#ارحام_متناثرة

الاولاد كانو ذكور او اناث هم نعمه من الله لذلك واجب كل ام واب الانتباه على معاملة

اولادهم و عدم التفرقة بينهم لأنهم خرجو من صلب واحد ورحم واحد ...لاتفضلون بعضهم

على بعض مهما كانت الاسباب لأن هذه التفرقة ممكن ان تتسبب بعواقب وخيمه في العائلة...

قصه لعائلة عراقية زرعو التفرقة بين ابنائهم فتؤل الاحداث الى......؟؟....

قصة حقيقية اجتماعية عاطفية من خمسينيات القرن الماضي اتمنى تنال اعجابكم .....

@stylegrils

#ارحام_متناثرة    1

البارت الاول⚘⚘⚘

بيوم من ايام شهر (يوليو_تموز) من سنه 1958 جنت حامل بطفلي الخامس..تعبانة

من الحمل وحالتي حالة وكوة امشي وفوك القهر رحاتي توجعني وما اكدر اشلعهة لاني حامل ....

ام غسان☆☆شفت ابو غسان واجيت كعدت يمه ...اوف يابة مكي تعبانه هلكانه كووة

امشي دخلت بالخامس والوحام ماخلص. ما تاخذني للداية ام ربيع عفية تشوفني شبيه

ابو غسان☆☆هاه ليش شبيج فضيلة يوجعج شي؟ ااي اكيد شايلة شي ثكيل اويلي منج اعرف بيج متكعدين راحة بس تكمزين .

ام غسان☆☆ 🤕 ليش يعني متعرف رحاتي ملتهبة وموتتني حلكي كله مورم من وراه

...و لاتخاف ما شايلة ثكل الثكل الي بطني كافي عليه

ابو غسان☆☆ وشراح اتسوي الداية لسنونج 😑

ام غسان☆☆ 😐 مو سنوني.. بس احس روحي ثكيلة ومبية حيل لكل شي وجسمي

مكسر كلت اروح لأم ربيع تكشف علية وتشوف سالفة هالثكل شنو .

ابو غسان☆☆ يمعودة والله عبالي بيج شي... غير حامل وبطنج بعلو خششمج عادي تتعبين وثكلين بالحركه

شنو جديدة عليج هالسالفة.. و اذا على رحاتج هاي قرنفل حطي شوي منه ويخفف الوجع

ام غسان☆☆ قرنفل واني حامل يمة تريد وليدي يوكع..وبعدين شيصير اذا اخذتني هسة

هية شمرة عصى ..خليني اشوف شبيه...خاف الولد بي شي واني كاعدة ومصفطة بمكاني

ابو غسان☆☆ شعدجن سوالف يالنسوان تموتن على الطلعه

ام غسان☆☆ 😒 هسة اليسمعك يكول طالعه للسوك افرفر.. هية للداية خطوتين عن بيتنه منا لهناك.....

درت وجهي عنه وحجيت بضوجه... عمي شكو عليك متحس بحالي بطني تريد تنفجر من
الثكل وكوة امشي

وجهالك يرادلهم حيل مامدشن واني نكضت وانت دكلي تموتين على الطلعة...اوف ياحظي الاغبر

ابو غسان ☆☆ 😰ابتلينه وحجية.. خلص يلة يحضري نفسج هسة اجيب الحنتور واجي

ام غسان☆☆ ليش حنتور اكدر امشي هية خطوتين ونوصل

ابو غسان☆☆والله خبلتيني مو كلتلي تعبانه واحس بثكل ومابية امشي

ام غسان☆☆اي بس الداية خطوتين مو بعيدة

ابو غسان☆☆ اشو هسة صار بيج حيل و صحيتي ؟ ..اني رايح اجيب الحنتور واجي

ام غسان☆☆يلة بكيفك😒...لبست عباتي واجه ابو غسان... يمة كوة صعدت الحنتور يبو

شفته شكد عالي واني كوة اتحرك حركتي ثكيلة ...

وصلت للداية ام ربيع وفحصتني وشكيتلهة حالي ...وج عيني ام ربيع صايرة اكل اكل مو

طبيعي وخصوصا الحلاوة شيجي كدامي احطة بحلكي حلاوة طحين جاي حلو اسوي

عسل كوم ششكر احطله واشربة...كليجة انسفهة كلشي حلو اكلة ..ممبقية شي بالبيت

يعتب عليه😐 بس المصيبة بعدة الوحام دخلت بالخامس وبعدة ماخلص اكل منا وارد

من راسي منا (استفرغ) وفوكاهة احس مبية حيل وجسمي يوون اشو هالحبالة مو مثل

ولدي جنت خفيفة بيهم واركض ركض مثل الغزال شحلاتني

الداية☆☆ ااايه ام غسان مابيج شي لاتوهسين شنو غشيمه انتي...... هية حبالة البنية هيج تصير ثكيلة

ام غسان☆☆ 😳شنووو عزززةةة العزااااني 😖 بنييية شنووو لالا لاتحجيهة عووووذة

عووذة ياستااار اسم الله شنو بنية شلون عرفتي بية بنية احجي

الداية☆☆ 😒مدكوليلي شبيج شنو هالحجي
؟؟  شنو متعرفين اذا بطنج مدروة بنية واذا بالطول ولد ..

واذا وجهج اذا اظلم بيج بنية لأن البنية تاخذ حلاة امهة واذا مضوي ولد ...

ونازلة دك اكل بالحلويات والوحام ماخلص بعدة هاي كل مواصفات حبالة البنية بيج شكو مستغربة!!

ام غسان ☆☆صخاااااام هاي وين جانت مضمومتلي..ليش رربييي ماريد بنية عاد اني شلون اكره البنات خرب حظي اي والله 😭

الداية☆☆ هاااي شبيج شنو هالحجي استغفري ربج ام غسان شنو هالكلام

ام غسان☆☆ عوذة عوذة عوذة منهن اكرههن وتالي الله ينطيني بنية😭 ليش ربي ليش

شمسوية اني وتنطيني بنية ربيي... ماريدهة ماريدهة.. احجي هيج واضرب على بطني

الداية☆☆ وج شدسوووووين.. شوف المخبلة ركضت لزمت ايدهة..وج شبيج قابل

عندج 10بنات اشو الله ناطيج 4 ولد مثل فلعة الكمر وماعندج بنية وج استحي شوي من الله.. ماشبعتي ؟

ام غسان☆☆هية تحجي واني ادك واللطم... ماريدهة ماريد بنية خرب حظي ولج ماريدهة

الداية☆☆ وبعدين كلشي بيد الله يجوز مو بنية بيج يجوز ولد ..ترة حبالة البنية والولد مرات تصير متشابهة

ام غسان☆☆  اني اكره البنات😭 ربي لا تبليني ببنية لا تنطيني هيج بلوة... اريد بس

ولد شلون ام ربيع شسوي.. ربي موتهة ماريد اشوفهة...زين وكعيهة فدوة ماريدهة.

الداية☆☆شنووو😳 ..شنو اوكعهة امشي بابا شهالحجي ...عليج هسة 5 اشهور همين حرام

وهمين ميصير ويجوز تموتين وابتلي شلي بدوخه الراس.

ام غسان☆☆ يالحظ الاغبر الله ياخذهة وين الله توكع وين الله تموت ابطني

الداية☆☆ عزة العزاج شنو هالادعية ...
وبعيدن شكو هالهوسة متريديهة جيبيهة

وانطيهة لأختج الصغيرة مو ميصير

عدهة جهال صارلهة جم سنه ...وهيج تفض الشغلة شنو هالحجي الزايد بعد

ام غسان☆☆ها..اي..احسن خوش فكرة خلي تاخذهة اختي امينه..عوووذة يالله بنية شنو

اوووع 😖....طلعت من يم الداية ام ربيع واني اولول وابجي بس لاصدك بية بنية ..

