#خبايا_الاقدار
❤️♨️

... تكمله البارت الواحد والخمسون
...

ارفعن رؤوسكن لو سمحتن، جففن تلك الدموع، توقفن عن النحيب، اجعلن قاماتكن عالية، ناظرة دومأ نحو السماء، لا أريد لأي واحدة منكن أن تنظر إلى الأرض، معا سنكون قويات صامدات، متوحشات أيضا إن لزم الأمر...
....

فجر... فتحت عيني ورفعت راسي وين اني؟ فزيت واني
اشوف راسي على رجل اواب وهو يتصفح بتليفونه هي
كمزه هي وكفه على طولي..

اواب.. اسم الله شبيج؟
فجر.. صح ماعندك اخت بس ماتستحي ماتعغف الحغام
البشغ النايم مثل الميت شلون تسمح لنفسك هيج تسوي

اواب.. شمسوي؟ واذا ماعندج اخت مثلا ماعندي عرض؟
فجر.. فركت عيوني لان يلزكن اريد اصحصح من النعاس
وهو على كعدته

اواب.. خابروني كالو متخربطه ردنه ناخذج للمستشفى
عبالنه تموتين وماكدرنه انشيلج للاسف وبطلنه
وصرتي زينه وحدج وعقيق طلعت وانتي عبالج امج
وظليت مجلبه بيه الصوج موبيه بام جراح وعقيق شكو
يعوفني يمج

فجر.. انت تحجي صدك؟ العتب دكتوغ وكاعد تتمسهد
لان سمينه منو جابغك تجي ؟
اواب.. لا ماعاش اليتمسهد عليج بس احجي الصدك ماكدرنه
انشيلج

فجر.. والله يالله وابن شيخ فوكاهه عود بعد لاتجي
اذا دزو عليك حته لاتسمعني هالاسطوانه المابيهه داعي

اواب.. كام وكف وتقرب عليه وكال زعلتي؟
فجر.. على شنو؟
اواب.. حلوه انتي بكل حالاتج بس صدكي ماكدرنه انشيلج

فجر.. عاد لزگت ادغي سمينه ووزني 75 وطولي مايساعد
واكل هواي وينغادلي( ينرادلي) اثنين يله يشيلوني عندك اعتغاض؟؟

اواب.. هز راسه ومبتسم
فجر.. خلصت مغه ثانيه لاتستغل الفغص وانت ابن شيخ
عيب هالحركات...
اواب.. شمسوي بسلا نمتي على رجلي حسبتي فدشي؟!
لا يابه جنتي مصخنه وتهذين موبالي

فجر.. عفته وطلعت ادور على عقيق اليوم اخزيهه
لكيتهه كاعده بالغرفه وماغافيه مكرفصه نفسهه وصافنه
جريتهه من شعرهه ولج صخيمه شلون تعوفيني يم رجال وحدي وتجين تنخمدين هنا

عقيق.. اووي شعري ولج عوفيني والله اكول للسبع عليج
فجر.. خوفتيني عقلج تنكه شبي حجاغه ماكلتي مايصيغ
اعوفهه يجوز متت يجوز يطلع موخو

عقيق.. ولي عوفيني وسحبت نفسي منهه عمه راحت نامت
واني كمت صليت لان اختنكت شمدريني ومن رجعت لگيتج
نايمه على رجله واستحيت شفتكم من الباب وهو ماساده

فجر..وعندج عادي ماعرفتي دكليله وخر عيب وتفضحي
انعاله عفتيني وحدي همزين كعدت جان للصبح واني
نايمه على رجله

عقيق.. شعليه اني ورجعتي عليه استحي كدام الولد
ويجوز ماله قصد انتي مصخنه وسوتلج عمه كمادات
فجر... كومي خلي انام وهاي لبابه اني اعلمهه شلون
ماتنزل وعافتني وانتي هم اني اعلمج بس موهسه

عقيق.. مخبله موصاحيه دفعتني من مكاني ونامت
الحزن مسيطر على ملامحهه اواب نام بالاستقبال
وسمعت صوت جراح يمه يمكن نزل ظليت اقره قران واصلي
وادعي للسبع وبعدهه نمت...

الصبح عمه اصرت اله اروح للدوام من سمعت جراح
كال السبع بعد يومين ويطلع صارت عندي طاقه ونشاط
رحت للدوام ضحى الكاهه كاتبتلي كل النقص اليصير عندي
ويه الكل متوحشه ومنبوذه بس وياي مرات اشوفهه تباوعلي
وعينهه تلمع شلون الاخت فرحانه بأختهه بس ظليت اتنجبهه...

يومين خلصن واليوم يطلع السبع ماداومت اكمز بنص البيت
جابو ذبيحه لوجه الله وكالو نذبحهه وننطيهه للفقراء مااريد هوسه وناس لان الفاتحه هاده حيلنه بعد اسبوع عن اربعين
خاله ويسوون عشه ..

ضرغام جان ملتحق بيومهه اجه قبل لايطلع السبع وكال خلو
ابيته لا تخلوا بالاستقبال واليجي يشوفه بس للضروره
حته مايتعب رحت للبيت اني ولبابه رتبته وفتحنه الشبابيك
مااعرف شسوي مخبوصه بدلت ملابسي وكعدت انتظرهم

ب12 اجه اباوعله من شباك المطبخ سانده جراح ويمشي على
عكازه ضعفان حيل وبعده اثار الكدمات على وجهه واديه
دموعي صبت واني اشوفه بضعف حال...

طبوا للاستقبال وياهم عاصم والشيخ ياسين وجبار
من وكع السبع جبار واكف بالمستشفى حته مايقبل يبدل بمكانهم اتذكرت كلام السبع من كال يستغل الفرص بكلشي
حته اليشوفه يكول كفو منه...

كعدت على الكرسي ولبابه واكفه تسولف ويه ام جراح
دكلهه ادوخ كلساع ويمكن عندي فقر دم لان مااشتهي
اكل وعمه دكلهه هسه ادز واحد من الولد للكصاب بلكي ظال
المعلاك واسويلج...

اندك الباب ام اواب جايبهه اواب من سمعت طلع السبع
دكول ماكدرت اظل هناك عفت الحجيه واجيت كلت عقيق
وحده صدك لوكالو لوخليت قلبت النسخه الثانيه مال
خاله ساهره او يمكن احنه محظوظات كل وحده نعاشرهه
تطلع بمثابه ام ...

ام جراح راحت للبيت اصب غده للموجودين وكالت اصيحهم
هناك وانتي ديربالج علي شويه وصاحتهم كالتلهم تعالو
كلهه طلعت بقيت بس اني سديت الابواب كلهه ونزعت حجابي
وفتحت باب الاستقبال على كيف...

صاير عكس اتجاهي راسه عليه كال تعالي يانسمتي!!!
مشيت سريع وكعدت بصفه دنگت بسته من خده وكتله
الحمدلله على سلامتك حبيبي

السبع.. سالم عمرج شلونج
عقيق.. هسه صرت زينه يومي سنه مايخلص بغيابك
السبع.. قدر الله ولطف مكتوبلي عمر جديد
عقيق.. الحمدلله الحمدلله

السبع... فجر شلونهه؟؟ولبابه
عقيق.. هسه هنا راحن يتغدن زينات بس فجر داخله
بكأبه وحته تتخربط
السبع.. حگهن موهينه امهن مو اي ام ضحت علمودهن
وتعبت والله يرحمهه من صعدنه عبالك گلبهه علمهه
كالت فجر عصبيه وماتقبل تسكت على الغلط واخاف عليهه من جبار اريدك تحميهه مثل ماحميت ابرار وعقيق

عقيق.. خاله فراكهه اذانه حته لبابه خسرت طفلهه
من الحزن من كدما لطمت وبجت وناس هواي شكد
عدكم كرايب ومااعرف بس عماتك

السبع... وهن شلون عمات اسم الله عليهن
وحدتهن تشلع اللكمه من حلكهه وتنطيهه هذني
هيج اقري عليهن السلام ماوراهن خير

عقيق.. تدري جمره خفت حيل كلت خاف اطول بالمستشفى وجبار يسويله لعبه وضرغام بالدوام
وجراح للمغرب يله يجي واحنه طول النهار وحدنه

السبع..هو الوكت تغير وصار واحد ياكل الاخر
هسه من طلعت جان جراح يسولف ويه واحد يعرفه
وجابو 3 زلم جرحى واكو اثنين متوفين صايره
دگه عشائريه ورايحه بيهه المساكين وواحد جايته
طلقه وهو يمشي لاويه هاي العشيره ولا ويه هاي
رجال مسالم عفنه المستشفى مخبوص

عقيق...شنو ماكو دوله هيج تايهه
السبع.. وينهه الدوله مدام احزاب ومليشيات وطائفيه
اقري على العراق السلام هسه عوفج منهم دوامج
شلونه؟

عقيق.. زين رجعت التزمت لان عمه ام جراح ماتقبل
كلهه رجعت اداوم حته لبابه
السبع..ورانيا شلونهه؟؟
عقيق..اجت اسبوع وراحت تخابرنه يوميه دكول زينه

كاعده اسولف وياه انطيته النشره كلهه اندك الباب عمه
جايبه الصينيه مال الاكل اخذتهه منهه وجبت الطبله
خليتهه اكل بصعوبه بس قليل كال الادويه ساده شهيتي
شلت الصينيه للمطبخ وصاح تعالي وياي اريد اسبح

هو يمشي على عكازه بس حضرتله الملابس ورحت
فتحت المي بين مانمله الحمام بخار وطب يسبح
ظليت كاعده على الدرج خاف يتخربط لو يوكع
شويه وانفتح الباب لابس بس بجامه ركضت علي لاتبرد
وانطيته القمصله مال التراك ورحنه للغرفه

ماقبل يروح للاستقبال كال اريد انام هنا اقفلي كل
الابواب واي واحد يدكه مااريد خطار وتعالي انام سوه
ركضت للمطبخ على السريع جمعت المواعين وغسلتهم
ودزيت رساله لفجر احنه راح انام كولي لجراح اي خطار
لادزون علينه جان بسرعه ترد انحمدي...

سديت التليفون ورحت للغرفه مددت بصفه مااكدر
انام على صدره لان متأذي هو تعبان نايم على ظهره
وغمض عيونه مديت ايدي العب بشعره واباوعله لحدما
غفه اردد الحمدلله والشكر على سلامته بدونه اضيع

ماحسيت غير المغرب الغرفه ظلمه كمت مفزوعه هو بعده
نايم عبالي الصبح وراح الدوام عليه شويه يله
استوعبت احنه نمنه الظهر وهسه المغرب ...

فتحت الضوه وكعدته فتح عيونه ورجع غمض
كال عندي الم روحي صيحي جراح خلي يخابرلي
المضمد يمكن من سبحت طك واحد من الخياطات لان
شفته طلع دم..

تقربت علي بخوف اتلمست جرحه صاير بطنه
صدك واحد منهن مبين طاك لبست شالي وركضت للبيت
محد اكو لگيت لبابه تسوي عشه كالت راح اخابر جراح
خابرته ورجعت اشوفه متألم ونفسه ثگيل ...

اخلي ايدي على گصته الخوف والقلق موتني احاجي
وعيوني مدمعه اجيبلك مسكن؟؟
السبع... لااا كلياتي تعبت من المسكن والنوم هسه يخيطوا
شو شلون ويروح لاتخافين كومي صلي

عقيق.. خلي يجي جراح واكوم
السبع.. شكد تبجين ولج عيون لو نهر
عقيق.. شلون ماابجي والله كلبي يتكطع عليك من اشوفك متألم اتمنى اكدر اشيل عنك

السبع.. لابويه وينج وين الالم ماينحمل
عقيق.. السايق شلونه اخر مره كالو تعبان
السبع.. يكولون منتبه زين والضربنه جايين لجبار علمود
كعده بس مأجلهه كايلهم وره الاربعين شويه مشتغل
عنده الاحساس

عقيق.. ايناس بالفاتحه بس تخزر بيه كلت اذا خزرتني
اكوم اكتلهه
السبع... انتي؟؟ استري علينه يمعوده وينج وين ايناس
صايره اللسان وتكتلين
عقيق.. انت علمتني اصير سباعيه
السبع.. ياخوفي تتعلمين بيه والي اعلمج عليهن اطبقيهن براسي وعلمته الرمايه وصوباني

عقيق.. وين اكدرلك بس يجوز بيوم تزعلني حته عندي
اللسان احجي خوما اظل ساكته
السبع.. شوتعاي انطيني بوسه من هالحلك
عقيق.. دنكت علي باسني متفرقات وصاح اااويلي
بويه لايطك الخياط الثاني..

