تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الخامس والعشرون 2

جذع نخــلــه صرت مامش تمرحين
عــلـيچ ومـن كثر ونـي تمر حين
غيابج هدهد امتوني
عليل ومنخطف لوني
وحيد بحزني تركوني
علامج شحشحيتي الروح
حالي بوحشتج مجروح
صفة روحي دوها النوح
يالبيج الجرح سوله
وغنيلج يمدلوله
ًوادري لروحي مهموله
ًوادري انـتيـ بحظن غيري تمرحين
ًهذاك ألكسر صـف اضلوع بيــه

جزء مني دفنته بلحضه وحده رجعتلي الألم العشته الخذلان جسمي يرجف شبيه هيج تأثرة توترت اهز برجلي مثل السعفه 

علا واكفه فوك راسي تسألني شبيه كتله متعمده تاخذيني بغرفته تدرين بي يجي ليش هيج اسوين

-ثقي ماادري لان الادري بيهم بلصاله واصلاً سبح وبدل وطلع وانتي ليش هيج مهزومه منه واجهي خليج طبيعيه لتخلي ياخذ نضرة انو انتي بعد عندج مشاعر اتجاهه

مدنكه واهز برجلي

اخذة نفس عميق مااريده يأثر بيه كمت عدلت مكياجي وكتله يله ننزل مااحجت شي

لكيناهن يصبن كمنه ننكل بلأكل التمينه بعد الاكل هم لملمنه المواعين ومواعين الزلم ينكلوهه ولد عمي حيدر الزغار  عمارهم ١٥ و١٧ وره بشويه دخل محمد صااح جااي

رحت سلمت عليه رحب بيه وكال حضرو الجاي البنات انقسمن قسمين ناس تغسل  مواعين ويسون جاي  ناس تلملم الهول 

سارة وعلا وشروق يغسلن مواعيني اني ورحاب وكفنه ع الجاي  اني سويت الجاي وهي حضرة الصواني والاستكاين

كملنه صبينه اجه نائل  وكرار ابن عمو حيدر اخذ الصينيه الثانيه زراحب راحت جوه وكفت يم البنات كمت اخذ المواعين النضيفه وارتبهن ع الكاونتر شفت تلفون يدك

كتلهن هذا تلفونمن سالت علا وساره وشروق مو تلفوناتهن
بعين علا كالت ياا هذا تلفون رحاب عافته وراحت كلبته حلو نوت3 هستوه نازل وغالي رجع اتصل شفته الاسم قمر

مكتوب انتبهت ع الرقم كلبي اجه يوكف قريته عدل لا مااصدك يمكن غلطانه طلعت تلفوني تأكدة من الرقم نفسه اي والله نفسه شنو الديصير هناا  احس روحي حيغمى عليه
لزمت الكاونتر انتجيت عليه  بعدني اكول لا اترددة افتح خط لو اني غلاطنه بس نفس الرقم خلي اتأكد ايديه ترجف لازم اجاوب شجعت روحي قبل متنتهي الرنه فتحت خط سكتت سمعت الصوت نفس الصوت ونفس النبره اسمع بس كلمت الوو رحاب  الووو مكدرة اوكف كعدة بلكاع رجليه ميحملني اوكف  دخيلك ربي شيسوي وياهه قتيبه ورحاب شنو البيناتهم

سديته ورجعته المكانه عفت كلشي وصعدة  فوك  الغرفت البنات  ملازم اضعف لازم اسيطر ع اعصابي كمت افتر واحجي وياا روحي اهدئي اهدئي اخذة شهيق وزفير
نار ومشتعله بيه مجاي اعرف افكر لو اصرف قريت ايات قرئانية كعدة شسوي مااريد اكول الاحد حتى علا ملازم تعرف
جبته منا وديته مناا مااكو شي اسوي

اتحملي احاجي نفسي  كوني قويه لاتخلين العصبيه تعميج مرة وحده فكري صح

ماادري بروحي صوتي عالي ضاربه الكنتور وماادري بنفسي الصحاني بجي رزان بنت علا   شلته متسكت نزلته
علا كالت يبوو شكعدهه كالت وديه العمتي وديته شفت رحاب  كاعده هي ورفيف ومبايلاتهن بيدهن

واكفه صافنه عليه وافكر شلون اعرف البيناتهم  شنو لحد مااعمتي ام محظد  كالت يمه شبيج واكفه بلنص انتبهت واكف بوسطته الهول رحت كعدة مقابيلهن

شويه واجاهه اتصال كامت وراحت من باب المنور جوه الدرج رحت وراهه مخليت احد ينتبه سويت روحي ادخل للحمام وكفت قريب يم الباب وهي صايره بلمنور السمعته

تكله ماكو شي جديد
............................
واكفه ويه البنات تغسل مواعين 
............................
لاتخابر شوكت ميعجبك ليحس بيه حسن مابيه حيل مشاكل وبعدين كله مجمعه هناا مااريد اثير الشبهه من  يصير شي جديد اني امسجلك 
..........................
لعد شسويلك مشكلتك
......................
اهووو لدوخني  هسه المطلوب شنو