انوب كمت افكر شلون اوكعهة واخلص من همهة..زين واذا ماوكعت😳 شسوي..اي انطيهة

لاختي الصغيرة هية بحسرة الطفل اذبهة عليهة واخلص

ابو غسان☆☆ 😳 شبيج فضيلة اشو تبجين بيج شي الطفل بي شي احجي شنو صاير

ام غسان☆☆ياريت 😭

ابو غسان☆☆ ياريت شنو 😳شبيج شهالحجي  فهميني شصاير

ام غسان☆☆ امشي وصلني للبيت نكضت من التعب....بقيت ساكته الطريق كلة ماحجيت

ولا كلمه بس منزلة راسي ومغطيته بالعباية
وابجي وصلنه البيت ومكي اكل راسي يريد

يفتهم شكو واني ابد ماجاوبتة ...تالي ضاج وطلع عاد اني راسا وصلت خبر لاختي امينه

بيد ابني غسان اذا اجيب بنية انطيهة الج..خطية كيفت وفرحت ورة يومين من

روحتي للداية كبت الهوسة بالشارع.. طلعت راسي من الباب دشوف شكو وادور ابو غسان

حتى افتهم شنو الديصير... شفته جاي يركض من بعيد ويأشر عليه ...

ام غسان☆☆ يا ياستار هاي شنو هوسة الناس شنو شصاير ابو غسان شكو 😳

ابو غسان **  لمممي غراااضج لمييي بسرعه دنرووح للمزرعه بسرعه بسرعه يلة

ام غسان☆☆ يااا 😐للمزرعه نروح شنو شبيك فهمني شصاير

ابو غسان ☆☆ كبت الهوسة منعرف شديصير

ام غسان☆☆ يعني الوادم شبيهة

ابو غسان☆☆ ااااستغفرررر االله شكد تحجييين لخاطر الله لميييييي جم هدمه

واني اخذ الجهال يلةةةة الحنتور ينتضر برة.....صدك طلعنه للمزرعه مالتنة من الطريق

الترابي واني اشوف الدكاكين مسدودة والناس هاجة بالشوارع وتصيح وتهتف

وتصرخ واني كلشي ما مفتهمة ولا ادري شكو وشبيهة هالناس وصلنه..لمزرعتنه بالكوة ردت

اموت من الطريق والخضة مالت الشوراع الترابية...مزرعتنه باطراف الحلة وبنصهة بيت

صغير وقديم.... اشتريناهة اول زواجنه وبقينه بالولاية كاعدين مارحنة بيهة بقيناهة

للزمن وكل فترة ابو غسان يروح يداري المزرعه ويزرعهة ويأمن جوارينه بيت ابو

ريسان عليهة ويرجع لذلك شوي جانت متروكه
...فہ استغلينه هالفترة بالمزرعه اشتغلنه

واعتنينه بكاعنه واهتمينه بيهة اني ومكي
زرعنه اشكال نخل واشجار الفواكه...النفس

وماشتهت وبقى مكي مساحة من الارض
يرزعهة مخضر....الزراعة والخضرة والمي يريح العين ويهدي النفس ..

ام غسان☆☆هههههه ابو غسان اليشوفك تزرع بهالواهس يكول ضامن تاكل من

هالبستان ترة يراد كومة سنين حتى تحمل ثمرهة واصلا احنه ماباقين هنا بس تهداء الاوضاع نرجع

ابو غسان☆☆ باوعت عليهة ..حتى لو ماباقي بالعمر وسعه نزرعهه لولدنه...وبعدين حتى لو

ماسكناهة قابل اعوفهة الكاع خاليه؟  فضيلة اني فلاح وابن فلاح حتى لو سكنت الولاية ما انسى اصلي

ام غسان☆☆لا عيوني على كيفك ويايه ماحجيت شي الله ينطيك طولت العمر وان شالله تشوفهة بستان غانمه بزودك

ابو غسان☆☆الله كريم

ام غسان☆☆اييه مكي شكد يعجبني اشوف   المي يجري من تروح تفتح الطلاكه مالت

السگي ويجي يجري ركض ويسگي هالزرعات وينتشر بالمزرعه ويختلط ريحة المي والتراب
افيشش ريحته ترد الروح...

خوبن من نزرع مخضر وننتضرة جم اسبوع ويبدي ينبت هالزرع ويطلع صغار شحلو...

الفرحة بيه متنوصف عبالك جهالي كبرو كدامي هههههههه...

ضلينه اني ومكي نسولف مابقينه سيرة ماجبناهة من الريف للولاية ههههههههه
ومن ضمن هالسوالف كلتلة اذا بية بنية انطيهة لاختي امينه ....

ابو غسان☆☆شفتهة تعبانه وكوة تمشي وتحجي ويومية تبجي تخاف لابيهه بنية سكتت عنهة وكلتلهة...الله كريم فضيلة يصير خير

⚘ام غسان☆☆مرت الاشهر واني اشتغل بالكاع ابد ماكعدت وجنت شكو شي ثكيل

ويتعب اشيلة كلت بلكي الله توكع هالطفلة واخلص ...دخلت بشهري وحسيت بألم ولادة

جابلي ابو غسان داية يعرفوهة بيت ابو ريسان دلونه عليهة قريبة من مزرعتنه

جيبتني وكلتلي بالخير اجتكم بنية لو انشاليت وانطبيت وكرهت روحي وحسيت مصيبة ووكعت على راسي مو طفلة عبالك💔

ام غسان☆☆ لاااا هلة😖 ياحظي الاغم ماريد اشوفهةةةة ماريدهةة

الداية☆☆😳ياا ليش متريديهة ؟ هاي ضناج بنتج قابل بنت رجلج؟ ..

دشوفيهية والله ينشرح صدرج الهة.....هاج اخذيهة ام غسان رضعيهة خليهة بحضنج

ام غسان☆☆اني ادك وابجي لان جبت بنت وعيوني حمر ومالي نفس اشوفهة حتى

من تصرخ مارف كلبي عليهة ابد ... وهاي تريد ارضعهة... كلتلج وخريهة عني ماريد اشوفهة
هسة ابوهة ياخذهة يوديهة لخالتهة ..

الداية☆☆ سكتت 😳 عنهة وهمست عمت عين هيج ناس اي والله العالم تكتل روحهة

على الضنه وهاي تتبطر.... لملمتهة ولميت غراضي ولفيت الجارة بعلاكة وصحت لابو

غسان ... تعال عمي ابو غسان مادكولي جم بنية عندك ومرتك هيج كارهة البنات؟

ابو غسان☆☆باوعت بنضرة استغراب.. شنو كارهة البنات..

عمي ماعندي بس 4 ولد وهالبنية... ان شالله جيتهة خير علينه.

الداية☆☆ تعال شوف بنتك خوية شوفهة شحسن شحلاة ماشالله عيون ملونه وتلاري
من البياض و

مبينه ملامحهة حلوة الله يحفظهة

ابو غسان☆☆ اتقربت على الطفلة وشلتهة صدك شحسن هاي تخبل فدوة مو مثل

اخوتهة سمر مصلبخين....يابوية تخبل جنهة بيبيتي ام ابوي....وج ام غسان هاي منين

جبتيهة شوفيهة تنعجن بالدم شحلاتهة عينن بيبيتي الله يرحمهة..... شلتهة وجيت يم امهة كعدت

ام غسان☆☆ابوهة مكيف ويكولي شحسن و جابهة يمي واني دايرة وجهي عنهة ماريد

اشوفهة كارهتهة ...لأن اتعذبت بطفولتي هواي ..احنه 9 بنات .. وجانو الناس يعيرون

امي بينه يسموهة ام البنات رغم عندي اخوة 2 ...بس العالم مترحم شفت ضيم وهضم اني

وخواتي.من ذاك الوكت كرهت البنات واتعقدت من خلفتهن...وماريدهن كل عقلي

حتى خواتي من يجيبن بنية اشيل الف هم الهن انوب اني اجيب بنية 😭... كلتلة .. ماريدهة وديهة لخالتهة مثل ما اتفقنه

ابو غسان☆☆سكتت عنهة وشلت الطفلة وحطيتهة بحضنهة.. ادري مو بنتج هاي ؟مو

ضناج؟ وستوهة جانت ابطنج فضيلة شلون هيج تحجين و بعدين انتي ينطيج كلبج

تنطيهة لاحد؟ ومتكون كدام عينج ... اني ما انطي لحمي لأحد بس سكتت عنج لان جنتي
مريضة بوكتهة......دشوفيهة شحسن وجمال

ام غسان☆☆حطهة بحضني ابو غسان بعد ماسمعني كلمتين بالعظم 😒..وتالي يكولي

شوفيهة شحسن منين جبتيهة شلون جمال
كلت خلي اشوف شبيهة خابصيني بيهة ..

