العناد عدهم وراثه

سابين ....عرفتو يقصدني تجاهلتو

يزن ...وانتي شنو اسمج (اني اعرف اسمائم بديت بالصغيره لسانها اطول منها حتى اندار ع الكبيره تجنن ومنو اجاكر فرقد شويه ))

سابين ...اني

يزن ....اي انتي

سابين ....اني اسمي ايلين

فرقد ....بالهمس على اساس متعرفهم وكرصتو

يزن ....ااااخ اااخ

بيبي ...شبيك يمه اسم الله

يزن ...والله بيبي عضتني بكايه بس تكول عضة جلب

احمد ...هاي شلون بكايه عملاقه ههههه

فرقد ...ااشر اللهم بمعني بسيطه

سابين ضحكت وفتحت حلكها بقهقها

فرقد ...سدي حلكج لا اخيطه الج

سابين ...طلعت لسانها وعيبتلو

يزن سبل عيونو بنظرات تجذب النظر وكال ..عاشت الاسامي يبنت خالي الحلوة

احمد ...هوب يزن حسن كلامك لا اكسرك

انمار ...يابا شبيكم على اخويه ترا محجا شي

احمد وفرقد ...انته انطم

يزن ...اي شكد عمرج ايلين

سابين ...شعليك

فرقد ...بكلبي عاش لسانها اي والله تستاهل

يزن ...يابا شدعوى ترا بس سؤال هوه

وتين ...وشعليك تسأل ها

يزن ...اي غير بنت خالي واسأل عنج

وتين ...هه

سابين ...عكدت حاجبها ماعجبها الوضع

احمد ...ها سودت وجهك حبيبي

فرقد ...تستاهل بربي كنالك بنات عمنا مايتحاجون لتندك بيهم تتفشل مسمعت كلام دكلها عجل

يزن ...وجهي ابيض ثلج وداعتك حمودي وما تفشلت بالعكس سنفورات ميفشلون هالجمال كلو اذا كل يوم اتفشل هم عادي عندي ع گلبي مثل العسل ..وجان اغمزلو

فرقد ...أعصاب ماضل بيه من وره هل كلب نرفزني ودمي فار من وراه كتلو تنجب لو اطيح حظك شتكول

يزن ...اهووو هسه شسوينه يمعود لكل هل عصبيه شبيك

احمد ...كافي شباب امشي نتغدة صبوا الاكل

سابين ..كملنا الغدا والزلم راحو للاستقبال وبقينا اني وهاجر ووتين واراده نعزل بالمواعين ونغسلهم وتين طبعا شطحت ترسم وتلون

اراده ضلت تحجي وتتلوك بحجيها فرقد كال وفرقد وعدني وتتمايع يمنا وهاجر كوه لازمه اعصابها الا شويه تذبحها

تهمس باذني وتكول اموت واعرف امها بشنو تنست عليها ضحكت متحملت جان تكول

اراده ...ها خيرج ايلين شنو الضحكج كولينا حتى نضحك وياج .

هاجر ...كلشي ست اراده حجيتلها نكته سخيفه متوقعت تضحك عليها

اراده ...احجيلي اني هم

هاجر ...نسيتها

سابين ...ههههههههههههه

فرقد ...كافي طك حنك الجاي وينه

اراده ..هلا فرقد اي اي ادلل صار اصلا دا احضرو بس ايلين وهاجر دا يسولفون ويضيعون الوكت

فرقد ...ايلين جيبي انتي الجاي

هاجر ...طكيت ضحك

سابين !؟ شعليه اني داشتغل خلي اراده تودي ليوكع من ايدي وتصير مصيبه

فرقد وهو متعصب ... بسرررعه اريد انطمر انام

اراده ...اسم الله عليك ابن خالي

فرقد اختنك من اراده ويريد يخلص منها ميعرف شلون

هاجر ...هاج ست اراده ودي الجاي ..سابين بس دحكي عليها شلون تتمايع راح انجلط

سابين ضحكت وكالت ... عوفيها خلي نخلص ونطلع نام

هاجر ...عفيه نوم متشبعين منو

سابين ...لا

(العصر ساعه ٥)

فات فرقد عبالك مداهمه على الغرفه
هاااااجر هاااااجر ولج غمه كعدي ويهز بيها

هاجر ...هاها فرقد شصاير

فرقد ...ولج كومي راح انجلط هاي لزكت بديني شمسوي لربي اني حتى هيج يختبرني اعرف تحبني يا الله بس مو هيج

سابين ...والله انت الراح تجلطنا احد يفوت هيج لغرفة بنات صدك جذب صرعتنه

فرقد ...ديلا عاد ست ايلين من حور حسنج

هاجر ...هسه شكو غير افتهم

فرقد ...ولج جت للغرفه وساعه تحجي وتثرد براسي طبل وركص من وراها كومي
شوفيلي حل

سابين عكدت حاجبها وكالت بتسائل ...اراده ؟

هاجر ...اي اراده وشنو المطلوب مني انت نطيتها عين تحمل اعمالك

فرقد ...ولج كومي شوفيلي حل اريد انطمر ساعه ماكو ضلت تثرثر براسي

هاجر ..يعني شسويلها اكوللها طلعي برى اخويه يريد ينام والله عيب انته احجي وياها كللها من رخصتج اريد انام وفضت السالفه

سابين طكت ضحك ودنكت راسها ...

فرقد ....شبيج ست ايلين شنو المضحكج

سابين ...لا لا تذكرت مثل وضحكت

فرقد ...كولي شنو هوه خلي يغير مزاجي

سابين ...الله يسلط ناس على ناس

هاجر بضحكه عاليه ...اي والله

فرقد ...شوفي والقران ادفنج بكاعج مو ناقص مسخرتج فانلصمي وسدي لحلكج هذا

سابين ...اي هسه شكلت هو انت ردت تسمعو

فرقد ...انجبي وانلصمي وانتي هاجر كومي جريها وياج للوادي خلصوني منها ساعه وحده بس اريد اسبح واطلع وهاي لازكه بيه بس بقت تفوت للحمام

سابين بنبره استهزاء ...شكو بيها خلي تليفلك ضهرك بدربها

هاجر دارت وجها ع سابين وخزرتها وكلتها بهمس ....اششش يمعوده ولي راح يدفنج ..اي اي فرقد راح اخذها

فرقد طفر وراح

هاجر ...ولج لسانج شطولو والله لو مو مبطوط كلبو من اراده جان اشتغل بخلقتج

سابين ...يستاهل خلي عسا ينبط گلبو

هاجر ...كومي انغزينا والله عبالك مداهمه فات يمعوده وكعلي كلبي عبالي احد مات

سابين ...انتي نزلي اني اتمدد شويه بعد

وتين تركض بحركة سريعه تصيح ....سابين سابين سابين وينج سووووسوووو

هاجر ...استلمي جتي المطيوره الثانيه

سابين ...هاهاها شبيج على كيفج

شبيكم اليوم كلكم لاكفين

وتين ...ديلا كومي راح نطلع للسوك ويه ماما

سابين ...صدووك هلا هلا كمت

هاجر ...وين كمتي كامت عليج سليمه والغراب اراده شسوي بيها

سابين ..والله يكلبي اني متراهمت وياها اراده الج انتي داويها اني اشطح مكدر ابقى وياها

هاجر ....ولج لتنحسين والله اجن اذا ابقى وياها

فرقد بعصبيه ...هاااااااجر هاااااجر مو كلنا تعاااااالي

وتين ...شبي هذا

سابين ...كومي دكو اسمج حاسبه

وتين ...ديلا سابين ماما كملت

سابين ...اي كمت بدلت ع السريع ولفيت ولميت شعري ونزلت

سناء ...ايلين يلا حبيبي هاي وينج

سابين ...جيت ماما وتين وينها

سناء ...ماتجي ويانا هسه ننخبص اني اجيبلها التريدو ماكو داعي تجي

سابين ...بس ماما خطيه جانت مبدله وفرحانه وهي ابد منازله على السوك خليها تجي ويانه عفيه

سناء ...ماريد تناقشيني يلا ابوج ينتظرنا

سابين ...عجل ما اروح اذا ماتجي وتين

سناء ...ايلين شوفي والقران اخلص عليها ومحد يفكها من ايدي اذا مابطلتي عنادج امشي يلا كافي تحجين

سابين ...طلعت وياها خوفي لا اعاندها وتطلع بوتين ما شفت وتين اكيد بشي مكان كاعده وتبجي

وتين ...نزلت بعد ماصيحت سابين وسناء شافتني من بدلت بس تخابثت ويايا وماكالتلي متروحين خلتني الا ان اتامل وبعدين صدمتني

سناء ...انتي متروحين شعندج مبدله اني اجيبلج النواقص كعدي بلبيت

وتين بكسرة خاطر ...امانه ماما والله مطالعه للسوك بحياتي خلي بس هالمره

سناء بعصبيه ...وتين ما اكرر كلامي افتهمتي يلا ولي

وتين ...سكتت ورحت لبابا ..بابا عفيه خلي اجي وياكم للسوك

طارق ..شكالتلج امج

وتين دنكت راسها بحزن ...ماما مقبلت

طارق ...اي عجل متروحين شعندج بالسوك هوسه و وسخ وتروحين تضيعين

وتين ...لا بابا والله امسك ايدك وحتى ما اشتري شي بس ادحك ع الغراض

طارق ...لا بنتي كعدي ويه هاجر يم بيبيتج هسه نرجع منتاخر

وتين اختنكت وهيه تتنفس بصعوبه بسبب الغصة الي كتمتها بصدرها عافت ابوها وهيه يائسه ومشت راحت للغرفه اخذت دفتر الرسم والاقلام وطلعت للحديقه الخلفيه وبدت ترسم

احمد جان كاعد بيها يشرب جاي ويحجي ويه انمار صاح وتين توته تعالي شو وحدج

وتين ...اي ماما وبابا وايلين طلعو للسوك واني بقيت

انمار ...ليش ماخذوج وياهم

وتين ....يكولون اخاف اضيع

احمد ....انقهرت عليها جانت مبين عليها مقهوره بس عفيه شلون قوه عدها مابجت لو غيرها تگلبها مناحه رحت كعدت يمها شراح ترسمين

وتين ...ارسم هاي الورده

احمد ...هاي مو ورده هاي سنبله

وتين ...شنو يعني سنبله ورده عادي

احمد ...اي يابا المهم تجين اخذج اطعمج موطه

وتين ...مكدرت اوافق فرحت بس لازم توافق سناء او راح تگلبها عزا عليه رفضت لا ماريد

احمد ...ليش متحبيها توته

وتين ...اي امبلا احبها بس ما كلت لماما خاف متقبل وتكتلني

احمد ....عرفت شكد تخاف من امها وعرفت انو ماكو انصاف بينها وبين سابين

كمت اخذت انمار وطلعت وكفت يم ابو الموطه جبتلها كل الالوان ما اعرف شتحب الفصعونه بس حبيت افرحها

رجعت ع السريع قبل لاتموع شفتها بعدها بمكانها ضميت الموطه ورا ظهري توته شداتسوين

وتين ...ها بتعجب اي بعدني ارسم

احمد ...حزري شنو جبت الج

وتين ...بدون ما ادحك الو مجان عندي اهتمام بالشي الجابو شجبت

احمد ....شوفي موووووطه لاحلى سنفوره هاج تستاهلين ياقزومه

وتين ...نداريت شفت علبه كبيره كل الالوان طرت من الفرح

ذبيت الدفتر والاقلام واخذتها وكمت اكل وهوه يدحك عليه ،، شكرا شكرا حمودي جثيييير طيبه

احمد ...ادحك عليها شكد فرحت وشلون تصرفاتها الطفوليه فرحتني حيل عبالك بنتي

وتين ...هاك اكل ويايه

احمد ...جبتها بس الج بالعافيه اموره

وتين ...يلااااا جثيره وهم اضم منها لسابين تحبها

احمد ...ردت اختبرها واسحب منها الحجي كتلها بس سابين تركتج وراحت للسوك وحدها مااخذتج وياها

