- لاا هذا اهم
- يولو وش اسوي لو تركت التدخين
- اي شي شيخ فدوه يعني انته متنقهر على صحتك ماتخاف عليهه ! شوف شلون نفسك صاير وكحتك قويه شيبت بعز شبابك من وراهه اقصد بسببهه
- ههههههه ماتضبط معك يولو ماتحاولي
- هههه هسه خليني احاول
- بتفشلي لكن يلا حاولي ما عليه
- هسه شنو
- بالتداريج يولو
- زين بس امانه اضبطهه مو يوم هيج ويوم هيج
- احكيهه لك من الاخر
- ايي
- يوم الي تحركي اعصابي فيه تلاكيني ادخن بهبال ويوم الي تمشيهه بالهداوه معي ماتلاكيني اكربلها
- ماشي زين لعد ماضوجك بعد وانته اكيد على كلمتك تبقى
- وكااد يابه
- زين لعد هاي متفقين

ضليت ادحكلها واتبسم وبعدها حكيتلها
- بكرا نمشي بعد التسعه مامستعجلين
- هاا شعجب !
- تعبان وودي انام براحه هالليله
- تاخذ غرفتي !
- هه لاا تسلمي
- لااا والله من صدك احجي .. اخذها هالليله ارتاح واني اصلاً داانام يم غاليه
- هاا ليه مو بغرفتك!
- مادري اضوج وحدي ويضل راسي يوجعني بس اجي يمهه بس عه انعس وانام
- هااا تينه من زمان ودي اسألك شي
- اي شنو
- بتكدري توصفي لي وجع راسك كيف يكون
- اي هيج مثل تقلص يصير بي وبالاخص منا بالنص من فوك وحتى عيوني تضل توجعني مرات ومرات لا
- هااا وكيف بيختفي هالوجع!
- اكثر شي اذا كدرت انام او مرات اسبح
- زين اكثر مره طول فيها هالوجع كم ؟
- اممم هواي مرات يطول بيها يعني تجي مرات يضل يومين او ٣ متواصل
ومرات يصير على كد كم ساعه ويختفي
بحيث انام واكعد راسي زين ميوجعني
- ماعندك الا العافيه يا يابه
- الله يعافيك شيخ
- امشي الحين نامي وارتاحي
- ماشي وانته نام بغرفتي اخذ راحتك اني انام يم غلاتي
- زين يابه زين
- تصبح على خير شيخ
- تلاكي الخير

مشت هي وانا صفنت بحكيها هذا وصرت اوزنو مع الي ادحكها فيه
ولاحظت كثير فيه نقص من وصفها للي هي تعيشو بساعتها ...

مشيت لغرفتها دخلتها بشوك والله صرت احسها نافذه من الجنه ...
نزعت دشداشتي وطفيت الضوا واجيت انجضعت وسحبت المخده وتلمست تحتها
شي .. رحت فتحت الضوا ودحكتو هذا يشمغي الي لبستو لها .. هييين خالتو تحت راسها !!!

ضحكت من كلبي وكت دحكتو .. ورسم هالشي الامل بدربي من جديد ...

طفيت الضوا ورجعت انجضعت وخليتو حدري .. وغفيت وانا اشم ريحه شعرها المميزه بهالمخده ...

نمت مرتااااح بعد طول هالتعب كانها كانت المرسى بعد طول هالبحار ..

وثاني يوم صحيت ساعه عشره
مشيت لغرفتي سبحت وطلعت تكشخت ونزلت صبحت على امي وهي تبسمت وكت دحكتني اضحك وهين عندها هالصباح وبالعجل شاورتني ...

- ردتها لعافيتك هالتينه ما هيك
- ايييه بالله بلسم وجودها ليه يايمه
- هههه الله يهنيكم ياعين امك

بوست راسها وكعدت بغرفتها والتينه اجتي صبحت علي بوجه مبسم مشتاكلو من زمان وخلتلي الريوك وانا حكيتلها

- تينه اتركي الي بيدك وامشي البسي بالعجل لزوم نمشي
- اي ماشي
- بالعجل بس اخلص اكلي الاكيكي هين
- اي صار تدلل

ضحكت وهي راحت صعدت وانا كملت اكلي .. وبعدها مشيت اغسل ودحكت ام جراح اجتي وتحكيلي ...

- ما شاء الله الراحه باينه على وجهك شيخ .. وش سببها هالصباح !؟
- من الله

نزلت تينه وانا دحكتلها وهي حكتلي
- هاي كملت شيخ
- زيين عجل امشي يلا انا ماعندي شي
جاهز

مشت هي لبره وام جراح حكتلي ..
- هااااا ما تبطلو انتووو كل هالراحه لانك حاكيتهااا ماتملي عينك غيرهااا
- اششش اكضبي لسانك ولا تزعجيني بهالصباح

تركتها و طلعت شغلت سيارتي ومشيت
وادحكلها وهي تدحكلي وتبتسم وحكتلي
- عسى الله يديملك هالضحكه شيخ
- بيدك تكدري تديميها

تبسمت ودارت وجهها .. وانا خليتها براحتها لكن قررت ما عاد اخفي عنها مشاعري دامها دريت فيها ...

غيرت درب كل يوم وطلعت لاطراف حديثه وهي حكتلي ...
- شنو وين رايحين ؟
- لعند الطبيب
- شنووو!!!
- حرررف واحد اشمرك من هين اسكتي واكعدي هاديه مثل ماصعدتي
- شييخ شسوي بالطبيب !!
- راسك يوجعك يولو عجل نضل ساكتين عنو .. ماتجااادلي اسكتي

#شقراء_بغداد

بارت_٤٧


غيرت درب كل يوم وطلعت لاطراف حديثه وهي حكتلي ...
- شنو وين رايحين ؟
- لعند الطبيب
- شنووو!!!
- حرررف واحد اشمرك من هين اسكتي واكعدي هاديه مثل ماصعدتي
- شييخ شسوي بالطبيب !!
- راسك يوجعك يولو عجل نضل ساكتين عنو .. ماتجااادلي اسكتي

سكتت وضلت دايره وجهها عني وحين وصلنا للطبيب حجزت وكعدنا ننتظر دورنا وهي تتأفف وانا ادحكلها واتبسم وهي تدير وجهها عني لحين ما صار دورنا حكيتلها ...

- انتي اكفي هين عند الباب بدخل احكي بالاول معو وبعدها ادخلك معي زين
- وليش مندخل سوه شنو شعندك وحدك
- بسألو شي خاص فيني مايصير !
- ايي يلا هسه بقت على هاي يلا كيفك
- عدلي بوزك يولو ماتضلي هيك

عفتها ودخلت لعندو وحكيتلو حالها وانها تنسى واكثر من مره انا شهدت عليها حدري وحكيتلو انها ماتدري عن هالشي لحتى ينتبه معها وبعدها دخلتها ...

كعدنا وصار يسألها كيف يكون وجع راسها وهي تحكيلو مثل ما حكتلي
وبعدها صار يسألها على اعراض مختلفه وتحكيلو لا ماعندي وهو كل شوي يدحكلي ويعاود يسألها شي وبعدها طلب فحوصات للراس نسويها بالمستشفى
ومن طلعنا حكتلي ..
- تحلممم اسوي هالفحص هاي كافي اجينه وشفت كلشي ماكو
- ما هو بكيفك يولو
- رااسيي هو رااسيي واني ماريد اسوي
- ما هو بالعناد يولي هاذي صحتك لزووم تعتني فيها وانا لو ما مدحك حالك يلزمو هالفحص ما خذك بيدي لهين
- شييييخ عفيه عوفه مابيه شي هسه شفتني فد يوم تعبانه لو صايرلي شي !!
- ايييه ايييه
- لاا لااا شوكت شو كلشي ماكو هو وجع خفيف يجوز يطلع فقر دم اوهبوط اوشي من هذني ليش مكبرهه
- يولو انتي تعرفي شي وانااا اعرف شي وبتمشي مثل ما ودي انا وبتسكتي كلمه ثانيه زعلنا يثكل
- زين زين عيني سكتت

طلعنا بوجهنا للمستشفى وكملنا الفحوصات لحد العصر وبعدها عاودنا للبيت .. وثاني يوم مشيت اخذت الفحوصات للطبيب نفسو وكعدت معو وهو بعد ما دحكهن حكالي ...

- سابقاً هي متعرضه لحادث او صدمه او شي من هذا ؟
- لاا لكن مرت بفتره عصيبه بحياتها بحوالي ٦شهور هيك كبل خمس سنين
- واضح هالشي .. زين انته كلتلي انها تحجي بشغلات وبعدها تنساها مثل شنو هالحجي
- يعني مثل .. ليه تعوفني ؟وين رحت؟
ابقى يمي هاذي اكثرها هيك بهالمعنى وتصير تبكي لكن بكي بحركه مو هيك عادي ودائماً مالكالو سبب يستاهل كل هالبكي
- هااا يعني الموقف الي قبل هالحاله يكون عادي جداً
-اييه والله عادي ومالو لزوم بكي
- زين ... حالياً كتشخيص بمرض باي جزء من الراس ماكو لكن يضل عدنا نوعين من الاحتمالات .. يااما المشكله نفسيه ،احياناً اكو نوع من المشاكل النفسيه تأدي لهيج اضطرابات ونكدر نحكم بعرضها لاخصائي نفسي ولا تستصعب هالموضوع هو طبيب حاله من حالي ، او الاحتمال الثاني ..يكون نوع من ارتفاع الضغط بساعتها يأدي لوجع بالراس بشكل التقلصات او ضعف بالنظر هم يسبب هالنوع من وجع الراس هاي من ناحيه الوجع اما على النسيان فاني ماكاعد اشوف فد خلل باي جهه مسؤوله عن ذاكرتها يعني كله طبيعي الحمدلله
- يعني مكصدك سببها نفسي على الاغلب
- ٩٠٪؜ حالياً اي
- وشلون بهالحاله
- لازم تكعد وياها تفهمها على الحال الي توصلها بوجع راسها حتى تنتبه وتخليها بالها يجوز نوع هالنسيان يتغير .. مثل بدل ماتنسى كل السالفه تصير تتذكر جزء منها وتوعى الى انها بحاله مرضيه تستوجب متابعه وعلاج .. لان لو ضميت عنها تضل تتعبك
- ان شاء الله اتفاهم معها واخذها لطبيب نفسي ماتركها هيك
- اي تابع حالتها من هسه خاف بعدين تتطور لغير شي من هسه تداركو الموضوع

تشكرتو وهو كتبلي عنوان طبيبه نفسيه ومشيت وضليت كاعد بالسياره افكر بحكيو .. مرضها نفسي ؟؟ جايز يكون للحين الماضي بعدو عندها؟؟
لزوم اكطع الشك باليقين واخذها ..

عاودت البيت وهي سألتني وش حكى الطبيب وحكيتلها بعدين نتفاهم ومشيت اكضي شغلي مع رجالي ولليل عاودت
متأخر ودحكتها نايمه حدر غاليه وجراح
تركتها وصعدت لغرفتي نمت وثاني يوم
وكت عاودنا من المعمل طبكت على نص الدرب وصرت ادحكلها .. وهي حكتلي..

