تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

واحد والثلاثون


اليوم العالمي للمفاجئاة

بعد قنبلة سارة حسيت الدم صعد الراسي الوجع فجئه حاوط الجمجمه كمت اغلي بركان مشتغل جواي

اني اخليج تتهنين شلون قبل بيهه كان ميطيقه يكول صلفه وموراحه هل كح..... سوتهه صدك

 عمتي صاحت رتبي  الكاونتر لكيتلي حجه افرغ حركتي بيه طلعت الفرفوري(مواعين الكزاز)مسحتهم ونظفت داخل الكاونتر والخانات

نهله وياي عليه جهه وعليهه جهه ثانية مكالت شي من عمتي صاحته تساعدني الصونده ممدوده اجلف واغسل بلمي همزين الكاونتر المنيوم ومرمر بسرعه ينظف

اكيد هيج جو وشته رافعه بجامت التراك ولابسه بلوز بهاري لان مدامني اشتغل وحركه احر

اخذت احتياطي خالو ميجي بلمعرض وراهه يم جماعته حتى نهله لبست برموده وسدينه باب المطبخ لان مقابيلنه عمارة شقق والطوابق الفوك يشرفون علينه رغم مسوين سقيفه

نخاف من المدرعه (خالو)اذا شاف وضعنه هيج والباب مفتوح يسوينه قنابل ويفجرنه بساحة الطيران

صاح الله واكبر  واني مستمرة انتقلت للجدران سيرتميك جلف وجلف

سمعت عمتي صاحت ولج الغروب ميصلح

عفته كملت حايط كتله نهلة فدوه خلي نسحب هذا القاطع الكاونتر نغسل الحايط

.. .. مابي شي ميوصله دهن خل نغسل هذا مال الطباخ والساحبه تلكي مروف دهن

مكلت باطل سحبناا اني اجلف وهي وراي بلصونده

كملناا نص الحايط ردة اسوي الفوك خفنه من النقاط الكهربائيه ودرج ماكو اصعد عليه نضفت الي ايدي تنوشه

اخذني الوقت لحد محسيت ضربه عى ضهري التفت واشوف عنتي لازمتلي عودة الماسحه

صحت ايييي عمى شبيج

.... وجعت امي اصيح الغروب اصيح أذن الملائكه طير التنظيف هيج وقت يطير النعمه وانتي ولا جنج  كتلج بس ذني الماعينات طلعيهن نظفيهن ورجعيهن
اخذتي المطبخ اطحاح

افرك بأيدي ومبوزه لان الضربه لاحته شسويت غير نظفت وكلت فرد نوب اكمل الباقي مشوفين من الصيف مامنظف

...واني عاتبه عليج تنظفن هيج وقت لوهي النظافه بلغسل وتبربع المااي هااج مفيضه الأمه العربيه المهجومات اكملهن وارجع للغرفتي

التفتت على نهلة جانت ترجع بغراض الثلاجه وانتي الثانية مشفتيهه كلبت المطبخ سوك هرج

كالت عادي ياام قتيبه مدام عدنه وقت والولد طالعين نشتغل براحتنه حسن ماايجون ومنكدر نتحرك

....والله انتن مو وجهه واحد ينطيجن عين الضاهر عفت كلشي وكعدة عبالي عندي جنه ومرة اخو نادراة يعرفن يصرفن

التفتت عليه بااعي ولج هسه ترجعين الهوسه كله وتمسحين المطبخ ارجع بعد شويه الكاا كلشي بمكانه الصحيح دنياا اصك من البرد وانتي متشلتحه حضرة جنابج

كتله عمى شكو فوك متكولين مشكورات تنضفن وتعزلن جايه تعاركينه شسويت هااج باعي الحايط هذه كله دهن الغراض تراب مو مال مسح مينضفن

.... عضت اصبعه وخايبه مال الغسل جان طلعتيهن بطشت وغسلتيهن ماحب شغل بهوسه اكمل من الكاونتر غير مرة اروح على السيراميك شويه شويه الدنيا مجلجه وغروب وباردة بس انتي مزعبله انطيج بس غسل وهوسه

اباوع على نهله ساكته وماعاجبه

ذبت العوده منيدة وطلعت للهول

نهلة بربج هذا حجي واذا غروب شهل عقليه

هزة ايده واشرة اسكتي كاعده بلهول

رجعت كلشي على وضعه مسحت الكاع ونشفته بقت غراض الطابق الفوك نهلة كالت تعبت واني هم وعشى ممسوين

شويه ورجعت  كالت خابرة قادر ب١٠ يجي ويجيبلنه لفات

كتله همزين خلصتينه من التكلا والطبخ

عاطة عمتي سولي زقوم شون تموتني جوع من وره المهجوم
ابتليت كلت نظفنه

نهلة كالتله قادر كال اجيب لفات

صاحت نباااااء

ذبيت البيدي وطفرة هاا عمى

... ماتت عمتج خلصت روحي سلكيلي صدر دجاج وشوي منا لمن يجي قادر  ميتين وهذا لوليد منهد الحليبات والشوربه

اليوم كابه عليه سكتت طلعت صدر دجاج ثنين وسلكته بهاراة وبصل

فتت الغرفتي وهي بعده دردم شصاير وهيج اليوم كابه عدهه
واني منا ناري بصدري 

كلت اغسل وابدل صدك دخلت على السريع سبحت مطولت ربع ساعه الاكل على النار وماابيه حيل حجي

شافتني كالت اتلفلفي لاتتمرضين دخلت للغرفه لبست الروب وشغلة التدفئه كعدة ارتاح حيل مابيه اشسور شعري نشفته بلمنشفه لفيته بيه وطلعت

شفت نهلة توكل حمودي ومكابله التلفزيون بغرفت عمتي وعمتي بلهول مكابله المحاضرة وتهز براسه

رجعت للمطبخ طلعت الشيش وشويته بلطباخ على السرعه ثرمت زلادطه ولبن حميت الخبز

من ضغطه منسويله شي بدهن كملت وديتله الصينيه رحت صاحت نهلة نباء تعالن اكلن

نهلة كالت مااريد هسه قادر بلطريق جايب لفات

اني مرديت حضرتله دولكة مي وديته

هاي اني افتر والمنشفه على راسي حاطة اليورة

شوية وسمعت صوت سيارة خالو كنت واكفه الملم الغراض البقن دخل شفته مدخل السيارة للكراج

فتح باب المطبخ صاح السلام عليكم

رديت بدون مااباوعله واني اشتغل شفته من فات بيده علاكتين كبار

كعد بلهول من صوته وهوه يسلم على عمتي

طلعتله نهله وهي بعده بملابس الشغل ممبدلة التهت بحمودي اجت وجابت العلاليك

كالت الله اشتمي الريحه وهي تفتح

بيهن

ضحكت عليه جابت الصينيه كان جايب بيتزه عائليه و٥ لفات ٢ كص و٢ كباب وحده همبركر وبباسي ومقبلاة ممخلي الصينيه انترست جبنه اكبر ورتبناهن شلته خليته بلهول

نزل من الديوان كان كاعد عليه كالي اي والله عاشت الايادي
كال اي خيتي نزلي اكلي

.. لا عيوني اكلو بلعافيه هسه اكلت

يمعوده زيادة الخير خيرين شوراج رجال وتخافين تسمنين

....ضحكت يااا ياارجال وصارله سنين نايم بلمكبرة تدري بيه مااكل المكله ودهن وذني كلهن دهون

هم صدك انتي مرة وكلتج لفت كباب يومين ضغطج معلك وحاير يادكتور الزمه يكلي شماكله رحمه الربك النسوان البكده ينسف مناسف وكلشي مابيهن حيل حص.......