وتين ....لا هيه رادت تاخذني بس ماما وبابا مقبلوا

احمد ...وليش ياخذوها وما ياخذوج

وتين ...همه هيج ياخذوها دائما مو اول مره على طول هيه تطلع واني لا ..بس ما ازعل لان هيه تجيبلي مثل ماتجيب لنفسها

احمد ....جنت اشاقيها كلت يعني يحبوها اكثر منج مجنت اعرف الي يصير ابيتهم سكتت ومجاوبتني

وتين ...سكتت فتره وراها سحبت نفس بحسرة وجاوبتو اي يحبوها اكثر مني ويهتمون بيها اكثر مني

ويجيبولها كلشي واني لا وتنام يمهم واني لا ويشترولها كلشي واني لا

اني بنتهم المنبوذه الي ولادتي جانت غير مرحب بيها والكل يكرهني وميحبني عدى سابين وايلين

احمد ....فتحت عيوني على وسعها شلون طفله بكدها حجت هيج حجي كبير

وبعدها تاكل وماتاثرت ولابجت اني انصدمت هاي شدا يصير بيهم اعرف انو العائله مفككه حسب كلام بابا بس متوقعت هيج

سابين ...رجعنا المغرب اشتريت من كلشي اثنين ليه ولوتين وجبت شغلات تحبها مال شعر

اول مانزلت من السياره شفت فرقد بوجهي هوه جان يضحك ومن شافني عكد حواجبو

وتعصب عرفت علمود ملابسه شي ع راسي بس معليه بي طالما مام

ا وبابا قابلين

فرقد ....بنت اللذين عبالك احجي ويه الحايط ..تتعمد اتسوي الشي الي يضوجني والله دنعل سلفا سلفاج صبري

فتت بدون ما احجي وياها لان ابوها جان واكف وامها هم بس صبري وشوفي شلون راح اربيج

فتت لغرفتي وصفكت الباب قوي جنت اغلي عليها غلي والله اذا امسكها واني بهالحاله تموت جوى ايدي طالعه ولافه شعرها ولاعبالك اني محذرها بسيييطه

سابين ...وتين توته صحتها حتى افرحها بلشي الجبتو الها بس ماردت

انداريت اكول لماما راح اطلع الغراض فوك حتى اجربها جان اشوفها فايته ويه احمد وتضحك فرحت انو ما زعلانه ركضت تعالي توته اشوفج الجبتو

وتين ...شوفي احمد جابلي موطه ضميتلج منها

سابين ...يروحي انتي ...بستها وكتلها تعالي شوفي شجبتلج اشياء اتجنن راح تعجبج اكيد

احمد ...طلعت ضايج للغرفه بس شبيدي مابيدي شي اسوي تغطيت ونمت وما ردت اكعد

هاجر ....هلا بالخاينه العافتني اعاني بجحيم الله هنا

سابين ... هههه اي شسويلج انتو نطيتوها عين

هاجر ...تعالي بردي كلبي بالاغراض الجبتيها لان طكيت من سوالفها

اراده ...هااا ايلين رجعتي هاي شجبتي الضاهر اشتريتي السوك كله اذا عجبني شي راح اخذو ترا

سابين ...لا مو كلو الي اكو لوتين ومايجي على مقاسج انتي اطول منا

هاجر ...ضحكت وبهمس قصف عنيف ايلين

سابين ...سكتي ولج لتسمعج والله خبله هاي تسوي مشكله

وتين ...يلا امشي نشوف شجبتيلي

سابين ...يلا وكولي وين موطتي

وتين ...خليتها بالمجمده حتى لتموع صبري تجمد شوي واكليها

طلعنا فوك شفت الاغراض جابتلي فستانين وصندل وجنطه صغيرووونه وقراصات شعر

وطوقين يجننون ومحابس واصباغ وقلايد وجثير شغلات

سابين ...جبت هاي الامور حتى تفرح ومتحس انو مراحت ع السوك

لمينا الاغراض بسرعه وهاجر عجبها صبغ اضافر نطيتها ايا

واراده بس تجكم محلو ولو جان هيج الفصال لو شويه قصير ولو شويه طويل واحنا نعرفها منغاضه ..

لمينا كلشي ونزلنا جوا سوينا عشى الكل نزلت تعشت الا احمد وفرقد منزلوا ضلوا يصيحولهم محد رد منهم

لملمنا المطبخ ونظفنا وكعدنا نتعلل شوي واشرت بيبي نجيب فواكه طلعت اني وهاجر نجيبها

هاجر تغسل بيها واني رحت للمعرض بغير غرفه اجيب الصحون

فتت خليت طبله دا اطلع عليها ماحسيت نفسي الا ع غفله واحد شالني من ورا خفت صيحت سد حلكي

انداريت بسرعه وجان اشوف فرقد وصدت عيني بعينو وجهي قريب ع وجهو حسيت جسمي صخن وانتفض مثل السعفه !!

وللحكاية بقية ......

صدفه وعثرت
عيوّني عَلى عيونه ..
شحچيت وحبَتك روحي❤ !

يتبع .....

#الانتحار

#بارت20



🌹🌹🌹🌹🌹🌹🌹🌹🌹🌹

سابين ...وجان اشوف فرقد وصدت عيني بعينو وجهي قريب ع وجهو حسيت جسمي صخن وانتفض مثل السعفه

قرب وجهو اكثر راد يبوسني اتخبلت ضربتو بقوة كتلو نزلني شبيك اتخبلت

فرقد ...موقف جان يساوي عمري كلو اول مرة احس بهل احساس ماعرف شلون اوصفو

من جانت بين احضاني حسيت حضنت الكون كلو بيدي شعور جان يجنن

ومن وجها صار قريب ع وجهي وعيني وكعت ع شفايفها ماتحملت ابقه ماسوي شي

شعور لا ارادي انتابني فجأة قربت عليها اكثر ردت اخمط شفايفها فززتني بضربه قوية ودفعتني عنها ونزلت من حضني وكالت

سابين ...انته شلون هيج تخوفني وشنو هل جرئه العندك

جان هسه كاعد من النوم شكلو امبين

فرقد ...ليش ماسمعتي كلامي وعارضتيني

سابين ...شعليك انت جنت اجاوبو بس جنت خايفه ليضربني بس جان هادء جثير ويحجي ابرود اعصاب

فرقد ...تعالي فوك اريد احجي وياج

سابين ...مكدر دا اساعد هاجر بالفواكه

فرقد عصر زندها بقوة وكاللها ...تجين لو اشيلج واطلعج فوك

سابين ...لالا اجي بس لتضربني اوك

فرقد ...معرف بشنو حسيت من كالتلي هيج نقهرت وتعصبت بنفس الوكت ،كملي بسرعه ولحكيني وديري بالج تقشمربني ومتجين

سابين ...فلتت من ايدو يربي هسه شلون بله اني فلتت هسه اذا ما اروح والله يجن جنونه شلون مصيبه هاي

كملت ويه هاجر ع السريع وكتلها راح اطلع شويه فوك اسبح واجي اذا سالتج ماما كوليلها طلعت تسبح

هاجر ...اي حبيبي طلعي

سابين ...دكيت الباب فتحو وجان شكلو يطمن بخير مو متعصب ،، ها فرقد ردتني شكو شصاير

فرقد ...تعرفين الصاير ليش تعانديني

سابين ..ماعاندتك بس اهلي همه المسؤولين عني

فرقد ...اي و اذا امج تكلج شلحي وطلعي برا تسوي عادي

سابين ....هاااااا شكد عيب والله انت متستحي وعندك قلة الادب بالجمله ..شلون تحجي ويايه هيج هاااا

فرقد ...لاترفعين صوتج لا الصم حلكج هذا ولج

سابين ....ما ضل بس انت تلصمني ..انت لا ابويه لا امي لا اخويه منو انت بله شو بس بهالجيه شفتك وعرفتك

احمد ...جنت مار من يم غرفة فرقد وسمعتو يتعارك ويه سابين دكيت الباب وفتت ،ها خيركم صوتكم واصل لجوا شكو

فرقد ...بنت عمك فد وحدة مو مربايه جاي اعلمها الادب

سابين ....الادب بابا يعلمني ايا مو حضرتك

فرقد ...رفعت ايدي ردت اضربها بس احمد ركض عليه ولزمني ،،

احمد ...فررررررقد شبيك تخبلت انت ترفع ايدك عليها والله اذا تعيدها اكسرها فااااهم

فرقد ...ماتسمعها شلون تحجي وشلون تغلط الادبسزز

احمد ...نزلي جوى سابين بعد لتطلعين فوك والغرفه هاي متفوتيها افتهمتي

سابين ....اصلا هاي مو اول مره يرفع ايدو احجيلو يلا استاذ فرقد احجي لاخوك شلون ضربتني راشدي وخليتو يطبع على وجهي احجي يلا شبيك ساكت

احمد فتح عينو ع وسعهن ....وضاربها هم انت تخبلت هااااااا جنيت شلون تمد ايدك عليها منو سمحلك

فرقد ....عصبتني وقليلة ادب البنت وضربتها واني ابن عمها وغصبا عليها تسمع كلامي

احمد ...ردت اطلع بروحو هالولد ..شوف فرقد هذا اخر تحذير الك سابين ماتتقرب منها ابد ابد فاهم ابددددد

وانتي لساتج هنا نزلي جوا يلاااااا
طلعت فوك للسطح ادخن جكاره ورا جكاره قصة هل بنات قهرتني وحركت دمي ماعاد اكدر اسكت ع الي ياذيهن

فرقد صعد فوك يم احمد وحس بالذنب وكال ...احمد اني اعتذر منك تعصبت مكدرت اسيطر على اعصابي اسف اتمنى ننسى الصار

احمد اتنفس بقوة وعدل كعدته وكال ...فرقد انت تعرف سابين ووتين شلون عايشين ابيتهم

فرقد ...شلون عايشين يعني اكيد مثل العالم

احمد ...لا فرقد مو مثل العالم هذني البنات مظلومات وعايشات بين اهل قلوبهم قاسية مثل الحجر والسويتو انت غلط الله يهديك بس

((قبل ٣ساعات ))

احمد ...وتين ليش هيج يعاملوج اهلج يعني مفهمت مو انتي بنتهم واخت سابين

وتين ...ع اساس اني بنتهم هه مره ذبتني ماما من السطح كسرت كل عظامي

ومره ضربت سابين خلتها تغرك بدمها ومره حبستني بالفرن مال الغاز ورادت تحركني وهم سوت نفس الشي ويه سابين ومرة حلقت شعري نمرة صفر تتذكر من اجيتكم لابسه كبوس عساس يثخن شعري

احمد ...اي اي اتذكر وكتها انقهرت ع شعرج

وتين ...اي جانت هيه حالقتو النه عقاب علينه

ماما تحب ايلين الماتت وبس وبابا يحب سابين واني محد يحبني يعني اذا بابا يتعصب يضربني واذا ماما تتعصب هم تضربني

جان بابا يضرب ماما وايلين واني من يضوج من شغلو يجي يضربني وماما من يضربها بابا تجي تضربنا اني وسابين من يطلع العصر

فما اتوجع هسه من تضربني تعودت صارت ضرباتها متاثر بيه لان جسمي اتعلم

احمد ..بقيت صافن ع كلام هل بنت ومعرفت شحجي لان شي محد يستوعبو الي صار بيهم

.......

((الوقت الحاضر))

احمد ....هذا الكالتو وتين صحيح جذب معرف هل الفت السالفه البنت ام فعلا هذا الجاي تعيشو ..

