تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

رابع والعشرون

الحياة بكل ما فيها تقف دائمًا على حد الوسطية بين اتزان

المعنى وضده من حب وكره وحق وباطل وعدل وظلم. لايفوز

بمعارك الحياة الأقوى أو الأسرع ولكن إن عاجلاً أو آجلاً الذي

يفوز هو من يعتقد أنه يستطيع. ما أعجب الأشياء التي نفكر

فيها في تلك المساحة بين الحياة والموت. دونه لا حياة له هو

أعترف لي بذلك لا حياة له لأنه لا يملكه ليتني أستطيع

الحصول عليه لأهديه له. الأمل في داخلي لا زال ينبض

بالحياة.

مر ١٤ يوم وخالو يوميه يكول باجر عكبه اجيبه لحد مكاعده اغسل بلطرمه انفتح الباب واشوف خالو طب ويااا جنطه كبيره ماا سفر وطبت وراه مرة

كمت عدلت روحي نزلت الدشداشه بعد ماكنت خالته بلداخلي

وشمرة الصونده على الحديقه تقدمت استقبل خالو

كتله هلو خالو

رد هلا خالي تعداني ودخل للبيت بعد ماا ركن الجنطه على الحايط

اتقدمت مرته ومبين على ملامحهه الغرابه اول مره شوفني

كالت السلام عليكم

-وعليكم السلام تفضلي تفضلي

وصلت يمه بوستني ودخلت

دخلت وراهم حضرة الماي وبالي الكاهه بغرفت عمتي داادخل شفته بلهول قدمت الكلاص اخذته وهي تتفحص شكلي

شربت ونطتني الكلاص كالت انتي زوجت قتيبه تحجي وتبتسم

كتله اي اني زوجت قتيبه

سوت امممم والله وتعرف تختار

عفت الدوركه والكلاص على الطبله كتله مرخصتج شويه وراجعه

كالت اخذي راحتج حبيبه

دخلت للمطبخ حضرة عصير وقدمته كعدة يمهه

كالت شوكت ازوجتو

-حيصير ٥ اشهر

هاا بعدكم عرسان

-اي

شفت خالو نزل صاح نبأ خالي حضري الغدة بين مااصلي

طفرة كتله اي بس احمي شفته عافهه وكأنو ماموجوده اتوجه جوه الدرج جانت اكو مسافه وسط خالين بيه مغسله كامله هي ومرايته وبيه مجراة

عمتي قبل لايجون شفته اتوضت لهذا مطلعت وعلى الاغلب سمعت صوته ومااجت تسلم

انفتح باب الشارع شرف قتيبه وبيده علاليك كال هاا الله يساعدج باسني من خدي كتله اكو قنبله

كنت منطيه ضهري لميز الطعام ومنتجيه عليه كال وهي

تقرب   وهوه حاصرني بين ايديه ومنتجي على الميز بأيديه وجه قريب على وجهي

كال اي ياحلوه شنو هلقنبله المحضرته

بله ليش تتبله اني كتلك محضره قنبله

كال هال لعد شكو يحجي بهمس وجهه بوجهي

كتله بصوت ناصي يادوب ينسمع مرة خالك اجت وهسه هي بلهول

فتح عيون متفاجىء بربج شوكت

كتله قبل نص ساعه

وخر وصار بصفي جتف ايديه ضحك كال اخذيلج اسبوع البيت هدوء وراهه حسمعين يوميه انفجار فوك

كتله عليك الله اكول عليمن طالع

باوعلي وهوه عاقد حواجبه ياهووه

اتلعثمت بس اكله انت انكفخ كتله اقصد العصبيه وارثه من خالك

كفخني على كيف نجبي هوه ثلثين الشعب العراقي اعصابهم معطبه خل اروح اسلم عليه

طب سمعته كال ياااهلاً وسهلاً بم حمودي نورتينه
حجه بصوت اقرب للصياح كانو شايفله واحد صارله سنين مشايفه وهذا الواحد قريب على كلبه

خلاني اصفن بلمطبخ خرب يومك قتيبه شوف شون حيكوم يغث خاله مناسي ابن الذينه
شلون لكاله سالفه تعبانه