- شنو شو وكفت ؟
- ودي احكي معك بشي مهم
- اي عيني شنو احجي
-البارحه حكيت مع الطبيب
-اي ؟
- وتبين ان الفحوصات كلها سليمه الحمدلله لكن لزوم نمشي طبيب ثاني
- شنووو ليش مو الفحص كله زين بعد شنسوي بغيره
- تينه هالطبيب نفسي ماهو مثل هذا
-شنوووو !!!
- اسمعيني يابه
-شيخ يعني هالسوالف كلها ليش فهمني انته شنو بالك
- ودي افهم حالك .. تينه انتي ما تدحكي الي انا ادحكو منك بساعه راسك يأذيكي
- وشنو الشي هذا الي تشوفه مني ؟؟؟
- دحكي انا بالاول ودي تخلي بالك ان
كل شي افكرلو هو لصالحك ولاني اخاف عليكي هيك الح معك بالفحص
- زين ماشي فهمتك بس شنو احجيلي
- تينه انتي عندك نوع هيك من النسيان
يعني بسألك الحين انتي تعرفي ان في ليالي انتي ما تنامي الا وانا حدرك !
- شنوو. !! شيخ عفيه شنو
- اهدي بالاول وافهمك كل شي
- اي اي هادئه احجيلي

- دحكتي هاذي اول سالفه انتي ماتذكريها
انا بالاول كنت اخجل احكيها لك واسكت عنها واصير انتظر منك رد فعل عنها لكن انتي تتصرفي وكأن ماصاير شي
وبعدها بأحيان صار الحال يتطور اكثر ببكيك تبكي كثير للحد الي اصير اخاف فيه عليكي من كثر هالبكي الي مالو سبب
وبعدها اهديكي وتنامي وتصحي ولا كأن صاير شي والدليل على سبب خوفي عليكي واصراري على الفحص هو تعجبك هذا الحين .. دحكي كيف انتي مصدومه من حكيي وجايز ماتصدكيه
لكن انا ما اكذب عليكي ياتينه تعرفين شيخك وش هي طبايعو معك

ضلت ساكته وتدحكلي وعاكده حواجبها وصافنه وبعدها حكتلي...
- من شوكت هيج يصيرلي
- من زمان تذكري من يوم وكعتي فيه وغميتي وانا صرت احكي معك باعصاب وكت صحيتي وجبتلك الطبيب للبيت وكتها
- اييي
- اييه من حينها انتي بديتي تنسي الي يصير كبل ماتصحي لكن الي اختلف
انك ماصرتي تغمي لكن تبكي زياده عن اللزوم بساعتها
- ماادري والله مادافهم ليش ؟؟؟ اني ماحاسه بهالاشياء الي دتحجيهه ولا ادري شوكت انته باقي يمي والله ماجذب عليك والله مادري
- افهمك يابه مصدكك انا ماتحلفي
- زين زين شلون يعني ماانام الا يمك يعني فهمني شنو شسويت شلون
- اششش اسكتتتي اهددي يابه اهددددي
ماصار شي هو انتي بس تبكي حدري وبعدها تنامي وكت تدحكيني حدرك وخلصنا بس هيك
- اكييد شيخ
- عجل اكذب عليكي !
- لاا صدكتك اي بس خفت عبالي غير شي اسسسفه والله يعني متعبتك وقالقتك ومادري والله اسفه
- ول ليه تتعذري ماتسوى يا يابه المهم الحين صرتي تفهمي سبب ملحتي على الفحص و وكاد انتي الحين صار ودك تفهمي السبب ليه بعد
- ايي اريد افهم ليش ماذكرها ليش
- ماتتعبي نفسك الحين فيها ..بكرا نمشي للطبيب ونحكي معو ونفهم كل شي
- مااشي مااشي نروح بس تضل وياي ندخل ونطلع سوه
- زين يابه تاآمرررين
- تسلم

شغلت السياره وهي حكتلي ..
- شيخ شُكراً
-لييه
- يعني خوفك عليه واهتمامك بصحتي هالشكل ماجازي حقه
- ما بينا حك يولو انتي مهمه عندي وهذا واجبي
- الله يحفظك النه

تبسمت بوجهها وكملت دربي وانا مرتاح هم وانزاح عن صدري ساعه الي حكيتلها ودحكتها متفهمه للوضع ومااتعبتني فيه

ومشى هاليوم عادي ولثاني يوم اخذتها ساعه عشره الصبح من الشغل ومشينا
للعياده كانت بوسط المدينه بين المحلات
بوحده من البنايات بالطابق الثاني ..
عياده هيك بالاخر هادئه وماعليها احد
وكان في ولد صغير هو الي يسجل اسماء المراجعين ... اول ماكتب اسمنا مشى لعندها وانا ضليت كاعد حدرها وادحكلها وهي هاديه وتدحك لزوايا المكان
بعدها طلع وحكالنا ان ندخل ومشينا لعندها ...

كانت الطبيبه كبيره بتطلع خمسينيه العمر
وجهها مبسم وملامحها باين عليها الكبر
وشعرها رافعتو بشكل عفوي هيك ونظارتها نازله على صدرها من السلسله

سلمنا عليها وهي رحبت بكل حراره فينا
وكعدنا كدام مكتبها وصرت ادحك للتينه وافكر منين ودي ابدأ واحكيلها ؟.
لكنها سبقتو لتفكيري بحكيها ...

- شلونها شابتنا الحلوه
- زينه
- شكد عمر هالورد
- ٣٠
- ياا ماشاء الله ٣٠ عز الشباب والجمال
توقعتك بدايه العشرين هههه خلي جمالك هيك طفولي حتى مايبين عليكي الكبر مثلي

ضحكت ودحكتلي وهي تبستم وبعدها حكتلنا الطبيبه ..
- هسه صار عندي فضول اعرف هالورده الحلوه شنو الي متعبها ومحير تفكيرها

دحكتلي التينه وبعدها الطبيبه وانا حكيتلها..
- هوو يا يابه من كبل فتره بحدود السنتين صار عندها هيك حاله ما فهمناها
يعني بالاول بدات تغمى وبعدها تصحى ناسيه لكل الي صار كبلو وبعدها صار عندها وجع براسها تشكي منو على طول
وتوصل لحالات تبكي هيك بدون سبب وتنام تصحى نسيانتو كلو

- هاااا .. زين شلون عرفتو هي تنسى ؟

- انا ملازمها طول وكتها هذا وادحك حالها وهي بالصباح تكعد ناسيتو وللبارحه يلا حكيتو الها وفهمتو

- قصدك ما كانت تدري عنو

- اييه بالضبط يعني ماتذكر انها بكيت او تعبت او شو حكت كلو ماتذكرو
وانا عرضتها لطبيب الاعصاب وهو حكالي ان حالها علتو عندك وعطاني العنوان

- يااهلاً وسهلاً .. سهله ان شاء الله
هسه خلي اسمع منها .. شنو عندك تضيفي لهالحكي يا شابه ؟؟

- ما عندي شي

- زين انتي بالك شي تريدين توصليه ؟

- بس اعرف ليش ماذكر وهاهيه

- زين .. راح اسألك كم سؤال صغار ونتفاهم على اساسو

- ماشي

- وكت يوجعك راسك على اول لحظه يبدا بيها الوجع شنو يجي بالك من افكار

- مادري هيج صوت خفيف

- وضحيلي شنو هالصوت

- صوت مثل نبضات مال كلب هيج احسها تدك براسي ويصير يوجعني

- وتصيري انتي تضغطي على راسك اكثر مو

- ايي اصير اضغط عليه او اعصره اقوى

- اممم .. زين ... نومك .. احكيلي عنو
متقلب او تواجهي كوابيس تنامي زياده !؟؟

- باكثر الاحيان ماانام هواي يعني حتى اذا ضليت متمدده فااني صاحيه واذا غفيت هيج على كد ساعتين واكعد بعد ماكدر انام

- وتحسي بتعب خمول !

- لاا لا نشيطه طول اليوم

- تشتغلي بالبيت عادي من طبخ تنظيف

- اي عادي اشتغل بالبيت بدون تعب او شي والصبح اني اشتغل محاسبه ويه الشيخ احنه نشتغل سوه

- اي زين زين عاشت ايدك .. انتي متزوجه ؟

- مطلقه وعندي بنيه بعمر اربع سنين

- اهاااا حلو يحفظها الك ان شاء الله
من شوكت هالطلاق صار ؟

- من اربع سنين

- زين ويه منو عايشه

- بيت الشيخ

هين دحكتلي الطبيبه وانا حكيتلها ...

- بنيتنا يابه خلك من هالسالفه الحين

- زين ... هسه افهم منك ان حياتك ماشيه طبيعيه وتعاملك ويه بنتك طبيعي ماتواجهي فيه مشاكل

- اي كلشي طبيعي

- زين احلامك احكيلي عنها اوصفيها لي بكلمتين تكدرين ؟

- امممم ... ماذكرها

- لاا تذكريها حاولي

- يعني المرات الاذكرها من الاحلام مثل كوابيس يعني احلام مو مريحه

- مثل شنو هالكوابيس

- ماتذكرها بالضبط بس مثل اشكال مختلفه حتى انها ممترابطه منها مثل اشياء متناثره اصوات عاليه بيوت مكسره وقديمه هيج اشياء متفرقه ماكدر حتى احددها شنو جانت

- مو مشكله .. زين اوصفيلي اكثر تعب تواجهي بالايام الي راحت

- ماعندي شي متعبني حجيتلج يومي طبيعي وكلشي بي زين

دحكتلي الطبيبه وحكتلي ...

- شيخ انته شنو تكدر تجاوب على هالسؤال؟

- الي يتعبها وجع راسها هذا هو تعبها واضيف عليه حراره جسمها بحينها

- وتصير عندها ارتعاش بالجسم

- اييه ايييه

- والبكي بسبب ولا هيك من حالها

- لاا والله من حالها

- زين صارت مره عندها مشي باثناء نومها ؟

- لاا لاا

- جيد .. اذاً ضل عندي سؤالين
الاول يا شابه ياحلوه شنو سبب الطلاق. ؟

هين هي بدت تتوتر وتغيرت ملامحها للانزعاج وحكتلها ...

- مشاكل زوجيه وانتهت بالطلاق

- ايي شنو نوعها لهالمشاكل ! خيانه ! عدم تفاهم ! ضرب ! تقصير ! شنو حدديها ؟

- ما متفاهمين

عدلت كعدتي وحكيتلها ...
- تينه يابه احكيلها عن هذيك الايام
- يااايام شيخ ياايام
- السنه هذيك تين الي كنتي تعاني فيها معو

دارت وجهها عني وصارت تهز برجلها والطبيبه حكتلها ...

- اذاً وصلنا للنقطه المهمه من كل الموضوع .. تعاوني ويانه حبيبتي وخلي نسمع منك احنا بس نسمعك ماعدنه شي ثاني يلا خلينا نتشارك الافكار

صارت تدحكلها وتحكيلها بنبره صوت عاليه ..
- مو كلتلج مااكوو شي يعني شنو بعد شنووو شحجي

- تييين تهدي يابه

- هااادئه اني هااادئه بس انتو مدري شدتحجون وتلحون عليه يعني شتريدين تعرفين فهميني

- سؤالي الك كان واضح . الشيخ حكالنا عندك فتره عانيتي فيها مع زوجك شاركينا هالذكرى

- شنوو معاناه شنووو انتو دتكبررون الموضوع .. مشاكل بين مزوجين عاديه يعني محد متعارك من قبل ويه زوجته
هسه انته شيخ مو تتعارك ويه زوجتك ليش ما ضخمت الامور وسويتها هيج
ماااكو شي تفهموني .. هي مشاكل وراحت بوكتها وانتهت وانتهى وياها هالزواج وكلشي يخصه دترجعوني خمس سنين وره ليييش

كانت تحكي بعصبيه وانفعال ما عهدتو منها .. سكتنا وهي كملت حكيها ...

- كلشي زين وعايشه طبيعي وماكو شي بحياتي متعبني .. شغلي وبنتي والبيت كله زين ما بي مشاكل واني عايشه مرتاحه
وهالسوالف انتو مدري منين دتجيبوها

- يعني هسه الشيخ يكذب بحكيو عن حالتك ونسيانك !

- ايي اييي جذب او يجوز متوهم بي

- تيينه اناا اكذب علكي يولي انااا !!!

- لععععد ليش بس انته تعرفه !! ليش غيرك مايدري اني جنت ابجي ونسيتهه
ليش الشيخه ولا ام جراح ولا صفيه ولا وحده كالت شي يعني كلهم ميشوفوني بس انته !!!

- يوووولو انا حدرك اكون وادحكك بعيني هنه مايكونو عندك وانا ماحكيت لاحد عن هالحال

- حتى لو اني مااااابيه شيييي افهموها عاااد تعبتوووني .. دااكللكم ماااكو شي ماابالي شي هالسوالف مااصايره لو صايره جان حسيت بيها اذكرتها ماااكوو شي ماااكو شي ليش متصدكووووني
لاتضلون تسألوني زواجج وزواجج رااااح هالزواااج انتهى ماااابيه شي وماعندي شي احجي عليييييه اني عايشه حياتي من جديد حلوه ومرتاحه بيهه واحب حياتي هاي وكلشي بيهه زين
لتضلون ترجعوني لقبل .. راحت هذيج السنين راااحت شكو دنحجي بيهه

خلت يدها على وجهها وصارت تضغط على جبينها ويدها ترجف مشيت لعندها وبس كضبت كتفها نترت بصوتها ..

