ت ..

طلع صگر .. گال عمي هي گوه . الحلو حلو لو يگعد من النوم ..
- ههههههه نعيما حبييي .
- شكرا يروحي .

گتله شنو اطلعلك ملابس .
گال طلعي برموده وتشيرت .. وحذاء سبورت هم ..

لبسهن طلع يخبل ..
گتله .. ما ما اغار اني .
گال .. هههههه شتغارين قابل مثلج طالعه كيكه المفروض اني الي اغار مو انتي ..

رفيف .. اي اي قشمرني ..
مشط ولبس شفقته ع راسة واخذ النضارات وگال .
يله گلب خلينا نبدي شهر عسلنا ..

ضحت وطلعنا ..
نزلنا نتغدا بالمطعم .. كملنا.
ورحنا للشط ..
وصلنا يبوووووه ع السائحات مبدعات هناك ..

لبست نضاراتي .. وگعدنا نتأمل الغروب . وبعدين طلبنا عصير كوكتيل ..
گال انزعي حذائج . خلينا نمشي يم الشط .
نزعنا . وبقينا نمشي ع الشط ..
ودور يضحك ويغنيلي ..

" حافية القدمين "
قاتلتي ترقص حافية القدمين بمدخل شرياني
من أين أتيت؟
وكيف أتيت؟
وكيف عصفت بوجداني؟!
بقلمي_الكاتبة_شمس
…………………………………………
اكو بنات مرن من يمنا لابسات بدي وشورت والشعر يتطاير منهن ..
سمعنه يغني .. يباوعله ويضحگن . ووحدة غمزتله .
هو بسرعه باوعلي ..
گتله شفتهن ..
گال ..اي هههههه .
ردت التفت عليهن .
گال هااااا وين ..
گتله .. والله لو مابدبي جان نتفت شعرها . شلون تغمز متستحي ..
هو طاگ من الضحك عليه ..
گتله.. فرحان مو لأن تغمزلك ..
گال .. لا بالقرآن . بس اضحك وفرحان لأن اول مرة اشوفج تغارين عليه وتحبيني هيج ..

ابتسمتله .. وگتله انت مالتي الي تباوعلك اموتها وربي
صگر .. اروح فدوة ال الله الي خلقج . وخلاج نصيبي ..
ضحكنا ومشينا ..
وهو كل شويه يگلي تغارين عليه صدگ .
اويلي يربي ماوحدة تغمزلي بعد .
نرفزني .. اخذت مي بإيدي واذب عليه . وهو يذب عليه .
تالي سحبني من ايدي وحظني ..

صار الغروب والمنظر روعة واخذنا صور للغروب والنا هم ..

بعدين گتله خلينا ندزهم الماما .
ياااااا ذكرت ولاخبرناهم وطمناهم ..
صگر .. اي صدگ هاي شلون فاتتني . ولو الي وياه هيج مرة شلون ماينسى .

رجعنا للفندق .. واتصل صگر ع اهله وطمنهم . وبعدين اتصل ع اهلي .. وحجيت وياهم ..
ودزيتلهم الصور ..

بعدين فتحت موبايلي ..
ونزلت ع الفيس .. صور الغروب وصور صگر وهو داير وجهه مبين بس الجانب وي الغروب عبالك منظر تخبل ..
وكتبت ..
وقت الغروب بدبي وعلى شاطئ جيمرا ..
مع شريك عمري ورفيقي ..

دقايق وبدوا صديقاتي يباركون ويعلقون وسوزانا هم ..
كتبت .. انتوا السابقون ونحن اللاحقون ههههه .

گتله .. باع سوزانا شكتبت .
گال .. والله خفيفة وماتعجبني .
گتله .. نفس تفكير رامي . معقوله انتو الرجال تفكيركم واحد وتهمكم المظاهر بس .
اصلا هي گلبها طيب ونضيف .. وهذت الي يهمني ..

صگر .. احنه شرقيين وخاصه ولد الجنوب . نباوع للمرة المحشومه . والي تصرفاتها تعكس اخلاقها .
قابل احنه الله ونعرف شنو الي بگلبها ..
بس اذا هي تمشي وتوزع ابتسامات .. وكل ساعة تحجي وي واحد . طبعا ناخذ عليها نظره مو حلوه .
هو اني وماانطيتها وجه .
وكل ساعه مطلعتلها حجة تحجي وياي ..

رفيف .. اي جائز ماعندها نيه سيئة يمكن تريد تساعد .
صگر .. والله اني هذا رأي بعد انتي هي صديقتج واعرف بيها ..

بدلنا ونزلنا جوه بالفندق يم المسبح ..
وافترينا ورجعنا للغرفه ..
گعد يبحث بالموبايل يدور ع شقق للإيجار . ويحجي وي الشركات .
الى ان عجبته وحدة .
گال تعالي شوفي صورها ..
باوعتلها فعلا شكلها واثاثها يفتح النفس ..
گال هاي احسن الشقق المعروضه . وقريبه ع الاماكن السياحيه والمولات ..
گتله ماشي . احجزها ..
طلب حجز .. واتفق وياهم ..

گال هسا خلصنا من سالفه ايجار الشقه . جعتي لو لا .
گتله شويه .
زين راح نطلب عشا خفيف . اني هم مو هالگد جوعان
كانت ساعه 11 بالليل ..

