برافووو ونقطة لفريق مروجه😎

طبعا فوك كاتبه باسم
بعدين جوة عدلتها 😂.بسام

الجواب بسام الملا
عيوني ام طيوبه.. رح نختمها للمسلسلة و.احفادنا رح تشوفها وانتي لسه ماشفتي😂💔

🎀فريق خريجات اله كورونا:

Baneen/żấђṜấấ.Јấᶆẹẹℓ/اميرة بشخصيتي


🍇فريق الأخوات:
moon/Sunshine/umAlaa


💫فريق الملكات( N_G_ D) 👸👸👸:2

ᎶᎻᎽᎻᎥᏰ ᎷᏫᎻᎯᎷᎷᎬᎠ/ضحى رياض/نبأ جاسم


🌹فريق زهور الاوركيد:1
Zainab Hassan/نرجس𖤐/Zahraa saeed

🧬فريق الكيميائيات:
زهراء علاء/مسار /طيب حاكم


💪فريق احنا الاقوى:
هبه سعد/فتاة يوليو/يارب حقق حلمي


😎فريق فتيات القوة:3
آلورد‌‏هہ آلبيـﮯضـآء/مہٰرَوججہٰ/كرزايه

😣فريق اشوكت نتخرج:
Sajoo Alshameri/NOOR Dihaa/رقية فاضل

🙈فريق فتيات:4
baneen☺/Aya/Samah

💕فريق البايولوجيات:
جنات عباس/وردة الصباح/ازهار كاظم

💜فريق الياسمين:3
teeba /ومنهم من ينتظر/96362

🐣فريق نمنمه:2
نمنمه/ام طيوبه/🌹😎

🍬هدير العبيدية:

باعتبار طلعتو خبراء بالممثلين و بلمسلسلات

فباجر رح اسالكم..عن كل مسلسلات ويمكن حته ..اسالكم ياسنة اصدارها..😂💔

ولهنا اختم فقرتنا.😍.ونكمل باجر اللعبة
بنفس الموعد 11ونص

اهم شي تونستو واستفاديتو من الاسئله
وشكرا لكل اللي شاركو💋❤️

#ملوكه

بنوتات..اكو فد جزء يصير بعد هذا👆🏻
فصارت خربطه عندي.. ..فهسه رح انزله

ومي نكعد يم عمتي وامي عيب
طلعنه ربع ساعه وده عليهم شمس

كوه قنعتهم طحت وراسي انشك

طلعت سلمت عليهم وراحو وهلمره امي باوستني وكالت عفيه بنيتي اريدج هيج سبعه ولامه عيالج من صعدو كلهم بلسياره وهي ضلت تسولف وياي يم الباب
ودعته

رجعت لملمت البيت وغسلت صينية الستكاين وبعد كلام امي يرن بأذني

مااعرف مراة اكول خلي ابدي صفحه جديده ويااهه بعدين اتراجع احس نفسي مامستعده اسامحه جرحي ماطاب

كل ذكره ترجعلي من اشوفهه شلون اسامح واني بداخلي ممسامحه مواقفه هواي وشماايبدر من قتيبه ماالومه من داخلي

السوته هوه هذا نتائجه ضرب قتيبه وغلطه وسوالفه
خلتني احقد واحقد عليه لليوم مفكرة تخابر وتطمأً عليه اعرفه مثل مااعرف نفسي متريد تتنازل ولاتبين هي غلطانه

كبريائه فوك كلشي قاسيه ومستبده برأيهه
حلم عندي اشوفهه اطب عليه وشايله بيده علاكه
عيوني تدمع من اسمع اخبارة من سارة اكول معقوله
اني موبته لهذا هيج تصرف عفت التفكير وكمت

الجو بده يبرد واحنه بداية العاشر فد عشرين يوم وتبدي تمطر كابلت الكنتور ونزلت وبديت اعزل الملابس الصيفيه بجنطة سفر وخلصت من خانتي انتقلت الخانات قتيبه

اني مخصصتله خانتين وحده معلكه ملابسه مال الطلعه وحده والخانه الثانيه ام القواطع للتراكات وساعاته والأحزمه وهواي امور يحتاجه

بلشت انزل واعزلهن واضم بلجنط خليتله كم قطه صيفيه هوه مره كلي اني طبيعت جسمي ميبرد
وصلت للقاطع الفوك لكيت بي صندوك مقفول بقفل استغربت نزلت الغراض جناسي واوراق ملكية دراجات والبقية معرفتهن

لملمتهن بس ضل بالي الصندوك ليش قافله دورة على المفاتح ملكيته كملت كلشي طلعت للحوش الخارجي خمرة حنه الراس عمتي

طببته لكيته كاعده اتصفت ضحكت كتله شنو متواعده وياي ع الملابس

كالت لاعمى عوداً جريت شيلتي وهذني تكومن بلكاع

كتله دعوفين تعالي اخليلج حنه

_ دصبريلي خلي الملمهن

عوفين اني المهن

كوه كومته للمطبخ كعت احطله حنه كالت

ليش لابسه جفوف

كتله مو الحنه تصبغ ايديه

- واكو احله من لون الحنه

ماحبه تصبغ ايديه هي ريحته كوه اتحمله حسيت لعبت نفسي كوه تحملت كملت راس عمتي وركضت غسلت كضيت الصابونه خليته ع خشمي واشم بيهه افيشش ردتلي روحي عفته رجعت الملم عمتي صافنه عليه كتلهه

هاااا عمى مضيعه

كالت اكلج شبيج رحتي تتراكضين جنج لقلق يطفر

ههه لاعمى مابيه شي بس رحت اغسل اخاف تلزك بيه الحنى

دهر فرج اليسمعج يكول مخليتلي خر.... وتلعب نفسج

لا عمى حشاج بس غير هي نفسيتي متتحمل الريحه
عوجت حلكه وكملت روحي روحي كملي شغل وطبكي التمن قبل جيت خالج

شويه وندكت الباب كلت خالو رحت فتحته طلع زوجي المصون لحد هسه معاديني وبس يزمخ وينتر ويدور الزله

طب سبح وبدل لملمت المطبخ من هوست الطبخ وداامسح بلكاونتر طب خالو سلم وصعد

يبووو لازم اصب القتيبه وحد والخالو وعمى وحد شلون سالفه تعبانه رحت اكول العمتي وين يردون الأكل لكيته نايمه

صعدة الخالو دكيت الباب سمعته صاح الله اكبر فتحت الباب على كيف ومديت راسي

واكف يصلي ولابس دشداشة بيت عجبني المنظر مااعرف خلاني استحي من نفسي كاطعه الصلاة وهوه منظرة يخشع مدنج وعينه ع التربه وشمرة ايده من ايكول الله اكبر انسان رجولته طاغية عليه

كمل التفتلي كال ادخلي بويه ماده راسج بزون

ابتسمت كتله خالو اصبلك غده واصعده لان عمتي نايمه اكلت ويه حمودي بسكت وجاي يمكن شبعت

اباوعله يسبح وجهه ع الخرز من يسحبه ويسمعني كمل لفهه بيده

ويطوي بلسجاده كال لا بويه لاتعبين روحج

ماشي كتله هسه متريد

هز راسه

طلعت وسديت الباب مبين عليه مغثوث لهذا كوه يحجي

نزلت وكعدة بلمطبخ ضوجه مرة ساعتين مااعرف شسوي وعمتي كعدة من فتحت البارب غرفته لمحت خالو نزل وطلع لابس دشداشه بيضه طلع

