تره ميصير بنص الطلاب اطلعني شيكولون

محمد... وخل شيكولون يكولون اخر همي

سارة... ابوكيان دشوف تصرفك صح

محمد.. ول ول ياب شوف منو التعرف تصرف

سارة درة وجهي ضوجني سمعته ضحك

شفته يبتسم وعيونه تلمع
ماريد اطول احس شي ياكل بيه

كتله محمد رجاء كول موضوعك وراي محاضره باوعت على جهازي ماضل شي ربع ساعه

كال امشي نروح بسيارتي بلكراج هم متنحرجين واني اخذ راحتي بلحجي

...لا شنو نكعد بلسياره فرضاًشافنه احد من طلابنه

....سارة باعي اني ابن عمج مو صاحبج امشي

حجاهه بنتر وعاكد حواجبه

مشيت وراه ماعرفت شون دخل سيارته الامنيا متدخل بس الاساتذه والعنده باج الدخول

كعدت اشو هذا حرك
محمد وين انت مو كلت بس نحجي مااهتملي ومشه والتفت كال ساره تعرفين اسكتين لو لا

كتله محمد شنو اسكت وين ماخذني فات من البوابده شفته رفع ايده سلم ع الضابط وكمل سياقه

صفنت يعرفه واني اكول هذا الضابط عينه زايغه وصديقاتي دائماً يذبن حجي

نيالج وابورتبه يباوعلج ومره حتى دخل القسمنه

اثاري الافندم يعرفه ومليون بلميه موصي عليه

.................................................................................................

سمعت خاله يرزل بيه وهوه ينتر

قتيبه .. خالي السانه اطول منه العرمه

ابو محمد...  هوه هيج التعامل بلضرب سالفه والثانيه ضربته اني فوتتلك سالفة العرس بمزاج اكول شاب وعريس ماريد

انزعهه عليه وسالفتك الاخ بليلة عرسكم هم مشيتهه واني راسي

بلكاع اسمع حجي الدكتوره شلاعب

قتيبه.. جنت متلهف وما ادري

نتر... ماتدري لو شارب الزقنبوت مالتك

قتيبه ... خالو عوفك من هلحجي بس هاي وكحه كلمة والثانيه طلعت السانهه متر بت الكلاش

اني سمعته غلط ع ابويه لو انجنيت طلعت كوه امشي

كلت ليش تغلط ع ابويا يمك رجال ميت والله لو عايش تحلم ينطيني الك احجي وكوه يطلع صوتبي من البجي

صااح شوف خالو شلون وكحه

صحت اني مو وكحه مااقبل اينجاب طاري ابوياا لا النت ولاالأكبر منك بعدني ممكمله سوه المسافه خطوتين ضربني ع راسي حيل وكضه خاله ربطه

دنعل ابوج لابو الخلفج بنت الخره هيج هيج منك اني ساكته وعمتي ادكوم بيه

وخالهم عاط بيه كافي الصم وانتي فوتي ولاطلعين

وذاك يريد يمرعدني وخالهم كوه كاضه

دخلتني عمتي ترزل بيه وتحجي

متستحين توكفين بوجهه هسه حلوه من ضربج

كتله لعد اسكتله من يغلط ع ابوياا يسوااا ويسوه راسه

عمتي ضربت ع خدهه يمفلوكه اسكتي ليسمعج والله هسه يموتج

كتله مااسكت شنو خايفه منه يريد يضرب خل يضرب

بس يحترم نفسه وميجيب ابويا ع السانه النكس

سدة حلكي بايده وخزرتني نبأ لاتخليني اني هلمره اضربج

منين جبتي هلوكاحه

مرديت عليه ضلت تحجي واني مويمهه وره شويه طب

اخذ جهازه وباكيت جكايره وطلع ابوع على عمتي لازكه بيه

خايفه لايرجع يضربني

ركع الباب وطلع حتى الشبابيك انهزة من ضربته للباب

عمتي التفتت عليه وحجت
... ولج منين جايبه هلقوه يمه الرجال ميحب المره الوكحه وقوية عين

اني امه اخاف منه اعوفه من يعصب  زلمنه دمهم حار وخصوصاً هوه ماخذه من خواله الساده هيج طبعهم يحركون الاخضر واليابس وميرفلهم جفاً اجفي شرره ولاتتقربيله لاضربه من ضرباته يعوقج لو يسوي بيج شاره

