ن ماكو..

كتلها الله يرزقكم انشالله.. وصلنه للعماره مال الدكتوره النسائيه.. ردت ادخل.. صاح كمال..

سمر انتي هم عل نسائيه.. كتله لاا اشعه لراسي وفحوصات..

كمال. اي لعد تعاي مو هنا الدكتور بغير عماره..

نسرين.. روحو انتو.. اني ما عليه شي.. من اكمل اخابركم..

كمال.. اوك حبيبي.. عود رمشيلي من تكملين.. يله سمر..

اخذني لغير عماره.. دخلنه سجلنه على اشعه.. وسويت.. وطلعنه بره انتاني.. كملت.. اخذناها ورحنه للدكتور..

جان الدكتور لسه مجاي.. وكدامنه 15 واحد.. بالسره.. كال كمال تعاي دنفتر ؏شارع فلسطين.. بين ميجي الدكتور ويكملون..

طلعنه.. نتمشه.. صراحه خجلانه منه.. واخجل احجي وياه على كد الكلام.. بس هوه سبورت ماخذ راحته ولا كأنو غريبه.

بقينه نفتر علشارع.. كال تحتاجين شي. كتله لااا ابدا.. نمشي..

كمال.. بكر شيصير منج.. ؟

سمر.. ابن عمتي واخو زوجي بنفس الوقت..

كمال.. هممم.. بس العلاقه البينكم حسيتها اقرب من هيج..

سمر.. يعني شلون.. ؟

كمال.. ما اعرف البارحه من استقبلته وبقيت وياه حسيته متضايق.. وخوفه عليج باين

سمر.. هممم.. ما اعرف هوه من تزوجت لليوم متكفلني.. بعد ما زوجي هملني..

كمال.. ليش هملج..

سمر.. مسولفتلك نسرين..

كمال.. ما حجينه بيج مصار مجال.. اجي تعبان وانام اكعد اطلع.. لهيج ما دريت .. بس امي كالت البنيه مضطهده.. ولازم تساعدج

سمر.. اهاا..

كمال.. اي مكلتيلي.. بكر شنو يعنيلج.. دنحجي خابرت نسرين.. رفعت خط ها نسرين.. منو .. هااا اي زين انطي رقمي خل يخابر.. اوك يله..

سمر.. شوو

كمال.. ابن الحلال بذكره.. بكر متصل بنسرين.. جاي ومحد طالع.. ومخابر نسرين.. دك موبايلي..

اكلج.. رقمه نهايته 55 ..

سمر.. اي..

كمال.. اي لعد هذا هوه خابر.. ردي عليه..

سمر.. اخذت الجهاز.. الو هاا بكر..

بكر.. سمر هاي انتي.. لج بربج غير تنطيني خبر من طلعين صار ساعه ادك بلباب..

واستحي اخابر علبنيه.. بعدين من لا جاره خابرتها وتكلي انتو بشارع فلسطين عود صدك..

سمر.. اي صح احنه هناك..

بكر.. بيا عماره..

سمر.. ما اعرف.. انداريت لكمال يا عماره.. كال التاج يمكن.. كتله عمارة التاج..

بكر.. يله مسافة الطريق اني يمكم..

سمر.. اوك.. سديت انطيته الجهاز ابتسم.. كتله اي اللي بداخلك صح بدون متحجي..

كمال.. ههههه ليش شنو البداخلي..

سمر.. ما اعرف عيونك دتلمح لمعرفة شي انته شاك بيه..

كمال.. يحبج.. ؟

سمر.. هزيت راسي. اي.

كمال. بس اخو زوجج هذا شلون..

سمر.. هيه هنا المشكله.. لهيج اني انهزمت.. لا كادره اكمل ويه اخوه.. ولا كادره اعيش عدهم.. واكابله.. ولا اكدر اطلك..

حاولت انتحر وخفت اخسر حتى ربي.. لهيج قررت انهزم.. بس من بكر ماكو مفر احس اني طير وهوه كاعي شكد ما الف لازم ارجعله..

كمال.. ما اعرف باحساسكم.. بس كـ نصيحه مني الج.. غلط مشاعرج ..حاولي تصلحين غلطج.. اخلصي من اخوه اول..

وبعدين ابدي ويه اللي ترديه.

سمر.. وهوه كذلك.. بس اريد اطلك من عادل هسه.. وبعدها اشوف نفسي..

كمال.. الله يكتبلج اللي بيه الخير..

سمر.. تسلم..

كمال.. يله تعاي نرجع.. بلكت وصل الدكتور..

سمر.. ٱפگـيہ.. رحنه صعدنه العماره.. جان الدكتور جاي.. وكدامنه 9.. بقينه كاعدين ننتظر..

وصل السره لل3 دخل بكر.. كال.. متت واني ادور شنو السالفه حتى متردون علاتصال..

باوع كمال لجهازه.. كاله صاير صامت اعتذر منك...كاله لا مشكور مدام قمت بيها وجبتها..

روح اخذ راحتك خاف زوجتك. اتانيك. كال اوك انتظركم.. كال بكر.. اني اجيبها الكم.. اخذ راحتك.. لا تنتظر

سمر.. كعدنه ننتظر دورنه. وصلنه السره شاف الدكتور الاشعه.. كال زين الفطر ملتئم نسبيا..

بس تبقى شغلة الاغماء صعبه.. انطانه علاج وصى ؏تعليمات وشلون اخذ حذري واعتني بنفسي.

بأكل بشرب.. بنفسيتي.. كملنه.. طلعنه اني وبكر بالسياره.. كال وين تردين يا مطعم..

كتله رجعني.. كال خل اعشيج بالاول.. كتله بكيفك.. مشى وبقى ساكت.. بس شغل اغاني بالسياره ..

بلهفه وحنين وشوگ صابر واتاني حبيبي.. كتله اووو هاي بعدك ؏حسين البصري متشبع منه..

بكر.. هههه ثقي بكل اغنيه اله اتخيلج انتي واجسدها عليج.. من لما جنتي زغيره وانه اسمعه واغنيلج وانتي مو داريه عني..

سمر.. ههههه بلهفه وحنين وشوگ .. متانيني..

بكر.. لااا البداخلي مشاعر اكبر من الحنين ومن الاشتياق.. بداخلي نار ما تطفى غيررر..

سمر.. غير بشنو ؟؟

بكر.. وصلنه.. يله انزلي..

سمر.. ههههه هذه عادته لبكر . لو حاول يتهرب من الجواب يغير الموضوع .. ويبقى الجواب حاصر عيونه..

نزلنه اني وياه.. تعشينه بدون كلام.. بس عيون تحجي بيني وبينه وابتسامات خفيفه.. ما يحتاج كلام.. غير على كد كم كلمه للحاجه..

احسه يفهمني من عيوني.. وياه اول مره احس العيون الها لغه خاصه.. ما تفهمها.. ا

لا لما يكون هذا الشخص متربع بكلبك..

كملنه.. رجعني لبيت عمه اشواق.. ما نزل.. بس اشترالي جهاز موبايل وكال. شيصير انطيني خبر..

نزلت دكيت الباب.. فتحته نسرين.. كالت فوتي الله جابج. كتلها شكو خوفتيني..

نسرين.. اخوج الاسمه احمد.. ماخذ صورتج وسائل عليج السيطره اللي اخذج كمال منها..

سمر.. اي وشكالوله..

نسرين.. كالوله النقيب كمال اخذها.. خابرو على كمال هسه.. كاللهة سلمتها لمنظمة حقوق الانسان.. ومو عندي حاليا..

وطالبين كمال باجر للاستجواب..

سمر.. دخلت.. كتلها هاا باجي شسوي.. احمد لو عرف بيه هنا يذبحني والله ما يرحمتي..

كمال.. علمود اكص راسه والله بس يتقرب. اخو اخيته خل يواجهني.. اكله انه اخذتها وشتريد تسوي سوي..

اشواق.. مو هيج الحجي ابني.. اتفقت ويه اعضاء المنظمه اليوم و باجر ناخذج اني وكم زميل ويانه تابع..

نوديج لبيت اهلج.. وكمال ويانه.. علمود تكون قانونيا وشاهد.. وناخذ عهد.. لو تأذيتي نسجن اي شخص يتعرضلج..

وراح نساعدج بدعوة الطلاق من زوجج.. لتخافين..

سمر.. بقيت متجمده من الخوف .. لزمت ايدي نسرين.. كالت لا تخافين. والله محد يكدر يلزمج قابل هيه تايها..

كتلها لو اعتبروني عار.. وكالو الاحمد اغسل عارك منو يوكف بوجه العشيره لو قررت. ماكو قانون يردعهم من قتلي..

اشواق.. لو شفتي قررو هيج قرار من بعد تعهدنا وياهم.. ساندي بكر وسافري. واحنه نقوم باجراءت الطلاق الغيابي..

وبكر هوه يتكفل حمايتج بعد لو صرتي وياه..

سمر.. اتجمعت الدموع بعيوني.. يربي دخيلك لا توصلني لهل مواصيل.. ما اريد اوصل للحد اليجبرني انهزم وفعلا اثبت العار عليه..

يا واحد يا احد يا فردا يا صمد .. انقذني ما لي غيرك احد.. اللهي اترجاك ساعدني.. لا تتركني.

خابرت بكر خبرته. كال ادري.. خابرتني امي هسه من فتحت الجهاز. وسألتني انته وين.. كتلها بهلدنيا..

كالت تعال لكينه الخانم . . صرخت كتلها وين.. خفت لا ابيت كمال .. كالت ماخذها نقيب ومنطيها لمنظمة حقوق الانسان..

وباجر احنه نروح ونسأل عليها ونجيبها سحل..

سمر،، بكر ولو حاولو يقتلوني..

بكر.. لو كان هذا قرارهم. ما عندي غير حل اخذج واشرد لحدود تركيا..

وهناك اتفق ويه ناس اطلعنه تهريب.. ما كدامنه غير حل..

سمر.. يا رب دخيلك بلطفك ورحمتك..اشملني.. يــــــتبع

🌺🌺🌺🌺🌺

#حكاية_سمر.. (( الجزء الثاني ))

،،،،،،،،،،بقلم الكاتبه زينب ماجد،،،،،،،،،،،

البارت_3

سمر،، بكر ولو حاولو يقتلوني..

بكر،، لو كان هذا قرارهم. ما عندي غير حل اخذج واشرد لحدود تركيا..

وهناك اتفق ويه ناس اطلعنه تهريب.. ما كدامنه غير حل..

سمر،، يا رب دخيلك بلطفك ورحمتك..اشملني..

بكر،، لتخافين سمر بس قوي نفسج ولا تخضعين محد يكدر يدنالج.. بس لو شافوج ضعيفه ياكلوج..

سمر،، اتوكلت على الله وهوه حسبي ما اكدر اتحكم بكولشي هوه يتكفلني..

بكر،، والنعم بلله ميخيب اللي يتوكل عليه..

سمر،، يله اروح مع السلامه..

بكر،، الله وياج ولتخافين واي شي يصير خابريني ٱפگـيہ.. مو تنسين

سمر،، انشالله .. باااي.. سديت الموبايل .. يربي شلون مشكله .. شلون لو اهلي ما تقبلوني واعتبروني عار..

يربي ردت اعيش بعيده عنهم وهم راح ارجعلهم.. عليك ياربي.. خليت راسي علمخده..

فكره تاخذني وفكره تجيبني.. لحد منمت.. كعدت الصبح.. باوعت الساعه 7..

لبست حجابي ونزلت.. امشي بالبيت .. البيت هادئه.. بس صوت قرائه يجي من الصاله.

دخلت لكيت كمال لازم كتاب وديقره.. تقربت كتله صباح الخير..

كمال.. صدق الله العظيم.. رفعت راسي.. صباح النور..

سمر.. عقدت حاجبي من صدّق.. كتله تقره قران؟؟

كمال.. اي ليش وين المشكله.

سمر.. افتكرتك مسيحي

كمال.. هههه لااا الوالده ونسرين مسيح .. اصلي مسلم والدي من عشيرة بني اسد ..

سمر.. ابتسمت.. حلوو.. اسفه قاطعت ترتيلك..

كمال.. لا عادي دا ارتل بين ميجي السايق مالتي..

سمر.. ليش باجي للان مكعدت..

كمال.. تروح ب9 وتاخذج وياها حتعرضج ؏لجنه يشوفون وضعج علمود يساعدوج..

سمر.. ممنونه منك ومن باجي هوايه.. على مساعدتكم..

كمال.. لا عادي هذا واجب انساني..

سمر.. ابتسمت.. رحت للمطبخ.. لكيت جاي على نار هادئه.. طفيته..

درت كمال وراي.. كال اذا كمل تكدرين تصبيلي استكان.. ولو اتعبج..