من خوفي مفتهمت هواي كلام هذا المفتهمتهه لان كل شويه اروح اشوف خو مااحد جاي لهنا وارجع

قبل متختم الانصال كالت

قبل لاسده الجهاز بعده عندك
..............
زمخت بي كالت مو كتلك اتخلص منه ليش مخلي لحد الان متخاف شوفه
.....................
شوف عيني اتخلص من الجهاز احسلك والله تروح بلرجلين بس تكشفك تعم عله روحك
..........
لا غلطان اني معلياا شي ماعندك شي يثبت يله اني اتأخرت ولاتخابرمنا لمن اني امسجلك

من شفته نزلت التلفون من ايده بسرعه طفرة طبيت بلحمام وسديت الباب
مرة عشر دقايق وطلعت  مشفته بلهول

عقلي كام ميجمع اريد اربط  الامور بعض مجاي الكه شي مشترك

رحاب وقتيبه شعرفهم بعض

شنو هذا الجهاز الي دكله اتخلص منه تعم ع روحك مبينه هي هم خايفه بس متبين

ليش دتنقله اخباري 

ياربي شهليوم هذا شون اعرف بدون مااخليهم يشكون

علا وسارة صعدن صعدة وياهن بعد مكملن كلشي كعدنه حاولت اشغل روحي وياهن ماادري بروحي سارحه وافكر بكلامهه والصدفه خلته تنسه جهازهه

لحد مدغتني سارة

وين صافنه

-هااا ماصافنه بس راسي يوجعني

علا - بعدج تفكرين بلصار

اني -لا يمعودة شنو الصار عادي كتلجن راسي يوجعني

سارة-  شنو الصار

اني -مصار شي جنه نحجي بغرفة حسن ودخل علينه

سارة-وانتي ملكيتي غير غرفة حسن اسولفن بيهه

علا-لا ولج جنت منومه الفصعونه مالتي واني متحمله ع اختج مااكدر اسولف وهاي تفز وشينومه اخذته لغرفتة حسن وبعدنه بنص السالفه وهوه صعد وهاي اختج جن اجنونه وكامت ترجف

اني -اوووو سدن الموضوع ماعدجن سالفه راح تستلمني

علا -اي ليش غير انريد انعلمج وبنفس الوقت نفتهم وضعج

اني-علا اسدين الموضوع لو انزل

سكتن من شافني عصبيه ضلينه نسولف ع مشاكل علا ورسول سارة تتحاور وياهه اني مستمعه عقلي مو يمهن انتبهن عليه عبالهن لان شفت حسن ميعرف صار اخر همي

يسولفن وكالن نباء ويانه شبيج تصفنين

جوابي راسي يوجعني علا انطتني بندول

خابرني قتيبه كال يله حضري روحج

حضرة نفسي لحن ضلي حاجي لو تاخبرين شمس يقنعه  مقبلت حسيتهن مستغربات من وضعي 

رجعت بعد مسلمت امي كدام عماتي كالت قنعي زلمتج تجين يمنه تباتين مشتاقيلج بيبيتج تعتب عليج كتله الله كريم

طلعت شفت شمس ركضة حضنته وهوه هم حضني وسالني اخباري شمحتاجه كتله سلامتك

نائل راجع لان ناسي علاجه

بيبي بيت خالي حيدر   

حسن واكف بعيد يباوع علينه

عمي اسماعيل سلم عليه رديت عليه بروح كلي شونج عمي كتله زينه وعفته وطلعت

رجعنه بس اني شتلكوني عبارة عن بارود اريد ابرد نزلنه هوه راح كال الولد خابرني ع سيارته

طبيت لكيت نهله بلمطبخ عيونه ناطه من البجي حتى مسألته سلمت ودخلت كبل الغرفتي

ذبيت ملابسي  لبس دشداشة بيت

فكري وتفكيري  بيه شلون  وشلون وشكوت وشنو الضامي وليش يهدده من نبرة كلامهه

مشغول بالي لحد فزيت ع صوة خالو طلعت سلمت عليهم

كال شنو ميته صارلنه شكد نصيح

-اعذروني مااسمعت

عمتي كالت يمه شبيج وجهج اصفر مو على بعضج اهلج بيهم شي

-لا عمى مابيه شي بس تعرفين عزيمه وهوه ونضفنه من التعب صار وجهي اصفر

اذا هيج وحي يمه ارتاحي

-ان شاءالله  مرخصتكم اروح انام

عفتح ودخلت صدك محتاجه انام  عمضت عيوني كلهن اجن ابالي

حاولت اراجع تصرفات قتيبه ماكو شي يخليني اشك هوه حتى علاقات ماعنده مو منوع يستهوي البنات

اتكلب اجيبه منا اوديه منا ماحصلت نتيجه كمت دورة بغراضه ماكو شي  ماعدة الصندوق المقفول   وهذا خبلني دورة ع مفاتيحه مموجودات

عفته مالبيه حيل التفكير تعبني دورة بخاناتي اي شي يوصلني لنتيجه

تعبت وكعدة خابرة سارة كتله اريد رقم رحاب منطيته مجال تاخذ وتنطي لان صدك تعبانه وراسي يفتر

