بالله خسرتي بنتج ..

سناء ..ما انكر يكدر يسويها لان جنت راح احركله بنته مع العلم اني جنت بس دا اخوفها

كتله موخوفا منك على نفسي لا والله بس على ايلين بس صدكني فلا راح اعديها الك وراح انتقم منك
عصب وصيح عليه

طارق ..شوفيييي لج ايدج اذا تمديها
على سابين اكسرها الج اليوم مامتي بس الجايات راح اموتج والكعبه ادفنج انتي وبنتج ..

سناء ..عافني وطلع واني لااكدر اكوم لا اكدر اصيح احس من احجي الجرح راح ينفتح

بلعتها وسكتت وكلت اردها اله
ضليت بالمستشفى كم يوم وراها طلعوني

طارق ..بعد ماطلعت الدكتوره جان وجها مايتفسر عصبيه تريد تحركني بنظراتها طبكت الباب بكل قوتها وطلعت .

اجا الشرطي وكال تفضل الست سناء رفضت ترفع دعوى ضدك

فتت حجيت وياها وهددتها تعيدها وطلعت اخذت ايلين ورجعت للبيت

عاد بدلت واكلت وخليت ايلين ويه خواتها يم مرت صبري ورجعت للمستشفى وخطيه صبري ضل ويايه وابد معافني ..

ثالث يوم الصبح جت الدكتوره كالت هذا علاجها خلي تلتزم بي وخلي تبدل الضماد للجرح كل يوم

وبعد اسبوع تجيني اشوف عمليتها حركه ماكو ولازم تداريها طلعتها من المستشفى ورجعنا للبيت

فوتتها وتمددت على السرير جو البنات يركضون ايلين حضنت امها وكعدت يمها تحجيلها شلون صارت ايدها وشلون نفصخت ...سابين ماتقربت الها ابد وتين واكفه يم الباب

سابين ...ضلينا ابيت عمو صبري يومين والثالث رجع بي بابا ورجعنا للبيت

شفت ماما نايمه على السرير بس ماتقربت الها وجنت اكرهاااااا ولا اريد اشوفها حضنت بابا وكتله تعال نطلع هيه خزرتني وصاحت وتييييييين جيبيلي مي بسررررعه

وتين ...جفلت من صاحتني رحت ع السريع جبتلها كلاص مي وكالت جيبي علاكة الدوى

وديتلهيا شربت علاجها وذبت العلاكه بوجهي وكالت يلا وديها للثلاجه رحت خليتها ويا الادويه رجعت صاحتني ..

ايلين ..ماما كولي شتريدين اني اجيبه الج ..

سناء ..لااا انتي تكعدين يمي وتين تجيبه تعالي ولج ..

سابين ..اني جنت واكفه بعيد عنها حتى لاتضربني صاحتني رحت الها

ضربتني راشدي كالت مرا ثانيه تجيبين المي بارد مو حار يلاااااا طلعي برا الغرفه طلعت ورحت غسلت وجهي بمي بارد لان الراشدي جان قوي

وكعدت بالطرمه ابجي فات بابا شافني ابجي اني ع السريع مسحت دموعي هو وكف شويه ومادارلي بال وفات ..

اني كمت فتت كلت اكتب الدرس مالتي جان عندي حروف لازم اكتبها واقرا قراءه

بس ما اعرف شلون اقرا والحروف نسيتها شلون جانت تكولها المعلمه

لان غبت كم يوم عن المدرسه كعدت اريد اعرف شنو هالحروف ماعرفت كمت ابجي المعلمه كالت المايحفظ يكف يم سلة الزبل تكرمون ..

سديت الدفتر ورحت على بابا معاملته الي جانت احسن شويه من ماما على الاقل مايضربني دائما

ضليت واكفه يم الباب وضامه الدفتر ورا ضهري شافني كال هاااا خيرج شعندج كتله ما اعرف اقرأ هذا ..

طارق ..شنو هوه شوفينيا

وتين ..طلعتله الدفتر وفتحته كتله هذا ..

طارق ..ماشي تعالي اعلمجيا ..

وتين ..فرحت اول مره رحت اركض كعدت يمه وكعد يعلمني شلون ينلفظ وينطيني امثله علي

اني فهمته وحفظته كتله بابا كال هااا عندج شي بعد كتله قراءه بس اقرالي اياها

كال جيبيها ع السريع رحت اركض فتحت الجنطه وطلعتها وكعدت يمه كام يقرا وكملها ..

طارق ..يلا تعالي اقري ..

وتين ..المعلمه متريد هيج نقرأ

طارق ..لعد شلون ؟

وتين ..معرف يعني مو نفس ما انته قريت

طارق ..اهاا قصدج تهجي تريد فهمت

وتين ..كام وتهجى الحروف كلها الي هوه يقرا وصوته عالي واني اردد ورا

كمل وكال يلا اقريها جنت احفظ بسرعه واستوعب بس جنت احتاج متابعه وتعليم كملت وقريتها ..

طارق ..اي عفيه طلعتي شاطره يافصعونه ..

وتين ..اني ضحكت وكتله شكرا كمت شلت الدفتر والقراءه حتى اطلع جان يصيحلي ..

طارق ..تعالي تحتاجين حذاء اعتقد حذائج قديم وصغر عليج بلليل اخذج اشتريلج واحد ..

وتين وهيه طايرة من الفرح ... تكول مو حذاء راح يشتريلي عبالك الماسه فرحت طرت

كمت ابوس بي ورحت اركض كلت لسابين ولايلين جانت الفرحه مو سايعتني حبيت هالشعور من احد يهتم بيه او يجيبلي شي

وجان يندك باب الحديقه وساعه 6المغرب طلع بابا يفتح الباب

طارق ... جنت دا اتوضى حتى اصلي ركعتين قبل ما ياذن المغرب وندك الباب

رجال طويل مو كبير بالعمر مبين شاب وبالكليه يمكن يدرس كتله هلا عيني اامر كال مايامر عليك ظالم هذا بيت الاستاذ طارق
اي نعم تفضل

اني عماد

طارق ..اهلين بيك بس انته مو من هنا مشايفك

عماد ..اي نعم صح انا مو من هنا بس بلا زحمه انته زوج سناء ..

طارق عكد حاجبه باستغراب وكله ..اي تفضل شلون تعرفها

عماد ..اني اخوها

طارق بصدمة ...شنوووووو ؟؟!!!!!

وللحكاية بقية ..

يؤسفني كثيرا حين أفكرُ أني في هذا العمر متخصص بالتفكِير في الموت 💔

يتبع ...

#الانتحار

#بارت10


طارق بصدمة ....شنوووووو ؟!!

وراها صحيت ع نفسي وكتله لا اخويه يمكن غلطان سناء ماعدها اخوه

عماد ..سناء بنت فلان جدها فلان
مو صح

طارق وهوه يحاول يستوعب السالفه .. اي تمام صحيح

عماد ..لعد مو غلطان بالعنوان وانته الاستاذ طارق ناظم حسين

طارق ..اي صح كلامك

عماد ..واختي عدها توأم منك

طارق ..نعم بس انته شلون تعرف كل هالشي

عماد ... ابتسمت لانو تفاجأ كتلك استاذ اني اخوها ابن ابوها وجاي اشوفها واطمن عليها وعندي منها طلب هم

طارق ....اوووووه نصدمت من عرفت عدها اخ وهذا اصغر منها يعني ابوها متزوج نسوان ثنين

واكيد همه ميعرفون والله يعمي حتى بعد موتك ضلت عندك اسرار

عماد ...راح تخليني ع الباب

طارق ..اها لالا العفو تفضل اعذرني بس نصدمت وممستوعب تفضل ادخل

فوته للاستقبال وكتله اتفضل لبين ما اجيبلك مي واصيحلك سناء

فات الرجال للاستقبال واني رحت صيحت سناء شفتها جاي تبدل بلاستر الجرح كتلها ولج سناء ..

سناء ...ها خير ياطير

طارق ..ولج تعالي اكو ولد برا يعرفج

سناء ..اي وشيريد

طارق ..غير ماتدرين ابوج طلع متزوج اثنين يحظيييي وانتوا ماتدرون

سناء ..طارق بله بلا مهزله مو ناقصتك اني

طارق ..ولج والله طلع متزوج اثنين وهذا عماد بالاستقبال اخوج ويريد يشوفج بدلي وتعالي ..

سناء بقت متسمره بمكانها وصافنه شديحجي هل رجال ....ماصدكت كلامه بس صار عندي فضول كلت اكيد مخربط ..

بدلت البلاستر اشون ماجان وكلت اشوفه وارجع اضبطه زين لبست وطلعت اول مافتت كام ولد شاب صغير بالعمر ابتسم ..

عماد انتفض من دخلت سناء وكال ..سناء موووو لساتج مثل ما انتي تشبهين شويه بابا اعرفج بنفسي اني عماد واكون اخوج من ابوج

سناء بذهول ...ضليت واكفه واصفن هذا شدايحجي تخبل اكيد بعقله خلل مستحيل ..

كتله لا اكيد انته مخربط اني بابا الله يرحمه متزوج بس ماما وعن حب وضل يحبها لحد ما مات ولو جان متزوج اثنين جان عرفنا وبابا ابد ميخون ماما ..

عماد وهوه يحاول يفهم اخته الموضوع كعد وكال ..امج مجانت تدري وبابا اقصد ابونا بعده عايش ماميت مثل مامتصورة انتي

سناء ..صدمني بكلامه هذا شديخربط انوب من صدمتي كمت اضحك كتله مو كتلك مخربط عيني اني بابا مات بحادث سيااا ....قاطعها عماد

عماد ...سياره واحترك وما عرفوا من شكله بس من مستمسكاته مو ..سناء انتي محاميه جان لازم تسألين شلون هوه احترك ومستمسكاته ضلت سليمه

سناء ..مشيت ليمه بعصبيه وكتله شوووف ولك اذا داتلعب وتتسلى مو ناقصتك والله

واني ما اعرفك والي اعرفه كتلك ايا بابا مات افتهمت ماااااااااات وماكو غير امي بحياته وامي توفت وهيه كلها ثقه بي

ف مال تجي تحجي طالع نازل اعذرني وتفضل بلا مطرود اني لازمه جرحي لاينفتح واصك على سنوني ..

عماد ..اختي بس اهدي نتفاهم مو زين على عمليتج

سناء نصدمت فتحت عيونها ع وسعهن ...هذا شلون يعرف بعمليتي
كتله وانته شلون تعرف بيها ..

عماد ..مو كتلج اخوج ومتابع كل اخبارج جنت انتظر لحظه مناسبه افاتحج بيها ظنيت انو هسه لازم تعرفين لان خفت عليج وخفت اخسرج ..

سناء ..بنفاذ صبر كتله انته واعي شدا تحجي

عماد ..عندي اثبات

سناء ..اي بله وشنو اثباتك

عماد ...هههه اهدي بلا عصبيه يبوووو مجنت متوقعج عصبيه هيج اكيد ماخذه هالطبع من امج لان بابا مو عصبي

المهم تفضلي هاي صورتي اني وابوية وامي وتكدرين تصدكين بيه لان اخذتها البارحه

سناء ....مصدكت سحبت الصوره من ايده ولني من صدك بابا بيها لا يالله هاي شنو شديصير مستحيل ابوية مات ماااات هذا منو بقيت ادحك بالصورة وفاتحه حلكي مصدومه

يا اصخام هاي شنوو هذا فعلا ابوية وهل شخص يمه بالصورة جنت اباوع عليه واباوع ع الصورة بحيث حسيت صار عندي ثول براسي

طارق ..جنت بس اصفن عليهم هذا شملوص بحياته عمي مو على اساس مات حرك شدايحجي

والله لينكلب البيت اليوم ويعلك للصبح شورطني وفوته اني ونوب طلع عمي عايش ومزور مماته هلا هلا

وانوب هاي راح تطلع عينها اذا صدك ابوها عايش والله راح تسبيني سبايا ويقوه ظهرها وتكوم تتشجع بي

سناء ..ذبيت الصوره بوجها وكتله تفضل اطلع برا هذا مو بابا جان عندي اب وتوفى

عماد ..اسمعيني فدوه صدكيني بابا محتاجج هسه
ف تعالي فدوه شوفي سمعي كلامه الي بكلبه وبعدين حكمي علي مره وحده سمعي وبعدها قرري

سحبته من ايده وطلعته برا وطبكت الباب قوي بوجها
طارق يباوعلي باستغراب وكال طلع عندج اخ وماندري

عفته لان اعرفه يريد يستهزء بيه رحت نزعت ملابسي وشمرتها ع الكاع وصحت ووووووتين تعالي جيبي علاكه الدوة بسرررعه

وتين ....سمعتها تصيح رحت ع السريع وديتلها العلاج وجانت عصبيه نار رفعت ايدها تريد تضربني وصاح بيها بابا ..