كتله لا ولووو .. ثواني.. صبيتله.. جاي وخليته اله علميز.. طلعت جبن من الثلاجه..

قصصت منه بماعون وخليته كدامه. ابتسم وكال شكرا..

عفته وطلعت ياكل براحته.. كعدت باجي .. صارت بوجهي.

اشواق.. ها سمر صباح الخير..

سمر.. صباح الانوار باجي..

اشواق.. لازم نبدل وترحين ويايه للـ لجنه اعرض حالتج.. الهم.. اني كتلهم عليج بس لازم يسمعون منج

سمر.. اي نطاني فكره كمال عن الموضوع. دارت وجهها لكمال وكالتله..

اشواق.. كمال انته هم اريد حظورك ويانه من نودي سمر لاهلها..

كمال.. ليش بشنو يفرق وجودي..

اشواق.. نقيب والك رتبتك وهيبتك.. كلمه حاده منك تهديد .. تنطي عدهم ردت فعل

كمال.. اي عادي ماكو اشكال.. خابريني واني استأذن واجيكم.. اهاااا اجه علاء السايق يله اني اتوكل

اشواق،، موفق .. الرب يحرسك.. طلع.. انداريت لسمر.. يله بنتي خل نتريك علمود هم يله نبدل ونروح ٱפگـيہ

سمر.. انشالله.. رادت تكوم. تسوي ريوك.. كتلها باجي اني اسوي..

اشواق.. لا حبيبتي انتي تعبانه ما اريد اتعبج..

سمر.. انتي مو تعتبريني بنتج .. وتكوليلي البيت بيتج.. خليني اخذ راحتي ابيتي ههههه..

اشواق.. اي والله بيتج واحنه خطار .. فدوه لكلبج بنيتي..

سمر.. كمت طكيت بيضتين عين.. وحميت الجاي وحظرت الطاوله كعدنه تريكنه.. كملنه..

صعدت.. تلاكت نسرين بوجهي.. صباح الخير.. كتلها صباح النور..

نسرين.. هااا وين..

سمر.. راح ابدل واروح ويه باجي علمود موضوعي..

نسرين.. اهاا موفقه.. تعاي دا انطيج ملابس مني..
سمر.. لا عادي البس مال البارحه..

نسرين.. تعاي يا عيني قابل شمنطيتج هيه ملابس..

سمر.. يسلمو.. رحت وياها اختاريت.. بنطرون ابيض وستره صفره وبدي اسود.. والجنطه وياهم..

اخذتهم ورحت بدلت.. كملت نزلت لباجي.. هيه جانت فوك تبدل.. كملت نزلت..

طلعنه بسيارتها ورحنه.. وصلنه عرفتني على ثنين رياجيل وبقو يحجون ويايه ويسألوني واني اجاوب..
وسولفتلهم قصتي بما جرت.. بس مجبت طاري بكر ومشاعره.. فقط معاناتي مع عادل واحمد..

تعاطفو ويايه.. وبقو يحجون ويايه.. ويدعموني ويقووني.. خابرت باجي على كمال..

كاللها نص ساعه واني يمكم.. اني بهلمده.. طلعت خابرت بكر.. وخبرته باللي صار.. كال تمام..

اجه كمال.. رحنه اني وباجي ورجال اسمه مؤيد عضو بمنظمة حقوق الانسان.. بسياره.

وكمال والسايق والحمايه مالته بسياره ثانيه..

وصلت بيت.. اهلي.. لا ارديا جسمي صار يرجف.. والمغص لزم بطني.. خليت ايدي على كلبي..

لزمتني باجي.. كالت لا تخافين.. واجهي بقوه.. ورفعي صوتج وسمعيهم .. ووقفي ظلمهم..

تره الظلم يحيى بالسكوت.. هزيت راسي اي..

كمال.. شحدهم يلزموها ازين شواربهم والله..

سمر.. ابتسمت.. بخوف وبقلق.. دكت باجي الباب..

اني واكفه بسدها.. فتحت امي الباب.. شافتني صرخت وفتحت اديها سمر يمه بنيتي..

ركضت لحظنها ..ماما حبيبتي وابجي.. وتكلي وج يمه ما خلينه لا مس

تشفيات لا مراكز تعتب علينه وين رحتي يمه..

سلمت عليها باجي.. وخرت امي وردت السلام..

اشواق.. نحجي علباب لو نفوت..

امي.. لا استغفر الله تفضلو..

سمر.. دنفوت.. وطلع احمد.. وصرخ بوجهي. ساقطه اجيتي.. اله اذبحج اليوم كلبه..

وهد عليه راد يضربني.. وكف كمال..

كمال.. هوب هووب تايهتلك وتهد عليها..

احمد.. دفعته قوي.. وانته منو وداخل بيتي.. اطلع برا يله براا..

كمال. احترام نفسك لك.. طلع الباج مالته كدامك نقيب كمال امر فوج.. كلمه زايده اشمرك سجن سنه ما تطلع..

احمد.. خاب دروووح يذبني سجن اطلع من بيتي اطلع.. وهاي حسابها يمي..

سمر،، راد يهد عليه،، لزمه كمال بوكسيات وتعارك هوه واحمد .. دخلو الحمايه مال كمال خذوه..

شالو احمد وهوه يصيح سمر والله اذبحج.. سمر اشرب من دمج.. ولج اني عار لو ما طميتج..

بقت دموعي.. تجري.. امي من شالو احمد واخذوه.. بقت تصرخ ابني عوفو ابني..

وتتعارك وياهم شرايدين من عدنه انتو امشو مالكم شغل بسمر احنه نحل مشاكلنه امشووو عوفو ابني ..

اشواق.. ام سمر عيني.. احنه مو ناوين نعتقل ابنج ولا جاي نهددكم..

احنه من منظمة حقوق الانسان.. والمنظمه اتبنت قضية سمر..

سمر لو تعرضت للضرب او تأذة راح يعاقب كل شخص يأذيها بالقانون.. وهذا النقيب كمال والاستاذ مؤيد شاهدين على تهجم. اخوها ومحاولت قتلها كدامنه..

امي.. شتردون انطيكم بس عوفو ابني.. ولج سمر ناويه تهجمين بيتي.. احجيييي..

سمر.. باجي فدوه عوفوه اعرف اني راح انكتل .. ما اريد اورطكم ..

اشواق.. سمر تهدي وقوي نفسج.. التفتت لكمال.. كتله اتركه.. وهدده لو سوه شي تاخذوه..

راح كمال شوي واجه جايبه والحمايه وراه.. واحمد بده ياكلني وهوه واكف..

دخلو جوه كعدو بالصاله.. بابا جان نايم جوه.. من سامع بالصياح.. مخلي نجوى تشيله على كرسي متحرك..

واجه.. شافني دار وجها مني.. ويحجي وي امي والسانه ثكيل شفته بهلوضع انهاريت..

كمت ابجي.. اجت نجوى حظنتني حيل وتبجي وتكولي سموره والله خفت صاير عليج شي..

والله ردت اجن بغيابج.. عبالي انتحرتي. بوستها وكتلها الله موجود ما تاركني..

دنحجي وطب عادل لزمني من راسي.. وضربني بوكس على حلكي ضل يجري دم وهم فوكاي

ويصرخ ساقطه بنت الكلب تردين تفظحيني تشردن من بيتي.. تردين تجيبيلي العر.. ولج احنه عار اذا ما كتلناج.. بقت نجوى وامي يدفعوني بيه واني اصرخ وهوه يضرب

لحد ما لزمه كمال ودفع للحايط وجرتني باجي اشواق وراها واني ابجي وامسح الدم من حلكي

واصيح .. الله لا ينطيك يا كلب يا حقير .. ما كفاكم اخذتو حتى طفلي البطني.. شاريد مني بعد شرايد هيه بس روحي بقت اخذوها وخلصوني..

اني اصيح وهوه يصيح ويغلط ويكول اشرب من دمج والله ولازمه ابوه وابن عمه صلاح..

كمال.. لك انته صاير رجال وتتقوه على مره.. تفوو💦 علمراجل اللي تستقوي علنسوان..

عادل ..انته منو وادافعلها ابن الكلب.. صاحبها .. اكيد لاعبه وياك ال****** ..وجاي ادافعلها.. وبقى يتضارب ويه كمال

سمر.. عادل يصيح وكمال يصيح ويبوو الهوسه ما تعرف منين واحمد لازمينه الحمايه بالصاله..

يافضيحتج يا سمر منين ما اخليها سوده مصخمه..

وهمه يتعاركون.. ادخل الاستاذ مؤيد ..

مؤيد.. تره هذي مو حاله.. شنو هلتهجم على هلبنت المستضعفه..

فعلا طلعت مضطهده من قبل اقرب الناس الها.. بافعالكم. هاي عبالكم ما تتحاسبون..

هذه انسان واذيتها راح يعاقبكم عليهارالقانون واني والنقيب واالاستاذه اشواق نشهد على الضرب والتهجم اللي تعرضتله البنت سمر..

خليل.. قانونيش هذا يابه .. القانون ما اله دخل بينه.. بتنه شردت من بيتنه ونريد نربيها..

احنه ناس ولد عشاير .. شنو تاليتنه نسوانه تشرد من بيوتنه.. وما ندري وين تهرم وتلعب ..ومن نريد نحاسبها يوكفلنه القانون..

مؤيد.. تحاسب بنت ما غلطت .. ميجوزلك ولا يجوز لاي عشيره كانت.. لو ماسكها بفعل حرام جان القانون اعطاكم الحق. .

بس البنت عدها شهود ان هي كانت مريضه وتتعالج ومكانت بغير وضع..

والنقيب كمال يشهد هوه وحمايته وافراد سيطرة الاسكان ان سمر جانت طالعه فجر الساعه 4 وعشره تحديدا ..

وجانت بحاله يرثى خارجه من عمليه جراحيه بيومها واغمى عليها.. وتم نقلها للمستشفى ومعالجتها

واكو تقارير مشتشفى وكلام دكتور يثبت هذا الشي وان هي كانت تعالج ما كانت بغير مكان..

فاي عشيره واي تقاليد تحكم على بنت بالقتل وهيه ما اذنبت.. احنه مو بغابه والقانون ومنظمات حقوق الانسان وجدت..

لنصرة هكذا اناس مضطهدين.. واكولها كدامكم.. سمر بالغه وقضيتها انرفعت واني والست اشواق والنقيب كمال

شاهدين على تعرضكم الها وضربكم واراقت دمها.. وقادرين هسه ناخذ زوجها واخوها ونحكمهم..

بس احنه ما نريد نعقد الامر.. وخاطب بالتي هي احسن.. راح نجي بالحسنى.. لو شفنه الحسنى ما فادت ..ذاك الوقت راح نتصرف قانونيا ضدكم..

سمر.. بقو يجادلون ويحجون وعادل يحجس ويفشر بصفحه وكمال يرد عليه وعمو

خليل يحجي والاستاذ مؤيد يرده..

واصواتهم ضخمه تعالت بالبيت .. بهلاثناء ابوي يحاول يحجي بس صوته كوه يطلع..

ما تحمل وتخربط.. ضجو بيه.. واخذه احمد وخلاه بالسياره وركض بيه وامي تلطم على خدها وتدعي عليه

عزا العزاج سمر.. راح تذبحين ابوج.. راح تموتيه من وره مصايبج.. بقت باجي اشواق تهدي بيها وتحجي وياها..

واني ونجوى واكفات يم الدرج ونبجي.. انوب دخل استاذ مؤيد وعمو خليل وعادل وابن عمه صاحوني..

اجيت كعدت بالصاله حجه وبايه استاذ مؤيد.. كال بنتي هاي احنه هنا كاعدين لنحل موضوعج..

شنو اللي ترديه.. كتلهم ما اريد شي غير طلاقي من عادل..

صرخ عادل.. واليكول اني ميت على شكولج بنت الكلب.. ولج انتي خلج كح.. شمروج على كلبي وخلوني استر عليج..

كاعده بنص بيتي وتعشك اخوي شايفين هيج سامعين بيها قبل مره تعشك اخو رجلها..

ولج مو زين اني صابر على خياساتج.. لو ما امي من زمااان اني شامرج وخل يكون بعلمج يحقلي اخلي طلقه براسج واكتلج..

مؤيد.. لحظه لحظه لا تاخذنه بصياحك ابني.. تتهم زوجتك بعلاقه غير شرعيه مع اخوك.. هذه تهمه خطيره ..عندك دليل يثبت هلشي..

عادل.. كلها تدري الساقط الماخذ دور العاشق الولهان شنو مشاعره اتجاها..

سمر.. اذا تعرف بمشاعره وبكر عنده هيج مشاعر وانته تدري بيها وساكت اذن انته مو رجال وفد واحد مكرن

وقابل تخليني على ذمتك وانته تعرف مرتك عدها علاقه ويه اخوك.. كام يغلط ويفشر بصياح..

