طبعا كلشش اعتذر عن التاخير بالنشر بهاليومين🥺 ..لان مجنت بالبيت وكله طالعة..فانشغلت

واشكر 💋اللي سألو عليه فدووة الكم..
لان اهواي مسجات وصلتني..ومنا جماعه القصة متلهفين ..فلخاطركم رح انشر هسه 5 بارتات😍💜

وان شاء الله بعد ساعتين-3 انزل استفساراتكم✨

#ملوكه

#الانتحار

#بارت9


طارق ..اجاني الخبر الي صعقني وهد الدنيا ع راسي ..

سناء ...جنت دا اسبح ايلين الصبح فتت سبحتها كملتلها وصحت على سابين يلا ولج فوتي سبحي ..

سابين بحزن ..ماما والله ما اكدر اوصل لليفه عاليه

سناء وهيه تأفاف وتدعي ع هل طفلة ...هاج ذبيتلها اياها بوجها وكتلها يلا بسرعه ماريد تتاخرين حتى تسكتين اختج يلاااااا ..

جان عمر التوأم اربع سنوات و وتين سنتين جان يجي طارق وجها مخطوف

ها خير شصاير كعد بالكاع وكام يبجي ويدك ع راسه شصاير اني خفت ..

طارق ..ابويه مات يلا لميلج كم غرض خلي نطلع وبلكت نلحك الدفنه

سناء بانت ع وجها ملامح الفرح ..اني كيفت لان مات عجوز البين يلا حس بكسرة الظهر جنت اكرها لان ماوكف ويايه من رجعت لطارق

يوم توفت امي وطردني ومانقهرت علي كتله اي يلا لميت جنطه صغيره وطلعنا وصلنا البيت مكلوب وامه متمرضه واكعه بلفراش ..

ولوص صاير بالموضوع باركت لزبيدة على مولودتها سمتها طيبه حلوه على امها وعدها غمازه واضحه وضلينا اسبوع نكرب

احمد ..من سمعت بعمي طارق جاي فرحت اوووووف راح اشوف بناته صدقه شكد تعلقت بيهم والله لو يقبل ينطيني اياهم اربيهم

وتين ..طبعا احمد تعلق كثييييير بالتوأم لدرجه يميزهم وهو مغمض من الصوت مع العلم اصواتهم متشابهه

جان يلاعبهم وطول فتره الفاتحه ضلوا التوأم يمه

استمرت الفاتحه اسبوع ورجعنه للبيت وراها بابا تغير ورا وفاة جدو صار اقسسسسسى بكثير

يضرب امي لو شافها غلطت او تعدت حدودها وايلين لو لعبت او خربطت

يموتها كتل بس سابين لا ميمد ايده عليها اني جنت مهمله من الكل لا حضيت بحنان أم ولا اهتمام أب ...

وبيوم من الايام جانت الدنيا شتا والبرد يكص العظم جان عمري ٣سنوات

وجنت نايمه جوى الشباك ليش مو تمطر الدنيا ويفوت مي ع البيت من الشباك واليل كله اني ارجف كعدو الصبح واني بين الحيا والموت ..

سناء ..روحي سابين كعدي وتين وتعالي ريكيها ..

وتين ..جت سابين تكعدني واني جثه وجسمي نار رجعت كالتلها ماما متكعد

جت تدردم وتحجي وتسب وعصبيه شالتني ولني نار راحت ذبتني يم ابوي

سناء ...الزم بنتك مريضه بلكت تموت وتخلصنا عاله هالبنت ..

_ابوي حتى ماكلف نفسه وشاف شبيه سالها شبيها كالته مصخنه كلها اي هسه اجيبلها دوى طلع وجابلي دوا وامي ماتلتزم بالموعد مالت الدواء

ايلين وسابين جانو حنونات على بعض كثير وهم عليه وسابين جانت ذكيه حييييل اكثر من ايلين جانت هيه تداريني وايلين تساعدها ..

بس من تشوف امها تتراجع حتى لتصير مشكله
مرت ايام طفولتي باهمااااال كثير وظلم طارق لايلين وظلم سناء لسابين وظلم الثنين الي

الا ان صارت الحرب وسقط العراق

خلونه نرجع بالاحداث شوية

بسنه ٢٠٠٣ الحرب الاخيره بالعراق
جان الوضع الامني متأزم ومنطقتنا جانت منعزله بعيده عن باقي المناطق وتحيطها الصحراء وخطره يعني اذا يفوتون علينا مجرمين يرتكبون بينا مجزره ومحد يدري ..

وقتها جان عمري 6 سنوات اما قبل سقوطها جانت الحرب الي اثرت علينا جان عدنا نقص المواد الغذائيه

او بالاحرا جان عندي اني النقص ماما جانت تهتم بأيلين وبابا بسابين واني خواتي ايلين وسابين جانو يهتمون بيه ضلينا بلبيت ماطلعنا لان وقتها الطريق جان خطر وكله قتل وسلب

ومنطقتنا جانت نائيه بعيده عن الخدمات بيها مشفى وشرطه بس ماكو جيش يحميها

جنت اتذكر بابا يطلع شايل رشاشته ومايرجع الليل كله اتذكر الطلقات الجانت متخليني انام

واتذكر شلون ماما جانت تحضن ايلين واني وسابين نبقى سهرانين بسبب الطلق ومحد يحضنه ويطمن بينه نبقه نرجف من الخوف

الوضع ساء يوم عن يوم وبابا قرر نروح نكعد ويه بيت جدي وجان بابا عنده محل شراكه ويه ٣ اصدقاء ولمن قرروا ال ٣ يطلعون كالوا نسد المحل ونتقاسمه ونطلع ..

جاب بابا كثير اشياء حلوه من قرطاسيه وكتب ودفاتر وحلويات كانت الحصه متقاسمه بين ايلين وسابين واني حصلت بس محفضه بيها ماي

جنت بمرحله عمريه اكرهم كلهم اكره التوأم واكره ماما وبابا حتى اكره حياتي الي انغصبت اعيشها وياهم لان ميحبوني ..

وجانت سناء تاذيني كثيييير وتصرخ عليه وتضربني راشديات اوتمنعني اطلع العب

وبس تسمح لأيلين وبابا يسمح لسابين واني ابقى بلبيت اتعس ايام حياتي عشتها بين اهل جاحدين نعمة الاطفال ...

كالوا راح نطلع ونص المنطقه فرغت وصارت تخوف كال بابا باجر من الصبح نطلع

اخذت المحفضه وطلعنا واني فرحانه بيها لا اعرف شنو حرب ولا ليش دا نطلع ..

كل الي اعرفه راح اشوف احمد ابن عمو علي جنت اعتبره اب الي جان عمري وقتها ٧ سنوات ..

وصلنا لبيت جدو واني اول وحده نزلت رحت ركض ادور على احمد اريد اشوفه محفضتي هو شافني شالني وكعدني يمه وكام يبوس بيه ..

وبعدين فاتت ايلين وسابين هو نزلني وراح شالهم اثنينهم وكعدهم بحضنه

وكام يشاقي بيهم اني بوقتها مجنت افهم كعدت ع جنب والعب بالمحفضه

سابين ...خليني احجيلكم عن اول يوم دراسي الي جنت انقهر من م

عاملة ماما الي ليش متحبني ليش تضربني ليش متمشطلي شعري ...

بس الجان معوضني هو بابا الي كل مره يرجع بيها من المدرسه يكون جايبلي حلويات ويا جان يجي تعبان اول ميفوت يصيح سااااابين سوسو تعالي جيبي تعبني ..

اروح اركض افوت ايدي بجيبه واطلع الحلويات الجايبها ابوسه وهو يضل يبوس ويعضعض بخدودي

عاد اروح اضمها والعصر اتقاسمها ويه ايلين و وتين جنت احبهم كثير وماجان اكو بكلبنا كره لبعضنا

ف بيوم جنا نتعشى كال بابا باجر اخذكم اسجلكم بالمدرسه كملت فايلاتكم يلا تعشوا وخلي نروح لمنى ((منى مراة عدها محل تبيع بي ملابس )) واجيبلكم صداري وقمصان وتين كالتله واني ما اروح كللها لا بعدج صغيره من تكبرين نسجلج

وتين ..بابا عفيه خلي اروح وياك لمنى

طارق بصياح ...كتلج لاااااا

ايلين ...اباوع على وتين بوزت ورادت تبجي بس نزلت راسها وكملت اكل

انقهرت عليها احنا كملنا عشا حتى ماشبعنا متلهفين نشتري ملابس مدرسه

كلنا كملنا عاد اخذنا وطلعنا جبنا صدريتين وقميصين وجنطتين وسوالف المدرسه القرطاسيه

وجنا فرحانين حييييل لدرجه نسينا وتين وحدها كاعده وتلعب بلعابتها ولا جت وشافت شنو جبنا

جانت سناء معاقبتها وضاربتها وايدها طابعه على خدها وسناء من تضرب وتين تعنفها ومتخليها تبجي يعني تاذيها ولازم وتين متبجي ..

رحت اخذت اغراضي وكعدت يمها كتلها شوفي شجبت كالت اي وكعدت اشوفها ضحكت وفرحت بس وجها جان متاذي كثير ..

ضليت فرحانه بالجنطه اكثر شي وباجر اروح للمدرسه ماعرف شلون غفيت

ايلين ...فرحنا كثير باجر اول يوم بالمدرسه اني وسابين اشترينا نفس الملابس والجنط ونفس القرطاسيه ورجعنا للبيت ..

اني كبل رحت لماما شوفتها شجبت كعدت لبستني وكالت

سناء ...باجر اسويلج شعرج حلو واخليلج شرايط حتى اتطلعين احلا وحدة بالمدرسة ..حضنتها وبوستها

ايلين ...كمت من يم امي ورحت اشوفها ل وتين جانت تريد تجي ويانا بس ماقبل بابا ...

ردت احجي ويا بس اعرف راح يضربني وماما راح تتعارك ويا وتصير مشكله فسكتت ..

وشفت سابين و وتين كاعدين بالزاويه رحت يمهم وسابين جانت تشوف اغراضها ل وتين

انتبهت على خدها بي اثر راشدي واحمر ما كتلها شبيج اعرف ماما ضاربتها ماردتها تذكر وتنقهر

كتلها تعالي اشوفج غراضي هم شوفتها وهم فرحت جان تعيط بيها ماما ..

سناء ..وتين مو كتلج ما اسمع صوتج ولج ليش تعاندين

ايلين ..اني نداريت كتلها ماما خطيه دا اشوفها اغراضي

سناء ..ولج ايلين من شوكت تعلين صوتج عليه ها

ايلين بخوف ..لا ماما ما اعلي بس خطيه

سناء قاطعتها بنتره ...لاااا مو خطيه كبت الجاي بالكاع من رعصتها كومي ماما يلا نامي حتى تكعدين باجر نشيطه واسويلج شعرج حلووو ..

ايلين ..حجت هيج حتى تقهر سابين بس اني مجنت اعرف بمقصد كلامها

كمت اخذت الغراض واباوع على وتين عيونها مغوركه وشفايفها مبوزه وتريد تبجي بس اذا تبجي تضربها بعد ...سابين ضلت يمها واني رحت نمت

وتين ..((طبعا سابين جانت تحجي بلهجة بابا باعتبار هو الي رباها وايلين جانت بلهجة ماما بغدادية واني مخلط ف تشوفون مرة احجي بغدادي ومرات اكلب حديثي هههههههههه))

سناء ..صار الصبح كعدت ايلين حبيبة كلبي سبحتها ع السريع ومشطتلها شعرها وخليتلها شريط ابيض على شكل فيونكه ورتبتلها جنطتها وملابسها وسويت اكل الها ..

وطارق يتاخر بالكعده لان ميتريك وتركت سابين مالي شغل بيها فكعد طارق وكال كعدتيهم كتله اي ..

طارق ..يلا اني ابدل حتى نطلع

سناء ..بدل وكمل وراد يطلع الصبح على سابين كتله بعدها نايمه كام يسب من الصبح واني ابرد اعصابي ويا وهو يشتعل ..