خواله كلهم هيج وهوه ربه عدهم وخصوصاً خاله قادر رباا وتعلم منه ذيج ليش شردة منه مثلج لسان وترادد وهذا يفور ميتحمل ويضربه مره غابت عن الوعي 3 ايام

كتله صدك عمى وينه

كالت يايمه عند اهلهه بسامره وهل قاد حاير بمعاملت طلاكهم بس الواكفه عنده هلوليد كاسر ضهره

ليش عمى شبي حمودي

ـ مو امه تريده وابو متخبل ايريده يمه

.. يااا خطيه امه هم خطيه ابنه وتريده الله يساعد كلبه

باوعتلي وهزة ايده

ـ هلسان كله وكلبج رجيج لايمه لاتريده ولا شي ذيج حيه ام راسين انه عشت وياهه وعرفته

البشريه متعرفيه اذا متعاشريه ذيج اتريد تلوي اذراع اخويه بولده وتكسر خشمه وهوه عنده حمودي

خط احمر وهي اهلهه الله امكنهم انه مره سمعته ادكول اجيبه واخليله مربيه من خابرتني وانه ماادري بي جاي وفاتحه

هاي المايك مااسمع سمع حجيه وهوه تخبل منذاك يوم وهذا يوم ذب كوتمت افلووس في سبيل يكسب ححضانت الطفل

ياالله والله خطيه

ـ اي يمه خطيه وكاسر ضهري اكثر من ابني هوه هم ابني ربيته من امي جابته

وكبر وزوج واني ويااا

يمفلوكه خذيتيني بلسوالف واجه الغروب وعشه ممسوين

ضحكت عليه اني السولف لو انتي

طلعت وراهه لكيت خالهم كاعد يباوع اخبار يااربي شكد استحيت منه رحت للمطبخ ركض

وره شوه طلع من باب الصاله اجت عمتي سوي عشه وياي سولفتلي على خواتهه طلعت ماعده اخت ذني خواتهه من ابوهه

امهم جابته وراهه كام يصير عده اطفال بس يموت لحد مااابوهم قرر يزوج وصارو عنده بس بنات سولفلي

..بعد ماامي تمرضة بعد التحاليل طلعت حامل وحمله خطر رحمه ميتحمل وبي تليف ووالدي كاله ذبي مقبلت من اول معرفت

كالت هذا وليد وصدك جابت بعد معانات طويله بوكته خضعت العمليتين وحده ولاده

وحده شالو الرحم

بعد ماصار عمر قادر 4 سنوات الله اخذ امانته منتشر عنده المرض بس هي تعرف وابويا ومرته

طلعت من هي حامل بيه المرض وماحجت وطول ذيج الفتنره تتعالج ومتبينله وشفته كامت فتره يمنه متنزع الحجاب اشوف ابويه

دومه محنب ويشرب جكاير ومن اني زغيره خلتني اربي قادر واعتني بي ومرة ابويا اشوفه متعاطفه ويااهه مومثل قبل مشاكله ويه

امي بعدين من كبرة عرفت

كتله عمى ابوج اذا يحب امج ليش ازوج

كالت يايمه النسوان متخلي احد بحاله عماتي جانن كويات صح ساده والكل يحلف بخت جدي وملتزمين بس يمه العلاوي

كويات عين واليردنه يسونه بس انه طلعت ع امي مابيه حظ كالان انريدرك اوليد يشيل اسمك ابوياا يحب امي مقبل بلبدايه

بس الحجي بدله وخطبله بنت خالاتهن وجانت وكحه يوميه ناشبه ويه امي وابويه يجي يكتله يدري بامي فقره

ومن تحبل اضل تدعبل كدامه وتسمعه حجي لحد ماسطرتهن 4 بنات عماتي كالله ازوج وجيبلك ولد بوكته ابويه طرد عمتي رازقيه

لحد مامات وهي متحاجي بيوم الامي جابت وليد ابويه تغير حاله عدالي علمود الوليد طلع لان يعرف بمرض امي

