برافووو ونقطة لفريق سماح😎.

واللي جاوبت واسط.فغلط عيوني لان محافظه🌚

🎀فريق خريجات اله كورونا:1

Baneen/żấђṜấấ.Јấᶆẹẹℓ/اميرة بشخصيتي


🍇فريق الأخوات:4
moon/Sunshine/umAlaa


💫فريق الملكات( N_G_ D) 👸👸👸:2

ᎶᎻᎽᎻᎥᏰ ᎷᏫᎻᎯᎷᎷᎬᎠ/ضحى رياض/نبأ جاسم


🌹فريق زهور الاوركيد:
Zainab Hassan/نرجس𖤐/Zahraa saeed

🧬فريق الكيميائيات:1
زهراء علاء/مسار /طيب حاكم


💪فريق احنا الاقوى:
هبه سعد/فتاة يوليو/يارب حقق حلمي


😎فريق فتيات القوة:3
آلورد‌‏هہ آلبيـﮯضـآء/مہٰرَوججہٰ/كرزايه

😣فريق اشوكت نتخرج:1
Sajoo Alshameri/NOOR Dihaa/رقية فاضل

🙈فريق فتيات:1
baneen☺/Aya/Samah

بنات شحني صار 1..ورح يقفل😭😂..
خالته بالشحن ودينقص عل حظي.اتوقع بي جني💔

فاشوكت تحبون نكمل!؛.ورة صلاه لو باجر🌚

اهنا بنوتات صوتو واشوف الاصوات الأعلى❤️

بعد صلاه☺️
لو باجر😎

تمام حبايب..باجر اكملكم اللعبة😍

طبعا ردت اجيب صور والغاز ..مالحكت..لان جنت داسوي بالفرق😅💔

فباجر رح تكون الاسئله اصعب😎 .فاتحضرن..ب11 ونص
وبالتوفيق❤️

#ملوكه

تْوَاتْرَ الُقًدِرَ (هہلُ احُبّبّتك)

البارت الاول
اخرج من وحل الضلام لااغطس في وحل احلامي تلك الأحلام الممزوجه بأرواح تائهه بي طيات الايام فشغفي قد علااا ودناا من عوالم صاخبة تعلو منها الاصوات المتيمه بحب الذات ودون سواهاا .....
نترك تلك الخواطر لا احكي لكم قصتنا عن حلوهاا ومرهاا وعن احلامهاا وعن امالهاا وألمهاا

نبأ.... نبأ...... نبأ.... صخاااااام

نبأ: اهووو متركين احد ينام براحته

سارة:وسم كومي مومتت من الشغل وانتي حضرتج نايمه

نبأ:بكلبج ودرة وجهي حتى انام

رجعت صاحت والله اذا متكومين اصيح امي ادكومج بطريقتهه

طلعت الساني عليه مااحس اله المندر بوجهي كمت ضربته بلمخده وطلعت ركض وصلت للمطبخ لكيت ماما تمرد طماطه كاعده ع الارضيه

صحت صبااااااح الخيرررر

خطيه فزة (هههههه) وزقنبوت لهل صوت ادبسزز والله لوماا الطماطه بيدي جان كمت أدبتج

سويت روحي ابجي هئ هئ ليش هيج وياي شمسويه لان كلت صباح الخير

امي خزرتني امشي اتريكي وساعديني
رحت حضنتهه وهي كاعده وبستهه تدرين بيه اعشقج

ماما أعقلي عيب كبرتي على سوالفج كلبت عيوني اووف حاضر حااااضر

سويت بيضتين تكلا احب البيض الصبح وجااي حطيت استكان جاي طبيعتي احب اشرب بستكان اشرب استكانيين اشتهي الجاي بلستكان استلذ بي كعدة اتريك اجت سويره ولازم اشارك ام كرش

اهووو ام بطن دكافي اريد ازقنب واشبع
تحجي وبحلكه الكمه كبر هيه لكمه شماخذه منج
كتله دولي ام لكمه طيرت نص البيضه ودكلي لكمه هايشه
جاي تحجي امي عاطت بيهه