- لااا تلمسنننني وخررر

- زيين يابه زيين تهدي وش جرالك تينه
ماعهدتك هيك !هالاعصاب كلها عندك !!

- انتووو خليتوني هيج جنت هادئه ومرتاحه بس حجيكم خلاني اعصاب

- تينه هين احنا حتى نحل هالمشكله ونتساعد لاجل راحتك ماتكبريها يابه

- استغفففر الله شيخ مو حجينه وكلتلكم ماكوو. شي ماعندي شي احجي يعني شسوووي فهمني داكلك ماعندي شي احجي

تعبت اعصابي معها وصرت امشي حدرها واستغفر ربي والطبيبه حكتلنا..

- زين لاتحكي عنو شي انسيه لهالموضوع .. بس احنا حكينا بالاول عدنا باقي سؤالين واحد منهم خلص انسيه والثاني جاوبي عليه ماشي

- اي ماشي

- ياحلوه انتي اهدئي وجاوبي بكل اريحيه مايلزم هالتشدد بالاعصاب زين ياعيني

- اي زين زين

كعدت وصرت ادحك للطبيبه وهي شبكت يدها وحكتلها ...

- بخلال سنينك الي مضت كلها مريتي بحاله اكتئاب او نوع من حزن قوي اثر عليكي لمده معينه .. نوع من صدمه بخبر معين او حادث معين

- اي مريت بيهن

- اهاا زين كملي شنو نوع الي مريتي بي

- حزن على وفاه اهلي بس هيج وفتره وتعدى وخلص ماعاد مؤثر عندي

- يرحمهم الله .. وغيرو

- ماااكو بس هذا

- شيخ شنو رأيك بهالجواب ؟

- مااعجبني جوابها لانها تعاود لنفس النقطه وتخفي الي لزوم ينحكي والي هو سبب كل هذا

- شنوو شنوو الي تريده فهمني شنو بقى ماحجيته

- تيين انتي فاهمه وش كصدي

- ماااااكووو شي تفهممممم ماااكو شي حجيتها ميه مره مااصار شي هناااك ماصار شي

- تكذبي

- مااجذب مااااجذب ماصار شي هناك هو ماسواااااالي شي ماااجذب

حكتها وبيدها ضربت علبه الاقلام الي على مكتب الطبيبه وتنثرت بالكاع
صرت ادحكلها بغضب وبالويل كاضب نفسي عنها والطبيبه حكتلي ..

- فدا لعينها ماتهتمو متعوده بهالشي

دحكتلها بعتب وهي صارت تبكي وتحكيلي ...
- رجعنني للبيت تعبت ماريد ابقى هنا

- ماانرجع الحييين تييينه ركززي هيين معي ركززي ليييه هالتصرف هذا كلووو هااا

الطبيبه اشرلتي ان اسكت واتركها وكامت اجتي حدرها وكضبت راسها وهي دفعتها وتحكيلها ..

- لا تلمسييييني وخررررري مااريد شي مننج كلشي ماريد عوفيني

- بنتي انا الك صاحبه واخت نتشارك الاحزان سوا ونمشي للدرب الي يهدء بالك ويريحك من افكارك مااجايه لمضرتك انا لنفعك موجوده

- واااااني ماااريدج مااريدج ماعندي شي احجي الج .. الي سألتيني عليه جاوبتج بس انتوو مصرين تطلعون بيه عقده نفسيه بسبب مااضي ودااكلكم مابيه شي ماعندي شي ماااصاير شيييي ليش متصدكووووني

- ماشي مثل ماتحبي على راحتك

تركتها ورجعت لمكانها وتينه كامت واخذت جنطتها وحكتلي ..

- يلاا خلي نرجع للبيت

- اصبري الحين خلي نتفاهم

- مااانتفاهم بعد شكوو شكوو شنحجي
رجعني للبيت عفيه تعبت داكلك رجعني ماريد اضل هناا

- حكيتلك اصبرررري

- ماااريد ماااريد اذا مترجعني ارجع وحدي والله ماابقى هنا بعد

- تيييينه اكعدي هين لا تختبري صبري

- خليها شيخ .. خليها ترجع لوحدها احنه لازم نحكي سوا خليها هي مايعجبهه حكينا هين وتعبانه خليها تمشي ترتاح

- ووول وش تمششي لحاااالها

دحكتلها الطبيبه وتبتسم والتينه تدحكلها بحقد وبعدها فتحت الباب وطلعت وانا وكفت ودي الحكها والطبيبه حكتلي ...

- مااتخاف ماتروح ابقى رجاءاً

- يابه تمشي هاي ماتخاف شي

- لااا تخاف وحدها صدكني ماتروح هي بس تريد تثبت كلمتها كدامي بس هي هسه بالذات ماتكدر تمشي وحدها الا بوجود شخص مقرب منها

دحكتلها وعاكد حواجبي وهي اشرتلي اكعد .. كعدت وصرت انصتلها وهي تحكيلي .....

- لاتتعجب هالحكي ياشيخ .. الخوف الي محاوط افكارها بهاللحظه يخيللها اوهام بكل شبر تخطيه لذلك هي راح تضل كاعده هنا بره تنتظرك تطلع وترجعهه

- استغفر الله ول يابه فهميني وش بلاها
انااا متعجب والله من حالتها هيك .. المره مانها عصبيه ولا صوتها عالي ولا تقلل احترام مع الكبير .. بالعكس هاديه وماينسمعلها صوت وصاحبه اخلاق عاليه ومحترمه وعمرها ما رفعت صوتها كدامي متعجب الحين حكيها وفعلها هذا كلو

- هذا اسلوب دفاع مو تقليل احترام

- كيف هيك ؟

- هي عندها فكره او مضمون من افكار ببالها خافيتو عن الكل ووكت دحكتنا
نحاول نصلو ونكسر قوقعتها المخزنه داخلها هالافكار التجئت للصياح والبكي
وحتى التعب الي تحكي عنو هي التجئت لكل هذا كوسيله اقناع وابعاد عنها

- معقول هيك ؟؟؟ زين هي ليه بتخفيها لهالافكار وش داعي من كل التهجم هذا

- حسب خبرتي بهالمجال من سنين طويله ..... ان هالاشخاص مايرضون يعترفون بانهم مرضى نفسيين ..
واذا لاحظت انها تركز على كلمه مابيه شي وما صار شي وحياتي طبيبعه ..

- اييه

- ايي هذا لانها تريد تقنع نفسها والي حواليها انها بحياه طبيعيه هانئه وماتواجه اي مشاكل لا من ناحيه نفسيه او جسديه
هذا الخوف من الاعتراف بأثر المسبب
سواء ان كان حادث او صدمه او ذنب
او فقدان او اي نوع اخر من المسببات
الي احنا لحد هاللحظه مافهمنا شنو نوعه
لكن النتيجه وحده وهي ... خوفها من الاعتراف لنفسها انها ضعيفه بموضع من مواضع حياتها ... وهذا دليل على انها
شخصيه قويه من اول حياتها .. امرأه
ماتتهاون مع نفسها وتحاول بكل مطب توكع بي انها تكوم من جديد بقوه واصرار اكثر

- عجل دامها هيك ليه هالحااال

- لان مو دائما القوه زينه .. احياناً الانسان يحتاج ان يضعف ويستسلم لفتره من الزمن حتى يرجع بعدها بقوه بنوعيه افضل من سابقتها ... هالتظاهر الزايد عن لزومه بانها مرتاحه وقويه وتكدر تتحكم بزمام الامور كلها بدون وجود مسبب لحاله ضعف عدها راح يأدي بالنهايه لعواقب وخيمه صدكني مضاعفاته اسوء بعشرات المرات من وجوده حالياً ومن وجود حاله الضعف الي توصلها بلحظات وتنساها بالاخرى

حالياً هي تصورها مثل باب ووراه سيل من المي العالي وهي تريد تبقى متمسكه بهالباب وسادته حتى مايدخل هالمي للجانب الثاني تتخوف من وجوده هنا
وراح تضل تضغط بكل قوتها على هالباب حتى يبقى مسدود الى ان يجي يوم ترهق هالقوى وتنفذ وينهار عليها الباب مع المي ويجرفها وياه وهي ماراح تقاوم لان ماعدها اي قوى للمحاوله بعد وهنا هي النهايه .. لا راح نعرف المرحله الي توصلها لانها تلتزم السكوت بوكتها ولا راح نعرف نتواصل وياها بأي شكل من الاشكال لانها تكون غالقه تفكيرها عن كل ما حولها ... وياريتها كدرت تسمع مني هالكلام وتدرك خطوره تجاهلها لوضعها

- يعني مرضها العقلي هيك صعب !!!

- عذراً لتصحيح هالعباره هي مرضها نفسي وليس عقلي .. اكو فرق بين المرض النفسي والمرض العقلي وحالياً هي بااوائل المرض النفسي لكن نهايه هالمطاف لو تُرك وتفاقمت الامور بعد مرور سنين ممكن انه يعبر ليتشابك مع انواع اخرى احنا بغنى عن ذكرها هسه

- الله يبعدنا عنها ...زين الحين هي هالشي فيه خطوره عليها او على بنتها

- لااا لااا الحاله النفسيه مالها نوع من الخطر على احد هي بس تتعب صاحبها
لكن فهمتك عواقب اهمالها .. الخطر يجي من الامراض العقليه هنا لا ماكو شي تقلق عليه سواها

- جزاكِ الله خييير يابه كنت خايف عليها
عليم الله سلبتو لعكلي بحالها هذا

- ان شاء الله نكدر نتدارك الوضع ونرجعها احسن من قبل بس لو تعاونت شويه ويانه

- مااادري والله ماعرف كييف اقنعها

- انصحك ان تتركها هالفتره خليها تهدأ
وتصارح نفسها باهميه وجودها بينا

- الله كرييم الحين انا لزوم امشي واخذها معي لكن النا كعده ثانيه بعد عندنا كثير حكي

- اكييد اكييد لازم نكعد بعد وافتهم من حضرتك امور اكثر

- ان شاء الله .. مشكوره يابه واعذرينا على الي صار

- انساها عيني حكينا متعودين هاي خفايف اليوم

ضحكنا ودعتها ومشيت طلعت ودحكتها
كاعده على الدرج ومخليه راسها على الحايط .. وكفت حدرها ومديتلها يدي
ما مسكتها دحكتلي وكامت نزلت كدامي
ومشينا للسياره وضلت ساكته وهاديه
طول الدرب ولحين ما دخلنا البيت
هي على نفس هدوئها ...

ركضت حدرها غاليه وتمسكت برجلها وهي دنكت باست راسها وتركتها وصعدت لغرفتها ...

وانا صعدت انجضعت وافكر بحالها
كيف هيك تغضب بساعه وبساعه تهدأ لهالحد من حالها ؟؟؟!!!!

وش الي راح يصير من بعد هاليوم معها ؟

كيف اتعامل معها بعد الحين وكيف اقنعها تعاود لهالطبيبه وتبدأ العلاج ؟

#شقراء_بغداد

بارت_٤٨


صباح يوم جديد ابتديتو بدعاء تسهيل امر وتعجيل الشفاء للي روحها بروحي عايشه

دحكتها هاليوم هاديه وتتصرف كأن حال البارحه مالو وجود ... نزلت حضرت الريوك وصبحت علينا بابتسامتها المعتاده
وكعدت حدرنا تاكل وانا يدور بالي حكي الطبيبه وتفسيرها وضليت هيك على هالتفكير معها لحين مااخذتها وطلعنا
للشغل حكيتلها ...
- تينه ودي اسألك على البارحه
- تره اتذكره لاتخاف
- اييه الحمدلله لكن ليه ماتخلينا نحاول المره طيبه وتعاملها حلو معك ليه كرهتيها
- ماكرهتها بس هي ضوجتني
- زين انا بخاطري انك تعاودي لعندها وتكعدو تتفاهمو واحسبيهه صاحبه الك
- ماريد عفيه لتجبرني
- مااجبرك خليكي على راحتك لكن حكمي عكلك
- ماشي

وصلتها لمكتبها وانا مشيت لمكتبي وكضيت كم شغله بالعجل وطلعت
لعياده الطبيبه ماكدرت اصبر والتفكير اكلو لراسي ودي الاكي حل معها

دخلت لعندها وهي رحبت فيي وكعدنا
وحكتلي ...
- طمني عليها اليوم شلون حالها
- زينه وهادئه مثل طبيعتها وحتى انها مانستو لحدث البارحه
- اي هذا زين اذاً هذا يدل انها تنسى بس الي تريد تنساه وتصر عليه انه ماموجود
- وحاله ذكراها الو ؟
- هاي الي حكينا عنها حاله الضعف
تعود بيهه الذاكره للحظه هي مستصعبتها وفايقه حد تحملها وتوصلها للي ادحكو بعينك
- عجل كيف كان صعب دخيل الله كيييف كان
- كل اعتلال نفسي ينشأ نتيجه ان الحدث يكون فائق حد التوقع المتعود عليه الفكر
فيأثر بهالسلبيه على الشخص .. ندعي الله يهديها النه ونساعدهه
- ان شااء الله وانا اليوم جايك بهالخصوص . ودي اعرف كيف اتعامل معها لحتى اخليها تقنع وتجي برضاتها
- بالاول خليني اعرف شنو بعد عندك تعرفه عنها حتى افهم اكثر عن الحاله
ونتخذ طرق اقناع على اساسهه

صرت احكيلها كل شي من اول مالاكيتها بكاعنا لحين هالسنه وحالات تعبها وكيف انها تتكرب لحضني بحينها وكل شي تحكيه .. وهي كانت تصغي وتسجل ملاحظاتها بدون ماتقاطعني بأي سؤال
لحين ماختمتها بحادثه الدم وخوفها منو
هي حكتلي ....