اني مضل عقل براسي من كالت دفعتني من

السطح واحنا محد بينا يعرف حالهم

وكل هالشي الصاير شرطه وسجن محد يعرف صار ساعه ٣ اريد تغفى عيوني ماكدرت

كله كاعد وافكر بكلامها طير عقلي واريد اتاكد من سابين

اذا كلام وتين صحيح يعني حتى سابين عانت وانت جاي تزيدها عليهم

فرقد بصدمه هدت الدنيا ع راسو انتفض من مكانو وكف وكال ... انت شدا تحجي ماكو هيج شي مستحيل هاي تخرف من يمها شنو مجرمين بيت عمك

كمت افتر واحجي ويه نفسي لا مستحيل لالا اني نازل اجيبها وافهم منها

احمد ...لا فرقد اني مسالت سابين لان اذا عرفت سناء تخلص عليهم اثنينهن

فرقد ...مستحيل اني مكدر ابرد اعصابي مثلك نزلت جبتهم ثنينهم وتين وسابين تعالو احمد يصيحكم

سابين ...احمد كال لتطلعين فوك بعد

فرقد بترجي يحجي وياها ....تعالي والله يصيحج طلعوا فوك سالت سابين عن الشي الحجتو وتين سكتت ماحجت

سابين ...سكتت مكدرت اجاوب لان سناء وطارق منبهينا مانحجي

واذا احد غيرنا عرف بلشي الي دا يصير بلبيت راح اتقوم القيامه يمنا

رجع احمد كرر السؤال وكال هل الكالتو وتين صحيح دحكت على وتين

ردت اكوللها ليش حجيتيلهم جان يلزمني فرقد من كتفي ونفضني وراد يطلعني من السكوت الاني بي

دحكت ع فرقد جان خايف وقلقان وعصبي بنفس الوكت

فرقد ...كولي احجي سابين شراح يصير قابل

سابين وهيه تحجي وي نفسها ..هو العشنا مو قليل واحنا اصلا شنو عشنا من حياتنه

ردت احجي وااكد كلامها همه اكيد عدهم شك واني راح ااكده الهم

بس الضرر راح يوكع على وتين حتى لو جذبت وكلت لماما وبابا انو اني الحجيت مراح يسمعوني لان دائما غضبهم يوكع عليها

دحكت عليهم احمد وفرقد ينتظرون جوابي ووتين غير مباليه كتلهم لا ماكو هيج شي وتين تشوف كارتون جثير وتتاثر بيهم لهذا تحجي هيج

احمد طلع ايد وتين الجانت مكسوره ومسويلها عمليه ومبين الخياط بيها طلعها وكال زين وهذا شنو تفسيره

سابين ...عصبت جثير كتله وانتوا شعليكم بليصير عدنا لازم نحجي يعني

فرقد ..لترفعين صوتج جاوبي ع كد السؤال لو متونسه حضرتج بلشي الجاي يصير باختج

سابين ...غوركت عيوني هذا شحجي ويا اني شلون اتونس بمعانات وتين

نزلت راسي جوا وكتلو شوف احمد واسمعني فرقد الصار صار اعتبروا نفسكم ماسمعتوا شي

الشخص الوحيد الراح يوكع علي الضرر اذا عرف بابا او ماما هو وتين

حتى لو جذبت عليهم وكتلهم اني الحجيت اسرار بيتنا

فاتمنى ماتحجون ولاتبينون السمعتوا اخاف عليها لا تروح تموت

هيه هم بدون شي احنا خسرنا اختنا وعايشه بشخصيتها اني

هم جنت اعاني من سناء بعد ممات ايلين تحولت شخصية توأمي الي

وعشت على اني ايلين وهذا الشي غير معامله سناء الي المتضرره الوحيدة بينا من جانت باللفه هي وتين

محد اهتم بيها لا ماما ولا بابا اني وايلين جنا نهتم بيها نسبحها نبدللها ونرتبها

احجي ودموعي تنزل ما تقبل توكف انهاريت من اتذكرت مأسات طفولتنه العشناها بين أم وأب قلبهم ميت

احمد ...وكف شعر راسي من الصدمه هاي من صدك يحجون لا لا هل اثنين جنو تخبلو بنات عمي

معقوله اكو هيج اهل لا مستحيل عمي اعرفو حنون وكلبو طيب مستحيل يفرق بين بناتو مستحيل

ادحك على وتين ماعدها اي تعابير بوجها لاحزن لافرح عبالك تجردت من المشاعر

بس تسمع وتدحك ع السما وسابين دموعها ما وكفت

فرقد ركع على ركبتو من الصدمه بقه يندب حظو ع تعامل عمو وزوجتو بهل بنات المسكينات الي لا الهم لاحول ولاقوة وصرخ وكال ...احنا شلون ماجنا نعرف بلشي الصاير بيهم

شلون لهالدرجه منقطعين عنهم جان لازم نزورهم نعزمهم لو سوينا هيج جان ممكن نعرف انو اكو خلل معقوله

زين امج من ضربت وتين اليوم هاي مو اول مره تضربها من قبل ذبتها من السطح وكسرتها والله يعلم المخفي

سابين ....انت شفت شسوت ماما بوتين بدون سبب فتخيل الراح يصير بيها اذا تعرف انو حجت الكم او اني حجيت الكم انتو راح تضروها ماتنغعوها

سحبت وتين وردت انزل وصلت الباب ونداريت عليهم كتلهم لتحجون بالموضوع مو لخاطري لخاطرها واشرت عليها

نزلت للغرفة سديت الباب كعدتها ع السرير ،،

وتين حبيبتي ليش حجيتيلهم ليييييش ماتعرفين اهلنا شنو من شي

ليش انتي تريدين تموتين من الكتل والله اموت وراج هل مرة كافي الي شفنا بموتت ايلين

وتين ...اسفه والله بالغلط طلعت مني وبعدين ضل يلح احمد وحجيتلو

سابين ...اعرف بيج واعيه اكثر مني واعرف العانيتي جان اصعب من معاناتي

بس يا اختي ياعمري ميكفي خسرت ايلين خسرناها ثنينه هم تريدين ابقى وحدي يم سناء وطارق

والله اموت قهر لتسوين هيج بيه ابوس ايدج والله كلبي مايتحمل بعد خلي نكبر ونكدر نسوي شي ونطلع ثنينه من هالبيت

هذا كل تفكيري انو اطلع من يمهم بأي طريقه جانت وبس اكد احقق هالشي كبل اجيبج يمي فلا تتهورين وتحجين بعد لاي بشر اي شي احنا عشنا بطفولتنا

انتي بتصرفج هذا تضرين نفسج وبس واني مكدر اسويلج شي وانتي تعرفين هلشي

وتين ...صار يا احلا سابين بالدنيا

احمد ...اني وفرقد واحد يصفن بوجه اللاخ شنو الصار شنو السمعنا شنو لازم نسوي من

عرف

فرقد جكاره ورا جكاره يشرب ما نطا نفسه ريست واني افكر لازم اكو حل

احجي ويه عمي لا هيه كالت اذا عرف وتين تنضر زين احجي لبابا يربي شلون شلون احلها

فرقد ...عندي حل

احمد ...اي كول بربك صار ساعه افكر راح اموت بس يكون حل منطقي مياذي احد

فرقد ...اتزوج سابين وبعدين ارفع تحقيق ضدهم واجيب وتين يمنا تعيش بالبيت يم اختها وعمي ومرت عمي لجهنم السوده تاخذهم ان شاءالله

احمد ...لاااااا انت تخبلت اي والله تخبلت رسمي ولك سابين بعدها صغيره

شوفها بعدها طفله شطولها انت تريد تحملها مسؤولية الزواج منو يكول صارت جاهزه انت هيج تظلمها ماتساعدها

اصلا تدفنها واحنا مانزوج بناتنه بهيج عمر كالولك عنا همج

فرقد ...عجل نخليهم يم هل مرضى النفسيين ويموتون من التعذيب ،

شوف احمد وركز ويايا اتزوجها ع الورق وما اقربلها الا توافق واذا موافقت هم عادي

واذا مارادتني اطلقها بس لبين ما اامن مستقبلها هيه واختها

يعني زواج منفعه الهم مو النا اطلع وتين من الجحيم الهيه بي

وبعدين نشوفلنا طريقه نخليهم يبقون بعاد عن عمي ومرت عمي شتكول يعني وعد ما اتقرب الها اصلا شكالولك حيوان اني

احمد ...ومنو كالك انو مرت عمنا تنطيك اياها ها هاي قطعه من كلبها ماسمعت سابين شكالت كالتلك غيرت شخصيتها لان تكوت على بنتها الماتت

هسه سابين بمثابة ايلين ومراح تتخلى عنها ونوب عمرها صغير وهاي متعلمه ماتزوج بنتها بهيج طريقه لو تموت ماتنطيك الموافقه

فرقد ....هو هنا لازم تساعدني نخليها توافق بطريقه معينه

لازم توافق ولاتنسى سابين حبيبت ابوها يعني لو خلينا بيبي تضغط على عمي يوافق هوه ميكسرلها كلمه

احمد ....فكرتك كلها مداخله براسي ولا راح تدخل وماعتقد تصير

فرقد ...هو لازم تنام هيه وتريحلي راسك ونتفاهم بيها باجر على رواق

احمد ...فتت خليت راسي على المخده طبل طبل صاير راسي

مكدرت انام الا اخذت فاليوم كل هاي الامور ماخلتني أوكف تفكيري وفكرت فرقد
منطقيه بس صعبه شلون نحققها

فرقد ...نزلت جوا ادحك على عمي شكلو كلامو تصرفاتو طبيعية مو تصرفات واحد ممكن يظلم بنتو

يزن ...وين اختفيت شريك واحمد وينو والبنات هم اختفوا وين جنتوا احجوا

فرقد ...رصيت ايدو قوي اسكت مالي خلكك ادفنك هسه بكاعك طالعه روحي من خشمي وربك لو الزمك اعجنك عجن

انمار ...شبيك فرقود حبيبي اهدء جان يشاقه وياك شبيك

فرقد...طالع انام مو مال اتشاقه وياكم

يزن ...بعد الليل باولو خلي نلعب كيم دومنه فرقود

فرقد ...تعبان كتلك ما اكدر خليها على باجر

يزن ...دعزمني انام وياك بالغرفه شكد عديم اصول نبقى كاعدين ونسولف وتكلي شنو المضوجك

فرقد ...بعدين يزن بعدين
فتت لغرفتي مجنت اريد افكر كبل تغطيت ونمت

((في صباح اليوم التالي ساعه 7))

سابين ووتين نايمين بغرفتهم فرقد واحمد من اذان الفجر كاعدين والبيت هادئ تنسمع بي صوت الابره لو وكعت تاخروا بالكعده لان سهروا لوقت متاخر

احمد ...طلعت واني مالكيت حل بس كلام فرقد هو الحل الوحيد رحت دكيت الباب علي فتحو

فرقد ...ها احمد صباح الخير فوت

احمد ..صباح النور

فرقد ..فكرت بكلامي البارحه

احمد ..لا نمت بالكوه حتى لا افكر بس كاعد من الفجر افكر بكلامك نوعا ما منطقي

فرقد ...يعني لو جانت وتين شوي اكبر هم جان طلبتها انت بس صغيره طفله كلها بنت 13سنه

احمد ....انته صاير لعقلك شي تخبلت وكمت تلوص

فرقد ...يمعود مجرد كلام ميقدم ولا ياخر هسه اعتمد واحجي ويه ابوي حتى اذا هاي نطلبها قبل لايرجعون

احمد ...اول شي احجي وي امك ويه بيبي مهد الطريق لا كبل تفتح الموضوع وي ابونه

فرقد ...اي اي راح اسحب بيبي اول شي وبعدين اشوف نبض امي شتكول وبعدين بيبي وماما اخليهم حلف على ابويه ونشوف

صارت ساعه 8 ونص سمعت امي تصيح علينا يلا تعالوا تريكوا نزلت داتريك وكفت يم بابهم بعدهم نايمين مافتحتو عفتهم ماردت اكعدهم

بيبي ...صباح الخير للكل

فرقد ...يبو شكد عجوزيه متكدر تصبح على كل واحد

انمار يزن ...لاتحجي على بيبيتنا

فرقد ....طبعا كلمن يحوس النار لكرصتو لان تدافع عنكم تحبوها خلي تضوككم طعم عوجيتها دشوف الحب هذا يبقى لو يتغير

بيبي ....ياوجه البوم فلا يصيبك خير وانت فتنه هيج

فرقد ...بيبي عمرج شكد من تزوجتي

بيبي ..خيرك تسالك شعندك تريد تزوج

فرقد ...فدووة لهل وجه شلون عرفتي

بيبي ..شميت ريحة زواج وانته من الصبح حايص شكو احجي احجي لتضم ع ببيتك

فرقد ...شحجي بيبي فصلتيني على مقاسج ماعندي شي بس سالت سؤال

بيبي ...جنت صغيره من تزوجت ليش تريد تلزمني تصنيف ياخايب

فرقد ...ماعاش اليصنف عليج بيبي حبيبي سؤال حبوبه هسه لو عندج بنت صغير وجتها قسمه زينه تنطيها

