نزلت كالت اي حبيبي كملت كتلها يله اطلعي.. مشيت رحت لبيت اخويه ستار

رحب بينا وكال عشاكم يمي كتله لا والله دايمه.. رايحين نتعشه بره سوه.. كال ها براحتكم.. اخذت ستار عله صفحه

وكتله ستار اريد 4 ملايين صديقي خطيه حيل محتاجهن واني ضام الفلوس يم امي وامي بالزياره واني كتله تعالي الساعه 10 انطيكياهن

جوه ايدك هيج مبلغ تنطينياه ومن تجي الوالده اخذ ال4 ملايين من عدها.. كال اي سهله هسه انزلهن الك..

راح جابهن واجه كتله مشكور وطلعنا.. اخذت منها 500 الف والباقي انطيته لسنا كتلها خليهن بجنطتج وديري بالج عليهن لحد منرجع ضميهن بالغرفه بمكان امن ..كالت بعيني

صعدنا السياره ومشيت للمنصور نتعشه هناك.. دخلنا مطعم كولش حلو وراقي دناكل وخابر ستار.. كال ليش تجذب وتكول الوالده بالزياره هاي امي بالبيت

كتله ستار فلوسي عد امي ومتقبل تنطينياهن علمود لا اطلع اني ومرتي نتعشى وهيه قافله الثلاجه عليها ومتخليها تاكل

ومانعتها تكابلهم علصينيه وتشاركهم الاكل.. ستار فدوه تحجي ويه امي وتتصرف لا والله اتخبل واطلع عن طوري تره تعبت..

مرتي لسه عروس مشافت منها شي خل شوي تتقبلها تشتري راحتي اعرف الام ادور راحة ابنها الا امي لازم نمشي حسب مزاجها

واذا خالفنه تسود عيشتنا.. كال هاهيه معليك اني اسحبهن من امي واحجي وياها اخذو راحتكم و لتفكر بهيج سوالف بعدك عريس اتمتعو

كتلها مشكور خويه مع السلامه.. سديته اعرف اخوي ايهاب السانه ما ينكدر ياخذ الحق من عين السبع

فعفتها عليه.. كملنا عشا ورحت اخذتها نفتر بالسياره .. كتلها ها اشونه الاكل انشالله شبع كرشج

سنا.. اي لا يخبببل لو هيج شبعة الكرش لو مينراد 😋 ههههع

ايهاب.. ههههه بالعافيه حياتي.. اسمعي اسمعي اليوم حسام ونصرت نزلو اغنيه الا اشرد جديده ذكرتج بيها بالدوام وحملتها علمودج

سنا.. شنو هيه.. شغلها.. وبديت اسمع ..اول حب بعمررررررك انيييي.. اول واحددد يبوسك اني.. اول دمعه نزلت منك اتذكر جانت بٲحظاني

باوعتله وضحكت ههههه تخبل.. بقينه نسمع وندردش ونضحك رجعنا للبيت متونسين.. كبل بدلنا ونمنا باحلى حب ورومانسيه

لليل نايمه عله اي ايهاب ومنطيته ضهري.. اسمع صوت ما اعرف شنو غريب دوخه وحجي ما افتهمه مغمضه عيوني..

فتحت عيني شوي الغرفه ضلمه واشوف واحد اسود طويل واكف ومبين بنص الضلام فزيت عله حيلي..

اباوع ماكو.. كمز ايهاب كال اسم الله حبيبي شبيج.. كتله ايهاب رجال اسود شفته هناك واكف..

كال بربج سنا شدتحجين الغرفه ضلمه يا رجال دتتحلمين نامي.. كتله ايهاب والله شفته وكعدت عله صوت غريب

كال لج بابا والله تتحلمين تعالي تعالي جرني لحضنه يقره عله راسي قران واني الخوف ماكل كلبي والله متٲكده شفت واحد مو حلم ليش مجاي تصدكني

ما رد بقى يتلو ايات عله راسي.. رجعت ضميت راسي بصدره واني ارجف من الخوف.. لشوي هديت ..ورجعت نمت..

كعدت الصبح عله صوت المنبه مال ايهاب للدوام.. كعد هوه كمت وياه.. كال ارجعي سته ونص شعندج كاعده

كتله لا خليني اكوم بس صراحه بعده النعاس كاتلني.. فتحت التلفزيون خليته علقران.. ورجعت للسرير

هوه يبدل كدامي واني اباوعله مطفيه واتذكر الشفته بليل.. اخر شي غفيت ما حسيت الا عله ايهاب وهوه يبوسني من راسي وطلع

فتحت عيني اخاف ابقى بالغرفه.. كمت اخذت ملابس ورحت للحمام بعدها نزلت نضفت البيت باوعت الثلاجه

رحمه اليوم ممقفوله.. فتحتها سويت ريوك حضرت الصينيه خليت كلاصات الجاي.. كعدو همه كلهم.. كتلها ماما الريوك جاهز وين تردين اخليه نتريك

باوعتلي صفح وصاحت.. غديررررر شيلي صينية الاكل ووديها بالغرفه مالتي نتريك ما اريد هيج شكول تكابلني علريوك

اجت غدير اخذت الصينيه من كدامي بكل صلافه بدون لا عيب ولا مستحه ولا كٲنو اني اللي سويت الزقنبوت..