طارق ...ولج انتي شنو من بشر ماتكعديها الا تاخريني بنت الكلب حسابج انتي وبنتج بعدين والله لربيكم من جديد بس ارجع ..

سناء ..راح هوه كعدها وبدللها وشعرها مكفش ..

طارق ..الله ينتقم منج دومج حاركه دمي امشي تعالي لميلهيا مثل ايلين

سناء بتعجرف ..معليه انته لمه اني اروح انام

سابين ...نمت بلليل واني بالي بالمدرسه وفرحانه كعدت على اصوات بابا وماما العاليه

كمت كال تاخرتي شفت ايلين مبدله ومكمله ع السريع طلعت الملابس لبست وبابا ساعدني ..

بس شعري مكدر ايسوي كلت لأيلين تعالي سويلي ذيل حصان صاحت بيها ماما اموتج واكسرج اذا تسويلهيا

ايلين مكدرت تكسر كلمت امها لان تحبها واني دمعت عيوني شلون رحت على بابا ابجي ..

طارق ..ها بنتي شبيج

سابين والغصة بصدرها والدمعه بعينه ...ماعرف اسوي شعري شوفه مكفش مو حلو

طارق ..لا بس سرحي ويطلع حلو انتي حلوه يلا بنتي اخرتوني

سابين ..رحت بس مشطته واخذت قراصه ويايه وكلت بالمدرسه اتسويليا ايلين

طلعنا واحنا فرحانين واني مثل الخبله اكمز يلا يلا بابا ايلين تخاف منه لان يضربها ويقسا عليها كثير ف ماتحجي من يكون موجود

مسكنا ايد بعض واحنا نمشي وفرحانين مدرستنا الابتدائيه جانت لزك ويه مدرسة المتوسطه الي يداوم بيها بابا ..

فوتنا وسلم على المديره وكاللها هذول بناتي وتعرفت علينا عاد سلمها الفايلات وكالت تعالوا اوديكم

على صفكم من يدك الجرس تفوتون

رحنا على الصف وكعدنا اني وايلين بنفس الرحله وكل البنات متعجبات شلون نتشابه ومحد يكدر يميز بينه بالصف ..

قبل لتجي المعلمه طلعت القراصه وايلين لمتلي شعري وشالت من الفراشات الجانت مخليتها سناء على شعر ايلين وخلتها على شعري فاتت المعلمه واخذنا اول درس وجانت الفرحه مو سايعتنا ..

ومن خلص الدوام رحت اركض على بابا علمود نرجع سوا شاورتني ايلين ارجع الفراشه اخاف تشوفها امها وتضربني كبل شلتها ونطيتهيا ..

بابا مجان يجيبلي هاي الامور البناتيه لان مايفهم بيها رجعنا ومتشوقين نحجي ل وتين

وشفناها برا بالطرمه الخلفيه ومقفول الباب عليها باعتبار بابا موجود ماما متكدر تحاجيني ..

رحت فتحت الباب وفوتتها ماتقبل تفوت تخاف من ماما بالكوه فاتت كاللها بابا شسوت حتى ذابتها برا هيج

سناء ..بس تهوس وتخربط وتوسخ البيت

طارق ..ايييي علميها النظام مو تجرمين بيها طفله هاي شمفهمها هيج تعاقبيها

سناء ..ومتعلمها انته

سابين ..فاتت وتين وصيح عليها بابا

طارق ...ولج وتين تعالي انتي شوكت تعقلين هااااا متصيريييين مثل سابين هااااااا
هيه بس واكفه وترجف من الخوف جريتها من اذنها خلي اسمع مسويه خباثه الا اكطعها لاذانج يلااااا ولي من يمي

ايلين ...انقهرت ع اختي من شفت بابا جر اذنها ليش هيج يقسون عليها خطية لا امي تحبها ولا ابوية اثنينهم ايضربوها ويعاقبوها

اني جنت مشتريه مصاص من الحانوت رحت كعدت يمها بستها وكتلها لاتزعلين حبيبتي

شوفي شجبت الج يلا كل يوم اجيبلج شغله بس اكعدي عاقله ولاتخربطين ..

فرحت حيييل وباوعت ع الباب وباستني خطف و ضمت المصاصه خافت تبوسني وتشوفها ماما ..كعدنا نتغدى وكالت ماما

سناء ...وتين معاقبه متاكل بهذلتني اليوم ..

طارق ..عوفيها تاكل تعالي وتين اكعدي اتغدي

ايلين ..ماما تعصبت وكامت تصيح انته تدللها وانته تطلع عيونها ضربها راشدي فر وجها فر

واني خفت كمت ختلت ورى القنفه وكمت ابجي سابين اخذت وتين ونهزمت للغرفه وبابا شبع ماما ضرب واني ابجي وارجف وخايفه ..

امي سبته وفاتت قفلت الغرف هو صاح بوجهي انفزعت ..

طارق بعصبية ويصك على سنونه ..يكفييييييي سكتيييييي صوتج ماسمعه اششششش ولاحرف ترا اطيح احظج ويه امج ..

ايلين ..جان يصرخ بيه ولازمني من شعري ويهزني بكل الاتجاهات جت سابين تركض وتكله عوفها بابا عوفها

عاد عافني ولزمت ايدي ورحنا للغرفه وفتنا جوى الجربايه جنت خايفه وبس اشهك

وتين ..كانت ايامنا عباره عن هذا المشهد المتكرر باساليب وحشية مختلفه كل يوم سناء تنضرب ومن يطلع بابا هيه تلتفت علينا واتطلع قهرها بينه اني وسابين ..

وهيج قضينا حياتنه جانت جحيم انا جنت اتاذى اكثر شي ..ايلين وسابين يحاولون يساعدوني بس بعدهم صغار ميكدرون يسوون شي ..

وهيج مرت طفولتنا الماشفنا منها شي بس المشاكل والضرب والحقد والكره الي زرع بنفوسنا حالة اكتئاب ودمار نفسي

جنه نتمنى لو مجاين لهاي الدنيا كرهونه بحياتنه واحنه مجرد اطفال ماشفنه شي من عمرنه بس العذاب والقهر

ايلين ... جان بابا كل يوم يضرب ماما وجنت اكرها يوم عن يوم لان بسببه ماما تضرب سابين و وتين

سابين ...جنت اتجنب انو انضرب برغم هذا جانت سناء متقصر بيه جنت احتاج احد يعلمني يسمعني اذا حفظت

جنت احتاج احد يردلي املاء جنت احتاج ام بس هيه مجانت ام الي جانت تدرس ايلين وتعلمها وتردلها املاء ومتخلي ايلين تعلمني ..

من جان يرجع بابا جان يدرسني بس مو كثير لان يرجع تعبان جنت ضعيفه بالاول والمعلمات يكولون ليش مستواكم هيج

وجانوا يستدعون بابا ويحجوله وبابا يرجع يدرسني بس جنت احتاج يبقى ويايه لان سناء تحاول تشغلني بكل الطرق حتى لا اقرأ ..

جنت ابجي واخاف لو صار عندي املاء شكد جنت اقرأ بس ميفيد جنت احتاج احد يعلمني شلون اقرأ واتهجى الحروف وصلت لامتحانات اخر السنه وجانت نتيجتي ....

ايلين ...جنت احاول شكد ما اكدر اساعد اختي سابين بس ماما جانت
تمنعني وتشغل سابين حتى لاتقرأ صح يقريها بابا بس مو مثل ماما ..

ماما تعلم احسن من بابا وجنت متفوقه عليها وكله عشرات وهيه من تاخذ درجه مو زينه ماما تضربها او تطردها بالطرمه وتخليها برى محبوسه بالحر والبرد

وتين ...خلصت ايلين وسابين اول سنه الهم بالابتدائيه
وبيوم النتائج بدلو وكشخو وراحو يستلمون النتيجه رجعو العصر

ايلين فرحانه وطايره من الفرح ماما ماما اني نجحت كلها عشرات وسناء تشيلها وتفرها وتبوس بيها وطشت الها جكليت ونطتها ربع دينار لان نجحت والتفتت على سابين ..

سناء ..هااااااا ولج وانتي شمصخمه احجي ...

وتين ..جانت سابين راسبه لان مالكت الي يعتني بدراستها ويعلمها

فرحت سناء واستلمتها كتل وراشديات وسابين تبجي وتصرخ تريد الينقذها من تحت ايد هل متجبره تريد تنهزم تركض بالبيت ..

((يمكن تنتقدوني من اصيح امي سناء باسمها بس هذا اقل شي اسوي بحقها لان ماشفنه منها غير كل حقد وكره وعذاب ولاجنها امنه دمرت حياتنه عذبتنه ضربتنه هملتنه مادري الله يقبل

عليها لو راح يعذبها بالاخرة يمكن مرت الاب احن علينه منها ))

.ما انكر ضرب سناء يوجع تضرب بلا رحمه هنا فات بابا وشاف سناء تمد ايدها على سابين بدون ما يعرف السبب انوب الثاني لزم ايلين وضربها راشدي يعني عود وحده بوحده ..

تخبلت سناء بنتك راسبه روح شوف مستواها خزتنا وانته بلا رحمه هال ايلين ناجحه واولى وبنتك راسبه تستحق تنضرب صرفنا عليها سنه كامله وشوف النتيجه ..

شافها بابا ولزم سناء دك كتل

طارق ...انتي ما درستيها انتي التهيتي ببنتج وبس واني حذرتج وماسمعتي كتلج تدرسيها وتعلميها لو احتاجت شي

وتين ...وضل بابا يضرب بيها الا ان صارت ملامح وجها ممعروفه وجان يطلع وياريت ماطلع

اول ما طلع سناء كامت تريد تنتقم من بابا بينه وصارت مثل الوحش لزمت سابين من شعرها

وطلعتها بالطرمه وراحت جابت مقص وموس حلاقه وكصت شعر سابين ..

وكل ماتريد تنهزم سابين تضربها راشدي بكل قوتها وتخليها تكعد حلقت شعرها نمره صفر حتى تنتقم من الي سوا بيها بابا

جنت ادحك من الشباك وابجي وايلين تضرب بامها وتكللها خطيه شعرها عوفي بس مفاد راح شعر سابين ..

وما شفا غليلها رجعت فاتت كسرت البيت والتفتت عليه باوعت عليه بنظرة حقد اتكول مو بنتها عبالك عدوتها

سناء .... انتي هم سبب بلاوينا من يوم الجيتي ماشفت راحه تعالي بنت الكلب اله اربيكم ع ايدي

وتين ...نص عمري راح من الخوف جت تركض تريد تلزمني واني فلتت ردت اطلع جان تجرني من ايدي

وهم حلقتلي شعري نمره صفر ما جنت افهم شجاي اتسوي بشعري بس جنت احبه

سحبتنا ثنينا للمرايه وهيه تضحك بحقارة وخبث كالت هسه صرتو احلى متحتاجون قراصات

((انني مُقسمٌ لعدةِ قسائم جسدي يسكنهُ التعب والارهاق وقلبي يحتضن الالم والاوجاع والعذاب وفي عقلي تُقام الحروب والصراعات الفكريه التي اهلكتني حتى بُت الا أقوى على حمل راسي المعمر بالخراب 💔))

رجع بابا وشاف هالمنظر وهم رجع كتلها هيه وايلين
راح بابا للمدرسه وتوسط انو تنجح سابين او تعيد تمتحنها لان جانت مريضه

وفعلا رجعت امتحنتها ودرسها بابا وراحت امتحنت وجانت تلبس كبوس ع راسها يلا تروح ..

ونحرمت من العطله بسبب شعرها وجنت اشوفها تبجي على طول ايلين اتحاول تخفف عنها

بس هيه ضلت تبجي واني مجنت اعرف ليش مجنت افهم سبب بجيها علمود شعرها بعدها ساء الوضع وطلعنا لحديثه

هسه نرجع لسنه ٢٠٠٣من شفت احمد كعد سابين وايلين بحضنه اني اخذت لعابتي ورحت كعدت على صفحه احمد سال سابين ليش لابسه كبوس ..