بيبي ...شغلتك مو خاليه احجي التريدو من الاخير تراني عاجنتك وخابزتك ع ايدي

فرقد ...هسه جاي اسأل الله اكبر حرام نسأل

يزن ...والله بيبيتي هذا وكع ومحد سمى علي

احمد ...انت انجب واسكت

فرقد ...مثل ماكالك احمد
انجببببببب هسه يلا بيبي جاوبيني

بيبي ...انت لا الاول كولي

هدفك من ورا هالسؤال شنو حتى اعرف شجاوبك

احمد ...لاهدف ولا شي بيبي البارحه جنا نفكر بعمر شكد نزوج بناتنا

فرقد ...اي يعني هيج سؤال عابر

بيبي ..والله فلا تعبر عليه كلاواتكم مربيتكم على ايدي اعرف شنو العندي مجرد سؤال ها ثنينكم تعالولي لغرفتي دشوف شغلتكم شنو

احمد ...بيبي معليه اني شغلتي خاليه اخذي فرقد وروحي

انمار ...احمد شكووووو شصاير فهمنه شعدكم .. وفرقد يريد يتزوج لو ايش

احمد ...مو كلت انجب واسكت لتدخل

انمار ...ديلا احجي مال انجب مراح انجب والسالفه اعرفها اعرفها وفر عليه جهد واحجيلي

احمد سحب نفس بعصبية وخزر انمار

يزن ....احمد دحجي الله عليك فرقد مخلي وحده براسو وهالوحده صغيره بالعمر مو ؟

احمد ...يزن

يزن ...ها حمود احجي سرك ابير عميق

احمد ....انلصم ميخصك زين

يزن ...اهوووو

انمار ...تموتون اذا تحجون يعني

فرقد اتعصب وجدحت عيونه وكال ...والتالي وياكم ثنينكم خلي اعرف احجي انطموا وكوموا للديوان يلاااااا

يزن ... بسيييييطه انطم مو بسيطه اعرفها اعرفها فهمت فرقود

فرقد ...نزع شحاطتو وضرب يزن بيها بس مطختو
يلا بيبي تعالي للغرف احجي وياج بشغله

احمد ..لحكتهم حتى اكون مؤثر عليها هم

حجينا السالفه لبيبي انو فرقد يريد سابين بس مكلنا السبب ولا جبنا طاري الصاير بيهم بيبي كالت

بيبي ..خير ان شاء الله ابني بيها الخير اصلا عرفت شغلتك مو خاليه لان اشتميت السالفة من اول ما فاتت سابين البيت عبالك ما اشوف تصرفاتك وغيرتك

فرقد ...المهم بيبي اعرف بيج استخبارات امريكيه بوليسيه تشمين الخبر بسرعه عوفينا هسه من خشمج الي وهالسوالف خلينا بالمفيد اذا اطلبها مرت عمي تنطيها

بيبي ....شنو يمه عمتك بيش الكيلو عمك هوه صاحب الكلمه اذا ماينطيها الك عجل المن يريدها

احمد ...مو اخاف امها متوافق وتاثر على عمي احنا نريدج تقنعين عمنا والباقي كلو يفض

بيبي ..وانت شكو متشائم من يمك الطلب الك لو لفرقد

احمد ...مو هيج بيبي مو اخويه ف اني شايل همو هم عبالك اني راح اطلبها مو هوه

بيبي ...لتشيل هم احجي ويا ورا الغدا ويصير خير

فرقد ...بيبي لازم تقنعي مو تحجين ويا اريد اخطبها قبل لاترجع لبيتهم

بيبي ....وانته شبيك مستعجل عيب ابني اثكل شويه

احمد ....احترك بنار ماعاد يتطفى هههههه

بيبي ....نعل ابو ترباتك كوم قليل الادب تربايه سزز كوووووم

احمد ....اي قابل شكلنا

فرقد ...بردي كلبي بعد بيبي بردي ههههههه

بيبي ...انته هم كوم نذلف من يمي وجعتولي راسي الله لايبارك بيكم اااخ راسي راح ينفجر

فرقد ...اكوم حبيبي انتي بس لتنسين وقنعي

احمد ...اي دلوعه لتنسين نريد الشغله تفض اليوم

يزن ....بيبيتي حبيبي تعالي يمنا حاوطتها اني وانمار كولينا حبوبه شراد منج فرقد واحمد

انمار ...اي فدوه حبوبه كولي

بيبي ....تكومون من يمي لو بهالعوجيه اطيح حظكم كومو يالله

يزن ...تصخين بيه تضربيني

بيبي ....واكسرك هم يالملعون الوالدين

انمار ...كوم كوم مراح تحجيلنا تعال نشمشمها من الولد

يزن ...والله اذا ماطلع مخلي عينه على ايلين ويريدها وميحجي والله اشم ريحة زواج وكول يزن كال

انمار ...مو جلب بوليسي انت

سابين ..كعدت على صوت هاجر تصيحني اتريك كمت غسلت وبدلت ونزلت صباح الخير بيبي

بيبي ...صباح النور حبيبتي تريكي وتعالي لغرفتي فركيلي رجلي شو توجعني حيل ((ردتها حتى احجي وياها بخصوص طلب فرقد))

سابين ...اي دللي بيبي حبيبتي صااار

وللحكاية بقية ...

ياترى راح تقبل سابين ع طلب فرقد وتخلص من جحيم امها وابوها لو ترفض وترجع تعيش مأسات اهلها للاخير تابعوا القصة للنهاية واحداث قوية تنتظركم

يتبع ......

#الانتحار

#بارت21

.......................

سابين ...اي دللي بيبي حبيبتي صااار

سابين ...كملت اكل وركضت لبيبي كعدت يمها ها بيبي ادلكها الج

بيبي... اي بنيتي جيبي زيت الزيتون يمج وتعالي

سابين ...رحت جبت زيت الزيتون وكعدت يم رجلها وكتلها يلا بيبي خليني ادلكها

بيبي ...بنتي اريد احجي وياج بموضوع اريد تسمعيني ومترديني اذا عندي خاطر عندج

واني بيبيتج واعرف وشايفه الدنيا وعاجنتني الدنيا عجن وماره بجثيير تجارب بالحياة واريدج تسمعيني زين

سابين وهيه اتحط الزيت ع رجل ببيتها رفعت راسها باستغراب وكالت ...خير بيبي كولي شكو شصاير

بيبي ....اول شي اريد اعرف انو راح تفكرين بكلامي ؟؟

سابين ...شنو كلامج ؟؟ اي افكر بي بس كولي

بيبي ...شوفي بنتي من جنتو صغار انتي والمرحومه اختج جنا نكول راح نزوج التوأم لاحمد وفرقد

وصار الصار واختج توفت الله يرحمها وانتي هسه كبيره مو صغيره واعيه وتفهمين الاقصدو شنو

واني تزوجت بكدج اذا مو اصغر منج والزواج استقرار للبنيه ياسابين

وفرقد ماتلكين مثلو صح عصبي اي ماكلج هادي بس هوه كلبو حنين وطيب

وهوه طالبج بالحلال واني كلت احجي وياج واجس نبضج بالاول وبعدين احجي ويه ابوج ..

بس الاهم انو تكونين موافقه لان منريد تصير الشغله بالجبر

سابين ...يابيبي انتي شتكولين فرقد وييين واني وين احنا حتى مانتفق بالتفكير

هوه شكل واني شكل مستحيل اتزوجو بيبي الله يخليج لاتفتحين هالموضوع وي بابا

ما اوافق واذا انتي كلتي ما اجبرج يعني مراح تضغطون عليه واوافق

الله يخليج بيبي اتركي هل موضوع بلاه لا اني راهمتلو ولاهوه راهملي

_ لا بنتي مانضغط فرقد طالبج واجا حجه ويايه وكتلو اني اشوفلك اياها

_ بيبي من الاخير اني ما اكدر انفذ طلبج ما اكدر والله اعذريني

اكرهو والله شلون اتزوجو هو اني ضيفه يمكم هنا ويتحكم بكلشي ويعيط عليه ويتقاتل هم اذا نزوج شيسوي بيه يمكن يقتلني خلاص

_ لا يمه شنو السالفه ظلمتيه ..بنتي انتي فكري بالاول منا لباجر اكعدي ويه نفسج وفكري

وصلي استخاره اذا ارتاحيتي بعد الصلاة خير على خير واذا لا هم خير المهم لاتحسبين انو جاي افرض الموضوع عليج

_ صار بيبي ادللي بس شلون اصلي استخاره

_ هسه اعلمج شلون شوفي ...

في مكان اخر

وتين ...كعدت متاخره نزلت ماكو اكل ولا شي والكل دا تطبخ للغده فتحت الثلاجه مابيها شي طيب

احمد ....شفت السنفوره من نزلت تفرك بعيونها ولازمه بطنها عرفت جوعانه

فاتت للمطبخ وجيت من وراها رفعتها فوك كعدتها على كتفي وهيه تصيح

وتين ...نزلني راح اوكع راح اوكع عفيه اخاف

احمد ...لالا توته لاتنفرين حتى لاتكعين جعتي ها جاعت السنفوره

وتين ...عفيه احمد نزلني والله راح اوكع

احمد ...ما انزلج كولي شنو جاي على بالج تاكلين

وتين ...هاااا امممم جبس نستله

احمد ...تعالي عجل اخذج للسوك اجيبلج التردي اخذتها وهيه بالبجامه وشعرها مكفش

جبتلها التريدو حاولت شكد ما اكدر اسعدها واشوف تاليتها هل راح ينحل شي بزواج فرقد

بيبي حجت ويه عمو لا ...بالي ضل يفكر بهالامور

وتين ...واحنا راجعين للبيت شفت شجره رمان كبيره والرمان نازل منها منظر يجنن جان ...صحت احمد احمد اريد رمان

احمد ...ها من وين يا ست الحسن لازم من السوك

وتين ...لالا شوف هاي شجرة مليانه رمان اريد وحدة

احمد ....ميصير حرام مال الجيران هسه يكولون باكونا

وتين ...اندك الباب ونكوللهم نريد بس وحده .

احمد ...ضحكت عليها شلون تفكر شفت ابنهم بالحديقه يا محمد حمودي

محمد ...هاها هلا احمد ها خيي كول

احمد ...الفصعونه تريد رمان راح اخذ وحده .

محمد ...ولو تدلل انته وهيه كلها الكم اخذ شكد متريد

احمد ...تسلم حبيبي حمودي اخذتلها وحده ورجعتها للبيت شفت بيبي نزلت وتين وركضت الها

ها بيبي بشري كلتيلو

بيبي ...شكول خايب غير اشوف البنت موافقه لا اذا ابوها موافق وهيه لا شنستفاد وتعرف اني ما اجبر بنت على الزواج هذا طبعنا

احمد ....اي يابيبي والله صحيح كلامج مافكرنا بهالشي

فرقد ...كاعد افكر بغرفتي شوكت تحجي بيبي ويه عمي وندك الباب .. منووووو؟

سابين ... اني عادي افوت ؟

_ ركضت فتحت الباب اي سابين شصاير

_ لا مصاير شي بس اريد احجي وياك بشي

_ اي فوتي

_ لا خليني بالباب

_ ماشي براحتج خير ان شاء الله كولي

_ انت كلت لبيبي تريد تزوجني وليش تريد تزوجني انا ما اريد اتزوج لساتني صغيره ..

فرقد اترجاك بعدني ماخلصت دراستي المتوسطه بعد ما خلصت الله يخليك انزل احجي وياها كوللها

بطلت ليش تريدون تغصبوني ع شي ماريدو

_ تحجي وعيونها مغوركه وخايفه مني معرف عبالك وحش جدامها سحبتها للغرفه وسديت الباب

انوب ارتعبت اكثر وكامت ترجع لورى وتدحك ع الباب وتريد تطلع واني اهدي بيها

اهدي سابين راح احجيلج الزواج مو مثل ما انتي مفكره اكعدي يمج واني ماراح اتقرب لتخافين اهدي وبس اهدي فدوة لگلبج ..