سااارة كافي مناكر وامشي كملي شغلج وانتي خاتون بسرعه أكلي ورانه كومه شغل

كلت بكلبي ادري بهاي السطوانه يوميه الصبح اسمعه اكثر مااسمع دعاء الصباح

كملت ع السريع ورحت للصاله طلعت الفراشات ونكتت

البردات رجعت مسحت السبلت والديوان عربي مديت الصونه غسلته ونشفتهه بعدني امسح بنهاية الصاله وامي دخلت من الباب هاي بعدج بلصاله يله خفي ايدج

اووف شصير اخطبوط
كملت ع السريع طلعت للطرمه عزلته وغسلتهه والحديقه كذالك لحد ماهلكت من التعب
بيتنه جبير بلبناء ويتعب بلتنظيف

دخلت لكيت ماما تلبس الديوان الهول جراجف مشيت ع السريع لاشوفني واصخرني

دخلت للغرفه ذبيت روحي ع الجربايه اوووف تعبت بعدني هستوني درة وسمعت اسمي

يبوووو ماااخلص رحت هااا يوم
روحي للحمام الداخلي نظفي

لعد ساره شنو شغلهه
كالت سارة مشوفيهه نظفت المطبخ والهول الداخلي ومال الخطار والغرف وانتي هل الصاله والطرمه وتعبتي كلت شنو هي ماكو راحه بهل بيت

امشي لج لاضلين ادردمين
رحت نظفت الصحيات شلون ماكان اريد اخلص
هووب هوب وين داخل
نائل يعني وين اريد اسبح

كتله لاعزيزي هستوني نظفته روح مابيه حيل ارجع انظف
نائل شرايج احطلي طشت واسبح بكراج على مود حمام ميتوسخ

كتله اسوي فضل تعبت من الصبح انظف....لا لا حباب لسوي هيج نزززلني يوم يوم
اشش وجع هسه انزلج مااحس اله شمرني ع جربايتي عافني وراح عاااابت مخبل

مددة حسيت بنعاس غفيت كعدة ع صوت بيبان الكنتور شفتهه دور بلملابس

صاحت نباء وين نفنوفج الجويتي
كتله وسخ بلغساله

عاطت بيه كبر شكد وسخه متعرفين تغسليهن
باوعتله صفح وانتي شعليج ملابسج لو ملابسي
خنزرة عليه قذره وتبقين قذره كوومي امي كالت بدلاً حيوصلون

اووو وشعليه اريد انام
ساره:-والله معليه تجي امي وتتفاهم وياج
درة وجهي اريد اكمل نومتي ضليت مغمضه عيوني مااكدرة

اسمع طكطت ساره لوتفتح المجراة لوتفتح وسد البيبان دور
ماكدرة انام درة وجهي شفت ساره لابسه نفنوفهه وردي شيفون وردانه خفيف ولابسه بدي ربع ردن جوااا

كمت طبيت للحمام غسلت وجهي واديه بعدين كلت خل اسبح احسن سمعت صوت بابا ديحجي بلتلفون ويتفل بلمغسله
اي اي يابه هسه جاايينكم صاح نائل بويه يله اخيك وصل بلمطار

نشفت ع السريع رجعت ع ملابسي ماجبت وياي ملابس ع السريع طبيت للغرفه ادور ع شي البسه

واسمع صوت بيت عمو يسلمون لكيت بنطرون ثلجي لبسته ولبست وياا قميص يوصل للفخذ لونه وردي فاتح
خرب شلون حظ هسه سويره تاكل كلبي لابسه نفس لون

دخلت علا بت عمي اسماعيل
لج هلاو شلونج وبوستهه
تمام انت شلونج
الحمدالله شخبارج شكوماكو لاتمرين مشايفيج
تدرين ملتهيه وامتحانات وخصوصي ضلينه انسولف حوالي نص ساعه اسولف وياهه وارتب الغرفه

