت متعلكه بركبته وهو ضحك وقوى على حضني
كلتله ...
- شلون اتحمل بدونك هالايام
- مااطول وعيونك
- حتى لو من هسه اشتاقلك
- وانا ودي تشتاكي اكثر

غمرت راسي بركبته ورماح اجه يجر بملابسي حتى اوخر .. ضحكت ووخرت منه وهو دنك شاله ودخلو ...

ضليت كاعده يمه واوكله حلاوه وهو يلاعب رماح ..
اجوي جراح وغاليه متعاركين وواحد يصيح على الثاني ... كاللهم ...
- هااا يابه خيركم
- يابه ماترضى امشي لخوالي تبكي من ساعه الي سمعتك تحكيلي احضر نفسي
لبكرا
- عجل وانااا وانااااا ما نوح معو
- بنتي يعاود يومين ويعاودلك
- مااااااا خليني انوح معو لخوالو
- ماااتروحي معي غاليه عيب ضلي عند امك تضل وحدها عجل
- ماااا ماااا كلو هين هيين ماااا عجل انا نوح لخوالي ومااخذك معي

اجتي عليه وجلبت بركبتي وتكولي ..
- خلي نوح لخالو ابو دب وماناخذ جناح وحدنا نوح ماماا نوح عندو هااا
- اي نروح من يرجع بابه ياخذنا ادللي
- لاااااا شنو هواااي عجل انا اضل بدون خوالي وهو ينوح لخوالو
- بنتي غير يشوف امه هسه انتي مو تشتاقيلي من اروح هو هم يشتاق لامه ميصير تمنعي
- ايييي خلي نوح اثنينه لامو والله اصين حبابه والله

باوعت للشيخ وهو اشرلي ب لا ..
عاد كمت اخذتهه للغرفه وهي تبجي وتكمز وسديت الباب وضليت مكعدتهه بحضني واكوللهه ...
- اسمعي حبيبتي .. جراح خطيه ديتعب وياج شوفي شكد مهتم بيج ويلعبج ويداريج هم يريد يرتاح شويه وحده خطيه .. انتي ميصير تبجين وتخليه عصبي يكوم بعد ميحبج وميلعب وياج
لتضوجي صيري حبابه وهو يومين ويرجع لان عنده مدرسه ميتاخر هناك
- وانا ايمتى انوح للمدنسه معو
- احسبي بعد ست اشهر تعرفين تحسبيهن لو لا
-لا جناح معلمني اشهن
- اني اعلمج نحسبهن هسه ؟
-اي
- باوعي هذني اصابعج نطلع منهن سته يلا احسبي سته

صارت تفتح اصابعهه وتطخهن بحلكهه وتحسبهن واحد اثنين ...
لزمتهن وكلتلهه ..
- هذني سته كل وحده شهر واني كل ما يخلص الشهر اجي اكولج نشيل واحد منهن لحد ماتجي المدرسه زين يابنيتي
- زين ماما زين
- عفيه بالشطوره .. باجر نروح للسوك اني وياج وبيبي ونشتري ملابس حلوه جديده حتى من يجي جراح وبابه يشوفوج كاشخه ومرتبه وجراح يحبج اكثر
- ايييييي

صارت تحرك برجليها بفرح وراحت ركضت للباب ورجعتلي وهي تاشر على حلكها ..
- اسكت مااحكيلو نشتني ملابس لو لا
- لا اسكتي لتحجين
- تحكين ماما تحكييين
-ههههه اي لتحكين
-ايي اسكت

طلعت وهي حاطه ايدهه على حلكهه واني طلعت وراهه واشوفهه كاعده بحضن ابوهه وتباوع لجراح وتباوعل وتسد بحلكهه .... ضحكت عليهه متكدر اتضم سالفه عنه مثلي كلشي اجي احجيله

راد يطلع جراح وهي لحكته وتكولي وهي تركض ...
- ماماا انام عندو اليوم بكرا عندك زين
زييييين
- ايي زين روحي نامي

راحت جلبت بي وهو وكف رزلهه لان تبجي وضلت تكمز وتتحايله وخلته يضحك وياخذهه وياه ...

اخذت رماح الي جان مطفي وبس فرشتله اجيت لكيته غافي .. نومته بفراشه وغطيته وضليت ابوس بي.... كلش تعلقت بي هالفتره وهو محبوب وهادىء

من شفت الشيخ دخل للغرفه وخرت منه
ورحت حضنته وكلتله ....
- باجر كللكم تعوفوني وتخلوني مشتاقه لجيتكم
- لااااه يالعزيزه انا معك مااتركك بكلبك تلاكيني .. روحي وعكلي معك تين
- الله يحفظك الي حبيبي ارجعلي بسرعه حباب لا تطول
- بعون الله اخلص شغلي باسبوع واعاود
- ان شاء الله ...

رتبتلك كلشي تحتاجه بالجنطه وحضرتلك كليجه وعصير بعلاكه وحد اكلهن بالطريق وعده الحلاقه هم حطيتهه الك
- تسلمي والله
- ادلل .. اذا عندك اوراق تريد تاخذهن كولي حتى احطهن الك لتنساهن
- اييه تذكرتهن بالسياره ضلن .. خليهن هنه كدام عيني مانساهن
- زين لعد بعد شمحتاج
- حضنك ودي اشبع منو هالليله

ضحكت وبوست خده وصار ينزع دشداشته واني واكفه يمه اخذتهه علكتهه
وطفيت الضوا وتمددت يمه ...
كالي...
- وش بنفسك من الشام حبيبتي
- اريدك سالم ياعمري
- لا والله احكيلي اطلبي اي شي بنفسك
لاتخليني حاير بهديتك
- اريد اختيارك حبيبي اي شي من ذوقك راح يعجبني وخليني اتفاجىء بي
- هههه تآمررين والله احلى ما تكع عليه عيني اجلبو لك
- تسلم حبيبي

حضنته وهو كل شويه يشتم بوجهي وشعري ويبوس اصابعي وبعدين نومته على ايدي يلا كدرت انام ....

والصبح وكلته بايدي وكل شويه اوصيه ينتبه على نفسه وطريقه وهو طمني من كالي اكو اثنين ولد وياه من المنطقه رايحين ....
وقبل مايطلع وصاني على نفسي وكالي ..

- ادعيلي اتوفق بشغلي الجديد انا اتفائل بدعائك يابنت العز
- عسى ربي يوفقك ويفتحلك اوسع ابواب رزقه ويكفيك شر بن ادم وييسرلك كل عسير بحق لا اله الا الله
- يعزك ربي

بوس راسي وطلع وضليت اباوعله من الباب لحد ماراحت سيارته ورجعت طبيت واني عيني تدمع مادريت هلكد فراقه صعب ...