مرت ساعه كلت ادخل انام بلهول مدام قتيبه نايم

بعدني ماخاله راسي

فزيت من صوته
شكو شبيك اصيح

كومي صبيلي غده عافني وراح للغرفه
استغفرالله الله بلاني بيك

كمت صبيت الغده وشلت الصنيه وحطيته بلهول اجه كعد بطرك الشورة والفانيله

حتى للنعمه ماعنده احترام
عفته ورحت صاح خره وين البصل

كلت بلكلبي والله لوما بنيه جان وكلتك الخره رحت قسمت البصل وخليته كدامه

دخلت للغرفه شلت هدومه بسلة الوصخات

سمعت عمتي صيحني
رحتله غرفتهه مقابيل غرفتي

هاا عمى

يمه شوفي هذا الوليد مصخن بعد رجليه مشيلني
جسته لازين

كعدته كوه ودية غسلتله بطلعتي شفتة دخل

كال الله يساعدج

كتله هلا خالو مااعرف شنو طلعته وشنو رجعته

كال شلونه حمودي جاس كصته بطل حمود مابيك شي
كتله انطيته ادويه وصار احسن كال عفيه بنيتي

عافني وراح لعمتي سلم عليهه

فوتت حمودي وبدلت ملابسه

عفتهم اصب غده الخالو وعمتي خطيه ممتغدين قتيبه يغسل كال سوي جاي

كتله هسه اسويلك سم

مااحس اله وهوه هجم جر شعري ودفرني للكاع عطت روحي صعدة للسما ودموعي تجري اكمز من الوجع عمتي وخالي اجوو يركضون

وهذا يغلط ويفشر بت الكو...يد ذبوج عليه

عاط خالهم

شكو شسويتلهه

اجه شاف ايدي مااكد احركه كلي شو اشوف
كلي توجعج

كتله مااكدر احركهه
عاط بي روح جيبله شي تلبسه خلي نوديه للمستشفى

كله مااودي خليه تموت مثل الجلب

كام عليه خالهم لزمه من فانيلته

كله تروح مثل الجلب وجيبلهه عبايه نوديه لاتخليني اطيح حظك

كام يكمز شنو تغلط عليه من وراا هاي الس...طه وهيج منها ومن اهلهه ويسب ومااسكت

مانحس اني وعمتي غير خالهم كضه وشبعه بوكسيات خلا مايندل دربه ودفعه بلطرمه كله اذا زلمه تعال طب للمهجوم وعلي اسويك ثرم واذبك للجلاب

عمتي مفرفحه ع ابنهه وجر بخوهه
كمت كوه كتله خالو فدوه عوفهه واناشغ

باوعلي عيونه دم من العصبيه
كله خوياا جيبيله شي خلي اوديه

اجه لزم ايدي وعطت
كام ينفخ ويستغفر راح وكف يم باب المطبخ ويفرك بوجهه اجت عمتي خطيه كوه تمشي

اخذة العبايه مشيت كوه صعدة وياا كام يسوق بعصبيه وصلنه واني عيوني موكفن من وجع

يركض مايمشي واني اسحل بروحي دخل ع غرفة خبصهم خطيه الممرض كال تعالي وراي لغرفة الاشعه شفته طلع من الغرفه

مشيت وره الممرض واجه صار يمشي بصفي
لكينه سره
سأله كاله ليوين يخلص
الممرض يطولون

كله عمي دشوفلنه طريق ندخل راح تموت من البجي منا لمن يلوحنه السره
وانطا عشره
كافي بويه عليمن هل النوح

كتله خالو والله الوجع يموت
اصبري ماضل شي

اخذني كعدني على كرسي وهوه ضل واكف لان مالكه مكان وره شويه اجه الممرض كال يله تعالو

رحنه وراا سوالي الاشعه انتضرنه تطلع راح جابهه واجه
رحنه للدكتور شافه كال عده كسر وضل يسأل شلون صار

كال وكعت سكتت مكدرة احجي
اخذوني سولي تجبيره

كتبولي على مسكن ألام وكال متستخدمهه وره عشرة
ايام تجي يجيكوهه

وداني صعدني بلسياره كال اجيب العلاج واجي
وره عشر دقايق اجه صعد

تنهد وهوه يسوق كال انتي ليوين اضلين هيج

كتله ليش شمسويه

دار عليه كل هذا اليصير وساكته ادري حيوانه هم الحيون ميتحمل ويصبر خنكتني العبره

شوفيلج جاره لاوالعباس اني اسويلج جاره روحي لهلج
لاتخليني اكول الخالج

1000مرة كلت هذا الانسان همجي ميتعاشر بويه كولي لهلج يخلوله حد احجي وياا الحايط يفتهمني وانت لا يحجي بعصبيه وصوت عالي ويسوق

كمت ابجي وطلع صوتي التفت سكت وركن السياره على صفحه

كملتي بجي كوه سكتت وهدئة نزل جابلي مي
شمره بحضني كلي اشربي
رجعنه للبيت طبيت

رحت الغرفتي ملكيت قتيبه بيهه
همزين مااريد اشوف خلقته

بدلت دشداشتي وطلعت شفت عمتي كاعده وبصفهه وهو كاعد يمهه

رحت سويتلهم جاي حضرة الاستكاين بس بليمنه اشتغل وحركتي بطيئه

كوه شلت الصينيه طبيت عليهم رفع راسه شافني طفر اخذ مني الصينيه

زمخ عليه منو كلج اسوين جاي

جمدة ابمكاني من صوته
كتله مو انتو متعودين هيج وكت اتشربون جاي

خنز عليه لاسوين شي منا لمن اطيب ايدج

عمتي كالت اي يمه منو عاتب عليج وايدج سكط

هوه كام يصب جاي ومانسمع اله رمي كلش قوي
عمتي شهكت يمه ياستر

طفر لبس انعاله صاحت ورا عمتي مااسمعه وطلع

طلعت وراا ملحكت شلت برده المطبخ واشوف كومة زلم بره وكل واحد شايل سلاحه لزمت كلبي

ياستار شيردون ومنو ذوله رحت العمتي ركض بعدني مواصله الغرفه ورجع الرمي وأقوااا
عطت وعمتي طلعت ادك على صدره يمه خويه راح مني

......... يتبع

ثالث والعشرون

اصوات عاليه ناس تهد وترد خالو دخل كبل فوك شويه ونزل يخابر وصوته عالي

الرمي وكف اقل من ١٠ دقايق وطبكت سيارات لاخ نهرجنه والسمعته بس خالو يكول أبابي ويرمون شني ماكو كباريه وماعدكم عكل تعلمكم الأصول بيت بي عائله صار شي اسكت لا وحك الحك اطلعه من عيونكم

همه يردو لحد ماواحد من الشيوخ كله ابو محمد منا الوادم خلي نكعد طببهم للصاله انمله البيت ناس واغلبيتهم معكلين

دخل صاح  بسرعه

حضري الجاي والصواني بين مااخابر قتيبه يجيب الضيافه

مشه انوب التفت حضري ستكاين هواي

يحجي بأعصاب مشدوده احضر بلغراض رد طب اسمع يحجي ويه عمى وصعد يبدل دقايق ونزل يعدل بياخت الدشداشه التفتلي كال ممنوع تفتحين الباب