عفتها.. طلعت بيضه سلكتها وخليتها بصمونه واكلت علواكف.. ورحت لغرفتي.. فتحت تلفزيون وكعدت اباوع لشوي نزلت سويت الغدا

سمعته اذن صعدت اصلي ..كملت نزلت لكيتهم ماخذين الجدوره وصابين ومكملين.. استغفرك رَبّـ❤ـيٌ صبرني..

خابرت ايهاب.. كتله حبيبي اذا تجي جيبلي وياك شي ..كال شنو بعدها نفس الوضع كتله اي

خطيه لشوي اجه محمل علاليك فواكه وانواع الاكل والمعلبات مله الثلاجه العينها كال لتمدين ايدج علثلاجه الجوه

شتردين هذا جبته والفلوس يمج شتحتاجين دزي ولتسوين وياهن متسوه علمود الاكل تصير مشكله.. كتله تٲمر حياتي هاهيه..

اخذت بكلام ايهاب مجرد انضف واطبخلهم وابد ما اكل وياهم ..كل اكلي بغرفتي.. ومن يجي ايهاب.. انزل اسوي عشا النا اني وياه

متحجي كدامه اذا اخذت شي من عدهم مثل بهارات او معجون بس الصبح تشيب راسي من الحجي.. كمت اتحمل واحاول ما اسمع لعيون ايهاب

فد يوم كاعده بغرفتي دا اباوع تلفزيون واسمع صوت جوه السرير.. باوعت والكه بزونه سوده كمزت بسرعه

فتحت الباب طلع كدامي ايهاب.. كال شبيج كتله بزونه سوده جوه السرير.. دنك كال ماكو خاف طلعت.. كتله منين تطلع الشبابيك مقفوله

والباب هسه فتحته بيدي..

ما اعرف شوف منين تطلع.. اوووف ربي شلون راح انام اخاف من البزازين اخاف بعدها بالفرفه

انوب سوده وعيونها حمر تجدح.. كال سويلي غدا.. كتله ماشي.. طبعا اشتريت مايكرو بغرفتي بدون ما احد يعرف علمود انحمي وناكل بدون ميعرفون

اذا تعرف هوه يجيبلي لحم ودجاج واشكال الاكل تكلب الدنيا عليه بالصياح.. فما اخليها تعرف وحته الثلاجه قافلتها دوم ومخليه المفتاح.. جوه الزوليه

خاف تدخل غرفتي وتباوع بيها وتحجي.. شسوي شلون نتحمل ما اعرف يله ما تضل غيمه سوده الله موجود ومايضيع تعب وصبر احد

كملت شغل فد مره ودخلت للحمام دا اسبح واباوع للبزونه السوده واكفه بالزاويه مال الحمام وتنفخ بوجهي

متت من الخوف انوب شصيح حته ايهاب مو هنا.. بقيت اصرخ عليها اهشها ماكو متروح..

درت وجهي دا اجيب ملابسي اريد ابدل رجعت باوعتلها ماكو مختفيه ما لكيتها.. استغفر الله هاي منين دخلت ومنين طلعت..

اباوع الحمام مابيه فتحه.. والباب المنيوم مابيه حته مجال من جوه وتدخل مسدود قفل.. يا الله راح اتخبل شنو هلبزونه انوب اني شلون اخاف من البزازين ياربي شلون

بدلت وصعدت لغرفتي.. دا امشط علمرايا وما ا احس الا شعري وكف ليفوك بطوله فتحت عيوني عله حيلهن جاي اتلمس بيه

وما احس الا راسي انركع بالمرايا وما حسيت عله شي ووكعت… يتبع

🌺🌺🌺🌺
#سحر_المقابر

،،،،،،،،،،،بقلم الكاتبه زينب ماجد،،،،،،،،،،،

البارت_11

بدلت وصعدت لغرفتي.. دا امشط علمرايا وما ا احس الا شعري وكف ليفوك بطوله فتحت عيوني عله حيلهن جاي اتلمس بيه

وما احس الا راسي انركع بالمرايا وما حسيت عله شي ووكعت لشوي حسيت عله نفسي بالكاع

كمت لفيت نفسي بٲديه وبقيت ابجي وادعي ياربي تعبت شنو اللي ديصير.. لشوي دخل ايهاب.. من شافني بهلوضع

اتخبل ركضلي ويصيح شبيج.. سولفتله الصار كال سنا شبيج يا حبيبي اتخبلتي شنو اللي ديصير وياج..