البيت محلو بلياه مشت الايام واني بيت الشيخه مونستهه ومونستني بسوالفهه
اخلص الليل اقرا بهالكتاب بس ماجربت شي منه ... مجرد اقراه واتمعن بي وصرت افكر لكل تفصيل بي راح يحبه الشيخ لو لا ؟ شنو رده فعله لو سويت هيج ؟
ومن خلص الكتاب جان اكو كم كلمه بالنهايه مكتوبه بقلم جاف ...

السعاده في الحب تكمن في معرفتي مفاتيح شعور متعه محبوبي ..

بالاول حسيتها كلمات مبتذله بس بعدين تعمقت بيها وحسيتها مفيده ...

مشت ٨ ايام واني كل لحظه ادعي ربي رجعه بالسلامه ووفقه بشغله ...
وبليلتها ماحسينا الا صوته من الباب وهو يكول ...
- ياالله وينهم اهلنا يولو مشتاكين

ركضت لباب الربعه والضحكه شاكه الوجه وضليت لازمه ايده وعاصرتهه واباوعله وبنفسي احضنه بس الكل موجود وهو غمزلي وراح سلم على امه وبوسهه واخته والجهال ...

عفتهم ورحت حضرتله العشى وجبته اله
وهو ياكل ويسأل على اوضاع الديره
والشيخه تحجيله عنها ...
ومن كمل اكل وشرب الجاي .. دز جراح جابله جنطه ثانيه غير الي راح بيهه
وكعد فتحهه ويمه غاليه وجراح يباوعون وياه على الغراض ... وهو اول ماانطاهم هداياهم كل واحد بنطرون وبلوز وقبعه
وغاليه كيفت بيهن لان مثل جراح
وبعدهه هديه الشيخه وصفيه واني هديتي بقاهه بالجنطه وسدهه ودفعهه الي وكالي..
- اخذيها معك للبيت وحضريلي الحمام
- صار

ضحكت واخذتهه ووياي جراح ساعدني ورحنه للبيت .. كبل رحت حضرتله ملابسه بالحمام ورحت تعطرت وفتحت شعري وحطيت حمره بسرعه وسمعت صوته دخل .. رحتله وهويضحم وفاتح ايده .. ركضت وحضنته واني اكوله ...

- حبيبي حبيبيييي اشتاقيتلك والله والله اشتاقيتلك
- ياااهناااي وروحي انتي اشتكتلك يولوو والله ركضت فيهم ركض السباع واجيتك
الليل موحش بدون حضنك تين
- وحضني اشتاقلك .. يلا تعال اسبح حتى تشبع بي
- تسبحيني ؟
- هههه يدلل الشيخ

رحت وياه سبحته وهو بس مسترخي ويكولي
- ايييه هييين الدلال يابه هييين ول الي بلا مره بلا وطن والله

اني اضحك واغسله وهو يبوس بخدي
طلعت انتظره بالغرفه وبدلت ملابسي بين مااجه وكبل تمدد وفتح ايده .. اجيت نمت على ايده واشتميت ريحته وبوست جتفه
وكلتله ...
- هسه ردت روحي

ضل يمشي ايده على شعري ويباوع لعيني ويسولفلي على سفرته وشغله
لحد مانعس خليت راسه على ايدي وصرت العب بشعره لحد مانام ....

وثاني يوم عفته نايم مكعدته الصبح
بس رحت فتحت الجنطه وشفت علاكه جبيره باقيه وحدهه بيهه ..
اخذتهه وطلعت بالهول فتحتهه وشفت بيهه ...
ثوب اصفر فاتح كصير كلش
يطلع فوك الركبه بشبر ومدلع بي بس شيالات رفيعه وحفره بشكل قلب بالصدر
وساده كوله بس تطريز فراشتين على طارف الثوب ..
و تنوره كصيره هم فوك الركبه وهاي اكصر من الثوب بعد .. وكفت قستها
وصلت لفوك من نص الفخذ ... لونهه
ابيض ومنقشه بورد الوان .. ووياهه
بدي وردي ساده يصير بس على كد الصدر وينشد من الركبه ..
وسلسال خصر بنهايته جرسين صغار

ضليت لازمتهن واضحك وحتى عيني دمعت من فرحتي بيهن ...
من شفته شلون بنفسه يشوفني بهاللبس وياخذ راحته وياي اصريت اكثر على ان اتجاوز هالمخاوف القليله الي ضلت ...

وكت ما كعد بوسته وتشكرته عليهن وهو كالي ...
- وكت ما تجهزي البسيهن لان بغيرو مااضمنلك اضل هادي

ضحكت وضليت ساكته ماعرفت شنو ارد عليه ...

وثاني يوم رحنه للدكتوره ...
هم ذكرهه بعلبه بيهه خاتم فضه وحجره اخضر .. ضليت اتناقش وياهه على الي قريته ووضحتلي كم شغله بيهن ووصتني ابدا اكتشف اماكن اثارتي حسب مامشروح بالكتاب ...

وتناقشت وياهه على التشوهات الي لاحظتها وهي رادت تكشف عليهن وسمحتلها ...
من بعدها كالتلي .. تتعالج بجراحه عند طبيبه نسائيه بس كلتلي تكلفتهه شويه غاليه ... مااهمني اي سعر ممكن ينطلب عليها المهم اخلص من اكبر كابوس بعمري واصير حره ...

بقت بس شلون اوضحهه للشيخ !!!
ضليت يومين متحيره شلون احجيله وبالاخير كعدت وياه بالليل وكلته اله دفعه وحده بدون مقدمات ...

- حبيبي الدكتوره كالت اكو عمليه بسيطه عند دكتوره نسائيه ومحتاجه اسويهه
- ايمتى؟
- وكت ماانته توافق نحجز عدها
- زين عجل احجزو

تفاجأت من رد فعله .. جان عبالي يسالني ليش وشيصير بيهه ولشنو هالعمليه
بس هو خصمهه بحجايتين !!!!

صفنتلهه شويه وبعدين كلت يلا هو يهتم بس لراحتي مهما تطلب يوافق ...

واتفقت ويه الدكتوره ورحنه بنفس اليوم للمستشفى لان هناك هي الدكتوره النسائيه وفحصتني وكالت ..

صاير تهطل يحتاج عمليه شد وجراحه لترتيب الشفرين وبنفس الوكت تزيل تشوهات الناتجه من اثر التجريح بهالمكان ..