جاي احجي وسمعت عياط فزيت ركضنه اني وعلا شفت امي تبجي وتخرط بخدودهه شكوو شصاير محد يرد عليه
ضليت حايره اريد احد يجاوبني عطت بيهم شكوووو احد يجاوبني

مرة عمي يمه ماكو شي بس ابوج ونائل مسوين حادث كانت صدمه الي بحيث منزلت دموعي بيني وبين نفسي ابويا موسي حادث واني ضاله صافنه اباوع ع سارة ملخت روحهه من البجي

امي كاعده وتلوب ماخلت لاشعر لا خدود مرة عمي كاعده يم امي دموعه ع خدهه وتواسي امي علا رغد رفيف يبجن ليش اني كلبي قاسي ليش دموعي مينزلآ
بيت عمي حيدر اجوو هم تلكوو امي بلبجي

اسمعهم يكولون نائل زين بس الحجي متأذي واحد يكول لا خابرناهم ثنينهم زينين وكل ساع

ه حجي شكل امي تريد تروحلهم وميخلوهه

دخل ابن عمي اسماعيل محمد كال ماكو شي لاتخافون امي هجمت عليه يمه ابوس ايدك لاجذب عليه وليدي بي شي الحجي بي شي دار وجهه ع عمتي وحاجه أمه رجع باوع لأمي وكال عمى ماكو شي بس شويه جروح

محمد يمه كلبي يلعب لاتقشمرني بهلحجايتين
عمى شنو سالفتج قابل اجذب واكلج بيهم شي بس يجيكون حالتهم ويجون ضلت امي تبجي ماسكتت ماصدكت واني هم

كلبي يكلي ابوياا ونائل بيهم شي عيوني غرغراً بلدموع من اذكرة البارحه اني وبابا نلعب طاولي وتراهنت وياا ع خمسه وعشرين ضليت ابجي مجاي اصدك ابويا يصير بي شي
رحت للغرفه اريد ابجي براحتي لكيت مرة محمد كاعده ترضع بأبنهه

وزهراء بت عمو حيدر كاعد ع جرباية سارة تلعب بتلفونهه عفتهم ورحت الغرفت بابا دخلت جوه الغطه وضليت ابجي غفيت واني ابجي فزيت شفته الساعه ب 7 طلعت شفت الهول متروس نسوان عمامي وخوالي وبناتهم فتت للحمام غسلت دورة ع سارة لكيته كاعده وعيونه مورمه

رحت يمه كعدة ع الكرسي واذكرة شمس مااجه كتله شو شمس ماوصل

كالت لا بلمستشفى يم بابا ومرته يم اهلهه
اجت بت محمد كالت تعالو صبو الأكل
باوعت ع سارة ثنينه مالنه نفس

دخلت للهول سالت بت خالي زينب امي وين كالت
بلهلول مال الخطار يمهه نسوان عفتهن رحت الغرفتنه لبست ثوب عريض وطويل لملمت الغرفه طلعت مشيت ردة اطب للهول مال الخطار صاحت عليه مرة خالي حيدر

نبأ شنو مشوفينه مسلمين

كتله لاالعفو خاله بس والله دايخه ودربي مااندله

نبت كالت لاخاله معذوره

من يوم يومهه تكرهني

طبيت ع امي النسوان ملتمات يمه استغفرالله ليكول عزاء وينوحن غير يسكتنه ينسنهه شويهه طلعت للطرمه الكراج بي سيارة خالي حيدر شفت محمد طلع من الصاله كتله شلونك محمد

هلو نبأ الحمدالله انتي شلونج
الحمدالله عفيه محمد صيحلي خالي حيدر كال اي طب صاحه اول ماشفته شبكته وهوه هم حضني ضليت ابجي وهوه

