#ارحام_متناثرة

#قصة_حقيقية_عاطفية_اجتماعية

البارت ألرابع⚘⚘⚘⚘بقلم فينوس آرام


ام غسان☆☆ضجت من هيج حجت وياية 😡ورأسا كلتلهة... اها اخاف صدكتي هاي بنتج ياامينه؟

ابو غسان☆☆ فضييييلة ضبي لسانج كافيي

امينه☆☆ اي فضيلة.... اني مو امهة الحبلت بيهه و خلفتهة بس اني امهة الربتهةومافرطت بيهة ولا راح افرط بيهة...

التفتت على ابو غسان واترخصت منه...خوية ابو غسان اترخص منك اتأخرت....يلة مع
السلامه..

شلت فرحة وطلعت واني كاتلني القهر من كلام فضيلة ميغزر بيهة شي وتنغز بكلامهة وتاذي اليحبوهة😔

ابو غسان☆☆ طلعت امينه وهية مقهورة... وانهد بيهة.... ادريييي شنوو من بشرررر انتي

ولج ...ماجنت اعرفج انتي هيج !!! ليش
دتتصرفين هالتصرفات احمدي ربج الله نطاج

ذرية.... وج شوفي هاي مو اختج شوفيهة
شدسوي علمود تصير ام وتسمع هالكلمه.. ولج

اتعضي بنت الناس اتعضي لا الله يحرمج منهم برمشة عين.

ام غسان☆☆همست اوي شكد يدرم....عفته يحجي ماهتميت لكلامه عاد هوة من ينفتح بالحجي يبقى يذرف حجي شيسكته بعد...بقلم فينوس ارام

⚘مرت السنين وصارت هوسة 8 شباط بسنه 1963 وكالو اغتالو رئيس الجمهورية عبد الكريم قاسم يبووو الناس انسبت سباااية ....

ابو غسان☆☆ شفت العالم هوسة وطالعين من بيوتهم خايفين من الوضع قفلت الدكان

رجعت ركض للبيت ....فضيلةةةةة وينج حضري الجهال وجم غرض دنرووح للمزرعه الوضع ميطمن يلة امشووو.

ام غسان☆☆ اهووو يمعود خلينه ابمكانه رحمه لأهلك قابل شراح يصير .

ابو غسان☆☆ اني ماخايف علييج خايف على الجهاال شمدرينه شيصير ميصير يجوز

الحرامية يطلعون الوضع مو مستقر هذا انقلاب امشي دنرووووح لاتاخرينه قبل اليل

ام غسان☆☆ ما اطلع من بيتي شيريد يصير خلي يصير اشو يومية اطلابة صايرة بالعراق

حتى نفسنه لعبت يمعود هذول بيناتهم المكاتل احنه معلينه لاتضل متوهوس خلينه بمكانة كاعدين وساكتين وقافلين بابنه....بقلم فينوس وارام

ابو غسان☆☆ كوية ومينكدر عليهة ولا على لسانهة هالفضيلة قفلت بيبان البيت وكعدت...

جان عندي راديو اسمع بيه الاخبار وشنو يصير بالشارع العراقي....من انقتل رئيس الجمهورية

عبد الكريم قاسم وتنصب بمكانه شخص اسمه عبد السلام عارف وصار رئيس للجمهورية...

الاوضاع جانت ابد مامستقرة وكبت موجه اعتقالات على الشيوعيين هذا حزب او حركه

الهم اهداف معينه وينضالون علمودهة وهواي اخذو شباب ينتمون لهلحزب خطيةمن ضمنهن

جيرانه ابو رائد وكم ولد نعرفهم من المنطقة جان الوضع يخوف ياهو اليشكون بي شيوعي
ياخذو ويمشمر ورة الشمس....

مرت فترة حوالي 5 اشهر شوي رجعت الامور احسن خفت هالاعتقالات مو مثل الاول

وبدينه نمارس حياتنه بشكل طبيعي بس الشعب بعدة متخوف من الاوضاع....بقلم فينوس ارام

ورة تقريبا كم شهر مشت الحياة عادية جدا ورجع كل شي لوضعه الطبيعي...

⚘رباب☆☆ كبرت وبديت افهم الامور واوعى على هالدنية ...

جنت اشوف امي وابوية يمدحون بية ويتغزلون بجمالي ويكولون ماكو بالعشيرة كلهة بحلاتج..

ودائما يكولون انتي ولا عبالك اخت هذول وياشرون على اخوتي باستهزاء....انتي وين واخوتج وين..

ماجنت افتهم معنى هالحجي وشنو المقصود منه ...الى ان بيوم من الايام اجتي خالتي

امينه وية فرحة وتقريبا افتهمت ليش اهلي هيج يحبوني وميزوني عن اخوتي..

جانت فروحة بعدهة صغيرة ومتعرف تحجي زين وجنت كلش احبهة واحب العب وياهة...

فہ جنة نلعب بالحوش واسمع امي وخالتي يسولفن بية ضليت واكفة يم الدرج واتسنط عليهن....بقلم فينوس ارام

امينه ☆☆ هالسنه سجليهة لرباب بالمدرسة مو تعوفيهة بدون شهادة

ام غسان☆☆ياااا ليش هوة الي مثلهة همين تحتاج تقرة وتكتب.. دسكتي يمعودة

امينه☆☆😑 ولج شنو هالحجي ؟ ليش متحتاج تقرة وتكتب؟ فضيلة لا تخليهة مثلنه

منعرف كلشي والله اتحسر من اشوف شغلات مكتوب عليهة واني مثل الثولة ما اعرف اقرة

ام غسان☆☆ دروحي يمعودة 😒 هاي بس تشب شوفي شتجيهة قسمه يبوووو والله لا

تشوفيهم مثل الدبك على بابنه واكفين.. وذاك الوكت ينعل ابو الشهادة شتستفاد منهة هالورقة

امينه☆☆عزة بعينج فضيلة وانتي ياهو الدك بابج شلتي وشمرتي بنتج؟ شهالحجي يابة

ام غسان☆☆ لاا يابةةة رباب ما انطيهة لياهو الجان .....عشتوو هوة بس جمالهة يشتري ولاية كل عقلج اشيلهة واشمرهة.بقلم فينوس وارام

امينه☆☆ هسة لاتعبين كلبي سجليهة بالمدرسة هالسنه واذا مسجلتيهة اكول لمجيد ياخذهة ويسجلهة بهالمدرسة اليمكم

ام غسان☆☆لا تخافين حتى مكي يريد يخليهة بالمدرسة وية اخوتهة

امينه☆☆ ااييه هيج احجي من الاول نشفتي ريكي يابنت الناس هية البنت شتسوة بدون شهادة...