كان العشا مقبلات وستيك وخضار مشويه وتوست وشوربه ..
كملنا .. رحنا وگفنا ع الشرفة شويه .
خليته يباوع وگتله هسا اجي .
رحت طلعت ملابسي ..
وبدلت لبست ثوب طويل ومفتوح من الظهر والبطن وبي فيكة حلوه .
وسرحت شعري وتبت مكياجي خليت عطر .
هو دخل وسد باب الشرفة والستاير .
وگال ..
هذا المنظر الي يفتح النفس وضحك ..
طفة الضويات وفتح اضويه النوم .
گتله . ليش طفيتهن خلينا گاعدين .
گال .. لازم ناسيه بعدنا عرسان ..
سحبني من ايدي .. ووووو💑

يتبع…

///البارت الثاني عشر///
درب_العشگ🔥
بقلم_الكاتبة_شمس


……………
"شقق دريم إن دبي - سيتي ووك "..

كانت حلم بالنسبه من شفت الشقة الي اجرها صگر ..
مكان جدا رائع .. ويبعث الراحة في النفس ..
اعرف هسا البعض يگول مشايفه ..
اي صحيح .. اني دكتورة ودرست ببغداد ورايحة الاربيل وللموصل . وهواي محافضات ..
بس ماطالعه خارج العراق بحكم دراستي ودوامي ..

بس من شفت هيج مكان كان حلم بالنسبه الي ..
الشقه تطل ع منظر رائع ..
والجو يفتح النفس ..
بيها غرفتين وصالة جلوس بيها تلفزيون شاشه كبيره
ومطبخ مجهز .. ومايكروف واهم شي مكينه القهوة
عشقي…
والاهم واي فاي مجاني ..
باوعت للثلاجة ..
وگتله حبيبي لازمنا اشياء للمطبخ ..
والثلاجة لازم نمليها ..

[طبعا احنه اجينا للشقه ساعه 12 الظهر . لأن تأخرنا بالگعدة ..
بسرعة بدلنا وحظرنا اغراضنا وطلعنا من الفندق بعد مادخلنا للبوفيه اكلنا شغلات خفيفة واخذنا جاي ..
وسدد صگر حساب الفندق واجينا للشقة لأن الحجز ليروح..]

صگر .. صار حبيبي .. رتبي الغراض بالغرفة بين مااجيب الشركة السيارات للايجار .
اجيب سيارة واجي ..

دخلت رتبت ملابسنا بالكنتور ..
طلعت مناشف خليت بالحمام ..
واصلا الغرفة كانت مجهزة من كلشي ..
اخذت الفرش والمعجون . وديتهم للحمام ..
رتبت العطور ع الميز ..

بعد ماكملت اجه صگر .. گال ها حبيبتي كملتي .
گتله واخيرا خلصت ..
صگر .. يله نروح . اجرت سيارة حتى نفتر براحتنا ..
لبست شالي واخذت نضاراتي وبس .
ماكو داعي اخذ جنطتي مااحتاجها .
واحنه رايحين للتسوق ..
اول بداية . رحنا السوبر ماركت ..
اخذنا معلبات واجبان وبيض وكلشي نحتاجه ..
وبعدين گتله متخلينا نروح .
الدبي مول .. امنيتي اشوفه ..
گال . خليها للعصر كلش .
حتى نبقى لليل ونتعشا هناك .
لان اذا دخلتيه هسا ماتطلعين النص الليل .
مو عبالج مول عادي لو مول متسمعين عنه بالتلفزيون .

فعلا رجعنا للبيت بعد ماجبنا غدا ويانا ..
تغدينا . واتصلت ع ماما ماسنجر وگعدت اسولفلها وفرحانه ..
واخواني هم سلمت عليهم ..
واتصلت ع رحيق هم ..
كملنا غدا ..
ورتبت الغراض بالمطبخ ..
گتله يله خلينا نبدل ونطلع ..

گال يله ..
بدلنا ورحنا الدبي مول .. اممممم فعلا يسوي واهس للتسوق .. كبير حيل ..
يمكن كبرة يساوي منطقة وحده من مناطقنا ..

بعد عراقيه ودخلت المول . تگعد ساكته وعاقله .
لو تتخبل ع التسوق ..
عندي قاعده .. ( التسوق هي الراحة النفسيه لكل عراقية ههههههه )
اخذت الي احتاجهن ..
وشفت كم قطعه ملابس نوم حلوات وغريبات .
اخذتهن ..
واخذت اثواب بينصل حلوات . وكيلوتات .. لان ماشتريت هيج شي بالنيشان مالحگت .
بس من كلشي قطعه . لان اني اصلا راح البس جبه .
وصگر هم اخذ تشيرتات .
وعجبته دشداشه خليجيه . اخذ منها ..

نسينا نفسنا بالمول .. اخذهن للسيارة واجه ..
رحنا للمدينه المائيه وعبالك گاعدين بوسط البحر .
والاسماك والحيوانات البحريه شكلها رووعه عن قرب .
بقينا نفتر من مكان المكان ..
الى ان تعبنا وصارت عشره بالليل ..
حتى عشا ماتعشينا من گد ونستنا ..
رحنا تعشينا .. وطلعنا للشقه ..
رحت للمطبخ . سويت گهوه الي والصگر .
وبقينا سهرانين ..

