مد ايده اتلمس خدي وكال خلي يولن هذني
ماينظفن يظلن طول عمرهن مسمومات
عقيق.. رزلهن جراح وراحن
السبع.. عوفيني منهن تعاي ادني يمي..

عقيق..ادنيت بصفه واني مبتسمه طبطب على رجله
كال نامي هنا نمت واني رافعه راسي اباوعله
ظل يشتغل واني نايمه بحضنه لحدماغفيت...

فزيت وهو يخليني على الجربايه وكال صايره
ثگيله جنتي ريشه اكل فجر مغزر بيج
ضحكت واني بوسط غوفتي وظلت ايدي محاوطه
ركبته احس بلمساته وهو يلعب بخصلات شعري
لحدماغفيت...

رانيا... مر اسبوع وسألت ضرغام شسوه على ابن عباس
ضرغام.. يكول جاي ابوگ بس جذاب خلي ياكله حكم
بالسجن يصير ادمي
رانيا.. وجبار ماحجه؟؟
ضرغام.. جبار يصيح خلي يتأدب يعني تبره منه
خلي بالهداوه تنكشف اني منطيهه صبر

رانيا..ضرغام اريد اراجع عند الطبيبه من تتقربلي اتأذه
وهم اريد اشوف ليش ماكو حمل
ضرغام.. باجر اخذي امج وروحي
رانيا.. ثاني يوم رحت اني وامي بعد فحوصات كامله
كالت عندج اكياس على المبيض والكتله نفس حجمهه على الرحم مايصير عندج حمل اذا ماتنشال واحتمال
بالعمليه يتأثر المبيض وماانطيج نسبه حمل حاليا

سدت الابواب بوجهي صح عندي اثنين بس ضرغام
حاله حال الاعزب ومن حقه يكون اله طفل يشيل
اسمه رجعت مهمومه حجيتله شكالت الطبيبه سكت
كال اشوفلج غيرهه واذا ماكو حل بالعلاج سوي عمليه
اهم شي صحتج...

بيوم منهن جنت انظف وهو اخذ الجهال وطلع للمحل
يتسوك عنده تليفونات اثنين واحد اسيا وواحد زين
سمعت تليفون يدك جان على الشحن رفعته رقم غريب
يتصل عفته بس رمز مامخلي شويه واسمع صوت
رسائل ركضت فتحتهم

جان مكتوب ابو ليث ليش مترد محتاجت
صافنه على الرساله ابو ليث ومتحتاجته !!!!!
يراسل بنات ضرغام؟!!

النار شبت بيه عيني على الباب شوكت يجي
بس طب شمرت البيدي وصعدت اغلي بداخلي
شوكت يصعد ابد مايوم كال ترى عندي رقم بنيه
او وحده تراسلني...

اول ماطب للغرفه انفجرت بي احجي واشر
منو هاي وبصفتهه شنو ودكلك محتاجتك
احجي واصيح وهو واكف يمشط بشعره
صحت بصوت اني مو وياك ليش ساكت جاوبني

ضرغام.. وجع جنج السان دلاله واذا راسلتني
اخت ولد اعرفه واكعه بمشكله واجتي للمركز
ساعدتهه ماادري منين ماخذه رقمي انهديتي

رانيا.. وهااا اله تراسلك محتاجتك صدقه
بس انت ضابط ويحتاجنك
ضرغام.. لاادوخيني هسه ادك واجاوبهه كدامج
رانيا.. وين رجلهه
ضرغام.. ميت

رانيا.. هلووووو يعني تكدر تزوجهه
ضرغام.. لج راح اكوملج بنيه احتاجت مساعده لان شغلتهه يمنه تگاطعت الدنيا

رانيا... صيحت وحجيت وهو يجاوبني ابرود رجعت
دكت علي وهو يكلهه صار وباجر اكملهه الج
وصوتهه ناعم مبينه صغيره احس راسي صار شكبره
بوقتهه صدك انقهرت

عشه ماتعشيت وماما صاحتني كتلهه مااشتهي
وهو بالجذب ماكال وينج تعالي عليمن زعلانه
تعشه وطلع وخلاني احرك بروحي ...

جنت مدده بفراشي وطب هوه الساعه ب12
وقت تليفونه ونام كلت مدامه غفه اني ميته جوع
عبالي يرضيني نزلت ليجوه اكلت شبعت على اخر شي
وصعدت يس فتحت الضوه كال وين جنتي؟؟

رانيا..بالحمام؟
ضرغام.. موهنا الحمام ليش نزلتي ؟
رانيا.. بكيفي
ضرغام.. نزلتي تاكلين؟؟

رانيا.. لاااا
ضرغام.. كولي والله
رانيا..بس راس خس
ضرغام... بابتسامه بس واحد؟؟
رانيا.. بزعل اااي

ضرغام.. تعاي اشتم حلكج صدك ماكله بس خس
رانيا.. وليش اعتبرني ماكله شنو تراقب بيه
ضرغام.. موزعلانه شكو تاكلين اليزعل يظل على زعله

رانيا.. مااكلت كتلك بس خس
ضرغام.. شو تقربي
رانيا.. عن الحلال والحرام اكلت تمن ولبن ولفه كباب
ضرغام.. وعود زعلانه

رانيا.. ضوجني بالزايد ابدال مايكول بالعافيه
هنا صدك زعلت حته عيوني دمعت
رفعت الغطه مددت بصفه تذكرت مسدسه مرات
سيوفي يصعد واحنه نايمين وضرغام يخلي بالمجر
حجيت من وره خشمي وين مسدسك

ضرغام.. شسوين بي؟
رانيا.. كول وين
ضرغام.. نامي لاتتخبلين علينه ..

رانيا.. ماحجه ظليت ساكته ودايره ظهري
بردت كمت اريد اجيب بطانيه بس فتحت الكنتور
اشوف المسدس كدامي بسرعه صاح شبيج بابا
تريدين تسويلنه مصيبه استري علينه

اخذت البطانيه ونمت ماجاني نوم بس اتگلب شويه
وهدئت عباله غفيت بس اني جنت بس مغمضه عيوني
شفته كام طلع المسدس وغير مكانه هذا شبي تخبل؟!!!

وراهه غفينه غطيت بالنوم فزيت نص الليل اريد اروح
لتواليت بعدني اباب الحمام ومااحسه غير ورايه
يصيح لاتخبليني بهالليل رجعي لمكانه ماينلعب بي...

هنا طگيتهه ضحكه عباله اريد اسوي شي ظل فكره
كله بالمسدس الله ذب الضحك عليه واني ماالي قصد
بيهه وهو يراقب بيه وكل عقله قلق واكف كدامي واني
خربانه ضحك بس على حالته..

ضرغام.. فوتي صوتج راح يكعد الموته
وسحبني من ايدي حيل كتله اوكف خلي اروح للحمام
ركضت للحمام وطلعت غسلت لگيته مخلي المسدس بيده
وحاير وين يضمه..

رانيا.. قلقك المسدس حيل عبالك راح انتحر
ضرغام.. سخيفه !!!
رانيا.. هههههههه الله عليك شعبالك

ضرغام.. عبالي اجاج الثول والخبال وشوشسوين
رانيا.. شكو تحجي وياي اني مو مزاعلتك
ضرغام.. دتعاي واشر بالمسدس على الجربايه تعاي
برجليج احسن مااكوملج

رانيا.. انداريت من الجهه الثانيه مددت رفعني ليفوك
وخلاني على صدره وجرني من شفتي الجوه
وكال قلقتيني

رانيا.. عوفني مومزاعلين
ضرغام.. مااكدر ازعلج خلي ارضيج واني مااعرف
ارضي بالحجي بس بالافعال
رانيا.. ماااريد وخر عني

ضرغام... خلي انشوف منو المايريد ومنو وره شويه
تصيح ضرغام لاتوخر حباب ظل يمي
رانيا.. هاي منو
ضرغام.. وحده جنهه تفاحه سالبه گلبي لا اشبع
ولااقنع وياهه

رانيا.. مثل كل مره لا اخذ منه لاحق ولاباطل يحجي
ويبوس بيه واني مستسلمه بالكامل غمرني
بحنانه ولهفته ....

لبابه... جراح رجع نفس حالته السابقه صح زين وياي
بس ماكو تقارب ماكو لهفه يجي متاخر يتعشه ويطلع
ويرجع يلكاني نايمه بس نلتقي بالعشه طول اليوم
مااشوفه...

جنت نايمه بحضنه هو غافي واني صافنه
علي ليش احبك هلكد وليش رغم اذيتك
اسامحك وارجع احبك اضعاف حبنه القديم

احرك ايدي على شعره وعلى لحيته الخفيفه
نومته هادئه مومثل قبل بعصبيه نايم بساعته
سحبت ايده نزعته الساعه وهو ماحس لان يتعب
بالدوام حيل مرات يجرهه نومه للصبح...

كمت خليت الساعه على الميز تليفونه
موجود ابد ماادور وراه وهو حته مامخلي رمز
بس ضغطت الدكمه اريد اشوف الساعه لان الغرفه
ظلمه شفت رساله على الشاشه...

فتحتهه واني اقره كلمات تصب على مسامعي
مثل التيزاب مكتوب جراح عمري مشايفه
هيج شخص هادىء انعجبت بيك من اول يوم شفتك
خاصه نظرتك الي افرح بيهه من تباوعلي اتمنى
ماتخلص القضيه حته اظل اشوفك انت هم مثلي
احس بنظرتك التاخذني للبعيد......


يتبببببببع.......

#خبايا_الاقدار
❤️♨️♨️

... البارت السادس والخمسون


العشتهن وحدي محد مار بيهن
لذالك لحد يسولف عليهن.
أنعم الله عله الأيام شكشفت اوجوه
صحيح أذني بس عاشت اديهن...
....

لبابه... اقره برساله واحس نفسي اريد اوكع من طولي
شنو نظراتك وشنو هالميانه الي تراسله ومبينه يعرفهه
ومراسلته قبل وعبالك اكو حديث بينهم

جان غاط بالنوم بس مااتحملت انتظر للصبح كمت
اهز بي جراح اكعظ بسرعه اكعد هو بسرعه فز وكعد
على حيله عباله بيه شي يصيح شكو شكو؟؟

حطيت التليفون كدام وجهه كتله اشرحلي منو هاي
جراح شعندك هاي تصرفاتك والبرود العندك واني
عاذرتك وانت عندك وحده ملهيتك احجي لا هسه
اكلب الدنيا بنص الليل..

جراح.. تخبلتي؟ انطيني مجال افتهم وافهمج
وسحب التليفون من ايدي يقره برساله حطهه ومسحهه
لوتخبلت

كمت اكمز بنص الغرفه وصوتي عالي منو هاي وليش
مسحتهه خاف اشوف الرقم حضرتك مسوي نفسك
مريض ومااطيق لبابه بس يم غيري نظرات وخابص روحك

جراح.. صوتج ولج الناس نايمه تعاي اكعدي وافهمج
لاتتخبلين عليه
لبابه.. شتفهمني احجي اسمعك

جراح.. هاي وحده اعرفهه تريد اطلع جنسيه بدل ضائع
وصار مده تروح وتجي لان رجلهه بالسجن ولازم
معامله لا اكثر ولا اقل اذا هي خفيفه شسويلهه

لبابه.. مبين مو اول مره ادزلك رساله وانت ساكت
جراح.. دزت اول البارحه ومسحتهه وهسه هاي دزت
شسويلهه من تجي مره ثانيه عود ارزلهه

لبابه.. وين حصلت رقمك شنو كل الضباط ارقامهم مطشره لو بس العندي؟
جراح.. ماادري منين لاسألتهه ولاجاوبتهه لبابه
بطلي هالسوالف ماعندي شي لو عندي تلگيني ضام
تليفوني موهذا كدامج

لبابه.. كااااافي طك كلبي من عندك يوم نوال يوم وحده تراسلك وغير حالتك الزفت واسلوبك الماينطاق
روح روح شوف السبع هم عنده شغل ومرات حته ويه
مهندسات يشتغل مايوم وحده دكت علي ولا كسر بخت عقيق ..

