#الانتحار

#بارت21

.......................

سابين ...اي دللي بيبي حبيبتي صااار

سابين ...كملت اكل وركضت لبيبي كعدت يمها ها بيبي ادلكها الج

بيبي... اي بنيتي جيبي زيت الزيتون يمج وتعالي

سابين ...رحت جبت زيت الزيتون وكعدت يم رجلها وكتلها يلا بيبي خليني ادلكها

بيبي ...بنتي اريد احجي وياج بموضوع اريد تسمعيني ومترديني اذا عندي خاطر عندج

واني بيبيتج واعرف وشايفه الدنيا وعاجنتني الدنيا عجن وماره بجثيير تجارب بالحياة واريدج تسمعيني زين

سابين وهيه اتحط الزيت ع رجل ببيتها رفعت راسها باستغراب وكالت ...خير بيبي كولي شكو شصاير

بيبي ....اول شي اريد اعرف انو راح تفكرين بكلامي ؟؟

سابين ...شنو كلامج ؟؟ اي افكر بي بس كولي

بيبي ...شوفي بنتي من جنتو صغار انتي والمرحومه اختج جنا نكول راح نزوج التوأم لاحمد وفرقد

وصار الصار واختج توفت الله يرحمها وانتي هسه كبيره مو صغيره واعيه وتفهمين الاقصدو شنو

واني تزوجت بكدج اذا مو اصغر منج والزواج استقرار للبنيه ياسابين

وفرقد ماتلكين مثلو صح عصبي اي ماكلج هادي بس هوه كلبو حنين وطيب

وهوه طالبج بالحلال واني كلت احجي وياج واجس نبضج بالاول وبعدين احجي ويه ابوج ..

بس الاهم انو تكونين موافقه لان منريد تصير الشغله بالجبر

سابين ...يابيبي انتي شتكولين فرقد وييين واني وين احنا حتى مانتفق بالتفكير

هوه شكل واني شكل مستحيل اتزوجو بيبي الله يخليج لاتفتحين هالموضوع وي بابا

ما اوافق واذا انتي كلتي ما اجبرج يعني مراح تضغطون عليه واوافق

الله يخليج بيبي اتركي هل موضوع بلاه لا اني راهمتلو ولاهوه راهملي

_ لا بنتي مانضغط فرقد طالبج واجا حجه ويايه وكتلو اني اشوفلك اياها

_ بيبي من الاخير اني ما اكدر انفذ طلبج ما اكدر والله اعذريني

اكرهو والله شلون اتزوجو هو اني ضيفه يمكم هنا ويتحكم بكلشي ويعيط عليه ويتقاتل هم اذا نزوج شيسوي بيه يمكن يقتلني خلاص

_ لا يمه شنو السالفه ظلمتيه ..بنتي انتي فكري بالاول منا لباجر اكعدي ويه نفسج وفكري

وصلي استخاره اذا ارتاحيتي بعد الصلاة خير على خير واذا لا هم خير المهم لاتحسبين انو جاي افرض الموضوع عليج

_ صار بيبي ادللي بس شلون اصلي استخاره

_ هسه اعلمج شلون شوفي ...

في مكان اخر

وتين ...كعدت متاخره نزلت ماكو اكل ولا شي والكل دا تطبخ للغده فتحت الثلاجه مابيها شي طيب

احمد ....شفت السنفوره من نزلت تفرك بعيونها ولازمه بطنها عرفت جوعانه

فاتت للمطبخ وجيت من وراها رفعتها فوك كعدتها على كتفي وهيه تصيح

وتين ...نزلني راح اوكع راح اوكع عفيه اخاف

احمد ...لالا توته لاتنفرين حتى لاتكعين جعتي ها جاعت السنفوره

وتين ...عفيه احمد نزلني والله راح اوكع

احمد ...ما انزلج كولي شنو جاي على بالج تاكلين

وتين ...هاااا امممم جبس نستله

احمد ...تعالي عجل اخذج للسوك اجيبلج التردي اخذتها وهيه بالبجامه وشعرها مكفش

جبتلها التريدو حاولت شكد ما اكدر اسعدها واشوف تاليتها هل راح ينحل شي بزواج فرقد

بيبي حجت ويه عمو لا ...بالي ضل يفكر بهالامور

وتين ...واحنا راجعين للبيت شفت شجره رمان كبيره والرمان نازل منها منظر يجنن جان ...صحت احمد احمد اريد رمان

احمد ...ها من وين يا ست الحسن لازم من السوك

وتين ...لالا شوف هاي شجرة مليانه رمان اريد وحدة

احمد ....ميصير حرام مال الجيران هسه يكولون باكونا

وتين ...اندك الباب ونكوللهم نريد بس وحده .

احمد ...ضحكت عليها شلون تفكر شفت ابنهم بالحديقه يا محمد حمودي

محمد ...هاها هلا احمد ها خيي كول

احمد ...الفصعونه تريد رمان راح اخذ وحده .

محمد ...ولو تدلل انته وهيه كلها الكم اخذ شكد متريد

احمد ...تسلم حبيبي حمودي اخذتلها وحده ورجعتها للبيت شفت بيبي نزلت وتين وركضت الها

ها بيبي بشري كلتيلو

بيبي ...شكول خايب غير اشوف البنت موافقه لا اذا ابوها موافق وهيه لا شنستفاد وتعرف اني ما اجبر بنت على الزواج هذا طبعنا

احمد ....اي يابيبي والله صحيح كلامج مافكرنا بهالشي

فرقد ...كاعد افكر بغرفتي شوكت تحجي بيبي ويه عمي وندك الباب .. منووووو؟

سابين ... اني عادي افوت ؟

_ ركضت فتحت الباب اي سابين شصاير

_ لا مصاير شي بس اريد احجي وياك بشي

_ اي فوتي

_ لا خليني بالباب

_ ماشي براحتج خير ان شاء الله كولي

_ انت كلت لبيبي تريد تزوجني وليش تريد تزوجني انا ما اريد اتزوج لساتني صغيره ..

فرقد اترجاك بعدني ماخلصت دراستي المتوسطه بعد ما خلصت الله يخليك انزل احجي وياها كوللها

بطلت ليش تريدون تغصبوني ع شي ماريدو

_ تحجي وعيونها مغوركه وخايفه مني معرف عبالك وحش جدامها سحبتها للغرفه وسديت الباب

انوب ارتعبت اكثر وكامت ترجع لورى وتدحك ع الباب وتريد تطلع واني اهدي بيها

اهدي سابين راح احجيلج الزواج مو مثل ما انتي مفكره اكعدي يمج واني ماراح اتقرب لتخافين اهدي وبس اهدي فدوة لگلبج ..

شوفي فكرنا اني واحمد وكلت زواج على ورق واعرفج بعدج صغيره واعرف متحبيني وتكرهيني

كل هذا اعرفو بس لازم تعرفين شي انو هالزواج علمودج انتي ووتين

علمود اطلعج من البيت الانتي بي وهم علمود نكدر نسحب وتين

لان راح تصيرين مرتي واني ولي امرج ومحد يكدر يتحكم بيج جاي تفهميني

هل زواج هوه الحل الوحيد حتى ننقذكم من بيت اهلكم وتجون تعيشون يمنه وتخلصون من هل عذاب

_ لا شنو يعني زواج على ورق وليش تطلعني من البيت وشنو تستفيد انت وليش تفكرون عني فرقد انت متعرف شي

_ اششششش لحظه سمعي راح اشرحلج زواج على الورق يعني ماتصيرين مرتي يعني شلون افهمج بله والله حرت خرررب

شوفي يعني تكملين دراستج وتكون عندج غرفة تنامين بيها واختج نكدر نجيبها يمنا هم تعيش ويانه وامج مراح تكدر تضربها اكثر افتهمتي

سابين بقت صافنه ع كلام فرقد بحيره كلتلو ...شنو يعني زواج ؟؟!!!

_ خررب حظي هاي شحجي وياها بله ..شوفي يعني يعني شسمه معرف شكولج يعني هيج الزواج تنتقلين من بيتكم تجين تعيشين ابيتنا فهمتي بس وتكونين مرتي

_ يعني لازم اصير مثل ماما اطبخلك واغسل هدومك وانته تجي تصيح وتضربني مثل بابا

فرقد ...لاحول ولاقوة الا بالله بكلبي هذا الفهمتي من الزواج امده اهلج الي وصلوا فكرة الزواج الكم بهذا الشكل ..

هسه يربي شلون اشرحو الها هاي فاهيه مامفتحه وطلعتي طفله وما اعرف اوووف يربي شسوي هسه

لا شوفي ماتغسلين هدومي ولاتحضرين الاكل ولا كلشي

بس تدرسين ومن تكملين دراسه تدخلين كليه حلوه

واكوم اوديج وارجعج واشتريلج ملابس حلوه ولوتين هم وما اخلي احد يمد ايدو عليكم

_ هاااااا هو هذا الزواج يعني مو مثل ماما وبابا

_ شلون مشكله هاي ياربي شلون راح افهمها ... لا مو مثل امج وابوج والله راح اعاني وياها هل هبله هاي

_ يعني اذا وافقت هذا الراح يصير

_ انقهرت عليها شلون خايفه واني اصلا ما افكر بغير شي والله غايتي اريد انقذهم وبس

وهيه ماتعرف شنو الزواج راح امشي هالفكره عليها بس توافق وما اجبرها على شي تعيش ويايه كاختي

بس اي سابين هذا الزواج شتكولين اذا تقبلين حتى اجيبج انتي ووتين واجهزلكم هاي الغرفه هم

_ اي عجل اوافق اذا هيج

_ ضجت عبالك دا اضحك عليها زين اذا افتهمت السالفه بعدين شنو يكون رد فعلها والله تذبحني هاي مخبله ادري بيها

_ سابين حجت بطفولية ونبرة بيها برائة ماشي عجل احجي ويه بابا اذا وافق حتى ننتقل اني ووتين هنا وانداوم مدرستنه يمكم

فرقد حط ايدو ع وجهو من حركة اعصابو وكال ...هلا هلا هذا كل الفهمتو من كلامي

روح طم نفسك فرقد رووووح انت الجبتها لروحك نعلعلا حظي

احمد ...ها ول يابه فرقد وينك فتت وطلعت سابين فرحانه ها خير شكو الضحكه ماليه وجها

فرقد ...عوفني بحالي مصيبه هاي طلعت فاهيه وماتعرف شنو زواج

احمد ...شلون يعني

فرقد ...السمعتو يا بيك كعدت تكلي شنو يعني الزواج

_ خرب حظي وخاف شرحتلها ؟!!