كانت ايام حلوة .. عشت فيها شهر عسل حقيقي ..
صگر عنده شغل بدبي .. يطلع الصبح ويرجع الظهر .
اني ابقى نايمه الصبح .
والظهر نتغدا وابقى احجي وي ماما ..
الى ان يگعد صگر ونطلع نفتر ونتونس ...
فعلا ايام ماتتنسى…

بقينا اكثر من اسبوعين . وصگر خلص شغله هناك .
لأن اكو شركة بدبي ..
الها فرع بالبصرة . اخو صگر الي كان مترئسها ..
وبعد اسد صگر ..
وكان رافض لان بيها سفر وتعب .
بس الشيخ اصر عليه ..

وصار وقت الرجعه للعراق ..
رحنا اخذنا هدايه للكل ..
وكان صگر مايعرف شيجيب الاخواته وامه ..
اني الي اختاريتلهم ..
حتى مرت اسد وبناتها ..
والشيخ اخذله عبايه درجه اولى ..
وحبيبي ماخله احد .
حتى عبدووو وجنو اشترالهم ..

رغم الونسه والراحة النفسيه الي عشتها بدبي ..
وصگر عيشني بيها احلى ايامي ..
الا اني اشتاقيت للبصرة . والاهلي .

رجعنا للعراق .. وكان ابن عم صگر . مسلم منتظرنا بالمطار ..
اخذنا للگرنه .. اني لابسه جبه وشال ..
مااعرف ليش اول مادخلت الگرنه . انقبض گلبي .
وحسيت روحي اختنگت ..

طلعت راسي من شباك السيارة اريد اتنفس شويه ..
من وصلنا البيتهم ..
ذبحوا خروف جوه رجلينا ..
والشيخ مسوي غدا الوجه الله ..
وعازم اهلي هم ..
من دخلت وشفت ماما ورحيق گدامي وهنوده .
انجنيت .
ركضت حضنتهم مشتاقتلهم موت ..
وشلت عبدوووو وجنو وعصرتهم حيل ..
سلمت على اهل صگر كلهم ..
وخاله ام صگر بست راسها ..گالت طبتج خير ان شاء الله

هناك عماتهم و

اقاربهم ..
اجو بنات اسد . حضنوني ويصيحون عروسه عروسه .
منى .. ههههههه من يوم الي شافن الصور من دزاهن صگر النا لسا .
وهن خابصاتنا . عروسه وعروسه ..

صبوا غدا .. وتغدينا كلنا سوه .
صگر ماشفته لأن اول ماوصلنا . حضروا الغدا .
كملنا الغدا .
دخل صگر .. وامه شافته گامت تبجي وحضنته.
وتگله يأسد . ماشفت اخوك عريس ..
نزلت دمعتي ع المنظر ..

گالتله اخذ مريتك ورح ارتاح يمه ..
باوعت الامي ..
گالت هاي شفناج كافي ..
كم يوم ونعزمكم وتجونا ..

سلمت عليهن وراحن .
وصگر صعد لبس دشداشه ونزل .
گال اروح اسلم ع الناس واجي .
اصعدي انتي ..
صعدت للغرفه كانت الاخشاب تركيه ونازكه بشكل ..
لونها فضي وابيض ..
والفرشه فضيه فارشين .
عجبني الترتيب .
فتحت الكنتور ..
لگيت ماما جايبه غراضي وملابسي الي بقن ببيت اهلي ومرتباتهن بالكنتور ..
طلعت دشداشه قصيرة عندي لبستها .
وفتحت شعري ونمت ع السرير ..
منتضرة صگر ..
وهو اتأخر جوه .. واحنه اصلا گاعدين من الصبح وتعبانه من السفر ..
غفيت بسرعه ..
شويه وحسيت صگر اجه سحبني الحظنه ونام .
واني قرفصت بحظنه . مثل طفل مشتاق الامه .
ماگعدنا للعصر كلش ..
شفت صگر مدخل الجنط للغرفه ..
فتحتها وطلعت الملابس رتبتهن .
وفرغت الجنط كلها . بس جنط الهدايه خليتهن ع جهة .
طلعت سبحت ولبست گلبيه لونها اوڤ وايت وذهبي خليجيه اخذتها من دبي ..
گعدت صگر ..
صگر حبيبي متگعد اريد انزل واستحي .
انزل وياي حباب ..
صگر .. صار يروحي اني هم اريد اگعد لاتجي وادم .
گعد سبح وبدل لبسه العربي گالعادة .
ونزلنا ..
لگينا عماتهم لسا موجودات ..
والبنات كلهن گاعدات بالصاله مجموعات ويسولفن ..
شافنا سكتن ..
گلت مساء الخير ..
كلهن ردن. مساء النور .
صگر .. ها العلويات كلهن ملمومات خير ان شاء الله
امه .. خير يمه خير . ارتاحيتوا انتو ..
صگر .. الحمد لله ..
امه .. ابوك سأل عليك وگتله عوفه نايم تعبان .
صگر .. اي هسا رايح .
باوع المرت اسد وگال ..
بنين والق وين .
مرت اسد .. يلعب بالحوش تلگيهن ..
صگر .. جبتلهن لعبات وهدايا . والجن هم بس اختيار مرتي لان مااعرف ذوق البنات ..
البنات كلهن تشكرنه .
الا عمته الصغيره . تصير ام زينب مرت اسد .
هاي ماشايفتها ابد اول مرة اشوفها ..

صگر راح واني گعدت يمهن ..
گالت عمته ام زينب .
عمه انتي هسا شگد صارلج من تزوجتي ..
گلتلها عشرين يوم النا ..
عمته .. اي يعني صارلج هواي وتونستي بالخارج وطلعتي . وخلص العرس . بعد شكو تلبسين ابيض وهاي الالوان ..