سنا.. ايهاب والله شفت شعري وكف ليفوك وانضربت بالمرايا

ايهاب.. سنا هاي شبيج لو مضروبه بالمرايا جان انكسرت جان انجرحتي هيانه كصتج كولشي ما بيها.. بس حبيبي دتعبين زايد ومدا تاكلين لذلك دتتخربطين

كومي كومي.. طلع عصير وكيك من الثلاجه وانطاني.. كتله ايهاب ليش مجاي تصدكني اكوووولك والله دتصير ويايه شغلات غريبه

بقيت ابجي.. هوه حظني وبقى يطبطب عله ضهري ويكلي ارتاحي.. لشوي كعدت كتله اريد اروح لاهلي..

كال ماشي كومي.. رحت لاهلي ما سولفت لامي خطيه فرحانين بطبتي عليهم ما ردت اضوجهم عليه..

ماكو ساعات وصار الليل واجه ايهاب.. كالتله امي علمود ابات مقبل الا اروح.. عاد اني ما حبيت اخالفه لبست وطلعت وياه رجعت لغرفتي

تحضرتله وتمكيجت واني ابد ما الي النفس بشي ابد.. بس حقه كرجال عليه ميصير امنعه.. اجه هوه واخذ راحته

بليل نايمه عله ايد ايهاب و.ما اعرف حلم حقيقه شفته نفسه الرجال الاسود كدامي يم رجليه واكف يم السرير ويباوعلي

اريد اصيح اريد صوتي يطلع ماكو بس مفتحه عيوني حته ما اكدر ابجي الخوف اكلني.. اخر شي جرني وركعني بالكاع

صرخت بصوت عالي فزيت لكيت ايهاب يكعد بيه ويكولي سنا اكعدي حبيبي هذا كابوس اصحي اصحي ويضرب بخدي..

ضميت راسي بصدره وبقيت ابجي بصوت عالي.. كتله ايهاب بعد ما اتحمل.. كال والله تتحلمين كعدت عله صوتج تونين بصوت مخنوك كوه كعدتج

كتله ايهاب رجال اسود دا اشوفه بالغرفه تفتهمني لو لا ..ايهاب جن بغرفتنا ..صدكني عاد مو متت.. كال سنا حبيبي اهدي بس اهدي

جن شنو هاي عود انتي الواعيه الدارسه المثقفه تصدكين بهيج شي.. بقيت بس ابجي مراح يصدكني ابد ميٲامن بهيج شي

وحته اني لو ما اشوف كدامي ما امن بس اللي دا اشوفه حقيقه بقيت بس ابجي بحظنه بصوت عالي وهوه يهدي بيه

شلت راسي كتله اخذني للامام علي بس هوه يفهمني واكدر اشكيله فدوه ايهاب.. كال ماشي حبيبي براحتج اصلا يصبح الجمعه ما عندي دوام كومي خل نروح

كمت غسلت وبدلت بعدها ما صايره صلاة الفجر.. انتضرت شوي صليت وانطه خبر لاهله ومشينا.. الجو فجر وبارد وايهاب مشغل قران

غفيت لشوي كعدت يم السيطره.. كال انزلي روحي تفتيش.. منا النساء امشي .. نزلت رحت تفتشت وصعدت.. شغل ايهاب قصيدة يا يوم اشوف اعتابك

كل كلمه بالقصيده تحرك مشاعرك وتمليك شوق للامام ما كدرت الا ابجي ومتشوقه اوصل لباب الامام واشكيله حالي

باوعلي كال شبيج.. مسحت دموعي كتله لا هيج كلمات القصيده توجع تزيدك شوق للامام..

ايهاب.. ههه هذا الملا باسم اسطورة زمانه يوصفلك عشق الولايه بٲروع صوره

سنا.. اي والله ..الله يحفظه مستحيل يجي منه ثنين

وصلنا الكراج صفينا السياره ونزلنا نتمشى للامام بمجرد ما شفت الكبه مالته من بعيد صليت علنبي وبدت عيوني تجري

مثل وحده حزينه وشافت ابوها.. دخلنا للامام رحنا للحمامات اول توضينا وبعدها دخلنا الصحن.. فتت صار الشباك مالته كدامي

والازدحام قوي ما كدرت اقاوم كعدت عله رجليه وخليت ايدي عله وجهي وبقيت ابجي بصوت عالي

ياعلي ادركني تعبت.. ماكو غيرك يفهمني ..خلصني من اللي دا اعانيه.. احسه

يسمعني واني بعدي عن جسده الطاهر مترات

مجرد شعور الامام يبعد عنك شوي.. شعور رهيب يبجي صراحه.. عشقي لهلامام مجنون احسه ابويه

ما احسه ميته روحه دتابعنه ..الله مو يكول ولا تحسبوا الذين قتلو في سبيل الله امواتنا بل احياء عند ربهم يرزقون

يعني روح الامام حيه وتابعنه وتحس بينه ..بقت دموعي تجري واني اباوع شباكه.. كمت عله حيلي لازم اوصل الشباك