كمت احضر بلسفره فرشت بلهول قتيبه ومرة خاله يسولفون

وهذا منطلق ضحكه واصل لسابع جار وهي همات كلت على ساعه يطلع خالو يبتلي بي

كملت كلشي طبيت اصيحهم شفت خالو منتجي على المخده نص نومه ويكلب بلتلفزيون خالتي ع الجربايه كتله خالو يله حضرة الغده

التفتلي اي خالي وينه

-بلهول

بويه ماسمعتيني من كتلج صبينله بصينيه وجيبي على الغرفه

-لا والله خالو مسمعتك

مثوله انتي وزوجج واحد اضرب من الثاني

من سمعته هيج حجه صرة بنص هدومي حيل استهضمت ع شويه ابجي

عمتي كالت قااادر لا تفرغ غضبك بلمكروده

روحي يمه عزلينه بلصينيه وانتي وقتيبه اكلو وياهه

فوك الهضيمه اچمله فشله ضاله بحيرة شلون حعزل الاكل كدام المرة

مديت راسي قتيبه تعال شويه

اجه كال وينهم يمعوده الاكل برد

-اسكت وخليه خالو على أعصابه كاعد كال جيبيلي بصينيه وحد

بربه هذا من كل عقله

-كلي هسه شسوي والله حايره

كال روحي عزلي اكلهم

رحت شايله الصينيه والفشله بدمي وهي هم شفته تباوع مستغربه ليش شلة بعض الاكل بلصينيه دخلته الهم

كعدنه اني وقتيبه وهي مبين عليه ضايجه كوه اكلتلي لكمتين

بس قتيبه كضاهه شقه وضحك غير المود عكس كل يوميه من خاله موجوده ميحجي خالو ميقبل يكول تقللون من احترام النعمه

كضيته شلون ماكان لحد مكمت حطيت القوري على النار طلع خالو شايل حمودي يغسل ويغسله شفته تباوع عليه بس ماكامت قتيبه يباوع بيعيونه يتفحص الوضع چنه ناويله على شغله ماامرتاحه لتعامله وتغيره الصار نبهني صوت خالو

نفض ايديه وصاح بويا وين المنشفه 

كتله يووو غسلتهن على الحبل ركضت جبتله منشفه انطاني حمودي خلص انطانيا المنشفه  كال نشفي ايديه ورجعي للغرفه مفهوم نشفت ايدينه عرفت يقصد لا تودي لمه وهوه هم من شافه عادي كأنو ناسيهه
وديته ورجعت

لملمت السفرة بعد مانهلة كامت تغسل اجت يمي بلمطبخ كعدة على الكرسي ميز الطعام كالت عاشت ايد

ج الج نفس بلأكل

ابتسمت تسلمين المهم عجبج

كالت اي بتنهيده شونه العيشه هناا مرتاحه

-الحمدالله مرتاحه والكل زين وياي ويحبوني

اكيد مدام عمتج تحبج احسبي الكل يحبج

غلست صبيت الجاي كتله تفضلي للهول كالت لا عيوني عوفيني هناا اشرب مرتاحه

-على راحتج

وديت الخالو والعمتي

عمتي غمزتلي يعني شنو الوضع اشرتله اوك هزة راسه
متكدر تحجي من خالو

رجعت يمهه اجه قتيبه وهوه واكف شرب شويه جاي

كال اترخص اني انام اعذريني ام حمودي

كالت لا مرخوص عيوني لا تتقيد نسيت اني جنت ام البيت

كال لا عمي مناسي نورتي بيتج عافه وراح

صبيت الروحي وكعدة مقابيله

انتبهت على ملامحهه عاديه حنطيه بحمار وجهه دائري تارسه شويه بس صاحبت جسم متناسق مغري بشكل رغم لابسه رداء عريض جوه العبايه

كالت اني ازوجت خالج اكبر منج بهواي

-ليش صارلكم شكد مزوجين

تقريبن ١٠ سنوات

-ياا هواي لعد شعجب ماعدكم بس حمودي

كان يصير ويطيحون وراجعت لمن مليت لحد مصار حمودي
طلع معاق

-لا هوه مو معاق بس عده ضمور قليل وضعف بلعصب اكو علاج اله

باوعتلي بنضرة وهي عيونه جاحضه كالت تعلميني بأبني من جبته من بطني معاق بسبب العلاجات والدكتور كال حيطلع معاق ردة اسوي عمليه بس قادر مقبل ع ابو حرام هاي عطيت الله شون عطيه