.... شسوي حظي الفالي الضغط والروماتيز وووو اكلو اكلو عوفكم مني خلوني اسمع هل كم كلمة تفيدني بأخرتي

مد ايده كال اي بويا سمو واكلو

اكلت لفت كص وقطعتين بيتزه نعلة ضربت لفتين وحده كباب وهمبركل ودارة على البيتزه خالو اكل بس لفت كباب

كمل حمدالله وكام يغسل نهلة هم كامت تغسل يمه شلت الصينيه رجعت على ميز الطعام رجعت

صارة عيني عليهم واكفين لزك رافعه راسه تحجي وتبتسم هوه هم يضحكله

وكفتهم امبينه ثنينهم يغسلون بس كان الجو رومانسي

شويه وشفته ضربهه ضربه خفيفه على خلفي.......

من شفته هيج شردة للمطبخ سويت روحي اعزل بلاكل البقه وصدك رجعت الزايد بلثلاجه

اجت تتمخطر جسمه مبين بلبرموده صاحبت جسم تارس رغم صدرة زغير وخصر بس خلفيته كلش كبيره من شفته لعبت نفسي

بلرغم اغلبيت الزلم تحب هيج اجسام ثلاثينيه وناضج

كالت عفية نباء سوي جاي القادر اريد اصعد اسبح متت وهوه يحجي عليه يكلي بارده ولابسه مشلتح

كتله روحي ماعندي شي

سويتلهم هوه وعمتي عفتهم بلهول كبال الصوبه

دخلت الغرفتي شغلت الشسوار بيه مابيه نشفته اجر بروحي جر ماعولت اكمل صدك بس كمت ذبيت روحي مااعرف شوكت نمت

فزيت شفت الساعه ب٨ ونص مكرفصه من البرد والكهرباء طافيه  جريت البطانيه الثانيه ورجعة كملت نومتي

كعت ب١١ كمت مابيه بعد نوم صايره بس انام شجاني

لميت شعري لبست الروب والجواريب لفيت روحي وطلعت

سمعت اصواتهم من غرفت عمتي غسلت ودخلت صبحت عليهم

عمتي ونهلة حمودي نايم وخالو ماهوه همزين كدامهم صينية الريوك والقوري على الصوبه

نهلة ضحكت كالت والله خوش نومه طكيتيه

...اسكتي وخليه ميته مافزيت اصوري التدفئه طافيه ومثلجه ومحاسه بروحي

عمتي كالت حقج شغل البارحه وين يروح

....عمى فدوه راح ضلين تاكلين كلبي عمي بعد والله مااسوي شي اذا مااكلج هاي الخاشوكه مااشيله اذا مااكلج

يمه اني شريد منج اكيف تنظفيلي بيتي بس غير كون بترتيب شي نظامي مو بخبال هاي شوفي منشوله وتعاطسين شويه شويه قابل هوه صيف واكلج غسلي منا لسبوع شتا وبارده هذا كله يطلع عليج بعدين

اني بكدج ياما وياما غسلت وتعبت چنت قطع ارضيه اسحلهن واكعد اجلف ذني الايرانيات ام الشعرايه الوتكفه ثكال  لحد مينهد حيلي ولا اشتكي ولاافتح حلكي قبل صبابه مثل هسه كاشي احكه حك البيت اخلي يبرج  شوفت عينج شستفاديت هلطلعن عليه الروماتيز والفقراة والضغط

اكلي وكملي صفطيلي خانتي

نهلة... ههههه ام قتيبه صارلج ساعه تحجين على الشغل هستوه كعدة استلمتيه صفطي خانتي

قابل تفلش هنه هديمات ترتبهن والله ويااهه

كتله صار عمى من عيوني اتريك واصفطلج كنتورج

كعدنه ناكل اني ونهله عمتي اكيد من وكت كاعدة وياا خالو

كلت النهله بصوت ناصي شوكت كعدتي

كالت ب ٧ نزلت سويتلهم ريوك ورجعت نمت وهاي قبل متكعدين بربع ساعه نزلت

هااا انتي مسويه البيض

... اي ستوني سويته وحسبت حسابج

مطيت جسمي مااعرف شبيه مكسره وبس نعسانه

...اني هم نعسانه وكوه كعدتلهم منايمه عدل

ليش صعدتي من وكت

.... بطرانه قابل نمت صعدت سبحت طلعت لكيت قادر صاعد استلمني لل ٣ يله عافني

ههههه خوش استلام ذمه

...والله كسرني كتله تعبانه يكلي شعليه رجال واريد مرتي والله هاي حلوه

هههه خطيه

....اني الخطيه شبي مرتاح من كل النواحي

اسكتي لا عمتي اسمعج شي فكچ

...هم صدك

كملت وانتقلت للكنتور هم كضيت وياا ٣ ساعات طلعي نزلي مسحي هاي هاي لاجيسيه المجر عوفي الخرز لاطلعيهن اووو عده قلاقيل شكد محتفضه بيهن حتى ملابس قتيبه من هوه طفل ضامتهن فوك بلكواني تكلي فرد يوم نصعد نعزل المخزن واطلعهن

كملت ونهلة تضحك عليه وتأشر عود استلمي الكراب الزين

صارة ب ٤ نعست ماكلت لا رحت لفيت راسي ونمت

كعدة على اتصال شمس بعد السلام وسالني على وضعي دخل بلمهم

... نباء تعرفين بعد موت الوالد حياتنه اتخربطت وصار الماكنت متوقعه عائلتنه اشتت رغم امي وعمي اسماعيل متكفلين بلوضع سفري وعلاج نائل اخذ من عندي وقت وهواي ماناسيكم لاكن الضروف خلتني بعيد عنكم
ايام زمان كنت ملك وسطكم محاس مجرد اتصال يطمني عنكم اكتفي وانام وراسي بارد  الوالد الله يرحمة ...

ممقصر بشي كان وجوده غني عن كل شخص مسؤليتكم بركبته لكن الان اختلف الوضع

رجعت واني شايل هاي المسؤليه على اكتافي لاتتوقع

ين اتنازل عن عائلتي او افرط بيكم

كان يحجي بألم شنو اليريد يوصله اسمعله بتمعن واحلل كل جمله  لحد مصدمني بسؤاله

... ليش مجافيتنه ومتجين من رجوعي واكتمال علاج نائل مشفتج اجيتي غير فقط بلثوابات على روح الوالد  كم ساعه وترحين

شصاير بغيابي وخلاج تبتعدين اكو سبب معين اكو خلاف بينكم انتي والوالده زعلانه من عدنه  اني مقصر لو طالبتني ورادج لهذا ماخذه بخاطرج

سؤاله مثل الصاعقه حرت شون اجاوبة وشمس ذكي متعبر عليه لو مااحاس اكو شي ميكلي اكو خلاف بينج وبين الوالده

اكتفيت بجواب ملتهية ويه عمتي مريضه ومرة كبيره بلعمر ومتكدر وزوجة خالو بيناتهم خلافات لهذا مااكدر اتركه واطلع منو يقوم بواجبهه

وقتيبه شغل وحقك عليه اني مقصره مااجي بس اخابر سارة واطمأن عليكم واعرف اخباركم  من عدهه امي دائماً اسأله واحجي وياهه

ختمهه وهوه ممقتنع جملته الاخيره اكدة ضنوني يصير خير اني موجوده واعرف بنفسي

سديت التلفون واني صافنه الشرخ السوته وجعني حيل احد
كنت احلم ازوج   ويوميه اجي ازور اهلي اسوي طبخ واجيب اجدورتي واكعد بنصهم وزوجي وياي ويصير عندي طفل من اضوج اذبه عليهم واتفرغ النفسي اروح للطبيب امي تاخذني

