الحب عند المائيين🌊💞
#سرطان #عقرب #حوت
التفاهم😚 , الرقي🙂 , الاحترام 😉

الحب عند الناريين🔥💞
#حمل #اسد #قوس
الرقص 💃, الاثارة 😈, المتعه 😍

الحب عند الترابيين🌆💞
#ثور #عذراء #جدي
الامان 🙂, الراحه 😌, الاطمئنان 😊

الحب عند الهوائيين 🌬💞
#جوزاء #ميزان #دلو
ثقافه جديدة ☺️, خيال 😃, نكهه خاصه😘

@stylegrils

#رجال_الابراج ❤️🌸✨

الرجل #الحمل♈️ بريئ

الرجل #الثور ♉️ كريم

الرجل #الجوزاء♊️ حكيم

الرجل #السرطان♋️ وديع

الرجل #الاسد♌️ جميل

الرجل #العذراء♍️ خلوق

الرجل #الميزان♎️ مميز

الرجل #العقرب♏️ حنون

الرجل #القوس♐️ فكاهي

الرجل #الجدي♑️ رصين

الرجل #الدلو♒️ ذكي

الرجل #الحوت♓️ رومانسي

@stylegrils. ♥️✨

#خبايا_الاقدار
❤️♨️♨️

... البارت الواحد والثمانون


وشنهو ضنّي ؟
الچنت اتانيهن جزنّي !
لا لگيت شويّه منها ولا لگيت شويّه منّي !
ضايع
وكل الوجوه استغربنّي !
.....

عقيق.. مااستوعبت شيحجي الخاولي يمي بسرعه خليته على راسي وطلعت اركض حافيه بس شافني سكت وحاول يغير الموضوع كتله وين السبع ؟؟

اواب.. عنده شغله كال اتأخر فوتن جوه ويأشر بعينه لفجر حته تسكت
عقيق... سمعتكم لاتجذبون عليه وين السبع بالسجن؟ منو سوه هيج بي كول اواب بداعه امك

اواب.. والله ماادري ابوي خابرني كال اجيكم فوتن وعلى كيفج موزين على صحتج هسه نفتهم السالفه يجوز اشتابه لاتخافين قابل صغير السبع هسه ضرغام جاي بالطريق ...

عقيق.. طبيت دموعي تجري تلكتني لبابه وفجر لازمه ايدي واواب بالاستقبال ربي لاتفجعني بي اخذ عمري ولاتفجعني ساعه وحده مااتحمل افاركه
لبابه.. كولي يالله هسه نفتهم شصاير واكيد غلط شنو حبوب شنو هالسوالف اهدي عقيق موزين عليج

عقيق.. شلون اهدء والسبع مااجه هو مايعوفني والله
اموت وراه لبابه كولن راح يرجع اخاف صدك ياخذوا
خاف واحد تهمه فجر احجي ليش ساكته موزين السبع موو؟؟

فجر.. ياما بالسجن مظاليم !!! تنهدت ومسحت دمعتهه
تعالي عقيق الله من يخلقنه يكتب اقدارنه على جبينه
وشمكتوب انشوف اكو قضاء واكو قدر واحنه بدعائنه نگدر نغير القدر

عقيق..لاتحجن هيج كولن مابي شي والله هو كالي مشتاقلج وراح اوصل هو وصل قريب شلون ياخذوا منو يسوي هيج جبار وبالسجن الله عليجن كومن انصلي لايبات بره واحنه وحدنه

لبابه.. فدمره عقيق ماتقبل تسكت حته كلبهه اوجعهه ومانعرف شننطيهه مانعرف شكو واواب مايحجي يكول ماادري اندك الباب حيل طبت ام جراح عيونهه حمر حضنت عقيق وهاي رادتهه حجه وكامت تبجي...

للصبح احنه كاعدين فجر وعقيق بدون السبع لاشيء
وحده نايمه على رجلي ووحده على رجل ام جراح
ويبجن ووحده دكول لثانيه لاتبجين هسه يرجع.

صار الصبح وعينه على الباب اواب طلع حته بدون ريوك من الفجر وبس نسوان فجر تخابر على جراح مايرد اعصابنه تلفت وعقيق بدت تنهار حته صوتهه انبح من البجي والعياط وبس تكح وتصيح كلبي ينغزني ...

ب10 صارت واحنه من البارحه لا اكل ولا شرب اجه الشيخ ياسين وطلعنه كلنه بدموعنه نسأله وهو يكول بويه على كيفجن ترى السبع مايرضاهه اذا مريته تگدر خاطرهه

ام جراح.. فهمنه ياشيخنه زلمتنه بالسجن ومظلوم شنهي الصاير؟؟؟
ياسين... ماندري من راجع موكفته سيطره ومبينه اخباريه واكو علاكه حبوب وابر ممنوعه بالجنطه وحته صندوگ مخضر وهو يكول ماتركت سيارتي غير بباب البيت بليل البارحه والصبح طالع بيهه ...

ام جراح.. وشفتو لوماخلوكم ؟؟
ياسين.. من البارحه لليوم ماخلونه الضابط موخوش ادمي ومبين مرتشي وحته ماقبل يرفع الاوراق للقاضي يريد يماطل بيهه بس ابو ليث وصل ب9 وخلانه انفوت انشوفه

ام جراح.. شلونه زين؟
ياسين.. زين السبع مؤمن بكل ابتلاء يعتبره نعمه بس باله
يم مريته وصانه بيهه وكال صحتهه ديربالكم عليهه وفجر ولبابه امانه عدنه ....

ام جراح.. سوده عليه ياوليدي وانت بالضيم وتفكر بينه
سمعتي ياعقيق ترى اذا سمع بيح متخربطه يزعل ويضوج وتعرفي يرتفع ضغطه العليج تكومين تصلين وتدعيله

ياسين.. بويه لاتخافين اخوته مايعوفو ابو ليث تسودن على الضابط وراد يضربه وجاب امر من القاضي بنص ساعه وطبينه شفناه وحته اخذناله اكل وملابس واكو ناس نعرفهم بالسجن خوش ناس الله يفرج عنهم ..

عقيق.. ادري يقنعوني بالحجي وادري السبع بورطه
وماعدنه احد غير الله والدعاء بجيت ولطمت
وكلبي رجع بنفس الالم ومابرد كلبي وماشفت نتيجه

يومين واحنه على نار افوت للغرفه اشبع بجي حته علاج
مااخذ اشم بهدوه واحضن بمخدته شلون هاي الليله الثالثه وانت بعيد عني ماسمعت صوتك ولا سلمت عليه ولا كتلي شلونه كليبج ؟!! ماسألتني اكلتي؟! خوماضايجه!! اطلعج شويه تفترين!! بنيتي عقيق من تضوجين يتگدر خاطري خليني اشوف ضحكتج الحلوه

وينك ياجمره ابوس ايدك لاتعوفني وحدي اني انتهي بدونك اني منو الي وين اعيش وين اروح شلون اخلي راسي على المخده ويصبح عليه صبح وانت ماكو وصوتك مختفي من البيت !! شلون ابجي وحدي وماالكه ايد تمسح دمعتي وتضمني

ليش هيج اني وياك جبناهه تعب بتعب ليش انت بالذات
هيج المصايب على راسك انت الصايم والمصلي والكافل ايتام والتنطي من ايدك والله لسه ماادري شكم يتيم كافل والمن ينطي صدقه وشكد هذني كلهن ماشفعلك؟! هلكد الله يحبك ويبتليك يختبرك ويقلل من ذنبك؟؟

مسحت دموعي وطلعت على صوت فجر وهي تصيح عقيق اجت رانيا طلعت خشمي وعيوني مورمه بس شفتهه حضنتهه ياربي ماعندي احد لا ام ولا خاله وين اذب حملي والمن اشكي وابجي بحضن منو؟؟

رانيا.. كافي يابنات اذا بجينه ماراح يتغير شي والله
ندعي الله يستر وينجي من هالكرب مبينه مكيده والضابط معاند ومتلاغي ويه ضرغام والقاضي بعد احقر ناس كلهه حرام بحرام ويكولون شايفين واحد من ربع جبار يحوم يم المحكمه ...

عقيق.. الله ينتقم منه شيريد منه مودمرنه موكافي السبع
بعين وحده ونظرهه ضعيف موكافي السواه بي وحرمه
من اهله وكتلهم شوكت الله يعاقبه كليلي شوكت ؟؟

رانيا.. الله ماينسه عبده هسه بهذا البجي مانغير شي
كومن اقرن قران صلن على الاقل نفوسجن تهدء
بين ماتنحل ...

لبابه.. اسبوع مر ومر الثاني ومر الثالث واليوم صار شهر
والسبع بالسجن وعقيق حالتهه للاسوء وفجر ماتحجي بالعه اللسانهه وضرغام وجراح ماخلو مكان ماركضوا بي بس المعروف تهمه الحبوب خطيره وتاكل اقل شي 7 سنين هذا الي افتهمناه من ضرغام ...

ماخذين عينه من السبع يتاكدون خاف يتعاطى وكايلين
لزمنه مجموعه مراهقين وبعدين طلعوا جذب مالازمين
اثنين ولد جايين مسلمين نفسهم وكايلين السبع يبيع النه
كولت ضرغام هي دوله وقانون ويمشون على الادله والاعترافات والظاهر السبع راح بيهه..

هذوله المراهقين هم سجنوهم واصلا متسولين حته اهل ماعدهم الظاهر الاحزاب والماعدهم مخافه الله يستغلون هيج شباب وتاليتهم للهاويه الي ينسجن والي ينتحر وغيره وغيره ياما لفت المقابر شباب مظلومه

طبيت للغرفه اريد اصلي لگيت فجر ساجده طولت بسجودهه هواي واني كاعده اباوعلهه رفعت راسهه وهي مغمضه عيونهه ودمعتهه تجري ماقاطعتهه واني اباوعلهه شويه وكامت جان توكع ...

كمت اصيح اجت رانيا تركض ذبينه عليهه مي انتبهت
ومن هذا اليوم صارت فجر من تضغط على نفسهه تحس
لو يتهيئلهه شي تتخربط وتتعب من كثر الضغط النفسي...

مرجعه راسهه على الكنتور وكالت السبع مايطلع منهه
صحنه فال الله ولافالج كالت مايطلع اني شفته ينسجن
البارحه هسه يحكمو وهسه نشتت وراه حته انتي يالبابه
تصير شوفه اختج حسره عليج

جانت تحجي وتباوع بالفراغ ملامحهه تعبس وتنفتح
من جديد هزت راسهه وكامت تلزم الحايط يله تمشي
ياربي تعبنه شوكت نرتاح اذا فرحنه اسبوع ندفع كفارته
شهر ...
....