- هسه صار عدنا اساس نستند عليه بالعلاج .. وملاحظاتك عنها بهالدقه
هي الي ساعدتنا من بين هذا كله

- عجل كيف مالاحظتها وانا وش عندي غيرها

- ههههه تحبها ؟

- ههههههه اييه حد العشك لكنها لا ترضى ولا تحس فيه

- شي طبيعي تره مهما يكون عدها صله وثيقه بيك تبقى بداخلها مخاوف واولها الارتباط

- لكنها تعرفني زين وتدري انا افديها بروحي ومااذيها هي حكيتلك ماترتاح الا حدري

- هذاك شي وهذا شي لاتخلط بينهم
هذاك بحاله لا وعي اما رفضها فهي بحاله وعي تام ومبني اساس عدها ان ماكو ثقه ودائماً اكو خوف او حذر من اذى غير مباشر

- وشلون بهالحال يابه .. انا ماتحمل ادحكها هيك والله اتأذى بدل اذاها ماتحمل ادحكها تذبل كدام عيني وانا ساكت عنها
انا ودي انها ترجع تعيش حياتها براحه
ودي اتزوجها وانسيها تعبها وابني معها حياه جديده

- ان شاء الله مادام عندك هالاصرار وقوه الحب تكدر تنسيها بأذن الله بس بالاول خلي نفهم علتها بالاصل وين ؟؟؟
اهم شي نفهمه .. هو الحدث شنو الي مرت بي ؟ تفاصيل التفاصيل هي مهمه
وتسرع بالعلاج .. لان كلما كنا على الهامش كلما زادت فتره العلاج
وكلها تصير بتعاونها غير هذا نضل احنا متوقفين عن اي تحديد للعلاج

- وهييين المصيبه كيف اقنعها تتعالج !!!

- نحتاج نخليها تدرك انها محتاجه للعلاج
لازم يصير اكو شي تحتاج اله وتخاف تسوي

-كصدك نضغط عليها بمخاوفها

-اييي بالضبط .. لازم نخلي واحد من ابوابها الي ساده عليها كدامها ونخليها تحتاج بضروره ملحه انها تفتحو حتى تتعب هين وتحتاج لاحد يشاركها حمل هالتعب ويريحها منو

- واذا نحنا مانعرف شو خوفها بالضبط
كيف بهالحال

- نصتنع فد حاله مشابهه اله .. مثلاً
هي تخاف من الدم نخليها تواجهو غصب عنها حتى لو ابتعدت وتحججت لكن لازم
تخليها تصلو وتتعب وتحس بنفسها انها تعبانه بسببو وماتتحملو

- زين مكدور على هالشي لكن ممكن انها تحاجج بانو الخوف من الدم عند اغلب الناس لازم نلكى بديل

- اي ناخذ بديل وناخذ اكثر من موقف حتى نضل نكرر عليها المواجهه
مثل ... نكرر عليها صوت الكسر وخليها هي بالذات تلم البقايا منو

- زين مكدور عليه بعد غيرو

- نواجها بحاله نسيانها .. يعني مو حكيتلي انها تلتجىء الك وكت انهيارها
وتصحى تنسى !

-اييه!!

- هالمره خليك حدرها حتى تصير تتسائل عن سبب وجودك وتحكيلها الحال وزيد عليه لو ردت المهم تخليها تدرك انها بوضع لا يستهان به

- ولو صار رد الفعل عكسي

- هدئها بكل ما تملك من اساليب .. ياشيخ الامان ثم الاماان والاحتواء هو كل ما يلزمها بحاله الانهيار .. احنا صح بايدنا نوصلها لهالحاله بس حتى نخليها تدركها وتعالجها وبنفس الوكت لازم تفهم طريقه تعاملك وياها وكت انهيارها اهم شي تبعد عنها الخوف وتخليها تحس ان ماكو شي خطر او مؤذي الها وهي بمكان امن

- وكااد يابه وكااد مااخليها بخوفها

- واثقه انك راح تكدر عليها وراح انتظر يوم الي تجون سوه هنا مره ثانيه

- ان شاء الله بعون الله اجيبها هين وتتشافى على يدك يا يابه

- ان شاء الله

ترخصت منها ومشيت .. وعاودت للمعمل ودحكتها مشغوله بترتيب اوراق
وانا مشيت كعدت بمكتبي وصرت افكر بهالحكي وشو لزوم ابدي فيه ؟؟؟

بعد تفكير طويل خطرت بالي ان ابدي معها الحين وهالاسبوع كلو اخليها تواجه خوفها بكل حالاتو ...

ورحت مشيت جرحت باطن يدي اليسار
وتركت الدم يسيل منها وبعدها مشيت لعندها ودخلت وحكيتلها ...

- تييينه حدري هيين
- ها شيخ
دحكت يدي وشهكت وصارت تدحلها مره والثانيه تدحك لوجهي وبعدها حكيتلها..

- احدددري داويهااا مو وكت صفنتتك
بالعجل يلااا ماتدحكيها تنززف
- ماا مااااا ماااكدر اطخهه عفيه
- ليييه ماتكدررري يولوو
- اخااف عفيه هذا الدم يلزك بالايد ميرووح
- مووو وكت نعوصتتتك الحين احدررري داويهااا عجل ودك اضل هيك اتاااذى وتلتهب يدي !!!
-لااااااا لااا
- عججججلي تييييينه تحررركي ماتنثولي هييك

ركضت بره وانا كعدت انتظرها وهي دخلت ومعها علبه الاسعافات وخلتها حدري ويدها ترجف وهي تفتحها وبعدها مديتلها يدي وخليت اصابعي تنكط دم على كف يدها وهي هين تصركعت

كمزت من مكانها وصارت تمسح بنقاط الدم على يدها بكل حيلها وتحكي ..
- مااايرررووووح هالدددم اكرررهه مايرووووح
- اترررركيها كلها نكطتين حدري هين اكعععععدي كدااامي يلااا لاتتعبيني اكعددي هين وامسحي الدم من يدي يلاا
- مااااا ماااريد اكرررهه مايروح لو صار بايدي مايروح يضل لازك بيهه
- تييييينه اكعدددددددي حكيتلك اكعدددي
- اي اي

كعدت غصب عنها وصارت تدحك ليدي وتكرب يدها تلمسها وتبعدها بالعجل وهي يدها ترجف وماسكه فيها القطنه وانا اصرخ عليها واحثها تتعجل بمسحو
وهي صارت تبكي وكضبت يدي بحركه
تمسح بالدم منها وتلجم الجرح وانا ساكت ومتحمل وجعها وادحكها كيف تمسحو
بكل حيلها وتنخبص وكت تاخذ شي من العلبه ودموعها ماوكفت ولحين ماربطتها ليدي بالشاش وكملتها صارت تشهك وتبكي اكثر وهي تدحك يدها عليها من دمي وترجف اصابعها ...
كضبت بيمنتي اصابعها وخليتهن على شفافي وبوستهم وانا ادحكلها وهي تناشغ
ببكيها وحكيتلها ...

- تسلملي هاليد والله ..بعدك خايفه؟
- اييييي
-ليه تخافي الحين مثل ماراح هالدم من يدي يروح بعد من يدك
- لاااااا لااااا مايروح يضل والله يضل لازك الدم هناا ماينمسح
- امشي نغسل وندحكو يروح او لا

وكفت وانا كاضب يدها ومشينا للحمام
فتحتلها مي المغسله وغسلت اصابعي اليسار من اثر الدم الي فيها وبعدها دحكتلها واشرلتها تغسلها مثلي .. وهي صارت تفرك باصابعها بقوه وتعيد غسلهن حتى وهنه نظفن من الندم وضلت تكرر غسلهن لحين ماانا سديتو للمي واخذت المنشفه خليتها على يدها وصرت احكيلها بكل هداوه...
- هاي راح الدم بس يلوحو المي يروح اثرو من يدك وانتي غسلتيها كثير وراح
الحين ماله داعي الخوف دحكيها كيف حلوه يدك ونظيفه وماعليها اي اثر

وخرت المنشفه من يدها وهي صارت ترفعها وتدحكها من كل جهه ورجعت دحكتلي وتحكيلي ...
-اي راح
- عجل الحين ليه الخوف والبكي كلو ؟
يستاهل كل هذا الخوف والرهبه !!
- مااخفت اني
- هااااا عجل هالبكي ليه

ماردت علي وضلت مدنكه وانا تكربت حدرها ورفعت راسها وصارت عينها بعيني حكيتلها ....

- لا تكابري على نفسك ياتينتي
دحكتي انا وكت تأذيت التجئت الك لتعالجيني وتكوني معي وكت اذاي
لييه ؟لاني ا أمن معك وارتاحلك واثق فيكي انتي بعد وكت تتأذي من شي او تتعبي حتى لو فكره او كابوس او اي تفصيل صغير التجئي الي وامني معي
زين ياعيني
- ايي زين
-الحين احنا نعاود للبيت ونرتاح
- اي ماشي

مشينا للمكتب قفلنا وطلعنا وهي تدحك ليدي كل حين وتسألني لو كانت تأذيني
واحكيلها اييه تأذي وهي تسكت وبعدها تعاود تدحكلها .. لحين ما وصلنا البيت
وهي هاديه ومارضيت تاكل وضلت بغرفتها ....
انا صعدت لغرفتي وبعدها ضليت اتكلب
لحين مالاكيت نفسي ادك بابها وهي ماترد علي .. عاد فتحتو ودخلت دحكتها
منجضعه على بطنها وشعرها منثور من
يمينها للكاع وفاتحه عينها وصافنه ...

وكفت حدرها وهي حكتلي ...
- صرت زين ؟
- اييه احسن الحمدلله
- ما يبس جرحك واذاك
-لااا
- وحتى الدم عليه ما ضوجك
-لاا الدم ماهو شي كبير ويزعج لهالحد
ليه انتي زعجك ؟
- اييي هواااي اكرهه
- مايلزم تكرهيه هو شي عادي ما كنا صغار ونلعب وننجرح وننزف دم وبعدها يعاود كلشي طبيعي
-اي صح
- عجل خوفك منو شي مو زين ولزوم تتركيه
- اييي
- وش الي كنتي صافنه فيه
- ماكو شي بس هيج صافنه مااجاني نوم
- تحبي اضل عندك لتنامي ؟
-لاااا مايحتاج راح انام هسه
- زين على راحتك

تركتها وعاودت غرفتي وانا منتصر هالمره كدرت اخليها تصفن وتقارن حالها مع غيرها .....

وضلت هي بحدود يومين تتصفن ودايماً تدحك ليدي وانا اخليها هي تنظف الجرح وتصير من بعدها تستفرغ وتكعد تعبانه وجسمها يرجف ووكت اكعد حدرها تحكيلي اتركها ومالمسها وانا اخليها براحتها تهدأ وتعاود لحالها من حالها

كنت ادحك شحوبها وتعبها على كل ملامحها بسبب هالموقف الي صار وخفت عليها من موقف غيرو لايزيد تعبها ويوديها لانهيار اكبر ويرعبني عليها .. خليتها تهدأ وتعاود تتوازن هالاسبوع ...