ضلت مصدومه تحجي بلاه خوف وتحسسك هي صاحبت حق شون تحجي ع ابنه

رجعت كالت والحمدالله من اجه للدنيا صح بلبدايا متقبلته بس بعدين انزرع بكلبي صار روحي من الدنيا اتمنا يوم يوم يكبر والعبه واشتريله الي بنفسه ومقصرة عليه

صوته تغير كانو حاصرته العبره وفعلاً بجت بحركه قهرتني كالت اني اربي واتعب وليل اسهره على راحته هذا ابني من لحمي ودمي هسه اشوفه ميعرفني اباوعله يباوعلي كاني انسانه عاديه شدعي على الحرموني منه

كمت يمه كتله هوه لان صارله هواي مشايفج والله بس يتعود على وجودج يتغير وياج يكوم يعرفج ويلعب وياج

قطع الحديث دخول خالو لازم سبحته يسبح كال بوياا ولو اتعبج يحجي وعينه عليه هي صاير كعدته عكس منطيه ضهرهه للباب وخالو واكف باب المطبخ من جهة الهول

اصعدي فوك تلمين غراضي على ميز المرايا والمجرات واكو جنطتين طلعيهن بره بلهول وتفتحين الخانه الوسط كل القوط تنزليهن والبقيه بعدين اكلج بيهن يله  بلعجل اريد انضمهن وراي طلعه اباوعلهه تهز برجله مبين كلامه ضوجهه

راح كلت خلي اغسل المواعين بين ميطلع خالو انزلهن على كيفي

صاحت عيني نبأ ماعدكم بندول

-هاا اي اهسه غسلت ايديه من الزاهي انطيته وجبتله مي

اسمعه تدردم والله وطلعلك يقادر

خلصت لملمت المطبخ وهي اسولف وياي سوالف عاديه
طب خالو لابس دشداشه مال طلعه

كال خالي شمنتضرة مصعدين تنزلين الغراض

-مو جنت انضف بلمطبخ كلت حتى مااستعجل بغراضك على كيفي المهن

ماشي بس استعجلي
رجع كال وانتي جنطج يكعد قتيبه يصعدهن الج طلع دقيقه ورجع كال وبلنسبه الحمودي تردين اشوفي
نبأ يمج اطلعلجيا

كامت والتفتت عليه وهي فاكه عيونه شنو نبأ قادر جيتي على مود ابني اريده يمي

فر سبحه على ايده كال هذا العندي ليش ابوج منطاج علم بلشروط لو لعبه جديده

كالت يالعبه ياشروط قادر مرجعني اذلني

اتقرب وعيونه ضيقهن عندج تلفون وخابريهم شوفي منو اليذلج

عافه تفور صدك خابرة ابوهه بعد مسلمت عليه كالتله بحجي خالو

شفته فكت عيونه ودمعت اشوفه بس تهز براسه سدته

كالت الله لاينطيكم الله لايفقكم الي يوم بيكم مو اهل خنازير

مااعرف شسويله من جهه عمه خوفتني منه مناا خالو وضعه ومناا اني مقهوره ميته عليهه كلبي يحترك من اشوفه هيج تبجي عيوني يبجن وياهه

عفته تبجي وتدعي الضاهر ماالهه علم بشروط خالو لهذا نهارة

حضرة غراضه ونزلتهن حتى الجنط نزلتهن

سمعته تبجي بصوة عالي والصوت طالع من غرفت عمتي طفرة خفت تتعارك ويه عمتي وطيح علينه

فتحت الباب على السريع كاعده بلكاع يم السرير تحجي وتبجي

اسمعه دكول والله مو وليدي ليش اني شمسويتله نسه تعبي نسه شكد وكفت ويااا

رفعت ايده وتأشر تذكرين من لميت ذهبي والعندي والماعندي بعتهن حتى اطلعه من ورة بيت خالد تذكرين لو لا

التفتت على حمودي الكاعد مستغرب ومرعوب لو هذا ابنه الي ركب رسه اله تولدي وهوه معاق مفكر من يكبر منو اله حتى مشي مثل الاطفال ميكدر لو مدرسه ميقبل شنو تاليته جبته وهوه يتحمل تاليته حوبته بركبته لان من يكبر يكوم يفتهم ويعرف العيشه هناا شنو يكرهه روحه ويدعي ربه يموت ويخلص