بويه لاتبجين مابيهم شي كتله خالو فدوه اريد اشوفهم مااتحمل يمر يوم مااشوف ابويه

كال قسماً بالله بس يسمحولنه اخذج انتي وامج وسارة اخذني وكعدنه بلحديقه ع الدجه كال نبأ بابا تره البجي ميفيد ادعيله وربج يسمع دعائج شلت راسي وباوعتله احسه

دينبهني ع شي خطير كتله خالو بابا حالته خطره كال بويه انتي جبيره وتفتهمين وكلشي قضاء وقدر نائل حالته قبل شويه استقرة بس ابوج الحد هسه عمليتين مسويله والعلم يم ربج

زدة بلبجي من سمعت حجي خالي اختنكت اريد اتنفس مااكدر كوه اجر النفس خالي انتبهلي يحجي وياي وماارد مااكدر احجي كمت مااكدر اتنفس الهوه اليوصل للرئه موكافي

يخيلني استمر بلتنفس خالي وخر الحجاب من راسي ثواني وكلهه التمت فوك راسي بعده ماحسيت

راسي موتني من الوجع فتحت عيوني اني بغرفه موغرفتي درة وجهي شفت مره نايمه والكانونه بيدهه درة وجهي ع الجهه الثانيه شفت مرة عمي اسماعيل نايمه ع القنفه عطشانه صارلي شكد هناا

صحت عمى عمى خطيه فزت واجتني ركض

هاا عمى شلون صرتي كتله زينه بس اريد مي راحت جابتلي
مي وشربتني كتله صارلي شكد هنا

كالت من الساعه ب 7 وهسه راح يطر الفجر

يمه الحمدالله على سلامتج خوفتينه

كتله عمه مابيه شي

كعدة يمي وطلعت تلفونه من الجيزدان خابرت ع عمي كاللهه بعد وكت ب 7هيج اجيكم

مااعرف شلون مرر الوكت اجه عمي وتحمدلي راح صاح الدكتور جيكني كلاوات كال تكدر تطلع راح عمي وياا كتبلي ع بخاخ طلعنه نمشي بلممر كتله

عمو فدوه خلي نشوف بابا

أباوع عليه وشفت عيونه بيهن حزن رجع باوع للطريق كلي

عمي مانكدر حتى اني ممنوع الزياره سكتت وخنكتني العبره

رجعت كتله ماكالولك ع نائل وبابا شبيهم

وصلنه للسياره صعدة وعمتي صعدة بلصدر حرك السياره كلي بوياا خالج كلي مسولفلج كلشي واني وماقبلت عليه لان ا

الحكم يم ربج منا بعد دقيقه الف أمل ينولد لاتحجين شي لمج تره كوه مكعديهه لو اشوف ابوج واخوج مااضن تعدي سلامات
ياعمي صبري امج ولا تتعترضين ع حكم ربج وان شاء الله
الله ماينسا من رحمته سكت واني ضلن دموعي اصب من كال لو اشوفهم امج ماتعدي ع خير لعد شكد متأذين ولهذا ميخلونه نروح وصلنه لفرع بيتنه وشفنه كومة سيارت وناس ملتمه

خمشني كلبي ..........يتبع

تْوَاتْرَ الُقًدِرَ (هہلُ احُبّبّتڴ)