واتفقنا عكب باجر العمليه ... ماجنت متخوفه كد ما متحمسه لصحوتي بهاليوم الي الكى بي نهايه كل هذاك التعب ....

بليلتها جان يكولي ...
- ما متخوفه من بكرا حبيبتي
- لا بالعكس مرتاحه وانتظر يجي الصبح بسرعه
- انا احبك بكل شي فيكي لو حسيتي انك متردده اتركيها ما تلزم والله
- لا حبيبي اني اريدهه لنفسي اريد اطمئن هيج اني راح انجح صدكني هاي اكثر مره اني متحمسه بيهه لشي لا تخاف فدوه
- مااتحمل ادحكك متاذيه
- ما تاذي بسيطه وداعتك

صرت اني اطمنه واهدئه واشوفه متوتر واني لا ...
وكل شويه يتأفف ويستغفر وضال ضاغط على ايدي ويكولي لو خفتي او تاذيتي اتركيها .. واني لو اموت بيهه مااعوفهه
هاي خطوه نجاحي ....

دخلت العمليه بكل امل وقوه .. وجان البنج موضعي .. كل وقتها اني افكر شلون راح تكون النتيجه حلوه من اطيب
واكدر اعيش براحه بعد بدون قيود ويه رجلي واعوضه الصبر والتعب وياي ..

من طلعت من العمليه ضليت متمدده فتره لحد مابدا يفك البنج بدات الالام ..
انطوني ابره بالوريد مسكنه وضليت شويه حسيت بنفسي اكدر اكوم يلا طلعت
للشيخ صح مشيتي بطيئه وتنغزني بس تحملتها ورحتله وهو رأساً تلكاني وسندني وضل يطمن عليه واني ابينله ماكو شي حتى مااقلقه لحد ماوصلنا للبيت
كلتله عوفني انام منعسه كلش ..
وهو جان الوجع هايج عليه بس ضليت
كاتمه عليه لحد ماطلع .. صرت اتلوى
لحد مانمت ....

ومن كعدت لكيته يمي نايم ولازم ايدي
بشوفه وجه نسيت كل الوجع ...

عبالك يعرف ساعه الي اكعد واباوعله
يكعد رأساً دائماً يسويهه بيه ..

لكيته جايب دجاجه شوي ومغطيها وعايفهه على الكاونتر .. رتبتهه بالصينه ويه الزلاطه وهو اخذهه للهول وكعدنا
وحرت شلون اكعد اتاذه ومامنتبهه
وكل ماانغز اعصر برجله ...
اخر شي جريت المخاد وارتاجيت ومددت رجلي وهو خطيه بس يباوعلي لكمه وحده مااكل ...

ضحكت وكلتله ...
-اكل حبيبي اكل مابيه شي لتخاف
-والله ما كانت تلزم ليه اذيتي نفسك هالشكل
- احب ادلل نفسي هههههه اكل ياعيني

قرب الصينيه يمي واني صرت اسوي لفات واوكله واضحك وانسيه الموضوع

واخذت فتره تسع ايام وشلت الخيط وبهالايام جنت حذره بكل حركه لان كلها تاذي وهو رايح جاي يسالني شلونج متاذيه ؟ واكوله لا زينه ماكو شي ..

من تحسنت رجعت للدكتوره وفرحتها بفرحتي بتجاوز هالمرحله وهي حضنتني وكلتلي ...
- انتي كدرتي تحاربين نفسك انتي اشجع امرأه

زرعت الثقه من جديد بداخلي وعلمتني
الطريق الصحيح لبدايه علاقتي الزوجيه
وفهمتني بطريقه غير مباشره ان الشيخ
هم اخذ كفايته من التعلم بخصوص هالموضوع ...

ورجعت منها واني اعيد ترتيب افكاري
حسب ما تناسب سعادتي ويه رجلي
واخذتلي يومين بهالشي ..

وبليله اليوم الثالث جنت واكفه بره بعد مانام الشيخ طلعت للطرمه وضليت واكفه ومخليه راسي على الحايط وصافنه على الوردات ... وانتبهت عليه اجه وراي
وحضني وضل مخلي راسه على جتفي
ويكولي ...
- ليه حبيبتي سهرانه لحالها !!
- الجو حلو عجبني اشتم هوا شويه
- ما كعدتيني اشتم هوا معك
- غير نمت ياعيني شلون اكعدك
-انا اصلاً احس عليكي كاعده ما يلزم تكعديني
-هههه ايي اكيد هالشي

سكتنا شويه وبعدين درت وجهي عليه
وكلتله ...
- حبيبي طلب صغيروني ممكن !
- امري ياعيني
- نروح لكربلاء بنفسي ازورها وياك بهالجو الحلو
- ابشري ايمتى ودك
- كيفك حسب مجالك بس مو تاخرها يعني
-هههههه بكرا عجل بعد الظهر نمشي
حضرو نفسكم ونروح
- ااا اريد وحدنا يصير ؟
- اااه لاول مره تحكي وحدنا
- حبااب هسه هالمره وحدنا مابيهه شي
- ابشري وهاي زيارتنا وحدنا بعد امري
- تسسلم بس هذا كافي
-ههه طلباتك دومهه بسيطه تمنيتك تطلبي شي يسوا التعب فد يوم واتعبلك
- مو انته كل عمرك تعبتلي ياحبيبي بعد اتعبك اكثر !!
- ايييه اتعبيني اكثر اكثرررر احبو للاكثر انا

#شقراء_بغداد

بارت_٥٩


عصر يوم الاربعاء من شهر اذار توجهنا
لكربلاء .. وحدنا كضينا الطريق ضحك
واني مخليه راسي على زنده ولازمه ايده ونسولف على طول الطريق ..

اشترينا جمار اول مادخلنا كربلاء وصرنا ناكله لحد ما وصلنه الكراج
لبست عبايتي ونزلت ..