بعده مندمج واندك الباب صوت جراح كمت خليت الشال
على راسي وفتحتله الباب هو وضرغام وعمه دخلوا للغرفه وكاله خابرت المضمد راح يجي ظلوا يسولفون على اخبار العشيره ..

ضرغام جان يدخن كام شمر الجكاره من الشباك ورجع
انتبه علي السبع كاله موكافي حرك حرك شوف وجهك
شلون صاير
ضرغام.. هانت ماظل شي كوم انت بسلامه وتهون

عقيق.. حجيهم الغاز اني وعمه مافهمنه شويه واخذوا
السبع للاستقبال واجه المضمد وظلوا يمه حته تعشوا
واني اجت فجر يمي التهيت وياهه..

مرن 4 ايام السبع يتحسن جراح وضرغام ابد ماعافو
وياه بكل خطوه حته من يتمشه يتمشون وياه
ويسولفون اباوعلهم من الشباك مدري شيحجون
بس رفع العكازه خلاهه بصدر جراح ومبين يحجي
بعصبيه...

صادفت جمعه واجن الصبح عماته يشوفنه بس ماظلن
على الغده سلمن وراحن الخطار ماخلصنه منهم يوميه
بليل ل11 يله يرحون مايكولون مريض ومايصير لازم
يرتاح...

لبابه... اليوم اربعين ماما سوينه عشا وثاني يوم انروح
للمقبره حيلي مهدود خلفله على عمه وام اواب قايمات
بالواجب كارهه روحي دموعي ليل نهار تجري محتاجتهه
حيل الحنيته ام گلب الطيب اريدهه

بالعشه عزمو ابو نوال واجت هي وامهه وحته يروحن
ويانه للنجف روحي بطرف خشمي صعدت لغرفتي
اريد ابدل لان وقت صب واخاف ملابسي يصير بيهه
دهن سمعت صوت ضحكتهه هي وايناس بغرفه ابرار

منا روحي رايحه وماخلن احترام لعزانه ضحكتهه شعلوهه طلعت بعصبيه من الغرفه وطبتلهن صحت
بصوت عالي متستحن ماعندجن احترام جاييت لحفله
لو لمناسبه تريدين تضحكين مو بهالصوت ومو بنص بيتي

نوال.. هوب هوب شبيج محروكه امج ماتت احنه شكو لازم ننصب عزه بكيفي اضحك ابجي حره لو حقج ماالومج امج ومنا الطفل بح راح وجراح صديقج مو زوجج حقج معذوره

لبابه.. شكد تافهه وعديمه ذوق حرامات الشهاده وين
ماتجي تصير ياجاهله طفلي قضاء وقدر ومامقسوم
وماما حد يومهه موحضرت جنابج الكسيف جايه تشمتين هم تموت امج وابوج وانتي وغيرج الموت مابي شماته
وجراح المانلتي وصار بعيد عنج كمت تمسلتين وماتعرفين شتحجين

انزلن اثنينجن قبل ما انزلجن بالاهانه لان مو اوادم
والتصعد هنا مره ثانيه وحق الله وروح امي اصير
مو خوش ادميه واشهرهه شهيره انزلن بسرعه

ايناس... شبيج لبابه اطردينه ماتستحين
لبابه.. عفت المستحه الجن دفعتهن بيدي وصحت
انزلن بسرعه وكمت اعيط وهن يراددن صوتي وصل
ليجوه اجت خديجه تركض على صوتي

ونوال تلعلع وتصيح متستحي تطردنه الصوج موبيهه
بعمه العايفتهه على حل شعرهه اسمع واعصابي تلفانه
امهه خبصت الدنيا وخطار وهوسه وبنص النسوان يصيحن واني فوك واسمع صوتهن..

كلساع اريد انزل واتعوذ من الشيطان واكول اسكتي
يالبابه تمالكي اعصابج لخاطر امج ماعلمتج هيج
ويكول تربيتهه موخوش...

عمه صايحه جراح صعد من الخارج كال شبيج لبابه
انهديت بي على نوال احجي وارجف ودموعي تطفر
من عيني احس طاقتي خلصت...

لمني بحضنه حيل وكال اهدي على كيفج اهدي
لاتعتبين عليهن وتدرين بيهن صلفات ويحاولن يغيضنج
خلي يولن عليمن هالعصبيه مايستاهلن...

لبابه.. مااريد اشوف احد مااريد احد تعبت جراح
روحي محتركه اريد ماما اريدهه محتاجتهه
جراح.. كافي حبيبتي كافي لبابتي راح تهلكين نفسج
امج ماترجع ومن تسوين هيج تأذيهه تدرين بيهه
ماتقبل تسوين هيج بروحج...

لبابه.. ابتعدت من حضنه مسحت دموعي ونزلنه سوه
كعدت بغرفه ماما ماتحركت احس الاصوات تنرفزني
اريد هدوء مااريد اسمع هاي اللغوه...

ثاني يوم طلعنه من 3 عقيق ماراحت ظلت يم السبع
موبس هذا اليوم لحد يومنه هذا من انروح للنجف اني
وفجر عبالك اليوم اندفنت اول مانبجي ونملخ نفسنه
وراهه نكعد نشكيلهه همومنه وعبالك تسمعنه ...

رجعت كل حيل ماعندي على اعصابي اداوم
كلهه رجعت لحياتهه الطبيعيه وصار اسم ماما ينذكر
والله يرحمهه وراحت هذيج الحنينه الدافيه...

السبع اتحسن وصار يطلع حده للمسواك للشغل مايروح
صارت كعده علمود الفصل والي اخذوهن شاركوا ببناء
جامع بس اخذوا مبلغ قليل السبع وياسين ماقبلوا
كالو حق الشرع فقط ...

جراح يداوم ووضعنه مثل ماهو يلمني بحضنه حيل
بليل ابجي لحدما ارتاح واغفه اثنينه نعاني وكل واحد
بينه حامل ثقله وهمومه لوحده وصار لامشاعر ولا احساس وكلشي باهت ..

جنت كاعده اقره يوم سبت واسمع صوت فجر تبجي
وتصيح بطني نزلت اركض اشوفهه تتلوى من الالم
لازمه بطنهه ونفسهه تلعب ولازمه عقيق ترزل بيهه دكلهه
من وراج طلعن ماكلات حب الشمس مثل المهروشات

اجه السبع اخذهه للمستشفى ورحنه اني وعمه وياهه
بس دخلوهه للطوارىء كالو زائده ملتهبه ولازم عمليه
اواب يداوم بنفس المستشفى خابرو اجه ساعدنه
ويعرف الطبيب كالو المغرب عمليتهه..

فجر.. لحدما دخلت الصاله واواب وياي واكف على راسي
ويحجي ويه ابو البنج بالانكليزي صديقه خلولي مال التنفس وراهه ماادري بشي لحدما فتحت عيني اشوف كلشي مگلوبي

البردات كدامي مگلوبي اصيح وحلكي اعوج اعدلو البردات ليش مكلوبي اسمع اصواتهم يكولون خلوهه
هاي من البنج بس مااكدر احجي بكامل وعي..

شفت لبابه يم راسي اكلهه عدلي البرده ليش مشكليهن
مگلوبي وصوت واحد يكول عاد لزگت بالبردات عمي انتي النايمه مگلوبي...

لبابه.. السبع واواب واني وعمه والشيخ ياسين يمهه
سويناهه بالحكومي بس بالجناح الخاص ولسانهه ثگيل
مادكول برده دكول بغده ومنا مبنجه كوه تلفظهه..

شويه وكالت السبع اريد باجه وويسكي
هنا كلهه فتحت عيونهه مدري يضحكون مدري
ينصدمون بطلبهه ويسكي فد دكه وين تعرف الويسكي؟!

خليت ايدي على حلكهه حركت راسهه بقوه
صاحت عمه عوفيهه ولج السانهه مكسور
وبيهه بله شمعرفهه بالويسكي دهر صابج فجر

تقرب عليهه اواب وهو مبتسم ويكلهه انتي منو
دكله اني وغده( ورده) كالهه واني منو؟
كالتله انت حشيش...

فجر.. بعد ماصحيت من العمليه سولفولي بلعتهه وسكتت بس ظليت ادافع عن نفسي لاتكذبن اني وين احجي هيج..

لبابه.. كولي لنفسج شمعرفج بالبويسكي وفوكاهه باجه
وياهه شلون رهمتيهه وانتي وين تحبين الباجه
فجر.. لا على المغيض حغج لاتلزمنهه عليه...

عقيق.. بثت الروح بينه على سوالفهه تحسنت ورجعنه لدوامنه صار وقت فتره مراجعه كعدت اني والسبع
رجع لشغله وهالمره ببغداد راح كال مااطول اقل من شهر
بس ظلينه نتواصل بالتليفون..

...

رانيا... مشتاقتلك
ضرغام.. واني هم
رانيا.. نظل هيج
ضرغام.. لاااا
رانيا.. شلون؟
ضرغام.. ماادري

رانيا.. الله عليك اريد جواب
ضرغام.. منيلي جواب لوعندي اطبقه مااسولف بي
رانيا.. تعبت حيل تدري حسام يكول وسام على منقول
على الحدود تدريب مدري شنو
ضرغام.. اي وشنو يعني

رانيا.. ماادري
ضرغام.. هو انتي شتدرين
رانيا.. تعبت والله اكره الليل من يجي لان افكر بيك
ضرغام.. وليش بس بليل تفكرين بيه
رانيا.. الليل ابو الحنين

ضرغام.. شتفكرين
رانيا.. اكول لو هسه سوه شيصير
ضرغام.. عدنه طفل
رانيا.. ههههه منحرف
ضرغام.. لعد شعدنه صافن عليج

رانيا.. اليشوفك مايكول هذا ضرغام
ضرغام.. شبيه
رانيا.. شو احسك مستعجل سؤال وجواب
ضرغام.. لا ماعندي شي
رانيا.. شدسوي
ضرغام.. احجي وياج

رانيا.. هااا
ضرغام.. ووجعا روحي يله احسبي باصابيعج
بعد 20 يوم
رانيا.. شنو؟
ضرغام.. احسبي واسكتي ماتكدرين بدون ماتسالين
رانيا.. اطلگني؟؟

ضرغام.. لا اكسر اعظامج
رانيا.. لاصدك كول شكو؟؟
ضرغام.. بطلت اعتبريهن 40 يوم
رانيا.. مستفز بارد روح مااحسب
ضرغام.. انشوف ياحلو منو راح يسد التليفون
ويسوي تنتبيه

رانيا.. ضحكت ومااعرف شكو وماقبل يحجي
كال عندي شغل وسده بس مااعرف شيقصد
وره يومين رجعت من الدوام جان وقت رواتب
تلكاني حسام من الباب غلط وفشار ويجر بالجنطه
يريد الراتب ضربني بوكس على خشمي...

يمكن لاول مره عقلي يشتغل انطيته الراتب كله
ودخلت للغرفه ماحجيت امي تباوعلي وساكته
ماخابرت لاضرغام ولا وسام هالمره لو اني لو انته
يا حسام...

الصبح رحت للدوام صارت ب9 واطلع من المدرسه
بوجهي لمركز الشرطه قدمت شكوه علي بان سرق
فلوسي وحجيت كل القصه يدعي اخوي بعد وفاه
والدي الله سهلهه بيومهه الضابط رجال جبير ومحترم
وره ساعه كاعده والناس طابه طالعه كالو لازم تنطين
اقوالج كدام القاضي طبيت حجيت كلشي وطلعت

رجعت للمدرسه نهايه الدرس الاخير اكو زراك
بخشمي ماخليت اي شي ولاخفيته حته يكون
دليل على تعنيفه كالو روحي وانجيبه سحل
من شاربه اليستقوي على اخته من شافوني شابه وحدي حته ااول وحده مشوني...