وبخلالو هي كعدت معي بليله الجمعه
وحكتلي ...
- شيخ اريد اطلب منك شي اتمنى ماتردني وتفهمني
- ابشري يابه احكيلي وش هو
- اريد اطلع بيت وحدي
- وشووووووووو وحدددك!!!
- اي اريد يصير عندي بيت ملك اخليه ورث وضمان لبنتي واني جنت اجمع فلوس كل هالمده وكدرت اجمع مبلغ زين يكدر يجيبلي بيت صغير او ابني بيت بيهن
- من كل عكلك انتي تحكي !!! ول يابه كيف تسكني وحدك جنيتي انتتتي
- مااجنيت شيخ اني هالشي مخليته بالي من قبل سنين وهسه وصلت للمبلغ الي احتاجه واريد اخلي بيت باسمي حتى يبقى اورثه لبنتي حرمتها اني من كل شي خلي على الاقل ابقيلها بيت تعيش بي
- تيييينه عجل هي مو كاعده بينا هيين وانا محسبلها باملاكي مااناسيها
- مو مثل مني شيخ اني امها احق باني اورثها شي ..املاكك انته عندك ولدك حقهم بيها اكثر من بنتي
- وبنتك حسبه ولادي وش فركت عنهم اناا ول ليه تطلعيني من طوررري
- ارجوك اهدء وافهمني هالشي بنفسي خليني احققه رجيتك شيخ اذا الي خاطر عندك وافق وخليني اعيش مرتاحه البال عليها

ضليت افكرلها واحسبها عدل وبعدها حكيتلها ...

- ماشي ابنالك بيت لكن بشرط
- اي شنو
- ماتمانعي وجودي معك وما تبعدي بنتك عننا
- مايحتاجلها شروط عيني هو اني اكدر مااسويهن
- زين عجل انا راح ابنالك هين حدر بيتي
لحتى تضلي كدام عيني
- ماشي شيخ على راحتك انته قرر المكان والخريطه وكل شي اني عليه بس فلوسه
- وووول اي فلووس طلبت منك انااا
- شنووو لعد تبني على حسابك ليش يمه
- ول لا افلشو لفكك الحين عجل انا اخذ منك يووولي
- شييخ عيني هذا بيت نهيبه فلوس مو محل ودنشتري منه ونتعارك على دفع
- مااااتفرك عنددي
- عندي تفرق وماقبل عليها لعد اذا هيج
البيت يصير بيتك وين اسمي بالموضوع
- بسجلو باسمك يولي عجل انا اخدعك فيييه واكل حكك !!!!
- لاااا ماارضاهه والله شنو تتعب وتصرف وتالي تسجله الي ع الحاضر
يمه عزا غير اطك واموت
- ههههههه ول ليييه بتطكي وتموتي
- لعد شيرده لدينك هذا !!! عيني كافي شغلات ووكفات حلوه تره ماكدر بعد
ارجعهن الك ولا اكفيك حقهن واني ماعرف اخذ بدون ماانطي فلا تكومهن عليه وتخليني حايره بيهن
- ههههههه ول انا طلبت منك تعوضي عنهن انتي من كيفك بتخربطي
- ماكدر شسوي طبعي هذا ماكدر اغيره
هسه عفيه خلي نتفق
- نتكاسمهن مثل كل مره وانتهينا
- زين ميخالف راضيه شلون تصير ؟
- البناء عليه والاثاث عليكي
- لااااا عيني لاا بالعكس
- لاااا
- زين خلي فلوس الكاع والهيكل عليه والباقي عليك والاثاث نتفق بي بعدين
- ههه الكاع من حلالي مايلزمها فلوس
- شنووو يعني تبنيلي بكاعك
- عجل ماحكيتلك ابنالك حدر بيتي مابتسمعي انتي
- اي بس ع الاقل اشتريها منك حتى تبقى باسمي يعني
- ول انتي اليوم ضاربات عندك شي
انتي ليييه هيك تحسسيني انا باكل حكك وبيوم من الايام بسحبو للبيت منك !!
- كلشي يصير دنيا متتامن ههههههه
- امشششي من هيييين ولااانعل ساسو الي يبنيلك

مشيت وتركتها وهي لحكتني وتضحك وتصيح اشاقه ماقصدي وانا تركتها وطلعت بره وعاودت بعد ساعه ولاكيتها كاعده على الدرج واول مادحكتني حكتلي

- يعني شبسرعه تزرزعل مو كلتلك اشاقه
- ماتثمني حكيك وانتي تكصديها لهالفكره بتخافي لايوم انا اغدر فيكي ماتثقي فيي
- لااااا والله لااا شيخ اني شلون مااثق بيك
والله ماقصدتها اشاقه شبيك شنو جديد شقانا
- ما هو جديد لكن مخاوفك مني زايده
- ياعيني والله مااخاف منك بشي انته اكثر شخص اامن بي بحياتي شنو مو تدري ماعندي اعز منك ولا اثق بغيرك

تبسمت وهي حكتلي ..
- والله ماقصدت شي مو زين شبيك خفها عاد
- اييييه فهمنا
- يلا لعد تعال نكمل الاتفاق
-بكرااا لاحكين
- لا هسه مادام بعده الموضوع حار
- ابتلينا
- فكرت بيها عدل .. ابني بفلوسي ولوين ماتخلص كمل بفلوسك زين ؟
- ايييه هيييك يعجب الحكي انا احب انتكاسم كلشي حتى نبطل مناكر فيهن
- ههههه هسه اتفقنااا اخيررراً .. عفيه عود استعجل بي متلهفه اله
- هاااا كانك مستعجله على المشيه من هين
- لااا بس اريد احس اني حققت انجاز
بحياتي الجديده من يصير عندي بيت
- حكك يابه هيك الانسان يحس انه مستقر
ببيتو الخاص افهمك انا يولو
- اووف شلون صديق انته ماكو منك تفهمني بدون حجي

تبسمتلها ويعدها صعدنا نمنا وبالايام
بديت اخطط لبيتها واخذ رأيها فيه
وهي كلو تحكيلي على ذوقك انته سوي
واتفقت مع الخلفه من ديرتنا وحددتلو مكان البناء...

عطيتها ١٥٠ متر كاع ملك لبيتها وكانت

حدر بيت صياح الي بيتو صاير بالجهه اليسار حدر بيتنا ملازك فيه وبيتها بيصير حدرو بالضبط ...

وكانت خريطتو .. بالاول حديقه صغيره
وطرمه واسعه ومدخلين واحد ياخذ على مجلس الضيوف والثاني يدخل بكليدور
وبعدها الربعه ومطبخ حار وبارد على اليسار وغرفه نوم على اليمين وبينهن
الحمام ومنور صغير ...

كان ودي ابنى طابق ثاني وهي مارضت حكتلي لو اعتازتو بالمستقبل تبنيه ...

وهيك بديت ابنيه الها والتهيت فيه عنها فتره ولكن من وحدها الصدفه رجعتني
لهالموضوع ...

كنت نازل اتحضر لصلاه الفجر ودحكتها واكفه عند الحديقه وماسكه بيدها كلاص مي
وصافنه .. مشيت حدرها وكضبت كتفها وهي جفلت بالعجل ووكعتو من يدها
وتطشر على الصبه .. حكيتلها...
- وش عندك هين يولو

ماردتلي وضلت تدحك للكزاز المتنثر
وانا هين فكرت اني ماافوتها لهالفرصه
معها وحكيتلها ....
- لا تضلي تدحكيه هيك لمي الكزاز يلا

نغزتها بيدها وهي دحكتلي وذنها شارد
حكيتلها..
-يلااا بالعجل لميه ليه تتصفني يلاا الكزاز ياذي الولاد لميه يااابه وش صارلك الحين تحررركي
-ايي اييي

دنكت وصارت تلمو وبعدها صارت تدحك حولها وتكضب براسها وتعصر عينها وتالي تركتو وركضت دخلت
مشيت وراها وهي ركضت على الدرج
صعدت وصعدت وراهه ودخلت غرفتها وهي كانت تفتر بغرفتها وتحاول تتنفس براحه وعينها تدمع .. مشيت كضبت
يدها وحكيتلها ...
- وش صارلك يولوو ليه هالحال
-ماادري
-لييه بتخافي من الكزاز بعد؟
-لااااا
-عججججل شووو فهميني شوو الي براسك ومخوفك هييك وتبكي عليه

صارت تبكي اكثر كربتلها واخذتها لحضني وهي تمسكت فيه وضلت تتراجف بنفسها بين يدي وانا امسد على ظهرها واهدئها وبعدها رفعت وجهها وخليت عيني بعينها وحكيتلها..

- تعرفيني انا من ؟؟ احكيلي يلااا
- انته ملاكي
- وش اسمي احكيه يلا

ضلت صافنه بوجهي وبعدها غمضت عينها ورجعت راسها على صدري وضليت الح عليها بالسؤال وماتحكي شي

اخذتها لفراشها وضليت حدرها وهي تكربت وخلت راسها على رجلي وغفيت
وانا ضليت هيك متأمل بمعانيها لحين ماعلى صوت الاذان .... صرت هيك اصحيها .. بديت اتلمس خدها ورموشها
واضربها على اذنها لحين ماصحيت
وضلت مضيكه عينها وتدحكلي وبعدها
رفعت راسها بالعجل من رجلي وضلت تدحكلي وانا اتبسم بوجهها ..

- هاااا يولو وش فيكي
- شجابك هناا شكعدك بفراشي
- انتي رديتني حدرك لاتكوني نسيتيه
- شنسى لااا
-عجل احكيلي الحين وش صار وخلاني عندك
- اي هسه ... هوو ... جنت برا واكفه
اباوع للسما وانته اجيت يمي اي جفلتني بجيتك
-ايييه وبعد
- بعد تعاركنا ؟ مادري يمكن لان اتذكر شكلك تصيح عليه
- اييه
- وهنا بعد مادري .. اااخ والله مادري
مادرررري
-زييين اهدي اهدي
- شلووون احجيلي شلووون
- انكسر الكلاص الي بيدك وحكيتلك لميه
وانتي انخبص حالك هيك وصعدتي لهين تبكي واجيت حدرك وانتي صار ودك تنامي ونمتي هين على رجلي
- لااااااا يالله لااااااا ماريدها ترجع والله كرهتهااااا
- تينتي ياعيني انتي فهميني تعبك هذا وش سببو شاركيني حزنك انا اتعذب بحالك هيك
- عووفني وحدي عفيه
- يولىووو مرمرتيه لكلبي بسسسك يا يابه
- عوووفني عفيه خليني ارتاح شويه وانزل

تركتها بزعان ونزلت صليت الفجر ودعيت الصبر عليها ... وهي بعدها نزلت ومشيت لمتو للكزاز وشالتو بكل هداوه وكملت اليوم طبيعي ولا كأن صار شي هالصباح ....

وبعدها بايام كنا بالمعمل .. وصار وكت نعاود للبيت ... مشيت لعندها ودحكتها
كاضبه راسها وصافنه حكيتلها ....

-هاااا وش الي جرى هالمره

دحكتلي بكل هدوء وحكتلي ..

- محمد مات

#شقراء_بغداد

بارت_٤٩

-هاااا وش الي جرى هالمره

دحكتلي بكل هدوء وحكتلي ..

- محمد مات
- يرحمو الله .. كيف عرفتي؟
- مصطفى حجالي هسه جنت اخابره
- هاا وكيف مات
- يكولي جابوه لاهله مضروب طلق بظهره وميت بساعتهه
- ومامعروف مين الي قتلو
-لا
- هاا زين وانتي ليه هيك حالك تغير بهالخبر ؟
- مادري بس هيج
- لتكوني حنيتي الو وكسر كلبك خبرو

ما ردت على حكيي وصارت تلم اغراضها بجنطتها وانا حكيتلها..

- ما ظنو يستاهل الحزن منك ماانتي نسيتي من زمان ليه هيك اثر فيكي اليوم
- مااا اثر ولا شي هيج بس نقهرت على اهله همه فاقدين واحد من ولدهم وهسه هذا الثاني هم راح
- عجل ربي يعطيهم الصبر بهالمصاب

طلعت وهي تبعتني وقفلت باب مكتبها ومشينا للسياره .. وهي طول الدرب ساكته .... كنت افكر جايز انها تفكر بايمها معو ولا انها مكسوره كلب على فراكو وفشل زواجهم هيك ؟

وتاخذني الافكار هاذي للتعصيب ماتحمل انها تفكر فيه ولا تذكرو بشي ...