اتمرض اجي يمهم

اتعارك الم ملابسي اجيهم  وخواني ياخذوني حقي من عيونه

ازعل مجرد ارفع سماعة الجهاز يجيني نائل ياخذني ويتعارك وياا زوجي

نزلن دموعي لحظات المريت بيهن رجعلي لو شمس موجود وسمع التسجيلات راح يصدك مثلهم اكيد قابل يختلف عنهم

كلكم نفس الشي شنو الأختلف

كمت اهفي بيديه على وجهي واحجي كافي ادموع موكلتي بعد ماابجي على شي ميسوه اششش اسكتي لابد يجي يوم وتضهر الحقيقه

ندك باب الغرفه صحت ادخل 

كالت هااا صح النوم

...ضحكت منايمه كنت احاجي اهلي  باوعت عليه مبدله
شو مبدله خير ياطير وين

اهووو انتي من ذوله الناس اذا شافو فقير لابس جديد ميكلوله بلعافيه منيلك

... لا حبي بلعافيه بس صدك وين

اسكتي ربج هادي الخالج كتله مزايره وضايجه بلبدايه اذا ميشلع كلبي ميرتاح اليوم الصبح كال حضري روحج نروح ونبات

.... بلعافيه كلبي روحي تونسي وزوري ودعيلنه

ان شاءالله عينج على حمودي بأمانتج 

كلت بكلبي هوه حمودي تعرفين وين اراضيه لو هذا درب جديد تبينيل لخالو اهتمامج 

كتله لاتهتمين ميحتاج توصين

وصلت للباب ورجعت  فتحت جيزدانهه هااااج حبيبه هذا مصرف للبيت كل شي يصير تحتاجون شي واحنه بطريق

عافت لفلوس على الميز وطلعت ضليت اني بموضع الصدمه هاي شتحس وهيج اسوي

رحت حسبتهن مو هواي ذبيتهن بله هسه اروح انطيهن العمتي وتخليه بحلك خالو
لو اسكت من يرحون اكللهه

هزيت ايدي والله هاي المرة بيه حالة نفسيه كل يوميه شخصيه شكل

طلعت لكيتهم واكفين هي تلبس بعباته وخالو طلع كدامهه وهي ورا

باوعت الساعه ٩ بليل عمتي مدده وتكلب بلريمونت

التفتتلي يااا همزين كعدتي نبيه شبيج صارلج جم يوم معاجبتني

كتله عمى والله ماادري بس انام

كانت كعدته مقابيل الصوبه

...شوو تعالي اشرة يمه رحت مكلت لا خليت راسي بحضنهه جاست كصتي
حرارتج زينه شمالج يمه

سكتت لان صدك مصدعه واغفي حسيته حطت ايده على راسي وسمي غفيت

ماادري شكد نمت فتحت عيوني وسمعته تحجي بلنقال عرفته قتيبه  ضليت على نومتي مكرفصه  مقابيل الصوبه  اقدامي مادتهن بيه من يحرن اجرهن

كملت كالت ليش مطلبتي رجلج

... مابيه حيل احاجي

يمه اخاف فلاونزه بلعظم ومتدرين

... ماادري مااعندي اغراض فلاونزه

هوه انتي حجاية والثانيه كلتي ماادري متكليلي شتدرين
مضيعه صول جعابج يايمه ليوين ضلين فكاكه

امج اليوم خابرتني عزمتنه على ثواب ابوج

من كالت امي رفعت راسي

كتله شنو ليش خابرتج

... يااا يااا شنو ليش خابرة هي دائماً تخابر المرة وتسأل على احوالي مكاطعه

ادري انتي وياهه صرتن حبايب

... دهر لفج واذا صرنا حبايب بيش ضارج الغيرج يفرحن

المهم عمى شرادة

...مرادة شي كالت تعالو على ثواب الحجي

اي يعني باجر نروح

... لا وين نروح غير رجلج نزلته باجر كتله واصل بس يرتاح كم يوم نجيكم

رجعت على رجله  كتله  عبالي اكو شي بي حظ

كفختني حيل ودفعتني كوومي كومي ولي نهمدي بغرفتج

طلعت اذكرة شغلة مديت راسي عمى اذا كعدتي الصبح كعديني هزة راسهه

نمت وكعدة وحدي صح جسمي يوجعني بس جبرت روحي اكوم

خلص نص النهار بين ركضت البيت وتحضير الغده عمتي كالبته عزيمه كانو قتيبه كان مسافر للخارج وسنين مشايفي

صارة الساعه ب ١ خابرناا كال ساعه وادخل للمحافضه

استغل الوقت سبحت لبست تراك فروو اعم ابيض ومووج برصاصي والبجامه رصاصي بيه حافه فضيه ضفرة شعري

كعدة بلمطبخ بصف عمتي بعد مااسحبنه ميز الطعام للهول بقدرة قادر صارله مجال بصف الديوان

اباوع على المطبخ صار اوسع فرشنه زوالي وبلوسط فرشه شتائيه  للكعده لان اغلب كعداتهم بلكاع

صارة اجواء شته كانت الصوبه على صفحه الجو بده يند مطر

رفعت البرده اكو ضوه شمس لاكن الغيوم هواي

مرة الوقت ندك الباب  عرفته وصل طلعت فرحانه

مااعرف اول مره هلكد وقت يبتعد واشتاقله  فتحت الباب

دخل قتيبه شايل بيده جنطه دخل والبتسامه مرسومه على وجهه  نزل الجنطه جرني الحضنه وهو يكول شلونج كليبي

وخرت منه بعد مكتله زينه انت شلونك

سمعنه عمتي تهلي هلا بلجاين لينه يمه هلا وميت هلا

راح حضنه وبوس ايده وجبينه

ساعتين مرن بين وجبة الاكل بين سوالف حتى قتيبه تمدد على رجل عمتي بلمطبخ لل٥ واحنه كاعدين سوالف وضحك

حمودي محسينه بي لو على التلفزيون لو يلعب بألعابه اخليهم اله على جربايته

شويه ونفتح باب الشارع حيل سكتنه قتيبه كال شكوه
طفرنه على فتح باب المطبخ انركع بلحايط 

طبت نهلة تبجي

....... يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الثاني والثلاثون

بين غمام السما تعلو شهقاتي
مع امنياتي المركونه
تحت ستائر سينما الأيام
تنزل أناملي اتحسس بها وجنتي٣
لتمتلاء بسيل الدموع 

الحياة تسير كلرياح الشماليا تعصف المكان تنثر كل شياء من حولها رغم زوبعتها لكن محمله بلغيوم الممطرة لتبلل اجسادنه المتعبه

مرور شهرين واليوم واكفه كدام النسوان شايله صواني التقديم  راسمه الابتسامه الخداعه

اتنقل بين الحضور وصلت العمتي كالت يمه صلاوات على النبي ياعين صاد من عيني وعين الحساد من عين ازرك من عين افرك من عين المايصلي على النبي

ابتسمت بوجهه ورجعت للمطبخ شويه وصاحت نرجس نص ساعه ويجيبوهه

زات دكات كلبي مشيت على السريع سحبت الجنطه طلعت الكامرة  اباوع عليه واكول يجي يومج والج نفع

طلعت وشايلته بدلت الفلم تأكدة من البطاريه

اعلنو على وصولهه باوعت على نفسي نظرة الاخيرة لابسه فستان ذهبي طويل البطانه فوك الركبه بشبرين والصدر عاري بدون اكتاف والتور مالته طويل يسحل اول مشافتني امي جرتني عيب وشمسويه بروحج مصلخه لاشوفج عمتج وتكول الرجلج مهتميت عفته تحجي النار الجواي تحركهم كلهم ممسؤله عن تصرفاتي براكين الخداع تسيرني