ام غسان☆☆ البنت بجمالهة امينه لاتغشمين نفسج لو اكبر شهادة عدهة محد يكلبهة واذا كلبوهة يجيهة شكو واحد زايعته الكاع

امينه☆☆ لا بشهادتهة لازم تتعلم ويصير بيدهة شهادة حتى اذا يطلع ابن حرام شهادتهة تشيلهة خيتي شيفيدهة الجمال ذاك الوكت

ام غسان☆☆ هاي لان فرحة سويدة هيج تحجين بس انتي مقتنعه بكلامي وا

#ارحام_متناثرة

#قصة_حقيقية_عاطفية_اجتماعية

البارت الخامس⚘⚘⚘بقلم فينوس آرام

⚘جانت امنية حياتي اصعد بالسيارات الجبيرة الجنت اشوفهة من اروح للمدرسة (الباص)..

ومن ذاك اليوم اتمنيت اصعدهه لان حتى من نروح للمزرعه مالتنه نروح بحنتور عربانة

يجرهة( حصان او حمار) مو بسيارة...فہ بيوم من ايام الصيف الحار اجتي عليه امي من الفجر كعدتني..

ام غسان☆☆ ربابة ربااب يلة يمه كومي لبسي و اتحضري دنروح زيارة لكربلا

رباب☆☆ فتحت عيوني كوة لأن جنت نعسانه بس سمعت بيهة طلعه صحيت😁... شنو يمة وين نروح

ام غسان☆☆ دنروح لكربلا حبيبتي وية بيت خالتج امينه ..عندي نذورة كومه علية بلكي اتذكرهن واوفيهن هناك.. يلة يمة لا تأخرينه

رباب☆☆ يمة يعني بعيدة كربلا؟

ام غسان ☆☆اي بعيدة لازم بالسيارة الجبيرة نروح يلة نكدر نوصل لعد بحنتور بعد 3 ايام منوصل

رباب☆☆صددك يمة بالسيارة الجبيرة 😀💃

ام غسان☆☆ اي يلة كوومي لاتاخرينه يلة ع السريع بين ما اكعد اخوتج ..

رباب☆☆ هاي اول مرة اروح لمكان بعيد جنت متحمسة وفرحانه من كثر فرحتي جنت

بس اضحك واشاقة وية اخوتي بس جانو يضوجون مني ومن شقاية وياهم... بدلنه على

السريع وامي حضرت اكلنه...جانت خابزة خبز عروك ومسوية جدر دولمه واخذت قوري فارغ

جبير للجاي وبيض مسلوك....طلعنه وجه الفجر جانت ضلمه بعدهة وبيهة نسمه هوى باردة استنشقت الهوى حتى الهوى بهاليوم يختلف

وصلنه بيت خالتي امينه دخلنه وسلمنه عليهم لكيناهم كاعدين ومتحضرين وينتضرون
السيارة الجبيرة تجي كعدنه وصار سوالف بين الكبار....

عرفت بعدين هاي السيارة مالت اخوه لعمو مجيد اسمه محمود مشتريهة ويريد يزورهة...

فہ كلتلة لعمو مجيد... عمو عفية اتمنى اكعد يم السايق اريد اشوفة شلون يسوق 😐

مجيد☆☆ عمو ميصير لازم احنه الزلم نكعد بالصدر يم السايق..انتو الجهال خاف تضوجوه للسايق والسيارة تنكلب بينه ياستار...

ابو غسان☆☆كول غيرهة ابو فرحة هاي النسوان وين تسيطر على هالجهال لوحدهن

والله يصير طشارهم ماله والي ..وينشمرون من البدي واحد ورة الثاني لازم رجال يكعد يمهن يضب الوضع

مجيد☆☆ فرحت من كلي ابو فرحة اعتبرت هالامر نكران ذات منه لان هوة ابوهة الشرعي ورغم ذلك كلي ابو فرح.....

ضحكت وكلتلهة لاخوية بيهة جادر شلون نخلي النسوان والجهال بالبدي بدون جادر مترهم

رباب☆☆ 😐 جادر شنو ردا اسألهم بس حانو يحجون وملتهين .. يلة يجوز مكان نكعد بية اسمه جادر 🤔

ابو غسان☆☆ اي اذا هيج بيهة مجال نكدر شوي انئمن عليهم واستر همين خو مو يبقون مكشوفين....

كمنه وطلعنه دنشوف السيارة اجتي لو بعد وبقينه واكفين بالباب ونسولف ورة شوي

بينو.... اها هذيج السيارة بينت مديت راسي من الباب وصحت...يلة ياجماعة تحضرو اجوي

رباب☆☆سمعت السيارة اجتي طلعت طايرة 🏃دة اشوفهة ..طلعت من الباب 😳شفتهة

شو هاي سيارة تختلف مو الباص الي جنت اشوفهة بالشارع هاي شكلهة جبير ويخوف

ومابيهة سكف من ورة 😨سألت امي ...يمة يمة هاي شنو السيارة...

امينه☆☆ هاي اسمهة لوري حبيبتي...

رباب☆☆ خالة اشو هاي مو مثل السيارات الجبيرة الي اشوفهة بالشارع هاي تخوف 😰

امينه☆☆ هههههههه لج ليش والله متخوف دصعدي بيهة وشوفيهة شكد حلوة كعدتهة خصوصا الكعدة لالبدي والهوى يلعب يخبل

رباب☆☆ سكتت بس ضليت اباوع ع السيارة واخيرا راح يتحقق حلمي واصعد بالسيارة 😀

ديصعدونه وشفنه خوات عمو مجيد 2.. رضية ونورية.. كاعدات بالبدي هنة وجهالهن بس

زلمهن ماجايين وياهم... صعدت امي وخالتي وسلمو عليهن واحنه صعدونه ابوية وعمو

مجيد لأن كلش عالية شالونه شيل...اخذتلي مكان يم الباب مالت البدي وكعدت اباوع ع

السيارة جانو فارشين منادر خفيفة بالبدي حتى نكدر نكعد ومنتأذة...