_ اي مو كالولك خبل حتى اشرحلها بابا هاي الامور امها تعلمها اياها مو اني ..اني ششرحلها اتخبلت شبيك

_ عجل ليش طلعت فرحانه شكلتلها

_ ماتسكت كتلها الزواج يعني تنقلين انتي و وتين وتعيشون يمنا

_ هلا هلا شلون شرحتو هيج امداك

_ اي سالتني اساله ما اكدر اوضحها الها البنت فاهيه ابني فااااهيه ماتعرف كلشي بس لسان عدها

عقلها فارغ ماتعرف شي بالدنيا تريدني اطلع عينها ع ايدي عوفها خلها بوكتها عود امها اتعلمها مو اني

_ طول بالك هسه شلون

_ نكمل وياها اصلا هو هذا الراح يصير زواجنا بس ع الورق حتى انجبيهم يمنا وبس مااتدنه يمها ابد

_ زين لتروح تسال احد ويجاوبها وتنقلب ضدك

_ اذا صار هالشي اني بعداد الموتى والله اخر مره عضتني عضه نبتت سنونها بيه هالمره تخنكني واتطلع روحي

_ شنوووو شنووو بله احجي شوكت عضتك وليش عضتك وين بله شوفني واحجيلي هالسالفه جديده عليه ماسامعها

_ لاتتمسخر مو واصلك والله راسي طبل خلي تنحل هالشغله

سابين ...ركضت يم بيبي واني فرحانه راح اخلص وتين من سناء وطارق واخيرا لكينه من ينقذنا من جحيم اهلنه

(هنا سابين ع برائتها كانت فرحانه بالخلاص من السجن المؤبد الي جانت محبوسه بي هيه واختها لكن متعرف المستقبل المظلم والمجهول الي منتظرها )

بيبي بيبي راح اتزوج من فرقد وبعد الزواج اعيش يمج مو يعني بهذا البيت جنت طايره من الفرح

بيبي ...شغير رايج بسرعه ولج توج جنتي ترفضين وماراضيه تسمعين بأسم فرقد

سابين ...وافقت بعد بيبي المهم اعيش يمكم مو مهم الاهم اجي يمج اعيش يالغالية

_ ها خير ان شاء الله عجل اني ورا الغدا احجي ويه ابوج بس بنتي متاكده خلي لباجر وتاكدي زين ترا هالطر

يق مابي رجعه

_ اعرف اعرف
((سابين ماجانت تعرف شنو زواج ولا تعرف الجاي شنو والمنتظرها شنو

كل الشاغل بالها وكتها جان وتين وشلون تطلعها من بيت سناء وطارق ومافكرت للحظه انو ترفض

وفرقد ما وضح الها الموضوع زين لان هم هو جان رايد يخلصهم من عمو ومرت عمو

مأسات عاشوها بدينا ظلمة مالها علوم بسبب العنف والاستبداد الاسري ))

وقت الظهر والكل كااعدين ع الغدا

بيبي ...طارق ابني ورى الغدا رايدتك بموضوع

طارق ..خير يمه شصاير مريضه شي

علي ...شكو يمه احجيلنا

بيبي ...هااا بسكم عاد كلت محتاجه ابني احجي ويا شبيكم فكيتم حلوككم

فرقد واحمد معالم وجوهم ماتتفسر من القلق والتوتر

طارق ...صار يمه تامرين امر

بيبي ...ماتامر عليك ظالمه

فرقد ...كاعد على اعصابي يلا يهالغدا ما يخلص

احمد ...شبيك متوتر رجلك ما وكفت اهدى فرقود كول يالله

فرقد ...بله ماتسكت عساس انت الي هادء ..كمت من السفرة وكتلهم دايمه عليكم

الكل ..صحه وعافيه

فرقد ...ماتحملت طلعت لغرفتي انتظر واشوف الراح يصير مدري شبيه

عبالك سايقيني للاعدام اوويلي عليه هل بنات قضيتهم شغلت كل تفكيري ولازم اوضع حد للي ديصيرلهم من اذيه

بس كون بيبي تكدر تقنع عمي ويتم كولشي ع خييير اوووف تعبت اعصابي من التفكير

طارق ....يلا يوم كملت اذا هاي كومي اوديج للغرفه ومنه هم نسمع موضوعج

بيبي ...يلا يمه سابين جيبيلنا ستكانين جاي للغرفه

انمار يهمس بأذن يزن ...صار بيها جاي اكو انه بالموضوع

يزن ...وداعتك ماعوفهم اله اوكع ع العلة ..ركضت على فرقد الي لاحظتو متوتر من كعد ع الغدا ،هااااا ولك شمخطط

فرقد ...بعدين تعرف هسه لاتلح

يزن ...افا عليك مو اصدقاء واخوه بالدم تضم عليه الله يسامحك

فرقد ...اوووف بعد ماصارت الشغله انتظر تصير واحجيلك تعرف ما اضم عليك شي

يزن ...احجيلي حتى لو ماصارت تعرفني ما احجي بيها

فرقد ...اهوووو شون لزكت انت اريد اخطب سابين ارتاحيت

يزن بصدمه فتح حلكو وكال ...شنووو بربك لالا عيدها كول والله

فرقد ...وجع من الله شبيك لتكون حاط عينك عليها

يزن ...لا يابا ليش نسترجي نحطها عليها اكو قوات خاصه تفكسها النا

بس شو ليش ماكلتلي لو ما اسالك ماتحجي من شوكت تحبها ها حب سري ومانعرف عشكان الاخ

فرقد ....ياعشك انت الثاني خررب حظي ((لو تعرف الاعرفو))

يزن ....عجل زواج ايش خطبة ايش غير تحبها يلا تزوجها

فرقد ...هسه اسكت انت الخ بعدين انطيك التفاصيل

يزن ...فرقد خيي ترى البنت بعدها صغيره لتشوفها مدنفشه والله شكلها بس السان ترى مو واعيه وهالشي واضح عليها لاتنغر بيها

فرقد ....من صدك شلون عرفت مو واعيه

يزن ...اشوفك مهتم

فرقد ...ماتنجب والله مالي خلكك كوم نطلع ويه الشباب نتسلى شويه

يزن ...وتترك حبيبتك والله حرام عليك

فرقد رص ايدو بغضب ...لاتستلمي ادفنك والله

يزن ...فديت اليهدد وماينفذ ههههههه

طارق ....خير يمه الجاي وشربنا شغلتي بالي كولي شصاير شنو موضوعج

بيبي ...اول شي اسالك اني عندي خاطر عندك

طارق ...الله يسامحج يا يمه شلون ماعندج خاطر عندي تراج انتي الغاليه شعندي غيرج بس كولي شنو طلبج والله شغلتي بالي

بيبي ....خير ان شاء الله اذا هذا كلامك عجل ماراح تردني وتقهرني

طارق ...شلون اقهر ست الحبايب التريدي اعتبري نفسج ماخذتو انتي بس اامري وميضل خاطرج الا طيب

بيبي ...من الاخير اريد تنطيني سابين لفرقد

طارق ماستوعب طلبها فتح عيونه ع وسعهن وكال ....شنوووووو

بيبي ....اشوفك انصدمت وشكلك راح تتراجع عن كلمتك

طارق ....لا يمه بس مستوعبت اول مكلتي شلون يعني تريدين تزوجيهم

بيبي ....اي وشنو يعني نزوجهم البنت خو مو صغيره وفرقد ابن عمها مو غريب يعني يكبعها وياخذها

طارق ...ماكلت شي يمه ع عيني وراسي بس لاتشوفيها لسان ترا سابين لساتها طفله ماطالعه باب البيت

بس للمدرسه شيفهمها بالزواج الله يخليج ومن شوكت احنا نزوج بناتنه بهيج عمر

بيبي ...شوف ابني البنت تزوج بالاخير تزوج يعني هسه بعد سنه هم راح تزوج

والفهم احنا نشرحو الها وهاي اني شوفني شصغرني تزوجت وربيتكم وكبرتكم خربت الدنيا يعني والولد طالبها واني سالتها وهيه موافقه

طارق بذهول ماصدك ...شوكت طلبها وايمته سالتيها

بيبي ...عوف هالاسأله طروق وكولي تنطيني لو لا

طارق ...يا يمه بالعقل الله يخليج بالعقل خلي نحجي تشوفيها جاهزه للزواج

باجر لو حملت شون تشيل طفلها ماتشوفين جسمها طفولي

بيبي ....اذا على هالشي ناخر الزواج سنه سنتين المهم نخطبها لفرقد

وبعدين اني جنت انعم منها وتزوجت وجبت وماصارلي شي هاي اني جدامك

طارق ...والله يايمه ما اعرف شحجي هيه وينها وشيفهما بالزواج حتى توافق

بيبي ...بنات هالوكت مو مثلنا ابني واحنا ما نقصر وياها وبعدين وين تلكا مثل فرقد لبنتك ها بله

اشو فدوة طول وحسن ومال وجمال لو تريد تزوجها مثل ماتزوجت حضرتك ومحد يعرف بيك

طارق ...لايمه لا زواجي جان اكبر غلط وما اريد اغلط بحق البنات

بيبي ...اذا اتفقنا حتى نعلن الخبر

وثم يا يوليدي اني فرقد مربيتو على ايدي

اعرفو وگلبو حنين وراح يسعدها ويعيشها بجنه انت وافق وبنتك امانه عدنا

طارق ...زين يمه ودراستها شلون

بيبي ...استغفر الله هسه اني كلت نجيبها ونكعدها بلبيت تخدمنا شبيك وليدي

ابني حالها من حال هاجر تكمل كل الصفوف التريدها وتتعين هم لاتشيل هم احنا نعتبر مثل اهلها

طارق ..والله يوم اذا تشوفين هالشي مناسب سوي بكيفج ضلت يمج

اني بس رايد مصلحتها ومثل مكلتي ما ازوجها هسه لان صغيره

ع الاقل خلي يصير عمرها ١٦ او ١٧سنه توعى اكثر وهم لازم احجي ويه فرقد

بيبي ...على خير ان شاء الله

علي ...ها ابو سابين كول بيها شي امي

طارق ...لالا مابيها شي

سناء ...طارق حضرتلك الغرفه تعال ناملك ساعه ...اكول شرادت عمتي منك

طارق ...بعدين تعرفين

سناء ...على اساس متامله تحجي

طارق ...بس لو تبطلين هالنق مالتج ذبحتيني

سناء ....على شنو نقيت بله هوه بس سالتك صاير متتحاجه

طارق ...ردت اغفى شوي بس مكدرت ضليت ادور براسي يمين يسار صارت ساعه ٤العصر

طلعت توضيت وانتظره ياذن داصلي صحت وتين الجانت مخليه راسها ويه هالدفتر وتلون تعالي وتين

وتين ...ها بابا

طارق ...سابين وين بنتي

وتين ...بابا يمكن فوك ويه هاجر

طارق ...دطلعي صيحيها بسرعه

وتين ...اي صار بابا
سابين سابين تعالي بابا يصيحج

سابين ..خير شكو

وتين ..معرف تعالي يله

سابين ...ماشي نزلت واعرف ليش يصيحني ، ها بابا حبيبي

طارق ...تعالي بنتي اريدج بموضوع

سابين ...اي كول بابا

طارق ...شوفي بنتي اكيد حجتلج بيبيتج انو فرقد طالبج صح وانتي كايلتلها موافقه ..