شوفي فكرنا اني واحمد وكلت زواج على ورق واعرفج بعدج صغيره واعرف متحبيني وتكرهيني

كل هذا اعرفو بس لازم تعرفين شي انو هالزواج علمودج انتي ووتين

علمود اطلعج من البيت الانتي بي وهم علمود نكدر نسحب وتين

لان راح تصيرين مرتي واني ولي امرج ومحد يكدر يتحكم بيج جاي تفهميني

هل زواج هوه الحل الوحيد حتى ننقذكم من بيت اهلكم وتجون تعيشون يمنه وتخلصون من هل عذاب

_ لا شنو يعني زواج على ورق وليش تطلعني من البيت وشنو تستفيد انت وليش تفكرون عني فرقد انت متعرف شي

_ اششششش لحظه سمعي راح اشرحلج زواج على الورق يعني ماتصيرين مرتي يعني شلون افهمج بله والله حرت خرررب

شوفي يعني تكملين دراستج وتكون عندج غرفة تنامين بيها واختج نكدر نجيبها يمنا هم تعيش ويانه وامج مراح تكدر تضربها اكثر افتهمتي

سابين بقت صافنه ع كلام فرقد بحيره كلتلو ...شنو يعني زواج ؟؟!!!

_ خررب حظي هاي شحجي وياها بله ..شوفي يعني يعني شسمه معرف شكولج يعني هيج الزواج تنتقلين من بيتكم تجين تعيشين ابيتنا فهمتي بس وتكونين مرتي

_ يعني لازم اصير مثل ماما اطبخلك واغسل هدومك وانته تجي تصيح وتضربني مثل بابا

فرقد ...لاحول ولاقوة الا بالله بكلبي هذا الفهمتي من الزواج امده اهلج الي وصلوا فكرة الزواج الكم بهذا الشكل ..

هسه يربي شلون اشرحو الها هاي فاهيه مامفتحه وطلعتي طفله وما اعرف اوووف يربي شسوي هسه

لا شوفي ماتغسلين هدومي ولاتحضرين الاكل ولا كلشي

بس تدرسين ومن تكملين دراسه تدخلين كليه حلوه

واكوم اوديج وارجعج واشتريلج ملابس حلوه ولوتين هم وما اخلي احد يمد ايدو عليكم

_ هاااااا هو هذا الزواج يعني مو مثل ماما وبابا

_ شلون مشكله هاي ياربي شلون راح افهمها ... لا مو مثل امج وابوج والله راح اعاني وياها هل هبله هاي

_ يعني اذا وافقت هذا الراح يصير

_ انقهرت عليها شلون خايفه واني اصلا ما افكر بغير شي والله غايتي اريد انقذهم وبس

وهيه ماتعرف شنو الزواج راح امشي هالفكره عليها بس توافق وما اجبرها على شي تعيش ويايه كاختي

بس اي سابين هذا الزواج شتكولين اذا تقبلين حتى اجيبج انتي ووتين واجهزلكم هاي الغرفه هم

_ اي عجل اوافق اذا هيج

_ ضجت عبالك دا اضحك عليها زين اذا افتهمت السالفه بعدين شنو يكون رد فعلها والله تذبحني هاي مخبله ادري بيها

_ سابين حجت بطفولية ونبرة بيها برائة ماشي عجل احجي ويه بابا اذا وافق حتى ننتقل اني ووتين هنا وانداوم مدرستنه يمكم

فرقد حط ايدو ع وجهو من حركة اعصابو وكال ...هلا هلا هذا كل الفهمتو من كلامي

روح طم نفسك فرقد رووووح انت الجبتها لروحك نعلعلا حظي

احمد ...ها ول يابه فرقد وينك فتت وطلعت سابين فرحانه ها خير شكو الضحكه ماليه وجها

فرقد ...عوفني بحالي مصيبه هاي طلعت فاهيه وماتعرف شنو زواج

احمد ...شلون يعني

فرقد ...السمعتو يا بيك كعدت تكلي شنو يعني الزواج

_ خرب حظي وخاف شرحتلها ؟!!

_ اي مو كالولك خبل حتى اشرحلها بابا هاي الامور امها تعلمها اياها مو اني ..اني ششرحلها اتخبلت شبيك

_ عجل ليش طلعت فرحانه شكلتلها

_ ماتسكت كتلها الزواج يعني تنقلين انتي و وتين وتعيشون يمنا

_ هلا هلا شلون شرحتو هيج امداك

_ اي سالتني اساله ما اكدر اوضحها الها البنت فاهيه ابني فااااهيه ماتعرف كلشي بس لسان عدها

عقلها فارغ ماتعرف شي بالدنيا تريدني اطلع عينها ع ايدي عوفها خلها بوكتها عود امها اتعلمها مو اني

_ طول بالك هسه شلون

_ نكمل وياها اصلا هو هذا الراح يصير زواجنا بس ع الورق حتى انجبيهم يمنا وبس مااتدنه يمها ابد

_ زين لتروح تسال احد ويجاوبها وتنقلب ضدك

_ اذا صار هالشي اني بعداد الموتى والله اخر مره عضتني عضه نبتت سنونها بيه هالمره تخنكني واتطلع روحي

_ شنوووو شنووو بله احجي شوكت عضتك وليش عضتك وين بله شوفني واحجيلي هالسالفه جديده عليه ماسامعها

_ لاتتمسخر مو واصلك والله راسي طبل خلي تنحل هالشغله

سابين ...ركضت يم بيبي واني فرحانه راح اخلص وتين من سناء وطارق واخيرا لكينه من ينقذنا من جحيم اهلنه

(هنا سابين ع برائتها كانت فرحانه بالخلاص من السجن المؤبد الي جانت محبوسه بي هيه واختها لكن متعرف المستقبل المظلم والمجهول الي منتظرها )

بيبي بيبي راح اتزوج من فرقد وبعد الزواج اعيش يمج مو يعني بهذا البيت جنت طايره من الفرح

بيبي ...شغير رايج بسرعه ولج توج جنتي ترفضين وماراضيه تسمعين بأسم فرقد

سابين ...وافقت بعد بيبي المهم اعيش يمكم مو مهم الاهم اجي يمج اعيش يالغالية

_ ها خير ان شاء الله عجل اني ورا الغدا احجي ويه ابوج بس بنتي متاكده خلي لباجر وتاكدي زين ترا هالطر

يق مابي رجعه

_ اعرف اعرف
((سابين ماجانت تعرف شنو زواج ولا تعرف الجاي شنو والمنتظرها شنو

كل الشاغل بالها وكتها جان وتين وشلون تطلعها من بيت سناء وطارق ومافكرت للحظه انو ترفض

وفرقد ما وضح الها الموضوع زين لان هم هو جان رايد يخلصهم من عمو ومرت عمو

مأسات عاشوها بدينا ظلمة مالها علوم بسبب العنف والاستبداد الاسري ))

وقت الظهر والكل كااعدين ع الغدا

بيبي ...طارق ابني ورى الغدا رايدتك بموضوع

طارق ..خير يمه شصاير مريضه شي

علي ...شكو يمه احجيلنا

بيبي ...هااا بسكم عاد كلت محتاجه ابني احجي ويا شبيكم فكيتم حلوككم

فرقد واحمد معالم وجوهم ماتتفسر من القلق والتوتر

طارق ...صار يمه تامرين امر

بيبي ...ماتامر عليك ظالمه

فرقد ...كاعد على اعصابي يلا يهالغدا ما يخلص

احمد ...شبيك متوتر رجلك ما وكفت اهدى فرقود كول يالله

فرقد ...بله ماتسكت عساس انت الي هادء ..كمت من السفرة وكتلهم دايمه عليكم

الكل ..صحه وعافيه

فرقد ...ماتحملت طلعت لغرفتي انتظر واشوف الراح يصير مدري شبيه

عبالك سايقيني للاعدام اوويلي عليه هل بنات قضيتهم شغلت كل تفكيري ولازم اوضع حد للي ديصيرلهم من اذيه

بس كون بيبي تكدر تقنع عمي ويتم كولشي ع خييير اوووف تعبت اعصابي من التفكير

طارق ....يلا يوم كملت اذا هاي كومي اوديج للغرفه ومنه هم نسمع موضوعج

بيبي ...يلا يمه سابين جيبيلنا ستكانين جاي للغرفه

انمار يهمس بأذن يزن ...صار بيها جاي اكو انه بالموضوع

يزن ...وداعتك ماعوفهم اله اوكع ع العلة ..ركضت على فرقد الي لاحظتو متوتر من كعد ع الغدا ،هااااا ولك شمخطط

فرقد ...بعدين تعرف هسه لاتلح

يزن ...افا عليك مو اصدقاء واخوه بالدم تضم عليه الله يسامحك

فرقد ...اوووف بعد ماصارت الشغله انتظر تصير واحجيلك تعرف ما اضم عليك شي

يزن ...احجيلي حتى لو ماصارت تعرفني ما احجي بيها

فرقد ...اهوووو شون لزكت انت اريد اخطب سابين ارتاحيت

يزن بصدمه فتح حلكو وكال ...شنووو بربك لالا عيدها كول والله

فرقد ...وجع من الله شبيك لتكون حاط عينك عليها

يزن ...لا يابا ليش نسترجي نحطها عليها اكو قوات خاصه تفكسها النا

بس شو ليش ماكلتلي لو ما اسالك ماتحجي من شوكت تحبها ها حب سري ومانعرف عشكان الاخ

فرقد ....ياعشك انت الثاني خررب حظي ((لو تعرف الاعرفو))

يزن ....عجل زواج ايش خطبة ايش غير تحبها يلا تزوجها

فرقد ...هسه اسكت انت الخ بعدين انطيك التفاصيل

يزن ...فرقد خيي ترى البنت بعدها صغيره لتشوفها مدنفشه والله شكلها بس السان ترى مو واعيه وهالشي واضح عليها لاتنغر بيها

فرقد ....من صدك شلون عرفت مو واعيه

يزن ...اشوفك مهتم

فرقد ...ماتنجب والله مالي خلكك كوم نطلع ويه الشباب نتسلى شويه

يزن ...وتترك حبيبتك والله حرام عليك

فرقد رص ايدو بغضب ...لاتستلمي ادفنك والله

يزن ...فديت اليهدد وماينفذ ههههههه

طارق ....خير يمه الجاي وشربنا شغلتي بالي كولي شصاير شنو موضوعج

بيبي ...اول شي اسالك اني عندي خاطر عندك

طارق ...الله يسامحج يا يمه شلون ماعندج خاطر عندي تراج انتي الغاليه شعندي غيرج بس كولي شنو طلبج والله شغلتي بالي

بيبي ....خير ان شاء الله اذا هذا كلامك عجل ماراح تردني وتقهرني

طارق ...شلون اقهر ست الحبايب التريدي اعتبري نفسج ماخذتو انتي بس اامري وميضل خاطرج الا طيب

بيبي ...من الاخير اريد تنطيني سابين لفرقد

طارق ماستوعب طلبها فتح عيونه ع وسعهن وكال ....شنوووووو

بيبي ....اشوفك انصدمت وشكلك راح تتراجع عن كلمتك

طارق ....لا يمه بس مستوعبت اول مكلتي شلون يعني تريدين تزوجيهم

بيبي ....اي وشنو يعني نزوجهم البنت خو مو صغيره وفرقد ابن عمها مو غريب يعني يكبعها وياخذها

طارق ...ماكلت شي يمه ع عيني وراسي بس لاتشوفيها لسان ترا سابين لساتها طفله ماطالعه باب البيت

بس للمدرسه شيفهمها بالزواج الله يخليج ومن شوكت احنا نزوج بناتنه بهيج عمر

بيبي ...شوف ابني البنت تزوج بالاخير تزوج يعني هسه بعد سنه هم راح تزوج

والفهم احنا نشرحو الها وهاي اني شوفني شصغرني تزوجت وربيتكم وكبرتكم خربت الدنيا يعني والولد طالبها واني سالتها وهيه موافقه