وكت الي وصلنا دنيا ليل وهستوه خلص اذان العشى ...
دخلنا زرنا وصلينه بالامام الحسين عليه السلام وطلعنه زرنا الامام العباس عليه السلام وهو كل مانطلع لباب الخروج يوكف بصفي ويرفع ايده يدعي ...
- مولاي عافيتها تعافيني فيها ومرادي منكم

كل مايخلص دعاءه ابتسمله واشاوره احبك وهو يضحك ويكولي ..
-وحكهم انا احبك ليوم الدين

بعد ما طلعنه رحنه نتمشى على المحلات واخذنا انواع حلاوه وبعدهه تعشينه وطلعنه نتمشى يم الطيور .. سألته ..
- شكد صارت ساعه ؟
- بالتسعه ونص
- زين نبات هالليله هنا حبيبي
- براحتك ياعيني بنفسك نضل ماعندي اعتراض نضل ودك نعاود نعاود
- يابعد عمري تسلم .. بس حلو الجو هنا خلي نبقى نشبع زياره وهم نااخذ هالوكت وحدنا
- تدللي
- ما طلعنه طلعه خاصه هيج من زواجنا لليوم
-اييه بالله لهاني الشغل والله
- ايي بس هسه ماعدنا شي خلي نتونس
- تينتي كل مكان معك هو ونسه لي

ضحكت وضليت اباوع لوجهه خده مورد شويه بهالبروده الحلوه زايدته جمال ويه
نظره عينه الحاده الي تتوسطها اللمعه الي تخلي هالاخضر الي بيها شفاف يصير
وشفافه ورديه مجمله اكثر اليشمغ الي دائماً يبرز شكاره ويزيد جماله جمال

على صفنتي بي كالي ...
- ضلي هين شوي واعاود
-ماشي

عافني بنفس مكان كعدتي على الرصيف والمكان بي قليل ناس وكدامنا بالشارع الطيور تتمشى وتلكط بالحنطه ..

شويه ورجع وشايل بايده لفه حب وجيس شاميه ... ضحكت واخذتهن منه وتشكرته
وهو فتح لفه الحب وحطلي بايدي شويه
والباقي عنده وصرنا هيج نكرز حب وهو يجمعهن الكشور يمي بالعلاكه ...

صار يكولي...
- تين انا مانسيتو لمهرك ولو تاخرت فيه لكن لاجل العلاج
- اعرف حبيبي
- اييه لكن ما ضل شي لرمضان وبأذن الله لهذاك الوكت نكون تفرغنا واخذك انتي وامي ونعتمر ببيت الله ان شاء الله
- ان شاء الله .. زين الجهال وين نبقيهم
- ناخذهم معنا
- لا والله
-اييه وش عليه خلهم يزورو بيت الله معنا وش في احسن منها يولو
- زين وصفيه هم ناخذهه
- ايييه ناخذهه عجل تضل لحالهه
-هههه نقفل البيت ونمشي
-ههههه عمره جماعيه
- اييي يامحلاهه والله ..ان شاء الله هالعيد احنه بيت الله
- ان شاء الله متلهف عليه والله .. عيد وعند الكعبه ومعاي الحبيبه الله هيك راضي علي ربي لو تحككت
- اكيد تتحقق حبيبي وان شاء الله ندعي هناك سوه مثل مادعينا هنا
-ان شاء الله
- تاكل شاميه ؟

مديتله الجيس وهو ضحك واخذ منه وصار ياكل ويباوع للمكان واني اباوعله
ما اشوف اكو احلى منه كدامي وياخذ نظري غيره ..

عبرت ساعه عشره كلتله ..
- حبيبي خلي نرجع نزور هسه المكان فارغ
- يلا امشي

رحنا غسلنا ودخلنا زرنا مره ثانيه وبهالمره اني ضليت مخليه راسي على شباك الامام الحسين عليه السلام واخذت راحتي بالوكفه لان كم واحد هيج موجودين ...
ضليت مغمضه عيني واتلمس شباك ضريحه واكول ...

- الهي انته منصف وحكيم وبكل شيء رحيم . رحمتني ورجعتلي حقي بالحياه على ايدين الشيخ وعيشتني من جديد بحبه واهتمامه ..رزقتني ما تحلم بيه كل مره بهالدنيا وانعمت عليه بأشهم واحلى الرجال .. لك الحمد والشكر على هالنعم
اليوم من تحت قبه الحسين ياالهي اطلب
منك تحفظه الي وتقدرني على سعادته وتخليني اكون عون اله بالشده والمرض
وتطمن كلبي يارب .. ازرع بيه الطمأنينه وابعد عني الوساوس حتى اكدر اكمل زواجي وياه .. انته العليم والحكيم يارب
ياقادر يا مقتدر يسرها الي هالليله
يا من لا يخيب سائلهُ يالله ..

رجعت خطوتين وباوعت للضريح واحس بداخلي فراغ عجيب .. ابتسمت بامتنان كأنه يباوعلي وبعدها رحت يم الشيخ وصلينه الزياره سوه وبعد ماطلعنه
كالي ...
- لزوم نلاكي مكان ننام فيه

لزمت ايده ووكفته وهو باوعلي كلتله ..
- عادي نبات بالفندق ؟ ماحب انام هيج بين الناس
- هاا

صار يمسح بوجهه ويباوع للشارع واني
اضحك بسكوت واكول لو بس يدري
جان شسوه !!!

اخذني ورحنه نتمشى على الفنادق وهو يرفع راسه يباوع للعماره ويكول لا امشي
وضلينه هيج نمشي مسافه بعيده عن الامام يلا عجبه فندق ..
دخلنه وجان الصاله جبيره شويه ونظيف المكان ..
اخذنا المفتاح وصعدنا للغرفه ..
اول ما كعدنا على الجربايه كلتله ..

- خالد هنا يخلون حبوب وجع راس
راسي ديأذيني كولش
- اسم الله عليكي ياعيني وش جرالك الحين
- مادري هيج فجأه حباب اسألهم
- يلا الحين انزل اشوفلك مااتاخر تريحي انتي
- راح اتعبك حبيبي
- تعبك راحه انجضعي ارتاحي

بوس راسي وطلع واني ضحكت ورحت اخذت جنطتي ودخلت الحمام ...

نزعت ملابسي وغسلت جسمي بسرعه

ونشفت وكلبت شكو شي جايبته بالجنطه بنص المغسله وبسرعه خليت بوطره لجسمي ولبست الثوب الاصفر الي جابه الي اخر سفره ... وخليت حمره ورديه ومسكارا ورفعت شعري بقت بس كذلتي نازله صفح ، تعطرت وسمعت صوته بالغرفه يكولي ..
- ياعيني جبتو للدوا احدري اشربيه
- اي هسه اجي لحظه

ضليت اعدل بالثوب من الصدر وهو حفرته جبيره وبارزه الصدر مرفوع منهه والفتحه الي بالنص بارزه اكثر لانه بشكل قلب حفرته ومبين صغر خصري بي
ورجليه كلهه طالعه لان هو طوله فوك الركبه بشبر وشويه كلوش ...
متأكده راح يتفاجىء لانه ما شايف جسمي هيج ابد .. صح البس قصير بالبيت بس دائماً مستور من فوك وطوله جوه الركبه ومو هيج مخصر ولازك على الجسم دائماً لبس راهي ..