سابين هزت راسها بمعنى اي

طارق ...بنتي انتي تعرفين انج بعدج صغيره ع الزواج واني تهمني مصلحتج قبل الكل والزواج مسؤوليه مو لعب جهال

سابين ...بس بابا

طارق ...خلي اكمل بنتي وسمعيني للاخير اني مكدر ارد خاطر امي وكلت اسالج تفكرين مره ثانيه ولاتستعجلين

هو صح ما الكا مثل فرقد زوج مناسب الج بس هم اريدج تفكرين

اني فكرت وشلون ما دورتها براسي اشوف بعد وكت

بس بيبيتج مصره نسوي خطبه وبعد سنه الزواج انتي واعيه شنو جاي احجي

سابين ...اي بابا واعيه

طارق ..بنتي راح احجي ويه امج وانتي هم كعدي وياها واحجو شوفي شراح تكولج وفكري بي زين

هسه روحي صيحي امج حتى نحجي وياها والله يستر

سابين ...اي بابا هسه ...رحت حتى اصيح امي وجنت فرحانه لان راح تصير عندي حياة جديدة خالية من عذاب سناء وطارق ...ماما ماما

سناء ....ها يمه حبيبتي شصاير

سابين ..بابا يصيحج

سناء ..رحت للغرفة شفت طارق كاعد وبداخله كلام يريد يكوله كتلو ها طارق شردت

طارق ...تعالي اكعدي حتى احجي وياج ..سمعي ما اطولها عليج من الاخير

فرقد رايد يخطب سابين والزواج بعد سنه او سنتين بس تكبر شويه واني نطيت كلمه لامي انو انطيها

وانتي دورج تكعدين وتوعيها وتفهميها شنو الزواج شنو خطبه شنو راح يصير

بعدين كله لازم تفهمو وتفكر بي قبل لا توافق اذا رفضت طبعا ما اغصبها هذا قرارها

بس اني يكون بعلمج ممعارض زواجهم لان اعرف فرقد كدها وابن اخويه احسن من الغريب

سناء رفعت حاجبها بصدمه وضحكت باستهزاء وكالت ....تشاقه مو ،،

طارق ...شبيج مخبله شوكت متشاقي بهيج موضوع اني

سناء وبعصبيه صرخت ..لاااا انتو اتخبلتوا اكيد شلون تريدون تزوجون قااااصر شنو من تفكير هذا ...

اسمع داكولك ايلين بنتي اني مو بنتك انت ..اني الربيتها بيا حق تاخذوها مني

انته واعي انو هيه بعدها طفله لابعد سنه ولاعشرين سنه ازوجها لفرقد فاهمين

هاي بنتي ومحد ياخذها مني والى راح يزوجها يكون من عائله غنيه ومثقفه مو ابن اخوك المهتلف

طارق ...انجبي لاطيح حظج وابن هالعائله الغنيه المثقفه راح يسعدها مثل ما انتي اسعدتيني مو هه ..

شوفي ولج اني كلمه وكلتها وبنتج ايلين ماااااتت استوعبي هالشي ماااااتت والبقت بنتي سابين

اني الاقرر مستقبلها مو انتي ترضين ماترضين طبج طوب زين واياج ثم اياج تسوين مشكله بهالبيت انعل والديج فهمتي ويلا ولي من جدامي

سناء ...والله على جثتي مايتم هالزواج فاهم اني انطي ايلين لفرقد تحلمون بهالشي

طارق ...نشوف منو اليحلم ست سناء نشوف طلعت وطبكت الباب

سناء ...هاي من كل عقلو يحجي والله يالله اشوف عود كلامكم يمشي لو كلامي هاي بنتي ..
صحتها ايييلييين ايييليين تعالي

سابين ...سمعت سناء تصيحني نزلت ركض هاها ماما

سناء ...حضنتها ما اريدها تروح مني بعدين بعدتها شويه عني وردت ادحك لعيونها الملونه بس عيونها جانت مو ملونه ..

بنتي عيونج ليش مو ملونه ها وين راح لونهم بنتي ايلين عيونها نفس عيوني ليش عيونج مو نفس عيوني ها ليش

استوعبت انو هاي مو ايلين وانما سابين دفعتها

سابين برعب من حال امها وخافت من تصرفها كالتلها ...ماما شبيج صاير شي

سناء بحالة هستيريا صرخت بوجه سابين وكالتلها ...انتي مو ايلين اني صحت ايلين وينها جيبيها الي روحي صيحيها

سابين ...ماما شبيج ايلين ماتت اني سابين استوعبي هل شي انييييي سااااا

ابين مو ايلين كااااااافي اصحي

سناء ...عصبت من كالتلي هيج كمت قفلت الباب ونزلت بيها ضرب راشديات جريتها من شعرها مسحت بيها كاع الغرفه والكل التمت تدك بالباب على عياط سابين

واني اضربها واكوللها اختج وين وين وديتي بنتي انتي الموتيها جان لازم انتي تموتين وهيه تعيش

الباب يندك بهستيريا وسابين تصيح بكل قوتها بااابا بااابا بيبي تعالي طلعوني

واني تهسترت ما اكدر اوكف نفسي اريد بنتي وهاي مو بنتي احس افعالي تطلع مني لاارادية دميتها اتدمي

طارق ...ادفع بالباب بكل قوتي والباب بي اقفال حديد من الداخل مستحيل ينكسرون

تهسترت ادك بي واصيح سنااااااء عوفي البنت لتمووووت جوه ايدج ولج بنت ال ....عوفيها

فرقد ...نزلت ركض واني اسمع عمي يصيح كلبي صار بالكاع ها ها عمي شكو وبيبي تلطم وامي الحك ولك فرقد راح تموتها للبنت دحكت شفت وتين خاتله بحضن بيبي وتبجي

عرفت سابين بالداخل وامها دا تضربها وبابا وعمي واحمد يدفعون بالباب بس الباب مستحيل ينكسر ..

وللحكاية بقية .....



يتبع .......

#الانتحار

#بارت22


فرقد ...اتخبلت يربي شسوي هسه البنية حتموت جوه ايد هل المجرمة لازم اتحرك

جطيت كبل للخارج طلعت للحديقه تسلقت الا ان وصلت الشباك نطيتو دفره كسرت الجام

والحمايه مالتو ضليت ادفر بيها برجليه ثنينهم ردتهم ينكسرون واني اكف وادفرها بكل قوتي تكسرت رجلي اتكسر

الا ان انكسر شيش واحد وفتت شفت سابين لا حول ولاقوة والدم مالي وجها

وسناء مستمره تضرب بيها بدون وعي انطيتها دفره لزكتها بالحايط

وشلت سابين وركضت فتحت الباب وطلعنا بيها للمستشفى

احمد ...وره الصريخ والبجي وكف صوت سابين ما بعد نسمع صياحها كلت ماتت من الضرب هنا اني اتخبلت

وطلعت برا صحت على فرقد ولك بسررررعه ماتت ما اسمع صوتها اقوى اكسرها يلااااااا راح تموتها دخيل ربك ع السريع

من كسر فرقد الحمايه وطب للغرفة ركضت جبت جرجف وانتظرت يفتح الباب اول ما طلع شفتها وجها يصعب على الكافر انو يشوفو

ماكو ملامح بي كلو متورم من الضرب وينزف كبل ذبيت الجرجف عليها ولفيتها بي

وركضت ويه فرقد الي جان شايلها مثل الجثة الهامده وديناها للمستشفى وعمي وابويه جو ويانا

فرقد ....وصلنه للمستشفى ركضت مثل المخبل اصرخ وسابين بيدي .. دكتوووووور دكتووووور بسرعه ساعدنا

الممرضه جابت سديه وخلينا سابين عليها وفاتت للطوارئ فاتو الدكاتره عليها والكل يسال

شصايرلها منو عنفها بهالشكل كل ما واحد يفوت ويطلع يسأل هالسؤال واحنا مانعرف شنكوللهم

الدكتور طلع

فرقد ...ها دكتور طمني رحمه لاهلك احجي شبيها البنت

طارق ...شبيها بنتي دكتور صارلها شي

الدكتور ...اول شي لازم نسويلها تصوير للجمجمه خيطت الجرح البراسها علمود اوكف النزف الحاد بس لازم اسويلها تصوير ...

وثاني شي هاي مضروبه منو الضربها بهالوحشيه بعمري ما شفت هيج حاله لساتها طفله شلون تسمحون لنفسكم هيج تأذوها

اما ثالثا اني مجبر ابلغ عن هالشي سياسة المشفى تستوجب انو ما اسكت ولازم افتح محضر بالجريمة هاي

علي ...دكتور انت تعرفنا وتعرف صيتنا اذا حجيت راح نصير علكه والصار سوء فهم وراح يتعالج والسوا بيها هيج مراح نتركو فعلوا تتفهم وتنسد القضيه هنا

سابين ....فتت على المشفى واني اسمع صراخات فرقد واحمد جنت هالكانه ما اكدر احجي

الدكاتره يفوتون ويطلعون ماكانوا يكدرون يدحكون بوجهي واسمع الممرضات يكولون الله يكسر ايد السوى هيج بيها طفله شلون هيج يضربوها

والدكتور يصيح جيبوا ضمادات جيبو قطن جان راسي حار حيل ويوجعني جثييييير

جنت احس بالابره تفوت وتطلع بي مسكت ايد الممرضه وكتلها دتوجعوني

والممرضه تكول بنتي خلصنا والله بس نفذتين ضلت اتحملي واني اكوللها شداتسوون

الدكتور ...قطعي الخيط ولفيلها راسها بسرعه وخذيلها تصوير مقطعي وتحليل دم بسرعه

مساعدة الدكتور ..طبعا دكتور عدها جرح قديم قريب من جرحها هذا

الدكتور ...اي شفتو سوي الكتلج علي حالاً

المساعدة ..صار دكتور

فرقد ...دكتور عادي اشوفها

احمد ...واني هم دكتور علوا نطمن عليها

دكتور ..بعد ما خلصنا شغلنا بس نطلعها للغرفه تشوفوها هسه لا

فرقد ...شلون احمد شلون شوف شكد نزفت هدومي كلها دمها شوف

احمد ....ادعي تطلع سلامات وبس ادعيلها

فرقد ...اريد اشوفها حتى لو من بعيد واريد اعرف شصار حتى هيج ضربتها

احمد ....اصبر ولكل حادث حديث راح نعرف الصار اول وتالي المهم هسه نطلع سابين من المشفى بسلامه

علي ...ولوخيي شصار حتى هيج ضربتها متكولي هاي شبيها حرمتك تخبلت ماتشوف ماتت البنت جوى ايدها

طارق ...ابو احمد الله يخليك خلي هالحديث لبعدين اني اذا خسرت بنتي والله ارتكب بيها جريمه هاي الماتخاف الله

علي ....امشي نكعد هناك لبين مايجون يطمنونا

فرقد ...كاعد اهز برجلي متوتر اريد يطلعون ويحجون ويانا ينطونا بس خبر على الاقل

احمد ...فرقد وترتني كافي تهز برجلك والله اعصابي تلفت من وراك

فرقد ...احمد موبيدي اعصابي كلها دتهتز ومداكدر اسيطر ع روحي

احمد ..الله كريم خيي ان شاءالله مابيها شي وتطلعلنه بخير وسلامة بس كول يالله

فرقد ..يااااااالله

سابين ...تركوووووووني بااااابااااااا تعااااال

احمد ...نشمط كلبي من سمعتها صاحت هيج

فرقد ...كمزت على طولي وماتحملت فتت للغرفه ركض شفتها تصيح وتدفر برجلها

والممرضات لازميها مثبتيها والدكتور جاي يثبت جهاز على راسها وهيه تصيح وتبجي ..