2016 /12/3 الساعه ب11 الظهر جنت واكفه اسوي غده وفجر وعقيق بالدوام كوه راحن بس هاي سنه اخيره
وحرامات تروح رغم سوء صحه عقيق بس خاف يترقن قيدهه بالغياب ...

رانيا رجعت لبغداد انفتح الباب اجن البنات بعدهن
هستوهن يبدلن وصوت ام جراح وهي تصيح يايمه
يالسبع اويلي على اليتيم المتعوب طلعنه نركض
هي والشيخ ياسين جايين

ياسين وجهه اسود ومدنگ وعمتي كاعده بالطرمه تملخ
بنفسهه لزمت عقيق وكالت عمتي هااا ولجن صفيتن
من ايد لأيد راح عزجن وسندجن راح الحاميجن
وصفيتن يابنات ساهره وجن...

السبع انحكم 6 سنين ولجن 6 اسنين ماانشوفه
ولا نسمع صوته اشفت من عمرك يعمه وانت
من ضيم لضيم وتاليتهه تخلصهن بالسجن مظلوم
حسبي الله ونعظ الوكيل بيك ياجبار عسه نهايتك
نهايه المطرود من الرحمه...

لبابه.. ماانحس غير عقيق توكع بالكاع مااتذكر شي
من كدما جنه مصدومين ومفجوعين غركناهه بالمي
يله انتبهت واحنه نبجي بس فتحت عينهه تخبلت
تركض مثل المجنونه وتصيح لاتجذبون عليه السبع
مايعوفني والله مايعوفني 6 اسنين مايعوفني وحدي
اخذوني اله ابوس ايدك شيخ اخذني ...

ياسين.. يابنتي موهيج الحجي بجي وصياح اسم الله
علي موهيج كومن من الكاع وكولن يالله لابيدج ولابيدي
ناس ماعدهه مخافه الله اخوته مايعوفو هسه ضرغام يشوفله واسطه ويرفعهه تمييز بس اذكرن الله وادعن...

لبابه... من هذا اليوم راحت عقيق وفاركتهه الضحكه
اذا واحد كالهه شلونج تبجي انطب لغرفتهه نلكاهه حاضنه مخدته ومغركتهه بدموعهه لو فجر الكطعت الاكل
وكوه حابسه دمعتهه ...

اسبوعين مرن بعد الحكم الكل يسأل علينه الكل يتفقدنه
وره الاسبوعين قلت جياتهم كام يمر اليوم مايندك بابنه نحتاج مسواك لو شي محد يمنه ونستحي انخابر
بيوم منهن علاج عقيق خلصت ومحد يمنه ووحده تباوع
للثانيه وتالي خابرنه الشيخ جابلهه...

بليل تجي ام جراح تبات يمنه ومرات ماتجي تجي
ام اواب اسبوعين فقط بدت ملامح الذل تنرسم على وجوهنه كل اليدخل بيتنه يشوف كسره يتامى
وحده تباوع بوجه الثانيه...

رحت للدوام تعبانه حيل امشي ودموعي تجري على حالتنه ماكو وحده بينه قويه افراك السبع هدنه كلنه
موجان جرح جراح والمريت بي بكفه بس هسه فراك السبع بكفه ثانيه غطت على كل حزني...

جنت كاعده بالمكتبه دك تليفوني اسامه فتحت خط
كال وين انتي كتله بالمكتبه كال اطلعي اخذج لمكان
صرت احتاجه بكل وقت اذا هيج ذره حزن وتفكير
تصيبني اركض احجيله ...

طلعت من المكتبه تلكاني بالطريق رحنه للسياره
وطلعنه من الكليه التفتت علي كتله وين تاخذني
اسامه.. اشوفج بيت اشتريته اريد نسكن وحدنه
مااريد يم اهلي احسن
لبابه.. ليش؟؟
اسامه.. حلو الانسان يستقر اني عندي خير من الله ليش اكعد يم اهلي واخويه الجبير بلبيت نتقيد

لبابه.. اسامه ترى فاهمتك اني احجيلي بشنو تفكر؟؟
اسامه... الصراحه لبابه ماعاجبني وضعكم يوميه واحد
يبات يمكم الي اكدر اعلي اقدمه راح اقابل السبع
واحجيله اريد اقدم زواجنه وانتي واختج ماتظلن هيج

لبابه.. اسامه راح يقبل السبع نتزوج بس ماراح يقبل
تعيش فجر يمنه واصلا فجر ماتقبل وحته اذا صار
لاتنسه مرته عقيق ومستحيل فجر تعوفهه ...
اسامه.. بهاي الحاله شنو الحل اني ماعندي شي وخطوبتنه هذا الشهر الرابع ..

لبابه.. التقي بالسبع وهو شيكول اوافق وصلنه للبيت
نزلنه بيت صغير مرتب بس بعيد عن اهله ومنطقه جديده ماادري شلون اعيش وحدي وبعيده عن اختي وعقيق
افترينه بالبيت وانسولف اسامه بالنسبه اليه امان
وملاذي الوحيد

من ردنه نطلع شافني شكد تعبانه لزم ايدي وصرنه قريبين حيل وجه بوجه استحي اباوعله لان علاقتنه
بحدود وغير مره وحده باسني بالمكتب مد ايده على خصري وضمني لصدره حيل

شمني بقوه وهو يكول شكد احبج يالبابه احب روحج
وهدوئج ورفع حجابي من جهه رگبتي وباسني
برقه كزبر جلدي وميلت راسي كل احساسي وياه مندمجه وياه بالكامل حته اذا تذكرت الماضي بسرعه
اتعوذ من الشيطان بس مايأثر بمشاعري...

رفع راسي بايده واخذ شفايفي ببوسات رقيقه
مداريني حيل يعرف كل قصتي يعرف من شنو اخاف
ودائما يكول انتي شفافه لازم نتعامل وياج بدقه ...

حضنته حيل واني احمد الله واشكره على النعمه
الي وهبهه الي حاسه بحبه بحنانه حاسه يعشقني
مدللني كلشي بي حلو وراقي النعمه الي عندي
وهي تأقلمت ودست على شي اسمه ماصي هاي
كفيله تخليني اسجد شكر لله...

اخذ ايدي وطلعنه وصلني للبيت قبل لا انزل
شال ايدي باسني من كفي وكال ليش ماتعبرين
عن مشاعرج ابتسمت بخجل وكتله موتعرفني
استحي عليك بداخلي الحجي مايأثر...

ضحك وكال اذا احتاجيتي شي خابريني
سلمت علي ونزلت طبيت لكيت عقيق وفجر جايات
عدهن امتحانات اخر السنه البيت كئيب
الروح طافيه بيه وايامنه تمشي بطيئه بدون معنى...

وره ايام اجه الشيخ ياسين بليل ووياه ام جراح وام اواب وعاصم عاصم الوحيد يجينه ويتسوك النه بس هذا
من ولد جبار براسه حظ كعدنه يمهم وبده يحجي
ياسين...

ياسين.. يابناتي كعدتكم هنا مالهه معنى ودفع ايجار
تريدن تردن لبيتجن يم جراح تريدن تجن يمي
بس هنا ماتكعدن السبع اليوم رحتله وكال توصلهن
كلامي كدامهن هالخيارين

لبابه.. اني ماارجع لذاك البيت
ياسين.. تجن يمي بين ماتزوجين والبنات يرجعن
لبيتهن
لبابه.. ان شاء الله نحضر غراضنه ونجي
عقيق.. اريد ازوره الله عليك شيخ خليني اروح
ياسين.. ان شاء الله المواجهه الجايه اخذج هو هم كلبه طاك عليج ...

لبابه... لمينه غراضنه ورحنه يم الشيخ ياسين ابيته
اااخ يادنيا شسويتي بينه يوميه بمكان من مات ابونه
لسه واحنه من بيت لبيت من مكان لمكان وتاليتهه
صفينه بدون والي وسند...

عقيق... اخذني الشيخ ياسين للمواجهه لبست نقاب
لان زلم هواي ودخلني بوجبه النسوان من وره الحديد
اشوفه ابجي وصوتي يسمعه البصفي وهو يكلي عقيقي
بنيتي حبيبتي روحي عمري المتعوب شلونج ياكليبي...

عقيق.. شلوني ياجمره شلوني شلوني بدونك
انكسرت بغيابك يا حبيبي يا ابو بيتي انكسرت
السبع.. ماتنكسرين راسج مرفوع اتسمعين كلامي
ماتنكسرين مدام مرت السبع ماينخاف عليج
بس توعديني تهتمين بصحتج وتفكرين بيه وتخلص الايام تدرين بيه اني قنوع وراضي بكلشي

عقيق.. جمره يوميه بمكان احنه بدونك مانسوه
يا حبيبي الدنيا لفت بينه
السبع... اتحملو تخلص هسه ياعقيق مااريدج تظلين هنا
على اعصابي قبلت بس ادري تأذين نفسج بس تقربي
شويه

عقيق.. تقربت على الحديد كال ارفعي النقاب شويه
خليني اشوفج تدرين هسه يله عرفت انه موبس احبج
انه ميت بيج صورتج بمحفظتي يوميه اصفن عليهه
واتذكر سوالفج

عقيق.. رفعت نقابي شويه اخذ نفس عالي وكال نزلي
اروح فدوه هالعيون اهتمي بنفسج واذكريني بدعائج
ازعل عليج اذا سمعت هامله صحتج ودراستج

انتهت الزياره ودموعي ماوكفت صحيح ارتاحيت من شفته وزين وحته حليان وسمنان وصاير ابيض ماكو شمس الشغل رجعت للبيت واحجي لفجر علي وهي
تبجي وياي وتسكت بيه ودكلي خلصن 3 اشهر وتهون عليه..

تجي ام جراح بين يوم يمنه لبابه انسانه ثانيه
ماادري تمثل لو صدك قويه كل حياتهه اسامه
وهو زين وياهه حته تسلم على ام جراح وتروح
للغرفه تقره لان مناقشتهه قريبه

جنه كاعدين وام اواب سألت ام جراح على مروه
ردت عليهه عمتي وهي دكلهه مااتوب لا والله
حته مرات اكول ماانقهر عليهه لان منين مااجيبهه مااتوب تعبت يا ام اواب تعبت منهه والولد كاسر ظهري اهدد بيهه ماتخاف واذا احجي لاجراح يكتلهه خلاص...