عمتي كلتله نهله هذا الحجي مو وكته عوفي هلامور كله بس لاتنسين عمايلج ليون وصلت

دنكت وكالت شتريديني اشوفه كدام عيني يريد يزوج واعوفه يامره تعوف رجله يزوج

-حقه اذا انتو دمكم متطابق وفوكاهه بزرة متجيج بسرعه وهوه رجال كبر وعمر طخ ٤٣ شتردي يكابلج هم يريد خلفه شيل اسمه ليش ضال يعاين على جماعته كلهم بزرتهم بطولهم موكافي عليه صبر عليج ١١ سنه

كامت ادك ع رجليه شذنبي اذا الله مقاسملي

-بس الله قاسمله ويه غيرج

سمعت عمتي هيج كالت لو انجنت والله وحق الحق ومن

انزله وكتبه ورسله لو ع جثتي اخلي قادر يزوج عليه اكتله واكتل روحي

عمتي عاطت بيه انتي اخذي الولد وطلعي مشوفي نط من البجي

صدك شفته مفرفح صوته وبجيه دوهني اخذته وصعدة فوووك كوه نومته

وره ساعه وسمعنه عياط خالو وهي واني ادك على جتف حمودي

ومنا صياحهم مشيت قريب على الدرج اسمع قتيبه يكلهم والله العضيم عيب صرنه فرجه للعالم كله سمعت اصواتكم

نزلت وصلت عتبت باب الغرفه

قادر:قتيبه اكرمنا بسكوتك

نهلة : بشرفك قتيبه تقبله حاط شروط الرجعتي ميحسبني مرته ويزوج يامرة تقبلهه ومحد خبرني بهلشروط حتى عيب

قادر - وزين وتعرفين العيب تدرين شنو العيب العيب من تجاوزين على رجلج العيب من اصغرين زوجج كدام الناس بيوم الهديتي عليهم وشهرتيهم العيب من لسانج وكاحتج وصلافتج

العيب من تتصلين برجال غريب وتتفاوضين ويااا في سبيل يعوف القضيه ماتوصل بيج ترحين تعرضين عليه فلوس

هاي عمايلج شيسموهه وكاحه لو لا شكد صابر واستغفر ربي اكول المرة متنضرب

ادوسين بطني وتخليني اضرب نهلة لاتعبين نفسج مشاكلج هواي واني روحي جزعت منج

واكف ويحجي بعصاب وهي تبجي وتحجي

نهلة - من ضيمي خابرت المحامي وبعدين ماكو مرة ورجال مبيناتهم مشاكل وانت ممقصر كل مشكله وضربت جسمي تعب وصار بس قطع زرك دلاله على ضربك

قادر-ولج من وحدي اضربج هيج اني ناقص ذمه وضمير واضربج بدون ممسوية شي طلعتي هسه انتي صاحبت الحق واني الضالمج انسه عملتج بيوم الجبتج سحل كدام جماعتي اريدج اسكتين ماكو خليتيني افقد كليلي اكو مرة حبابه تروح تتهجم على رجال بمحله لان هدالي اخته خليتيني لليوم استحي اسلم عليه اذا لاكاني


عاط بصوت شنسه اني الي الناس كله تحترمني وتحسبلي قيمه تجين انتي تنزلين راسي على ابو ماريدك تزوج

تغارين تجين تشكين وتحجين وتعاتبين وتعاركين يمي بلغرفه يحجي ويضرب علة صدرة لج ياما وياما علمت فهمت عيب المرة يحكمه سترهه وصوته الناصي وأدبه وانتي لسانج وصوتج يعبر فرن السلطان ويأشر بأيده


نهلة -حرام عليك انت انسان متسلط ومتسمع حجايه شكد كتلك نسوي انابيب متقبل لحد مسمعت صديقك يريد يزوجك اخته متحملت تعرف شنو مااتحمل تنزل ضره شناقصني يمه ايد رجل اخته صاق..... ودور زلم عنست وتريد واحد يلفيه خابرته وكتله اني مراضيه وعوفي رجلي تكلي الله حلل اربعه ان شاءالله يحلل موته بيدي تريدني اسكت وماخلت عندي غير حل اروح احاجي واذا حاجيته ونبهته اخته اتعوفك بحالك بس هوه الله لاينطي ولا يوفقه ولا يوفق اخته تجي تضربني موتتني وصلتني الموت على مود وحده كح....