ركضت لعدها لزمتها واريدها تهدء دكتور شكو شبيها نطوها مخدر شي الله يخليك

الدكتور ...جمجمتها مكسورة ودا احاول ارجعها واثبت هالجهاز عليها حتى تلحم

احمد ...ركضت ورا فرقد وفتت وشفت البيها لزمتها اني هم واحجي وياها راح نخلص وبس تطلعين ناخذج سفره

انريدها بس تهدء ماكو ضلت تصيح ومتقبل احد يلمس راسها والدكتور تعب جثير وياها يلا كدر يثبت الجهاز عليها

بعدها انطاها مهدء ونامت طلعنا شفنا عمو طارق وبابا وحجينالهم الصار

في البيت

وتين ...من شفت الصار ويه سابين تاكدت انو راح يصير بيه هم ن

فس الشي

ركضت ختلت يم بيبي اما بيبي الي ضلت تلطم وتبجي وتدعي على سناء

الي ضلت بمكانها ماتحركت مثل الوحدة المختله عقلها او هيه اصلا مختله عقليا صحيح

بس تردد ويه نفسها ايلين ما ماتت سابين الي ماتت وايلين عايشه بنتي عايشه

مرت عمي وهاجر محد تقرب يمها بعد الشي السوتو الكل خاصمها

وجنا ننتظر خبر منهم لازم واحد يجي ويكوللنا محد بيهم جان يستخدم الهاتف

بس احمد عندو واحد وفرقد اما الي بلبيت ماعدهم وميكدرون يتصلون عليهم

راحت مرت عمي لبيت جيرانا وكالتلو يخابرهم ويستفسر منهم وراها رجعت

وكالت الوضع مو زين سابين مكسور راسها والدكتور بالف ويل يلا كدر يسويلهيا

وبيبي تلطم بعد بلزايد وتكول الله لايوفقج والله ساعة السوده يوم الفتي بيها على حياتنه يا ماتخافين الله

وكامت راحت ليم سناء وتصيح عليها شسويتي بيها ولج شسويتي بالبنيه

الله ياخذ روحج ولج شسوت حتى هيج ضربتيها ماتحجين يامال العمى اي والله

وسناء ضلت ساكته ما حجت حرف واحد بس بقت بمكانها وتدحك على الدم الطالع من راس سابين

مرت عمي ضلت ترجف وحاضنتني وتكول لتخافين مابيها شي ورا ٣ساعات فاقت سابين من البنج

فرقد ...طولت جثير وهيه نايمه بتاثير المهدء اول ماكعدت عاينها الدكتور وسمحلنا نشوفها

فتت واني كلبي نار عليها اريد اشوف شصار بيها واغلي من العصبيه واريد ارجع اذبحها لامها

طارق ....ها بنتي شلون صرتي

سابين ماتحجي ابد مو كادره تنطق حرف واحد

علي ...راح شرج سوسه راح ان شاء الله متشوفين غير العافيه بنيتي شلونج هسه مو احسن هسه راح نطلعج ونوديج للبيت وهناك عمتج هناء تهتم بيج

احمدالجان مصدوم محجا شي بس يدحك عليها

سابين ....احس براسي ثكيييييييل ما اكدر احركو ولا ارفعو واكو شي راص علي قوي وما اكدر افتح عيوني من الوجع

جفن عيني ياذيني حيييييل يربي بس ابجي بصمت بس دموعي تنزل

واريد اكوللهم نيموني ما اكدر ونفسي تلعب من الوجع اريد انام ما اريد احس بأي شي

شالني فرقد بعد ما قرر الدكتور انو اطلع واحمد لفني بالجرجف جنت ارجف من البرد مع العلم الجو صيف واجرنا تكسي ورجعنا للبيت

فرقد ...اول ما وصلنا للبيت دزيت احمد كتلو شوف سناء اذا موجوده خلي تنكلع ماريد سابين تشوفها وتنكلب نفسيتها ..

فتت بيبي وامي ركضو عليها وبابا يكوللهم عدت الحمدلله وعمي وجهو مايتفسر

اول مافات صاح بعصبيه ويييينها هالماعدها ضمير وينها وامي تهدي بي

هناء .... ابو سابين ماصار شي اهدء الصياح ميحل شي والحمدلله هاي رجعت

بيبي ....جوا جوا بالغرفه

هناء ....عمه نريد نهديهم الله يخليج شبيج اسكتي لاتصير كارثه الخاطر الله

بيبي ...ماتسكتين انتي بله خلي يكسرها تستاهل مو حرام هالصغيره هيج صار بيها روحلها ادبها المتخاف الله

هناء ....ابو سابين اهدء بالاول علي احجيلك شي كلمه

وتين ...عمو علي واحمد وفرقد ماحجو شي لان السوتو سناء بنضرهم كبير ماينغفر وهمه اصلا مشافو الجرائم مالتها قبل

وهاي عباره عن كتله جثير بسييييطه بنظرنا انا وسابين مارادوا يتدخلون

لان جانو حاقدين عليها بوكتها بالاخص فرقد الجانت عيونو تطفر شرار

اما احمد ماقبل تنام بالطابق الارضي وكال تطلع فوك حتى لاتشوف امها وتتحسن نفسيتها

وهم احنا يمها حتى لتتكرر هالحاله انغام الجانت رايحه لبيتها رجعت بلليل هيه وبنتها

اما يزن وانمار الجانو بشغلهم رجعو المغرب وشافوا الوضع ونصدموا بالشافوا

يزن ضل يسال ويستفسر وفرقد صاح بي اسكت يزن

بابا من فات لسناء ماخلى من الرزايل والضرب جنزها ومحد ادخل بيناتهم لان تستاهل ..

وعمه الي جت متاخره وسمعت بابا يصيح ويضرب بسناء فاتت وفاككتهم واني عفتهم وطلعت ويافرقد واحمد لغرفة سابين

مرت عمي جابت اكل لسابين حتى تشرب دواها وفرقد طلع لغرفتو واحمد ضل ويانه يحجي ويريد يضحك سابين

فرقد ...فتت لغرفتي هدومي كلها دم سبحت ع السريع وطلعت يووووم سوي عشا خطيه لسابين حتى تشرب دواها ..

هناء ...يما سويتلها وطلعتلهيا

يزن ...تعال فرقد عادي اطلع وياك اشوفها شصارلها

فرقد ...اي عادي تعال شوفها وانزل اسال بيبي تحجيلك اني مكدر تعبان حيل

يزن ....طلعت شفتها حالها متبهذل وراسها وارم عيونها زركه تحمدت الها بلسلامه ونزلت استفسر من بيبي

انمار ...طلعت شفتها خطيه ونطيتها جبس جنت جايبو ويايه لاراده بلكت تتحسن وتسكت لان جانت بس تبجي من وجع راسها

فرقد ...شفتها شلون ذبلت بظرف ٥ ساعات بس واصريت اتزوجها وما انتظرها لا سنه ولا حتى ساعه وحده

بيبي ...تعالي ولج انغام عوفي خلي يكسرها هالماتستحي الله يلعنها ويسود وجها

انغام....ول يمه شصاير هاي شبيكم تركتكم الضحى مابيكم شي شجالكم عين الماصلت ع النبي

بيبي ....لا عين ولا شي هاي الخبله منو يصيبها بعين لزمت هالبنيه وكسرتها من الكتل

انغام ...سناء يمعوده شصارلها بعدها صغيره وتغلط

بيبي ...هيه اول شي خلي تغلط والله يايمه بدون سبب نزلت بيها بكره كتل عساها بلكسر ايديها ان شاءالله

انغام ...هيج بدون سبب

هناء ..

..والله يمه البنت عاقله ماشفنا بدر منها شي

انغام ...الله يهديها بس

وتين ...نامت سابين وبدون ماتاكل اي شي جانت متوجعه وبس شربت دواها نامت

احمد .....دكيت الباب على فرقد جان يزن يمو

فرقد ....تعال احمد فوت

احمد ....اكلك لازم نحجي ويه بيبي ونخليها تستعجل بزواجك منها

يزن ...ليش العجله ماتشوف حالة البنت

فرقد ....وهو اصلا الزواج علمود نخلصها من امها

يزن ....وربي مفهمت اي شي ليش تخلصوها منها شمسويه امها لكل هذا الخوف والقلق منها

احمد وفرقد ...حجينا السالفه ليزن الجان بيت سر فرقد ونصدم هو الاخ ومصدك بس الحادثه الصارت اكدت اله قساوة سناء

يزن ....والله سالفتكم متدخل براس بني ادم هاي امهم تعرفون شنو يعني ام ام هاي شلون هيج تسوي بيهم

فرقد ... احنه هم مجنه انصدك بس اليوم اتأكدنه ١٠٠% من كلام البنات هاي امهم معاقه عقليا واي شي تسوي خارج عن سيطرتها يعني انسانه مريضة

والله لازم نسالها باجر اني ارجع ااكد على بيبي واخذها منهم واخلصها وهم احجي ويه عمي واقنعو بلكت يرضى يزوجني اياها

يزن ....يعني زواجك حبر على ورق وبس

فرقد ....اي بالضبط

يزن ....زين ليش مو زواج حقيقي يعني مو احسن من هالعبه هاي

فرقد ....مو سابين ماتعرف شنو زواج واصلا بعدها صغيره ماريد اضلمها وكل بالها انو الزواج هو انتقال من بيت ابوها وتعيش ابيتنا