ام اواب.. ماتتعض هاي موراحلهه طير يخبل
شوكت تخلي الله بين عيونهه مو هجمت بيت البنيه
واخذته وراحت بحال سبيلهه شتريد بعد؟؟

ام جراح.. شحجي انتي مثل اختي سوالفهه ماينلبس
عليهه ثوب اجن البنات يشوفني قبل سالفه السبع
ونزلت مطبعه الرگبه والزنود انه من يمي استحيت
وبكلبي تحلفت بجراح يردهه ويشوفلهه صرفه لان جزعتني وادري غايتهه تغث لبابه

تالي بس طلعن البنات واسمع صياحهه ركضت واشوفه
يسحل بشعرهه يضرب براسهه بالحايط وتلاسن
فكيتهه منه وهي دكله اي حته اشوفهه على اساس رجلي
بي حظ ومزوركني مايدرون مايدبرهه داده غير رادت
تموت بيده وماتبطل اللسانهه

صح جسمهه طري وبيضه كلشي يبين بي طلعت
مدري شمسويه بالمكياج مااعرفه شسمته ورد
خدود مدري شنهي وحمره وتالي هو شايفهه من جاي
والبنات كاعدات وساكت ومن طلعت هاج عليهه
عايشه بالحيله سوت هاللعبه كلهه حته تغث لبابه
هي ماتدري بسوايتهه خلت لبابه تضحك على كرامتهه

وهاي هيج افك بيهه وماكو مايتقربلهه وهي متسودنه
اشوفهه ترش بلبيت ومن اسألهه دكلي تحصين وتبطيل
جراح مايريدني معناتهه اكو عمل الحمدلله انه مره جبيره
واقره قران واسال الله يحفظنه بس تاليتهه ابني يتسودن
شلون بيه اكله يموتهه ويطلكهه والولد متعلق بي
اسكت خاف تمرضه ماجاي تتعض من احاجيهه دكلي مو سحر لاتخافين...

ام اواب.. ليش هيج جراح اكعدي احجي وياه خلي يقتنع
صح غلط وتزوجهه بس لبابه راحت وعلى ذمه رجال
وزواجهه قريب خومايظل هيج غير تستمر حياته
ام جراح.. حجيت والله ودزيت على ضرغام اجه
وكعدنه وياه كال كلمتين غيرهن ماعندي تريد تطلك
اطلكهه مااريدهه اتزوجتهه باتفاق ويه خالهه ويدري مؤقت وبرضاتهه وامهه وافقت ماعندي اي شي اقدمه
الهه

ام اواب.. الله يهدي سرهم جراح راح يظل يعاني
لبابه لا اول وحده ولا اخر وحده راح تعيش وتخلف
وهو راح يظل ياكل بروحه وياريت مرته تتعض
ام جراح.. خيه جان يستخطيهه واكله يمه خطيه
من كدما تبجي على ابنهه بس يطب تكوم تبجي وهو
يستخطيهه لان محمل نفسه الذنب طلعت تمثل بس يطلع
تتجبرع وحمرتهه ومكياجهه وابنهه لسه ماطلعت سنته ..

عقيق.. همزين لبابه ماكاعده حته لاتحن لو تتاثر بالكلام
عفناهن وكمنه فجر طلعت بره واني رحت يم لبابه
اعرف فجر راحت يم اواب لان مرات اشوفهه تبجي
يمه وهو يكعد بالكاع ويتوسل بيهه تسكت...

فجر... طلعت اتمشه بالحديقه تطلع على البستان يصير
القصر كدامي شكد اكرهه واكره البي درت وجهي اواب
واكف ومرتجي على الحايط ويباوعلي كعدت بالعشب ومديت رجليه لاحت المي اجه بصفي كال موكافي
حزن يافجر ...

فجر.. مقهوره على وضعنه درسنه وراح نتخرج ومحد فرح النه لا ام ولا اب وهاي تاليتنه من بيت لبيت
اواب.. عوفج عن الموضوع كله خلينه نحجي بالجد
اليوم افتح الموضوع ويه ابوي اخطبج اذا كلتي لا
اخلي راسج بهذا الطين...

فجر... باوعتله بطرف عيني روح كول للسبع اذا قبل
اقبل واذا ماقبل هم اقبل....
اواب...ليش رفضتيني جان هسه عدنه 3 جهال
فجر.. مو بزونه اني رفضت السبع رفض لان ماراد
يدخل مشكله ويه العار

اواب..من رفضتي ثاني يوم رحت للسبع كتله اريدهه
انتظرهه بس كول الك عوفك من حجيهه لان ادري
بيج وبمشاعرج والصراحه احب عقلج هواي

كال الك هي بس جبار مايعوفكم وبعده بقوته
وراح يأذي فجر سكتت بس وراهه فجاه حصلت
بعثه للخارج. صرت بين نارين حجيت للسبع
ولابوي كالو روح وبالك بارد هي الك

فجر.. وليش ماراسلت حجيت ماخفت اتزوج
اواب.. لا ماخفت لان اخذت الكلام من السبع ومن سمعت
سويتيهه وصدك راح تزوجين موهاي اجيت اركض
فجر.. ليش اجيت
اواب... لان احبج احبج يافجر
فجر.. شكرا يله راح اروح لا تفقدني لبابه...

عفته وطبيت جوه لليل سواهه ابو اذان واجه ياسين
يخطبني رسمي منين يخطبني من لبابه ومخابر ضرغام
واسمع ضرغام يحجي ويه لبابه يكلهه كولي لهاي
ام اللسان حافظ دروبهه موتبيع ثگل هي تريده خلي تزوج وتخلصنه ...

قبلت بس ماعقدنه بعدنه اواب عنده مؤتمر ببغداد
كال اكمله يله وامه تريد تسويله حفله لان بس هالواحد
ولبابه بدت تجهز بنيشانهه ويجي اسامه ياخذهه
من الباب ويرجعهه من تدخل الضحكه على وجهه ويرجع يخابرهه سمعتهه دكله واني هم. .
فسرتهه اما واني هم احبك اما واني هم مشتاقتلك...

ضرغام... ليش ماكاويه قميصي
رانيا.. شوفلك خدامه اني مالي علاقه
ضرغام... هاااا هيج الحجي لعد شنو واجبج
رانيا.. اكو حديث نبوي مااتذكره بس الفكره المره
ماعليهه الخدمه بس الفراش ...
ضرغام... ميخالف اني اكوي وانطيني الفراش

رانيا.. وخر لاتلزمني لافراش ولاخدمه روح لحبيباتك
ضرغام.. وين اروح اقبال واتزوجت وسليمه اختفت
منين اجيب اصيح بالسماعه رجال كامل والكمال لله
ويدور على ثلاثينيه جاده

رانيا.. ملاحظ كل همك هاي السوالف
ضرغام.. ملاحظه صايره لغويه زايد وينرادلج
جره اذن امشي كدامي واشر بالمسدس احسن
ما اشوفج اخبالي
رانيا.. وانت هسه شنو

ضرغام.. اشو مستفلكه صايره لج رانيااا اكوملج
تركضين وراي موتيني تليفوني وعندج اخذج
وياي للدوام شلون بطلي هالحاله اذا اريد ادور
محد يلزمني بس موانتي الحقيره عندي

رانيا... لاتكول حقيره
ضرغام.. الصبر ياربي كومي اوكفي واحجي
شتردين سولفيلي
رانيا.. مرت صديقك الضابط دكول يرحون يسهرون
ابيت وحده اعوذ بالله موخوش
ضرغام.. شوفي صح السانه زفر وشايف وعايف بس عمري ماخطت رجلي للحرام من جنت اعزب ماسويتهه
اسويهه هسه من عندي رانيا الخبله

رانيا.. قنعني!!
ضرغام.. اني اعرف شلون اقنعج
رانيا.. سحبني حيل وكام يبوس بيه وادفع بي ماانطاني
مجال هجوم مباغت حته راشدي خفيف ضربني على خدي كلما اكله وخر وهاي تاليتهه نايمه بحضنه وناسيه الزعله...

فجر.. ماردت حفله واحترموا قراري لان عقيق طافي
النور بوجهه مومال ادك واركص ودمعتهه بعينهه بس
اجه الشيخ عقدلنه محد غريب ولبست نفنوف قصير
تمنيت السبع موجود بس اراده رب العالمين فوگ كلشي...

لبسني الحلقه واني مدنگه استحي من امه وخالته موجوده شويه وكالت امه تعالي بنتي رحت لغرفه الحجيه جان كاعد سدت الباب علينه التفتت كتله
شنو هاي موبيت شيخ انتو شو علني؟؟؟

فجر.. اول مره!! اول تجربه!! اول حضنه !! شصار بيه
بدون مايرد عليه كام من مكانه وحضني حيل رجفت
اضلاعي بين اديه واخاف ابادله بس اصيح وخر اواب لا احد يجي...

ابتعد مني بس حركاته كلهه سريعه مو اواب الهادىء
خلاني على الحايط وايده بركبتي خفيفه ويبوس
بيه بشراهه لا ايد ولارجل عندي اريد اوكع من طولي
وهو مستمر واني اديه تخردلت

لزمته من قميصه بخفه لان اديه منتهيه وهو مد ايده
على خصري ضمني اكثر علي ورفعني ليفوك وسندني
بالحايط ورجليه ارتفعت عن الكاع وهو بمستواي
يطبع بوساته على كل وجهي...

مااحس شصار بيه شعور غريب سيطر عليه وكمت ارتعش بين اديه مثل السعفه واجاهه هوه عالي
ماادري شلون افترت بيه الدنيا وشلون بادلته بجنون
ومااحس على شي شلون خربت ووكعت بالكاع وفقدت
الوعي .....
.
يتبع........

#خبايا_الاقدار
❤️♨️

... البارت الثاني والثمانون

وها أنا اليوم أدوس بساطك غريبا،
بعدما كانت هذه الروح منزلي" 🖤
.....

فجر.. فتحت عيني مغوشه عطر قوي بخشمي
راسي على رجله وهو كاعد ركبه ونص بس فتحت عيني
صاح هاي دكه تسويهه ؟!

