#ثأر_الضابط _ﺝ2

ﺑﻘﻠﻢ //// ♨️❤️❤️ /////

#بارت٥٠والأخيررررررر
......................
،،،،،،،،،،
ﻻﺭﺍ،،ﺿﻠﻴﺖ ﺑﺎﻟﻐﺮﻓﻪ ﺩﻣﻮﻋﻲ ﻣﺎﻳﺴﻜﺘﻦ
ﺧﺴﺮﺭﺗﻪ ﺍﻱ ﻫﻠﻤﺮﺭﻩ ﺧﺴﺮﺗﻪ ﺑﻐﺒﺎﺍﺍﺋﻲ
ﺳﻨﺘﻴﻦ ﻭﻫﻮ ﻳﺤﺎﺍﻭﻝ ﻳﺮﺟﻌﻨﻲ ﻭﺍﻧﻲ ﺍﻓﺮﺡ ﻣﻦ ﺍﺷﻮﻓﻪ ﻳﺬﻝ ﺭﻭﺣﻪ ﺍﻟﺨﺎﻃﺮﺭﻱ ﺍﺳﺘﺘﺎﻫﻞ ﺍﻟﻴﺠﺮﺍﻟﻲ ﻛﻠﻪ ﻣﻨﻪ ﺍﻳﺪﻱ
ﺍﺩﺛﺮﺕ ﺑﺎﻟﻔﺮﺍﺵ ﻏﻄﻴﺖ ﺣﺘﺊ ﺭﺍﺳﻲ ﻛﺎﺗﻤﻪ ﺻﻮﺕ ﺷﻬﮕﺎﺗﻲ
ﺍﺣﺎﺟﻲ ﻋﻴﻮﻧﻲ ﺍﮔﻠﻬﻦ ﺩﺧﻴﻠﺠﻦ ﺑﻄﻠﻦ ﺑﺠﻲ ﻻﺗﻔﻀﺤﻨﻲ ﮔﺪﺍﻣﻪ ﺍﻛﻴﺪ ﺍﺫﺍ ﺷﺎﻓﻨﻲ ﻋﻴﻮﻧﻲ ﻭﺭﺍﻣﻪ ﻫﺴﻪ ﻳﮕﻮﻝ ﺿﺎﺟﺖ ﻟﻮ ﺍﻧﻘﻬﺮﺕ ﻋﻠﻴﻪ
ﺻﺎﺭﺕ ﺩﻧﻴﻪ ﺍﻟﻤﻐﺮﺏ ﻛﻠﺶ ﻭﺍﻧﻲ ﻋﻠﺊ ﻧﻔﺲ ﻧﻮﻣﺘﻲ ﻣﺎﻃﻠﻌﺖ
ﺍﻧﻔﺘﺢ ﺍﻟﺒﺎﺏ ﺣﺴﻴﺖ ﺍﻛﻮ ﺧﻄﻮﺍﺕ ﺍﺗﻘﺪﻣﺖ ﺏ ﺍﺗﺠﺎﻫﻲ
ﺍﻧﺮﻓﻊ ﺍﻟﻐﻄﻪ ﺳﻮﻳﺖ ﺭﻭﺣﻲ ﻣﻐﻤﻀﻪ
ﺳﻤﻌﺘﻪ ﺻﻮﺕ ﻓﺎﻃﻤﻪ
ﻓﺎﻃﻤﻪ،،ﻻﺭﺍ ﻻﺭﺍﺍ ﺍﻛﻌﺪﻱ ﻣﺎﻳﺼﻠﺢ ﻧﻮﻡ ﺍﻟﻤﻐﺮﺏ ﺍﻣﻲ ﺗﺼﻴﺤﻠﺞ ﺟﻮﺓ
ﻻﺭﺍ،،ﺟﺎﻭﺑﺖ ﻭﺍﻧﻲ ﻣﻐﻤﻀﻪ ﺳﻮﻳﺖ ﺭﻭﺣﻲ ﻧﺎﻳﻤﻪ ﮔﺘﻠﻬﺎ
ﺷﻮﻳﻪ ﻭﺍﻧﺰﻝ ﻧﻌﺴﺎﻧﻪ ﻛﻠﺶ
ﻋﺎﻓﺘﻨﻲ ﻃﻠﻌﺖ ﻭﺳﺪﺕ ﺍﻟﺒﺎﺏ
ﻋﺪﻟﺖ ﻛﻌﺪﺗﻲ ﻭﮔﻤﺖ ﺻﺎﺭﺕ ﮔﺪﺍﻣﻲ ﻣﺮﺍﻳﻪ
ﺑﺎﻭﻋﺖ ﺍﻟﺮﻭﺣﻲ ﻋﺰﺍﺍﺍﺍ ﺷﺼﺎﻳﺮ ﺑﻌﻴﻮﻧﻲ ﺣﻤﺮ ﻣﻨﻔﻮﺧﺎﺕ
ﻭﺧﺸﻤﻲ ﺻﺎﻳﺮ ﻓﻠﻢ ﻫﻨﺪﻱ ﺍﺣﻤﺮ ﻣﻦ ﺍﻟﺒﺠﻲ
ﻟﻤﻴﺖ ﺷﻌﺮﻱ ﻟﻔﻴﺘﻪ ﻭﺷﻤﺮﺕ ﺣﺠﺎﺏ ﻋﻠﺊ ﺭﺍﺳﻲ
ﻧﺰﻟﺖ ﻳﻤﻬﻢ ﻋﻤﺘﻲ ﺗﺼﻠﻲ ﺑﺎﻟﺼﺎﻟﻪ
ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻭﺭﺟﻌﺖ ﻟﻠﻤﻄﺒﺦ ﺍﺳﺎﻋﺪ ﻓﺎﻃﻤﻪ
ﺑﺎﻭﻋﺘﻠﻲ ﺍﻧﺼﺪﻣﺖ
ﻓﺎﻃﻤﻪ،،ﻳﺎﺍﺍ ﻭﻟﺞ ﺷﺒﻴﻬﻦ ﻋﻴﻮﻧﺞ ﻭﺍﺭﻣﻪ ?
ﻻﺭﺍ،،ﺟﺎﻭﺑﺘﻬﺎ ﻭﺍﻧﻲ ﺍﺷﺮﺏ ﻣﺎﻱ ﮔﺘﻠﻬﺎ ﻭﺍﺭﻣﺎﺕ ﻣﻦ ﺍﻟﻨﻮﻡ
ﻓﺎﻃﻤﻪ،،ﺍﻱ ﻫﻢ ﺻﺪﮒ ﻭﺍﺭﻣﺎﺕ ﻣﻦ ﺍﻟﻨﻮﻡ
ﺍﺣﺠﻲ ﻋﻠﻴﻤﻦ ﺑﺎﺟﻴﻪ ?
ﻻﺭﺍ،،ﺿﺤﻜﺖ ﺏ ﺍﺳﺘﻬﺰﺍﺀ ﻭﻋﻠﻴﻤﻦ ﺍﺑﺠﻲ ?
ﻭﻣﻨﻮ ﻳﺴﻮﺓ ﺩﻣﻮﻋﻲ
ﺭﺍﻫﺐ،،ﻻﻳﺒﻮﻱ ﻣﺤﺪ ﻳﺴﻮﺓ ﺩﻣﻮﻋﺞ ﺣﻀﺮﺓ ﺍﻻﻣﻴﺮﺓ
ﻻﺭﺍ،،ﻓﺰﺯﻧﻲ ﺻﻮﺗﻪ ﻭﺭﺍﻱ
ﺍﺗﺠﺎﻫﻠﺖ ﻛﻼﻣﻪ ﺭﺩﺕ ﺍﻋﺒﺮ ﺭﻓﻌﺖ ﺭﺍﺳﻲ ﺻﺎﺭﺕ ﻋﻴﻨﻲ ﺑﻌﻴﻨﻪ
ﻋﺒﺮﺗﻪ ﻭﺭﺣﺖ ﻳﻢ ﺍﻟﺤﺠﻴﻪ ﺍﺧﺬﺕ ﺍﻟﺴﺠﺎﺩﺓ ﻭﺩﺧﻠﺖ ﻏﺮﻓﺘﻬﺎ ﺻﻠﻴﺖ ﻭﻃﻠﻌﺖ ﻟﮕﻴﺘﻬﻢ ﻣﺎﺩﻳﻦ ﺍﻟﺴﻔﺮﺓ
ﻣﺎﺍﻛﻠﺖ ﺷﻲ ﻭﻳﺎﻫﻮ ﺍﻟﻴﻨﺘﺒﻪ ﻟﻌﻴﻮﻧﻲ ﻳﺴﺎﻟﻨﻲ ﺍﺷﺒﻴﻬﻦ ﻭﺍﺟﺎﻭﺑﻬﻢ ﻛﻨﺖ ﻧﺎﻳﻤﻪ ﻣﺎﻳﺪﺭﻭﻥ ﺍﻟﻴﮕﻠﻲ ﺷﺒﻴﺞ ﺍﻃﮕﻬﺎ ﺑﺠﻴﻪ ﺑﻮﺟﻬﺎ
ﻛﻤﻠﻨﻪ ﻋﺸﻪ ﻭﻓﺎﻃﻤﻪ ﺟﺎﺑﺖ ﺍﻟﺠﺎﻱ ﻛﻠﻬﺎ ﺗﺴﻮﻟﻒ ﻭﺗﻀﺤﻚ ﻭﺍﻧﻲ ﺑﺎﻟﻲ ﻣﻮﻳﻤﻬﻢ ﺍﺑﺪ ﺍﻓﻜﺮ ﺑﻌﺮﺳﻪ ﻣﻦ ﻳﺰﻓﻮ ﺍﻟﻮﺣﺪﺓ ﺛﺎﻧﻴﻪ ﻭﻳﻮﻡ ﻋﺮﺳﻬﻢ ﻭﻣﻦ ﻳﻨﻘﻔﻞ ﻋﻠﻴﻬﻢ ﺑﺎﺏ ﻭﺍﺣﺪ
ﺑﺴﺮﻋﻪ ﺍﺧﺘﻨﮕﺖ ﺻﺪﺭﻱ ﺿﺎﮒ ﻭﻧﻔﺴﻲ ﻛﺬﺍﻟﻚ
ﮔﺘﻠﻪ ﻣﺤﻤﺪ ﺍﻧﻲ ﺣﺮﻭﺡ ﺍﻣﺪﺩ ﻓﻮﮒ ﺑﻐﺮﻓﺔ ﻓﺎﻃﻤﻪ ﻻﻥ ﻣﺎﻟﻲ ﺧﻠﮓ
ﻣﻦ ﺷﺎﻑ ﻭﺿﻌﻲ ﺳﺎﻟﻨﻲ ﺍﺧﺬﺕ ﻋﻼﺝ ﮔﺘﻠﻪ ﺍﺧﺬﺕ ﺑﺲ ﺭﺍﺳﻲ ﻳﻮﺟﻌﻨﻲ ﻭﺣﺼﻌﺪ ﺍﻧﺎﻡ
ﻫﺬﺍ ﺍﻟﺤﺠﻲ ﻛﻠﻪ ﺭﺍﻫﺐ ﻣﻮﺟﻮﺩ ﻋﻴﻨﻪ ﻋﻠﻴﻨﻪ ﻳﺒﺎﻭﻉ ﻣﻦ ﺟﻮﺓ ﻟﺠﻮﺓ
ﻣﺎﺍﻫﺘﻤﻴﺖ ﺗﺮﻛﺘﻬﻢ ﻭﺻﻌﺪﺕ ﻟﻠﻐﺮﻓﻪ ﺳﺪﻳﺖ ﺍﻟﺒﺎﺏ ﻭﺭﺟﻌﺖ ﺍﺗﻤﺪﺩﺕ
ﻛﻞ ﺗﻔﻜﻴﺮﻱ ﺻﺎﺭ ﺑﻴﻮﻡ ﻋﺮﺳﻪ ﺷﺮﺍﺡ ﻳﻠﺒﺲ ﺷﺮﺍﺡ ﻳﺤﺠﻲ ﻭﻳﺎﻫﺎ
ﺭﺍﺡ ﻳﺤﺒﻬﺎ ﻣﺜﻞ ﻣﺎﺣﺒﻨﻲ
ﺍﻧﻲ ﺍﻟﻀﻴﻌﺘﻪ ﻣﻦ ﺍﻳﺪﻱ ﻭﻫﻲ ﺍﻟﺮﺑﺤﺖ
ﻫﻲ ﺍﻟﺮﺍﺡ ﺍﺗﻨﺎﻡ ﺑﺤﻀﻨﻪ
ﻭﻫﻲ ﺍﻟﺮﺍﺡ ﺗﮕﻌﺪ ﺍﻟﺼﺒﺢ ﻭﺗﺸﻮﻑ ﻭﺟﻬﺎ ﻛﺒﺎﻟﻬﺎ
ﺻﺮﺕ ﺍﺑﺠﻲ ﻣﺎﺍﮔﺪﺭ ﺍﺳﻜﺖ ﻣﻮﺑﻴﺪﻱ
ﻟﻠﺴﺎﻋﻪ 12 ﺑﻠﻴﻞ ﺩﺧﻠﺖ ﻓﺎﻃﻤﻪ
ﺩﺭﺕ ﻭﺟﻬﻲ ﻟﻠﺤﺎﻳﻂ ﻭﻭﺍﺗﻐﻄﻴﺖ ﺣﺘﺊ ﻣﺎﺗﺸﻮﻓﻨﻲ
ﻧﺪﺳﺘﻨﻲ ﻣﻦ ﻣﺘﻨﻲ ﺍﺗﮕﻌﺪﻧﻲ
ﻛﺘﻠﻬﺎ ﻧﻌﺴﺎﻧﻪ ﺍﺭﻳﺪ ﺍﻧﺎﻡ
ﻓﺎﻃﻤﻪ، ،ﺍﮔﻌﺪﻱ ﺍﺣﺠﻲ ﻭﻳﺎﺝ
ﻻﺭﺍ، ﻓﻄﻮﻣﻪ ﺍﻟﻠﻪ ﻳﺨﻠﻴﺞ ﺍﺗﺮﻛﻴﻨﻲ ﺭﺍﺳﻲ ﺣﻴﻨﻔﺠﺮ
ﻓﺎﻃﻤﻪ،،ﺑﺲ ﺍﻛﻌﺪﻱ ﺍﺣﺎﺟﻴﺞ ﺍﺷﺒﻴﺞ
ﻻﺭﺍ،،ﺩﻓﻌﺖ ﺍﻟﻐﻄﻪ ﻭﻛﻌﺪﺕ
ﺷﺎﻓﺖ ﺩﻣﻮﻋﻲ ﺳﺎﻟﺘﻨﻲ ﻫﻢ ﺑﻌﺪﺝ ﺗﻨﻜﺮﻳﻦ ﻣﺎﺑﺎﺟﻴﻪ
ﺟﺎﻭﺑﺘﻬﺎ ﻭﺑﺸﻨﻮ ﻳﻔﻴﺪﻥ ﺩﻣﻮﻋﻲ ﺑﻌﺪ
ﻓﺎﻃﻤﻪ،،ﻟﻴﺶ
ﻻﺭﺍ،،ﻣﺎﻳﻔﻴﺪﻥ ﻭﺧﻠﺺ
ﻓﺎﻃﻤﻪ،،ﺻﺢ ﻣﺎﻳﻔﻴﺪﻥ ﺷﮕﺪ ﺫﻝ ﺭﻭﺣﻪ ﺍﻟﺞ ﺣﺎﻭﻝ ﺭﺍﺩ ﺑﺲ ﺟﻨﺘﻲ ﻗﺎﻓﻠﻪ ﻣﺴﺘﻤﺘﻌﻪ ﺑﺸﻮﻓﺘﻪ ﻳﻨﺬﻝ ﺍﻟﺨﺎﻃﺮﺝ
ﻟﺘﺒﺠﻴﻦ ﺑﻌﺪ ﻣﺎﺿﻴﻌﺘﻲ ﻣﻦ ﺍﻳﺪﺝ
ﻻﺭﺍ،،ﻫﺰﻳﺖ ﺭﺍﺳﻲ ﻣﺎﺍﮔﺪﺭ ﺍﺣﺠﻲ ﺭﺟﻌﺖ ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﺓ ﻧﺰﻟﻦ ﺩﻣﻮﻋﻲ ﺻﺪﮒ ﺑﺸﻨﻮ ﻳﻔﻴﺪﻧﻲ ﺍﻟﺒﺠﻲ ﺑﻌﺪ ﻣﺎﺭﺍﺡ
ﻓﺎﻃﻤﻪ ﻃﻠﻌﺖ ﺷﻮﻳﻪ ﻭﺭﺟﻌﺖ
ﻭﮔﻔﺖ ﻳﻢ ﺍﻟﻜﻨﺘﻮﺭ ﺗﺒﺪﻝ ﺛﻮﺑﻬﺎ
ﻓﺎﻃﻤﻪ،،ﻻﺭﺍ ﻓﺪﻭﺓ ﺍﺭﻳﺪ ﺍﺑﺪﻝ ﺑﺲ ﺍﻧﺰﻟﻲ ﺷﻮﻓﻲ ﺍﻟﻄﺒﺎﺥ ﻳﻤﻜﻦ ﻧﺴﻴﺘﻪ ﻣﻌﺘﻠﮓ ﺳﻮﻳﺖ ﺟﺎﻱ ﻟﻤﺤﻤﺪ ﻭﻧﺴﻴﺘﻪ
ﺑﺲ ﺍﻧﺰﻟﻲ ﺷﻮﻓﻲ
ﻻﺭﺍ،،ﮔﻤﺖ ﻋﻠﺊ ﻛﻴﻒ ﻟﺰﻣﺘﻨﻲ ﺩﻭﺧﻪ ﻻﻥ ﺍﻫﻮﺍﻱ ﺑﺠﻴﺖ
ﻓﺘﺤﺖ ﺍﻟﺒﺎﺏ ﻭﻃﻠﻌﺖ
ﺻﺎﺭﺕ ﻏﺮﻓﺘﻪ ﮔﺪﺍﻣﻲ ﺧﻨﮕﺘﻨﻲ ﺍﻟﻌﺒﺮﺓ
ﻫﺎﻱ ﺍﻟﻐﺮﻓﻪ ﺭﺍﺡ ﻳﺠﻴﺐ ﻭﺣﺪﺓ ﻏﻴﺮﻱ ﺑﻴﻬﺎ
ﺭﺩﺕ ﺍﻋﺒﺮ ﺍﻧﻔﺘﺢ ﺍﻟﺒﺎﺏ ﻭﻃﻠﻊ ﺭﺍﻫﺐ
ﺭﺩﺕ ﺍﻋﺒﺮﺓ ﻣﺎﺣﺴﻴﺖ ﻏﻴﺮ ﺍﻧﺴﺤﺒﺖ ﺍﻳﺪﻱ ﺑﻘﻮﺓ
ﺩﺧﻠﻨﻲ ﻟﻠﻐﺮﻓﻪ ﻭﺳﺪ ﺍﻟﺒﺎﺏ ﺩﻓﻌﻨﻲ ﺻﺎﺭ ﺿﻬﺮﻱ ﻉ ﺍﻟﺒﺎﺏ ﺣﺎﺻﺮﻧﻲ ﺑﺠﺴﻤﻪ
ﺍﺣﺲ ﮔﻠﺒﻲ ﻳﺮﻳﺪ ﻳﻄﻠﻊ ﻣﻦ ﻣﻜﺎﻧﻪ ﺍﻧﻔﺎﺳﻲ ﺍﺗﻌﺎﻟﺖ ﻭﺍﻧﻲ ﺍﺷﻮﻓﻪ ﺍﺷﻠﻮﻥ ﻣﺪﻧﮓ ﺍﻟﻤﺴﺘﻮﺍﻱ ﻭﺟﻬﻲ ﺑﻮﺟﻬﺎ ﻣﺎﻳﻔﺼﻠﻨﻪ ﺷﻲ
ﺭﺟﻒ ﺟﺴﻤﻲ ﻭﺭﺟﻠﻴﻪ ﺻﺎﺭﻥ ﻳﺮﻋﺸﻦ ﮔﻮﺓ ﺣﺎﻣﻼﺗﻨﻲ
ﻋﻄﺮﺓ ﺍﺗﻐﻠﻐﻞ ﺍﻟﺮﻭﺣﻲ ﺣﺎﻭﻟﺖ ﻣﺎﺍﺑﺠﻲ ﻭﻻﺗﻨﺰﻝ ﺩﻣﻌﺘﻲ ﺑﺲ ﺭﻏﻢ ﻋﻨﻲ ﻋﻴﻮﻧﻲ ﺗﻌﺎﻧﺪﻧﻲ ﻭﮔﻌﺖ ﺩﻣﻌﻪ ﻣﻨﻲ
ﺭﻓﻊ ﺍﺻﺒﻌﻪ ﻣﺴﺤﻬﺎ ﻫﻤﺲ ﺑﺼﻮﺕ ﻧﺎﺻﻲ
ﺭﺍﻫﺐ،،ﻣﻮﻣﺎﺗﺮﺩﻳﻨﻲ ?
ﺟﺎ ﻟﻴﺶ ﺗﺒﺠﻴﻦ ?
ﻻﺭﺍ،ﻡ ﻣﺎﺍﺑﺠﻲ ﻭ ﻭﻋﻠﻴﻤﻦ ﺍﺑﺠﻲ ﻭﺧﺮ ﻋﻨﻲ