حلت المدرسه وطلعت للبيت صبينه غده وهو ماكو
صار الليل ومااجه خابر خالو على ماما يرعد
حسام بالسجن بنتج مشتكيه علي سدته ماما ولطمت
خدهه صدك يمعزايه؟؟

رانيا... ااي كافي ذله خلي يروح يجيب دليل هو اخوي
وخلي يحجيهه للقاضي يكله قبل سنه طلعت اخوهه
وكلبت حياتهه والله لو اعرف انكتل يوميه اشحطه
يوميه بالسجن واصلا لاتخافين بعد ماله صوت
لان راح ياخذون تعهد علي...

ظلينه وحدنه وماما تلوب خاف يطلع ويأذينه مايهمني
بعد شيريد يصير خلي يصير ب11 ودك تليفوني
ضرغام شلته اجاني صوته *
وللللج**** ااااخ لو الزمج يارعنه

رانيا.. بعدت التليفون عن اذني ماعنده بريك
بس مافشر جان كلامه يخص حسام صاح بصوت
وين موليه للمركز وحدج انتي محسوبه عليه لو من شور
راسج المجيم

... شبيك ضرغام لازم يتأدب
.. وتأدبي انتي ام حلك الفاهي
... لعد اسكتله لو ادخلك حته تصير مشكله
... بيج زود اطلعيلي هسه وروح اولادي اله*****

رانيا.. بسرعه سديته بوجهه مخبل اعرفه يجي
وفوكاهه يصيح غلقت التليفون وقفلت الابواب
خاف يسويهه ويجي خلي تعدي على خير...

ثاني يوم جاي ابدل دك تليفون ماما وسام المتصل
جاوبته عبالي على الاطفال صوت هوه يمه كال
شلونج ؟؟
رانيا.. زينه
وسام.. شسوالج حسام؟
رانيا.. اخذ راتبي وضربني واشتكيت علي

وسام.. الظاهر مااكدر احميج رانياا اطفالي امانه
عندج اعرفج كدهه وسباعيه بس لاتبخلين عليهم
ونفقتهم جاريه وانتي هم اعتني بيهم

رانيا.. شكو وسام ليش تحجي هيج
وسام... ماكو شي بس دمرت حياتج وجودج هنا
ماله داعي واني كسرت جناحج بالاطفال روحي
شوفي حياتج والاطفال مرجعهم الي وراح اجيهم
كل اسبوع

رانيا.. اريد استوعب كلامه شنووو شتحجي
بيك شي حلمان انت؟
وسام.. خابرت على ابو اواب ارجعي لخطيبج
واطفالي يمج كل جمعه اخذهم بس شرط ماترجعين
للبصره تكعدين ابغداد واني هم اكعد وياكم واحجي
الله يسعدج اطلعي من ضيم حسام مدام ماكو رجعه الي
مااريد تتأذين لان الظاهر موخوش ادمي اخوج
وخاف نهايتهه موزينه

رانيا.. سكت واني سكتت مصدومه اريد اكله شغير رأيك
فهمني وسام وين هذيج العنتكه والمشاكل بس قاطعني
صوت يمه يكله سيدي اجت الاشاره من الفوج لازم انروح
كال يله غير وقت اخابركم وسده...

التليفون بيدي وصافنه خاف حلمانه لا هاي كاعده
جاي ابدل لو هو حلمان شبي وسام قابل اول مره
انكتل وحس بتأنيب الضمير خاف يصير بي شي
ليش وصاني وانطاني حريتي؟!!

ركضت على تليفوني فتحته وخابرت ضرغام
بس كال الو كتيتهن كلهن كتله وسام خابر وكال
ارجعي لخطيبج والاولاد الج ضرغام جاي تسمعني

ضرغام.. اأي اسمعج
رانيا.. ماتحجي شبيك
ضرغام.. هو انتي انطيتي مجال تخرطين خرط
ام الدكايك عبالج افوتهه بجيسج مال البارحه
لا بويه لااا..

رانيا... ضرغام ميخالف عود نتفاهم بس كلي
شصاير شو بارد انت اكلك كال ارجعي واتزوجي
بس شرط ببغداد وكال كل جمعه اشوفهم
ومن اجي اتفاهم وياكم ومخابر ابو اواب

ضرغام.. اااي صدك موكتلج احسبي 20 يوم بس
الظاهر صارت قبل العشرين من اريد شي اخذه
لو راس ينطح راس ومدام رانياااا ام حلك الفاهي
ادك بگلبي اخذهه اخذهه ويله حضري روحج
كلبي يغلي عليج على سالفه البارحه خلي احاسبج
وبعدين ارضيج بس المهم احاسبج
لللللللج رانياااااا احبج ......


يتبع.......

#خبايا_الاقدار
♨️♨️

... البارت الثاني والخمسون


ومدري شبية هالفترة
بشر ما ينعرف آمره
الوادم ما تحب وتخون
وآنه أتعلق بنظرة !
ويسألوني شجاك ؟ شبيك ؟
بية الوادم الفقرة
بية المالگوا صحبان
بية الما خذوا عبرة
بية العاشگ المخيون
بية المنكسر ظَهرة ..
...

رانيا.. واني اموت عليك لاتحجي وياي هيج احس
رجليه ماتساعدني
ضرغام.. لااداومين اليوم اجي اخذج عندي شغله وياج

رانيا... وين؟
ضرغام.. اخوج وبالسجن وانتي على ذمتي بعد شنو
المانع تعالي يمي اشوفج المكان الي نكعد بي لان ماانطولهه
خاف يصير مايصير

رانيا.. يعني صدك الحجي مو شقه؟
ضرغام.. تحجين صدك؟؟ شنلغي صار ساعه
رانيا.. ممصدكه ضرغام شلون هيج صارت بسرعه
ضرغام.. تحضري شويه واجيج هسه عندي شغل

رانيا.. ماشي .. نهيت المكالمه وركضت لماما جانت تريك
بالجهال احجي والهث فرحه غلى خوف على قلق خاف
تخرب عافت الاكل وكامت للصاله

ام رانيا.. منيلج هالحجي وسام مايسويهه ماشفتي شلون
متمسك بيج قبل اسبوع كالي خاله قنعيهه حته بيت
اسجل باسمهه بس ترجع وسام رايدج مايعوفج

رانيا.. مااعرف ماما اني مثلج مصدومه حجه هيج وسده
وخابرت ضرغام كتله يكلي اي صح وحته ضرغام محضر
البيت كال شويه وامرلج تشوفي .

ام رانيا.. لازم اخابر وسام واحجي وياه واشوف كلامه
شنو ليش غير رأيه والجهال شنو مصيرهم هسه
اكمل شغل البيت واخابره وانتي هم افتهمي زين من ضرغام

رانيا.. رحت للغرفه نزعت ملابس الدوام ولبست ملابس
طلعه لان بالدوام ويانه مدرسين كبار 4 مااكدر البس
جايين تنسيب لبست بنطرون اسود وستره سوده
عيني على التليفون شوكت يخابر...

ب10 دك كال اطلعي واكفلج بالباب اخذت جنطتي
وبوست الجهال وطلعت صعدت يمه بالصدر لابس
جفوف جلد سوده وبزيه العسكري استغربت كتله ليش
لابس كال جنت بكشف ادله وماانزعهم اله اعقم ايدي
وماعندي تعقيم مرات المكان اثر دم وبي فايروسات

وكف بباب صيدليه اشر لابو الصيدليه جابلي تعقيم
ونزعهن وحرك السياره وكال اي تروحين مراكز
ومن وراي ؟!

رانيا.. ماتحملت
ضرغام.. هو انتي شتتحملين!!
رانيا.. خلي يولي المفروض من زمان اشتكي علي
ضرغام.. خلي نوصل ويصير خير...

رانيا.. سكتت وهو تليفونه ماسكت كلساع واحد
يخابر على الشغل لحدماوصلنه للشقه مالتهم
التفتت علي كتله مو على اساس تشوفني البيت

ضرغام... اشوفج بس قبل مااخذ حسابي
انزلي وحركلي راسه نزلت واني اتأفاف هذا يحجي
صدك قابل شسويت غير من قهري ...

فتح باب الشقه طبيت كدامه وهو قفلهه طلع مسدسه
من حزامه وتليفونه خلاه على الطبله وكال ايي ست
الحسن انتي على ذمتي لولا؟؟ ماوراج رجال وتصرفين
بكيفج وادخلين مركز شرطه ووجهج يلمع؟؟

يحجي ويتقدم واني واكفه رافعه حاجبه ومبتسمه
لحدماصار لزك كدامي واحد يستنشق انفاس الثاني
واني على وكفتي واباوعله خفت صوته وكال احجي
وعينه تتحرك على ملامح وجهي..

كتله مجبوره لازم......... وماخلاني اكمل خلاه اصابيعه
السبابه والوسطى على شفايفي وكال اشششش
لاتحجين باوعتله بعيون ذايبه ممليه شوگ وحنين

مد ايده على خصري سحبني بهدوء علي خليت
اديه على اكتافه باسني بوسه عميقه وابتعد وكال
بعد لتسويهه هزيت راسي ورجع مره ثانيه بس
بلهفه اكثر ...

بحيث ماادري شلون مشينه وشلون وصلنه للقنفه لازم راسي باثنين اديه يقسي ويلين بالبوسه من يقسي يهمس يم اذني لاتعيديهه لاتصرفين من راسج ويرجع يلين بحنيه ويهمس احبج حيل...

نفسي عالي كل جسمي ينتفض بين اديه مي
وانتشر وبعد ماينلم هيج حالتي منين مايريد
يلمني احس بأحساس ماعايشته وعبالك اول تجربه الي...

لزمت ملابسه حيل وكتله كااافي ضرغام ماابتعد ورجع
باسني من وره اذاني بوسات متفرقه وهو يهمس
بالكلام الحلو حته مااكدر اركز شجاي يحجي بس اريده
اكثر ومااريده يبتعد ...

اندك الباب حيل فزينه اثنينه كام واني اعدل بملابسي
خفت حيل خاف حسام طلع ودره بيه لزمته من ايده
كال فوتي للغرفه خلي اشوف منو رحت وكفت اباب الغرفه اباوع شفته رجع للصاله اخذ سويج السياره ونزل وسد الباب

متت خوفه بلحظتهه خاف شوشصار منو هذا وليش
عافني ونزل تليفونه عافه بس اخذ السويج
دقايق وانفتح الباب ركضت علي كتله منووو انهبطت!؟

ضرغام.. واحد يريد يطلع سيارته وكال طلع سيارتك
المهم تعالي اكعدي لزم ايدي وكعدنه على القنفه
مد ايده على ركبتي تلمسهه وباسني وابتعد

لزمت ايده وكتله فهمني شلون صار الحجي
بس لادكول انت وره نقلت وسام ؟؟

ضرغام.. لايابه شعليه وبعدين وسام مكانه امين
على الحدود عدهم تدريب وهاي موبس هو كل مده
يختارون فوج كامل العام اني طلعت بديالى شهر

رانيا.. لعد شنو الخلاه يغير رأيه فهمني

ضرغام.. الآمر مالتي يعرفه وكال اني احجي وياه الجاي
يسوي مدام ماتريده حرام علي يلزمهه باطفالهه
والظاهر حاجي وياه وصحه ضميره هو مخابر السبع وياسين كايلهم اني حاولت ارجعهه بس ماقبلت ومااكدر احميهه من اخوهه لان واحد سگط خلي اتشوف حياتهه الي اتحملت الضيم حته لاترجعلي معناتهه ماتريدني..

رانيا.. ممصدگه والله ضرغام لايغير رأيه قبل لايطلع حسام خلي نتزوج مااريد زفه ولا اي شي بس المهم ارتاح
ونستقر..

ضرغام.. كومي اخذج للبيت تشوفي اجرته قريب مدرستج بس صغير غرفه لامج وغرفه النه حته حديقه مابي بس لان مكانه حلو وهم اكو روضه قريبه حته نسجل الولد بيهه..