دخلت وياهه علا وعمتهه دخلوه للغرفه مرة اقل الربع ساعه
اجوو البنات للمطبخ انخبصن بلماي والتقديم

نص ساعه وكالو صيحوهه نعقدلهم

وكفت اصوره بملابس العقد بيض لابسه سيت ابيض مفضوح
وفوكه وشاح ابيض

خلن تحت اقدامه طاست مي وبيه ورق ياس بيديه هيل ويه كل اصبع

تمت مراسيم العقد بعد مااعلنت الوكاله نعم وانت وكيلي

تم اعلانه عن طريق هلاهل ترست البيت كميت البرود الحتل كلبي موطبيعي رغم نظراة علا وسارة  الحيارات بأمري

رجعت لبست بدلة العقد صعدة على الدرج وبديت بتصويرهم الحضور

كانت عند خبره كيف استخدامه تقريب وتبعيد الزوم
كانت nikon  النوع  DSLR بلشت اصور نزلت واني رافعه ايديه اصور جابو الكيكه تقربت يمه اصوره شافتني

ضمت حلكه  عفته اتوجهت للكل اصور الاصوات عاليه وبناتنه بلوسط يركصن واني افتر عليهن بلكامرة

اجت مرة عمي كالت راح يدخل نزلت الكامرة دخلت جوه اخذة نفس عميق طلعت لابسه صايه خليجيه والشال للنص تعمدة طوخت لون الحمرة

طلعت قبل البنات الكل دخل يلبسن شي

شفته واكف باب المطبخ يحجي ويه امه ومبين عليه الراحه وجهه مرتخي  عفتهم وكفت على صفحه شويه ودخلو استقبلو بلهلاهل وياا محمد سوله مجال يكعد بصفهه كعد وهوه مرتاح مبين عليه الارتباك او منحرج محمد مضل طلع

شغلت الكامره وتوجهت قريب يمهم اصور اباوع عليه بلكامرة فرحانه يمكن شويه ويغمى عليهه اول مره اشوف رحاب مرتبكه وخجلانه

جابو الذهب بده يلبسه واني صوره وفيديو اخذلهم كل هذا منتبهلي مااعرف المكياج مغيرني لوهوه التغير

خلصن فقرة الذهب وتقطيع الكيك اجه وقت التقاط الصور العائليه اخذتلهم كم صوره مع بعض

مندمجه اخذلهم صور صاحت رفيف نبأ حبابه حبابه اخذيلي هواي وياهم تحجي ودكمز كتله من عيوني بس اكمل العرسان اتفرغلج

التفت عليه مصدوم امبين معرفني

طول فترة التصوير احسه متوتر  رحاب مماخذه راحته وتتأفأف

عماتي وبناتهن وخواته ومرة محمد رادن صور  وياهم  شويا وكال كافي جماعتي منتضريني

كمل وطلع رحاب تنافخ شنو ماخذت هواي

مرن ٣ ساعات تعبت كتلهم نرجع امي كالت اي يمه اني هم تعبت وبيبتج تون مادامه كاعده

جلبو بينه للعشه اغلبيتهم طشو بس بيت عمي اسماعيل ضلو الولد بلصاله

مقبلت تحججت تعبانه رجعنه ويه نائل مرة شمس خطيه شايله أديم واني شلت ادم

نزلت هلكانه بس دخلت للغرفه كبل ذبيت روحي على الجربايه

دخلت سارة  مثلي تعبانه

باوعتله كتله ولج صايره صكوك ضحكت

... غير من الراحه ويوميه بمركز تجميل شكل 

شبيج بومه كالبه الخلقه عابت الجهره الزفره

.... تعالي صدك شلون قنعتي رجلج ضلين سبوع

يااا متدرين عندي ورقه الرابحه مثل الجوكر وبعدين شلج برجلي موجنتي تحنين وتونين تعالي يمنه باتي هاي اجيت يمج وراح انام على كلبج لحد متكولين لاتجين بعد

اجت يمي حضنتني يمه اني اكلج لاتجين ينكص الساني تعالي ومللينه بجياتج

كالت نبأ بداعتي بعد لاتبتعدين عنه متصوربن جنت شكد احتاجج وجودج بحياتي يغنيني مجرد اسمج بلبيت الحمدالله  من صالحتي انتي وامي

كتله كافي لج راح ابجي جوعانه

دفعتني ولي ولا اكوم  لو تموتين جوع

لا حبابه اني اخيتج حبيبتج

مااا والله تعبانه من الهوسه بيه حيل

متقبل لحد جريته

سحلته سحل كومي والله جوعانه وجاي على بالي اكل مشاوي
احجي واجر بيه وراي

دخلنه للمطبخ كالت نباء وكتج ياامشاوي

.... معليه اشتهيت مشاوي

صفنت عليه كالت نبأ شوو بااعيلي عافت البيدهه وتقربت منهي شنو مشتهيه ولج فد لا حامل وتتنسين

.... ولي حامل شنو قبل سبوع نضفت

كالت متأكده لاضمين واحجي اذا حامل

.... ضربته على راسه كبر كل هذا لان كلت مشتهيه مشاوي مااريد بعد اروح انام اشرفلي

كالت لالا وا

لله موقصدي بس ردة اعرف لا حامل ومتحجين

... موحامل الاعرفه التحبل يصير عده لعبان نفس تنقطع شهريته وتتنسى اني اي اعراض حمل ماعندي بس هليام صايره اكل هواي حتى زايد وزني

كالت لعد روحي اشعلي المنقله وحضري الفحم هااا قبل لترحين لاتستعملين الجبيره عوفيه دولب ومتعرفيله جيبي الصغيره دخليه هنا نشكله على النقطه فوك الكاونتر بين مااقطع الحم

رحت حضرة كلشي ودخلت المنقله للمطبخ وبالي يم حجي سارة معقوله حامل لا لا يابه وين حامل وستوني تعليت بس ليش هيج صاير اتشهه واكلي فضيع يمكن عندي خلل بلشهيه وصاير افراط

شوينه لحم وتكه وطماطه وبصل بعدنه ستونه حطينه الصينيه رفعنه راسنه ونشوف نائل جاي بتجاهنه كال الله اكول ريحت لحم عبالي بيت ابو سامي يشوون بعده مكاعد اني وساره لزمنه المواعين درب الفلته ركضنه للغرفه تركنه بس غبارنه ورانه قفلنه الباب

يدك بلباب ويججي نحيسات كبر ولجن جوعان

سارة .. ولي اشتري من بره
نباء.. مو جنت يم جماعتك مااكلت

كال شكد جوعيات متكولن خطيه نخلي ياكل ويانه قابل شراح اكل هنه لكمتين

نباء... ايبااااه لكمتين استاذ نائل غير تنسف الاول والتالي اذكرك لو ناسي ياااااما وياااما تكعد اطير الأكل وتعوفنه جوعانات تحلم هسه انطيك لكمه

سارة .. الله باااع الطعم اممممم لو الطماطه الملاحه فاتتك ياخويه

اباوع عليه تاكل وتغور بي

كعدت اكل وذاك يصيح جوعيات نفس دنيا هم بعد اشتريلجن شوفن اذا وحده كالت اريد شي بطريقك اوكلهه وسكت