جاوبتها بتساؤل .. ليش بيها شي ..
عمته .. لا مابيها بس البيت بي حزانه وماطالعة سنته . والمات النا رجال يعد الدوواين .
واحترام الميت واهله وحزنهم واجب عليج .. كون صرتي مرت ابنهم .. ماگلنالج البسي اسود .
بس لاتلبسين الفواتح .. البسي الوان طوخ ..

تعجبت الكلامها وباوعت الخالة ام اسد .
گالت .. خيه على كيفيج وي مريت ابني . بعدهي ماتعرف طبايعنا . تتعود شويه شويه ..

ماادري ليش حسيت ام اسد مساندتها بالكلام .
سكتت واستأذنت ..
صعدت الغرفتي .. ودمعتي بطرف عيني ..
اختنگت .. يعني عرس ماسوينا وگلت ميخالف وحقهم وابنهم صارله اشهر متوفي ..
وكلشي بسرعه صار وقبلت .
لامثل البنات جهزت ولااختاريت غرفه ولاذهب ولااي شي كان اختياري .. حتى لبسي تحكموا بي ..
وتحملت وسكتت لان حبيت صگر وعشگته ..
بس مال يحكمني ويقررن اللون الي البسه . هاي ممتوقعتها ..

اخذت نفس بغرفتي . حسيت بحر فضيع .
كان بدايه الرابع ومشغلين بس مراوح .
فتحت التكييف ووگفت گباله .. اريد اتنفس ..

اندگت الباب . ودخلت منى . شافتني واكفه ع التكييف .
گالت شعرج رطب تتمرضين هيج ..
گلتلها لا احتريت .
گالت .. لا تاخذين من خاطرج على عمتي .. هي هيج طبعها ..
رفيف .. لا عادي حقها ..
منى .. ولاتگلين الصگر . اخاف تصير مشكله .
رفيف .. مو من طبعي انقل حجي . وثانيه شغله تافهة ماتستوجب اگله..
منى .. انتي هم اعذريها ..
بنتها ترملت وهي بعدهي حديثه (صغيرة)..
وماتتحمل تشوف بنتها مترمله واحنه فرحانين .
حتى الصبح رزلتنا لان منتظريكم على نار . وكل ساعه نباوع من الشباك .
تگول .. نسيتن اخوجن الميت وبالعجل فرحتن .
رفيف .. بس هذا قضاء وقدر . والي صار حكم الله . وماعلينا الا نتقبل وندعي ونصلي الامواتنا .
يعني ندفن ارواحتنا بعد الي راحوا حتى نوفيلهم .
اني بابا اغلى من روحي عندي ..
وصارله . اربع سنوات متوفي .
ولسا اتذكره وابجي . وشوفته بقت غصة بداخلي . تلازمني للموت ..
بس رغم حزني الي بداخلي . درست ونجحت وتعينت وتزوجت هسا ..
لأن متأكده اذا شافني فرحانه ومرتاحه . راح يرتاح هو بگبرة ..
منى .. هنا مو مثلكم خيه . مايصير نفرح الا بعد سنتين ثلاثه ..
رفيف .. مااعرف شأكلج بعد ..
زين زينب شنو وضعها ..
منى .. زينب اخذت اسد عن حب . وهي طفله انتضرها لما كبرت وخطبها ..
وهي تعشگه كلش .. بحيث من تزوجوا . وتسمع صوته من بعيد ..
تبقى تگمز بباب الحوش تنتظرة .
جنت اسميهم قيس وليلى . رغم هو اكبر منها بهوا

ي ..
بس يگول احسها بنتي مو مرتي ..
مدللها دلال ..
من تحبل . يشيلها على جتافه .
وخاصه من حبلت بألق .. وگعت وحملها تهدد .
وگالتلها الدكتوره .
لازم تنامين على ظهرج ..
وهو سوده عليه . ياخذها للحمام شيل ويرجعها ..
ويخلي الطشت جوة راسها ويغسللها بيدة .
لاتتعجبين .. اهلنا كلهم هيج يحترمون المرة .
اني ماخذة ابن عمي مسلم اذا تعرفيه هم هيج ..
وابوي يحترم امي ومايگلها الا علويه وشتگول يگلها آمري ..
وحتى صگر . يحترمنا ويقدرنا . وصح هو عصبي بس من شافج وعشگج وخبلنا الاتخطبوها الي .
شفت عشگ اسد الزينب گبالي ..

من سولفت قصتهم حيل ضجت عليها وكسرت گلبي .
وگمت ادعي بكلبي واگول ..
ربي احفظليا واحميه من كل شر .
زين وصابره زينب . لو اني لاسامح الله اموت وراه .
……………………………………………
گلتلها زين هي هنا باقيه عندكم ..
منى .. اي اخذتها امها بفترة العدة .. وبعدين بناتها تعودن الا هنا يردن ..
وهي بقت هناك ..
تالي گالت اني ارجع وهم مااگدر عن غرفتي وريحة اسد بيها ..

قاطع حديثنا صگر دخل للغرفه..
منى .. يله اني اترخص . ارتاح خويه ..

صگر .. وين رايحة دگعدي لو لأن شفتيني اجيت . اطلع شلون .
منى .. لا والله بس تدري البنات وحدهن اساعدهن بالعشا .