بس انت العندي ماشاء الله ماظل شي ماسويته بيه
ضرب اهانه حته نومتك مومثل الناس دمرتني
ماكفاك السويته بيه وبعدك مستمر لاتجذب عليه
كافي تمثيل تسوي نفسك انت الماكو منك والوفي وانت
حرت شسويت بيه..

جراح.. كام سحبني من ايدي ويسد بحلكي لان
صوتي عالي وهو يصيح كاافي تخبلتي لااحد يسمعج
والله ماكو شي وحده لزكه

لبابه.. دفعته حيل وخر عني اياك تلزمني كمت اكرهك
كمت اتخبل من وجودك شنو عيشتي وياك باكل بطني
هم حاسب نفسك رجال عليه والناس حاسدتني؟؟

من حجيت هيج مااحس غير الراشدي على خدي
هنااا فقدت اخر ذره صبر وتحمل انهاريت كمت
اعيط بعلو صوتي تضربني جراح فوك سواد وجهك
تضربني بعد كل التحملته تسوي بيه هيج

جراح.. لبابه راح ابتلي بيج كااافي اخذتيني حاصل
فاصل منيلج هاللسان الزفر كتلج ماعندي شي
فاضحتني بنص الليل على شنو وصوتج شعلوه

لبابه.. فتحت الباب وطلعت انزل اركض يصيح وراي
واني هذا الكتمان مال هاي السنين كله طلع انفجرت
ماادري بروحي شسوي حته مااسمع صوته شيحجي

كعدت امه وفجر واني احجي بعصبيه يريد يكمز
يضربني وتلزمه امه ماخليت كلمه ماحجيتهه
حته عن مرضه وعلاقتنه احجي واعير بي بس بدون
وعي جنت فاقده مدري شصار بيه...

من وره امه وسحبني من زندي ورفعني ليفوك بأيده
الثانيه احس فكي راح ينخلع يلوي بي ودموعي تطافر
وكلبي يغلي اكرهه حته مااريد اشوف وجهه مااتحمله

سحبتني عمتي بقوه وهي تصيح علي وهو يكلهه
اسمعي اللسانهه بنص الليل والله العظيم اذا ماسكتت
اكسر راسهه وخريهه من وجهي مااريد اشوفهه
زايده مني متحملهه

لبابه.. ههههه انت متحملني؟؟ ليش يمه شبيه مريضه
لوخبله؟ لو مامنطيه حقك لو ظالمه واكسر
واربط بالجربايه على شنو متحملني؟؟؟؟

دفع امه حيل رادت توكع ولزمني من شعري سحل
ليفوك كلبت البيت بالصياح ابرار تلگته على الدرج
تريد تاخذني من ايده ودفعهه اسمع صوت فجر
تصيح عوفهه بس هاج مثل اول ليله..

شمرني بالغرفه وقفل الباب كمت مااعرف الراشديات
منين تجيني لو شعري التكطع بيده لو ظهري
من كدما ضربني احسه خدر فتح الكنتور طلع حزامه
ورجع شمره ماضربني..

لاول مره انهان وانضرب حته من ضربني جبار
راشدي جان هو الحامي واخذني وره ظهره
وحماني بالبستان بهذيج الليله وهسه انكتل على ايده..

مكرفصه نفسي وابجي كلبي يوجعني
من الالم روحي مسلوبه وحيل ماعندي
كل هذا مايساوي شعره من شعور الذل والاهانه
الحصلتهه على ايده ...

ابجي وارفع بشعري من الالم متكطع بيده
شلون انطا كلبه هيج يسوي بيه وين حبيبتي
وروحي وين انتي بنيتي التربيتي على ايدي
وين هذاك الحضن الدافي اليلمني؟!!!

ضميت راسي بين رجليه ودنگت راسي
وبجيت بأسى مااهتميت لألم گلبي
لان مشاعري الي انجرحت وعلى ايد منو؟؟
على ايد الي اكول سند وعز...

كومتني فجر من مكاني جايبتلي مي شربت مااريد احد
نزلت وياهه لغرفة ماما وقفلت الباب عليه حته فجر
ماريدهه يمي اسمع عمه تتوسل افتح الباب بس مااريد
اسمع اصواتهم ولا اشوفهم...

للصبح اني كاعده كلساع اكوم اباوع لنفسي بالمرايه
وعبالك اليوم شفتهه ضعيفه شحالني وجهي مطعون طعن وصاير اسمر حيل الم بمعدتي وعبالك انفجارات بداخلهه
اصوات غريبه لاول مره تصيرلي اتلمس بشرتي ليش هيج
شاحبه وجلدهه خشن ...

مجرد مااذكر اسمه بعقلي لو شكله اشمئز صرت
اكرهه حيل اذاني بشكل ماينحمل جان عندي
امل يصير زين بس كلشي ماشفت منه من زواجي لسه
راح يصير سنه واحنه مابينه تقارب بس 3 مرات وبس مره حسيت وياه ومرتين متعذبه جواه..

الصبح سمعت صوته يطلع للدوام سديت اذاني عنه
مااريد اسمعه لحدما طلع من البيت يله. فتحت
الباب وطلعت تلكتني فجر وعمتي رادن يحجن
كتلهن مااريد اسمع شي...

عين فجر عليه تباوعلي بقلق وابتسم بوجهه
اسوي نفسي مامهتمه رغم الالم الي بجسمي
هسه طلع عليه ضربته توجع وثگيله...

اجت عقيق واسمع فجر تسولفلهه واني مرجعه
راسي على الحايط واسمع حديثهن بالمطبخ
عقيق.. ليش هيج جراح يسوي بيهه هو مويحبهه؟؟
فجر.. خلي يجي السبع اله اكله علي خاف عباله
ماعدهه احد

عقيق... اليوم السبع راح لبغداد ضرغام خابر من الفجر
كاله تعال شغله مهمه وراح
فجر.. شكووو
عقيق.. ماادري وحته السبع يكول هذا هبطني مايرضه
يحجي يكله تجي وتعرف

فجر.. اواب كال الجمعه انروح بس ماادري منو يروح وياي ومااكدر اعوف لبابه
عقيق.. البارحه السبع كال يجوز اروح وياهم بس المشكله اكو بناء لازمه ومايكدر اذا عافه لازم يخسر لان بي اتفاق ويكول حرام كلشي بعد الاتفاق حرام

فجر.. لعد منو ؟
عقيق.. كال يجوز ام اواب تروح وياهم لو ام جراح
بين مايكمل شغله ويجي وراكم وهسه اذا على هاي السالفه مال لبابه مااعتقد يروح ويعوفهه وحدهه

جنت احجي ويه فجر ورجع جراح من الدوام
فجر دارت وجهه ودخل للصاله بس سمعنه
صوت لبابه تصيح عوفني وخر عني ..

لبابه.. مااحسه غير فوك راسي كمت اريد افوت للغرفه
لزمني من ايدي حيل وسحبني علي يريد يحضني
راجع من الدوام وهو هستوه طلع ولابس زيه العسكري
بس كلبي ملجوم منه مااريده

كمت اصيح عوفني بس سحبني للغرفه وسد الباب
حضني حيل واني ادفع بي اضرب بكل قوتي على صدره
واعيط بصوت احسه ماجاي يطلع من كلبي هيج
شي بداخلي مكبوت اريد اصرخ لحدما اتعب...

كمت ابجي واعيط وهو حاضني لازم راسي
واني منهاره عطره يوترني هذا الشخص مااريده
طاب كلبي من عندي تعبت منه اريد ارتاح
بدون لاحب ولازواج اريد اعيش وحيده مااريد كلشي

ابتعدت عنه واني اشهك من البجي وهو يفرك
بوجهي يمد ايده يلزمني واعيط عوفني
يريد يسكتني ويعتذر ماانطيته مجال كمت ادفع
بي لحدماطلعته...

ظليت على هذا الحال يومين ضبط هو بمكان واني بمكان
اساسا مااشوفه ولا حته اسمع صوته عازله نفسي
عن كلشي حضرت جنطة فجر وغراضهه ام اواب تروح
وياهه واواب والسبع يكمل شغله ويروح وراهم

فجر... اواب يسوق وامه بالصدر واني وره
حاسه حالتي المرضيه موشي بس جنت اقنع بنفسي
اني زينه طلعنه الفجر بيومهه وصلنه لبغداد نزلنه بمطعم
استراحه بالي ظل يم لبابه خاف بيهه شي...

بالطريق نعست خليت راسي على الجامه وغفيت
طست السياره رفعت راسي شفته يباوعلي
دنگت بسرعه لان احس عيني تفضحني وهو شديد
الانتباه...

الطريق طويل ومزعج لعبت نفسي ومعدتي گلبت
طلعت علج اريد الهي نفسي مااتحملت بعد راح اتقيء
كمت اصيح وكف السياره نفسي تلعب بسرعه وكف
ونزلت اتقيئت وامه نزلت وياي ...

روحي راحت عبالك اغماء صار عندي ظلينه
هواي واكفين بس هو بره السياره بس امه
يمي لاحظته من تكون امه قريبه يبتعد....

وصلنه لاربيل ب10 بليل بحيث اريد انزل مااكدر
رجليه مكسره حجزنه سويت بالفندق وبوجهي
للحمام سبحت قبلهم ارتاحيت دخلت وراي ام اواب
وهو مدد على القنفه..

اواب.. نعيما
فجر.. شكغآ
اواب.. ابتسم طفي المكيف لاتبردين موزين عليج
فجر.. جنت كوه افتح عيوني من النعاس
ابتسمت ودخلت للغرفه

بس كملت شعري تغطيت ونمت حسيت على خاله
تكلي اتعشي وماكمت جريتهه نومه لحد الساعه ب2 بليل
كعدت عركانه لان متغطيه وبصفي نايمه ام اواب
كمت للمطبخ ادور على شي اكله ...

لكيت كباب شوي وصمون طلعته وكعدت اكل
لان فات وقت ولان وحدي مااشتهي وين عقيق
تاكل وياي هي تسويلي واهس

كملت وكمت ذبيت السفري بالزبل طفت الكهرباء
صارت الشقه حيل ظلمه ادور على شي افتحه
ماكو كمت الزم بالحايط والكاونتر وطلعت
امشي باتجاه الغرفه وماده ايدي بالهوه خاف اطخ شي...

اجت ايدي على جسم ضخم بثواني وكأنو انتزع كلبي
من عندي دكاته سريعه وايدي تبنجت واني مخليتهه
على صدره مدري بطنه...

بلعت ريگي وحجيت منو اواب؟؟
اواب.. اااي
فجر.. طفت الكهرباء افتحلي لايت
اواب.. ماعندي لايت اني هم مااندل دليني

فجر.. وخغ من كدامي حته مااطخك
اواب.. وخرت
فجر.. حركت خطوتين وانصدم بي بسرعه لزم ايدي
سحبتهه حيل وصحت شدسوي؟؟

اواب.. ادليج لاتوكعين
فجر.. اذكرك اني منو ؟؟ خلي اذكرك خاف ناسي
اني امانة السبع
اواب.. يمه اللسان وشمسوي اني؟؟

فجر.. رجعت الكهرباء مايفصل بيناتنه غير اشبار قليله
بسرعه رجعت ليوره وهو لابس تشيرت ابيض ساده
ربع ردن وبجامه سوده غمضت عيوني وفتحتهن
امداج عقيق اتذكرت كلامهه من كالت اذا دك كلبج
سريع معناتهه تحبينه..