صعدو كلشي ابوية وعمو مجيد وكملو كالو هاا خو ماناسين شي كالولهم لا ماناسين حذرونه

احنه الجهال نلعب بالبا مالت البدي ابوية كال الي يلعب بيه لو يمد ايدة عليه اكسر ايدة...

كلنة خفنه وكلنة لا منلعب وشوي ابتعدنه عن الباب....شغل السيارة عمو محمود... واتحركت

وبدت تمشي اول شي بطيء وتتمروج بينه يمنة ويسرة مشت السيارة لو 😨

راحت روحي وياهة... يبو شكد تخوف من تمشي ومن تلوف..كلبي وكف..عبالي راح توكع

السيارة لو اتطب ابيت الجوارين ونندعم انوب مشى بيهة والشارع بي طسات وخضتنه

خض بمشيهة...بالبداية ختلت بحضن امي من الخوف وخنست ....بس ورو شوي اتجرأت

وكعدت مرة ثانية يم باب البدي وكمت امد راسي واشتم الهوى لو امد ايدي والعب جنت

اشوف شلون البساتين تمشي على السريع جان كل عقلي النخل والاشجار يمشن وية السيارة

😂 لأن ما اكدر اباوع على الشجرة لو النخلة زين متثبت تخطف خطف من يمي ردت انحول الا شوي 😅 تالي دخت وكعدت بمكاني 😁... ورة شوي كبت العيطة🙊

رضية☆☆ اييه سوودة عليه ياخوية مجيد.. يربي ويداري بزرة غيرة وهوة ماشاف بزرته.. اووف الله لاينطي امهات السحورة

نورية ☆☆ 😏والله يارضية اخوج مابي خير يربي بزرة العالم وحاي

#ارحام_متناثرة

البارت الثامن⚘⚘⚘بقلم فينوس آرام

#قصة_حقيقية_عاطفية_اجتماعية

ام غسان☆☆ 😱 تتزوج عليه

ابو غسان☆☆ بديت احجي بحنية واميل براسي يمنه ويسرة... اي اخذهة شكرة وبيضة

وعيونهة ملونه تشرح الصدر .. وانتي لا تخافين ماطلكج اجيبهة فوكاج.

ام غسان☆☆ انت صدك تحجي لو تتشاقة شنو شبيك شنو معنى هالحجي؟

ابو غسان☆☆ الشرع حللي 4 واني ماريد 4 اخذ بس 2 كلش كافي

ام غسان☆☆ ليش يابة شناقصني 😡

ابو غسان☆☆ شناقصج ؟ بياض وعيون ملونه وشعر ملون اريد كل هالسوالف مابيج

ام غسان☆☆ وهاي مين طالعلي بيهة يابة تريد وحدة ملونه

ابو غسان☆☆والله البركه بيج زرعتي هالفكرة براسي الشكرات حلوات وتمشين

واتدللين برباب وتقلدين وتصنفين على فرحة لان سمرة زين انتي سمرة وتقلدين على السمر

لعد لو شگرة شسوين؟ 😀والله زرعتيهة ابالي عاجبني اجرب الشكرة بما انو انتي سمرة ☻

ام غسان☆☆😡وانت شحالك دتاخذك وحدة ملونه شايف نفسك لا مال ولا جمال علة شنو ترضى بيك.

ابو غسان☆☆ الحسن بس للبنات مو للزلم واذا ع المال يجي ابيعلهة المزرعه وانطيهة

سياكهة(مهرهة) ... اووف اخذهة اصغر منج وبعدهة حديثة وعيونهة ملونه....بويةةةة اشو الدنية صارت حارة تكتل طفي الصوبة طفيهة😰

ام غسان☆☆ 😨 هذا الخبل شديحجي بعدنه بعز الشتى ومن ذكر البيضات والشكرات

هيج احتر 😡 خرب حظج فضيلة وين جانتلج هالشغلة... سكتت عنه ماجاوبته بس اباوعلة بتك عين.......

صبيتله الجاي ونطيتة الاستكان وطلعت رحت للمطبخ.. والله يالله ماناقصني غير المخابيل..

ماكو غير مجيد قاري براسه اوووف شوكت اخلص منه هالمجيد....

اوووف ياالله حتى اختي ماتت ناقصة عمر من وراه😧 منين طلعليي هذا.

⚘فرحة ☆☆ من ذاك اليوم وامي بطلت دكولي سويدة.. بس بتصرفاتهة دكولهة وتعنيهة وتجرحني هية ورباب.

اما ابوية بعد ابد ما اخذنه للمزرعه حتى نشتغل بيهة... كمنه نروح نتونس ونرجع فہ شوي ارتاحيت من هالامر...

من توفت امي امينه واحنه مامشترين ملابس للعيد لان حزانه ولانطب ولانطلع لأحد ابد لأن

عود خالتي فضيلة جانت حزينه على امي ومتقبل نشتري شي جديد للعيد فہ صار حجي بين رباب وامي فضيلة...

رباب☆☆ يمة هالعيد لازمم تشتريلي ملابس بعد هاي هية خالتي صارلهة كومه متوفية ...
واني كبرت اريد هدوم حلوة وجديدة

ام غسان☆☆ اي ان شالله يمة اذا انتي ما اشتريلج المن اشتري.

فرحة☆☆ ليش خالة شوكت العيد .

ام غسان☆☆ خالة تخلخلج... كم مرة كلتلج لا دكولين خاله يالعوبة اني امج.

فرحه☆☆ 😔..

رباب☆☆ التفتت على فرحه وكلتلة .. بعد تقريبا اسبوعين ويصير العيد... اكلج يمة وين

اتطلعونه بالعيد والله ضاكت روحي من البيت خلي نروح لكربلا مثل قبل كم سنه من رحنه سفرة.

ام غسان☆☆ والله ياريت اني همين عاجبني اروح بس هذا ابوج وين يقنع ياخذنه يكول الدرب بعيد وانتو كومه شلون احير بيكم.

رباب☆☆ اووف 😐 لعد شلون والله ضوجه

ام غسان☆☆ ربابة ابوج يكول يعجيج تلبسين حجاب لأن شوي كبرتي وعيب بعد زحمه تبقين مفرعه

رباب☆☆ 😝 ااايع شنو حجاب يمه.. اضوج منه ماريد البسة صدك تحجين انتي

ام غسان☆☆ بكيفج منجبرج على شي بس الحجاب حلو

رباب☆☆ اصلا جمالي يروح بالحجاب ولا احبة ما ادري شلون تلبسي انتي

ام غسان☆☆ فتحنه عيونه على هالدنية واحنه ملكجات لانعرف شوكت ولا ندري ليش اتحجبنه..