ﺭﺍﻫﺐ،،ﻣﻮﻗﺒﻞ ﻣﺎﻧﺤﻞ ﻛﻠﺸﻲ ﻻﻥ ﺗﻌﺒﺒﺒﺖ
ﻻﺭﺍ،،ﻣﻨﻴﻦ ﺕ ﺗﻌﺒﺖ ﻣﻮ ﺭﺍﺡ ﺗﺘﺰﻭﺝ
ﺣﺠﻴﺘﻬﺎ ﻭﺍﻟﻐﺼﻪ ﺍﻧﺠﻤﻌﺖ ﺑﺤﻨﺠﺮﺗﻲ
ﺭﺍﻫﺐ،،ﻟﻴﺶ ﻋﻴﻮﻧﻲ ﺗﺸﻮﻑ ﻏﻴﺮﺝ ﺣﺘﺊ ﺍﺗﺰﻭﺝ ﻭﺣﺪﺓ ﺛﺎﻧﻴﻪ ?
ﻻﺭﺍ،،ﺑﻘﻴﺖ ﺻﺎﻓﻨﻪ ﺑﻮﺟﻬﺎ ﻣﺎﻣﻔﺘﻬﻤﻪ ﻛﻼﻣﻪ
ﮔﺘﻠﻪ ﺷﻨﻮ ﻣﺎﻓﻬﻤﺖ ?
ﺭﺍﻫﺐ،،ﺻﺎﺭﺕ ﻭﻧﻪ ﺑﺮﻭﺣﻲ ﺍﺭﻳﺪ ﺑﺲ ﻳﻮﻡ ﺗﻔﺘﻬﻤﻴﻦ ﻭﺗﺮﻳﺤﻴﻨﻲ ﻭﻟﻠﻠﻠﺞ ﺍﺣﺒﺒﺒﺞ
ﺍﺷﻠﻮﻥ ﺍﺧﺬ ﻏﻴﺮﺭﺝ ﻭﮔﻠﺒﻲ ﻋﻨﺪﺝ
ﻭﻟﺞ ﺍﻧﻲ ﻣﻮﻻﺭﺍﺍ ﺍﻟﻲ ﺭﻏﻢ ﺣﺒﻬﺎ ﺍﻟﻲ ﻓﻜﺮﺕ ﺗﺮﻭﺡ ﺍﻟﻮﺍﺣﺪ ﺛﺎﻧﻲ
ﺍﺣﺒﺞ ﺍﻟﺞ ﻭﺣﺪﺝ ﻛﻠﺞ ﻣﻦ ﺳﺎﺳﺞ ﺍﻟﺮﺍﺳﺞ ﻋﺎﺷﮕﺞ ﻋﺸﮓ ﻭﻋﺎﺷﮓ ﻛﻠﺸﻲ ﺑﻴﺞ
ﻻﺭﺍ،،ﺩﻣﻮﻋﻲ ﺗﺠﺮﻱ ﺑﺲ ﺍﺿﺤﻚ ﺑﻨﻔﺲ ﺍﻟﻮﻗﺖ ﻣﺎﻣﺼﺪﻛﻪ
ﮔﺘﻠﻪ ﻳﻌﻨﻲ ﻣﺎﺗﺘﺰﻭﺝ ?
ﺭﺍﻫﺐ،،ﺍﻟﻄﻢ ?
ﺍﮔﻠﻬﺎ ﺍﻋﺸﻜﺞ ﺍﺗﮕﻠﻲ ﺗﺘﺰﻭﺝ
ﻭﻟﺞ ﺑﺎﺑﺎ ﺍﻧﻲ ﻟﻮ ﺍﺧﺬﺝ ﺍﻟﺞ ﻟﻮ ﻣﺎﺍﺧﺬ ﻓﻬﻤﺘﻲ ﻟﻮﺑﻌﺪﺓ ﺩﻣﺎﻏﺞ ﻣﺤﺠﺮﺭ ?
ﻻﺭﺍ،،ﺷﻤﺮﺕ ﺭﻭﺣﻲ ﺑﺤﻀﻨﻪ ﺑﺎﺩﻟﻨﻲ ﺣﻀﻨﺘﻲ ﻋﺼﺮﻧﻲ ﺑﺤﻴﺚ ﺣﺴﻴﺖ ﺭﺟﻠﻴﻪ ﻣﻮﺑﺎﻟﮕﺎﻉ ﺭﻓﻌﻨﻲ ﻭﺩﻓﻦ ﺧﺸﻤﻪ ﺑﺮﮔﺒﺘﻲ ﻳﺸﻢ ﺑﻴﻬﺎ
ﺍﻧﻲ ﻣﺎﺍﻋﺮﻑ ﻣﻦ ﺍﻟﻔﺮﺣﻪ ﺍﺑﺠﻲ ﻟﻮ ﺍﺿﺤﻚ ﺑﺲ ﺣﺎﺿﻨﺘﻪ ﺑﻘﻮﺓ ﻣﺎﺍﺭﻳﺪ ﺍﺗﺮﻛﻪ
ﺍﺑﺘﻌﺪ ﻣﻨﻲ ﻭﻫﻮ ﻻﻣﻨﻲ ﺍﻟﺼﺪﺭﺓ
ﺭﺍﻫﺐ،،ﻭﻭﻟﺞ ﻃﺮﮔﺎﻋﺘﻲ ﻭﺍﺧﻴﺮﺍ ﺟﺒﺖ ﻧﺘﻴﺠﻪ ﻭﻳﺎﺝ
ﻻﺭﺍ،،ﻳﻌﻨﻲ ﺍﻧﺘﻪ ﻭﻓﺎﻃﻤﻪ ﺍﺗﻀﺤﻜﻮﻥ ﻋﻠﻴﻪ
ﺭﺍﻫﺐ،،ﻓﺪﻳﺖ ﺍﻟﺬﻛﻴﻪ ﻭﻟﺞ ﻭﺍﻟﻠﻪ ﻋﺒﺎﻟﻲ ﻗﺒﻞ ﻣﻌﺠﻮﻧﻪ ﺑﺪﻫﻦ ﺍﻟﻐﺒﺎﺀ ﺑﺲ ﺍﻟﺤﻤﺪﺍﻟﻠﻪ ﻃﻠﻌﺘﻲ ﺑﻴﺞ ﺍﻣﻞ
ﻻﺭﺍ،،ﺿﺤﻜﺖ ﮔﺘﻠﻪ ﻭﺍﻧﻲ ﻣﺼﺪﻛﻪ ﻭﮔﺎﻟﺒﺘﻬﺎ ﻣﻨﺎﺣﻪ
ﺭﺍﻫﺐ،،،ﻣﻮﺍﺗﮕﻮﻟﻴﻦ ﻣﻨﻮ ﻳﺴﻮﺓ ﺩﻣﻮﻋﻲ ?
ﻻﺭﺍ،،ﺍﺣﻀﻨﻲ
ﺣﺠﻴﺘﻬﺎ ﻣﺎﻣﺼﺪﻛﻪ ﻭﻻﻣﺴﺘﻮﻋﺒﻪ ﺭﺟﻌﻠﻲ
ﻧﺰﻟﻨﻲ ﻭﻛﻮﺭ ﻭﺟﻬﻲ ﺑﻴﺪﺓ ﺑﻠﺤﻀﻪ ﺳﺤﺐ ﺭﺍﺳﻲ ﻳﺒﻮﺱ ﺑﮕﺼﺘﻲ
ﺍﺣﺲ ﺭﻭﺣﻲ ﺑﺤﻠﻢ ﻣﺎﺍﺭﻳﺪ ﺍﺻﺤﻪ ﻣﻨﻪ
ﺳﺤﺐ ﺍﻳﺪﻱ ﻭﺍﺧﺬﻧﻲ ﻟﻠﺴﺮﻳﺮ ﮔﻌﺪ ﻭﮔﻌﺪﻧﻲ ﺑﺼﻔﻪ
ﺭﺍﻫﺐ،،ﻭﻫﺴﻪ ﺳﺖ ﻻﺭﺍ ﻃﻠﻌﻪ ﻣﻨﺎ ﻣﺎﻛﻮ ﺍﺫﺍ ﻣﺎﻧﺤﻞ ﻛﻠﺸﻲ ﻣﺎﺍﻃﻠﻌﻴﻦ
ﻻﺭﺍ،،ﺭﺍﺩ ﻳﺤﺠﻲ ﺍﻧﺪﮒ ﺍﻟﺒﺎﺏ ﻋﻠﺊ ﻛﻴﻒ ﺻﺎﺡ ﻓﻮﺗﻲ
ﺩﺧﻠﺖ ﻓﺎﻃﻤﻪ ﻋﻠﺊ ﻭﺟﻬﺎ ﻋﻼﻣﻪ ﺍﺳﺘﻔﻬﻤﺎﻡ ﻣﻦ ﺷﺎﻓﺘﻨﻪ ﻛﺎﻋﺪﻳﻦ
ﻓﺎﻃﻤﻪ،،ﺷﻜﻮ ﺍﺷﺒﻴﻜﻢ ?
ﺭﺍﻫﺐ،،ﻣﺎﺑﻴﻨﻪ ﺷﻲ ﺍﺧﺘﻲ ﺍﻟﺬﻳﺒﻪ ﻃﻠﻌﺘﻲ ﻋﻠﺊ ﺍﺧﻮﺝ ﺟﺒﻨﺎﻫﺎ ﺑﻨﺺ ﺍﻟﻠﻴﻞ ﻫﻬﻬﻬﻪ
ﻓﺎﻃﻤﻪ،،ﺧﻔﺖ ﺍﺗﻤﻮﺕ ﺍﻻﺑﻨﻴﻪ ﺑﺴﺒﺒﻨﻪ
ﻻﺭﺍ،،ﺑﺴﻴﻄﻪ ﻧﺎﺻﺒﻴﻦ ﻋﻠﻴﻪ ?
ﺭﺍﻫﺐ،،ﻳﺎﺍﻟﻠﻪ ﻓﻄﻮﻡ ﺍﺗﻮﻛﻠﻲ ﻭﺍﺧﺬﻱ ﺍﻟﺒﺎﺏ ﺑﻴﺪﺝ
ﻓﺎﻃﻤﻪ،،ﺍﻱ ﻋﻴﻨﻲ ﻣﻮ ﺻﺮﺗﻮ ﺩﻫﻦ ﻭﺩﺑﺲ ﺑﻴﺶ ﺣﮕﻪ ﻓﺎﻃﻤﻪ
ﺭﺍﻫﺐ،،ﻫﻬﻬﻪ ﺩﻃﻠﻌﻲ ﻳﻤﻌﻮﺩﺓ ﺧﻠﻴﻨﻲ ﺍﺷﻮﻑ ﺩﺭﺑﻲ
ﻻﺭﺍ،،ﻃﻠﻌﺖ ﻓﺎﻃﻤﻪ ﻭﻫﻮ ﻣﺒﺘﺴﻢ
ﺍﻟﺘﻔﺘﻠﻲ
ﺭﺍﻫﺐ،،ﺍﻱ ﻭﻳﻦ ﻭﺻﻠﻨﻪ ?
ﻻﺭﺍ،،ﺩﻧﮕﺖ ﺭﻓﻊ ﻭﺟﻬﻲ ﺑﻴﺪﺓ
ﺭﺍﻫﺐ،،ﺍﺣﺒﺞ ﻭﻋﻠﻲ ﻭﺍﺑﻮ ﺍﻟﺤﺴﻨﻴﻦ ﺍﺣﺒﺒﺒﺞ ﻭﺣﮓ ﺍﻟﻌﺒﺎﺱ ﺍﻣﻮﻭﺕ ﻋﻠﺊ ﺭﺑﺞ
ﻻﺭﺍ،،ﺿﺤﻜﺖ ﺑﺨﺠﻞ ﻟﻤﻴﺖ ﺷﻌﺮﻱ ﻭﺭﺓ ﺍﺫﻧﻲ ﻭﻣﺪﻧﻜﻪ
ﺳﺤﺐ ﺭﺍﺳﻲ ﺍﻟﺼﺪﺭﺓ
ﺻﺮﺕ ﺍﺳﻤﻊ ﺩﮔﺎﺕ ﮔﻠﺒﻪ ﺍﺣﺴﻬﻦ ﻣﺜﻞ ﺩﮔﺎﺕ ﮔﻠﺒﻲ ﻣﻮﻣﻨﺘﻀﻤﻪ ﺩﻛﺎﺗﻬﺎ ﺗﺮﻛﺺ ﻓﺮﺡ
ﺑﺎﺱ ﺭﺍﺳﻲ ﻭﺑﻌﺪﻧﻲ ﻋﻦ ﺣﻀﻨﻪ
ﺭﺍﻫﺐ،،ﺗﺮﺓ ﻭﺩﺍﻋﺘﺞ ﺧﻄﺮ ﺳﺮﻳﻊ ﺍﻻﺷﺘﻌﺎﻝ ﻻﺗﺨﻠﻴﻨﻲ ﺍﺻﺨﻢ ﻭﺟﻪ ﺍﺧﻮﺗﺞ ﺑﻴﺞ ﺍﻟﻠﻴﻠﻪ
ﻻﺭﺍ،،ﻫﻬﻬﻪ
ﺭﺍﻫﺐ،،ﺗﻀﺤﻚ ﺍﻟﻔﺎﻫﻴﻪ ﻭﺍﻧﻲ ﻣﺸﻌﻮﻝ ﺳﻠﻔﻪ ﺳﻠﻔﺎﻱ
ﺍﺳﻤﻌﻲ ﻭﻟﺞ ﺍﻣﺎﻃﻞ ﺑﻌﺪ ﻣﺎﻛﻮ
ﺑﺎﺟﺮ ﺍﺭﻭﺡ ﻭﻳﺎﻛﻢ ﺍﻟﺒﻐﺪﺍﺩ ﻭﺍﻃﻠﺒﺞ ﻣﻦ ﺍﺧﻮﺗﺞ ﻛﻮﻥ ﻗﺒﻞ ﻻﺍﻓﺘﺢ ﺣﻠﻜﻲ ﺍﺗﻜﻮﻟﻴﻦ ﻣﻮﺍﻓﻘﻪ
ﻻﺭﺍ،،ﺻﺪﻙ ﺿﺤﻜﺖ ﻣﻦ ﺑﻴﻦ ﺩﻣﻮﻋﻲ ﻛﺘﻠﻪ ﻻﺑﺎﺍﻟﻠﻪ
ﺭﺍﻫﺐ،،ﺍﻱ ﻭﺍﻟﻠﻪ ﻻﻥ ﺑﻌﺪ ﻣﺎﺍﺻﺒﺮ ﻳﻜﻔﻲ ﺭﺍﺡ ﻳﺼﻴﺮ ﺛﻠﺚ ﺳﻨﻴﻦ ﻣﺸﻌﻮﻝ ﺷﻌﻞ ﻣﻦ ﻭﺭﺍﺝ
ﮔﻠﻴﻠﻲ ﻫﺴﻪ ﺷﻴﺼﺒﺮﻧﻲ ﻣﻨﺎ ﺍﺍﺑﺎﺟﺮ ?
ﻻﺭﺍ،،ﻟﻴﺶ ?
ﺭﺍﻫﺐ،،ﻣﺎﻣﺼﺪﮒ ﺍﺟﻴﺒﺞ ﺍﻟﺤﻀﻨﻲ ﻣﺸﺘﺎﻗﻠﺞ ﻣﺴﺘﺎﻕ ﺍﺣﻂ ﺭﺍﺳﻲ ﺑﺤﻀﻨﺞ ﻭﺍﻧﺎﻡ ﺑﺮﺍﺣﻪ
ﻻﺭﺍ،،ﺧﻠﻴﺖ ﺍﻳﺪﻱ ﻋﻠﺊ ﺣﻠﻜﻪ ﺍﻣﻨﻌﻪ ﺑﺎﺱ ﺑﻄﻦ ﺍﻳﺪﻱ ﺭﺟﻒ ﺟﺴﻤﻲ ﺑﻨﻐﺰﺓ ﺍﺷﻮﺍﺭﺑﻪ ﻭﺩﻓﻮ ﺍﻧﻔﺎﺳﻪ
ﺑﻌﺪﺗﻬﺎ ﺑﺴﺮﻋﻪ ﻛﺘﻠﻪ ﻛﺎﻓﻲ ﻟﺘﺤﺠﻲ ﺷﻲ ﺣﻄﻠﻊ
ﺭﺍﻫﺐ،،ﺍﻟﻴﻮﻡ ﺭﺍﺡ ﺍﻛﺾ ﺭﻭﺣﻲ ﮔﻮﺓ ﺑﺲ ﻭﺭﺑﺞ ﺑﻌﺪ ﻣﺎﺍﺗﺤﻤﻞ ﻫﺬﺍ ﺣﺪﻱ ﻭﻳﻪ ﺍﻟﺼﺒﺮ ﻣﺎﺍﺻﺪﻙ ﺗﺮﺟﻌﻴﻦ
ﻻﺭﺍ،،ﻧﻬﻀﺖ ﺳﺤﺐ ﺍﻳﺪﻱ ﺭﺍﺩ ﻳﮕﻌﺪﻧﻲ ﮔﺘﻠﻪ ﻻ ﻓﺪﻭﺓ ﺧﻠﻴﻨﻲ ﺍﻃﻠﻊ
ﺭﺍﻫﺐ،،ﺍﺍﺥ ﺍﻟﻠﻪ ﻭﻟﺞ ﻣﺎﺍﺭﻳﺪ ﺍﻃﻠﻌﻴﻦ ﻭﺗﺎﺧﺬﻳﻦ ﺭﻭﺣﻲ ﻭﻳﺎﺝ ﻓﺮﺣﺎﻥ ﺑﻴﺞ ﻭﺍﻟﻠﻪ
ﺑﺲ ﺷﺴﻮﻱ ﺻﺒﺮﺕ ﻛﻞ ﻫﺎﻱ ﺍﻟﺴﻨﻴﻦ ﻣﺎﺍﺻﺒﺮ ﻟﻴﻠﻪ ﻭﺣﺪﺓ ?
ﻻﺭﺍ،،ﺍﺗﻤﺸﻴﺖ ﺍﺭﻳﺪ ﺍﻃﻠﻊ ﺍﺳﻤﻌﻪ ﻳﺠﺮ ﺣﺴﺮﺍﺕ
ﻻﺯﻡ ﻳﺬﺑﻠﻪ ﺣﺠﺎﻳﻪ ﻻﻥ ﺭﺍﻫﺐ ﻣﺎﻳﺘﻐﻴﺮ
ﮔﺎﻝ
ﺭﺍﻫﺐ،،ﻧﺬﺭ ﻧﺎﺫﺭ ﺑﻴﻮﻡ ﺍﻟﻌﺮﺱ ﺍﺫﺍ ﺟﺒﺘﺞ ﺍﺟﻬﺰ ﻣﻮﻧﻪ ﻭﻏﺬﺍﺋﻴﻪ ﻣﺎﻝ ﺷﻬﺮ ﺍﺗﺮﺱ ﺑﻴﻬﻦ ﺍﻟﻐﺮﻓﻪ ﺣﺘﺊ ﻣﺎﺍﻃﻠﻊ ﺍﺿﻞ ﻣﮕﺎﺑﻠﺞ ﻭﮔﺎﻋﺪ ﺍﺣﺮﮒ ﻋﺸﻴﺮﺗﺞ ﻋﻠﺊ ﻟﻮﻋﺔ ﮔﻠﺒﻲ
ﻻﺭﺍ،،ﺭﺩﺕ ﺍﻃﻠﻊ ﺭﺩﻣﺖ ﺍﻟﺒﺎﺏ ﻣﻦ ﺍﻟﻔﺸﻠﻪ ﻭﻫﻮ ﺧﺮﺑﺎﻥ ﺿﺤﻚ ﺑﺼﻮﺕ ﻧﺎﺻﻲ
ﻧﻬﺾ ﺍﺗﻘﺪﻡ ﺑﺎﺍﺗﺠﺎﻫﻲ ﻓﺘﺢ ﺍﻟﺒﺎﺏ ﮔﺎﻝ ﺍﻃﻠﻌﻲ ﺑﻮﻳﻪ ﺍﺭﻳﺪﺝ ﺳﺎﻟﻤﻪ ﻣﻦ ﺍﺧﺬﺝ ﻣﻮﺗﺠﻴﻨﻲ ﺍﻣﻔﺸﺨﻪ
ﻻﺭﺍ،،ﻃﻠﻌﺖ ﻭﻫﻮ ﺳﺪ ﺍﻟﺒﺎﺏ ﻣﺒﺘﺴﻢ ﺑﻘﻴﺖ ﻭﺍﮔﻔﻪ ﻣﺎﺍﻧﺪﻝ ﺍﺭﻭﺡ ﻟﻠﻐﺮﻓﻪ ﻻﻥ ﺗﻴﻬﺖ ﻛﻠﺸﻲ ﻣﻦ ﻓﺮﺣﺘﻲ
ﺍﻧﻔﺘﺢ ﺑﺎﺏ ﻏﺮﻓﺔ ﻓﺎﻃﻤﻪ ﺭﺣﺖ ﺑﺴﺮﻋﻪ ﺳﺎﺩﺓ ﺣﻠﮕﻲ ﺑﻴﺪﻱ
ﻫﻲ ﺳﺪﺓ ﺍﻟﺒﺎﺏ ﻭﺍﻧﻲ ﺻﺮﺕ ﺍﮔﻤﺰ ﻓﺮﺣﺎﻧﻪ
ﻓﺎﻃﻤﻪ،،ﻫﻬﻬﻪ ﺧﺒﺎﻝ
ﻻﺭﺍ،،ﻣﺎﻣﺼﺪﮔﻪ ﻓﺎﺍﻃﻤﻪ ﻣﺎﻣﺼﺪﮔﻪ
ﻓﺎﻃﻤﻪ،،ﻭﺍﻟﻠﻪ ﺍﻧﺘﻲ ﺍﻟﻄﻮﻟﺘﻲ ﺍﻟﺴﺎﻟﻔﻪ ﻟﻮ ﺭﺍﺟﻌﻪ ﻣﻦ ﺯﻣﺎﻥ ﺟﺎﻥ ﻫﺴﻪ ﻋﺪﻛﻢ ﺍﺛﻨﻴﻦ ﺟﻬﺎﻝ
ﻻﺭﺍ،،ﺑﻴﻮﻣﻬﺎ ﺍﻟﻔﺮﺣﻪ ﺍﻟﺒﺪﺍﺧﻠﻲ ﻣﺎﺧﻠﺘﻨﻲ ﺍﻧﺎﻡ ﻭﻻﺗﻐﻤﺾ ﻋﻴﻨﻲ
ﺛﺎﻧﻲ ﻳﻮﻡ ﺍﻟﺼﺒﺢ ﻧﻬﻀﺖ ﺑﻜﻞ ﻧﺸﺎﻁ ﻭﺍﻟﺒﺴﻤﻪ ﻣﺮﺳﻮﻣﻪ ﻋﻠﺊ ﻭﺟﻬﻲ ﺑﻴﻦ ﻟﺤﻀﻪ ﻭﻟﺤﻀﻪ ﺍﺑﺘﺴﻢ ﺑﺪﻭﻥ ﻭﻋﻲ ﻣﻦ ﺍﺫﻛﺮ ﻛﻼﻣﻪ
ﻓﺎﻃﻤﻪ ﺟﻬﺰﺕ ﺍﻟﺮﻳﻮﮒ ﻭﺟﻬﺰﺕ ﻧﻔﺴﻬﺎ ﺣﺘﺊ ﻳﺮﺣﻮﻥ ﻳﻜﻤﻠﻮﻥ ﺗﺤﺎﻟﻴﻞ ﺍﻟﺰﻭﺍﺝ
ﺭﻓﻌﺖ ﺭﺍﺳﻲ . ﺻﺎﺭﺕ ﻋﻴﻨﻲ ﺑﻌﻴﻨﻪ ﻏﻤﺰﻟﻲ ﺍﺗﺨﺮﺩﻟﺖ ﺍﺑﺘﺴﻢ
ﺻﺒﺢ ﻋﻠﻴﻨﻪ ﻭﺭﺍﺡ ﻳﻐﺴﻞ ﺷﻮﻳﻪ ﻭﺭﺟﻊ ﺷﻌﺮﺓ ﻣﺒﻠﻞ ﻭﻣﺨﺮﺑﻂ ﺯﺍﻳﺪﺓ ﻭﺳﺎﻣﻪ ﺭﻣﻮﺷﻪ ﻣﺒﻠﻠﻪ
ﺍﻟﺨﺎﻭﻟﻲ ﺑﻴﺪﺓ ﻳﻨﺸﻒ ﻭﺟﻬﺎ
ﻛﻞ ﺷﻮﻳﻪ ﻳﺒﺎﻭﻋﻠﻲ ﻭﻳﺒﺘﺴﻢ ﻟﻮ ﻳﻐﻤﺰ ﻭﻣﺤﻤﺪ ﮔﺪﺍﻣﻪ ﻣﺎﻣﻨﺘﺒﻪ ﻋﺎﻳﺶ ﺑﻌﺎﻟﻤﻪ ﺻﺎﻓﻦ ﻋﻠﺊ ﻓﻄﻮﻣﻪ
ﺳﻤﻌﻨﻪ ﺻﻮﺕ ﺍﻟﺤﺠﻴﻪ
ﺍﻟﺤﺠﻴﻪ،،ﻳﻤﻪ ﺍﺗﺮﻳﮕﻮ ﺭﺍﺡ ﺍﻃﻴﺮ ﺍﻟﻨﻌﻤﻪ
ﻻﺭﺍ،،ﻣﺘﺎﻛﺪﺓ ﻓﺎﻃﻤﻪ ﺣﺠﺘﻠﻬﺎ ﻻﻥ ﺍﺗﺮﺍﺿﻴﻨﻪ ﻟﺬﺍﻟﻚ ﺟﺎﻧﺖ ﻣﻨﺘﺒﻬﺎ ﻋﻠﻴﻨﻪ ﻭﻗﺼﻔﺘﻨﻪ ﺭﺍﻫﺐ ﺩﺍﺭ ﻭﺟﻬﻪ ﮔﻮﺓ ﻛﺎﺗﻢ ﺿﺤﻜﺘﻪ ﻣﺎﻳﺮﻳﺪ ﻣﺤﻤﺪ ﻳﻨﺘﺒﻪ