حاولت التهي عن هالتفكير بروحتي لبيتها
وادحك وش ناكصو واخذني الوكت هنيك مع العمال ....

انا كنت اسأل امي عنها كيف حالها بالبيت وش تسوي ؟ وهي تحكيلي انها
نشطه ومافيها شي ومداريه بنتها ومامنها كصور ...

حكيت مع الطبيبه عنها مره ثانيه وهي حكتلي اعطيها وكت واتركها بعد الحين
وهيك انا تصرفت معها صرت اتجنب الحكي معها عن مخاوفها وادحكها تشتغل بكل جديه وتعب وبالبيت ماتخلي شي يفوتها ما تعملو وهالشي كان يخوفني اكثر عليها .. كونها ترهق نفسها متعمده
وخايف لا توصل للحد الي يغلب عليها التعب وتستسلم ...

البيت كمل هيكلو وتأسيسات فيه من فلوسها وبعدها بديت من فلوسي اكملو
واخذلو اربع شهور وكمل من كل شي
وضل الاثاث وصيتها تختار الي يعجبها من عندنا وتاخذو بلا حساب ...
وامي هدتها طباخ وانا وصيلتها كاونتر
وحكيتلها هديتي انا وام جراح والفرش
والثلاجه هي اشترتو وكانت تتشكرني على كل صغيره وكبيره ورتبت هي وصفيه وام حسن اغراض البيت وضل بس غرفتها
ننقلها لهين ...
وصيتها تفرغها وثاني يوم ارسلت الولد
فتحوها واخذوها لبيتها وعاودو نصبها
وهي عاودت ترتب اغراضها هين وتنظفو
ولليل كنت اتعلل مع اصحابي من ديرتنا هين ودحكت جراح جاي لهين حدري
حكيتلو ...
- ها يا يابه خيرك

شاورني وحكالي ...
- عمتي الصغيره تسلم عليك وتحكيلك
انها عازمتك الحين ببيتها ولزوم تلبيها
-ههههههه زين يابه زين الحين اعاود

راح هو وانا صرت احس نبضي اسمعو من شدة ماعلى ساعه الي يمرني خبرها
ترخصت بالعجل ومشيت لبيتها ودخلت الطرمه ودحكت رماح وجراح هين وغاليه معهم ...
وصلت للكليدور وحكيت ..
- يولوو تينه وينك

اجاني صوتها بالعجل ..
- هنا شيخ تفضل
-بسم الله
دخلت ودحكت امي وام جراح وصفيه هين كلهن ملتمات حدرها ..تبسمت وحكيتلهم ..
- كواكم الله
- الله يگويك يابني
- الله يساعدك شيخ
- هلا يابه
- اكعد ليش واكف هيج بعيد

مشيت كعدت وانا ادحك لامي وهي تتبسملي ودحكت ام جراح عافسه الوجه وتتبسبس مع صفيه ... وتينه مشيت للمطبخ وبعدها عاودت ومعها صينيه كبيره خلتها بينه وصارت تحط كدام كل واحد مننا ماعون فيه نوع حلى وبعدها عاودت بصينيه ثانيه فيها كلاصات عصير ومواعين كيك وزعتها علينا وكعدت حدر امي .. حكيتلها ...
- تسلم يدك
-الله يسلمك شيخ
- هالعزيمه خاصه للبيت ولا هيك
- هههه لا بمناسبه البيت الجديد
- تتهني فيه يابه

تبسمتلي وانا شلت عيني منها لان ام جراح وجهها حومر وهي تدحكلي
صرت اكل وامي تعيد وتوصي عليها
ماتترك الباب الا تكفلو ولا تغفل عن بنتها ولا تترك الصوبه مشتعله وتنام وتمر عليها كل يوم وهي ماتحكي غير ان شاء الله وماشي ....

تعللنا هين معها وبعدها عاودنا البيت وانا غافلتهم ومشيت للديوان وبعدها عاودت لعندها ..
دكيت باب الشارع وانتظرتها فتحتو
تبسمت وانا ادحكها شامره الشال على راسها ... حكتلي ..
- هلا شيخ تفضل
- اعذريني هيك جيتك بهالليل
- لااا شيخ البيت بيتك شوكت مايعجبك تجي هلا بيك حتى لا تدك الباب ادفعه وادخل متحتاج اذن انته شيخنا
-ههههههه لا يابه تسلمي ... اجيت لاني
مامتعود اتركك هيك وحدك .. صح انا الي بنيتو لهالبيت لكن بكل حجر ينحط منو انا افكر كيف اتركك هين وحدك وتصيري بعيده عن عيني
- لاا تخاف شيخ قابل شكو عليه هنا
وانته قريب بديوانك وبيتك اثنينهن قريبات عليه
- مادررري والله لكن مو عارف اتهدا وانام هالليله وانتي هين مو حدر غرفتي
- ههههه اني هم احس السالفه شويه غريبه مداعرف انام افتر منا ومنا
- ول هالسالفه اذيتها اكثر من نفعها
- لااا هيج احسن للكل
- انتي بالك على ام جراح ما هيك
- اييي هيج راح تريح بالهه بعد ومالهه حجه على احد منا
- والله ما ظنها لكن بعد انتي ساويتي الي ودك اياه
- شيخ صدكني مرتاحه هيج .. هسه اكدر انام مرتاحه البال مأمنه على مستقبل بنتي
وهم احس استقريت هيج
- لكن انا الي تهجولت والله

تصنعت الابتسامه ودارت عينها عني

زفرت النفس وحكيتلها ..
- ودي اطلب منك شي
- اي شيخ امر
- تسلمي ودي تغمضي عينك شوي
- شنو ليش !
- ماتسألي بس غمضيها

غمضت عينها وانا تكربت حدرها ودنكت على شعرها شميتو بهداوه وبدون مااطخها واخذت النفس منو وبعدها بعدت وحكيتلها ..
- تصبحي على خير
- شنو شسويت ؟
- كان ودي اتهدا حدرك حتى اكدر انام
يلا كفلي الباب وراي

طلعت وتركتها بصفنتها ومشيت وانا اتبسم ..والله ان عشكها سالبو لعكلي
ومخليني امشيلها بهالليل بس لحتى اشم ريحتها ومن بعيد ....

ثاني يوم مريت عليها الصبح واخذتها معي للشغل وغاليه اخذناها عند امي
وضلينا هيك وكت نعاود نمشي لبيتنا تاخذ بنتها وتمشي لبيتها ومعهم جراح والعصر تجي لعند امي تكعد معها او امي تمشيلها
وانا ماكدر انام اذا ما امشي لعندها ادحكها واحكي معها شوي على اي سالفه
وبعدها اعاود لبيتي ...

ام جراح تغيرت بعد مشيه تينه من هين
عاودت هاديه شوي وتحاول تتكربلي
وكان ودها ولد وانا مارضيت .. حسيتو
يربطني ازيد عن تينتي .. وصرت اتجنب هالموضوع ..

انا ماكصرت معها بشي ولا تغير بينا شي عن اول زواجنا ... مصرفها بنفس وكتو من الشهر يكون عندها .. ودها تمشي لاهلها ماامانع كم ماتبغى اخليها .. ودها تشتري شي وبنفسها شي يجرالها ..
كل شي معطيها الا هالكلب محتفظ فيه
للساعه الي اهديه لصاحبتو ...

انا متعود كل نهايه اسبوع اكعد مع تينه وادحك وش دونت من تفاصيل وحسابات خلال هالاسبوع ... وبهالمره انا كنت
اكلب فيهن ودحكت اسمها مكتوب وكدامو وش ماخذه من هين من اثاث
والحساب مأشر فراغ .. حكيتلها ...

- يولو وش هذا ؟
-شنو!
- اسمك وهالخريط كلووو شووو
- هاا غير اشتريتهن منا وبعدهن ممدفوعات
- وووول انااا حكيتلك ادفععععي ولاا اخذذذي انتي بتصري تخلينا نتمشكل بهالزفت هذا
- اهدء عفييه هسه قابل شصار
- انتتتي بتجيبي اخرررتي والله ماتكون الا على ايدك
- لا اسم الله عليك
- عججججل ماتعكلي وتشيلي هالحد هذا
اناا حكيتلك ابغى فلسسس منك !! بتكذبي علي وتاخذيني على كد عكلي وبعدها تدفعيهن بالخفى !!!!
- من الاول متفقين الاثاث عليه واني ماجان عندي فلوسهن هذيج الايام بس هسه بعد اكدر ادفعهن وهنا حالي حالي كل مشتري

شمرتو للسجل عليها وطلعت .. دخلت مكتبي وهي اجتي وتحكيلي ..
- شيخ شبيك عفيه لاتضل هيج باعصابك متستاهل السالفه
- يووولي انتتتتي تضلي معتبره نفسك غريبه وبعيده عني مااااااتنعددددلي لو تعاشرينننننني ستتتتين سنه فوك هالخمس
انتتتتي حاسبه نفسك جااااارتي هيك صاحبه وعامله هين
- لا
- لاااا لاااا وش هووو لااا انتتتي هيك دكايكك .. اناا احكيلك اخذيهن لاني معتبرك من اهل بيتي واهلي مايدفعو حك شي من حلالي تفهمممممي !!! لووو الحين صفيه الي طالبه ماكانت اخذتوو بدون ماتدفع حكووو هييييييييك وبالخفى عني ليييييييه !!! لانو من مااااال اخوهاا راااجع الهااااا حلالهااااا هذا بعد تفهممممي انتتتتي ولااا صعبببه على مخك يوزنهاااا هييييك
- افهم اي افههههم بس ما يرضيني هيج
اني مااحب احد يبقاله دين عليه
- ايييييييه يااااازهرااااا اييييه هييين المشكله انتي تحسبيني .. ااااحد .. عمرررك ماتغيريهااااا عمرررك

تركتها ونزلت ووصيت صياح يرجعها معو للبيت وانا مشيت لعند حجلان هنيك
نزلت سبحت فيها وطولت بين رايح وراد للجرف نفست عن كل غضبي هين بالسباحه ووكت كعدت على الجرف
ضليت اخذ نفس واستغفر ربي واحكيلو

- ربي مااطال هالصبر ؟ بالويل انا متحمل وجلالتك بالويل

انجضعت وضليت ادحك للسما وبعدها سمعت اصوات رجال كريبه من هين
كمت لبست دشداشتي و صعدت سيارتي ومشيت للديوان وكضيت اليوم فيه متعكر المزاج ... الي قهرني هيك انها للحين حاطه الحدود معي وبطلعتها من عندي زادتها ومهما انا ابين لها مشاعري من نضرات ومن همس بالحكي ومن اهتمام ماترضى تدحكو وتفكرلو وانا ضال هيك
عايش على امل تحن بيوم ...
الانتظار صعب يذبح والله هيك ينشف بالدم على البطيء وتدحك محبوبك مترهي بوكتو وما همو شي ، هالحال يعصرو للكلب عصر ...

اخذتها ثاني يوم الصبح وماحكيت معها غير السلام وهنيك اول ما دخلت مكتبي دخلت وراي وحكتلي ...