بسرعه دخلت للغرفه وكلبي حيل يدك
ادري بالسبع ماموجود سحبت التليفون ودزيتلهه
رساله حتلو نايمه اكعدهه بالاول ماردت خبصتهه ادك عليهه واسده يله جاوبت برسائل

فجر.. هانعاله نايمه؟؟
عقيق.. كعدتيني عوبه خومابيج شي؟؟
فجر.. كلبي يدك سغيع من شفت اواب
عقيق.. موكتلج مبروك تحبين

فجر..انجبي لج قابل عقيق ام الدغوب جابت
السبع من خوانيگه
عقيق... شكد فاگسه مكعدتني نص الليل شتردين؟؟

فجر..اغيد اكلج اني يمكن كمت احب اواب
عقيق.. عززززه لايسمعج ولج
فجر.. اذاناته حيل حلوه ولج لابس ابيض
طالع جنه بيضه مسلوگه

عقيق.. هههه هسه تتغزلين لو تقلدين علي
فجر.. يله غوحي نامي وباجغ اكعدج من الصبح
اضوح وحدي ممممح عقيق الفصعونه

سديته منهه وظليت افكر باواب عابتله شكد
حلو ونازك مال هسه احضن امه لان جابت
هيج كيك وانام ظليت اجيبهه منا الافكار الطشهه
هنا لحدما غفيت..

كعدتني الصبح خاله غسلت وطلعت للمطيخ تريكنه
اني وياهه وهو طالع يحجزلنه شويه واجه كال
يله فجر خلي اخذج باول مراجعه امه ويانه
بس من كاموا يدزونه على فحوصات كامت تتعب من الانتظار ومايجيبهه...

اليوم دزوني على تحاليل كامله للكبد من يسحبون
دم مني هو واكف يم راسي ومن نطلع يشتريلي عصير
لو يخلينه نتمشه شويه بين ماتطلع النتيجه جان اكو
محل مال مرطبات كال خلي نشتري...

وكف يم ابو المحل وكال شتردين؟؟ عود اني جنت
عطشانه وعاجبني ازبري حيل صاير بين عيوني
جنت متحمسه كتله اريد ازربي!!!

يريد يحاجي الولد مايكدر حته غير الطلب بمشكل
ولزمهه عليه كلساع وكال هم السان مكسور
وهم تحجين مگلوبي واني بلعتهه وسكتت غلست...

كملنه فره ورجعنه للطبيب دخل وياي للغرفه والطبيب
يشرح الحاله اله بالانكليزي واني مثل الاطرش بالزفه
بس افتهم يس نو يس نو...

من طلعنه من غرفه الطبيب مديت ايدي طفيت
الضوه على الطبيب وطلعت لان متعوده اطفي
غرفتي وهو صاح خزيتينه ورجع فتح الضوه
ويعتذر من الطبيب...

بعد فحوصات كامله جان اخر شي السونار الملون
دزونه على طبيب جنه مهرج ماعنده خصوصيه
للمريض لابرده لا صخام بعينه كل اليجي ينجطل
على السديه ويطلع بطنه وياخذله وجان من هذوله
الروحهم خضره رغم جبير بس مبين فاسد ...

بس هو يدخل واحد واحد ماكو كل خمسه سوه
من دخلنه انصدمت ادور على البرده ماكو كال خلي تصعد
حته ممرضه ماعنده قبل يوم ماخذه عند واحد قمه الانسانيه بحيث مخلي ممرضه وثاقب البرده على كد
ايده وهذا جنه واحد فايت بملهى

اشرلي اواب اصعد كتله اريد ممرضه
اواب.. دخل يكنس غرفته بالاول ويحطله ممرضه
شو اصعدي لو اكو غيره انروحله بس يريد الطبيب
اله سونار هذا...

فجر.. انطيني شي اتغطه بي
اواب.. اصعدي اني اساعدج
فجر.. الطبيب جان يكتب تقرير ويحاجي بمريضه
ميت الطفل بطنهه ودكله عندي سبع بنات واملي بهذا
الولد...

نمت على السديه جنت لابسه قميص طويل وبنطرون
خجلانه حيل كتله اواب اطلع رفع حاجبه واخليج
وحدج يم هذا الاحمر راسه جنه بطيخه..

جان لابس جاكيت فوك التشيرت نزعه وكال ارفعي
ملابسج وخلاه على رجلي اجه الطبيب طلعتله
بطني وظل يسوي بالسونار ماعنده حيه حضور خزاني
يدفع الملابس لان اخذ لبطني بالكامل خاصه منطقه الرحم جنت مغمضه عيوني حته لا اشوف اواب...

كمل نزلت بسرعه كتب التقرير ورجعنه لطبيبنه
كال اكو دهون على الكبد واكو نسبه تليف بسيطه
احتمال تروح بالعلاج مانستعجل بالعمليه بس
اريد نظام صحي وخساره وزن...

كتبلنه علاج ومواعيد انراجعه ورجعنه
للشقه بس اواب يصيح بعد اخذج لفلان طبيب
مامطمئن لان دائما تصخنين لازم اكو شي وشنو سبب
الاغماء اليصير عندج؟؟

رانيا... وضعنه هادىء اليوم اليمي ضرغام احس
نفسي ملكه مدلله يمه شريد وشطلب لو بنص الليل
يطلع يجيبه...

سالفه ابن عباس مايحجي بيهه ابد وكلما اسأله
يكول ماكو شي بس تليفوناته ويه السبع ماتخلص
بس ماادخلت بشغلهم...

ضرغام من يطلع مرات يلبس جاكيت خفيف لان يرجع
متاخر ويكول ابرد جاكيت عسكري اني جنت سابحه
وبردانه لبسته وافتريت بي بالبيت وكل مره البسه...

ماما جانت طالعه للسوك جابتلي ملابس داخليه
اكو اندر حيل حلو لونه فيروزي وكله كيبور ومشخل
من اگلب بالملابس شفته صفطته صغيرون وخليته بجيبي بدون وعي مامنتبهه..

رحت على شغلي ونزعت الجاكيت علكته وسويت عشه
وره العشه كال ضرغام راح اطلع يم جماعتي الضباط
مجتمعين خاف اتاخر ...

لبس الجاكيت وطلع نسيت اني مخليته بالجيب
يمكن ساعه ورجع ومومن عوايده يرجع لان كل
مره من يجتمعون لنص الليل مايجي استغربت
رجعته...

جنت بالمطبخ ارتب بي بس فات صاح كدامي للغرفه
عبالي صاير شي سويت الدرج طفرتين بس فتحت
الباب ويطلعه من جيبه يشمره بوجهي والمصيبه
مايهون يوكعه بالكاع لازمه بيده ويرزل بيه

ضرغام.. من اكول ثوله يطلع السانج شطوله ماتستحين
جااكيت لو كنتور بس لبا..... بعد مالگيته وهلگيته

رانيا.. طكيتهه ضحكه كتله بسلا طلعته كدامهم
ضرغام.. اي ست الحسن اريد كلينس وربج ستر
حسيت بخشونه وغلست انتي تظلين ثوله

رانيا.. لميت شفايفي وخليت اديه على ركبته
كتله اشو مو عصبي؟؟
ضرغام.. لان سويت الدرب طفرتين بس اريد
اوصل اشوف قياسه تمام لونبدله

رانيا..هههههه جيبه وارجع لجماعتك
ضرغام.. لابروح ابوج هومنو تحرش بمنو اني لوانتي
شايفه سامعه مره تخلي البا...... بجيب رجلهه
ودكله اكعد واسكت

رانيا.. رفعت رجليه وبسته من ركبته تشنج
ورفع راسه ليفوك وكال عيديهه بسته مره ثانيه
لوه اديه ليوره وصار ظهري علي وهو يبوس بيه..

قفل الباب وهو على نفس الحركات لحد ماوصلنه
الجربايه هناااا ابتدت قلوبنه هي التعزف لحن لهفتنه
وشوگنه هي الكامت تسيرنه حته نندمج اكثر واكثر

اني وضرغام مثل الاقطاب المختلفه شكد مابينه
فوارق ومختلفين بس دائما متجاذبين
ومجرد مانقترب من بعض نتعانق...

ضامه راسي بصدره وهو يلعب بشعري احس
بالم هالمره قوي واساسا ضرغام مايراعي
حالتي ودائما اسلوبه بي قساوه همس يم اذني
موجوعه؟!

رانيا.. اااي
ضرغام.. باجر اخذج لطبيبه خليج بحضني
اذا ماصرتي زينه اخذي مسكن
رانيا.. انزل اطمئن على الجهال بين مايروح الالم

كام لبست تشيرته الاسود شكد عاجبني اشوفه
بغير لبس والوان بس ابد ماغير ملابسه والكنتور
متروس اسود المصيبه حته الزي مالته العسكري
هم اسود...

عقيق... شوكت تروح لاربيل
السبع.. مااروح لان راح يرجعون راح تظل على علاج مده شهر وانشوف
عقيق.. بعدك ماتحاجي جراح

السبع.. سواية جراح مااعبرهه بهاي سوايته اذاني
لان لبابه اعتبرهه اختي بأي حق يمد ايده
عليهه حلفتله وروح ابوي لو يموت ماارجعهه اله
وحته ممنوع يفوت على البيت يصعد من المشتمل

عقيق.. بوقتهه من عرف السبع بسوايه جراح تخبل
تعارك وياه وجراح هم عصبي حته تضاربوا وكاله
اعتبر اني ولي امر لبابه ومالك مره يمي وجراح يكله
موبكيفك عصبت عليهه لان السانهه طويل...

صارلهم اسبوعين لبابه عازله نفسهه وجراح شحده
يفوت البيت يصعد من المشتمل والسبع هم مايحاجي
وضرغام من سامع مخابر جراح كايله تكعد راحه
لا اجي اكسر اعظامك صير رجال ولاتستقوي على مره....

السبع.. عقيقي اذا بيوم فتحتي عينج ومالگيتيني شلون تعيشين؟
عقيق.. اسم الله مااعيش اموت
السبع.. لاتحجين بالموت احجيلي كولي اصير سباعيه
مااخاف من احد مثل ماعلمتني اسوي

عقيق.. ليش تحجي هيج
السبع.. لان بدت رحلتي ويه جبار ولو انه لو هو
عقيق.. شصاير ؟؟

السبع.. جبار متورط بقضايا حته مال سلب وقتل
المشكله موهنا شره عم علينه ابن عباس اعترف
اكو مجرم عند ضرغام من ربع جبار واحزابه
وطلع الخال يهدد ابن اخته وهسه جبار شبه انحصر
بالزاويه

عقيق.. يعني انت عندك فكره ابالك
السبع.. اي راح اجمع كل شيوخنه وضرغام راح يحجي
السالفه اكو تهديد من الاحزاب على ضرغام وهذا مخبل
ماخايف ومتحلف بجبار شنو داس بيتي

واذا سواهه ضرغام الشيخه تنسحب من جبار وتروح
لو الي لو لياسين واذا انسحبت الشيخه من جبار
هذا يكتل امه وابو علمودهه ماراح يسكت وراح تصير
اكبر والله يستر

عقيق.. لاتصير شيخ عوف المشاكل
السبع.. هسه عوفج من جبار وتعالي على گلبي
عقيق.. حضنته حيل بس كلامه خوفني
بسته من فكه غمض عيونه ومد ايده طفه الضوه..

ايده تسللت بحركه رومانسيه وهو يحركهه على
ركبتي وعلى اكتافي سرت قشعريره بداخلي
خلتني احضنه حيل وبدون شعور كتله اريدك...

جان ايعاز لانطلاق اعظم شعور واجمل احساس
مي ويخاف يوكع من ايده هيج عاملني
وبعد اكثر

رغم اني بكامل احساسي وراحتي واحس علي
هو مامرتاح بس المهم عنده اني لا اتخربط ولا
اخاف لحدما گلبي استسلم واندمجنه سوه
بدون سابق انذار...

ضمني حيل لصدره وهويبوس بيه من كل
مكان وكلمات الغزل والحب مسيطره
على الوضع مااريده يبتعد ولا اني ابتعدت عنه
لحدما غفيت....