طارق بذهول ماصدك ...شوكت طلبها وايمته سالتيها

بيبي ...عوف هالاسأله طروق وكولي تنطيني لو لا

طارق ...يا يمه بالعقل الله يخليج بالعقل خلي نحجي تشوفيها جاهزه للزواج

باجر لو حملت شون تشيل طفلها ماتشوفين جسمها طفولي

بيبي ....اذا على هالشي ناخر الزواج سنه سنتين المهم نخطبها لفرقد

وبعدين اني جنت انعم منها وتزوجت وجبت وماصارلي شي هاي اني جدامك

طارق ...والله يايمه ما اعرف شحجي هيه وينها وشيفهما بالزواج حتى توافق

بيبي ...بنات هالوكت مو مثلنا ابني واحنا ما نقصر وياها وبعدين وين تلكا مثل فرقد لبنتك ها بله

اشو فدوة طول وحسن ومال وجمال لو تريد تزوجها مثل ماتزوجت حضرتك ومحد يعرف بيك

طارق ...لايمه لا زواجي جان اكبر غلط وما اريد اغلط بحق البنات

بيبي ...اذا اتفقنا حتى نعلن الخبر

وثم يا يوليدي اني فرقد مربيتو على ايدي

اعرفو وگلبو حنين وراح يسعدها ويعيشها بجنه انت وافق وبنتك امانه عدنا

طارق ...زين يمه ودراستها شلون

بيبي ...استغفر الله هسه اني كلت نجيبها ونكعدها بلبيت تخدمنا شبيك وليدي

ابني حالها من حال هاجر تكمل كل الصفوف التريدها وتتعين هم لاتشيل هم احنا نعتبر مثل اهلها

طارق ..والله يوم اذا تشوفين هالشي مناسب سوي بكيفج ضلت يمج

اني بس رايد مصلحتها ومثل مكلتي ما ازوجها هسه لان صغيره

ع الاقل خلي يصير عمرها ١٦ او ١٧سنه توعى اكثر وهم لازم احجي ويه فرقد

بيبي ...على خير ان شاء الله

علي ...ها ابو سابين كول بيها شي امي

طارق ...لالا مابيها شي

سناء ...طارق حضرتلك الغرفه تعال ناملك ساعه ...اكول شرادت عمتي منك

طارق ...بعدين تعرفين

سناء ...على اساس متامله تحجي

طارق ...بس لو تبطلين هالنق مالتج ذبحتيني

سناء ....على شنو نقيت بله هوه بس سالتك صاير متتحاجه

طارق ...ردت اغفى شوي بس مكدرت ضليت ادور براسي يمين يسار صارت ساعه ٤العصر

طلعت توضيت وانتظره ياذن داصلي صحت وتين الجانت مخليه راسها ويه هالدفتر وتلون تعالي وتين

وتين ...ها بابا

طارق ...سابين وين بنتي

وتين ...بابا يمكن فوك ويه هاجر

طارق ...دطلعي صيحيها بسرعه

وتين ...اي صار بابا
سابين سابين تعالي بابا يصيحج

سابين ..خير شكو

وتين ..معرف تعالي يله

سابين ...ماشي نزلت واعرف ليش يصيحني ، ها بابا حبيبي

طارق ...تعالي بنتي اريدج بموضوع

سابين ...اي كول بابا

طارق ...شوفي بنتي اكيد حجتلج بيبيتج انو فرقد طالبج صح وانتي كايلتلها موافقه ..

سابين هزت راسها بمعنى اي

طارق ...بنتي انتي تعرفين انج بعدج صغيره ع الزواج واني تهمني مصلحتج قبل الكل والزواج مسؤوليه مو لعب جهال

سابين ...بس بابا

طارق ...خلي اكمل بنتي وسمعيني للاخير اني مكدر ارد خاطر امي وكلت اسالج تفكرين مره ثانيه ولاتستعجلين

هو صح ما الكا مثل فرقد زوج مناسب الج بس هم اريدج تفكرين

اني فكرت وشلون ما دورتها براسي اشوف بعد وكت

بس بيبيتج مصره نسوي خطبه وبعد سنه الزواج انتي واعيه شنو جاي احجي

سابين ...اي بابا واعيه

طارق ..بنتي راح احجي ويه امج وانتي هم كعدي وياها واحجو شوفي شراح تكولج وفكري بي زين

هسه روحي صيحي امج حتى نحجي وياها والله يستر

سابين ...اي بابا هسه ...رحت حتى اصيح امي وجنت فرحانه لان راح تصير عندي حياة جديدة خالية من عذاب سناء وطارق ...ماما ماما

سناء ....ها يمه حبيبتي شصاير

سابين ..بابا يصيحج

سناء ..رحت للغرفة شفت طارق كاعد وبداخله كلام يريد يكوله كتلو ها طارق شردت

طارق ...تعالي اكعدي حتى احجي وياج ..سمعي ما اطولها عليج من الاخير

فرقد رايد يخطب سابين والزواج بعد سنه او سنتين بس تكبر شويه واني نطيت كلمه لامي انو انطيها

وانتي دورج تكعدين وتوعيها وتفهميها شنو الزواج شنو خطبه شنو راح يصير

بعدين كله لازم تفهمو وتفكر بي قبل لا توافق اذا رفضت طبعا ما اغصبها هذا قرارها

بس اني يكون بعلمج ممعارض زواجهم لان اعرف فرقد كدها وابن اخويه احسن من الغريب

سناء رفعت حاجبها بصدمه وضحكت باستهزاء وكالت ....تشاقه مو ،،

طارق ...شبيج مخبله شوكت متشاقي بهيج موضوع اني

سناء وبعصبيه صرخت ..لاااا انتو اتخبلتوا اكيد شلون تريدون تزوجون قااااصر شنو من تفكير هذا ...

اسمع داكولك ايلين بنتي اني مو بنتك انت ..اني الربيتها بيا حق تاخذوها مني

انته واعي انو هيه بعدها طفله لابعد سنه ولاعشرين سنه ازوجها لفرقد فاهمين

هاي بنتي ومحد ياخذها مني والى راح يزوجها يكون من عائله غنيه ومثقفه مو ابن اخوك المهتلف

طارق ...انجبي لاطيح حظج وابن هالعائله الغنيه المثقفه راح يسعدها مثل ما انتي اسعدتيني مو هه ..

شوفي ولج اني كلمه وكلتها وبنتج ايلين ماااااتت استوعبي هالشي ماااااتت والبقت بنتي سابين

اني الاقرر مستقبلها مو انتي ترضين ماترضين طبج طوب زين واياج ثم اياج تسوين مشكله بهالبيت انعل والديج فهمتي ويلا ولي من جدامي

سناء ...والله على جثتي مايتم هالزواج فاهم اني انطي ايلين لفرقد تحلمون بهالشي

طارق ...نشوف منو اليحلم ست سناء نشوف طلعت وطبكت الباب

سناء ...هاي من كل عقلو يحجي والله يالله اشوف عود كلامكم يمشي لو كلامي هاي بنتي ..
صحتها ايييلييين ايييليين تعالي

سابين ...سمعت سناء تصيحني نزلت ركض هاها ماما

سناء ...حضنتها ما اريدها تروح مني بعدين بعدتها شويه عني وردت ادحك لعيونها الملونه بس عيونها جانت مو ملونه ..

بنتي عيونج ليش مو ملونه ها وين راح لونهم بنتي ايلين عيونها نفس عيوني ليش عيونج مو نفس عيوني ها ليش

استوعبت انو هاي مو ايلين وانما سابين دفعتها

سابين برعب من حال امها وخافت من تصرفها كالتلها ...ماما شبيج صاير شي

سناء بحالة هستيريا صرخت بوجه سابين وكالتلها ...انتي مو ايلين اني صحت ايلين وينها جيبيها الي روحي صيحيها

سابين ...ماما شبيج ايلين ماتت اني سابين استوعبي هل شي انييييي سااااا

ابين مو ايلين كااااااافي اصحي

سناء ...عصبت من كالتلي هيج كمت قفلت الباب ونزلت بيها ضرب راشديات جريتها من شعرها مسحت بيها كاع الغرفه والكل التمت تدك بالباب على عياط سابين

واني اضربها واكوللها اختج وين وين وديتي بنتي انتي الموتيها جان لازم انتي تموتين وهيه تعيش

الباب يندك بهستيريا وسابين تصيح بكل قوتها بااابا بااابا بيبي تعالي طلعوني

واني تهسترت ما اكدر اوكف نفسي اريد بنتي وهاي مو بنتي احس افعالي تطلع مني لاارادية دميتها اتدمي

طارق ...ادفع بالباب بكل قوتي والباب بي اقفال حديد من الداخل مستحيل ينكسرون

تهسترت ادك بي واصيح سنااااااء عوفي البنت لتمووووت جوه ايدج ولج بنت ال ....عوفيها

فرقد ...نزلت ركض واني اسمع عمي يصيح كلبي صار بالكاع ها ها عمي شكو وبيبي تلطم وامي الحك ولك فرقد راح تموتها للبنت دحكت شفت وتين خاتله بحضن بيبي وتبجي

عرفت سابين بالداخل وامها دا تضربها وبابا وعمي واحمد يدفعون بالباب بس الباب مستحيل ينكسر ..

وللحكاية بقية .....



يتبع .......

#الانتحار

#بارت22


فرقد ...اتخبلت يربي شسوي هسه البنية حتموت جوه ايد هل المجرمة لازم اتحرك

جطيت كبل للخارج طلعت للحديقه تسلقت الا ان وصلت الشباك نطيتو دفره كسرت الجام

والحمايه مالتو ضليت ادفر بيها برجليه ثنينهم ردتهم ينكسرون واني اكف وادفرها بكل قوتي تكسرت رجلي اتكسر

الا ان انكسر شيش واحد وفتت شفت سابين لا حول ولاقوة والدم مالي وجها

وسناء مستمره تضرب بيها بدون وعي انطيتها دفره لزكتها بالحايط

وشلت سابين وركضت فتحت الباب وطلعنا بيها للمستشفى

احمد ...وره الصريخ والبجي وكف صوت سابين ما بعد نسمع صياحها كلت ماتت من الضرب هنا اني اتخبلت

وطلعت برا صحت على فرقد ولك بسررررعه ماتت ما اسمع صوتها اقوى اكسرها يلااااااا راح تموتها دخيل ربك ع السريع

من كسر فرقد الحمايه وطب للغرفة ركضت جبت جرجف وانتظرت يفتح الباب اول ما طلع شفتها وجها يصعب على الكافر انو يشوفو

ماكو ملامح بي كلو متورم من الضرب وينزف كبل ذبيت الجرجف عليها ولفيتها بي

وركضت ويه فرقد الي جان شايلها مثل الجثة الهامده وديناها للمستشفى وعمي وابويه جو ويانا

فرقد ....وصلنه للمستشفى ركضت مثل المخبل اصرخ وسابين بيدي .. دكتوووووور دكتووووور بسرعه ساعدنا

الممرضه جابت سديه وخلينا سابين عليها وفاتت للطوارئ فاتو الدكاتره عليها والكل يسال

شصايرلها منو عنفها بهالشكل كل ما واحد يفوت ويطلع يسأل هالسؤال واحنا مانعرف شنكوللهم

الدكتور طلع

فرقد ...ها دكتور طمني رحمه لاهلك احجي شبيها البنت

طارق ...شبيها بنتي دكتور صارلها شي

الدكتور ...اول شي لازم نسويلها تصوير للجمجمه خيطت الجرح البراسها علمود اوكف النزف الحاد بس لازم اسويلها تصوير ...