دافعت كوه وصلت للشباك انلطشت بيه بس بقيت واكفه اباوع مقام القبر والضوه الاخضر والفلوس فوك كبره مطشره

بقت تنزل دموعي واني احاجيه واشكيله ها ياحبيبي ها ياعلي تسمعني.. معقوله ترجعني مكسوره.. تقبل انظلم واني ممسويه ذنب

دا احاجيه.. واجت الحاشيه مال المرقد.. كالت اتحركي زايره انطي مجال لغيرج يزور.. هزيت راسي بمعنى اي

وسحبت نفسي وطلعت رحت كعدت بالصحن صليت الزياره وقريت يس لروح لامام.. اجه ايهاب كعد كال تقبل الله

كتله منا ومنكم صالح الاعمال.. كال يله نمشي كتله خلينه اليوم بالامام نضل.. كال ٱפگـيہ بس خل نطلع ناكل لكمه ونروح نزور الكوفه ونرجع لهنا

كتله يله بعد احسن ياريت ..رحنا تغدينا بالمطعم وطلعنا للكوفه صارت صلاة المغرب هناك بمسجد الكوفه كملنا رجعنا للامام

كال تردين نحجز غرفه انام بيها.. كتله لا خلينه نشبع من ضريح الامام نلحك انام بغرفه.. كال براحتج حبيبي باللي يريحج..

واخذني لحضنه.. بست كتفه ورحنا كعدنا بالصحن نسولف. ونضحك وساعه نصلي وندعي لشوي حسيت عيوني تعبن

خليت راسي عله رجل ايهاب وهوه منتجي عل عمود.. وغفيت. نايمه وبلحلم اسمع صوت يطلع من الضريح يكول (ليش اتركين ال50 ايه هذا حرزج من كل شيطاناً مارد)

فزيت بساع.. عيني صارت بالكبه الشريفه.. باوعت لايهاب غافي.. دنكت شنو معنى الكلام..

اتذكرت ال50 ايه اللي يوميه اقراها.. اللي علمني بابا عليها حق القران من يومنا.. صحيح من تزوجت لليوم تركت هلشي

احيانا اقره سور من القران بس تركت ختم القران بيوميه 50 ايه منه.. معقوله هذا حرزي.. قررت ارجع لهذي العاده وما اتركها

كملنا ورجعنا للبيت والتزمت بال50 ايه يوميه اقرها لختم القران وفعلا بعد ما شفت اي كابوس او اي شي مزعج ويخوف

دخيل اسمك يا علي عرفت محد غيرك يفهمني ويحل مشاكلي..

مرت الايام وعله نفس الحال ام ايهاب ابد ممتقبلتني بس لان ايهاب كام يضوج منها وحته قطع المصرف عنها.. جان كل شهر ينطيها 300 الف مصرف الها من راتبه

من كامت هيج تضايقنه قطع عنها ابد ميجي يمها ولا يحب يوصل لان كلما يكعد مرتك هيج وامداك وما بيك خير مل منها..

فغيرت هيه بعد ابد ما تحجي عليه كدامه وتحاول تكسبه وتكوله بعد مالي شغل بيكم هوه شو البيت ضال لسنا

اني شعليه لا ادخل ولا احجي.. هوه يطلع وهيه تستلمني حجي.. ما شكيت لايهاب لان هوه هم تغير وياها عرفت شلون تكسبه

رجع يكعد يمها ويسولف وينطيها مصرفها.. ما حجيت خفت اخرب بينه وبين امه.. شكول لـ لله اذا فرقت بينهم.. اتحمل شسوي.. امه.. حقها تغار عليه

ممكن تفكر تعبت وسهرت وتحملت انواع العذاب علموده ما تتحمل فكرة يصير كل تعبها لغيرها.. لذلك عذرتها شما تحجي

وايهاب زين ويايه ومدللني ابد ما شكيت عشت وياهم مثل الطرشه والخرسه

مرت سنه ونص عله هلحال وحمل ما صار عندي وامه شيبت راسي وين متروح تصيحلي العاجر.. اكول لايهاب خل اروح دكتوره يكولي

عوفيها بليه طفل احسن هيج مستمتعين بحياتنه شوكت ما الله يقرر بكيفه.. كتله ايهاب الناس اكلت وجهي

كال معليج باليحجون احنه مرتاحين هيج.. اخر شي اتفقت ويه ماما اروح لان هوه قافل ميريد.. حاجيته بليل كتله اريد اروح لاهلي

كال باجر الصبح روحي ومن اجي ارجعج.. كتله ماشي.. رحت خليت ماما تحجزلي عند الدكتوره

للضهر رحنا انـّ'ℳέ'ـّيٌ وماما خابرته كتله رايحه ويه ماما للسوك كال اخذي راحتج حبيبي اني حتٲخر شوي كتله ٱפگـيہ حياتي

رحنا اني وامي.. دخلنا للدكتوره فحصتني وجيكتني طلع عندي قرحه بالرحم والتهابات.. كالت شنو متعانين من الم