ضليت اباوع لنفسي بالمرايه واتاكد كلشي زين واريد اطلع وارجع اتردد واباوع مره ثانيه بالمرايه وهو يصيح تين يلا
واكوله اي وايدي ترجف واكمز واخذ نفس قوي واحاجي نفسي اهدي اهدي
وضليت حاطه ايدي على كلبي واخذ نفس وازفره براحه لحد ما تشجعت وفتحت الباب وطلعت ...

هو جان كاعد على الجربايه وحاط ايده على خده من شافني رأساً وخرهه وضل صافن بوجهي ورافع حاجبه وعيونه على وسعهه ...
نزل عينه على طول جسمي ورجع رفعهه باوعلي واجه يمي ..

وكف قريب مني وباطراف اصابعه تلمس ركبتي ونزل على جتفي لحد العكس وضل لازمني هيج ويكولي ..
- على اساس راسك يوجعك
- هههه صار زين
-هااا هيك من حالو

ضحكت ودنكت وهو رفع وجهي وباوع لعيني ورفع حاجبه باستفهام .. كلتله ...

- حبيبي
- يا عينو
- اسفه نزلتك هيج وتعبتك بس للضروره احكام هههههه
- احكيلي شو الي بالك

رفع ايدي وخلاهه وره ركبته وضليت هيج اباوعله وبعدين دنكت وضحكت وهو قرب وجهه لوجهي ويكولي ..
- انتي تدرين انك تغلبي على عقلي بهالطله ليه تتعمديها !
- لان هاي نيتي
- وش ناويه علي فهميني

خله ايده على حنجي ويباوع لعيني واني محتاره شلون اضحهه اله .. وهو ايده الثانيه تتلمس حواف خصري ..
زفرت النفس وغمضت عيني بقوه وفتحتها وكلتله ...

- حابه نعيد ليله عرسنا .. اليوم بالزياره تمننا المهر لان مذكور بالاحاديث المنقوله عن الائمه ان زياره كربلاء تعادل عمره
- يعني مخططه لكل هذا !!
-اي صار ايام افكرله .. حبيبي اني نفسيتي ارتاحت واتحسنت هواي وعبرت كل مخاوفي وتغيرت هواي على ايدك
ومااريد شي من هالدنيا بعد غير راحتك بقربي

صعد ايده على زندي وصار يمشي بس طرف اصابعه عليه ويكولي ..
- تيني انسي تفكريك براحتي انا ما ودي تستعجلي بشي خذي وكتك حبيبتي
- اخذت وكتي وكفايتي هم
- وكاد ؟
- اي

سحبني من خصري لجسمه وخله وجهه على وجهي وهو مغمض يكولي ..
- عندك وكت تتراجعي لو تحبي
لاني لحظه الي الامس شفتك ماخليكي تفلتي من يدي صدكيني لا انتي الي تكدري علي ولا انا الي الي اكدر اضبط نفسي عنك بعد

بلعت ريكي وبهمس كلتله ..
-لا
اول ما نطقتها شدني اكثر لجسمه واخذ شفتي بهدوء خلت رجفه خفيفه تمشي بكل جسمي .. ضل مدنك جسمه عليه وبكل هداوه يبوسني بكل رقه لدرجه خلاني اهدء وانسى توتري كله ... وبنفس الهدوء فتح شعري وصار يخلي اصابعه وره اذني بداخل شعري ويتلمسه ...

شويه ووخر واخذ نفس قوي وهو يضحك ووجهه احمر ويكولي ...
- قسم بالله احتييت

ضحكت وخليت راسي بصدره وهو صار يتلمس خدي ويكولي ...
- الحين فهمتي ليه انا مابيوم تكربت حدر شفتك
-هههه ايي
- ايييه لاني داري اضعف كل الضعف فيها .. حب الرمان هذا ياحبيبتي يشيل الشيخ ويشيل الاب والكبر والصبر ويجردني من كل شي يسلبني ارادتي على نفسي والله يسلبها

حجاها ودنك يشتم ركبتي ويمشي خشمه عليهه وبعدها اخذني للمرايه وضل حاضني من وره ويباوعلي هيج
ركز عينه على صدري ورفع ايده من خصري خلاهه عليه وصار يمشي اصراف اصابعه عليه وينزلهه بالفتحه
ويكولي ..
- دخيل النعومه دخيل صغرك دخيل هالعود الرفيع

ضحكت ودرت راسي بوست خده وهو كالي ..
- حلوه والله يازين الشباب الي فيكي نيالي انا الي حليان حدر حلاكِ
- ماكو بحلاك حبيبي
- انا حلاتي ما تبان الا حدرك هيك بهالوكفه انا احلى

رجعت بوست خده وركبته وهو حضني قوي وصوت نفسه على ..
تلمس ايدي لحد الجتف ورفع الشيالات
اثنينهن نزلهن سوه واني مدنكه وكلبي بدا يدك سريع بس محافظه على هدوئي كدامه ..
بعد ما نزلهن من ايدي فتح السحاب الصغير من وره ونزل الثوب كله
وبعدهه وخر مني ...

باوعتله بالمرايه واشوفه حاط ايده بشعره وفاتح حلكه شويه وصافن على جسمي من وره .. رجعت شعري كله ليوره
وهو صاح ...
- ول شعرها شعرهااا يولو هذا يفتني ازيد على طول ظهرك هيك

ضحكت وهو رجع حضني من وره بس هالمره يتلمس جسمي من كدام ..
من رجلي وبطني وصدري ويباوعلي بالمرايه ويبتسم .. كالي ..
- لاكلك والله

بسرعه ضحك وشالني للجربايه مددني وضل واكف يشبع عينه على طولي
درت عيني منه وهو صار ينزع ملابسه وبعدين كالي ..
- ودك الضوا ولا اطفيه ؟
- كيفك

كعد بصفي وكالي ..
-خلييييه خلي اشبع عيني منك ..

دحكيلي حبيبتي دحكيلي ما ودي خجل بغلاتي عندك اتركي المستحى هالليله

باوعتله وهو قربني لحضنه وصار يكولي
- لا تخجلي مني انا حبيبك زوجك ودي
تكوني معي بكل شي كلي الك حلالك لا تخجلي وتضيعي لذه هالليله .. اتركي الخجل وخلينا نعيش هالليله بكل حب

نزل جسمه عليه وصار يحجيلي يم اذني
- خليني احس حبك بصوتك ..لمستك
رخاوتك معي
- احبك والله

رجع لنفس البوسه بنفس الهداوه لحد ماسيطر عليه بيهه صار يقويهه اكثر
وينفعل اكثر .....
تغير كلشي بي كأنه رجال ثاني
صوته طريقه كلامه الحب الي بكل لمسه يعبر عنه وبلحضه الي يزيد قوه بيهه يضل يبوس بوجهي ويتعذر ويكولي تحمليني ..
نقلني لعالمه الفاقد للشعور والوعي و
ماعرفت حتى نفسي بهاللحظه ..
شعور راحه غريب وحسيت اني تقربت منه اكثر .. فعلاً بهالمره شفت خالد الي يكولي ماتعرفيه بعدج ...