اني وساره ميتات ضحك ضاج وراح

كملنه وكمنه نتختل لحد موصلنه للمطبخ

ماهوه يمكن بغرفته رجعنه خاف يلكفنه شيخلصنه منه

كعدنه نضحك عليه

تمددة اجن على بالي الايام الكظيته بين ذني الحيطان اباوع للسكف شكد رسمت بيك احلام من اصفن عليه الغرفه مثل ماهيه ماغيروهه بعد زواجي ساره محتفظه بكلشي يخصني

كلبت على الجهه الثانيه واجت صورة حسن ورحاب بالي شكد حلوه من اكشف اوراقج كدام حبيب الكلب اخخ لوما قتيبه

رجعت بذاكرتي لذاك اليوم الي دخلت نهله تبجي وتعيط والله ماابقى يمك يوم واحد لاعبالك مالي اهل هسه اخابر خواني يجون ياخذوني

خالو صوته يوصل لسابع جار درب يسد مايرد طبج مرض واذا خابرتي كلابج خواني شون خوان والنعم منهم واحد قفاص واحد ماسحه المرتى

... لاتحجي عليهم مااسمحلك خواني شرفاء مبايكين من احد مايوم مدو ايديهم لاحد

عاط بيه ادبسز وراح يريد يضربه ويعيط كلبه ماتسمحيلي شوتعالي ركضنه اني وقتيبه صرنه كدامه

قتيبه بعده مسافه واني كاضته

وخالتي تصيح يمه استهدوي برحمان شجاكم كعدو فهمونه شكو

كال ماتسمحيلي حراميه وقفاصه اعددلج قفصو على حجي رضا بزمنات النظام بعيوني شفتهم يشلون بلمكيفات لو على مكتب ..... لو ناس غيرهم هسه عدهم عماير من البوك بس همه خربك ربج ضربهم كلهم ضلو ثولان وكضوهن ملاهي ونسوان اسكتي ولا تخليني اكمل ماضي خوانج المشرف

يحجي ويريد يجي عليه وقتيبه كاضه ويكله هسه غير يكعد ونفتهم منه

هاي سمعة هيج يحجي على كامت تكمز انت شنو تحجي هيج خواني اشرف منك من امثالك

هوه سمعه ومااحسيت غير خمط نهله وصعد سوة الدرج بايتين قتيبه مصفصف

دفعته واني اكمز اصعد يموته والله خلانه نتراكض ملحكنه قفل الباب مانسمع بس الغلط والضرب وهي تعيط وتحجي

ضليت اختض نضرب بلباب نحجي ميسمع اسمع عياطهه وصل بيه تغلط وهوه يزيد بلضرب لحد لان صوت الضرب يرن بذاني جسمي باد عيوني تجري

حرة شسوي انريد نخلصه منه

عمتي صعدة وهي تحجي ودك بلباب نريده يفكه ماكو قافل ميسمعنه يمكن التمت علينه الجيران

كتله قتيبه فدوه ماكو غير حل اكسر الباب عمتي كالي اي يمه ولك راح يموته والله

كال يمه والله تخزينه اسمعي صوته وين واصل

يمه دفتح الباب

حاول قتيبه يكسره مره مرتين ماكدر كام يدفر بي لحد ماانفتح دخلنه

ركض قتيبه سحب خالو واني ركضته عليه يمه الجسم مشوه شعره مكطع

خالو فشر فشار بحياتي مسامعته من يمي ستحيت

قتيبه يريد يسيطر عليه ميكدر اضخم من يمه هوه قوي انوب بحالة عصبيه مستعد يكسر عضامهه

خالو تطلع بس اطلع

وووخر خلي اموته للكلبه هاي بت .... بت ....

نهلة تعيط وتدعي الله لاينطيك الله يكسر يديك ياظالم

وهوه يزيد ويريد يجي يضربه

عمتي تحجي تريد يسكتون ماكو

اكله يمعود اسكتي بس خلي يطلع ماتسكت فدوه نهله بس خلي يطلع ماكو اخر شي دفعتني وكامت

عاطت ليش اسكت هااكم بااعو جسمي مزورك وحلكي ينزف دم ليش حيوانه اني شمسويتله لان دافعت عن خواني اشرف بيهم ومااقبل ينحجي عليهم ميحبهم لايحبهم وعسى لاحبهم مامعيشهم هوه ولاصارف عليهم عوووووفه قتيبه خلي يجي يضربي عباله خايفه طززززز اذا اخاف منه لان مو رجال بس الحريمه اليمد ايده على مره

يمه اني اجت تموع روحي من شفته دفع قتيبه مااعرف منين الجرئه اجتني وركضت وكفت كدامه ادفع بي راد يدفعني قتيبه جره حيل وهوه وجهه احمر وصاك على سنونه كوه طلعنه ندفع بي ويعيط علينه وخرو لا اجرم بيكم ساافله اني حريمه اني ولج حراميه مثل خواني وذيج

ترد الله ياخذك ويخلصني منك

وهوه جن جنونه لمن نزلنا الف ياعلي بس شنو وجه انطعن احمر عيونه دم كعد على القنفه مدنك و ايديه فوك راسه

صاح نبااااء

اجيت يمه ركض هااا خالو

راسي ذبحني عندج براسيتول

اي هسه ركضت ادورله دوه لكيته نوعيه احسن انطيته وكلاص مي شرب ورجع جسمه انتجه ومدد رجليه شفته خشمه نزل دم منه

كتله خالو خشمك طك دم قتيبه كال بسرعه جيبيله حب ضغط من امي

كتله ميصير شون بدون استشارة طبيب عااط دروووحي هوه وامي نفس النوعيه ياخذون

ركضت جبت علاج عمتي انطيته القتيبه طلعله مااعرف حب الضغط

رحت سويتله عصير ليمون

جبته كتله خالو اشربه زين للضغط

مااريد هاي الحبايه تكفي

كتله اني جنت اسويه الوالدي من يرتفع حتى بدون مياخذ حبايه ضغط

كال بويه رجعي مالي نفس من اشوف روحي موزين اكلج سويلي

عفته قتيبه ساكت

اذكرة حمودي شهكت باوع عليه رحت ركض للغرفه فتحته

من شفته ناايم وفاك حلكه خفت اكثر فد لا صاير بي شي هزيته يكعد ماكو اكثر من مره اهزه ماكو متت كلبي وكف عطت الحكي خالو قتيبه حموي ميكعد

اجو خالو اخذه مني ويضرب بي كمت اكمز وخرمش بروحي قتيبه ركض بره عمتي ونهلة اجن يعيطن على عياطي

اخذه وطلع واني وراه اكمز واعيط ردة اروح زمخ بيه اطب
طبيت شفت عمتي طلعت وراهم كالت اروح وياكم

ماحجو اخذوه وراحو نهلة تبجي وتسال شصار سولفتله واني

ميته جسمي يرجف ربي عديه على خير

امشي وادعي ربي لاتحرمنن منه دخل بكلبي من اول مااجيت وشفته زاد حبي من عرفت حالته

من قربته الي والعب وياا لو اوكله ضحكته حلوه نظيف طفل عادي لولا الضمور كل هذا وجماله وبرائته شي اخر ربي مثل ماازرعت حبه وعطفه بكلبي رجعه سالم

افتر مااكدر اكعد القلق ياكل بيه
اتخيلي يجي خبر مات الزم كلبي اشبع بجي مجرد اتخيل روحي تفرفح

مخليت سوره مااقريته مابيه بعد ركضت توضيت كعدة اصلي
وادعي

كملت رحت اخابرهم محد يرد عمتي جهاز عايفته نهلة بس تبجي وتلوم بروحهه ودك على رجليه