وثاني شي هاي مضروبه منو الضربها بهالوحشيه بعمري ما شفت هيج حاله لساتها طفله شلون تسمحون لنفسكم هيج تأذوها

اما ثالثا اني مجبر ابلغ عن هالشي سياسة المشفى تستوجب انو ما اسكت ولازم افتح محضر بالجريمة هاي

علي ...دكتور انت تعرفنا وتعرف صيتنا اذا حجيت راح نصير علكه والصار سوء فهم وراح يتعالج والسوا بيها هيج مراح نتركو فعلوا تتفهم وتنسد القضيه هنا

سابين ....فتت على المشفى واني اسمع صراخات فرقد واحمد جنت هالكانه ما اكدر احجي

الدكاتره يفوتون ويطلعون ماكانوا يكدرون يدحكون بوجهي واسمع الممرضات يكولون الله يكسر ايد السوى هيج بيها طفله شلون هيج يضربوها

والدكتور يصيح جيبوا ضمادات جيبو قطن جان راسي حار حيل ويوجعني جثييييير

جنت احس بالابره تفوت وتطلع بي مسكت ايد الممرضه وكتلها دتوجعوني

والممرضه تكول بنتي خلصنا والله بس نفذتين ضلت اتحملي واني اكوللها شداتسوون

الدكتور ...قطعي الخيط ولفيلها راسها بسرعه وخذيلها تصوير مقطعي وتحليل دم بسرعه

مساعدة الدكتور ..طبعا دكتور عدها جرح قديم قريب من جرحها هذا

الدكتور ...اي شفتو سوي الكتلج علي حالاً

المساعدة ..صار دكتور

فرقد ...دكتور عادي اشوفها

احمد ...واني هم دكتور علوا نطمن عليها

دكتور ..بعد ما خلصنا شغلنا بس نطلعها للغرفه تشوفوها هسه لا

فرقد ...شلون احمد شلون شوف شكد نزفت هدومي كلها دمها شوف

احمد ....ادعي تطلع سلامات وبس ادعيلها

فرقد ...اريد اشوفها حتى لو من بعيد واريد اعرف شصار حتى هيج ضربتها

احمد ....اصبر ولكل حادث حديث راح نعرف الصار اول وتالي المهم هسه نطلع سابين من المشفى بسلامه

علي ...ولوخيي شصار حتى هيج ضربتها متكولي هاي شبيها حرمتك تخبلت ماتشوف ماتت البنت جوى ايدها

طارق ...ابو احمد الله يخليك خلي هالحديث لبعدين اني اذا خسرت بنتي والله ارتكب بيها جريمه هاي الماتخاف الله

علي ....امشي نكعد هناك لبين مايجون يطمنونا

فرقد ...كاعد اهز برجلي متوتر اريد يطلعون ويحجون ويانا ينطونا بس خبر على الاقل

احمد ...فرقد وترتني كافي تهز برجلك والله اعصابي تلفت من وراك

فرقد ...احمد موبيدي اعصابي كلها دتهتز ومداكدر اسيطر ع روحي

احمد ..الله كريم خيي ان شاءالله مابيها شي وتطلعلنه بخير وسلامة بس كول يالله

فرقد ..يااااااالله

سابين ...تركوووووووني بااااابااااااا تعااااال

احمد ...نشمط كلبي من سمعتها صاحت هيج

فرقد ...كمزت على طولي وماتحملت فتت للغرفه ركض شفتها تصيح وتدفر برجلها

والممرضات لازميها مثبتيها والدكتور جاي يثبت جهاز على راسها وهيه تصيح وتبجي ..

ركضت لعدها لزمتها واريدها تهدء دكتور شكو شبيها نطوها مخدر شي الله يخليك

الدكتور ...جمجمتها مكسورة ودا احاول ارجعها واثبت هالجهاز عليها حتى تلحم

احمد ...ركضت ورا فرقد وفتت وشفت البيها لزمتها اني هم واحجي وياها راح نخلص وبس تطلعين ناخذج سفره

انريدها بس تهدء ماكو ضلت تصيح ومتقبل احد يلمس راسها والدكتور تعب جثير وياها يلا كدر يثبت الجهاز عليها

بعدها انطاها مهدء ونامت طلعنا شفنا عمو طارق وبابا وحجينالهم الصار

في البيت

وتين ...من شفت الصار ويه سابين تاكدت انو راح يصير بيه هم ن

فس الشي

ركضت ختلت يم بيبي اما بيبي الي ضلت تلطم وتبجي وتدعي على سناء

الي ضلت بمكانها ماتحركت مثل الوحدة المختله عقلها او هيه اصلا مختله عقليا صحيح

بس تردد ويه نفسها ايلين ما ماتت سابين الي ماتت وايلين عايشه بنتي عايشه

مرت عمي وهاجر محد تقرب يمها بعد الشي السوتو الكل خاصمها

وجنا ننتظر خبر منهم لازم واحد يجي ويكوللنا محد بيهم جان يستخدم الهاتف

بس احمد عندو واحد وفرقد اما الي بلبيت ماعدهم وميكدرون يتصلون عليهم

راحت مرت عمي لبيت جيرانا وكالتلو يخابرهم ويستفسر منهم وراها رجعت

وكالت الوضع مو زين سابين مكسور راسها والدكتور بالف ويل يلا كدر يسويلهيا

وبيبي تلطم بعد بلزايد وتكول الله لايوفقج والله ساعة السوده يوم الفتي بيها على حياتنه يا ماتخافين الله

وكامت راحت ليم سناء وتصيح عليها شسويتي بيها ولج شسويتي بالبنيه

الله ياخذ روحج ولج شسوت حتى هيج ضربتيها ماتحجين يامال العمى اي والله

وسناء ضلت ساكته ما حجت حرف واحد بس بقت بمكانها وتدحك على الدم الطالع من راس سابين

مرت عمي ضلت ترجف وحاضنتني وتكول لتخافين مابيها شي ورا ٣ساعات فاقت سابين من البنج

فرقد ...طولت جثير وهيه نايمه بتاثير المهدء اول ماكعدت عاينها الدكتور وسمحلنا نشوفها

فتت واني كلبي نار عليها اريد اشوف شصار بيها واغلي من العصبيه واريد ارجع اذبحها لامها

طارق ....ها بنتي شلون صرتي

سابين ماتحجي ابد مو كادره تنطق حرف واحد

علي ...راح شرج سوسه راح ان شاء الله متشوفين غير العافيه بنيتي شلونج هسه مو احسن هسه راح نطلعج ونوديج للبيت وهناك عمتج هناء تهتم بيج

احمدالجان مصدوم محجا شي بس يدحك عليها

سابين ....احس براسي ثكيييييييل ما اكدر احركو ولا ارفعو واكو شي راص علي قوي وما اكدر افتح عيوني من الوجع

جفن عيني ياذيني حيييييل يربي بس ابجي بصمت بس دموعي تنزل

واريد اكوللهم نيموني ما اكدر ونفسي تلعب من الوجع اريد انام ما اريد احس بأي شي

شالني فرقد بعد ما قرر الدكتور انو اطلع واحمد لفني بالجرجف جنت ارجف من البرد مع العلم الجو صيف واجرنا تكسي ورجعنا للبيت

فرقد ...اول ما وصلنا للبيت دزيت احمد كتلو شوف سناء اذا موجوده خلي تنكلع ماريد سابين تشوفها وتنكلب نفسيتها ..

فتت بيبي وامي ركضو عليها وبابا يكوللهم عدت الحمدلله وعمي وجهو مايتفسر

اول مافات صاح بعصبيه ويييينها هالماعدها ضمير وينها وامي تهدي بي

هناء .... ابو سابين ماصار شي اهدء الصياح ميحل شي والحمدلله هاي رجعت

بيبي ....جوا جوا بالغرفه

هناء ....عمه نريد نهديهم الله يخليج شبيج اسكتي لاتصير كارثه الخاطر الله

بيبي ...ماتسكتين انتي بله خلي يكسرها تستاهل مو حرام هالصغيره هيج صار بيها روحلها ادبها المتخاف الله

هناء ....ابو سابين اهدء بالاول علي احجيلك شي كلمه

وتين ...عمو علي واحمد وفرقد ماحجو شي لان السوتو سناء بنضرهم كبير ماينغفر وهمه اصلا مشافو الجرائم مالتها قبل

وهاي عباره عن كتله جثير بسييييطه بنظرنا انا وسابين مارادوا يتدخلون

لان جانو حاقدين عليها بوكتها بالاخص فرقد الجانت عيونو تطفر شرار

اما احمد ماقبل تنام بالطابق الارضي وكال تطلع فوك حتى لاتشوف امها وتتحسن نفسيتها

وهم احنا يمها حتى لتتكرر هالحاله انغام الجانت رايحه لبيتها رجعت بلليل هيه وبنتها

اما يزن وانمار الجانو بشغلهم رجعو المغرب وشافوا الوضع ونصدموا بالشافوا

يزن ضل يسال ويستفسر وفرقد صاح بي اسكت يزن

بابا من فات لسناء ماخلى من الرزايل والضرب جنزها ومحد ادخل بيناتهم لان تستاهل ..

وعمه الي جت متاخره وسمعت بابا يصيح ويضرب بسناء فاتت وفاككتهم واني عفتهم وطلعت ويافرقد واحمد لغرفة سابين

مرت عمي جابت اكل لسابين حتى تشرب دواها وفرقد طلع لغرفتو واحمد ضل ويانه يحجي ويريد يضحك سابين

فرقد ...فتت لغرفتي هدومي كلها دم سبحت ع السريع وطلعت يووووم سوي عشا خطيه لسابين حتى تشرب دواها ..

هناء ...يما سويتلها وطلعتلهيا

يزن ...تعال فرقد عادي اطلع وياك اشوفها شصارلها

فرقد ...اي عادي تعال شوفها وانزل اسال بيبي تحجيلك اني مكدر تعبان حيل

يزن ....طلعت شفتها حالها متبهذل وراسها وارم عيونها زركه تحمدت الها بلسلامه ونزلت استفسر من بيبي

انمار ...طلعت شفتها خطيه ونطيتها جبس جنت جايبو ويايه لاراده بلكت تتحسن وتسكت لان جانت بس تبجي من وجع راسها

فرقد ...شفتها شلون ذبلت بظرف ٥ ساعات بس واصريت اتزوجها وما انتظرها لا سنه ولا حتى ساعه وحده

بيبي ...تعالي ولج انغام عوفي خلي يكسرها هالماتستحي الله يلعنها ويسود وجها

انغام....ول يمه شصاير هاي شبيكم تركتكم الضحى مابيكم شي شجالكم عين الماصلت ع النبي

بيبي ....لا عين ولا شي هاي الخبله منو يصيبها بعين لزمت هالبنيه وكسرتها من الكتل

انغام ...سناء يمعوده شصارلها بعدها صغيره وتغلط

بيبي ...هيه اول شي خلي تغلط والله يايمه بدون سبب نزلت بيها بكره كتل عساها بلكسر ايديها ان شاءالله

انغام ...هيج بدون سبب

هناء ..

..والله يمه البنت عاقله ماشفنا بدر منها شي

انغام ...الله يهديها بس

وتين ...نامت سابين وبدون ماتاكل اي شي جانت متوجعه وبس شربت دواها نامت

احمد .....دكيت الباب على فرقد جان يزن يمو

فرقد ....تعال احمد فوت

احمد ....اكلك لازم نحجي ويه بيبي ونخليها تستعجل بزواجك منها

يزن ...ليش العجله ماتشوف حالة البنت

فرقد ....وهو اصلا الزواج علمود نخلصها من امها

يزن ....وربي مفهمت اي شي ليش تخلصوها منها شمسويه امها لكل هذا الخوف والقلق منها

احمد وفرقد ...حجينا السالفه ليزن الجان بيت سر فرقد ونصدم هو الاخ ومصدك بس الحادثه الصارت اكدت اله قساوة سناء

يزن ....والله سالفتكم متدخل براس بني ادم هاي امهم تعرفون شنو يعني ام ام هاي شلون هيج تسوي بيهم

فرقد ... احنه هم مجنه انصدك بس اليوم اتأكدنه ١٠٠% من كلام البنات هاي امهم معاقه عقليا واي شي تسوي خارج عن سيطرتها يعني انسانه مريضة

والله لازم نسالها باجر اني ارجع ااكد على بيبي واخذها منهم واخلصها وهم احجي ويه عمي واقنعو بلكت يرضى يزوجني اياها

يزن ....يعني زواجك حبر على ورق وبس

فرقد ....اي بالضبط

يزن ....زين ليش مو زواج حقيقي يعني مو احسن من هالعبه هاي

فرقد ....مو سابين ماتعرف شنو زواج واصلا بعدها صغيره ماريد اضلمها وكل بالها انو الزواج هو انتقال من بيت ابوها وتعيش ابيتنا

((الليله هاي جانت حييييل طويله على سابين ووتين ضلت عايشه حالة رعب من انو يجي الدور عليها))