((الليله هاي جانت حييييل طويله على سابين ووتين ضلت عايشه حالة رعب من انو يجي الدور عليها))

هناء ...طلع الصبح وسابين الليل كلو منايمه وضلينا نتناوب عليها

مره اني مره هاجر وابوها ضل يمها ما نام الليل كلو

ابني فرقد ضل يمها وماقبل يرتاح

بيبي ...تعالي يولي هناء تعالي يمه شلون صارت سابين

هناء ...والله عمه الليل كلو منايمه وبس تون من الوجع

بيبي ...الله يهديها هالسناء وبس ،يمه سويلها اكل جبن على خاثر وبيض بلكت تاكل شويه

هناء ...صار عمه ادللي

طارق ...صباح الخير يمه

بيبي ...هلا هلا بطروقي تعال ابني تعال احاجيك

طارق ...اامري يوم كولي شصاير

بيبي ...صدكني يا ابني هاي مو اول مره هالحيه مرتك تضرب البنات هيج

طارق ...والله يمه خليني مانحجي بهالامور وسويتلها فركة اذن بعد ماتعيدها

بيبي ...والله اني هالحجي مايكطع عقلي اذا هيج تعاملها مرتك اني راح اخذها لفرقد وافضها

وما انتظر لاسنه ولايوم فهمت وخلي ابالك انته ترجع لبيتك وسابين تبقى يمنا زين

لان اخاف عليها من هل حية مرتك تجرم بيها مره ثانية

طارق ...يمه البنت عدها مدرسه منكدر نبقيها شلون

بيبي ...اي عادي ننقلها يمنه وماريد اي اعتراض

و الى ان تجر عدل مرتك وتصير بشر وكتها يصير غير كلام

طارق ...نشوف شلون تصير هسه تعبان واريد بس اغفيلي ساعه الليل كلو مانايم جسمي كلو مكسر

بيبي ...روح يمه روح ريح راسك بس قبل لاتنام اكل لكمه ونام

احمد ...ها فرقد شلون صارت سابين

فرقد بتعب وتنهيده حارة ...مو زينه الليل كلو تون وتبجي من راسها

انغام ...صباح الخيييير سوسو شلون صرتي امي

سابين ...اهز بايدي مو زينه

وتين ...كعدت على اصواتهم بالغرفه

انغام ....اتحملي شويه بنتي هسه تاكلين شوي وتاخذين علاجج ويخف الوجع شويه زين ..

يلا كومي اغسلج وابدلج فرقد واحمد طلعوا برا اراده تعالي ساعديني

هاجر يمه ساعدي امج خطيه وحدها ضلت تعبت الليل كلو كاعده

وانتي ياسنفوره روحي جيبي ملابس لاختج وين مخلين الجنطه

وتين ...اي الملابس جوه هسه اجيبلها

سابين ...عمه انغام مسحت جسمي كلو من الديتول مال المشفى والدم

وغيرتلي ملابسي وكل هذا وسناء ماشفتها جنت خايفه لانها استوعبت وفات ايلين

يعني حياتنه راح ترجع لسابق عهدها ضرب واهانات واذيه

ومحد راح يكدر يوكفها جت مرت عمي شايله بيدها صينيه

وبيها اكل وجبرتني اكل علمود علاجي اخذو ..

اكلت شويه شربت الدوا وغفيت لان مانايمه نعست حيل ونمت

فرقد ...نزلت نفسي ماتجرع الاكل وسناء بكل وقاحه كاعده وتاكل ولا كانو الصار ابنتها ماثر عليها

جنت كوه لازم اعصابي معرف شلون حجيت وكتها والوكت مجان مناسب ،

عمي اني طالب ايد بنتك سابين واتمنى ماتردني واريدها قبل لاترجعون نسوي حفله صغيره هنا وتبقى يمنا نداريها ..

لان هناك ماكو احد يداريها وادحك ع امها الي ما ابدت اي اهتمام بلشي الكلتو

علي ...بعصبيه شو انت صاير فد مره فالتون ماعندك اب تستشيرو لو رجل كرسي اني هنا هاااااا

بيبي ...هسه وكتها ماتشوف حال البنت

طارق ...اني امي حجت ويايه وكتلها بعدها صغيره

هناء ...عمه ليش ما سالتينه مو احنا اهل الولد شو ماعدنا خبر

علي ...يمه غير تحجين ويانه

بيبي ...شبيكم اكلتوني بكشوري هو الحجي صار البارحه بعد ما حجينا بي

وطبعا راح اكولك بس ماصار مجال وشفتوا الصار بسابين

وانت تخبلت مابعد تصبر شوف حال البنت وغير تاخذ راي ابوك بالاول لو هيه الشغله لعبه عندك

فرقد ...اعتذر ياب بس اني حجيت ويه بيبي وعبالي كالتلك

علي ...وانت شبيك مو رجال ما تجي تحجيلي انت

طارق ...هسه يا ابو احمد ماصار شي بس حجي ب

يني وبين الوالده ترا مانكلبت الدنيا

علي ...يصير خير

يزن ...جان لازم تكول لابوك شوف شون صفر وجهو ماراح يعديلك اياها

هناء ....تتحلف بي وعيونها مليانه غضب بسبب انو ماكاللها وهيه امو

وتين ...مرت الايام مابين علاج سابين ومابين محاولة فرقد يقنع ابو بالزواج

لان عارض الشغله كلياً بحجة انها لساتها صغيره وانو فرقد مامكون نفسو

واراده من عرفت جنت ولزكت بدين فرقد ماتتركو ولا لحظه

وكأبت نفسها حتى يهتم بيها ورا مرور اسبوعين على الحادثه

فرقد ...ياب اني راح اخذ سابين للدكتور اليوم يشوف وضعها واذا تسمحلي انت هم عمي

طارق ...اي علوا والله اني تعبان حيل

علي ...اي وديها لازم يفحص راسها

سناء ...اني هم اروح وياكم

فرقد ...اسكتي انتي حسج ما اسمعو هسه صرتي تريدين تطمنين عليها

والله لو ميكولون عني خبل اجنزج والكعبه كومي نذلفي من يمي يلااااا

سناء ...بكلبي طبكم طوب اي والله لجهنم كولكم مجرمين

اخذتم بنتي مني والله لطلعها بيكم وتريدون تزوجوها حتى تخلصوها مني

اي زوجوها شنو علي زوجوها اني اعرف بمنو اطلع غيضي

وتين ...بابا اروح وياهم

طارق ....وين تروحين انتي الثانية المشفى كلو امراض لا كعدي وهمه ميطولون

احمد ...طلعت العصر اني وفرقد ودينه سابين شافها الدكتور وكال بعد لازم يبقى الجهاز على راسها الا ان تلتأم جمجمتها

الجهاز مثل الطاكيه يخلو على راس المريض وبي درجات يضيكون بي الجهاز او يوسعو

تحسنت سابين شويه ومارجعت تتوجع مثل اول ..٣ايام الاولى مرت عليها جثير صعبه احمد وفرقد ماتركوها

وبيبي تطلعلها مره بليوم تشوفها لان مره كبيره بالعمر ماتكدر تطلع ع الدرج

مرت عمو جثير اهتمت بينا حبابه جثير عمه انغام رجعت لبيتها هيه و ولدها

وبنتها ارادة الفضحت نفسها بتصرفاتها الجان الكل منتبه انها دا تحاول تجذب انتباه فرقد والكل ضاج منها

الا ان كتلها اخوها كتله مرتبه وشحطها لبيتهم لان جانت متخبله متقبل تترك بيت جدو ومتقبل تروح لببتهم

فرقد ...كعدت جوه ويه الاهل الكل جانو ملتمين

سابين وهاجر ووتين ضلو فوك لان سابين متريد تشوف امها

وحقها جان بابا يفاتح عمي طارق بموضوعي بعد الحاح كبير مني

علي ..عيني ابو سابين اني اريدك ماتردني ياخويه واتمنى تفرحني وتفرح الكل اليوم

طارق ...تفضل اخويه مااردلك طلب ان شاء الله

علي ...عيني اخويه اني رايد سابين بنت الي قبل لاتصير جنه

وفرقد تعرفو وتعرف تربيتو واذا ماعاجبك كول مابيها زعل الشغله انت فصل واحنا نلبس ..

اعرف هاي حبيبة كلبك بس هل فرقد لح ملحه موتني بي اريدها واريدها

فرقد ...يافشله خرب حظك ابويه شلون تحجي هيج هسه شيكول عمي

طارق ...هههه اي اي اعرف امي هم حفرت راسي والله نطيني بنتك ونطيني بنتك

احمد يهمس باذن فرقد ويضحك باستهزاء ..هههههه صرت مضحكه حبيبي استلم

فرقد ....انجب خويه انجب والله مو واصلك انعل ابو اليسوي خير بهالزمن

طارق ...اني موافق ماعندي اعتراض فرقد رجال ونعم التربية

وماعندي رجال يستاهلها مثلو على خير ان شاء الله

علي ...خير ان شاء الله بس ترى البنيه ماترجع وياكم تبقى يمنه

طارق ...يعني شلون زواج بسرعه مو جثيير مستعجلين

علي ...لا خويه مامستعجلين واذا تريد نخطب وننقلها تدرس يمنا منو ندير بالنا عليها ومنو يتعرفون همه اكثر

طارق ..عرفتو مايريد ترجع ويانه وخايف عليها من سناء

ما انكر اني هم ممتواجد ع طول بلبيت ولهذا اخاف تسوي بيها شي

كتلو ادلل ابو احمد انت فصل واحنا نلبس هاي بنتكم وانتو بيت عمها وبيت جدها التريدو يصير

سناء ...عيب ابو احمد شنكول للعالم لو سالونه بنتكم وين وليش تزوجت بهالسرعه

طارق ...انتي سكتي مالج دخل بكلام البيني وبين ابو احمد واضح

بيبي ...يعني نكول مبروك ونفرح گلب هالمجنون

فرقد ...شوفي بيبي ترى ما اسمحلج تكولين عني مجنون تراني كبرت وصرت عريس ههههههههههههههه

بيبي ....انجب لك تسمح ماتسمح صار رجال براسي البارحه جنت اغيرلك حفاظتك

فرقد بفشلة ...بيبي الله يخليج شكو داعي لهالحجي خررب انه

الكل خربوا ضحك

احمد ...اي بله بيبي احجينا بعد

فرقد ...انلصم انت لا ابتلي بيك

احمد ...شكو العصبيه هاي عريس وراح نزفك اهدء حبيبي العريس ابو الحفاظه ههههههه

فرقد ...حسابك بعدين واطلعها منك والله بس اصبرلي

ام احمد ...كللللللووووووش الف مبروك يارب وتتهنون

سناء اعيونها كامت تجدح من الغضب لان مراضيه

علي ...عجل اذا هيج صارت خير البر عاجلو من باجر نلبسهم حلقات

حتى ليحجون العالم يكولون كاعده ابيت جدها وكلو رجال

طارق ...اي يصير ليش لا بس اول خلي نسال سابين اذا وافقت نبدي واني ما اجبرها اذا غيرت رايها

نط فرقد من يمو وكال ...اني اسالها عادي ؟

علي بعصبية رزلو ...انجب واكعد مكانك

طارق ...هههههه عوفو ابو احمد خلي يروح يسالها عادي ابن عمها ماكو مشكلة

احمد بضحكة عاليه ....اثكل يا ولد عيب عليك كمزت مثل الشاذي

فرقد ...بربك شكد فشله يربي شجاني ولا عبالك زواج حبر ع ورق شبيه اني

مصدك نفسي امداني الغبي ولا اتعلم

طلعت على كيفي من الديوانيه على اساس ممهتم واني اصلا بداخلي يكمز من الفرحه بس اريد اشلع من يمهم واروح اسالها

اول ما طلعت وسديت الباب ركضت للطابق الفوك كلبي جان يكمز وطار قبلي

واخيرا هالسنفوره راح تعيش يمي بغرفه وحده شويه شويه اربيها على ايدي واعيشها اميره بشرفي ما ااذيها

بوووية شبيه ..هيج يسوي العشك بالواحد افيشششش ياعشك الصغيرونه دولبني وربي

وصلت لباب غرفتها

#وللحكاية_بقية......