صدك باوعت عليهة بطرف عيني😳 هاي شنو منين جتني هيج طفلة عدهة هالحسن؟

عيونهة بلون الزرع اخضر وبيضةة وشفايفهة ورديه ابد مو مثلنه 😑 هاي ..

يا صدقة تنحب كلش شكد جنت كارهتهة بس من شفتهة رفيت عليهة ودخلت كلبي بسرعه

يبوي تشرح الصدر بجمالهة جمال خلاب تخبل بالضبط بيبية ابو غسان تشبهة عبالك نسخة...

فدوة هاي شنو ...😇هاي صدك بنتي معقولة...
انة ولدي كلهم سود مصلبخين شحالهم 😂 هاي طلعت صفح مو علينه....

وطرنه من الفرح بيهة بسبب جمالهة شكد جنت كارهتهة وهي ابطني من كالو يمكن بيج

بنية.. بس من شفته اتغيرت قناعتي صح ماحب البنات بعدني بس هاي غير شكل هم

بنتي وهمين تخبل وجمالهة مو طبيعي ....
اكول ابو غسان شنسميهة لهلكمر؟

ابو غسان☆☆ والله اليوم متروسة السما غيوم بيضة واشو اجى على بالي اسم رباب شرأيج بي

ام غسان☆☆اي حلو خوش اسم ..يمة فدوة بنيتي ربابة ... ابو غسان.. صدك هاي بنتي هيج حسن وجمال وبياض وعيونهة خضرة

ابو غسان☆☆اي لعد ليش بيبتي جانت هيج حسن واحلى منهة بعد 🙄

ام غسان☆☆لاتشيل😒 خشمك عليية يابة ترة كلكم مصلبخين متشوف انصدمت من

شفت الطفلة وبعدين هية بس بيبيتك جانت حسن وحليوة

ابو غسان☆☆ هاي منو مصلبخين اهلي؟! لعد ااهلج شنو طلعيلي واحد من اهلج

اشكراني واحمر وحِسِن مثل بيبتي وعود ذاك الوكت تعالي احجي😒

ام غسان☆☆اليتباهة يتباهة بنفسة يا مكي اشو انت تتباهة ابيبيتك ....

وبعدين تعال اكلك هية بس بيبيتك الشكرة بيكم.. محد طالع عليهة لا انت ولا اخوتك ولا خواتك 😏

ابو غسان☆☆ربااابة بنتي طلعت عليهة 😊

ام غسان☆☆لا والله من الحايط جايبهة ترة هاي بنتي همين خاف نسيت...

ابو غسان☆☆😏 قبل ربع ساعه جنتي كارهتهة وماطايقتهة وتريدين تشمريهة اشو هسة صارت بنتج.

ام غسان☆☆اهووو حيبقى يعير بيه وفوكاهة شايل خشمه ...اعلك الصوبة حجي الجو برد😒

ابو غسان☆☆مشتغلة شبيج مدتشوفين القوري يبخر 😏

ام غسان☆☆😧 هذا سالفته متخلص عفته وانداريت شفت ولدي كلهم واكفين بعيد

ويباوعون على رباب ....مكي شوف اخوتهة مستغربيهة بعدهم هههههه

ابو غسان☆☆اي لأن شكرة وملونه وين شايفين همة هيج...بس ها لاتخليهم يتقربولهة خاف يخنكوهة ديري بالج

ام غسان☆☆لا منتبهة عليهة لا تخاف

غسان☆☆شفت امي وابوية مهتمين بهاي اختي الجديدة ...جانو لافيهة بقماش ابيض

وشايلتهة امي بحضنهة و لازميهة ويبوسون
بيهة ومتعجبين بجمالهة...جنه اني واخوتي

صغار واني اكبرهم وكفنه بعيد ونباوع عليهم اشو فد مرة مهتمين بيهة ويسموهة الشكرة

والحلوة واحنه عافونه ولا سالو بينه....اتقربت يم اختي ردت اشوفهة لان الغيرة موتتني

رحت يمهه وقربت راسي عليهة كلش بيضة ومغمضة عيونهة..بس ابوية راسا عاط بيه

ابو غسان☆☆ولك وخر عنهة بعدهة بت انفاس متتحمل وخرررر

غسان☆☆خفت وطلعت اركض وطلعو اخوتي وراية ...مفتهمت شنو يعني بت انفاس

بس بجيت من ابوية لأن هيج صيح عليه ليش كام يحبهة وميحبني شسويتلهة اني😔

ام غسان☆☆اكول ابو غسان شوكت نرجع لبيتنه بالولاية

ابو غسان☆☆خلي تهداء الاوضاع ونرجع بعدة الوضع يخوف

ام غسان☆☆و شراح نسوي هسة بمحصول البصل اذا حصدناه شلون نبيعه والاوضاع مو تمام اكيد حنخسر على هالهوسة القايمه

ابو غسان☆☆ههههههه مو هوسة هاي انقلاب على الحكم بالعراق صار جمهوي مو ملكي

ام غسان☆☆اي يعني راح يبيعيون المحصول؟

ابو غسان☆☆😂 شعليهم بالمحصول ام غسان هذول يديرون شؤون دولة معليهم بالزرع والحصاد

ام غسان☆☆ شمدريني عبالي يبيعون المحصول ويسهلون امر.

ابو غسان☆☆الله كريم بس تهداء الاوضاع كلشي يرجع طبيعي مثل الاول..لا تخافين ام غسان

ام غسان☆☆مرت فترة وطلعت الاربعين مالتي وخلصت

فترة النفاس وحصدنه البصل

واخذة باعه بالعلوة وجاب ربح زين ماشالله... ورة كم يوم اجه ابو غسان عليه وكلي يلة لمي

غراضج دنرجع للولاية هداء الوضع هالحجي بشهر 12 تقريبا ماصدكت من فرحتي لملمت

ركض الغراض وتركنه المزرعه ورجعنه لبيتنه بالولاية جنت مشتاقة لاهلي والجوراين

والكرايب... بالمزرعه انحبست وماشفت احد.. افيشش ريحة ولايتي تخبل 😍

⚘⚘⚘غسان☆☆مرت السنين وصار عمري 8 سنين ورباب صار عمرهة 3 سنين

كبرنه واحنه نشوف ابوية وامي يعاملون رباب غير شكل عنة مو مثلنه... جانو يفرقون

بينه وتفرقتهم واضحة شتريد رباب يجيبولهة وشنو يعجبهة تسوي واحنه محد بحالنه حتى

جنة من نتعارك يطبكون وياهة ضدنه ....
كرهتهة كلش اني واخوتي وكرهت ابوي وامي

همين لان منحسهم يحبونه مثل مايحبون
رباب ...عمامي وخوالي انتبهو على اهلي

شلون يدللون رباب وميكسرولهة كلمه وشلون متباهين بجمالهة على الناس... فہ جانو دائما يحجون عليهم  بس ماجانو يسمعون لاحد ولا يهتمون..