هناء ...طلع الصبح وسابين الليل كلو منايمه وضلينا نتناوب عليها

مره اني مره هاجر وابوها ضل يمها ما نام الليل كلو

ابني فرقد ضل يمها وماقبل يرتاح

بيبي ...تعالي يولي هناء تعالي يمه شلون صارت سابين

هناء ...والله عمه الليل كلو منايمه وبس تون من الوجع

بيبي ...الله يهديها هالسناء وبس ،يمه سويلها اكل جبن على خاثر وبيض بلكت تاكل شويه

هناء ...صار عمه ادللي

طارق ...صباح الخير يمه

بيبي ...هلا هلا بطروقي تعال ابني تعال احاجيك

طارق ...اامري يوم كولي شصاير

بيبي ...صدكني يا ابني هاي مو اول مره هالحيه مرتك تضرب البنات هيج

طارق ...والله يمه خليني مانحجي بهالامور وسويتلها فركة اذن بعد ماتعيدها

بيبي ...والله اني هالحجي مايكطع عقلي اذا هيج تعاملها مرتك اني راح اخذها لفرقد وافضها

وما انتظر لاسنه ولايوم فهمت وخلي ابالك انته ترجع لبيتك وسابين تبقى يمنا زين

لان اخاف عليها من هل حية مرتك تجرم بيها مره ثانية

طارق ...يمه البنت عدها مدرسه منكدر نبقيها شلون

بيبي ...اي عادي ننقلها يمنه وماريد اي اعتراض

و الى ان تجر عدل مرتك وتصير بشر وكتها يصير غير كلام

طارق ...نشوف شلون تصير هسه تعبان واريد بس اغفيلي ساعه الليل كلو مانايم جسمي كلو مكسر

بيبي ...روح يمه روح ريح راسك بس قبل لاتنام اكل لكمه ونام

احمد ...ها فرقد شلون صارت سابين

فرقد بتعب وتنهيده حارة ...مو زينه الليل كلو تون وتبجي من راسها

انغام ...صباح الخيييير سوسو شلون صرتي امي

سابين ...اهز بايدي مو زينه

وتين ...كعدت على اصواتهم بالغرفه

انغام ....اتحملي شويه بنتي هسه تاكلين شوي وتاخذين علاجج ويخف الوجع شويه زين ..

يلا كومي اغسلج وابدلج فرقد واحمد طلعوا برا اراده تعالي ساعديني

هاجر يمه ساعدي امج خطيه وحدها ضلت تعبت الليل كلو كاعده

وانتي ياسنفوره روحي جيبي ملابس لاختج وين مخلين الجنطه

وتين ...اي الملابس جوه هسه اجيبلها

سابين ...عمه انغام مسحت جسمي كلو من الديتول مال المشفى والدم

وغيرتلي ملابسي وكل هذا وسناء ماشفتها جنت خايفه لانها استوعبت وفات ايلين

يعني حياتنه راح ترجع لسابق عهدها ضرب واهانات واذيه

ومحد راح يكدر يوكفها جت مرت عمي شايله بيدها صينيه

وبيها اكل وجبرتني اكل علمود علاجي اخذو ..

اكلت شويه شربت الدوا وغفيت لان مانايمه نعست حيل ونمت

فرقد ...نزلت نفسي ماتجرع الاكل وسناء بكل وقاحه كاعده وتاكل ولا كانو الصار ابنتها ماثر عليها

جنت كوه لازم اعصابي معرف شلون حجيت وكتها والوكت مجان مناسب ،

عمي اني طالب ايد بنتك سابين واتمنى ماتردني واريدها قبل لاترجعون نسوي حفله صغيره هنا وتبقى يمنا نداريها ..

لان هناك ماكو احد يداريها وادحك ع امها الي ما ابدت اي اهتمام بلشي الكلتو

علي ...بعصبيه شو انت صاير فد مره فالتون ماعندك اب تستشيرو لو رجل كرسي اني هنا هاااااا

بيبي ...هسه وكتها ماتشوف حال البنت

طارق ...اني امي حجت ويايه وكتلها بعدها صغيره

هناء ...عمه ليش ما سالتينه مو احنا اهل الولد شو ماعدنا خبر

علي ...يمه غير تحجين ويانه

بيبي ...شبيكم اكلتوني بكشوري هو الحجي صار البارحه بعد ما حجينا بي

وطبعا راح اكولك بس ماصار مجال وشفتوا الصار بسابين

وانت تخبلت مابعد تصبر شوف حال البنت وغير تاخذ راي ابوك بالاول لو هيه الشغله لعبه عندك

فرقد ...اعتذر ياب بس اني حجيت ويه بيبي وعبالي كالتلك

علي ...وانت شبيك مو رجال ما تجي تحجيلي انت

طارق ...هسه يا ابو احمد ماصار شي بس حجي ب

يني وبين الوالده ترا مانكلبت الدنيا

علي ...يصير خير

يزن ...جان لازم تكول لابوك شوف شون صفر وجهو ماراح يعديلك اياها

هناء ....تتحلف بي وعيونها مليانه غضب بسبب انو ماكاللها وهيه امو

وتين ...مرت الايام مابين علاج سابين ومابين محاولة فرقد يقنع ابو بالزواج

لان عارض الشغله كلياً بحجة انها لساتها صغيره وانو فرقد مامكون نفسو

واراده من عرفت جنت ولزكت بدين فرقد ماتتركو ولا لحظه

وكأبت نفسها حتى يهتم بيها ورا مرور اسبوعين على الحادثه

فرقد ...ياب اني راح اخذ سابين للدكتور اليوم يشوف وضعها واذا تسمحلي انت هم عمي

طارق ...اي علوا والله اني تعبان حيل

علي ...اي وديها لازم يفحص راسها

سناء ...اني هم اروح وياكم

فرقد ...اسكتي انتي حسج ما اسمعو هسه صرتي تريدين تطمنين عليها

والله لو ميكولون عني خبل اجنزج والكعبه كومي نذلفي من يمي يلااااا

سناء ...بكلبي طبكم طوب اي والله لجهنم كولكم مجرمين

اخذتم بنتي مني والله لطلعها بيكم وتريدون تزوجوها حتى تخلصوها مني

اي زوجوها شنو علي زوجوها اني اعرف بمنو اطلع غيضي

وتين ...بابا اروح وياهم

طارق ....وين تروحين انتي الثانية المشفى كلو امراض لا كعدي وهمه ميطولون

احمد ...طلعت العصر اني وفرقد ودينه سابين شافها الدكتور وكال بعد لازم يبقى الجهاز على راسها الا ان تلتأم جمجمتها

الجهاز مثل الطاكيه يخلو على راس المريض وبي درجات يضيكون بي الجهاز او يوسعو

تحسنت سابين شويه ومارجعت تتوجع مثل اول ..٣ايام الاولى مرت عليها جثير صعبه احمد وفرقد ماتركوها

وبيبي تطلعلها مره بليوم تشوفها لان مره كبيره بالعمر ماتكدر تطلع ع الدرج

مرت عمو جثير اهتمت بينا حبابه جثير عمه انغام رجعت لبيتها هيه و ولدها

وبنتها ارادة الفضحت نفسها بتصرفاتها الجان الكل منتبه انها دا تحاول تجذب انتباه فرقد والكل ضاج منها

الا ان كتلها اخوها كتله مرتبه وشحطها لبيتهم لان جانت متخبله متقبل تترك بيت جدو ومتقبل تروح لببتهم

فرقد ...كعدت جوه ويه الاهل الكل جانو ملتمين

سابين وهاجر ووتين ضلو فوك لان سابين متريد تشوف امها

وحقها جان بابا يفاتح عمي طارق بموضوعي بعد الحاح كبير مني

علي ..عيني ابو سابين اني اريدك ماتردني ياخويه واتمنى تفرحني وتفرح الكل اليوم

طارق ...تفضل اخويه مااردلك طلب ان شاء الله

علي ...عيني اخويه اني رايد سابين بنت الي قبل لاتصير جنه

وفرقد تعرفو وتعرف تربيتو واذا ماعاجبك كول مابيها زعل الشغله انت فصل واحنا نلبس ..

اعرف هاي حبيبة كلبك بس هل فرقد لح ملحه موتني بي اريدها واريدها

فرقد ...يافشله خرب حظك ابويه شلون تحجي هيج هسه شيكول عمي

طارق ...هههه اي اي اعرف امي هم حفرت راسي والله نطيني بنتك ونطيني بنتك

احمد يهمس باذن فرقد ويضحك باستهزاء ..هههههه صرت مضحكه حبيبي استلم

فرقد ....انجب خويه انجب والله مو واصلك انعل ابو اليسوي خير بهالزمن

طارق ...اني موافق ماعندي اعتراض فرقد رجال ونعم التربية

وماعندي رجال يستاهلها مثلو على خير ان شاء الله

علي ...خير ان شاء الله بس ترى البنيه ماترجع وياكم تبقى يمنه

طارق ...يعني شلون زواج بسرعه مو جثيير مستعجلين

علي ...لا خويه مامستعجلين واذا تريد نخطب وننقلها تدرس يمنا منو ندير بالنا عليها ومنو يتعرفون همه اكثر

طارق ..عرفتو مايريد ترجع ويانه وخايف عليها من سناء

ما انكر اني هم ممتواجد ع طول بلبيت ولهذا اخاف تسوي بيها شي

كتلو ادلل ابو احمد انت فصل واحنا نلبس هاي بنتكم وانتو بيت عمها وبيت جدها التريدو يصير

سناء ...عيب ابو احمد شنكول للعالم لو سالونه بنتكم وين وليش تزوجت بهالسرعه

طارق ...انتي سكتي مالج دخل بكلام البيني وبين ابو احمد واضح

بيبي ...يعني نكول مبروك ونفرح گلب هالمجنون

فرقد ...شوفي بيبي ترى ما اسمحلج تكولين عني مجنون تراني كبرت وصرت عريس ههههههههههههههه

بيبي ....انجب لك تسمح ماتسمح صار رجال براسي البارحه جنت اغيرلك حفاظتك

فرقد بفشلة ...بيبي الله يخليج شكو داعي لهالحجي خررب انه

الكل خربوا ضحك

احمد ...اي بله بيبي احجينا بعد

فرقد ...انلصم انت لا ابتلي بيك

احمد ...شكو العصبيه هاي عريس وراح نزفك اهدء حبيبي العريس ابو الحفاظه ههههههه

فرقد ...حسابك بعدين واطلعها منك والله بس اصبرلي

ام احمد ...كللللللووووووش الف مبروك يارب وتتهنون

سناء اعيونها كامت تجدح من الغضب لان مراضيه

علي ...عجل اذا هيج صارت خير البر عاجلو من باجر نلبسهم حلقات

حتى ليحجون العالم يكولون كاعده ابيت جدها وكلو رجال

طارق ...اي يصير ليش لا بس اول خلي نسال سابين اذا وافقت نبدي واني ما اجبرها اذا غيرت رايها

نط فرقد من يمو وكال ...اني اسالها عادي ؟

علي بعصبية رزلو ...انجب واكعد مكانك

طارق ...هههههه عوفو ابو احمد خلي يروح يسالها عادي ابن عمها ماكو مشكلة

احمد بضحكة عاليه ....اثكل يا ولد عيب عليك كمزت مثل الشاذي

فرقد ...بربك شكد فشله يربي شجاني ولا عبالك زواج حبر ع ورق شبيه اني

مصدك نفسي امداني الغبي ولا اتعلم

طلعت على كيفي من الديوانيه على اساس ممهتم واني اصلا بداخلي يكمز من الفرحه بس اريد اشلع من يمهم واروح اسالها

اول ما طلعت وسديت الباب ركضت للطابق الفوك كلبي جان يكمز وطار قبلي

واخيرا هالسنفوره راح تعيش يمي بغرفه وحده شويه شويه اربيها على ايدي واعيشها اميره بشرفي ما ااذيها

بوووية شبيه ..هيج يسوي العشك بالواحد افيشششش ياعشك الصغيرونه دولبني وربي

وصلت لباب غرفتها

#وللحكاية_بقية......

هيچ الله وتصيرين يمي بفرد بيت ؛ 💒
ماخلي شارع عام ماترسه چكليت '♥️

يتبع ......