هيچ الله وتصيرين يمي بفرد بيت ؛ 💒
ماخلي شارع عام ماترسه چكليت '♥️

يتبع ......

#الانتحار

#بارت23


دكيتو وفتحتو هاجر

هاجر ..هلا فرقد فوت هسه كعدت من النوم راح انزل اجيبلها شي تاكلو

فرقد ...اي نزلي كعدت يمها ع السرير وحطيت مخده وره ظهرها وساعدتها تكعد ..كتلها اريد اسالج سؤال

سابين ...اي كول

فرقد ...بعدج تريدين تخلصين من سناء وتخلصين وتين هم

سابين ...اي بعدني اريد اخلص من دمار هل أم المجرمة المتوحشة

فرقد ...خوش حجي عجل وافقي على الزواج هسه حجو جوا

والكل موافق بقيتي انتي اذا توافقين مترجعين ويه سناء

وتبقين يمنه نزوج وبعد الزواج نجيب وتين هم تعيش وياج شتكولين

سابين والفرح تارس وجها ...اي موافقه

فرقد ...بكلبي اكول بهالسرعه لا اكيد هاي مو فاهمه الزواج

حقها هيه فهمتو على انو تخلص من ظلم سناء ..ميخالف شويه شوي تفهم

كتلها اي خوش عجل شوفي اذا سالوج كوليلهم موافقه

واذا احد حجا وياج على الزواج اكو شغلات لازم تعرفيها

اتصير بين المراة والرجال المزوجين بس ترا احنا مراح نسويها

اني الكتلج علي راح يصير زين واي شي اخر مراح يصير تمام وهذا وعد مني

سابين بتسائل وحيرة ...امممممم شنو هوه المراح يصير فهمني لتخليني هيج

فرقد ...شوفي سابين راح تطلع امي تحجي وياج زين والراح تحجي كلو مراح انسوي اني وانتي

انتي من نزوج بس راح تنامين بالغرفه وتدرسين وبس تمام
ابد لتتخيلين الي راح يحجوا راح يصير ابد

سابين ...اوك تمام

فرقد ...شلون ورطه ياربي هسه اذا خافت وتراجعت شلون بله يربي

خلي احجي ويه امي متعمق بهالامور باعتبار انو امها الغبيه ما تتدخل بالمواضيع بسبب السوتو

نزلت صيحت امي يوم تعالي شويه ،شوفي يوم البنت مو حيل مفتحه اعتقد من تحجين وياها لاتعمقين حتى لاتخوفيها ممكن

ام احمد ...انت فعلا صاير قليل ادب شو والله هاي مو ترباية بيبيتك

فرقد ...عوفي التربايه على صفحه اكولج البنت فطيره ماتفهم لاتخوفيها اذا خافت ورفضت والله اعدمج يوم
هههههههههه

ام احمد ...دنجججججب و ولي منا وعيب هالحجي والله عيب

خلي تسمعو بيبيتك ودشوف شتكول على هيج تربايه سزز ولي من جدامي قليل حيا

فرقد ...قابل شكلت يا يوم

ام احمد ...كلت كوم من جدامي لا ابتلي بيك

احمد ...ها ها شكو شبيها ست الحبايب معصبه

ام احمد ...من قلة تربية اخوك ماضل اكو مستحا

احمد ...يا ادبسزز شكلت لامك حتى هيج عصبتها

فرقد ...تمسخر اي تمسخر لكيتلك تسلايه

احمد ...لاااااا الله يسامحك تتوقع انو تسنحلي هالفرصه واضيعها هههههه

فرقد ...يجيلك يوم حمودي يجيلك اني طالع انطمر وما اخليك تتمسخر اكثر

ام احمد ...طلعت سالت سابين حتى اتاكد وانزل اردلهم جواب ،بنتي سابين حجالج فرقد مو

سابين ..اي عمه

ام احمد ...زين وانتي شنو ردج

سابين ...اني موافقه عمه

ام احمد ...زين شو بسرعه رديتي مفكرتي ترا الزواج مو لعبه

سابين ...اي اي اعرف عمه

ام احمد ...شتعرفين عن الزواج ترا الزواج بيها مسؤوليه يعني لازم تديرين بالج على رجلج

هناء تدحك ع هاجر خزرتها وكالت وهم شكوووو انتو فاتحين اذانكم يلا دييي نزلو جوا مامتربايات يكيفين ع هل سوالف

هاجر ...ماما خلينه بس شويه نسمع

ام احمد ..ولج هاجر اخذي وتين ونزلي جوا لا ابتلي بيج انتي واخوج طالعه عيونكم ادبسزز

سابين ...هههههههه

ام احمد ....اي سابين شوفي الزواج كالتالي من تصيرين مرتو ان شاء الله لازم تديرين بالج علي لازم تطبخيلو ..

طبعا مراح نشغلج لان طالبه بس كلامو هذا من تخلصين دراسه تطبقي وبالعطله هم

اما من تكونين تدرسين كلشي متسوين زين احجيلج من تعطلين لازم تتعلمين الطبخ والتنظيف

وبعد متكملين المراحل كلها مال دراستج لازم تفرحينا بالنونو هم انريد نشوف ابن هالخبل فرقد

سابين ...فتحت عيوني على وسعها شنو نونو شلون اجيبلها نونو من وين

عمه شلون يعني نونو من وين اجيبلج نونو الله يخليج اني معرف اشيلو ولا اطعمو شلون

ام احمد ...بنتي اخر الزواج لازم تخلفين خو ماتضلين بدون طفل

سابين ...عمه زين شلون اجيب نونو

ام احمد ...شنو شلون اجيب نونو حالج من حالنه هاي الامور بعدين اشرحها الج بعد الزواج مو هسه

سابين كامت تفكر بكلام مرت عمها هل شي جديد كالت ويه نفسها ..كمت اكل بنفسي هاي شدا تحجي فرقد مكالي على هالشي

اول ماطلعت عمه من الغرفه كمت ع كيفي اتجه ع الحايط وامشي لان الوجع بعدو بيه رحت ع غرفة فرقد دكيت الباب

فرقد ...فوت احمد الباب مفتوح

سابين ...اني سابين مو احمد

فرقد ...من سمعت صوتها كمزت وركضت عليها جان لونها مخطوف مسكت ايدها ها شكو شبيج يوجعج شي كولي حتى اوديج للطبيب

سابين ...لا لا بس عمه حجت ويايه وتكول لازم اجيب نونو انت مكلت هيج

انت موكلت بس تنتقلين تعيشين يمنه وبعدين بعدين نجيب وتين

وهم ندرس هنا وتسويلنه غرفه وبعدين شلون نجيب نونو

من وين منو ينطينه اني ما اعرف اخاف من مسؤولية الاطفال شلون كلي شلون فرقد

فرقد ...ضحكت جثير على خوفها هذا خرررب حظي شكد فطير

ة وين اكو هيج بنية بهل برائة يربي

سحبتها وكعدتها على السرير ،اهدي سوسو اهدي مو كتلج امي راح تجي تحجي وياج والراح تحجي كلو احنا مراح نسوي

سابين ...يعني تقصد منجيب نونو

فرقد ...بكلبي اكول يبووووو هوه انتي نونو انجيب نونو

حتى اتبهذل واكوم اربي بيكم ثنينكم خلي اكبرج بالاول بعدين انجيب نونو

ضحكت وكتلها لا لا منجيب نونو لتخافين كتلج التحجي ماما كلو منسوي

سابين ...ها وهيه كالت اطبخ وانظف هم هاي عادي اسويها بس الله يخليك لانجيب طفل

_ كلبي يريد يحضنها قوي من تكول ماريد نونو والفطيره تكول الله يخليك لانجيب

والله دا تشعل بيه هاي على البطيء وما تعرف شدا يصير بيه

حسيت بحرارة بجسمي اشتعل شيب الخلفوج مسحت وجهي واتنفست حتى اهدء

‏((هذه المسافات التي تمنعُني من مُعانقتك تُرهقنِي))

كتلها صار منجيب اطفال انتي اهدي وتطمني

سابين ..اي عجل اني اروح انام شويه

فرقد ...اي حبيبتي روحي ارتاحي وهم اكولج شغله من تريد تحجي وياج امي بامور كوليلها اعرف لاتحجيلي تمام

سابين ...اي بس شنو اعرف ؟

فرقد ...انتي بس كوليلها هيج زين

سابين ...امممم ماشي
رجعت لغرفتي واني مو فاهمه اي شي من الصار بس وافقت

ام احمد ...نزلت وكتلهم انها موافقه عمتي((بيبي))فرحت وهلهلت

طارق ...الله يتمم على خير ان شاء الله اذا موافقه عجل مثل مكلت ابو احمد باجر نلبسهم حلقات باذن الله

ام احمد ...الف مبروك بعد باجر نسوي حفله صغيره بس للاقارب

وتين ...مجان عندي خبر بلشي الصاير انو سابين راح تنخطب وشنو يعني خطبه مفهمت كلشي

فرقد ...الليل كلو افكر بيها شغلت عقلي وشلون جت خايفه مرتعبه من النونو كمت اضحك ويه نفسي وانتظر الصبح يطلع واشوفها

والله شتاقيت الها وارجع اكول اصحى شبيك هذا مو زواج حقيقي شجالك تخبلت انت هل زواج انقاذ البنات من ظلم اهلهم وبس

بس شسوي مو بيدي گلبي عشگها ونار العشگ تچوي

الساعه ٧صباحا

ام احمد ...ولج نامت عليج طابوكه ولج هاجر كوووومي نومة اهل الكهف اي والله

ماتدرين عدنا شغل جثيير اليوم كووومي ولج خلي نفض شغلنا على وكت يلاااااا

هاجر ...دي اييييي شبييييج خلينه نايمين مره وحده بحياتج انسيني ولتكعديني من الغبشه يعني مكتوب عليه الشگه يربي

ام احمد ...وجع كومي ولج عدنا شغل قيامه كومي لتعلين صوتي

هاجر ...ان شاء الله اموت واخلص كل يوم عدنا شغل متكوليلي شوكت ماصار عدنا شغل ها ...