شويه وصلني رقمه حفظته بلجهاز

حطيت راسي ع المخدة حاولت انام ماكو يمكن مرة ساعتين ونص واني ع نفس الحاله شغلت قرأن يم راسي هم ماكدرة

سمعته اجه غمضت عيوني ثلث ساعه وطب بدل بس الطكطكه دل ع وجوده  حط راسه ونام انتضرته يغط بلنوم

ساعه وكمت صحت بصوت ناصي قتيبه قتيبه محس تأكدة نايم  اخذة تلفونه حاولت افتحه مغير الرمز

اجيت اكسرة براسه رجعته وطلعت شفته الساعه ب ١١ الاضويه طافيه الكل نايم

طلعت للحديقه كعدة ع المرجوحه

افكر مرة الايام واني ماخذني التفكيير  عمتي لاحضتني تسألني اكله مابيه شي سالت ع اهلي عداله بيهم شي حتى خابرتهم اطمأنت مبيهم شي

وضعي ويه قتيبه صامت اقوم بوجه ومسايرته مااريد اطلع خاليه اليدين اريد احصل نتيجه

حاولت اعرف الرمز مكدرة ولا كدرة افتح الصندوك ولاكدرة اكسر القفل لان هوه رمز مثل الخزنه بس صغير وبيه مفتاح بس اكسرهه تبين

خالو ونهله بس مشاكل هي متكعد يوميه ذابتله حجايه تخلي يفور من يشوفه كاعدة يم عمتي

يهرج الدنيا مو فرغتلج الفوك مو كلت متعتبين هناا وتعلك بيناتهم وتنتهي هوه يطلع من البيت وهي تصعد فوك

الاحضته بيه رعنه ومتنزل تساعدني ابد تنزل ع كد الاكل لو  تكعد اسولف ويه عمتي

وعمتي فقرة تستحي تطرده واني مالي شغل بيه

لحد مرة فزينه ع اصواتهم طلعنه قتيبه كال فوك

رجعنه للغرفه وعمتي ضلت كاعده

وره سبوع عرفته من عمتي خالو مسولفله

راجع بليل موديتله مسج كايلته الحكني جاي انزف

صاعد فوك لاكيه كلشي مبيه كاعد تتوددله ومطالبته بحقهه وهوه جانه جنونه

مااداخل حتى مااشتكي منه لان متنظف وكله عليه سلوتي والحيدة التنضيف اذب حركت كلبي بي

راح اجن من التفكير يربي والله موتي ع ايدهم

شون صابرة ومواجهته شون صابرة وماكتلت راحب شلون اليخليني ساكته  مااعرف

علا خابرتني تطمأن عليه واغلب حجيه ع قتيبه

علا- نباء والله اني مااريد اخرب بيتج داانصحج خليج قوية حاولي متخلي يسيطر عليج سيطره تام صح الرجال له كلمته بس هوه مستعبدج

اني -هه علا هواي امو ممطلعه عليهه لهذا انتي ماخذه الامور من جانب واحد عبالج طاعتي القتيبه استعباد لا غلطان اني مهديه العب

علا- نباء دتخوفيني شبيج  شصاير وياج

اني- مصاير شي

علا- ليش متنسين رب العباد خله النسيان نعمه ليش ذاك اليوم نهزمتي من حسن ع الاقل واجهتي  خل الصار درس

اني-  علا اني ممهزومه منه لان مشاعر الحب البداخلي راحت دفنتهه بس مااعرف من اشوفه كل الصور تجي كبالي يوم الضربي لحد مااغمى عل

يه اتوسل بي يصدكني ميصدك كنت متأمله هوه الشخص الوحيد الأثق بي ويق بيه مفديوم نضرة الغيره كنت مستعدة احارب لحد اخر نفس بيه شنو السواا خذلني بعد منطاني أمل اسبوعين انتضر منه خبر ينقذني كمت وكفت وكانو الحقد والكره والانتقام اجدد بداخلي كنت متصورة نسيت طلعت غلطانه اعديه الأمي لو لبوج لو خوانج لا وروح بابا اذا مااخليهم يكولون هاي انسانه مستبدة اذا مااخلي امي تتمنه كلمت يمه مني  ايام دموعي منشفت متحمله قتيبه ومزاجيته في سبيل ماانذل يم امي نزلان ادموعلي علا بربج اكو وحده تحس بلذله بيت اهله البنات كلهن يشردن من بيت عيالهن لهلهن في سبيل يرتاحن اني متحمله كتل قتيبه وغلطه عليه ليش هاا ليش لتحاجيني ع النسيان كل ضربه من قتيبه اذكر امي اذكر حسن

علا-نباء عيوني هسه انتي معصبه ودمج فاير لا تستعجلين الفات مات وامج شماا اسوي تبقه امج ورضى الله من رضه الوالدين
لتخلين الانتقام يعمي عيونج هلأنتي مزوجه ومستقرة وعيالج خوش ناس وان شاءالله يكون عندج طفل يملي عليج الدنيا انسي وفكري بس بنفسج ابدي حياة جديده 