نزلت منى . واني گمت فتحت الكنتور .
اباوع .
اجه صگر وحضني من ظهري .
-تردين تبدلين .
-اي
-ليش هاي حلوه عليج ??
-لا .. احس روحي نشاز كلها لابسه اسود واني لابسه هيج ..
-وشعليج بيهم انتي غير عروس .
-خلص العرس ..
-عرسنا مايخلص لو بعد سنين ..

وسحبني گعدني بحظنه ..
-احسج مامرتاحة .
-لا بس تعبانه . خليني ابدل وننزل عيب منهم
-شو كله عيب وعيب . ليش تتقيدين حسي نفسج ببيتج ووي اهلج. حاولي تتأقلمين وي الوضع..

-مو ما اعرف اطباعكم. واخاف مايعجبهم تصرفاتي ..
-سوي الي تقتنعين بي حبيبتي ..واعرف عقلج وتفكيرج
وادري بيج متخطئين بحق احد ..

بوسته وحضنته .. راد يتمادى .
گتله لاحباب مو وقتها خليها بعدين ..
صگر .. هم گولي خاف عيب ..
رفيف .. ههههههه لزمتها عليه ..

رجعت باوعت للكنتور . مابي الوان غامقه . بس دشداشة لونها جويتي ..
لبستها ولفيت الشال ..
گتله يله ننزل ..
اتصلت ماما ..
گال نازل قبلج ..
سلمت وگالت شلونج مرتاحة .
گلتلها زينه الحمد لله ..
بقينا نسولف شويه .
وگالت عگب باجر اذا فارغين نعزمكم .
گلتلها الله كريم نشوف .
كملت المكالمه ونزلت .
لگيت صگر يلعب وي بنات اخوه . والق حاضنته من رگبته وتگله انطيني الهدايه يله ..
غمزلي صگر .
گال . الهدايه موعندي . عند العروسه ..
هنة يباوعن وخجلانات ..
گلتلهم تعالوا وياي ..
صعدنا اني وياهن .
واجه صگر وراي .
ونزلنا الجنط ..
گعد صگر بالگاع ويفتحهن . واخواته داير مدايره .
والق تگمز وبنين گاعده بصف عنها وتفتح وياه .
كان جو حلو وذكرني بأهلي ..
انطاهن الالعاب وملابس جبنالهن .
اخذنهن فرحانات ..
ماما شوفي ماما ..
وهي تبتسم وساكته ..
مااعرف ليش !!
احسها بعالم ثاني مو يمنا ..

اني عيني عليها واراقبها ..
وانتبهت بسرعه ع صوت صگر .
رفيف رفيف ..
گتله .. ها حبيبي . لااراديا طلعت حسيت الكل عينه صارت عليه .
الي ابتسموا والي ماعجبتهم الكلمه ..
گال .. ترى اني مااعرف انتي الي اختاريتي .
گتله .. اني مرتبتهم هناك وكاتبه على كل علاگة اسم صاحبها او العائله ..
گال .. شفتوا مرتي الذكيه . ويگلك ليش تحب البصراويه ويضحك ..
عمته الجبيرة سوتها بالضحك .. يمه والعلويه موش بصراويه وماتعجبك ..
صگر .. لاعمه العلويات كلهن على راسي شعندي غيرهن بس القلب ومايهوى ..

اني بس استمع وابتسم ..
عماته ضايجات لان مااخذ منهن يمكن . ومرت عمه من اجينه هم تباوع بطرف عينها .

بدأ صگر يصيح بالاسماء .. وعبالك ديوزع نتائج .
يضحك شكله ..
صاح هيلين . هيلين ماتسمع بالمطبخ خطيه .
اجت ترگض وبيدها الخاشوگه .
كانت تسوي عشا .
انطاها . ودور صاح شيرين . هم اجت تركض .

وزع الهدايا للكل وحتى عماته . بس مال ابوه عزلها .
ع جهة ..

جابوا السفرة . هم النسوان وحد والرجال وحد ياكلون ..
جابو العشا .
مسوين تمن ومرگ وتشريب دجاج ..
صگر راح يم الرجال برة .
گعدن النسوان كلهن ياكلن .
اني اشتميت ريحة الاكل لعبت نفسي ..
حسيت راح استفرغ .
خليت ايدي ع حلگي وخشمي واگلب بالاكل مااگدر اكل والدجاج اصلا مااحبه ومااطيق ريحته اذا گلي بس اذا كان مشوي ومتبل ..
شفت عمته انتبهتلي . بسرعه سحبت ايدي ..

يتبع…………

///البارت الثالث عشر///
درب_العشگ🔥
بقلم_الكاتبة_شمس

خليت ايدي ع حلگي وخشمي واگلب بالاكل مااگدر اكل والدجاج اصلا مااحبه ومااطيق ريحته اذا گلي بس اذا كان مشوي ومتبل ..
شفت عمته انتبهتلي . بسرعه سحبت ايدي ..

گالت .. هاعمه ليش ماتاكلين . خاف مايعجبج . نسويلج شي ثاني ..

گلتلها .. لا شكرا . مااشتهي . راح اكل سلطة ..
من گلت سلطه وحدة باوعت للثانيه ..

گعدت اكل على عيوني بالگوة ..
ماصدگت يمته يخلصن ويگومن ..
كملن گمت اشيل وياهن المواعين .. خليتهن ع السنگ واصفي بيهن ..
هن مايحجن ابد وتحسهن منعزلات ..
گمت اغسل المواعين واجت هيلين گالت اتركيهن عنج اني اختصاصي المواعين ماانطيهن ..