كملنه عشه طبيت سبحت سمعت خالهم يكول منو بلحمام عمتي كالتله نبأ

طلعت هوه بلغرفه نشفت ودهن جسمي بمسكن الأم يون عليه من الوجع

طلعت شفتهم يصلون صاح عليه

كلي تعالي بويه

.. ها خالو

كال بعد خالج موزين السبح بهلوقت خروج الشياطين والجن العياذ بالله وهمه

فرصتهم وانتي بعدج صغيره وماعندج حصانة الصلا او التسبيح لو القرأن

موزين عليج يولد التابعه والمس والريح لا سبحين وحتى بليل من ادخلين اتحصني

بأيات قرئانيه

كتله مااعرف بهلأمور

كال بعد عرفتي

هزيت راسي كال عفيه  هسه سويلنه لكمه ناكله فارط من الجوع

عمتي كاعده ع السجاده اسبح وتهز براسهه معناهه اسمعي كلمه

عفته اكو كلا م مفتهمته بسووالله حباب ومبين عليه عصبي اشو راكز

صبيت سمعت باب الحوش انسدة مديت راسي

اجه قتيبه بيك رجعت اصب طب طلع كبل سمعته يحجي ويه خاله مديت السفره وهمه مستمرين

سوالف

دنكت احط المواعين سمعت خالهم يستغفر شفته مدنك ويفر بسبحته

وقتيبه يشرب مي كملت

عمتي صاحت .. يمه نباوي جيبي حمودي اوكله رحت جبت حمودي خليته بحضني خالهم كال

جيبي بويه وانتي اكلي يتعبج

كتله لا خالو عادي متعوده عليه عافه اكل واوكله لحدهسه ميحجي وعمره خمس سنوات

كمت غسلتله واخذته للغرفه خليته ع كرسيه

دنكت الملم السفره خالهم كال بويا كعدي ولميه على كيفج

كعدة شفت قتيبه يتفحصني عفته كملت لم السفره

كضيت شغلي خالتي صاحتني اسوي جاي والجماعه على كعدتهم انوب دارو ع طوبه

وكلساع كابه عيطتهم قدمتلهم جاي وصلت الخالهم همس خالي بعد لادنكين صيحي رجلج ايقدم

رجعت هذا شبي اليوم وكلساع لادنكين شكو قابل دايرتله ط.... ومدنكه

سمعت دكت الباب طلع قتيبه شفت من شباك المطبخ يسلم صوته عالي طببهم 3 زلم معكله وراهه طبن 4 نسوان اشرلي استقبليهن

اخذ الزلم للصاله استقبلتهن مااعرفهن شافتهن عمتي

طاحتلهن دك بوس وتمرحب عرفتهم جماعت خالهم وعدهم قرابه بينهم جايين مسيرين

قدمتلهن ماي الاوله كالت صلاوات ام قتيبه هاي جنتج

عمتي كالته اي

ردت عين الحاره بارد

عمتي اتكللهه مشوفين ابني اسودن اله تاخذيه الي واهله ناس اجاويد

ماردونه واني واكفه اوزع ابتسامات وحدتهن تباوعلي من فوك اليجوه

همزين لابسه زي هندي جديد ومرتب مال نيشاني

كملت تقديم ماي رحت حضرت الجاي للزلم وللنسوان وطلعت كعك وكليجه مسويه

اثناء حديثهن سالتني الاوله عرفته ام سامي كالت يمه ماعندج خوات

كتله اي خاله عندي بس وحده

كالت خاله محروسات من كل عين

كل شويه تباوعلي وتسألني امج شكد عمره اختج بكدج لو ازغر اخوانج يرجعون لو يبقون بلخارج اختج شكله حلو هم تنطون لو احد تقدم طلبهه

هاي المره مو طبيعيه بيني وبين نفسي

..............................................................................