كعدوه. كالو سمر اكو هيج شي بينج وبين اخوه توجد هكذا علاقه..

كتلهم ابدا.. بكر رجل وكفلي وكفة اخ.. وهذا الكدامك اليكول سترت عليها.. ما ستر عليه.

وانما تفاوض ويه اخوه عليه وباعني اله ب10 ملايين.. اكو رجال يبيع مرته لاخوه بفلوس..

عادل.. ولج بنت الكلب اني بايعج بنت*****

سمر.. اي بعتني والكل يشهد. وره زواجك انته المصرف تاخذه من بكر وما عندك اي وضيفه منين جبت فلوس المهر والزواج لما اتزوجت..

جيبو بكر وهوه يشهد اخذ من عنده 10 ملايين في سبيل ما ينطيني لاخوي ويذبحني ويستر عليه.. واني اصلا لاغلطانه وي احد ولا ابد. وهوه كولش زين يعرف هلشي.

وكال لبكر انطيني الفلوس وانته شيل مسؤليتها.. وعشت عمري كله على بكر الربع دينار اخذه من بكر..

ما كلف نفسه فد يوم وصرف عليه.. حتى توصيلة الجامعه جان بكر متوليها ياخذني ويجيبني..

وين جانت غيرتك من هوه شايل مسؤليتي ومتولي حمايتي ودراستي.. يا رجل يا محترم هسه جاي اطلع بكر مو زين وعينه نكسه.. العايش كل عمرك بخيره

عادل.. رجال و غصبا عليج كح… اني جنت مأمن بيكم تاليتكم تسافرون لالمانيا الله يعلم شصار بينكم هناك..

واجت مناك كبل طلبت طلاك.. ولما احمد ما قبل وكسر راسج وراد يكتلج..

بكر الكلب كعد يتوسلي علمود ارجعج على ذمتي وما انطيج لاحمد يكتلج..

سمر.. لك عيب استحي واحفظ مي وجهك هذا الكلام يقلل منك ميرفعك تتهمني هسه عندي علاقه ويه اخوك.. وانته مبقيني ابيتك وممطلكني..

.. لما جنه بالمانيا رحنه علاج لعيونه والكل يشهد بهلشي.. وابراهيم جان ويانه مسافر..

جيبه وخل يشهد شنو جنه نسوي بالمانيا.. ولما طلبت الطلاك من. وره كلامكم عليه..

رحت وياه اساعده بصفته اخ.. اشكال والوان الحجي شمرتو عليه.. وطلعتوني ساقطه..

وقررت اتركم عشنو باقيه وياك متكلي انته هم رجال وابقى وياك بس غير ضيم اهلي شامرني عليك..

مؤيد.. ابني عيب تتهم زوخج باخوك وانته ما عندك دليل عليهم .. اللي فهمناه من الكلام ..اخوك جان متكفل مرتك..

وشايل مسؤليتك.. وانته اللي انطيته وسمحتله يتكفل مرتك.. ومدام انته حملت اخوك حمايتها ومسؤليتها..

عيب تجي تتهمه بهيج تهمه وتكول عليه عنده علاقه وياها..

عادل.. شتهم ولكم انتم تفهمون لو لا .. يابه احجي لخاطر الله .. ما جان الليل كله يبجي ويصرخ باسمها وهوه سكران

ما رفض يتقرب المرته عروس علمود سمر. ما قرر يترك مرته ويسافر بس لان سمر حبلت مني..

ولكم كل هذا بالعه وساكت من وره امي اليوميه تحجي براسي وتكلي اسكت..

كله من وره امي علمود المصرف والفلوس الينطيهايه بكر خلتني ارضى اسمع اخوي يصيح باسم مرتي واسكت..

مؤيد.. هذه اتهامات خطيره ابني .. انطينه دليل ملموس يؤكد ان اكو علاقه غير شرعيه بين سمر واخوك..

انطينه شاهد واحد على كلامك..

عادل.. بويه احجي شبيك ساكت.. مو انته اليوميه تجر بكر من الكراج وهوه لازم العود ويغنيلها ويصيح بسمها.. وتكله فضحتنه

خليل.. عادل تجاوزت حدك.. عيب بكر اخوك الجبير وما يسوي الكلته.. بكر ابني واعرفه ذهب ما يطلع منه الشين.

سمر.. فرحت بداخلي من عمو خليل ما انطه ابكر.. واني اعرف خليل كولش زين يدري بمشاعر بكر.. بس ما انطه بيه.

لان بكر هوه الكل بلكل الهم ولو اعترف عليه راح يخسره .. وخليل حيل يحترم بكر وما ينطي بيه حتى لو سوه الغلط..

سمر.. شفتو.. ابوه بنفسه ديكذبه ولسه يتهمني.. هيج رجل من حقي اطلب الطلاق منه. لان ما شفت منه غير الاذيه والقهر..

من حقي اعي

ش براحه.. لا غلطت ولا ارتكبت حرام .. ودا اتعاقب بدون ميطلع مني غلط..

همه يتهموني بكلام ويصدكون نفسهم.. عادل كام يشيل روحه ويركعها ويتحلفلي ويصيح وعافنه وطلع ..

وخليل مخنز عليه شلون هيج حجيت.. طلعو كلهم باوعتلي باجي اشواق وكالت التليفون يمج اي شي يصير وياج خبرينه..

كتلها انشالله.. كالت احنه اخذنه تعهد لو تعرضولج بعد نتصرف قانونيا ونحكمهم ..

طلعوو.. اجت امي.. كالت الله ياخذج ولج فضحتينه ولج مي ما خليتي بوجوهنه مي نزلتي روسنه .. انتي ما تستحين..

-شسويت يمه. هاي فوك ما تصيرين ويايه وتنصريني.. تصيرين ضدي.. شسويت..

-الا كولي شنو الما سويتيه.. ولج يمعزايه اكو وحده تسوي سوايتج.. تشردين من بيت رجلج.

-يمه شردت من بيت رجلي من ضلمهم.. ما شردت ويه صاحبي لغير محافظه وكسرت وجوه اهلي..

حجيت هيج.. ضربتني راشدي حيل..

-وج سمر تعيريني .. ولج بت بطني تحجين وياي هيج.. انعل الساعه الجبتج بيها حقيره

-يمه كافي لخاطر الله كافي.. مليت تعبت مليييييت ..تحللون النفسكم وتحرمون عليه.

انطوني ذنبي شسوووويت.. اكدر اسوي السويتيه انتي.. واشرد ويه اللي اريده واعوفكم وراي وما اهتم لسمعتكم

واعيش اجمل حياة بعيده عنكم وعن ظلمكم.. اكدر باستطاعتي كولشي اسوي وما سويت..

ليش جاي اتعاقب.. يعني تجبروني علحرام كوه.. يمه حرام عليكم والله.. تعبت والله تعبت..

لا روح ولا جسد ضل عندي.. حيل ما ضل بيه من القهر والله .. دكاااافي.. عفتها وصعدت ابجي..

اجت يمي نجوه تبجي وتمسح بدموعي.. كتلها نجوى شسوي مليت.. ولج بكر ينتظر الكلمه مني..

علمود اروح وياه ونعيش حياتنه.. ورافضه وساكته ومتحمله.. علمود لا ااجيبلهم العار وتالي اطلع مو زينه..

نجوى.. بكر يعرف بيج.. انتي وين جنتي..

سمر.. مسحت دموعي.. كتلها اي..

نجوى.. وج شلون عرف هوه الاجانه متخبل وكال سمر ماكو..

-شوكت اجاكم…

-قبل يومين من الصبح جان حيل مقهور ويدور عليج..

-اي خابرته بيومها بليل وكتله ودليته عليه..

-وما كاللنه واحنه ميتين اندور عليج..

-شيكلكم.. بيومها دخلت مستشفى.. وحارو بيه

-صدوك اتذكرت شلون وكع طفلج اتخبلت من سمعت حامل واجهضتي شلوون عادل مو ميتقربلج.
-لج الكلب تقربلي بليله وطبعا بتخطيط وجبر من عمتي ساميه.. علمود تجبر بكر يأيس مني وياخذ مرته..

-واخذها..

- لاا بس سكر كولش لحد الثماله بيومها لما عرف عادل متقرب مني.. وهمه استغلو الوضع وخلوه يدخل على مرته..

- خطيه والله يكسر خاطري لو تشوفيه شلون اجانه هنا والدموع تلمع بعيونه وهوه يصيح راح اتخبل وين الكاها..

-ابتسمت.. مسحت دموعي.. ذكرتيني بيه.. خل اخابره انطيه خبر هسه تلكين بكلبه النار..

خابرته.. رد .. الو هااا بكر..

-وج يمعوده متت وين صرتي .. شصار فهميني..

سولفتله الصار كله..

-عادل واحمد مراح يعوفوج سمر.. راح يتفقون ويقتلوج حظري شغلاتج خل اجي اخذج..

-ميسوون شي بكر الاستاذ مؤيد خوش حجه وياهم وباجي وكمال ما اعتقد يسوون شي..

-وج انتي تضلين غبيه.. وين اكو قانون بالعراق ويحميج من العشاير راح يموتوج ويكولون انتحرت لو اختفت..

-بكر والله ما اتوقع هلشي .. كافي عوفها على الله..

-نجوى يمج

-اي

-انطينياها

-هاك.. اخذته نجوى كالتله ها بكر..

-نجوى فتحي عيونج واذاناتج زين واتسمعي بانحاء البيت على كل كلمه يكولوها..

تره مراح يسكتون اعرفهم.. راح يحاولون يسون بيها شي. لو حسيتي بخطر خابريني فورا..

-اوك ماشي

-نجوى ما اوصيج حياتها متوقفه عليج.. لو ما درتي بالج عدل ممكن يكتلوها وياخذوها واحنه ما ندري

-لا هاهيه والله راح انزل وابقى مراقبه..

-اي فدوه عفيه ما اوصيج.. انطيني سمر..

-الوو هاا بكر..

- سمر كل ساعه تراسليني.. مو ضروري تتصلين.. حتى لو مسج وطمنيني انتي بخير ٱפگـيہ ..

- ٱפگـيہ

-يله باي .. راح يضل بالي يمج هااا مو تنسين كل ساعه طمنيني لتخليني بالنار..

-افتهمت.. مع السلامه. وج هذا هوااي متأثر بوادي الذئاب .. دا احسه مراد علمدار ويخطط ويوصي ههههه

-ما خسرانين شي هوه اعلم بيهم ويعرفهم.. نراقب ونشوف..

-لا يمعوده القانون وكف ويايه بعد ميكدرون يحجون كلمه.. شفتيهم عادل واحمد شلون سكتو وطلعو ما كدرو يواجهوهم.. يخافون بعد لا يدخلون السجن

-انشالله تكدرين تاخذين خقج..

- اخذت نفس انشالله.. تمددت.. وكتلها اذا اجه بابا كوليلي راح انام.. كالت ماشي..

نمت لهناك وما احس الا نجوى تكعدني بخوف.. وتصيح سمر سمر اكعدي بساع اكعدي..

كتلها شبيج ها شكو شصاير.. كالت جابو بابا هسه ونومو بالصاله وطلعت اجيبله شرشف

واسمع احمد يحجي ويه عادل ويكله اي اليوم بليل اكتلها موت وعود انتظركم حظر سيارة صلاح نشمرها ؏سده

ونغسل عارنه ولا من شاف ولا من دره المهم نبيض وجهنه بين العشاير ونكتلها.. يتبــــــع

🌺🌺🌺🌺

#حكاية_سمر.. (( الجزء الثاني ))

،،،،،،،،،،بقلم الكاتبه زينب ماجد،،،،،،،،،،،

البارت_4

سمر ،،نمت لهناك وما احس الا نجوى تكعدني بخوف.. وتصيح سمر سمر اكعدي بساع اكعدي..

كتلها شبيج ها شكو شصاير.. كالت جابو بابا هسه ونومو بالصاله وطلعت اجيبله شرشف

واسمع احمد يحجي ويه عادل ويكله اي اليوم بليل اكتلها موت وعود انتظركم حظر سيارة صلاح نشمرها ؏سده

ونغسل عارنه ولا من شاف ولا من دره المهم نبيض وجهنه بين العشاير ونكتلها..

بقيت صافن.. صرخت بيه سمر دكومي شبيج..

-شسوي نجوى وين اروح اخاااف .. بقيت ابجي..

-لج يا حبيبتي ما كدامنه غير حل .. خابري بكر خل يتصرف.. وخابري هاي التعرفيها بالمنظمه.. بلكت هم تكدر تتصرف بهلوضع..

-وين موبايلي.. بقيت ادور..

-هذا هذا..

-اوووف يا الله مطفي.. وين الشاحنه..

-جوه .. راح انزل اجيبها..