انفتحت الباب طب ولد مااعرف ضليت صافنه اذكرة اني بلا حجاب ركضت طبيت كمت افور هذا شلون يطب هيج ميستحي البس بعصبيه والله اله اكول الخالو عليه

طلعت شفت عمتي والولد كاعدين بلهول صاحت عمتي

يمه هذا سالم ابن اختي كتله اهلاً وسهلاً

عفتهم مشيت بعصبيه احضر بصواني الماي

شويه وطب كال انتي زوجت قتيبه كتله اي بدون مااباوعله

كال اسفه ع قبل شويه طار من بالي احد بلبيت غير خالتي

مصار شي

مامبين

شنو المامبين

مو دكولين ماصار شي مامبين مصار شي

ذني الصواني كملاً تكدر تاخذهن التفتت للطباخ نصيت النار كلش يهدر الجاي

عفته وطبيت العمتي شفته تصلي انتضرتهه تكمل

كتله عمى هذا شون يطب هيج كبل بدون ميدك الباب

مجاوبني ملتهيه اسبح كملت التفتتلي

اي كلي ميدري بيج

عمى شنو ميدري بيه غير كاعده بلمطبخ صارلي ٥ اشهر يمكم مشفته ومتعود يدخللكم شله بهلجذب

يله يمه مصار شي من يجي احذره

لا هوه اعتذر

لعد شبيج ماده البوز متر

طفرة كتله  الجاي احترك  صبيت وهذا سالم ياخذ ويرجع يكول بعد  ومبين ولد خالاته بره جابو كراسي وصفطوهن بلحديقه

اصواتهم عاليه صدك خالي ابو محمد يكول وين الضيافه

يبوو نسيته غير كال خابرة قتيبه يجيبهه

كال دخابري شوي وين صار

شون سالفه واني مااحاجي انتقام اضطريت اخابرة كال وياي جماعه بلطريق جاي

مر الوقت وهوه ماكو اخابرة كلساع كايلي بمكان لحد معاط بيه بعد لا تتصلين
سديته واني ادردم

شويه وطب قتيبه ضربني بطرف ايده ع راسي انتي ثوله من اكلج ويااي جماعه شكو متصله

اوووو وخر غير تاخرت وخالو خبصنه ع الضيافه

واني العب وياي شيوخ وانتي كلساع داكه مطيه انتي

شفت سالم صافن علينه

خزرة قتيبه ودفعت ايده ذبيت العلاليك ع الميز حيل وكتله هاك انت حير بيهن عفتهم وطبيت ركض للغرفه وقفلت الباب

اجه ويدك بلباب كال اطلعي لا افلشه عليج قربت على الباب كتله والله لو تحرك البيت مااتحرك مكفخه عندك وكلساع ضاربني

مو ثوله ومتفتهمين يله اطلعي حضري الصواني

صحت قتيبه والقرأن وروح ابويا مااطلع وانت حضرهن وشسوي سوي

دفر باب حيل كمزة من الضربه صدك خفت كلت هسه يشلعه ويطبلي

كال بسيطه نبأ اذا مااصلخج واطلعلج جلد ثاني اني مو قتيبه اصبريلي مبين يحجي من بين سنونه وبعصبيه

يمكن مرة ساعه طلعت بس شنو اتختل شفت الهول مابي احد أمنت

لمحت عمتي بلمطبخ

دخلتله كالت همزين شرفتي بله متستحين تعوفين الضيافه وتخلين زلم مشوربه يحضروهن والدنياا كايمه

عمه تقبليه يرزلني ويضربني كدام سالم لان خابرته تأخر

وانت متعرفين تعديلج سالفه وكتج والناس هنا مصايحهم كايم على ساعه يتكاتلون حيل مابيه الهبطه هدة عيلي

اتستر على اخويه وادعي بلكن الله ينطي طولت البال ولايسرع ويتحمله الكلمه بيه مابيه كمت حضرة الضيافه

سكتت ماادري بيهم ميعرفون يقدمون شي

كتله شكو هلكد خايفه

كالت  شون مااتستر وخالج بركان وعلى ساعه ينفجر وميتحمله حجايه أخيي واعرفه هسه حجايتين يكب بيهم

كتله همه صدك على شنو جايين باوعتلي

كالت ماادري لون بس حدسي يكلي جايين يردوهه للماتخاف الله وعباده

صفت كتله عمى هي هلدرجه موزينه

يايمه موشغلة موزينه بس لوعت جبد اخويه ومرمرته وكحه وممخليه حشيمه اله وهوه هل شوفي ملتزم والناس كله تعرفه سيد وياخاف الله و مفديوم كرب للشينه
وهوه كلشي ولا المره الوكحه والماملتزمه يتخبل

شفته خايفه كمت رحت يم الكلدور اليجمع الهول والصاله فتحت باب الهول شويه واصنط لان باب الصاله مفتوح يجي منه صوت اصواتهم عاليه وهواي يحجون وكلساع واحد كايل مرخصت ابو فلان مفتهمت شي رجعت

اشرتلي عمتي تقربت يمه جرت ايدي وكعدتني اكعدي لسويلج سالفه يشوفج احد طالع من الصاله والله هلمره خالج اليدفنج مو قتيبه

شمدريني ردة اشوفهم شيحجون

كالت مالج لازم بحجيهم زلم بيناتهم يصفوهه سهمج الراحه يمه لاتعمين على روحج بفطاريتج

صدك كعدة وسكتت انوب رحت كعدة حمودي الاعبه

شويه وكبت العيطه لزمنه كلبنه  اني عمتي

عمتى هاي التوقعته

العياطهم مسمتر انوب مانعرف شنسوي ونفتهم شكو لشويه وطب قتيبه رحت ركض عليه وهوه كبل للغرفه طلع سلاح جلبت بي شكو وين ماخذ السلاح

كال مووكتج نبأ وخري خلي اشوف دربي

يمعود غير تف

همنه شكو

ميجاوب طبت عمتي من شافت المسدس بيده ويدور بلكنتور لطمت ع صدره والصياح بره مستمر

كالته ولك يمه تريد تعزيني عليش السلاح وتبجي

ركب الشاجور وخلا جوه تشيرته وهوه يمشي واحنه وره وعمتي تلزم بي التفت على عمتي يمه شبيج كلبتيه مناحه للضروره والله ماكو شي تعرفين خوانه كلاب كلشي يصير

عافنه وطلع وهم صوتهم بي وميعله نص ساعه واحنه انلوب لحد مسكتو والجو هداء اجه سالم عمتي جلبت بي اله تكلي شكو طمنا ماكو شي وحيرحون خالو مجلب بيهم على العشا ماقابلين

مرة الوقت والجو بده الغروب سمعناهم يسالمون وطلعوو

طب قتيبه صاح وديت الولد يجيبون دجاج مشوي حضري السفر عمتي كالتله منو الضل كاله عابد وسالم وووو كلهم ولد خالته

وخالو طلع بسيارته يوصل شيخ عشيرته

كتله عمى هسه شفتهمنه

كالت يجي خالج ويفهمنه اكوم اصلي

صفنت عليهه مراة اشوفه تلوب بس تريد تسمع حجايه ومراة ابرد من الثلج

جابو الاكل وحضرته اخذوو عشيت عمتي وحمودي واني نقشت مااكدر اكل نفسي مسدوده رغم بله غدة