رباب☆☆ هسة عوفي الحجاب يا امي بعدني صغيرة ياحجاب.. كليلي شوكت تشتريلي ملابس مو روحي طلعت.

فرحه☆☆ ااا أني شفت نفنوف كلش حلو بالسوك لونه احمر وعلى كدي يخبل...حجيت

وياهة واحس نفسي مكسورة جناح واخجل اطلب منهة شي لأن اصلا متنطيني وجه من احجي وياهة.

ام غسان☆☆ اي وشتريدين؟

فرحة☆☆عفية اشتريلياه اتمنيت البسة من شفته كلش حلو عفية اريد البسة بالعيد.

ام غسان☆☆😂 تلبسين احمر شتطلعين ولج مضحكة تصيرين ..شوف يالله ههههههه

رباب☆☆ 😂

فرحة☆☆ سكتت ماحجيت صح ماكالتلي سودة لو سمرة بس حز بكلبي كلامهة وانقهرت

كلش وراسا بجيت 😢😭.. يمة وينج شوفي اختج شكد تقلد عليه ضليت ابجي و هية

لاانكسر كلبهة ولاخاطرهة علية ولا اهتمت اصلا ..

جان بابا مجيد يمر عليه بالاسبوع تلث مرات او اربعه  حسب فرغته.... مر عليه ثاني

يوم بالمدرسة....من شفته ركضت عليه ورأسا حضنته حيل وبجيت ...

مجيد☆☆ هلا هلا بنيتي البطلة ... ها هاي شنو شبيج بابا.. ليش تبجين شنو صاير؟

فرحه☆☆ اريد ارجع لبيتنه واعيش وياك يابة

مجيد☆☆ على هاي تبجين ههههه يابنيتي مو تعرفين اني دائما ابات خارج البيت..تعرفين

بشغلي مرات اسافر منو يبقى يمج؟ وما اكدر ابقيج يمج خاله شكرية 😕

فرحة☆☆اني اعرف خالة شكرية متحبني بس ماريد ابقى يم خالة فضيلة ولا رباب ولا عمو مكي ماحبهم ولا يحبوني 😭

مجيد☆☆ هذا شلون حجي بلة اولا خالة شكرية تحبج بس هية عدهة اخوج احسان

وكح وشالشهة فمتكدر تعتني بيج... وبعدين صارلج كم سنه يمهم هذول اهلج يابنتي لازم

تتعودين انو هذا ابوج وهاي امج عجبج او ماعجبج لازم تقبلين هالوضع

#ارحام_متناثرة

#قصة_حقيقية_عاطفية_اجتماعية

البارت العاشر⚘⚘⚘ بقلم فينوس آرام

⚘مرت الايام وصار يوم الجمعه .. لبست نفنوف احمر نص ردن... وشلت شعري بفيونكه

حمرة وبيضة ونزلت كذلة برجم خفيفة ولبست صندل فلات واخذنه جنطة جبيرة

بيهة ملابسنه وفرحة همين لبست نفوف العيد مالتهة ...وامي اخذت اكل واخذت الفلوس

الجانت تبوكهن من شغل اخوتي صارلهة كومه تجمع بيهن هههههه...جنة كلش فرحانين

ومتحمسين للطلعه ...وصلو بيت عمامي بسيارتين وحدة باص مصلحة والثانية سيارة عمي ابو مشتاق صغيرة ..

شفت الباص لو مدري شصار بية ...من اني وطفلة اتمنيت اصعدهة واخيرا حتتحقق

امنيتي واصعدهةة 😍 يوووو رحت اركض مثل الطفلة فتحت الباب دة اصعد وصار

بوجهي😐مشتاق راسا اتراجعت ليورة وخليت واخوتي يصعدون قبلي وبعدين صعدت اني

وفرحة سلمنه وردولنه السلام... شفت السايق ماتمالكت نفسي رحت اركض لابوية وكلتلة

عفية يابة خليني اكعد يم السايق اريد اشوف شلون يسوق.. ابوية ضحك وكلي تعالي

كعدي وراية وتصيرين قريبة عليه ..صحت لفرحه حتى تجي يمي بس ماقبلت تجي بقت

كاعدة يم بنات عمي الي بعمرهة تركتهة ورحت كعدت بالكشن ورة ابوية ما احس الا

مشتاق يجي يكعد يمي رفعت عيني ولكيته كاعد بصفي درت وجهي على الجامه وكلت

هوووف 😒 بصوت عالي شوي.. بس هوة ماعندة احساس ولا اهتم ... مشت السيارة

وراسا ميلت راسي وباوعت على السايق حتى اكدر اشوفة اريد اعرف شلون يلزم السكان وشلون تمشي السيارة اريد اكتشفهة 😍 ..

مشتاق☆☆ شفتهة ميلت راسهة وهية مفرعه و تجذب كلش تجبر العين تباوعلهة... همست بصوت حاد.. شدسوووين رجعي لمكانج

رباب☆☆ ضجت من هيج حجة وياية مامتعودة احد يأمرني كلتلة.. شنو هاي شعليك انتة؟

مشتاق☆☆ لج شنو شعليه الدتسوي عيب شلون تمدين راسج وتباوعين لرجال غريب

رباب☆☆ باوعتلة تك عين.. بكيفي.. ابوية وقابل😑

مشتاق☆☆ هسة احجي وية عمي اريد اشوف شلون يقبل على هالمهزلة.. وبعدين

احنه رايحين لاماكن مقدسة حطي شي على راسج شنو هيج طالعه كدام الغرب

رباب☆☆ معليك بية... ابوية اخوية انت هالشي ميخصك وبعدين مو هذيج سيارة اهلك ليش جاي هنا؟..

مشتاق☆☆ ميخصني شنو؟ لاتحجين هيج ويايه افتهمتي. ترة طريقنه على النجف عادي

كلش ادفنج وارجع.. وبكيفي اي سيارة تعجبني اصعد بيهة معليج انتي😏

رباب☆☆ 😒 هذا ليش هيج يحجي وياية عزة اني ام السان ما اكدر اردة امداج رباب

زين ليش خايفة احجي ردي عليه ولج... لا ولج انجبي وسكتي هذا شكله خبل وخاف

يسوي هوسة ومالي خلك مشاكل اووووووف منين طلعلي هالعلة ياالله..