رجعت فجر ولبابه على حالهه جنه كاعدين
بليل انسولف واندك الباب اجت ام جراح
كالت جبار يريد فجر كلنه استغربنه شكو وشيريد منهه

سمعته صاح صيحوهه وحدهه والكل يطلع
جان السبع وجراح ماموجودين بس هو وعاصم ابنه واحنه نبرة صوته بيهه غضب ويصيح وينهه هاي
جيبوهه كدامي كامت فجر وعينهه بالفراغ
وكانو تحجي ويه نفسهه لان الحركات انعكست
على ملامحهه ....

.
يتبع....

#خبايا_الاقدار
♨️❤️❤️

... البارت السابع والخمسون



....

ام جراح... شيريد جبار ليش يستغل وگت ماموجودين
ازلامنه كله يجي بليل من يجي السبع وجراح
عاصم.. شنهي السالفه ام جراح هو غريب لو عمهه
الشيخ عنده شچم احجايه يريد يحجيهن وابوج
الله يرحمه

ام جراح.. والله ياابو حسن الوكت مايتأمن العم يغدر
والاخو يغدر وانت تعرف كلش زين عليمن احجي
ليش طالبهه وحدهه چاا منو غريب انه واختهه
ليش مايحجي كدامنه ...

جبار.. سمع صوت ام جراح تحجي وهو جان بالاستقبال
اجه وصاح هيج كلمة الشيخ صارت مامسموعه
يزينب من يمته وجاي توكفين بوجه ولدي لو ترهيتي
بزود ابنج

ام جراح.. اضن يا شيخنه مالك حگ بكد الشعره تدخل
بيتي وترفع صوتك صح حماي وعلى عيني وراسي
والبنات هسه بأماناتي وگبلهه شفت بعيني شلون اذيت
اخيتهه شلون تريد امن بيك

جبار... تجربعتي ولازم ينعاد احسابج هسه انتي
مو شغلتي دزي على بنت اريدن احاجيهه
لو اطبلهه ارفس ببطنهه

فجر.. عفوا عفوا تغفس ببطن منو؟؟ اني موبنتك
ولا انت ولي امغي اساسا اني ماعندي عمام
بعيني هاي الياكلهه الدود شفتك شلون ذبحت اختي
وهسه جاي تزامط من جديد

جبار.. تقرب راد يضربني بس عاصم وام جراح منعو
كام يصيح ويغلط اجي ادوس على راسج كلبه
ذاك اليوم صرتي اله اتجيبيلنه عار وتلطخين اسمنه
حته احزج من الوريد

فجر..اذا جاي اطبق الماكدغت اطبقهن على بناتك
غوح شوفلك غيغ وحده هسه انت واكف كدامي
واعغف بيمن تفكغ خليهه ابالك اذا ماما ضغبتك
سجينه ومامتت اني اسوي الماسوته الزلم

اني موشهد ولا لبابه ولاحته ساهغه ولا وحده
من بنات القصر ادمغ بيهن وتزوج بكيفك
والله اخلي اسمك على كل اللسان وخلي يكولون
بنت علي ذبت عگال عمهه الشيخ

جنت احجي بكل ثقه وه‍و انگلب وحش يريد
يكمز يسحلني وعاصم يكله بويه شيخلصنه
من السبع كام يغلط ويسب بأهلي حته ماما
الله يرحمهه غلط عليهه

يصيح بعلو صوته زلم ماوكفت بوجهي توكف
بوجهي وحده بطول زري ولكم انه الشيخ جبار
التهابني زغار واكبار هاي المامربايه تحاجيني
هيج ؟؟

تعمدت استفزه حته تطلع كل خياساته جانت ابتسامه
مرسومه على وجهه وكتله منو المامربايه بسلا احنه
بنات علي عفنه التربيه لبناتك وخاصه الشيخه
المغفور ذنبهه وسن...

هنا دست بطنه دفع عاصم واجه عليه بس صوت
السبع وكفه وهو يكله خير ان شاء الله ابيتي
وتمد ايدك على امانتي ؟!!

من اول مادخل جبار وهو يحاجي بام جراح
جان جبار بالصاله والسبع دخل للمطبخ من سمع
جبار يعيط على ام جراح ظل واكف بس باب الغرفه مباشر
على المطبخ من حجيت اول جمله هز راسه السبع
برضه بمعناتهه كملي...

من جنت احجي بثقه لان اعرف اكو رجال واكف يحميني
لو وحدي مااعتقد اجازف وهيج انرفزه بس من
جان واكف السبع وقابل بكلامه صار جبار هو الغلطان
لان اتهجم علينه ...

جبار.. بويه السبع ماشفتهه السانهه شطوله چاا
هي هيج الاصول مااحترمت شيبة عمهه
اخيتهه فقيره وامهه خوش ربتهن

السبع.. ياابو عامر مدام ماكو زلمه بالبيت تلكاهه زلمه
هي وشكو حرمه بالبيت هاي وصيتي الهن
وانت مااجيت باسلوب العم الحنين جاي تشمر حجيك
عليهه وبغيابي چان خابرتني وكتلي مشكلتك
ليش تستفرد بيهن

جبار.. هسه العم من يزور بنيات اخو يصير غلط
واريدن اذيهن ؟؟ لا بويه موهيج العشم يالسبع
ترى كثرت عداوتنه

السبع... انت دكول العم بس انت موعم بالنسبه الهن
انت الكتلت اختهن ونكرت وحلفت زور
وانت الحاربتهن بدراستهن ولوما جراح حمه اختهه
جان مصيرهه مثل مصير الظلمتهن ..

عقيق.. الحديث اشتد وحامي وجبار عيونه بگصته وعاصم يهدي بالسبع حجت عمتي ام جراح تريد
تهدي السالفه كالت عقيق سوي جاي لعمج الشيخ
يمه السبع اكعدوا واحجوا انتو اهل شوف عمك شعنده
وانت طول بالك شيخ ...

كلهم كعدوا واني رحت اسوي الجاي اخاف من ينجمعون
السبع وجبار احس تصير مصيبه وواحد يريد ياكل
الثاني الكره والحقد مرسوم بوجه جبار...

خليت القوري على النار ووكفت بالباب اسمع وفجر
كاعده يمهم عاصم اللوگي يحاول يضحك الطرفين
حته يهدي الوضع بس صاح بي جبار وسكته

السبع.. احجي ابو عامر هاي فجر كدامك
جبار.. فجر بنيتنه وانت 2شءتعرف احنه حريصين ع بنياتنه
ماعدنه وحده درست وجنطتهه بظهرهه وطابه وطالعه
غير بنات علي كسرن المعهود ولبابه تكفلهه جراح
وفجر تدرس ويه مريتك

بس مامقبوله يالسبع بنت تروح لشمال بدون ولي امر
صح اواب وليدنه بس انت معروف عنك ماتامن باخوك
ليش مارحت وياهه ؟؟

السبع.. هااااا محشوم ابو عامر عندك العرض غالي
بس ويه السبع العرض رخيص اذكرك بسوايتك
انت وبنتك وسن وهسه جاي تحجيلي بالعرض !!

اواب ابن شيخ ينحلف باسمه ولو ماامن بي
ماادز عرضي وياه بالعكس لو رايح انت لو واحد
من ولدك جان ماامنت وماعفتهه لوحدهه

انه جنت بادي بمشروع ومااكدر اعوفه وجراح
ماانطوا اجازه كلنه. عدنه التزامات وحته لو رايح
انه او جراح هم ناخذ اواب ويانه لان هو يعرف الطبيب

جيتك على هاي هسه كتلك ماله داعي تصيح
وخابص البيت ووينهه وتريد تضربهه
جان وفرت على نفسك وخابرتني افهمك

جبار.. چااا مدام الحجي هيج انه اعتبر وليهه
انت ابن عمهه بس انه بمثابه ابوهه وهسه
كل واحد بيكم عنده مره وانه اريدهه لابن عباس
استحقت زواج وهاهي امهه ماتت ومالهه عذر
الرجال يسترهه ...

السبع.. موانت تحدد شوكت تزوج عندي اخت وحده
انذبحت ياجبار ولسه نارهه ادك بكلبي واجت فجر
بمكانهه تعرف شني اختي تعرف احرك سلف كامل
اذا واحد شمرهه بريشه

جبار وحق هو علي انت وغيرك لو شيخ الشط
مايوكف بوجهي اذا انمست شعرهه منهه
تدرس.. واطب وتطلع بالمكان اليعجبهه انه مسوؤل
عنهه حجايه منك من غيرك محد يلوم غير نفسه

جبار.. لاتهدد موبكيفك اجمع شيوخنه وعمامنه
واحجي عن اسلوبك وهالعنطزه العندك
البت عمهه ولي امرهه موابن عمهه

السبع.. اي والله تختصر عليه الوكت بجمعتهم
هم بالحالتين جامعهم واريد اشوف ياشيخ
يگلي انت على غلط اله احط اعگاله جوه رجلي

بعد مااتحمل بطشك كتلك اشوف اختي بفجر
وانت بسوالفك هاي خليت ثاره يشب من جديد
وتعرفني اشري كتال ابوي واختي بروحي..

عاصم اخذ ابوك قبل ماارتكب بيكم جريمه
وانعل ابو اليكول السبع على غلط
وهاي المره عديتهه المره الثانيه اذا شفتكم
صوب فجر اذا وكعت وحدهه ابليكم
واخلي نهايتكم نهايه اخوك السطه على بيتي

عاصم... كوم بويه موهيج الحجي خلي يهدء
السبع ونحجي وانت يا اخوي على كيفك
اعصابك موزين عليهه

جبار.. النه احساب يالسبع ياابن فاضل
ابوك هم جان هيج ماعنده احترام للاكبر
منه وزرع بيك. هالاخلاق ولاجن رباك الشيخ

عقيق... طلع جبار شايل عباته جنه باتمان
وام جراح طلعت وراهن اني اجيت اركض
وكفت يمه كتله شو ماشربوا جاي مالحگ يخدر

السبع.. اليطلع زعلان مايشربون جاي ابو البيت
تعلمي خاف تصيرين مرت الشيخ
عقيق.. لا مااصير اكوم احجي عبن شنهي
ولزوم الشيخ يدري واطلع لابسه مثل هيام
واكول مدن السماط خطار الشيخ مستعجل

السبع... يابويه شمسوي من خير والله انطاني
هالجماره هاي شوف الحلك الينكط عسل

عقيق.. عيب جمره لاتسمعنه فجر
بعدني بس كملت الجمله اسمع كحتهه بالغرفه
وعبالك انطتتي ايعاز اني سمعتكم

اجت ام جراح والتهه يسولف وياهه
واني رحت للغرفه لكيت فجر لازمه شريط
القياس وتقيس وتسجل ودكول من باجر اسوي رجيم
والعب رياضه رغم ماصدكتهه بس كتلهه ااي

فجر.. عود اني ليش مااتخيل السبع يسوي
مكسغات
عقيق.. شلون؟ منيله مكسرات
فجر.. لعد قبل شوي شكالج منو ينكط عسل

عقيق... ولي فجر لتحجين وياي هيج والله استحي
فجر.. واني شحاجيه غيغ سمعته
عقيق.. غير مرته
فجر.. تعاي عقيق عندي خطه تشاركيني بيهه

عقيق... شنو ؟
فجر.. انغضي جغاح ولبابه
عقيق.. شلون
فجر.. امشي وغاي ومالج علاقه بس المطلوب منج
تغوحين للسبع دكليله ياخذنه للبستان العصر

عقيق.. جنت حابه يرجعون جراح ولبابه. وشدكلي
فجر اسوي بدون تفكير رحت للسبع كتله ضايجه
واريد تاخذنه للبستان كال ميخالف والشيخ ياسين
عازمنه على عشه افترن وللمغرب تجن يم الشيخ

كوه قنعنه لبابه تطلع من العزله مالتهه
بدلنه واخذنه السبع عمه ام جراح راحت بوجهه
لام ياسين واحنه نفتر بالبستان ماكو احد وقريب
على البيت وبي اشجار حلوه وبدت الشمس تغيب..