ساره كعدنه بلمطعم

خايفه مااعرف ليش من كعدة وياا اسلوبه نضرته

كلامه بي غضب ع حب دفين مااعرف مزيج

اشوف تعامله ويه زوجته محلو حبه الجهاله يطمني

انو ميخلط بين جهاله وزوجته عصبيته بسالفت نبأ

خلتني ارجف واخاف اكثر نضرته هسه اليه وهوه

كاعد مقابيلي احس روحي ضايعه هلأنسان شنو

نوعه عركته وياي اخر مره من سمع اجة نسوان

تخطبني وتهديداته خلاني حاير مااعرف شفسر

سمعته كال

-وين وصلتي بصفنتج

... لا مويمك

-عيونج تحجي عنج

.... هااا يعني شتحجي

-شي متأيدي اذا حجيته

... ابو كيان انت كلت عندي حجي وياج هياتني كول

-ليش مستعجله طلبيه اجتي

التفتت شفت النادل يوزع الطلبيات وصل يمنه

وزع الاكل وراح

-اكلي وراهه نسولف

اكلت شويه استحيت من نضرته كلما ارفع نضري اشوف عيونه

شكد يحب الاسود اغلب لبسه اسود

تفاصيله حلوه رسمت عيونه جذابه ويه لونهن

العسلي

سماره حلو لحيته الخفيفه وشواربه الضخان مطياته

كارزمه غير اذكرة علا من كالت محمد يحب

البنيه

الشكره وزوجته شكره لهذا حبهه وزوجهه هذا كان

كل اعتقادي

شبعت قدمت جسمي وهمست حكوم اغسلابتسم

معناهه روحي ماعرف سبب ابتسامته عداله اخذ اذنه

مجرد انطيته علم رجعت ملكيته كعدته شويه واجه

ينشف ايديه بكلنس

كعد كال اي ياعيني هسه نحجي ونفضفض مو مدام لو أنسه 

كتله عوفك  اي واني اسمعك رفع حاجبه وكال

-شوفي يابنت عمي عمري حالين طخ ال37 موزغير

كبرة وتعلمت بلجيش وتعرفين جنت رتبه وتركت

الاول والتالي من وره والدي والحمدالله مامحتاج

احد معيش عائلتي ومطلع وارد لهلي واكدر اطلع

واكون عائله ثانيه

فمقصد كلامي ماريد اطولهه اريد اتقدملج واطلعج

بيت وحدج والتطلبي حاضر انتي تعرفين نفسيتي

شنو وصارلي 5 سنوات مدولب الله يهدي الكان

السبب مااريد اعيد الصار وانتي تعرفين البداخلي

وشكد كتلج كبل وهسه اعيد اتقبلين اصيرين

زوجتي

سارة دنكت مااعرف شرد محمد مواول مره يطلب

ايدي من اني عمري14

البداخلي تناقض محمد حلم كل بنيه بس حلم

ميكمل مستحيل يكمل ورا عائله وراا زوجه واطفال

اثنين ليش هذا احساسي اريده ومااريده

ماريد اكون سبب تهديم عائله كامله

ماريد اكون سبب تعاسة احد

رفعت راسي شفته صافن عليه وايديه شابكهن جوه

حنجه ونضرته بيه استغراب من صفنتي وعيوني

الحايره ومااعرف شرد

-محمد التطلبه صعب ومستحيل اني ماارتبط بأنسان

يكون ملك ال تلث نفرات

ماريد ادخل بحرب نفسي زوجتج متستاهل

اطعن بيه اسفه شوفلك غيري

ضل مستمر بنضره الي يتفحص معالم وجهي اتنهد

ورجع كال

-مااريد هذا الجوب ولااريد اصير امور جانبيه

بغنه عنهه شكد ماتحاولين اضمين البداخلج

لكن عيونج فاضحتج

.. محمد هذا جوابي عفيه اريد توصلني للبيت

ردت اكوم شفته خنزر وكام محجه شي صعدنه

طول الطريق ساكت وصلنه البيتنه ماانزل قفل بيبان السياره

خفت  كتله شكو محمد

لزم ايدي اباوع بسرعه جسمي رجف

دار عليه وقرب وجهه حجه بهمس شايفه هاي

رجفتج وشال ايده الخ مررهه بضهر اصابيعه ع خدي

وعيونه تباوع على خدي

رجع كال وهااي خدودج صاراً طماطه

كفيله سكتني وترويني ومستعد اتحمل مزاجيتج

ماريد اسوي شي مو برضاتج

عيونه ذبلانه وتمشي ع وجهي رجع المكانه وخر ايدي فتح القفل وكال

يله انزلي

نزلت ركض دخلت للغرفه مجرد نزعت الحذاء

انتجيت على التاج وافكر بتصرفه وجرئته

اول مره محمد يكون بهل قرب مشايفته بهل هدوء

والرومانسيه كلبي حاسه  بدكاته تنفسي سريع

شبيه ابتسم ويه نفسي واذكر

اوووف اني ليش هيج افكر

ماادري شكد مر الوقت واني سرحانه وبالي مشغول

سمعت صوت جهازي من الجنطه

كمت دورت شفته جوه الجربايه متلوفه

طلعت الجهاز

مكتوب نائل

.......... يتبع

قۣۗـۙصۣۗـۙصٍ 📖ۆبۣۗـۙسۣۗ 💯

تْوَاتْرَ الُقًدِرَ (هہلُ احُبّبّتڴ)