اني -لاغلطانه علا   وعبالج مااعرف وره هلسالفه منو صبرج عليه شويه شويه

اخذت نفس عميق واني بداخلي انتفح باب جديد ضنيته انسد

علا - لاتخوفيني شنو صبرج عليه شناويه اسوي سالفه انطمرة صارله ٧ اشهر  نباء لاتعمين ع روحج ليش مجاي تفتهمين

قاطعته ليش انسه والخذو حقي عايشين الضلمونين متهنين

علا- شبيج نباء دتخوفيني عليج  ياحق التحجين عنه انتي ضامه عليه شي سولفيلي  لاضيم بكلبج حتموتين

اني -لا مضامه شي علا حبيبتي اترخص وراي اغسل هدوم قتيبه واحضر العشه

علا-مااشي على راحتج شكوت مشوفين نفسج مستعدة تحجيلي لاتترددين

اني- لا حبيبيتي لاشغلين بالج مابيه شي لا يضل بالج

سديته منه وادري بيه ممقتنعه بحجي وحضل بين فتره وفترة تخابره تريد تعرف شنو المغيرني

الجو برد كلش نزلنه القطع بمساعدة قتيبه ونهلة عمتي كلتله ساعديه بفرش البيت غسلنه البيت كله فرشنه ورجعت وراهه بلمكنسه الكهربائيه

احنه بشهر محرم اله ايام من دخلنه بلشهر محضرين نفسنه خالو يذبح ويوزع بلعشرة الثانيه

التهيت بين البيت وبينه وضعي اصبر واعلك شموع  الأهل البيت اطلب منهم الصبر ويبينلي الحقيقه شكد كابرة ع نفسي وسايرته شكد حاولت ابين الامور طبيعيه

من ادير وجهي واني راسي ع المخدة بعد ماانطي حقه اكرة روحي مستغلني دموعي تجري واردد اللهم اجعلنه من كاظمي الغيض لحد ماانام

خالو عده موكب ع طريق الزوار كالو حضرو نفسكم نروح هم حضرة نفسي الي والقتيبه اخذ اجازه من صاحب المعمل ٥ ايام  خالتي حضرتله جنطه والحمودي هم طبعاً امه من تنزل اشوفه تبوسه وتلعبه غير شي ماله ايد بي

شكد بجت وحجت اول ماأجت ثبتت كلام عمتي من كالت همه الحال والمال دالشوفه تحاول بشتا الطرق تجر خالو اله  بس هوه مطنش الوضع 

حمودي بيني وبين عمتي هي هم اجت ويانه 

اجه وقت نتهياء للأنطلاق هناك واشوف اجواء المشي منظر المشايه كلبي اخذوو وياهم عيوني تجري داخلي يكلي نزلي امشي وياهم كلبي يرفف عليهم اباوع وابجي عمتي تصلي ع محمد وتدعيلهم بلسلامه قصائد الحسينيه بكل مكان

المواكب ع اهب الستعداد كله واكفه ع رجليه تخدم بيهم بجيت من كل كلبي كل دمعه مني تنزل احس روحي اخف
شي وينسحب مني صرة اردد ياحسين يامضلوم

........يتبع 

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

السادس والعشرون

يلخيبر صرت وتحصنت بلسور
لا تعله عليه اقلعهن اسوارك
اشو للغير كلبك يفتحلهم باب
وسديته علي بضلعي بسمارك
العناكب عشكتك مو حبا يصيدوك
غشيم وكيفت ومصدك انصارك
جرف من ينجرح بروجه يرجع شاب
وتجرحني وكوما ومسح اثارك

روحي مويمي والهوه ينكطع مني ادور وارجع النقطه وحده احاول اتمسك فد أمل اسابيع ادرس تصرفاته كل خطوه يخطيهه هملت نفسي شغلي الشاغل هوه افتر ورا عيوني متفاركه انتبهلي اكثر من مرة كال شبيج مضايقه اكو شي ليش حزينه وين نبا الوكحه جوابي السكوت ومالي خلك

خالو كال وصلنه انتبهت المكان عباره عن حسينيه كبيرة نزلنه واني اتفحص المكان اليكدام ساحه وقريب الشارع خالين كراسي

مشينه خالو كال عوفو جنطكم واحد من الولد يوصلهه الكم

كانت الحسينيه عبارة عن قاعتين مساحتهم واسعه كل واحد بابه من طرف يعني مدخل الزلم وحد عن النساء

كانو منتضرينه نسوان ثنين كبار واكو صغار واكو كم بنيه شابه مبينه عمتي ونهله يعرفنهن الجبيرة اسمه ام تحسين والثانيه ام باقر

المرة الكبيره كالت ارتاحو هسه نجيبيلكم ماي القاعه مفروشه
كعدته اجن النسوان كعدن ويه عمه سوالف عرفني زوجت ابنهه عمه سألتهم على المشايه كالتلهه قليل يجون بعدة الزيارة بدايته كم يوم وتكثر

مرة اليوم عادي مكدرة اخالط سألت عمتي العرفته هاي الحسينيه الخالو صارله ٤ سنوات من بناهه وهذوله الناس شراكه ع المؤنه (الاكل ) مسوين صندوك على طول السنه يجمعون اليكدرون عليه وكذالك تعاونو على غراض الحسينيه