ﻭﻓﺎﻃﻤﻪ ﺻﺎﺭﺕ ﻃﻤﺎﻃﺎﻳﻪ ﻣﻦ ﺍﻟﺨﺠﻞ ﺍﻣﻬﺎ ﻗﺼﻔﺖ ﺍﻟﻜﻞ
ﺷﻮﻳﻪ ﻭﺭﺍﻫﺐ ﺻﻌﺪ ﺑﺪﻝ ﻟﺒﺲ . ﺍﻟﺰﻱ ﻣﺎﻝ ﺍﻟﺪﻭﺍﻡ
ﺭﺍﺡ ﻭﻳﺎﻫﻢ ﻗﺒﻞ ﻣﺎﻳﻄﻠﻊ ﺍﻟﺘﻔﺘﻠﻲ
ﺭﺍﻫﺐ،،ﺍﻻﺳﺒﻮﻉ ﺍﻟﺠﺎﻱ ﻋﻘﺪﻧﻪ ﻣﺎﻝ ﺍﻟﻤﺤﻜﻤﻪ
ﻻﺭﺍ،،ﺍﺑﺘﺴﻤﺖ ﻭﺍﻟﺤﺠﻴﻪ ﺗﺘﻤﻀﺤﻚ ﻋﻠﺊ ﺍﺑﻨﻬﺎ ﻻﻥ ﺳﻤﻌﺘﻪ
ﻫﻮ ﺭﺍﺍﺡ ﻭﻫﻲ ﺍﺳﺘﻠﻤﺘﻨﻲ ﺗﻌﺎﺗﺒﻨﻲ ﻋﻠﺊ ﻗﺒﻞ ﻻﻥ ﻣﺎﺭﺟﻌﺖ ﻭﺻﺎﺭﺕ ﺗﺤﺠﻴﻠﻲ ﻋﻦ ﺣﺐ ﺭﺍﻫﺐ
ﻓﻌﻼ ﺍﺣﺲ ﺣﺒﻪ ﻧﺎﺩﺭ ﺑﻬﺬﺍ ﻭﻛﺘﻨﻪ
ﻟﻮﻭﺍﺣﺪ ﻏﻴﺮﺓ ﻛﺎﻥ ﻣﻦ ﺯﻣﺎﻥ ﺍﺳﺘﺴﻠﻢ ﻭﺷﺎﻑ ﺣﻴﺎﺗﻪ
ﺑﺲ ﻫﻮ ﺭﻏﻢ ﻛﻠﺸﻲ ﺿﻞ ﻣﺘﻤﺴﻚ ﺑﻴﻪ ﻣﺎﺗﺮﻛﻨﻲ
ﮔﻤﺖ ﻛﻠﻲ ﻧﺸﺎﻁ ﻣﺎﺍﺩﺭﻱ ﺍﻟﻔﺮﺣﻪ ﻫﻴﺞ ﺗﺴﻮﻱ ﺑﺎﻟﺸﺨﺺ
ﻧﻬﻀﺖ ﺍﺧﺬﺕ ﻣﻮﺍﻋﻴﻦ ﺍﻟﺮﻳﻮﮒ ﻏﺴﻠﺘﻬﻦ ﻭﺭﺗﺒﺖ ﺍﻟﺼﺎﻟﻪ ﻛﻠﺸﻲ ﻧﻀﻴﻒ ﺑﺲ ﺍﻟﻬﻲ ﺭﻭﺣﻲ ﺍﺭﻳﺪ ﺍﻟﻮﻛﺖ ﻳﺨﻠﺺ ﺍﺷﺘﺎﻗﻴﺘﻠﻪ ﻣﻦ ﻫﺴﻪ
ﻟﻠﻀﻬﺮ ﻳﺎﺍﻟﻠﻪ ﺭﺟﻌﻮ ﺍﻟﺤﺠﻴﻪ ﺍﺗﻠﻜﺘﻬﻢ ﺑﺎﻟﺠﻜﻠﻴﺖ ﺍﻃﺶ ﻋﻠﺊ ﺭﻭﺳﻬﻢ
ﺭﺍﻫﺐ ﻛﺎﻟﻬﺎ ﺣﺘﺊ ﺍﻧﻲ ﻳﻤﻪ ﻃﺸﻲ ﻓﻮﻙ ﺭﺍﺳﻲ
ﻣﺤﻤﺪ ﻣﺎﻓﻬﻢ ﻛﻼﻣﻪ ﺑﺲ ﺑﺎﻭﻋﻠﻲ ﻭﻏﻤﺰ
ﻋﻤﺘﺘﻲ ﺍﻃﺶ ﻋﻠﺊ ﺭﺍﻫﺐ ﻭﺗﻬﻠﻬﻞ ﻓﺮﺣﺎﻧﻪ ﻣﻦ ﺷﺎﻓﺘﻪ ﻓﺮﺣﺎﻥ ﻭﻳﻀﺤﻚ
ﺍﺗﻐﺪﻳﻨﻪ ﻭﺭﺟﻌﻨﻪ ﺍﻟﺒﻐﺪﺍﺩ ﺍﻟﻄﺮﻳﻖ ﻛﻠﻪ ﺍﻓﻜﺮ ﺑﻜﻼﻣﻪ ﻭﺑﺎﻟﺼﺎﺭ ﺍﻟﺒﺎﺭﺣﻪ
ﺭﺟﻌﻨﻪ ﻟﻠﺒﻴﺖ ﻣﺎﺣﺠﻴﺖ ﻝ ﺍﻣﻲ ﻋﻦ ﺍﻱ ﺷﻲ ﺍﺳﺘﺤﻴﺖ
ﺛﺎﻧﻲ ﻳﻮﻡ ﺍﻟﺼﺒﺢ ﻓﺎﺟﺌﻨﻪ ﺑﺠﻴﺘﻪ ﻫﻮ ﻭﻋﻤﺘﻲ ﻭﻓﺎﻃﻤﻪ
ﮔﻤﺖ ﺍﺭﺩﻡ ﺭﺩﻡ ﻣﺎﻣﺤﻀﺮﺓ ﻧﻔﺴﻲ ﻣﺎﻋﺒﺎﻟﻲ ﻳﺠﻮﻥ ﻣﻦ ﺍﻟﺼﺒﺢ
ﺑﺴﺮﻋﻪ ﺭﺗﺒﺖ ﻭﺟﻬﻲ ﻭﻟﺒﺴﺖ ﺩﺷﺪﺍﺳﻪ ﻣﺮﺗﺒﻪ ﺧﻠﻴﺖ ﺣﺠﺎﺑﻲ ﻋﻠﺊ ﺭﺍﺳﻲ ﻭﻧﺰﻟﺖ ﻳﻤﻬﻢ
ﺩﺧﻠﺖ ﺳﻠﻤﺖ ﻋﻴﻨﻪ ﻋﻠﻴﻪ ﻭﺻﻠﺖ ﻳﻤﻪ ﻣﺎﺳﻠﻤﺖ ﺑﺲ ﺍﺑﺘﺴﻤﺖ ﺭﺩﺕ ﺍﺣﺮﮒ ﺭﻭﺣﻪ ﻣﻦ ﺟﺎﻥ ﻣﺎﻳﺴﻠﻢ ﻋﻠﻴﻪ ﺣﺒﻴﺖ ﺍﺭﺩﻫﺎ ﺍﻟﻪ
ﺧﺰﺭﻧﻲ ﻣﺒﻴﻦ ﺿﺎﺝ ﺍﻣﻲ ﻃﺎﺭﺕ ﻣﻦ ﺍﻟﻔﺮﺡ ﻫﻲ ﻭﺍﺧﻮﺍﻧﻲ ﺑﺠﻴﺔ ﺭﺍﻫﺐ ﻭﻋﻤﺘﻲ ﻭﻓﻄﻮﻣﻪ
ﺭﺍﻓﺪ ﻃﻠﻊ ﻭﺻﺎﺡ ﺍﻟﻤﺮﺗﻪ ﻭﺻﺎﺣﻠﻲ ﮔﺎﻝ ﺣﻀﺮﻥ ﺍﻟﺠﺎﻱ ﺭﺍﻳﺢ ﺍﺟﻴﺐ ﮔﻴﻤﺮ ﻭﻛﺎﻫﻲ ﺧﻞ ﻧﺘﺮﻳﮓ ﻛﻠﻨﻪ ﺳﻮﺓ
ﻭﺍﻟﻠﻪ ﻣﺎﻣﺼﺪﮒ ﺟﺰﺕ ﺍﻟﻐﻴﻤﻪ ﺍﻟﺴﻮﺩﺓ ﻭﺍﻧﺘﻬﺎ ﺍﻟﺤﻘﺪ ﺑﻴﻨﺎﺗﻨﻪ
ﻃﻠﻊ ﺭﺍﻓﺪ ﺍﻟﺪﻣﻌﻪ ﺑﻌﻴﻨﻪ ﺍﺧﻮﻱ ﻣﺎﺟﺎﻥ ﻗﺎﺑﻞ ﻋﻠﺊ ﺗﺼﺮﻓﺎﺕ ﺍﻣﻲ ﻭﺍﺑﻮﻱ ﺑﺲ ﻣﺎﻛﺎﻥ ﺑﺎﻟﻴﺪ ﺣﻴﻠﻪ ﻳﺒﻘﻮﻥ ﺍﻣﻨﻪ ﻭﺍﺑﻮﻧﻪ ﻣﺎﻧﮕﺪﺭ ﻧﺨﺎﻟﻔﻬﻢ
ﺭﺣﺖ ﻭﻳﻪ ﺳﺠﺊ ﺟﻬﺰﻧﻪ ﻛﻠﺸﻲ ﺑﻴﻦ ﻣﺎﻳﺠﻲ ﺭﺍﻓﺪ
ﻣﻮﺑﺎﻳﻠﻲ ﻉ ﺍﻟﻤﻴﺰ ﺳﻤﻌﺖ ﺻﻮﺕ ﺭﺳﺎﻟﻪ ﺩﺍﺯﻟﻲ
ﺭﺍﻫﺐ،،ﻟﻴﺶ ﻣﺎﺳﻠﻤﺘﻲ ?
ﻻﺭﺍ،،ﺿﺤﻜﺖ ﻛﺘﺒﺘﻠﻪ ﺣﺘﺊ ﻳﻮﺻﻠﻚ ﺍﺣﺴﺎﺳﻲ ﻣﻦ ﻛﻨﺖ ﺗﺘﺠﺎﻫﻠﻨﻲ ﻣﻦ ﺩﻭﻥ ﺍﻫﻠﻲ ﻣﺎﺍﺗﺴﻠﻢ ﻋﻠﻴﻪ
ﺭﺍﻫﺐ،ﻫﺎﺍ ﻳﻌﻨﻲ ﺑﻌﺪﺝ ﺍﺩﻭﺭﻳﻦ ﺛﺎﺭﺍﺕ ?
ﺷﻮﻓﻲ ﺭﺍﺡ ﺍﻃﻠﻊ ﻟﺒﺮﺓ ﺛﻮﺍﻧﻲ ﺍﻟﮕﺎﺝ ﮔﺪﺍﻣﻲ ﻣﺎﺍﻗﺒﻞ ﺍﺫﺍ ﻣﺎﺑﻮﺳﻪ
ﻻﺭﺍ،،ﻋﺎﺍﺍﺍ ﻭﺍﻟﻠﻪ ﻟﻮ ﺍﻣﻮﻭﺕ
ﺭﺍﻫﺐ،،ﻣﺸﻜﻠﺘﺞ ﻫﺎﻱ ﺭﺍﺡ ﺍﻃﻠﻊ
ﻻﺭﺍ،،ﻓﻌﻼ ﺷﻔﺘﻪ ﻃﻠﻊ ﺑﺎﻟﻤﻤﺮ ﺑﻴﺪﺓ ﺟﮕﺎﺭﺓ ﻭﺍﻟﺴﻮﻳﺞ ﻳﺮﻳﺪ ﻳﻄﻠﻊ ﻳﺨﻠﻲ ﺳﻴﺎﺭﺗﻪ ﺑﺎﻟﻔﻲ ﻋﻦ ﺍﻟﺸﻤﺲ
ﺑﺎﻭﻋﺘﻠﻪ ﻣﻦ ﺍﻟﺸﺒﺎﻙ ﺷﺎﻓﻨﻲ ﺍﺑﺘﺴﻢ ﻭﻋﺾ ﺷﻔﺘﻪ ﺳﻮﺍﻟﻲ ﺣﺮﻛﻪ ﺑﻤﻌﻨﺊ ﺑﺴﻴﻄﻪ
ﺿﺤﻜﺖ ﻭﺳﺪﻳﺖ ﺍﻟﺒﺮﺩﺓ ﻓﺰﺯﻧﻲ ﺻﻮﺕ ﺳﺠﺊ
ﺳﺠﺊ،،ﺍﻱ ﻋﻤﻲ ﻏﺰﻝ ﻭﻛﺬﺍ
ﻻﺭﺍ،،ﻫﻬﻬﻬﻪ ﻻﺗﺠﻴﺒﻴﻦ ﺍﺳﻢ ﻏﺰﻝ ﺗﺮﺓ ﻫﺴﻪ ﺍﻃﻨﻜﺮ ﻣﺠﺮﺩ ﺍﺳﻤﻬﺎ ﻳﻀﻮﺟﻨﻲ
ﺳﺠﺊ،،ﻓﺪﻳﺖ ﺍﻟﻐﻴﺮﺓ ﻟﻌﺪ ﺍﺫﺍ ﻫﻴﺞ ﺍﺗﺤﺒﻲ ﻭﺍﺗﻐﺎﺭﻳﻦ ﻣﺎﺗﺮﺟﻌﻴﻠﻪ ﻳﺤﻀﻲ ??
ﻻﺭﺍ،،ﺍﺗﻘﺮﺑﺖ ﻳﻤﻬﺎ ﻛﺘﻠﻬﺎ ﻫﻮ ﺟﺎﻱ ﻳﺮﺟﻌﻨﻲ ﺿﺤﻜﺖ ﺑﺴﺮﻋﻪ
ﺳﺠﺊ،،ﮔﻮﻟﻲ ﻭﺍﻟﻠﻪ ??
ﻳﺎﺍﺍﻱ ﺣﻨﺎﺧﺬ ﺍﺧﺘﻪ ﻭﻧﻨﻄﻴﺞ ﺍﻟﻪ ﺭﻭﺣﻲ ﻭﻳﺎﻩ ﻫﺴﻪ ﻟﻮﻣﻨﺞ ﺍﺭﻭﺡ ﺑﺬﻧﻲ ﺍﻫﺪﻭﻣﻲ
ﻻﺭﺍ،،ﻫﻬﻬﻬﻬﻪ ﻻﺯﻡ ﻛﺎﺭﻫﺘﻨﻲ
ﺳﺠﺊ،،ﻻﻭﺍﻟﻠﻪ ﺿﺎﻳﺠﻪ ﻣﻨﺞ ﻻﻥ ﺗﻌﺒﺘﻲ ﺍﻟﺮﺟﺎﻝ ﺻﺎﺭ ﺷﮕﺪ ﻳﺤﺎﻭﻝ ﻭﻳﺎﺝ ﻭﺍﻧﺘﻲ ﻣﻄﻨﮕﺮﺓ
ﺍﻛﻮ ﻧﺴﻮﺍﻥ ﺗﺘﻤﻨﺊ ﺯﻟﻤﻬﺎ ﺗﺤﺒﻬﺎ ﻣﺜﻞ ﻣﻴﺤﺒﺞ ﺭﺍﻫﺐ
ﺑﺲ ﺍﻟﻠﻪ ﻳﻨﻄﻲ ﺟﻮﺯ ﻟﻠﻤﺎﻋﻨﺪﺓ ﺍﺳﻨﻮﻥ
ﻻﺭﺍ،،ﺿﺤﻜﺖ ﮔﺘﻠﻬﺎ ﺭﺍﺡ ﺍﺗﺼﻜﻴﻨﻲ ﺑﻌﻴﻦ
ﺳﺠﺊ،،ﻻ ﻭﻟﺞ ﺑﺲ ﻭﺍﻟﻠﻪ ﺭﺍﻫﺐ ﻣﺒﻴﻦ ﻳﺤﺒﺞ ﻭﻣﺴﺘﻘﺘﻞ ﻋﻠﻴﺞ ﺍﻛﻮ ﻳﺘﻤﻨﻦ ﻫﻴﺞ ﺣﺐ ﻭﺍﻧﺘﻲ ﺩﺍﻓﺮﺓ ﻧﻌﻤﺘﺞ
ﻻﺭﺍ،،ﺩﻧﺤﺠﻲ ﻭﺩﺧﻞ ﺭﺍﻓﺪ ﺟﺎﻳﺐ ﺍﻟﺮﻳﻮﮒ
ﺍﺧﺬﺗﻪ ﻣﻨﻪ ﺳﺠﺊ ﺧﻠﺘﻪ ﺑﺎﻟﻤﻮﺍﻋﻴﻦ
ﺩﺯﻟﻲ ﺭﺳﺎﻟﻪ
ﺭﺍﻫﺐ،،ﺍﻧﻬﺰﻣﻲ ﻣﺎﺿﻞ ﺷﻲ ﻭﺍﻃﻠﻊ ﺍﻟﻘﻀﻪ ﻭﺍﻟﻤﻀﺊ ﻣﻨﺞ
ﺩﺯﻳﺘﻠﻪ ﺍﻳﻤﻮﺟﻲ 😜
ﺭﺍﻫﺐ،،ﺍﻟﻪ ﺍﺷﻠﻌﻪ ﺍﻟﺞ ﺑﺴﻴﻄﻪ
ﻻﺭﺍ،،ﺷﻨﻮ
ﺭﺍﻫﺐ،،ﺍﻟﺴﺎﻧﺞ
ﻻﺭﺍ،،ﻻﺯﻡ ﻳﺸﻤﺮﺓ ﻛﻠﻤﻪ ﻳﺨﻠﻴﻨﻲ ﺍﺗﺮﺍﺟﻒ ﺳﺪﻳﺘﻪ ﻭﺭﺣﺖ ﻳﻤﻬﻢ ﻛﻠﻨﻪ ﺍﻟﺘﻤﻴﻨﻪ ﻉ ﺍﻟﺮﻳﻮﮒ ﻳﺤﺠﻲ ﻭﻳﻪ ﺭﺍﻓﺪ ﻭﻋﻴﻨﻪ ﻣﻨﻲ
ﺑﻌﺪﻫﺎ ﻛﻤﻠﻮ ﺍﻟﺮﻳﻮﮒ ﺷﻔﺖ ﺍﻟﺤﺠﻴﻪ ﺗﺮﻳﺪ ﺗﺤﺠﻲ ﻃﻔﺮﺕ ﻣﻦ ﻣﻜﺎﻧﻲ ﺧﺠﻼﻧﻪ
ﺑﺎﻭﻋﺘﻠﻪ ﺍﺑﺘﺴﻢ
ﻃﻠﻌﺖ ﺧﺠﻼﻧﻪ ﺭﺣﺖ ﺧﺘﻠﺖ ﺑﺎﻟﻤﻄﺒﺦ ﺍﺳﻤﻌﻬﻢ ﻳﺤﺠﻮﻥ ﺑﺎﻟﻤﻮﺿﻮﻉ ﺍﻧﻤﻐﺼﺖ ﻣﻌﺪﺗﻲ
ﺷﻮﻳﻪ ﻭﺍﺟﺖ ﺳﺠﺊ ﮔﺎﻟﺖ ﺭﺍﻓﺪ ﻳﺼﻴﺤﻠﺞ ﻋﺮﻓﺖ ﻳﺮﻳﺪ ﻳﺎﺧﺬ ﺭﺍﻱ ﺍﻧﻮﺏ ﺭﺟﻠﻴﻪ ﺛﮕﻠﻦ ﺍﺳﺘﺤﻲ ﻣﻦ ﺍﺧﻮﺗﻲ
ﺭﺣﺖ ﻳﻤﻬﻢ ﻣﺪﻧﮕﻪ
ﻭﻛﻔﺖ ﺑﺎﻟﺒﺎﺏ ﺻﺎﺣﺘﻠﻲ ﻋﻤﺘﻲ ﺍﺭﻭﺡ ﺍﮔﻌﺪ ﻳﻤﻬﺎ
ﻛﻌﺪﺕ ﻓﺘﺤﻮ ﺍﻟﻤﻮﺿﻮﻉ ﮔﺪﺍﻣﻲ ﺻﺮﺕ ﺍﺧﺘﺾ ﻣﻦ ﺍﻟﻔﺸﻠﻪ ﺭﺍﻓﺪ ﺳﺎﻟﻨﻲ ﺍﺫﺍ ﻣﻮﺍﻓﻘﻪ ﺍﺭﺟﻊ ﺍﻟﺮﺍﻫﺐ
ﺭﺩﺕ ﺍﺣﺠﻲ ﺑﺲ ﺍﻟﻜﻠﻤﻪ ﻭﺍﮔﻔﻪ ﺑﺰﺭﺩﻭﻣﻲ
ﺭﺟﻊ ﺳﺎﻟﻨﻲ ﻣﺎﺟﺎﻭﺑﺖ ﺭﻓﻌﺖ ﺭﺍﺳﻲ ﺍﺟﺖ ﻋﻴﻨﻲ ﺑﻌﻴﻨﻪ
ﻭﺟﻬﺎ ﺍﺣﻤﺮ ﻣﺒﻴﻦ ﺿﺎﺝ ﻻﻥ ﻣﺎﺟﺎﻱ ﺍﻧﻄﻴﻬﻢ ﺍﻟﺠﻮﺍﺏ
ﺍﻟﺤﺠﻴﻪ،،ﻫﺎ ﻋﻤﻪ ﺍﺣﺠﻲ ﺗﺮﺓ ﺍﺑﻨﻲ . ﺭﺍﺡ ﻳﻨﺠﻠﻂ
ﻻﺭﺍ،،،ﻛﻠﻬﻢ ﺿﺤﻜﻮ ﻻﻥ ﻣﺒﻴﻨﻴﻦ ﺣﺘﺊ ﺍﻫﻠﻲ ﻳﺮﺩﻭﻥ ﻧﺮﺟﻊ
ﻡ ﻣﻮﺍﻓﻘﻪ ﺣﺠﻴﺘﻬﺎ ﮔﻮﺓ ﺗﻨﺴﻤﻊ ﮔﻤﺖ ﻃﮕﻴﺘﻬﺎ ﺭﻛﻀﻪ ﻃﻠﻌﺖ ﺍﺳﻤﻊ ﺻﻮﺕ ﺿﺤﻜﺎﺗﻬﻢ ﺍﺗﻌﺎﻟﺖ
ﻭﺭﺍﻫﺐ ﻳﮕﻞ ﻟﻤﺤﻤﺪ
ﺭﺍﻫﺐ،،ﺟﻴﺒﻠﻲ ﻣﺎﻱ ﺑﺎﺭﺩ ﺑﻌﺪ ﺍﺧﻮﻙ ﺍﺧﺘﻚ ﺣﺮﮔﺖ ﺭﻭﺣﻲ
ﻭﺍﻛﻔﻪ ﺑﺎﻟﻤﻄﺒﺦ ﺍﻫﻔﻲ ﻋﻠﺊ ﻭﺟﻬﻲ ﻣﻦ ﺍﻟﻤﺴﺘﺤﻪ ﺍﺟﺖ ﺳﺠﺊ ﺍﻟﺘﻔﺘﺖ ﻣﻨﺎ ﻭﻣﻨﺎ ﻣﻦ ﺷﺎﻓﺖ ﻣﺎﻛﻮ ﺍﺣﺪ ﻛﺎﻣﺖ ﺍﺗﻬﺰ ﺟﺘﻒ ﻭﺗﻬﻮﺱ ﺑﺪﻭﻥ ﺻﻮﺕ ﺧﺮﺑﺖ ﺿﺤﻚ ﻋﻠﻴﻬﺎ ﺟﺮﺗﻨﻲ ﺑﺎﺳﺘﻨﻲ ﻭﺑﺎﺭﻛﺘﻠﻲ
ﺻﺎﺣﻮﻟﻲ ﻣﺎﺭﺣﺖ ﻻﻥ ﺧﺠﻼﻧﻪ ﺑﻌﺪﻫﺎ ﺭﺍﺩﻭ ﻳﺮﺟﻌﻮﻥ ﻟﻠﻨﺠﻒ ﺷﮕﺪ ﻟﺢ ﻣﺤﻤﺪ ﻭﺭﺍﻓﺪ ﺣﺘﺊ ﻳﺘﻐﺪﻭﻥ ﺑﺲ ﺭﺍﻫﺐ ﮔﺎﻟﻬﻢ ﺍﺭﻳﺪ ﺍﺧﺬ ﺍﻟﺤﺠﻴﻪ ﺍﺯﻭﺭﻫﺎ ﻣﻮﺳﺊ ﺍﺑﻦ ﺟﻌﻔﺮ ﻗﺎﺿﻲ ﺍﻟﺤﺎﺟﺎﺕ ﻋﻠﻴﻪ ﺍﻟﺴﻼﻡ ﻭﺍﻫﻨﺎﻙ ﻧﺘﻐﺪﺓ ﻭﻧﺮﺟﻊ ﻟﻠﻨﺠﻒ
ﻋﻤﺘﻲ ﺍﺗﻔﻘﺖ ﺑﻌﺪ ﺍﺭﺑﻊ ﺍﻳﺎﻡ ﻋﻘﺪ ﺳﻴﺪ
ﻻﻥ ﺭﺍﻫﺐ ﻣﺴﺘﻌﺠﻞ ﻳﺮﻳﺪ ﺍﻟﻌﺮﺱ ﺑﺴﺮﻋﻪ
ﻫﻤﻪ ﺭﺍﺣﻮ ﻭﻣﺤﻤﺪ ﺟﺮﻧﻲ ﺑﺎﺳﻨﻲ ﻫﻮ ﻭﺭﺍﻓﺪ ﻓﺮﺣﺎﻧﻴﻦ ﺍﻟﻔﺮﺣﻲ