لُلُڴاتْبّهہ سِجْى الُطِائيـﮯ

البارت الثامن عشر

تردد في النظر نحو مقلتي

تسري رجفة في بدني

لااقاوم الوقوف امام غضبه امام ثورته

كم حاولت الصمود والتنازل عن حرب الفراق

حرب لا اعلم بدايتهاا كي اتوقع نهايتها

استوقفه عند قارعة الباب لاتسير نحو الداخل

فلهيبك يحرقني ويحرق فؤاد احبائك

سقطت عند قدميه توسلاً لاتدنو من نار فؤادك

اسقط كل تلك الأعمده التي بنيتها لأجلي

لاأريد الحرب مع الضمير (بقلمي)

............

كعدة نشيطه من الصبح غسلت البيت جنت مشلتحه محد بلبيت ول أفندي نايم راجع ب3 عود ضديات عفته ماحجيته وخالهم خفاره اخذة راحتي ومدنكه اجلف بلمطبخ وارشرش بلمي وثوبي رافعته للركبه

حسيت طبكت الباب جفلت كمت بسرعه باوعت ماكو احد سمعت حركة سياره منو جان هنا وطلع محد موجود يمكن الهوه عالي والباب انطبك

مهتميت كعدة عمتي صبحت وكالت الله يساعدج
سويت ريوك الي والهه كالت يمه شعجب كاعده

نشيطه اليوم كتله عمى غير اليوم اروح لهلي اخواني راجعين كالت هااا نسيت يمه البارحه كتيلي
صبيت جاي وضلينه نسولف كملنه رجعت غسلت الكراج ونشفته

ماعندي شي شفته صارة ب9 سمعت صوت سيارة توقعت
خالهم رجع دخلت بدلت ثوبي وطلعب شافني دنك وسلم بس كال الحمام حاضر
كتله اي مابي شي

صعد حضر هدومه ونزل سبح وصعد حتى متريك

عمتي كالت تعبان

كتله عمه قتيبه مااحاجي واريد اروح لهلي منو ياخذني كالت يمه حت لو متتحاجون كعدي يوصلج
شله بهلنوم لوينفعه جاا نفع اهل الكبور

كالت كبري عقلج اذا اضلين وياا هيج يكوم يتمرد عليج ويزيد

كتله عمه ماريد خلي يمد ايده مره ثاني والله اعوف البيت واشرد

يااا يمفلوكه ششردين لاعمى حبيبتي بعدج زغير لا تخلين هلافكار الشيطانيه براسج عيب يمه عيب

المهم عمه لو انتي توديني لو خالو

ميخالف يمه كولي الزلمتج وحنه انوديج

رحت ارتب بملابسي قتيبه من نوع نومه ثكيل عكسي اطب اطلع اطكطك ميحس انوب راجع متأخر لو قنبله افجره يمه يضل نايم

مر الوقت وصارة ب11 ونص سمعت صوت خالو همزين كعد

طلعت جنت لابسه دشداشه كشمير بيه ضيق لونه كركمي حلوه من سبحت لبستهه

لكيتهم ملتمين بلمطبخ سلمت ردوو شفت حمودي يم ابو مكعده بحضنه

كعدت يمهم كتله خالو جيبه اشتاقيتله رفع راسه
شويه ركز بوجهي وكال اخذي بويا

اخذته وخليته بحضني
اضحك يضحك ادغدغه يكركر

ابو وعمتي يسولفون ضليت العب بي شلت راسي شفة خالو يباوعلنه بفرح

ياالله شكد تعب هلرجال في سبيل يحصل حضانته
وصلت بمرته سجنته كم يوم وطلع بكفاله رغم رتبته واصل يكدر كلشي يسوي بس يستحي من ابوهه دائماً يكول رجال خير صدك يخرج الخبيث من الطيب

كل هلشي اسوي ع مود تكسر خشمه شكد ماعده ذمه وضمير ابد باله مو يم ابنه اني من يمي متت على حمودي هي كلبه شلون ينطيهه تعوفه هيج