رفعت نفسي من رجله ولازمه راسي صداع عندي
اتذكرت شصار جان يبوس بيه وهسه فاقده يافشلة
الفشله همزين عقيق ماتدري كتله يمكن هبط ضغطي

اواب.. شو تعالي وخله ايده على كصتي وكال شبيج
فجر معقوله من البوسه شتحسين شو وجهج اصفر
فجر.. مثلا شنة معقوله عندك شك؟؟ ترى اني قطه مغمضه وانت هجمت عليه بخرامشيك شتريد مني اظل واكفه على رجليه

اواب.. انعل حظج سويتيتي اخرمش دكومي اطلعي
لايكولون شو شسوالهه ووضعج مومال بوسه احتمال
مريضه بعدين. نحجي

فجر.. لاتحجي لاحد
اواب.. المن احجي شوصايره تك خيط من يحجولي
عليج بالديوان عوزج بس عگال وهسه كله كلامج
مگلوبي يجذبون عليه؟ لو انتي انثولتي؟

فجر.. هسه بعدني خجلانه وجديده ماراح ارد عليك
خلي اصحه زين واشوفك منو الثوله
اواب.. تعالي قبل لااطلعين وادنه عليه لزم ايدي
ومشه اصبعه على. شفتي وكال ترى مبينه شجنه
نسوي روحي غسلي

فجر.. ابتسمت وطلعت شكد هيلك عبالي ثگيل
بس اذا هو السبع ودكول عقيق منحرف بعد
اترجى من اواب طلعت من الغرفه همزين محد اكو
الصاله فارغه ركضت للمغسله

ومااحس غير وحده تلزمني من ثوبي وكالت لزمتج
وين جنتي هاااا وضامه وجهج داكه دكه فجر افندي
فجر.. اهووو عقيق وخري خلي اغسل
عقيق.. باوعيلي شكو دايره وجهج عينج مكسوره
فجر.. اي مو * وانكسرت عيني ولج وخري على اساس ماتعرفين لو اله تخليني اغرد

عقيق.. عزااا هاي شبي وجهج اصفر شنو متخربطه
وحمرتج هلو هلو ماسحهه ابن الشيخ متستحين
حقيره تتختلين بالغرف وابيتهم واطلعين هيج
فجر.. انجبي انعاله ام السوالف العوجه الله يرحم
ايام زمان وسوده عليه ابن عمي جان اسمه السبع
ويمج يصير عصفور منحرفه امشي خليني اغسل

عقيق.. وكفت يمهه غسلت وكعدت على الدرج مثل
الدايخه خفت عليهه مامعقوله من البوسه باوعتلي
وكالت امشي من يمي جاي تحسسيني مسويه
جريمه

عقيق.. موجريمه بس وضعج مايعجب قابل بس انتي
تنباسين خاف بيج شي
فجر.. ميخالف اروح للدكتور واكله اعاني من مشكله
عويصه بالبوسه اخرب ويجوز من تطور الامور يشيلوني
بالاسعاف عقيق ام كفشه لصمي حلكج

عقيق.. كعدت بصفهه وكلبي اختنك كتلهه فجر مشتاقه للسبع
فجر.. سوده عليه كل من ورا البوسه اتذكرتي شوفي هاي
مساوئهه هم خربت وهم هيجت مواجعج كومي نتمشه
بالبستان

عقيق.. طلعنه نتمشه وحدنه ام اواب تخبز ولبابه يمهه
كاعده والحجيه تصلي طلعنه من الباب الخلفي الجو حلو
وبدت الدنيا تغرب تمشينه شويه صار القصر كدامنه
شكد كرهتك ماشفنه راحه بيك دمرنه هالمكان

رجعنه للبيت انساعد ام اواب بالعشه لبابه بليل تحضر غراضهه جنت كاعده ومرجعه راسي على الكنتوري
وصافنه على حالنه شلون عصفت بينا الدنيا وشلون اقدارنه تغيرت بين ليله وضحها

قبل 3 سنوات فرحانين بعرس لبابه لجراح وواحد يحب الثاني وهواي سمعنه كلام من نسوان القصر الي دكول هنيالهه عن حب والي نظره حقد وحسد من نوال واهلهه
وهاي تاليتهه لبابه تحضر نيشانهه لغير جراح واشوف بداخلهه حزن عميق ويقابله نظره رضا بقسمه رب العالمين ...

اما فجر الحلقه بيدهه وسبحان الجمعهم من غير ميعاد
سافر اواب وترك كلشي ورجع ملهوف عليهه لان الله قاسملهم كلشي من غير تدبير رب العالمين البشر
يفشل بي..

اما اني اني اليتيمه الماعندي بالدنيا بس السبع وتاليته
بالسجن مظلوم شكد خسرنه احباب من 2006 وهسه نهايه 2016 خسرنه خاله ساهره الام الحنونه الصابره
خسرنه هواي ابرياء مظلومين لو الليالي المرت علينه
للصبح مانايمين من الخوف والقلق...

انتبهت على صوت ام اواب وهي دكول يبنيات اريد اسولف وياجن عدلت كعدتي وسدت الباب وكعدت
كالت ادري مااكون ام ولا مثل ساهره الله يرحمهه بس اريد احجي وياجن واتسمعني

لبابه راح تزوج هالشهر والسبع البارحه كايل لياسين خليهه تستعجل بالزواج حته داز على اسامه وحاجي وياه
وموصي عليهه ولازم نستعجل نكمل غراضج يمه
باجر نطلع نشتري الباقيات

بالنسبه لاواب ياسين مايقبل يسوي عرس وحفله يكول ماافرح واخوي بالسجن مظلوم ومايفضل فرحته على حساب اخيه عضيده والسبع هو وبالسجن ويفكر بيكم
وانطه لكل وحده صوره حل

لبابه.. يعني اواب شوكت يتزوج؟
ام اواب... اواب بس هالشهر هو هنا عنده امتحانات لازم يرجع والسبع كال مايسافر اذا ماياخذهه وياه مايعوفهه
وهي على ذمته وكال ياسين اسويلهم عرس بدون حفله بس عشا وانتو اتزوجوا ببغداد وره اسبوع تسافرون..

فجر.. اني اسافر ولبابه تزوج وعقيق وين تروح؟
ام اواب.. هذا بيتهه عقيق احنه كاعدين بخير رجلهه
بس السبع كال ماتكدر تظل بالقريه تضوج حسب كلام
السبع كال تروح. يم ضرغام وهو يتكفل بتعينهه ودوامهه

لبابه.. مو المفروض ضرغام وجراح نلكاهم سند النه اذا مولخاطرنه لخاطر السبع شوفي محد دك علينه وسأل
ام اواب.. لايابنتي لاتاخذون غيبتهم جراح مريض حته مجاز من الدوام ورايح هو وصديقه لاربيل يتعالج ورغم هذا يوميه يخابر ياسين يسأل عليكم

وضرغام بعد السواه ودخل جبار السجن حزب جبار
يركض وراه وتهديد وحته ناشرين عنه يحجون ويتهموا
عود ياخذ رشوه ويشوهون بسمعته وهم والله يخابر ويأمن ياسين انتو بنص اهلكم وياسين ابوكم

عقيق.. هي تحجي واني كوه حابسه دمعتي هاي تاليتي بدونك ياجمره مالي مكان ومن بيت لبيت لو شنو وضعي اعيش خطار يم الناس صاكه على اسناني وكوه صابره

سمعنه صوت ياسين كال يالله ودك الباب لبسنه الحجاب
ودخل سلم واجت عينه عليه شافني محتقنه عاد نفس حجي ام اواب واني مدنگه بالكاع قطع كلامه وكال بويه عقيق السبع يسلم عليج وكال اسألهه شنو تريد لاتجبروهه

اذا تريدين يمي اخليج على راسي واذا يم ضرغام والنعم منه واذا ماتريدين اثنينهم ترجعين لبيتج يم ام جراح
هم بكيفج

فجر.. العفو شيخ بس البيت موبيتنه هو كله بيت جراح
والصراحه مالنه اي كعده لا الهه ولا النه بذاك المكان
يم مرت جراح

ياسين.. لا يابنتي جراح بده من الصفر وراتبه جان يله يكفي مصرف لاهله البيت الجبير وبيتكم وبيت ضرغام
هن بيتين موتذكرن وفلشوهن وسووهم مشتملات حته
تكعدون سوه بس كلهن للسبع محد اله الف بيهن جراح
كاعد بخير ابن عمه

فجر.. هااا ماندري والسبع ماحاجي النه
ياسين.. مايحجي ولا يقبل البيت الجبير لجراح ولايداعي بي وجراح يسدد اله كل شهر بس البيت الثاني المشتملين
اله ودنگ راسه وكال القطعه والبيتين كلهن بأسم عقيق

عقيق.. ركزت على كلامه وهو يعيده مرتين وكلهه باوعتلي هنا مااتحملت ابد بسرعه بجيت بجيت بألم
وحرقه گلب ماعافني جان حاسب احساب لكلشي
وحته مأمن وين اكعد ليش هيج ياجمره اعاتبك لو شنو اسوي بعد مابيه اتحمل افراك...

من شافني بجيت كام طلع والبنات يسكتن بيه
شلون اتحمل اعيش وحدي شلون افارك فجر ولبابه
واعيش وحدي والسبع ماكو شلون فرت بيه الدنيا
شلون اتحمل احس طاقتي خلصت واني اعد الايام
على اصابيعي...

خلصت هاي الليله مثل القبلهه واني فارشه سجادتي
واسأل رب العالمين يفرج عنه لح بالدعاء احنه نسأل
رب المعجزات

صليت الفجر ونمت كعدت على صوت لبابه تبدل راحت هي وام اواب للعشار تكمل تجهيزات وفجر هستوهه كاعده كمنه للمطبخ سلمنه. على الحجيه وسوينه ريوك
نزل اواب من فوك استحيت اخذت كوب الجاي ولفتي
ورحت للغرفه ...

فجر..اسويلك ريوك
اواب.. لااا تريكت من الفجر ويه ابوي
فجر... هاا شعندك كاعد
اواب..صليت وابوي عنده طلعه وتريكت وياه
فجر.. شبيك تباوعلي هيج
اواب.. العصر اخذج لطبيب وضعج ماعاجبني
فجر.. مابيه شي لاتلح ترى تخربطت من وراك

اواب..لان بستج ؟؟ الله بالخير حجيه فجر ام اللسان
تهزج بوسه وبعدين تعالي لو صدك مصدومه مابادلتي
هذا اضفرج بركبتي حافرهه

فجر.. انت ليش مستفز وتفشل الواحد ترى انت اجيت
ماشايف لاثگلت ولا استحيت ذبيتهه براسي ترى
اني انثى وكلي مشاعر شكالولك بايس جبار ومااحس

اواب.. نسخه من ضرغام تكج ماكو لاتحاولين
تبررين لروحج طلعتي رومانسيه زياده عن اللزوم
وعليهه لازم نعودج على الموضوع حته ماتتخربطين بعد

فجر.. اواب اسكت ترى مقهوره
اواب.. خيرج
فجر.. صدك بعد شهر نتزوج ونسافر
اواب.. اي عندي امتحانات مااكدر واذا رحت مالي حق ارجع لان دوام اقل شي 8 اشهر ومااكدر اعوفج وحدج
نسوي عرس بسيط

فجر.. مااريد عرس اصلا اخذني للبغداد وانت سوي هنا
ومناك بالفندق مااريد هوسه واصلا مااكدر افرح وعقيق
دمعتهه بعينهه

اواب.. الله كريم يله راح اطلع رايده شي
فجر..لااا سلامتك كام من الكرسي كرص خدي وطلع
احس حياتي فوضى لان كلشي صار بسرعه بسرعه
ماجنت رايده هيج ابد ..