عدهم حضيره حيوانات بعيده عن البيت ابدايه البستان
ومسوؤل عنهه حراس بوقت المغرب يجيبون
الحلال يدخلو للحضيره من خرفان ومن ابقار والجواميس كومه معزوله ومسؤلين عنهه نسوان وزلم
كومه يبيعون گيمر وحليب...

من نتمشه جانت الحضيره فارغه بيهه عجول صغار
هستوهن جايبتهن امهن طبينه يمهن جان عدنه موبايل
اسمه N8 ناخذ بي صور لان ابد ماطالعين محبوسين
بالبيت..

لبابه تمشي بدون شعور احنه مالنه قصد بيهه ولاندري
راح ايجيبون الحلال خطيه جانت بالحضيره تباوع
شلون الام معتنيه بصغارهه وهي تحجيلنه كلساع
وكالت سبحان الله الحيوان متمسك بصغاره وبني ادم
يقتل بدم بارد

احنه طلعنه وعفناهه رحنه. للحضيره الثانيه مال الخرفان
وماانشوف غير الابقار هجمت منو الاسرع وتدخل اول
وحده للحضيره ولبابه جوه واحنه منا اجت الخرفان
حصرتنه كل وحده حارت بروحهه

طلعوا الزلم يهدوهن وهن يندلن مكانهن ويجن يركضن
صوت لبابه وهي تعيط وصوت بجي. واني اريد اطلع
اجاني ابو گرون حصرني بالزاويه

الله ستر جان اكو تايرات جوه والسياج ناصي حيل صعدت عليهن وطفرت وفجر تركض من حضيره الابقار
وتصيح اكلن لبابه وترجع. عليه تصيح خوما نطحج الخروف

همزين واحد من الزلم شافنه وكمنه نبجي على لبابه
وكناله اختنه جوه وطب طلعهه لازمهه من جوه اديهه
ورجليهه تخط وراهه مهبوطه ولا ايد ولارجل

رجليه ترجف اريد اشيلهه ويه فجر مااكدر
كعدت بالكاع ونبجي والرجال جاب مكينه
وصعدنه بالبدي ولبابه منتهيه مافتحت عينهه

وصلنه لبيت الشيخ ياسين جان الكل واكف
اواب وابو وجراح والسبع وبعد زلم جماعه الشيخ
من شافونه انصدموا نزلنه السبع من البدي وجراح
شال لبابه دخلهه ليجوه..

التمت كلهه على لبابه وجراح يم راسهه صاحت ام ياسين ميلن عن البنت وجيبن المي وكامت تفرك باكتافهه
واديهه يله انتبهت شويه بس فتحت عينهه

كامت تبجي بصوت وجهه اصفر وتأشر علينه
اني وفجر وتحاجي جراح دكله هذني حبسني
بالحضيره والانظار كلهه توجهت علينه باوعت للسبع
خزرني بسرعه دنكت

احنه صح دخلنه سوه بس موبنيتنه نعوفهه هو حته
اني همزين مانطحني الخروف شويه لبابه هدئت
واني وفجر داكين دكه كرفصنه بالزاويه وسكتنه

لبابه حته ماتعشت ايدهه ترجف وام جراح خبصت
الدنيا حته الينسه السالفه تذكره دخل الشيخ ياسين
وره العشه هو واواب وكعدت ام جراح تحجيله
هذني الزعاطيط حبسنهه وهمزين مارفسنهه الهوايش..

ولا باوعت للسبع لان ادري بي ماقابل علينه
بس الشي الحلو رجعت لبابه تحجي ويه جراح
من يسالهه اتجاوبه جانت نهائي ماتشوفه..

رجعنه للبيت بالطريق ساكتين بس وصلنه صاح
بينه السبع عقيق فجر تعال وراي دخل للاستقبال
واحنه وراه اول مابده بينه رزاله غسل ولبس
وكال انتن متعمدات؟؟؟

اني كتيت الاول والتالي كتله فجر كالت نسوي خطه
بس عبالي هي هاي نحبسهه عود ويجي جراح
ينقذهه غمتني فجر وهو استلمنه

جرنه من اذاناتنه اثنينه وكال اذا عدتنهه اركع
راس براس كلما تتتحدن تسولنه مصيبه
يرزل واحنه ساكتين ..

عافنه وطلع كامت فجر جرتني من شعري
شلون احجي الاتفاق واصلا هو الاتفاق خرب
واني ماعرفت اضم السر..

رحت لبيتنه بدلت ومددت بالفراش وره نص
ساعه اجه اباوعله شمر ساعته بانزعاج
وطفه الضوه ونام بصفي اني عود زعلانه
انطيته ظهري ...

تلمس اذني بهدوء اتذكرت فجر من كالت
احب اذان اواب بسرعه طكيتهه ضحكه
فتح الضوه واني خربانه ضحك وهو صافن عليه

السبع.. شبيج بويه؟ گرگرتج لو تلمست اذنج
عقيق.. حاصره ضحكتي مااكدر احجي قابل اكله
فجر تحب اذان اواب خلتني بس اشوف الولد
اباوع على اذاناتنه

مااعرف ازعل على السبع حضنته بسرعه
وهو يرضي بيه ويبوس بوجهي
لحدماغفيت بحضنه..

لبابه.. اكلت هبطه تسوه عمري من هذني الصعاليك
من رجعنه للبيت اني انام بغرفه ماما وماادري شي
عنه غير اجت ابرار جابتلي النتيجه مالتي
كالت جابهه جراح ناجحه رحتي مرحله ثانيه

بليلتهه من رجعنه من الشيخ ياسين جنت نايمه
وفزيت على شي يمي واشوفه بصفي مخلي
ايده جوه راسه وغافي نص جسمه بالكاع
وراسه على مخدتي

اخذت نفس عالي وباوعتله جوه عيونه اسود
تعبان حيل وجهه شاحب ملاحظته صاير ماياكل
غير وجبه وحده بس بالعشه وهم اكله قليل
صار كل وقته تدخين

صح السويته غلط بس انفجرت كمت مااتحمل
هوايه تراكمات صارت زواجي ووضع جراح وفاه ماما
وخساره طفلي ونوال احسهه لعنه وتركض وراي
وعينهه علينه

غير مرات احس روحي ضايعه اريده ومااريده
اكرهه واشتاقله صرت مثل الماعدهه راي
والماتعرف شتريد احتاجه واريده يمي ومن يتقرب
اضوج اريده يبتعد...

ظليت مركزه علي انت هم تعبت وعانيت
وجرحتك بكلامي بس محتاجه امي حيل
محتاجه حضنهه واشكيلهه موقصدي اعيرك
ولا اقلل من احترامك لو موجوده ماما حته ماتقبل
على السويته ...

دنيت نفسي وبسته من خده بسرعه فز انتبه على نومتي
عايف الغرفه وجاي فرك ركبته وطكهه وكال
هااا ماادري اسف بسرعه غفيت

سكتت اني الظاهر ماانتبه على البوسه
باوعلي وكال ارجعي نامي كعدتج
لبابه.. نفسك عالي ودكات كلبك سريعه بيك شي

جراح... اي بيه
لبابه.. شبيك؟؟
جراح.. بيه انتي!!!

انتي المااعرف شلون احافظ عليهه واسعدهه
لبابه اذا احجيلج تفهميني مااعرف روحي شريد
ليش هيج اعصب وياج وانتي اخر وحده يمكن
افكر اذيهه

اذيتج هنا موو ودنك على خدي باسه
وهنا اشر على ركبتي لان خنكني
وهنا على كتفي كل مكان ضربني علي باسه
وهو يعتذر...

لبابه.. جرحتك بالحجي بس اني موهيج طلع
الحجي مني بدون وعي
جراح... غمض عيونه بعصبيه حسيته جاي يرضيني بس
بعده داخله مجروح مني مو من گلبه بس شاف
وضعي تعبان وبادر هوو..

جىاح.. امشي وياي نصعد لغرفتنه
لبابه.. ردت اكوم وياه بس اتذكرت كلام السبع كال
اذا رضاج لاتصعدين اله يجي يرجعج ويحاجيني حته
يتعهدلي مايضربج بعد

كتله لاعوفني نايمه هنا سكت بس كال براحتج
وكام اثنينه مانعرف شنريد بس ندري اثنينه
نحب بعض ويمكن حبنه راح يسببلنه متاعب هواي...

رانيا.. ضرغام اريد اروح للصالون
ضرغام.. روحي
رانيا.. انت اخذني ماما ماتحب تروح
ضرغام.. اخذج العصر وباجر انروح للبصره
رانيا.. شنسوي
ضرغام.. عطله ماعدنه شي مشتاگ للبصره
من وراج سويتيني بغدادي من بصراوي اسمر
لبغدادي انيق

رانيا... هههههه اصلا اني اول ماشفتك ماعبالي اقربائهم
لان مامبين عليك بصراوي
ضرغام.. لا اابا عن حد بصراوي بس البيئه الهه دور
عشت فتره الشباب ببغداد ودوامي يوميه بمكان
صرت مشكل

رانيا.. ضرغام اني ليش هلكد احبك
ضرغام.. لان اني احبج
رانيا.. شكد تحبني
ضرغام.. عاد بده التمسلت زهكتيني شكم مره
تسأليني شكد احبج ولج حته من انام السؤال يجي كبالي

رانيا.. كول شكد لاتغير الموضوع
ضرغام.. بكد حبج الي
رانيا..اناني
ضرغام.. سخيفه

رانيا.. السانك ينكط عسل ماتعرف دكول حبيبتي
ضرغام.. من اكلج حبيبتي معناتهه بارد من اغلط
معناتهه اموت عليج

رانيا.. عكس الناس انت حضره الضابط
ضرغام.. اكول يحلوه اجتني قدم 6 اشهر
واني على ابواب ترقيه اذا اجتني بعد قدم
مولازم تفرحين بيه وتكافئيني

رانيا.. لاعيوني لااا مااكافئك هسه لو يسووك
لواء عوفني اريد اروح للصالون تاخذني
بحجيك وتروح عليه الروحه

ضرغام... كومي اقفلي الباب خليني منتعش
حته اوديج للصالون وانتظرج واني الممنون

رانيا.. ضرغاااااام والله مااكوم اسبح بعد
ضرغام... ميخالف اني اسبحج
رانيا.. انت ماتمل شعندك طاقه مو كتلك اني مريضه
ضرغام.. الله عليج هاي ربع طاقتي غير مراعي
حالتج المرضيه يله رنوو منو حبيبي؟؟

رانيا.. مااا
ضرغام.. لج من اتوسل اتنرفز
رانيا.. توسل بعد حسسني اني انثى
ضرغام.. صدك؟؟؟ لعد شجنت احسسج بسلا
جبار وماادري

رانيا.. لاهيج اتوسلي ودلعني
ضرغام.. تكومين لا ابتلي بيج للج رانياااااا
بهاي حركاتج شعلتي عمام ابوي

رانيا... ضحكت بصوت عالي وهو يبوس برگبتي
وكالعاده المنتصر ضرغام وراحت عليه روحة الصالون
لان تاخر الوقت وهو سبح وطلع واني يهيج عليه
الالم اخذلي ساعتين بالفراش مدده...

ثاني يوم رحنه للبصره مشتاقه للبنات هواي
بيتنه هنا لكينه البنات مرتباته كعدنه بي
فجر ولبابه وعقيق مااشبع من سوالفهن بيومهه
كلت لضرغام اليوم تنام وحدك لان اتفقنه نفرش سوه
وانام بغرفه خاله..

كالي احنه هم اني وجراح والسبع والشيخ ياسين
انبات على الشط نعيد الايام الفاتت

رانيا.. ومنو يظل يمنه
ضرغام.. زلم ياسين يجون يحرسون لان هاي الكعده
وراهه تكتيك وتخطيط

رانيا.. من جان يحجي اني مامنتبهه شيقصد
بس طلع هذولي ال4 وراهم بلاوي كلنه
ماندري كل وحده بينه ماتدري رجلهه شيخطط...