⚘غسان☆☆ سنه 1961 حبلت امي مرة ثانية وعرفت من وحامهة بيهة بنية وو_______؟

يتبع،،،،،،،،،،،،،،⚘

#ارحام_متناثرة 2

البارت الثاني ⚘⚘⚘بقلم فينوس آرام

⚘غسان☆☆ سنه 1961 حبلت امي مرة ثانية وعرفت من وحامهة بيهة بنية

وتخبلت..ضلت ادبج بالحوش وتشيل ثكل وتخلي اخوتي يدبجون على ضهرهة وتشيل

طشت الهدوم مليان مي وهدوم وتمشي بي.. جنت بوكتهة ما اعرف امي شنو دتسوي بس

من دكول دبجو على ضهري جنت ما اقبل انهزم برة ما اعرف ليش جنت اخاف..

كضت امي فترة حبالتهة عصبية وتبجي وادك وتلطم مابقت شي ماسوته حتى اعشاب

شربت كوومة ..وابوية من يشوفهة هيج يبقة يحجي عليهة ويتعارك وياهة وهية تردة

متسكتلة..وتالي صدك جابت اختي وسمتهة نهاية...وراهة حلفت امي بعد متحبل ابد

عبالهة اختي نهاية ولد وطلعت بنية فہ اتصورت حتبقى تخلف بنات..

ام غسان☆☆عوذة والله عوذة همين بنية لاااا بعد مااحبل لو مدري شيصير يبوووو وفوكاهة سمرة هالبنيةة😝 اوووع

ابو غسان☆☆ ترة هاي بنتج مو بنت ضرتج عليمن تطلع شكرة يعني😒 ؟غير تطلع عليج

ام غسان☆☆ وانت شنو تستهزء بية؟ هسة صرت ما اعجبك مكي

ابو غسان☆☆ لا متعجبيني ولا مستهزء بيج بس انتي استهزئتي أبنتج واني رديتج ...

ام غسان☆☆عشتو والله عشتو مسوي روحك تحب خلفة البنات

ابو غسان☆☆ الحمد لله فضيلة ..هية صح ثكيلة خلفة البنية بس نكول الحمد لله احسن من غيرنه

ام غسان☆☆ هية بس ثكيلة مصيبة لعبان نفس ظيم هظم طياح حظ مووت الكرف البنات

ابو غسان☆☆ يعني شلون ماناوية تسكتين انتي...

ام غسان☆☆ 😒

ابو غسان☆☆ اني طالع..ديري بالج عليهة افتهمتي رضعيهة مو اجي الكاهة كاتلهة الجوع

ام غسان☆☆😒 عشتو يحجي بالامر والنهي مكي افندي.. اخذتهة رضعتهة واني مالي نفس

اشوفهة شحالهة هاي خرب حظي ..هية صح ابيض من اخوانهة شوي بس متجي لجمال رباب

وبياضهة هاي خمرية وعيونهةة سود ورباب بيضة وعيونهة خضر عزةةةةة صار عندي 2

بنات وطلباتهن المتخلص والمتفض اوووووع وفوكاهة هاي سودة وراح تعنس وتبقى لابدة

على كلبي عوذة عوذة عوذة راسا جريت صدري من حلك الطفلة وصرخت كامت تبجي.

خلي انطيهة لاختي قابل شيسوي مكي عشتو يهوس يوم يومين وبعدين يسكت قابل

شامرتهة بالشارع هية ابيت اختي واكيد حتعيش خوش عيشة .....

صحت على غسان .. غساااان غساااااان تعال يوم وينك

غسان☆☆جنت العب صكلة اني واخوتي وسمعت امي تصيحلي كمت ركض ودخلت

شفت اختي نهاية غاصة وتبجي ما ادري شبيهة راسا سالتهة... ها يوم

ام غسان ☆☆يمه روح على بيت خالتك امينه كلهة امي تريدج بسرعه تعالي

غسان☆☆طلعت اركض ورحت لبيت خالتي قريب علينه بالفرع الورانه وكلتلهة امي تريدج

امينه☆☆اجاني ابن اختي غسان وكلي امي تريدج بسرعه استغربت .. ولك شتريد مني امك خو ماصاير شي؟

غسان☆☆والله ما ادري خاله بس دكول تعالي بسرعه

امينه☆☆يلة هسة جاية شكو عندي ..لبست عباتي ورحت وية غسان اتمشى لبيت اختي ..

دخلت عليهة سمعت الطفلة تصرخ يمة روحي ماعت عليهة شلتهة راسا وضميتهة لصدري

تالي شفت عيون فضيلة امبككه من البجي 😳 عزة العزاج شبيج شصاير فهميني

ام غسان☆☆اكعدي عندي حجي وياج

امينه☆☆ وهاي كعدنه شبيج احجي اشو الطفلة تصرخ وانتي وجهج ميتفسر شنو

متعاركين انتي ومكي؟ جنت لازمه نهاية واهز بيهة على رجلي

ام غيان☆☆لا يا مكي... امينه انتي مو تريدن ضنه

امينه☆☆استغربت من حجيهة .. اي اريد هو منو ميريد الضنه بس ربي ماديكتبلي شسوي

ام غسان☆☆اخذي هاي ماريدهة خليهة يمج انتي ربيهة

امينه☆☆هاي شنو؟ حتى ميهلج تذكرين اسمهة وج شبيج فضيلة

ام غسان☆☆اضاهر متريدين تاخذيهة.. ودرت وجهي عنهة

امينه☆☆ مو ماريد اخذهة.. بس اخاف اتأمل اخذهة وتالي مثل رباب اختلفتو عليه ومقبلتو تنطونياهة...

ام غسان☆☆اخذيهة وابصملج بالعشرة

امينه☆☆ 😱 ولجج صدك تحجين انتي... تنطيني بنتج شنو من كلب عليج ولج شلون يهلج

ام غسان☆☆لا تثيرين المواجع امينه متتذكرين  شلون جانت الناس تعير امي بينه

مو يسموهة ام البنات... مو يكولوهة همهن للممات ...مو جانت تكابلنه وتبجي.. ودكول شبيدي ..الى ان كتلهة القهر وماتت

امينه☆☆عيني على كيفج امج جانت مزودتهة اكثر من اللازم..... عدهة ولدين

ومامقتنعه.. وبقت مركزة على الناس وحجيهم ومتخبلة من كلمه ام البنات وبعدين شبيهة

البنية ولج اتمنى هسة الله ينطيني 10بنات بس خلي احبل حالي حال النسوان واصير ام وانتي تتبطرين..

ام غسان☆☆هسة بطلي هاالحجي الزايد تريديهة لو لا احجي

امينه☆☆اني اريدهة وياريت بس غير اكول للرجال يجوز ميقبل اخذ بنتج وانتي همين غير دكولين لابو غسان خو متتصرفين بكيفج

ام غسان☆☆معليج بأبو غسان شوفي رجلج ورجعيلي الجواب

امينه☆☆خوش اروح والعصر ارجعلج الجواب..بس قبل كل شي شبيهة نهاية ليش تبجي

ام غسان☆☆ تريد تزقنب صارلهة ساعه ترضع دكول آفة ابطنهة متشبع

امينه☆☆ 😱 عزةة العزاااج فضيلة ولج هاي طفلةةة بنتج منج شلون يهلج تعوفيهة جوعانه

ام غسان☆☆ اييه دروحي يمعودة

امينه☆☆ العباس عليج رضعيهة واليوم احجي وية مجيد اجي اخذهة منج ... فضيلة

فدوة لا تكسرين بخاطري رض

عيهة للطفلة فحطت من البجي وج عيني شلون كلب عليج

ام غسان☆☆ جيبيهة ... وجريتهة من ايدهة بعصبية وانطيتهة صدري هاج اتزقنبي واللصمي عساج لاكعدتي

امينه☆☆ شفت هيج كلت لازم اخذهه واجيبهة يمي ...يلة مع السلامه .. وطلعت وعفتهة ضليت افكر بيهة

هاي صدك مو صاحية تكره ضناهة لان بنية شهالعقل .. رجعت لبيتي وكملت شغلي واجه

مجيد صبيتلة الغدة وكعدت اسولف وياه...
مجيد عندي سالفة وياك

مجيد☆☆ كولي ان شالله خير

امينه☆☆مو فضيلة جتهة بنية ثانية وسمتهة نهاية

مجيد☆☆ اي ادري قبل يومين كلتيلي

امينة☆☆اي واليوم كلتلي اخذيهة انتي ربيهة  شدكول

مجيد☆☆ليش ؟شعجب تنطي ضناهة شنو السبب؟

امينه☆☆هسة اليسمعك يكول ناطيتهة لغرب غير اني خالتهة

مجيد ☆☆قابل ما اعرف انتي خالتهة؟.. امينه اني ماعندي مانع جيبهة ونربيهة وان

شالله نكدر نربيهة احسن تربية بس باجر عكبة من تكبر شلون ؟

امينه☆☆ مفتهمت ؟

مجيد☆☆بلة كلولج نريد بنتنه يمنه كبرت وصارت مرة ومنريد تتربى يم غريب شسوين ذاك الوكت؟

امينه☆☆راسا عصبت ومتحملت كلامه......
اكولك مجيد لا تلوفهة للسالفة اعرف بيك تريد

تزوج علية حاسة بهالشغلة من زمان واعرف خواتك واخوتك ديلحون عليك.

