#البارت34
#لهفة_عاشق.
،،،،،،،،،،،،،،


دخلت المطبخ وفات خطاب وراه عمه فيصل وعمر من الباب يلعلعع

لك هلا بلضلع الماينشلع ول يابه النومه مولك ان شالله خطاب ولا انت

خطاب .. ثبرك الله بيش طالبني فالك ماكبلنا

يابه غير هذا العزيز هذا الروح والريه هساع غيرر اعرف شكو كل يوم مجلوط ذيج النوبه كلنه رايدلو زواج وزوجناه عليش رد نجلط

خطاب .. ول هنه النسوان يجلطن انت شجاي تسولف

ضلو يتداهرون عفتهم من كلام خطاب راح يكوم يجفص واني كلبي خلصان ماريد حتى اتصنت
جبت قوري لجاي خليته على نار وبديت احضر بلضيافه ساعه أكثر وطلعو ايهم جان يمهم بلهول واني انشف لستكاين كل ضني طلعو بس سمعت سوالف ام خطاب وفيصل جمدت بمكاني
فيصل ... عليش جبتو هين جان جبتو يمي

ام خطاب ... خويه بيته هذا وهين حرمته مامقصره منه و الله بميه رجال لو تشوف شلون مداريتو جان ماكلت هيج

وهذا لجاهل منين ليكون ماخذه عدهه طفل

لالا وين هذا ابن اخوهه خطيه يتيم وهيه مربيته

عجل فكي عينج زين اخوج وضعو مو تمام على ساعه يحط رأسو ويموت وهل حرمه تحوف الاول والتالي وتروح منو يكدر يحاجيه تضل حرمتو واسمها بضهر جنسيتو يعني تاكل حالها حالنا

ابو حسن انت شتسولف كول يالله تراك موتت اخوك وهوه جاعد اي مال لتحجي بي اي حال البنيه عينه مليانه وكسرته بضناهه شكبره وماعافت اخوك ابعد هاي لفكار من راسك ودعيلو يكوم بسلامه ولاتفاول عليه
انه مامفاول هذا لصحيح عجل عليش ضمها عنه لوما يدري بيها مو راحه لاعبالج انه ناسي لصار بس لضروف ما تسمح نحجي بهل طاري وله انه ماسكت هينوب الحرمه لتزوجه بلسر وضمها وتالي عاركنه وفض حتى شغلو وياي من وراههه فلا ارتاحله

حجاهه وطلع
وكفت مغمضه بكلبي اتحسب علي ام خطاب مدت رأسه متحركت وجه نلبك عرفتي سمعت
جريت نفس وندرت رتبت الاستكاين بمكانهم تقربت توه تحجي
عفته وطلعت
ماريد اسمع
ماريده تبرر
ولاعقلي يقنع بغير السمعه
نضره ماخذهه هل رجال عني لااغيره ولا اريد اغيره يكفي اني اعرف روحي شنو
طلعت للهول لكيت رأس فارس واكع من المخده وايده ملولحه بلكاع يعن ركضت عدلته ومابطل ون
جتي ام خطاب كابلنه وكعدنه حاولنه نعرف شبي وشريد مفهمنه
لحد متعب ونام
بيومه للصبح منمت اروح واجي اباوع عليه وافتر بلبيت وساعات يدك كلام فيصل براسي وارجع اكول ميهم ميهم كلامه كله ميهم يمكن داقنع روحي بهل كلام
لساعه ٧ونص مر خطاب يشوفه كبل ميروح لشغله وجلب بي يعن مخنز لحد مفتهمو عليه يريده يبقى يمه

جريت نفس اصبر روحي عرفته يستكف اني اداري لهذا طول ليل مراح حتى حمام
سكتت وكتفيت مبتعده خلي يسوي ليريحه وخلي خطاب يمه داشوف لشوكت وكم دوب
فتره مرت من بعيد لبعيد إداري اكله شربه ملابسه كله من بعيد لبعيد وخطاب معافه هوه ولولد يتعاونون عليه
البيت ابد مخله أصدقاء كل يوم عمر جايبله واحد وجاي
ام خطاب راحت وجتي بداله ام ثامر والحجيه بلفون مرتين تلاثه بليوم تخابر تشوفه ونوبات تدعيله وتبجي
فيصل على طول يجي هوه ولده واني متجنبته تماما من يجي اختفي مالي خلك اسمعلي كلمه
حتى بطلت اخلي بالي يما لو اتصنت