طارق ..قسما بالله اذا مديتي ايدج عليها اكسرها فاهمه ولا لا ..

سناء ..وانته من شوكت تدافعلها

طارق ..وانتي ليش طولان لسانج روحي طولي على ابوج الي شمرج مثل الجلب وشرد مو عليه ا

كصه وادوسه بنعالي ترا ماعندي هيج نسوان اني
تعالي وتين اكلي لكمه وبدلي خلي نطلع نجيبلج حذاء مدرسه ..

وتين ..رحت مكيفه اول مره بابا يوكف ويايه ويدافعلي جنت طايره من الفرح ع السريع اكلت وطلعنا ..

سناء ..جان الشرار يطاير من عيوني كملت ضماد جرحي وكعدت افكر معقوله بابا هيج سوى بينا

معقوله معقوله يزيف وفاته علمود يخلص منا وكل هالوكت وين جان يربي وامي ماتت قهر علي ..

وتين ..((طبعا بيبي صح قاسيه بس جانت تموت على جدو ضلت تحرك بروحها بعد وفاته القهر اكلها كثير وصار عدها ضغط وتراجعت حالتها الصحيه حيل الى ان ماتت بغداد ))..

سناء ..واني شصار بحالي معقوله يطلع عايش كل هالوكت وما يكول وين جان شلون مانكشف ضلت تدور هالامور براسي ونمت بلا اكل

نروح شويه لقضاء حديثه نحجي عن فرقد واحمد لبين ما يطلع الصبح على عائله طارق

فرقد جان فايت ٢٠ يوم بلشهر الثاني اقصد ولد ٢٠/٢/١٩٩٠ فزور ولادته حتى يدخل المدرسه من وكت لان جان راح تطير منه سنه فدخل المدرسه بعمر ال ٦سنوات قبل اونه

والده عمو علي جان عنده قطعه ارض كبيييير كلش وجانت ماشاء الله دامتهم دم بخيرها

وضعه جان كلش زين بالاضافه لمحلات جمله واسواق ف احمد كان ويه ابو يساعدو وفرقد ملتهي بالمدرسه وبيوم من الايام كعد فرقد وكال لابو

فرقد ...ياب اريد اتزوج سابين هسه ...
الكل ضحكو على سالفته بابا والله اريدها تجي يمي اريد اشوفها واني اذا تزوجتها يعني اكدر اشوفها كل يوم

عمر فرقد بهذاك الوكت جان ١٢ سنة

عمو علي ..ادلل بس تكبر ازوجها الك

بيبي جانت كلش مو تمام صحتها ومتدهوره اوضاعها والكل خايف عليها عمو عمار تعارك بعد وفاة جدو وراد الورث ينقسم وصارت مشكله ومرته متتوالم ويه مرت علي و ويه بيبي ..

وجانت مشاكلهم كثيره عاد باعو نص البيت هدو وباعووا قطعه الارض مالته ونطوا فلوسه لعمار

الي راح بنه بيت اله يسرح بي الخيال بعيد عن اهله بنته غسق جانت كثير خبيثه وحقيره ومدلعه ماتنجرع وانانيه بشكل ...

بحيث اذا رحنا نزور بيت جدو تضل تضربنا او تسويلنا مشاكل تكرهنا تموت منا وخصوصا انو بيبي تحبنا اكثر منها واحمد يضل يجيبلنا شغلات وميحسب حسابها ..

اما ابنه حامد جان مسوي نفسه شيخ ومحد كده ومرته هواي تسلطت على الكل والي تريد تمشي كلمتها غصب عننا ..

وضل نص بيت جدي الي ضل ساكن بي عمو علي وبيبي وفرقد وهاجر وامهم

جانوا ميحترمون بيبي ودائما يفشلوها فجانت تكرههم ومن جانت تريد تفوت تنام جانو يزعجوها وميخلوها تنام

......نرجع لبيت طارق وسناء .......

كعدت سناء الصبح
اكول طارق هذا عماد وين ساكن

طارق ..خيرج شكو

سناء ..اريد اروح واشوف شنو عذر بابا وليش تركنا هيج

طارق ..اهااااا اي ساكن حاليا بالقائم

سناء ..اها تعرف مكانه حتى توديني

طارق ..اي بس مو اليوم عندي شغل اجليها لباجر

سناء ..اي براحتك
فكرت كثير وردت اروح اشوفه واني اتمنى يكون عذره مقنع اريد اسامحه محتاجته يمي حيل بس لازم اسمع حججا شنو
انتظرت على نار اروح اشوفه ..

ثاني يوم كعدت الكل من الصبح بدلت لايلين والبقيه معليه بيهم همه بدلوا وكعدت طارق يلا حتى تلحك توصلني

طارق ..ول يابه شعندج من الغبشه منو كاعد هسه حتى الديج بعده نايم صبري خو ما راح يطير ابوج هياته مات ورجع احتيا

سناء ..دكوم بلا هالسوالف يادوب تكمل

طارق ..امري لله كمت بدلت وتريكت شفتها محضره كلشي كتلها يلا خلي نمشي لخارج المحطه وناخذ سياره مناك

تمشينا وصلنا للتقاطع واخذنا سياره ودليتها العنوان وراها وصلنا الرجال نزلنا بيت كبيييييير كثير

هذا مو شكله ايجار محد ياجر هالبيت لنفر واحد دكينا الباب وفتحه عماد تفاجا بجيتنا مجان متوقع جيتها بهالسرعه ..

عماد ..ياهلا تفضلوا تفضلوا ..

طارق ..فتنا على استقبال كبير وفخم ملكي وسناء مصدومه من العز الي تشوفه كدامها

كعدنا وكال هسه اجي انتظرنا فاتت مره مو كبيره بالعمر سلمت علينا وبوست سناء والبنات وكالت اعرفكم نفسي اني زوجه (...)

سناء ...فاتت علينا مره صغيره بالعمر بوستنا وعرفت عن نفسها اني زوجة (....)

انصدمت هاي بعدها بنت صغيرة اني شوفني صورته عماد ويه امه وبابا بس ما ركزت عليها

اني اصلا ما شفتها كل تفكيري جان مصبوب على بابا كتلها لو اعرفج زوجته مجان سلمت عليج ...

بعد ما كملت كلامي جان ينفتح الباب وفات ابويه وعماد لازمه من ايده

اني انداريت وتصنمت بمكاني هذا بابا شدايسوي هنا تخبلت لا يربي هذا صدك عايش

رحت علي بدون وعيي وصرت قريبه منه وكتله انته ليش عايش مو جنت ميت ليش بعدك عايش

ابو سناء ..بنتي ياريحتي اووووووف لو تعرفين شكد اشتاقيت لصوتج تعالي احضنج ..

سناء تتقرب من والدها بخطوات لا اراديا وهيه عيونها بعيونه ومصدومه بشوفته

ولزمته من ياخته وكلتله انته شداتحجي احجييييييي انته منو مستحيل تكون بابا وين جنت كل هل سنين كلي وووووين ليش هيج سوييييت احجي ..

مرته تحاول تهديني دفعتها رادت توكع ولزمها عماد واني اريد اطلع بروحه

جا طارق يحاول يهديني

بس ما كدرت كلبي جان مشتعل نار وعماد وكف بيني وبين بابا وصيح عليه ..

عماد ..اذا ماجايه حتى تتفاهمين وتسمعين تفضلي طلعي برا ..
ترا بابا مريض وماريد اخسره ..

سناء ..باوعت علي وضحكت كتله ماتريد تخسره زين واني من خسرته وجنت بامس الحاجه اله ليش ماكال بنتي تحتاجني ليش تخلى عني هو تخلى عني مره وراح يجي يوم يتخلى عنك هم صيح بوجهي وكال ..

عماد ..هوه ماتركج لحظه جان عايش ويانه بس فكره وباله كله يمج الصوج من امج الي اخذت وصله من عمره بسبب طمعها واتكيتها ..

انتي خطيتج بركبة امج هيه السبب الي دفع بابا يزور مماته حتى يخلص منها ...

سناء ..اني رصيت على ايدي وردت اكتم وجعي حسيت نفسي اختنكت

ردت وجع كلبي وخنكتي تروح وبكل ماعندي من حيل صحت يكفييييييييي رجيت البيت رج حسيت جزء صغير من وجعي طلع بس بعدني اريد اطلع بروحه كلت لطارق يلا نطلع ..

ابو سناء وهوه يحاول يتوسل ببنته ..بنتي سامحيني الله يخليج صدكي مو ذنبي من عفتج ..

سناء دارت وجها علي وصكت سنونها بعصبيه وكلتله لو صدك الي تكوله
ولو صدك امي السبب بتركك الي

جان رجعت و وكفت كدامي وساندتني من ماتت صح جانت انانيه صح جانت طماعه

بس حبتك وماخانتك وضلت تبجي عليك
فراكك اخذ وصله من عمرها

موتك هيه الي موتت ماما جنت ارجع للبيت اشوفها حاضنه ملابسك وتبجي ...

انتو الاثنين مازرعتوا بكلبي الحنيه ولا الحب ولا علمتوني شلون اكتسبها وانطيها الحنان

اني ام ل 3 بنات بس ماكدرت اكون امهم اني ما انصفت بس وحده يمكن لان شفت نفسي بيها

يمكن لان ردت اربيها تربيه تختلف عن تربيتي

تزوجت من شخص مااحبه ولابعمري راح احبه بس علمود اشيل شويه من حملك الثقيل بس لان ردت اساعدك

وتدمرت حياتي بسبب هالخطوه ومو بس حياتي وحياة زوجي والبنات
اعرف دا اقسي عليهم كثير وما انصفهم بالتعامل

وهذا الشي مو بيدي اكو غضب بداخلي مدا ينطفي نار مشتعلة من سنين وانتوا السبب ..

ربيتوني ع الانانية الكره والحقد والانتقام وكبر هل شي ويايه لحد ما طبقتو ع عائلتي ودمرتها

احس اني داسوي شي غلط وشي مستحيل اي بشر يستوعبه بس ابقه مصره اسوي ليش مادري

((وتين ...سناء جانت تحجي بانهيار وبدون وعي والدموع اول مرة تنزل بصدق منها وجان ابوية مصدوم من كلامها لان اول مرة يسمعها هيج تحجي))

سناء ...جنت راسمه حياتي بشكل وصارت غير شكل هذا الشي ثقيييييل عليه ما اكدر اتحمله لهذا كل ما اشوف هذول الثنتين
((جرت سابين و وتين ))
اطلع كل غضبي بيهم من همه وصغار عانو بسببي واعرف اني مو ام رحيمه ولا راح افوت الجنه بتصرفي لان خليتهم يعانون كثير وكل هالشي بسببكم ..سويت بيهم اعمال محد يستوعبها لان اني اصلا مداستوعب شلون اسوي بيهم هيج

دفعت بناتها واتقربت ع ابوها واشرت باصبع ايدها السبابه وكالتله

بس احب اكلك شغله وحده اني ماجان عندي اب ولا ام

لان بابا جان مشغول بالدوله وماما بالمضاهر الكذابة كلشي جنت اسوي جنتوا توافقون علي صح او غلط مايهمكم بس علمود تخلصون مني ..