سابين بحزن ..حلقت شعري حتى يثخن

مرت ايام الحرب وجانت احلى ايام مرت بحياتي مجنت افهم شنو حرب شنو قصف جنت ملتهيه ويه احمد الي يلعبني كثير

وخلصت من ضرب ماما متكدر تعاملني بسوء لان بيبي متقبل وسابين وايلين هم ارتاحوا من ظلم بابا وماما ..

جنت انام واسمع صوت الطلقات يمر من يم اذني مجنت اكدر انام الا اسد اذني بايدي ..

انا وايلين وسابين وفرقد جانت احلى ايام حياتنه هي فتره الحرب احمد كثير عوضني عن اهلي ..

مجنا نكدر نحجيلهم شيسوون بينا بابا وماما لانو حذرونا بالطريق

وكالو متحجون واذا سالو ليش حلقت سناء راسكم تكولون حتى يثخن شعرنا

احنا مجنا نفهم وعبالنا كل الناس عايشه مثلنا وكبرنا على هالشي ..

بيبي من جانت تشوفنا تكول سابين لفرقد وايلين لاحمد ..

احمد عاملنا وكانو ابونا جان يجيبلنا كلشي نريده كل عماتي وعمامي جانو ابيت جدي

الكل التمت بفتره الحرب بي جنت اشوف تمييز بين الموجودين جانو خواتي وفرقد واراده وهاجر اخت فرقد يطلعون يلعبون ويتركوني او ينهزمون مني حتى لاياخذوني ..

بداخلي جنت انقهر بس مجنت ابجي لان تعلمت اذا ابجي راح انضرب بس بنفس الوقت جنت اني العب واتونس والبيت كبير واطلع وانزل ..

بس من اشوف ماما اخنس وهيه هم تخزرني اكثر شي جنت ويه طيبة بنت عمو ماجد ..

وضلينا ابيت جدي الا ان خلصت الحرب وسقط العراق وفاتوا الامريكان واحتلوا بلدنا ..

وتين ..بابا كال لازم نرجع بيتنا هم لاينباك عاد ودعنا بيبي وكل الموجودين ورجعنا اول مافتنا جانت الحديقه الاماميه مهمله والعشب مالتها عالي و ورد الجوري مفتح كله ..

المنظر لهسه عالك بذاكرتي اتنفست بعمق وغمضت عيني هم راح نرجع للمأسات وللحياة التعيسة اووووف ..

بعدين فتنا للبيت جان كله تراب لان متروك جان عمري وكتها ٧سنوات صار يحق لي افوت مدرسه ..

وبعد التنظيف كالت ماما لبابا لازم يرجعون البنات يكملون دراسه بابا كاللها خل تفتح المدرسه ونسجلهم
ورجعت سناء ضرب واهانه ومسبات وصياحات

وزادت عن اول واحنا منكدر نحجي لبابا لان راح يضرب ايلين هم وهيه مالها ذنب مر شهر واحنا على هالحاله الا ان جا موعد المدرسه

ايلين ...جنت احب ماما وبنفس الوكت اكرها لان جانت تاذي خواتي سابين و وتين واحبها لان جانت تعتني بيه وبكلشي يخصني

وجنت اكره بابا كثير لان دائما يضربني وميحبني واخاف منه بس يجي ..

جا وقت نرجع لمدرستنا جانت الاوقات هناك نتمناها ماتنقضي حتى لانرجع للبيت ..

بس اليقهر انو وتين محد جابلها مل

ابس بابا كال انطوها ملابسكم القديمه محاجه

بس جاب الها جنطه وقرطاسيه بس الفرحه مالتها جانت متنوصف ..

مع العلم جانت مظلومه من الطرفين كعدنا ثاني يوم الصبح بدلنا وكملنا

اني اخذت قراصات حتى ارتب شعر سابين و وتين واخذت فراشات و ورد للشعر وضميتهم بالجنطه ..

حتى لا تشوفهم ماما ومن وصلنا للمدرسه رحنا على صفنا وقبلها وصلنا وتين لصفها جانت مستغربه خلصنا يومنا عادي ورجعنا للبيت

وياريت ما رجعنا اول ماشافتنا ماما لزمت سابين وضربتها راشدي طبعت ايدها على وجها سابين كامت تنازع وتبجي ..

و وتين ركضت ختلت تحت التخت من خوفها اني كمت ابجي وكتلها ماما ليش مو خطيه ..

سناء ..هاي خطيه واني شنووووو ابوها سود عيشتي وهاي المدلله مالته والله لطلع ضيم سنيني بيها

وجرتها من شعرها وفوتتها بلفرن مال طباخ الغاز وكامت تخوف بيها راح احركج ..

وهاي سابين تخبلت كامت تصيح وماما لازمه الباب حتى لاتفتحه وجان بابا على وشك انو يوصل

واني ابجي واكوللها عوفيها عوفي اختي ماما اتركيها الله يخليج ليش هيج اتسوين بيهم هنه مو بناتج ولا كانو اصيح ولاكانو احجي ومصره تخبل سابين ..

ماجانت راح تحركها بس تخويف الها وبهل لحظة سمعت صوت باب الحديقه يندك ماما جانت قافلته ..

عرفت بابا جا ركضت افتحه فتحته وكتله بابا الحك ماما راح تحرك سابين

هو دفعني قوي وكعني بالكاع وفصخ ايدي لان صارت الوكعه عليها وركض على سابين

سناء ...جنت عصبيه من طارق لان دائما يهيني ويكولي سابين ونعالها يسوون راسج وراس الخلفج ..

وبالليل تعاركنا بالحجي وهاني وكلت اطلعها بيك اصبر واول ما راحوا للمدرسه اني جنت اشتغل بكل عصبيه ونوب رجعو البنات ساعه 12 وطارق ل12.30يلا يوصل واني كلبي مشتعل غضب ..

ونوب جت سابين وفاتت بجورابتها واني منبهتها اجت من الله تعالي ضربتها كف فريت راسها فر وحبستها بالفرن واني دا اصيح عليها ..

ما احس الا وطارق جر شعري من ورا قوي وكعني بالكاع وفتح باب الفرن وطلع سابين

وراح يركض فوتها للغرفه اني كمت وشلت سكين عرفته راح يرجع ورا اقل يمكن من ثانيه رجع عيونه تطافر شرار ..

طارق جان يحجي بنبرة انتقام والشر يتطافر من عينه ...ولج ياكلبة بنت الكلب وصلت بيج للحرك متغاضي عن الضرب مالتج بس توصليها للحرك والله لحرك اهل اهلج اليوم ..

سناء ..والله وحده بوحده اذا تعيل عليه وتمد ايدك اني استغل عدم وجودك واضرب بناتك

اني كتله هيج هو هجم مثل الوحش ضرب راشديات بوكسات بطني ودفرني على خاصرتي وطلع ..

حسيت روحي طلعت كمت ارفس بالكاع مثل واحد كاطعين راسه واصيح بعلو صوتي

مرت خمس دقايق واني حسيت روحي دا تطلع اختنكت ماضل عندي هوه حسيت هوه ربي خلص ..وهو رجع عليه وكال

طارق ...ها شفتي شسوي بيج بس تمدين ايدج على سابين اطيح حظج وحظ الخلفج

سناء ...جان يتوعد ويسب ويغلط واني دا اختنك ما اكدر حتى ارد علي

سابين ...جنت خايفه راح تحركني والمكان ضيق ورجلي تجرحت بس فجأة جا بابا ضرب ماما وطلعني ..

شالني وداني للغرفه واني فرفحت من البجي كتله لاتتركني بابا راح تموتني شوف وجهي ضربتني قوي ..

طارق ..صار بيه اختلال بالعقل من شفت سابين بهل وضع اتخبلت كتلها هسه اجي لتخافين

تركتها وطلعت كبل ع سناء ردت انهيها نهي ع ايدي كافي الي دتسوي بالبنات هل انسانه مريضه نفسيا

ماكو ام تسوي هيج افعال شنيعة وحشية بأطفالها حتى الحيوان ارحم منها ع ضناها ..

سابين ..وتين جانت جوى التخت جت حضنتني واحنا نبجي بس اسمع صوت ماما تصيح وتبجي

عرفت ضربها بابا قوي ..جنه مرعوبين وكاتمين انفاسنه من الخوف جانت اصواتهم تخلينه نرجف ونسد اذانه ونغمض عيونه حتى لانسمع ولانشوف هل مأسات الي دمرت نفسيتنه واحنه اطفال بعمر بريئة ...

وراها اتذكرت اختي ايلين لا يالله وينها لازم ادور عليها لا ينتقم منها بابا

كبل كمت ادور عليها حتى اختلها لايلكاها بابا ويضربها لان كل ماتضربني ماما بابا يروح يضرب ايلين ينتقم من امي بيها ...

رحت شفتها بالحديقه كاعده وتبجي اني ردت افوتها كالت ايدي توجعني

دحكت على ايدها شفتها ملتويه مفصوخ العظم وصايره مو بمكانها اني خفت

كمت اصيح رحت ع السريع لبابا شفته واكف يم راس ماما وماما وجها ازرك وكوه تتنفس ..

كتله تعال شوف ايد ايلين معرف شبيها وهو مثل الفاصل مجان يستوعب هزيته وصيحت باباااااا اختي معرف شبيها تعال يلاااااا سحبته

واخذته للحديقه شافها كال هاي مفصوخ العظم وطالع من مكانه راح جاب سياره و اخذ ايلين وماما للمستشفى واني و وتين ضلينه يم مرت جيرانه

((انني هناك اقف وحيده من تلك الزاويه تحديدا الى اليمين حيث تغرب الشمس وتحاول الغيوم ايقافها والتمسك بها
هكذا يبدو لي لا ادري لما تصورت الامر هكذا انني احترق))

طارق ...واحنا بنص الطريق وكفت سناء بعد متتنفس صحت استعجل صبري استعجل ماتت المراة ..

صبري ..اي اخوي بس انته الله يسلمك ليش هيج ولو ماريد اتدخل بس والله كل يوم اسمع صياحكم وادعي تستقرون مو زين ع البنات شصار حتى هيج نهيتها م

ن الكتل ..

طارق .. بصياح جانت تريد تحرك بنتي تسمعنيييييي رادت تحرك سابين استعجل هو انصدم وداس بانزين وصلنا للمستشفى

نزل صبري اول شي شال ايلين وطلع يركض ويصيح دكتوووور دكتووووره راح تموت لحكو عليها ..

جو الدكاتره عبالهم دا اصيح علمود ينقذون ايلين كتلهم بالسياره وجها صار ازرك

طلعوا يركضون واحد من الدكاتره كال ايد بنتك مفصوخه جيبها كتله اي هاي بنت صديقي ..

اخذها وضل يحجي وياها يلهي بيها الا ان بحركه سريعه رجعها هيه صرخت كامت تبجي بس بعدين دحكت لايدها وكامت تضحك واني رجعت لطارق ..

طارق ..جنت احاول اطلع سناء من السياره وجو الدكاتره يركضون وجايبين السديه

طلعوها وخلوها ع السديه وفوتوها ركض شافوها مختنكه مباشرة خلولها اوكسجين ..

كالت الدكتوره شبيها كتلها ماعرف شكوللها كتلتها وصارت هيج الاتشتكي عليه

كالت عدها ربو شي كتلها لا بس وكعت على خاصرتها هيه كبل كشفتها وكالت

الدكتورة ...سونار ع السريع اريد وايكو وتحاليل دم كامله و وفرولي دم من زمرتها بسررررعه

طارق ...طلعوا عفتهم يسون بشغلهم ورحت على صبري خطيه وكف وكفات ويايه ما انساها ابد .. كتله ها ..

صبري ..اطمن رجعولها ايدها ذيج كاعدة تضحك ..