ساعه وطب خالو ماحجه شي بوجه كبل الغرفته قبل ليصعد كال ماريد احد يكعدني اصلي وانام

كتله عمى هيج يكول خالو كالت عوفي على راحته

انجطلت وصاحت ديري ع الانوار بيني وبين نفسي كلت ذابين صرتج بلأنوار

طلعت تقربت على باب الصاله اصوات ضحكم السابع جار

وكلساع جاي ماي

مافضت ل ١١ طبيت سبحت من التعب لكيته كاعد على الجربايه ويكلب بتلفونه وكفت انشف شعري كملت تمشيت ولميته دااخلي نيفيه حسيت ايدي على بطني رفعت راسي قتيبه حاضني عصرني حيل وصوته يم اذاني

يهمس ليش هلوكاحه كلبي ارتعد هسه يضرب كتله انت رزلتني كدام ابن خالتك واني كلشي ولاتحاجين كدام احد بيناتنه كلشي سوي دارني
لزم وجهي بأيد وايد لازم خصري وهسه بيناتنه ماكو شي وحر التصرف مو باوعتله حسيته شارب عرفت من طلع ويه ولد خالته
قربني عليه اخذ شفايفي وصلني للجربايه .......

سارة
كنت كاعد اقره وحالتي حاله مطشرة الملازم وهاي اول امتحان لشهر الاول ذابه كل جهدي في سبيل اطلع علامه كامله واني مندمجه اجت امي وكفت فوك راسي

كالت يمه اختج ماخابرتج

-لا مخابرة كالت من افرغ اتصل واني هم التهيت ونسيته

دتصلي وشوفيه ليش مريضه

-يمه بربج مشوفيني غاطه الراسي احجي واكتب

سويره ١٠ دقايق متأثر

ذبيت القلم وعدلت روحي بعد ماجنت مدنجه يمه عوفي نبأ هسه بس خلي اكمل امتحان وباجر اوعدج والله والله اخابرهه

باوعتلي صفح وكامت همزين ماطالبه منج غير طلب وصلت العتبت الباب كتله عود انتي خابريه ولا طلبين مني خزرتني وراحت

هزيت راسي والله بس اني اعرفج شنو
هذا حاله من زوجت نبأ توكف فوك راسي لحد مااخبره وافتح حاكيه تسمعه اشوف ملامح امي تتغير من نبأ تسأل عليهه لو توصيني ادير بالي عليه

شكد ماتحاول تخفي حزنه تتركني وتروح الغرفتهه

زيارتنه الاخيره خلت امي تكسر الحاجز الصمت البينه وبين بته لحد الان كلامه عن نبأ بلسيارة بيوم رجوعنه كالت

يمه شمس شفت نبأ شون شايله عيالهه خلتني افتخر من عمته ادكلي هاي بنيتي مو جنتي لو الندارة راسه ملفوف ومخلت شي مسوته وطبخه يخبل وطايره بينه

شمس - اي خوش ناس وخالهم مبين انسان خير وقوي

اي يمه حتى هوه صديق عمك ويعرفه من ايام جنه جيران انتو متذكرون جنتو زغار

- بس مبين عليه بعد شاب مو بكبر عمي

نائل شاركهم الحديث شمس شون متعرفه تذكر سيارتك البطه

-اي اذكر اشتريته بشبابي من دخلت جامعه وشتغلت بيه خط

اي منه اشتريته اذكر حتى الوالد الله يرحمه راح ويانه وبوكته قصده لان سعره غالي وعرف ولحد هسه يشتغل بلسيارات ومعرضه نقله غير منطقه واعتقد معرفته بعمي هم جوره وهم شغل

-وانت شذكرك اني مااذكر

وليش متذكر المفروض انت ضل الكه ذكره بلهل سيارة ياما وصلت ياما شهدت على احاديث

-هههه دنجب وعلى سالفت ابو محمد يمكن شغله ويه محمد بلمعارض

وكضيناهه سوالف وضحك وفرونه شويه

امي كالت سارة متكولين لختج شون سوت هاي الحلاوة مدري شنو

اكتله من ارجع اخابره وتعلمني

كالت اي خابريه مومثل بعض الناس امهات وميعرفن شوربت العدس شون يحضرنهه امداني عود هم حاسبه روحي صرت بيبيه امهات اخر زمن

ههههه امي فرة الموجه على مرة شمس

رجعت حجت انتي هم تعلمي منه من تزوجين مضلين تفرين بذانج اريدج جاويه

اي يمه ان شاءالله

شمس كال اي والله عاشت ايده متوقعت اكله طيب هاي الجانت بس وكاحه ولعب ويضحك

امي رجعت يايمه البنيه بس تزوج بعد تكرس حياته لعائلته واساسيات البيت الطبخ سوده عليه يمه شون جنت كاضيه بره اكيد كله دلفري

اوووف امهات تالي وكت عود ياهيه كامت وكالت اني ام عبالهن بس خلفن هاي هيه الرجال من يرجع للبيت يلكاله لكمه طيبه تهون عليه تعب الشغل احنه هم خلفنه وربينه ونكضي نهارنه ركض ايد للأطفال ايد للعجين والخبز ايد للطبخ ايد للبيت وترتيبه ومن يجي الرجال نستقبله بضحكه وسالفه مو خلفتله طفل تحاجيه شسوي هذا مانم هذا مااكل هذا تعبني يله رضع وتكضي نهارهه ويه طفل بطول فخذ

ي

اني ونائل كوه ضامين الضحكه ومرة شمس بس تبزه تبجي

وشمس هم حاصرته الضحكه بس مسيطر

رجعت دنكت اكمل دراسه خلصت مطيت جسمي يمه متت ركبتي احسه انعوجت كلبت ع ضهري وتمددي فوك الكتب

شلت جهازي اشوف الساعه ب١٢ خرب كل هلوقت واني مادري اذكرة ممتعشيه حسيت بلجوع طفرة

شفت نائل يلعب بلي ويمه أدم ضوه غرفت امي طافي نايمه كل مرة بيبي يمه هسه بيبي يم خالو حيدر

رحت للمطبخ فتحت الفرن شفت كباب دجاج اي همزين امي ضامتلي عشه خطيه تدري بيه ادرس لهذا مودت عليه حميته بلفرن

لكيت زلاطه بلثلاجه وطرشي طلعتهه رجعت جبت جهازي متابعه مسلسل اكل واباوع

حضرتلي صينيه اخذته للهول كعدة اكل وخليت السماعات بأذني اسوي لفات واكل محسيت غير على ايد نائل خمط الفه مني

ركضت ورااا لا حباب والله جوعانه ياكل ويركض وكف ودحس الفه بحلكه رفع ايديه مستسلم وحلكه منفوخ ميكدر يلوج ضربته على صدره رجعت زعلانه اخذة تلفوني ودخلت الغرفتي الحقير اكل لفتي وصدك جوعانه