الوقت يمر علينه مثل الجمر ياكلن بينه صارة ب١١ واي خبر ماكو سمعت جهاز طفرت قتيبه جاوبته واني لازمه كلبي ربي سترك بشرني حمودي بي شي

كال دخلو للعنايه

..شبي شكالولكم الاطباء

ماكو شي اطمأني مايعه روحه

.. عليك الله ماكو شي

صدكي ماكو شي عنده هبوط بلضغط لهذا ماعت روحه

...الف الحمدالله كلبي راح هسه شلونه

لا زين معلكيله مغذي

....الحمدالله عدة سلامات سمعت عمتي تبجي كتله قتيبه لاچذب عليه كللللي حمودي شبي

شبيج لج لاتصيحين كتلج مابي شي

... شلون مابي شي وصوت نحيب عمتي بذاني ليش تبجي اذا بس مايعه روحه

لااله اله الله حمودي داخل بغيبوبه

...عطت ياااااااا ياغيبوبه ولد نايم كلشي مبي يدخل بغيبوبه هاي شلون

نباء الطفل مهبوط ومن اثر الهبطه دخل بغيبوبه

... قتيبه وين صايره هيج حولو على غير مستشفى ذوله ميعرفون طفل نايم اشجابه على الغيبوبه قتيبه اروحلك فدوة لاضم عليه صاير شي وجاي تمهدلي بلموضوع كلبي راح يوكف على ساعه انجلط ريحني وكلي

اسمعيني زين الولد صغير وميتحمل وضعه خاص من سامع العياط مهبوط واثر الهبطه صايره جلطه دماغيه خفيفه مو قويه ممتحمل داخل بغيبوبه منا لل٤٨ ساعه

...يعني شنو

ادعيله

اني كال هيج لو ملخت روحي دخلت نهله تعيط شنو مات حمودي مات لا ولج يمعزايه بغيبوبه يكلي ادعيله كابلتني وتبجي واني ابجي

مانمت للصبح كاعده ادعي وابجي مخليت دعاء التوسل دعاء كميل زيارة الأأمه تعبت عيوني من البجي

صارة ب٦ سمعنه سيارة خالو ركضنه دخلت عمتي عيونه رايحه وراه خالو همزين نهلة نايمه يمي بلغرفه صعد فوك

قتيبه وراهم اتأخر يله نزل كال كوه افك عيوني راح انام كعديني ب ٨ كتله نام بغرفت عمتي نهله يمي بلغرفه نايمه

كال ماشي روحي طلعيلي فراش وفرشيلي

فرشتله بس حط راسه نام عمتي على جربايته كعد يم رجليه
كتله عمى شلونه

كالت يم هذا الرحيم وتباوع ليفوك

نزلن دموعي كالت روحي يمه نامي عيونج راحن بجي وسهر

واني خليني ارتاحلي ساعه وراي روحه

عفته ورحت الغرفتي حطيت راسي ونمت

كعدة مفزوعه صوت عالي طلعت

اباوع الهول متروس ملابس وغراض عطور نهلة حاطه ايده على خده وتبجي

كتله شصاير هناا منو مسوي هيج

...خالج المخبل منو غيره

يااا هاي شوكت سوه هيج

....باوعت عليه وعوجت حلكه صارله ساعه طشر الغراض البيت كلبه وهوس لمن مل

هاي كله واني نايمه ولا سمعت

...حقج عيني شوراج بس اني الله باليني لا رجل مثل النسوان ولا جاهل مثل الجهال اخخخخ فدواتك الاهي شمسويه عندك وهل بلاء حتى الطفل الوحيد هم معاق وفوكه تاخذه مني

نهلة شلج بهلحجي بدال مااتكعدين تندبين حظج وتعارضين حكم ربج اكوم اقره قرأن بلكت ساعة استجابه ويلطف بحمودي

ليش مو من حقي احجي هذا هم ممنوع شفتي بعينج حتى الله ميقبل يجي شمر ملابسي ويكسر غراضي بس ياقادر ماافوته الك لو يصير طلاكي عليه

عفته كمت الملم الهوسه مبينه محمله كلش مو مال واحد يناقشه ضلت تدعي وتبجي انقهرة عليه

يعني خالو قاسي ومينحمل انسان صعب المراس
وهي لسان متسكت واذا رادة تحجي لو يذب منه لحم تكول البكلبه

سألته على حمودي كالت ماكو بعده بلانعاش كلبي نار عليه من اذكر منضره من اكعده ميستجيب فاك حلكه اموت الف موته

مااعرف شلون رتبت البيت التلفون ميوكع منيدي اخابر قتيبه لو عمتي ونفس الشي ادعيله

خالو يجي ياخذ فلوس لو يبدل ويطلع عمتي بليل رجعت هي وقتيبه ممخليهم خالو كايللهم البيت فارغ بس النسوان ميصير ارجعو وخلوني ويه حمودي

سارة خابرتني تسأل كتله على حمودي وسمعتني اناشخ من البجي ضلت تحجي عليه  لاتبجين ادعيله مدام كلبج يمه دعائج يوصل لان نيتج صافيه

يومين والوضع على ماهوه عليه اليوم الثالث عمتي ياخذه خالو الصبح يرجعه بليل قتيبه

كم مرة من جيرانه اجن يسألن ماعرف شلون عرفن يوضع حمودي استقبلتهن سالن على عمتي كتلهن متتواجد بلنهار ترجع بليل تعبانه تنام

صارة ب ١١ اجه قتيبه سويتله عشى

اجه نام بصفي ضل يتحارش واني منا مالي خلك وشابعه قهر ضجت دفعت ايده عاط شبيج قندر.... 

شبيك لاتعيط منا عمتي لا تكعد مهبوطا كافي عليه هبطة حمودي

متكولين النفسج اجي يمج تتعززين عليه

مااتعزز  ولا شي مجرد ضايجه ومقهوره الي وضع حمودي اخذ حيلنه

نباء ملاحظه روحج  اعذارج كثرن رجال اجي تعبان ١٥ يوم مو يمج  تللكاني المشاكل حمودي وضعه زين شنو حجتج
يومين وارجع للدوام

قتيبه لااعذار ولا شي مجرد تعبانه ومالي خلك الكلشي والله كلبي متكطع مااشفته من شايلته بيديه وميحرك لاايد ولارجل
عيوني تجري قتيبه والله اذا صار عليه شي اموت تعلقت بي بشكل مو طبيعي احسه ابني ويمكن لو عندي ابن مااتعلق بي هلكد هلولد الله زرعه بكلبي

زمخ بيه كاافي لج هواي منطيج مجال وعايفج اكول خطيه مقهوره زوتيه انعل امه وابو الماياخذ عليج مره  

شبيج هسه اني شحجيت  مااحس راچدي طير خدي والثاني وره

دفعته وعطت شبيك مخبل هسه اني شحجيت

انجبي واسكتي لا اكوم اطيح حظج دماغ سزز رجال تعبان
اجي يمج تدللين واذا زربان بلمستشفى ابنج هوه هاا عايفتني ومعتكفه شايف منج ضحكه سالفه بومه مو مره

ليش مكابلني اذا بومه والله قتيبه اذا مديت ايدك الم هدومي واولي لهلي وبعد مشوفني والله بس شمس يعرف بعدني ممكمله لزمني من ايدي يعت بيه

اي كملي شيسوي شمس من اكله على خلقتج الزفره كالبته لو اسولفه على لسانج هااا شيسويلج نباء هاي اخر تحذير الج جري عدل لو ولخلقج ارجع قتيبه القديم اخليج تكرهين اليوم الولدتي بي اشوفين مسايرج لا تستغليني