البارت الثاني

ﻣﺮ ﺑﻴﻨﻪ ﺍﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ
ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺍﺷﺤﺪﻩ
ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ﻣﻠﺘﻤﻴﻦ
ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ
ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ ﺍﻻ‌ﺣﺒﺎﺏ
ﻭﺗﺨﻠﻲ ﺍﻟﻨﺎﺱ ﻛﻠﻤﻦ ﺩﻣﻌﺘﻪ
ﺍﺑﺨﺪﻩ ﺷﺎﻫﺮ ﺳﻴﻔﻚ ﺍﻭﺗﻔﺠﻊ ﺑﺎﻟﻮﻻ‌ﻳﺎﺕ
ﻭﻻ‌ ﻓﺪﻳﻮﻡ ﺳﻴﻔﻚ ﺑﺎﻳﺖ ﺍﺑﻐﻤﺪﻩ
ﻭﻳﺎﻣﻮﺕ ﺍﻋﻠﻰ ﻫﻮﻧﻚ ﺗﺪﺭﻯ ﺑﻴﻨﻪ ﺍﺿﻌﺎﻑ
ﻟﻮﻣﺎﺗﻨﻪ ﻭﺍﺣﺪ ﺣﻴﻠﻨﻪ ﺍﻳﻬﺪﻩ
ﻭﻳﺎﻣﻮﺕ ﺍﻟﺒﺸﺮ ﻣﻦ ﻋﺎﻃﻔﻪ ﺍﻭﺍﺣﺴﺎﺱ
ﻣﻦ ﺩﻡ ﺍﻭﻟﺤﻢ ﻣﻮ ﻣﻦ ﺻﺨﺮ ﺟﺒﺪﻩ
ﻭﻟﻮﻣﺎﺗﻨﻪ ﻣﻴﺖ ﻣﻮ ﺳﻬﻞ ﻧﻨﺴﺎﻩ
ﺗﺬﻭﺏ ﺍﺭﻭﺍﺣﻨﻪ ﻭﺗﺘﻜﻄﻊ ﺍﻟﻔﻜﺪﻩ

كتله عموو شكو

ماكو شي بس اخوج اجه ويستقبلوو

الحمدالله ماكو شي فرحت بجيت شمس ع الأقل يغير جو ع امي ادري بيهه روحهه من الدنيا شمس
نزل عمي كال لاتنزلن اسوي طريق

وره دقايق اجه كال يله بويه نزلنه اني وعمتي من باب الكراج فتنه الزلم نص بلطرمه نص بلصاله
فتنه للمطبخ لكيت ساره

اجت حضنتني وضلت تبجي كتله شبيج قابل ميته باوعتلي وتمسح دموعه ولج مابينه حيل غير امي تموت عمتي كالت فوتن جوه يمه اخاف الزلم تطلع تغسل تتوضهه طبينه سالت ع امي كالت ساره

ماكلنالهه عليج بس حست بلهوسه وكلنالهه خالي حيدر هابط ضغطه وداخ

همزين مابيه حيلهه اضل كلساع منبهتني لو ضل متخلي شي مجيبه أكل

رحت سبحت سمعت اصواتهم كعدوو طلعت نشفت ومشطت شعري

طلعت شفت طفل يمشي كوه يخبل بس غريب مااعرفته المن دااشيله التفت ع الصوت صاااح أدم رفعت عيوني شفت بنيه ولازمه ممه تخض بيهه

كالت يااا هاي انت نبأ واجت بوستني كتلهه العفو منو جان تضربني ع كتفي معرفتيني اني مرة اخوج شمس انصدمت شبكتهه وضلت تضحك

كتله والله ولاعرفتج متغيره وحليانه لعد شمس وينه كالت يم الزلم خطيه قبل شويه اجه من المستشفى

شلت ادومي بوسته ضل مستغرب برطم اخذته ترضعه كلبي يم شمس مشتاقتله عود متحضرين لستقباله بوجه صارة حادث صارلنه 10سنوات مشايفينه حضرو الريوك شفت امي كاعده رحت حطيت راسي بحضنهه كالت هاي يمه شبيج

كتله مابيه شي
جابو الريوك كعدنه نتريك كملت قبلهم رحت اغسل وسمعت صرخت امي

يمه وليدي رحت ركض شفته شابكه شمس وتبجي وهوه يبجي يمه بعد بيتي وتبوس بي وهوه حاضنه كعدوو واني دموعي ع خدي

ضلت تحجي وتبجي وهوه يبجي اجت سارة حضنته وضلو يبجون

يمه ماردنه هيج نستقبلك حضرنالك فرقه ولك يمه ساعه سوده وصارة ابوك واخوك بين الحياا والموت وكامو يبجون