تركتها .. ولان البنات كلهن مجموعات بالمطبخ .
مارحت للصاله .. لان هناك عمات صگر گاعدات واتقيد يمهن ..

البنات يرتبن واني بس گاعده .. انتبهت ع زينب گاعدة تصفط بالخبز وتسويه مجموعات وتلفهن بأكياس ..
كملت خلت واحد فوگ اللخ بالمجمده..
ورجعت گعدت ..
كانت سارحة بعالم ثاني .. وتصفن من غير ماترمش ..
العالم تسولف والي تضحك وهي ماكو بغير عالم ..

اجت بنين گالتلها ماما ماما .. ماحجت بس اشرتله براسها بنتها همستلها بأذنها .وهي هزت راسها ..

كان صمتها وهدوئها يخوف ..

گعدت منا تحجي وتتشاقى وي الق تگلها لعابتج محلوه والق تگلها والله حلوة

واحنه نضحك عليها ..
گلتلها زينب الق تشبهج حيل ..
ابتسمت وگالت اي كلها تگول .
بس بنونه ع المرحوم ..

ردت اخذ وانطي وياها بالحجي . بس هي متنطي مجال كلمتين وتختم الموضوع ..

اجه صگر .. گال مرتي هنا واني ادور عليها..
ابتسمتله ..
سحبني من ايدي واخذني ..
انتبهت زينب تباوعلنا ..
گتله صگر .. لاتسوي هيج يم زينب . احسها تتذكر حبها وي اسد واخاف تضوج ..
گال .. شنو وصلتلج قصتهم ..
گتله .. اي منى سولفتلي ..

گال .. اي بس ماعدها هيج مال تغار او تضوج .
گتله .. صحيح متضوج من سعادتنا . بس يمكن تتحسر على ايامها وياه .. اني مرة واحس بيها . اسم الله عليك لو يصيرلك شي اتخبل . ويمكن ابقى كل عمري اتحسر وانقهر .. هاي اذا مامتت ..

صگر .. اسم الله عليج يروحي . لاتجيبين هيج اشياء على بالج .. ولاتفكرين بزينب . اشوفج هواي مهتمه وتفكرين هيج تتعبين .

رفيف .. تقهرني احسها موطبيعيه ..
صگر .. ومنو گالج هي عاقله .. هسا هادئه . اول مامات تخبلت . وحتى تسولف وي روحها هواي .
ومن نسألها تگول . هذا اسد يسولف وياي ..
لو تسد غرفتها وتقفلها وتطلع بناتها ..
ومن ندگ الباب ونكسرها عبالنا شو شتسوي الروحها
تفتحها وتگول شكو .
اسد نايم ويگول مااريد صوت ..
تتخيل اسد موجود بحياتها .. لهذا وديناها الاهلها فترة هناك ماتتذكره .. وماخلينا شيخ وامام يعتب علينا .
الى ان تحسنت هسا وصارت احسن ..

هو يججي واني دموعي تنزل ..
گتله شگد احترم الانسانه الوفيه الزوجها .. والي تبقى على ذكراه وتربي اطفالها وتكبرهم وتهتم بيهم ..

صگر .. اكو نسوان يتزوجن علمود اولادهن او ماعدهن يعيشنهم ..
رفيف .. اني وياك . بس الي متمكنه وعندها فلوس واهل زوجها وزوجها ممقصرين عنها ومراعين اولادها
ليش تفكر تتزوج وتجيب زوج ام الاولادها .
ومهما يكون مايصير مثل حنية الاب عليهم .
حتى لو عمهم هم ..
ليش المرأة تحب تسوي نفسها كائن ضعيف وتعتمد ع الرجال بكلشي ..
اذا عندها راتب واهل يراعوها ليش ماتوگف على رجليها وتصير قويه وتربي اولادها هي وتعلمهم .
اكو هواي نسوان يترملن ويبقن وفيات الازواجهن ويربن جهالهن ويكبرنهم ..
لان بمجرد ماتتزوج راح تنسى زوجها المتوفي . وتعيش حياتها وتجيب اولاد غير اولادها . وزوج الام جائز يفرق بين اولاده واولادها ..

صگر .. هسا اذا متت اموت مطمأن. مرتي تبقى وفيه وماتتزوج غيري .

رفيف .. هههههههه لاتحجي هيج اسم الله عليك .

گال نسيتيني وكان مخلي علاليگ ع الثلاجه .
جابهن وفتحهن ..
بيهن كرزات وحلويات وكولا . وطلع لفة همبرگر وفنگر
ونطانياهن ..
ضحكت اني ..
گال ادري متاكلين التمن والمرگ بالليل .
فجبتلج لفه ..

حضنته .. فديت حبيبي الي يراعي مرته ..
كنت فعلا جوعانه . اكلت اللفه والفنگر .
واحنه نسولف ونضحك ..
فعلا حياتي وي صگر وبغرفتنا احلى من العالم الخارجي .
ساعات اتمنى نبقى اني وياه وحدنا بالغرفة ومانطلع منها ابد ..

كملت وشلت الباقي ورحت غسلت واجيت .
بدلت واجيت يمه وهو گاعد يگلب بالتلفزيون
فتح ايدة ونمت بحظنه ..
طلع فلم اجنبي على Mbc2
گعدنا نتفرج الى ان نمنا ..

صگر ثاني يوم بدأ يشتغل ويغيب هواي .
يعني يجي الظهر يتغدا وينام .
والعصر يطلع وي الشيخ مشيات وفواتح وكذا .
وبس بالليل نسهر ونلتقي ونفرغ اشتياقنا ..