وبيوم اجوي هوه وعائلته وكته ام ثامر فاتت للغرفه تفرك بيده
ام ثامر شبيج
اديان فارس يهز براسو ويعن ماعرف شبي
مافتهمو الولد عليا ؟
لا ابد عينو على ممر يمكن عليج
هزيت راسي اي وكمت اخذت شالي لفيته ونزلت اردان دشداشتي وطلعت
بكل ثقه رافعه راسي فتت سلمت فيصل جار عينه وفارس ملامحه بردت حتى ايده كد مارخت نزلت من السرير
كعدت جانت مرته فاكه كل عينه مصدومه بيه وتميل رأسه لام ثامر تسئل
هاي مرته؟
تبتسم ام ثامر
وجهي يريد على جوابه ببتسامه هادى
لحد مكامت كعدت بصفي تسلم وتتعذر شلونج ومنعرفج اعذرينه ونيالو لفارس ومن هل كلام جنتها بحضنه طفل كلش حلو بس عيني صارت عليه صليت على نبي
وكمت احضر ضيافتهم
بيومه جنت اشتغل داخلي بارد مليان راحه مولان فارس رادني اطلع لا
بس لان أثبتت وجودي كدامهم كلهم برضاهم أو غصبا عنهم

شهر او أكثر خطاب ولولد جوه ايده حتى بليل قبل ميرحون يفوتو حمام وثاني يوم يجون من الصبح
لحد مابيوم ام ثامر راحت وبس اني وفارس بلبيت ايهم يحوص ساعه على فون ساعه على تلفزيون واني اشتغل
طبخت الغده وفتت سبحت اذن الضهر توضيت وجيت للهول والكه وجه فارس قطعه مال دم كصته تنضح عرك تكتت كت محتقن فدنوب
حيل خفت وتقربت اسحب كلينس وامسح بوجه وهوه مخنزر
فارس شبيك
مخنزر
حرت والف شغله حجيتله بيها مهز رأسه وعينه متركزه على شاشه ندرت يربي ماكو بس الاذان ستغفرت ودرته
جر نفس متنهد
صفنت معقوله منا ؟
معقوله لهاي لدرجه
ميصلي اي
يشرب اي
بس تو

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#بقلم رفل الكناني

#البارت34

كلام عمي هزني هز وكله صحيح بس اني هواي تذيت صحيح همه متركوني وساندوني بس ياناس كسرت النفس جبيره واني بهاي سوايت فهد نكسر وتحطمت صحيح الله أخذ حقي وبراتي بينت بس راح يبقى داخلي مكسور من فهد وبنفس الوقت مال يعوفني مستحيل ولاعمي راح يقبل وانوب بينه طفل اذا وافقت ارجع واجه عاش وياي بلبيت مثل قبل ماامن بي بيه خوفه منه ومن ستفرد بيه ومحد يمي فهد أعصابه تلف من يعصب بعد ميشوف كدامه واني ماريد ابقى وياه وحيدنا قررت ارجع بس ويه عمي بين هاي افكاري سمعت صوت عمي وهوه يكلي

هيه كلمه وحده ترجعين لولا

عمو ارجع بس بشرط

شنو

ارجع يمك بلبيت اني ماامن ابقى ويه فهد هناا وحدنه واني حامل وانت شفته شسوه بيه

واني اكيف تجين يمي اهم شي ترجعين

وبعد عندي شرط

كولي

ميوصل يمي ومال دخل بيه

اني هذا الشي ماادخل بي انتو مره ورجال تردين تعاقبي بطريقتج بعد بكيفج كل الي اريده ترجعون ونتهت

واني موافقه

يله لمي ملابسج وامشي

صعدت للغرفه بدلت ولميت ملابسي مادري السويته صح لو خطاء بس ادري فهد ميعوفني بحالي ومردت ازعل عمي قفلنه البيت وطلعنه رحت البيتهم سلمت عل كل وكعدت بلهول عمي كعد وخابر عليه كله تعال اريدك بشغله شويه واجه اني كاعده وافرك بيدي مادري عمي شناوي كعد فهد كبالي وعمي بصفي كال اسمعوني ثنينكم