درت وجهي للجامه وضليت اتفرج اتذكرت روحتنه قبل كم سنه من جانت خالتي امينه

عايشة وكعدتنه باللوري ههه والله ايام تخبل ضليت اباوع من الجامه هواي متغيرة الشوارع

والسيارات كثرانات وبيوت مبنية حديثة مترتب المكان صاير كلش حلو ..قبل جانت

المناطق الزراعية اكثر.. هسة كلهة بنايات ومدارس.. ابتسمت وية نفسي حلوة هاي الذكريات.

فزيت على صوت الجهال يتعايطون جانو كاعدين اخر شي بالسيارة.. يلعبون بيناتهم وكبت العيطة ...

ضليت طول الطريق اريد اتحرك ومشتاق خانكني كرهته وكرهت حتى السيارة من وراه ..

وصلنه كربلا زرنه واندعينه وطلعنه للسوك اشترو اهلي دهينه 😁 واني اخرب عليهة

لزمتهة بالشارع وكمت اكل ما اشوف الا ومشتاق واكف كدامي

مشتاق☆☆ شفتهة تاكل بالشارع لو عيوني طفرت رحت اركض عليهة.. شنو هاي ولج

شدسوين امشيي كعدي بأي مكان وبعدين اكلي عيب تمشين وتاكلين بالشارع شيكولون الناس علينه

رباب☆☆ يعني شيكولون وحدة دتاكل قابل شمسوية بابا معليك بية مو طلعت روحي

مشتاق☆ لج انتي متجين بالعيني والاغاتي وكفت سامت روحي كدامهة وكلتلهة ....

تروحين تكعدين هناك على المصاطب لو اخذج بمعرفتي واسحلج من هالشعر الاشگر الحضرتج متعجبة بي. دة اكلج عيب افتهمييي

رباب☆☆ همست اهوو ياالله هذا ماعندة خوات بس اخوة ومالكه احد يلتهي بيه غيري..

التفتت يمنه.. ويسرة شفت امي ملتهية بالمشترة وية النسوان وابوية وية الزلم

يسولف شفت روحي محد يمي بلعت اللكمه وضميت الدهينه بالعلاكه وباوعتلة تك عين

ورحت امشي سريع يم امي وهو يمشي وراية.. بقينه للضهر بكربلا وراهة كالو يلة

دنروح للنجف قبل لا اصعد بالسيارة كلت لابوية .. يابة خلصني من ابن اخوك ترة لعب نفسي

ابو غسان☆☆ بنتي عيب هذا ابن عمج وجبير مو زعطوط احترمي وجوده ولازم تسمعين كلمته

رباب☆☆ انتة موجود واخوتي موجودين اسمع كلمتكم بس هوة شكو حتى ميخليني

اباوع مثل الناس كل شوي نزلي عينج ديري وجهج دة اكل ومنعني من الاكل ادري هوة

شعليه شدخلة ..عفية احجي وياه كله خلي يكعد بغير مكان لايكعد يمي ... بهالاثناء اجة مشتاق وكف يمنه😧

مشتاق☆☆ شفتهة من بعيد مبينة جانت تحجي وتشكي لعمي وصايرة حمرة من

الضوجه وعرفت دتحجي عليه لأن رجلي حكتني😁 ماجذبت خبر رحت اسرسح يمهم

وصلت وسمعتهة دكلة احجي وياه خلي يكعد بغير مكان راسا كلتله

#ارحام_متناثرة
#قصة_حقيقية_عاطفية_اجتماعية

البارت الحادي عشر⚘⚘بقلم فينوس آرام

مرت الايام و اتزوج ابن عمتي رياض ورحنه العرسة والتقينه هناك اني ومشتاق

مشتاق☆☆ هاي شمسوية بوجهج شنو هالخرابيط 😡 امسحيهن

رباب☆☆ اهو بدت رحمه.. حاطة شوي حمرة وكحلة شمسوية قابل؟

مشتاق☆☆ دروحي حبابة غسلي هالشخابيط انتي بدونهن الله راسمج رسم متحتاجيهن

رباب☆☆ كلش فرحت من هيج حجة وياية بس سويت نفسي ممهتمة اله ..مديت ايدي

لجنطتي وطلعت خاولي صغير ومسحت الحمرة

مشتاق☆☆ بعد بيتي.. صايرة مطيعه وخوش بنية وتسمعين كلام صدقة ال الله

رباب☆☆ 😒

مشتاق☆☆ اييه رباب الله بالخير

رباب☆☆ 😒بعد وكت هسة اتذكرت تسلم يلة هلو

مشتاق☆☆ هسة خلي شوي نحجي جديات وكافي شقى.. بما انو اجواء عرس وابن عمتنه

فرحان بروحه وصاير عريس.. قررت اني همين اعرس وافرح بروحي 😁

رباب☆☆ اي متعرس منو لازمك 😪

مشتاق☆☆ موصوجج صوجي اني المحترمج ودة احجي وياج بعتبارج العروس

رباب☆☆ عروس 😐

مشتاق☆☆ اي عروس شنو ماجنتي تعرفين عيني عليج؟

رباب☆☆ لا مو هيج بس .. وقاطعني

مشتاق☆☆ خلص هالاسبوع اجي اخطبج ان شالله

رباب☆☆ 😨 من حجة هيج بقيت باهته بوجهة ما ادري ليش .. مع العلم جنت متوقعه

هالخطوة منه لكن ماتخيلتهة بهالسرعه كلتله... صدك تحجي بهالسرعه؟

مشتاق☆☆ شنو صدك تحجي؟ ويا سرعه هاي صارلنه 4 سنين مو كافي شنو يعني منتضرة شي معين يصير؟