رانيا.. بسته من خده وكمت شال المسدس والتليفون
وطلعنه اخذني للبيت صغير حيل غرفه فوك وصحيات
وجوه غرفه ومطبخ وصاله صغير مال خطار بس جنت
اشوفه قصر من فرحتي

رب العالمين اذا راد شي يقول له كن فيكون بين ليله
وضحاهه جنت مأيسه جمعتنه اني وضرغام من المستحيلات بس نمت دمعتي بخدي كعدت على فرحه عظيمه دائما اردد اللهم الجبر بعد الصبر والله ماينسه عبده وحيد لابد يوم تشرق الشمس وينزاح الظلام ....

وصلني للبيت ورجع سولفت لماما كالت خابرت وسام وافتهمت منه تنازل بطيب خاطر وكعدتج ويه حسام مابيهه فائده ولانتيجه سوه هيج عباله ترجعين بس من شاف رفضج يكول احترم قرارهه وتبقه ام اولادي واتمنالهه السعاده...

رانيا.. خلي نحضر غراضنه ماما نطلع باقرب وقت خابري
خالو وفهمي لهنا وخلاص حتلو نكعد بدون فراش علما يكمل اثاث
ام رانيا.. يابنتي كلبي مجلوم من سهاد ليش اني امهه
شسويتلهه حته هيج تعاملني ولج هاي 8 اشهر ماشالت تليفون وكالت امي شلونهه نست تعبي وسهر ليلي

اسمعهه تخابر بحسام وتضحك ويحجي ويه جهالهه
اسمع صوتهم ولج يصيحوله خالو وماكلفت نفسهه وكالت
امي خطيه الله يحاسبني على قطع صلة الرحم

رانيا.. شتسوين بيهه عندج اني مامكفيتج وهذولي جهالي يمج ربيتيهم مدامهه هيج ناكره العشره. وتبرت من عدنه
لاتنقهرين ولا تعتبين لان هيج نماذج حرامات العتب عليهم...

ام رانيا... الله كريم اهم شي اشوفج مرتاحه مااريد شي الباقي كله يهون استقري واني ارتاح
رانيا.. كمت بستهه من راسهه وبلشنه نجمع بغراضنه

وسام منطي خبر لخالو بحيث خالو اجه ثاني يوم ماكدر
يحجي كلمه لان كال اتنازلي عن حسام وروحي اتزوجي
من الاول لو ما وسام وكف ضدي جان ماكدر يسوي هيج
حسام بس اطفالي لوو اذراعي...

طلع حسام من السجن بس خالو جان موجود وبعد ماله
حق يحجي اي شي بهذيج العصريه اجه ضرغام اخذنه
طلعنه من البيت بس بجنط الملابس حته فلوسنه
وذهبنه باگه سلمته بيد الله وهناك يوم الحساب اخذ حقي

جان بس جايب الغراض واني وماما فرشنه البيت
المطبخ بي بس سنك وجابلنه طباخ مقهوره بداخلي
على الخساره لان ذاك البيت كامل الي بالبصره ورجع
اثث من جديد كتله خلي انجيب الغراض ماقبل
كال ماكو داعي هم انروح هناك ونحتاجهن

كولت امي مثل ام البزازين يوميه بمكان ملينه من التنقل
عبالك بدو رحاله جنطنه براسنه ويوميه ابيت جديد
بس ان شاء الله راح نثبت اشتغل بهمه وفرح اجه سيوف
كال عمو ضرغام يصيحج اني جنت انظف نزلت لگيته بلصاله

ضرغام.. تعالي انسولف عوفي الشغل
رانيا.. خلي اغسل واجيك ركضت للحمام غسلت وبدلت
ورحت يمه جان يدخن طفه الجكاره وكال خلي نتزوج
الاسبوع الجاي

ابتسمت كتله ماعندي شي بس مانسوي اي حفله
ولاهوسه
ضرغام.. طبعا مانسوي وينه وين الحفله بس انريد
نبقه وحدنه بالبيت

رانيا.. وماما وين تروح؟
ضرغام.. ناخذهه البصره تظل يم البنات واسبوع
وانروح انجيبهه
رانيا... ماشي اتفقنه اني راح اكمل كل شغلي بهذا الاسبوع
ضرغام.. راح اخليلكم حارس على البيت لان هذا الاسبوع
مشغول حته اخذ اجازه لازم اكمل كل شغلي..

رانيا... بهذا الاسبوع كملت كل شغلي انطاني فلوس
طلعنه اني وماما اشتريت ملابس وفستان ليوم العرس
رغم البساطه والتكتم بس جنت طايره من الفرح...

صادف 2010/3/5 من الصبح اجه السبع اخذ امي
والجهال وظليت وحدي خابرني ضرغام كال العصر اجي
تحضري نطلع بره نتعشه وناخذ فره لان وراج جهد عالي

باوعت للساعه ب3 ونص مبدله ومنتظرته فرحانه حيل
كلساع اركض للمرايه اعدل نفسي ممصدكه اليوم
احنه سوه وبدون مشاكل واولادي يمي يعني مااتنازل
عن اي طرف بيهم...

انفتح الباب جنت لابسه جنطتي وواكفه بره كال بس ابدل قميصي صعد للغرفه بدل ونزل الغرفه قبل يومين
جابهه وبيدي رتبت وحضرت ابسط الاشياء تفرح ومرات
تصير مبالغه بكلشي وتكون الفرحه ناقصه...

نزل مبدل قفل الباب وصعدت التفتت عليه كتله ترى
اليوم عرسنه المفروض هسه بالبدله البيضه
ضرغام.. انتي ماقبلتي تروحين صالون لازمج اني
رانيا.. ماجانت هاي التفاصيل تهمني ابد المهم هو عندي..

فجأه وكفت السياره بباب صالون سألته مستغربه
ليش وكفنه؟؟ جاوبني وهو يكرص خدي كال انزلي
ومن تكملين خابريني

ارمش بعيوني مصدومه والضحكه شاكه حلكي
ضرغام كول الصدك انت وين تعرف هاي السوالف
والله مااتحمل هلكد فرحه

ضرغام... ضحك وكال والله مااعرف بس ابرار
هي حاجزه حته بدله لان البنيه ام الصالون اخت
صديقتهه وكالت هاي هديه مني لرانيا يله نزلي لانتاخر

رانيا.. نزلت ورجليه صايرات بخف الريشه رغم وحدي
ورغم بدون صديقه واخت بس مثل ابرار زرعت الفرحه
بداخلي هذيج الفرحه جانت كلش جبيره طبيت للصالون
عيوني من دمعه من الفرح...

خابرت ابرار اريد اشكرهه بجيت كالت البدله على ذوقي
وان شاء الله تعجبج صدك تاخر زواجنه بس فرحتي اعظم واعمق يجوز لومتزوجين بالهوسه ماجان فرحت هيج...

ماسويت تسريحه عفت شعري مفتوح بس سوتلي بف
ورتبته البدله حلوه بس موحيل جبيره ساعتين يله كملت
خابرت ماما حجيتلهه تمنيتهه يمي وتشوفني

صح مطلقه بس ماقصرو وياي وضرغام عيشني
وكانو عروس جديده حته الهم والحزن الشفته
نسيته اغمض عيوني واخذ نفس بقوه واحس
فراشات الفرح تتراقص بداخلي...

خابرته وشويه واجه من صعدت جان يخابر
سده وباوعلي كال احبج...

ضحكت كتله واني احبك ليش ماتعرف تتغزل
ضرغام.. المصيبه تيهت خانتني الكلماات واكثر
كلمه معبره اجت بحلكي..

رانيا.. لزم ايدي باسهه وظل لازمهه لحدماوصلنه
واحنه ساكتين نزلت قبله وهو نزل العشه وقفل
السياره وفات...

نزعت البرنص جان شايل علاكه وكعت من ايده
يريد يسد الباب مال الصاله انطبك على اصبعه
خلاهن كلهن على القنفه وتقرب عليه..

هي حضنه هي بوسات متفرقه بس اوكف ضرغام
خلي اشوف روحي بالمرايه حته مااخذت صوره
ولا ركزت بشكلي وبدلتي كلت من نوصل للبيت..

دك تليفونه رفعه جراح جاوبه كاله قبل لاتحجي
اذا اتصلت اشعل عمامك من سابع ظهر
ابوس راسك جراح عوفني واسمع ضحكه
جراح عاليه ويمكن متحلف بي وناوي يخرب علي...

سده وكال هسه اني شسوي اوكفي خلي اركز زين
تشتت بالي هذا شنو ولمس شفايفي حلقوم مايع
لو شنو؟؟ وهذا شنو ونزل ايده على ركبتي
كليلي هسه منين ابدي ومنين انتهي ماكو نهايه

رانيا.. ضرغام على كيفك خلي نتعشه ونصلي
شبيك مستعجل من حجيت هيج فجأه تغيرت ملامحه
وبلع ريگه كال يله بدلي وحضري العشه...

استغربت شبي حته طلع وكف بره شويه ورجع
معقوله تذكر مرته؟؟ وليش تذكرهه اني شحجيت
ماردت اخرب فرحتي بدلت لبست سيت نوم ماروني غامق ستن بس طويل كامل هو والروب مالته وحضرت
العشه بالمطبخ وصحته...

رحت لگيته يصلي همزين صليت قبله كمل واجه
حضني من خصري جنت واكفه يم السنك وباسني
وره اذني وكعدنه نتعشه المشكله ساكت فجأه تعكر
مزاجه كملت شلت المواعين واشوفه مدنك يفرك راسه

رانيا.. بيك شي ضرغام؟
ضرغام.. لامابيه شي فد ربع ساعه واجي اقفلي
الباب عليج هنا بالشارع اني..
رانيا.. عفته براحته كملت المطبخ وصعدت فوك
عيني على الساعه شوكت يجي تأخر هستوني اريد
ادك علي انفتح الباب جنت متغطيه الجو بعده بي بروده...

نزع قميصه ويباوعلي ويحجي رفعلي تك حاجب
وهو يكلي بردانه ؟؟ هزيت راسي بابتسامه
علك القميص وظل بتشيرت اسود ربع ردن واجه بصفي

جنت كاعده نص كعده اخذني بحضنه وعبالك
طرت للسما حال قطعه الشطرنج بأيد واحد
محترف منين مايحركهه تجي على مرامه...

ارفع راسي ليفوك نفسي ينكطع وكل معاني
الاحساس مسيطره عليه ويرجع يحتويني
بحنانه ولهفته يقسي ويلين بحيث تضارب
عندي الشعور وتناغم روحي مسيطر بهذيج الساعه..

اريد افتح عيني مااكدر ايده تتحرك على كتفي ووره
اذاني على ركبتي قشعريره سرت بكل جسمي
بس مااكدر افتح بس انفاسي العاليه تبين
مدى احساسي العالي...

بسته من گلبه ضمني حيل لحضنه
اسعد انسانه واني بين اديه احس باطراف
اصابيعه وهي تتحرك على فروة راسي بديت
افقد اخر ذره تماسك ولزمت ايده كتله كااافي ضرغام...

جان بالعكس اذا اكول كافي مايبطل واذا اسكت
يوكف يكلي صوتج يوترني لاتحجين وتعمين
على نفسج...

رفعت راسي اباوعله باسني من گصتي
التفتت على الساعه ب12 ضبط ظليت
بدفو حضنه واني محتاجه هذا الهدوء والسكينه
لحدماغفيت ...

فزيت الصبح كاعد قبلي لبست على السريع
ونزلت ماموجود غسلت وبدلت اجه جايب ريوك
ركضت بسته خله الريوك على الميز وحاوط ركبتي بايده
وباسني ...

ايامي ماتنوصف من شدة الفرح ماطلع ابد اخذ اجازه
مده اسبوع اغمض افتح كدامي انام على بوساته
واكعد على اصابيعه ادغدغ برگبتي ...

اخابر ماما يوميه اطمئن على الجهال زينين
بس رغم فرحتي ورغم ماقصر بأي عطاء
بس ماادري ليش احس فرحته موهذيج المتوقعتهه
وعبالك شاف مرته المرحومه كدامه...

خلص الاسبوع وقليل الوصف بحقه اسبوع
عسل لا اكثر من هاللوصف اجت ماما والاطفال
وضرغام رجع لدوامه يومين يمي ويوم خفر
اللايام الموجود يمي للصبح ماتغمض عيونه اثنينه
حته كمت اكره الدوام لان مااكعد الصبح ..