وافهم كلش زين انته ماضل مكان الك بحياتي ولاتحاول ابد تتواصل ويايه لان انت بالنسبة الي متت فعلا ودفناك من ذاك الزمان

وانسه عندك بنية لان اني اصلا ماعندي أب واياني وياك ترجع اتدز عليه ابنك هذا لان اني شلعت گلبي من مكانه

وكتبت ع نفسي القسوة والعنف الى ان اموت يعني أيس بنتك ماتت مثل ما انت متت

سابين ....ماما اخذت ايلين وطلعت وراها بابا سحبنا وطلع والطريق كله هدوء وماما بس دموع تجري من عيونها

اني مجنت افهم هذا منو لان اصلا ما وعيت على جدو ولابيبي فمجنت افهم شديصير

طارق ...عصرت كلبي عصر من اعترفت بحقيقة زواجها مني عبالك سجاجين فوتتها بنص گلبي وكطعته اتكطع

جنت رايدها حب حياتي والله ردتها بالحلال شصار
ليش هيج تغير الحال ليش يربي

جنت اعرف بحقيقة زواجها مني من زمااااان بس انو تعترف كدامي هالشي ماتحمله

كلبي جان يوجعني طول الطريق وماحجيت كلمه ..جنه بس نسمع صوت انفاسنه الي دتطلع من صدرنه بحرقة ووجع

بس دليت السايق على بيتنا اول ما وصلنا ضليت كاعد بالحديقه ومخنوك احس هوه
ماكو

اريد اتنفس يربي شلون صح اكرها صح ما انام وياها بس اشتاق اشوفها واتذكر اول ايامي وياها ..

اكو بعد حب بكلبي تجاها بس هيه متحبني شكو لازك بيها يكلبي

ااااااخ يا ابويه لو ضاربني بعوجيتك على راسي ومسويلي فقدان ذاكره الها كثير احسن من زواجي منها

جان نسيتها جان ماكرهتها لهالدرجه جان ضل حبي الها صافي واكول بمرور العمر قسمه وما صارت الله يسعدها اووووووف

ايلين .....وصلنا للبيت الوضع كان متكهرب بابا برى يشرب جكاير وماما متمدده على التخت وتبجي بدون صوت

واني وسابين و وتين مو فاهمين شي
بس كان هذا الهدوء الي يسبق العاصفه الجايه ...

اجت وتين عليه واشرتلي من الباب بمعنى تعالي بست ماما غطيتها وطلعت كتلها ها توته شبيج عمري

جانت عيونها مغوركه
كالت باجر املاء وماحفظت راح تكتلني المعلمه

ضحكت وكتلها تعالي جيبي شعندج وتعال ادرسج ايا راحت ف

رحانه

كعدنا اني و وتين وسابين
بالغرفه وكلمن ملتهي بدرسه وكتابته ونتناوب اني وايلين ندرس وتين

انقهر عليها لا هيه بصف بابا ولا هيه بصف ماما مظلومه من الجهتين

ضلينا نقرا الا ان كمنا كل دروسنا وتين كالت جوعانه

كتلها اني هم كالت خلي نسوي لفات جبن وناكل

رحنا فتحنا الثلاجه وكعدنا ناكل سابين راحت تشوف بابا وتصيحه ياكل ويانه بس ملكته ..

اكلنا ورجعنا كلشي بالثلاجه وما وصخنا صحون كثير جانت سابين تغسل بيها

واني امسح بالميز و وتين داتكمل لفتها ما حسينا الا ماما بالمطبخ والشر يتطاير من عيونها

سابين ...نداريت وشفتها جان الشيطان راكبها او يمكن هيه الشيطان نفسه لان وجها مايتفسر مو وجه أم كدامها جهالها

وتين ناعمه وصغيره شالتها من ايدها وشمرتها برى المطبخ وكعت على المزهريه وانشك راسها وغركت بدمها

انا كمت ارجف اليوم لامحال راح اموت ماكو سبيل انو اعيش ابد هاي الشر يتطافر منها ..

لزمتني من شعري واني اصيح ماما عوفيني والله مسويت شي وضلت تجر بيه الا ان فوتتني للمخزن

بالمخزن اكو السخان مال المي معلوك وهو صغير وكله غراض قديمه واني لازمه ايدها الي تسحب بيها شعري ..

فاتت وقفلت الباب ضلت تضربني راشديات واني اصيح ماما مسويت شي اسفه اسفه عوفيني امانه مسويت شي

جنت ابجي واصيح عليها وهيه فاقده تضربني وكانو مره كبيره جوا ايدها مو طفلة وجاي تضربها

ولا كانو اني بعدني بنت ٨سنوات شفتي طكت دم ولزمت راسي دكته بالسخان ..

ورجعت شالتني وذبتني بالكاع جانت وحش مو ام ونكسر سني بالنص

واصيح عليها ولا ترد فجأة كام يندك بابا المخزن بكل قوه اني فقدت

ما احس بوجهي براسي بجسمي داست على ايدي قوي وهيه سمينه شويه حسيت بعظامي تكسرت ..

سمعت صوت عظامي تتكسر بهذيج اللحظه حسيت روحي جاي تطلع صرخت بكل قوتي ااااااااااااااااه ونكسر الباب وراها شصار ما اعرف

ايلين ....من فاتت ماما وهيه بهاي الحاله وسوت الي سوته بسابين و وتين بابا مموجود

ومو مال اطلع ادوره ركضت لعمو صبري دكيت الباب ما طلع ضليت ادك مثل المخبله بس محد طلع ردت ارجع للبيت طلعت اركض من حديقتهم ..

شفت رافد ابن عمو صبري جاي يفوت للبيت شافني ابجي ومفزوعه وهدومي بيها دم ..

رافد ..هاي شبيج شصايرلج وين وكعتي شوفي هدومج ليش هيج كلها دم ..

ايلين ..اشهك وكوه الكلام اطلعه كتله راح تموت تعال راح تموووووووت واسحب بيده

يكلي منو ....اسحب بي هوه جا يركض اني اركض كدامه فتت هو شاف وتين بالكاع وسابحة بدمها

انصرع بمكانه بصدمه خبلته المنظر بشع طفلة مضروبة بصورة عنيفه وحشية ومفجعه ...

وللحكاية بقية ..

- جسدي مرهق ،عقلي متحطم ،داخلي
نيران تحترق ،عقلي يكاد ينفجر لا اعلم
ماذا بي؟ لكن فقط اعلم اني اتألم حد السماء السابعه 💔

يتبع ...

لتستغربون من تصرفات هل أم لان اكو جثييير من امثالها الي منزوعه من قلبها الرحمة والامومه واعرف ناس مثلها كانت تضرب بنتها بقفل الحديد ومعيار ابو خمس كيلوات لحد ما البنية هسه كبرت وصار بيها خلل بالدماغ من كثر الضرب ...شنكول بس الله يجازيها ويبعدنه من هيج نماذج

#الانتحار

#بارت11

.............................

شاف وتين بالكاع وسابحة بدمها انصرع بمكانه بصدمه خبلته المنظر عنيف طفلة مغطاية بدمها ..

ركض ع وتين راد يشيلها كتله فدوة عوف وتين اصعد فوك راح تموت ..

رافد ..جان جسمي كله يرجف من الخوف ع هل طفلة ردت اشيلها انوب كلتلي مو هاي اصعد فوك راح تموت اختل عقلي مداستوعب الي الشي الصاير كدامي

اتخبلت يربي يعني اكو اعنف من هل شي بعد ..كتلها شنو منو فوك وطلعت ركض ع الدرج ...

ايلين ..طبعا المخزن مالنا بالسطح سمع صوت سابين تصيح وتبجي بهستيريه وماما تضرب بيها

دك الباب بكل قوته محد فتحه بعدين صاحت سابين ااااااااااااه بكل قوتها هوه تخبل دفر الباب قوي مرتين ونفتح شافها بالكاع وجها مايتفسر ..

شفتها تنزف امي دايسه على ايدها دفرها رافد برجله وشال سابين وطلع يركض

شغل سيارته واخذ وتين وبوجها للمستشفى ماما من وكعت نفتح جرحها

صاحتني اني ما درتلها بال طلعت اركض انهزمت

رافد ...انا رافد ابن صبري مسيحي وعايش جيران الاستاذ طارق

طويل وضعيف وشعري اسود عمري ٢٣ سنه وعيوني زرك على بابا وابيض

جنت اعرف انو هالعائله متفككه وعدهم اجرام وعنف مو طبيعي

ومابينهم رحمة لان على طول مشاكلهم عالكه ونسمعها بيتنه لزك يم بيتهم

وعلى طول يروحون للمستشفى بسبب الضرب الي تحصله سناء من زوجها ..

وجنت انقهر على البنات لان عايشيين بهيج وضع كله تعنيف وضرب ورعب بس مابيدنا شي نسوي الهم ..

وبيوم جنت راجع من يم صديقي للبيت وشفت باب الكراج مفتوح ركضت

عبالي حرامي لان اهلي ماصارلهم ساعه من راحوا للسوك مايلحكون يرجعون لان الطريق للقائم ساعه

شفتها تركض طالعه من البيت ملابسها كلها دم عبالي البنت واكعه سألتها

كالت راح تموت جرتني عرفت اكو مشكله بس ماعرف شلون مترددت

فتت ركض للبيت شفتها بالكاع مدمايه سحبتني حتى اشيلها واوديها للمشفى

بس جانت متهستره وتعيط واتأشر فوك تكلي راح تموت وفعلا سمعت صوت صياح جاي من السطح ..

ركضت سويت الدرج خطوتين وطلعته سمعت صوتها تستنجد وتصرخ بحيث صوتها شتت تفكيري ...كمت ادفر بالباب مال المخزن ادك ماكو مينفتح

ونوب صرخت صرخه اني كلبي حسيت واحد وسحبه مني حسيت بيها شكد متوجعه

اووويلي يالله انطيني القوة حتى انقذ هل طفلة من جوه ايد هل ظالمة جمعت كل قوتي وبرجلي

دفرته دفرة قوية وانكسر شلت الباب بيدي وذبيته شفتها المراة عبالك متلبسها جني

ونوب دايسه على ايد سابين وهاي الطفلة وجها مايتفسر اتخبلت طلعت من طوري

مدري شلون ضربتها دفره على بطنها واخذت سابين جانت فاقده

ركبتها بالسياره واخذت وتين لفيت قطعه قماش مال برده شكيتها ولفيتها على راسها وخليت منشفه جوى راسها وطلعت بدون تفكير للمستشفى

وبنص الطريق تذكرت ايلين ضلت بلبيت يربي هسه شلون والله راح تموتها

وجان اداور السياره حتى ارجع شفت سياره شرطه عرفت رايحه لتيوان

كتلهم ع الوضع وهمه يعرفون بيت الاستاذ طارق وكتلهم استعجلوا لحكوها لاتموتها

همه شخطوا بالسياره وراحوا اني رجعت داورت السيارة وطلعت للمستشفى

اول ما فتت صحت لحكوووني بنات ثنين راح يموتون لحكووووني اجا الممرض كال بسرعه سديات اثنين

سحب وحده وطلع يركض والممرضه جابت الثانيه ووياهم دكاتره طلعوا يركضون ..

فتحت الباب اول ما طلعت وتين لان نزفت كثير والسياره كلها دم

وبعدين سابين الجانت فاقده ماعرف عايشه ميته ماعرف حتى نفسها ماكو

ماشوف صدرها يتحرك من تتنفس اني عبالي وتين وضعها اسوء طلعت سابين ميته ومو حاس عليها ..

ركضت الدكتوره وجانت خايفه لايصير شي ع الطفلة فحصتها كالت بسرعه جهاز التنفس

وحضروا غرفة العمليات بسررررعه جيبوا جهاز صدمات الطوارئ الي جان بغرفه الطوارئ قريبه ع الباب

فوتوها وبالجهاز خلوا جهاز الصاعق الكهربائي ع صدرها وضربوها صدمات كهربائية

حتى يرجع قلبها ينبض ربع ساعه همه يحاولون وياها واني ادحك عليهم من الباب والطم

ماتت يربي ماتت بعدها صغيره شنو سوت حتى هيج تعاقبها ..الله ينتقم منج يا امها لا مو أم انت مجرمة ولازم تتحاكمين ع شر اعمالج

بقيت الوب

وافتر بالممر رايح راد وادك ع راسي وادعي الله ينقذ هل بنات من هل عائلة المريضة نفسياً

ورا نص ساعه مرت طلعت الدكتوره تركض كلت اكيد راح تموت

ورجعت بعد ٣ دقايق جايبه وياها دكتور فاتوا وضلوا قرابة ساعتين جوه

واني احوص اشوفهو يفوتون صوندات بحلكها وابر يضربوها وجهاز تنفس شدولها وطلعوها ركض للعمليات ..