ثاني يوم كعدونه من ٣ الصبح كالو المشاية وصلو للمنطقه منا وغاد يبلش الطبخ والخدمة

بلشنة ترتيب ونسوي ريوك صدك يومين والاعداد ازيد اجو اكثر من عائله للخدمه مقسمين الشغل

يطلع النهار ويجي اليل احنه على خدمة وحدة تعرفت على بت ام باقر اسمه هاجر مخطوبة وكحة بس تموت ضحك شكد تحشش

امه دائماً ترزل بيه تسكت شويه وترجع على وضعهه صار على وجودنه خمس ايام

نهلة ضاربه ركن ولكت خوش صاحبه وبس سوالف

الخدمة اجتني رحمه رغم التعب شغل من الصبح لليل نسيت همي نسيت التفكير بيهم الفوضه الكنت بيه اختفت كان شاغل تفكير شوكت يجي اليل واحط راسي وانام اريح جسمي من التعب والارهاق

احله فقرة انو كل يوميه وره صلاة العشه وبعد منعشي المشايه ام تحسين على كعدتنه تقره قصائد صوته حلو رغم كبر سنهه وصادف بليلته وحده من الزايرات جايبه شموع موهواي وكنت من ضمن الي الله قسمله شمعه

كالت كل وحده عده حاجه وكلنه عدنه حوائج اليوم نكعد نشعل هلشموع ونقرة زيارة الأمام وننخاا بخته زينب ببنيته رقيه بأم الزهره حاشا الامام يردنا خايبين ميردنا لا وحق ضلع أمه المجلس ضج بلبكاء منضر يقشعر البدن اله عيوني وحدهن تجري الأجواء حسينيه حزينه اليوم من رب العباد هيء هلمجلس كل مرة نص المجلس ونتوقف الزايرات ينامن من التعب اليوم عكس الكل كاعد ويبجي طفينه الأضويه وشعلنه الشمعه
ام تحسين بدة تقرة زيارة عاشوراء بصوته يااربي دخيلك احس اريد ابجي محتاجه لهذا اليوم

تقرة واني ابجي واحجي ربي اريد راحه مااريد غير شي الحسين مضلوم واني مضلومه اريد حقي دليني لا تخليني تايهه واهبد مالي سند غيرك دومي متوكله عليك ماريد حوبتي تعبر وتتعداهم بس بين مضلوميتي اقسم عليك بعزيزك الحسين بدمعة رقية احجي وابجي ختمنه المجلس

ثاني يوم نفس الروتين خدمه

كان بصف كل قاعه مطبخ وبي ملحق للمواد الغذائية مواعين الطبخ
خالين بردة وسندويش حاجر النه مسويه مثل الساحه
كاعد اغسل بلجداري وهاجر وكاعد تغسل بلجدر الثاني وملتهين اجت طفلة كالت منو نبأ بيكم التفتله

هاا اني نبأ

كالت اكو ولد واكف وره البرده يريدج

كتله مااعرفتي اسمه هزت راسه لا

هاجر كالت اخاف على وحده من الزايرات تأكدي

طلعت واخذته وياي وكفت وره البردة كتله كليله شسمك

رجعت كالت اسمه قتيبه

مديت راسي كال هاا گواچ الله

-الله يگويك

ليش جهازج مغلق سارة ثولتني عليج

-جهازي مخلص شحن

دخابريه يمعودة اني طامس الراسي كفرتني شكد تلح ديحجي ويااي ودك تلفونه

هاااج شفتي وهي مصارله عشر دقايق من خابرت حاجيه واني بعدين اودي واحد من الجهال يجيبه

اخذته منه وحاجيت سارة
-لج شكو حاركه الخط ع قتيبه اجاني يكمز

ماكو شي مشتاقتلج

-سارة صدك يمعودة وكعتي كلبي كلت امي بيهه شي

لا مابيه شي بس احتمال نجيكم كم يوم اني وام أدم وامي

- هلا بيكم

اي شلونه الخدمة يمكم اكيد تعب

-سارة مووكتج غاطه بلشغل من افرغ اكلمج

موصوجج عود اني بالي يمج وكلبي مشغول بيج متت يله قنعت امي نجي يمكم وحضرتج متكدرين تحجين كلمتي

-يااا يااا ولج شبيج غير تقدرين وضعي من تجين اشوفين بعينج تنطيني الحق

مع ذالك زعلت

-فديتو للزعلان من تجين اراضيج يله حبيبتي اني اروح

اوك يله مع السلامه

ختمته مشيت خطوتين وبيدجهاز قتيبه اجيت اقفله

لالالالا مشيت ع السريع كعدة وره الحسينيه كانت مقابيلي صحيات نسائيه

حاولت ادورلي مكان معزول حتى وره الصحيات اكو نسوان وهوسه يربي وين اروح لكيتلي زاويه قريبه من قاعة الزلم بس مسدوده ميكدرون يفوتون

طول مااني افتر على مكان اتفقد التلفون مااريده ينقفل كعدة دورة برامج التواصل مابيهن شي اكثرهن كروبات جماعته دخلت الكل برنامج وكل شخص متواصل وياا

ماكوو شي يربي الدمعه بطرف عيني متأكده بي شي يوصلني للسر البيناتهم دخلت الرسائل ماكو