...

فجر... السبع عندي امتحان اغيد واحد يقغيني
البنات غاح يغحن خصوصي
السبع.. اخابرلج اواب لان منو يوديج اني بالشغل
وجراح بالدوام هسه اخابره يجيج اذا ماعنده شي

فجر.. سديته وشويه وخابرني كال اواب
بالعياده بليل يجي هو يدرسج اعذريني اخاف
عليج الخصوصي بعيد ومااكدر ادزج وحدج

ظليت اقره الي اعرفه امتحاني رياضيات
بليل اجه صاحني جراح كال تعالي يدرسج
الولد عنده شغل طبيت سلمت وكعدت بده يشرحلي
اول مسئله جراح جان كاعد بس اجو جماعته وطلع بالحديقه...

قراني اول مسئله وكال عيديهه ماكتبت ابد
عبالك واحد سطرني على راسي يحجي واني
صافنه ذب القلم وباوعلي كال وين السانج؟؟

فجر.. مافهمت عيدهه
اواب.. هاي المره الثالثه اعيد بالج وين
فجر.. انت موخوش ادغس
اواب.. بلسانج المكروض

فجر.. صدك شجاني احجي ويه نفسي صافنه
علي شكد حلو بشرته صافيه محدد اللحيه
الزلم مالته حلو حته اذانه حلوه ..

اواب.. اكمل لو موخوش ادرس
فجر.. كمل بس عيدلي ماافتهمت
اواب.. خلي بالج يمي رجع يدرس واني ولاطكه
يكلي حلي اكله مااعغف

اواب.. تحجين صدك
فجر.. والله
اواب.. سد الدفتر وكال انطيج نص من وجهي
تخلي يمج

فجر.. شنوو؟
اواب.. شوفي يادبدوبه بالج خلي بالدراسه كملي
السادس واخذي شهادتج يله يسرح بالج

فجر.. شنووو؟ شتقصد
اواب.. خلصتيهه شنو وشنو راح اروح وباجر ترسبين
فجر.. لا ماغسب هسه افتهمهن عاد من جديد كتله
افتهمت بس جذب ماافتهمت...

كملنه وكمت اريد اروح كتله شكرا واريد اطلع
عثرت بالزوليه وانگلبت على وجهي صاح الله
الله كمت نفضت نفسي وركضت لعقيق..

جانت تشوف تلفزيون سحلتهه من ايدهه للغرفه
جريت ايدهه خليتهه على كلبي كتلهه شبي كلبي؟؟

عقيق.. يدك سريع
فجر.. ليش؟
عقيق.. هاي كلبي من يتخربط هيج ومن يبوسني
السبع
فجر.. جنت يم اواب وكلبي هيج يدك
عقيق.. مبروك تحبي اني من حبيت السبع هيج

فجر.. كعدت على الجربايه مصدومه بحالي
شنو شبيه ولاركزت بكلمه وحده نفضت الافكار من راسي
وثاني يوم حته ماجاوبت بالامتحان...

لبابه.. رجعت تعبانه من الدوام بدلت ونزلت اشوف فجر
اسمع صوتهه تكح بعدني ماوصلت يمهه
واشوفهه واكعه يم المغسله ...

كمت اعيط اجت عمه بسرعه نكعناهه بالمي فتحت عينهه
بس تأن لازمه ايدهه قطعه جمر مصخنه وفاقده
تفتح وتغمض عمتي خابرت على السبع اجه اخذهه
ورحت وياهه...

جنه كاعدين ننتظر الطبيب بعد ماسوو الفحوصات
وتحاليل وسونار ماتوقعت ورانه مصايب وبيمن
فجر اغله من روحي طلع السبع من الطبيب
ووجهه مايطمن ومگلوب حته مايخلي عينه علينه...


يتبع.....

#خبايا_الاقدار
❤️♨️🙊

... البارت الثالث والخمسون


أنا عُود رَيحَان وأحيانًا غُصن تيّن،
و أغلبُ الأوقَاتِ زَهرُ ياسَميّن،
مِن أين لكَ عَين .. كَيّ تُؤذينيّ؟"
......

لبابه... ماحجه السبع كال يله كومن لزمت ايد فجر لازمه
بطنهه تصيح منهه متأذيه نزلنه من العماره للسياره وهو ساكت
عرفت اكو شي ومايريد يحجي كدامهه

وصلنه للبيت تلكتهه عقيق اخذتهه واني ركضت وره السبع
بعده يم السياره وواكف يم عمتي وكفت يمهم وكتله
شبيهه فجر ؟؟

السبع.. لادكليلهه بس بالسونار طالع ورم صغير عدهه
على القالون والتحاليل دكول اكو خلل بس الطبيب
كال نسوي ناظور ونتأكد مااريدهه تعرف

لبابه.. لطمت على وجهي يمه اسم الله كولو غيرهه
عمه فجر مابيهه شي
ام جراح.. اسم الله عليهه ان شاء الله ماكو شي
لاتخافين اكو اطباء زينه وناخذهه

لبابه.. الله عليك السبع كول شكالك الطبيب
السبع.. مثل ماكتلج بعده مامتاكد حميد الورم لو خبيث
ان شاء الله مابيهه شي راح اشوفلهه طبيب زين واخذهه
لبغداد ..

لبابه.. بجيت وهالمره بجيت بضعف والم يعصر الگلب
شتحمل بعد هيج دنيا لعبت بينه لعب فرتنه مثل دولاب
الهوه منين بدت بينه وشخلت وراهه

جنه عائله مثاليه الفرح غامرنه تحت ظل امنه وابونه
مدللين مانعرف الحزن شنو غير ضحكتنه وشقانه
وماما اتجيب الاكل لغرفتنه بس هسه وين صفينه
لا الاب الحنين موجود ولاهذيج الحبيبه الام يمنه
ولا الاخت الجبيره التلمنه..

يتامه من كل جهه وفوك كل هذا حالتي الي ماتتحسن
لامن رجل وعايشه براحه لو طفلي الراح بعز الخساره
وصارت خسارتين وهسه كملتهه فجر شتحمل بعد...

دخلت جوه احاول ماابين بس هي ذكيه ونبهه حيل
يمكن تعرف او حاسه بس ساكته حجيت لعقيق
حته تهتم بيهه انوب عقيق نصبتهه مناحه عفنه فجر
ونسكت بيهه وفوكاهه فجر تسكت بعقيق وماتدري عليمن...

عقيق.. خلصتي امتحانات شفهي
فجر.. اي الاحد تبدي الامتحانات اغيد اخلص
ولج عقيق اني غاسبه بالغياضيات شلون السعي
مالتي 42

عقيق.. ليش ولج
فجر.. ماافتهم شسوي وهذا اواب لعب بي لعب
كلما افتح الكتاب يجي ابالي
عقيق... ها فجور صايره خطيره ولج وتفكرين بالولد

فجر.. مدغي شجاني وهو مدغي شبي عيونه حلوات
وابتسامته اكلج عاجباتني اذاناته
عقيق.. مالگيتي غير الاذن ولج شعجبج حالهن حال اذاني
فجر.. ولي اذانه حلوه مدغي ليش

عقيق.. هسه يسمعج السبع
فجر.. انجبي اموتج اذا حجيتي اطم غوحي بمكان
الدجاجات ولايدغي السبع
عقيق.. يجوز اواب هم مثلج

فجر.. خلي يولي يكلي دبه ويكلي ماتنشالين من اتخغبطت
عود شوفوني اني غشيق..
عقيق.. يتشاقه وياج قابل صدك هسه انتي شتحسين؟؟

فجر... بطني عبالك عاضتهه حيه توجعني حيل
واحس حراره بجسمي ماجاي تطلع
عقيق.. كومي يمي بالبيت انروح ... كمنه اني وياهه
احاول الهيهه حته ماتدري اذن اذان المغرب صلينه
وكعدنه صبغنه اظافيرنه طلعنه المكياج لعبنه بي
عندي هوايه الله يرحمهه خاله اشترتلي هواي بس اني مااخلي..

دك تليفوني السبع كال تعالن تعشن غسلنه وجهنه ورحنه
جراح موجود كالو باجر انروح للضرغام لان عطله هم نغير
جو ومازرناهم ابيتهم واني عندي مراجعه يم الطبيب..

ثاني يوم كلنه رحنه جراح يسوق والسبع بالصدر رحنه
بسياره وحدنه انحشكنه 4 نفرات وره ابرار ماراحت لان
عدهه امتحانات وكالت اظل بدار الطبيبات ...

رانيا.. كعدت من الصبح مخبوصه اليوم يجونه السبع
وجراح ضرغام خفر صادف خابرني بليل كالي الصبح
ادزلج المسواك لان لل10 يله يجي وخاف ماالحك..

ماما وياي حاولنه انكمل شغلنه من وقت لان مشتاقه للبنات
واريد اكعد وياهن ماالتهي بالشغل باوعت للساعه ب11
ظلت بس الدولمه على نار هادئه صعدت اخذت ملابس
سبحت وبدلت وكاعده كدام الميز خليت مكياج خفيف...

انفتح الباب كمت اتلگيته بسته من خده دنك راسه على ركبتي
باسهه تعبان حيل لان بالخفاره ماينام يظلون يحققون
محاوط خصري باديه ونمشي للجربايه مديت ايدي نزعته
الستره مال البدله وبسته من خده واني مبتسمه..

ضرغام.. اكعدي راحه عدنه خطار
رانيا.. شمسوي هي بوسه من الخد
ضرغام.. كلشي بيه يشتغل لوتبوسيني من خشمي
اشتغل..

رانيا... ضحكت واني اتمايل كدامه سحب مسدسه ذبه
على الجربايه ونزع تشيرته ورفع حاجبه ويحجي
انتي منين متعلمه هالدروب تتموعين كدامي ترى مااحتاج
محفزات متحفز من كاعي

رانيا.. حضرتلك الحمام روح اسبح لايجون
ضرغام.. الله عليج؟؟ اكو واحد كالج اني اتقشمر
مد ايده سحبني من خصري صارت اديه على صدره
يحرك بظهر اصابيعه على طول ركبتي منين مااميل راسي
تتحرك ايده...

جنت شايله شعري مد ايده سحب القراصه انفتح ومد
ايده بفروه راسي وهو يباوعلي بتعب بس مايهون
علي يبطل عيونه كوه مفتحه من النعاس حته الجواهن اسود..

اخذني لعشنه الي نسمح بي لمشاعرنه هي تحجي
وتعبر نيابه عن السانه افعالنه ولهفتنه هي مسيطره
على وضعنه حسيت بالم همست يم اذنه جاي اتاذه..

ماابتعد اضغط على نفسي والم زاد بس ماسمعني
اختلط عندي بين الالم وبين الشعور الحلو صارلنه
شهرين كل تقرب منه اعيش احساس ومشاعر
جديده مالهه مثيل ..

مدد بصفي وحضني حيل حس بيه متاذيه همس
يم اذني بيج شي؟؟
رانيا.. لاتكوم خليك يمي
ضرغام.. مااعرف اكعد عاقل
رانيا.. احبك حيل حيل
ضرغام.. واني هم اعشگج

رانيا.. خابرتهم وين وصلوا؟
ضرغام.. ببغداد واصلين خلي اكوم اسبح
عبالي اناملي شويه
رانيا.. وين تنام صارلك شكد ماشايفهم
ضرغام.. متحلفين بجراح خلي يجي انريد ناخذه للطبيب

رانيا.. ليش هو مايراجع مويكول ملتزم بالعلاج
ضرغام.. ملتزم بس العلاج النفسي مو ادويه لازم يكعد
ويه الطبيب ويسولفله اليمر بي واليحسه يعني هو ابد
مامسولف للطبيب عن علاقته الزوجيه

رانيا.. خطيه لبابه اول شي صغيره وفقيره وتحبه
ووفاة عمتي اثرت عليهه وهي عدهه تحسس سابقا
من موضوع نوال يعني لازم يضحي علمودهه ويعالج
نفسه شنو ذنبهه عايشه وياه هيج

ضرغام..شوفي رانيا مواكيد حالته النفسيه مأثره اكو
اشخاص هم طبيعتهم بالمعاشره هيج احنه انريد نكعد
وياه ونفتهم منه لان هو جاي يتحسن حته موهذيج العصبيه
القديمه ويكول حته الرعشه راحت مني

رانيا.. صح مثلك هسه انت لوظال شويه جان تخربطت
ضرغام.. كومي كلشي مابيج اتخربط اني وانتي
جنج صل خلي اكوم اسبح وانتي نزلي سبحي جوه
لايجون فشله..