مجيد☆☆هو هذا الي افتهمتي من كلامي؟
شوفي امينه اذا اريد اتزوج لا انتي ولا اكبر

شارب يوكف بوجهي بس اني ماحاط ابالي هالشي الجهال رزق من الله وشوكت ميريد يجي اهلا وسهلا

امينه☆☆يعني لأن ما حاط ابالك هالشي ممهتم؟ يعني مو لأن تحبني وتريد خاطري😔😢

مجيد☆☆تعبتيني.. تريدين حجي بالتفصيل ومتفهمين بين الاسطر.... يعين لو ما احبج

واريد خاطرج وما ريد اكسر بيج شنو ليجبرني ابقى مامتزوج الى ههسة؟

امينه☆☆جريت نفس وسألته مرة ثانية..
وهسة شكلت اخذ نهاية

مجيد☆☆زين شلون اذا باجر عكبة كبرت وحلت بعينج وكلولج رجعيهة شسوين؟

امينه☆☆ياعيني بلكي الله من نجيبهة ينفتح علينه باب الرزق ويصير عدنه جهال والله

اختنكت من البيت لوحدي والحياطين تاكل بيه حتى مالي واهس بشي بعد.

مجيد☆☆بكيفج حبيتبي الي تريدي سوي واني وياج

امينه☆☆ربي يحفظك ويحميك ويرزقك يا مجيد ابن زهرة

مجيد☆☆هههههه والله افرح من اشوفج فرحانه.. احس امي راضية عليه وربي راضي عني

امينه☆☆دخييل هالكلام ياتاج راسي الله لايحرمني منك ياسندي وحزام ضهري...خلص اليوم نروح ونجيبهة اني وياك

مجيد☆☆اها واني شعندي رايح وياج موضوع بينج وبين اختج لا ادخليني بي

امينه☆☆لا فدوة ضروري تجي حتى يشوفون انتة همين رايدهة مو متعاحز منهة

مجيد☆☆اتنهدت وابتسمت وكلتلهة...صار يابة ميكون خاطرج الا طيب اجي وياج ونشوف تاليهة

امينة☆☆ماصبرت للعصر لميت اماعين الغدة و لبست عباتي وطلعنه اني ومجيد  جنت

فرحانه كلش لان حيصير طفل عندي..بيتي فارغ وموحش علينه لا صوت طفل ولا ونس

ويانه بيتنه يصوصي وكئابة.. وصلنه لبيت اختي وشفنه ابو غسان موجود دخلنه وسلمنه وكعدنه يمهم

مجيد☆☆ الله بالخير ابو غسان

ابو غسان☆☆ياهلاا الله بالخير خوية مجيد ياهلا بيك اتفضل اتفضل ..

امينه☆☆عفتهم يسولفون ودخلت يم فضيلة..ها فضيلة بشري كلتي لابو غسان مو؟

ام غسان☆☆ هأ أأأ ابو غسان خوش رجال ميكسرلي كلمه

امينه☆☆يعني ماكلتيله ولج😱

ام غسان☆☆امشي امشي معليج بهالحجي...
انتي الج الصافي.. اخذتهة ودخلنه يمهم

سلمت على مجيد وسلم عليه و كعدنه جانو يسولفون عن اوضاع العراق بالحكم الملكي

وشلون صار بالحكم الجمهوري الجديد..
انتضرتهم يخلصون حجي حتى اني احجي ..

امينه☆☆ جان كلبي يدك ومرتبكه وخايفة عبالك دياخذون مني بنتي مو اني دة اخذ

بنتهم ....جنت مرعوبة وخايفة لا يرفض ابو غسان وميقبل ينطينياهة...لان صار عندي امل

اخذ هالطفلة واربيهة واشعر بالامومه الي انحرمت منهة خصوصا من شفت اختي هيج قاسية وية الطفلة..

ام غسان☆☆ أأ ابو غسان عندي موضوع وياك

ابو غسان☆☆استغربت من كالت عندي موضوع وياك.. شنو المضوع الي تريد تحجي كدام عديلي مجيد... كلتلة خير ام غسان كولي

ام غسان☆☆أأ ابو غسان شرايك امينه تاخذ نهاية وتربيهة

ابو غسان☆☆كالت هيج لو عيوني طلعت من مكانهة... 😡انتي شدتحجين؟ عودين تريدين تحرجيني كدام عديلي ابو غايب

امينة☆☆ انقهرت من هيج حجة لأن ماعدنه اطفال يلقبون زوجي ابو غايب 😢راسا اشرت لمجيد يحجي وياه.

مجيد☆☆خوية اهدأ لا تحرجك كدامي ولا تسوي شي اني اخوك وشتريد تحجي حقك وتمون عليه

ابو غسان☆☆خجلني بكلامه وهدوئة وطيب اخلاقة... اسف ابو غايب بس والله متعجب عليهة عفية ام شنو من كلب تنطي ضناهة

مجيد☆☆ليش احنه غربة ابو غسان اني اخوك وام غسان اخت مرتي وحسبة اختي

يعني ماطالعه لبيت غريب وان شالله ماكو غريب وماكو فرق.

ابو غسان☆☆اي صح بس... وقاطعتني امينه

امينه☆☆حجيت وياه بقهر وعيوني تصب دمع.. ابو غسان الله يرضى عليك اسمعني اني

دوم استحي احجي وياك وعلى كد السلام بينه بس هسة اريدك تسمعني ... فضيلة

تعرفهة شكد تكره البنات وشفت بعيني شلون تعامل هالطفلة بقساوة لأن كل ذنبهة هية بنت

.

وانت تعرفني اتحسر على طفل واحد انطيني نهاية والله اخليهة بعيوني اربيهة واحافظ

عليهة احسن من امهة والله شاهد عليه ورحمه امي بتربتهة احافظ عليهة اكثر من نفسي..

ابو غسان☆☆ خيتي لا تحلفين اني مو دة اشكك بأمانتج بس صعبة شكول للناس

متعاجز من بنتي ولكمتهة لو اكولهم امهة تكره البنات ومتريدهة شحجي وشكول وششلون اسد حلوكهم.

مجيد☆☆حقك خوية محد يلومك الناس اهل بلة كلشي يحجون... بس خوية اليمشي

ورة الناس ترة تخرب حياته ...وعلى العموم هي بنتك ومنكدر نجبرك على شي .

ام غسان☆☆اني ماريدهة ابو غسان انت تعرف....وقاطعني

ابو غسان☆☆لااا تحجين انتي سدي حلكج وخليج ساكته احسن الج😡 لا اتخبل عليج وشيخلصج من ايدي بعد

ام غسان☆☆ 😒 سكتت وماحجيت بعد خليت اختي ورجلهة همة يحجون بمكاني.