ثاني يوم الصبح صادفت جمعه وجراح ماعنده
دوام اجتمعنه على سفره وحده نتريك ومن خلصنه
الريوك كال جراح السبع انه اريد لبابه ماترضه
ترجع لغرفتهه

السبع.. يخوك بالاستكان ويحجي وانت شوكت
مايعجبك تريدهه
جراح.. كلنه نعصب وتدرون بيه مااهون اذيهه
بس هي الله يسلمهه حجت حجي مالايق بينه

السبع.. توعدني كدام الكل ماتمد ايدك عليهه
حاسبهه اذا غلطت بس لاتضربهه لان تتمرد
عليك موعبالك راح تخاف منك

لبابه.. اسمع حديثهم واني مدنكه سألني السبع
تقبلين اعتذاره؟؟ رفعت راسي شفته يباوعلي
جراح ياوجع كلبي احب عيونه حيل احب نبره
صوته وهو يكول لبابه واحب هدوئه الطاغي على عصبيته..

كتله اني هم اعتذرله خلي يسامحتني حجيت
حجي موحلو بس بلحظه عصبيه

السبع.. هاهي اتصافيتوا واثنينكم انتبهوا
على نفسكم واتحكموا باعصابكم ترى
الاعتذار المتكرر مايطيب الجروح بالعكس يلچمهن

رانيا.. باوعت لضرغام رفعلي حاجبه واشرلي براسه
بمعناتهه كومي للبيت فتحت عيني بصدمه وهزيت
راسي برفض ..

كام وكف وكال رانيا تعالي حضري ملابسي
عندي طلعه انحرجت كدام الكل كمت وراه
طبيت للبيت كتله وتاليهه وياك حته هنا انطينه
مجال موسمطت عشيرتي

ضرغام.. شبيج شكو هاي الهوسه على ملابس
ارجعي اني احضرهن

رانيا.. يعني تقنعني ماعندك غير نيه
ضرغام..وخايف منج مثلا بس والله علمود ملابسي
وصدك عندي طلعه ولان بالجنطه مامكويات

بس مدام هيج تفكيرج منحرف اني اخاف
الله لازم البي كل تفكيرج الظاهر والباطن
عوفي الملابس وخلينه نفتتح يوم الجمعه
بما احله الله

عقيق.. جنت واكفه بالمطبخ واسولف ويه فجر
واجت ام جراح تركض كالت وين السبع
اركضي لبابه صيحي جراح

ركضنه وراهه وهي تلبس بشالهه شكو عمه
شصاير احجي؟؟
ام جراح.. ولجن تخزينه وتعزينه وحدنه
من بنات القصر معتدين عليهه

عقيق.. كلهه التمت جراح من جهه والسبع من جهه
ضرغام واكف وصافن عليهم ويأشر للسبع يكله
لادكولهه من عرضنه؟؟؟

راحوا كلهم وحته ام جراح راحت واحنه انلوب
شكو ومنو ماكو بنات بس ايناس وبنت عاصم اخت
نور عمرهه 16 سنه وبنات عامر صغار

اتذكرنه نور ركضت لبابه خابرت عليهه ماردت
وام جراح ماعدهه تليفون ظلينه اندك على نور
هواي يله جاوبت هوسه وصوتهه تبجي

لبابه.. نور شصاير طمنينه؟؟
نور.. لبابه راح يكتلون اخيتي ولجن اخيتي راح
تروح من عدنه راح يذبحوهه مثل شهد

لبابه.. على كيفج نور فهمينه شكو اجوكم السبع وضرغام
وجراح بس اهدي

نور.. وينه السبع جدي الشيخ اخذهه للشط يغسل عارهه
مدري منو ضحك عليهه والله اختي فقيره
ولاحظتهه مريضه وماتاكل والله مظلومه كلي لجراح
يلحكهه هو موضابط...

لبابه.. بعدهه تحجي وخلص الرصيد يارب الطف
بحالهم اتذكرت شهد مظلومه واحتمال اخت نور هم
بريئه بنات عاصم حيل حبابات ماتطلع منهن هيج شغلات...

عقيق... دك تليفوني ركضت شلته السبع
بس فتحت خط كال عقيق حضري الغرفه الثانيه
اني جاي بالطريق وسده

من سديته كتلهن هيج كال السبع جان دكول
ام رانيا خاف اخذهه السبع ستر عليهه
لازم يسترون عليهه لوتنذبح واذا مااخذهه السبع
ياخذهه جراح وهسه تشوفن ؟!!!!!!!!
.
يتبع.........

#خبايا_الاقدار
❤️♨️♨️

... البارت الثامن والخمسون


گلب باوراق عمرك ناس راحو ناس اجو..
ناس رايدهم يظلون ومشوا...
اكو ناس تعوفهم ترتاح منهم
وناس ظلتهم حمل...
واكو ناس طيوفهم تكعد براسك
مثل خرخاشه بحجل......
....

عقيق.. شنوخاله شتحجين
ام رانيا..والله يابنتي هاي المعروف عنهم
فجر.. مالج دخل عقيق راح يتزوجهه نسيبج ضغغام

رانيا.. عابت لهالحلك ضرغام موابن عم ابوهه يعتبر غريب عنهه
فجر.. يله لاتزعلن يتزوجهه جغاح
لبابه.. عوذه من هاللسان

عقيق.. ظليت مثل الدجاجه التريد تبيض افتر وكلبي
نار قبل بابا يحجيلي عن العادات ويكول التسوي غلط
يزوجهه بسترون عليهه بس ماجنت اعرف الغلط شنو حدي عبالي تطلع بالشارع لو تتعارك

عيني على الباب وحته غرفه ماحضرت شنو احضر
غرفه خاف صدك يتزوجهه علمود مايقتلوهه
لا لا مايسويهه السبع هو كال انتي تمشين بدمي

رانيا.. عقيق اكعدي وجهج مخطوف صدكتي السبع يتزوجهه
عقيق.. اذا يقتلوهه خاف يحميهه مثل ماحماني ماعندي احد
رانيا.. مايسويهه تعالي اكعدي انتي عقيقته الحلوه مايبدلج

فجر.. يجوز يسويهه السبع يحمي الكل موحمه ابغاغ وانتي وبنات القصغ.
عقيق.. فجر لاتحجين هيج كلبي يوجعني
فجر.. يله ميخالف عود ازعلي يمي ويوم يمج ويوم يمهه
عقيق.. فجر لاتحجين وضربت رجلي بالكاع دمعتي بطرف عيني اذا سواهه السبع ازعل علي..

فجر.. بس اتزعلين هذا حدج
عقيق.. لامايتزوج هسه زواجنه تم جان متحمل وماسواهه
فجر.. يعني شنو؟؟ جنتو مامتزوجين

رانيا.. ولج عقيق انتي فضيحه اسكتي وانتي فجيران
عوفي البنيه بطلي شقاج السبع مايعوفهه ويحبهه
هسه على جيه وانتن اداهرن وحده بالثانيه

عقيق.. شويه واجه ابن رانيا كالو اجه السبع كمت اول
وحده وكفت بالطرمه انفتح الباب دخلت ابنيه شايفتهه
مرتين من انروحلهم اسمهه وداد وجهه ازرك على احمر
تمشي محنيه من الكتل والتعذيب ايدهه ملفوفه برگبتهه
وحجابهه مخربط

ام جراح اخذتهه ليجوه واني فتت من يم السبع باوعتله
صفح ورحت لبيتنه اجه وراي كعدت بعصبيه على الكرسي وهو واكف يشرب مي..

السبع.. بيج شي؟
عقيق.. لع
السبع.. كولي لاااا مو لع
عقيق.. بكيفي
السبع.. بكيف منو ؟؟ وتقرب صار بصفي خله
ايده على كتفي وضغط علي ..

عقيق.. اااوي وخر ايدك
السبع.. مو جنج صايره عرمه
عقيق.. جمره ايدك توجعني وخرهه
السبع.. مره ثانيه لاتباوعين هيج اني مو ابنج

عقيق.. بسرعه بجيت اول مره يحاجيني هيج
كمت من يمه ركضت للغرفه وسديت الباب عليه
وكمت ابجي دك الباب عقيق افتحي الباب

ماجاوبته بس ابجي وهو يدك بهدوء
بعدين كال اخر مره اكول افتحي اذا مافتحتي
ازعل عليج كمت فتحته ورجعت لمكاني

السبع.. شفتي نفسج شلون باوعتي كدام ضرغام وجراح
صح اني وياج بالبيت الج مطلق الحريه بس كدام احد
لااا

عقيق.. شلون باوعتلك مالي قصد يجوز طلعت مني
بدون ماانتبه
السبع.. بيج شي
عقيق.. شبيك انت تحاجيني من وره خشمك ترى مواني
صاحبه المشكله حته تذب حرگتك بيه

السبع.. بويه اسكتي وهاي ابوس راسج بس اسكتي
عليمن هالدموع تكت حاجي كايل تلگيتيني ترعدين

عقيق.. ليش كلت حضري الغرفه وخاله ام رانيا كالت
يجوز السبع يتزوجهه ونور كالت راح يكتلوهه
وانت اكيد راح تزوجهه حته جبار ميأذيهه

السبع.. فدوه لهذا العقل جبتج عمرج 17 سنه وهسه راح تصيرين 22 وهذا العقل بمكانك راوح لاكبر ولا حاول
يتوسع وشيكلولج تصدكين

عقيق.. يعني مااصدك موهاي جبتهه وياك
السبع.. يعني ماكو حل بس الزواج ؟؟
عقيق.. شمدريني..

السبع.. عقيق كبري عقلج ولاتصدگين بأي احجايه تنكال
مو النقاش تحولي قصه براسج من انطيتج وعد وكتلج
مااذيج يعني اطمئني لا راح اذيج لا بگول ولابفعل

لاتشوفيني هيج وياي عبالج اتقبل اي مره ترى سنين
بنات القصر اشكال الوان كدامي وكلهن حلوات ومارفت عيني على وحده ومن حبيتج واتزوجتج خلاص انتهه
انه مومن هذا النوع نفسه دنيه على النسوان سواء بقصد ولابغير قصد حته اذا مجرد حمايه مااسويهه

عقيق.. كول والله
السبع.. عقيق صار ساعه شلغي
عقيق.. لاتصيح عليه كول والله واعوفك
السبع.. والله اذا اكوملج اطلع قهر كلبي بيج

عقيق.. شتسوي تضربني جذاب ماتسويهه
السبع.. لا اله الا الله تعاي يمي خلي احاجيك
عقيق.. كول والله مااسويهه واجي
السبع.. تعاي اكولهه بأذانج

عقيق.. تقربت علي هو جان واكف يم الميز كتله
يله كول والله بسرعه لزم اديه رفعهم ليفوك
وصفني على الحايط وباسني بقوه اريد اخذ نفس
مااكدر ابتعد واني اتنفس بصعوبه

السبع.. اذا عدتي هاي النظره مالتج من صدك ازعل
عليج وراح اريحج والله مااسويهه لاهسه ولابعدين
يله صيري حبابه وتعالي وراي للبيت..

عقيق.. طلع واني امسح بحلگي فرحه خفيه بداخلي
السبع سبعي ومثل اسمه ماراح يكسرني بيوم
كمت اكمز بالغرفه واصيح احبه احبه ياربي
اموت علي ...

عدلت حجابي ورحت وراه للبيت الجبير كلهه موجوده
دخلت للغرفه مخليات البنيه وداد وبس تشهك من البجي
وهم كاعدين بالصاله

لبابه.. اسكتي حبيبتي لاتخافين وراج زلم يحموج
حتلو غلطتين الله يغفرلج
وداد.. والله ماسويت شي محد يصدگني جدي يريد
يذبحني حته ضرب ابوي والله انه ماسويت شي..