كل هلقرحه والصلايب ومحاسه كتلها محاسه بشي بس شوي تصير عندي حرقه بالبول بس ممتٲلمه قوي

كالت لازم اكويلج القرحه.. كتلها ٱפگـيہ بس خل انطي خبر لزوجي.. كال ماشي

طلعت برا خابرت ايهاب.. كتله حبيبي اني حاليا بالعياده يم الدكتوره

ايهاب.. كال خير شكو شعندج هناك اشو مكلتيلي

سنا.. مجان ابالي اروح للدكتوره بعدين ماما قنعتني ..ايهاب عندي قرحه علرحم والتهابات قويه وصلايب وجراحه

ايهاب.. شلقصه يمعوده مثل الورد كولشي مبيج ما تعانين من شي ديردالج لا تسوي بيج شي

سنا.. ايهاب شهلحجي اكوله تريد تكويلي

ايهاب.. يمه كوي شنو النوب

سنا.. اوتي ويكوون الرحم😒 شمدريني قابل مجربتها قبل 😠

ايهاب.. ولج لا تسويلج شي وتشوهج وين انطي وجهي😢

سنا.. لتخاف محد يشوهني😒 بس هاي الهامتك

ايهاب.. هاا اي لعد زين سوي اللي تشوفيه حبيبي ..تحتاجين فلوس

سنا.. لا لا عندي يله حبيبي اكمل واخابرك

ايهاب.. ماشي ديربالج لا تكوييي ال…. وتصيرين عوبه ههههه

سنا.. مو يم

ي وادفرك😒 دروح حبيبي احسنلك هههه

دخلت للدكتوره سوتلي الكوي يمه شفت الاله لا كلت صدك تشوهت بس الحمدلله شوي تٲذي

وخلصت عله خير بس بعدها اتٲذيت وصتني ادير بالي عله نفسي و10 ايام زوجي ميجيني

اشررررد استلمها ايهاب.. كتلها انشالله دكتوره.. طلعت.. رحت لبيتنا.. تمددت دا انام.. كالو اجه ايهاب

دخل لكاني متمدده وسويت نفسي كولش ما اكدر اكوم بلكت يخليني ابات ابيت اهلي😢

سلم عله اهلي وتقدم باس راسي كال ها حبيبي سلامات.. كتله يا سلامات متت من الوجع كالت الدكتوره لازم ما تتحركين ابد😊

ليهاب.. اها اي حبيبي ارتاحي ما عدنه شي.. يله كومي خل نروح.. كتله خليني عد اهلي اخلص المده😢

كال لا ماكو هناك تنامين بغرفتج عود واوصي امي عليج متخليج تشتغلين.. اشرتله تقرب دا اشاورك

قرب اذنه يم حلكي همستله ..مو الدكتوره منعتني منك.. باوعلي يعني شلون.. كتله يعني ميصير تتقربلي بالفراش

كال اي وشنو يعني حبيبي قابل ماخذج متعه.. لو ماخذج بس لحاجتي حبي احنه زوجين علحلوه والمره ..شلون تردين بوقت الصاحيه اخذج وكت المريضه اشمرج عله اهلج ميصير

سنا.. خب لا تصير خيّر مو كتها اريد ابات عد اهلي

ايهاب.. كلت ماكو😒 كومي يله انطيني ايدج..

سنا.. خرب بحظي الفيشه😑.. ياربي اريد ابات عد اهلي من تزوجت لليوم ما بايته عدهم ابد

ميقبل حظرة الاستاذ يكول ما اكدر انام وانتي مو يمي بالفراش😒 شسوي انجبرت اكوم وارجع وياه😧

خطيه خايف عليه يصيح نامي ..اني اوكلج ..لتكومين.. لتتحركين.. خطيه حته للحمام ياخذني عبالك معوقه 😂

وهوه اصلا ماكو وجع ولا شي بس اريد ارتاح شوي تعبت يوميه كراب ومستمتعه وهوه يداريني😋

كتله ايهاب نزلني للحمام اريد اسبح كال اني اسبحج انتي ما بيح حيل بس دقيقه خل اشوف اكو احد من الاهل هنا فشله يشوفونا 😐

كتله ماشي جانت دنيا الضهر وكلها نايمه كال ماكو احد يله.. نزلت ودخلنا الحمام خطيه ما قصر غسلني تكول طفله عنده..