غيرني وياه باسلوبه وحركاته ونفسه
بعد عني كل خوف وكل كره .. فعلاً لكيت نفسي الي وجود بهالعلاقه واتاثر مثل ماهو يتاثر ..

حببني بيهه وخلاني اعيشهه وياه اكثر من مره بنفس الحب والشغف ..
رغم حذره وتمهله بالبدايه وياي لحد ماتجاوبت وياه الا انه قوي بكل شي
جسمه منين مالزمه متشنج العضل
مزيج من قوه وحنان يبرز شي بالفعل وشي بالصوت والنظره وباثنينهن سحرني وملكني واسعدني لاني ملكته نفسي ...

مرتجي على المخاد وحاضني بايد والثانيه يصب بيهه مي ..
شرب وبعدين شربني شويه وضل يتلمس بجتفي واني الفلف بشعر صدره .. سألني.

- ارتاحيتي معي ؟
- اي عمري
- ما كرهتي شي !
-لا حبيت كل شي صدكني كل شيي حلو
هاذي احلى ليله بعمري
- يا روحي انتي بالله انا اليوم اسعد رجل
انا دايماً سعيد معك لكن اليوم وكت الي دحكتك معي بكل شي ومرتاحه وباين حبك ورغبتك لكل شي مني انسعدت اكثر
- هههه ليييش قابل اني مامشوفتك حبي من قبل
- لاااا هين تختلف يابه
- هههه اييي حقك لعد
- دحكي راح احكيلك سالفه
- اي شنو هي
- تعرفي انا كيف صرت شيخ ؟ يعني ليه انا مو عمي ولا ابنو تعرفيها لو لا ؟
- لاا ماعرفها شنو احجييلي
- اسمعي ياعيني ... ابويه الله يرحمو وكت الي دخلت عمر ال ١٣ ارسلني عند اخوالي بالباديه بنص الصحرا كريب الحدود مع سوريا .. هنيك عرب خوالي
كبير وحلالهم كثير وهنيك الولد عندهم زلمه من اول ما تدك رجلو الكاع
سباع وفكرهم اكوى من يدهم ما يفوتهم حس الطير لو طار حدر خيمهم وانا وكت الي مشيت عندهم صغير ومدلل امي كل الي كنت اعرفو الكعده بالديوان لا عمري مدحك الخناجر ولا البارود ولا سامع صوت الذياب ولا ماشي بالحر مدلل على الاخر امي كانت لو كاعد اكل تهفيلي بمهفتها الخوص وحتى شعري هي تمشطه ومن صغري هي مسويتلي قاصه تجمعلي فيها الدراهم وتحكيلي هاذي الك وكت ما يعجبك شي اكسرها واخذ الي فيها اشتريه .. من عدا الي كانت تعطيهم لي زياده فوك الي اخذو من والدي
عايش عيشه الامراء والله وبليله وضحاها الاكي نفسي بعيد عن حضن امي ودلالها
والراحه والبروده ببيتي وادحك نفسي بنص صحرا جردا ما فيها غير التراب والشمس تصكع بالروس والخيل تتمشى حدري من كل صوب والولاد الي بعمري كلها تدحكلي متعجبه .. كان شعري كصير ومرتب ولبسي كلو بنطرون وقميص وهنيك كلهم ثياب البداوه عريضه والوانها غامقه وكلو اثواب
وانا ماطابلي المكان رحت كعدت حدر ابوي وهو كان كاعد بخيمه خالي الكبير
وحكالي ... من اليوم تضل هين عند اخوالك وتسمع كلمه خالك وماتعاود البيت الا وانته معاشر الصحرا
تركني وراح بسيارتو وضليت انا اتصفن بهالمكان لوحدي هين ماعرف احد منهم
مدحك خوالي مره وحده عندنا بالديوان
والحين لا بيتي ولا اهلي ولا ديرتي
ضليت مستاحش وكاعد بمكاني ما برحت منو وخالي جابلي ماعون تمر وطاسه لبن وكالي اكل وشيل الدلال من راسك الزلام ما تربيها الا صحاريها ...
ومن وكتها صرت امشي معو .. غير لبسي وحزمني وحطلي الخنجر فيه
وعرفني على ولاد اخوالي كلهم وعلى المشايخ بعد وصار يحكيلي عرفتك الاهل تعرف انته على العيشه ..
وصرت انا ادحكهم كيف يتصرفو واتعلم منهم .. اول ما تعلمتو هو ان صدت تغديت وان ما صدت تاكل التمر والخبز
وانا كضيتها خمس ليالي اكل تمر وخبز ولبن لاني ماعرف اصيد ولا اندل منين وكيف ولا شو الي اصيدو واكلو ..
وكل مااسالو لخالي يحكيلي لك عين وعكل يعينوك على مسألك ..
تالي صرت اتبع واحد من ولاد خالي
يكبرني بسنتين صرت اتبعو من الفجر
لحين الظهر انا امشي وراه وهو يدري اني وراه لكن ما يحكي معي ولا يسألني وش عندي اتبعو ! لكن تعلمت من صرت ادحكو كيف يبدي يومو بالصلاه وبعدها يرعى الاغنام ياخذهم يدك مشي فيهم بحوالي الساعه يمشي لمراح فيه خضار
تتغذى منو هالاغنام وهو يخليهم ويمشي يفتر هين وهين لحين ما يقنصلو مكان ويحضر خنجرو ويضل هادي ومركز على هدفو لحين ما يكضبو ..
- شيصيد يعني
- لو لاكى ارنب يتختلو ويكضبو بالهدى

والحيله ولو طير يضربو بالحنجر لكن ما يجرحو هيك مو هو بشكل نص هلال يضربو فيه على ركبتو لو جنحو وهيك يكع ويركض عليه يكضبو ويلفو بالحبل وياخذو ويعاود لاغنامو ..