عافني وطلع ضليت كاعده وابجي والله بطران وكت هلسوالف

كعدت ثاني يوم قتيبه نايم  خالو جاي ب٥ الصبح نايمله بس ٤ ساعات ب٩ كعد شرب استكان جاي وطلع

كعد قتيبه سويتله ريوك ضايج ومنتقم طب يبدل رحت ورا
شفته يبدل وكفت يمه اليوم اخر يوم وباجر يرجع

كتله قتيبه حقك عليه والله من معزة حمودي هيج يصير بيه لا تزعل وتكلب وجهك عليه ماارد

قتيبه مو احاجيك

رفع حاجبه هسه شرايده

اريد اراضيك

وشلون تراضيني

مو اعتذرة يعني شسوي اكثر  واكف يرش عطر

اكو هواي طرق تراضيني بيهه يله فيمالا

عافني صافنه وطلع  اوووف هذا هم يرادله كلب  فوك مجايه اراضيك

ضليت افتر نهله بغرفت عمتي معتكفه واني مالي خلكهه

صارة ب ٨  خابرني قتيبه احظر جنطته

قتيبه مكدر ايضل اكثر شكد حاولت وياا كال اذا منزلت باجر انطرد لازم اتواجد هناك
قتيبه مخلص معهد نفط بلبصره وهاي الشركة تعتبر فرصه ممتعوض لهذا كان اصرارة بمحله حضرتله غراضه رغم كنت تعبانه نفسين هذا رابع يوم وحمودي على وضعه اي تطور ماكو البيت هدوء نسينه طعم الاكل بعد اجدال الدار بيني وبينه
راجعت نفسي حرام عليه امنعه غيابة عني بعد ١٥ يوم زاد شوقة الي نفسيتي ممتقبلته رغم كلي نبدي صفحه جديد سالفته ويه رحاب تاكل بكلبي من اشوفه اذكر كلشي صار بيه والوصلني لهنا همه اثنينهم كلبي ينكمش وبدي انفجر واواجه مااعرف شنو المانعني كمت مااهتم احس روحي وصلت الا مباله رغم اريد اعرف حقيقتهم ونار تسعر بيه من اذكر كميت
الضرب والأهانه جسمي ينفض شكد كابرت وتحملته وماارحت لهلي زعلانه في سبيل مااتعير ولا اشوف امي ونظرة الاتهام بعيونه كعدة وسكتت انسى من يجي سكران وياخذ حقه غصب لو اذا منعته التفال والضرب والغلط ماانسه كميت
الخداع العيشونيا واستغفالهم الي لعبو عليه وحطموني ضيعو ايام بعمر الورد المثلي تدرس وعايشه بيت اهله معززه مكرمه المثلي تطمح بمعدل تدخل جامعه وحاله حاله البنات يكعدن الصبح يلبس وينسقن وتنتضر الخط وتقابل صديقاته ضحك ودراسه وكعده بنات بنفسي امارس حياتي الطبيعيه
بنفسي ارجع ايام قبل ولاصار الي صار
بنفسي ارجع البيتنه والحياتي القديمه دموعي نزلن وكلبي ينزف اخذو احلى ايام عمري اخذو حب حياتي عشت ايام انام ابجي عشت ايام يتقربلي قتيبه واتخيله حسن انفض افكاري واتعوذ من ابليس واضغط على نفسي اعيش الحظه
كل هذا اكله ربي لاتعابيني موذنبي لو منعته هاي روحي وكلبي وعقلي كلهن ممتقبلته سامحني وارحمني دل

يني الصواب خليني اواجه الحيات اسندني ماعندي غيرك معين ربي كل الاسوي الوجهك الكريم ماريد اتعاقب

كمت حضرة روحي طبيت سبحت وشسورة شعري دفيت الغرفه شغلة التدفئه طلعت سيت سماكي صفنت عليه وين تاليته وياك مااعوفك اذا مااعرف سركم ههه رحاب عبالج اتركج اله ادفعج ثمن كل دمعه وكل ضربه والله ابچيچ دموع دم مااطلع نباء

لبست وكملت تعطرة وكفت كدام المرايه خلي مكياج خفيف مجرده حمره ومسكاره كحل بطن الجفن الفوك

تمددة على الجربايه اكلب بلجهاز مر الوقت مرة اسمع نغمات مرة اكلب بلبرامج مليت هذا وين صار صارة الساعه ب ١٠
خليت راسي على المخده كلبت بلفيس شفت كروبات مقترحه دخلت سويت انظمام

مااعرف شون نمت حسيت على دغدغه بخدي وخرته بأيدي رجعت فتحت عيني شفت قتيبه يدغدغ خدي بلحيته

باوع عليه وبتسم كال اليوم الكمر محظرلي روحه

كتله شو تأخرة وينك

ياحبيبتي چنت يم خالي وديتلهم عشى وجبت امي وهاي جيتي حتى مبدل

ماكو تحسن من حمودي

لا شويه احسن اكو استجابه

صدك عليك الله يعني احتمال يصير زين

اي وداعت عيونج الحلو الطبيب طمنه احتمال چبير ايام ويكعد

الله يبشرك بلخير على هلخبر

تقرب يمي انفاسنه اختلطت همس شسوي بلخير والخير كدامي
اتقرب اخذ شفايفي وكام كال اسبح يومين مسابح حضريلي لكمه جوعان

ليش متعشيت وياهم

لا جنت يم صديقي العصر رحنه على واحد مصوب لعمليات الموصل ومناك طلعنه للمول اكلنه لفات يسولف وينزع ملابسه كومهن بلكاع ميبطل عادته وين ميبدل يذبهن

باوعت الساعه ب١١ماشي كايمه اشوفلك شكو بلثلاجه شفت ملابسه يم الكنتور صحت قتيبه ملابسك والله راح تجلطني يعني شيصير لو شايلهن وشامرهن بلسله هياتهه يم الكنتور

مااعبرني اخذ تراك وكال لاطلعين هيج متعرفين خالي على اي ساعه يجي وطلع

هزيت ايدي لميت الملابس وخليتهن بسلت الملابس الوسخه طلعت روبي العريض لبسته همزين رجع الله هادي

طبيت للمطبخ فتحت الثلاجه هوه طبيعته مياكل ثكيل معدته تأذي كلت اسويله زلاطه همزين مسويه مقبل سوده عليه قبل ليطيح حمودي مسويه كميه جبيره وخليته بثلاجه ماعليه شي حمص بطحينه وبيتنجانيه وزعتر ورمانيه طلعتله من كل شي نوع وكملتله الزلاطه حضرة الصينيه شفته طلع لاف الخاولي على راسه
اخذت الصينيه للغرفه هوه طب كدامي

كال شنو طالبين من مطعم

كتله لا شنطلب هم النه نفس بلاكل وندور من المطعم

چا هاي المقبلات منين

اني سويتهن

بااوع عليه شوكت سويتيهن شون لحكتي

لا موهسه بيوم الاجيت سويتهن الك اعرفك تحبهن وهم خفيفات ميأذن المعده بس الزلاطه هسه سويته

موو اكول شون لحكتي سويهن هسه بسم الله

اني هم سميت واكلت وياا جوعانه مماكله شي

شبع وكام يغسل شلت الصينيه وغسلت المواعين

رجعت لكيته متمدد بلكاع وشاعل التلفزين كال نباء فرشيلنه هنا ويااشر على الارض

ليش شعجب انت متحب نومت الكاع

لا والله شو زينه الظمري هناك كرفانه مابي جرابي اول مااجينه كم يوم نمنه بلكاع اشو مريحه نومته حتى من جابولنه الجرباي وجهزو الغرفه ضليت انام على الارض