تحجي وبصوت عالي خالو كله اشششششششش صووووتججج خره

نهله -هذا الهامك صوتي ميطلع محد يشوفني حجابي التزامي وانت ماعندك ربع الألتزام اتجاهي تتدعي بلدين وانت ممطبق شي منه اتجاهي

قادر-بت الكل...... شمقصر مصرف لبس زياره ممطلعج كلتي بيت وحدي طلعتج كلتي اريد غراض للبيت طببتج على مول واشرتلجةاثثي على مزاجج مصار اطفال يوميه جايبه اسم دكتوره واني وياج وياج مخليتي دكتور مرحتيله للبنان وسفرتج شتررررردين بعد اكثر من هيج مجوعج مكعدج بيجارررر هااااا جاوبيني لتخليني افقد عليج

اشوف خالو عروك وجه برزن اني ارجف قتيبه واكف قريب منهم تحسب خاف يفقد ويضربه وعمى خطيه حتى وجه صوفر ومتكدر تحجي واصواتهم عاليه

صاح وكحه وكاااااحتج واصله للسماااااء يايوم طبيت اذا ممتعاركه وياهه ويأشر على عمتي وهي فقيره وادري بيه حقانيه على شنو هااا على شنو والله شنو كاعده يمنه شنو تصرف عليهم شدخللللج اختي من لحمي ودمي من اجيتي كتلج اذا اعزل عن اهلي اختي وابن اختي وياي كلت لو لااااا

هم يوميه مطلعتلج فتاله لحد مبوكتيه فلوس وين تردين توصلين اطلعهم من البيت خليه بالج لو تنفلقين لو تموتين على ايدي ويكلولي اخذ روحه لو تطرد اختك اكلهم اخذو روحهه

فياا بنت الناس النفس وياج هذا حده اذا متأمله ارجعج مرة الي فأنتي غلطانه ورجعتج للبيت لخاطر شيخ تَماَم

وهم اكول ماريد وليدي ينحرم من امه لجل هلشي فركدي وخلي عقلج براسج وسالفة الزواج بالي بس الكالي بنت الحلال كولي الأمر تم

عافنه وطلع واني ابجي على بجيهه

.....يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الخامس والعشرون

كعدة يم عمتي وقتيبه واكف

نهلة دموعه تجري

قتيبه-ام حمودي كومي غسلي وكولي ياالله

ماحجت شي

-عمتي كالت كومي نهلة غسلي وصعدي الغرفتج ارتاحي

كامت صعدة الغرفته

قتيبه -يمه بربج هاي سواية من خالي

-يمه الرجال تعب وناوي يطلك لوماجيت الشيوخ

قتيبه- اعرف واني اعرف وضعهم شكد بيناتهم مشاكل بس شروطه تكسر الضهر خلي يزوج بس هم يحسبه مرته والياخذه يعزللهه

-يمه خالك ماضالمه بس نفسه جزة منهه هوه يكلي لو اخر مرة بلكون ماريدهه

قتيبه -لايمه هذا مو حجي احجي وياا فهمي حتى لو كلشي مسويه ميصير

قتيبه يحجي واني صافنه هذا رجلج هيج يفكر لو اني دايخه

-دعوف خالك واعدل ويه هلمكروده يوميه عرايكم كابه

باوع علية وبتسم شعندي غيرههه اجه كعد يمي خلاني جوه ايده قرب وجهه على وجهي باسني من خدي فدستحيت كال يمه كيمر وعسل شو بعد

دفعته وكمت وخرر عيب شبيك

ضحك شوفي يمه هي الموزينه ابوسه متقبل

عمتي ضحكت الله يهدي سركم

كام كال اني اطالع اخذ سويج دراجته وتلفونه كا ميز الاكل بلمطبخ

عمتي نبهتني ع حمودي يااا نسيته فوك بغرفت ابو

كالت يمفلوكه صعدي نزلي متعرفين شوكت يغطنه ويكلبه علينه اذا عرف يمه

يووو ياعمه خالو مسوي حصار نفسي هم خطيه هي

كالت امشي ولي صعدي ام الخطيه امشي

صعدة لكيته تصفط بغراضه كتله بلزحمه عليج حاخذ حمودي

كالت اخذي

وهي دايرة وجهه وترتب اني بكلبي قبل لا اصعد كلت الكاهه مكابلته وكاعده

نزلت لملمت البيت عمتي طلعت البيت يمنه اسوي واجب حضرة عشه كباب فرن وبتيته اقلام وبورك وزلاطه لان خالو وقتيبه ع جيه