- هااا ماشاء الله سبع

- اييه سباع والله هاذي خفايف عندهم يابه
اييه وبعدها يعاود بالاغنام لعند الخيام ويجمعها بمكانها وياخذ صيدو يعطيه لامو تطبخو له ولاخوتو .. تصدكي انا كنت معهم اكعد وكت الاكل همه ياكلو من صيدهم وانا من التمر لا انا الي طلبت غيرو ولا همه الي عطوني .. رغم انهم كريمين نفس لكن معلمين ان كلمن ياكل من تعبو ...

وهيك صرت اطلع وحدي امشي بالصحرا احاول اصيدلي شي واتفنن بالاساليب .. ياانصب شبك واضل اناطر لحين ماتكع عيني ومااستفاد منها اصير امشي وادورلي شي اضربو بالخنجر وييين الاكي طير وساعه الي اضربو ماتكع فيه ... ضليت هيك اتطبش بهالحال
لحين ما واحد من ولاد ولد خالي اخذني بالخفى علمني الصيد بالقوس والسهم
كان ياخذني لبعيييد ويحطلي احجار صغار واصير اصوب عليهم من بعيد بالسهم وهيك يلا تعلمت اصوب بالسهم وكدرت اصيدلي طير واخذتو فرحان فيه لعند خالي والهث من الركض واضحك وهو شجعني وحكالي الحين بديت بدربك
وبيومها حرمتو لخالي طبختو لي واكلتو لحالي والله ياتينه لو تضوكي كيف طعمو
بالله ماودك تاكلي غيرو من لحم وللحين انا اتسأل هو هيك لحم الطير طيب ولا لانو بتعبي اختلف عندي !
وماعرفت الجواب
- اكيد لان من تعبك تحسه مختلف
- اييه جايز. . وهيك من بعدها صرت مرافكو وهو بدا يعلمني ركب الخيل
وضبطتو وصرت اتسابك معو بالخيل
وعلمني ربط لجامها لكن طولي ماكان يسمحلي اجربها بحينها .. وبعدها صرت اعرف من وين يجلبو المي .. كان في غدير عين مي وحولها اشجار وخضار كثير لكن مساحتو كلها بتطلع كبر بيتنا
وهنيك الحريم يمشو الصبح يغسلو الثياب ويترسو مي ويعاودو وممنوع تحاكي حرمه واكفه حدر المي ولو كان ودك تسكي الخيل تنتظر لحين ما يمشو وبعدها تحدر للمي ..

- ايييي هالشغله حلووه

-هههههه مو بحلاكي والله

- اي حبيبي مرتاح كلبي كمل كمل

-ههه بعدها صرت اتعلم تخدير الكهوه
واصولها وتعلمت كيف اشعل النار مثلهم
وكيف ابارز بالسيف واقاتل .. كان يومي كلو عباره عن تدريب للمبارزه
تجرحت ونضربت بلكمات قويه من ولد اخوالي لكن اعاود اضربهم ويزيدو بضربهم لحين مااتعب يكفو واصير الليل كلو اسهر اضرب بتل رمال اضرب فيه واقوي لكمتي حتى ثاني يوم اردلو الضربه وكدرت اغلبو بمره بعد مره كدرت اغلب كم واحد منهم .. مره بالسيف مره بالخيل مره بالسهام مره بالملاواة وهيك تمكنت منهم وبهالحكي انا عبرت ال ١٤ وما مدحك اهلي واستحي اسأل عنهم ويعيبوني ...
بهالعمر عاد بديت اعاشر الصحرا

- كل هذا وبعدك ممعاشرها !!!

- لااا الحين بديت اعاشرها .. بديتها يا حبيبتي من وادي تركوني فيه مع ولدين بعمري وواحد يكبرنا بخمس سنين
ومعنا شويه تمر ومي وسلاحنا كلمن سيفو وقوسو والسهام على ظهرو والواد اجرد من كل شي وصوت الذياب من الاعالي ينسمع وكان مشروط علينا نعاود بعد ثلاث ليالي و بالليله الرابعه تحرم علينا دخله عربهم وكل هذا حتى وكت نعاود شيخ القبيله يسألنا كل واحد سؤال
لو جاوبناه نضل بالعرب ولو ماعرفناه نعاود لنفس المكان ..
والله ضلينا مخيمين وكاعدين نتصفن وبعدها كل واحد مشى لصوب ندحك
كل شبر بالمكان نحفظ جهه الشروق والغروب حتى الهوا من وين يهب
ندحك بالارض وش فيها من نوع حجر وحصى رمالها خشنه ولا ناعمه ..
كم تله محاوطتنا .. هين نلاكي غدير مي ولا لا هيك ضلينا نفتش بكل شي ونحفظو ماندري وش ننسأل .. والذياب كل ساعتين تهجم ونصير نضرب عليها بالسهام وبالليل نشعل اكثر من شعله نار
محاوطتنا تصير حتى نحتمي فيها منهن
وهالولد الي كان اكبرنا كان معو باروده
ومره بنص الليل فزينا على صوتها اثاريه ضارب واحد منهن عابر شعل النار وواصل حدر رجولنا ..
بالله بهالساعه نشف بعروكي الدم وانا ادحكو هالكبر كبرو ومكشر انيابو وكمز من فوكنا وشرد .. صرت اسمي باسم الله واردد فيه وماعولت تخلص هالثلاث ايام
دحكت الموت بعينو هنيك .. حتى حيايه كتلت وعكارب كل مااغفى شويه اسمع صوتها تطكطك حدر راسي اكعد اكتلها
واعاود انام .. ولحين ماعاودنا على الخيل يلا ارتاحلي بال ...
واول ما وصلنا وارتحنا دز علينا الشيخ
ورحنالو انا والولاد الي بعمري ...
سألني بوكتها ...
وش تعلمت من وادي الموت ؟
حكيتلو بالعجل ..
تعلمت كيف اعيش

ضحك وحكالي اكعد وسأل الثاني ..
وش تعلمت من سما الوادي ؟
حكالو .. تعلمت كيف استدل على ارضو منها
والثالث سألو ...
وش تعلمت من احياء الوادي؟
حكالو .. تعلمت الحذر من الغدر

هو بساعتها كافئنا كلنا على حسن اجاباتنا وخلالنا ذبيحه لوحدنا اكلناها ..
ومن وكتها بديت اتمعن بالصحرا كل شبر فيها صرت اميزو واعرف الغريب من الكريب وشاركت بكونات (عركات)
معهم وتجرحت اثرها

- يعني هاي الي بجسمك منها !