-لحظه اجي وياج اشوف الوضع.. نزلنه ثنينه.. اخذت الشاحنه.. شفت بابا دتنومه ماما..

اتقربت.. امي كالت اطلعي سمر.. كتلها ماما بس احظنه..

-ابوج تعبان يمه بعدين اطلعي هسه

-بابا حبيبي .. والله مسويت شي.. سامحني لو اذيتك بدون قصد.. جنت متوقعه من ابويه ردت فعل عنيفه ضدي..

بس العجيب فتحلي اديه.. من شفته فاتحلي حظنه اووف مثل واحد محترك ويريد يشمر روحه بنهر ويرتاح..

رتميت بحظن بابا ابجي وهوه يبجي خطيه.. ويحجي كلام كوه ينفهم.. باوعتله واني ابجي..

يكولي بابات دفعتي ثمن اغلاطي.. كتله لا بابا اغلاطي اني.. انته مغلطت وياي..

كال لااا جنت اعتقد هيج بس الله ضوكني نفس النار الضوكتها لجدج ابو امج..

لما جنتو تحجون وتتعاركون واتخربطت.. شفت جدج سيد حسن .. امي كالتله شفت ابوي..

كال اي.. جاي يتشمت يكولي هااا عبالك حوبتي ما خطتك.. من نهبت بتي من بيتي وكسرت وجهي..

انه سيد ابن رسول الله.. وانته جنت متجبر عليه برتبتك .. واخذت بتي من بيتي وكسرت وجهي وجبرتني اسكت..

دار الزمن بيك وخلاك الله بنفس الوضع الحطيتني بيه.. بتك تشرد وتكسر وجهك.. وبعد وبعد..

بقيت صافنه بوجه ابويه.. كتلها ماما ليش جدو شبيه..

-من اخذني ابوج من بيت اهلي وشردنه سوه ابوج جان ضابط بجيش العراقي..

وابوج هدد ابوي..لو تقربت من حياتنا .. او تحاول تأذي رجاء.. راح اتهمك انته عميل للخميني بذاك الوكت جانت اكو حرب بين العراق وايران..

وابوي خاف على اخوتي.. من ابوج واتبره مني .. بس كتله القهر من بعدي.. انجلط بعد ما انهزمت.. وعلى اثر الجلطه مات..

كتلها يعني بابا صدوك جان ناوي ينطي بخوالي.. كالت لا بس هيج تهديد هدد ابوي علمود لا يتقرب مني..

لان ابوي الله يرحمه جان رافض الزواج من غير سيد.. يريدني بس لولد عمي.. ما يقبل نتزوج غربه..

عده العلويه ما تطلع من نسل الساده وتتزوج غريب.. واني حبيت ابوج وطاوعته وصار اللي صار..
حجه ابوي.. جنت احسها هينه وخلصت.. بس ما حسّبت للدنيا دولاب تفر تفر وترجعك لنفس المكان الخليت غيرك بيه..

وهاي اني جاي ادفع ثمن اغلاطي ويه سيد حسن.. من كسرت وجها واخذت بنته غصب..

كسر وجهي ابنتي.. نزلت دموعه وهوه كوه يحجي ولسانه. ثكيل.. ويصيح ربي سامحني ..

حظنت بابا وبجيت.. وبعدين.. باوعتله..وكتله بابا والله شفت ضيم وقهر ما اعتقد بنيه تتحمله..

وجان باستطاعتي انهزم ويه شخص وارتاح.. واكسر وجهك مثل ما سوت ماما.. بس والله بابا ما كدرت انطي بيك..

كلما افكر بهلاحتمال انته تصير بعيوني.. والله بابا ما هانت عليه تربيتك وحنيتك ودلالك من جنت صغيره..

كل ذوله وكفو بعيوني وخلوني اتحمل المر في سبيل ما انزل راسك.. بس بابا اللي صار مو قصدي والله مو قصدي انهزم..

اختك ضالمه.. يا بابا ضالمه.. وزوجي باعني لاخوه بليلة عرسي

الاب.. باعج بيوم عرسج شنو .. يحجيها بثقل

سمر.. بابا عادل يعرف اني مغلطت ويه احد.. ويعرف اني شنو.. ورغم هذا.. بليلة عرسي اتفق ويه بكر..

ينطيه 10 ملايين وياخذني بكر ويتحمل مسؤليتي.. وبلفعل اخذ الفلوس من عنده واتزوج بيهن..

وبعد ما اتزوج انكلب.. وكام يتأمر ويتحكم عليه.. بابا والله حاولت اكونله زوجه ودوم جان يصدني..

ما اتقربلي الا ما بعد ما جبرته عمتي عليه.. علمود تحقق هدف ابالها.. ومن ليلتها ماسأل عني ابد..

بابا شفت وياهم قسوه وضلم اتحدى انسان شاف بكدي.. بابا من انهزمت مو حتى اكسر وجهكم..

لا والله بابا ما جان هذا قصدي.. بس انتم اهلي وتبريتو مني.. وعفتوني لرجال لا يريدني ولا يتقربلي..

وبس يضرب.. وعيال بس تهين وتستصغر.. بيومها بابا خسرت حتى طفلي اللي حسيته الي امل بالحياة رغم كرهي لابوه..

تأملت يصير عندي طفل اتسلى بيه وانسى اشياء هوايه ابالي.. وبنيت بيه امنيات.. تالي بليله ويوم يضيع مني بدون سبب..

بابا والله بيومها كرهت روحي.. حسيت ما الي مكان بهلدنيا.. والله خوفي من الله المنعني اموت.. الا جان انتحرت من زماان..

احجي وياه وابجي.. وابوي مدنك راسه ودموعه تجري.. مسحتله دموعه.. وكتله بابا كولشي ما اريد بس خ

ليني يمك..

خليت راسي بحظنه.. احس روحي طفله صرت وادور على حنانه.. اتقربت امي من يمنه..

وباست راسي.. نجوى ضحكت.. كالتلها ماما غرت بس بابا حاظن سمر تعالي حظنيني.. حظنتنه ثنينه ودموعنه بعيونه..

بعدين وخرت.. وكلت البابا.. نجوى سامعه احمد ديتفق ويه عادل يجون اليوم بليل يقتلوني بدون علم واحد ويشمروني..

كالت امي خيولي.. اليوم نامن هنا بغرفتنه.. واقفل الباب لباجر نحجي وياه اني وابوج..

خطيه فرشتلنه يمهم.. وبابا شلنه لسريره نومناه.. ونمنه اني ونجوى بغرفة مما وبابا ولازمين ادين بعض ونباوع لوجه بعض ونبتسم..

همستلي.. صدك ولج.. مخابرتي بكر.. كتلها باجر اخابره..

-وج خطيه يضل الليل كله مشغول باله عليج لو ما خابرتي وجهازج مغلق..

-شسوي جهازي طافي وين الكه هسه الشاحنه واخليها بدكمه واشحن اهلي نايمين.. اني باجر اخابره..

-انتي صدك ما عدج احساس.. اني من يمي مكسور خاطري على بكر.. وانتي ممهتمه..

-لج شلون ممهتمه.. والله ابودي اكوم واخابره بس صعب افتح قفل الباب واشحن واخابر.. لا يجي احمد..

طلعت جهازها من صدرها.. وكالت هاج.. دزيله رساله ولا تخليه باله مشغول.. ضحكت..

-حافظه رقمه مـℳOــو

-اي اي.. نحجي همس.. اخذت جهازها.. دكيت رقمه.. ودزيت رساله..

💬بكر اني سمر.. هذا جهاز نجوى اني نايمه بغرفة ماما وبابا.. لتخاف عليه.. تصالحنه اني وبابا وبعد ماكو خطر عليه 💬

دزليتها.. ثواني وجاوب برساله..

💬 احتركو اهلج لج متت خوف عليج والله.. ما مطمن لعادل وصلاح واكفين وديتفقون على شي.. ويخابرون خايف لا متفقين ويه احمد عليج واخابرج ومغلق نشف دمي علعموم اني اصلا صاف سيارتي بفرعكم كلت خاف يصير شي اتلاحك💬

جاوبته 💬 امنيه وحده اتمناها من الله وهوه انته💬

💬لتعتبريني امنيه.. الامنيات صعب تتحقق.. اعتبريني حاجه.. واطلبيها من الله💬

ردت اجاوبه.. همست نجوى خب هيووو حتخلصين الرسايل هيه باقيه بس 20 رساله مجانيه .. اريدهم ل مازن..

باوعتلها هيج 😒 انجبي انتي ومازن.. دزيتله.. 💬بكر فرحانه كولش لان تصالحت ويه بابا💬

💬يارب انشالله دوم الفرحه ما تفاركج💬

💬بكر💬

💬عيونه وكلبه💬

💬هههه الله يحفظك اليه💬

💬الله لا يحرمني منج.. بودي اسمع صوتج ممكن💬

💬صعب بابا وماما نايمين يمنه💬

💬بس شوي علمود يطمئن كلبي💬

💬اوك خابر لان هاي الجلفه ما عدها رصيد 💬

بمجرد ما دزيتها اتصل. ورج الموبايل بيناتنا.. الرجه قويه حسيت كلبي راح فتحت خط بساع..

همست.. وهاي سمعت صوتي يله روح اهلي نايمين..

-ما اروح حاب ابقى علخط حتى لو بس لسمع نفس..

-همست هذا موبايل نجوى خاف حبيبها يتصل ويلكاه مشغول خطيه..

همستلي نجوى لا عادي.. دزيت رساله لمازن وكتله اليوم مراح اتصل بيك وهوه يتفهم..

ضميت الجهاز جوه البطانيه وكتلها احركج هسه.. وج من يسمع هيج بعد يلطش وميسده..

كالت ايي هسه احجي وياه همس شكو.. واحنه جوه البطانيه واشخير امي واصل لامريكا..

انطيتها غمه بوجها ترس. ورجعت الاتصال يم اذني.. وبكر يضحك ويكول سمسم وين رحتي خبله انتي..

جاوبته ها ها موجوده.. بس تره ما اكدر احجي..

-ما حاج تحجين بس استمعيلي واني احجي..

-بشرط تغنيلي

-غالي والطلب رخيص.. شتردين اغني..

-بكيفك

-اوك اسمعي لعد.. راح اغنيلج موال عادي

-اي اي عادي

- احم احم ..امل منك اصد عنك.. جذب من كاااال اعوووفنك..

لو حطو بدربي النااااار بدمع عيني لطفيهة وادك بابك واشوفك..

واهدّم حاجز المبني واحيلة عنك وعني.. وحاجيك وتحاجيني واسمعنك..

شتريد اتصييييير طير اطّير.. اطير ويااااك ومن اتحط الزمنك..

شتريد اتصير نجم بسماااااي هم تلمع واشوفنك..

شتريد اتصير سمج بالماي.. هم تطلع واصيدنك

اتريد اتموت. انه اموت وياك وكبل ما اموت اصيحن حييييييل احبنك..

-هههههه هلله هلله يبخت العدها هيج صوت يغنيلها

-هههههه يله روحي ما اريد اضغط عليج اكثر خاف اهلج يسمعون.. ديري بالج على نفسج سمر..

واي شي اي شي يصير خابريني.. لا تعوفيني..

-اوك بس انته روح لا تبقى نايم بسيارتك بالفرع.. روح للبيت..

-انشالله.. باااي..

-باي.. سديته من بكر. لكيت 4 رسايل من مازن.. اباوع لنجوى غفت.. فتحت الرسايل..

لكيته دازلها.. 💬شنو نونه كلتيلي ما اكدر اتصل بيك اليوم واخابر بس اسمع صوتج والكاج مشغول شنو معناها💬

ورساله ثانيه كاتب هاي بعدج مشغول.. انوب.. اوك نونه مع الاسف .. ورساله لخ كاتب.. خوش هينه عرفت قدري عندج شنو

دزيتله اسفه مازن.. اني سمر اخت نجوى وموبايل نجوى عندي وهيه هياتها نايمه يمي.. واني جنت احجي بالموبايل.. لتضوج فدوه باجر اخليها تخابر

دز لاا عادي اسف عبالي هيه ومتجاوبني اخذي راحتج...

غلقت الجهاز حاولت انام.. بطني اطلع اصوات من كد الجوع.. علريوك الاكلته ويه كمال وباجي اشواق للان مماكله..

بس اخاف اطلع اكل.. اوووف ياربي.. هسه وكتها اجوع.. لا انوب اطلع ويلزمني احمد شيخلصني.

ما كدرت من الجوع الا ا

طلع احس روحي انخرطت من الجوع.. طلعت علكيييف.. فتحت الباب.

البيت هاااادئ.. مشيت.. سمعت صوت من وراي.. سمر.. كمزت.. شفته اخويه محمد ضحكت كتله هله حبيبي حمودي اشونك..