نص ساعه ونتلفت عليه علاكه اطشرن فوك راسي باوعت حلويات

ونائل واكف بلباب ومجتف ايديه كال هاااا جوعيه

ولي اني جوعيه لو انت اكلت لفتي واني من الغده لحد هسه بله أكل

كلب وجه واحد يريد يبجي عقجه بعد ابجي خرب روحج

فوك مماكل اكلي يقلد

امشي لج بابا انتي من يوم يومج تموتين ع بطنج اذكرج بلسمجه

يبووو لزك بيه اي جوعيه واحب سمج وماانطي شتريد

جوعيه جوعيه طب شمس منو الجوعيه

الله جابك عليه يكول جوعيه وبرطمت

شمس ضخم واطول من نائل خلا جوه ايده وحصر راسه
كله عيد منو الجوعيه

صاح نائل اخخخخ خرب مو هيه عمي اني

بعد تعيده

يمعود ركبتي اخخخخ لا شمس على كيفك

كتلك بعد تعيده

لا ماعيده بس عوف

اباوع وميته ضحك على نائل شون يتلوه جوه ايده

عافنه شمس وراح نائل ضل واكف يفرك بركبته باوع عليه

مديتله لساني كتله شعبالك ماوراي احد

ولي انتي واخوج طلع

رجعت كلبت العلاكه جايب نساتل وجبس ليز دبل ومصاص عابتله عود يغثني بلمصاص اله أكلهن

شويه وكوم هدوم فوك راسي

نائل شبيك

كال عزيزتي عقوبه لا تتحامين بشمس باجر ذني غسل وكوي

يااا تعال شنو غسل وكوي باجر عندي امتحان ارجع تعبانه كبل انام

رفع ايديه وكال مشكلتج طلع وطبك الباب

خبال الخبلك

نبأ

الايام الفاتت هدوء تام بعد عاصفة مرة خالو الي صافوو ترجع بس امام شروط

اول شرط ترجع لأبنه فقط ماله بخالو شي
الشرط الثاني يتوقعون اي يوم من الأيام يزوج
الشرط الثالث مطالب بيت وحدهه عزال

خلتني عمتي صافنه يمه شروطه صعبه وخصوصن اذا ازوج

الي افتهمته مرة ابوهه متحبه وابوه رجعهه غصب لا مشكلجيه بس اخوانه يحبوهه لان تحرض بيهم على مرة ابوهم

سبب المشكله واخوانه اجوو هداده

خالو مكاعد من عرف مخابرة المحامي ترشي

مخابره ومتعارك وياهه اخوه جاي وسامعه تعيط وعارف وجاي هداد

كتله عمه هي اذا هيج جاي تحارب علمود ابنه مبينه تحبه خطيه ليش خالو هيج

كالت  خالج ميقبل يضلم احد بس انتي متعرفين موالهه على شنو هاي اخوانه ميكدرون يلفوه نسوانهم ميقبلن يدرن بيه متكعد وهي ومرة ابوه مشاكل تريد الولد لجل الحضانه وتعرف ابووه ميتنازل عنه ويرجعهه
مشوفيه سوت العمايل تدري ماله احد تعوف العز والدلال المن

صفنت مثل الواحد انطاني كف صحاني تفكيره وين
واني مكيفه وحده تجي اسليني واخطط نسوي كيك سوه ونطبخ سوه ونتعاون واصادقه غميت كصتي على تفكيري

مر ١٤ يوم وخالو يوميه يكول باجر عكبه اجيبه لحد مكاعده اغسل بلطرمه انفتح الباب واشوف خالو طب ويااا جنطه كبيره مال  سفر وطبت وراه مره

يتبع .......

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

رابع والعشرون

الحياة بكل ما فيها تقف دائمًا على حد الوسطية بين اتزان

المعنى وضده من حب وكره وحق وباطل وعدل وظلم. لايفوز

بمعارك الحياة الأقوى أو الأسرع ولكن إن عاجلاً أو آجلاً الذي

يفوز هو من يعتقد أنه يستطيع. ما أعجب الأشياء التي نفكر

فيها في تلك المساحة بين الحياة والموت. دونه لا حياة له هو

أعترف لي بذلك لا حياة له لأنه لا يملكه ليتني أستطيع

الحصول عليه لأهديه له. الأمل في داخلي لا زال ينبض

بالحياة.

مر ١٤ يوم وخالو يوميه يكول باجر عكبه اجيبه لحد مكاعده اغسل بلطرمه انفتح الباب واشوف خالو طب ويااا جنطه كبيره ماا سفر وطبت وراه مرة

كمت عدلت روحي نزلت الدشداشه بعد ماكنت خالته بلداخلي

وشمرة الصونده على الحديقه تقدمت استقبل خالو

كتله هلو خالو

رد هلا خالي تعداني ودخل للبيت بعد ماا ركن الجنطه على الحايط

اتقدمت مرته ومبين على ملامحهه الغرابه اول مره شوفني

كالت السلام عليكم

-وعليكم السلام تفضلي تفضلي

وصلت يمه بوستني ودخلت

دخلت وراهم حضرة الماي وبالي الكاهه بغرفت عمتي داادخل شفته بلهول قدمت الكلاص اخذته وهي تتفحص شكلي

شربت ونطتني الكلاص كالت انتي زوجت قتيبه تحجي وتبتسم

كتله اي اني زوجت قتيبه

سوت امممم والله وتعرف تختار

عفت الدوركه والكلاص على الطبله كتله مرخصتج شويه وراجعه

كالت اخذي راحتج حبيبه

دخلت للمطبخ حضرة عصير وقدمته كعدة يمهه

كالت شوكت ازوجتو

-حيصير ٥ اشهر

هاا بعدكم عرسان

-اي

شفت خالو نزل صاح نبأ خالي حضري الغدة بين مااصلي

طفرة كتله اي بس احمي شفته عافهه وكأنو ماموجوده اتوجه جوه الدرج جانت اكو مسافه وسط خالين بيه مغسله كامله هي ومرايته وبيه مجراة

عمتي قبل لايجون شفته اتوضت لهذا مطلعت وعلى الاغلب سمعت صوته ومااجت تسلم

انفتح باب الشارع شرف قتيبه وبيده علاليك كال هاا الله يساعدج باسني من خدي كتله اكو قنبله

كنت منطيه ضهري لميز الطعام ومنتجيه عليه كال وهي

تقرب   وهوه حاصرني بين ايديه ومنتجي على الميز بأيديه وجه قريب على وجهي

كال اي ياحلوه شنو هلقنبله المحضرته

بله ليش تتبله اني كتلك محضره قنبله

كال هال لعد شكو يحجي بهمس وجهه بوجهي

كتله بصوت ناصي يادوب ينسمع مرة خالك اجت وهسه هي بلهول

فتح عيون متفاجىء بربج شوكت

كتله قبل نص ساعه

وخر وصار بصفي جتف ايديه ضحك كال اخذيلج اسبوع البيت هدوء وراهه حسمعين يوميه انفجار فوك

كتله عليك الله اكول عليمن طالع

باوعلي وهوه عاقد حواجبه ياهووه

اتلعثمت بس اكله انت انكفخ كتله اقصد العصبيه وارثه من خالك

كفخني على كيف نجبي هوه ثلثين الشعب العراقي اعصابهم معطبه خل اروح اسلم عليه

طب سمعته كال ياااهلاً وسهلاً بم حمودي نورتينه
حجه بصوت اقرب للصياح كانو شايفله واحد صارله سنين مشايفه وهذا الواحد قريب على كلبه

خلاني اصفن بلمطبخ خرب يومك قتيبه شوف شون حيكوم يغث خاله مناسي ابن الذينه
شلون لكاله سالفه تعبانه