رانيا.. ضرغام وتاليتهه فهمني والله اذا صار شي عليك
اموت وراك انت ماتخاف يوميه مهدديك شيردون منك
ضرغام.. *
رانيا... قدم شكوه عليهم لاتستهزء بالموضوع

ضرغام..عوفج من هاي السالفه اسامه خابرني الاسبوع
الجاي يريد العرس وخابرت لبابه كالت ماعندي شي كملت غراضي باجر اخذ اجازه للجهال وانروح للبصره
لاتعوفيهن وحدهن البنات ومناك اروح للسبع اشوفه ...

رانيا... ثاني يوم حضرنه الغراض وطلعنه بالي مامرتاح ضرغام يوميه تهديد حته نشروا عنه ويسمو عميل
حارو شسوو واني متخبله وهو ولايمه يكول كل واحد يموت بيومه وطبعا كل الي بالجيش ماهامهم الموت
وكلمتهه المعتاده كل واحد بيومه ...

وصلنه للبصره لبيتنه المشتمل وضرغام راح للسبع
خابرت البنات طلبت منهن يجن ماقبلن كالن لبابه
ماتوصل ذاك البيت وظليت حايره شلون اروحلهن
حاولت شكد اقنع لبابه ماقبلت كالت مااريد الزفه تطلع
مناك مولهدرجه اريد اذي جراح ...

تالي ضرغام كام ياخذني يوميه الهن احضر وياهن
والجهال اعوفهم يم امي كملنه كلشي ورحنه لبيتهه
رتبنه الجنط وعيالهه ناس مثقفين حته ماادخلو بس
يخابرون محتاجين شي ...

لبابه.. كاعده بالبدله واباوع بالمرايه وام الصالون تشتغل
بشعري صافنه على قدري الي افتر افتر وخلاني ارتبط
بانسان ثاني ساعات تجين عصره روح مثل المخاض
وروحي تريد تطلع واني اتذكر جرح كلبي ...

ماادري منين جبت القوه منين جبت هاي الجرأه وقررت
ارتبط جراح من الماضي اغمض عيني اشوفه سراب
من ينذكر اسمه مااهتز الوجع والصدمات تقوي الانسان
وتخلي شخص ثاني..

شكد حبيته شكد بجيت علي بس بنفس الوقت طلع من كلبي من غدرني ماهامني اتزوج فقط لو كايلي اريد اتزوج انتي ماتتحمليني احتمال اقتنع واكول حقه بس من اتذكر يباوع بعيني ويكلي ماابدلج وثاني يوم يطلع
متزوج و4 اشهر لو اتذكر من يتعنه عليهه لبغداد واخابره
اكله مشتاقتلك الغرفه وحشه يكلي واني هم واني واني وهو سهران وياهه كلهن هذني بلحظه الي اتذكره واحن اله يتراكمن كدامي واكره نفسي ....

رانيا وياي كملت واجانه ضرغام ماكو هوسه ولاغريب
ابيت الشيخ ياسين اجت سيارتين وودعت اخر محطه
من حياتي وخليت رجلي بقطار جديد وماادري شراح
يصير يوكف بيه باقرب محطه لو يكمل طريقه...

بالسياره ماحجينه ابد لان مخبوص زفه وهوسه على الشارع واهله واصدقائه فرحانين وصلنه للاستوديو اخذت صور وبس رانيا وياي فجر ماقبلت تعوف عقيق
لان خلصتهه بس بجي وكلما اباوعلهه تدمع عيني ...

طلعنه من الاستوديو لبيتنه مااتزوجنه بفندق اجت علا وامه ومرت اخو واخواته الكبار ظلن يمي بحدود الساعه
وكل واحد راح لبيته وظلينه وحدنه مجرد ماانسد الباب اختنكت كلبي اوجعني خايفه حيل خاف اتذكر وتخرب لو انفعل شكد قريت ايات شكد دعيت بس الدمعه محصوره بعيني..

مجرد مااتذكر حالته هسه شنو الجان مايقبل البس ضيگ هسه بدين رجال غيره اهفي بيدي من الحراره التطلع مني واسامه بره ويه جماعته ياخذون صور ياربي ساعدني وخليني قويه ومااتفشل ...

فتح الباب ودخل اني كاعده على الجربايه خله تليفونه
على الميز واجه كعد بصفي ابتسمت بوجهه مد ايده على اكتافي وحضني صار راسي على كتفه وباسني من راسي
وكال ادري بيج خايفه ومنفعله حته ايدج ترجف وبارده
هدي حالج تعرفيني شنو ماكو داعي لهالخوف..

لبابه.. اريد اطمئن مااكدر مد ايده على فكي رفعه وباسني من شفايفي وابتعد كال كومي خلي نبدل نصلي خليج
طبيعيه يحاول بس يهديني بس يبعد الخوف عني بس
اني عقلي قافل ماجاي يهدء وكلبي رافض يضرب بجدران صدري ومنتفض...

خلاني على راحتي بدلت وغسلت وتعشينه امه جايبه العشه ويحاول يشغلني بغير مواضيع بس الخوف مبين عليه صلينه واني ادعي يارب يارب ساعدني اول زواج
اله واني مو بالوضع اليتمناه...

رحنه للغرفه هو مدد واني احاول الهي روحي ساعه افتح الكنتور ساعه اشيل الجنطه وهو مركز عليه اخر شي كال
لبابه تعالي عوفي هاي الخبصه قريت ايه الكرسي بكلبي
ورحت مددت بصفه نمت على ظهري وعيني بالسگف
رفع خصله من شعري ولزم ايدي ودنگ على شفايفي
باسني جامده بمكاني حته مااعرف ابادله بالي مشتت...

اخذني بحنانه وهدوئه باسني من رگبتي ويحرك اصبعه
على بشرتي وايده مدهه يبعد الروب مال السيت هناا بعدني اضغط على نفسي وحركاته خلتني اهدء بس عقلي
وكلبي الماجاي يهدء ...

غمضت عيني وهو ايده بشعري ويبوس بيه واشوف هذيط الليله مال عرسي كدامي وغيرهه وغيرهه
مااعرف شصار بيه واني اتذكر حرگه كلبي لو الصار لو العشته بكل ليله ويه جراح كلبي فقد اخر ذره صبر
وكسر كل الحواجز ومنعني...

دفعته بدون شعور واني ابجي بصوت عالي واعيط
وخر عني واتوسل بي ابتعد بسرعه وهو مصدوم من حالتي انهاريت اصرخ بعلو صوتي لاتلزمني الله عليك
لاتلزمني وخر ايدك عني..

مااتحرك ابد واكف ويباوعلي واني منهاره جريت الغطه
خليته على راسي وابجي جوه الغطه يمكن بالربع ساعه اني على هاي الحاله احس الالم انعاد من جديد ومأثر على نفسيتي حيل ماجاي اتجاوز الصار بيه موحبا بالماضي بس الم وكسرة روح ماجاي تنجبر...

حسيت ايده على راسي وهو يكول لبابه هدئتي
اشهك جوه الغطه وملابسي ماتستر وفشلانه وخجلانه
من السويته وخربت عليه اول ليله بعمره رفع الغطه
مني واني لازمته سحبه بقوه وجرني من ايدي وحضني
حيل ايده على ظهري يحرك بيهه ويكلي اهدي اهدي
مااسويلج شي...

بجيت بحضنه بجيت واني اتذكر واكله ماجاي اتحمل
ماجاي تنجبر روحي اني اتأذيت حيل اتأذيت بهيج ليله قبل سنوات وراح نص عمري بالالم انت ماتستاهل وحده مثلي اني اكرهه اكرهه السوه بيه هيج دمرني
اخذ احلى ايام شبابي جنت احجي بدون وعي مامنتبهه على روحي ...

اسامه... اشششش اهدي كلشي راح ايام شبابج هسه
بدت وانه وياج خطوه بخطوه اهدي حبيبتي والله
مااتقربلج بس اهدي لاترجفين لبابه حبيبي على كيفج

لبابه.. سكن روعي واني بحضنه رجع نفسه ليوره ومدد وخلاني على صدره كتفي طالع لابسه بس السيت الابيض
دنك باسني من كتفي وهو لازم ايدي لحدما هدئت وبطلت شهكه...

مافتح موضوع ولا حاول يعيد نمت بحضنه تعبانه
وهو يلعب بشعري فتحت عيني هو كاعد بس بعده
بالفراش بس كتله صباح الخير باسني من شفايفي
وكال صباح النور شلونج هسه

لبابه.. زينه اني اسفه
اسامه.. لاتتأسفين ماضي وراح صح متأذي وصح كل رجال مايتمنى مرته بهالوضع بس اسأل الله الصبر
الانسان موكلشي نفسه وشهوته لازم يراعي غيره
بغض النظر المتعرضتله بس مبينه صدمتج قويه
ومااريد ازودهه عليج

لبابه..ياريت كلهه مثلك تفتهم غيرهه ولو كلهه تعامل نسوانهه بهالحنان جان كل عائله تلكاهه عايشه بسعاده
اسامه.. ماكو كلهه ماكو قانون يتعمم على الجميع لكلشي شواذ واستثناء راح دكولين شنو الجابره يتحملني وقابل
مرته متحطمه من زواجهه السابق وهالشي حيل صعب عليه بس كل موقف انمر بي بحياتنه درس النه بالمستقبل

اني ماراح ادخل بتفاصيل وياج بس عرفت سبب انهيارج وهالشي شايف عنه بعيني من جنت صغير جان عمري تقريبا 13 سنه او اكثر وقبل كاعدين ابيت جدي الجبير
كل عمامي بي وجان عرس عمي الوسطاني وجابوله ابنيه صغيره عمي انسان همجي الى درجه جنت اسمعهه شكد تووسل بي يعوفهه بهاي السالفه شباك غرفتهم على السطح واني دائما فوك وصرت بس اراقبهم

بيني وبين نفسي اكول عمي شكد حيوان خطيه مالهه ذنب ليش هيج يأذيهه رغم ماجنت مستوعب كلشي وبعدني صغير واهل قبل على الفطره بس مرت عمي
لسه بين عيوني شكد جانت تعاني تخيلي جانت ماتكدر تكعد ومن تشوفه تكعد عدل وتجبر نفسهه واشوف علامات الالم مرسومه عليهه تخاف منه عمي يكولون من صغره على اساس بي جني مدري شنو ومتشافي وساعه يكولون مخبل ...

وتاليتهه شنو سنتين كاملات اني انام اكعد صوت مرت عمي وهي تووسل بي باذاني لو الكتل التحصله وبيوم منهن كعدنه الصبح نتريك وصاحوا حركت روحهه وراحت هذيج الشابه ماعدهه اطفال بسبب العنف التعرضتله موكل وحده تتحمل ولا كل وحده تكدر تتجاوز
المحنه

ومن يومهه كبرت وكل درس وكل موقف اتعرضله اتذكرهه حته طلاگ علا ومن تجي تبجي اخاف عليهه
من هذا الموضوع وحجيت وياهه وحلفتهه خوما يعنفج
حيل يوترني هالموضوع وانعكس على طبعي وصرت هادىء لذلك يالبابه مااريد تتأسفين على شي انتي مالج
ذنب بي الي اريده منج تساعدين نفسج وتخلينه
انعيش براحه ماراح اسألج انتي تحبيني لان انه رجال واعرف واحس وادري بمشاعرج بس عيبج الوحيد ادورين
نفس الدائره...