هناا انهاريت كمت ابجي واشهك لحد مااختنكت شافتني ساره صاحت نباء

اجت يمي كالت اختنكتي هزيت راسي ركضت اجيب البخاخ امي صاحت يمه بنتي اجت ساره خلت البخاخ بحلكي خلصت نصه يله فكني التنك

باوعت شفت شمس صافن عليه دار على امي هاي نبأ

اجه يمي حضني عصرني  حسيت بوجود ابوياا كمت ابجي بحركه وهوه يمسح ع راسي باس جبيني  كال كبرانه معرفتج

دنكت كومني واخذني يم امي التمينه وضلينه نسولف واكثر شي ساره تسأله ويباوع علينه كأنو يريد يحفظ اشكالنه

أمي شويه نست البجي وشمس نساهه مخله شي محجااا متغير هواي مو ذاك شمس وجبروته
وبعدني اخاف واستحي منه

اجت زوجته ندى شاركتنه استغربت شنو ماما هستوهه

شافت شمس وندى شوكت شافته حتى مسلمت ع ماما
اجه  احمد ابن عمي كال بابا يكول اجوو جماعه ع عمو شمس

كام شمس باس راس امي وطلع
سالت ساره ع ندى

اي مو البارحه من ودوج للمستشفي اجت جابه عمو من بيت اهلهه

كتله شوداهه البيت اهلهه

كالت مو شمس من وصل وداهه لهلهه وهوه راح كبل

للمستشفي البارحه عمو حيدر جابهه كايله شمس

هااا خوش مواكول شعجب مسلمت ع امي

اي البارحه امي كلبته نحيب وهي هم مقهوره ع بابا امي تبجي وهاي تبجي

عافتني ساره وراحت للغرفه كمت وياا البنات انظف وقسمنه الحم لان ذبحو ذبايح ع سلامة شمس والمطبخ انترس زفره
وهوسه

ناس تجي ع الحادث الصار وهم ع شمس وبلشن يطبخن بلطرمه من الجه الثانيه بعيد من باب الشارع لان كلساع وجبت زلم جايه

عفتهن مالي واهس بلطبخ وصلت النهاية باب المطبخ الداخلي واسمع بنيه  ادكول

عمه عمه يكولون نائل صحه يمه رجعت الهن ركض لزمتهه

كتله منو كلج كالت جدوو كال عفتهه ورحت لمي شفتهه تصلي ع محمد وتبجي
كعدة ابجي واتحمد امي حجابهه معكدته انذوره ع سلامت اخوياا وابويا يااارب الطف بيناا ادعي وابجي يااربي ابوياا بغلاة روحي

اجت سارة وبت عمي يركضن شكو كالته ماما اخوج يكولون كعد
سارة كعدة تبجي مرة خالي حيدر سميه خاله حرام عليجن تبجن بدال مااتدعن وتفرحاً فتح عيونه

صدك كمت توضيت وصليت
لزمت مفاتيح الجنان طلعت دعاء التوسل اقره وخنكتني العبره ودموعي سبقني ختمته وكمت
لفيت الجادر طبت ساره

نبأ تعالي ساعدينه عيب من البنات
كتله هستوني اريد اجي اعاونجن

طبيت كمت اعزل المواعين المغسوله لان علا وساره وحده تغسل وحده تعلي

سمعت صوت ابن عمو اسماعيل حسن يكول للبنات يحضرن الجاي
ساره :اي هسه احضر دار وجه يطلع صاحته
كم واحد عددكم
كاللهه بينه 13واحد

سمعت صوت نسوان بلطرمه رفعت البرده شفتهن جيرانه طبن للبيت من باب الهول لان صاير ع

الطرمه

كملنه غسل سارة ودت ابن عمو حيدر يصيح حسن اجه كال زيديهم 4
عفتهم وطبيت للهول الداخلي مرة شمس كاعده وتهز بأدم حتى ينام
كعدة يمهه شلونج اخبارج