كمت احضر بلسفره فرشت بلهول قتيبه ومرة خاله يسولفون

وهذا منطلق ضحكه واصل لسابع جار وهي همات كلت على ساعه يطلع خالو يبتلي بي

كملت كلشي طبيت اصيحهم شفت خالو منتجي على المخده نص نومه ويكلب بلتلفزيون خالتي ع الجربايه كتله خالو يله حضرة الغده

التفتلي اي خالي وينه

-بلهول

بويه ماسمعتيني من كتلج صبينله بصينيه وجيبي على الغرفه

-لا والله خالو مسمعتك

مثوله انتي وزوجج واحد اضرب من الثاني

من سمعته هيج حجه صرة بنص هدومي حيل استهضمت ع شويه ابجي

عمتي كالت قااادر لا تفرغ غضبك بلمكروده

روحي يمه عزلينه بلصينيه وانتي وقتيبه اكلو وياهه

فوك الهضيمه اچمله فشله ضاله بحيرة شلون حعزل الاكل كدام المرة

مديت راسي قتيبه تعال شويه

اجه كال وينهم يمعوده الاكل برد

-اسكت وخليه خالو على أعصابه كاعد كال جيبيلي بصينيه وحد

بربه هذا من كل عقله

-كلي هسه شسوي والله حايره

كال روحي عزلي اكلهم

رحت شايله الصينيه والفشله بدمي وهي هم شفته تباوع مستغربه ليش شلة بعض الاكل بلصينيه دخلته الهم

كعدنه اني وقتيبه وهي مبين عليه ضايجه كوه اكلتلي لكمتين

بس قتيبه كضاهه شقه وضحك غير المود عكس كل يوميه من خاله موجوده ميحجي خالو ميقبل يكول تقللون من احترام النعمه

كضيته شلون ماكان لحد مكمت حطيت القوري على النار طلع خالو شايل حمودي يغسل ويغسله شفته تباوع عليه بس ماكامت قتيبه يباوع بيعيونه يتفحص الوضع چنه ناويله على شغله ماامرتاحه لتعامله وتغيره الصار نبهني صوت خالو

نفض ايديه وصاح بويا وين المنشفه 

كتله يووو غسلتهن على الحبل ركضت جبتله منشفه انطاني حمودي خلص انطانيا المنشفه  كال نشفي ايديه ورجعي للغرفه مفهوم نشفت ايدينه عرفت يقصد لا تودي لمه وهوه هم من شافه عادي كأنو ناسيهه
وديته ورجعت

لملمت السفرة بعد مانهلة كامت تغسل اجت يمي بلمطبخ كعدة على الكرسي ميز الطعام كالت عاشت ايد

ج الج نفس بلأكل

ابتسمت تسلمين المهم عجبج

كالت اي بتنهيده شونه العيشه هناا مرتاحه

-الحمدالله مرتاحه والكل زين وياي ويحبوني

اكيد مدام عمتج تحبج احسبي الكل يحبج

غلست صبيت الجاي كتله تفضلي للهول كالت لا عيوني عوفيني هناا اشرب مرتاحه

-على راحتج

وديت الخالو والعمتي

عمتي غمزتلي يعني شنو الوضع اشرتله اوك هزة راسه
متكدر تحجي من خالو

رجعت يمهه اجه قتيبه وهوه واكف شرب شويه جاي

كال اترخص اني انام اعذريني ام حمودي

كالت لا مرخوص عيوني لا تتقيد نسيت اني جنت ام البيت

كال لا عمي مناسي نورتي بيتج عافه وراح

صبيت الروحي وكعدة مقابيله

انتبهت على ملامحهه عاديه حنطيه بحمار وجهه دائري تارسه شويه بس صاحبت جسم متناسق مغري بشكل رغم لابسه رداء عريض جوه العبايه

كالت اني ازوجت خالج اكبر منج بهواي

-ليش صارلكم شكد مزوجين

تقريبن ١٠ سنوات

-ياا هواي لعد شعجب ماعدكم بس حمودي

كان يصير ويطيحون وراجعت لمن مليت لحد مصار حمودي
طلع معاق

-لا هوه مو معاق بس عده ضمور قليل وضعف بلعصب اكو علاج اله

باوعتلي بنضرة وهي عيونه جاحضه كالت تعلميني بأبني من جبته من بطني معاق بسبب العلاجات والدكتور كال حيطلع معاق ردة اسوي عمليه بس قادر مقبل ع ابو حرام هاي عطيت الله شون عطيه

ضلت مصدومه تحجي بلاه خوف وتحسسك هي صاحبت حق شون تحجي ع ابنه

رجعت كالت والحمدالله من اجه للدنيا صح بلبدايا متقبلته بس بعدين انزرع بكلبي صار روحي من الدنيا اتمنا يوم يوم يكبر والعبه واشتريله الي بنفسه ومقصرة عليه

صوته تغير كانو حاصرته العبره وفعلاً بجت بحركه قهرتني كالت اني اربي واتعب وليل اسهره على راحته هذا ابني من لحمي ودمي هسه اشوفه ميعرفني اباوعله يباوعلي كاني انسانه عاديه شدعي على الحرموني منه

كمت يمه كتله هوه لان صارله هواي مشايفج والله بس يتعود على وجودج يتغير وياج يكوم يعرفج ويلعب وياج

قطع الحديث دخول خالو لازم سبحته يسبح كال بوياا ولو اتعبج يحجي وعينه عليه هي صاير كعدته عكس منطيه ضهرهه للباب وخالو واكف باب المطبخ من جهة الهول

اصعدي فوك تلمين غراضي على ميز المرايا والمجرات واكو جنطتين طلعيهن بره بلهول وتفتحين الخانه الوسط كل القوط تنزليهن والبقيه بعدين اكلج بيهن يله  بلعجل اريد انضمهن وراي طلعه اباوعلهه تهز برجله مبين كلامه ضوجهه

راح كلت خلي اغسل المواعين بين ميطلع خالو انزلهن على كيفي

صاحت عيني نبأ ماعدكم بندول

-هاا اي اهسه غسلت ايديه من الزاهي انطيته وجبتله مي

اسمعه تدردم والله وطلعلك يقادر

خلصت لملمت المطبخ وهي اسولف وياي سوالف عاديه
طب خالو لابس دشداشه مال طلعه

كال خالي شمنتضرة مصعدين تنزلين الغراض

-مو جنت انضف بلمطبخ كلت حتى مااستعجل بغراضك على كيفي المهن

ماشي بس استعجلي
رجع كال وانتي جنطج يكعد قتيبه يصعدهن الج طلع دقيقه ورجع كال وبلنسبه الحمودي تردين اشوفي
نبأ يمج اطلعلجيا

كامت والتفتت عليه وهي فاكه عيونه شنو نبأ قادر جيتي على مود ابني اريده يمي

فر سبحه على ايده كال هذا العندي ليش ابوج منطاج علم بلشروط لو لعبه جديده

كالت يالعبه ياشروط قادر مرجعني اذلني

اتقرب وعيونه ضيقهن عندج تلفون وخابريهم شوفي منو اليذلج

عافه تفور صدك خابرة ابوهه بعد مسلمت عليه كالتله بحجي خالو

شفته فكت عيونه ودمعت اشوفه بس تهز براسه سدته

كالت الله لاينطيكم الله لايفقكم الي يوم بيكم مو اهل خنازير

مااعرف شسويله من جهه عمه خوفتني منه مناا خالو وضعه ومناا اني مقهوره ميته عليهه كلبي يحترك من اشوفه هيج تبجي عيوني يبجن وياهه