كالو وقع كتلهم شنو كالوا كلشي يصير على مسؤوليتك البنت جبتها ميته

مختنكه وكوه لحكناها لو متأخر جان ماتت هسه وقع لازم عمليه

كتلهم اني مو ولي امرها اني ابن جيرانهم

الدكتوره ...وشلون منكدر نفوتها عمليات اذا ما احد يتكفل بيها ع السريع وقع دنشوف شغلنه

رافد ...معرف شلون لزمت القلم و وقعت كتلها دكتوره راح تعيش مو ..

الدكتورة بتعب ..ابني البنت جبتها ميته جاي اكولك كوه خليناها تتنفس تكلي راح تعيش

اني افوت اوكفلها النزف واعالجلها ايدها مطحونه طحن ورئتها متضرره اني مهمتي اعالجها تعيش تموت بيد الله مو بيدي ..

رافد ..وراحت تركض وكالت للممرضه دبري دم من فئتها روحي لبنك الدم بسرعه

فاتت للعمليات واني بمكاني الله وكيلكم ماتحركت معرف شسوي گلبي يرجف اعصابي تلفت من القلق والخوف يربي شنو هل حرب النفسية

فجاه تذكرت وتين رحت اركض فتت للغرفه شفت دكتوره جاي تخيط براسها

الدكتورة ...انته شلون تفوت هنا متشوفني جاي اخيطها والغرفه معقمه اطلع بسرعه

رافد ...طلعت ونتظرتها ورا ساعه طلعت ..

ها دكتوره شبيها

الدكتورة ..ي لا مابيها شي عدها العافيه خيطت راسها وشكلتلها دم وانتظر يخلص الكيس ونرجع نفحصها بس تفيق

بس لاتفوت عليها هسه خلي يجي الدكتور يفحص راسها وبعدها فوت ..

رافد ...كعدت بالممر لازم اخابر اهلها تاخر الوكت ساعه ١٠ بالليل رحت للبداله خابرت رد عمو حامد

((حامد الي يكعد يم البداله اي واحد يخابر يرد علي وبعدين يدز ابنه للبيت الي جايا المكالمه اله ))

رد عليه كتله عمو حامد بس بيت طارق بسرعه كال اي ابني انتظر انتظرته تاخر يلا جا لان بيته بعيد عن البداله كال الووووو ..

طارق ...رجعت للبيت ساعه عشره مخنوك واريد بس انام ماريد اشوفها ولا احجي وياها

فتت باب الحديقه مفتوح وضوه الكراج مطفي معقوله نامو !!!!

فتحت باب البيت وفتت شفت الكاع كلها دم لا يالله هاي شنو المجزرة الصايرة هنا سترك ربي ...

طبيت كبل لغرفة البنات مالكيت ولا وحده فتريت بالبيت اصيح اريد احد يرد عليه محد رد

تالي طلعت مثل المخبل افتر بالشوارع وياهو الاشوفه اكله شفت بناتي مرتي محد اكو بلبيت

تالي رجعت ع السريع اخذت فلوس واطلع واني اركض صاحني ابن عمو حامد

ابن حامد ..استاذ طارق استاذ طارق لحظه عندك اتصال مستعجل

طارق ... من منو

ابن حامد ...والله ماعرف استاذ

طارق ...ركضت عسى خبر عن اهلي وصلت شلت السماعه الوووو الوووو منو انته

رافد ..استاذ طارق اهدء اني رافد سابين و وتين بالمستشفى سابين حالتها خطره

وفوتوها لغرفة العمليات واضطريت اتحمل مسؤوليتها واوقع عنها

طارق بصدمة هدت الدنيا ع راسه ....شنووووو انته شجاي تحجي وشبيها سابين شصايرلها

رافد ..استاذ طارق والله ما اعرف شكلك تعال واشرحلك الشفته بس كلي طمني ايلين بخير

طارق ...ليش ايلين وينها مو وياك

رافد ...لا والله ضلت بالبيت هيه والست سناء

طارق ...بس ماكو احد بالبيت

رافد ..لا شلون اني دزيت الشرطه عليهم خفت لاتموت ايلين هم لان جان وضعها مو طبيعي

طارق ..منو الوضعه مو طبيعي تقصد سناء

رافد ....اي نعم استاذ اتمنى تجي هسه للمستشفى لان اني وحدي هنا والبنات محتاجيك

طارق ...اي اي لحظه مسافة الطريق واصلك

رافد ...مع السلامه

طارق ...رحت ركض لمركز الشرطه حجيت ويه الضابط كال

الضابط ...اي فتنا للبيت واعتقلنا زوجتك بي جان تنزف واخذناها للمشفى وبنتك ايلين للاسف مالكيناها

طارق ...كلامه صعقني صحت بوجهه شلون مالكيتوها يعني نشكت الكاع وبلعتها

الضابط ....استاذ لاتعلي صوتك واعرف ويه منو جاي تحجي كتلك اقتحمنا بيتك ومالكينا بس زوجتك

والدم الي ع الكاع وباب المخزن المكسور وبنتك ايلين مالها اثر ودورنا بكل البيوت ورفعنا نداء الها هم مالكيناها ..

نتمنى تهدء وتساعدنا نلكاها حتى دزينا دوريه للصحراء يشوفون خاف عبرت السياج وطلعت هناك

بس مشطنا مكان واسع مو مال طفله تقطع هالمسافه لان طريق بعيد ووعر واظلم

طارق ...خليت ايدي على وجهي ومسحته حتى اهدء لان مابقت اعصاب عندي

وكتله اتمنى تلكوها لان بناتي اثنين بالمستشفى وهسه محتاجيني لاجراءات ضروريه واني ما اعرف شصار الصراحه هسه رجعت

الضابط ....استاذ طارق مرتك راح تبقى موقوفه بتهمه الشروع بالقتل وانته من ترجع تعال للمركز

طارق ...تمام حضرة الضابط الله يقويكم

طلعت معرف وين اروح على سابين و وتين لو على سناء لو ادور على ايلين

اوووف شنو هل مصايب يالهي فدوة اروحلك ساعدني ع هذا البلاء والامتحان لان كولش صعب صعب

كلت اول شي اروح للمستشفى اشوف سابين

طلعت بلتكسي وصلني للمشفى وفتت سالت عن غرفة

سابين و وتين صاحني رافد التفتت كال

رافد ...همزين وصلت هسه طلعو سابين بعد مافاقت من البنج

طارق ...ليش شبيها شصايرلها شبيها جاوبني

رافد ...تعال نكعد واحجيلك الصار

طارق ...يلا بسرعه ماضل صبر بيه

رافد ..كعدته وحجيتله كلشي وهو مثل الماتفاجأ جانت ردت فعله عاديه وبيها برود

طارق ...وهسه وين غرفهم

رافد ..دليته على الغرف واني بكلبي شنو من برود اعصاب عنده فات وكلشي محجا عبالك مخدر ومدمغ

طارق ..شفتها مدده والاجهزه عليها ماعرف شبيه جنت تعبان خدران

ماحسيت بالقلق جنت اريد اكون بمكانها واموت واخلص تعبت انا اذا ادافعلها راح ترجع تنضرب من امها

وشكد ما اضرب سناء ترجع تقسى اكثر عليهم كرهت حياتي الماشفت بيها راحه ردت يوم واحد يمر بلا مشاكل ماكو ...تعباااان

(( تألم بِصَمت واجَمع مَشاعِرك اللَعينه في وَرَقه ..تَكتُبها بِدمك وبِحرقة دَمعك ولِتدرك مهما اقترب كَثر مَن هم بِقربك ستَذوق المُر وَحدك ))

كعدت انتظرها تكعد هسه تكعد وشويه الخ وماكعدت نسيت انو وتين هم بالغرفه

كمت دحكت عليها ملفوف راسها ونايمه كعدت بيناتهم وخليت راسي بالكاع بين ايدي

معرف اريد انهزم مثل عمي واخلص منهم اريد اتزوج وحده تريحني تعيشني اني ميت بين هذول ..

تذكرت ايلين مالكوها يعني ماتت والله اذا ماتت الله يكون يحبني يخلصني من نفر

وبلكت وتين هم تروح شكلها ماراح تتحمل العيشه يم سناء هم تحتاج ضربه ضربتين وتروح

وسناء تفوت سجن واني وسابين نعيش وحدنا اتزوج واجيبلها ام تداريها احسن من سناء

انتبهت على نفسي صدك جذب هاي شبيه شداخربط معقوله وصلت لهالدرجه من اليأس كمت افكر شلون راح يموتون بناتي

والله اني بكلبي متمني اليوم قبل باجر اخلص منهم ورا ساعه تفكير فات الدكتور ب ١٢ ..

الدكتور ..المريضه ماكعدت وهالشي مو زين ..

طارق ..اجو فحصوها ويحاولون يخلوها تستجيب كتله دكتور شبيها راح تموت ..

الدكتور ..لاتفاول اذا ما كعدت احتمال تموت موت سريري ((غيبوبه)) ..

طارق ... بس دكتور حاول وياها الله يخليك ترا ماعندي غيرها هوه انتبه عليه وعكد حاجبة باستغراب ..

الدكتور ..ليش ذيج مو بنتك متبنيها يعني ؟!!! ..

طارق ..لا بس هاي بنت كلبي ..

الدكتور ..اوك تفضل هسه برا خلي نكمل فحوصات ..

طارق ..طلعت بالممر انتظرهم ورا شوي طلع ..

الدكتور ..شوف راح ننطيها بعد مجال لازم تصحى اليوم فوت احجي وياها تسمعك اكيد بلكت تفتح عيونها وحرك رجلها حتى تحس عليك

طارق ..ان شاءالله دكتور فتت ادحكلها جثه الله وكيلكم وجها مايتفسر شسويت يربي بحياتي حتى هيج تنطي ام لبنتي شسوت سابين حتى هالعقاب

انوب ايدها مربطه وعليها اجهزه حديد مثبتيها اووووف شتحملتي وانتي بهالعمر راح تغفريلي ذنبي لو لا

سمعت صوت وتين تريد مي رحت شربتها كامت تبجي وتكول ماسوينا شي بس اكلنا لفات جبن

كتلها اي بابا كافي نامي ارتاحي كالت ماما شالتني وذبتني وايدي توجعني وراسي كتلها اي هسه اموتها تفاجأت من كالت لا لتضربها

طارق ....ليش بابا

وتين ...من تضربها هيه ترجع تضربني والمعلمه تكولي شبي وجهج منو يضربج بلبيت واني اسكت اكللها محد

طارق ...ما جنت احس بشي مليت بس من هل مشاكل كتلها نامي هسه باجر تنحل نامي

غطيتها ونامت بكلبي عسا لاكعدتي لا انتي ولا امج وعسى لا لكينا اختج

ضليت افرك لسابين بس ماتحركت غفيت على طرف السرير

سابين ...فتحت عيوني جان السقف ابيض وراسي يموتني وبطني وجعها مو طبيعي

وايدي متتحرك مجنت اكدر اتحرك كمت ابجي واصيح بابا جان نايم يمي فز على صياحي

وووووينك انته وييييينك موتتني ضرب موتتني ضرب وداست عليه كولشي مسويتلها اني

ليش تكرهني ليش اني شعليه جنت اغسل مواعين بس وهيه جت والله مسويتلها شي والله ليش تحب ايلين اكثر مني لييييييش وابجي

بابا ...اهدي بنتي والله الا اطيحلج حظها

سابين .... صحت يكفيييييي انته كل ماتكتلها كل ماتضوجها هيه تبتلي بينا وانته مموجود على طول يمنا واذا نشكيلك انت تروح تكتل ايلين هم ..

يكفييييييي بابا راسي يوجعني حيل شويه وطوط جهاز نبض القلب

طارق .....دكتووووور دكتووووور الحك تعال راحت من ايدي

اجا يركض شاف النبض مصفر مجاي يقرا الجهاز صاح ع الممرضه جهاز نبض جديد بسررررعه وصيحي الدكتوره

وتين ...كعدت على صياحاتهم وشفت سابين تصيح كمت ابجي خفت وشويه بابا كام يصيح وطلع برى

اني خفت كمت اصيح بلزايد سابين سابين اكعدي راح يضربوج ابره صرخت سااااااااااااابين ساااااابين

جت الممرضه سحبت السديه وطلعتني ع السريع لغير غرفه واني اصيح لتضربوها خطيه تتوجع ماما كتلتها لاتكتلوهاااااا ..