اجه بوسني وسلم عليه.. كتله وين جنت.. كال ادرس يم جماعتي. كتله فدوه لطولك والله مشتاقتلك..

باوعت الساعه 11.. كال والله ضل بالي عليج من كالو شردت. كتله حمودي شسوي تعبت والله تعبت..

كال معليج بعادل السكط بعد لترحين.. بست خده.. كتله ياريت البعير اخوك مثلك.. جان اني بخير..

كال معليج باحمد هذا حمار. ضحكت.. وحظنته.. محمد عمره 12 سنه اخوي الصغير بس حيل احبه..

من هوه واصغير اني وياه واعلمه ومتحملته اكثر من امي.. مرات احسه ابني مو اخوي..

كال جوعان.. كتله والله اني هم جوعانه .. تعال دنسوي اكل.. رحنه للمطبخ.. كتله محمد ابقى يمي خاف يجي احمد..

كال ماشي.. طلعت كبه موصليه من الثلاجه وكليتها للسرعه وكليت طماطه.. خليته دناكل.. لشوي طب.. احمد..

اني كمت من مكاني بساع من الخوف.. اجه صرخ ساقطه عبالج ما الزمج.. واجه لزمني من شعري ومحمد يحيل بيناتنه..

محمد.. احمد شبيك عوفهااا..

احمد.. وخرت انته خل اربيها.. لج انتي ما ارتاح اذا ما ادفنج والله. حقيييره كلبه

سمر.. احمد الله يخليك عوفني والله ما سويت شي ابوس ايدك احمد.. اصيح

محمد.. دووووخر منها هيه شنيه تايهتلك.. ودفع احمد مني حيل ووكعه..

احمد.. لك سكط توووكعني.. اليوم اذبحكم ثنينكم والله..

سمر.. احمد دار وجها للكاونتر يدور سجين.. ومحمد دفعني للباب ويكلي شردي.

خفت لا يسوي بيه شي.. بقيت واكفه.. احمد اخذ سجين ودار وجها عليه تعاااي ساقطه. ومحمد ركض لزمه ويتعارك وياه..

بس اصغير ما يكدرله.. طلعت امي وبقيت تصيح انته شبيك متكلي فوك ظيمنه تزيدها علينه.

احمد.. هااي بتج الا اذبحها والله تريد تطلك وتنام بروسنه. هوه انتو كوه متحملكم والله اشمركم بالشارع..

امي.. لا خلف الله عليك بعده ابوك هسه وكع ومنيت علينه بصرفك.. شصرفت هاا شصرفت..

كل هلملايين ضاميها للعازه وخليتها بين اديك شتريد بعد.. لان اشتغلت صار اسبوع وتصرف علبيت منيت علينه..

سمر.. شفت الحجي غير شكل.. يعني اكو مشاكل بالبيت غيري.. واللي هيه المصرف ومسؤلية البيت صارت ابيد احمد بعد وكعت بابا…

بقيت يم الدرج واكفه.. واباوعلهم واحمد يصرخ ويه امي.. وامي تصيح..

احمد.. والله لو تعيش بالشارع هاي الساقطه ما اصرف عليها ..

سمر.. انته مستثقل عيشتي.. اذا علعيشه اطمن ما اخليك. تصرف عليه فلس احمر بس كفني شرك..

امي.. وك يمه كافي تعبنه والله.. تذبح اختك شتستفاد غير تضيع شبابك وتنسجن..

احمد.. لااا ما انسجن هاي ساقطه وقتلها يتسمه غسل عار.. ما اتحاسب عليه

امي.. وك يمه يا غسل عار اختك ما غلطت ولو كتلتها القانون يسجنك واذا بحث وما لكاها غلطان تخلص عمرك بالسجن..

لا تخلي عادل وغيره يلعبون بعقلك .. اعقل يمه مالنه غيرك والله.

احمد.. اني مليت منكم مليت شنو ابتليت صرت جبير..

سمر.. اذا علمصرف ومسؤلية البيت احمد والله اوعدك ادور تعيين واشتغل واعينك بالمسؤليه والله..

شفته باوعلي وسكت.. الضاهر الحمل الصاير على ضهره ما متحمله .. مو كدها.. دارلي وجها وكال..

باعي.. خلال شهر اذا ما لكيتي تعيين وتوضففتي وخليتي الراتب بيدي والله اذبحج اذا اطلكتي واكلهم شفتها ويه واحد..

بقيت صافنه بوجها .. هذا من كل عقله يحجي. اكو هيج اخ يعامل اخته.. بس شسوي لا حول ولا قوه..

كتله والله اوعدك.. ادور علشغل دواره وانطيك الراتب تدلل بس احمد الله يخليك عوفني اعيش تعبت من عادل وسوالفه المكسره..

طلع الموبايل من جيبه خلاه علطاوله ودنك وخله اديه على راسه.. اتقربت يمه.. امي كالت لا تتقربين منه عوفيه..

كتلها بس شوي. اتقربت.. يمها.. مديت ايدي لشعره.. دفعني وصرخ وخري مني تلعب روحي منج..

كتله احمد اني اختك والله مو عدوتك.. واقسم بالقران العظيم وجيبه وخليه كدامي. اذا فد يوم غلطت ويه واحد او سويت حرام..

لك انته اخويه وتعرف تربات امي وابويه شلون علمونه.. شلون تشك بيه اسوي الغلط..

بقى مدنك.. وما رد.. كتله لتضوج والله اذا علمصرف اني اعينك بيه لتشيل هم..

كال كدامج شهر والله اذا متعينتي اذبحج لو ارجعج لعادل غصب وهوه يتصرف وياج.. حجه وطلع.. باوعت لامي.. كتلها راتب بابا وين ليش احمد يشتغل..

كالت راتب ابوج انكطع.. والفلوس العدنه شمرناها على علاج ابوج.. جان مشلول هسه رحمه يحجي ويكدر يشيل ايده خفيف..

بس ما بقت عدنه فلوس.. عدنه بيت غير هذا نريد نأجره ودكينه بيه قطعه للايجار بس للان ماكو. واحد اجانه على ايجاره..

كتلها اذا علبيت.. انطيه لبكر يأجره هوه دلال ويشتغل بهلشي.. بس راتب بابا ليش مطلع غير تقاعد مالته.

-يا تقاعد متكليلي.. انشلت رجلينه من الروحه والرجعه علمعامله مال التقاعد.. بعد خدمه كل هلسنين بالجيش ينشمر ومحد بحاله حتى تقاعد ماكو..

محد يه

تم ويمشي الامور كلها فساد ورشاوي.. واني ما ضل تحت ايدي وانطي علمود يخلصولنه المعامله..

-الله موجود.. هسه الحمدلله خلصت من عقدت احمد الباقي سهل.. نشوف شلون ندبرها..

درت وجهي.. شفت نجوى كبالي.. كتلها كعدتي..

-صار ساعه واكفه يمج هسه يله انتبهتي

-ههه ما انتبهت والله.. اتقربت لاذانها.. وكتلها تره خابر مازن ولكاه مشغول وزعل.. خابريه اذا تكدرين.. اني فهمته الجهاز بيدي..

كالت راح اصعد اكمل نومتي فوك واخابره.. كتلها بكيفج.. امي طبت جوه تنام.. بس محمد بقى واكف..

كتله روح نام حبيبي وراك مدرسه.. كال رايح.. شرب مي وصعد.. لميت المطبخ من الهوسه..

ودا اطفي الضوه.. شفت موبايل احمد عطاوله يرن.. باوعته مكتوب عادل.. فتحت.. خط..

كاله هااا احمد متانيك.. كتله انته متستحي.. متخجل.. لك عمري كله مشايفه واحد ناقص رجوله مثلك ..

كال ولج اذا ما اذبحج فلا اتسمه عادل..

-خب دروح لك.. شكد كرهتك .. لا تحاول توصل يمنه وطلاك اطلك غصبا عليك.. كال اريد اشوف شلون اطلكج الا اشلع كلبج..

كتله مو اكولك مو رجال.. صدك انته مو مال احترام.. واطلب منك طلاك..

بلله هوه انته رجال واطلكني.. لا حبيبي المثلك اني اخلعه احسن.. حتى اذا منهانيت كفايه اهينك بالزايد..

بقى يغلط ويفشر .. لعبت روحي من من الغلط مالته وسديته بوجها .. رفعت راسي للسما.. كتله يارب عونك..

عفت الموبايل علطاوله ورحت انام.. دخلت غرفت بابا وماما.. ماما مخليه راسها على صدر بابا ونايمه..

ضحكت.. شكد كبار بس لليوم احسهم عشاك.. استحيت ابقى نايمه يمهم.. اخذت موبايلي.

وطلعت.. جريت الشاحنه وصعدت فوك.. دخلت لكيت نجوى تحجي.. كتلها هااا ام الحب.. غمزتلها دتحجين ويه مزمز..

كالت عيني اسمه ميزو.. كتلها بيبسي اطيب.. كالت الببسي مخليته الج.. كتلها عبالج قصفتيني وعود بكر اسمر..

لا حبيبي بكر يخبل.. بس سماره يجنن شنو ابيض وويع راح موديله.. على كولتهم الابيض يتوسخ سريعا😝

نجوى،، مازن يكول.. والاسمر يجلح..ههههههه

-اشو جيبي خل احجي وياه.. تعال لك منو هذا اليجلح..

-خل يفيدج لمصخم يابه هههههههه

-تروحله فدوه ابو حلك جايب روحك وياها عنده لكز انته بكده خخخخخ..

-ههههههههه عمي الله يزيده شرايد منه.. شلونج خيتي..

-هلا بيك مازن شلونك.. طبعا اختي العوبه كولش هواي تسولفلي بيك

-هههه وهيه كلش هواي تبجي عليج يمي..

-باوعت لنجوى وغمزتلها هااا هااا تحبيني وتبجين عليه..

-ياااا عابتلج والله.. ابجي عليج.. اصلا يجذب عليج..

-مازن اسفه اني مو حاروكه.. بس نجوى تكول انته جذاب.. تقبل حبيبتك هيج تحجي عليك لا مع الاسف نجوى خاب الامل بيج..

-دنطينياها خل اربيها..

-اي عفيه هيج اريدك سبع.. هاج خلي يربيج.. انطيته الها جان تكله يحبيبي فدوه اسمعي يصرخ لج احبببج.

-كتلها مع الاسف طلع مو سبع.. كالت انجبي.. صحت بالموبايل يله تصبحوووون عخير..

صاح هوه بس فكينه وروحي.. واحنه نشوف الخير.. كتله لا يا ابن الاوادم.. تتعاي جيبي الموبايل..

اخذتها وكتله بعد ممنوع تخابر اختي بوجودي يله باي ههههه… وسديته.. كالت منو سمحلج..

كتلها بكيفي. 😝 .. ورحت للسرير..

نجوى.. انتي حتنامين علسرير..

سمر.. اي😌 بما انو اني راح استقر هنا فتعلمي منا وجاي السرير الي بنتي.. دبري حالج بالكاع..

نجوى.. ايوووو هاي شغله تفيدج والله هذا سرير معليه 😭 ونتعارك علسرير.. هيه تدفع واني ادفع..

جان احمد يضرب علباب ويكول ساقطات صوتجن .. وكعنه اثنينه وانخلسنه😐.. باوعنه البعض وانفجرنه ضحك..

خلينه المخده ونامت ويايه علسرير سوه.. رغم حصره.. بس يمكن اجمل ليله بعمري.. انام واني ما افكر اكو خطر ؏ حياتي..

كعدنه الصبح.. الساعه 11.. على صوت امي وهيه تصيح صار الضهر دكعدن عااد..

ياااربي شكد مشتاقه لهيح اجواء.. حتى صياح امي احسه نعمه لازم اشكر الله عليها..

كعدنه اثنينه.. كالت امي.. راح نروح للنجف.. انزور ابوج.. طالبتها من الامام علي يكومه على حيله ترحن وياي..

كتلها علووووووا والله ماما مشتاقه ازور كالت يله راح نروح بعد الضهر احمد ياخذنه..

كتلها ليش مو دوام باجر.. كالت لا جمعه باجر لا احمد ولا نجوى ولا محمد عدهم دوام لهيج كلت نزور.. وهم نرتاح من المشاكل الصارت..

كتلها لعد صدوك ليش ممداومه نجوى..

-ما رحت علمود بقيت نايمه يمج

-يمه فدوه لاخيتي وحظنتها.. يله نكوم نكمل شغل لا ست رجاء تخبصنه..

-يله..

-كمنه اني ونجوى نضفنه البيت كله وكملنه الاكل وسبحنه وبدلنه لل3 طلع احمد.. ما يحجي وياي وشايل خشمه.. شريد منه المهم جاز مني

اخذ ابويه وصعده بالسياره واني وماما ونجوى ليوره كاعدين.. ومحمد كعد بكرسي صغير وره اتكسر خطيه.. بس تمدد

لل6 ونص وصلنه الامام.. زرنه ودعينه وكعدنه نتعشه.. لل9 بليل رحنه لبيت اهل ماما..