ام جراح.. كومي فجر اطلعي
فجر.. ليش؟
ام جراح.. سوالف كبار ومال متزوجات يمه اطلعي
انريد نفتهم منهه
فجر.. يعني المامتزوجه مغاح تزوج بعدين
وانتي عمه شتتوقعين صديقتي عقيق واني لحدالان
طفله بغيئه

ام جراح.. دهر فر السانج الف رحمه على روحج ساهره
لو هنا جان عرفت شلون تكومج كومي ياصخيمه
انريد نفتهم

فجر.. خلي تكوم عقيق واكوم
رانيا.. لج عقيق متزوجه انتي بعدج ميصير يافجوره
فجر.. كومن عقيق واكوم واذا ماكامت وين ماتغوحن
الحكجن

ام جراح.. عمي صدك جذب كبل البنت تستحي من خيالهه هسه فجر تخلينه احنه النستحي وهي
جنهه عيون صگر كومي يمه عقيق خلصينه منهه

عقيق.. كمت بسرعه طلعت وطلعت وياي رحنه للمطبخ
كتلهه ليش ماخليتيني افتهم شصاير
فجر..لااا قابل اظل وحدي احوص حوصي وياي

عقيق.. امداج فجر جماعتج اول سنه كليه
فجر.. اووي عيني يالجبيغه
عقيق.. هسه شلون نعرف شكو؟
فجر.. نسأل لبابه امشي انسوي كاستغ جعت
عقيق.. موكلتي سويتي رجيم
فجر.. اليوم سماح باجغ ابدي مواليوم اكو مشكله
تنحل والتزم

لبابه.. كعدت عمتي تحقق وياهه وهي بس تبجي
ام جراح.. احجيلي بنتي ماكو احد هاي مرت ضرغام وهاي مرت جراح وهم يحموج
وداد.. مامسويه شي والله وكامت تبجي

لبابه.. شكد حاولنه نعرف وماحجت بس تبجي
وتصيح اني بريئه مامسويه شي نور خابرتنه بالخفيه
دكول جبار كتل امهه بالعكال وطردهه لاهلهه
وطارد عاصم من القصر لان يفرفح على بنته

كومتهه صعدتهه لغرفتي انطيتهه من ملابسي وطبت سبحت اديهه ورجليهه مجلغه دكول اخذوني يسحلون بيه للشط بالليل وابوي كال اكتل روحي اذا كتلتوهه وعافوني

وجبار كال لازلامه ناخذهه بليل نذبحهه ونغسل عارهه
واليسال نكول تمرضت وماتت حته ماتطلع حجايه
على بيت الشيخ

كلبي اذاني اتذكرت شهد المظلومه اااخ ياشهد
معقوله دمج راح هدر وحوبه ماعندج وماطلعت
لسه وجبار يسرح ويمرح...

نومتهه بغرفه ابرار ونزلت للصاله جراح وضرغام والسبع وعمتي كاعدين رحت سويتلهم جاي واجيت كعدت
سألني السبع ماحجتلج شي؟؟

لبابه.. لا بس كالت جبار متفق ويه ازلامه يكتلهه ويكول تمرضت وعاصم متخبل عليهه
السبع.. خلي يولي هذا يهوبز وحده بس لازم نعرف منهه
منو الضاحك عليهه

ام جراح.. يمه انتو هم اولادي منو يكول البت ملعوب بيهه يجوز تلفيق من جبار
السبع..اكو شهود شايفيهه ابيت الماطور القديم ومالازمي شارد واكعه بيد جبار وعلى اساس جاي واحد وكايلهم
هاي صار فوك الشهرين تجي باستمرار وخايف يحجي

ضرغام.. اخذوهه للفحص
ام جراح.. ياستار خاف تطلع ماكو شي وتتازم حالتهه
ضرغام.. لعد احسن تنكتل على الاقل اذا عدهه تقرير
طبي مابيهه شي هذا حمايه الهه

ام جراح.. هسه انتو من جبتوهه شتسوون بيهه
وشنو تفكيركم
السبع..انتي مو شفتي الوضع هناك لوعايفيهه تموت
على الاقل الغلطان وياهه خلي يسترهه

لبابه.. كمت اخذت تليفوني وخابرت نور اريد افتهم
منهه جاوبتني وهي تبجي طمنتهه على اختهه
وبدت تحجيلي
نور.. لبابه والله اختي فقيره صار مده وضعهه موتمام
من اسالهه دكول مابيه شي بس مخلصتهه بجي وماتاكل
حته امي شكد حاولت وياهه ماتحجي

شو فجاه جابهه عمي عباس يسحل بيهه يكول
لكيتهه ويه واحد بغرفه الماطور وشارد الولد
واجه واحد شهد عليهه يكول شهرين صارلهه تلتقي
بي مرات هي تطلع تفتر بالبستان بس مو وحدهه ايناس وياهه وهسه ايناس نكرت .

لبابه.. ومن اجه السبع شكال جبار
نور.. جدي الشيخ تعارك هو والسبع بس السبع طلع اسلاحه وكاله اكتلك وراهه اذا كتلتهه وبطل جدي
واخذوهه كوه كالو تعترف يمنه وهسه جدي شايش
علينه ...

لبابه.. طمنتهه على اختهه وسديته منهه كعدت على الجربايه افرك براسي لازمني الصداع انفتح الباب جراح
اليوم صعدت لغرفتي كعد بصفي حجيتله شكالت نور
سكت كال ناخذهه للفحص ونتاكد

لبابه.. واذا طلعت صدك بيهه شي
جراح.. ماادري قابل نكتلهه انشوف ويامن ويتزوجهه
قبل بيت الشيخ ينحلف براسهن هسه تاهت
صار بيت الشيخ حدث ولاحرج

لبابه.. تكوم تسبح؟
جراح.. اي حضريلي ملابسي عندي طلعه
لبابه.. وين؟
جراح.. راح اكلج وين؟ تعبان حيل واحس اعصابي مشحونه خابرت الطبيب اخذت موعد اريد اروحله

لبابه.. اجي وياك
جراح.. شتسووين؟
لبابه.. ماادري احب اطلع وياك
جراح.. ماتصدكين بيه اروح لطبيب؟
لبابه..لا لا موهيج بس اريد افتر وياك شويه
واذا متريد بكيفك

جراح.. كومي بدلي بين مااسبح بس ماادخلين وياي
لان اكو شغلات ماحاجيهه الج
لبابه.. ماادخل انتظرك بره بس توعدني تحجيلي
يجوز اني احسن من الطبيب

جراح.. رفع خصله من شعري وكال ماتتحملين
التسمعي الطبيب غريب مايتأثر بيه انتي حبيبتي
تتأثرين وتحزنين خلي الحزن عند واحد بينه مواثنينه

لبابه.. كوم يله بين ماابدل كرصني من خدي
وكام اني كمت فتحت الكنتور صافنه شلبس
اختاريت بنطرون وقميص طويل اسود
بدلت ونزلت جوه شفت فجر خاف محتاجه شي
وكلت لخالتي راح اطلع...

رانيا.. اكوي بقميصه وهو مدد على الجربايه
سألته شراح تسوون؟؟
ضرغام.. ماادري الحل الانسب ناخذهه للفحص
وعود وراهه انشوف شنسوي

رانيا.. خاف يتزوجهه السبع لوجراح
ضرغام.. ماكو هيج لازم يتزوجهه الضحك عليهه
واذا موالضحك عليهه يتزوجهه ابن عمهه موابن عم ابوهه

رانيا.. وليد ابن عباس طلع من السجن
ضرغام.. لااا اخذ الحكم العام حته يتأدب
رانيا.. والله انت قاسي
ضرغام ..موقاسي بس لازم يصيرله درس حته يعرف
شحصل من جبار مو ورطه وعافه

رانيا...ضرغام شوكت نرجع
ضرغام.. موهسه فد اسبوع لازم انشوف حل
لمشكله جبار واكو شغلات نسويهه ونرجع
شنو ضجتي؟؟

رانيا.. لااا بس اختنك هنا خاف تصير مشاكل
ضرغام.. ذكريني بليل احجيلج سالفه
رانيا.. ضرغاااااااام
ضرغام.. ووجع عقلج ماعنده غير هالسالفه
كتلج احجيلج ماكتلج اطبق

رانيا..مو اعرف سوالفك
ضرغام.. كومي لللج اذا اريد اخذ اذن منج
رانيا.. طبعا تاخذ لان اني مو مكينه
ضرغام.. لا مداريج خاف تعطلين من وقت ومابيه
حيل اتزوج الثالثه

رانيا.. ضرغام الله عليك قبل لا نتزوج هم عندك وحده
يعني شلون صبرت كل هاي السنين
ضرغام.. البگلبه حزن مايلتفت لهيج اشياء واني جنت
كاره الدنيا وجان بنظري ماكو مره تدخل كلبي بعد المرحومه بس انتي اجيتي تتموعين فوك راسي

رانيا..تذكر شكد جنت منحرف
ضرغام.. شعليه انتي مشتهيه ومستحيه
رانيا.. ضرغام راح اموتك كل بلاويك تذبهن براسي
ضرغام.. يله موتيني لو بس حجي لا استغفر الله
صار يومين خوش تبدعين

رانيا.. عطت بصوت ضرغام السانك السانك
عفته وطلعت يمه عبالك رشاش ولا يسكت
فلتت بريشاتي احسن ماارفع رايه الاستسلام...

بليل نومت الجهال وكعدت يم ماما سولفنه شويه
لحدما نامت ورحت للغرفه لگيته يشوف فلم اجنبي
خليت راسي على رجله وكتله شنو السالفه الردت تحجيهه؟؟

ضرغام.. توعديني ماتحجين؟
رانيا.. مااحجي والله سرك سري
ضرغام.. قبل كلشي اريدج تساعديني وتحجين ويه لبابه
رانيا... بشنو؟؟

ضرغام.. رحت ويه جراح للطبيب من اجو لبغداد
صح متأذي نفسيا بس العلاج مشتغل عنده واكو جانب
نفسي متعالج بس اكو جانب مال علاقته الزوجيه
مايطمن

رانيا.. ليش؟؟
ضرغام.. حسب كلام الطبيب كاله ماراح تتعالج من
هاي الحاله وهي طبيعتك هيج اما تكعد وتفهم زوجتك
اما تعوفهه اذا ماتتحملك

رانيا... بس فهمني يعني هسه انت هم مريض موهم تتخبل عليه
ضرغام.. طيح الله حظج ولج شوكت تعرفين تحجين
يعني اني مطلعج تونين عمي حقج لازم اعلي الفولتيه
لان ماعاجبج

رانيا.. انت عقلك منحرف منحرف يعني اقصد
وضع جراح لهدرجه لبابه متتحمله
ضرغام.. كل وحده وطاقتهه وحبهه لنوع معين
يجوز لبابه مومن هالنوع وماجاي تتقبل جراح
وللاسف لازم تتقبله اريد تكعدين وياهه وتفهميهه
كلشي اريدهه تسمع منج احسن من ماتسمع من جراح
ويتعاركون. ..

رانيا.. ظلينه نحجي بخصوص هالموضوع وافكر
شلون اساعد لبابه ودائما عقلهه محدود ماتحب
حته تفكر واطور اله واحد ينصحهه كلش فقيره
وهادئه مرات اصفن عليهم هي وجراح اكول نفس
الهدوء والصفات بس مشاكلهم ماتخليهم يرتاحون..

لبابه... بالاول رحنه للطبيب هو دخل واني ظليت بغرفه الانتظار الطبيب ماياخذ هواي بس عشر مراجعين
طول هواي تقريبا 45 دقيقه يله طلع اخذ العلاج
من الصيدليه وكال امشي نفتر شويه...

لزم ايدي وكال انروح نتمشه قريب الشط
هزيت راسي واني مبتسمه بوجهه الهدوء
مسيطر شويه وكال اريد احجيلج شي تكدرين
تسمعيني للنهايه؟!!

اكو مصطبات محط للعشاق والحبايب كعدنه عليهن
وبده يحجيلي من بدايه حديثه لنهايته واني
تجيني نغزات تسلب روحي وطلب مني هسه بهاي
اللحظه اتخذ قرار..