عفته تبجي وتدعي الضاهر ماالهه علم بشروط خالو لهذا نهارة

حضرة غراضه ونزلتهن حتى الجنط نزلتهن

سمعته تبجي بصوة عالي والصوت طالع من غرفت عمتي طفرة خفت تتعارك ويه عمتي وطيح علينه

فتحت الباب على السريع كاعده بلكاع يم السرير تحجي وتبجي

اسمعه دكول والله مو وليدي ليش اني شمسويتله نسه تعبي نسه شكد وكفت ويااا

رفعت ايده وتأشر تذكرين من لميت ذهبي والعندي والماعندي بعتهن حتى اطلعه من ورة بيت خالد تذكرين لو لا

التفتت على حمودي الكاعد مستغرب ومرعوب لو هذا ابنه الي ركب رسه اله تولدي وهوه معاق مفكر من يكبر منو اله حتى مشي مثل الاطفال ميكدر لو مدرسه ميقبل شنو تاليته جبته وهوه يتحمل تاليته حوبته بركبته لان من يكبر يكوم يفتهم ويعرف العيشه هناا شنو يكرهه روحه ويدعي ربه يموت ويخلص

عمتي كلتله نهله هذا الحجي مو وكته عوفي هلامور كله بس لاتنسين عمايلج ليون وصلت

دنكت وكالت شتريديني اشوفه كدام عيني يريد يزوج واعوفه يامره تعوف رجله يزوج

-حقه اذا انتو دمكم متطابق وفوكاهه بزرة متجيج بسرعه وهوه رجال كبر وعمر طخ ٤٣ شتردي يكابلج هم يريد خلفه شيل اسمه ليش ضال يعاين على جماعته كلهم بزرتهم بطولهم موكافي عليه صبر عليج ١١ سنه

كامت ادك ع رجليه شذنبي اذا الله مقاسملي

-بس الله قاسمله ويه غيرج

سمعت عمتي هيج كالت لو انجنت والله وحق الحق ومن

انزله وكتبه ورسله لو ع جثتي اخلي قادر يزوج عليه اكتله واكتل روحي

عمتي عاطت بيه انتي اخذي الولد وطلعي مشوفي نط من البجي

صدك شفته مفرفح صوته وبجيه دوهني اخذته وصعدة فوووك كوه نومته

وره ساعه وسمعنه عياط خالو وهي واني ادك على جتف حمودي

ومنا صياحهم مشيت قريب على الدرج اسمع قتيبه يكلهم والله العضيم عيب صرنه فرجه للعالم كله سمعت اصواتكم

نزلت وصلت عتبت باب الغرفه

قادر:قتيبه اكرمنا بسكوتك

نهلة : بشرفك قتيبه تقبله حاط شروط الرجعتي ميحسبني مرته ويزوج يامرة تقبلهه ومحد خبرني بهلشروط حتى عيب

قادر - وزين وتعرفين العيب تدرين شنو العيب العيب من تجاوزين على رجلج العيب من اصغرين زوجج كدام الناس بيوم الهديتي عليهم وشهرتيهم العيب من لسانج وكاحتج وصلافتج

العيب من تتصلين برجال غريب وتتفاوضين ويااا في سبيل يعوف القضيه ماتوصل بيج ترحين تعرضين عليه فلوس

هاي عمايلج شيسموهه وكاحه لو لا شكد صابر واستغفر ربي اكول المرة متنضرب

ادوسين بطني وتخليني اضرب نهلة لاتعبين نفسج مشاكلج هواي واني روحي جزعت منج

واكف ويحجي بعصاب وهي تبجي وتحجي

نهلة - من ضيمي خابرت المحامي وبعدين ماكو مرة ورجال مبيناتهم مشاكل وانت ممقصر كل مشكله وضربت جسمي تعب وصار بس قطع زرك دلاله على ضربك

قادر-ولج من وحدي اضربج هيج اني ناقص ذمه وضمير واضربج بدون ممسوية شي طلعتي هسه انتي صاحبت الحق واني الضالمج انسه عملتج بيوم الجبتج سحل كدام جماعتي اريدج اسكتين ماكو خليتيني افقد كليلي اكو مرة حبابه تروح تتهجم على رجال بمحله لان هدالي اخته خليتيني لليوم استحي اسلم عليه اذا لاكاني


عاط بصوت شنسه اني الي الناس كله تحترمني وتحسبلي قيمه تجين انتي تنزلين راسي على ابو ماريدك تزوج

تغارين تجين تشكين وتحجين وتعاتبين وتعاركين يمي بلغرفه يحجي ويضرب علة صدرة لج ياما وياما علمت فهمت عيب المرة يحكمه سترهه وصوته الناصي وأدبه وانتي لسانج وصوتج يعبر فرن السلطان ويأشر بأيده


نهلة -حرام عليك انت انسان متسلط ومتسمع حجايه شكد كتلك نسوي انابيب متقبل لحد مسمعت صديقك يريد يزوجك اخته متحملت تعرف شنو مااتحمل تنزل ضره شناقصني يمه ايد رجل اخته صاق..... ودور زلم عنست وتريد واحد يلفيه خابرته وكتله اني مراضيه وعوفي رجلي تكلي الله حلل اربعه ان شاءالله يحلل موته بيدي تريدني اسكت وماخلت عندي غير حل اروح احاجي واذا حاجيته ونبهته اخته اتعوفك بحالك بس هوه الله لاينطي ولا يوفقه ولا يوفق اخته تجي تضربني موتتني وصلتني الموت على مود وحده كح....

تحجي وبصوت عالي خالو كله اشششششششش صووووتججج خره

نهله -هذا الهامك صوتي ميطلع محد يشوفني حجابي التزامي وانت ماعندك ربع الألتزام اتجاهي تتدعي بلدين وانت ممطبق شي منه اتجاهي

قادر-بت الكل...... شمقصر مصرف لبس زياره ممطلعج كلتي بيت وحدي طلعتج كلتي اريد غراض للبيت طببتج على مول واشرتلجةاثثي على مزاجج مصار اطفال يوميه جايبه اسم دكتوره واني وياج وياج مخليتي دكتور مرحتيله للبنان وسفرتج شتررررردين بعد اكثر من هيج مجوعج مكعدج بيجارررر هااااا جاوبيني لتخليني افقد عليج

اشوف خالو عروك وجه برزن اني ارجف قتيبه واكف قريب منهم تحسب خاف يفقد ويضربه وعمى خطيه حتى وجه صوفر ومتكدر تحجي واصواتهم عاليه

صاح وكحه وكاااااحتج واصله للسماااااء يايوم طبيت اذا ممتعاركه وياهه ويأشر على عمتي وهي فقيره وادري بيه حقانيه على شنو هااا على شنو والله شنو كاعده يمنه شنو تصرف عليهم شدخللللج اختي من لحمي ودمي من اجيتي كتلج اذا اعزل عن اهلي اختي وابن اختي وياي كلت لو لااااا

هم يوميه مطلعتلج فتاله لحد مبوكتيه فلوس وين تردين توصلين اطلعهم من البيت خليه بالج لو تنفلقين لو تموتين على ايدي ويكلولي اخذ روحه لو تطرد اختك اكلهم اخذو روحهه