رباب☆☆ ادري شبيك اشو تحجي وياية بعصبية ونترة ترة اني ميصرفلي هالحجي

مشتاق☆☆ لأن سؤالج مو بمحلة شنو بهالسرعه كم سنه صارلنه.. غير انتضرتج

تكبرين شوي وبهالفترة كونت نفسي واتعينت بدائرة حكومية وراتبي زين وماشية حياتي

رباب☆☆ 😪بس انت مافد يوم اعترفتلي بحبك وجاي هسة تخطبني منو يكول اقبل بيك

مشتاق☆☆ ومنو جاب سيرة الحب حبابة ☻

رباب☆☆ انتضرتني اكبر يعني تحبني☺ هذا اعتراف منك ههههه

مشتاق☆☆ 😒 لاتشيلين خشمج

رباب☆☆ خلينه نحجي جديات مشتاق .. ترة امي متنطيني الكم ومستحيل تقبل بيك

مشتاق☆☆ هية هاي امج العلة.. يمكن تريد رئيس جمهورية يجي يخطبج

رباب☆☆ طبعا ويتمنى همين هوة يطول😏

مشتاق☆☆ عدلي جهرتج حبابة ولا تشيلين خشمج هيج... 😒ترة مو بس انتي شكرة

وبيضة وعيونج ملونه مكومات ويامكثرهن لا وازيدج علم متواضعات ويدخلن الگلب راسا

رباب☆☆ خلص روح اخذلك وحدة منهن 🙄

مشتاق☆☆ ترة مالي خلك اتناهد وياج.. اني رايح يم الشباب برة صيري عاقلة ولا تتحركين منا ومنا وسويلج دالغه

رباب☆☆ 😒 اشايفني اكمز يمنه ويسرة عشتو.. اصلا اني بكعدتي اجذب انتباهم انوب اتحرك منا ومنا اسبيهم سباية ☺

مشتاق☆☆ خرب حضي شلون راح اتزوجج يمكن اشبعج كتل على سوالفج هاي ترة فورتي دمي بهالغرور

رباب☆☆ يلوك الي الغرور يا ابن عمي 😇

مشتاق☆☆ اصلا كلشي ميلوك لأم حلوك.. 😑 اني رايح يم الشباب برة لاتصيرين وكحة زين حبابة ..

تركتهة وطلعت الكعدة وياهة تكصر العمر عنودية استفزازية كلشش وهية متقصر بأستفزازي..

رباب☆☆ جنه واكفين اني ومشتاق بالطرمه الخلفية لبيت عمتي ومن راح دخلت للهول

وكعدت اني وامي نصنف على العروس😁عزة شحالهة تخرب ضحك ممصدكه متزوجه يمكن ..

ضحكتهة بعرض وجههة ولاجنهة عروس غير لازم تبجي بيوم عرسهة😒 اشو هاي

مكضيتهة تمضحك..ومابقينه وحدة بالعرس ما صنفنه عليهة حتى فرحه همين صنفناهة🙊

جنت اتألم من اشوف فرحه مندمجة وية بنات عمي ومن كل عقلي جنت اضوج وافرفح..

شلون هيج يحبوهة ويسولفن وياهة المصيبة الاكبر العرس انكلب كلة يصيحون باسم فرحه ..

كرايبي انخبصو بيهة خبص بسبب لسانهة هية صدك لسانهة ينكط عسل وكلش مجاملة

ومحبوبة ووجهة بشوش. اوووف يووم شوفي اشو الدنية كلهة تهذرف بفرحه شبيه اني شناقصني مدكوليليي

ام غسان☆☆ ولج شبيج هية العوبة تحب العوبة متحب الاحلى منهة وشوفيهن كلهن هنا عوبات ياهية البيهن وجهة يتباوع..

رباب☆☆ يمة هذا الجمال اكبر كذبة هذا الحسن الخبصتيني بي كلشي مديسوي ليش

ميجون يمي ميلتمون عليه مو اني عود المميزة بيهم مو اني الشكرة والبيضة وام العيون الخضر مو جنتي هيج دكوليلي

ام غسان☆☆ اكلج ليش ماتلصمين احسن ولج يالثولة شوفي الناس شلون مخبوصة

عليج ويخطوبج وشوفي هالعوبات منو مكلبهن كل وحدة منهن دكول فلاحة

ومصخمتهة الشمس 😂 يكفي خطاطيبج اكثر منهن

رباب☆☆ بس مو محبوبة مثل فرحه شوفي شلون يعاملوهة

ام غسان☆☆ بابا شسوين بهالعلاقات التعبانه همة خلك بيت عمج.. ولج اني اخوتي لبستهم

وحكرتهم عاد حمويني ... اسمعيني زين القسمه الزينه والمعدلة والمليانة فلوس تخلي
كل هذوول يخضعولج ويتلوكولج..

اووف ياحسرة كلبي شكد اتقدمولي ناس مليانين ومتروسين فلوس اوف لو يرجع الوكت

رباب☆☆ 😒 وليش ماقبلتي

ام غسان☆☆ غير حظي الاغبر وكعني بأبوج الأغم والفگر متشوفيني ماريدج توكعين
وكعتي..

ولج يمه العندة فلوس يبقى شباب طول عمرة وميموت ناقص عمر مثلنه وانتي جمالج

يجيب ابو الفلوس مدتشوفين خطاطيبج كلهم حالت

#ارحام_متناثرة

#قصة_حقيقية_عاطفية_اجتماعية

البارت الثالث عشر⚘⚘⚘ بقلم فينوس آرام

رائد ☆☆ جنت نايم واسمع الباب يندك .. ما اهتميت وبقيت بفراشي .. زادت دكات الباب

وانسطرت😑 من الدك كمت من فراشي حتى ماغسلت وجهي ولا رتبت شعري فتحت الباب

وشفت رباب بنت ابو غسان كدامي... بوية والله جمالهة يكتل من تشوفهة من قريب يبين

حسنهة اكثر ..عيون وساع وخضر وشعر اشكر وبيضة كطن ..

رباب☆☆دكيت الباب وطلعلي واحد يفرك بعيونه وشعرة مخربط كلت ماكو غيرة اكيد

هذا رائد يمكن كعدته من النوم عزة شلون فشلة كلتلة... صباح الخير

رائد ☆☆ ياهلا والله صباح النور

رباب☆☆ اسفة كعدتك من النوم بس ساعه 10 ونص عبالي كاعدين

رائد☆☆ لا عادي ماصار شي اني أتأخرت بالنوم لأن اليوم جمعه هههه

رباب☆☆ يا هه اسفة والله نسيت ما ابالي اليوم جمعه... أأ وين خاله اذا موجودة

صيحلياهة.. جنت احجي اباوع بداخل بيتهم دشوف وين خالة

رائد☆☆ والله مو هنا لأن اختي عمتهة توفت ام رجهلة امس واخذتهة الهم وباتت يمهم هناك لأن همة بغير محافضة.