حضنتني الممرضة وكالت اهدي مانضربها احنا هسه نعالجها وتطلعين انتي وياها زين ماتتوجع

كتلها منو يكول يجوز تتوجع انتي متعرفين ماما تضل تضربها قوي وضرب ماما يوجع ..

كامت تبجي خليت وجها بين ايديه وكتلها ليش تبجين خاله

الممرضه ...ها لا ما ابجي اني شوفي مسحتها يلا انتي تمددي واني اجيبلج شي من جوا شتكولين

وتين ...لا عيب بابا

ميقبل ضحكت وكالت لتنامين راح ارجعلج

طارق ...فاتو اسعفوها ضربوها ابره ينشطون قلبها بيها وغيرو جهاز النبض لان يخافون عطل ..

بس بالفعل جان قلبها متوقف ورجع الدكتور سوالها انعاش بايده ومافاد

وسولها صعقه بالكهرباء ومافاد ماعرف شلون الدكتوره كالت مختنكه اوردتها متضخمه

جابت سرنجه كبيره وفوتتها بكل قوتها بصدرها وضلت تسويلها انعاش بيدها الا ان رجع الجهاز اشتغل ..

اني كعدت بالكاع رجلي صارت خيوط من الهبطات منو يتحمل الي اتحملته اني كوارث وفاجعه وره فاجعه دكت براسي

رافد يبجي ويكول اخذها يمي اربيها والله الا اشتكي عليكم

الدكتور ...بعد تعب كال الطفلة انهارت واصلا رئتها متضرره وضغطت على نفسها ونملت دم

لهذا متنفست نحتاج وقت بس لبين ميستقر وضعها ونسوي تحاليل كامله هسه لازمها اشعه اريد اشوف رئتها

الدكاتره الويا وجهم اصفر وخايفين عليها حيل اخذوها سوولها اشعه ورجعوها للعنايه المشدده

وخلولها جهاز انذار لأي صوت توقف لاي جهاز يطلق انذار للدكتوره وكل ٥ دقايق يفوت دكتور او دكتوره يتفحص حالتها

ونوب رافد خبلني انتو متخافون من الله والله الا اشتكي عليكم والله الا اتختخكم بالحبوس عفته مارديت علي لان تعبان حيل ومالي خلك

وتين ....من طلعت الخاله اني كبل طلعت اريد اروح يم سابين لايضربوها

بس ضيعت الغرفه ضليت امشي وشافتني دكتوره كالت وين ياحلوه كتلها يم سابين
الكل جان يعرف سابين وحالتها كل المشفى
لان متعرضه لضرب عنيف

الدكتورة ... انتي اختها

وتين ...اي

الدكتورة ...تعالي اني اوديج

وتين ..اخذتني وياها للغرفه البيها سابين وخلتني اشوفها من فوك الباب

_شفتيها ؟؟

_بعيده مشفتها وليش نايمه

_لان تعبانه نايمه

_هاااا يعني انتو مضربتوها ونامت

_لا حبيبي احنا منضربها ابد احنه هنا نسعف المريض ونهتم بي

_زين خلي نفوت انتي ليش متفوتيني يمها

_حبيبي لان تعبانه وتحتاج راحه

_اي شوكت تكعد

_من تكعد وعد اجيبج الها شتكولين

_اي

_انتي هسه وين غرفتج

_ماعرف

_يبوووو مضيعتها هسه الكاها الج

_جاي تمشي الدكتورة بالممر وشايلتني شفت الخاله كتلها خااااله
التفتت هاي وينج ساعه ادورلج
ليش طلعتي

_ مو جنت اشوف سابين

_مو اتفقنا ماتطلعين الا ان اجيبلج نستله تعالي اوديج

وتين ... اخذتني من الدكتوره وسلمت عليها و ودتني للغرفه جايبتلي كثير نساتل كعدت افتح واكل جوعانه

طارق ...مرت ساعات سودة ومره عليه والدكاتره مخبوصين والمشفى على تك رجل بسبب حالة سابين

واني مابيدي شي نوب لازم ارجع للضابط كلت لرافد اني راجع اغير ملابسي

وهم اشوف الضابط لان طلبني وارجعلك اتعبك اذا تبقى يمهم

رافد ..لا استاذ شتحجي انته بس مر لبيتنا خلي امي تدزلي ملابس

طارق ..اي ادلل
رجعت اول ما فتت للضابط كالي ها شلون صاروا بناتك كتله وحده ماتت مرتين والله حياها والثانيه عايشه ..بس مالكيتو ايلين

الضابط ..لاوالله استاذ ملكيناها شكد دورنا ماكو فص ملح وذاب

طارق ..اني ارجع ابدل واطلع ادور وياكم

الضابط ..براحتك استاذ بس مرتك بالمستشفى طالبه تشوفك

طارق ..هااااا اي يا مشفى

الضابط ..مشفى العام

طارق ..اوك ابدل واجي
رحت للبيت وكلي تعب اريد هاليوم يمر فتت لغرفه البنات اخذ ملابس للبنات

وشفت ايلين نايمه انصدمت ركضت اريد اشوف حلم علم هاي لو يمكن اتخبلت كام يتراولي اشياء مموجودة !!!

وللحكاية بقية ..

‏الشيء الوحيد الذي حينما اصطدم به، تصيبني نوبة من الضحك والرغبة في الإنتحار، هو أن الحياة ترفضني لكن شيء ما يصر على بقائي حياً، وأنجو دائما..

يتبع ...

#الانتحار

#بارت12




ألمْ ووجّع يملأَن روحكَ بْالكئابة
تبكيْ وكأنكَ تتقيئُ قلبكْ وصوتُ
أنينكَ يكادُ أن ينتزعَ صدركَ
أتعلمون عنْ ما أتحدّث
عن أرواحِنا التي آصبحت
محلاً للأسئ عن حياتنا صعبة
التي تجبرُنآ على نومِ لسآعات
دونَ أن نستيقض ..

طارق ...اتقربت منها لا هاي حقيقه مو حلم ياربي وين جانت لمستها فزت ورجعت لورا

ايلين ترجف بخوف من ابوها لايضربها انتقاما لسابين ...والله بابا معليه والله معليه

ماما ضربتها واني كتلها عوفيها والله معليه امانه بابا لاتضربني امانه وكمت ابجي

جنت خايفه منه لان كل ما ماما تضرب سابين بابا يضربها ويضربني كدامها رجفت من شفته وتوسلته ميضربني جان شكله تعبان ومنايم ..

طارق بتعب كعد وينافخ بهم وحزن حط ايده ع راسه وعينه غوركت شنو هذا الي ديصير منو السبب بهذا كله ..

هل ياترى اني لو سناء ليش منعرف نعيش مثل البشر ليش منعرف نحتوي عائلتنه

ليش منكدر نتعايش مثل الناس بحب وحنان ليش عائلتنه متفككه ومنهارة

منعرف نحتوي اطفالنه ونحوطهم بالحب والحنان مثل باقي الاهالي احنه مثل الهمج ولا كانو دارسين ومثقفين افكار براسي تتلاطم مادالكللها جواب

جنت اعاند نفسي وانتقم من روحي ومن بناتي لان امهم ماحبتني مثل ماحبيتها

اتعس حياة عشتها هذا بسبب عصيت أمر ابوية هيج الله غضب عليه بهل زواج الاكشر

رفعت راسي ومسحت وجهي وكتلها كومي بنتي جيبي ملابس لسابين ووتين وانتي بدلي تعالي ويايه ما اكدر اخليج وحدج هنا يلا

ايلين تشهك من البجي وتمسح دموعها وتحجي ..بابا وتين ماتت مو

طارق ..لا بابا ما ماتت

ايلين ..لعد وينها

طارق نتر بوجها ...يلاااااا بلا حجي زايد خلصيني

ايلين ..فزيت اخذت تراكات وبدلت وطلعنا رحنا للضابط

الضابط .....بتفاجأ هااااي وين جانت كلبنا الامه عليها

طارق ....لكيتها بلبيت صدك وين جنتي نسيت حتى اسالج

ايلين ...بالتانكي مال المي

الضابط ....شنوووووو شوداج هناك

ايلين ..عمو جنت خايفه

ضابط ...ماخفتي تغركين

ايلين ..لا عمو مو جان فارغ
((طبعا من صارت المصيبة انهزمت وركضت من ايد امي وصعدت للسطح اكو تانكي مال مي فارغ طبيت بي وبقيت وماطلعت جنت حييل خايفه بقيت وراها صارت الدنيا ليل وطلعت نزلت ماشفت احد بالبيت جان فارغ كورت نفسي مثل وضع الجنين ونمت ع القنفه لحد مافززني بابا ))

الضابط ..خرب بليسج واحنا كلبنا الامه عليج

طارق ..حضره الضابط اني راح اروح للمشفى العام وايلين ولكيناها ماضل شي اعتقد

الضابط ....نعم بس القضيه بعدها مفتوحه روح هسه بعدين تجيك التفاصيل لان الاهالي مشتكين عليكم بتهمه تعنيف اسري وراح تجي لجنه على اساسها نتصرف

طارق ...وليش اشتكوا علينا عائلتنا وجاي نبتيلها نظام

الضابط بأيده يضرب ع الميز المقابليه بغضب وبقوة وصرخ ...هذا يانظام مرتك بالمستشفى وبنتك ماتت مرتين وحتييت

والثانيه مهزومة منكم من الخوف وخاتله بتانكي مال مي ...وبيتك مليان دم هذا يا نظام تحجي عنه والله اذا نرفعت قضيه ضدكم غير فلا اخليك توصل للمحكمه اموتك على ايدي

طارق كظم غيضه وبلعها وسكت لو مو ضابط جان ابتليت بي وربي بس وضعي ميسمح خل اشوف هالحيوانه سناء ليش سوت هيج

رحت للمشفى العام سالت عليها و دلوني رحت لغرفتها شفت اكو حراس ع الباب

ردت افوت سالوا منو انته كتلهم زوجها كالو راح نفوت وياك تحسبا لاي امر

فتت وفات ويايه حارس شفتها كاعده ولا كانو مسويه شي كعدت صفنت بيها فتره ..

كتلها ها ليش هيج سويتي ..

سناء وهيه تهز براسها مثل الوحدة مختله عقليا وتبتسم وخازره عينها منظرها مرعب جان رفعت راسها وحجت ومثل الفاصلة كلتله ....متحملتها جانت اطركع بالماعين واني اريد انام

طارق ..بربج علمود دتغسل مواعين تكومين تضربيها هيج ماتت مرتين ولج

سناء ..بالموت عساها مايهمني

طارق ..ع فكره ايلين ضايعه محد لكاها من يوم الحادث

سناء انفزعت انته شتحجي ايلين وين تهسترت كمت اصيح واعيط علي احجي شسويت ببنتي الله ياخذك انت وبناتك ياحقير ...

طارق وهوه يلعب بعصابها ويتقصد يغيضها ..كتلها
ما اعرف وينها احتمال ماشية طالعه للصحراء وماكلتها الذيابه ..

سناء بهستريه ...جذااااااااااب انته كتلتها ودفنتها حتى تنتقم مني قسما بالله لو صار ع بنتي شي لا احركك انت وبناتك يامجرم ...

الشرطي يباوعلنا مستغرب
حقو شنو هالعائله المجرمه الكدامه يحجون بالاجرام علني عائلة تعيسه ملعونه

كتلها الحمدلله ما وصخت ايدي هيه قررت تهج منج من عمايلج السوده باختها

سناء بتهجم ..انجب حقيييير هجت منك شكد ماتضربها ولك لو يسلموك بيدي اله اكطعك بسنوني من ماهلكد كره وحقد وغل بكلبي الك

طارق ...ههههه مو اجرم منج على الاقل اني ما فوتتها انعاش وما وصلتها الموت
انتي هم تنحسبين على الزوجات او على الامهات
جنت احجي ابرود اعصاب وهيه مشتعله بنار وتكمز

سناء تصرخ بنفاذ صبر ..ياشرطي تسمعو قتل بنتي سجل يمك هذا قاتل الزموا خلي يجيب بنتي وينها

طارق ..اهدي ترا الشرطي بس حارس كدام بابج لان انتي متهمه بجريمه قتل

ايلين ماكو مختفيه ووتين ماتت وانتي راح تنسجنين واني اله لعب بغيابج بالعافيه عليج السجن..