لبابه.. رفعت راسي وبسته من خده ودنكت على ركبته
بستهه ميل راسه وكتله الله يخليك الي ويحفظك
من كل شر اوعدك اكون الك زوجه صاينتك بكلشي
ابتسم وحضني واني اسمع دكات كلبه شكد متوتره...

ابتعدت منه لبست الروب وطلعت سويت ريوك وهو
يرد على الاتصالات يخابرو يباركوله تريكنه وكال بدلي
انروح لاهلي نتغده بدلت وطلعنه اهله محد يمهم بس اخواته واخوته مرتاحه حيل وياهم وتعاملهم حلو ...

رجعنه المغرب جبنه عشه جاهز تعشينه وكعدنه انشوف تلفزيون كمت خابرت فجر تبجي هي وعقيق بس رانيا
ماخذتهن يمهه وهوسه الجهال على الاقل مو وحدهن...

لبست دشداشه قصيره ومددت بصفه مد ايده جوه
راسي وحضني ونمت ومرت هيج ايام عرسي الاولى
تفاهم موطبيعي وابد ماحاول يفتح موضوع واني اريد
اقوي نفسي اكثر وابادر...

رانيا... بيوم عرس لبابه وره ماراحت الزفه جبت البنات
ورجعنه لبيتنه عقيق ماخليناهه تدخل بيتهه خاف تنقهر
جنه كاعدين نتعشه وصاحت ام جراح ضرغام الحگلي
ركضنه كلنه جراح يتقيء دم وخشمه ينزف وجهه احمر
من الدم يغسله ضرغام يرجع بوري ومفتوح

اخذه للمستشفى واحنه دخلنه ليجوه يم ام جراح كالت يكتم بداخلي ومايحجي الشعور العنده صعب ومايكدر يحجي مثل بلاع الموس خابرت ضرغام كال ضغطه مرتفع وصدره تعبان من التدخين شويه ونجي بس يستق
مروه ماكعدت يمنه واصلا ذاله نفسهه زياده وهو مامعبرهه وحاير بحزنه بس هي الله يهديهه
ماادري شعدهه قابليه

هاي الليله صعبه لجراح صعبه حيل الله يساعد
كلبه حبه وكيانه تفتت مثل فتات الخبز
وبعد مانكدر انرجعه رغيف بشكل دائري...

رجعوا والكانيوله بيده نام بالاستقبال وامه تبجي
يم راسه وهو صدره يصعد وينزل من قوه تنفسه
وحزنه المكتوم ومحد يكدر يشيل عنه ولو ذره بسيطه
وراح يظل مدى العمر بحسره حبه النظيف ...

رجعنه لبيتنه انسولف عن تحضيرات فجر
ماظل شي واخر قرار راح تجي عقيق يمنه بعد مالهه
شي بالبصره تخرجن ودوام ماكو وهي قررت تسكن ويانه ...

نايمه على ايد ضرغام واسولف وهو صافن مقهور على جراح التفت عليه وكال جراح راح يطب طبه علمود السبع واحتمال ينقذ السبع ويهلك نفسه

رانيا.. ليش؟؟
ضرغام.. يكول ماعندي شي اخسره بس السبع وراح يرفع القضيه للتمييز وراح يشتكي عن حزب جبار الي اجو هنا وهددو السالفه اكيد منهم لان هاي الحبوب ماتنباع الا من العصابات والي بالدوله لان تدخل من الحدود تهريب

واحتمال يقللون الحكم او يحصل براءه بس جراح
مايعوفوا ويظلون وراه وهذا وراه لبابه مخبل اصلا
لابعينه طفل ولا نسوان الي حلت بعينه مروه لوتشوفين
شكد نسوان وياه كلهه مايشوفهه بس الحظ وداه لمروه
وخسر لبابه..

رانيا.. احجي وياه خلي يتمنالهه حياه سعيده لايظل نفسه بيهه وماتتوفق بحياتهه
ضرغام.. لا كال ادعيلهه وكال احسن اشوف حياتهه لان
هو يدري بنفسه اذيه الهه مرات من شدة حبنه لشخص
نبعده عنه حته لايتأذى المهم يكون سالم

ترى جراح ابن عمهه ويكدر يخليهه طول عمرهه كاعده
ويلح عليهه لحدما تقتنع بس هو يدري بروحه اذيه
وبنفسه كال اخاف عليهه من نفسي لاتفكرين بيهم
انطوت سالفتهم...

جان بهاي السنه منتشره القصص وفجر وعقيق
ليل نهار يقرن قصص واجي الكاهن يبجن مرات
متفاعلات ويه البطله ظليت اسبوعين بالبصره ورجعت

بالطريق تخربطت وعبالي من التعب بس استمريت على لعبان النفس يوميه خابرت ضرغام واخذت امي على اقرب مختبر حللت وطلعت النتيجه حامل فرحت حيل وبنفس الوقت مو وقته لان ليث صغير ومتعبني

اجه ضرغام كال شبي وجهج معفوس كتله حامل
جان ينزع بقميصه التفت عليه كال هاا الحمدلله
بيهه الخير لعد شو ماقابله؟؟
رانيا.. ليث صغير
ضرغام.. يكبر ويه اخو لا تتبطرين على نعمه الله

رانيا.. حمدت الله وبدت رحله معاناتي من جديد
ويه الحمل وضرغام مشغول بسالفه السبع
ويوميه بالبصره واسمعه مرات يتعارك ويه جراح
يكله راح ادمر مستقبلك وذاك مصر اله يطلع السبع ...

فجر.. اجه اواب اخذني للطبيب فحوصات وهوسه
ونفس المرض القديم وشحوم على الكبد وعندي
خلل بالغده الكظريه ويصير عندي هبوط انطوني علاج
وكال مؤقت بس انسافر انراجع ...

حاليا اني وعقيق يمهم بس من اسافر تنتقل لبغداد
عايشين اني واواب قصه حب ومتفاهمين ويركض وراي ماازود وجبه اكل ومانعني من الحلويات وكلساع افتحي
حلكج اشوف اسنانج اخر شي مليت عضيته يله تاب ...

بيوم منهن اني وعقيق بالغرفه نختار بدله حلوه
واجت ام اواب كالت عقيق يمه البسي واطلعي
الشيخ يريدج لبست عقيق وراحت للمضيف بس
كلبي لعب مامرتاح كمت ركضت وراهه كتلهه خاله
شكوو؟؟

هزت راسهه وكالت ااووف يافجر هاي البنيه متعوبه
اجو عمامهه يريدوهه وصوتهم شعلوه بالمضيف
وحته يصيحون نشتكي عليكم ودرو برجلهه بالسجن
وماعدهه احد مدري منين سمعوا وجايبين العنوان
وطلبوا عقيق هسه تنصدم من تشوفهم....

.
يتبع............

#خبايا_الاقدار ...

البارت الأخير
...
سُبْحَانَك رَبّـ❤ـيٌ تمهل ولا تهمل
عباد ☟تٌَحَـتْ☟ سماءك تجبروا وطغوا
الًيَوُمًِ يسقى كل ساق بماسقى ..الًيَوُمًِ يعاقب كل ظالم بما ظلم ..الًيَوُمًِ ينتهي ذاك الجبروت ..وينتصر الحق و تتتحق العدالة
...

عقيق.. دخلت للمضيف اشوف رجال كاعد يشبه بابا
ومره ورجال بالجهه الثانيه اجت عيني على الشيخ ياسين مثل المعصب ويفرك بالسبحه بيده سلمت وكعدت كلبي نغزني هذوله العافوني بالشارع اسنين واسنين وماسألوا عني...

ياسين.. يابنتي هذا عمج اخو ابوج وهاي عمتج ورجلهه
وسامعين السبع بالسجن وهسه جايين يريدون ياخذونج
الكلام الج

عقيق...وين ياخذوني؟؟ منو وصلهم خبر ؟؟ شعجب بس هذا سمعتوا ماسمعتوا بمرضي شلون عشت شلون تربيت بيد رجال غريب

عمي ... حقج يابنتي بكلشي دكولي واحنه مقصرين وياج
بس ندري بيج بأمان وهسه مالج احد وزحمه ماعندج رجال ولازم تلتزمين بالعادات والاصول وترجعين لاهلج ومن يطلع رجلج يجي ياخذج..

عقيق.. منو انت من عمامي حته اشكالكم مااتذكرهه عفتوني بالشارع عمري 17 سنه 3 ايام بايته بالمستشفى والمدير يطردني واخاف من الشارع وين جنتو عني هسه جاي تحجي بالاصول مدام تعرفهه خليني احاجيك بأصولي التعلمتهه من رجال غريب...

الاصول دكول خزي وعار على كل عم وخال وعمه يتركون لحمهم بيد غريب وبالشارع
الاصول دكول لابارك الله بأهل عدهن يتيم وينام مكدر
خاطره وماعنده احد

تحاجيني باصولكم الماشفتهه ياعيب عليكم حرامات اصلا اسمي مرتبط بيكم مات ابوي واني مريضه وتاليتي بالشارع ولوماالسبع اني هسه الله اعلم بحالتي شنو؟؟ راحلكم وسنه كامله يدور عليكم وتبريتوا انتي منو من عماتي ؟؟ مو بيوم اجاكم وكلتوا ماعدنه ومطلوبين ارهاب شجابكم عليه هسه

عدكم صله بواحد من القريه لو من جماعه جبار وصلكم حجي وطمعتوا بعقيق عدهه فلوس وورث من رجلهه حته تلعبون لعبتكم اني مو القديمه اني موالطفله من تصيح عليهه انت ياعمي تبجي وتختل بغرفتهه اني مرت ابن شيوخ وينحلف براسه ربيت على الاصول والصح والحق واعرف هسه جيتك على شنو ؟؟

عمي.. مع الاسف على هذا الكلام اني خليتج براحتج لان خاطرج مكسور من عدنه بس مواحنه النطمع ببتنه صارلي شهر ادور عليج كلبي حس بيج بخطر واحنه شلنه من المنطقه وخلفله على اهل الجود دلوني بيكم

عقيق.. وليش هسه ليش مانغزك كلبك قبل سنه من عمه رجلي وظليت وحدي واخاف من الزمن لايخوني شمعنه هسه ناغزك كلبك ودورت عليه ليش اتجذبون عيب كاعدين بمضيف رقم السبع عند عمتي ماخابرت بيوم بعشره وسألت عدله ميته

ماكلتوا شكلت اشربت يجوز رجلهه موخوش
شلون عايشه وهاي بتنه اصلا استحي اذكركم
احس بالعار من اسمع احد يمدح باهله وعمامه

كمت وكفت وكتله من رخصت شيخ اي كلام ماعندي
وياهم واذا اجو مره ثانيه وحاولو ولو بكلمه يمسوني
اشتكي عليهم بنفسي واكول يهددوني اترك بيتي
لان زوجي بالسجن وهاا ماانسه عدكم سوابق قتل وفصول عود تعالو بعدين وطالبوا ببنت اخوكم

عفت المضيف وطلعت كلبي يدك بقوه واذاني توش ارتجيت على الحايط اخذ النفس بصعوبه اجت فجر تركض لزمتني وتصيح خليني اطب اشحطهم شحط هالكو*****

لزمت ايدهه وطبينه جوه حجيتلهه شكلت كامت كرصتتي من خدي كالت يابه صدك تربات السبع بس بعدني مقهوره ليش القوي اذا وكع تكثر اعدائه وكل واحد يريد يقتص منه...