- شيخ يعني يصير هيج تزعل وتمشي وتخليني حايره شلون اوصلك
- خير وش ودك بوصالي
- خلي نتفاهم عفيه يعني شلون تضل هيج زعلان مني والله ماتحمل زعلك
- مو كل مره هي ازعل وراضي وازعل وراضي
- تعبت مني !
- تعبت من تفكيرك الي معي هذاااا متعبني حد الي مخلي اعصابي تشعل بنار ماتدحكيها حتى بخيالك
- ليش هيج شيخ .. اذا هيج الفلوس ضوجتك سالفتهه والله اعوفها وماعيدها بعد بس لاتضل هيج تعبان بسببي
- ووووول يلععععععن ابووو هالفلوس
ماااااتهمني انااا

مسحت وجهي واستغفرت ربي وبعدها حكيتلها ...
- روحي لشغلك يلا امشي
- ماااروح لحد ماننهي هالشي ماريد اضل محتاره بامرك عفيه هالشي يتعبني ومااكدر اوصلك بعد غير هسه
- اييييه والحييين وصلتيلي وش تغييررر
هااا وش الي تغير ماانتي حدري الحين

عرفتي تنهي تعبي هذااا !! فهمتتتتتيه وش هوو سببو !!!! لاااا ماكدرتي ولا راح تكدري تعرفي لييييه ؟؟؟
لانك بعالم بعيد عن عالمي

تكربت حدري وانا حكيتلها ...
- امشي روووحي لشغلك يولو

دحكت بنص عيني وتحكيلي ..
- اني افهمك والله اكثر وحده افهمك وادري نارك شلونها
- بصلااااه محمد عليكي وش تفهمي وش تفهمي احكيلي
- افهم ليش هالعتب وحركان الاعصاب
- ايييه عجل دامك فاهمتني مخليتني متعلعل هييييك ليه !!!
- ماكدر على الي تريده ولا اكدر اخليك بهالحال اني محتاره اكثر منك بس مادري شسوي

زفرت النفس بقوه وبعدها تكربتلها وحكيت ..
- ماتكدري تحبيني ! هو هذا الي ماتكدري عليه !!!
- لا مو هيج
- عجججججل شووووو فهميني يابنت الحلال فهميني احكيلي يابه انا هاذي سالفتي انا هيك افكر اناااا منعول اهلي هيك من سنين وانتي تفهمي وتعرفي اني رااايدك الييي وتدحكيني اتهدر بناري. كل يوم من وره بعااادك وسااااااكته ؟؟؟
ليييييه تينه هييييك يهون عليكي تعبي !
هييك انا رخيص ومو مهم عندك تاركتني هيك اتصفن بهالحياطين وادحك فيها خيالك !
- لاا والله متهون عليه هيج والله متهون
بس ماكدر انته متزوج وهالشي غلط يصير
- استغفر الله يولو دحكي ما عليكي بزواجي وتاخذيه حجه .. انا زواجي مثل ما هو من سنين حاكيلك من كبل واعيدها بعد .. حياتنا ماشيه وماتغيرت هي هيك اساسها بارد ومشت عليه ..
ان كان ماعاجبك هالحب ولا عاجبك الارتباط فيي لا تحسبي حبي ذنب وغلط
تغلفي فيه عن رفضك فهمتتتي !!!
هييين بمشاعري لا تلعبي

درتلها ظهري ومشيت كعدت كدام مكتبي وضليت ادحكلها وهي تمسح على وجهها ومحتاره وش تحكي بعدها تكربت وكعدت كدام مكتبي وصارت تحكيلي ..

- مايهون عليه كسر خاطرك ولا اني الي اتلاعب بالمشاعر .. بالعكس اني عندي المشاعر شي مقدس لاتفكر اني اتلاعب بيهه واستغل شعورك وااذيك بيه

- انا اعرف ان هالشي عندك مصدكو
لكن ودي الحين تخلي النقاط على الحروف

صارت متوتره وتفرك بجبينها وبعدها حكتلي ..
- شييخ الموضوع حساس وصعب يعني يانقاط الي اخليها !!
- دحكي انا ما احكيلك انك لزوم الحين ترضي او ترفضي حبي ولا عندي حكي معك على طاري زواج
انا صح غلطت جرفتني اعصابي معك الحين وتماديت بالعتب معك لكن بالله انا ودي انك تفهمي هالشي مني ...
احكيه لك من كل كلبي تينه انا ما ودي انك ترضيني بكلمه اي موافقه لكن الي ودي اياه اني الاكي نفسي بعينك وكت ادحكلها ودي تزرعي كلبي وسط كلبك وهنيك تحفظيه كل العمر ...
هذا بكل صراحه انا احكيه الك هذا الي ودي اياه منك ... ان ماتكدري عليه يابنت الحلال ما ملزومه فيه انسيه وكأنك مادريتي عنو ... وان كان ودك وكت
لتراجعي نفسك وتصفي افكارك اخذي
الوكت الي يعجبك ... لكن انا ودي الحين تحكيلي وش الي بالك بهالخصوص غير حجه زواجي

- اقدرلك كل هالصدق بالمشاعر وكل هالتسامح وياي ... ومدامنا فتحنا باب الصراحه بهالموضوع فراح اكلك
اني بصراحه خايفه من الارتباط

- خايفه ؟ ليييه ؟؟

- يعني هواي اسباب يطول شرحها بس
بالمختصر يعني عندي خوف جبير منه
يمكن حتى من تفاصيل انته متفكرلهه
بس هي عندي مخليتني احط حاجز الرفض عن الارتباط طول هالسنين
وادري لو اخذتني زوجه الك ماتتحملني
فلذلك اني رفضت وتهربت من مواجهتك بهالشي
- تينه انا فاهمو لخوفك حكك الدنيا دارت فيكي واذتك كثير لكن انا شيخك حميتك وراعيتك من اول ساعه دحكتك فيها
كيف تظني ممكن اذيكي بيوم !!!
- اي صح انته شيخي وصاحبي واماني الوحيد بس هسه انته شفت بعينك شلون تتغير اعصابك وياي وتنهار لما يوصل الموضوع بالمشاعر والتعامل بالامور الزوجيه يهيجها اكثر ..لان الغيره تزيد والحب يزيد وحب التملك بالذات يزيد
وهاي كلها لو بدر مني بيها تقصير ماراح تتحمله مني حتى لو تخفيها لاعصابك عني بس بداخلك لا
- الحين مخوفتك اعصابي !
- اني عندي خوف من هواي اشياء وكلتلك تفاصيل ماتفكرلها وهاي وحده منها
- ما نكدر نعالجو لهالخوف ولا انتي تحبي يبقى معشعش فيكي
- ماعرف شسويله والله
- انتي احكيلي ودك تخلصي منو وانا اساوي كل شي يخلصك منو
- تسلم .. بس بعد مو هسه مااحس نفسي جاهزه
- زين اخليكي على راحتك لكن خلي ببالك ..ان العمر يمشي وكل هالساعات الي تمر بالخوف والحزن هي محسوبه من العمر ان راحت ماعاد ترجع ..
- صحيح بس انطيني الها وكت مو سهله عندي والله اني مو كارهه نفسي واحب اعذبها وامحيلها الحياه بس الي موجود جبير واستصعب ذكراه
- ربي يسهلها ان شاء الله .. انا معك لاخر العمر ياتينه ..وكت الي ودك احكيلي ونتعاون عليه
- ما تقصر .. هسه بما ان فهمتك وفهمتني
وكل واحد حجى الي بكلبه خلي اثنينه ناخذ وكت
- لشو بالضبط؟
- حتى كل واحد يوزن افكاره
- انا فكري وشعوري كلو موزون على كلمه الوحده وهي انتظرك
- ههه ماشي لعد خلي اني اوزن افكاري
- اي انتي خذي وكتك

ترخصت ومشت وبعدها انا هديت وحسيتو هم وانزاح عن كلبي ساعه الي تفاهمت معها بهالخصوص ...

سدينا على هالسيره وصرنا نتصرف باريحيه وبعاد عن هالسالفه ومشيت الايام هيك ...
وبيوم كاعد انا العصريه بالديوان والباب مفتوحه كبالي وادحك غاليه جايه تتمشى حدرنا .. ودخلت الديوان والعين كلها صارت عليها وهي مبرطمه وكاضبه
سوارها على يدها وتحكيلي من بعيد

- بابااا
- ها يا يابه حدري
- بابا سواني شعلع

ضحكت واخذتها كعدتها على رجلي وهي مدتلي يدها واخذت سوارها دحكتو شوي حلقه القفل فالته .. عدلت تركيبها وضبيتها بيدي ولبستو الها وحكيتلها ..
- هيك رجع سوار بنيتي ليدها
- شُكنن
-هههههه
-بااابااا
- ها ياعينو
- وييين جناااح
- بيت جدو يابه بكرا يعاود

صارت تتأفف وخلت راسها على ركبتي وضلت تدحك على الكاعدين وهمه كلهم
رجال كبار وبيهم ولدين من ولدهم يطلعو بعمر جراح وهمه يدحكولها كيف تلعب بيشمغي ومبرطمه هيك وتتافف وصارو يضحكو ويدنكو روسهم وهي ماسكتت حكتلهم ...
- شبيك ااانته شبيك مامدحك بنات
- اسكتي يابه كافي
- اخلي جناح يملصو لناسو
-ول يابه اسكتي

صارت تدحكلو وتعيب بلسانها عليه وهو يضحك ومدنك راسو ... وهي عاودت خلت راسها بركبتي وصارت تحكيلي..
-بابااا انيييد جناااح محد يلعبني غيرو
- بكرا يابه يكرا يعاود ويلعبك
- ما مااا وين انوح وحدي ماكو جناح
- هين ضلي عندي اليوم انا بدالو اضل معك زين
- ايي زين

سكتت وضلت تلعب باصابعه المنفخه الصغيره بازرار الدشداشه وانا تركتها براحتها وصرت احكي مع رجالي وهمه يحكولي ...
- هالوحيده بنيتك ؟
- اييه عزيزه بيتي
- وليه متعكر مزاجها وطافيه ضحكتها
-لانو جراح مو هين وهي متعوده الا معو تلعب

صارو يضحكو وبعدها واحد منهم طلع من جيبو جكليتين وحكالها ..
-حدري اخذي هالجكليت ياحليوه
- مااانيد جنااح مايقبل اخذو عيييب ماتعنف عيب انته

غزرتها وهي ختلت راسها بيشمغي والرجال ضحكو لحد ماتعبو وانا حكيتلو
- ول يابه مايهمك حكيها صغيره بعدها
- لااا ياشيخ يا زينها والله ونعم ماعلمك جراح خلها هيك صاحبه لسان كوي ماتنغلب بحياتها

دحكتلها وحكيت ...
والله انها شرسه هالغاليه

عفتها هيك بحضني وكملت حكي مع الرجال واستمعلهم وهي فجأه كمزت ونخبصت بحكيها وتفرك بيدها وتحكيلي

- بابااا دوننديننني بااباا يلاا انطيني انوووح يلاااا
- ول يابه وشو فهميني
- دوندينني ناح ينوووح

فهمت كصدها على ابو الدوندرمه هالبياع كان يمشي ويصيح بعالي صوتو وهي سمعتو وانخبصت ..ضحكت وطلعت محفظتي وهي صارت تحكيلي...
- الي ولماما يلاا عجل عجججل بابااا
- هاذي يلا اخذيها واشتري
-بعد عمه وجده
- هاااذي بعد فوكهن
- انته مانيد دوندينني مانيدها
-ههههههه لاا يا يابه ماريد اخذي الك وللاهل يلا

ضحكت وباست خدي وركضت وصلت للباب ورجعت مدت راسها وصيحت على هالوليد حكتلو ..
- امشششي ساعدني ماشيلهن وحدي اووكع شبييك انته ماتفهم مومثل جناح سبع
-ههههه ول يابه امشي معهااا خلصنا

طلع يركض الولد معها وهي كاضبه الفلوس بيدها اثنينهن وتصيح اووكف
وخبصتنا على هالدوندينني ..الله يساعدو لجراح كيف كادر عليها انا كعدت معي ربع ساعه شلشتو للديوان شلش ..

بالليل مشيت لعند تينه وتعللت معها وحكيتلها وش سوت بنتها اليوم وهي
صارت تضحك وتحكيلي..
-اكول منين جابت فلوس واشترت والله مالحكت افهم منها شي اجتني مخبوصه
وصارت توزعهن علينا وطلعت تركض

-هههه يولو هي غير اصكعتنا بيها
ولسانها لسان برنو
- هههههههه والله احجي عليها بس هي متسكت وكحه من يومها
- بس احكيلك شي كأني اليوم دحكت شي غريب فيها
- شنوو
- الراء الي عندها تنطكها من انفها هيك حسيتو ماهو مثل مانتي تنطكيه وتكسري فيه يبين بلسانك
- هم منتبهه عليها بس يجوز هي هيج تتنعوص بحجيها
-لاا ا ماظنو هيك
-لعد شنوو
- هاذي انفها مسدود لانو حكيها اغلبو هيك يتنعوص ومدري شو فيه
- لااا مو لهدرجه
- ركزي عليها بعد وبتفهمي كصدي
- ماشي باجر اشوفها

عاودت للبيت واستلمتني امي كالعاده
- يابني ماتجوز من مشيتك عندها بنصاص الليالي
- يمممه وش فيها لو تعللت عندها
- ياعين امك النااس ماترحم بحكيها
وهي حرمه ووحيده ببيتها ماعندها محرم مايجوز ياصاحب الاصول مايجوز
- اعرف هالحكي ياامي لكن مكدر انام لو مادحكتها وحكيت معها وانا مامطول عندها كلها ساعه وهاي معاود من وكت مو نصاص الليالي
- اووووف ياكلبك ياخويلد بيدوهينا معو
تعب لساني من الحكي كيفك وش تساوي ساوي

بوست راسها وضحكت معها وبعدها صعدت لغرفتي دحكت ام جراح حاضنه رماح ونايمه .. بدلت ملابسي بهدوء
ونمت حدرهم ....