ﺍﻣﻲ ﺧﻄﻴﻪ ﺍﻟﺪﻣﻌﻪ ﺑﻌﻴﻨﻬﺎ ﺍﺣﺘﻀﻨﻬﺎ ﺑﺠﺖ ﺭﺍﻓﺪ ﺑﺎﺱ ﺭﺍﺳﻬﺎ ﻭﻣﺤﻤﺪ ﻳﺒﻮﺱ ﺑﻴﺪﻫﺎ ﻭﺍﻧﻲ ﺧﻠﻴﺖ ﺭﺍﺳﻲ ﺑﺤﻀﻨﻬﺎ ﺯﺭﻓﺖ ﮔﻠﻮﺑﻨﺎ ﻣﻦ ﮔﺎﻟﺖ
ﺳﻌﺎﺩ،،ﺭﻳﺖ ﻣﻬﻨﺪ ﻭﻳﺎﻧﻪ ﻫﺴﻪ
ﻻﺭﺍ،،ﺻﺪﮒ ﻗﻬﺮﺗﻨﻪ ﺍﺧﻮﻱ ﺍﻟﻤﺎﺕ ﻭﻫﻮ ﺑﻌﺰ ﺷﺒﺎﺑﻪ ﺣﺘﺊ ﺍﻃﻔﺎﻟﻪ ﺍﻧﺤﺮﻣﻨﻪ ﻣﻨﻬﻢ ﺻﺢ ﻳﻮﻣﻴﻪ ﻧﺘﺼﻞ ﺻﻮﺕ ﻭﺻﻮﺭﺓ ﺑﻴﻬﻢ ﺑﺲ ﻳﺒﻘﻮﻥ ﺑﻌﻴﺪﻳﻦ ﻋﻦ ﺍﻟﻌﻴﻦ
ﻣﻮﻣﺜﻞ ﻣﺎﻳﻤﻚ ﺗﺒﻮﺳﻬﻢ ﻭﺗﺤﻀﻨﻬﻢ
ﮔﻮﺓ ﺳﻜﺘﻨﻪ ﺍﻣﻲ ﺧﻠﺺ ﺍﻟﻴﻮﻡ ﻭﺍﻧﻲ ﻣﺎﻣﺼﺪﻛﻪ
ﻭﺍﻟﻀﺤﻜﻪ ﻣﺎﻓﺎﺭﮔﺖ ﺷﻔﺎﻳﻔﻲ
ﺍﻟﺴﺎﻋﻪ ﺏ 11 ﺑﻠﻴﻞ ﺍﺟﺘﻨﻲ ﺭﺳﺎﻟﻪ ﻣﻨﻪ
ﺭﺍﻫﺐ،،ﻳﺪﻭﺧﺖ ﺭﺍﺳﻲ ﮔﺎﻋﺪﺓ ??
ﻻﺭﺍ،،ﺍﻟﻀﺤﻜﻪ ﺷﮕﺖ ﺣﻠﻜﻲ ﻛﺘﻠﻪ ﺍﻧﻲ ﺩﻭﺧﺖ ﺭﺍﺳﻚ ??
ﺭﺍﻫﺐ،،ﻭﻟﻮﻋﺔ ﮔﻠﺒﻲ ﻭﻗﻬﺮ ﺭﻭﺣﻲ ﺍﻧﺘﻲ
ﺑﺲ ﺍﺣﺒﺒﺒﺞ
ﺗﺪﺭﻳﻦ ﻣﻨﻀﺮﺝ ﺍﻟﻴﻮﻡ ﻭﺍﻧﺘﻲ ﺧﺠﻼﻧﻪ ﻣﺠﺎﻱ ﻳﻄﻠﻊ ﻣﻦ ﺑﺎﻟﻲ
ﻟﻮ ﻳﻤﻲ ﺍﻭﺣﺪﻧﻪ ﺍﺗﻔﻨﻦ ﺑﻴﺞ ﺍﺗﻔﻨﻦ
ﻻﺭﺍ،،ﺭﺍﺍﺍﺍﻫﺐ
ﺭﺍﻫﺐ،،ﺩﮔﺎﺕ ﮔﻠﺒﻪ ﻭﻧﻀﺮ ﻋﻴﻨﻪ ﺍﻟﺮﺍﻫﺐ
ﺍﺳﻤﻌﻲ ﻫﺎﻱ ﺍﻻﻏﻨﻴﻪ ﻭﻳﺎﻱ ﺍﺣﺴﻬﺎ ﻋﻠﻴﺞ