طبعا وهوه. يصب عرك..و يكول خوش تعذيب ياربي مثل واحد صايم ويخلوله بقلاوه كدامه ويكولوله لا تفطر حرام😐😖..يتبع

🌺🌺🌺🌺

شلونها البقلاوه ااااقصد شلونه البارت هههه

#سحر_المقابر

،،،،،،،،،،،بقلم الكاتبه زينب ماجد،،،،،،،،،،،

البارت_12

كملني سبح.. ردنا نطلع كال لحضه اشوف الوضع خاف اكو احد👀.. هههه كتلها ها كال يله ماكو احد.. طلعنا من الحمام

جان تطلع امه بوجهنا.. هوه دنك وصعد.. بقت هيه كبالي.. كالت بالشغل مريضه ما بيج حيل بس بهلشغلات التغرين بيها الرجال صاحيه كلشي مابيج

تفلت عليه.. انقهرت حيل.. كتلها شكرا.. عفتها وصعدت.. دخلت كال والله فشله يبوووي.. كتله واني الاكلتها

كال شسوت.. كتله ماكو شي.. وكفت انشف شعري علمرايه وامشط بيه.. وهوه واكف يمي يلعب بيه ويتلمسه

كتله ايهاب بنفسي اصبغ شعري.. كال اذبحج والله لج باعيه جنه عبايه يخبل.. كلت هوووف شنو هاي اريد اصبغه 😔

كال والله اسود حلو مو حلو اذا تغيريه.. كتله ماشي😔 زين اذا اكصه😋 كال علمود اكص راسج وراه

شعرج هوه اول سبب خلاني اعشقج.. اذا تكصيه بعد ما اريدج ..كتله جذب جذب يابه اني اموووت عله شعري وما اكدر اعيش بدونه

مرت ال10 ايام االي وصتني الدكتور اير بالي عله نفسي بيهن ونزلت انضف جوه امه ما رحمتني طلعت ال10 ايام من خشمي

كلبت البيت كلاب ولازم كله انضفه.. شكو سيراميك بردات وجوه مال فراشات حته القنفات طلعتهن شمرت عليهن مي وتكلي غسليهن

ما حجيت نضفت لحد الليل طب ايهاب واني بعدني اشتغل كال ليش هشكل كل هذا منضفته

كتله اي كال هوه خبال يعني خلصت ال10 ايام هاهيه.. عوفي كولشي من ايدج واصعدي وامه تكوله

مابقى شي بس تمسح الصاله وترجع القنفات كالها اي زين اذا كملته كله وما بقى شي خلي غدير تكمله..

جر ايدي وصعد فوك.. جان تصيح وراه صدك لو كالو الاخو اخو مريته يفوت ويعوف اخيته.. دار وجه راد يرجع يتعارك وياها

لزمت ايده كتله ايهاب عوفها خل تحجي.. كال ولج مليت من النك مالتها مليت.. شنو السويته وهلكد مخليه راسها وياي

اكو ام ما تفرح ابنها مرتاح ومنسعد ويه مرته.. كتله عوفها تره تعبانه والله ما بيه حيل احجي..

كال امشي للغرفه كدامي.. رحت حته ما كدرت اخذ اهدومي واسبح كبل نمت..

اتقرب هوه تمدد يمي.. حسيت عليه شال راسي وخله ايده جوه راسي.. درت وجهي عليه.. كتله حبيبي تعبانه

كال نامي يروحي كولشي ما اريد بس ارتاحي.. خليت راسي بصدره وغفيت ابد ما حسيت غير عله صوت المنبه مالته

كعدته كتله ايهاب كوم الساعه 6 ونص.. كال كمت حياتي.. كام هوه اني طلعت جبن عرب عندي بالثلاجه..

والقوري الكهربائي يمي خليت بيه بطل مي وخليت جاي وسويت كمل جريت كلاص بلاستك مشتريتهن درزن وضامتهن

خليتهن كباله وكتله تريك حبيبي طلعت الصمون من المايكرو.. كال اكعدي كدامي.. كتله بس اروح اغسل وجهي واسناني واجي

غسلت ورجعت لكيته ماكل علسريع.. كتله شنو شبسرعه كال مستعجل حبيبي لازم اروح بسرعه.. باسني من كصتي وراح

شغلت التلفزيون وكعدت صبيت جاي واكل

.. كملت.. لفيت البقايا بعلاكه نايلون سوده وشمرتها بالحاويه

اذا تدري الحجيه اني هيج مخليه بغرفتي ومجهزتلي كولشي غير ادكلي طبل.. باوعت التلفزيون مكلوب لطميات وشعائر حسينيه

باوعت للتاريخ اويلي يابه باجر يوم العاشر من محرم.. سلام الله عليك يا ابا عبدلله.. لعن الله قاتليك..

نزلت.. للبيت لكيت البيت عله حطيته مثل معفته البارحه.. اخذت نفس قوي وزفرت.. شسوي لازم اكمل

كملت الباقي وسويت الريوك الهم كعدت غدير اخذت الصينيه وراحت.. كبر اي والله ولا جنها صديقتي جانت تكول عدوتها وماخذه رجلها

انوب بديت بالغدا كملته من وكت وصعدت.. اباوع محاظرات اليوم وفاة علي الاكبر عمت عيني عليه..

بقى الشيخ يلقي المحاضره انوب شرح المقتل كامت عيون تجري.. بهلا اثناء دخل ايهاب تخبل من شافني ابجي ركضلي .. وكال شبيج حبي..