رانيا.. كمت لبست ملابسي ونزلت على السريع سبحت
بعدني البس بشالي واندك الباب صحت ضرغام اجوي انزل افتح الباب جنت واكفه يم الدرج نزل من وصل يمي
جرني من خشمي وراح...

تلكيناهم كلنه صار شكد مشايفه البنات ابوس
بيهن من ريحه عمتي الحنينه مبين الحزن عليهن
خاصه لبابه جنت اتوقع فجر تتاذه وتتاثر اكثر وحده
بس لبابه ضايعه ملامح الفرح بوجهه حته ابتسامتهه
محمله حزن ..

جانت كاعده بصف جراح وعقيق بصف السبع
شتان مابين الاثنين مبين اللهفه والحب والتفاهم
بين عقيق والسبع مدري شتحاجي وهو منصي راسه
عليهه يسمعهه ..

ولبابه وجراح اكو فجوه بيناتهم كاعدين بس كل
واحد بيهم بعالم ثاني اثنينهم محملين هموم
وكل واحد اذا بده يحجي يطول شرح حزنه ومايخلص..

عفناهم بالصاله وكامن البنات وياي بالمطبخ دخلنه
جنطهن للغرفه وام جراح مددت بغرفه ماما
صبينه الغده كعدنه سوه تغدينه وره الغده صعدنه
لغرفتنه اني ولبابه ..

رانيا.. تعالي احجيلي ليش هيج وجهج كئيب والشمس
طافيه بهالوجه الحلو
لبابه... بسرعه بجيت وحضنت رانيا اريد ماما
الوحيده الي تفهمني رانيا جاي اموت ضايعه
مااعرف شريد جانت ماما تنصحني تعلمني
هسه مااعرف شسوي احس طاقتي خلصت..

رانيا.. لاتبجين اني اختج الجبيره ليش ماتحجيلي
مونتخابر يوميه ليش ماتحجين حاسه بيج
ومبين عليج الحزن ليش هيج لبابه ادري بيج هادئه
وفقيره وعلى نياتج بس لاتحملين نفسج فوك طاقتج

لبابه.. شحجي يارانيا جراح على وضعه مايتحسن ابد
اني وياه مجرد اصدقاء واخوه لا اكثر من حقي اكون
ام ومن حقي البس واسهر ويه زوجي وهو موبس زوجي
الانسان الحبيته

عوفج من هذا كله اريد احس بحبه جراح بارد جامد
هادىء زياده عن اللزوم رانيا راح اتخبل موجراح
الي اعرفه من جنه مخطوبين حضنته احس بحرارتهه
احس ببوسته من گلبه هسه كلشي مااحس برود
فضيع عنده تخيلي يحضني وكانو حاضنه اخ موزوج

رانيا.. ياستار شجااا انريده يتحسن لو يزود سوء
لبابه.. ماادري ماادري مكرس كل وقته على شغله كمت
اشك عنده غيري وكاتلني القهر ومااحجي مع العلم
تليفونه مشمور ومابي شي بس جاي اموت من بروده..

رانيا.. مبين بارد لاحظت هالشي ترى واضحه
ماعليج ضرغام والسبع كالو احنه متحلفين بي
كالو لازم يتعالج وانشوف حل راح تظلون هنا شكم يوم
وترتاحون

لبابه.. تدري رانيا بالبيت مايشوفني تخيلي ابدل الصبح
واطلع للدوام مايكلف نفسه يكول حلوه حتلو بالجذب
ولاحته ينتبه على لبسي بس هسه من اجينه بالطريق
كلما ارفع عيني عبالك اليوم شايفني صافن عليه

رانيا.. سوده عليه ولج يتكطع كلبي من تحجين واشوفج
هيج والله يتحسن وتصير سوالف بس على كيفج
ويه نفسج موحته بشرتج تعبانه..

لبابه.. الله كريم.. صايره تخبلين راجعه اصغر من عمرج
والتراجي مالتج تخبل شوكت سويتيهن؟؟
رانيا.. ياحبيبه هاي اشتريتهن بالنيشان عجبني حيل
وماانزعهن ابد

لبابه.. تعبتي انتي على الاقل ترتاحين شويه
رانيا.. الحمدلله عوض الله من يجي يفرح ويرضي
والحمدلله على كلشي

اكول نحضر غرفه للسبع وعقيق خاف فشله
لبابه.. لااا ياخذهه لشقتهم بليل بس اني وجراح انظل
رانيا.. هاا زين خلي ارتبلكم غرفه ماما كومي خلي ننزل
يمهم شويه ..

فجر.. عقيق جوعانه
عقيق.. موهسه تغدينه
فجر.. من اشوف الاكل هواي ماعغف اكل
عقيق.. اكوم اسويلج لفه؟

فجر.. لا اريد بيتزا كومي كلي للسبع عود انتي مشتهيه
بيتزا
عقيق.. يدري مااكل اللحم وحته من يجيبهه مااكلهه
فجر.. دكومي عود كمتي تحبيهه يله بطني كامت توجعني

عقيق.. ولج عيب كدامهم خلي يصير مجال
فجر.. رفعت صوتي وكلت السبع عقيق تغيد بيتزا
بس تستحي دكول

عقيق.. فزيت من حجت كتله لا والله مااريد
السبع.. بابتسامه عقيق متاكلهه كولي اني ام بطن
فجر.. الحمدلله من افتهمتهه هسه اغيد بيتزا
السبع.. هسه اخذجن للطبيب واشتريلكم

ضرغام.. شكو شبيهن اثنينهن عطلات
السبع.. شويه انجيك فجر تشكي من بطنهه
ضرغام.. خاف من الاكل اتجيب وتعبي مسويتهه
كونيه
السبع.. ضحك هي سكطتهه من اولهه

عقيق.. ضرغام والسبع يحجون بصوت ناصي
شويه وكال السبع يله كومن افتر بيجن يم الاطباء
شلون اثنين وحده اطيب ووحده توكع..

رحنه للطبيب اني جيكت كال زينه حيل واكو تحسن
قوي بالنسبه للعمليه اذا اري. اسويهه بالخارج ناجحه
اكيد وحته هنا ناجحه بس الافضل بالخارج ...

السبع.. دكتور بالنسبه لشغلة الزواج بعده ممنوع عليهه
لو ميأثر
الطبيب.. والله يا ابن البصره لو تكعد توافي حقك طول
السنين ماترجعهن صبرت وتحملت وضعهه الله يوفقك
يا ابني ويكثر من امثالك..

الموضوع شاغلني اكثر منك لان بيه طبيعه اتأثر بحاله
مراجعيني وعقيق صار سنوات يمي وكلما تتحسن ترجع
تنتكس بس هسه اكلك فوت ابفالك بس بالهداوه تمم زواجك على خير بس حاليا ممنوع الحمل ..

صحه قلبهه تمام نبضاته طبيعيه الكهربائيه نورمل
تكدر تعاشرهه بس تخلي ابالك انسانه مريضه معاملتهه
خاصه بس احذر من الحمل نجي الخطوات بالتسلسل
اله نطمئن نهائي واحتمال بعد العمليه فكر بالحمل..

راح اكتبلك علاج وقت الحاجه لاسامح الله اثناء
المعاشره اذا فقدت الوعي انطيهه حبايه وحده من
هذا العلاج فقط من تفقد الوعي واستمر بتدليك
ايدهه وكلبهه لحدما تشوفهه صارت احسن يله تبطل تدليك

عقيق.. هو يحجي واني مدنكه والسبع منطلق وياه
الطبيب حيل حيل راقي وانسان بسيط اخذنه العلاج
ورحنه لطبيب فجر كمل الفحوصات وكتبلهم موعد
على ناظور باجر واشترالهه بيتزا ورجعنه...

نزلنه يم الباب انشمرت الكارتونه فارغه استغربت
فجر وين البيتزا مسحت على بطنهه طلعت مسافه
الطريق اكلتهه فوكاهه تاكل ودكول والله مومثل قبل
شهيتي خاف مسويلي سحر عن الاكل...

تعشينه بيت ضرغام ورحنه للشقه مالتنه دخلت سبحت
واخذت ملابسي من الجنطه لبست دشداشه قصيره
ومددت بصفه مد ايده جوه راسي واندار عليه ..

سحب خصله من شعري طلعهه من الضفيره
وكال راح انطيج وقت باجر كله بليل نحاول
نتمم زواجنه..

عقيق.. خجلانه حيل حجيت واني مدنكه كتله
بكيفك
السبع.. لاتخافين اني احرص عليج من نفسج اعتبريهه
محاوله
عقيق.. ماشي هناا بالشقه
السبع.. ااي چااا وين تريدين بالفندق

عقيق.. اأي خلي نغير
السبع .. تأمرين امر باجر انشوف فندق احجز بي
وان شاء الله خير اذا تحتاجين شي كليلي اخذج
تشترين
عقيق.. ماجايبه وياي شي اريد ملابس ماعبالي نظل
4 ايام كلت يوم ونرجع
السبع.. الصبح اخذج اشتري المحتاجته ..

عقيق.. واذا تخربطت
السبع.. اعوفج قابل اريد اذيتج
عقيق.. واذا ماتخربطت
السبع.. باجر تعرفين شيصير...

عقيق.. خاف اصير حامل
السبع.. لا ماتصيرين بنيتي شويه كبري عقلج
لازم يتم زواجنه وموضوع الحمل مانحجي بي
منا لمن تصيرين زينه هاي امور دنيا وقدر ذاك اليوم
طلعت من الموت لو ميت على الاقل متمم زواجنه...

جنت حيل خجلانه ضامه راسي بصدره وهو يسولفلي
يحاول يهديني ويخليني مااقلق ومااهتم بس
حيل مرتبكه وخايفه خاف يصير شي وخاف اتخربط
اجه ابالي الخطف واكيد راح اطلع موبنت وردة فعل السبع راح تكون قويه وخاف تأثر علينه...

غفيت بحضنه بس ممرتاحه كلساع افز قلقانه
حته هو مانام بهذيج الليله هم يفكر واكيد
الشاغل باله موضوع الخطف لان دائما يكول
لسه يدگ بكلبي ذاك الموضوع...

الصبح اخذني اشتريت شكم شغله ورحنه
لبيت ضرغام كلساع اريد احجي لبابه لو رانيا
صارت خاله ساهره كدامي لو موجوده جان بجيت
بحضنهه واسولفلهه خوفي وقلقي ...

لبابه.. نايمه ومنطيته ظهري ماادري بي غافي لولا
بس مختنكه حيل كمت اكره روحي احس نفسي
تحفيه ومركونه على الرف ومحد مهتم بيهه..

حسيت بايده خلاهه على كتفي بسرعه غمضت
سويت نفسي نايمه باسني من كتفي ورفع راسي
خلاه على ايده وسحبني لحضنه وغطاني كلبي دك
سريع حيل ويمكن حس عليه ...

ظليت بحضنه شويه حركت نفسي والتفتت علي
فتحت عيني شفته يباوعلي رجعت غمضت
جراح.. شنو اسوي حته اشيل هذا الهم من وجهج
لبابه.. تنهدت بنفس عالي

جراح... اذا عفتيني ماالومج لان اذيتج هواي ومااعرف
شبيه لبابه والله انه موهيج بالدوام روحي مشتعله عليج
ومرات اخابرج واكلج مشتاگلج بس من ارجع للبيت اكره
نفسي كلشي اكره مااتحمل اي كلمه اتمنى مايجي الليل
ولا افوت للبيت..

لبابه.. ليش لان اني بالبيت؟
جراح.. كله البيت اكرهه اختنك من افوتله حته امي
سأليهه عمري مارافع صوتي عليهه وصايره مااتحمل
كلامهه على الرغم حالتي حيل زينه بالدوام وتعاملي ويه الناس بس بالبيت اختنك..