فياا بنت الناس النفس وياج هذا حده اذا متأمله ارجعج مرة الي فأنتي غلطانه ورجعتج للبيت لخاطر شيخ تَماَم

وهم اكول ماريد وليدي ينحرم من امه لجل هلشي فركدي وخلي عقلج براسج وسالفة الزواج بالي بس الكالي بنت الحلال كولي الأمر تم

عافنه وطلع واني ابجي على بجيهه

.....يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الخامس والعشرون

كعدة يم عمتي وقتيبه واكف

نهلة دموعه تجري

قتيبه-ام حمودي كومي غسلي وكولي ياالله

ماحجت شي

-عمتي كالت كومي نهلة غسلي وصعدي الغرفتج ارتاحي

كامت صعدة الغرفته

قتيبه -يمه بربج هاي سواية من خالي

-يمه الرجال تعب وناوي يطلك لوماجيت الشيوخ

قتيبه- اعرف واني اعرف وضعهم شكد بيناتهم مشاكل بس شروطه تكسر الضهر خلي يزوج بس هم يحسبه مرته والياخذه يعزللهه

-يمه خالك ماضالمه بس نفسه جزة منهه هوه يكلي لو اخر مرة بلكون ماريدهه

قتيبه -لايمه هذا مو حجي احجي وياا فهمي حتى لو كلشي مسويه ميصير

قتيبه يحجي واني صافنه هذا رجلج هيج يفكر لو اني دايخه

-دعوف خالك واعدل ويه هلمكروده يوميه عرايكم كابه

باوع علية وبتسم شعندي غيرههه اجه كعد يمي خلاني جوه ايده قرب وجهه على وجهي باسني من خدي فدستحيت كال يمه كيمر وعسل شو بعد

دفعته وكمت وخرر عيب شبيك

ضحك شوفي يمه هي الموزينه ابوسه متقبل

عمتي ضحكت الله يهدي سركم

كام كال اني اطالع اخذ سويج دراجته وتلفونه كا ميز الاكل بلمطبخ

عمتي نبهتني ع حمودي يااا نسيته فوك بغرفت ابو

كالت يمفلوكه صعدي نزلي متعرفين شوكت يغطنه ويكلبه علينه اذا عرف يمه

يووو ياعمه خالو مسوي حصار نفسي هم خطيه هي

كالت امشي ولي صعدي ام الخطيه امشي

صعدة لكيته تصفط بغراضه كتله بلزحمه عليج حاخذ حمودي

كالت اخذي

وهي دايرة وجهه وترتب اني بكلبي قبل لا اصعد كلت الكاهه مكابلته وكاعده

نزلت لملمت البيت عمتي طلعت البيت يمنه اسوي واجب حضرة عشه كباب فرن وبتيته اقلام وبورك وزلاطه لان خالو وقتيبه ع جيه

دااثرم بلزلاطه وخابرتني علياا

اول مفتحت خط كتله علياا مشغوله استعجلي شتردين

-كالت مال الكبر والحد اليكرفج شبيج

يااا وجع غير دااسوي عشه

-اي اصبري اسلم عليج وسلمين عليه وعود كليلي بعدين اخابرج والخمس دقايق ميأثرن عليج

الله حبجي بشرفج اوكفي اجيب كلنس حتنزل

-ويييع هاي شنو نباء خرب

ديله عيني كونديسا عاد انتي يزل منج مي ورد

-شكد حقير ولج طالع لسانج

لعد شعبالج المهم شردتي دكولين

-نسيتيني خرب بليسج باجر معزومه بيتنه بابا مسوي ثواب لجدادي ولبوج

خلف الله ع ابوج همزين ذكرهم

-هاا نباء بلشنه

لا لا حسكت المهم اشوف قتيبه واكلج

-ماشي عيني اني اروح اشوف هاي الفصعونه راح تجلطني بس تنوص

هههههه انجبي لج ماصارله شهر من اجت طبعاً تبجي

-اخذيه وخلصيني

ههههه مااريد مابيه حيل واق ويق

-هم يجي يوم ويصير عندج وبذاك الوقت شوفينه شطارتج

هههههههه ولي الاكل بلفرن راح يحترك من وراج

-مااشي تعالي مو تتحجين بااي

ماشي احاول اقنع قتيبه الله وياج

كاعدة بنادي الكلية مالأكل اني والشلة مالتي اكلت يادوب نص لفه انريد نلحك ع المحاضره اذا دخلنه وره الاستاذ ننطرد

صارة ب٢ خلصت محاضراة داامشي بطريق الكلبه للبوابه الرئيسيه وكفت بمكاني المتعوده عليه الي سايق دوم يلكاني بي دك تلفوني شفته محمد

ياالله هسه هذا شيريد انطيته صامت ومرديت ضل مستمر يتصل واني ميته تعب واكف منتضره الخط تأخر اجه اشعار رساله فتحته كاتب ليش متردين هااا الخط ميجيج رفعي راسج تلكيني يم السيارة واكف

رفعت راسي لمحته منتجي ع السيارة قبل مااروح ةتصلت بأبو الخط كالو عمي شنو السالفه لاكاني ابن عمج كالي عمي اني ارجعهه ضليت انطي الوان كلي عمي اذا مااكو ابن عمج اني اوصل البنات وارجعلج كتله هاا ذاك هوه هسه شفته مشكور عمي ختمته واني افور

عبرة السايد وصلت يمه كتله انت بأي حق تسوي

باوعلي وهوه مخنزر شمسوي

-تصرف السايق بدون متنطيني علم

وانت ليش متفتحين خطج حركت النقال وانتي ضاله واكفه وتتلفتين

-اي مااريد اجاوب

كال دصعدي وفضيني

-هم صدك انت عليش جايي

كال جاي اخذج اهلج يمنه وامج تتصل بيج متردين كتله اني راح بشغلة وبطريقي اجيبه

سكتت امي شعده بيت عمي طول الطريق ساكته وهوه هم عافني ع راحتي مبين زعلان من اخر شي لمن خابر وعطت بوجه لاتخابر كنت بحاله متسمحلي احجي او ابرر ضغط امي وهوه مدينطي مجال للتفكير ومشاعري المخربطه خلني بحالة فوضه

وصلنه نزلت قبله لكيت عماتي وبناتهن والولد مجتمعين سبب الاجتماع عمي اسماعيل مسوي ثواب الروح جدو وبيبي وبابا وبنفس الوقت يصالحون شمس ومحمد

كملت تبديل لبس من علا كانت جايبه وياهه ملابس عاونتهن مسوين تمن وفوكا حشو دجاج سمج مروكات نوعين ووووو

شويه وطبت نباء متوقعت يعزموهه رحت حضنته والبنات كلهن التمن عليه جيته فرحتني بلكت هم تصالح ويه امي هم شويه كعدة وكامت ساعدنه انصب وننكل

انملت السفره منعرف وين نحط الولد حسن ونائل وعمي حيدر كامو ينكلون حضرنه كوس المي اخذوهن

كعدنه ناكل ناس بصف ناس وسوالف وضحك رغم ثواب بس ميخلو من جو الفكاهه هاي العزيمه اني ونباء وعلا سوه كعدنه شكد ضحكنه ونباء وعلا كلساع وحده غاصه لحد مااعمتي ام محمد عاطت بيهن احترمن النعمه يله سكتن