طارق ..اني ارتاحيت شويه وكلت والله مجان قصدي بس تعصبت لحظه غضب الله يلعن الشيطان

هوه ضل يهدي بيه واستغفر ربك واني خايف تموت وابتلي ورى خمس ساعات وكفه بالمستشفى

جت الدكتوره ركضت هاااا بشري كالت اول شي انته منو كتلها زوجها

الدكتورة ..ثاني شي زوجتك يا افندي مو واكعه على خصرها مضروبه عليها و كليتها متضرره حييييل

وعظم من عظام قفصها مكسور وفايت للداخل ومسويلها نزف واختناق ممكن اعرف من منو تعرضت لهالعنف ..

طارق ..اني سكتت ودنكت راسي جانت لحظات عصيبة مرت كدامي ماعرف شلون اتجاوزها ..

الدكتورة ..يلا على كلً اني ساعدتها شكد ما اكدر عالجت الاكدر اعالجه والباقي على الله وضعها مستقر حاليا

بس مراح اسمح لاحد يفوت يشوفها الا بعد ماتجي الشرطه وتسمع اقوالها لان متعرضه لتعنيف قوي

طارق ..بس دكتوره بس اطمن عليها وكدامج واطلع ..

الدكتوره ..ابد اذا ماتجي الشرطه ما اخلي احد يفوتلها ..

طارق ..خلتني ومشت اني كمت اكل بنفسي وبكلبي بعد هالكتله هاي والله راح تشتكي عليه وطيح حظي

طلعوها من العمليات وفوتوها للغرفه واني احوص لازم افوت الها اذا اشتكت اروح بيها

وسابين هم والله تموتها بيوم وليله انتظرت شويه وغافلت الكل وفتت

شفتها كاعده وتون كتلها شوفي ولج اذا تنقين بكلمه للشرطه اذبحلج ايلين وكدام عيونج واسويها وروح ابوي ..

لتكولين ميسويها الجانت تريد تحرك بنتي ومارف الها جفن اذبح بنتها ومايرفلي رمش فهمتي لو لا ..

ولو جو الشرطه تكوليلهم وكعت على خاصرتي زين هاي اذا تريدين بنتج تضل سالمه ..

عفتها وطلعت بدون محد يشوفني وراها بساعتين جو الشرطه فاتوا اخذوا اقوالها

والدكتوره فاتت وياهم تاخروا يمها ورا ساعه وطلعوا واني كلت طالما تاخروا هالحيوانه اشتكت

سناء ...اغمى عليه وماحسيت شلون اني بالمستشفى اول مافتحت عيوني جانت اكو ممرضه فوك راسي دا تسوي بالاجهزه

كتلها هاي شصاير كالت للتحركين سوينالج عملية مو زين لينفتح الجرح ..

كتلها عمليه ايش كالت ارتاحي شويه ولتخلين ابالج نطيتج مسكن بالمغذي وشويه وارجع اجيك وضعج

طلعت ورا شوي فات طارق هددني واني خفت بعد السوا بيه والله يسويها ويذبح بنتي ..

طلع واني اريد اتحرك ما اكدر احس بالوجع مالت العمليه والخيط احسه يريد ينفتح

ضليت ابجي ساعتين جان تفوت الدكتوره وكالت تفضلوا
فاتو اثنين من الشرطه كتلها دكتوره خير

الدكتورة ...ماكو شي ماما بس انتي متعرضه لضرب بعنف واني اصريت تجي الشرطه تاخذ اقوالج

سناء ..بس اني ممتعنفه وما اريد اشتكي ع احد

الدكتورة ..بنتي سمعي اذا خايفه من هذا عديم الرحمة زوجج صدكيني يتعفن بلسجن اذا اشتكيتي علي هسه

ولا راح يكدر يفلت باي طريقه انتي لتخافين وكولي للشرطه شلون وصلتي لهل مرحله

واحد من الشرطه ...يا اختي انتي اذا قدمتي شكوى تعنيف الزوج ضدج مجرد تقرير الدكتوره راح يسجنه والمحكمه بجلسه وحده تفض لان الادله قويه ضده

سناء ..ردت اعدل كعدتي مكدرت قاطعته وكتله وانتو ليش مصرين انو اني تعرضت للضرب ترا مصار اي شي من الي كلتوا

الدكتوره ...بنتي لتكابرين شوفي وجهج خريطه صاير وكليتج توقفت وتضررت وشلناها

وعظم قفصج مكسور كل هذا وتكولين مو متعنفه انتي شنو من بشر بعد مسوا بيج كل هذا تدافعين عنه

والله فلا يصير براسكم خير دام هذا تفكيركم انتي بس تجرأي والله ايطيح حظه

سناء ...ضلوا يحاولون يقنعوني ساعتين والشرطه توضحلي الي راح يصير بي كتله شوف اخويه اني محاميه اعرف مجرى هالقضيه وين راح يوصل ..

واعرف بالقانون اكثر منك ومنها بس اني ممتعنفه ولا اريد ارفع دعوى ضد احد زين
وهسه بلا زحمه اريد اشوف زوجي

الدكتوره ..عصبت و طلعت عصبيه وضربت الباب قوي

بعدها فات طارق وكعد كال همزين شغلتي مخج وفكرتي الا وجان قسم

بالله خسرتي بنتج ..

سناء ..ما انكر يكدر يسويها لان جنت راح احركله بنته مع العلم اني جنت بس دا اخوفها

كتله موخوفا منك على نفسي لا والله بس على ايلين بس صدكني فلا راح اعديها الك وراح انتقم منك
عصب وصيح عليه

طارق ..شوفيييي لج ايدج اذا تمديها
على سابين اكسرها الج اليوم مامتي بس الجايات راح اموتج والكعبه ادفنج انتي وبنتج ..

سناء ..عافني وطلع واني لااكدر اكوم لا اكدر اصيح احس من احجي الجرح راح ينفتح

بلعتها وسكتت وكلت اردها اله
ضليت بالمستشفى كم يوم وراها طلعوني

طارق ..بعد ماطلعت الدكتوره جان وجها مايتفسر عصبيه تريد تحركني بنظراتها طبكت الباب بكل قوتها وطلعت .

اجا الشرطي وكال تفضل الست سناء رفضت ترفع دعوى ضدك

فتت حجيت وياها وهددتها تعيدها وطلعت اخذت ايلين ورجعت للبيت

عاد بدلت واكلت وخليت ايلين ويه خواتها يم مرت صبري ورجعت للمستشفى وخطيه صبري ضل ويايه وابد معافني ..

ثالث يوم الصبح جت الدكتوره كالت هذا علاجها خلي تلتزم بي وخلي تبدل الضماد للجرح كل يوم

وبعد اسبوع تجيني اشوف عمليتها حركه ماكو ولازم تداريها طلعتها من المستشفى ورجعنا للبيت

فوتتها وتمددت على السرير جو البنات يركضون ايلين حضنت امها وكعدت يمها تحجيلها شلون صارت ايدها وشلون نفصخت ...سابين ماتقربت الها ابد وتين واكفه يم الباب

سابين ...ضلينا ابيت عمو صبري يومين والثالث رجع بي بابا ورجعنا للبيت

شفت ماما نايمه على السرير بس ماتقربت الها وجنت اكرهاااااا ولا اريد اشوفها حضنت بابا وكتله تعال نطلع هيه خزرتني وصاحت وتييييييين جيبيلي مي بسررررعه

وتين ...جفلت من صاحتني رحت ع السريع جبتلها كلاص مي وكالت جيبي علاكة الدوى

وديتلهيا شربت علاجها وذبت العلاكه بوجهي وكالت يلا وديها للثلاجه رحت خليتها ويا الادويه رجعت صاحتني ..

ايلين ..ماما كولي شتريدين اني اجيبه الج ..

سناء ..لااا انتي تكعدين يمي وتين تجيبه تعالي ولج ..

سابين ..اني جنت واكفه بعيد عنها حتى لاتضربني صاحتني رحت الها

ضربتني راشدي كالت مرا ثانيه تجيبين المي بارد مو حار يلاااااا طلعي برا الغرفه طلعت ورحت غسلت وجهي بمي بارد لان الراشدي جان قوي

وكعدت بالطرمه ابجي فات بابا شافني ابجي اني ع السريع مسحت دموعي هو وكف شويه ومادارلي بال وفات ..

اني كمت فتت كلت اكتب الدرس مالتي جان عندي حروف لازم اكتبها واقرا قراءه

بس ما اعرف شلون اقرا والحروف نسيتها شلون جانت تكولها المعلمه

لان غبت كم يوم عن المدرسه كعدت اريد اعرف شنو هالحروف ماعرفت كمت ابجي المعلمه كالت المايحفظ يكف يم سلة الزبل تكرمون ..

سديت الدفتر ورحت على بابا معاملته الي جانت احسن شويه من ماما على الاقل مايضربني دائما

ضليت واكفه يم الباب وضامه الدفتر ورا ضهري شافني كال هاااا خيرج شعندج كتله ما اعرف اقرأ هذا ..

طارق ..شنو هوه شوفينيا

وتين ..طلعتله الدفتر وفتحته كتله هذا ..

طارق ..ماشي تعالي اعلمجيا ..

وتين ..فرحت اول مره رحت اركض كعدت يمه وكعد يعلمني شلون ينلفظ وينطيني امثله علي

اني فهمته وحفظته كتله بابا كال هااا عندج شي بعد كتله قراءه بس اقرالي اياها

كال جيبيها ع السريع رحت اركض فتحت الجنطه وطلعتها وكعدت يمه كام يقرا وكملها ..

طارق ..يلا تعالي اقري ..

وتين ..المعلمه متريد هيج نقرأ

طارق ..لعد شلون ؟

وتين ..معرف يعني مو نفس ما انته قريت

طارق ..اهاا قصدج تهجي تريد فهمت

وتين ..كام وتهجى الحروف كلها الي هوه يقرا وصوته عالي واني اردد ورا

كمل وكال يلا اقريها جنت احفظ بسرعه واستوعب بس جنت احتاج متابعه وتعليم كملت وقريتها ..

طارق ..اي عفيه طلعتي شاطره يافصعونه ..

وتين ..اني ضحكت وكتله شكرا كمت شلت الدفتر والقراءه حتى اطلع جان يصيحلي ..

طارق ..تعالي تحتاجين حذاء اعتقد حذائج قديم وصغر عليج بلليل اخذج اشتريلج واحد ..

وتين وهيه طايرة من الفرح ... تكول مو حذاء راح يشتريلي عبالك الماسه فرحت طرت

كمت ابوس بي ورحت اركض كلت لسابين ولايلين جانت الفرحه مو سايعتني حبيت هالشعور من احد يهتم بيه او يجيبلي شي

وجان يندك باب الحديقه وساعه 6المغرب طلع بابا يفتح الباب

طارق ... جنت دا اتوضى حتى اصلي ركعتين قبل ما ياذن المغرب وندك الباب

رجال طويل مو كبير بالعمر مبين شاب وبالكليه يمكن يدرس كتله هلا عيني اامر كال مايامر عليك ظالم هذا بيت الاستاذ طارق
اي نعم تفضل

اني عماد

طارق ..اهلين بيك بس انته مو من هنا مشايفك

عماد ..اي نعم صح انا مو من هنا بس بلا زحمه انته زوج سناء ..

طارق عكد حاجبه باستغراب وكله ..اي تفضل شلون تعرفها

عماد ..اني اخوها

طارق بصدمة ...شنوووووو ؟؟!!!!!

وللحكاية بقية ..

يؤسفني كثيرا حين أفكرُ أني في هذا العمر متخصص بالتفكِير في الموت 💔

يتبع ...

#الانتحار

#بارت10


طارق بصدمة ....شنوووووو ؟!!