رباب☆☆ يا خوية اسفة البقية بحياتكم

رائد☆☆ وبحياتج الباقية.. ليش الاسف عادي ماصار شي بالعكس رحم الله والديج حبيت اشكرك على مساعدتج لأمي

رباب☆☆ لا عادي مامسوية شي تدلل خالة.. يلة خوية اني اترخص ... ترخصت منه ورحت للسوك ...

ضليت امشي واسولف وية نفسي هاي اول مرة اشوف رائد بس صدك حلو شكله وسيم

كلش... اضاهر يشبه ابوه لان خاله مو وهيج شكلهة ومو بحلاته يبوو اذا اني وهوة نتزوج

شنخلف 😍 يمة صدقة نجيب اجانب .... تالي حسيت على روحي احجي وية نفسي عدلت مشيتي ورحت اتسوكت... من رجعت لكيت

نسوان اخوتي متعاركات وميقبلن يشتغلن😑 مايمر يوم اذا مايتعاركن چلت چوول بيهن

كلتلهن والله الماتسوي شغلهة لا ادزهة لأهلهة مطلكه.. عاد احترمن نفسهن وكامن على شغلهن... نسوان ماتجي الا بالعصى.

ورة جم يوم رجعت خاله ام رائد ورديت رحت الهة اخذت من خاطرهة وجبتلهة المسواك الي تريدة..

ضليت على هالحال حوالي 3 اشهر صدك تعب بس شسوي مرة جبيرة وتعبانه وكوة تمشي خطية نكسب بيهة اجر...

نسوان اخوتي بهالفترة خلفن .كل وحدة منهن جابت ولد وامي طارت من الفرحه عبالك

بحياتهة ماشايفة الولد هلهلت وسوت غدة وعزمت اقربائنه وتتباهة بين النسوان ولدي خلفتهم ولد 😐 ..

يوم عن يوم يزيد اهمال اخوتي النة ..وابوية حالته تسوء اكثر واكثر .. ومسؤلية البيت

ثكلت كلش عليه بس اني اكابر وما اهتم واخذ الدنية بزودي....

ورة فترة اجني بنات ام رائد واني ما ادري بيهن .... مريت عليهة مثل كل مرة وطلعلي

بناتهة خطية سلمن عليه ودخلني للبيت واتعرفنة على بعض..خطية اتشكرن مني هواي

وكالن احنه نتسوك هالمرة طالما موجودين هالفترة هنا ارتاحي انتي..

ورة يوم بالضبط سمعت بالمسجد اليمنه ينادي باسم مرة متوفية.. واني بية سولة اعوف كل

شغلي واضل اصنط اشوف منو توفى ركزت اكثر وكال انتقلت الى رحمه الله الحجية ام

رائد وتشييعهة بعد نص ساعه.... اتعجبت وصحت اهااااا ام رائد تووفت معقولة

ياسبحان الله امس جنت يمهة وكلشي مبيهة
صح هية تعبانه بس متصورت راح تموت ...

حضرنه الفاتحة 3 ايام جانت ايدي بايد بناتهة
ايد على الطبخ وايد بالمطبخ من ذاك اليوم

صارت علاقتي باخوات رائد كلش قوية هنة جانن 5 بنات ومتزوجات اكو بيهم خارج الحلة واكو بيهن بالحلة بس بعيدات عن بيت امهن...

علاقتي اكثر شي قوت بأنعام اخت رائد متزوجه خارج الحلة وعدهة 3 جهال ....

انعام☆☆ رحم الله والديج رباب على وكفتج ويانه.. كرايبنه منه وبينه ماوكفن وكفتج

رباب☆☆ احنه اهل ان شالله ومابيناتنه هالامور وخاله جانت عزيزة عليه الله يرحمهة

انعام☆☆ اووف يا رباب والله ماكاسر ضهري غير رائد هذا كلشي ميدبر لوحدة

رباب☆☆ مفهمت شبي يعني

انعام☆☆ صار صدك يتيم عكب عين امي هوة مدلل لا يعرف يطبخ ولا يعرف ينضف عايش ع الهوسة مهتم بشغلة واصدقائة وبس

رباب☆☆ خطية الله يعينه يتعود شوي شوي على هالعيشة شيسوي

انعام☆☆ شكد امي اتمنت اتزوجه حاولت رادت وياه بس ماقبل اشكال خطبتلة وهوة معاند سودة عليه ماتت وماشافت خلفته

رباب☆☆ ان شالله يلكه بنت الحلال التناسبة

انعام ☆☆ اي والله ان شالله .....

رباب☆☆ رجعت للبيت واني مكسرة من شغل الفاتحة ومهدود حيلي ..

ورة الفاتحة بكم يوم طلعت للسوك ولكيت مشتاق واكفلي براس الدربونه..

رباب☆☆ شفته من بعيد وابتسمت

مشتاق☆☆ صباح الخير ياوجه الخير.

رباب☆☆ صباح النور.. شعجب بينت ماصارلنه اسبوع من متلاكين

مشتاق☆☆ ههههههه ليش متريدين تشوفيني

رباب☆☆ لا مو هيج بس شوفتك صايرة كلفة يامشتاق ههههه حتى المغني رضا علي اشوفه بالتلفزيون اكثر منك

مشتاق☆☆ هههههه ادلل عليه ادلل
بس لا ياولفي تزعل
كل ماتريد اتمنى
كلبي لو روحي اقبل
ادلل عليه ادلل كلبي ادلل
شلوني☻.

رباب☆☆ ☻لاتغني يمعود.. خطية المطرب بعد مايغني من يسمعك اعت

#ارحام_متناثرة

#قصة_حقيقية_عاطفية_اجتماعية

البارت السادس عشر والاخير⚘⚘⚘بقلم فينوس آرام

رباب☆☆ ضلو يمي ولد اخوتي عمار اربيهم وملتهية وياهم.. وشفت امومتي بيهم وبنفس

الوقت اعتني بأمي لأن تعبت كلش من جابو اخوية نبيل شهيد بس تنعى وتبجي .... وبيوم

20/2/1987 كان يوم جمعه .. الدنية ليل وشتى وبرد وكاعدة احوك بانتوف لبنت اخوية

عمار وجنت كاعدة اسولف وية امي عن هالدنية والاحداث الصارت بحياتي ...

والله يايمه تعبت.. شكد هسة عمري 29 سنه وشفت كل هالظيم لعد من يصير عمري بالستين ششوف ..