خليته بحضن عمتي وكمت حميت الاكل وصبيت

وره مكملنه خالو كال يله بويه وراي شغل خل اوصلج

يمه طرت همزين عمتي كايلته اني استحي اطلب منه

مجرد رحت حطيت مكياج بسيط ولبست صايتي الخليجيه وطلعت رجعت رشيت عطر وطلعت

ركبت يمه بلصدر من صعد ساق

حجه وهوه يسوق كال يابا انتي دارسه علوم اصول دين لو البعض منهه

مطلعه ع كتب

استغربت سؤاله كتله لامدارسه بس دارسه الاسلاميه بلمدرسه

رجع كمل بويا ماريد ادخل وضوجين مني بس ياااخالو حرام الرجل الاجنبي يشتم عطرج

كتله خالو شنو الرجل الاجنبني وشدخله بلعطر هوه عطر واذا شمه الرجال

داروجهه كال خالو انتي مثل بنتي واني اكبر عمر ورجال دارس وعارف وماره على هلشيبات كومه
تجارب هذا حلال ربج وحرامه مثل منطانه نعمه انطانه قانون نمشي بي رسول الله عليه الصلاة والسلام كال أمورو بلمعروف وانهو عن النكر

(من رأى منكم منكراً فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان )

لو تفسرين هذا الحديث الله ورسوله يأمرنه بلامر بلمعروف والنهي عن المنكر اذا اكد اقدم نصيحه وتكون باب للتوبه وتعديل الحال الي اجر وللمقابل أجر

انتي جبيره ودارسه لكن مع كل الاسف دراستكم بس بدي الداخل فارغ مجرد تحفظون ماتتمعنون شنو حكم الحديث وتفسير اقوال الائمه والرسول

اسولفلج سالفه من جنت ادرس حوزه وره المدرسه على اعصابي ابويا سجلني يم شيخ جواد الله يرحمه راح الرحمة الله المهم بلدايه اشرد

لو اغيب ميدري الوالد اطفر منا ومنا زغير عمري ١٣ همي العب والطوبه ومرافكلي شله يامسقط بلمنطقه اركض عليه وشكو طلابه مجيت باتمان زماني

لحدما الشيخ شكه مني ملاكي والديه وسأله عليه كله يوم يجي وعشره يغيب بيومه اخذتلي كتله شبعت بيه
غده وعشه وكلني راشدياتي لهذا عمري ومانساهن

رغم مدلل ولد على سبع بنات كمت اروح واني الشيطاين تطافر يم راسي وماقبل

المهم درست وحفظ مثلكم بس احكام الدين لا حفظت المستوجب والمستحب تعلمت بس مجرد تلقين

كبرت والدي مات وبطلعت شوكت حسيت بقيمة الدين من اوكع بشده ومجرد اذكر

عندي صلا بركبتي ممقضيه عندي سوالف مكسره عندي امور هواي ستهترت بيه وانزل راسي واستحي ادعي واخلي عيني
واطلب يقضي حاجي رغم هذا كلبي يهج بلدعاء وربج سبحانه ايام وكلبي يبرد وتفرج

بنتي اختي شنو اليناسبج اعتبري التعطر لغير الزوج ميجوز انسان غير زوجج يشمه يسبب فتنه ويخلي اثر سيء بداخل نفسيت الرجل الاجنبي

اجاز التعطر بمجال النساء تجمعات اني رجال واعرف نفسيت الزلم هواي مره عليه هيج اشياء

يحجي واني شي افتهمه وشي ماافتهمه ماعرف ليش

ختمه وهوه يلتفتلي كاي يابا عرفتي ليش اعلمج
وعرفتي ليش ربج حرم التعطر لغير الزوج

هزيت راسي واني مبالي هيج شي ضجت ماحب واحد ينتقد وهوه اغلب كلامه حلال وحرام عدهم تعقيد
حمدة الله على شغله وحده همزين قتيبه ميدخل بهيج امور مينتبه رغم اسلوبه حلو وصلي فكره واكو امور مركزت بيه رغم كلامه عادي واضح بس مرات الجهال وغفله عن امور العباده والاستهانه بلدين يجرفنه للحرام بأبسط الامور

الاحضته خالهم شديد الملاحظه ويركز وهواي امور يدخل بيه عمتي متتصرف من غير متاخذ شورى

الستغربته هذا البيت بيته بس اهل المنطقه يسموهم بيت ابوقتيبه لان الكل يعرف بيت عمتي مو بيته

هوه كايللهم بيت اختي

وصلنه واني صافنه على الشارع من شافني سكتت ومرديت عليه هوه هم سكت واغلب الوقت يستغفر اليكول كاعد يمه شيطان