وراها صحيت ع نفسي وكتله لا اخويه يمكن غلطان سناء ماعدها اخوه

عماد ..سناء بنت فلان جدها فلان
مو صح

طارق وهوه يحاول يستوعب السالفه .. اي تمام صحيح

عماد ..لعد مو غلطان بالعنوان وانته الاستاذ طارق ناظم حسين

طارق ..اي صح كلامك

عماد ..واختي عدها توأم منك

طارق ..نعم بس انته شلون تعرف كل هالشي

عماد ... ابتسمت لانو تفاجأ كتلك استاذ اني اخوها ابن ابوها وجاي اشوفها واطمن عليها وعندي منها طلب هم

طارق ....اوووووه نصدمت من عرفت عدها اخ وهذا اصغر منها يعني ابوها متزوج نسوان ثنين

واكيد همه ميعرفون والله يعمي حتى بعد موتك ضلت عندك اسرار

عماد ...راح تخليني ع الباب

طارق ..اها لالا العفو تفضل اعذرني بس نصدمت وممستوعب تفضل ادخل

فوته للاستقبال وكتله اتفضل لبين ما اجيبلك مي واصيحلك سناء

فات الرجال للاستقبال واني رحت صيحت سناء شفتها جاي تبدل بلاستر الجرح كتلها ولج سناء ..

سناء ...ها خير ياطير

طارق ..ولج تعالي اكو ولد برا يعرفج

سناء ..اي وشيريد

طارق ..غير ماتدرين ابوج طلع متزوج اثنين يحظيييي وانتوا ماتدرون

سناء ..طارق بله بلا مهزله مو ناقصتك اني

طارق ..ولج والله طلع متزوج اثنين وهذا عماد بالاستقبال اخوج ويريد يشوفج بدلي وتعالي ..

سناء بقت متسمره بمكانها وصافنه شديحجي هل رجال ....ماصدكت كلامه بس صار عندي فضول كلت اكيد مخربط ..

بدلت البلاستر اشون ماجان وكلت اشوفه وارجع اضبطه زين لبست وطلعت اول مافتت كام ولد شاب صغير بالعمر ابتسم ..

عماد انتفض من دخلت سناء وكال ..سناء موووو لساتج مثل ما انتي تشبهين شويه بابا اعرفج بنفسي اني عماد واكون اخوج من ابوج

سناء بذهول ...ضليت واكفه واصفن هذا شدايحجي تخبل اكيد بعقله خلل مستحيل ..

كتله لا اكيد انته مخربط اني بابا الله يرحمه متزوج بس ماما وعن حب وضل يحبها لحد ما مات ولو جان متزوج اثنين جان عرفنا وبابا ابد ميخون ماما ..

عماد وهوه يحاول يفهم اخته الموضوع كعد وكال ..امج مجانت تدري وبابا اقصد ابونا بعده عايش ماميت مثل مامتصورة انتي

سناء ..صدمني بكلامه هذا شديخربط انوب من صدمتي كمت اضحك كتله مو كتلك مخربط عيني اني بابا مات بحادث سيااا ....قاطعها عماد

عماد ...سياره واحترك وما عرفوا من شكله بس من مستمسكاته مو ..سناء انتي محاميه جان لازم تسألين شلون هوه احترك ومستمسكاته ضلت سليمه

سناء ..مشيت ليمه بعصبيه وكتله شوووف ولك اذا داتلعب وتتسلى مو ناقصتك والله

واني ما اعرفك والي اعرفه كتلك ايا بابا مات افتهمت ماااااااااات وماكو غير امي بحياته وامي توفت وهيه كلها ثقه بي

ف مال تجي تحجي طالع نازل اعذرني وتفضل بلا مطرود اني لازمه جرحي لاينفتح واصك على سنوني ..

عماد ..اختي بس اهدي نتفاهم مو زين على عمليتج

سناء نصدمت فتحت عيونها ع وسعهن ...هذا شلون يعرف بعمليتي
كتله وانته شلون تعرف بيها ..

عماد ..مو كتلج اخوج ومتابع كل اخبارج جنت انتظر لحظه مناسبه افاتحج بيها ظنيت انو هسه لازم تعرفين لان خفت عليج وخفت اخسرج ..

سناء ..بنفاذ صبر كتله انته واعي شدا تحجي

عماد ..عندي اثبات

سناء ..اي بله وشنو اثباتك

عماد ...هههه اهدي بلا عصبيه يبوووو مجنت متوقعج عصبيه هيج اكيد ماخذه هالطبع من امج لان بابا مو عصبي

المهم تفضلي هاي صورتي اني وابوية وامي وتكدرين تصدكين بيه لان اخذتها البارحه

سناء ....مصدكت سحبت الصوره من ايده ولني من صدك بابا بيها لا يالله هاي شنو شديصير مستحيل ابوية مات ماااات هذا منو بقيت ادحك بالصورة وفاتحه حلكي مصدومه

يا اصخام هاي شنوو هذا فعلا ابوية وهل شخص يمه بالصورة جنت اباوع عليه واباوع ع الصورة بحيث حسيت صار عندي ثول براسي

طارق ..جنت بس اصفن عليهم هذا شملوص بحياته عمي مو على اساس مات حرك شدايحجي

والله لينكلب البيت اليوم ويعلك للصبح شورطني وفوته اني ونوب طلع عمي عايش ومزور مماته هلا هلا

وانوب هاي راح تطلع عينها اذا صدك ابوها عايش والله راح تسبيني سبايا ويقوه ظهرها وتكوم تتشجع بي

سناء ..ذبيت الصوره بوجها وكتله تفضل اطلع برا هذا مو بابا جان عندي اب وتوفى

عماد ..اسمعيني فدوه صدكيني بابا محتاجج هسه
ف تعالي فدوه شوفي سمعي كلامه الي بكلبه وبعدين حكمي علي مره وحده سمعي وبعدها قرري

سحبته من ايده وطلعته برا وطبكت الباب قوي بوجها
طارق يباوعلي باستغراب وكال طلع عندج اخ وماندري

عفته لان اعرفه يريد يستهزء بيه رحت نزعت ملابسي وشمرتها ع الكاع وصحت ووووووتين تعالي جيبي علاكه الدوة بسرررعه

وتين ....سمعتها تصيح رحت ع السريع وديتلها العلاج وجانت عصبيه نار رفعت ايدها تريد تضربني وصاح بيها بابا ..

طارق ..قسما بالله اذا مديتي ايدج عليها اكسرها فاهمه ولا لا ..

سناء ..وانته من شوكت تدافعلها

طارق ..وانتي ليش طولان لسانج روحي طولي على ابوج الي شمرج مثل الجلب وشرد مو عليه ا

كصه وادوسه بنعالي ترا ماعندي هيج نسوان اني
تعالي وتين اكلي لكمه وبدلي خلي نطلع نجيبلج حذاء مدرسه ..

وتين ..رحت مكيفه اول مره بابا يوكف ويايه ويدافعلي جنت طايره من الفرح ع السريع اكلت وطلعنا ..

سناء ..جان الشرار يطاير من عيوني كملت ضماد جرحي وكعدت افكر معقوله بابا هيج سوى بينا

معقوله معقوله يزيف وفاته علمود يخلص منا وكل هالوكت وين جان يربي وامي ماتت قهر علي ..

وتين ..((طبعا بيبي صح قاسيه بس جانت تموت على جدو ضلت تحرك بروحها بعد وفاته القهر اكلها كثير وصار عدها ضغط وتراجعت حالتها الصحيه حيل الى ان ماتت بغداد ))..

سناء ..واني شصار بحالي معقوله يطلع عايش كل هالوكت وما يكول وين جان شلون مانكشف ضلت تدور هالامور براسي ونمت بلا اكل

نروح شويه لقضاء حديثه نحجي عن فرقد واحمد لبين ما يطلع الصبح على عائله طارق

فرقد جان فايت ٢٠ يوم بلشهر الثاني اقصد ولد ٢٠/٢/١٩٩٠ فزور ولادته حتى يدخل المدرسه من وكت لان جان راح تطير منه سنه فدخل المدرسه بعمر ال ٦سنوات قبل اونه

والده عمو علي جان عنده قطعه ارض كبيييير كلش وجانت ماشاء الله دامتهم دم بخيرها

وضعه جان كلش زين بالاضافه لمحلات جمله واسواق ف احمد كان ويه ابو يساعدو وفرقد ملتهي بالمدرسه وبيوم من الايام كعد فرقد وكال لابو

فرقد ...ياب اريد اتزوج سابين هسه ...
الكل ضحكو على سالفته بابا والله اريدها تجي يمي اريد اشوفها واني اذا تزوجتها يعني اكدر اشوفها كل يوم

عمر فرقد بهذاك الوكت جان ١٢ سنة

عمو علي ..ادلل بس تكبر ازوجها الك

بيبي جانت كلش مو تمام صحتها ومتدهوره اوضاعها والكل خايف عليها عمو عمار تعارك بعد وفاة جدو وراد الورث ينقسم وصارت مشكله ومرته متتوالم ويه مرت علي و ويه بيبي ..

وجانت مشاكلهم كثيره عاد باعو نص البيت هدو وباعووا قطعه الارض مالته ونطوا فلوسه لعمار

الي راح بنه بيت اله يسرح بي الخيال بعيد عن اهله بنته غسق جانت كثير خبيثه وحقيره ومدلعه ماتنجرع وانانيه بشكل ...

بحيث اذا رحنا نزور بيت جدو تضل تضربنا او تسويلنا مشاكل تكرهنا تموت منا وخصوصا انو بيبي تحبنا اكثر منها واحمد يضل يجيبلنا شغلات وميحسب حسابها ..

اما ابنه حامد جان مسوي نفسه شيخ ومحد كده ومرته هواي تسلطت على الكل والي تريد تمشي كلمتها غصب عننا ..

وضل نص بيت جدي الي ضل ساكن بي عمو علي وبيبي وفرقد وهاجر وامهم

جانوا ميحترمون بيبي ودائما يفشلوها فجانت تكرههم ومن جانت تريد تفوت تنام جانو يزعجوها وميخلوها تنام

......نرجع لبيت طارق وسناء .......

كعدت سناء الصبح
اكول طارق هذا عماد وين ساكن

طارق ..خيرج شكو

سناء ..اريد اروح واشوف شنو عذر بابا وليش تركنا هيج

طارق ..اهااااا اي ساكن حاليا بالقائم

سناء ..اها تعرف مكانه حتى توديني

طارق ..اي بس مو اليوم عندي شغل اجليها لباجر

سناء ..اي براحتك
فكرت كثير وردت اروح اشوفه واني اتمنى يكون عذره مقنع اريد اسامحه محتاجته يمي حيل بس لازم اسمع حججا شنو
انتظرت على نار اروح اشوفه ..

ثاني يوم كعدت الكل من الصبح بدلت لايلين والبقيه معليه بيهم همه بدلوا وكعدت طارق يلا حتى تلحك توصلني

طارق ..ول يابه شعندج من الغبشه منو كاعد هسه حتى الديج بعده نايم صبري خو ما راح يطير ابوج هياته مات ورجع احتيا

سناء ..دكوم بلا هالسوالف يادوب تكمل

طارق ..امري لله كمت بدلت وتريكت شفتها محضره كلشي كتلها يلا خلي نمشي لخارج المحطه وناخذ سياره مناك

تمشينا وصلنا للتقاطع واخذنا سياره ودليتها العنوان وراها وصلنا الرجال نزلنا بيت كبيييييير كثير

هذا مو شكله ايجار محد ياجر هالبيت لنفر واحد دكينا الباب وفتحه عماد تفاجا بجيتنا مجان متوقع جيتها بهالسرعه ..

عماد ..ياهلا تفضلوا تفضلوا ..

طارق ..فتنا على استقبال كبير وفخم ملكي وسناء مصدومه من العز الي تشوفه كدامها

كعدنا وكال هسه اجي انتظرنا فاتت مره مو كبيره بالعمر سلمت علينا وبوست سناء والبنات وكالت اعرفكم نفسي اني زوجه (...)

سناء ...فاتت علينا مره صغيره بالعمر بوستنا وعرفت عن نفسها اني زوجة (....)