كل ليله نگضيها سوة تعوضني عن النهار كله ..
بس بالنهار ..
احس نفسي اتضايق ..
الكل مشغول بحاله ..
اي تصرف اتصرفه عندهم غريب عن عاداتهم وتقاليدهم ..
مااعرف شلون اتصرف ..
ولبسي متقيدة بي كلش .
مع انه ماكو ولد تدخل البيت بس بنات .
ماعدا الشيخ .
ويرجع من المضيف ساعه 12

بالليل ينام بسرعه ويگعد من الصبح ومانشوفه ابد .
الا كم يوم نلتقي مرة اسلم عليه ويسألني عن حالي .
نوعا ما احسن من خالة ام صگر ..
دايما ترشدني ع تصرفي ولبسي وتعلمني طبعهم .
عبالك طفله مو راشدة وكبيرة ..

حتى عزومة اهلي كل يوم مأجلتها . لان صگر مايفرغ واخاف احجي واگول اهلي عازميكم .
وانحرج وميقبلون يجون ..

كنت انتظر شوكت تخلص اجازتي واداوم تعبت نفسيتي حيل . ع الاقل اگضي النهار بالمستشفى وبالليل صگر يمي ..
………………………………………………
عماتهم دائما عندهم وماكو راحة .. دايما خطار وشغل
صحيح البنات مايخلني بس اني استحي اشوفهن يشتغل واگعد واسكت ..

بهذي الفترة احس شهيتي انقطعت ..
ونفسي تلعب ومعدتي نار وتغلي ..
شكيت بنفسي حامل . بس مااتوقعت احمل بسرعه .
وخاصة بعد يومين للموعد ومامعقوله اكون حامل بهيج سرعه ..

اتصلت ع دكتوره صديقتي وسألتها ..
گالت .. شي طبيعي يصير حمل . لان اذا تزوجتي وانتي بفترة التبويض احتمال كبير يصير طفل وبسرعه .
ولمدة اسبوعين وتبدي اعراض الحمل واكو تبين عندهم قبل مايسون تحليل حمل ..
فأنتي للتأكد انتظري هاليومين وسوي تحليل وشوفي ..

من گالت احتمال . گمت اخاف ع نفسي اكثر .
انزل واصعد من الدرج ع كيفي .
كنت بودي ابشر صگر . بس گلت اتأكد احسن ..
خاف يطلع مو حمل واتفشل ..

وفعلا مرت كم يوم وطلبت الصگر اروح الاهلي كم مرة يعزمونا مااروح ..
اهله ماقبلوا يرحون .
رحنا بس اني وياه ..
هو وصلني الصبح وراح عندة شغل .
استغليتها فرصه وسولفت الهنوده وماما .
فرحوا . وبسرعه لبست ماما وراحت للصيدليه جابت اختبار بيتي واجت ..
اخذته وحللت وطلع خطين ..
حضنتهم وممصدگة. واحرگ بروح عبدووو اگله بعد حيصير عندي نونو مااريدك وهو يضوج ..

اجه صگر ع الغدا وماگلتله وطلبت من ماما متگول اريد اسويله مفاجأة..

بقينا للعصر وورجعنا ..
رحت وي البنات اسوي عشا ..
زينب ماهي عند اهلها . بس هيلين وشيرين .
تعشينا وكملنا ..
ردت اصعد الغرفتي .
صاحتني خالتي ..
گلتلها ها خاله ..
تعاي يمه اختاري ..
باوعت شأختار خاله ..
هاي العبايات جابولياهن من مكه ومن الزينات باعي سوادهن وقماشهن ..
شوفي الي تعجبج حتى اخيطها الج ..

صفنت بوجهها ..
گلتلها .. لا شكرا مااريد .. اني لبست جبه .
ام اسد .. اي يمه مابيها شي . عود البسي العبايه فوگها ومن توصلين المستشفى انزعيها ..

ماعرفت شأحجي .. گلتلها خاله بس صگر ماگال البس وقبل البس بس جبه .
ام اسد .. يمه صگر شيعرف بسوالف النسوان ولاتبقين كلشي وگلتي صگر . الزلم ماندخلهم بسوالفنا .
انتي من عدنا صرتي واذا خلفتي منه تصيرين ام السادة والعلويات . ولازم تصيرين قدوة الج ..

گلتلها .. خاله اعذريني مااگدر مامتعودة . خلي اتعود والله كريم .عادي البسها بزيارات وكذا الى ان اتعود هسا مااگدر .

ام اسد .. اني راح اخيطها ومنا لمن تكمل الله كريم ..
تركتها ومشيت ..
بس روحي تغلي ..
يعني كلشي يقررون بكيفهم ويخلوني..
امام الامر الواقع ..
حتى فرحتي بالطفل راحت .
صعدت الغرفتي . فرشت فرشه ماروني حلوه .
وخليت حلويات وكرزات وجبس بمواعين مال تقديم .
ورتبتهن ع الطاوله .
وخليت گلاصات .
وجبت التحليل خليته بعلبه وخليته ع الطاوله ..
لبست ثوب ماروني طويل وبي فتحات ..
انتضرته الى ان اجه .
ضحك گال . ذوله لزگوا بالمضيف واني گاعد على نار
اشتاقيتلج يروحي بوسني ..
شنو هالترتيبات . وعلبه . هاي الي .
گتله اي الك .
گال .. اممممم حتى مو عيد ميلادي شكو ..
گتله افتحها وشوف ..
فتحها وصفن . شنو هاي ??
ضحكت گتله عليك الله ماتعرفها . محامي ودارس وطالع ومسافر . وماتعرف شنو .
ضحك . گال شمعرفني بسوالف النسوان .
گتله هذا تحليل حمل .
صگر .. اي يعني ذني الخطين حامل .
رفيف .. ايون .
صگر.. اويلي اروح فدوة للأيون وحضني .
گاله اخ عصرتني .
صگر .. اهلي يدرون .
رفيف .. لا بس انت ..
صگر .. اروح ابشر الشيخ وامي ..