الحمدالله انتي شلونج ولج كبرانه وحليانه

ابتسمت اي ادومي شكد صار عمره

تقريبن حيدخل بلسنه الثانيه

وين وصلتي بلدراسه

خامس علمي

اي خوش شدي حيلج اجن بنات عمي يسولفن وياهه مخلن سؤال مسألنهاا
هي سبورته ونفسه طويل متحمله اسألتهن

عفتهن ورحت للغرفه اذكرة القاصه ركضت دورته لكيته مكانه فتحته ضليت اكلب بيه لامرايح شي منه رحت الغرفت امي دوره ع المفاتيح ملكيتهن حطيت القاصه ع الميز وطلعت

طبيت للهول نسوان بعدهن شاورتهه ع المفاتيح كالت يم مرة محمد
امي تموت عليه وهي امينه ونادره والكل يعتمد عليه
حتى بيت عمي اسماعيل محد يستغني عنه رغم محمد مشوفه الويل وجارعته خطيه متحجي شي

شروق
هااا
عفيه اريد مفاتيح كنتور امي
كالت اي هسه خلي اغسل ايديه
غسلت ونطتنيااا
رجعت ضيم القاصه ونطيته المفاتيح

رحت الغرفتنه طفيت الضوه
ردة انام
اجت بت خالي يا ولج شكد كلبج بارد
هاي شبيه كتله شكوو شبيج تحجي ودور بلجنط مدري ع شنو كالت دكومي الدنيا مكلوبا بره وانتي هنا منبطحا ونايمه
كلبي رجف شكو بره بسرعه كمت تلفت الغطا وطلعت وصلت للهول واسمع عياط وحجي امي
..........يتبع

بيوتي بلندر وطريقه 🤓استعماله
مثل ماكتلكم من تستعلمو بطريقة الطبطة 👆🏻ولازم الاسفنجه رطبه

وقبل كلشي ضروري قبل ماتحطين ميك_اب كون اسفنجة منظفتها..لان اذا استعملتيها وهي مونظيفة.ف رح تسببلج حبوب💔 وتكون متجمعه عليه بكتريا

فالأفضل قبل ماتخلين مكياج..كون الاسفنج والفرش نظيفات☺️

#اعادة_توجيه_لصديقاتكم
#ملوكه

6اشياء من أخطاء المكياج☹️

#اعادة_توجيه_لصديقاتكم
#ملوكه

فقرة دير بالج تسويها سندوسه

1-ديري بالج تخلين كحله وتنامي بألليل خصوصا اذا كانت تسيل راح تكعدي كأنج باندة صايرة 😂

2-ديري بالج ترشي أي عطر على أي فضة عندج او على رقبتج مباشرة لانه ح تصير سودة مصخمه 😂 ف حاولي ترشي العطر ع ملابسج قبل ماتلبسيهن😘😘

3-ديري بالج تلبسين شحاطه (تكرمون) ويا اي لبس مالت طلعه حته لو چان كشخه لأنه صدكي ح يصير نشاز ويخربلج اللوك والستايل مالتج كلياته

4-ديري بالج😂 تعوفي وجهج بدون عناية مدا اكولج استخدمي كريمات او شيء يكلفج ماعندج ثلج بالبيت ؟ كل يوم جمدي ثلج بالمكعبات مالت الثلاجة ومشيها ع وجهج راح يصير دمعه صدكي 😍 وتختفي المسامات وينشد وجهج

5-ديري بالج ألف مرة 😭 تطلعي من البيت بدون ماتخلي بالجنطه وياج كلينكس لانه اكيد الشوز مالتج يتوصخ وتحتاجي تنظفيه ف حاولي يبقى وياج مناديل

6-ديري بالج تغسلي البيت وانتي حافيه لأنه رجلينج راح تنعدم كلششش وما راح تكدرين تعالجينهم ونصيحه سويلج خلطة ب علبه زغيرة فازلين وحمرة سحرية كون تخبطيهم خبط وخليهن قبل النوم ولبسي جواريب ☺ شوفي شلون رجلينج راح تنعس وتصير حمرة 😍 كأنه مغسله ب حليب

#ملوكه