انصدمت هاي بعدها بنت صغيرة اني شوفني صورته عماد ويه امه وبابا بس ما ركزت عليها

اني اصلا ما شفتها كل تفكيري جان مصبوب على بابا كتلها لو اعرفج زوجته مجان سلمت عليج ...

بعد ما كملت كلامي جان ينفتح الباب وفات ابويه وعماد لازمه من ايده

اني انداريت وتصنمت بمكاني هذا بابا شدايسوي هنا تخبلت لا يربي هذا صدك عايش

رحت علي بدون وعيي وصرت قريبه منه وكتله انته ليش عايش مو جنت ميت ليش بعدك عايش

ابو سناء ..بنتي ياريحتي اووووووف لو تعرفين شكد اشتاقيت لصوتج تعالي احضنج ..

سناء تتقرب من والدها بخطوات لا اراديا وهيه عيونها بعيونه ومصدومه بشوفته

ولزمته من ياخته وكلتله انته شداتحجي احجييييييي انته منو مستحيل تكون بابا وين جنت كل هل سنين كلي وووووين ليش هيج سوييييت احجي ..

مرته تحاول تهديني دفعتها رادت توكع ولزمها عماد واني اريد اطلع بروحه

جا طارق يحاول يهديني

بس ما كدرت كلبي جان مشتعل نار وعماد وكف بيني وبين بابا وصيح عليه ..

عماد ..اذا ماجايه حتى تتفاهمين وتسمعين تفضلي طلعي برا ..
ترا بابا مريض وماريد اخسره ..

سناء ..باوعت علي وضحكت كتله ماتريد تخسره زين واني من خسرته وجنت بامس الحاجه اله ليش ماكال بنتي تحتاجني ليش تخلى عني هو تخلى عني مره وراح يجي يوم يتخلى عنك هم صيح بوجهي وكال ..

عماد ..هوه ماتركج لحظه جان عايش ويانه بس فكره وباله كله يمج الصوج من امج الي اخذت وصله من عمره بسبب طمعها واتكيتها ..

انتي خطيتج بركبة امج هيه السبب الي دفع بابا يزور مماته حتى يخلص منها ...

سناء ..اني رصيت على ايدي وردت اكتم وجعي حسيت نفسي اختنكت

ردت وجع كلبي وخنكتي تروح وبكل ماعندي من حيل صحت يكفييييييييي رجيت البيت رج حسيت جزء صغير من وجعي طلع بس بعدني اريد اطلع بروحه كلت لطارق يلا نطلع ..

ابو سناء وهوه يحاول يتوسل ببنته ..بنتي سامحيني الله يخليج صدكي مو ذنبي من عفتج ..

سناء دارت وجها علي وصكت سنونها بعصبيه وكلتله لو صدك الي تكوله
ولو صدك امي السبب بتركك الي

جان رجعت و وكفت كدامي وساندتني من ماتت صح جانت انانيه صح جانت طماعه

بس حبتك وماخانتك وضلت تبجي عليك
فراكك اخذ وصله من عمرها

موتك هيه الي موتت ماما جنت ارجع للبيت اشوفها حاضنه ملابسك وتبجي ...

انتو الاثنين مازرعتوا بكلبي الحنيه ولا الحب ولا علمتوني شلون اكتسبها وانطيها الحنان

اني ام ل 3 بنات بس ماكدرت اكون امهم اني ما انصفت بس وحده يمكن لان شفت نفسي بيها

يمكن لان ردت اربيها تربيه تختلف عن تربيتي

تزوجت من شخص مااحبه ولابعمري راح احبه بس علمود اشيل شويه من حملك الثقيل بس لان ردت اساعدك

وتدمرت حياتي بسبب هالخطوه ومو بس حياتي وحياة زوجي والبنات
اعرف دا اقسي عليهم كثير وما انصفهم بالتعامل

وهذا الشي مو بيدي اكو غضب بداخلي مدا ينطفي نار مشتعلة من سنين وانتوا السبب ..

ربيتوني ع الانانية الكره والحقد والانتقام وكبر هل شي ويايه لحد ما طبقتو ع عائلتي ودمرتها

احس اني داسوي شي غلط وشي مستحيل اي بشر يستوعبه بس ابقه مصره اسوي ليش مادري

((وتين ...سناء جانت تحجي بانهيار وبدون وعي والدموع اول مرة تنزل بصدق منها وجان ابوية مصدوم من كلامها لان اول مرة يسمعها هيج تحجي))

سناء ...جنت راسمه حياتي بشكل وصارت غير شكل هذا الشي ثقيييييل عليه ما اكدر اتحمله لهذا كل ما اشوف هذول الثنتين
((جرت سابين و وتين ))
اطلع كل غضبي بيهم من همه وصغار عانو بسببي واعرف اني مو ام رحيمه ولا راح افوت الجنه بتصرفي لان خليتهم يعانون كثير وكل هالشي بسببكم ..سويت بيهم اعمال محد يستوعبها لان اني اصلا مداستوعب شلون اسوي بيهم هيج

دفعت بناتها واتقربت ع ابوها واشرت باصبع ايدها السبابه وكالتله

بس احب اكلك شغله وحده اني ماجان عندي اب ولا ام

لان بابا جان مشغول بالدوله وماما بالمضاهر الكذابة كلشي جنت اسوي جنتوا توافقون علي صح او غلط مايهمكم بس علمود تخلصون مني ..

وافهم كلش زين انته ماضل مكان الك بحياتي ولاتحاول ابد تتواصل ويايه لان انت بالنسبة الي متت فعلا ودفناك من ذاك الزمان

وانسه عندك بنية لان اني اصلا ماعندي أب واياني وياك ترجع اتدز عليه ابنك هذا لان اني شلعت گلبي من مكانه

وكتبت ع نفسي القسوة والعنف الى ان اموت يعني أيس بنتك ماتت مثل ما انت متت

سابين ....ماما اخذت ايلين وطلعت وراها بابا سحبنا وطلع والطريق كله هدوء وماما بس دموع تجري من عيونها

اني مجنت افهم هذا منو لان اصلا ما وعيت على جدو ولابيبي فمجنت افهم شديصير

طارق ...عصرت كلبي عصر من اعترفت بحقيقة زواجها مني عبالك سجاجين فوتتها بنص گلبي وكطعته اتكطع

جنت رايدها حب حياتي والله ردتها بالحلال شصار
ليش هيج تغير الحال ليش يربي

جنت اعرف بحقيقة زواجها مني من زمااااان بس انو تعترف كدامي هالشي ماتحمله

كلبي جان يوجعني طول الطريق وماحجيت كلمه ..جنه بس نسمع صوت انفاسنه الي دتطلع من صدرنه بحرقة ووجع

بس دليت السايق على بيتنا اول ما وصلنا ضليت كاعد بالحديقه ومخنوك احس هوه
ماكو

اريد اتنفس يربي شلون صح اكرها صح ما انام وياها بس اشتاق اشوفها واتذكر اول ايامي وياها ..

اكو بعد حب بكلبي تجاها بس هيه متحبني شكو لازك بيها يكلبي

ااااااخ يا ابويه لو ضاربني بعوجيتك على راسي ومسويلي فقدان ذاكره الها كثير احسن من زواجي منها

جان نسيتها جان ماكرهتها لهالدرجه جان ضل حبي الها صافي واكول بمرور العمر قسمه وما صارت الله يسعدها اووووووف

ايلين .....وصلنا للبيت الوضع كان متكهرب بابا برى يشرب جكاير وماما متمدده على التخت وتبجي بدون صوت

واني وسابين و وتين مو فاهمين شي
بس كان هذا الهدوء الي يسبق العاصفه الجايه ...

اجت وتين عليه واشرتلي من الباب بمعنى تعالي بست ماما غطيتها وطلعت كتلها ها توته شبيج عمري

جانت عيونها مغوركه
كالت باجر املاء وماحفظت راح تكتلني المعلمه

ضحكت وكتلها تعالي جيبي شعندج وتعال ادرسج ايا راحت ف

رحانه

كعدنا اني و وتين وسابين
بالغرفه وكلمن ملتهي بدرسه وكتابته ونتناوب اني وايلين ندرس وتين

انقهر عليها لا هيه بصف بابا ولا هيه بصف ماما مظلومه من الجهتين

ضلينا نقرا الا ان كمنا كل دروسنا وتين كالت جوعانه

كتلها اني هم كالت خلي نسوي لفات جبن وناكل

رحنا فتحنا الثلاجه وكعدنا ناكل سابين راحت تشوف بابا وتصيحه ياكل ويانه بس ملكته ..

اكلنا ورجعنا كلشي بالثلاجه وما وصخنا صحون كثير جانت سابين تغسل بيها

واني امسح بالميز و وتين داتكمل لفتها ما حسينا الا ماما بالمطبخ والشر يتطاير من عيونها

سابين ...نداريت وشفتها جان الشيطان راكبها او يمكن هيه الشيطان نفسه لان وجها مايتفسر مو وجه أم كدامها جهالها

وتين ناعمه وصغيره شالتها من ايدها وشمرتها برى المطبخ وكعت على المزهريه وانشك راسها وغركت بدمها

انا كمت ارجف اليوم لامحال راح اموت ماكو سبيل انو اعيش ابد هاي الشر يتطافر منها ..

لزمتني من شعري واني اصيح ماما عوفيني والله مسويت شي وضلت تجر بيه الا ان فوتتني للمخزن

بالمخزن اكو السخان مال المي معلوك وهو صغير وكله غراض قديمه واني لازمه ايدها الي تسحب بيها شعري ..

فاتت وقفلت الباب ضلت تضربني راشديات واني اصيح ماما مسويت شي اسفه اسفه عوفيني امانه مسويت شي

جنت ابجي واصيح عليها وهيه فاقده تضربني وكانو مره كبيره جوا ايدها مو طفلة وجاي تضربها

ولا كانو اني بعدني بنت ٨سنوات شفتي طكت دم ولزمت راسي دكته بالسخان ..

ورجعت شالتني وذبتني بالكاع جانت وحش مو ام ونكسر سني بالنص

واصيح عليها ولا ترد فجأة كام يندك بابا المخزن بكل قوه اني فقدت

ما احس بوجهي براسي بجسمي داست على ايدي قوي وهيه سمينه شويه حسيت بعظامي تكسرت ..

سمعت صوت عظامي تتكسر بهذيج اللحظه حسيت روحي جاي تطلع صرخت بكل قوتي ااااااااااااااااه ونكسر الباب وراها شصار ما اعرف

ايلين ....من فاتت ماما وهيه بهاي الحاله وسوت الي سوته بسابين و وتين بابا مموجود

ومو مال اطلع ادوره ركضت لعمو صبري دكيت الباب ما طلع ضليت ادك مثل المخبله بس محد طلع ردت ارجع للبيت طلعت اركض من حديقتهم ..

شفت رافد ابن عمو صبري جاي يفوت للبيت شافني ابجي ومفزوعه وهدومي بيها دم ..

رافد ..هاي شبيج شصايرلج وين وكعتي شوفي هدومج ليش هيج كلها دم ..

ايلين ..اشهك وكوه الكلام اطلعه كتله راح تموت تعال راح تموووووووت واسحب بيده

يكلي منو ....اسحب بي هوه جا يركض اني اركض كدامه فتت هو شاف وتين بالكاع وسابحة بدمها

انصرع بمكانه بصدمه خبلته المنظر بشع طفلة مضروبة بصورة عنيفه وحشية ومفجعه ...

وللحكاية بقية ..

- جسدي مرهق ،عقلي متحطم ،داخلي
نيران تحترق ،عقلي يكاد ينفجر لا اعلم
ماذا بي؟ لكن فقط اعلم اني اتألم حد السماء السابعه 💔

يتبع ...

لتستغربون من تصرفات هل أم لان اكو جثييير من امثالها الي منزوعه من قلبها الرحمة والامومه واعرف ناس مثلها كانت تضرب بنتها بقفل الحديد ومعيار ابو خمس كيلوات لحد ما البنية هسه كبرت وصار بيها خلل بالدماغ من كثر الضرب ...شنكول بس الله يجازيها ويبعدنه من هيج نماذج

#الانتحار

#بارت11

.............................