دااثرم بلزلاطه وخابرتني علياا

اول مفتحت خط كتله علياا مشغوله استعجلي شتردين

-كالت مال الكبر والحد اليكرفج شبيج

يااا وجع غير دااسوي عشه

-اي اصبري اسلم عليج وسلمين عليه وعود كليلي بعدين اخابرج والخمس دقايق ميأثرن عليج

الله حبجي بشرفج اوكفي اجيب كلنس حتنزل

-ويييع هاي شنو نباء خرب

ديله عيني كونديسا عاد انتي يزل منج مي ورد

-شكد حقير ولج طالع لسانج

لعد شعبالج المهم شردتي دكولين

-نسيتيني خرب بليسج باجر معزومه بيتنه بابا مسوي ثواب لجدادي ولبوج

خلف الله ع ابوج همزين ذكرهم

-هاا نباء بلشنه

لا لا حسكت المهم اشوف قتيبه واكلج

-ماشي عيني اني اروح اشوف هاي الفصعونه راح تجلطني بس تنوص

هههههه انجبي لج ماصارله شهر من اجت طبعاً تبجي

-اخذيه وخلصيني

ههههه مااريد مابيه حيل واق ويق

-هم يجي يوم ويصير عندج وبذاك الوقت شوفينه شطارتج

هههههههه ولي الاكل بلفرن راح يحترك من وراج

-مااشي تعالي مو تتحجين بااي

ماشي احاول اقنع قتيبه الله وياج

كاعدة بنادي الكلية مالأكل اني والشلة مالتي اكلت يادوب نص لفه انريد نلحك ع المحاضره اذا دخلنه وره الاستاذ ننطرد

صارة ب٢ خلصت محاضراة داامشي بطريق الكلبه للبوابه الرئيسيه وكفت بمكاني المتعوده عليه الي سايق دوم يلكاني بي دك تلفوني شفته محمد

ياالله هسه هذا شيريد انطيته صامت ومرديت ضل مستمر يتصل واني ميته تعب واكف منتضره الخط تأخر اجه اشعار رساله فتحته كاتب ليش متردين هااا الخط ميجيج رفعي راسج تلكيني يم السيارة واكف

رفعت راسي لمحته منتجي ع السيارة قبل مااروح ةتصلت بأبو الخط كالو عمي شنو السالفه لاكاني ابن عمج كالي عمي اني ارجعهه ضليت انطي الوان كلي عمي اذا مااكو ابن عمج اني اوصل البنات وارجعلج كتله هاا ذاك هوه هسه شفته مشكور عمي ختمته واني افور

عبرة السايد وصلت يمه كتله انت بأي حق تسوي

باوعلي وهوه مخنزر شمسوي

-تصرف السايق بدون متنطيني علم

وانت ليش متفتحين خطج حركت النقال وانتي ضاله واكفه وتتلفتين

-اي مااريد اجاوب

كال دصعدي وفضيني

-هم صدك انت عليش جايي

كال جاي اخذج اهلج يمنه وامج تتصل بيج متردين كتله اني راح بشغلة وبطريقي اجيبه

سكتت امي شعده بيت عمي طول الطريق ساكته وهوه هم عافني ع راحتي مبين زعلان من اخر شي لمن خابر وعطت بوجه لاتخابر كنت بحاله متسمحلي احجي او ابرر ضغط امي وهوه مدينطي مجال للتفكير ومشاعري المخربطه خلني بحالة فوضه

وصلنه نزلت قبله لكيت عماتي وبناتهن والولد مجتمعين سبب الاجتماع عمي اسماعيل مسوي ثواب الروح جدو وبيبي وبابا وبنفس الوقت يصالحون شمس ومحمد

كملت تبديل لبس من علا كانت جايبه وياهه ملابس عاونتهن مسوين تمن وفوكا حشو دجاج سمج مروكات نوعين ووووو