يلا بما انو مابيج شي وجنج سعلوة بسبع ارواح اني اروح
عفتها تصيح وتهدد والشرطي طلع وكف يم الباب ..

الشرطي باستغراب ..لعد هاي الطفلة منو ؟

طارق بضحكة ..ايلين

الشرطي ..لعد مو كتلها مختفيه

طارق ..هههههه اي حتى اجلطها واخلص منها

الشرطي ..استغربت لهالعائله مو صاحيه وربي شنو من ام وشنو من اب عوذه عمري ماشفت مثلهم مو بشر والله شياطين

طارق ..طلعت ورحت لسابين
اول ما وصلت شفت رافد كاعد جوا بالكافي نطيته علاكه الملابس الاخذتها من امه

رافد ...شفت ايلين ارتاحيت انو هيه بخير
حضنتها وكلت همزين يفصعونه وين جنتي

ايلين ..بالتانكي ختلت

رافد ..ضحكت على تصرفها

طارق ...ها مصار شي جديد

رافد ..لا مصار على حطت ايدك

طارق ..رحت فوك سابين بالانعاش ووتين يم الممرضات يلعبون وياها خليت ايلين يمهم ومشيت

ضلينا اسبوع بالمشفى وسابين على حالها تسوء ماتتحسن الا ان الدكتوره كالت ندخلها عمليه

البنت جاي تموت يوم عن يوم لازم نلحكها وقع على مسؤوليتك وقعت وفوتوها ورا اربع ساعات عمليه يلا طلعت

الدكتوره ..فوتتها للعمليه الجروح مالتها من الداخل ملتهبات وعدها فطر بلقفص الصدري محد انتبه اله كمت اصيح عليهم شلون مو تحاليل كامله وفحوصات شلون محد انتبهلها

الدكتور ..يلا دكتوره ترا سوء حالتها مو سببه الفطر التخثر الهنا لازم نعالجه

ضلينا اربع ساعات نشتغل على وكفه وحده نشيل تخثر نكص الاورام نخيط الشرايين الا ان انتهينا كملناها وطلعناها

طفله بهيج عمر تعاني الي عانته وتفوت عمليه بهالصعوبه الله لايوفق الجان سبب

طلعناها للعنايه المشدده وكلنا على اعصابنا ننتظرها تكعد لازم بعد هالتعب تفيق

ورا ساعه ونص فاقت تحرك عيونها وتون من الوجع وكل ماتفيق اكثر تعلى صرخاتها اكثر

رافد ..ادحك على ايلين راحت على اختها

ايلين ..رحت للمشفى شفت وتين حضنتها وكمت ابجي والدكتورات حضنوني ويسكتون بيه واني اشهك

فقدت بالكوه سكتت وضلينا كاعدين بالممر اني وبابا ورافد ووتين تعبت راحت نامت الا ان طلعو سابين اخذها لغير غرفه الكل يركض

طارق ..ها دكتور بشر شصار بيها شي

الدكتور ..لا عالجناها وسويني الي نكدر علي ننتظرها هسه تفيق ونتابع حالتها

طارق ..يعني راح تعيش بس كلي برد كلبي

الدكتور ..والله ما اعرف جان سالت نفسك وين جنت عنها من صار بيها هيج هاااااااا

ولكم حرام الله ينطيكم جهال اكبر حراااام انتوا مجرمين

ناس تتحسر ع اضفر طفل وانتوا عدكم ورود مال الله هيج تتعاملون وياهم الله ينتقم منكم مجرمين عفته ومشيت وكلبي محترك منه

طارق ...مرت ايام وسابين فاقت وصح جانت اول ايامها تتوجع وتصيح وتبجي

بس شويه شويه تحسنت اخذتها للبيت ورجعت وداريتها وسناء طلعت من المشفى ومسجونه

ونوب جت الرعايه الاجتماعيه ما مر واسبوع على البنات يمي بلبيت وندك الباب

مراه كبيره بلعمر ورجال وياها كالوا راح نسحب البنات منك فتره

لبين مايتبين صحة عقلك وعقل زوجتك وانته لازم تخضع لفحص طبي

والشرطه وياها اجو تخبلت انتي شتحجين متاخذيهم بس ولا عبالك احجي الشرطه كلبجوني واخذوني بالسياره ..

رافد ..طلعت على صياحه صارت بيه خوفه ليكون جاي يضرب بالبنات

شفت مراة جبيييره سألتها شجاي يصير كالت احنا الرعايه الاجتماعيه

ارتاحيت والعالم التمت من رادوا ياخذون البنات صاحتها ست افراح

((افراح معلمه البنات بالابتدائيه متزوجه وماعدها جهال وميصير عدها عقيمه من رادوا ياخذون البنات اعترضت))

افراح ..اريد اني اعتني بيهم لبين ما تنحل القضيه

موظفة الرعاية ..وانتي منو ؟

افراح ..اني معلمتهم

الموظفه ..نعتذر منج بس اقربائهم بالدرجه الاولى يحق الهم يعتنون بيهم ..

افراح ..الله يخليج اني وحيده ومايجيني جهال والله اعاملهم احسن معامله

واني متعلقه بيهم فدوه واذا تريدين انتي هم تعالي عيشي ويايه وشوفيني شلون اداريهم ..

الموظفه ..اعتذر عزيزتي كلامي واضح اقربائها بلدرجه الاولى او ما يحق

البنات يهزون بثوب الموظفه ...عمه حبابة نريد نبقى يم ست افراح الله يخليج

الموظفة ..دحكت الهم وشفت الامان الي مأمني وهمه يحجون عنها ما امنتها بس خليتهم يمها وكلت اكبسها كبسات حتى لشوفها اذا تسيء الهم

وتين ...عشنا يم ست افراح شهر كانت احلى ايام حياتنه شفنا شلون تكون السعادة وحسينه بدفئ العائله

حسينه بفرق كلش كبيييير بين تعاملها هيه وزوجها عمو هيثم وبين تعامل ماما وبابا

وخلال الشهر خضعت امنه لفحص قواها العقلية اثبت انو ماما مو سليمه عقليا وخضعت لعلاج نفسي وبابا ضل تحت الاختبار ..

افترقنا عنهم ٦ اشهر ونص واحنا منشوف لاسناء ولاطارق واستلمتني ست افراح

اعتنت بينا اكثر من اهلنا واشترتلنا ملابس وكلشي جنا نحتاجه ما فرقت بيناتنه ابد

درستنا وعوضت الدروس الفاتتنا اني نجحت للثاني وسابين وايلين للثا

لث

بيناتنا سنتين فرق العمر بس لان راحت منهم سنه بسبب ظروف البيت صار فرق الدراسه بيناتنا سنه وحده ..

ومرت ايام سعيده كلش جنا نتمنى ماتخلص حسينه بمعنى كلمة العائلة الي شفنا بس يم بيت ست افراح

جانت تغمرنه بحبها وعطفها وحنانها الي جنه مفتقدي من اهلنه والي منعرفه شنو هل احساس اصلا لان اتربينه ببيئة تعبانه وملعونة وتعيسه وكلها كره وحقد وعنف ..ضلينه يمهم

بس بعد ما نجحنا وعطلنا بعد شهر
رجعت الموظفه صاحبة الرعايه وكالت

الموظفة ....راح ترجعون لماما وبابا واني اجي عليكم كل فتره واي شي يصير تحجولي اذا يضربوكم تحجولي تمام

ايلين ..اي

سابين ..خفت ارجع واني اتذكر كل الصار بس مابينت الهم
جت عليه وحجت ويايه ..

الموظفة ..انتي بلذات لاتجذبين عليه اعرفكم راح تضمون عليه ومتنقلولي الحقيقه

بس انتي غير عنهم انتي ربيتي بلا ام وعيتي اسرع لازم من ازوركم ماتجذبين عليه بحرف

لان هالشي راح يحمي اختج من المعانات الي عانيتيها انتي حتى لايتكرر هالشي ..

سابين ..هزيت راسي بمعنى اي ورحنا بيتنا مو بعيد رحناله مشي من فتنا وشفت امي ختلت ورا الموظفه

بس هيه جت وفتحت ايدها وكالت تعالي حسيت انها تغيرت وشفت ست افراح بيها

تمنيت تكون صارت مثلها بس اتجرأت اروحلها شفت بابا وجان متغير حيل رحت ركض علي حضنته وبوسته

وايلين حضنت ماما ووتين واكفه يم الموظفة كالتلها وانتي يم منو راح تروحين

وتين والدمعه بعينها باوعتلها راحت ركضت للغرفه جابت لعابتها واجت وكالتلها لهاي

الموظفة اتنهدت بقهر ع حال هل طفلة المنبوذه الي اثر عنف الاهل ع حالتها النفسية كلتلها ...حبيبتي منا ورايح تتركين هالعابه وتركضين لحضن امج وابوج

وتين دنكت راسها وبرطمت شفايفها وغوركت عيونها ...بس همه ميريدوني
بابا يحب سابين وماما تحب ايلين واني محد يحبني

الموظفة ..لالا حبيبتي غلطانه يحبوج روحي هسه وجربي شوفي شلون راح يحضنوج ..

وتين ..نداريت شفت نضراتهم جانت تختلف عن كل مره بابا فتح ايد رحت امشي ليمه جان يحضني وكعد يبجي من كل كلبه اني كتله
ليش تبجي بابا منو ضربك

طارق ابتسم ع برائة وتين مسح عيونه وكال ..محد حبيبتي بس اشتاقيتلج

وتين ...ماما جت وحضنتني وبوستني
بدايه حياة صحيحه لو تمثيل محد يدري

عشنا بهذا الجو الاسري مدة سنه فقط لاغير فقط خلال فتره الاختبار والمراقبه لطارق وسناء من قبل الرعايه

واني خلالها نجحت من الثاني للثالث وسابين وايلين بالرابع وراها رجعت الامور لنفس السوء

نسرع الاحداث ونجي نحجيلكم شصار بوتين وشلون تكسرت رجليها واصابع ايدها

ومرت الايام وصارت وتين بعمر ال ٩ سنوات والتوأم ١١ سنة

وتين ...بيوم رجعت من بيت صديقتي جنت ادرس مواد السنه الجديده بالعطله حتى اتقوى ندرسها انا وسجى وامها معلمه تعلمنا وتفرح تكول احسن ماتخلصون العطله لعب ..

رجعت الدنيا مغرب وضع البيت مو مطمن متوتر سابين وايلين بالغرفه فتت كلت
هلاووو ..

سابين ايلين بصوت خافت ..اششششش وجع مانريد ننكتل ويينج من العصر

وتين ..هاااا يم سجى جنت اقرأ ليش شكو شصاير

سابين ..هسه وكت قرايه بابا كتل ماما والوضع اتكهرب

وتين ..يا ليش شسوت

سابين ..منعرف

وتين تتشفه وكالت ...اي حييييل بيها تستاهل

ايلين ..اششششش يمعوده لاتسمعج تموتج والله تكضي بيج التوبه

وتين ..اي اي سكتت اريد اكل جوعانه هسه شلون

سابين ...عوذا جوعيه ماتشبعين نكوللها البيت انذار تكول جوعانه

ايلين ..ولج خافي على نفسج لاتموتين تحت ايدها

وتين ..متكدر تسوي شي الموظفه كالت من تكتلكم كولولي

سابين وايلين سوى ..و وينها الموظفة صارلها شهرين ماجت وهيه جانت كل اسبوع تجينا

وتين ..اممممم معرف يجوز مريضه
اني طلعت بدون مبالاة مامنه انو ماتضربني لان فتره الاختبار جانت تلزم نفسها وماتمد ايدها

المهم فتت للمطبخ فتحت الثلاجه طلعت مربى وخاثر وكعدت اكل بدون مبالاة

وكملت وكمت دارجع الباقي بالثلاجة بهل لحظة السودة وكعت علبة المربى على الكاع ونكسرت

وهنا صارت المصيبة الي وكعت ع راسي والي لحد هسه عالقه بذاكرتي وللموت مانساها جت سناء فاتت وعيونها كلها شرار وبعصبيه

سناء ...هاي شسووويتي ولج خمسين مره انظف اني باليوم من وراكم انعل ابوج لابو الخلفج الله يشيلكم ان شاءالله داخلص منكم

وتين ..اسفه هسه المها وامسحها بالغلط وكعت مو متقصده

سناء ..بالغلط مو ؟! والله لعلمج الغلط على اصوله تعالي انعل اهلج اليوم

وتين ..سحلتني من شعري وجرتني حسيته راح ينشلع من جذره متت اصيح عليها ماتعوفني

سابين وايلين اجوها يريدون يخلصوني منها عبث هيه وحش واطلقنا عنانو دفعت سابين وكعت وايلين ضربتها راشدي فرتها فر ..