مجيد☆☆يلة خوية ولا يهمك احسبنه ماحجينه شي ولا تزعل لخاطر العشرة البينه

ابو غسان☆☆لا ابو غايب كل عقلك ازعل منك.. لا والله ابد بس...وقاطعتني امينه

امينه☆☆ سمعت مجيد يكول احسبنه ماحجينه شي اختنكت اكثر وطكيتهة ابجيه😢 ...

خوية مكي اني اخيتك تكسر بيه تعرفني وحيدة ابيتي وماعندي ونس وياية واتمنى

ريحة طفل ولو وحيد.. بس واحد.. بس ربي ماديكتبلي شسوي ودتشوف فضيلة نافرة من

من بنتهة.. ليش تريد تعيشهة بعذاب هالطفلة شنو ذنبهة انطينياهة واربيهة الكم تربية

ينحلف بيهة وماخليهة تعتاز شي وانطيهة حنان وحب ماشافتهن عند امهة😢

ابو غسان☆☆بوية لا تبجين ميهلي اشوف دموعج وانتي اختي الصغيرة.....سكتت شوي

وتالي كلتلهة....يجرالج بوية يجرالج اخذيهة وربيهة وهية همين بنتج....

الخالة حسبة ام ثانية...بس كلشي نتفق عليه من البداية لاعيب ولا مستحة

مجيد☆☆ حقك ابو غسان كول خوية.

ابو غسان☆☆شروطي شوكت ما اريدهة لازم ترجعلي.... ولازم تعرف اني ابوهة... باوعت

لفضيلة ..بنضرة غضب بس ميهمني تعرف هاي امهة لان متستاهل هاي تكون ام وهاي

وهاي كدامكم احجيهة والله العظيم لو ما الجهال ينكسر ضهرهم ويتبهذلون جان تركتهة ومالفيهة يمي

مجيد☆☆لاا خوية شهالحجي استهدو بالرحمن منريد نسوي مشاكل بينكم بس الله

شاهد قبلت اجي وية امينه لان كل ضني انت عندك علم بالموضوع.

امينه☆☆وعيونك ابو غسان نهاية احطهة بعيوني واداريهة وشوكت متريد دز عليهة اجيبلكياهة يمك واني الممنونه

ابو غسان☆☆زين شلون بعدهة ترضع خلوهة يمنه تكبر شوي واخذوهة.. حجيت هيج كلت بلكي من ترضعهة تجري الحنية بدم فضيلة

ام غسان☆☆هاي شلك بيهة يارجال اذا على الرضاعه اكو كومه نسوان يرضعن بفلوس ..

امينه☆☆ أأ اني ادبرلهة احسن مرضعه ابو غسان لا تشيل هم.

ابو غسان** خوية لازم حسب ونسب ونعرفهم منو الي يرضعوهة هاي حتاخذ من حليبهة وتصير مثل اطباعهم...

امينه☆☆ أي وعيونك خوية اكو ام حسين حسب ونسب واهلهة تعرفهم وزوجهة معروف ومجيد يعرفه ويمدح بيهم

ابو غسان☆☆ سكتت ماكدرت احجي بعد اذا هية امهة متنازلة عنهة وكارهتهة خفت ابقيهة

يمهة خاف تاذيهة كلشي يطلع من هيج نسوان
....اخذوهة بوية وميحتاج نوصي حريص

امينه☆☆سمعت كلي اخذوهة لو فرفحت روحي ركض شلتهة وحضنتهة وشميتهة

وضميتهة لصدري...سلمت عليهم اني ومجيد وطلعت اركض حتى ملابسهة ما قبلت اخذهن

كلهن اخذت قسم وكلتلهم احنه نشتري الباقي
..بس اتعجبت فضيلة لا بوست بنتهة ولا رف

كلبهة عليهة من دناخذهة عبالي راح تجرهة تتراجع عن كلامهة ابد كلشي ماسوت ....بس ابوهة لا والله حضنهة ووبوسهة خطية..

ابو غسان☆☆ __؟

يتبع،،،،،،،،،⚘

#ارحام_متناثرة     3

البارت الثالث⚘⚘⚘بقلم Venus Aram

ابو غسان☆☆متستاهلين تكونين ام انتي سوايتج متنحجي ولا تنغفر يا فضيلة ولج

والله لو ما هالكوم اللحم البركبتي الا اشمرج ومابقيج يمي يوم واحد وانعل شرفة الميطلكج

ام غسان☆☆اطلكني؟ وتهون عليك عشرة  هالسنين الكضيناهن سوة

ابو غسان☆☆مثل ماهانت عليج بنتج تنطيهة للعالم ولج شلتيهة سنه الا جم شهر ابطنج
تالي هيج تشمريهة

وج عفية كلب حتى الحيوانات مو هيج ولج حتى مابستيهة ولا نضرة حنية بعينج الهة من اخذتهة اختج وراحت.

ام غسان☆☆شمرتهة شنو ؟قابل المن نطيتهة للغرب لو ذبيتهة بالشارع اصلا بالعكس

حتعيش احسن عيشة يم اختي أأأو منو كلك ماحنيت ورفيت عليهة انت شمدريك 😒

ابو غسان☆☆ شفتج بعيني اكذب عيني يعني؟... بلة لو جانت نهاية ولد تنطيهة؟

ام غسان☆☆ 😒  لا

ابو غسان☆☆وتحجيهة بزود صدر... اذا هيج كارهة البزرة شكو خلفتي

ام غسان☆☆ايباااه مو على اساس خلفتهم لوحدي .

ابو غسان☆☆هاااااا منو الجان خابص نفسة على ولد مو ردتي تسويهم 10 ولد لو الحجي انسى هسة وانكلب

ام غسان☆☆اهووو مكي كافي رحمه لألهلك قابل سويت جريمه اختي ماعدهة طفل

كلت اني انطيهة هذا جزات اليسوي زين هالايام ينكر معروفة.

ابو غسان☆☆معروف؟ والله يالله عود هية انتي مسوية معروف......شحجي وياهة وهذا

عقلهة ميفيد الحجي بعد...هزيت بيدي وعدلت الجراوية وطلعت وعفتهة الكعدة يمهة تنرفز وتكصر العمر

غسان☆☆جنت العب برة اني واخوتي وشفنه خالتي شايلة اختي نهاية..ركضت اني واخوتي وراهم... خالة ...خاالة امينه

امينه☆☆ دنمشي وسمعت غسان يصيحلي تلتفت عليه ...ها وليدي شبيك حبيبي

غسان☆☆ خالة وين ماخذة نهاية

امينه☆☆ حبيبي نهاية راح تبقى يمي من تشتاقولهة عود اجيبهة يمكم لو تجون انتو يمنه وتشوفوهة😊.يلة يمة اريد اروح اتأخرنة

غسان☆☆☹ انقهرت كلش من شفتهم ماخذيهة وراحو..ما ادري ليش انعصر كلبي و

اتمنيت اني همين اروح  وياخذوني وياهة دخلت لامي شفتهة تلم بملابس نهاية بعلاكة

جنفاص جبيرة راسا سالتهة ..يمة ليش خالة امينه اخذت نهاية.

ام غسان☆☆احسن يمة ثكيلة البنية شيحملهة.... وخالتك بحسرة الضنه نطيناهة نهاية حتى ترتاح واني ارتاح.

غسان☆☆يمه ليش مانطيتيهة رباب🤔 رباب تضوجنه ومكروهة شيحملهة  هواي وتتعارك

ويانه ومتحبنه ولا احنه نحبهة نهاية حبابة ماسوت شي بعدهة صغيرة

ام غسان☆☆ يمةةةةلا عيني لا ليششش....
ولك رباب اريدهة تبقى يمي...وشنو متحبكم يمة شهالحجي انتو اخوة عيب هيج تحجي

غسان☆☆ يمة انتي تريدين رباب لان حلوة وبيضة وشكرة ونطيتي نهاية لأن مثلنه سمرة موبلة؟

ام غسان☆☆ اكلك ليش متنلصم مو اخسن من هاللغوة الفارغه.