شاف وتين بالكاع وسابحة بدمها انصرع بمكانه بصدمه خبلته المنظر عنيف طفلة مغطاية بدمها ..

ركض ع وتين راد يشيلها كتله فدوة عوف وتين اصعد فوك راح تموت ..

رافد ..جان جسمي كله يرجف من الخوف ع هل طفلة ردت اشيلها انوب كلتلي مو هاي اصعد فوك راح تموت اختل عقلي مداستوعب الي الشي الصاير كدامي

اتخبلت يربي يعني اكو اعنف من هل شي بعد ..كتلها شنو منو فوك وطلعت ركض ع الدرج ...

ايلين ..طبعا المخزن مالنا بالسطح سمع صوت سابين تصيح وتبجي بهستيريه وماما تضرب بيها

دك الباب بكل قوته محد فتحه بعدين صاحت سابين ااااااااااااه بكل قوتها هوه تخبل دفر الباب قوي مرتين ونفتح شافها بالكاع وجها مايتفسر ..

شفتها تنزف امي دايسه على ايدها دفرها رافد برجله وشال سابين وطلع يركض

شغل سيارته واخذ وتين وبوجها للمستشفى ماما من وكعت نفتح جرحها

صاحتني اني ما درتلها بال طلعت اركض انهزمت

رافد ...انا رافد ابن صبري مسيحي وعايش جيران الاستاذ طارق

طويل وضعيف وشعري اسود عمري ٢٣ سنه وعيوني زرك على بابا وابيض

جنت اعرف انو هالعائله متفككه وعدهم اجرام وعنف مو طبيعي

ومابينهم رحمة لان على طول مشاكلهم عالكه ونسمعها بيتنه لزك يم بيتهم

وعلى طول يروحون للمستشفى بسبب الضرب الي تحصله سناء من زوجها ..

وجنت انقهر على البنات لان عايشيين بهيج وضع كله تعنيف وضرب ورعب بس مابيدنا شي نسوي الهم ..

وبيوم جنت راجع من يم صديقي للبيت وشفت باب الكراج مفتوح ركضت

عبالي حرامي لان اهلي ماصارلهم ساعه من راحوا للسوك مايلحكون يرجعون لان الطريق للقائم ساعه

شفتها تركض طالعه من البيت ملابسها كلها دم عبالي البنت واكعه سألتها

كالت راح تموت جرتني عرفت اكو مشكله بس ماعرف شلون مترددت

فتت ركض للبيت شفتها بالكاع مدمايه سحبتني حتى اشيلها واوديها للمشفى

بس جانت متهستره وتعيط واتأشر فوك تكلي راح تموت وفعلا سمعت صوت صياح جاي من السطح ..

ركضت سويت الدرج خطوتين وطلعته سمعت صوتها تستنجد وتصرخ بحيث صوتها شتت تفكيري ...كمت ادفر بالباب مال المخزن ادك ماكو مينفتح

ونوب صرخت صرخه اني كلبي حسيت واحد وسحبه مني حسيت بيها شكد متوجعه

اووويلي يالله انطيني القوة حتى انقذ هل طفلة من جوه ايد هل ظالمة جمعت كل قوتي وبرجلي

دفرته دفرة قوية وانكسر شلت الباب بيدي وذبيته شفتها المراة عبالك متلبسها جني

ونوب دايسه على ايد سابين وهاي الطفلة وجها مايتفسر اتخبلت طلعت من طوري

مدري شلون ضربتها دفره على بطنها واخذت سابين جانت فاقده

ركبتها بالسياره واخذت وتين لفيت قطعه قماش مال برده شكيتها ولفيتها على راسها وخليت منشفه جوى راسها وطلعت بدون تفكير للمستشفى

وبنص الطريق تذكرت ايلين ضلت بلبيت يربي هسه شلون والله راح تموتها

وجان اداور السياره حتى ارجع شفت سياره شرطه عرفت رايحه لتيوان

كتلهم ع الوضع وهمه يعرفون بيت الاستاذ طارق وكتلهم استعجلوا لحكوها لاتموتها

همه شخطوا بالسياره وراحوا اني رجعت داورت السيارة وطلعت للمستشفى

اول ما فتت صحت لحكوووني بنات ثنين راح يموتون لحكووووني اجا الممرض كال بسرعه سديات اثنين

سحب وحده وطلع يركض والممرضه جابت الثانيه ووياهم دكاتره طلعوا يركضون ..

فتحت الباب اول ما طلعت وتين لان نزفت كثير والسياره كلها دم

وبعدين سابين الجانت فاقده ماعرف عايشه ميته ماعرف حتى نفسها ماكو

ماشوف صدرها يتحرك من تتنفس اني عبالي وتين وضعها اسوء طلعت سابين ميته ومو حاس عليها ..

ركضت الدكتوره وجانت خايفه لايصير شي ع الطفلة فحصتها كالت بسرعه جهاز التنفس

وحضروا غرفة العمليات بسررررعه جيبوا جهاز صدمات الطوارئ الي جان بغرفه الطوارئ قريبه ع الباب

فوتوها وبالجهاز خلوا جهاز الصاعق الكهربائي ع صدرها وضربوها صدمات كهربائية

حتى يرجع قلبها ينبض ربع ساعه همه يحاولون وياها واني ادحك عليهم من الباب والطم

ماتت يربي ماتت بعدها صغيره شنو سوت حتى هيج تعاقبها ..الله ينتقم منج يا امها لا مو أم انت مجرمة ولازم تتحاكمين ع شر اعمالج

بقيت الوب

وافتر بالممر رايح راد وادك ع راسي وادعي الله ينقذ هل بنات من هل عائلة المريضة نفسياً

ورا نص ساعه مرت طلعت الدكتوره تركض كلت اكيد راح تموت

ورجعت بعد ٣ دقايق جايبه وياها دكتور فاتوا وضلوا قرابة ساعتين جوه

واني احوص اشوفهو يفوتون صوندات بحلكها وابر يضربوها وجهاز تنفس شدولها وطلعوها ركض للعمليات ..

كالو وقع كتلهم شنو كالوا كلشي يصير على مسؤوليتك البنت جبتها ميته

مختنكه وكوه لحكناها لو متأخر جان ماتت هسه وقع لازم عمليه

كتلهم اني مو ولي امرها اني ابن جيرانهم

الدكتوره ...وشلون منكدر نفوتها عمليات اذا ما احد يتكفل بيها ع السريع وقع دنشوف شغلنه

رافد ...معرف شلون لزمت القلم و وقعت كتلها دكتوره راح تعيش مو ..

الدكتورة بتعب ..ابني البنت جبتها ميته جاي اكولك كوه خليناها تتنفس تكلي راح تعيش

اني افوت اوكفلها النزف واعالجلها ايدها مطحونه طحن ورئتها متضرره اني مهمتي اعالجها تعيش تموت بيد الله مو بيدي ..

رافد ..وراحت تركض وكالت للممرضه دبري دم من فئتها روحي لبنك الدم بسرعه

فاتت للعمليات واني بمكاني الله وكيلكم ماتحركت معرف شسوي گلبي يرجف اعصابي تلفت من القلق والخوف يربي شنو هل حرب النفسية

فجاه تذكرت وتين رحت اركض فتت للغرفه شفت دكتوره جاي تخيط براسها

الدكتورة ...انته شلون تفوت هنا متشوفني جاي اخيطها والغرفه معقمه اطلع بسرعه

رافد ...طلعت ونتظرتها ورا ساعه طلعت ..

ها دكتوره شبيها

الدكتورة ..ي لا مابيها شي عدها العافيه خيطت راسها وشكلتلها دم وانتظر يخلص الكيس ونرجع نفحصها بس تفيق

بس لاتفوت عليها هسه خلي يجي الدكتور يفحص راسها وبعدها فوت ..

رافد ...كعدت بالممر لازم اخابر اهلها تاخر الوكت ساعه ١٠ بالليل رحت للبداله خابرت رد عمو حامد

((حامد الي يكعد يم البداله اي واحد يخابر يرد علي وبعدين يدز ابنه للبيت الي جايا المكالمه اله ))

رد عليه كتله عمو حامد بس بيت طارق بسرعه كال اي ابني انتظر انتظرته تاخر يلا جا لان بيته بعيد عن البداله كال الووووو ..

طارق ...رجعت للبيت ساعه عشره مخنوك واريد بس انام ماريد اشوفها ولا احجي وياها

فتت باب الحديقه مفتوح وضوه الكراج مطفي معقوله نامو !!!!

فتحت باب البيت وفتت شفت الكاع كلها دم لا يالله هاي شنو المجزرة الصايرة هنا سترك ربي ...

طبيت كبل لغرفة البنات مالكيت ولا وحده فتريت بالبيت اصيح اريد احد يرد عليه محد رد

تالي طلعت مثل المخبل افتر بالشوارع وياهو الاشوفه اكله شفت بناتي مرتي محد اكو بلبيت

تالي رجعت ع السريع اخذت فلوس واطلع واني اركض صاحني ابن عمو حامد

ابن حامد ..استاذ طارق استاذ طارق لحظه عندك اتصال مستعجل

طارق ... من منو

ابن حامد ...والله ماعرف استاذ

طارق ...ركضت عسى خبر عن اهلي وصلت شلت السماعه الوووو الوووو منو انته

رافد ..استاذ طارق اهدء اني رافد سابين و وتين بالمستشفى سابين حالتها خطره

وفوتوها لغرفة العمليات واضطريت اتحمل مسؤوليتها واوقع عنها

طارق بصدمة هدت الدنيا ع راسه ....شنووووو انته شجاي تحجي وشبيها سابين شصايرلها

رافد ..استاذ طارق والله ما اعرف شكلك تعال واشرحلك الشفته بس كلي طمني ايلين بخير

طارق ...ليش ايلين وينها مو وياك

رافد ...لا والله ضلت بالبيت هيه والست سناء

طارق ...بس ماكو احد بالبيت

رافد ..لا شلون اني دزيت الشرطه عليهم خفت لاتموت ايلين هم لان جان وضعها مو طبيعي

طارق ..منو الوضعه مو طبيعي تقصد سناء

رافد ....اي نعم استاذ اتمنى تجي هسه للمستشفى لان اني وحدي هنا والبنات محتاجيك

طارق ...اي اي لحظه مسافة الطريق واصلك

رافد ...مع السلامه

طارق ...رحت ركض لمركز الشرطه حجيت ويه الضابط كال

الضابط ...اي فتنا للبيت واعتقلنا زوجتك بي جان تنزف واخذناها للمشفى وبنتك ايلين للاسف مالكيناها

طارق ...كلامه صعقني صحت بوجهه شلون مالكيتوها يعني نشكت الكاع وبلعتها

الضابط ....استاذ لاتعلي صوتك واعرف ويه منو جاي تحجي كتلك اقتحمنا بيتك ومالكينا بس زوجتك

والدم الي ع الكاع وباب المخزن المكسور وبنتك ايلين مالها اثر ودورنا بكل البيوت ورفعنا نداء الها هم مالكيناها ..