سابين جمدت بمكانها من شافتها صعدتني ع السطح تذكرت الصار بيها وخافت كالت راح تعيد الصار بوتين ..

جمدت بمكانها اني متت جوى ايدها طلعتني الدرج من شعري متت واصيح بلكت رافد يجي ماكو احد

وبابا برا يلعب سله وصلتني للسطح وبدت الراشديات معرف من وين يجني

ونوب تلزم راسي وت

دكه بالكاع حارت شسوي بيه اني بس لامه راسي بيدي واحمي وجهي لان اشتعل بنار

وكل ما اكوم انهزم تجرني من شعري وترجع عليه بالضرب بعنف ..

جفن عيني نضرب بحافة الحايط ورمت عيوني كبل انفخت كمت ما اشوف بيها مثل الي دتشوفوها بل صورة جانت عيني هيج واضرب بعد

نوب راسي يطلع دم واني شفته دخت ما احس الى وهيه تسحل بيه واكفه على حافه السطح

كالت وكعتي المربى بالغلط مو خلي اوكعج بالغلط ونشوف شيصير بيج وجان تدفعني ..

ايلين ...ادحك على سابين تكورت مثل الطفل وكامت تصيح لاااا عوفيني لاااا الله يخليج عوفيها لاااااا

بابا تعال بابااااا ماتعرف مره تكول عوفيني مره عوفيها واني اهدي بيها

ونوب وتين صرخاتها تعلى فجأه اختفى صوتها كلت موتتها ركضت اطلع للدرج

صعدته ع السريع شفتها واكفه ع الحافه مال السطح صحت لاااااااااا ماما لاااااااااا شدسوين لاااااااا

عوفيها وصرخت بعلو صوتي بحيث حسيت اوتار صوتي اتمزقت وجان بهل لحظة تدفعها

سابين ..جنت بالكاع ابجي واصيح بهستيريه جان توكع وتين كدامي بالكاع هنا جمد الدم بعروكي بصدمة خلتني افقد وماحس بالدنيا بعد منظر بشع

الوقت اتوقف والهدوء عم المكان بس صوت انفاسنه المحترقة نسمعها

سمعت مره ثانيه شلون تكسرت عظامها وكعت على رجلها وسندت نفسها بايدها

وانضرب راسها بالكاع اني سكتت بس ادحك عليها بالكاع راسها ينزف بشكل مو طبيعي

وجها مقابل لوجهي عيونها اليسار ماكو كلها زركه وتباوع عليه وماتحجي وشويه شويه غمضت عيونها ..وفقدت الوعي

وللحكاية بقية ..

ادري البارت قصير بس اعصابي تعبت اعتذر منكم مكدرت اكمل الكتابة
طبعا هل بارتين دمروني اكتب وابجي وجسمي يرجف اعصابي تلفت مابقه دم بجسمي حتى اتمرضت ...الله يساعد وتين وخواتها شلون اتحملن هل عذاب والعنف ...شنو من بشر هل ام الخاطر الله ...قبل ما اقرا القصة جنت الوم وتين لان تشتم امها وتحجي عليها اكول ليش هيج مهما يكون هاي امها جابتها وربتها ليش هيج تحجي عليها ...وهسه اتضحلي هل ام شنو لا والله حشاها من كلمة ام هاي وحش كاسر ...شيطان بهيئة بشر مجرمة متسلطه ع هل اطفال البريئين وادري كاعد تقراين كلامي ست سناء ودتابعين القصة بصمت ...لان وتين كالتلي امي اتصلت بيه ورزلتني لان نشرت قصتنه وفضحتها

...فهميني شلون راح تقابلين ربج وهاي اعمالج باطفالج الي هنه أمانة ربج باعناقج ماكول غير حسبي الله ونعم الوكيل والله يجازيج ع كل ضربة ضربتيها الهن لان وجعتينه كلنه بهل فعل الشنيع وعاهدت نفسي اله افضحكم وافضح عمايلكم الشنيعه بهل البنات البريئات الي ذنبهن جانن نطفة بصلب طارق الظالم وانتقلن برحمج المعفن حتى تجيبوهن وتمثلون بيهن قساوتكم وعنفكم وجرمكم ..نصيحة مني روحي اتعالجي بمصحة نفسية لان وضعج حرج

يتبع .....

#الانتحار

#بارت13


وتين ..اخر شي سمعته قبل لا تدفعني سناء صوت ايلين لااااااااااا عوفيها لااااااااا

وفجأه دفعتني بقوة وكعت وكلبي انخمط مني وحيلي نهد وكعت على رجلي وبايدي بكف ايدي صار ثقل جسمي

بس ماسندني وانضرب راسي بالكاع فجأة صارت رجلي حااااره نار وايدي بردت وجان الجو حار ولعبت نفسي ..

حسيت بوجع ياكلني اكل ردت اموت دحكت بتك عين اشوف سابين مصدومة وصافنه عليه لان وكعت واتكومت كبالها نعست وغمضت وما حسيت على شي بعد

((اعتدنا على شعور العظام تتكسر
و على شعور اللحم وهو يتمزق
هل ماتت اعصابنا احاسيسنا
لا لم تمت انه يؤلم في كل مره
سحقا لحياة لم تنصفنا
ارجوك يا الهي الا ترانا نحن هنا انظر الينا ارجوك سنموت))

سابين ...ضليت جامده بمكاني ماتحركت اعصابي انشلت واني اشوف اختي وكعت من فوك السطح واتكومت جدامي بالكاع وغابت عن الوعي

ياربي شديصير بينه شنو هل عذاب الي دنتعذبه احنه وبعدنه اطفال بقيت فاصلة عن الدنيا مثل الي عقله اختل

ايلين ....نزلت على ركبي واصيح بعلو صوتي لحد ما زردومي اتجرح

موتيييييها مااااتت لااااا ليييييش دفعتيها ليششش شسوتلج وهيج قتلتيهااااااااا

هيه مثل الحست عبالك جانت مخدره وكعدت ..فزت من صريخي التفتت ودحكت عليه

كالت ها موقصدي والله مو قصدي جانت تمشي مثل الي مسحوبة ومسيرة جايه باتجاهي اني خفت انهزمت ركض نزلت من الدرج .....

سابين ..سمعت صوت ايلين تصيح وفجاة وكعت من الدرج
التفتت الها جانت ترجف كامت ع السريع فتحت الباب وطلعت تصيح

ايلين ..نزلت ووكعت من ثالث درجه رغم رجلي تاذت بس ماحسيت بيها

جسمي كله جان ينتفض ركضت فتحت الباب وعلك القفل مايفتح بعد ضليت ويا احاول الا ان فتح ..

طلعت اركض اصيح تعالوا ذبتها من السطح لحكووووني ادك الباب على عمو صبري محد طلع

التمت العالم وجا ابن جيرانا نصير ركض فتح الباب وشافها مدده بالكاع

نصير ...جنت دا اصلي المغرب متاخر لان طلعت من مناوبتي بوقت متاخر ((نصير شرطي بمنطقتنه ))وسمعت بنت تصيح وجان اسلم من صلاتي وركضت طلعت برا

شفت ايلين تصيح ذبتها من السطح ماتت اختي لحكوووني

ركضت دفرت الباب شفت سابين كاعده ومتتحرك جنها ضاربتها صاعقة

ووتين كبالها متكومة بالكاع غركانه بدمها ع السريع شلتها وبسيارة المركز ع السريع طلعت للمستشفى

ومدني اطلع باب الخروج من المنطقه اكو شرطه حراس علي على طول

بلغتهم يقتحمون البيت ويلزمون الام والاب لان سوابقهم جثيييره

والبنات اذا بيهم شي لحكوني بيهم ماجذبوا خبر كبل راحو بلغوا الضابط وطلعوا

الضابط .....صليت وكعدت اشرب جاي جان يفوتون عليه عمر وقاسم وجهم مخطوف ها ولكم شايفيلكم جني شصاير احجوا

سيدي هسه نصير مقتحم بيت الاستاذ طارق وماخذ وتين للمشفى وكال وقفوا الاب والام

الضابط ..خير ياستار شمسوين بالبنات هالمره والله لنعل ابوهم لابو ماتخلص مشاكلهم اذا هالمره صدك ماذينهم الا ادفنهم تحت قندرتي

رحت فتت سابين ماتتحرك وايلين بس تبجي والام ماكو سالت ايلين وين امج كالت فوك واشرت ع السطح ..

فعلا طلعنا ولكيناها كاعده وتضرب براسها بالحايط مثل المخبلة وتضحك بهستيريا

نزلناها كامت تتلاوه ويانه وتصرخ جتفناها واخذها عمر للسياره ورحت على سابين شفتها فاصل نهائيا مو يمنه كتلها بنتي بيج شي اذتج شي

البنت ماتحجي بس دموعها تنزل وتدحك ع الدم اني درت وجها عليه

لاتدحكين هناك شوفيني شصار احجيلي يوجعج شي احجي ياعيني هزت راسها بمعنى لا

رحت على ايلين الوحيده المو فاصله كتلها شصار تشهك وتبجي تكول ذبتها من السطح عرفت انو هالمخبلة ذابه وتين من السطح ..

خليت ايدي على وجهي وكلت لاحول ولا قوة الا بالله وتالي وياها مو على اساس تعالجت وجان تصرخ سابين

وضلت تصرخ فزيت على صوتها ركضت الها شبيج تصيح طلعوووو من اذني طلعوووووو

ولج بنتي شطلع اكو شي دخل بأذانج احجيلي كامت تصرخ وتصرخ ..

سابين ..وهيه حاطه ايدها ع اذانها ومغمضه عينها وتصرخ بانهيار واعصاب متدمره ...

صوووووووت ايدها طلعووووو صوت عظامها تتكسر طلعووووو من اذني طلعوووووووو ماتحمل راسي راح ينفجر اااااااااااخ

الضابط ..عرفتها مرعوبه ومصدومه حضنتها مدري شلون عايفيهن وحدهن اخذتها لبيت ست افراح هيه وايلين وامنتهم يمها لبين مانشوف شنسوي ويه هل عائلة المختله عقلياً

وتين ..سابين باعتبار عايشه وجع الكسر من سمعت عظامي تكسرت انعادت مأساتها

وكامت تبجي وتصيح طلعو صوت عظامها الي يتكسر من اذني ماجانت تريد تسمع هالصوت

اخذني نصير للمستشفى جنت بين صاحيه بين نايمه واسمع صياح وناس تحركني

اريد احجي واكللهم لاتحركوني راح اموت من الوجع بس لساني جان مربوط مخدر ماتحرك

نصير ....سقت باقصى سرعه عندي وصلت للمستشفى شلتها وركضت للطوارئ

مانتظرت يجيبون الها سديه ماجنت اعرف اني ارتكبت اكبر غلط من اخذتها للمستشفى لو اعرف اتركها بمكانها اوووووف شلت خطيتها

اول ما فحصوها ا

لدكاتره كالوا شصايرلها كتلهم وكعت من السطح صاحوا بوجهي ..

الدكتور ..انته شلون تحركها من مكانها هاااا ليش ماخابرت الاسعاف شوكت تثقفون

نص حالات الشلل بسبب هالجهل الي انتوا بي الخاطر الله اشوية اتعلموا

نصير ...شصاير دكتور الله يخليك شرحلي اني شمدريني شفتها بهالحاله وجبتها ركض جنت بوضع لا احسد علي مو مال افكر

الدكتور احسان ..ديله تفضل اطلع براااا خلي نعرف نشتغل ...اول ماجت المريضه جانت متعرضه لكسور ومن سالنا عن طبيعة الحادث كالوا واكعه من السطح

بس وجها بي علامات ضرب وكدمات وجروح ناتجه عن هالشي مو شكلها جروح وحده وكعت من السطح

اول شي طلبت اشعه وتحليل دم ردت اوفرلها دم ان اكيد افوتها عمليه

رجليها مكسورات ثنينهم والحوض مفطور فطر جبييير واصابع ايدها كلها مكسره ..