اثناء ماادور بلبرامج لفت انتباهي برنامج رسمته مثل رسمه برنامج الاتصال اسمه Call Recorder (مسجل الاتصالات)

دخلت لكيته تواريخ ومسجل صوت راجعت كل التسجيلات جماعته من اسمعه صوت ولد اروح على غيره مااتعمق

لحد موصلت اله سمعت صوته كانت صاعقه ونزلت عليه لا ياالاهي موهلدرجه تاكدة اكثر من مرة نفس الصوت الفتهمته من كلامهم تهديد ادكله اذا فديوم حاولت تكشفي انت الخسران مو بس اني وهوه يرجع يغلط ويفشر عليه

انسطرة واحد وضربني ع راسي شسوي كل شعور والوجع رجعلي هاي الايام كانت محطة استراحه شلون وشسوي صافنه افكر اريد احول المكالمات الي حاولت بلبرنامج مابي نقل التسجيل لغير جهاز اجن نسوان ستوهن توضن ورادن

مكان يلبسن جواريبهن باوعت عليهن حسيت من نضرتهن نظرة اتهام عرفت قصدهن اني البيه مكفيني وكتچن طلعت قصيده ونصيتله لبين ماافكر بحل ماريده ينغلق خليت ايديه على راسي وجسمي يرجف الكتشفته ميخليني افكر عدل غمضت عيوني كمت اردد بداخلي اغيثيني يامولاتي ماكو

ياالاهي مااكدر افكر صح عقلي طار كمت افتر واحجي ويه نفسي احاجي عمتي لا قابل شسوي ادافعله ماكو غير خالو اي والله رحت وصلت للباب رجعت لا خالو عصبي يخرب الاول والتالي ومااحصل شي لحده مخطر على بالي تلفوني اي والله طفرة طلعت تلفون

وركض على هاجر كتله عوفي البيدج ولحكيني

كالت شكو تعاي بعدين وين شردتي وعفتي كوم الجدوره عليه

-كتله هاجر ابوس ايدج مو وكته تعالي محتاجتج ضروري

من شافت وضعي مخربط عافت البيده وراي تمشي وتحجي فهميني شبيج

-وكفت كتله باعي مااريد شي مجرد ادخل للصحيات الداخليه الخاصه بيه اوكفيلي على الباب لتخين احد يدخل

وهااا اي احد يجي ودي على صحيات الزوار مااشي

كالت ولج فهميني شبيج طاكچ نزيف

- شوف هااي يربي مااكدر اسولفلج مجرد اريد جو بي هدوء

كالت ماشي امشي وبعدين افتهم منج شبيج جايني مثل المسودنه

دخلنه همزين الصحيات فارغات

وقفت القصيده من جهاز قتيبه طلعت جهازي همزين بي شحن عشرين شغلت تسجيل صوت لان كل جهاز بي مسجل صوت سجلت حجيهم بجهازي اخذ مني وقت بحدود الساعه ونص و مكالماتهم صح موطويله يمكن ٤ مكالمات اطول مكالمه ثلث ساعه

الاخذ من وقتي هواي بحث عن مكالماتهم وهاي كل شويه وصاحت هااااا كملتي

مكدرة لان قطع عليه اتصال واحد من اصدقائه واجتني رساله من رقم كاتب اني قتيبه ودي جهازي بيد اي واحد يمج ومسحي هذا الر قم من جهازج

اضطريت اطلع الحصلته هم موشويه بس بعد وبعد هواي اشياء غامضه عندي

شعرف قتيبه على رحاب شنو البينهم

التسجيلات الضامهن قتيبه يهدد رحاب شنو مضمونهن

هاي يمي على شويه تهلهل

رجعت الحالتي اذب روحي بلشغل لحد مصار اليل كعدة على صفحه مجرد ماخالتي ام حسن بدة تقرة دموعي نزلن النسوان تلطم واني ابجي شافنتي هاجر اجت كعدة بصفي

نمت واني عيوني تجري حلمت نفسي بيت اهلي كاعدة بغرفتي وعلى جربايتي ونفسي ماكنت بنيه كتبي وكان عندي امتحان وكاعدة اقرة شي وحجه بعقلي كلي حتجي خالت امج اسمه زهرة طلعت لاكنتي عمتي ام رسول فرحانة ولازمه

بيده بدلة كتله المن كالت الرحاب وجايبته اشوفيهه كلبي انقبظ بيتنه هوسه جهال هواي الكل موجود مثل يوم الثواب

عفته وطلعت بعدين شفت روحي بلصالة وخالت امي زهرة جاية وكاعدة بنصنه اسولف وجايبه وياهه لكل واحد بينه شغله السارة تلفون اباوع سارة مكيفه بي وطايرة من الفرح
كتله بيبي واني كالت هاج هذا الثوب الج

كمت اخذته شفته ثوب لونه حبري طوخ كلش لونه من كد ماغامق مائل للسواد كان بي ردانات طويل يعبر طولي وعريض من تحت الخصر ماقبلت بي حبيت تصميمه من فوك فقط كتله بيبي لو عرضه نفس الصدر يمكن احله مااريده