هسه روحي مفرفحه عليج وسحب ايدي خلاهه
على كلبه جان يدك سريع من اجينه لسه وعبالك اليوم
شايفج اريد اخذج بحضني واضمج عن الناس كلهه
بس اخاف اذيج

لبابه.. مااريد لاتتقربلي لاتاذيني كل مره ينكسر شي بداخلي لاتقضي عليه نهائي
جراح.. حقج
لبابه.. ماحجه شي بس حضني وظل يلعب بشعري
مدري الخلل بي مدري بيه صايره مااطيق احد ...

كعدنه الصبح اخذ فجر هو وعمتي سوولهه ناظور
وسألتهم كالو ماكو شي لحيت عليهم كالو التهاب حاد
على الرغم مامرتاحه بس سكتت من شفتهه تضحك
وتشاقه هي وعقيق...

صار الليل تعبير عن المشاعر المكتومه فقط بالعيون ودكات گلبه احسه يريد يحجي ويسكت بس ياخذني
بحضنه يظل يلعب بشعري مرات يحرك اصابيعه
على ركبتي احساس حلو ارتاح بحضنه بس حدنه لهنا
وهو يكوم يطلع لان انطي العذر مايكدر...

عقيق.. اقدم رجل وارجع ليوره من الخوف والقلق
طبيت للفندق وهو وياي مدري شبيه ارجف بس خله الجنطه بالكاع حضني حيل بجيت بسرعه

السبع.. عليمن تبجين ماكو شي جديد مويوميه نايمه بحضني وابوسج ليش خايفه اذي روحي ومااذيج
بنيتي انتي خليج طبيعيه وعيشي الليله بشعور حلو

عقيق.. مسحت دموعي بس اجذب لو اكول طبيعيه
قلقه حيل سالفه الخطف شاله حالي مااحب اشوف
الحزن بعيونه ابد تعشينه وصلينه وكعدنه شويه
انشوف فلم ...

غمضت عيوني اقره ايات تخيلت خاله كدامي وهي
تنصحني بكلامهه الحلو ودكول انتي سباعيه ولاتضيعي
من ايدج كومي عقيق هذا السبع اليحبج صار 4 سنوات
يمه وهو صابر عليج ...

كمت من حضنه كتله راح اسبح سكت اخذت قطعه ملابس اشتريته جديد سيت طويل بي فتحه للركبه
واسقيات تنزل على الكتف سبحت وطلعت مالكيته بالغرفه على السريع مشطت شعري ورفعته بعدني
ارش عطر انفتح الباب ادور على مكان اختل بي ماكو...

بسرعه حاوطني من ظهري وراسه بركبتي قشعر
جسمي السيت مايستر صدري وركبتي كله طالعه
كلبي يدك سريع اريد ادفعه واكله بطلت خلينه هيج
بس جان يحجي بكلام هادىء يحاول يطمني...

بين ماوصلنه للجربايه طفه الضوه وفتح تيبلام
صار الجو حلو احس شفايفه تتجول بعمق ويه
كل طبعه بوسه انتفض بين اديه ويخليني اهدء
يله يرجع...

باسني من بين عيوني وكال غمضي واخذي نفس
لاتخافين اذا تأذيتي واذا كلبج اوجعج ادفعيني
هزيت راسي واني مغمضه عيوني وبده بجولات
مستمره وهو يترك بصمته على كل جزء بيه...

تأذيت حيل دموعي تجري كلبي صح يدك سريع
بس ماتخربطت حيل دفعته ابتعد وهو يتلمس كلبي
بيج شي عقيق هزيت راسي لااا كلبي مايوجعني
بس تأذيت ..

بديت افقد واذوب مريت بمراحل واحساس
اكول راح اتخربط حته اذاني كامت توش
صرخت بصوت موحيل عالي وكلبي دك دكات
متتاليه بقوه وتسابق منو الاسرع...
ابتعد عني بس اشوف ملامحه بديت اتخربط
بس بعدني بوعي الكامل ...

علامات الذهول والصدمه مرسومه على وجهه اريد امد ايدي اتلمس ملامحه حقيقيه هاي الصدمه لو يتخيلي شصار وشفت عينه حمره حيل ومدمعه حيل ماعندي حته احجي خاني كلبي غمضت عيوني وصورته وصدمته مرسومه كدامي....

.
يتبع.........

#خبايا_الاقدار

🍁🍁🌺🌺
... البارت الرابع والخمسون


الحياة اخذ وعطا..جيب واخذ..اسند واستند
اجبر وانجبر.. موطرف واحد ينطي والثاني واكف يتفرج
عليه!! لهذا السبب الي مايسندك ومايقدرك ومايتحملك
بكل ظروفك مايفيدك,, لازم يشوفك ملاك حته اذا بيك اخطاء
يكدر يتجاوزهه لان يحبك ومايوكف وياك على اقل زله...

وهذا السبع مومدح ولا اريد اجمله بنظر الكل بس الوحيد
اليستاهل انطي عمري اوهبه روحي واني ممنونه
الوحيد الي من اشوفه تنرسم الضحكه على وجهي بدون
مايحجي ..

مااتذكر يوم تعاركنه وغلط عليه ومااتذكر بيوم رفع ايده
وراد يضربني كل اثنين يصير بينهم سوء فهم ومرات
يعصب عليه بس بنفس اللحظه يحتويني يعلمني هذا
الشي غلط واذا تكرر تضرين نفسج وبعد مااساعدج..

جان غلط ارتكبه يكلي مانتعاقب علي بس يكون درس
الج ماابالغ اذا اكول حياتي اقرب للمثاليه ابسط خطأ
ارتكبه اتذكر كلامه اتذكر الحياة علمتنه دروس الشاطر
يتعلم من الخطأ مويكرره ...

كل الي اتذكره بوساته وهي تنطبع برقه وحنان
ماعديتهن لان هوايه هوايه لازم وجهي باثنين
اديه ومايعرف من يبوس وشلون يعبر بس صوته
باذاني وهو يكول الحمدلله الحمدلله..

حسيت على اديه وهي ترفع راسي وينطيني الحبايه
اسمع خطواته وصوته وهو يصيح عقيق لاتفقدين
بس مااكدر افتح عيوني ولااكدر احجي واكله اسمعك
كلبي ماطور ويدك باذاني..

من بلعني الحبايه وبده مفعولهه بديت انتبه افتح عيني
وارجع اغمضهه كاعد يمي ولازم ايدي كلساع يخلي
ايده على كصتي صح منتبهه بس جسمي مايتحرك
وكانو راكضه اشواط طويله...

السبع.. بعده كلبج يوجعج
عقيق.. لا هدء بس جسمي نحلان
السبع.. من الحبابه ترخي الاعصاب لاتخافين عندج الم؟؟
عقيق.. اااي مااكدر اتحرك
السبع.. ظلي مدده لاتتحركين هسه تصيرين زينه..

عقيق.. جان الخوف مسيطر علي بس بنفس الوقت
اكو فرحه بعيونه لازمه الغطه باثنين اديه لان ملابسه شي
اندار من الجهه الثانيه مدد بصفي باسني من راسي
ويفرك بأيدي..

عقيق.. لاتخاف مابيه شي انت بيك شي؟
السبع.. لا بس خفت عليج لان انغمى عليج
عقيق.. شبيك سولفلي شفت ملامحك مصدومه بس جنت
كوه افتح وحته عينك مدمعه

السبع.. رفع ايدي باسهه وظل لازمهه وكال حسب كلامج
والوضع الشفتج بي جنت حاسب غير حساب بس
انصدمت وتفاجأت من طلعتي عذراء..

عقيق.. تحولت الصدمه الي ارمش بعيوني واني مركزه
بوجهه علامات الفرح اتجول على كل مكان بي
كتله شلون مو صار عندي نزف ؟؟

السبع.. ماادري احتمال جرح صيري زينه واخذج
لطبيبه تشوفج
عقيق.. الحمدلله جنت خايفه خاف ماافرحك
السبع.. انتي اعظم فرحه الي

عقيق.. اريد اكوم اسبح ممرتاحه احس برطوبه
السبع.. خلي افتحلج المي بي بروده اسوي دافي واجي
عقيق.. كام للحمام واني احاول اكوم اعصابي مرتخيه
هاي ايدي اريد اخليهه على الميز واكوم توكع من الرخاوه..

ماكدرت اتحرك واني بدون ملابس اجه شافني احاول
اكوم سحب الروب مال السيت وخلاه على كتفي لبسته
كمت واني احس بالم فضيع بس اتذكرت كلام خاله
الله يرحمهه بالعرس كالت حته اذا حسيتي بالم لاتخافين
هاي طبيعي لان اول مره...

دخلني للحمام ظليت لازمه الحايط ومي الدوش
ينزل على راسي دافي انوب ارتخت اعصابي بعد
اكثر وهو ينتظرني بره شعور حلو حيل وداخلي
خفيف ومرتاحه بس الحبايه خلتني مثل السكران...

لفيت نفسي بالخاولي وصحت جمره جيبلي ملابس
انطاني تراك طويل لان الغرفه بارده لبست وطلعت
لگيته شايل شرشف الجربايه اساسا الشرشف من عدنه
من طلعنه من الشقه كال اخذي واحد وياج انظف ...

كعدت كدام المرايه مشطت شعري وهو يباوعلي
بفرح كملت وطفيت الضوه ورحت نمت بحضنه
ظلينه انسولف ويعبرلي عن فرحته وشلون قلق
عليه ..

جان يكول ماتتوقعين فرحتي شلونهه والله
عمري ماتوقعت بيوم افرح هيج فرحه كلت حته بعرسي
مايزورني الفرح الحقيقي بس هسه ياعقيق مااعرف
شلون اوصفلج احساسي فرحان بيج انتي لان انطاني
انسانه مثلج وقبل مااني احبهه الله يحبج ونصفج وحفظج..

ايده اداعب خصلات شعري وحاضنته حيل
بديت اغفه واني مركزه على نبضات كلبه
ويه كل دكه يدكهه كلبه اكول يارب احفظه
يارب طول بعمره وابعد عنه كل مكروه...

فتحت عيني الصبح ماموجود بصفي اجانه صوته
ياهله بهالصباح التفتت اشوفه واكف يم الباب
جان بره ابتسمت واني افرك باديه كتله صباح النور...

السبع.. شلون صرتي اليوم؟
عقيق.. زينه بس شويه الم
السبع.. اخذج للطبيب
عقيق.. لا مااروح خلي نتتظر يجوز اصير زينه..

السبع..كومي بدلي حته نطلع نتريك ونرجع للشقه
كومي حبيبتي
عقيق.. ماشي كمت غسلت وبدلت وطلعنه رحنه للمطعم
شربنه شي دافي ورجعنه للشقه بيومهه ماطلع ابد
ومارحنه لبيت ضرغام لحد الليل بس مخليني
بحضنه ونسولف...

المغرب رحنه عليهم كال نتعشه ونرجع واني
اشتاقيت لفجر وبالي يمهه ولبابه هم مدري
شبيهه ماتسولف بس مرات اشوفهه تشتغل وتبجي...

لبابه.. جراح شوكت نرجع
جراح.. ليش ضجتي ؟
لبابه.. لا بالعكس مرتاحه هنا اكثر بس فجر امتحاناتهه
الاحد خلي نرجع السبت حته تقره
جراح.. عكب باجر نرجع حته انه دوام ماينطوني اجازه..

لبابه.. جنت كاعده على حافه الجربايه واسولف وياه
وهو مدد كمت اريد انزل جوه صاح لبابه نطلع نفتر شويه
لبابه.. بكيفك
جراح.. لادكولين بكيفك كليلي نطلع
لبابه.. اي خلي نطلع ضايجه..

جراح.. يله تحضري
لبابه.. هزيت راسي بابتسامه وفتحت الكنتور بدلت كملت
كلشي ونزلت لفجر وهو عفته يسبح وكال ابدل واجي..