خطيه فرحو بينه .. بس جنه ميتين تعب.. كلنه نمنه.. ثاني يوم.. كالت ماما راح اروح لبيت خالتي ام اركان ترحو

ن وياي..

من سمعت بيت اركان نكز صار بكلبي.. خايفه اشوفه بعد كل هلسنين.. بيا وجه اكابله..

كتلها ماما ما اريد اروح خليني ابيت جدو هنا احسن.. كالت دكومن روحن عيب اصلا هيه عزمتنه.. نجي للنجف ومنمر بيهم زحمه

كتلها اووف حبكت الا كلنا.. كالت نجوى دكومي شنو خايفه تواجيه.. شبيج سمر خليج قويه..

كتلها شايفه اخر مره خابرني شلون منهار ويبجي بليلة عرسه.. ويكولي ما ترتاحين بحياتج كلها وكولي سيد اركان كال.. هاي حوبتي..

وصدك من يوم الغدرته وعفته لليوم والله ما شفت راحه..

نجوى،، اهووو هسه ابوي الا يتزوج علويه.. مو طاح حظنه من كد ما يشورون بينه بلله شمستفادين

سمر .. اي بالله صدوك طاح حظنه هههههه.. بجهه حوبة سيد حسن الطيح حظ ابوي وخلاه مشلول..

وبجهه سيد اركان السود وصخم حياتي بحوبته.. المفروض يكتبون على الساده خطر ممنوع الاقتراب. اليقترب يطيح حظه هههههه

نجوى،، ههههههههه

امي.. اخ يلقهر ولجن بعدج تتضاحكن دكوووومن..

سمر.. يا ستار يا ربي.. تكول رعيد مو صوت.. لبسنه وكملنه.. ورحنه وياها..

طبعا عادة من نجي للنجف نلبس عبايه منطلع بالبنطرون لان خوالي ميقبلون عاداتهم هيج ما عدهم بنيه تطلع سافره بدون عباه..

واني يطيح حظي منها.. احس شايله جبل فوك راسي واطوطح بيها واتعثر.. ما اعرف شلون تلبس..

الزياره عندي شده من وره العبايه.. لبسنه ورحنه.. مشين.. واني شايله العبايه.. خاف تدمر..

صاح خالو .. خالي نزلي عباتج لا ترفعيها.. كتله خالو توكع بالطين طويله عليه.. كال خالو العبايه الما تطّين معناها ما ملبوسه للستر..

-خرررب هاي شلون بلوه يربي.. انوب ادخل لبيت اركان مطينه شهلحظ..اباوع لنجوى نفس حالي تجيبها منا وتردها هنا.. ضلينه نباوع لبعض ونضحك على نفسنه

وصلنه.. بعد ما هلكنه.. مو تكول فرعين.. شطولهن صارن.. دكينه الباب.. فتحته خالتي يبووو اخذتنه بحظنها شكد مشتاقيلها..

خالتي بنت خالة ماما تصير اخت اركان الجبيره.. بس حيل نحبها استقبلتنه بلهله ورحبت بينه..

وبيبي هم فرحت .. كعدنه وهمه يسلمون .. اجت بنيه ما شايفتها. قبل.. عرفتها مرت اركان.. بس هلكد حلوه خرررب ..

العيون خضر وبيضه تجنن.. همست لنجوى هذا اركان شبيه.. صدك مخبل بليلة عرسه يشوف هيج وجه ويبجي على وجهي المصخم..

صدك لو كالو الحب اعمى.. كالت دكومي شوفيها شلون جامده.. انتي صدك حنطيه بس دمج حلو وبس غمازاتج كافي..

كتلها يماااي بعد اختج خوش رفع للمعنويات يمه فدوه.. بعد السلام والكعده.. كمنه. ويه البنات للمطبخ.

وعفنه الرياجيل بالصاله.. وكفنه.. اني لابسه بنطرون وقميص.. بس لافه العبايه على خصري..

ومخليتها على اديه وواكفه.. كتلها شسمج.. لمرت اركان.. كالت اسمي زهراء.. كتلها هلا بيج..

كالت وانتي.. كتلها سمر.. اشو هاي بس سمعت اسمي.. انصرعت وكالت هوه انتي سمر..

كتلها سامعه بيه.. عافتني ومشت بس مبينه ما حبتني ضاجت.. باوعت لـ نجوى هاي شبيها.. سوتلي حركه بحواجبها شمدريني..

دنحجي وطب اركان .. من شفته المغص لزم بطني ما اعرف ليش.. متغير صاير اسمر.. وضعفان نص وجها لحيه..

ما انتبهلي.. وهوه يحط المسواك بالمطبخ.. حجت امي وراه.. كالته شلونك سيد اركان.. واحنه واكفات وره امي..

دار وجها.. وكال هلا ام احمد.. جاي يسلم وانتبهلي.. ضل صافن ويتلعثم بسلام..

كتله شلونك اركان وابتسمت.. يتبع

🌺🌺🌺🌺 👉

اكو عبره حابه اوضحه وانطيها حقها بالقصه واركز عليها.. وهيه الاهل وهروب البنت مع الشاب..

تره يا جماعه.. حتى لو كانت المشاعر صادقه بينك وبين من تحب.. لا تفضل هلمشاعر على اهلك..

خاصه البنت.. راعي سمعت ابوج اللي هيه امانه بعنق كل بنت.. هذا الاب التعب والنكسر ظهره علمود يئمن لقمة عيشج..

مو لازم تكسرين وجه علمود شاب.. حتى لو كان يحبج من صدك.. تره الدنيا دواره وشتسوين باهلج يدور الزمن واولادكم يسووه بيكم..

حتى الشباب.. اتركونه من اللي ما عدهم ضمير ويلعبون على بنات العلم.. كلامي للراقين بيهم..

لما تحب بنت.. خلي اهلها بين عيونك.. تره حبك وحده مو كافي الها.. ابوها التعب والربى ميصير تخلي حبيبتك توكف بوجهم. علمودك..

يدور الزمن وتصير بنتك توكف كبالك وتكلك هذا يحبني ويريدني شنو موقفك.. بهذاك الوقت يكون..
تقبل بنتك هيج تنكر تعبك عليها وتضحي بيك علمود اللي اتحبه.. اي نعم هذا اللي يصير.. لو خليت حبيبتك ضد اهلها

لا تكول/ي اني من اكبر ويصير عندي ابناء راح اتفهمهم واكون سبورت لااااا انتو غلطانين..

هذا الكلام تكولو هسه لان انتو بمرحلة شباب.. بعد 20 سنه من تكبري وعقلك يكبر وتصير بعقل بالغ مو بعقل شاب راح تتغير هذي النضريات

تعرفون ليش.. لان بهذاك الوقت.. راح تكونون راشدين.. وخاضعين لعادات مجتمعنه الشرقي..

وخاصه البنت.. اليوم انتي شابه وتحبين.. باجر لما تكونين ام خوفج على بنتج راح تغير وجهة نظرج اتجاه الشي الاسمه حب..

الحب راح تشوفي شي خطر جدا على بنتج.. حتى لو ك

ان المقابل يحب وصادق.. لكن خوفج كأم راح يخليج حذره وتتعاملين معاها بقوه لمصلحتها مو كره الها..

فاذا كنتي تردين بنتج اطيعج في ما بعد.. طيعي اهلج.. لا تبيعين ابوج اللي اتحمل الحر والمطر علمود يجيبلج اللكمه..

وتكسرين وجه وتنزلين راسه بين اقاربه وعشيرته علمود واحد حبيتيه .. اتأكدي الله مراح يهنيج ويسعدج بحياتج..

وادور الدنيا وتوكعين بمكان ابوج ويتركبج العار.. مثل ما ركبتيه لابوج..

لحد يكول هوه هم اهلي شمقدميلي.. باعو فلان وعلان يسافر ويروح ومول ويفتر واني حصره عليه الحاجه..

انصحكم لا تباوعون ليفوك.. وباوع للي اقل منكم واحمدو ربكم على النعمه.. الاب والام اللي يتعبون ويهلكون نفسهم

علمود يسدولج حاجه.. شكري الله عليهم تره همه ممحصلين منكم شي.. عطاءهم الكم بدون مقابل..

لتكولين اهلي شمقدميلي.. اعكس السؤال وكول اني شمقدم لاهلي اللي تعبو سهرو وعانو علمود يربونه..

يكفيهم وصلوك لهل عمر وما خلوك تمد ايدك لغريب وتكول انطيني.. هذي نعمه لازم تشكرون ربكم عليها..

الام والاب خيمه.. شكد ميقسون عليك لمصلحتك علمود يمشوكم للطريق الصحيح اللي تعب عليك ويقدملك مصرف واكل ومسكن بلاش..

وما محصل منك شي.. هذا لتعتقده يكرهك.. وانما قسوته وياك حب وعطف وخوف عليك من هلوقت.. خاف يضيعك..

اختصار عبرتي.. راعو اهلكم وخافو الله بيهم.. لان الدنيا دولاب تفر وترجعلك..

#حكاية_سمر.. (( الجزء الثاني ))

،،،،،،،،،،بقلم الكاتبه زينب ماجد،،،،،،،،،،،

البارت_5

دنحجي وطب اركان .. من شفته المغص لزم بطني ما اعرف ليش.. متغير صاير اسمر.. وضعفان نص وجها لحيه..

ما انتبهلي.. وهوه يحط المسواك بالمطبخ.. حجت امي وراه.. كالته شلونك سيد اركان.. واحنه واكفات وره امي..

دار وجها.. وكال هلا ام احمد.. جاي يسلم وانتبهلي.. ضل صافن ويتلعثم بسلام..

كتله شلونك اركان وابتسمت.. بقى يباوع بوجهي انوب دنك .. هلا خويه سمر هلا بيج.. وطلع..

دخلت مرته.. تباوعلي باستحقار.. يا الله شبيها.. لازم هوه حاجيلها عني.. همستلي نجوى دي البنت مش مرتحالها خااالص

جاوبتها ولا انا يختي.. دي مبحلئه فيني.. بتؤل سارئه گوزها ..هههههه.. امي دارت وجها

-هااا يمه شو كلبتنها مصري..

-شو بنعمل هيك الظروف بتطلب يمااا

- اكول چنج خبطتي سوري ولبناني..

-عادي يختي ده العرب اخوه .. مش فارئه..

-اكلج ما تنجبين

-خيه هوه احنه وجوه لبناني ومصري.. نرجع عراقي شحلاتنه هههه.. حجت امي

-ابدال ما باقيات تتمضحكن كومن ساعدن بناتهم عيب..

-اي يوم ادللي.. شلت العبايه من خصري.. صفطتها وخليتها ؏جنب..

ووكفت عل سنك.. اكو مواعين هوسه لان ديطبخون.. كمت اغسل بيهم.. خالتي ما قبلت..

كتلها خاله شنو حاسبتني غريبه.. كالت لا والله يخاله بنياتي.. كتلها عوفينه ناخذ راحتنه ابيتج اذا بنياتج .. وبوستها..

كالتلي خسرتج والله.. جنت رايدتج.. بس الدنيا اخخ.. باوعت لمرت اركان ضاجت.. كتلها يا خاله شخسرتيني..

اشو مرت اركان تكول للكمر غيب واني بمكانك.. شحلاتها.. ضحكت هيه وكالت خوش مجامله..

كتلها لا هوه اليشوفج يجامل.. والله حلوه بس عيونج كافي توكع اكبر رجال هههه..

ما ضحكت.. عفتها اني هم صوجي امدح بيها.. بومه🙌.. وكفت اغسل و نجوى كعدت تثرم ويه خاله..

زهراء.. اكلج خيه لبسي عباتج اركان لو اجه وشاف هيج وضع يتضايق.. هوه. ما يحب المره الما مستوره..

سمر.. ضجت من كالت هيج.. كتلها شنو قصدج ما مستوره.. شايفتني لابسه مدلع.. لابسه ضيق .

ملابسي عاديه.. وبغداد متعوده امشي هيج.. ولتحسسيني ان اركان غريب تره عشرة عمر اني وياه ويعرفني عدل

ومتأكده متضايق مني.. فلتخلين بلبسي وتصرفي رجاءا..

امي صاحت سمر.. درتلها خزرتني.. درت للبوري غسلت اديه.. وعفتهم وطلعت للصاله..

اجت امي وراي..

-انتي ما تستحين وين ما ترحين مصايبج وراج..

-ماما شبيج مدا تسمعين السم التشمره عشتو احنه خطار.. محترمت وجودنه كخطار تكول بايكه رجلها..