ﻳﺘﺘﺘﺒﻊ

النهااااااية

تعاال بصدري اضمك ياحبيبي اشبيك
بلكي بصدري اخفف هايه وناتك
احسك انته بيه واني عايش بيك
واحس دگات گلبي اتحاجي دگاتك
اذا تذبل عيونك فدوة الك هالعين
واخذ عيوني الك وانطيني مالاتك

،،،،،،،،،،

#ثأر_الضابط ج2

////بقلم زهراء الحسناوي /////

،،،،،،،،

لارا،،قبل العقد مال السيد بيومين راهب انطانه خبر جهزنه كلشي

اتفقنه العصر يجيب السيد يعقدلنه
الساعه ب1الضهر رحت للصالون اجرت بدله لون ماروني اعشق هذا اللون وكذالك الزيتوني
حفتلي الابنيه وسوتلي تسريحه بسيطه ومكياج خفيف رسمت عيوني برز لونهن جرتهن بالرميل صارن عبالك رسمت العيون الناعسه كلش حلوات
الساعه 2ونص رجعنه جابنه محمد لگيتهم جاايين
كاعدين بالاستقبال بس عمتي وفطومه بااصاله يم امي
عمتي وفاطمه هلهلن وطشن جكليت كعدت ع الكرسي ماعازمين اي احد بس بيناتنه
اجه رافد باسني براسي گال گومي يم الباب السيد حيعقد الكم
گلبي احسه يريد يطلع من سرعة دكاته خوف ورهبه كانه اول مرة اتزوج راهب

عقدلنه السيد اتعالت اصوات الهلاهل شويه ودخلو اخوتي وياهم راهب ضليت خجلانه ومدنگه مااكدر ارفع راسي استحي
سجئ حضرت ميز وسوت الكيك رتبته

اجه كعد يمي بس ريحة عطرة ترست خشمي
عبالك يسبح بالعطر
طلب من عمتي تنطي علبة مال الحلقات
اخذها منها طلع الحلقه مديت ايدي ترعش
حسيت بي ضغطها بيدة
بعدها لبسته حلقته

راهب، ،اكلكم ترة المرة وصارت حلالي
اريد احجي وياها وحدنه

محمد،،تررة هسه انبطل هههههه

راهب،،فاتك السوم ابو جاسم ترة هسه اخذها وياي

لارا،،اسمع وميته خجل راح كدامي للاستقبال ومحمد ورافد گعدو يم عمتي اخذت شال امي خليته علئ متني لان البدله ضهرها فضيحه بس صدرها عادي
گمت رجليه وحدة اطگ بالثانيه بمجرد مافتحت باب الاستقبال انجرت ايدي بقوة
كلشي مافهمت غير اني بحضنه وشفايفه علئ شفايفي
ردت ابعده بس اتخردلت وضعت بيدة صرت ابادله بكل حب

ابتعد مني حط گصته علئ گصتي

راهب،،واخير رجعتيلي

لارا،،مامصدكه

راهب،،ليش اني مصدگ?
لارا وربج مااتحمل اكثر العرس نسوي بعد عرس محمد وفاطمه واذا نعرس سوة بعد احسن

لارا،،ابتعدت عنه لااا فدوة خليها ورة عرس محمد اريد اجهز نفسي

راهب، ،هذا هو بويه يجرالج التردي هو تالي انضل مسموط عمنه بسبب هلعرس

لارا،،رااااهب
راهب،،شكو?

لارا،،ليش تگول مسموط عمنه اكيد قصدك بابا

راهب،،هسه اني جبت طاري ابوج?
لوگلت عمنه
ترة مااسمحلج تحجين علئ عمي حبيبي

لارا،،باوعتله صفح هسه صار عمك حبيبك?

راهب،،هسه شجاب ابوج بالنص خلينه فرحانين

لارا،،بعدها طلعنه يمهم گعدنه شويه وراحو ماقبلو يضلون لليل

مرت الايام واني وراهب احلئ مايكون صار انسان ثاني اتمنئ بس يقترب موعد العرس واروح يمه

امي من البدايه اتفقت ويه عمتي الزواج. مال محمد وفاطمه بشهر الثاني 2020لان بهذا الوقت تكون طلعت دورة سنه مهند

وفعلا ماضل غير ايام للعرس صادف كورونا محتله الساحه بس بعدها مامنتشرة كلش بالعراق بس نسمع بالاخبار وع اليتيوب انو الصين اهواي راحو ضحاية الهذا المرض الله يكفينه الشر
الاسبوع اليجي عرس محمد جهزنه كلشي بس اتفقنه منعزم لان بداية المرض كانت الناس مرعوبه الدرجه كلش جبيرة وممنوع تجمعات

ف الثلاثاء صادف حنه فاطمه يم اهلها حتئ ثاني يوم نسوي حنه لمحمد والخميس العرس

بيوم الحنه رحنه من الصبح وقبلها اشتريت فستان اسود عجبني هذا اللون لان الفستان روعه

عمتي هم ماعزمت غير بس ام قاسم وكم وحدة من جاراتها

العصر اخذنه راهب للصالون طول الطريق عينه بالمرايه عمتي يمه كاعدة كل شويه وگالتله عينك علئ دربك لاتموتنه

وهو خربان ضحك مكضيها يدز بوسات بالهوئ ويغمز

وصلنه للصالون وهو راح قبل ميروح وصانه الف وصيه لطلعن بين مااجي
لفن نفسجن غطن وجوهجن يبووو يمشي ويوصي

جهزنه فطومه طلعت اتخبل ابدلتها الوردي
واني مكياج طوخته هلمرة خاصتا الحمرة حمرة حتئ تبرز ويه الاسود
ساعتين ورجعلنه اتصل بعمتي لبسنه فاطمه غشوه خاصه بالبدلات
واني لبست شالي وعباتي وطلعت مرجع السيارة لورة عن الشارع حتئ محد يشوفنه

صعدنه وهو رجع عدل المرايه ابتسم وعض شفته
خررب اذوب من يسوي هيج حركات

شغل اغنيه
اريد اتزوج وافرح
واودع هلعزوبيه
واسوي عرس لاماصار
الخاطر هاي الابنيه

يغني وياه ويطگ اصبع والحجيه اخذها الواهس تهوس وتهلهل

وصلنه للبيت نزلنه فطومه دخلناها للصاله وهو واخواني كعدو بالاستقبال

بدت الحنه واني وسارة خبصنه الجو خبص طبعا اني فرحانه العرسي ههههه

اخوات فاطمه ماحضرن ابد ولسه مااعرف شنو السبب لان ماسئلت فاطمه
رحت للمطبخ اجيب كاسات ماي
انفتح باب المطبخ ودخل راهب
باوع الجهة الباب الي يكون بجهة الصاله راح سدة واقترب مني
طوق خصري بثنين ادي
هو مندمج يبوس واني عيني علئ باب المطبخ خاف يجي واحد من اخواني

تالي دفعته كوة وانهزمت اسمعه يدردم وراي
بليل اني وفطومه جهزنه جنطها وعمتي مكابلتنه وتبجي خطيه صعب عليها افراگ بنتها

گتلها عمه عليش تبجين اني راح اجي بمكانها
عمتي وفاطمه ضحكن عليه

بليل نايمين اتصل

راهب،،تعاي يمي

لارا،،ما مااجي

راهب،،تجين لواجي اسحلج
لارا،،عزاا رااهب فشله اشلون اطلع?

راهب،،زلمتج ولج موصاحبج انه وخايفه ومستحيه
ياالله تعاي راح احسب للخمسه الگاج يمي اذا مااجيتي تدرين شنو اكدر اسوي

لارا،،سدة قبل مااحجي بسرعه مغصتني معدتي خرب
باوعت الروحي لابسه اتراك شكلي يضحك
عدلت كفشتي لايخترع نص الليل ويلغي العرس

فتحت الباب علئ كيف وطلعت لكيته فاتح باب غرفته باوعلي اشرلي تعاي وهو مبتسم وصلت يمه الخوف زاد
درت وجهي ردت ارجع بس ماحسيت غير حط ايدة علئ علباي لزمني حيل رجعني لورة دخلني للغرفه وسد الباب

راهب،،كل ضنج تنهزمين?