شويه وطبت نباء متوقعت يعزموهه رحت حضنته والبنات كلهن التمن عليه جيته فرحتني بلكت هم تصالح ويه امي هم شويه كعدة وكامت ساعدنه انصب وننكل

انملت السفره منعرف وين نحط الولد حسن ونائل وعمي حيدر كامو ينكلون حضرنه كوس المي اخذوهن

كعدنه ناكل ناس بصف ناس وسوالف وضحك رغم ثواب بس ميخلو من جو الفكاهه هاي العزيمه اني ونباء وعلا سوه كعدنه شكد ضحكنه ونباء وعلا كلساع وحده غاصه لحد مااعمتي ام محمد عاطت بيهن احترمن النعمه يله سكتن

هنه ثنائي التافهه كانن يضحكن ع اتفه الأشياء بيناتهن نقاط مشتركه لهذا صداقتهن حلوه

كملنه كمنه الملم شي اكيد بس اني ومباء وعلا وشروق زوجت محمد رحاب ورفيف والبقيه مستقيلاة

والولد بلصاله خلصوو هم كومو المواعين يمه

نباء كانت احلانه كشكل وك جسم مراة علا ادكله لاطلعين كدام رسول مااريده يشوفج ويكلب عليه وذيج ادكله اله انسق وياا واخذ منج وذيج ادكمز

نباء
من سديته من علا اجو وتعشينه نهلة منزلت صعدتله صينيه اشكرة مني

نزلت بين الجاي بين منملمت البيت وغسلت مواعين العشه مجتمعين بغرفت عمتي خالو ع كعدته المعتادة يعكس المخده وينتجي عليه قتيبه كاعد ومنتجي ع الحايط يلعب بتلفونه وخاله تتفرج ع الاخبار ويه خالو

كعدة يم رجلين عمتي اكو مكان ع الجربايه كتله قتيبه رفع راسه
هااا

-معزومه ع ثواب لبابا عمي مسوي

يااعم منهم

-بيت عمي ابومحمد

كال لا مترحين

خالو وعمتي بنفس الوقت التفتو عليه خالو رفع الريمونت نصه الصوت وعدل كعدته

عمتي كالتله ليش يمه غير ثواب لبوهه ولازم تكون موجوده وتقراله الفاتحه

كال خل تكعد هنا تقرله الفاتحه

-لا يمه حرام عليك ثواب الوالدهه واكيد امه واخته ينتضروهه

يمه لاتلحين كلت متروح يعني متروح

اني كاعده وساكته بس مهضومه بشكل والدمعه بطرف عيني يعني ليش هيج يسوي دومه الشغله الاريد اسويه يعارض عليه

خالو كله قتيبه نزل التلفون وحاجيني عندك عداوهه وياهه
دايستلك ع طرف ليش دومك معترض ومتفهمنه السبب

-ماعندي شي وياهه بس مرتي ومااحب اطب بلبيوت غير بس بيت ابوهه

وهذا بيت عمهه مو غربه

-بيت عمهه حاله حال الغريب واني كايللهه الشغله الاكول عليه لا متناقشني

خالي شو انت متعرف تحجي هاي هي حاجيه مجرد طلبت أذنك تروح لبيت عمهه مسوين ثواب لروح ابوهه غير اكو سبب معين يخليك تعارض روحتهه

-كام وخله تلفونه بجيبه كال هذا الموضوع محسوم

دموعي تنزل وحدهن خالو يستغفر عمتي كالت هذا الله مشوار بي

عفتهم وطبيت الغرفتي شبعت بجي اني لو عندي سند هيج قتيبه يشيخ علية ويحرمني من ثواب ابوياا لو عندي خوان مثل العالم يجون يسألون لو امي مثل الأمهات اشكيلهه واحجي البداخلي

وديت مسج العلا كتله مااجي قتيبه ميقبل وغلقته اكيد بس تقراهه

نمت واني ابجي والنشغه بصدري مراحت كمت شربت مي ورجعت راسي موتني من الألم طبيعتي من ابجي راسي يكوم يوجعني وعيوني تقفل شكد بيه تعب شكد بيه عتب