ثاني يوم يله شفت ياسين اجه حجه وياي كال السبع يسلم عليج بارك الله بيج ماراح تعبه بلاش جنت خايف لا تستسلمين وتروحين وياهم هانت ماظل شي اجه موعد التمييز ...

عقيق.. جراح ماسكت ابد يوميه بمكان يوميه مقابل وزير وكل شكوه وعريضه يقدمهه وطعن بالحكم اخر ماوصل اله طعن بالقاضي مرتشي وهنا القضيه اتحولت لغير قاضي وبايام قليله انرفعت للتميز بس حيل مشددين علينه مايقبلون حته نطلع للعشار اله تنحل...

التهيت ويه فجر وهي تحضر بنفسهه خابر ضرغام كال راح اجي اخذهن يمي وهنا بالقريه يسوون عرس بس زفة اواب لبغداد ووره اسبوع الحجز مالتهم يسافرون

شايله هم شلون افارگ فجر لبابه راحت وفجر راحت واني وحيده شلون اتحمل اعيش وحدي رغم رانيا ابد ابد مامقصره واحسه صديقتي بس فجر اني وياهه كبرنه سوه ...

رحنه ويه ضرغام واخذت كل غراضي بعد ماالي رجعه
للبصره اذا مايطلع السبع كل واحد ملتهي بهمه كل واحد
عايش حياته بلون واكو يعدون ايام بدون طعم امثال جراح

يوميه ناخذ رانيا نفتر نجهز وهي كوه تمشي من الحمل
بس انفوت محل تخلي الكرسي وتكعد وتصيح التوبه
اذا اطلع وياجن موتني ومن نرجع يتعارك ضرغام شمسويات الهه عطلتنهه ...

شويه نفسيتي ارتاحت يمهم على صوت الجهال ورانيا مرحه حيل ومدللتني اذا شافتني ابجي تحاول اطلعني لو تلهينه انسوي كيك وحلويات احسن من وضعي هناك. .

اليوم فجر عروس اجت من الصالون ولبست البدله وكاعده اصبغلهه اضافيرهه ولبابه جوه جابهه اسامه قبل يوم كتلهه فجوره خومامرتبكه؟؟
فجر... لااا متلهفه
عقيق.. عزه بعينج عبالي خايفه
فجر.. اليوم مااكدر اغلط عليج مو عروس باجر اني اعلمج

عقيق.. ماخابرتي وين وصلوا
فجر..دزلي رساله كال دخلنه بغداد حضرتيلي الجنطه كامله
عقيق.. خليتلج تراك واحد
فجر.. لاقصرتي لومخليتلي دشداشه وجواريب !! شسوي بيهن شكالولج اني عقيق كومي طلعي كومي

عقيق.. يامتستحين اول يوم لازم تخجلين خوما تظلين
بالبدله
فجر..لعد. البس تراك امشي خليلي غير شي شدكولين كولي منحرفه اني عندي جينات من ابن عمتي ابو ليوث

عقيق..كمت طلعت التراك وخليتلهه دشداشه نوم قصيره
الفرحه يعيونهه كلساع اباوعلهه ودمع عيوني شلون افاركهه ياريت بغير محافظه بس مو بغير دوله ...

نزلنه جوه محد اكو بس احنه ولبابه وجهال رانيا يطشون جكليت ويهلهلون ويرجعون يلمو وهذا رضاوي من كدما اكل كام يصيح نفسي لعبت هو هذا الماعنده احد واليتيم حته بالفرح محد يشاركه...

شويه وصوت السيارات اجت الزفه وكفت على جهه وكمت ابجي كلهه التهت بفجر وخبصه الزفه واني عاضه ايدي وابجي واباوعلهه راح افاركهه دخل اواب والشيخ ياسين وام اواب واني ماتقربت..

فجر.. كوه حابسه دموعي اشوف بطرف عيني عقيق بالزاويه وتبجي بس اقوي نفسي وماابجي هاي اختي الثالثه صديقتي الوحيده شلون اعوفهه وحدهه تصارع الم فراك السبع...

دخل اواب مدري شيحجي لازم ايدي بس فكري كله يمهه
لو يمهه السبع ماخفت عليهه جان طلعت فرحانه بس احس بشعورهه وهسه هي وحيده وماعدهه احد المن تسولف المن تشكي ويامن تشاقه محد يعرفهه بس اني والسبع...

حسيت صوته تخلل مسامعي وهو يكلي حبيبتي شبيج؟؟؟ هو كال هيج واني تعالي ياساهره ياماما
كمت ابجي وعقيق تبجي عفنه كلشي وهي تباوعلي وتشهك واني اسحل ابدلتي وابجي وعفت اواب واهله
وكل الناس تباوع واني حاضنتهه وابجي..

يجرون بيه مااكدر اعوفهه وهي ترعش من الالم البداخلهه والحسره اخر شي سحبتني ام اواب وعقيق
ركضت للغرفه لامكياج ظل ولا صخام صرت اخوف
سكتوني كوه وطلعت للسياره ورانيا وضرغام اجو وراي
للاستوديو عدلت مكياجي واخذنه صور لسه من اشوفهن اضحك عيوني حمر مورمه من البجي...

وصلونه للفندق وكل واحد راح لبيته اول ماحضني
وكال روحي غسلي وجهج يخوف وجان تليفونه يدك
طلع يخابر واني رحت للحمام سبحت وبدلت عدلت
وجهي ارتاحيت بس بالي يم عقيق يانعاله ياعقيق
اتذكرت سوالفهه من دكلي السبع منحرف وضحكت

طب اواب لكاني مبتسمه كال خير ان شاء الله ساعه
بجي ساعه ضحك تاليتهه خاف مااطلع سلامات من هاي
الليله جنت جوعانه حيل كتله اريد عشه !!

اواب..شويه مثلي تصنعي ادلعي حايره ابطنج
حته بليله عرسج
فجر..ترى ازعل ومااكل
اواب.. كومي ذاك العشه بالصاله خلي ابدل واغسل
فجر..طلعت عدلت الميز باوعت لروحي لابسه سيت
سماگي وعلي روب ستن طلع من الغرفه جنت مدنكه
اشعل بالشموع...

مد ايده على شعري رفعه صفح وباسني من ركبتي
عدلت وكفتي وكعدت شويه متوتره بس الهي
فكري وكلساع افكر بعقيق ويروح الارتباك
كملنه العشه واحنه نحجي على التصوير واللقطات
كام غسل واني لميت الاكل ورحت للغرفه...

واكفه كدام المرايه اخلي لوشن لايدي مد ايده على
خصري حضني ودنگ راسه برگبتي يطبع بوسات رقيقه
وكلساع اميل راسي لجهه الثانيه خله ايده على خدي
وهو حاضني من ظهري غمضت عيوني ورجليه
تتحرك تماشي ويه خطواته ...

عكس البوسه الاولى جان هادىء حيل يهمس كلام
حلو بأذاني يتغزل بيه ويعبر عن حبه لحدما صفيت
مسلوبه الاراده واني بين احضانه واتوج حبنه بزواجنه
بعد فراك ومعاناه...

باسني من راسي وكال مبروك حضنته واني تعبانه
ليله عظيمه بين اثنين يحبون بعض واجتمعوا بعد
فراگ طويل وبعد ايام صعبه تنذكر وماتنعاد...

كعدنه الصبح على صوت التليفون ياسين يم ضرغام
بدلنه وطلعنه بدون ريوك وصلنه للبيت شويه وراحوا
بعد ماسلموا علينه وكالوا اسبوع ونجي من تسافرون
وضرغام انطانه مفتاح الشقه مال السبع ورحنه بيهه..

مالحكت احجي ويه عقيق بس كتلهه هااا ملعونه
دكولين السبع فقير وطلعت هاي السوالف محد بيهه فقير
جانت تضحك من بين حزنهه بس رانيا تلهي بيهه...

لبابه.. اسامه زين وياي مر شهر كامل احنه متفاهمين
ماطلب مني ولافتح موضوع بس يحضني وانام هاي
كل تقاربنه بس مرتاحه وياه وبديت اوعه اكثر وهالشي
انتهه ولازم اتحمل قراري...

بيوم منهن وره عرس فجر من رجعت قررت اتحضر
لان احس نفسي زينه واصلا راغبه بقربه لان اكو قيود
بيناتنه لحد الان يوميه بليل يروح لاهله فد ساعه
ويرجع واني كاعده انتظره...

من يفوت يطفي الاضويه مال البيت ويسد الابواب
واني استر بنفسي بالسيت فتح باب الغرفه جنت كاعده
على الجربايه اول ماانرسمت ملامح الدهشه على
وجهه وبعدين ابتسم وهو يخلي موبايله على الميز
وينزع بساعته وعينه عليه...

مد ايده على الضوه بصفه طفاه انفتحت الثريات الي
بالسقف بضوه هادىء وخافت واتقرب عليه لزم ايدي
كمت وكفت مد ايده حاوط خصري وكال متأكده؟!!
هزيت راسي بخجل ودنگت...

رفع راسي باصبعه من فكي وصار ياخذني
بقبلات مثل الجمر واني مستسلمه وعقلي
هو المسيطر وانتهت هاي الليله وخلصت من الثقل
الي بكلبي واني اشوف الفرحه بعين اسامه..

من هاي الليله اتغيرت حياتي صار كل وقتي بيتي
واسامه ودراستي خاصه بيوم الي اجه وكالي السنه
اداومين بعقد بالكليه ويه علا جانت فرحتي ماتنوصف
واني اشوف التعويضات الالهيه المتكرره...