نزلت وصلت للباب شفته نزل وراي كلي سويلي درب اسلم ع الولد

دخلت البيت بي حركه وصوت لمحت الصاله مفتوحه
شفت رسول سلمت عليه هوه هم سلم وسالني على قتيبه كتله اطلع الخالو هوه وصلني وراد يسلم عليكم راح يطببه عفته

وطبيت من باب الهول هوسه عماتي ونسوان عمامي
كلهن سلمن عليه وبوسني بيبي كاعده بوسته من راسه وحضنته ضلت تبوس بيه

شونج حبوبه يمه ستوه حله البيت رجعت حضنته
شكد مشتاقتلهه كتله بيبي متصورين شكد مشتاقتلج

سالتني على عمتي كتله متكدر تترك ابن اخوهه من ارجع تجي

شفت رفيف دخلت من شافتني اجت سلمت كالت البنات بلغرفه اترخصت من بيبي دخلت للهول الداخلي

شفت امي كاعده تلبس المخاد جراجف ويمه مرة محمد البيت متروس كرايبنه مطشرين بلهولين وبلمطبخ وبلغرف

وكفت يمه كتله شلونج يمه رفعت راسه شافتني حسيته انصمدت دنكت بسته سلامه بارد مستغربت اتوقع الاكثر عفته وسلمت على مرة محمد

اترخصت ودخلت لغرفه سارة واكفه اطلع بملابسه متبطل عادته تحصر روحه بلأخير وضل تركض ركض

كتله بعدج متحضرين روحج من وقت التفتت ضحكت واجت شبكنتني بذاته صار شهرين مشايفتج

كتله لعد مدكولين الروحج متجيني ادكولين اختي خطيه

كالت انجبي اجي شنو عيالج غرب ومااخذ راحتي

ولج شعدنه بس اني وعمتي ورجلي اغلب الوقت لو طالع لو نايم وخالهم بلدوام لو بلمعرض ميتواجد هواي

كالت عوفج من الحجي تعالي اختاريلي فشي البسه

-شوكت يوصلون

ماادري قبل ساعه خابرناهم بعدهم بأربيل مناك طياره لبغداد ونوب يجون

كعدته اختارله ملابس لبست وحضرة نفسه سالته على علا كالت متكدر تجي طاك عده نزيف

-يااا ليش

-لعد انتن متتاخبرن

-كتله لاليش صار اسبوع مماخبرته معندي خدمه خلصت

-كالت طلعت حامل والغبيه ساحله الكاونتر تنضف بي ونازفه

كتله يااا صدك هي كالتلي وضعه تعبان وتلعب نفسه عداله معدته

كالت لا طلعت حامل رادة تجي ومتعارك وياهه رسول الدكتوره مانعته شهر كامل تنام ع ضهرهه

يله خلي نطلع نساعد البنات

رحنه للمطبخ شفت عمتي ام محمد سلمت عليه وضليت اساعدهن اجوو الولد طببو كراتين الماي وبعض الغراض مال الطبخ
وعصاير للخطار
ضليت وياهن اشيل واحط بلمخزن عدنه بابه على المطبخ

جاي اجر وادخل مسافه اشيله لان المخزن يمكن مساحته مترين ب 3 ستوني دخلته للمخزن بعدني بلباب

سمعت صوت الي طول الطريق ادعي ميجي كلبي كام يسوي طب طب طب طب غمضت عيوني اخذة نفس طويل وحاولت ارجع ذاكرتي ماريد انسه قسوته ماريد انسه ضربه ماريد ادورله عذر بيوم الرجعني وهوه طول الطريق يسكت بيه وكلي كلام خلاني طير واطلقو سراحه بيوم الكال نباء انتي قطعه من روحي مستحيل اعوفج ويتوعد وكلام هواي خلاني انسه حزني واني الغبيه صدقته صح مبينتله فرحتي

نزلت والدنيا مسايعتني شكد دعيت شكد صليت ربي يخلصني واصير الحسن شكد حلمت اسبوع عشته
احله مايكون واني على نار كلت اتحمل حسن شيسوي يسوي المهم اصير اله عده الاسبوع كلبي خمشني

كلساع برائي اخاف قلب رائيه ومن يدك التلفون اطفر وتخيب امالي لو يطلع نائل لو عماتي لو خولي