مسحت دموعي وابتسمت كتله لا حبيبي ما بيه شي علمقتل قهرني حيييل..

ايهاب.. يمعوده راح كلبي كلت بيج شي.. كومي حضريلي ملابسي

سنا.. ليش وين رايح مو هستوك دخلت

ايهاب.. راح نطلع اني وصحباني لكربلاء هسه

سنا.. لااااا ايهاب اريد اروح وياك..

ايهاب.. ما اكدر حبيبي زدحام موت وكلها زلم اني اجي ادخلج بينهم واحير بيج..

سنا.. زين خل اروح يم اهلي ابات هناك مدام انته حتبات بكربلاء فدوه احج ويه اهلي بيت جيرانه ام رافد مسويه مجلس عزاء للصبح الحجه

ايهاب.. ٱפگـيہ ماشي ..بدلي خل اوصلج الهم..

سنا.. ماشي.. حضرتله ملابسه وتحضرت اني اصلا لابسه الاسود من اول يوم

بس لبست صدريه سووده وبدي اسود احلى من الكلبيه.. كملت رحت لبيت اهلي ربى جانت هنا وجهالها

يمه حظنتهم وابوس بيهن يخبلون.. كعدنه نسولف ونحجي لبعض.. لشوي عله صوتنا بالضحك عاطت امي بينا

ادبسزيات اليوم كتلة الحسين وانتن تتمضحكن المفروض ادمرن روسجن طين عله هلمصاب.. كنالها اي والله يمه صدوك نسينه نفسنه وضحكنه

كالت كومن حضرن وياي لفات كباب نشارك بيها العزاء ... جانت جايبه 20كيلو كباب وزعناهن بصمون وطرشي وزلاطه لفات بثواب الامام..

اخذناهن بكراتين ورحنه لبيت الجيران.. جانت الملايه تلقي المحاضره.. كعدنا نستمع لشوي بده الطم استمر اللطم والبجي لحد قبل صلاة الصبح بنص ساعه

بعدها قرينه زيارة عاشوراء وصلينه الصبح وطشينا كلمن البيته.. اول مدخلت بيت اهلي اوووو صار كومه منايمه ابيت بابا من يوم الحنه مالتي

خليت راسي علمخده.. وجريتها نومه.. لحد قبل صلاة الضهر كعدت عله صوت الاتصال مال ايهاب.. رفعت خط بتثاقل من النوم

سنا.. ها حبيبي زياره مقبوله

ايهاب.. هلا حياتي منا ومنج ..

سنا.. راجع بعدك وين انته..

ايهاب.. والله متانين صلاة الضهر علمود من بعدهنا نركض ركضة طويريج اكملها انشالله وارجع

سنا.. محروس حبيبي لتعب روحك

ايهاب.. ههه انشالله حياتي يله مع السلامه..

سنا.. الله وياك.. كعدت رحت للصاله لكيت بابا وماما كاعدين.. طبعا احنه بهيج يوم منكول صباح الخير

نكول صباح اللعنة عله بني اميه.. دخلت عليهم بمبتسمه وكلت صباح اللعنه على بني اميه.. رد بابا عليه وكال يلعنهم جميعا

واخذني الحظنه شلونج بابا كتله الحمدلله.. كال مرتاحه ابيت عيالج.. كتله بوجود ايهاب طبعا.. كال الله يحفظكم باباتي

صارت الصلاة.. صلينا وفتحنه التلفزيون عله ركضة طويريج واني اباوع زين بلكت المح ايهاب وياهم

ماكو ولا شفته.. كعدنا اني واختي سوينه غدا واكلنا يسولفون اهلي وملتهين واني بالي يم ايهاب هاي اول يوم من زواجنه ولليوم افاركه هلكد

احس اهلي كلهم ما مالين عيني.. وينه اليصيح اجه ايهاب ويفرح كلبي فرفحت عليه اشتاقيتله ..هاي عود من اني يمه

يوميه ازن براسه اروح لاهلي واروح لاهلي ومن اجي لاهلي ما يحلون بعيني مثله.. لشوي كتله مسلم وصلني لبيت عيالي

كالت امي شكو غير من يجي هوه ياخذج.. كتلها لا يوم خطيه يجي هلكان تعب من الركض.. اروح احضرله ملابسه احضرله الحمام..

ابويه ضحك كال اشتاقت الرجلها بويه مسلم وصلها.. كتله يابه شعندي غيره وما اشتاقله هوه شمعة حياتي.. كال الله يخليكم ويديم المحبه يارب

كتله امين.. بدلت ورحت للبيت دخلت غرفتي مسحتها وعطرتها وحضرتله هدومه جان يدخل..