هناء ...السانج يبنت قصري لا كصو الج يلا كومي ساعديني امداج وحاسبه نفسي عندي بنيه اوووووف على هالقهر اووووووف

يلا صبي الجاي كعديهم كلهم جيبي الجبن لساتج ما وزعتي المربى

هاجر ...يوم شبيج اطلبي بالهداوه مو بالجمله ما اركز وياج من تطلبين بالجمله لتنخبصين وتخبصيني وياج ...ترا عندي اثنين ايدينات مو عشرة

هناء ...يبوووووو على فطارتها لبنتي ولج اني لو اشتغل مثلج غير والله ولا اكبر بالعمر

بسرررررعه بلا لغوا زايده سوي الكتلج علي نريكهم ونمشيهم اليوم البيت كلو غسل شطف تلميع

سابين ...هاي شصاير عمه بيكم

هاجر ....صح النوم ياعروسه انتي تنخطبين واني اترزل من صباحية الله

ام احمد ...بلا لغوه هاجر يلا وانتي سوسو جنتي الحلوه كعديهم حتى يتريكون

كعدي الكل بدون استثناء خلي ياكلون ويشوفولهم ديره يطلعون عليها لبين مانخلص شغلنا

سابين ....صار عمه رحت لغرفة بابا كعدتو صباح الخير بابا يلا كافي نوم تعال تريك ..

طارق ...اي اي بنتي اني كاعد انتي شلون صرتي

سابين ...زينه بابا الحمدلله اليوم نروح نشيل هاي الطاكيه من راسي

طارق ...ان شاء الله اني اوديج تريكي وبدلي ونطلع زين

سابين ...اي خوش
وماما مفتت عليها جنت خايفه منها هالسعلوه وكعدت بيبي هم صباح الخير بيبيني الحلوه

بيبي ...ياهلااااا وياجثييير الهلا ياصباح النور والسعاده منوره علينه هالملاك النازل من السما

والله زين شفتج وصبحت بوجهج تعالي شو شلون صار راسج يصغيرونه

سابين ...زينه بيبي الحمدلله عمه تكول تعالي تريكي عدها شغل جثير وعصبيه وتكول الكل تجي تتريك مره وحده ....

بيبي ...اي اي حقها تتعصب اليوم حفلة ابنها وجنتها لازم تجهز كلشي اني اغسل واجي روحي صيحي وتين والولد ..

سابين ...اي صار ركضت ع اختي وكمت اصيح عليها وووووووتين كومي لج عمه عصبيه والله تموتج اذا ماكعدتي كومي ع السريع ....

وتين ...ليش شصاير ؟

سابين ...دكومي معرف دكول صيحي الكل كومي يلا اريد ارجع اشوفج معزله التخت ونازله هم

راح اكعد احمد وفرقد ،ركضت دكيت الباب على فرقد مره مرتين فتح الباب

فرقد ..ها منو ؟

سابين ...صباح الخير فرقد عمه تصيحك ع الاكل

فرقد وهوه يفرك عيونه بنعاس ...منو انتي مجاي اكدر اشوفج اشو لحظه يبووووووووو هاي القزمه مالتي

سابين اتعصبت علي وكالت ...لتعيب من حورك انت عاد عبالك ديج

فرقد يتحرش بيها بشقه حط ايدو ع خدها وتلمس بشرتها الناعمه وكلها ..ليش ديج يابا ؟

سابين دفعته ووخرت ايدو وكالت ...دشوف شعرك شلونو بعدين عيب عليه ....

فرقد سحب ش

عرة ليورة بغرور وضحك ...هههه تغارين من شعري لان احلا من شعرج قزووومه

سابين ...اروح اكعد احمد احسن شي

فرقد كبت الغيرة عندو صاح عليها ..تعالي لج لتكعدي اني اكعدو نزلي جوى ترا اموتج

سابين بعناد ...وليش انت عيني اني اريد اكعدو شو

فرقد ...اكسر رجلج ولج اذا خطيتي لباب غرفتو فهمتي يلا نزلي جدامي دشوف مافوت الغرفة اذا مانزلتي انوب اكعد احمد هذا الناقصني والله يالله

سابين ...نزلت بس لو اعرف هذا شبي من الصبح مثل الخبل متعارك ويه ذبان وجهو

ام احمد ...ها سوسو كعدوا

سابين ...اي عمه الكل كعد دايغسلون وهسه يجون

ام احمد ...يلا عجل اني خلصت الريوك خلي يجون ياكلون واطلع اعزل واشطف الفوك

هاجر ...متاكلين لكمه يوم بعد وكت على الشغل

صباح الخير هانم من ال ٦ الصبح اني ماكله

سابين ...اكلج شبيها عصبيه اليوم عمه صار شي البارحه بعد منمت

هاجر ...والله خيه ما اعرف اني هم وراج نمت

سابين ..الكل التهت بالتنظيف والتعزيل وكانو همه مو كل يوم ينظفون

معرف ليش لحت عمه هالمره الا تشطف البيت كلو يابا عمه البارحه شطفنا لااااا الا تشطفو هيه

وجانت عصبيه وصاحت بفرقد

هناء ...هاي بعدك هناااا صدك جذب ولك كوووووم الخاطر الله جيب الحلقات كوم جيب ملبس وحلويات وكلشي تشوفو جيبو

اكو قائمه هالطول على الكاونتر جيبها بسرعه ماريد اي نقص كوووووم

كاعد تسفط سوالف وخابر عمك ماجد وعمار واكد على جيتهم بسرعه ماكو وقت يلااااا..

فرقد ...اي يوم شبيج ترا هيه خطبه مو زواج مخبوصة من صباحية الله ومسوية انذار للبيت

هناء ...بدون متناقشني ولاتحرك اعصابي كوم يلا

طارق ...سابين خلصتي يلا لانتاخر ويروح سرانا

سابين ...اي بابا خلصت يلا امشي

فرقد ...وين رايحه ياحلوة

سابين ...للدكتور اشوف بلكت يشيل هاي عن راسي اليوم

فرقد ...عمو اذا تريد اني اوديها وهم اخذها تختار الحلقه ونجيب طلبات امي ونجي

طارق ...ها اذا هيج بكيفكم بس لتتاخرون الدكتور مروله اول شي لان تاخرنا علي

فرقد ...اي صار عمي يلا امشي

سابين ...رحت للدكتور شال الجهاز بس نطاني مثل الطاكيه مطاطه البسها من انام حتى لا اتاذى

فرقد ...وهسه نروح لابو الذهب نختارلج حلقه

سابين ...انت متختار ؟

فرقد ...اي بلي بس انتي اهم اني حلقتي عاديه تكون مابيها شي

سابين ...اي يلا،، اختاريت حلقه ساده ناعمه كلش هيج عجبتني

وفرقد ضل يحجي عليه اختاري غيرها اذا تشوفها امي تذبحني واخذلي وياها محبس يجنن على ذوقو بس ماقبل اخذو ناعم فختارو فخم شويه

وبعدها هو اخذ حلقه ساده فضيه ،وراها رحنا لابو الكيك اخذ كيكه على شكل قلب حمره تجنن وكب كيك وبقلاوه

واشكال جاب وعصاير وببسي وهالامور اني تعبت لان ممتعوده اطلع جثير فكتلو خلصنا

فرقد يمسك ايدها ويحطها ع شفايفو ويبوسها وغمزلها وكال ...ليش مستعجله مليتي

سابين سحبت ايدها بخجل وكالت ...لا بس حاره والدنيا صارت الظهر

فرقد ...اي بعد بس شغله وحده اجيبها واجي

سابين ...اهااا خوش اني ابقى بلسياره يعني

فرقد ...اي اي ابقي لتحترين وتموعين شكول لعمي وكتها ههههههههه

سابين ...عابت شكد دمك ثكيل

فرقد ...نزلت لمحل تاجير فساتين حفلات وخذت فستان اوف وايت الها

المصيبه كلها كبار وهاي قزمه حتى فكرت اخذلها من فساتين الجهال هههههههههههه

متت يلا لكيت شي ممكن يكعد عليها اخذتو ع السريع ورجعت شفتها ذايبه

وسيارتنه تبريدها مايشتغل عطلان وممصلحي ركض شغلتها وطلعت للبيت

سابين ...اول ما وصلت لزكت ع المبرده اوووووووه معت والله معت اخذت ملابسي وطلعت اسبح وانعنش

ام احمد ...تعال فرقد شجبت

فرقد ...ها يوم هاي طلباتج هاجر انتي طلعي هذا لسابين

هاجر ...شنو هذا

ام احمد ...اي شجبت

فرقد ...فستان الها قابل اخطبها بالتراك

هاجر ...فتحي خلي نشوفو

فرقد ...اكسر ايدج ولج تدمري بالكوه لكيت على قياسها ومغلف غلاف هديه عوفي مفاجأة الها طلعي فوك لغرفتها

ام احمد ....اي هم صحيح خلي نتفاجأ من نشوفها بي واكولك كلت للشيخ يعقدلكم

فرقد ...لا يوم مكلتيلي

ام احمد ...عشتووووووو عجل منو يعقدلك اخوك الملايه

احمد سمع اسمو انذكر اجه يحتج ...شبيه يوم ترا والله دين واعرف الله واعجبج خوش مله اني

فرقد ...اسكت ملايه اني هسه اروح احجي ويه الشيخ الورانه

ام احمد ....اي استعجل خلي يجي ع الوكت ،وانت احمد متاكد راح يجون عمامك ماجد وعمار

احمد ...اي يوم يجون ماجد بالطريق وعمار العصر يجي وانغام هم بالطريق بعد تامرينا باوامر ثانيه

ام احمد ....طلعو لغرفكم ماريد اشوف واحد بيكم خلي اكمل تنظيف ماريد طالعين فايتين

وتين ...جانت الاجواء حلوه جثير على عكس الجحيم المضموم بيها ..