كامت اخذته مني كانت اكو سحابه من تحت الخص فتحته طلع غير شكل ضيق ومقسم

كيفت كتلهه الله يخبل اريده كالت هوه الج بس ميصير تلبسي بدون وصله فوك الخصر رجعت ضجت باوعت وكالت لبسي بيبي لاضوجين اخذته وشمرته على الجربايه مااريدة وبتفكيري اضمه بلكنتور لحد مااشفت بيتنه اجته عاصفه دخلت للبيت متروسه كواغت وتراب وجياس

فزيت على عمتي تكعدني اكوم اعون ام باقر بلريوك شفت الزوار قسم كاعد يصلي قسم طالع قبل الأذان

كوه سحلت هاجر من الفراش رحت صليت وبده الشغل ريوك وراهه تعزيل لملم الفراش جناين ام باقر وام تحسين ممقصرات خطيه وحده حامل وحده عده ثنين جهال

صارة ب٩ تقريبن ماكو شي كعدة ارتاح

مااعرف شعجب نهلة راحت تطبخ وياهن

حتى عمتي مراة اساعدهن حمودي عمتي ونهلة متكفلاته

كنا كاعدي ناكل شوربه اني وهاجر اذكرة التسجيل كتله ه

اجر حسمعج شي

كالت نبأ استري عليه اذا سمعيني ساجده عبيدة وداعت عيون سلومي خطيبه اكوم اركص واخذلي خصر اوصل لباب القاعه

سمعته متت ضحك كتله لا ولج وكت ساجده بس اسمعي

وكليلي صوتمن سمعته شويه من صوت رحاب

كالت ليش مسجله صوتج وشنوهذا التحجي

-خوش راح دك عليج من رقم عمتي وجاوبني بس اطلعي بعيد يعني مسافه عني

نبأ اشايفتي مسودنه ومطلعه طي...... واركض بلشارع فهميني ولاضحكين

-هههههه وين لكيتيه ههههههههههه شكد ادبسزز انتي

غير تحجي وتفضني شكو شبيج ليش تردين تخابريني واجاوبج شنو عندج عداوه ويه عمتج تخلصين رصيده

-يبووو فتحت حلكه شيسده دسوي وبعدين افهج

لا فهميني واسوي

-والله بس سوي الأكلج عليه وراهه افهمج التردي

لاعيني محزرتي اسوي التردي وراهه تكليلي هيج اضحك عليج وراج موال واريد اعرف موالج

-هاااجر شبيج حلفتلج باالله اكلج وحتعرفين

باوعت عليه بنظرة عود ممصدكتج

مااشي راح اجاوبج بس اذا ضحكتي عليه لو حاولتي تقشمريني تعرفين بيه لساني متبري مني

-ماشي ماشي بس روحي هاا بعيد وره القاعه

خابرته كتله صوتي نفسه السمعتي بلتسجيل

كالت اي نفسه

-تأكدي من خلال مااحجي او فد اختلاف لو شي بسيط

نبأ راح اجي اكفخج شبيج بابا مسوي هلسالفه علمود تقيسين الاختلاف بين صوتج بلتلفون وصوتج بلتسجيل عاقله انتي

-هاااجر كتلج سوي الاكلج عليه

مااكو اختلاف يمكن شويه هسه انعم مامتأكده

-خوش سدي هسه

نسيت موضوع قبل مااودي جهاز قتيبه نقلت البرنامج الجهازي وهسه الجهاز عمتي لان رصيد مخلصه وهناا ماكو محلات تبيع هلاشياء

كعدنه اني وياهه نقارن بين الاصوات وصدك صوتي انعم بنسبه قليله كلش

كلت الهاجر هاي بت عمتي جنت شاكه بيه عده علاقه ويه زوجي وبلصدفه اكتشفت تشابه الاصوات

حسيته ممقتنعه عفت الموضوع المهم حصلت راس الخيط وراي هواي امور استكشفهه

بعد شمضموملي من مفاجئات القدر وين يتلفني
.......يتبع

مرحبا يجميلات..♥️

راح☺️ نحجي عن البشره الدهنيه؛
اكثر ناس يواجهن مشاكل بشرتهم هم اصحاب البشره الدهنيه،
حبوب، رؤس سوداء، مسام مفتوح، والناتج من ذني كلهن بشره مو حلوه بشرتج راح تجذب الشوائب الي بالجوه وبالتالي منضر مو مريح. 😢

حلها صعب، بس احنه نگدر بكم طريقه بسيطه نسيطر على كميه الزيوت الي بالبشره.
العالم تطور ،الطب تطور، ومسحضرات التجمل هم تطورت، صار اكو كلشي خاص للبشره الدهنيه من غسولات ومرطبات كريمات وكل شي ؛فـ دائماً من تشترين اشتري شي يناسب بشرتج🙂 اذا كانت دهنيه او جافه او مختلطه.
بس تذكري دائماً لا تقسين على بشرتج لاتستخدمين منتجات تخليها جافه كلش لان راح تدخلين بمشاكل اكبر.👍

اكثر شي سيطرلي على كميه دهون الوجهه هو (الشاي الاخضر)فد شي فعال وجداً لطيف للبشره مراح ينشفها كلش فوائد الشاي الاخضر لاتعد ولا تحصى واكيد بالمستقبل راح نستخدمه بهواي ماسكات ونحجي عنه اكثر.