جراح.. لبابه ماامدحلج بنفسي بس والله العظيم وروح
ابوي بحياتي مامجرب اتقرب من مره ولاحته علاقتي بنوال مافكرت اعيش واجرب احساس ابسط شي هاي الحضنه والبوسه مامجربهم اول تجربه الي بليله عرسنه

انه احجيهه الج اعرف نفسي حالي حال كل رجال
طبيعتي هادىء حيل وافضل الرومانسيه على كلشي
بس وضعي اختلف بعد الخطف راح انطيج فد موقف وانتي حكمي يظل عقل براسي ومااتاثر؟!!

3 ايام ضبط عشتهن يجيبون بنات اكو برضاتهن واكو يخطفوهن لو بنات دكاتره لو ابوهه فلان طائفه
ياريت بس اغتصاب كدامنه جانو اقصى درجات التعنيف
اساسا عدهم غرف خاصه بهالشي جان اللون الاحمر
يوترني يظل الضوه الاحمر مفتوح كدامي ويجبرك
تباوع

اكو واحد اصلا رجال عامي اتذكر موقفه رفض يباوع
لبنيه مسيحيه انه رجال عسكري واعرف اساليب الارهابين دخلنه دورات وعلمونه كلشي بس هذا من اهل
الله كام يصيح ويغلط عليهم وشكد ماحاولو يضربوا
مافتح عينه وباوع..

تاليتهه شنو ؟؟ ضربوا ابره خلته يفقد مايدري بنفسه
ويصبح مسير وفتحوا كاميرا وصورو وهو يعتدي
على البنيه مثل وحشيتهم ومن انتبه شوفوا الفيديو
وماطول يومين ومن كدما انهار وكاموا يصيح ليل نهار
كتلوا كدامنه

هاي نقطه من لاشي شفته كدامي والله وروح ابوي
انه موهيج والله العظيم موهيج جانوا اصدقائي من يحجون على هيج اشمئز مستحيل افكر اتعامل ويه الانسانه الي احبهه بهاي الوحشيه وهذا الصار بيه
طبع مكتسب وادفع نص عمري حته اتخلص منه

الطبيب كالي انت تعالج نفسك اي علاج لهاي الحاله
ماكو لان العلاج والمهدئات ماتفيد تزود حالتك
بس لازم الشريك يساعدك انه حجيتلج حته لادكولين
غشيتني ولو ادري بنفسي راح اتعامل وياج هيج والله
مااورطج ولا اتمسك بيج

لبابه.. لزمت ايده جراح ماما الله يرحمهه كالتلي
الزواج عشره وموده وتضحيه قبل لايكون حقوق
وواجبات ..

اكدر اعيش العمر كله بدون هالحقوق بس المهم
انت طيب وسالم وحبنه البعض كفيل يخلينه
نحارب لاجله لا تصور من تعاركنه وحجيت اني
ذابحه نفسي على هالشي بس نتيجه تراكمات
وحجيت بدون وعي واني ضجت من الرساله
واندفعت نتيجه الغيره

جراح.. انه مااقبلهه على نفسي بعد صغيره وحقج
هذا وواجبي ادي الج على اتم وجه
لبابه.. لاتحجي هيج تحسسني زواجنه بس علمود
هالشغله اني وياك بكل خطوه نشتري كتب تخص هالموضوع وشلون نعالجه والمطلوب مني اسوي
اتحمل مره ومرتين منا لمن تخف الحاله عندك

جراح شفت ببغداد صح عندك عنف بس موبهذيج
الوحشيه يعني اذيتني بس لان عايش وياي باحساسك
جان الالم شي ثانوي عكس الصار قبل لاتفكر هيج ابد
هذا الموضوع حجينه بي هنا وينسد هنا اني مااعوفك
بس توعدني ندرس عن الموضوع ونتساعد حته
تصير زين

جراح.. ضرغام يدري لان راح وياي للطبيب واحتمال
رانيا تحاجيج انه هذا الموضوع يوترني لاتحجين
بي لاحد
لبابه.. لاتشيل هم رانيا حنينه علينه مثل ماما ودائما نصائحهه من جانبك اذا حاجتني اني اسد الموضوع
اكلهه تفاهمنه بهالخصوص ...

جراح.. احبج حيل .. احب طيبة كلبج وهدوئج
من اول يوم من حميتج صرتي كلشي بالنسبه
الي امي دكلي الله يساعد التاخذك هدوئك يشلع
الگلب لان حته مااعرف شلون اتغزل مثلهم

لبابه..انت ضابط بس عكسهم مولان زوجي
بس صدك انت مو ملعب ولاعندك هاي السوالف

ظلينه شويه ورجعنه للبيت رغم حجالي والموقف صعب
بس فرحانه لان شاركني بهمومه رادت رانيا تحاجيني
بس كتلهه ادري وسديت الموضوع وهي نصيحتهه
جانت اتحملي يستاهل جراح ...

اما سالفه وداد على حالهه السبع ساكت عنهه
ومايقبل ينفتح موضوعهه وجبار مااجانه ابد
وضرغام التحق وعاف رانيا يمنه ماناوين
يرجعون اله تنحل السالفه...

عقيق... جمره شوكت تظل وداد هنا خطيه بس تبجي
على امهه
السبع ..العصر ناخذهه للفحص ووراهه نقرر
عقيق.. شو ضرغام مااجه

السبع.. متعارك بالمركز واحد من الشرطه مدري
شمتلاغي وياه وضرغام معتدي علي وذاك جايب
عمامه ويريد كعده

عقيق.. عزززه شنو مغتصبه
السبع.. اسم الله على عقلج لو سامعج ضرغام
خزيتينه ولج الاعتداء بس هالمنظور اليضربوا هم يتسمه
اعتداء

عقيق.. شمدريني موكلت يسويهه كعده عبالي هيج
استغفر الله والله حجيتهه بدون فهم
السبع.. اكبري عقيق خلي دماغج واسع ويفسر
الامور موكلشي يجي بلسانج تحجي

عقيق.. ضجت مني
السبع.. ليش اضوج بس نبهتج
عقيق.. تحبني؟؟
السبع.. لا لا لا كومي من يمي اذا سألتي هالسؤال
من صدك اكتلج

عقيق.. كمت واني زعلانه شجا هو سؤال
صح الصبح سألته اول مافتح عينه بس يكدر
يكول اي قحط عفته وطلعت يم فجر.

العصر ام جراح اخذت وداد للفحص بدون علم جبار
ورجعت المغرب وجهه يضحك كالت الحمدلله
البنيه مابيهه شي وكالت للسبع كالهه خلي تحجي
السالفه وداد احسن مااسلمهه لجبار..

كعدت وداد حجت السالفه بالكامل كرايب هيام
واحد حقير مره لازمهه بالبستان بس ممعتدي عليهه
وظال يهدد بيهه هي ماتعرف زغيره وعبالهه يسوي شي
دكول يدز عليه لغرفه الماطور يسوي شغلات موحلوه
بس الظاهر متحرس بيهه لحدما لازميهه ومهدده اذا جابت اسمه يكلهم لكيتهه ويه واحد ويذبحوهه وهي خافت وسكتت ...

جان السبع يسمع منهه من كملت كال يصير خير
وره يومين خابرت نور فرحانه كالت السبع لازم
هذا الحقير ومسوي فرجه للقريه دكول اجه ابو
يبوس بادين عاصم يكله مروتك لايكتله السبع
شترودن اسوي واساسا السبع كايله بايگ من حلالنه
ماذكر سالفه التحرش...

السبع اخذ وداد ورجعهه ومهدد جبار اذا مديت
ايدك عليهه تعرف شسوي وانسدت السالفه
واجه الولد خطبهه ورفض السبع ينطيهه لان يكول
جبار رايح جابره حته يخطبهه الولد مايريدهه
وهاي راح تظل ماتنسعد ويعيرهه بحجه سترت عليج

فجر.. سجلت دورات تقويه للسادس واكو خط بس بنات
انروح ونجي سوه بس مستواي موشي ولا الي واهس
اقره والمواد صعبه واني عندي مشكله بالرياضيات...

جان المدرس مال الرياضيات رجال جبير وياخذنه
بالبيت احنه 12 ولد وبنات واكو واحد بنطرونه قماش
كامز طول المحاضره هو يذب حجي ويباوع بس يطلع
المدرس على اقل شي وهو مد راسه جنه قرد

من خلصت المحاضره وطلعنه كتب الرقم وشمره
بس دست علي ورحت للخط منا اكره الرياضيات
ومومنا هذا المسلوع

ليش مابيوم اجت وحده ويانه كدام البنات كالت هذا محمد يكول عندي علاقه بفجر هنا تخبلت تحلفت بس
اشوفه اتفل بنص وجهه

من داومنه جان جامع الولد ومن فتت من يمهم
يكلهم والله البارحه للصبح نتخابر ويضحكون
ضميتهه بكلبي وسكتت وجنت ناويه احجي للسبع
ليش مابالطلعه جان واحد منهم يطخني بجتفي
كتله ماتشوف حاشك نفسك

رد عليه يله عيني لاتصيرين شريفه لوماانتي ومحمد
كله لقائات ابيتهم شنو رأيج تغيرين والله عندي
فلوس وشتردين انطيج...

ماحجيت لان بنص بيت المدرس بس من طلعنه هو فرع
نوصل بي للشارع جانو يمشون كدامنه اني وبنيه انروح
للخط كلما تتلكاني طابوكه اشيلهه لمن جمعتهن بيدي
وكعتلهم دك بالحجار الي اجت براسه والي بعينه
هو الفرع دربونه انحصروا مثل الجلاب..

كلما يرفع راسه اشمره بوحده حته صديقه المسالم حصل وحده بظهره اثنينهم محمد وهذا الكال عندي فلوس
عود خلي افلوسك تشفعلك ركضوا وهم يسبون بيه
بس بردت كلبي بيهم....

حجيت لعقيق بس محد يدري بالسالفه ليش ماثاني
يوم يدز عليه السبع رزلني طلعت هاي الفاره
ماتضم حجايه دكلي نسيت سألني شلونهه فجر بالدروس
وحجيت كلشي...

عقيق... اليوم السبع كال عندي كعده وماكال شكو ووين
بس الي ادري بيهه كعده بالقصر بالمضيف بس على
شنو ماادري وكلهم ضرغام وجراح والشيخ ياسين
كلساع يخابر وبينهم اتفاق ...

راحوا كلهم واحنه ظلينه وحدنه كاعدين
انسولف بالصاله ودك التليفون مال لبابه
اسمع لبابه صاحت شبي الله عليك كول شبي
احموا انتو جراااح جراااح وماكو صوت

كلنه ركضنه عليهه شكو وهي تبجي
وتباوعلي هنااا حسيت السبع بي شي
اول ماطلع وصل للباب ورجع باسني من راسي
واشتمني من رگبتي وكال ادعيلي بس حسيته موطبيعي

وكفت كدامهه بعيون ممليه دموع كتلهه
السبع بي شي؟؟ شهكت بعبره وكالت ماادري
بس كال جبار ضرب السبع طلقه اقفلوا عليكم
راح ادزلكم حارس

عقيق.. هي اسم طلقه بس بالحقيقه صابت
كلبي ماوكعت ولاتخربطت بس رجليه مشت
لبيتنه واني اتذكر تصرفاته اليوم شكد صلى
وشكد قره قران سمعته باذني وهو يكول اللهم
نسألك حسن الخاتمه

جمره لاتعوفني لوتاخذني وياك لو ترجعلي
اتراكمت عليه شكو حركهه سواهه بهاي الفتره
حسيت بي متغير واكعد نص الليل الكا يصلي
شكد يوصيني ويعلمني حته قسه عليه من اغلط

رجفت اديه ودك كلبات دكات متتاليه
صار حمل ثگيل براسي وكأنو اجر بصخره
جبيره !!!
كلبي احسه مثل فتات الزجاج النفس الي اخذه
يجرحني !!!

يتبع.......