وثاني يوم كنت معزوم بالحقلانيه على حنه واحد من ربعنا مكرب لنا والعصر مشيت لعندو وماعاودت الا تالي الليل
واستحيت امشي لبيتها بهيك وكت وكملت دربي لبيتنا ....
وهنيك تمشكلنا انا وام جراح لانها نزلت بالحكي على كيف ضال عندها لهيك وكت ووش اسوي عندها !!!
وانا احكيلها ماكنت هنيك وماتصدك
تركتها ونزلت نمت بالربعه ...

وبالصباح وكت مريت على تينه وطلعنا للشغل حكتلي ..
-شو البارحه ماكو شيخ

- كنت معزوم بحنه واحد من ربعنا وتاخرت بالرجعه
-هااا زين رحت غيرت جو شويه
كله شغل وديوان ماتضوج ؟
- عندي انتي ونيس

دحكتلها وحكيتلها بهداوه وانا اتبسم ..
-انسى فيكي التعب

ردتها لي بابتسامه وبعدها حكتلي ..
-البارحه ركزت على غاليه وصدك عدها هيج خنه بحجيها لكم كلمه حاولت وياها تلفظهن عدل ومكدرت
-هااا دحكتي مو حكيتلك
-اي زين ناخذهه لدكتور
- كيفك يابه ايمتى ما ودك حاضرين
-تسلم ماتقصر خلي لعد العصر ناخذهه اذا ماعندك شي لان ضليت بقلق عليها
-لااايابه بسيطه سالفتها ..العصر ناخذهه وان شاء الله خير

كملنا شغلنا وهي حكتلي اضل عندها اتغده .. وضليت معها تغدينا سوا ومعنا جراح وبعدها حكيتلها تجيبلي فراش انام هنا بالربعه وهي مارضت وعطتني غرفتها انام فيها وهي ضلت بره مع الولاد ...

نمت بفراشها بلهفه هيك صارلي هالفراش راااحه وكت اخلي راسي على مخدتها وافكر انها هين تنام وهين نفسها وهين شعرها افرح وارتاح وعلى اثرها انام ...

كعدتني العصر شربت الجاي ومشينا للطبيب ومعنا جراح حتى يقنع غاليه تضل هاديه وماتتعبنا .. لان حكينا ماياثر مثل حكيو وش سببو مانعرف لكن هو هيك ...

وبعد مافحصها الطبيب حكالنا ان عندها
زوائد لحميه مضيقه على انفها والصوت كان اول اعراضو وحكالنا وكت تكبر وتتجاوز العشر سنين نكدر نشيلها ..

كانت تينه مقهوره على بنتها وانا اهديها واعدل من مزاجها لبين ماخفت شوي وعاودت تضحك ..

ومشيت الايام لحين ماشارفنا على اخر ايام هالسنه ... كنت معاود من صلاه العشاء من المسجد ودخلت الديوان كعدت
وبعدها دخلي جراح شاورني ..

-يابه غاليه حكتلي امها تريدك وحكتلي انها تبكي

بالعجل ترخصت من الحاضرين وطلعتلها ركض دخلت ولاكيتها كاعده بالربعه وكاضبه راسها .. كعدت حدرها
وحكيت لجراح ..
-اخذ اختك واطلعو من هين يابه بالعجل

اخذها وطلعو وانا تكربت حدرها وتلمست وجهها ورفعتو وصارت تدحك لعيني وتحكيلي ...

- شييخ
-ياعينو انتي وش فيك يا يابه
- تعباانه كولش راسي راح ينفجر
- اسم الله عليكي تهدي يابه تهدي

كضبت يدي وحكتلي بنظره توسل
- خلصني فدوه ماتحمل بعد والله
- صار ياعيني صار اهدي انا عندك تطمني

ميلت راسها على كتفي وتمسح بدموعها
وانا فتحت عباتي وحاوطتها عليها وضميتها لصدري بكل هداوه وهي حكتلي ..
- شيخ ابقى يمي اليوم عفيه
- صار يابه تدللي لكن احكيلي ليه هالبكي
- خايفه كلشي يمي يخوفني ماريد اشوف شي اريد بس انام ومافكر بشي ولا اسمع اي حجي
- ماكو شي هين انا معك اضل هالليله ونامي بأمان يلا تهدي وتعوذي من الشيطان واسترخي

ضليت هيك حاضنها وهي ساعه تبكي وساعه تمسح دموعها وتعاود بس تشهك وبعدها مسحت عينها بيدي وتلمست خدها وانا اهديها لحين ما غفيت ..

وكت دحكتها غفيت بعدتها عن صدري ووكفت وهي فتحت عينها تدحكلي وانا دنكت شلتها وهي عاودت غمضت وميلت راسها عليه ..
خليتها بفراشها وغطيتها وهي ومغمضه حكتلي ...
- مو تروح هنا ظلمه يجون كلهم ابقى يمي
- حدرك ياعيني مارايح لمكان

ضليت كاعد حدرها لحين ما حسيتها نامت طلعت بره وحكيت معو جراح ووصيتو يبات هين مع غاليه لان امها تعبانه ..
وعاودت لغرفتها دحكتها بنفس نومتها
تركتها وكعدت بالربعه ادحك تلفزيون
ومرتاح هالمره لانها ذكرتو لاسمي ورادتني حدرها بوعيها مو بهلوسه منها..

#شقراء_بغداد

بارت_٥٠


ما بين العزم والتردد جنت اصعد درجات ويه الشيخ واستمد من ملامح وجه المطمنه ووجوده بظهري كسند الاصرار
لعبور هذا الدرج ومقابله الدكتوره ..

جان بمثابه جهاد نفسي الي ثبتني عليه هو كميه التعب الي غلبت على صبري واصرار الشيخ على ان اعيش حياه جديده بدون ماضي .....

رجعت اتمعن بتفاصيل عيادتها الهادئه
وبعدها خطيت خطوتين لداخل غرفتها وقابلت برود ملامحي بابتسامه ترحيب

جنت اشوف توتر الشيخ يشابه توتري
الفرق الي بينه اني متوتره من نفسي مااحب اواجهه وهو متوتر لانه يخاف
تعبي ....

بين افكاري جنت ادور وماحسيت الا على الشيخ يوكف ويحجيلي ...
- انا هين كاعدلك بره وانتي خذي راحتك بالحكي كل الوكت الك ماتخافي زين
- اي

مشى واني عيني تراقب خطواته ومن سد الباب وبقيت وحدي هنا حسيت هالمكان يضيق عليه واحتريت كلش وضليت بحيره مااعرف شلون ابدا بس الدكتوره
حجتلي ..
- ياشابه ياحلوه كلش فرحت بوجودك عندي اليوم واريد اول شي تخلي بالك
هو كل الي يدور بينا هنا يبقى محفوظ داخل هالغرفه .. سرنا راح يكون واحد
ومن اليوم احنا اخوات وصديقات وبأي موضوع ممكن تحتاجيني بي اكون معك
مانقتصر على جلسات علاج ياحلوه
- ماشي شكراً
- ههه العفو .. افضل لو تستلقي هين
وتاخذي راحتك بتصرفك وكلامك
- ماشي

عفت جنطتي على الطبله ورحت تمددت على كرسي يشبه الي يستخدموه اطباء الاسنان وهي كعدت على كرسي صغير
ورايه بحيث ماصرت اشوفها وكدام عيني لوحه اكثرها بياض ومشخطه بالوان ازرك وفيروزي واسود ورصاصي ....

ضلت هي ساكته واني ساكته وصافنه على هاللوحه وبعدها حجيتلها ..

- باول مرحله بالكليه تعرفت على شخص حنون وشهم حبيته وحبني وعيشني بعالم مابي غيره .. شغل تفكيري وسلب راحتي ببعده وخوفي عليه
جان يشتغل ضابط استخبارات ودائماً يكولي الوطن يطلبني لازم البيه .. واخذه واجب الوطن وضغوط الحياه واختفى رغم انه وعدني يرجع ومارجع ..
بأثناء هالحب والوعود اني جنت مخطوبه
لواحد من كرايبنا .. جان رايدني من جنت بعدني بالمدرسه ورفضته بكل مره حاول يتوددلي بيهه وعلنت هالرفض بين اهلي بس ابويه مارضى وخيرني بين
كلمته بين الناس وقراره او قراري واضطريت اختار كلمته ورغبته وهو جان اله رغبه قويه بهالارتباط حتى يقوي علاقتنه بيهم ...
بين هذا وهذاك ضاعت سنتين من عمري
الي احبه يرفض هالارتباط ويسعى دائماً حتى يخربه ويبعده عني والي صرت على ذمته يطالب دائماً ان اصير قريبه منه وابادله المشاعر .. وبالتالي انحسمت
هالسالفه بأن الي حبيته اختفى واني تزوجت ... واكتشف بعد كم يوم من زواجي ان الي حبيته وضليت على الوعد انتظره حتى نفسخ هالخطوبه بأي شكل من الاشكال طلع .. طلع متزوج ويدري بيه اني انتظره ويعرف حتى يايوم زواجي صار وضل بعيد وساكت والعذر جان .. مجبور اسوي هيج ...
المهم اني عذرته وبريته الذمه على كل شي وضل مابكلبي عليه غير الحب
قررت بساعتهه ان ادير بالي على زواجي واعيش لاجل هالرجال الي وفه الي سنين وضل يتأمل على عيشتنه سوه
وداريته وداريت اهله رغم فارق طبيعه الحياه بينه بس تأقلمت وماشكيت من شي
جان هو عسكري وبيتهم بمنطقه ريفيه
اهله فلح وولدهم كلهم عسكريين
هو بنالي بيت بمنطقه بعيده عنهم حوالي عشر دقايق وجان على اساس اني اكعد هناك ومايتغير شي من حياتي ..
بس هو اخذني بالمرحله الثالثه وصارت كعدتنا عشر ايام بين بيتنا وبيت اهله والباقي من الشهر اكضيه بيتنا بغداد حتى اداوم وهيج مشت حياه روتينيه مابينه اي تقرب او كلام ثانوي عدا الي معتاد عليه
رغم هو قبل الزواج ذايع بين الكل اني احبهه ومااخذ الا هي وصبر وتعب لاجلي بس من صرت يمه شي مختلف
ماشفت اي شي من مشاعره مجرد برود
وصرت حامل بس باول اربع شهور وكع الطفل وبعدها ماصار عندي حمل ثاني
ماجان اكو اي خلل بس هو هيج ..

- اهاا زين شنو من بين هذا كله كان هو المؤثر السلبي عندك

-هه علي .. ابن عم زوجي محمد هذا سبب دمار حياتي

- كمليلي ياحلوه شنو سوه علي

- علي ضابط ومتسبع جان على اهله
نسوانهم هناك مايحترموهن وهو جان
ماخذهم بهوسته وصوته العالي واضافه لضخامه جسمه وشكله المخيف واني صرت بينهم شاذه عن قاعده الكل تخاف من علي وتلاغيت وياه بأكثر من موقف
دافعت بيهن عن نسوانهم وبناتهم لانه جان واحد مستبد واني ماسكتت على ظلمه بحقهن وعلى اثرها كالي ..
بيني وبينج ثار والثار تاليته دم

- هاا الثار صار بس لان دافعتي عن حقهن او شي ثاني

- لاا اني بس حجيت وياه ورديتله كل كلمه وهو مخبل بكلشي ويجر سجينته
ويريد يذبح وهو لاني كدرت على كسر كلمته ووكفت بوجهه كدام كل النسوان
تخبل وسوه بينه ثار

- ونجح باخذ ثاره ؟

- اي مع الاسف اي نجح باخذه
توفو اهلي ابويه وبيبي بنفس السنه واني جنت منتقله لبغداد لان توظفت وهناك كعدنا ..