لبابه.. فجوره راح نطلع اني وجراح
فجر.. لبابه بطني توجعني
لبابه.. اخذتي علاجج
فجر.. اي بس من اكل عبالك يصيغ ضغط حته مااستطعم بالاكل
لبابه.. اخذي مسكن وهسه اشوف عمتي شكالهه الطبيب

عفتهه ورحت لعمتي بالغرفه كلبي مامرتاح ومتاكده
ضامين عليه كعدت يمهه واني اتوسل تحجي شبيهه
فجر
ام جراح.. تنهدت وكالت ادري بحالتج تعبانه وماانريد
انزودهه عليج منتظرين امتحاناتهه تخلص ونسويلهه عمليه

لبابه.. شبيهه عمه والله جاي تموتوني هاي اختي ليش
تضمون عليه بس هاي عندي
ام جراح.. اسم الله عليج بنتي كلت تخلصن امتحانات ونكلج
الطبيب ابو البصره كال بالسونار طالعه ورم على القالون
بس من اجينه لهنا لايمه قالونهه سليم والورم على الكبد
وجاي يضغط على معدتهه

لبابه.. لطمت بقوه على وجهي يمه اسم الله خاله لادكوليهه
مااكدر اخسر بعد بيه ولابيهه ابوس راسج لادكولين
بيهه شي

ام جراح.. ولج لبابه تخبلتي ابدال ماتدعيلهه يايمه
مانعوفهه وحته للخارج نطلعهه تخلص امتحاناتهه
ويشيلون الورم وبعد يسون فحوصات ادق لاتخافين الطبيب
كال نحاول بالعلاج واخر حل العمليه..

خابرو شيخ ياسين واواب كال ابو صديقه اكبر طبيب
بالباطنيه باربيل كال ناخذهه اله لاتخافين يابنتي موهاي
عقيق اتشافت من التزمت بالعلاج هم تشافه اخيتج
بس لاتحسيسهه

لبابه.. شمرت جنطتي بالكاع وكعدت كمت ابجي بحرگه
منين التفت مصيبه بس فجر عندي خلي ياخذ عمري
ولاياخذهه مني الهي تعبت موكلهن فد صبه عليه
اني ضعيفه ويتيمه وماعدنه احد غيرك..

ظلت عمتي تحجي يمي بس روحي مشتعله على اختي
اسمع صوتهه ادردم على عقيق ليش لسه ماجايه
اسمعهه تصيح خلي تجي الصفيره واني اعلمهه شامرتني
بنص العرسان وعايفتني اتصفن...

صاح جراح وينج لبابه ماردت اروح بس عمه
كامت تحجي عليه ولاتخليهه تحس ومابيهه
شي بس هيج نار وشابه بصدري من الخوف
ومتسهظمه على حالتنه...

طلعت لكيتهه تشوف افلام كارتون وتكرز حب
كتلهه تريدين اجيبلج شي جانت مندمجه كالت
لا مااريد صفنت عليهه اخذت نفس وطلعت ..

حرك السياره جراح انتبه عليه كال شبيج
ليش تبجين؟؟
لبابه.. ليش ماكتولي على فجر
جراح.. واذا كنالج شراح تقدمين تأخرين انوب
تزوديهه لاتفاولين عليهه مابيهه شي الطبيب
كال حالتهه زينه ومانعوفهه خلي تخلص امتحاناتهه
ونراجع بيهه..

لبابه.. سكتت ويه تنهيده جمره بداخلي تشتعل
يسألني وين انروح خلصتهه بكيفك بكيفك
جان شهر الخامس الجو حلو حيل بليل السمه صافيه
كال راح نتمشه شويه وانروح نكعد شويه على دجله..

اتذكرت من جنه صغار بابا يجيبنه هنا هو وماما
ومره وكع حذاء فجر وكامت تبجي علي
وكالت ماارجع للبيت اله تشترولي واحد وخلت بابا
يفتر بليل اله نفس تك حذائهه

ماقصر ويانه ابد هذا الموقف ابد ماانساه شايلهه
جانت بالاول ابتدائي ولابسه تك وكل محل يفوتله
يقنع بيهه بابا اخذي غيره وهي دكله اله التك مالتي
اكلته البطات ...

ركن السياره بالكراج ونزلنه نتمشه اشم هوه
احسه ينگطع مايملي صدري سولفتله على موقف
فجر ابتسم كال اني مامالحك على ابويه مااتذكره..

جراح.. جان عمري يمكن 4 سنوات وابرار هستوهه جايبتهه امي وجابو شهيد ومااتذكره غير بس ملامحه
وصورته على الحايط بس من كبرت شويه شويه السبع
اكبر من عدنه وتعلقت بي

جان ينام بغرفته واني بنص الليل اعوف امي واروح
انام يمه واتعارك ويه امي اكلهه اريد غرفه مثل السبع
شنو منيمتني يمج بس تخوفني بجبار واسكت

لبابه.. من صغركم وجبار يخوف
جراح.. جان يحطنه بالمضيف ويلعب العگال علينه
الوحيد السبع مايكتله لان مره كتله وثاني يوم شك
راس عامر وفتح المي على الزرع ومات غرگه كله
جان هستوه ناثر حنطه

لبابه.. وضرغام مووياكم
جراح.. ضرغام جان ابو عايش ويم بيت جده بس من مات اجو عاشو يمنه لان ابو ضرغام ابن عم جبار
ومن ماتت امه عاش ويانه هذا خبل محد يكدرله
اكثر واحد ينكتل هو واكثر واحد خبل جبار

مره منهن قشمرني كال روح راقب جانت اكو حضيره
ممليه جواميس وعجول والمسوؤل عنهن عباس ابن جبار ومن ازلام القصر خلاني لهيتهم واراقب وفتح الحبال مالتهن وخلاهن فاتن على المضيف وبيومهه جبار عنده
كعده يحلهه وصارت الزلم مطافر

ومحد دره جبار لزم عباس طيح حظه ولحدهسه
مرات اهدده بيهه لان ضاعن عجول كومه واثنين
من الجواميس ماكدرو يلزموهن ...

لبابه.. انطلقت وياه كمت احجيله على طفولتنه ونضحك
نسيت اني منو ونسيت حزني صار صوت ضحكتي
عالي وهو لازم اديه وكفنه على الجسر والدنيا كمره
اشوف الضحكه مرسومه على وجهه ...

رجعنه للسياره اثنينه مبتسمين اليشوفنه يكول
طالعين بموعد تعارف مو ازواج رجعنه للبيت
السبع وضرغام موجودين بالصاله من طبينه صاحوا
وين صرت انريد نبدي يله...

رانيا مخليه قوري الجاي وتعمر نركيله دكول
هاي عاده صارت ويصيح خوش تعمرين
صانع الاستاذ استاذ ونص...

كعدوا بالصاله يلعبون طاولي الباب مفتوح اشوف جراح
شحطوا شحط يكلهم موهيج والسبع طلع بيهم كووول
كل داس يخلص السبع فايز وضرغام يرجع على جراح
يكله من وراك خسرنه...

اخذت صينيه الجاي وديتهه كال ضرغام تعاي اكعدي
بلكي يشوفج جراح ويستعدل ويعرف يلعب
جراح.. شوف لعبك هو السبع انطه مجال

السبع.. ذبوهه براسي يله لعبوا هالداس وحدكم
وخلي انشوف انت لو ضرغام
جراح... ماالعب ويه ضرغام شوفه حته الصايات كسرهن
هو هيج اليحرك ذاب عصبيتك بيهن

ضرغام.. اني تايب ماالعب وياكم خاصه انت جراح
مايوم لعبت وياك وفزت
جراح... ولك اني ياهو مالتي انت خسرت تذبهه براسي

لبابه.. ضرغام خسر وبالي جراح انت خسرتني
من حرگه دمه ايد لازم الجكاره وايد الاستكان
وصاح جيبن القوري تنكطن علينه واحد وره واحد

رانيا.. ولجن هو منا ماينحمل وانوب شحنو صدك جذب عقيق كومي اخذي السبع خلي يبطلون
هاي العصبيه يذبهه بيه شوفن شلون يجدح

فجر.. هسه عقيق تغوح للسبع تكله جمغه يله
وجمغه مايندل دغبه بعد
عقيق.. عابتلج هسه يسمعج
فجر.. مامكذبه عيوني يله غوحي وشوفي شيكلج

عقيق.. دفعني للصاله صحت جمره يله انروح
كال يله تحضري فجر واكفه على الدرج صاحت
ها شكلنه لاجمره ولا السبع يبقه كدام هاي الحمصايه
هالكبرهه بيهه كل البله...

لبابه.. تونسنه حيل بس بقت غصت مرض فجر مسيطره عليه واخاف تتأزم حالتهه رفعت الغطه مددت جراح
بعده يم ضرغام شويه واجه نزع تشيرته ومدد بصفي...

اخذني بحضنه وهو يلعب بشعري حرك اصابعه
على كتفي غمضت عيني وصار يحركهن بشكل
دوائر يكزبر جسمي وارجع باحساس حلو
دنك باسني بوسات متفرقه وصار ويه كل بوسه
يشمني حيل ...

حسيت بلهفته حسيت اني ويه حبيبي وزوجي
جراح القديم الهادىء الحنين كلما الفظ اسمه
واكول جراح يتعمق اكثر بالبوسه باسني من كل مكان
ضربني علي واذاني حته اديه بوسهم

حسيت نفسه ثقل وصارت لمساته اكثر قساوه
اكول بلكي ماتتازم حالته لان هالمره يختلف
طبك اديه اثنينهم ورفعهم ليفوك عرفته اجته
الحاله حركت نفسي حيل كتله جراح الله عليك
عوفني...

همس يم اذاني بصوت خافت لاتخافين مااذيج
لبابه.. كل مره دكول هيج وتكسرني عوفني فدوه
الله عليك عوفني
جراح.. والله مااذيج بوعي اني بس رخي نفسج
اهدي

لبابه.. عوف اديه جاي تضغط عليهم حيل جراح
عوفني لاتأذيني
جراح.. مااذيج. بس اهدي والله مااذيج
هاي بوعي اني انتي حبيبتي
لبابه.. ترك اديه وهو يحضني حيل خلاني هدئت
صدك متغير صدك بوعيه بس ماانكر عنده قساوه
وعنف بس موبطريقه وحشيه مثل قبل...

غمضت عيني وهدئت سلمت نفسي اله واني وياه
بكل احساس اندمجنه بالكامل ارواحنه تعانقت قبل
اجسادنه عشت احساس رغم الالم ورغم قساوته
بس لهفته وحبه مااكدر اوصفهه

السانه ماسكت من كدما كال احبج اموت عليج
انتي عمري انتي گلبي انتي الي افديج بروحي
لبابتي حبيبتي...

ماردته يبتعد ابد ومااريد تخلص هاي الليله
لابعرسي ولا بغيرهه ولاغيرهه عشت هيج
احساس عاش وياي بكامل جوارحه قدم عطاء
وحب واحساس خلاني انسه كلشي مريت بي
وكأنو اليوم انولدت...

نايمه على صدره كال متأذيه هزيت راسي شويه
انت قاسي..
جراح.. بس مومثل قبل لبابه مافرحانه مثلي
متغير هواي جنت مااشوفج منو المهم ارضي
رغبتي بس هسه شفتج حبيبتي ولبابه التعلقت بيهه...

لبابه.. صح متحسن حتلو اذيتني فدوه الك
اني وياك منا لمن ترجع القديم
جراح.. تحملتي هواي وان شاء الله اعوضج عن
كلشي

لبابه.. جراح مااخذت احتياطات خاف اصير حامل
جراح.. واذا صرتي
لبابه.. لا مو الوقت المناسب نتقرب اكثر يله يصير حمل
جراح.. قابل نحاول نحب بعض بعينج شفتي متحسن
ومدام امي موجوده الله ينطيهه العمر تربي الج وانتي دوام

لبابه.. ظلينه انسولف لحدما غفيت وهو بعده كاعد
كعدت الصبح قبله جان حاضني ودافن راسه برگبتي
ظليت العب بشعره لحدما كعد...

صح 4 ايام بس من العمر ماتمنيت ارجع للبصره
لوما الامتحانات اله اظل هنا رجعنه كل واحد
لدوامه وجنت متأمله جراح هاهي تحسن بعد
مايرجع مثل قبل...

عقيق.. رجعنه للبصره ماعندي دوام بس مرات
اكعد اراجع الي اكدر علي وضعي اني والسبع
حلو ماتقربلي غير بس من ليله الفندق بس غامرني
بحنانه ليليه اعيش بحب ولهفه بس مايتقربلي