- الي بيدي هذا اثر خنجر لكن الي بخاصرتي هذا اثر الحرب والعسكريه

- هاا وشلون هيج انضربت بالخنجر

- كان في كونه بعربهم وصارت بالليل وكلهه فزعت الا انا وولاد خالي اثنين مارضى خالي نطلع من الخيمه وخلانا حدر حرمتو لان الكونه كانت كبيره وخاف علينا منهم كوننا صغار بعدنا
لكن انا عزت علي نفسي اضل حدر الحريم واهلي بره يتذبحو وجريت خنجري وطلعت وهجمت على الي كضبتو يدي ماكنت اذبحو لكن اجرحو لحتى يكع ودحكت ولد واحد من اخوالي تكاومو عليه اثنين ورحت فزعتلو وكتلتهم وخلصتو منهم لكن واحد راد ياخذني غدر وخالي فزعلي وبعدو مني وصارت ضربتو هين على يدي وتركت اثرها

- الحمدلله الي حماك بهذاك اليوم

-الحمدلله .. هاذي وحده من مئات
وعبرت عمر ١٥ بهالحال .. شعري طول لتحت كتافي وكلو ضفاير حاكيلك عنها

-هههه ايي

- اييه ولبسي كلو ثوب طويل ومحزم بالخنجر ولهجتي تغيرت وصوتي عالي بالحكي وسريع الحركه ونبه لكل مايخطف حدر عيني ووراي .. تعلمت استدل الدرب من النجوم واعرف الوكت من الظل والشمس وبيوم انا معاود من الصيد ودحكت سياره ابوي هين وركضت للخيمه ودحكتو هو وامي هين
وامي ركضت علي حضنتني وتبكي وابوي اخذني من حضنها وحكالها ..
يولي ابنك صار رجال ماتاخذيه باحضانك مثل الجهال ...

بهاللحظه انا كنت محتاج لحضن ابوي اكثر من امي كنت اتمنى ادحك فخرو فيي ودحكتو بعينو رغم انه ماحكى اكثر من هالكلمتين ولا سألني وش تعلمت كيف عشت وش صار معك .. على عكس امي الي ماوكفت اسأله ..

وضلو يوم والثاني ابوي كال نعاود وانا كل ظني اتحضر واعاود معهم لكن هو حكالي ...
الحين بعد ما تعلمت عيشه البدو ابدا تعلم كيف الرجوله تصير

بوكتها انا تعصبت واخذت بخاطري منو
كيف يحكيلي هالشكل .. يعني كل هذا الي اعرفو ويحكيلي تعلم الرجوله !!!!
ضلت تطحن بحشاي هالكلمه ليالي وليالي
ورحت سألت خالي عنها وحكالي ...

الرجوله كضبه فكر كبل كضبه الخنجر
و والدك يبغيك تعاود رجال مو سفاح تعرف الكتل بالاسلحه واليد

ومن هين بديت حياتي الجديده .. صرت بمرحله الشباب وعبرت الطفوله وبديت
اعاشر المجالس واستمع لكل كبيره فيه وصغيره وادخل باختبارات كثيره
منها مسائل كان يسئلها لي خالي وكت ماينطرح موضوع بالمجلس مع الرجال
ومنها حالات ضبط النفس .. تجي احيان
يرسلي خالي رجال يستفزوني بالحكي والافعال عمداً ويتكاونو معي بعد وانا بالاول اخذهم بالمصايح والمكاون والاكي خالي يرزلني على ضربي لهم وصرت افهم انه ودو اضبط نفسي عند هالحال
وتكررت الحاله بمختلف المواكف
وصرت اتهدا عندهم واخصم الامر بالكلمه الرزينه والحكمه على الخطأ والكرم والصفح مقابل الاذى والنصح
على شتات البال وهيك تغيرت شخصيتي
كنت عدائي بالاول من زود ماتعلمت وصحيت عليه بالاول صارت شخصيتي عدائيه خنجري كنت بكل ساعه ساحبو على شي وصوتي يرعد بالعرب وحتى مشيتي هوجه لكن من عمر ال ١٦ تغيرت وصرت هادىء واحكي وكت الي يلزم الحكي وابارز الي يستحك ابارزو
واعامل على حك الله واعطي الكثير مقابل القليل وامشي على ميزان ان
الدنيا دين ان سئت ولا اصلحت كلها دين يردلي بعدين ...

وبعمر ال ١٧ صرت اوعى على حاجتي الجنسيه وتسببلي ضيك بالنفس طول الوكت مخليتني اعصاب وكاره الهوا الي يمرني .. ما حكيت هالشي لاحد لكن خالي من حالو حكالي ...

كل رغباتنا الي تكلب موازين الحال ضبطها الفكر .. لو تهدا الفكر تهدا الحال

ومن حينها صرت اشغلو لفكري واتهدا
وتعلمت ضبط النفس عند الرغبه من كثر
كعدتي لحالي بوسط الصحرا وتفكيري
بكل شي عداها .. بالاول ماكنت اكدر عليها لكن بالايام كدرت وصارت تمرني عادي ولا كأنها شي يستوجب اهتم فيه .. وباوااخر هالسنه عاود ابوي وهالمره كنت انا بطولو .. اخذني معو هالمره
وعاودت لديرتي من بعد طول غياب
وابوي عرفني على رجالو وحكالهم على بطولاتي هنيك الي لليوم ماعرفت كيف يعرفها بهالتفصيل وهو مازارنا الا مرتين
ومن يوم الي دخلت فيه بيتنا هو يختبرني
مره بالاكل كان مخلي فيه براد حديد ناعم
بالمركه انا من اول ما عيني صارت على الماعون حكيتلهم ..شيلوها هاذي للزباله تنذب الحين ...
ومره نايم انا وحسيت على صوت مشي حدري خليتو لحد ما وصلني انا كنت بالهداوه اسحب الخنجر من تحت راسي وكمت خليتو على ركبتو وهو شال لثامو وحضني وضحك ..
ومره بارزني بالسيف وغلبتو كدام عمامي وبارزني عمي هم غلبتو وغلبتهم بالسهام وكعت لهم فيها حمامه من على البيت من غير الاحتبارات الي بداخل الديوان ولاول شهر من السنه الجديده
اخذني لكاع جردا وميته من الملوحه
وحكالي ...

الك ثلاث شهور تعاود الحياه لهالكاع وتعاود حينها لبيتك

تينه تفهمين وش عيني كاع ماكلها الملح احييها بثلاث شهور !!!

- يابعد عمري كل هاي حياتك بهالتعب
والمشقه جبتها

- عجل ظنك بالهين صرت شيخ !
انا لو لا هالكاع ما حصلت المشيخه

- كدرت عليها !

- ايييه كدرت .. اول ما بديت حرثتها
وتبين لي ان التربه الي تحتها خصبه وما لاحها الملح وصرت اشيل الفوك بالهداوه