نمت مااعرف شكد حسيت ع فتحت باب الكنتور رفعت راسي الأفندي ديبدل كال كاعدة مرديت

دار ع مكامنه شال الغطه ومدد كال ادري بيج كاعدة اخوج شمس خابرني

درة عليه شمس ليش خابرك

-ع مود ثواب ابوج عزمنه كلنه امي وخالي هم

صدك اي وشكتله

-شبيج راح طيرين كتله ان شاء الله نجي

كتله هاا خوش رجعت ع نومتي مااريد ابينله فرحتي

صدك ثاني يوم لملمت البيت عمتي مقبلت كالت حمودي ينرعب من الهوسه والوجوه الجديده

حضرة البيت صارة ب١١ الصبح طبخت تبسي وتمن ونضفت الخضره وغسلته وخليته بلثلاجه عمتي اليوم ضغطه صاعد وادري بيه مابيه حيل تطبخ

سبحت ولبست ثوب فضفاض كركمي بي حزام ع الخصر قصير طوله شبر جوه الركبه وشال وحضرة توربان البسه هناك كملت ولبست ردائي الاسود خليجي

خابرني قتيبه كال جايب سيارة صديقه
ميقبل نروح ويه خالو

طلعت بلهول انتضره طلع خالو مبدل كال هاا رجلج وين

كتله خالو كال حيجي بسيارة صديقه كوه حجيتهه مستحيه منه

كال مو مشكله اني رايح اصلي بلجامع وراهه الحكم

هزيت راسي طلع

شويه واجه قتيبه طلعنه وصلت لكيت عماتي تلاثتهن موجودات البنات وعائلتي اول مطبينه لاكانه نائل حضني

اوووف يابنيتي شلونج بابا

ضربته ع صدره بعدك مشاغب

كال شون لعد اعوضج بعض الحنان يعني هسه من ضميتج الصدري صار تواصل روحي نقلت الحنان الروحج الحزينه
وانتي استقبلتي هلتواصل لانج ناقصه حنان واعرف زوجج ناقص غير وحنيه وااعوضج

كتله شايف روحك دصفط بلكلام ابو الحنان دروح قتيبه بلباب

كفخني غير تحجين عفنه النسيب ينتضر

دخلت استقبلتني شروق وسارة ومرة عمو اسماعيل كانو بلمطبخ دخلت للهول وسلمت ع البقيه وامي من ضمنهم

دخلت السارة كتله اريد ابدل كالت روحي بغرفة عمو وعمه

كتله تهالي وياي مااعرف مستحيه ضحكت اخذتني طببتني نزعت رادئي والحجاب رتبت شعري ولبست التوربان مقدمة شعري طلعته ورتبته ع وجهي

التفت شفت سارة صافنه

اشبيج صافنه مضيعه شي

شكد لايكلج هذا النفنوف والتربان

كضيته خدوده كرصتهن

اتلاوت وياي وحضنتي ادبسزز أذيتيني

غير احبج

صدك علا وين مشفته كالت فوك تنوم بتهه

صعدة من فتحت الباب شافتني وعوجت حلكه طبيت وسديت الباب

ولج شنو زعلانه

-على شنو ازعل روحي

وصلت يمهه حضنتهه يمه الزعلان مني

باوعت عليه تعرفين بيه زعلانه ليش سألين وخري مني لاتحضنيني

ضجت هاي شبيج علا شصاير

كالت اششش صوتج البنيه حتفز

غطته كامت جرتني من ايدي ودخلتني بغرفه الثاني الي هي غرفت حسن مااعرف شصار بيه

اتلاشه احساسي من

دفعت علا الي حجت بعصبيه لي وين اضلين مثل الذيل وره هذا الجلب

شكو علا فهمين شبيج

شبيه ولج اشوفج كدامي ضعيفه ومستسلمه وتكليلي شبيه
متعرفين تتعاملين ويه بزوجج متعرفين ترتبين وضعج بس كلج لا هاي هيه استسلمتي مشوفي مستضعفج

هسه جاي مشتاقتلج واريد اكضي وياج الوقت تستقبليني هيج استقبال

ولج من حركت كلبي ليش يمنعج من يمنه شايف علينه وبعدين ليوين اضلين راكبه راسج ومتتراضين ويه امج

علا شنو سالفتج ع كيفج وياي عفتي موضوع قتيبه طفرتي ع امي

دااكمل انفتح الباب وصار بوجهنه حسن

لعشاق فخامة اللون الاسود🖤😻

#ملوكه