لو جانت سابين تعرف الي راح ايصير بيها لو جانت تعرف القادم شنو دائما اسال هالسؤال شنو جان راح تتصرف

دائما ابالي سؤال رب العالمين يعرف انها مظلومه ليش ما نكشفت الحقيقه بسرعه ليش طولت ليش عانينا الي عانينا ليش بس كل هالكلام ميفيد

نرجع للاحداث

صار وقت الغدا و

بس الكبار تغدو الكل جان مشغول واني اكلت حلويات فما اشتهيت اكل بعد

وسابين جانت دايخه سبحت ونامت احمد وفرقد جانو مشغولين بترتيب الاستقبال

وعمه انغام جت واحنا دانتغدى وعمو ماجد هم ماعرفتو الا بابا كال تعالي هذا عمج سلمي علي

سناء كامت تتملق بزبيدة مرت المهندس ماجد وسناء وماتعجبها المضاهر تموت على المضاهر وسوت نفسها جثير فرحانه بخطبة بنتها

((طبعا ماجد ما جا لبيت جدو من زرناهم لان جان بكركوك ومرتو وحدها بلبيت
ومن رجع بابا راح عليهم لهذا ما اجا اما عمار لانو مخاصم العائله ما اجا وبالتواسيل يلا كدرو يقنعوا يفتح صفحه جديده ويجي يشوف امو ويحضر الخطبه ))

الكل كعدت تغدت ورتبو ويه عمه هناء بس طبعا زبيدة مرت عمو ماجد جثيييير حبابه وتفوت للكلب بسرعه هيه وبناتها

فرقد ...اكلك احمد هذا الشريط اخلي هيج حلو

احمد ...اي ياب اي راح تخطب والدنيا مواسعتك زين زين

فرقد عكد حاجبو وكال ...زين وليش مضغوط انت

احمد طك ضحك علي كالو يمعود شبيك انفخت داشاقيك

سابين ...كعدت من النوم على هوسه هاجر ووتين وبنات ماشايفتهم من قبل واراده الجانت مبوزمه حلكها متر لكدام جانت ساعه ٢:٣٠،

هاااا ولكم شكو دخلوني انام نص ساعه فدوه

هاجر ...ولج يانوم كومي يادوب تلحكين مكياج ولبس كومي بل ٤ العصر يجي الشيخ
ضربه على راسج ان شاء الله متشوفين الساعه

سابين ...٢:٣٠ بعد وكت منا للاربعه ومنو هذول البنات

هاجر ...هاي طيبه وهبة بنات عمج ماجد

سابين ...هلووووو شلونكم يالله شكد دمهم ينحب وهاي طيبه عدها رصعات تخبل

طيبه ...هلو بيج سابين انتي الحلووة حبيبتي

سابين ...جانن خجولات اكيد ميعرفونا ولا شايفينا لهذا خجولات ،بس طيبه جانت سمره سمارها حلو

عكس هبة الكانت قطعه من ثلج شكد مو بيضه وثنينهم ينحبون بس خجولات ويايه

هاجر ...اكلج شفتي هدية فرقد

سابين ...لا هاي يا هديه

هاجر ...امداج هالتغليف شكبرو جدامج مشفتي من خررب حظو لاخوي ع هل قسمة

سابين ...اووي شبيج وجع معبالي الي شفتو وخليتو بالكنتور

هاجر ...امداج اي والله دكومي غسلي وتعالي نمكيجج وفتحي الهديه شوفي شنو بيها

طيبه ...عادي اني اطلع الهديه هاجر

هاجر ...اي حب طلعيها
عادي همست الها هذا فستان حفله

طيبه بصوت عالي ...والله

هاجر....اششششش فضحتينا شبيج نصي حسج

هبة ...شكوووو احجولي

طيبه ...تعالي اكولج

هاجر ...بعدها متمدده الفطيره ولج كومي لا اسحلج

في مكان اخر

فرقد ....اكولك احمد شنو البس يعني شنو يلبسون بهيج يوم تراك زي عربي لو رسمي لو شنو

احمد باستهزاء ...شورت وفانيله

فرقد ...والله دنعل ابو الساعه الاستشيرك بيها بعد زين مثل الصدك عود اخوي وحزام ظهري مالت ع حظي المصدي

كوم فاركني واطلع من غرفتي كووووم لازمني تصنيف من البارحه لابارك الله بيك

احمد ...لا لا تزعل فرقودي البس زي عربي بالخطبة لان الرسمي بالزواج يلبسو

فرقد ...هااااا صدك اي ديلا عجل يا لون البس ابيض مو ؟

احمد ...اي حبيبي لان انت العروسه البس ابيض امداك احد يلبس ابيض بهيج يوم البس الرصاصي حلو

فرقد ...والله مو صوجك صوج اليسألك

احمد ...شبيك فرقودي خو ما مطهريك حتى تلبس ابيض الله يخليك تطلع تموت ضحك الابيض بس لكبار العمر وتعرف هالشي

فرقد ...اي ايييي افتهمنا والغتره يا لون

احمد ...اسود اكيد يرهم ويه الرصاصي

فرقد ...دروح جيبلي غترتك الجديده غترتي قديمه لابسها ٥ مرات

احمد ...لاااا بربك وشمحصل اني من زواجك ونوب يريد غترتي دروح بابه

فرقد ...ديلااااا حمود اجيبلك غيرها جديده والله يلا حباب

احمد ...اي ماشي اذا تجيبلي جديده انطيك اياها وتعالي كلي تريد تبدل من هسه والله تصير مضحكه

فرقد ...لالا اطمن مو من هسه من يجي الشيخ بس جاي اجرب هسه
.........
سابين ...غسلت خلي انزل اسلم واجي عيب

هاجر ...بسرعه سلمي وطلعي وخلي مرت عمو ماجد تجي هيه تعرف بالمكياج راح ترتبج احسن مني

طيبه ...اي ماما تعرف تمكيج والشعر عليه وعلى هبة جبنا كاويه ويانه

سابين ...خوش عجل ،نزلت الكل جانو متجمعين يم بيبي

انغام ...ياهلااااا بعروستنه الحلوه

ام طيبه ...تعالي سابين تعالي قضيتي فتره من طفولتج يمي تعالي يمي فدوة لهل حسن

سابين ...هلو عمه شلونج بس شو اني ما اتذكرج

ام طيبة ...اي طبعا جنتي صغيره حيل جابكم ابوكم وضليتو يمي فتره انتي واختج الله يرحمها جنت طايرة بيكم طيور

سابين ...اهااااا بوستها وباستني وبيبي تكولي

بيبي ...اي عيني العروسه نايمه ولا هامها شي عبالي اني الراح انخطب

سابين ...اي بيبي شرايحلج لو تنخطبين بعدج صغيره

بيبي ...شوف الفصعونه تاكل براسي حلاوه والله لو مو مريضه جان بهالعوجيه

سابين ...بيبي شبيج اشاقيج والله كلشي الا عوجيتج عبالي حديدايه من تضربين بيها

الكل ههههههههههه

اكلج عمه هناء طيبه تكول انتي تعرفين تسوين مكياج عفيه تعالي سويلي فوك

ام طيبة ...اي عجل شلون هو اني جبت مكياجي علمودج بنتي الراح تنخطب وشلون ما انصبها واخليها اميره

سناء ...

.اني هم اجي وياج واشوف شغلج وهم ارتبها شويه اميرتي راح تنخطب

بيبي ...من شوكت صارت اميرتج عشتووو

ام احمد ...بهمس عمه الله يخليج منريد مشاكل خلي اليوم يمر على خير

ام طيبه ...دحكت لام احمد وغمزتلها بمعنى شكو وهزت براسها بمعنا ماكو شي

هناء ...حجيت ويه سناء كتلها اني اكول لو تضلين هنا علمود لو جو بيت عمار شتكولين ام سابين هسه تكومين تبجين وتبجيها وتخربين تعب ام طيبه

سناء بوزت وجها لان عرفت غير مرغوب بيها وانطردت

سابين ...طلعت فوك خابصين الامه خبص الملابس ناثريها والمكياج معبي الغرفه هاي الداتتمكيج وهاي التجرب الفساتين وهاي التسوي شعرها ..

واراده جلطتهم اخذت كلشي الها لازم تلبس احلى شي وتخلي مكياج قبلي وشعرها قبلي وحنشت بكلشي الا عمه عاطت بيها

كفييييي انتي المخطوبه لو سابين مفتهمنا تعصبت حيل وحقها لان اراده تجلط الفيل بحالو

بالف ويل يلا كملتلي عمه مكياجي واراده اريد مثلها لا اريد اطوخ واريد احلى واريد هاذا اللون موتتني ردت اعدمها ..

اجا دور شعري حنشت بالكاويه الا تسرح شعرها سرحتو وبدت طيبه تلفلي بشعري

ورجعت اراده تريد تلف شعرها يعني جنت على الاخير اخر شي كالت عمه شراح تلبسين؟

هاجر ...والله ياعمه فرقد جابلها فستان يجنن بس مشايفي بعد

هناء ...وشلون يجنن ومشايفي بعد ؟

اراده حجت من طارف خشمها اتقلد ...فرقد شيفهمه بالفساتين هسه يطلع خزي وتصير مضحكه هه

هاجر ...اطمني ست اراده نعرف ذوق فرقد زين لتخافين

هناء ...شتنتظرون شوفوني ايا بسرعه

وتين ...عمه خليلي مكياج مثل سابين

هناء ...ول يارررروح عمه مو تدللين بس راح اخليلج خفيف حتى تبينين طفله ومتضيع ملامحج وهبة هم اخليلها قليل تمام حبيبي

وتين ...اي تمام

طيبه ...ديلا فتحو التغليف اريد اشوف ذوقه لهل فرقد مو كتلني الفضول ع السريع

وتين ...افتحها سابين

سابين ...اي اي فتحيها

وتين ...اول مافتحتها الكل التمو ع راسي راح يموتون من الفضول ويكولون طلعي على كيفج ليصيرلها شي جانت بدله ورديه مال صغار على كدي الكل اتفاجأ شنو هاي؟!!!!

اراده بأستهزاء طكت ضحك ...هههههه جايبلها بدله مال جهال هو هذا ذوق فرقد خبصتونه بي هه والله يالله

وتين ...لالالا اوكفوا يمكن هاي الي لان اكو واحد الخ

وللحكاية بقيه.....

عـِنـدمـآ أحــﺂدثڪ ' 💙♥️
تنهض ضحكـآتي مِن سُبـآتهاا '
وَ تـدخل أوجآعي في غيبويـةة طـويلـة '
آلـم أقـل لك إنـڪ #سـععآدتي

يتبع ....

وهاي نشرت القصة لخاطر🤗💜 الحلوين

#ملوكه

اخذي مخدر emla اوtktx
اثنينهن زينات وتلكيهن بالصيدلية🥰✨

#ملوكه