كتله زياره مقبوله.. كال منا ومنج حبيبي.. كتله حضرتلك ملابسك تدخل للحمام.. كال ميت تعب مابيه حيل بس انام ساعه

وتمدد عله بطنه علسرير.. اباوع رجليه حمرر.. خطيه راكض هوايه.. اتقربت افرجله رجليه. وكتله سوده عليه يٲذنك

باوعلي بنص عين.. كال هاااا شو تتحارشين.. ضحكت ههه هاي شبيك والله لان حمر كلت افرجهن الك حته ترتاح

كال هذا الحجي ميصرفلي حاسبهن عليج صار 13 يوم مسموط ابوي من وراج اليوم جد جدج اسمطه.. ضحكت دنام نام.. هوه انته عيونك كوه مفتحهن

نام تمددت يمه ونمت بقه يحوس لحد ما 💏 ونام

لليل كعد واني نايمه شغل تلفزيون وكعد يسمع محاظرات.. انوب باوع لايدي صاح هاي شنو

فزيت كتله شكو كال هاي شبيها ايدج.. باوعت زنودي صاير بيهن ازرك من لطم البارحه.. كتله هاي من اللطم حبيبي.. كال وهوه هيج ب

خبال

كتله لا والله اصلا ما جنت حاسه مشدوده ويه المقتل وما حسيت بالاذيه..

رجعت نمت كعدت الصبح نزلت اشتغل بس حيل تعبانه ما اعرف شبيه..

مرت ايام والدوخه ملازمتني.. اخر شي مره كاعدين كلهم بالصاله واني كاعد امسح كدامهم حسيت بدوخه قويه.. خريت ووكعت..

ايهاب.. شفت سنا خربت ووكعت خربت روحي وياها اتخبلت ركضت اصحي بيها ماكو شلتها وركضت بيها للمستشفى كالو عدها فقر دم

تخبلت بقيت احجي واتعارك ويه امي واكولها كله منج كاعده للبنيه علكمه ومانعتها من الاكل صار مصايح بيناتنا واني هم عليت صوتي زعلت وتبرت مني وبعد ما اريدك وانته مو ابني عفتها ومشيت

سنا.. صحيت خطيه ايهاب بس يبوس براسي كتله والله مابيه شي بس دوخه لزمتني

كال وان يكن حبيبي عندج فقر دم لازم تعتنين بصحتج.. عاد خطه كام يوميه يجيبلي معلاك ويخليه بالثلاجه ويكولي اكلي..

العرفته متعارك ويه امه شلون صاير بيه فقر دم كايللها كله منج وميحجي وياها ومتزاعلين وميتحاجون..

نزلت فد مره جان لكيت خالته وامه وخواته ملتمات مسويات كيك وعصير.. كعدت يمهم.. لشوي جان خالته تشيل كيكه وكلاص عصير وتكولي اكلي ثواب اطلبي مرادج

باوعت بتعجب معقوله يشاركوني اكلهم ما فد يوم سووها اصلا اذا اكعد يمهم ينزعجون.. فرحت كلت يمكن لان ايهاب زعل عله امه تريد تكسبه بعتناهم بيه

انوب امه صاحت بيه شبيج اكلي مو بيح فقر دم.. فتحت حلكي 😨 هاي منو تكولي اكلي ما اصدك شهلمحبه اليوم يربي

اخذت العصير والكيك من عدهم واكلته وكعدت وياهم وهمه يسولفون.. بس استغربت الوضع امه وخالته هواي يباوعولي واني كاعده

لشوي حسيت ثقل بعيوني اريد افتحهن ماكو نعاس قوي لزمني يا الله شكو قبل ساعه كعدت شبيه

ما كدرت اقاوم كوه كمت للغرفه ونمت ..ما كعدت الا عله صوت ايهاب يصرخ ويبجي ويصيح ليش هيج سنا لييييش

كمت فزيت عله حيلي كتله شبيك ايهاب خيرك.. كال ليش تردين بس تقهريني ليش هيج تكصين شعرج

كتله شعري شنو مكصوص شبيه احجي.. ركضت للمرايه اباوع الشعري مكصوص ولادي وصفحه جنه مزين ازيان اتلمس بيه ماكو شعري

اتخبلت شعري اجمل واعز شي املكه.. كمت اصيح لااااااااااا شعريييييييي ايهاب شعري وينه اريده ايهاااااااااب ليش هيج تسووون بيه لييييش الله لا ينطيكم ليييييييش

بقيت ابجي واعيط بعلو صوتي متت ما احس الا اغمى عليه ووكعت… يتبع

🌺🌺🌺🌺

عيوني غسول كلين كلير او سيرافي هذيني زينات للبشره المختلطة

والعنايات الروتينة بالبشرة من تقشير مرة بالأسبوع وغسول يومي ..وماسك بياض البيض فد مرتين بالأسبوع..وماسك التمن فد 3 مرات بالاسبوع..والترطيب اليومي وماي اشربي اهواي

فتطلع بشرة تخبل اذا باستمرار عل هج عناية🥰✨

#ملوكه

حبي عادي مايأثر عل الحبوب..لانو هو بس مرطب فعادي استعملي

وهذيني رمزيات👇🏻🙃

#ملوكه