اليوم فجر تسافر صارلهه اسبوع على زواجهه وطلبت
منه ياخذني كال صار اخذني من الصبح هناك جانت مناحه خلصناهه بجي عقيق انهارت وفجر يسحلون بيهه
للسياره تصعد وتنزل تركض تحضن عقيق وترجع تحضني
اخر شي صعدت وتصيح ضرغام عليك الله احفظ امانه السبع لاتزعلوهه...

احس عيوني مثل الجمر واني اودع اختي الوحيده
وصفيت بالدنيا بس باسامه واخاف من الزمن اخاف
من الغدر لافجأه تتغير حياتي بس جنت مرتاحه لان ابتعدت عن مشاكلنه على الاقل خلي ترتاح هي ولايوميه مصيبه...

رجعنه للبصره وبديت اداوب بالاسبوع مرتين ويه
علا فرحانه بحياتي اسامه مااعرف شوصفه حته من يصير سوء فهم بيناتنه يتجاوزه وبعدين يعاتبني
حيل متفهم والاهم من هذا شفت حبي جبير بداخله
تأكدت زواجي مو زواج عادي لا اسامه حابني ومتعلق
بيه بحيث تغاضه عن كل سلبياتي ...

اما كلبي اصبح اشبه بعقرب ساعه متروك من ناحيه
موضوع جراح ادعيله بالتوفيق والسعاده اقتنعت بحياتي
وراضيه بالنصيب الي اجاني وحافظت عليه ويوميه
احمد الله على النعمه...

مرن شهرين واحس نفسي تعبانه جنت بالدوام وعلا لحت عليه اله انروح نحلل طلعنه لمختبر قريب جان معزل ظلينه ننتظر وكلما يخابر اسامه دكله يمي عدنه شغل
اخر شي كالهه اذا طلعت نتيجه التحليل بشريني
طلع شايفنه من اجينه وعايفنه على راحتنه...

اخذوا دم مني واني انتظر حيل حابه شعور اكون ام
واستقر واكون عائله صاحوا اسمي حامل حيل فرحت
رغم مرات تكون الفرحه محمله بالغصه بس من اتذكر
الصار انتبه على نفسي موكلشي بحياتنه الحب ولا الدنيا
توكف على رجال وكلما يزداد الالم يزداد النفور ...

مرات انشوف الوحده تفني عمرهه علمود الحب ماكو
مصيبه ماكو سالفه ماتوكع على راسهه تتعرض لانواع
الطعن والخيانه وتظل متمسكه وكلبهه يوميه مكسور
كسره ودكول احبه وتاليتهه وين؟؟ نهايتنه للهاويه
ونجمع نفسنه من تحت الانقاض...

فرحه اسامه واهله بالحمل كلش جبيره معززه مكرمه
مدلله مايوم كالي ولج مايوم غلط بقصد او غير قصد
دائما كلمته لاهله احترامهه من احترامي من اروح لاهلهه
الكل يفرح بيه وماسمعت بيوم كلمه موحلوه . .

من خلال معارفه وبالوزاره حصلي تعين وكمت اداوم دكتوره بكليه الهندسه من اباوع لاسمي مرات وتسبقه كلمه الدكتوره لبابه علي اوكف لنفسي احتراما على التحملته وقاسته باصعب الاوقات خاصه من بعد خساره ماما ...

فجر ... وصلنه لروسيا شنو هاي وين عايشين شلابسه
الناس الهوه شلونه امشي واتعثر اشوف اثنين يتباوسون
واواب يجر بيه يصيح فضحتينه امشي قبح الله اشكالهم
وافعالهم شيشوف الله جواه ...

اواب.. امشي الج دينج والهم دينهم شعليج انتي خلينه نوصل الشقه مو حركتي ابو ابوي
فجر.. اسكت ابو الغوسيات تعرفهن ويسلمن عليك
ابو النسوان تحب الشگر ماتحب الاسمغ البصغاوي
اواب.. دمشي واشوفج شحب بس خلي انفوت للشقه..

فجر... طبينه للشقه بدت الرحله مالته وتاليتهه
كاتل ومكتول وساحل ومسحول واثار المعركه
بكل مكان...

ابرار ويانه بنفس العماره بس دراستهه بعدهه ماكملت
ويمكن راح تزوج لان اكو اتفاق بين جراح واواب على الولد الوياهه لان مرات اسمعهم يتخابرون...

عقيق... بعد سفر فجر دخلت بكأبه بس ابجي مااعرف
شسوي رانيا دوام هي والجهال وابقه وحدي اني وامهه
بالي يم السبع شلون انام ليلي وهو وبالسجن اسمع من
ضرغام اخباره لو يدزلي سلام ...

بيوم منهن اجه ضرغام بدل وبسرعه راح كال اليوم
محكمه التميز اليوم كلبي اشتعل نار لازمه قراني واقره
انهاريت وبس ابجي ومحد يجاوبنه وبيومهه ضرغام
بات هناك عود لليل يله جاوب وكال ان شاء الله خير
بعد جلسه اعاده كشف ادله ويطلع اذا الله راد

مااكدر اوصف الصار بيه اخاف اتأمل ومايطلع واخاف
اتشائم وتنعكس تخبلت ساعه ابجي ساعه ادعي
ساعه افرح اكول راح يطلع لو ادعي لجراح الخطه هيج
خطوه رغم التهديد ورغم حته سيارته مكسريهه...

رجع ضرغام ثاني يوم سولفنه كال تحولت لغير قاضي
وبس يطلع على الادله من جديد انتهت يطلع السبع براءه
بس جراح مهددي حته منقول من دوامه للجوزات بعد ماكان بمكان قريب على بيتهم بالدائره مال الاحوال المدنيه...

شهر كامل اني على نار واحسب يوم يوم ونفس الحكومه
شطوله والايام صعبه ماجاي تخلص اخابر فجر يوميه
على سوالفهه اضحك لو تحجيلي عن اواب بعدهه نفسر
خبالهه وماعقلت ...

( الموقف حقيقي 100٪ ذكرته حته شكم بنيه تاخذ عبره منه من وراه القصص )

بهاي السنه جانت اكو قصه كاتبه تنشرهه وكلهه متفاعله وياهه والوصف والسرد حيل حلو من اقره البارت انزل لرانيا احجيلهه هي متقره قصص دائما دكول لاتروحن تنحرفن خاصه هاي المحافظه احنه نعرفهه وحاله حال العراقيين شدعوه هلكد حلو هيج بس اني جنت قافله اكول البطل احتمال تركي...

اني ولبابه وفجر عدنه كروب نسولف بي عن القصص
واناقش ونتوقع انتهت القصه وبدت غيرهه وغيرهه
واحنخ انتابع بيوم منهن جنت بس اني ورانيا بلبيت
والجهال اخذتهم وياهه للسوك...

اندك الباب حيل رانيا تخاف تفتح بس صوت بنيه
تصيح خاله ابوس ايدج افتحي الباب صوت ساره ركضت
فتحته دخلت تبجي وتبوس برانيا ساعديني سدينه
الباب وكعدت انريد نفتهم منهه شكو بدت تسولف وهي تشهك واني عقلي طار من السمعته

نفسهه القصه الجنه متابعيهه ومخبوصين بيهه بوقتهه
التعليقات تتلاطم على البطل ساره متأثره حيل بالبطل
وظاله ادور ادور وشايفته معلق للكاتبه وبحث وتكتيك
وعارفته منو وعارفه حسابه وداخلتله خاص محاجيته
وهو منطي مجال...

اخذ وعطا بالكلام وياه دكول منا انعجبت بي وكلامه حلو
بس ماشايفته وفرحانه لان تحجي ويه البطل كايم مسولفلهه نص احداث القصه خيال وكذب موهيج حياتنه
موهيج اخوي موهيج ابويه وبعد سوالف خلتني اكره
روحي شلون ضيعت وقتي وابجي وياهم وطلع كله جذب

طالب منهه يلتقون ويتعرفون وهي استغفر الله من ذنبهه
مكيفه وهذا البطل الخارق ومحدده موعد وجايهه لبغداد
يشوفوهه دكول جنت واكفه على الشارع واجه بسيارته الحديثه من متصل بيهه وشايفته مصدومه لاتاخذ ولاتنطي شكله مومثل الوصف مو مثل ماوصفته شكل وهيبه وشخصيه وصفته طويل ورشيق هذا قصير وسمين وصفته شكله الراقي الجميل هذا نهائي مومثل توقعهه موحلو ابد او نكدر انكول يجوز شكله عادي
بس بسبب الوصف عبالهه جميل...

ماكادره تنهزم صاعده وياه بالسياره وظاله نص ساعه
يسولفون وراجعه بسرعه حاضرته وماتحجي وياه
لان ماعبالهه هيج طلع وغير طلعت عائلته مومثل الوصف
يعني نفسهه ضعيفه وانجرفت لشي خطأ بسبب القصه
كايم يدك عليهه من غير ارقام وتحضر

اخر شي مهدده بأن هو مصورهه من صعدت بالسياره
ويسوي فوتوشوب على صوتتهه وصورهه وينشرهن
وظال يهدد بيهه وكل الصار بيهه بسبب فضولهه وبسبب
المبالغه من القصه واجت تطلب مساعده من رانيا...

اول مارانيا رزلتهه ويمهه الشبشب ضربتهه وداست
دوسه ونص على سهاد الماعرفت تربي وهاي بس تبجي
اخر شي سولفت لضرغام وكال اني احلهه من يمي
وبعد ماانفتح الموضوع..

من هذا اليوم صارت عبره الي ولفجر حته مانعلق انخاف
خاصه اذا قصه مشهوره خاف نوكع بمصيبه اكتفينه
بالمشاهده فقط ...

لبابه... اسامه كال اخذج انسوي جواز هوعنده جواز
بس اني لا لان جنه متفقين انسافر لتركيا انشوف فجر
ونلتقي هناك راح وياي كمل كلشي وخابروا على اجتماع
دز اخو وياي واحنه ننتظر صاحوا اسمي ازدحام واريد اوصل للشباك دفعه تاخذني ودفعه ترجعني...

اكو نسوان كبار وبنات شابات وكلهه زلم صاح رجال جبير عمي ماعدكم غيره افتحوا باب للنسوان يفوتن على الضابط واحنه الزلم عوفونه ننتظر اجه شرطي كال منا اخواتي فوتن مباشر على الضابط تسهيل امر
نص ساعه ويطلع الضابط ولازم تبقون على الاسبوع الجاي...

حماي وياي ووكفت بسره النسوان يدخلون وحده وحده من الجهه الثانيه للغرفه وهو واكف ينتظرني وصلني السره مخليه ايدي على بطني اخاف من الدفعه وبطني جبيره بالسابع طبيت واني ماادري بي منقول هنا ولو يدري اسامه اصلا مايجيبني...

3 ضباط كاعدين كل واحد على ميز والفايلات كدامهم اجت عيني مباشر علي جان مدنگ ولازم الجكاره بيده وبيده الثانيه يوقع الفايلات