عشت الاسبوع ماقبل موعد زواجي ع نار اعصابي تلفت يوم وره يوم ادمر لحد ماأيست وراجع اتأمل ساعه التمر عندي امل

اوووف ماريد اذكر قسمت مااهتم قسمت انسه قسمت ادوس على كل الي سبب اذيتي

اخذيت نفس ورجع للمطبخ واسمعه يعيط على امه ولازم رفيف واعصابه تالفه أتأمل ملامحه مغير ستايله شعره ذابه وقميصه الماروني وبنطرونه الاسود وسترته السوده سمنان وصاير احله بس

دنكت واستغفرت امه تكله يمه شبيه وهوه مستمر يعيط التطلع اكسر رجله وال ....وال........
بعده على اسلوب ال

تهديد والتوعيد التمن عليه عرفن

رفيف طالعه بلا حجاب بلكراج وشايفه من الصاله وبيه خطار يمكن شايفيههاني واكفه ع صفحهه رفع راسه شافني فك عيونه

..........يتبع

✦✦✦✦✦✦✦✦✦✦✦✦✦
❌‏لا تسمح لجروحك بأن تحولك إلى إنسان مختلف تماما ليس أنت...

❌لا تسمح لأي كان بتدمير عزيمتك وسعادتك...

❌لا تسمح لأخطاء الماضي أن تعيق حاضرك ومستقبلك...
٠٠٠٠٠٠٠٠٠٠٠٠٠٠٠٠٠٠٠

🔹🔷🔹🔸🔶🔶🔸🔹🔷🔹
🚻 كل شخص لديه لافتة غير مرئية مكتوب عليها ؛

💡اجعلني أشعر بالأهمية واحترمني...

❗️لا تنس أبدا هذه الرسالة عند التعامل مع الناس...
٠٠٠٠٠٠٠٠٠٠٠٠٠٠٠٠٠٠٠

✨✦✨✦✨ ☘ ✨✦✨✦✨
❗️ليس عليك إسعاد الجميع ...

💡ولكن عليك أن لا تؤذي أحداً ..!
٠٠٠٠٠٠٠٠٠٠٠٠٠٠٠٠٠٠٠

🔶🔶🔹🔹🔷🔷🔹🔹🔶🔶
❎ ليس هناك شخص أو مكان أو شيء له سلطة على أفكارك مالم تمنحه أنت ذلك...

😇 فكر بإيجابية بدلا من التذمر والشكوى...

💡اختر أفكارا تسمو بك وتعلي من شأنك...
٠٠٠٠٠٠٠٠٠٠٠٠٠٠٠٠٠٠٠

🔹🔷🔹🔸🔶🔶🔸🔹🔷🔹
❉ ‏كل الذين قدّمت لهم من قلبك وتعبك وجهدك سينقلبون عليك...



✨عندما لا تمشي على هواهم لمرّة واحدة فقط ...
٠٠٠٠٠٠٠٠٠٠٠٠٠٠٠٠٠٠٠

『💗』⇣..❃❤️❃..⇣ 『💗』


هُنَاك أُنْآس حَتْى وإنْ غَابَ كَلامُهُم مَا زَالوا فِيْ قُلوبِنَا ..


『💗』⇣..❃❤️❃..⇣ 『💗』

『💗』⇣..❃❤️❃..⇣ 『💗』


فقط من يحبك يفعل من أجلك المستحيل ..


『💗』⇣..❃❤️❃..⇣ 『💗』

『💗』⇣..❃❤️❃..⇣ 『💗』


ياالله بحجم جمـال الجنة أحسن حياتنا وحياة من نحب ..


『💗』⇣..❃❤️❃..⇣ 『💗』

『💗』⇣..❃❤️❃..⇣ 『💗』


الحب ، مُعتقل يجمع الفقراء ب الأغنياء ..


『💗』⇣..❃❤️❃..⇣ 『💗』

『💗』⇣..❃❤️❃..⇣ 『💗』


الاهتمام ، أول أبواب الحُب ..


『💗』⇣..❃❤️❃..⇣ 『💗』

『💗』⇣..❃❤️❃..⇣ 『💗』


رسائل الورق شهدت أجمل عصور الحُب ..


『💗』⇣..❃❤️❃..⇣ 『💗』

『💗』⇣..❃❤️❃..⇣ 『💗』


الأهتمام : يصنع الحب شيئاً فَ شيئاً ..


『💗』⇣..❃❤️❃..⇣ 『💗』