هههه والله مرات اكول يمكن انتي ماداعيتلي وهيج الله ماموفقني..اشو ساكته بس لا صدك ماداعيتلي ..

التفتت عليهة حجية نمتي يمة.. حجيت وياهة وماجاوبتني و متتحرك ابد شمرت رولة

الصوف من ايدي وركضت عليهة دغيتهة احرك بيهة ومتتحرك.. عرفت بيهة مسلمه امانتهة

صرخت ودكيت ولطمت احجي وياهة ومتجاوبني ..وج يمةة فرغ عليه البيت وج
يوووم دخيلج يمةةةةة يومممم كووميي يبووو..

نصبنه الفاتحة والعالم بدت تجي من كل صوب ورة شوي دخلت مرت عمي و وياهة مرت مشتاق💔

ضليت اباوع عليهم لأول مرة احس مشتاق حقي وهذه اخذته مني.. كابرت على جرحي ودرت وجهي وضليت ابجي ...

خلصت ايام الفاتحة وبدو العالم يروحون ... والبيت فرغ عليه بس ورة شوي اجاني غسان..

غسان☆☆ حبيبتي رباب ما اكدر اعوفج بالبيت لوحدج شلون ادبريهة

رباب☆☆ اي والله ياخوية ياكل بيه البيت اظلم بدونكم

غسان☆☆ خلص حبيبتي راح اجيب عائلتي واجي اسكن وياج بالبيت

رباب☆☆ سمعت هيج يحجي مصدكت.. صدددك غسان الله عليج تجي يمي كل الهلا

بيك عيوني انت ع راسي اشيلكم والله شفايتلي ...البيت ياكل بيه اكل

غسان☆☆ لا ما اقبل خيتي وحبيبتي تبقى لوحدهة

رباب☆☆ خيتي وحبيبتي 😳 وغسان الديحجي؟؟ الله يهديك خوية شعندي غيركم انتو اخوتي وسندي بهالدنية العوجه

غسان☆☆ خوش اليوم ابقى جميلة والبنات يمج واخذ بس الولد حتى باجر انقل الغراض

واسلم البيت .. الايجار يتعب يا رباب لا الحك مصرف ولا الشغل يسد الفلوس مين اجيب

رباب☆☆ يا خوية بيت ابوك مفتوح وياريت لو تلزم المزرعه والله تكت ذهب بس تعرف انت يرادلهة زلم هاللشغلة مو مرة مثلي

غسان☆☆ ااي ااي الله كريم عود يصير خير يلة بوية اني رايح..

رباب☆☆ وطلع وتركني وية جميلة والبنات شلتهن بالصلوات . مرت الايام والاشهر وغسان

رجع النفس وضعه.. وضليت اني المسؤلة عن البيت والمصرف..

جميلة☆☆ غسان حبيبي شراح تسوي وية رباب

غسان☆☆ شسوي يعني ردتي تكعدين بالبيت وجبتج وكعدتج شنو بعد تريدين؟

جميلة☆☆ لاااااا يابيت يمعود اريد هاللبيت يصير الجهالك ضمان الهم لمستقبلهم .. وكمت كعدت يمه ..

غسان اختك عدهة ذهب كوممم تعرف شنو يعني كوم هذا اذا اخذناهة نشتري بيه بيت
...ذهب اصلي العدهة يسوة كومه

غسان☆☆ وانتي شلون عرفتي بالذهب العدهة

جميلة☆☆ أأأأ هاي شبيك بعرس اختهة لبستهة شنو ماشفتهة

غسان☆☆ لا والله ما انتبهت .. اكلج يعني هواي الذهب يسوة لو واحد يذل روحه على الخالي بلاش

جميلة☆☆ شنو يسوة اكلك يشتريلك بيييت باسمك حكةة ذهب عدهة ..

غسان☆☆ خوش عاشت ايدج جميلة والله انتي على المرام مرة والنعم منج رغم مساوئي وشربي وعربدتي بس ماتركتيني

جميلة☆☆ شعندي غيرك غسان اني واهلي نروح فدوة الك

رباب☆☆ مر الاربعين مالت امي الله يرحمهة واجة علية غسان استغربت كاعد يمي ويسولف وياخذ وينطي وياية بالحجي

غسان☆☆ يا بنت ابوية عندي موضوع وياج واريدج تعينيني بيه

رباب☆☆ كول غسان خير ان شالله

غسان☆☆ شوفي احنه مو نريد نحيي الكاع مالتنه.. رحتلهة قبل كم يوم وشفتهة كاضية

ماباقي بيه شي اشجارهة محروكه من العطش ويابسة يرادلهةة كومة فلوس

رباب☆☆ ليش كومه فلوس افتح المي عليهن وخلي ينسكي الزرع خلال 4 اشهر ترد ترجع احسن من الاول

غسان☆☆ انتي حتلعميني بشغلي ؟ دكولج يحتاج كومه فلوس اقل شي 7000 دينار

رباب☆☆😳 شنو 7 الالف دينار يمعود دنشتري كاع قابل ليش شتريد تسويلهة؟

غسان☆☆ اني ليش اضوج احجي وياج دائما اطلعين نفسج تفتهمين وانتي ثور الله بارض الله

رباب☆☆ ليش الغلط غسان دنسولف اني وياك عن البستان ليش هيج تحجي وتغلط

غسان☆☆ انتي قبل جم يوم تتبجبجين وتتوسلين بهذا وهذا علمود البستان وهسة من احجي وياج اطلعيني كلشي ما افتهم مووو

رباب☆☆ لالا محشوم مو هيج القصد .. هسة كولي شنو تريد بالضبط وان شالله اسويه

غسان☆☆ محتاج 7 الاف دينار ضروووري البستان اذا حييناهة تكت ذهب و يجوز نشتري البساتين اليمنه همين ونتوسع بشغلنه

رباب☆☆ شنسوي بالبساتين اليمنه هية كاعنه جانت مكفيتنه ووموفيتنه

غسان☆☆ اللهم مطولج ياااارووووح

رباب☆☆ اعصابك اعصابك ... ماعندي هيج مبلغ جوة ايدي كل العندي 830 دينار مين اجيب 7 الالف دينار

غسان☆☆ ذهب امي انطينياه بس توكف البستان على حيلهة ارجعهة

رباب☆☆😦 لا ذهب شنو يمعود لالا شسوي بالذهب

غسان☆☆ يعني شسوي بي ازرعه حتى يخضر ذهبات هنا وهنا...

لج