لارا،،عفيه راهب احجي شتريد عيب لتگعد فاطمه
اني احجي وهو لازمني من ايدي متوجه للسرير
كعدني وكعد يمي

عيونه مركزة علئ شفايفي اتخربط وضعي
دگات گلبي زادت
باسني غمضت عيوني وبادلته ضعت وياه وضعت بلمساته وهمساته وهو يهمس بااسمي يم اذني بصوت ناصي
فزينه اثنينه علئ صوت دگت الباب طفرت اباوع النفسي صايرة فلم والتيشيرت مرفوع خررب حضي
عدلت نفسي
مااتقربلي مجرد كرزات هههههه ليروح بالكم لبعيد

هو راح فتح الباب انصدمت ومتت خجل من شفتها عمتي

الحجيه، ،سودة بوجهي خانس ع الفرخه نص الليل شكو?
تعاي يمه شجابج مااتگليلي ?
ترة ابني واعرفه مايكعد راحه ياالله امشي جدامي
وانته كض روحك واصبر للعرس

راهب،،هههههههاي والله حجيه هادمة اللذات انتي
بس همزين نقذتيها لوباقيه شويه مااضمن روحي

الحجيه، ،هو من دشيت غرفة اختك وماشفتها موجودة عرفتك حاصر البت يمك

لارا،،متت متت خجل وهو يضحك

رجعت للغرفه وعمتي تضحك گالت اذا صاحلج لاترحين تركضين

هزيت راسي واني خجلانه تالي عافتنه وطلعت
اجتني رساله منه
راهب،،گطعت علينه ام اللحضه الحجيه
بيوم العرس اخذج للفندق واليدگ الباب اجنزة ومحمد

لارا،،صدك ضحكت ومبين يحجي بحركه

ثاني يوم رجعنه البغداد لان باجر الزفه لازم نحضر نفسنه
بيوم الزفه كعدنه من الصبح لان هم ياالله نطلع للنجف
محمد راح حلق ورجع امي تهلهل واني وسجئ صدك اجواء الفرح حلوة ماينشبع منها

بعد صلاة الضهر طلعو للنجف كم سيارة ماعازمين اهواي جماعة محمد ينعدون ع الاصابع اني مارحت لان نجهز للعشه

للمغرب رجعو دخلو السيارة مال الزفه للبيت
واني صرت عجوز عرب ركضت جبت الماي وحضرت الدجاجه والسجينه حتئ نذبحها جوة رجل فطومه

خطيه مبينه خايفه دخلناهم هي وعمتي ومحمد لازمها
اتعشت العالم وراحت بعدها زفيناهم الغرفتهم

انتهئ. زواج محمد وفطومه واثنينهم يخبلون
بيوم سالت فاطمه علئ احلام وزهرة وشعجب ماحضرن عرسها
فاجئني كلامها گالت ريحانه مسويه غلط نفس قبل وهلمرة ابوها لازمها مجنزها كتل وحابسها بالغرفه بس ينطوها الاكل من الباب
واحلام ماتگدر اتعوف البيت محترگ من المشاكل وتجي تحضر العرس وزهرة رجلها انذار عندة وماگدرة تجي
اتعجبت علئ وكاحة ريحانه كل ذاك الضرب من ضرغام وماتابت وخطيه حتئ اخوها رجع نقل دوامه للبصرة في سبيل تبقئ كدام عينه

بعد اسبوع راهب اتصل گال
راهب،، حضري نفسج الاسبوع الجاي العرس لان كورونا طشت بالعراق واهواي مصابين

لارا،،عااا وتريدنه هسه انعرس لاهوسه ولاشي مثل وحدة زعلانه وراديها لاعيني لا عود كم يوم وتخلص كورونا وبعدها يتم العرس

راهب،،چا اسمعيني زين
وحگ ابو فاضل راح انتضرج بس هلشهر لان اگول خطيه اريدها تفرح
بس بعدها لو ننصاب اني وياج هم راح يتم العرس
لو اعرف اعرس عليج بغرفة الحجر الصحي

لارا،،متت ضحك وهو يحجي بحرگه

وفعلا يوم بعد يوم المرض ينتشر وراهب كل مايتصل يگلي ها شگال البهلول مو گلنه خل نفضها من زمان

تالي استسلمت وحددنه موعد العرس بشهر الرابع
ماعزمنه ولاواحد فقط اهلي واهله
بيوم الحنه سوينها هي حنه وهي زفه
اجرت بدله بيضه اباوعلها فرحانه لان اول مرة البسها واني فرحانه وفرحتي ماسايعتني
جانت فترة حضر طلعنه من بغداد للنجف علئ هويته حتئ اهلي محد اجه وياي امي كالت انتي رايحه العمامج موالغريب
ف بس عمتي وفاطمه رجعن ويانه بسيارة الزفه والحلو كلنه لابسين كمامات وجفوف
وصلنه للبيت المغرب لگينه سارة وام قاسم وزهرة واحلام بس ريحانه ماموجودة والغريب زهرة واحلام اتلگني بسلام حلو عكس قبل بداخلي گلت سبحانه مقلب القلوب

دخلنه لجوة وراهب راح يم جماعته عازم كم واحد قليلين
للساعه عشرة صار موعد الزفه ردت اتقيئ من الخوفه
اليشوفني يگول اول مرة يزفوها الراهب بس والله احس نفسي مرعوبه
صعدت للغرفه اخذتني عمتي اتفاجئت بيها اتخبل كله مجهزة جديد ذوقه يخبل
گعدت وگلبي يركض ركض من الخوف
عمتي طلعت وفطومه عدلت مكياجي
شويه وسمعت صوت هلاهل معناتها زفو

فاطمه،،هههههه اشبيج وجهج انخطف

لارا،،حموت فاطمه ولاكان متزوجين قبل
انفتح الباب ودخل راهب وصدگ شوفته ترهب

فاطمه. باركتله باس راسها وگالها
لو نحترگ اهنا لحد ادگ الباب وگولي لمج هم

لارا،،فاطمه ضحكت وطلعت يمون عليها لان اصغر منها
بقيت مدنكه من سمعت صوت طگه القفل مال الباب ارتعد جسمي من الخوف رفعت راسي باوعتله
نزع سترته علكها واجه يمي مبتسم
گعد بصفي اخذ ايدي رفعها باس باطنها
بعدها اتعامل وياي بكل حب وهدوء
ماينسمع غير صوت انفاسنه عشنه دوامه من الحب واللهفه
اتندمت بگد شعر راسي علئ السنين التركته بيهن
شگدحاولنه نبتعد بس حبنه يرجعنه النفس النقطه
مرت الايام واني وراهب عايشين بسعادة ماتنوصف رغم اتغير وصار يضحك ومرح بس ابقئ اخاف منه واهابه
بيوم عرفت منه بالصدفه انو غزل رجعت النفس شغلها استغربت هاي الانسانه بعد ماالله هداها رجعت النفس مستنقع الرذيله مرة ثانيه
اتاكدت انو عمرة ذيل الجلب ماينعدل

غيرتي علئ راهب زادت ثاني شهر الزواجنه انتقل للنجف واترفع برتبه رائد

صار كل مايتاخر شوويه مايرجع للبيت نار الغيرة تاكلني ومن يجي انزل وياه تحقيق وين جنت اويامن جنت
وياها موو?

راهب،،هي منو?

لارا،،غزل

راهب،،استغفر الله وشجاب انعال علئ بالج هسه?
يابه وداعتج الف غزل ماتغريني لان تارسه گلبي وعيني انتي

لارا،،اي اضحك عليه بسوالفك

راهب،،ههههه ولج والله زلم مشوربه بزمخه مني كلها تتراجف وانتي بگد كف ايدي وماگادرلج
لارا،بعدها عرف اشلون يرضيني 🤗
ههههه

مر علئ زواجنه حاليا اربع اشهر ونص تقريبا

قاسم اترفع ويه راهب واثنينهم انتقلو للنجف

سارة،،حبلت شهرين ومات ابطنها بسبب داء القطط
كلنه اتاذينه عليها لان كانت كلش فرحانه بحملها ومن مات الطفل اتاذت
ف ياريت تدعولها

فطومه بعدها ماصار حمل راجعت مرة هي من ذاتها محمد گالها بعدنه عرسان بس هي اتخاف اتگول دااكبر خاف بعد ميصير عندي اطفال

اما اشلون عرف راهب بنشر الروايه ف بفترة زواج فاطمه بتت يمهم وتركت موبايلي ع الشحن
من رحت اخذة شفته بيد راهب يگلب بي
ومبين من عيونه ضايج
نهض من مكانه وجهلي الشاشه گال

راهب،،ناشرة قصتج?
لارا،،مابييها مجال انكر لان محادثه استاذ علي الفتلاوي كلها يمه وبعدها ست زهراء اخته كملت
گتله بس محد يعرفك

راهب،،اشلووون محد يعرفني والقصه واصله فووگ المليوون
اشلون تتصرفين من كيفج بدون ماتاخذين رأي وياج

لارا،،والله محد يعرفك ولايعرفني لان اتغيرت الاسماء واهواي شغلات خفتها الكاتبه حتئ محد يعرفنه

راهب،،ولج يامحد يعرفنه وامه محمدد كلها متابعتها تحجين صدك انتي
خلي تحذفها لااشتكي عليها وعلئ اخوها بالعباس اكلبها عليكم

لارا،،صدگ ضجت كتله خلص راح اطلب تنحذف الروايه وعرس ماكو
ضلينه اسبوع مانتحاجئ الئ ان استسلم من قراها واتاكد الشخصيات هويتها الحقيقيه صعب التعرف عليها

قاسم ماعندة علم بموضوع النشر وحتئ صورته اخذتها من موبايل راهب دزيتها للكاتبه بعد فترة ياالله لگينه شبيه اله
بس راهب لاكلش بي شبه من ملازم مصطفئ علاء
بس رهوبي اضخم صاحب متون اعراض وعضلات فديته 😍
لهنا وتنتهي قصتنه اشكر الست زهراء واخوها استاذ علي لان انطو الروايه حقها ماكنت اضن راح توصل هيج نسبه من المشاهدات
اشكركم علئ تعليقاتكم الحلوة صح اكو غلط بس عذرتكم لان اعصابكم مشدودة ويه الروايه ومنفعلين وياها
اشكركم جزيل الشكر مرة ثانيه
وحبيت انطيكم عنوان السيد الي رحتله لان ست زهراء طلبت مني هلشي گالت اهواي بنات دخللي خاص يطلبن عنوان السيد ف راح انطيكم العنوان لوجه الله تعالئ عله كم وحدة مثل حالتي تخلص من السحر واعمال ااشيطان والمايخافن من الله الي كل همهن يهجمن بيوت غيرهن

اسمه سيد علي بيته مقابيل الامام زيد ابن علي عليه السلام
وللتاكد منه نفسه لولا راح انطيكم شبه للرجال قريب الدرجه موطبيعيه ومن تشوفو راح تتاكدون من كلامي
اول مارحتله ضليت صافنه گتله محمد باع السيد يشبه منو??

محمد،،ولج يشبه ممثل بس ماجاي اذكر اسمه

لارا،،حتئ اني مااذكر اسمه بس اذكر دورة بمسلسل بيت الطين مثل شخصية شيخ عجاج
هذا الشبه كلللش قريب للسيد
اتمنئ من الله واهل البيت الشفاء الكل شخص وكل بنيه من السحر واصحاب السحر

يتبع..

#ثأر_الضابط

صح اعتب جبتها شبيدي غير اعتب?
بالله بغيرتك عود انته هم اتحب ?
تعرفه الحب شنو?اشرحلي واني اكتب
ايتعب?لاوحقك انت التعب
تتحجج علي ماافتهم شتريد
تزعل تختلف وبسالفة اتجلب
الحب تضحيه وانت شوكت ضحيت?
من يومك ادور حار ومگسب
احتاجك اريدك يمي ماالگاك
وين التضحيات اتصدگ اتجذب ?

،،،،،،،،،،،،،،،،

بقلم زهراء الحسناوي
،،،،،،،
لارا،،مرت الايام واحنه لاطلعه ولامشيه محبوسين بالبيت مانطلع لان راهب مانعنه من الطلعه يخاف علئ عمتي لان مرة جبيرة ايكول لاتنصاب وماتتحمل
صرت اختنك من كعدت البيت حتئ يم سارة مااروح ولاهي تجي لان قاسم هم نفس صويحبه مانع اهله من طلعه البيت
تعلقي براهب زاد قاطات عن قبل بحيث من يرجع من الدوام بليل هو ينام واني اتمعن بتفاصيله وبملامحه اباوع علئ رسمه حواجبه اكول سبحان الخالقهن
مرات احس نفسي تعلقي بي صار مرض حتئ غيرتي زادت اذا شفته يرفض مكالمه كدامي اتخبل واخذ الموبايل اضل ابحوش بي
بليل اتعشينه شفت موبايله يشتغل بس الضوة مخلي صامت بصفه
كتله راهب موبايلك يدك
راهب،،عوفي
لارا،،وليش مخلي صامت ?
رفع حاجبه ماجاوبني التفت العمتي يحجي وياها ويسالها اذا عدها علاج مال سكر حتئ من يطلع يجيبلها
ضجت وبسرعه يبين عليه لان اضل گالبه الخلقه
نهض من مكانه راح يغسل واني اخذت الصينيه للمطبخ
خليت المواعين بالسنكي حسيته دخل للمطبخ حضني من ضهري ودفن خشمه بركبتي دفعته
راهب،،والله من اتگلبين الخلقه اتگول كونكريت مسلح مو خلقه
لارا،،وشعندك مخلي موبايلك صامت ?
راهب،،لارا كبري عقلج لاتضلين طفله
لارا،،يعني لان سالتك ليش صامت اطلع طفله?
راهب،،اعرف بشنو تفكرين بس خل انطيها الج من الاخير حتئ ترتاحين والقران وداعت امي وعافيتها عيوني ماتشوف غيرج بس كبري عقلج ولاتضلين تتنگارين علئ ابسط شغله

لارا،،من حلف الابتسامه شگت حلگي التفتت علي خليت اديه علئ صدرة العب بدگم قميصه گتله يعني متباوع المرة غيري?
راهب،،لايبوي امشي مغمض
لارا،،باوعتله صفح جر خشمي
راهب،،ولج مخبله انتي وحگ العباس هو انه شمسودني غير عيونج
وبعدين لاتسويلج زعله من هسه اليوم مابيها مجال
لارا،،عرفت قصدة والله اخجل منه خجل موطبيعي صح زوجي بس استحي من هيج يحجي خجلني يقصد ع الشهريه
ضربته بوكس ابطنه خربان ضحك
راهب،،اويلي ع الخلقه من تخجل
يالله بويه انه طالع ويه قاسم عدنه شغله واتعطل لايضل بالج
لارا،،شويه وكشخ بالدشداشه البيجي والسبحه والمحبس بيدة
والعطر ياخذ الروح
وفعلا من يطلع ياخذ روحي وياه عقلي يضل يرسم شغلات موطبيعيه ها وين راح ها ويامن كعد
اخاف ترجع غزل الحياتنه رغم دائما يرزلني من اجيب طاريها يكلي انسيها ختولي بس گلبي يلعب منها
رتبت نفسي وجهزت ماعون فواكه وعمتي هم سويتلها اخذته الها كعدنه اني وياها تحجيلي علئ ايام قبل واشلون عمي جان مدللها تحجي وتمسح بدموعها بشيلتها عرفتها لحد هذا عمرها تفتقدة وتتمنئ وجودة بحياتها
مرة سمعتها تحجي ويه صورته اتگله ضياء تمنيتك يمي اتمنيت اتشوف احفادك
ردت نكبر ونشيب سوة ردت انحج بيت الله انه وياك تالي استعجلت وعفتني
مرات من نزعل اني وراهب اتگلي
عمه لاتزعلين وياه يجي يوم وتتندمين بي ع الساعه الزعلتي بيها ويه رجلج
اتكلي كضيت 15سنه ويه عمج يمكن مرتين لو تلاثه نمنه زعلانين بس خلصت عمري ندمانه عليهن خاف زعلان مني وهو يم ربه
ام احلام،،الزلمه شماكبر يبقئ طفل راحته ابيته ويم مرته المرة هي التعرف اشلون تحتوي زلمتها بساعه عصبيته هي التعرف اتبدد زعله وتريح كلبه وتخلي راضي عنها
لارا،،صارت الساعه ب11عمتي مفتحه كوة لان نعست طفيت عليها الضوه وطلعت صعدت الغرفتي انتضرته لمن يجي
صارت الساعه ب12وهو ماكو اتصل بي ينطيني رفض
اجت ال1و 2وهو ماكو تالي رجع للساعه 2ونص
من سمعت صوت سيارته طفرت بسرعه ركضت لفراشي نمت وغطيت حتئ راسي بعنادة
اسمع صوت خطواته ع الدرج گلبي يصير يدگ بسرعه ومااعرف شوكت اتخلص من هاي الحاله
ثواني انفتح الباب اسمع حركته بالغرفه وصوت نزعت دشداشته
شويه وانرفع الغطه ماحسيت غير جرني الحضنه اني عبالك ميته صار يومين لااحرك ايد ولارجل عبالك فاطسه
راهب،،بطلي تمثيل حركاتج مايعبرن عليه
لارا،،بقيت مغمضه سويت روحي صدك نايمه
راهب،،هسه اعرف اشلون اكعدج
لارا،،من حسيت بي ايدة بدة تتجراه فتحت عيوني وطفرت من مكاني