بس الابهامين طالعين سلامات وكتفها مخلوع بسبب الضغط الصار علي

يمكن حاولت تسند نفسها وهذا السبب لو ممحاوله جان حالتها احسن ونوب ضربة راسها صار عدها فطر بالجمجمه ..

اريد اعرف بيت لو عماره الواكعه منها ونوب من شالها هالولد جايبها يركض نص عظامها طالعه من مكانها

والي فايت ابعضه والي شاك الجلد نوب راسها جان لازم ميحركه الي اعتقد قبل لا اعالجها البنت مشلوله لان نص واعيه ..

بس ماتحجي ولسانها اعوج
كبل طلعت كامل التحاليل وهيه نفسها البنت الجتني قبلها بسنه او اكثر

جان راسها مشكوك واختها شبه ميته وعاشت فوتتها عمليات بس مكدرت اخدرها كامل

عدها نزيف بلدماغ وكثير فطور خدرتها تخدير بحيث تكعد بعد العمليه مباشره ..

وبدينا بيها كل الدكاتره الاختصاص شتغلوا سوا واحد خيط راسها

واثنين جبروا ايدها وثنين على رجلها واحد على حوضها ثبتنا بس رجلها اليمين تعبتنا وتاخرت بيها

وساعدوني بيها الي كملوا شغلهم وفاقت وتين واني اجبر بيها

وتين ..فقت شفت الاضويه جثييره ع راسي مثبت وايدي هم جسمي كلو مثبت ما اكدر اتحرك واكو دكاتره جثييير فوك راسي والوجع برجلي يموتني ..

واريد اصيح ما اكدر اكول بكلبي عوفها فدوه جاي توجعني عوفني شجاي تسوي

والدكاتره يحجون حتى يلهوني شسمج شكد عمرج واني ما يمهم ولايم اسالتهم

ماعرف اريد اصيح مكدر بس اون بكل قوتي بس صوتي مايطلع جثيير عالي ..

جنت اتعذب واني واعيه شلون يفر بلعظم يريد يرجعه لمكانه احس بايدين تفتح اللحم مالته وشخص ثالث يضرب بالعظم ويسوي شغلات بي

روحي شاغت للسما ردتها تطلع
ماعرف شلون اكله توقف يكفي

اون بصوت عالي بس يمو مو عالي
امانه يكفي متت ياربي متت

جان اسوء ايام حياتي
جان كابوس عشته بذيج الايام
عشنه حياة مأساوية دمار نفسي

دمار حقيقي ماظن احد عاش الي عشنا لو ضاك الي احنه ضكنا عذبونه بابشع الطرق

المسافة بيني وبين الكاع قليله والبيت طابق واحد بس

بس لان جنت منتهيه من ضربها الي ماجان عندي طاقه الم نفسي من سحلتني للحافه وذبتني

لو مستجمعه شويه من قوتي مجان صار الي صار جان الضربه صارت اخف بشويه

((اختلف عنكم انا لم اعش طفولتي بطفوليه ولا املك حنان اعطيه لتوامي الان رحمتك ربي ضاقت بي ارضك وسمائك))

وراها كمل الدكتور رجلي وجا دحك عليه وكال اسف بنتي اذيتج بس البنج راح مفعوله ورجلج جثيير متاذيه هسه عالجتها وراح تصير تمام

اني من وجعي كمت استفرغ
الدكاتره بس داروا وجهي لليمين لان مثبتين راسي وعمودي الفقري

ودكتور اخر شفتو دا يفوت الخيط بالابره بدا يخيط برجلي واني احس بالابره تفوت وتطلع

والخيط من يسحبه حتى يسوي النفذه الثانيه جان الاحساس معرف راح اوصفه بكلمه وحده والي عايشتو راح تفهمني
فضييييع فضيييييييع فضييييييع
جنت اون واناشغ

واسمع رجال برا يصيح خدروها هذا مو عمل تشتغلون بيها بلا مخدر نعل لبوكم لابو دكاتره مو خوش خايفين ع البنج

نصير ..من طلع الدكتور هجمت عليه بالاساله ها بشرني ..

الدكتور ..لاتخاف فاقت من البنج وجاي يخيطوها

نصير فتح عينه بصدمة ..شلون فايقه ويخيطوها

الدكتور اي مو مكدرنا نكثرلها البنج حالتها حرجه بعدين تفوت بغيبوبه

نصير ..يعني هيه هسه جاي تحس بالوجع

الدكتور ..اي نعم للاسف الي كدرنا علي والجزء الاعظم خلصنا قبل لاتفيق بس رجلها اليمين متاذيه جثيير طولت بيها وفاقت واني جاي ارجعلها عظامها ..

نصير انصدم ع كلام الدكتور ...عطت بي صيحت علي لزمتو من ياختو بربك صدك تحجي انته تعرف شكد عمرها ماتتحمل هالوجع خدرووووها ولد الكلب ليش ممخدريها

نتر الدكتور ياخته مني وكالي مو انته تعلمني شغلي اني الدكتور مو انته اذا ميعجبك تفضل الكا غيرنا

اني حسيت على انفعالي وكتلو اعتذر بس ماتتحمل بعدها صغيره طنشني ومشى

كعدت اسمع صوتها يون ورا شوي شفت ابوها جا كمت بكل عصبيه لزمته وصرخت بوجها

انته مو قبل سنه جنت تتعالج مو شتكينا عليك هسه اذا اسجنك يمي والعب طوبه بخلقتك منو يمنعني هاااااا احجي

طارق ..ترا الصار حادث غير متعمد انته شدا تحجي محد راد يقتلها

نصير ..وانته ليش كلت محد راد يقتلها لو البي شوكه تنغزو ..

طارق ..عي

ني ليش مكبر الموضوع طلعت تلعب بلسطح و وكعت

نصير ..عافني وراح للدكتور
والله اكص ايدي اذا سالفتك صح عجل ليش ايلين طلعت تكول ذبتها من السطح اني الكم يا ظلام

طلعت رحت للضابط كتلو هذا طارق توقفه اليوم سيدي ولازم تخليني اني اشبعو كتل راح اربي من جديد

الضابط ....اهدء لازم نعرف شصار سناء مراح تعترف

نصير ..سيدي ولاتعترف كل الادله ضدها

الضابط ..ابني احنا مانشتغل هيج وانته مو جديد علينا وتعرفنا شلون نتصرف وشوكت

نصير ..تعصبت كلامو صح بس من قهري عليها ماتحملت
اعتذر سيدي جنت معصب اني اترخص منك اروح لبيتي تعبت

الضابط ...اي ابني تفضل

نصير ...رحت للبيت بدلت على اساس ارتاح بس مكدرت رجعت للمستشفى كبل

طارق ....من رجعت من المحل مالتي فتحتو شراكه ويه صديقي شفت البوب مسيبه مفتحه عرفت صايره مصيبه كبل فتت ايلين جانت تبجي تحجي ولج شصاير

حجت الصار كله اني دين بعقلي ما ضل صرت يهودي كلت هالمره اموتها اموتها اليوم

طلعت ع السريع عفت البنات بالبيت حتى ماعرف شلون نسيتهم وطلعت رحت للمستشفى

تلكاني نصير يهدد والله اسجنك اني مدرتلو بال لازم انظم الشغله والا ينسحبون من عدنا البنات وسابين تضيع مني تربى بالميتم وشحال تربيه

رحت للدكتور وعفت نصير يدردم ورايه فتت كال ياهلا استاذ مو بس نسيت اسمك

اسمي طارق دكتور

الدكتور ..اي هاي شصاير لبنتك هاي ثاني مره تجينا ترى كثرت وكعاتها موزين هيج

طارق ..عرفت جاي يضربني بوري على اساس كتلو حادث دكتور حادث

الدكتور ..اي وشلون حادث هذا وجها كله طبعات ايد مكلوبه خلقتها

طارق ..هسه دكتور صحتها شلونها

الدكتور ..طلعوها اعتقد تكدر تشوفها بس وضعها بعد لازم كم يوم تبقى نراقبها حتى نعرف اذا نشلت او لا كل عظامها مكسره
يعني مانكدر نطلعها
انته جاي تسمع الاكوله لو لا

طارق ..اي دكتور اسمعك

الدكتور ...دامك تسمعني شلون تريد تطلعها اكلك عظامها كلها مكسره ومهدده بلشلل انته صاحي تريد تطلعها

طارق ..اعتذر دكتور بس متشتت

الدكتور ..اي صحصح شويه وركز ويايه

طارق ..اي دكتور بكلبي اذا ما طلعتها راح تجي الرعايه واذا شافتها والله يسحبوها ويسحبون خواتها هم

اوووف شلون ورطه طلعت ورحت عليها جثيير اجهزه مشكليلها

انوب مثل براغي ستيل مركبين على رجلها وايدها وراسها مثبتي هيه فايقه بس تون ..

وتين ..كملوا خياط رجلي واني احس دا يسحبون روحي شويه شويه كملوني وطلعوني لغرفه

واني اون اريد يوكف الوجع فاتت دكتوره خلتلي سيروم مغذي واني احجي وياها بعيوني

علوى تفهمني اريدها تفهم اني متوجعه لا جاي اموت من الوجع راسي طبل وخلايا الاعصاب كلها بحاله استعداد وتنقل بايعازات الوجع من كل جسمي لعقلي اضعاف مضاعفه ..

يربي بس فهمي موجووووووعه تعالي سويلي شي

هيه دحكت علي مثل افتهمت كالت ماكدر والله مكدر انطيج شي يهدء وجعج لان وضعج صعب بس حاولي تنامين تنسين كل هالوجع

شلووووون شلووووون انام اني لو اكدر انام جان نمت بس هالعذاب هذا ميخليني

بس دموعي تجري على خدي مكدرت اسكت لحظه وضليت اون سااااعات من الوجع

احس راسي يزيد وجعه مع كل ونه وكل دمعه تنزل وعيوني صاروا يحركوني

وبهل لحظه فات نصير شفتو عرفت هوه الجابني للمستشفى دحكت علي وبالكوه ابتسمت ورجعت اون ..

هو فهم انو تشكرتو كعد خلى ايدو على راسي مسح دموعي وجاب كلينس نظيف بلله مي ومسح وجهي بي

وقطر بلقبغ مالت البطل شويه بحلكي ابويه الي فات شافني وطلع ماسوى السوا نصير الي جان احن من بابا عليه ..

ردت بابا يسويلي هيج بس مسواها ضل يمي يحجي ويايه ويقرا ايات ويدعي الله يخفف عني

وضل يمسح براسي وايدي
الا ان تعبت ونمت و الوجع ولا خف ولا شويه

نصير ...فتت عليها ولا جنها وتين الاشوفها كل يوم تطلع من بيتها وتروح لصديقتها الي جان بيتها قريب ع المركز

ولا جنها هيه وجها وارم خدها ازرك من الضرب شفتها وارمه عيونها ما احجيلكم شصار بيه بس تماسكت لخاطرها ..

ابوها ما شكلو حن عليها هالكلب ضليت الا ان نامت ونمت جان اكو كرويته نمت عليها ..

كعدت الفجر الدكتوره جانت جت اتشوفها كتلها خير بيها شي

الدكتورة ...لا جاي اتفحص وضعها زين نامت خطيه ماكدرنا نخدرها الصبح ان شاء الله يفحصها المختص ونشوف حالتها

نصير ...تسلمين وطلعت
مجاني نوم كعدت يمها للصبح وهيه تون وما اكدر اساعدها بشي

طارق ..رجعت للبيت بعد ماشفت وتين سالت البنات امكم وين كالو اخذوها الشرطه رحت لسابين ماتحجي كاعده بالزاويه

بنتي شبيج كتلتج شي سناء احجي وياها ماترد بس متكوره ولامه نفسها وتهز راسها مثل الي ضاربتها صاعقه حضنتها وكتلها لتخافين اني موجود محد يمسج ..

ايلين ...بابا وتين وين ليش ماجبتها ماما ذبتها من السطح ..

طارق ..لزمتها من شعرها وكتلها اسمعي ولج اليسالج شصار تكولين جنا نلعب ووتين بلغلط وكعت فهمتي

وهاي سالفه ماما ذبتها من فوك تنسيها لان اذا تحجين بيها بعد لتشوفين امج ولا ابوج ولا اختج

يجون ياخذون كل وحده وينطوها لغير ناس بع