-اكلي تبن لا اطيح حظج كلمه وحده منج ما اسمع..

-ماما مو طفله اني وترزليني.. عيب..

-لا تخلين اضربج هنا وافشلج كدامهم والله.. احترمي نفسج..

-امي شبيج هوه اني اللي قللت احترام ..!! دتكولي انتي مو مستوره وتشمر كلام اكبر منها انتي ليش ضدي..

اجت نجوى كالتلها ماما شبيج هيه ذيج متنطاق.. كالت ك***اب ما اكدرلجن الله ياخذج واخلص .. ومشت

درت وجهي لنجوى.. هاي شبيها..

-سموره حبيبي لتتضايقين هاي امي من يوم يومها هذا اسلوبها ..

-بس اني ما غلطت.. وكبرت ما يحقلها ترزلني بهشكل ابيت ناس احنه بيه خطار.. بقت تنزل دموعي بدون اردتي..

وامسح واعدل بيها.. علمود لا يسيل الكحل ويبين بعيوني البجي.. بقيت نجوى تهدي بيه..

رحت لماما بالمطبخ يمهم.. ماما ما ابقى اريد ارجع لبيت جدو..

-نكمل غدا ونرجع..

-ما اريد وصليني وارجعي.. دا احجي طب اركان.. واني اداري بعيوني وامسح

اركان.. شبيج سمر..

-تكدر توصلني لبيت جدو..

-ليش من شنو متضايقه هنا..

-جاوبت مرته.. حساسه خطيه بس كتلها خيه لبسي عبايه اركان ما يقبل مره هيج تمشي مفرعه بالبيت شو هيه كبت..

- درت وجهي لامي.. كومي دا اكولج اريد اروح لبيت جدو..

اركان.. سمر لا تتضايقن منها تره هيه هاي السانها نكس متبري منها..

- بقت. تصيح هيه.. باوع لاركان وكتله لا عشنو اتضايق.. بس مو حلو تكولي ملابسج مو مستوره.. اني مو بنت شوارع وتنبهني على ملابسي..

من يوم يومي ملابسي هيج.. ومحد اشتكى منها.. لان ما البس فاضح ومحترمه نفسي..

فلهيج ما احب ابقى بمكان ما يحترمني.. ويشوف لبسي ما مستور..

خاله.. يا يمه سمر فدوه اروح لعيون تتضايقين من هاي.. وج هيه هاي مصيبه ..ما عايفه احد بحاله كلها حاجيه عليها..

واحنه نعرفج شنو ومحترمه.. ليش كتلج خسرتج..

زهراء.. اكلج انتي تعاي اهنا كل شوي وتكليلها خسرتج عود شني معناها .. انه خساره عليكم..

بت اشيوخ انه هاي وشكولها ما تلحك ضفري.. جنها مرت بباي مسلوعه وحاسبيها براسي مره..

اركان.. لج هييي .. انظبي وثمني احجايتج احترمي نفسج البنيه خطار يا بنت الاصول.. لا انعل ساسج وعلي..

-لا لحظه اركان.. باوعيلي حبيبي.. اني قارنت روحي بيج.. ادنيت يمج..

تره عيب هلطريقه .. ان كنتي شايله عليه.. فاني هنا ضيفه.. والاصول تكول احترم الضيف حتى لو جنت ما طايقه..

بس الظاهر.. الكتاب مفهوم من عنوانه شنو..

زهراء. خب دكومي..

اني واصله بيه لهنا منج.. مو متحمله جهرتج اشوفها الزركه.

-بقى اركان وخاله يتعاركون وياها.. وهيه السان.. تلاسن وترادد وصوتها شعلوه.. كتلها هوه حظي ويامن كعد حتى يكعد وياج..

عفتها ومشيت.. جريت العبايه. وردت اطلع.. لزمتني خالتي وتبوس بيه وتكلي لخاطري فدوه لا ترحين..

كلهم كامو يلزمون ويحلفون ويرجعون بيه.. استحيت اطلع منهم.. كتلهم لا هاي خلاص والله راح اكعد..

شمرت العبايه ورحت كعدت بالصاله. يم خالو.. كال خالو لا تتقارشين وياها هاي.. تره السانها كلها تعرف بيه..

الله يساعد سيد اركان شلون متحملها.. بس هوه طيب ما يحب يكسر ابنت العالم ويطلكها متحملها ويكول المؤمن مبتلى..

كتله خالو هوه ما صارله 5 اشهر من تزوجها..

-خالو شايفه بهلـ 5 اشهر شسوت.. 3 زعلات زعلت.. وشيوخ. وعشاير كلبتها كلاب ..

على خوات اركان.. تتعارك وياهن..

-واركان شلونه وياها..

-ما تعرفين سيد اركان.. لا يحب يضرب مره ولا يحب ياذيها فقط يهجرهاا..

ويكول المرأه ميصير تنضرب الاسلام محرم ضرب المرأه .. عقابها فقط الهجر الزوجي

وهوه هاجرها من السانها ومشاكلها.. واهلها شيوخ وهوه يحترمهم ويحترمونه يكول اروح اتفاشل وياهم علمود مره.. وساكت منها..

كتله هذا هم حظه خطيه.. اخذت موبايلي من جيبي.. طافي شحن.. صارله يومين..

كلت بكلبي هسه الكه بكر خابص الامه.. درت وجهي لسنان اخو اركان.. كتله سنان شاحنة ابره عندك

- اي هاي مشكله بالدكمه جيبي..

-لحظه بس افتحه.. فتحته.. وخلاه علشحن.. اجه اركان كعد كبالي.. باوعلي ودار وجها..

وخالتي هم كعدت وبيبي.. انوب اجو خواته المتزوجات.. وصارو هوسه بالصاله كلها تسولف..

صبو الغدا وكعدنه ناكل وضحك وسوالف. ونجوى يمي العرفته مرت اركان حامل ويخلون الطرشي كبالها

دناكل دار وجها اركان.. صاح هذا جهاز صار ساعه يرج المن..

شال الفون.. كتله هذا موبايلي.. كال صمام الامان.. خجلت لما كال الاسم كدامهم..

كتله اي صديقتي. اخذت الفون وطلعت برا.. رديت الوو..

-الووو هلا سمر ..واخيرا يعني..

-هلا بكر.. اسفه مخابرت لان احنه مو بلبيت..

-ادري البارحه خابرت نجوى وكالتلي انتو بالنجف..

- اي.. بس سعجب شو ما كالتلي انته خابرت..

-هسه عوفيني من هاي.. جهازج ليش مغلق.. احترك جدي واني ادك صار يومين..

-جان طافي والبارحه بالامام نسيت اشحنه واجينه تعبانين هسه اتذكرته.. ليش اكو شي تريد شي..

- لاا شريد قابل.. بس ردت اعرف انتي بخير وهاهيه.. تصالحتي ويه احمد..

-مو اتصالحنه وانما شرط عليه اذا ما اشتغل يرجعني وينطيني لعادل خلال شهر.. انشالله الكه شغل بهلوكت..

-سهله.. بس رفعي دعوة طلاق بسرعه.. واني انطي شكد متردين علمود المعامله تمشي باسرع وقت..

بس خلصيني من هلزواج.. رحمه لاهلج..

-انشالله بس ارجع.. اكووول بكر ..

-كولي..

-ساعدني الكه شغل.. اذا تعرف ناس يعينوني.. خريجة اداب انكلش..

-انشالله.. ادور.. انتي وين..

-اني ابيت ام اركان..

-واللهيييي..!! وشعندج هناك سمر

-اجيت ويه امي ونجوى وخالو امير..

-اركان موجود..

-ليش شيخصك..

-هاا اي صح ميخصني..

-ههههه .. اي هنا.. وخطيه مبتلي مرته شالعه كلبه ما تنكدر..

-وانتي شعليج بمرته.. سمر عود شنو معناها هلكلام..

-شبيك بكر..

-اني شبيه لو انتي..

-دا احجي.. شفت اركان.. وراي..باوعتله.. دار وجها ودنك للمغسله يغسل..

-كتله بعدين احجي وياك..

-هااا هيج صارت سمر..

- لتلح كتلك بعدين احجي وياك..

-الح..!!! هاااا. اسف والله.. الضاهر ضايقتج. قفل الجهاز بسرعه..

-اهوو انوب بكر عليه يا الله وكأنو ناقصني.. دخلت للبيت من باب المطبخ.. رحت اشرب مي.. دخل اركان..

-صمام الامان.. بكر صار..

-درتله.. كتله شنووو

-كال لا هيج ولا يهمج..

-بقيت اباوع بوجها

-حتى برائة عيونج راحت ليش سمر..

-هيه بقت عيون حتى تبقى برائه.. اركان الله وحده يعلم اني شنو شفت..

-كتلج مراح ترتاحين.. ولا راح ترتاحين..

-ليش هلحقد اركان.. اللي اعرفه كلبك ابيض.. ليش بس وياي حقدت..

-االمشكله لما تعيش 4 اسنين واكو شخص بداخلك يعنيلك كولشي حلو بالدنيا.. لدرجة اتغاضى عن الشرع واستمع لصوته واتكلم وياه..

واقنع ربي.. واكله راح تصير مرتي وحلالي اغفرلي ..

شخص هوه كولشي بالنسبه الك.. بحيث طريق النجف بغداد ما يوكف بعينه لو يشتاق.. بثانيه يقرر ويروح يشوف لو ملاه الشوك

وفجأه هذا الانسان اليعنيلك كلشي يبيع بدون سبب او حتى ذنب طلع منك .. صعب تنسى خيانته..والحب البداخلك يتحول حقد كاسر..

-بس اعتقد بررتلك سبب تركي الك..

-ابد مو مقنع.. انتي تعرفيني انسان متفهم وشاريج..

-لا ما اعرف. اللي اعرفه انته عندك تعقيد ديني ما اله مثيل..

-انتي بعينج الدين تعقيد.. اني متدين واعرف الله اكيد راح اصدق بنت اعتبرها كلشي بالنسبه الي.. واكيد راح اتفاهم..

بس مشكلتج انانيه سمر.. كل همج نفسج.. شلون تنقذين نفسج من مخاطرج.. تخلين الرجل يتعلق بيج وينولع..

واتركينه ومدورين وجهج وراج..

-تخلين الرجل..!! دتحسسني انو خاينه جيش .. اركان ما خنت بس اني اعترف غبيه وقرارتي فاشله.. شسوي ما اعرف اختار وهذا هم حظي

-هز راسه.. هذا مو تبرير شمر مو تبرير علسويتيه..

-اركان انسى الراح وعليك بعائلتك.. وبعدين مرتك ليش هيج تكرهني اكيد انته حاجيلها..

-شتعرفيني اني احجي.. بس خواتي حاجياتلها كلشي عليج وعليه..

-دنحجي.. دخل سنان.. درت وجهي للثلاجه. واركان راح للصاله..

-شربت مي.. ورحت للصاله.. همه لمو السفره انوب سوو جاي.. وكعدنه نشرب..

خالو تمدد ونام.. اركان متمدد لازم جهاز التلفزيون ويباوع.. والباقين راحو..

كعدنه بس اني وخالتي وبيبي ومرت اركان وامي ونجوى.. نشرب جاي ..امي كالت لخالتي خيه اميره ما تشوفين حظ سمر..

هلبنيه ما مكتوب عليها ترتاح.. كالتلها اني صار ساعه اشوف وساكته.. منتضره اكعد وياها واحجي ..

كتلها شنوو.. الاعرفه خالتي تباوع بجبين الانسان وتكله هيج وهيج انته وهيج صاير بيك..

مرات احسه دجل ومرات احسه صدوك.. بس هيه تكول هذا نور من الامام العباس.. كتلها نوريني خاله صدوك وشوفيلي جبيني..

باوعت بوجهي وحجت يا خاله السحر لاعب باحوالج لعب.. كتلها اهووو خاله من هسه بديتيها بسحر..

كالت سمر اذا راح تستهانين اسكت.. كتلها لا والله احجي ومراح اكول.. كالت المسويتلج السحر مره بوجها شامه مثل الحبايه..

وسوته الج من قبل ما تتزوجين.. كتلها منو يعني.. كالت بنيه بينج وبينها رجال.. كالت انتي عايشه وياها..

اتذكرت حنين مرت عادل صدك بخدها شامه مثل الحبايه.. كتلها اي ضرتي هيج مواصفاتها..

كالت رجلج اسمه عادل موو.. كتلها اي.. كالت جايج مره وحاظنته قبل الزواج.. عقدت حاجبي..

انوب استحي اجاوب واركان كاعد وامي.. كتلها اي اجاني قبل الزواج صح.. كالت اي وصارة مقاربه بينكم..

وايدج متلامسه بقميصه.. وهيه اخذت خيوط من قميصه وسوتلج السحر عليها.. بقيت صافنه.. مستحيل اصدك اكو هيج شي..