راهب،،توج جنتي ميته
لارا،،وين جنت?
راهب،،يم جماعتي
لارا،،وشعندك للفجر وياهم ??
راهب،،لارا اذا تردين تتعاركين اجليها لان تعبان
لارا،،وشبييك تعبان ?
راهب،،صووتج
لارا،،هو مو صوجك صوجي انتضرك
اخذت مخدتي بحركه سريعه لان ضايجه جريت البطانيه فرشتها بالكاع هو منتجي علئ عكس ايدة ايباوعلي
ضربت المخدة بالبكاع وانمت
راهب،،تعاي يمي
لارا، ،اريد انام
راهب،،تجين لو اشلوون??
لارا،،عوفني اريد انطمر
راهب،،تعاي انطمري يمي
لارا،،غلست ماحجيت بقيت منطيته ضهري ونايمه بالگاع ماحسيت غير جر خصله من شعري حيل لزمت راسي وهو لازم شعري بحيث نهضت وياه واني حاطه ايدي فوك ايدة
وخررر شعرري
راهب،،حتئ تبطلين هاي التغليسه
لارا،،درت وجهي عنه جرني الحضنه وقفلني برجلي حاولت افلت روحي بس اتگول عصفورة حابسه بحضنه
راهب،،ادري سويتي فلم حتئ مايصير الابالج
لارا،،باوعتله صفح
راهب،،وداعتج وداعت عيونج اليطخ ابالي اسوي غصب عنج
لارا،،حبيت استفزة كتله مو هي. بكيفك
راهب،،بكيفي وغصب عنج
عود تستفزني ام خشم
لارا،،احلئ من خشمك اتكول طيارة حربيه
راهب،،هااا?
لارا،،لعد مجذبه?
راهب،،لايبوي بس باجر انزل صورة ابرانامجج مال القصص اريد اسال معجباتي صدك خشمي مو حلو ?
لارا،،شعوط كلبي اذا صدك يسويها اذبحه ومايبرد كلبي هو مجرد اقرة تعليقات الاعجاب الغيرة تعمي عيوني مو تالي ينزل صورته
تركته ما حجيت
راهب،،شو خنستي?
لارا،،ضليت ساكته
راهب،،الخوف يعدل الطوف
قبل شويه خشمي يشبه طيارة حربيه وهسه ذبتها ع الصامت
لارا،،تالي نمنه كل واحد بجها فعلا ضجت من تاخيرة بليل هم وضع مو امان وهم الجو متلوث بسبب مرض كورونا وهم مركزة يخوف واولاد الحرام اهواي
ردت بزعلتي يتغير حتئ من يفكر يتاخر يذكر زعلي علي
وفعلا مر اسبوع وهو يرجع للبيت من وكت تالي هم رجع يتاخر صرنه يوميه نتعارك وانام زعلانين مرة هو يبادر بالمصالحه ومرة اني

اكله لتتاخر ولتنجمع ويه ناس اهواي خاف تنصاب بس دائما يكول الحافض الله قل مايصيبنا الا ماكتب الله لنا
تركته لان عمتي ماقبلت نتعارك يوميه اتكول المشاكل لو افراق لو قطع ارزاق
قبل كم يوم اتاخر مارجع من الدوام من وكت نتصل مغلق وقاسم هم ميجاوب عمتي تلوب واني كلبي مثل النار حاسه بي شي
للمغرب ياالله انفتح الباب ركضت شفته واكف بالباب يتشكر من قاسم منسند ع الباب بس خليته يفوت للبيت انهديت بي. فرد هدة بدون مااعرف سبب تاخرة لان كلبي احترك علي الف فكرة اجت علئ بالي
راهب،،لارا خل بس ارتاح واحجي
لارا،،عمتي خطيه هم مدري شبيها ماتحجي ومبين مريضه بس ماتشكي مرضها
دخل واني وراه شمر السويج ع الميز كدامه وكعد ع القنفه سند راسه لورة
سالته شبيك ?
راهب،،تعبان
لارا،،حاولت اعرف شبي ماحجه وجوابه مختصر
ساعه واندك الباب كال اني افتح فوتي جوة ومااريد صوت لان جماعتي اجو
دخلت للمطبخ احضر الضيافه وهو راح استقبلهم دخلهم للاستقبال
خليت القوري ع النار وحضرت صينيه بيها كاسات ماي اجه اخذها وراح خليته يفوت يمهم رحت اتصنت خليت اذني ع الباب
بمجرد سمعت كلامهم ردت اوگع من الخوف
عميد ميثم،،يابه الحمدالله علئ سلامتك والله سمعت من هاشم وجبته واجيت
راهب،،الله يسلمك سيادة العميد هاي صارة بعد
قاسم،،كتلك اني ارجعك للبيت بس انته من تعاند الله يستر
هاشم،،احمد الله واشكرة الله وكعك بين ناس اتخاف الله جان ابسط شي يبوكون اسلاحك وسيارتك ويشمروك
ميثم،،اشلون صارت السالفه?
راهب،،صار يومين احس السكر مرتفع عندي مارحت جيكت نفسي بس اعتمدت علئ حب السكر العندي
اليوم قبل مااطلع من الدوام حسيت وضعي اتخربط قاسم راد يرجعني كتله عوفني اني ارجع كلت هسه اخذت حبايه شويه ويستقر وضعي
تالي طلعت بالطريق بعد مااشوف الحمدالله ماامشي سرعه جان سويت حادث عيوني مغوشه بس بالي كله يم الطريق خاف يغمئ عليه واسوي حادث ربك وكفت بنص الشارع وبعد كل الاذكرة خليت راسي ع الستيرن بس اسمع اصوات بس مااشوف
صحيت بالمستشفى وقاسم وهاشم يمي
ميثم ،،الحمدالله الدنيا بعدها بخير ونقلتك الناس الطيبه للمستشفئ
قاسم،،خطيه واحد من الشباب ماخذ مسدس راهب ومحفضته ضامهن عندة وهو الماخذة للمستشفئ الله ينطي العافيه مبين خوش زلمه بالمستشفى انطاهن الي كال لو شايفهن واحد مايخاف الله جان اخذهن اوكعه بمشكله
لارا،،اسمع والطم علئ وجهي بدون صوت ماصدكت يرحون حتئ افهم منه السالفه
صدك نص ساعه وراحو اباوعلهم من شباك المطبخ ماخذين احتايطهم لابسين كمامات وكفوف واني رويهب يطلع لاكمامه ولاكفوف ولاهم يحزنون كلشي ماكو يمنعني عن الطلعه خاف اختلط بناس مصابه وهو بنص العالم يفتر بدون ماياخذ الحيطه والحذر

من راحو دخلت للاستقبال انهديت بي فرد هدة وهو ولايمه اتمدد وحط ايدة ع عيونه ضليت صافنه علئ برودة يشوفني محترك گلبي وهو ساكت
شويه ودك تليفونه مد ايدة اخذة جاوب
اباوعله انخطف لونه وفز من مكانه يسال الطرف الثاني انته متاكد ?
بعدها ذبله فشرة شكدها شكبرها وسد الموبايل طفر من مكانه اخذ السويج وطلع بدون حتئ ماافهم منه شكو
ساعه ورجع اتفاجئت لابس كمامه وكفوف وجايب وياه علاكه بيها علاج مبين ردت اتقرب منه منعني بس مرتبك حط الاغراض ع الميز ورجع للسيارة جاب مضخه مال مبيدات فتح العلاكه طلع جيس فرغه بالمضخه وحط عليها ماي غرگ البيت بالرش حتئ عليه رش وع البيباب والاغراض ماخلئ شي مارش علي
سالته شجاي تسوي وشعجب لابس كمامه?
راهب،،مصيبه ادعي انشاءالله ماكو شي
لارا،،خوفتتي والنبي شكوو?
راهب،،واحد من جماعتنه النگعد وياهم مصاب بكورونا ومايدري بروحه واليوم هم منتكسه حالته محلل طالع مصاب
لارا،،بسبب الاعداد الهائله لمصابين هذا المرض والناس الي راحتله ضحيه مجرد اسمه يخوفني فعلا خفت وبهتت روحي كتله يعني انته ملامس وكلنه مصابين ?
راهب،،روحي شوفي امي خو مامصخنه?
لارا،،رحت العمتي اصلا صارلها كم يوم مدري شبيها وفعلا مصخنه
بهذا اليوم خلصنا قلق وراهب عزل نفسه ب الاستقبال مايطلع حتئ يم عمتي مايفوت بس خطيه وضعها صار جدا تعبان بالبدايه كانت مجرد اعرض صداع وخمول بعدها حركه بالبلعوم يومين وصار عدها اسهال وتقيئه اضطرينه اندخلها بمستشفئ الصدر بالنجف راهب وضعه كلش تعبان بس رغم هذا الشي يروح منا ويرجع منا ماترك عمتي ومحمل نفسه المسؤليه وفعلا يمكن لو ماكعداته ويه جماعته ماانصابينه
اني هم صخونه لزمتني بس اعرض خفيفه مومثل عمتي لان مرة جبيرة دخلوها 4ايام وبعدها راهب طلعها للبيت لان بناتها خافن يدخلن ويه امهن ورفضن يجن للنجف وكل وحدة منهن اتحججت بشغله
اخذني راهب للدكتور انطاني اهواي علاجات وفيتامينات لتقوية جهاز المناعه واهم شي وصاني مااترك تمارين الرئه
اما عمتي
ماقصرت وياها الحمدالله بس مرت علينه فترة كلش صعبه بحيث احس نفسي اختنكت من الكمامه
راهب بفضل الله اتحسنت حالته والصار يعتبرة درس يتعلم منه لان بسبب عدم المبالاة مالته اتسبب بمرض اعز ناسه وصلو للموت بسببه
15يوم احنه علئ هذا الوضع
حاليا وضع الحجيه تمام بس هم محتاجه دعائكم
من اخذنه اخر مسحه راهب نذر اذا مابينه كورونا ياخذنه نزور الامام علي فدوة ل اسمه
وفعلا اخذنه قبل اسبوع للامام لبس دشداشه سودة
وريته لالبسها نمشي بالشارع والامام كدامنه بمسافه
اباوع ع البنات يباوعله ردت اني امشي كدامه وانفش ريشاتي واكول هذا الصاك اكسكلوزف بس الي

همست بصوت ناصي وراه
اذا باوعت الوحدة اخزگ عنيك
راهب،،هههههههه ولج توني طلعت من الموت اذا يسحلني مااروح وياهن
لارا،،وعلي بس يغمزلك تركض وراهن مو انوب يسحلنك
راهب،،ههههههههه والله اني فقير ومكرود بس انتي مدري شعندج وياي
لارا،،اي كلش فقير وبيتكم ب الاخير اصلا الله يستر منك
راهب،،دوم ضالمتني ماعندج ضمير تتبلين عليه
لارا، ،وصلنه للامام زرنه وطلعنه راهب كال راح اجيب عشه من مطعم اكلهم نضيف اهنا
وفعلا راح شويه ورجع محمل علاليگ
جايب مشاوي وعصاير ومقبلات كعد كدامنه كف اردان دشداشته وكعد ياكل نزل دوسه ونص ع الكباب الشوي
جريت الصحن من كدامه
راهب،،ليش?
لارا،،لايرتفع سكرك كله شحم
راهب،،هي موته لو موتين?
لارا،،موته وحدة بس مو اتموتها شهيد شيش الكباب شگول للناس مات بالكباب ?
اباوعله غص بالببسي همس بدون محد يسمعه
راهب،،الله يلحمك جلولي ردت ادزله ثواب
لارا،،انته حتئ ماكلت الله يرحمك كلت الله يلحمك
راهب،،ادري الوالد الجماعه اهناك مسوينه تفصيخ بسبب سوالفه ف اندعيتله الله يلحمه
لارا،،وثوابك اگلبه بكرك ادري قصدك تشتمه
راهب،،ههههههه لا لج
لارا،،كلبت الخلقه لان مااقبل يجيب طاري ابوي بالموزين مهما يكون هو مات وراح الدار حقه مايجوزله غير الرحمه
شويه ورجعنه للبيت لان عمتي تعبت
ثاني يوم الصبح كعدته للدوام سويتله ريوگ اتريك وراد يطلع طلعت وراه اكو اهواي بيوت كدامنه بنائها عالي ف مسطلين علئ بيتنه ومن ضمنهم ناس مؤجرين جدد عدهم برج مال حمام دائما حماماتهم بحديقتنه اذبلهن تمن
مااعرف اشلون راهب لمح واحد ع السطح
راهب،،فوتي جوة وابد لطلعين واذا ردتي اطلعين للطارمه البسي عبايه
لارا،،شنو هاي انوب حتئ ابيتنه منرتاح?
راهب،،لارا ترة خاف عبالج بالدوام وبعيد عن البيت وداعتج النفس التاخذي ادري بي
لارا،،صدك ضجت كتله مو عبالك غزل وماتثق بيه?
راهب،،ضلي انتي حايرة بنعال ماعندج غيرها
المهم وصيتج طلعه مااريد

لارا،،مشكلته الوحيدة الغيرة والشك لحد هذا اليوم يوميه يحلفني الف مرة شنو صار بينكم انتي وهمام وشحجيتو وشسمعج ولمس ايدج ?
اعذرة من اشوف حبه ولهفته الي صح اضوج واتعارك ومرة كتله سويتها وياك مرة وتركتك ماعندي مانع اتركك مرة ثانيه
كان جوابه
راهب،،واني سويتها مرة وتركتج براحتج ولو تموتين مااتركج الج طلعه وحدة من بيتي للگبر يعني مايطلگنه غير الموت
لارا،،بعد ماراح راهب للدوام نضفت البيت وطبخت تمن ومرگ
بعدها اشتهيت شيخ محشي وماعندي سلگ لو ورق عنب فسويت بس مال بيدنجان وبصل وفلفل وحشيته بجدر صغير
تركته ع التهدير صارت كلي ريحة بصل دخلت للحمام سبحت وطلعت لبست اتراك برمودة اسود
مشطت وضفرت شعري رحت يم عمتي
احنه يوميه ننتضر راهب لمن يجي يالله نتغدة ف اخذت شويه تصبيرة بلفه وكعدت يمها اكل بلفتي
الحجيه،،عمه لارا ماضل شي للشته الجو صار بي خيط برودة اريد تغسلين الديباج مالتي احب اتغطه بي هو نضيف بس خاف لان جان منضود يصير بي ريحة اتراب
كومي افرشي بالطارمه واغسلي بالصابونه
لارا،،گمت اخذت الديباج شكدة شكبره وشثگله عبالك معبي حصو اخذته للطارمه ب الفي فرشته ذبيتله زاهي اخذت موبايلي وهيتفوناتي شكلتهن ب اذني شغلت لطمية محمد الحلفي) بعد وكت
كعدت اجلف بالديباج وادندن ويه اللطميه
متناسيه نهايئا كلام راهب الصبح ونسيت الولد صاحب برج الحمام
من طلعته فرشته بالطرمه شمرت علي الصوندة حتئ يتنگع ماي ودخلت للبيت علئ ماصعدت جبت موبايلي وهيتفوناتي ونزلت بالربع ساعه
كعدة اجلف نص ساعه ناسيه روحي
ماحسيت غير راهب فوك راسي

يتتتتتتبع

#ثأر_الضابط

#بقلم زهراء الحسناوي
،،،،،،،،

لارا،،ضليت كاعدة بمكاني ورافعه راسي لااخذ ولاانطي
عرفته من ملامحه انو بقمة غضبه
والله احس حتئ امعائي رجفت من الخوف

ماحسيت غير جرني من زندي گومني علئ حيلي هي گومه وهي دفعه مرتين دفعني بقوة لمن دخلني للمطبخ
حتئ نفسي ضاگ من الخوف
سد الباب مال المطبخ بقوة لمن انكسرت الجامه

راهب،،شگلت?

موويااج شحجيييت?

لارا،،و والله نسيت والله
ماحسيت غير براجدي فر خدي احسه خدر

راهب،،هذا حتئ تذكرين كلامي مرة ثانيه حيوانه طالعه ورجليج طالعات وزرورج مبينات لو لابسه الب... وطالعتله اشرفلج مووووو?

اباوعله وجها غدة احمر وعيونه حمر يخوفن عرفت صعد عندة السكر بس رغم حالته واني اشوفه ثاير ومحترگ دمه

عطت مااتحملت

هوووو اني صدگ حيووانه لان ضاله يمك مخليني مكفخههه
تدرري شنووو ?
صوجي رجعت لان كلت اتغير بس ابو طبع مايغيرر طبعه اكو مثلل ينطبق عليكككك

حجيت هلكلمه واتندمت لابيه اعدل سالفتي ولابيه ارگع الحجايه واسدها لان افتهم قصدي ضيگ عيونه وسالني
راهب،،قصدج المثل ذيل الجلب ماينعدل مو?