ضحكت عليه وكتله حاضر افرش واني اجرب نومته هههههه اليسمعنه ميكول جبنه طفولتنه نام على الكاع وحشك ناس بصف ناس

يجوز انتي اني من طفولتي على الجرباي خالي يحب نومت الكاع ولحد الان

كتله دكوم خلي افرش فرشت النه ثنينه هوه حط مخاديد واني جبت ديباج عكس المخده وانتجه نص نومه ضل يكلب بلقنوات اني نزعت الروب القديفه ضليت بروب السيت جان زين طويل يوصل جوه الركبه اتمددةوغطيت نص جسمي نزعته لحد الان استحي ابدل لو البس لبس فاضح كدامه تمددة وراسي على المخده كتله

قتيبه نهلة وخالو شتتصور تنحل وره ميصير حمودي زين خالو ينسه ويسامحه

بعدج متعرفين خالي قادر اليغلط بحقه لو بعد سنه مينسا وياخذ حقه بيده

يبووو شكد انسان دكتاتوري وصعب والله الله يساعده شون حاملته اني منه اطلك واكسب راحت نفسي

نزل الريمونت من ايده خلاهه على خدي يتلمس بي

حجه بصوت هادء قادر مودكتاتوري انسان نظامي تحترم احترمك تغلط اعاقبك وهوه يتخبل من المره الوكحه والتعانده
عصبي وهي من شوفه عصبي ضل تلعلع هاي نتيجه وكاحته

بس قتيبه هم ميصير حاكمهه لاطلعه لاطبه عبايه لبس عريض حتى من كدامك ميقبل موهاي انت ممخليني البس حجاب كدامه لان معتبرته خالي هي هم بمقام خالتك مشايفه ذيج المرة شاف شاله لابسته على النص لعب بيه جوله خلاه متندل دربه شدعواك هوه دين لو خنك

هههه ولج هااي زين اول مزوج حطله قائمة شروط حتى من راد يزوج لو شوفين شكل الامي اريه متدينه تصلي ملتزمه بحجابه تارسه متخلي مكياج ابد عمره يتراوح بين ٢٧ الى ٣٠ يعني فاهمه الحيات مشوفي خطبه من سامرة بيتهم قريب يم الامامين وابوه شيخ مسجد ودارس حوزه

يمه الله يبعدنه همزين انت مو معقد

ههههههههههه لاحبيبتي اني هم هواي امور مااقبل عليه والحمدالله انتي للان ممسويه شي يخليني امنعج منه اقله وحبابه ونيالي عليج

نزل لمستواي خله راسه على مخدتي همس هم احد كلج انتي كيمر السدة  هذا ع

ربون اعتذار

همست لا محد كلي وهذا تكدر اتكول عربون اعتذار

قابلين اذا هيج الاعتذار واني اكلج انتي كيمر وفوكاا عسل يحجي واصبعه يتلمس شفتي تقرب باسني بحنيه وخر ورجع وحده وره وحده شويه يزيد بلضغط نزل ايده على جسمي يتلمس

جسمي رخه كدرة ابعد افكاري واندمج ويااا

كعدة على ب٥ لفيت روحي وكمت طلعتلي دشداشه لبست ندهت وراا طريق مقبل يكعد

لاف روحه بلديباج والبطانيه

هزيته قتيبه ماضل وكت تسبح واسويلك ريوك وراك طريق طويل كوه كعدته طب سبح طلعتله ملابس وداخليت راد البرنص ماوشته طلع يركض ويرعش من البرد

كابل الصوبه الكهربائيه كتله دنشف شعرك بلشسوار

يمعوده منيلي شعر هوه طبيعته ميطول شعر يعني علوه زين مومثل اخويه نائل مثل شبابنه يطوله وفيكات

كتله ميخالف حتى راسك ميصدع شغلته هااك رايحه اسويلك ريوك

رحت طكيتله بيض وسويت جاي طلعت الاجبان حضرة الصينيه شغلت الصوبه النفطيه من راح الغاز طببته للغرفه شفته يبدل

رجعت جبت الصينيه كال ولج شعجب دخلتيه للغرفه

لاتكيف بس اليوم لان سابح تدري بيه مااطب الكل هنا والغرفه والفراش ينترسن ريحه

مو اكول شكد اتعارك وياج علمود جيبلي الاكل للغرفه

نشفت شعرك كال اي ديله اكعد اتريك

كعدنه هوه اكل واني بس اشرب چاي

انتبه عليه كال ليش متاكلين

موتعرف بيه اول مااكعد نفسي تنسد من الاكل

كمل كال جنطتي تفقديه خاف ناسي شي كمت شفت الغراض اعددله بيهن كاملات سديته وجبته اله

صارة ب٦ خابره صديقه يطلع واكفله بلركن لبس قمصلته الجلد وكف كدام المرايه رش عطر

وصل بعده مطالع دار عليه اخذني الحظنه وباسني براسي وصاني ادير بالي على نفسي وعلى عمتي كال لاطلعين وراي بارده الدنيا مقبلت كتله اذب وراك مي طلعنه

لكينه عمتي كاعده شافته والجنطه بيه كالت ياا يمه اليوم سفرتك

كله اي

ليش ماكتلي هم كلبي يبقه مشلوع عليك

راح باسه وكله ادعيلي يمه تعرفين تعينات ماكو وهاي الشغله بلنسبه الي هديه والله يمه لو شوفين جماعتي تحسدني موصيني الكالهم ماكن يمي واشتغل بشاهدتي على عمليات تكرير النفط بختصاصي

يايمه اني من شوكي الك والدرب بعيد واخاف مااعرف شيصير هم طريق وكلشي يصير

اطمأني وياي صاحبي ويسوق على كيفه والطريق امان

روح يمه اتوكل الله يرضى عليك ويفتحلك من جميع ابوابه بحق الزهره ام الحسن وام الاقمار الاربعه

بعد ماباسه طلع وذبيت وراه دورلكة مي طبيت شفت عمتي فارشه سجادته وستوه تفتح بلقران

رجعت شلت الصينيه خليته بلمطبخ طلعت الصوبه خليته يمه

كتله عمى ولو اكطع قراءتج صدقت والتفتتلي كالت كولي يمه

بس طولين بلقراءه اريد اسويلج ريوك وانام البارحه ضليت سهرانه ويه قتيبه

ابتسمت روحي يمه ارتاحي اني ماجوعانه واذا جعت اكوم اسويلي لكمه قابل مكرمه

لا عمى مو هيج قصدي بس

قطعت كلامي لا يمه شنو حديده عليه الريوك قابل معضله روحي الله يرضى عليج ويترس بطنج مثل مامريحتني ومريحه واليدي واشوفه صار زين على كصتج شفتي يمه الصبر زينه لومااصابره وشافج بنت اصول يستعدل هسه روحي لغريفتج وعوفني اقرارلي كم ايه تريح كلبي

رجعت تقرة مااكدرة اعوفه بله ريوك الاجبان مجايسهن قتيبه اكل بس بيض رتبته وخليت خبز طببته للغرفه خليت القوري على الصوبه يحمه وفوكه الخبز يحمى على حرارته

كتله الريوك يمج ادري بيه متكدر تقرة قرأن هوايه تتعب

رجعت نمت كعدة ب ١٢ طلعت سمعت صوت عمتي ونهلة ادك وتلطم ميته بچي

.... يتبع

🔟#حقائق مثيره حول كل برج

🔟#حقائق مثيره حول كل برج

🔟#حقائق مثيره حول كل برج

🔟#حقائق مثيره حول كل برج

🔟#حقائق مثيره حول كل برج

🔟#حقائق مثيره حول كل برج

🔟#حقائق مثيره حول كل برج