بس التحجي صح.. اتذكر صارت مقاربه وكذا بيني وبين عادل قبل الزواج.. كالت هوه ما جان عنده اعتراض بزواجه منج..

بس هيه عمته بالسحر مالتها.. كتلها شلون يعني.. كالت عادل جان راغب بيج من لما جنتي بنيه وتمشين كدامه..

يباوعلج ويغازلج واله نفس بيج.. اركان داير وجها كأن ميسمع.. بس رغم هيج كام وطلع..

كتلها جان يغازلني بس هيج شقه.. كالت لااا جان راغب بيج بس يكلج شقه.. والدليل ما عارض من خطبوج اله..

بس بعدها ما حجو عليج وخطبو وسمعت هيه البنيه بدت شغلها عليج.. وسوتله كره و عمى علمود ليريدج..

وخاصه اخيوط القميص العليها لمسة ايدج اشتغلت بيهن وخلتهن بجيبه وانشمر بغرفتكم وصار لدرجة عادل ما يحب يشوفج كدامه..

كل مشاعر بكلب عادل الج موتتها بالسحر.. لدرجة كام يحسج اخته واقل من اخته عمت عينه عنج.. حتى غيرته موتتها

كتلها صح بوكتها استغربت هذا التصرف منه..

بقت تباوع وجهي.. كالت بينكم طلاك.. كتلها اي اريد اطلك.. كالت كل هذا بسببها الصار وحتى حالتج النفسيه من وراها..

الدرجة مرات تحسين روحج راح تنجنين.. وتصرخين وتبجين.. هزيت راسي اي.. كالت حتى مخسرتج طفل باعمالها..

كتلها لحظه لحظه شنو طفل.. يعني هيه سبب.. كالت اي. بيومها خلتلج السحر وشربتجياه.. اتذكري اخذتي شي منها وشربتي..

كتلها ما اتذكر.. دنكت اريد اتذكر قبل لحظات لما اجهظت شجنت اسوي.. ايييي اي صح انتطتني ببسي..

ما اعرف بوقتها ليش اخذته منها.. بس هيه انطتنياه وشربته وصح وره نص ساعه نزفت واجهضت..

كالت مو بس اجهضتي.. هذا جان اقوى سحر بحيث ما خلتج بلبيت .. هججتج منهم.. ومن هذاك اليوم بعمرج مراح ادوسين عتبت بابهم وادخلين..

خلصت منج بعد.. بقيت صافنه واضحك باستغباء شنو معقوله حنين امشيه حياتي بسحر مو معقول..

كالت اكو واحد ابيت عيالج غير رجلج رايدج.. وهيه هم سوتله محبه بينج وبينه علمود تخلص منج ومتتقربين لرجلها..

ضحكت.. كالت صدكي بنتي.. والله جاي اشوفه الولد كبالي ضعيف وطويل.. كتلها بكر.. كالت اتذكري اول مشاعر انولدت بيج اتجاهه شوكت..

كتلها ما اعرف.. كالت لا اتذكري.. مو بعد زواج رجلج.. كتلها اي.. كالت سوتلج عقد محبه بينج وبينه

علمود اول شي تورطج بحماج وتخليج تتخايليه رجل ج وثاني شي تخلص منج وتبعدج عن رجلج..

اتذكرت الحلم الشفته بيه ذيج الليله.. لما شفت تقربلي.. شالسالفه يربي حتى الحلم سحر مو معقول

كالت والسحر اثر بحياتج لان انتي قليلة ايمان.. كالتها بالعكس ايماني بالله قوي.. كالت لا تستهونين باوقات الصلاة

ومتهتمين لو اذن المؤذن .. عادي اطبكين صلاة مال يوم كامل ومرات تنسيها.. وخاصه صلاة الصبح.. يدركج الفجر احيانا وتنامين ومتتذكري الصلاة..

لهيج السحر سيطر على حياتج.. كتلها وشلون اخلص خاله.. كالت روحي لسيد يبطل سحرها.. يسويلج تبطيله..

كتلها خاله رغم الحجيتيه صح.. بس للان ممأمنه بشي اسمه سحر وكذا.. كالت خاله المايأمن من فكر حظه..

للاسف المكابر انترست ش

باب وموت من وره السحر اليشربنه النسوان لهزلم .. وما يتحمل واليموت فجأه..

واليذبل شوي شوي ويموت.. والينهجم حياته.. بس الناس ما تأمن اكو سحر.. تعتبرها قضاء وقدر..

وهوه مكتوب بقدرهم راح ينسحرون وهيج يصير بيهم.. كتلها خاله زين باعي بعد شو كل الحجيتيه اسود ما خليتي بحياتي امل..

كالت خاله انتي اتعبين بحياتج وما تحصلين اللي ترديه بسهوله.. و طريقج كله شوك.. بس اكو الج باب مفتوح انشالله اكو فرج..

كتلها علوووا انشالله والله خاله تعبت.. انوب كالتلها نجوى خاله واني.. كالتلها انتي عكس اختج..

طريقج صافي ويخبل وحياتج حلوه وزواجج قريب وتنسعدين.. ضحكت النجوى كتلها هم زين بينه وحده ترتاح..

خابر بابا على ماما.. كالت امي يله خل نكوم نروح .. كتلها يله.. رحت عدلت حجابي وكمت اني وماما..

كعدنه خالو وكمنه.. رحنه لبيت جدو.. اركان اخذنه بسيارته.. بس ما شال عينه بوجهي..

صراحه ما جان ابالي.. ولا كأن فد يوم جانت بيناتنه مشاعر.. كل تفكيري جان بكر.. قفله وهوه متضايق..

اريد اوصل واتصل بيه.. نزلنه.. صاح اركان وراي.. سمر.. درت. وجهي.. امي كالت شكو.. كتلها دا اشوفه شيريد..

تقربت يمه.. كال ناويه تطلكين.. كتله اي ليش.. كال بس ردت اعرف.. كتله من ارجع راح ارفع دعوة طلاك..

كال جيد.. كتله تريد شي.. كال لاا روحي طبي.. عفته ورحت للحديقه مال بيت جدو.. وره البيت صايره..

خليت عباتي عل شجره ومشيت اخابر بكر. ميرد.. خابرت 4 مرات ما رد.. عرفت تضايق..

دزيتله.. مو قصدي اضايقك والله بس جانو ورايه ناس واضطريت انهي الاتصال وياك..

ما رد.. عفته ودخلت.. طلعت رحت للبيت.. لكيت ماما واكفه وبيبي وابويه كاعد..

وامي تسولفلهم على السحر والكلام الكالته خالتي.. اركان واكف.. كال اكو سيد اعرفه خلوق و اثق بيه تردون اخذكم اله.

كالتله ماما علواا بلكت ترتاح هلسمر ما طلعت عليها عيشه.. ما شافت غير القهر..

كال كومو اخذكم مدام بعد وقت.. علمود نجي قبل الصلاة المغرب.. كالت امي ترحين. كتلها يله..

رجعت لبست العبايه.. وطلعت ويه ماما واركان.. وصلنه لبيت سيد.. استقبلونه بحراره يعرف ويعز اركان هوايه مبين..

كاله اركان هاي قريبتي.. مامرتاحه بحياتها وكالولها سحر وما عرف شنو.. وانه اخاف عليها من الدجالين واثق بيك..

كاله اي تدلل سيد اركان باوعلي وكال تعاي بويه كعدي هنا.. خله ايده على راسي وبقى يرتل قران.. ومغمض..

ابتعد.. كال بنتي هسه يله انتبهتي للسحر.. كتله ليش عمو.. كال بنتي حتى على بنيتج الجسديه مأثر..

مو بس نفسيتج وحياتج.. كال تصير عندج ضعف.. وتحسين نفسج صرتي عميه ومتشوفين وادوخين..

عندج هيج اعراض كتله دائما.. كال بنتي هاي من كد ما مشربيج سحر والعياذ بلله..

بقى يقره على راسي.. انوب وخر.. كال اكو قميص تلكيه بين الحايط والكنتور مال غرفتج.. هذا سحر.. طلعيه.. وشمري عليه شي نكس

وسحر ثاني.. تلكيه بقماش ملفوف وبالتانكي مال المي مالتكم.. ضليت صافنه عود هذا يحجي صدوك..

انطاني بخور وطلسم البسه وشغلات اخليهن بالمي واسبح.. صراحه استهزأت بالموضوع..

باوع لامي وكاللها.. بنتج ما عدها ايمان.. انتي جبريها وهذا البخور يوميه قبل اذان المغرب ب5 دقايق..

على مدار 10 ايام.. وطلعو الكتلكم عليها. وانشالله ترتاح.. تره مسوالها سحر فرق ولا ترحم..

ومخلي الكل نافرين منها وميريدها.. كتله بس اني مموجوده بعد بهذاك البيت شلون راح اكدر اطلعهم..

كال احسن شي طلعتي.. خلصتي من السحر الي محاوط حياتج.. ترتاحين افضل.. بس ميفك منج الا تبطليه..

طلعنه منه واني افكر بكلامه.. ساعه اكول خرافه. وساعه اصفن واتذكر عادل شلون لما بوسني كدام حنين..

وحسيت باحساس وياه.. وطلعت حنين زعلانه.. وشلون قررت احاول وياه كزوج.. ورفض ويكولي اختي وهوه الباسني بنفسه..

وحتى بيومها من خابرت عليه حنين.. كمز كلبه وراح يرفرف يرد عليها رغم همه جانو زعلانين..

معقوله هلكلام صحيح.. معقوله اني مسحوره.

يربي شلون اصدك.. وين اكو عقل يصدق هلشي.. حياتي امشيتها حنين.. لا ما اعتقد..

كلت اكو شي واحد يخليني اصدك.. اخابر بكر واكوله شوف التانكي مال بيتكم..

صح بيه قماش ملفوف ومشمور.. طلعت موبايلي.. ودزيت لبكر خابرني ضروري محتاجتك فدوه .

دزيت ارسال.. صف اركان السياره بالباب.. نزلت.. كتله اشكرك اركان تعبناك.. كال لاا تعبج راحه..

كتله ابريني الذمه.. علسويته وياك. والله مو بقصد تركتك.. جان غباء الا رجل مثلك اني اللي خسرته مو انتي اللي خسرتني..

ابتسم. وكال لا هاهيه مبريه الذمه روحي.. حجاها اتصل بكر.. هوه دار وجها وصعد سيارته.. امي دخلت جوه..

اني رحت للحديقه.. فتحت خط الوو هاا بكر..

بكر.. خير شكو احمد اذاج..

سمر.. لا ما اذاني.. ليش..

بكر.. مو كلتي محتاجتك ضروري خفت بيج شي..

سمر.. وما ترد عليه الا اخابرك ضروري..

بكر.. لا علموديش اخابر وارد اذا طلعت لزكه والح..

سمر.. منو كالك لزكه..؟ كتلك هيج لا

اركان جان وراي..

بكر.. اخذ نفس.. وكال علموم شرايده..

سمر.. انته بالبيت..

بكر.. براس الفرع ليش..

سمر.. بكر اطلب منك طلب..

بكر.. دكولي.

سمر.. اصعد للتانكي مال بيتكم.. وباوع بيه زين.. شوف اكو بيه قماش ملفوف ومشمور..

بكر.. شنو القصه شكو..

سمر.. هسه انته بس روح شوف وكولي فدوه.. وبعدين افهمك

بكر.. ٱפگـيہ اروح هسه دقايق اشوف واخابرج..

سمر.. ٱפگـيہ راح اتانيك.. اجت امي.. كالت ويامن جاي تحجي..

كتلها ويه بكر.. كالت سمر ما تبتي.. كتلها يووم مو علمود شي.. بس كتله اتحققلي من التانكي مال بيتهم صدك بيه قماش ملفوف..

-اي وشكال..

-ما اعرف متانيته كال راح اروح اشوف وارجع اخابرج..

-والله يايمه حياتج السوده صدك مال واحد ساحرج..الا مو معقوله عادل يعتبرج اخت حتى لو تحجيها لطفل هم يضحك عليكم..

تذكرينه شلون جان يغازل بيج.. وبكر يرزل بيه.. كتلها والله يا يمه ما ادري. اني هم دخت..

خل انتضر بكر شيكول.. بقينه. نسولف.. خابر بكر.. كتله هاااا..

بكر.. سمر هسه اني يم التانكي وفاتح لايت واباوع.. اكو جوه هيج مثل القماش الاسود ما ادري علاكه.. هوه هذا التقصديه..يتبـــــع

🌺🌺🌺🌺🌺

بله يلامون الشباب من يغنون فلك طر ام السحوره خخخخخ.. تعدم حياة بنيه علمود تعيش سعيده الله اكبر.. الله لا ينطي كل قليلة ضمير تهدم حياة