غسان☆☆ يمة اني همين اريد اروح وياهم ليش ما كلتيلهم ياخذوني اني همين

ام غسان☆☆ياااا😱يمة تريد تعوفني ....ولك انت الولد ينشد بيك حزام الضهر انت سندي

وسند ابوك بهاي الدنية العوجه شلون تريدني انطيك لأحد يايمة لو عندي 100 ولد ما

انطيهم لأحد ولك البنات مابيهن لا نفع ولا دفع انتو الولد الخير والبركه افتهمت

غسان☆☆😐كلشي مفتهمت شنو سندي وسند ابوك ونفع ودفع؟ هاي امي تكرهني

ومتريدني اعيش عيشة حلوة.....يمة اريد اروح وياهم عفية خليني اروح يمهم وبعدين انتي يمج مازن وعمار ونبيل

ام غسان☆☆ليش ولك ليش تريد تعوفنه شنو السبب يمة انت واخوتك تشيلون كبرتنه

اني وابوك..استغربت ليش هيج يحجي غسان وهو جبير مو صغير يعني يعرف شديحجي

غسان☆☆لان انتي وابوية تحبون رباب اكثر من عدنه....ومتحبيني اني واخوتي.

ام غسان☆☆ ليش ولك شنو هالحجي ؟ نصرف عليكم دم گلبنه وكلشي ننطيكم

ونجيبلكم ومتعبين روحنه وتالي هيج تحجي ودكول متحبونه؟...

طاح حظك اي والله لك تبقى مطي شكبرك صرت وبعدك عقل زعطوط.

غسان☆☆يمة اني مو زعطوط ...انتي مافد يوم بستينه مثل ماتبوسين رباب ولا حضنتينه

مثلهة حتى ابوية مثلج لا يبوسنه ولا يحضنه وتبسطونه علمود رباب ودائما كلمه رباب

تمشي علينه يابة ليش لان حضرتهة بيضة وشكرة.. انتو حتى تكعدوهة بحضنكم وتلعبون وياهة وتتباهون بيهة من نطلع...

اصلا انتو بس تضربونه وتعيطون علينه علمودهة.... انتو تكرهونه متحبونه لأن احنه سمر ورباب بيضة وشكرة..

ام غسان☆☆😐سكتت هو صدك كلامه لا نحضنهم ولا نبوسهم عبالك مالنه نفس بهالشي

بس رباب تختلف...اي والله هي تسوي واهس واحد يبوس ويحضن بيهة شكرة وبيضة

تخلينه ننجبر نبوسهه ونحضنهة جاوبته.... اي هية بعدهة صغيرة اصغر منكم ومتفتهم

ونبوسهة شنو تغارون ولكم جان استحيتو كل واحد شطولة صدك لو كالو الطول طول النخلة والعقل عقل الصخلة ..

غسان☆☆اني مو صخلة يوم.. ونهاية همين صغيرة اشو ماجنتي تبوسيهة مثل رباب اصلا جنتي اعوفيهة تبجي هواي..

ام غسان☆☆من هيج حجة عصبت وعطت بي....😡شنو واكف تحاسبني انت ولك شفت

روحك طولت شبر عبالك صرت رجال براسي  يلة ولي منا خليني اشتغل يلةةةة اطلععع

غسان☆☆طردتني امي وماخلتني اكمل حجي😒..طلعت بالشارع شفت اخوتي يلعبون...

ر

حت اركض وعيوني تجري دموع ضليت ابجي الحد ما الهوى نشف دموعي ..

انشمرت عليه الطوبة انداريت شفت اخوتي وجوارينه يأشرولي يريدوني اشمر الطوبة الهم نسيت كلشي ورحت العب وياهم ...

⚘⚘امينه☆☆ فرحت😍 فرحة عمري من اخذت نهاية حطيتهة بنص كلبي طلعت للسوك

واشتريت الهة ملابس جديدة اشكال والوان... وجبت اقمشة حتى اني اخيطهة ورحت واتفقت وية ام حسين ترضعهة وية بنتهة

ام حسين☆☆ 😳 ليش؟ وام غسان شبيهة ليش مترضع بنتهة

امينه☆☆أأ ها أي خطية متدرين ابنهة نبيل الصغير وكع وطلع الدم يجري من خشمه و

هية فزت خطية ونشف حليبهة بصدرهة راسا اي والله عاب كلبي عليهة..😓

ام حسين☆☆يوو خطية عدهة العافية اي والله الفزة تكتل اوادم...

صار حبيبة ارضعهة ليش لا بس لازم اكول لابو حسين وانطي علم

امينه☆☆ زين هسة شنو انطيهة اذا بجت

ام حسين☆☆ لا تخافين شربيهة بخاشوكه الجاي قنداغ ( مي دافي وشكر او نبات)

وجيبي حليب معزة او حليب بقر وشربيهة شوي شوي بخاشوكه الجاي ترة كلش مفيد ...

بس ها ترة تاخذ وكت شوي طويل يحتاجلهة صبر لان بالخاشوكه تشربيهة مو مثل مترضع تشبع اسرع

امينه☆☆ ياا شعندي غيرهة كل حيلي اذبة عليهة...يلة عيوني اترخص اني ارجع للبيت

ام حسين ☆☆ مية هلا عيوني هلابيج.

امينه☆☆رجعت للبيت وسويتلهة مي ونبات (سكر مكعبات) ووصيت مجيد يجيبلهة حليب

بقر وراح خطية وصى اصدقائة وصدك صارو يومية يجيبولنه حليب طازج.... حليب بقر

وحليب معزة وابو حسين الله ينطيه العافية قبل زوجته ترضعهة وكمت اخذهة 3 او 4

اوكات باليوم ترضع وتشبع وانطيهة 3 فلوس او عانه كاملة (4فلوس) حسب الرضعات

همين هذا حكهة ميصير خطية تاركه شغلهة وبيتهة وكاعدة ترضع الطفلة.. واني همين

انطيهة شوي شوي بالخاشوكه تشرب حليب وقنداغ الحد ماتشبع...صح بالبداية تعبتنه

ومقبلت ترضع الا بشلاع الگلب بس الحمد لله ربنا سهلهة وبدت ترضع وتنشنش فدوة

لعمرهة....مجيد..شوف نهايه فدوة لعيونهة امس طلعت اربعينهة وسبحناهة دشوف الله

عليك مو جنهة كبرت وسمنت شوي صارت بيهة لزمه😍

مجيد☆☆هههههههه امس كلتيلي طلعت اربعينهة واليوم رديتي عدتيهة وصارلج اسبوع تحضرين لهليوم وخبصتيني خبص

امينه☆☆ايييي مجيد خليني فرحانه شبيك.. حجيتهة بضحكه وياه

مجيد☆☆ان شالله دوم الفرح حبيبة شعندي غيرج اهم شي اشوفج فرحانه لأن احصلي أجر منج ههههههههه

امينه☆☆ هههههه اهم شي الاجر...ربي يخليك خيمه علينه عيووني انت كول ان شالله ..مجيد اريد اكلك شي بس لا تعارضني.

مجيد☆☆ كولي

امينه☆☆ اريد اغير اسم نهاية مو حلو اسمهة.. ليش نهاية خطية وهي باول عمرهة

مجيد☆☆ هاي شلج بيهة انوب ؟ لاتدخلين بهالمواضيع...ابوهة سماهة ليش ندخل

امينه☆☆ مو ابوهة...امهة الظالمه سمتهة نهاية.... بضميرك تقبل هالملاك هيج اسمهة

مجيد☆☆لا تنسين كلمه ابو غسان قبل لاناخذهة...مو كاللنه تبقى بنتي ولازم تعرف

اني ابوهة..يعني احنه مجرد مربين لا اكثر ولا اقل فماعلينه بهاي الامور

امينه☆☆ معلينه شنو؟ احنه ماجبرناهم ناخذهة امهة نطتهة الي بارادتهة...وبعدين الام الي تربي مو تخلف وتذب ...