الصار صار وثنينكم غلطوتو انت غاسل ايدي من اعصابك المتكدر تلزمه وانتي غاسل ايدي من نباهتج من مخليه هيج صور بفونج وذابته بيد جاهله اني تعبت منكم والبيت كله تعب من المشاكل ليش بس انتو هيج حياتكم الزوجيه بس انتو متزوحين موهاي سمر واحمد ماشالله عليهم أصغر منكم مفديوم سمعنه صوتهم مااكلكم ملاكه وميتعاركون لاكل زوجين تصير شكالات بس بغرفتهم يحولوه بينهم وانت فهد محد عم علينه غير لسانك دكولي شغلي هيج واني متعلم اكولك افصل بين شغلك وبيتك ثنينكم حيالين قبل شكم شهر عشتو وحدكم انريد نشوفكم ماكو واحد يحب الثاني العناد والغرور والتكبر هذا ليش واحد منكم يتنازل الحياه كسر وجبر لاتسوهه فدنوب اسمعوني و باجر اول يوم رمضان قسمن بهذا الشهر الفضيل اذا احد منكم عال بلثاني ثنينكم اهججكم وعساكم ناركم تاكل حطبكم بس قبل هذا كوله باجر تاخذه للمحكمه وتعقدون رسمي وراه ديره وراك بكل المستمسكات باجر عكبه راح يجي الجاهل ميريد بيان ميريد جنسيه وفهد هاي الشغله متصعب عليك يوم واحد تكمله وبلنسبه للتقاعد انتي ممحتاجته فهد راتبه خير من الله يكفيكم وزايد خل يكطعو يولي سمعتوني لواعيد العنده عتراض ماله كعده بيتي

الكل ساكت محد حجه عافنه عمي وكام عمتي وسمر ورسل واحمد كله عينه علينه وفهد باوع عليه وكال

من اجيتج وحجيت وياج بكل الطرق عاندتي اشو من اجاج ابويه اجيتي وياه انتي ال متى أضل اني مالي كلمه عليج قبل سويتيه كلج عوفي عفتيني وهسه عدتيه كلج رجعي رجعتي بس هين الله كريم راح اصبر عليج اشوف وين توصل وياج

عافنه وطلع عمتي اجتي يمي كالت

مياخلف يمه اتحملي تره مقهور لن اجه عليج ورديتي كومي ارتاحي ويصير خير

صعدت لغرفتي القديمه لكيت ملابسه مطشره عل جربايه لميتهم واخذتهم الحضني رغم كلشي اكو بذره بكلبي اله شميتهم حيل حسيت نفسي هسه تنفست دفنت راسي بلمخده مليانه بعطره يعني جان ينام هنا وبفراشي ربي انطيني القوه راح يصير كدامي بلبيت ماريد أضعف اريد اعلمه درس وابينله اني موسهله ولابكيفه يعوفني ويرجعلي اني قويه واستمد القوه منك ربي ساعدني كمت رتبت ملابسي بلكنتور ولميت ملابسه وشكو غرض اله بلغرفه وصحت رسل نزلتهن بقيت ارتب لحد مصاحتلي سمر عل سحور نزلت كلهم كاعدين حتى فهد اكلت قليل وفهد نهائي ماكل شال باكيت الجكاير والجداحه وطلع اني هم كمت داتوضه شفته من شباك المطبخ كاعد بلحديقه يدخن عفته وصعدت صليت وقريت قران ونمت 8الصبح كعدتني رسل كالت يله دترحون للمحكمه بدلت ونزلت هوه بملابسه العسكريه طلعنا وصعدنه السياره بدوم كلام وصلنا المحكمه وبلشت الاجرات بس هواي تسهلت لن هواي عنده عرف حته للقاضي مدخلنه بس يم المحامي وقعنه وطلعنا اول مارجعنا عمتي طشت جكليت وتهلهل بوستنه وباركته باسه من راسه كله يله اني رايح للدوام طلع الكل باركلي تشكرت منهم وطعت للغرفه اكو فرحه بكلبي بس الوضع والضروف المرينه بيه عبالك طفته جنت حيل تعبانه ومنا صايمه سبحت ونمت ما كعدت غير قبل الفطور بشويه نزلت واسمعم بلهول يحجون احمد يكول كوم فهد خل اوديك وعمتي دكوله ادري يمه طبعن تتخربط اكو واحد يصوم بدون سحور ولك يمه حتى حرام وهوه يكلهم عوووفوني بس خل انام شويه كومو مني مد يت راسي مخلي ايده عل عيونه وبعده بملابس الدوام رجعت رحت للمطبخ سمر دتسوي فطور سلته عليه كال اجه فدنوب لن البارحه متسحر

بقيت اساعده لحد مااذن ومدينه السفره كعدو كعد نزع القميص شمره عل تخم بقى بلفانيله التعلاكه وجه معقوج غسل واجه كعد أكلنا بدون صوت بس رهف تفتر من واحد الواحد نطيني من هذا انطيني من هذا