لارا،،سكتت
يمه الطباخ بجهته والجدورة علي دفر الطباخ لمن وكعن الجدورة واطشر الاكل
عمتي سمعت اجت گوة تمشي

راد يرجع يضربني ركضت ختلت ورة عمتي

الحجيه ،،كافي يمه ولكم والله شهرتونه بنص الوادم يوميه ومسوين مهرجان بالعرك والطلايب

لارا،،احتار شيسوي هرج البيت هرج عمتي گالت عوفي يهدئ بس اني روحي شايطه

افرفح بالحجي بس بدون دموع دمعتي شاطت

عمتي اخذتني الغرفتها گالت عوفي من تشوفي عصبي
وهم صفت ويه ابنها اتگلي عندة سكر اذا مات منو النه ?واني مالي غيرة اسكتي واتجفي الشر

بس وين اسكت انعميت من القهر كمت علئ حيلي الباب مال الغرفه مفتوح گتلها مو طالعه من فطر الگااع وكلسااع كافخني والله اروح لهللي ويحلم ارجعله

راهب،،واللله التحلفين بي طلقتين برجلج اكسرج واگعدج اهنا فوگ شينج كواة عيننج
لارا،،دفع الباب بيدة وضل واگف مادخل للغرفه

راهب،يمه اني طالع لو تسمعن الدنيا تحترگ بررة التطلع منجن اگلب الدنيااا مفهوووم

لارا،،عمتي ضربت علئ صدرها وهو ولاحتئ سمع منها طلع مثل الاعصار مانسمع غير رگع البيبان

ركضت وراه ادري راح يتعارك باوعت من زرف الباب اشوفه يدگ باب الجيران بقوة
طلع ابوهم اوياه نفس الولد ابو الطيور

راهب ماقصر گام يعد ويصف عليهم وابوهم مبين رجال هادئ مومال مشاكل حتئ ابنه من راد يحجي دفعه للبيت ماخلئ يسولف ويه راهب

نص ساعه مستمرة المعارة اباب الجيران وكلها التمت علئ حس رويهب حتئ قاسم طلع يركض گوة جابه للبيت وهو يهد وينفلت يريد يتعارك

بيومها للمغرب اجت ناس كلش اهواي والعرفته الرجال ابو الولد جايب شيخهم واخوته وجاي يعتذر

اني بالمطبخ اسوي جاي واركض اوگف يم باب الاستقبال اتصنت علئ سوالفهم

عمتي كاعدة بالصاله وراي تحجي علئ كيف اتگلي
الحجيه،،لو مااطالعه جان ماوصلنه الهلمواصيل حتئ انوب قبل لاتسوين شي اتذكرين كلام زلمتج

لارا،،مازعلت منها بس ضجت لان اني ماعريانه بالشارع
اني لابسه اتراك ابيتي وماخذة راحتي ابيتي شمدريني هيج راح يصير وانوب هي الدزتني اغسل الديباج وهسه تانبني علئ طلعتي

رجعت للمطبخ خليت القوري علئ صفحه النار بين مايخدر ورجعت اتصنت اسمع راهب يفرفح

راهب،،يااابه ترضوها انه اصعد ع السطح واباووع العرررضكم???

الرجال،،اكيد مانرضه والغلط عدنه وحگك علينه والتفصلة احنئ بخدمتك

راهب،،خادم ربك حجي وهلمرة الخاطر وجوهكم الطيبه وصلت السالفه لهنا بس مرة الثانيه ثق بمحمد اذا شفته ع السطح وعينه علئ بيتي اجي اطب البيتكم واشمرة من السطح
لان مو بس سطحكم مسلط علئ،بيتي
لا مسلط علئ اهواي بيوت والناس تريد تاخذ راحتها
بسبب ابنكم حابسين نسوانه مانخليهن يطلعن للطارمه

لارا،،بعد ماالطرفين هدئو كملت الجاي صبيته وحضرت الصينيه بس وجهي مغندب دخل للمطبخ ياخذ الجاي مدنگه اشتغل حتئ مارفعت راسي وباوعتله راد ياخذ الصينيه گال بصوت ناصي
راهب،،ارتاحيتي??

لارا،،اخذ الصينيه وطلع يقصد من صارت العركه بسببي يعني من اتعارك ارتاحيت

شويه والناس راحت صعدت الغرفتي جريت الجنطه گمت اشيل بالملابس واحط بالجنطه وفعلا مقررة اروح لهلي مااضل

شويه ودخل شافني الم بالملابس ماحجئ شي
وسكوته قهرني اكثر
گتله وديني لهلي

راهب،، الصبح اخذج

لارا،،لاهسسسه

راهب،،گلللتتت الصبح يعني الصبحح

لارا،،سكتت ماحجيت كملت لم هدومي سديت الجنطه

راهب،،اجازتج طويله اخذي الملابس الشتويه وياج

لارا،،دمي فار ادردم بالحجي ماخليت شي ماحجيته هو ولايمه اتمدد دار وجها ونام

هم فرشت ونمت بالگاع بس لان محترگه اعصابي مانمت
ضليت اتگلب للفجر تالي تعبت وغفيت ماادري بروحي ماگعدت غير الشمس عاليه طفرت من مكاني اباوع الغرفه فارغه وراهب ماموجود
ردت اطلع الباب مقفول رجعت ادور علئ موبايلي الموبايل ماكو گلبت الغرفه مالگيته

عرفته ماخذ موبايلي وقفل. الغرفه خاف اتصل ب اهلي يجون ياخذوني

لاساعه ولاساعتين محبوسه بالغرفه للساعه 11الصبح ياالله فتحلي الباب راجع من وكت

ليش قفلت البااب?

راهب،،بكيفي

لارا،،جيب موبايلي حتئ محمد يجي ياخذني

راهب،،ماعندي مرة تروح

لارا،،سد الباب وانتجه يباوعلي هادئ مجتف ادي
ينرفزني برودة

رجعت طلبت منه ينطيني موبايلي

راهب،،نسيته بالدوام

لارا،،هه خوش فلم والله هسه انزل اتصل من موبايل عمتي
حلوة هاي يضربني ويريدني اضل يمه يكفخ بيه

راهب،،غصبا عليج تدرين بيه عصبي وگتلج لااطلعين اكو كلب ابن كلب ع السطح بس لوتخافين مني صدك جان ذكرتي كلامي وماطلعتي
ابسط شي يصورج وينشرج ع الفيس ترضيها انتي?
لارا،،گلت نسسيت

راهب صووتج

لارا،،سكتت اجه يمي راد يجر راسي يبوسه دفعت ايدة

راهب،،رجعت لبست الجينكو

لارا،،والله اروح لهلي

راهب،،موبكيفج

لارا،،جريت عباتي ردت اطلع لزمني دفعني ع الباب راد يبوسني وخرت عنه ودفعته گوة كاتم ضحكته

راهب،،صايرة وكحه

لارا،،وخر اريد اطلع

راهب،،ماكو طلعه

لارا،،هو اتريدني اضل حتئ اتكفخ بيه

راهب،،لو مااحبج جان ماانحرگت اعصابي عليج
تدرين بيه اغار من النفس التاخذي
مو انوب اشوفج هيج لابسه وهذا الساقط يباوعلج من فوگ
بالعباس روحي شاطت لو يمي احرگ عشيرته يمكن افرغ الشاجور براسه وهم مايبرد گلبي
لارا،،كملت?
يالله وديني لهلي

ضل صافن بوجهي ماحجه طلع وسد الباب وراه

يومين ماعندي موبايل اخذه مني وقافل باب البيت من يطلع يمكن لونحترگ محد يدري بينه

ثالث يوم رجع من الدوام واني اسوي غدة بالمطبخ دخل شافني ابتسم وكال السلام عليكم ماجاوبت

عاف موبايله وباكيت الجكاير والسويج علئ ميز الطعام وصعد للغرفه

دااأگلب بالتمن سمعت صوت موبايله اجت رساله صار عندي فضول اقراها ماادري ليش
اتقربت اخذته فتحت الرمز رقم غريب مكتوب

لان احبك هيج تعاملني ?

احس دمي صعد الراسي بعد مااشوف گلبي لكشني
حسيت هاي بنيه تركت الموبايل ورجعت اگلب بالتمن

رجع اجا اتصال من نفس الرقم اخذت الجهاز بيدي ردت افتح خط واتاكد منها بنيه لو ولد ماحسيت غير انجر الموبايل من ايدي

ماحجيت رجعت احضر بالاكل بس بالي يم الرقم
رجع اجا اتصال ومتاكدة من نفس الرقم اخذ الموبايل ودخل للاستقبال
سد الباب وراه احس دخان طلع من راسي بس مااگدر احجي وياه
كملت الغدة طلع هو اجه يتغدة انطيتهم الصينيه هو وعمتي ورجعت للمطبخ مااشتهي سويت جاي كملو غدة اخذت الصينيه ودزيتلهم جاي

صرت اراقب كل تصرفاته انتبهله اشلون من يتصل بي هذا الرقم يرتبك ويختلي بالغرفه وحدة

قبل كم يوم گال اني ابات برة

انمغصت بطني مجرد الفكرة اخاف احجيها خايفه اتكون غزل رجعت الحياته او يمكن موغزل غيرها

بيومها راح المغرب يبات يم صديقه صادف خميس وثاني يوم عطله عندة وصديقه مسوي طبگ للامام الحسين عليه السلام طابخ تمن وقيمه وراهب يبات يمه يسهرون ع القيمه يطبخوها

مارجع غير للخمسه الفجر حسيت بي دخل للغرفه
اني يوميه افرش بالگاع وانام لان زعلانه بس اليوم نمت ع السرير لان هو ماكو حسيت بي حضني سويت روحي نايمه لان صدگ مشتاقه الحضنه وعطرة

تعبان بسرعه غفه اني هم غفيت وياه كعدت فازة لان عمتي لازم انطيها ريوگ حتئ تاخذ علاجها
گمت لميت شعري انتبهت موبايل راهب مشتعل ضوه بس صامت اخذت الجهاز الساعه ب 7الصبح ونفس الرقم يتصل بي

اخذت الجهاز وطلعت علئ كيف قبل مايسمعني دخلت للغرفه مالتي اني وفاطمه وسديت الباب بس گلبي احسه راح يطلع من حلگي يدگ سريع خوف علئ ارتباك مااعرف ليش
فتحت خط بدون صوت خليت الجهاز علئ اذني
انصدمت من سمعته صوت بنيه

البنيه،،اوووف واخيرا فتحت خط والله شلعت گلبي

لارا،،منوو انتي??

لارا،،بسرعه انسد الخط بوجهي رجعت اتصلت مغلق كل مااتصل مغلق اعصابي كلها ترجف ودموعي مااسيطر عليهن وحدهن يجرن

انفتح الباب ودخل راهب سحب الموبايل من ايدي
مااتحملت انفجرت بي

اكووول كل مايتصل بيك هذا الرقم تختتتل وحدك بالغررفه

راهب،،صوتج

لارا،،لاصوتج ولاشييي هسسسه توديني لهلي وامرح واسرح بكيفففك

راهب،،كافي لاراا صووتج

لارا،،گعدت بالگاع خليت اديه علئ عيوني وانفجرت بجي
گعد كدامي جر ايدي وباس راسي دفعته

كافي وخر يوميه عندك وحدة جديدة اذا ماتارسه عينك شكوو مخليني يمك??
راهب،،والله تارسه عيني وگلبي وروحي بس اسكتي

لارا،،مااضل وديني لهلي

راهب،،استغفر الله السانج مكوك علئ هلكلمه گلت ماكو روحه يعني لو تموتين مااطلعين منا

لارا،،منوو هاي??

راهب،،وحدة

لارا،،ادري وحدددة منو هيي?

راهب،،لارا بس بهاي اعذريني مااگدر اگول منو هي

لارا،،ضليت صافنه گتله هذا هو لتحجي واني اعرف اشلون اتصل بمحمد يجي ياخذني
ردت اگوم جرني گعدني بحضنه

راهب،هاي مرت صاحبي

لارا،،احس واحد كفخني علئ عيوني
شنووو???

رااهب تباوع علئ مررت صاحبك??

راهب،،طاحض تفكيرج ولج صاحبي اخوي ومرته اختي حالها من حال فاطمه
اتقبليها انتي اباوع علئ عرضي??
لارا،،رراهب لتخبلني لعد شكوو تخابرك

راهب،،قبل اسبوع صار يتصل بيه رقم غريب جاوبت اريد اعرفها منو كل مااجاوب اسالها مااتگول هي منو والمصيبه تعرفني كلش زين تعرف حتئ شنو لابس اليوم اويامن طالع

فكر ماضل عندي من كالت اني ماخذة الرقم من موبايل زوجي شفتك وياه وانعجبت بيك

كل ماارفضها ترجع تتصل لو ادز رساله حضرتها رجعت اتصلت من غير رقم
البارحه دزتلي رساله كالت اليوم تعرف منو اني
ماكنت متصورها مرت نقيب ميثم صاحبي
دائما اروح يمه تصرفاتها طبيعيه عبايتها وحجابها وكلامها كله موزون وحتئ ماارفع عيني لان معتبرها اختي

بس البارحه بليل من جنه نطبخ قيمه گتله ميثم اريد افوت للحمام الرجال لان معتبرني اخو دلاني بطريق الحمام بداخل البيت وطلع يم العالم الجاي تطبخ

اتفاجئت من طلعت لگيتها بالباب مبتسمه دنگت ردت اعبر
صارت كدامي تمنعني اتگلي صارلك اسبوع مدوخني
اتراجعت مرتبك وخايف مو منها بس من صاحبي اذا دخل وشاف مرته واكفه وياي لاول مرة بحياتي اخاف هيج
كتلها يعني انتي التتصلين بيه?
ضحكت بصوت ناصي كالت اي
دفعتها وطلعت شارد وبعد مادخلت للبيت كل مااشوف ميثم يباوعلي ياخذني العرگ من راسي الساسي اگول خاف يكتشف رقمي عد مرته وساعتها اخسر صاحبي واخوي

ماصدگت ايكملون واجيت مهزوم

اما بالنسبه الكلامج من گلتي تباوع المرت صاحبك
مو اني التدنه عيني علئ عرضي
صح اشرب وصح مسوي شغلات حرام بگد شعر راسي
بس مستحيل اباوع المرت اخوي

الله شاهد اليوم قررت اغير رقمي وحلفت بعد مااوصل البيت ميثم نهائيا
رجال كامل مكمل والكمال لله وحدة بس مرته استغفر الله
ولج يحبها حب ماصاير شنو تطلب وشتريد موفرلها ليش هيج تطعن بي ماادري لا ونوب عافتها كلها واجتني

بيوم الشفت هذا العار يباوعلج من السطح انعميت من شفتج بالموبايل لان رابط الكامرة علئ جهازي

لارا اعذريني من افقد بالقران افقد من حبي الج
روحي تشتعل من اشوف واحد يباوع الطولج

لارا،،اليحب يأذي حبيبه??
انته ايدك والضرب ماتتفاهم الحياة الزوجية مو افراش وضرب واهانه هيج الحياة ماتمشي اذا ماكو تفاهم بيناتنه
اني تعبت راهب والله تعبت

راد يجرني الحضنه گمت من مكاني طلعت من الغرفه
صار كم يوم كل واحد من عدنه ينام بغرفه وحدة يوميه بليل يجي يدگ الباب بس يلگاه مقفول

اعرف ديقرة كلامي بس الئ متئ يضل هذا وضعنه?
احبه واحترمه وعيوني ماتشوف غيرة هذا غير غيرتي العميه علي
وهم اعرف يحبني بس الحب وحدة مايكفي اذا ماكو احترام

بالنسبه السارة رجعت حبلت مرة ثانيه ورغم الدكتورة منعتها سنه لازم ماكو حمل بس هي ماااخذت نصيحة دكتورتها وحبلت وهم مات الطفل ابطنها ورجعت سوت كورتاج مرة ثانيه وماصار سنه من سوت اول كورتاج
قاسم اتخبل من عرف بيها تاركه حبوب منع الحمل وزعل وياها فترة بس لان يحبها زعل عليها مايريد تتاذه بسببه

فاطمه شغلها الشاغل الحمل حاليا تركت الدكتورات ومقررة بس تنتهي فترة كورونا بااذن الله تسوي طفل انابيب ومحمد ماعندة اي اعتراض يكول شنو اليسعدها اسوي واني الممنون

اما بالنسبه ل احلام صار عشر اشهر مااجت يمنه اتخاف من كورونا خاتله ابيتها ذرغام راد يجي مرتين بس منعته
الئ هنا تنتهي يوميات راهب والحياة مستمرة
والحياة الزوجيه ماتخلئ من المشاكل



حتئ من اريد اقبل عذر مااشوف ترضئ جروحي
وساعتها راح ادخل حرب مابين روحي وروحي 💔


قرائه ممتعه

#النهاية

حبي تريدين تسوين حمام زيت فكلش بسيط..جيبي زيت زيتون وخلي كمقدار يكفي كل شعرج وحمي عل النار من حمة طفي ..وانتظري 3دقايق اشويه يبرد حته تخلي عل شعرج🌚🌺

وطريقة استعمال حمام زيتي:
تقسيمن الشعر ل4-5 أجزاء..
وتدلكين دلك كل جزء بالايد المدهونة بالزيت..من الفروة.. لنهاية الشعر
ومن تكملين غطي الشعر بكيس بلاستيكي،وهالنوب تسشوري بهوة حار
وتعوفي نص ساعه وتغسلي بالشامبو


#ملوكه

عيوني ينرادلج تغذية بصرية يعني تباعين موديل لو بلوكرات شيلبسن وشينسقن بالفيس والانستا
وعندج اليوتيوب بحر من المعلومات وكلشي تلكين بي وهمين مسلسلات تركيه هم يبدعون بالتنسيقات..فمن تباعين للالوان لو بس تشوفيهن وتنسين ..خليهن ببالج وحفظي

وبنفس الوكت روحي بكنتورج وشوفي شنو عندج ملابس كلهن طلعيهن ونسقي وياهن من شالات وجنط وشوفي ياهو احلى ويرهمله

فاشويه اشويه تتعملين🥰💜

#ملوكه