يوميه شربي كلاص منه، مو بس وجهج كل الجسم راح ينشف وراح تتخلصين من كل دهون الجسم الزائده.😇

اذا ماتحبين تشربينه سوي ماسكات او تونر وضيفي علي شاي اخضر☘

#اعادة_توجيـهہ_للفائده
#ملوكه

★المقشر..🌚

بنات كلنه تقريباً صرنه نعرف المقشر واهميته بـ روتين العنايه بالبشره؛😇
شعور الانتعاش والنعومه الي نحسه بعد التقشير احساس جميل وكل بنت تحلم تضل بشرتها
بهاي النعومه دوم 💛

راح اعلمكم المقشر الي معتمده علي، واحلى شي بهذا المقشر نكدر نخزنه ونستخدمه شوكت مانريد لان اعرف اغلبه عنده دراسه وشغل☹️ ومانلحك نسوي (وطبعاً هذا مو عذر حتى مانهتم بنفسنه) المهم خلي اكلكم المكونات:

الشكر (شي اساسي بكل المقشرات هو الي يساعدنه بأزاله الجلد الميت)
ليمون (فوائد اللميون للبشره عجيبه وكثيره نعومه، وتطهير للبشره وهواي اشياء بعد..واللي بشرتها حساسة لاتستعمله)
قهوه (من الطف الاشياء للبشره هي القهوه، وهنا تساعدنه نتخلص من الأثار والتصبغات)
زيت شجره الشاي (مو ضروري،بس الي عدها حبوب تكدر تضيف قطرتين بس)

★او مرات اني اقشر 😍بزيت زيتون وشكر
وتقشير لو مرة لو مرتين بالأسبوع
وتكدرون همين تقشرون جسمكم


#اعادة_توجيـهہ_للفائده
#ملوكه

بنوتات بالنسبة🌚 للبشرة الجافة..ضرورررري باليوم ترطبين بشرة اقل شي 3مرات👍

مرة الصبح.ومرة العصر ومرة بليل قبل نوم
وحته اللي بشرتها دهنية لو مختلطه..كون باليوم مرة .مرتين هم ترطبين البشرة
البشرة اذا ماتترطب..رح تتكشر لو تصير ملمسها خشن..وخاصة يم فم رح..تلاحظين سواد بهالمنطقة والسبب..مامرطبه☹️

فأي مرطب..تشوفينه مناسب الج..استعملي
واللي متعرف بالمرطبات..فهالمجموعه كلش زينه👇🏻 وتناسب كل بشرات ..مثل سيرافي لو بيباثين لونتروجينا لو رويال لو جونسون

#ملوكه

وبالنسبة للكلف فاستعملي عيوني.. ليمون☺️..حطي بس عل مناطق اللي بيها كلف..فد ربع ساعه وغسلي✨.وبعدها رطبي

واذا بشرتج كامت تحركج وصارت احمرار..☹️فيعني تتحسسين من الليمون..فابتعدي عنه

واستعملي بداله لو ماي بصل لو جل صبار الطبيعي


وسوي ماسك بياض البيض..بالاسبوع لو مرة لو مرتين استعملي
اني هالماسك ابد مااعوفه..بالاسبوع مرة دايما اسوي..يصفي البشرة ويشدها ويبيضها همين😍

#ملوكه

ماسك بياض البيض🤓👆🏻 وطريقته بالتفصيل

ولاتنسن بنات..اي ماسك تخلين...بعد ربع ساعه لازززم ترطبين بشرتج👍

#ملوكه

بنوتات بالنسبة لعلاج🙂 قشرة الرأس

وحده من بنوتات القناة..مجربه ومستمرة عليه..فشافت فرق😍
فاللي تريد تزيل القشرة..عندج ليمون تدلكي عل فروة راس..فد نص ساعه لو 3ارباع الساعه..وغسلي ..بشامبو مخصص للقشرة

واللي تريد تستعمل خل التفاح..كون تنتبهون.لازم👍 .يتخفف بكلاص ماي..لان خل التفاح كلش ثكيل ومركز .فكون تخفيفنه..وتخلي عل فروة راس

فشعر عن شعر يختلف..اكو بنات فادهن خل التفاح وقشرة كلها راحت..واكو سببلهن تساقط☹️ من اول استخدام...فانتي حسب شعرج..اذا شفتي فادج وماتساقط شعرج...فاستعملي بالاسبوع مرتين
واذا شفتي شعرج تساقط .فعوفي وضلي عل عصير ليمون 👍

#ملوكه

#ليلة_القدر ليلة مباركة، قال تعالى: {إنا أنزلناه في ليلة مباركة}.
يكتب الله تعالى فيها الآجال والأرزاق خلال العام، قال تعالى: {فيها يفرق كل أمر حكيم}.
#فزت_ورب_الكعبة
#شهر_الطاعة_والتكافل

وا غربتنا بعدك يا أمير المؤمنين، عظم الله لكم الأجر بهذا المصاب الجلل.

#شهر_الطاعة_والتكافل
#فزت_ورب_الكعبة