مجيد☆☆ همين ارجع واكولج احنه معلينه بهالامور....

امينه☆☆ اذا هيج اطلع منهة اني اليوم اروحلهم واصفطي وياهم...

مجيد☆☆اااوف منج من تحطين شي براسج لازم تسوي...

امينه☆☆هههههه اي شعبالك مثل ابوية الله يرحمه همين جان هيج.

مجيد☆☆ الله يرحمه.... اي وشناوية تسميهة للطفلة

امينه☆☆ اسميهة فرحة لان زرعتلي الفرحة بحياتي ورجعتلي ضحكتي بعد مانسيتهة صارلي 6 سنين

مجيد☆☆ هزيت براسي لان عجبني الاسم.. فرحة فرحة عاش ذوقج...ان شالله ايامج انتي وبنتج كلهة فرح.

امينه☆☆من كلي مجيد انتي وبنتج حسيت كلبي راح يطلع من الفرح..اول مرة هالكلمه

تتوجه الي 😍 اول مرة احس بالامومه اول مرة احس اني صرت ام وعندي طفل اول مرة

بحياتي ماحس بنقص ..دخيلك ربي احلى
شعور ...صار العصر واخذت فرحة ورحت

لبيت ابو غسان دخلت وبيدي الطفلة كل عقلي حتجي فضيلة وتاخذهة من ايدي

وتبوسهة اشو دخلت وسلمت عليهة ووردتلي السلام وهاي ولا عبالك.....دكول بنت غريبة مو

بنتهة.....ما اهتميت شسويلهة هذا عقلهة سولفنه شوي وبعدين فاتحتهة بموضوع تغيير اسم نهاية اشو هبت بوجهي وعبست وجهة...

ام غسان☆☆لاااا شنو تغيرين اسمهة اني سميتهة نهاية وهاي هية يعني نهاية خلفتي ماريد بعد احبل

امينه☆☆ولج شنو هالعقل ؟ عود هذا الاسم شنو حيسوي؟ يمنع الحمل اليصير عندج مثلا؟

ام غسان☆☆ تعاي اكلج شبي اسم نهاية؟ اسم حالة حال باقي الاسامي.

امينه☆☆لا موو مثل باقي الاسامي مو هاي رباب اشو اسمهة حلو شعجب هالمكرودة سميتيهة نهاية؟

ام غسان☆☆اهوو شراح يفهمهة بعد وراح تبقى تدرم للصبح... وشتريدين تسميهة بلة؟

امينه☆☆فرحة لان هية فرحة حياتي فدوة لعمرهة

ام غسان☆☆ سكتت شوي وبعدين حجيت.... الله يجعلهة وجه فرح وخير عليج حبيبة براحتج خيتي سوي الي تريدي

امينه☆☆الله يحفظج حبيبة اي هيج احجي من البداية واقبلي وريحي گلبي..

و

لج هاي قطعه منج بس انتي ما اعرف شنو من كلب عليج.... احنه ودنحجي دخل ابو غسان

ابو غسان☆☆هلا هلا بويةة شلونج خيتي شلونة مجيد عساكم بخير ..

امينه☆☆سلم عليه واخذ فرحة مني وسألني عن مجيد .. هلا بيك خوية بخير الحمد لله.. حملني مجيد السلام امانه اوصلهة الكم...

ابو غسان☆☆ ربي يسلمه ويحفظة.

ام غسان☆☆بالله عليك مكي..امينه جاية وتريد تغير اسم نهاية هههههه...حجيت وياه واني اضحك

امينه☆☆ اي والله ابو غسان اريد اسميهة فرحة خطية ليش نسميهة نهاية وانت تعرف

اني همين حقي عليهة لأني امهة الربتهة وهذا حك ترباتي وانت ابو الاصول وتعرفهن.

ابو غسان☆☆عاشت ايدج ام فرحة واكيد انتي امهة وحقج عليهة.. هية صارت بنتج بعد خيتي .

ام غسان☆☆😒 همست شنو؟ام فرحة اشو من حجة مكي هيج ضجت ما ادري ليش كلتلهة.... ههه يعني عجبك ؟

ابو غسان☆☆اي كلش حلو الاسم.... احجي وياهة واني اسبح بسبحتي.

ام غسان☆☆ اوع.. صعدت والا نزلت تبقى بنية لو مدري شسميهة.. متفيد خلفة البنات

امينه جيتهن هم وترباتهن غم بصغرهن و كبرهن والمصيبة الاكبر بغلطة منهة يجوز

تجيبلج العاار...بس شوفي الولد افييششش من اسمه ووولدد لوووو شما يسوي حتى لو

يصير مجرم ميجيب العار لأهلة من غير يشيل اسم ابوه ويشيل كبرت امه وابوه...ويحمل

مسؤلية اهلة ... باوعت لاختي عرفتي الفرق بين البنية والولد يا خيتي

امينه ☆☆ الولد ميجيب العار لأهلة من وجهة نضرج انتي بس اني اختلف اذا ولد

طايح حظة الله لا يشوفنياه 10 بنات واربيهن تربية مستورة ولا ولد واحد سكط باخلاقة

ام غسان☆☆ تغشمين نفسج خيتي هالعشر بنات اذا طلعت على وحدةةة منهن تهمه مو

زينه بس تهمة مو شوفة عين لا بس يسمعوون عليهة كلمه راح يكعدن على كلبج ومحد بعد يكلبهن كلهن .

امينه☆☆ حجتلهة كلمتين فارغات سويت نفسي ماسمعت وجاوبت ابو غسان ....رحم

الله والديك ابو غسان والله جنت خايفة لا متقبل اغير اسمهة...ورحمه امي ياخوية

جنت استهظم من اكلهة نهاية دشوفهة الله عليك مو ترد الروح والله الحسن الشايلته ماشايلته بنت بالولاية

ابو غسان☆☆ انتي امهة ومخولة بكلشي خيتي ميكون خاطرج الا طيب انتي وابو فرحه..

امينه☆☆ همست وابو فرحه همين.. دخيلك ربي فرحتي ما اعرف اوصفهة....

مشكور خوية ابو غسان ماقصرت...التفت على فروحة ولاعبتهة من فرحتي كمت اهوسلهة (يافرحه يافروحه...شافيتي الوجع وجروحة)

ام غسان☆☆يااا سويدة شحالهة وانتي مكيفة بيهة وتهوسيلهة

امينه☆☆مو على اساس من بياضج وشكارك وعيونج الملونه يا فضيلة ...كافي عاد جوزي لا تحجين هيج على بنتي.. ولج خافي الله لاتعيبين عليهة.

ام غسان☆☆______😡؟

يتبع،،،،،،،،،،،⚘

حبايبي هالقصة كل يوم رح انشر منها 3 بارتات
لان طويلة..وباجر اكمل الباقي🥰💞

#ملوكه

حبي لمن هج تساقط فعندج نقص ..يعني نتيجة متشوفين اله يصعد الفيتامين بجسمج🥺💜

وزيت الأركان يعني عادي ..مو كلش يعالج التساقط
فكون تستعملين وياه زيت الخروع

كل 3 ايام تخلين عل شعرج طبعا شعرج تقسمي بشكل خصل وتوزعين بي زيت
فد ساعتين لو 3 ساعات وتغسلي

#ملوكه

عيوني هو الحلبة حجيت🙃🌸 عنه بارحه انو يعالج جفاف الشعر وينعمه...
والثلج فائدته يسد المسامات..فمن تستعملي عل الوجه كون تلفي بفد وصلة وتمسحين عل الوجه

والكوزمتات هسه ادز..واساليهم اذا عندهم
والصبغ..كون نفسه تكرري جم مرة لمن يفتح اللون اللي رايدته..يعني مو تنوعين
فلون اشقر رمادي الفاتح هج يصير👇🏻

#ملوكه

هاي لون اشقر رمادي الفاتح..بالاستمرار يطلع نفسه🌚🌺

@stylegrils