نتمنى تهدء وتساعدنا نلكاها حتى دزينا دوريه للصحراء يشوفون خاف عبرت السياج وطلعت هناك

بس مشطنا مكان واسع مو مال طفله تقطع هالمسافه لان طريق بعيد ووعر واظلم

طارق ...خليت ايدي على وجهي ومسحته حتى اهدء لان مابقت اعصاب عندي

وكتله اتمنى تلكوها لان بناتي اثنين بالمستشفى وهسه محتاجيني لاجراءات ضروريه واني ما اعرف شصار الصراحه هسه رجعت

الضابط ....استاذ طارق مرتك راح تبقى موقوفه بتهمه الشروع بالقتل وانته من ترجع تعال للمركز

طارق ...تمام حضرة الضابط الله يقويكم

طلعت معرف وين اروح على سابين و وتين لو على سناء لو ادور على ايلين

اوووف شنو هل مصايب يالهي فدوة اروحلك ساعدني ع هذا البلاء والامتحان لان كولش صعب صعب

كلت اول شي اروح للمستشفى اشوف سابين

طلعت بلتكسي وصلني للمشفى وفتت سالت عن غرفة

سابين و وتين صاحني رافد التفتت كال

رافد ...همزين وصلت هسه طلعو سابين بعد مافاقت من البنج

طارق ...ليش شبيها شصايرلها شبيها جاوبني

رافد ...تعال نكعد واحجيلك الصار

طارق ...يلا بسرعه ماضل صبر بيه

رافد ..كعدته وحجيتله كلشي وهو مثل الماتفاجأ جانت ردت فعله عاديه وبيها برود

طارق ...وهسه وين غرفهم

رافد ..دليته على الغرف واني بكلبي شنو من برود اعصاب عنده فات وكلشي محجا عبالك مخدر ومدمغ

طارق ..شفتها مدده والاجهزه عليها ماعرف شبيه جنت تعبان خدران

ماحسيت بالقلق جنت اريد اكون بمكانها واموت واخلص تعبت انا اذا ادافعلها راح ترجع تنضرب من امها

وشكد ما اضرب سناء ترجع تقسى اكثر عليهم كرهت حياتي الماشفت بيها راحه ردت يوم واحد يمر بلا مشاكل ماكو ...تعباااان

(( تألم بِصَمت واجَمع مَشاعِرك اللَعينه في وَرَقه ..تَكتُبها بِدمك وبِحرقة دَمعك ولِتدرك مهما اقترب كَثر مَن هم بِقربك ستَذوق المُر وَحدك ))

كعدت انتظرها تكعد هسه تكعد وشويه الخ وماكعدت نسيت انو وتين هم بالغرفه

كمت دحكت عليها ملفوف راسها ونايمه كعدت بيناتهم وخليت راسي بالكاع بين ايدي

معرف اريد انهزم مثل عمي واخلص منهم اريد اتزوج وحده تريحني تعيشني اني ميت بين هذول ..

تذكرت ايلين مالكوها يعني ماتت والله اذا ماتت الله يكون يحبني يخلصني من نفر

وبلكت وتين هم تروح شكلها ماراح تتحمل العيشه يم سناء هم تحتاج ضربه ضربتين وتروح

وسناء تفوت سجن واني وسابين نعيش وحدنا اتزوج واجيبلها ام تداريها احسن من سناء

انتبهت على نفسي صدك جذب هاي شبيه شداخربط معقوله وصلت لهالدرجه من اليأس كمت افكر شلون راح يموتون بناتي

والله اني بكلبي متمني اليوم قبل باجر اخلص منهم ورا ساعه تفكير فات الدكتور ب ١٢ ..

الدكتور ..المريضه ماكعدت وهالشي مو زين ..

طارق ..اجو فحصوها ويحاولون يخلوها تستجيب كتله دكتور شبيها راح تموت ..

الدكتور ..لاتفاول اذا ما كعدت احتمال تموت موت سريري ((غيبوبه)) ..

طارق ... بس دكتور حاول وياها الله يخليك ترا ماعندي غيرها هوه انتبه عليه وعكد حاجبة باستغراب ..

الدكتور ..ليش ذيج مو بنتك متبنيها يعني ؟!!! ..

طارق ..لا بس هاي بنت كلبي ..

الدكتور ..اوك تفضل هسه برا خلي نكمل فحوصات ..

طارق ..طلعت بالممر انتظرهم ورا شوي طلع ..

الدكتور ..شوف راح ننطيها بعد مجال لازم تصحى اليوم فوت احجي وياها تسمعك اكيد بلكت تفتح عيونها وحرك رجلها حتى تحس عليك

طارق ..ان شاءالله دكتور فتت ادحكلها جثه الله وكيلكم وجها مايتفسر شسويت يربي بحياتي حتى هيج تنطي ام لبنتي شسوت سابين حتى هالعقاب

انوب ايدها مربطه وعليها اجهزه حديد مثبتيها اووووف شتحملتي وانتي بهالعمر راح تغفريلي ذنبي لو لا

سمعت صوت وتين تريد مي رحت شربتها كامت تبجي وتكول ماسوينا شي بس اكلنا لفات جبن

كتلها اي بابا كافي نامي ارتاحي كالت ماما شالتني وذبتني وايدي توجعني وراسي كتلها اي هسه اموتها تفاجأت من كالت لا لتضربها

طارق ....ليش بابا

وتين ...من تضربها هيه ترجع تضربني والمعلمه تكولي شبي وجهج منو يضربج بلبيت واني اسكت اكللها محد

طارق ...ما جنت احس بشي مليت بس من هل مشاكل كتلها نامي هسه باجر تنحل نامي

غطيتها ونامت بكلبي عسا لاكعدتي لا انتي ولا امج وعسى لا لكينا اختج

ضليت افرك لسابين بس ماتحركت غفيت على طرف السرير

سابين ...فتحت عيوني جان السقف ابيض وراسي يموتني وبطني وجعها مو طبيعي

وايدي متتحرك مجنت اكدر اتحرك كمت ابجي واصيح بابا جان نايم يمي فز على صياحي

وووووينك انته وييييينك موتتني ضرب موتتني ضرب وداست عليه كولشي مسويتلها اني

ليش تكرهني ليش اني شعليه جنت اغسل مواعين بس وهيه جت والله مسويتلها شي والله ليش تحب ايلين اكثر مني لييييييش وابجي

بابا ...اهدي بنتي والله الا اطيحلج حظها

سابين .... صحت يكفيييييي انته كل ماتكتلها كل ماتضوجها هيه تبتلي بينا وانته مموجود على طول يمنا واذا نشكيلك انت تروح تكتل ايلين هم ..

يكفييييييي بابا راسي يوجعني حيل شويه وطوط جهاز نبض القلب

طارق .....دكتووووور دكتووووور الحك تعال راحت من ايدي

اجا يركض شاف النبض مصفر مجاي يقرا الجهاز صاح ع الممرضه جهاز نبض جديد بسررررعه وصيحي الدكتوره

وتين ...كعدت على صياحاتهم وشفت سابين تصيح كمت ابجي خفت وشويه بابا كام يصيح وطلع برى

اني خفت كمت اصيح بلزايد سابين سابين اكعدي راح يضربوج ابره صرخت سااااااااااااابين ساااااابين

جت الممرضه سحبت السديه وطلعتني ع السريع لغير غرفه واني اصيح لتضربوها خطيه تتوجع ماما كتلتها لاتكتلوهاااااا ..

حضنتني الممرضة وكالت اهدي مانضربها احنا هسه نعالجها وتطلعين انتي وياها زين ماتتوجع

كتلها منو يكول يجوز تتوجع انتي متعرفين ماما تضل تضربها قوي وضرب ماما يوجع ..

كامت تبجي خليت وجها بين ايديه وكتلها ليش تبجين خاله

الممرضه ...ها لا ما ابجي اني شوفي مسحتها يلا انتي تمددي واني اجيبلج شي من جوا شتكولين

وتين ...لا عيب بابا

ميقبل ضحكت وكالت لتنامين راح ارجعلج

طارق ...فاتو اسعفوها ضربوها ابره ينشطون قلبها بيها وغيرو جهاز النبض لان يخافون عطل ..

بس بالفعل جان قلبها متوقف ورجع الدكتور سوالها انعاش بايده ومافاد

وسولها صعقه بالكهرباء ومافاد ماعرف شلون الدكتوره كالت مختنكه اوردتها متضخمه

جابت سرنجه كبيره وفوتتها بكل قوتها بصدرها وضلت تسويلها انعاش بيدها الا ان رجع الجهاز اشتغل ..

اني كعدت بالكاع رجلي صارت خيوط من الهبطات منو يتحمل الي اتحملته اني كوارث وفاجعه وره فاجعه دكت براسي

رافد يبجي ويكول اخذها يمي اربيها والله الا اشتكي عليكم

الدكتور ...بعد تعب كال الطفلة انهارت واصلا رئتها متضرره وضغطت على نفسها ونملت دم

لهذا متنفست نحتاج وقت بس لبين ميستقر وضعها ونسوي تحاليل كامله هسه لازمها اشعه اريد اشوف رئتها

الدكاتره الويا وجهم اصفر وخايفين عليها حيل اخذوها سوولها اشعه ورجعوها للعنايه المشدده

وخلولها جهاز انذار لأي صوت توقف لاي جهاز يطلق انذار للدكتوره وكل ٥ دقايق يفوت دكتور او دكتوره يتفحص حالتها

ونوب رافد خبلني انتو متخافون من الله والله الا اشتكي عليكم والله الا اتختخكم بالحبوس عفته مارديت علي لان تعبان حيل ومالي خلك

وتين ....من طلعت الخاله اني كبل طلعت اريد اروح يم سابين لايضربوها

بس ضيعت الغرفه ضليت امشي وشافتني دكتوره كالت وين ياحلوه كتلها يم سابين
الكل جان يعرف سابين وحالتها كل المشفى
لان متعرضه لضرب عنيف

الدكتورة ... انتي اختها

وتين ...اي

الدكتورة ...تعالي اني اوديج

وتين ..اخذتني وياها للغرفه البيها سابين وخلتني اشوفها من فوك الباب

_شفتيها ؟؟

_بعيده مشفتها وليش نايمه

_لان تعبانه نايمه

_هاااا يعني انتو مضربتوها ونامت

_لا حبيبي احنا منضربها ابد احنه هنا نسعف المريض ونهتم بي

_زين خلي نفوت انتي ليش متفوتيني يمها

_حبيبي لان تعبانه وتحتاج راحه

_اي شوكت تكعد

_من تكعد وعد اجيبج الها شتكولين

_اي

_انتي هسه وين غرفتج

_ماعرف

_يبوووو مضيعتها هسه الكاها الج

_جاي تمشي الدكتورة بالممر وشايلتني شفت الخاله كتلها خااااله
التفتت هاي وينج ساعه ادورلج
ليش طلعتي

_ مو جنت اشوف سابين

_مو اتفقنا ماتطلعين الا ان اجيبلج نستله تعالي اوديج

وتين ... اخذتني من الدكتوره وسلمت عليها و ودتني للغرفه جايبتلي كثير نساتل كعدت افتح واكل جوعانه

طارق ...مرت ساعات سودة ومره عليه والدكاتره مخبوصين والمشفى على تك رجل بسبب حالة سابين

واني مابيدي شي نوب لازم ارجع للضابط كلت لرافد اني راجع اغير ملابسي

وهم اشوف الضابط لان طلبني وارجعلك اتعبك اذا تبقى يمهم

رافد ..لا استاذ شتحجي انته بس مر لبيتنا خلي امي تدزلي ملابس

طارق ..اي ادلل
رجعت اول ما فتت للضابط كالي ها شلون صاروا بناتك كتله وحده ماتت مرتين والله حياها والثانيه عايشه ..بس مالكيتو ايلين

الضابط ..لاوالله استاذ ملكيناها شكد دورنا ماكو فص ملح وذاب

طارق ..اني ارجع ابدل واطلع ادور وياكم

الضابط ..براحتك استاذ بس مرتك بالمستشفى طالبه تشوفك

طارق ..هااااا اي يا مشفى

الضابط ..مشفى العام

طارق ..اوك ابدل واجي
رحت للبيت وكلي تعب اريد هاليوم يمر فتت لغرفه البنات اخذ ملابس للبنات

وشفت ايلين نايمه انصدمت ركضت اريد اشوف حلم علم هاي لو يمكن اتخبلت كام يتراولي اشياء مموجودة !!!

وللحكاية بقية ..

‏الشيء الوحيد الذي حينما اصطدم به، تصيبني نوبة من الضحك والرغبة في الإنتحار، هو أن الحياة ترفضني لكن شيء ما يصر على بقائي حياً، وأنجو دائما..

يتبع ...