هو راح واني گعدت انقش بالكرزات . واتصفح بالفيس
مرت شويه .
وصارت هوسه ..
واجت هيلين تركض .
رفيف .. امي تخربطت الحگيني ..
اني لابسه ثوب نوم .
بسرعه لبست الجبه وخليت الشال ع راسي ونزلت ..
رحت لگيت صگر يصحي بيها ..
حتى ماعندي معدات هنا ..
گتله شويه وخر ..
شفت نبضها سريع .. گلتلهم عندكم جهاز ضغط .
جابته شيرين واجت ..
قست الضغط مرتفع شويه ..
اخذت علاجها . خليتلها حبه جوة اللسان .

گتله تعال صگر وياي ..
صعدت فتحت الكنتور . طلعت الجنطه مال مستشفى .
بيها الختم مالتي . واخذت ورقه كتبت عليها علاج وختمت بالختم .
وگتله من اي صيدليه . جيب هذي الابر .

راح جابهن واجه . ضربتها ابرتين . ومهدئ حتى تهدئ .
صحت شويه . وبعدين رجعت نامت .
اجه الشيخ يطمأن عليها .
گال الله يرضى عليج بنيتي .

گتله بالعكس عمو هذا واجبي ..
عدأ الوضع صعدنا ..
صگر ضايج حيل ومااعرف شبيه ..

گتله اكو شي صاير ..
صگر . لا ماكو .. هي وحدها تخربطت .
رفيف .. عجيب قبل شويه اني يمها مابيها شي .

[صگر .. رحت ابشرها بالطفل . فرحت وباركتل

ي . ودور گلبتها ع العبايه.
وگالت بعد يومين بطنها شكبرها وتفتر بالگرنه بلا عبايه ..
گلتلها يمه مرتي واني حر بيها واخذها واجيبها بيدي بعد وين تفتر والرجال يحجي عليها وشوف شلون احسب الله ماخلقه ..
هي گامت تفرفح وتحجي وتگول ادري بيك تخلي عگال ابوك بالگاع من وراها ..
گلتلها ماجايبلج وحدة من الشارع . الكل يحمد واخلاقها وتربيتها ..
ام اسد .. من هسا بعتنا علمودها مشكور . ذاك اسد . رغم جان يعشگ زينب الا مايوم خلاني اعيد حجايتي مرتين ..
صگر .. ملاحظة يمه من صغري تقارنيني بأسد . ومات وهم بعدج تقارنيني بي ..
جنتي دوم تفرقيني عنه .. من عشگ اسد كلها ساندته ومن عشگت اني كلها وگفت ضدي وانتي اولهم ..
ام اسد .. اني ماافرق بين ولدي. بس اسد على گلبي ويسمع حجايتي . واخذ وحدة من ثوبه .
صگر .. هاهي يمه اخذت جوابج . حتى فرحتي بالطفل راحت مشكورة .
ردت اروح هي تخربطت ووگعت ]
بقلم_الكاتبة_شمس
……………………………………… .
صگر .. اروح اشوف امي شلون صارت وارجع ..
رحت شفت امي نايمه .. وابوي يمها .
گتله شلونها .
گال .. الحمد لله . شعندك وي امك يصگر .
ماصارلك شهر من تزوجت وتلاسن امك ..
صگر .. شيخنا انت شيخ وتحكم بالعدل للناس وماتحكم اذا ماتسمع من جميع الاطراف ..
امي انت ادرى بيها ماقبلت على زواجي . وتشوف مرتي غريبه عنا .
واني ملاحظ شلون تعاملها وحتى عماتي .
دخلت بأذني يحجن عليها ..
وهي لليوم لاشكت ولاحجت .
ومتأكد كلشي تسمع وماتگول .
ومن ادخل غرفتي .. تتلگاني بالابتسامه والحجايه الحلوة مرتي لبسها محشوم لابسه جبه وحجاب .
بعد كونت الا تلبس عبايه شنو .
ادري تعالج المرضى بعبايتها ..
تريد تدرس اختصاص .. تروح تدرس بعبايتها .
يعني بنيه مامتعوده ع العبايه غير تاخذها بالهداوة مو كله امر ونهي ..
الشيخ .. الله كريم اني احجي وياها ..بس انت شوكت تنقل مرتك خو ماتداوم هناك وانت هنا .

صگر .. قدمت طلب النقل ومنتظرين .. وهي اجازتها خلصت والمفروض تداوم . بس راح احاول اسويلها اجازة مرضيه لأن حامل .
الشيخ قاطعه .. شنهي مرتك حبله .
صگر .. اووووه نسيت ابشرك والله دخت من ورى الي صار ..
الشيخ .. تعال يبعد ابوك بحظني .. اي هيج الله يكثر نسلك ويعلي مقامك بين الناس .
وحظني يبجي ..
هسا حسيت بالفرحة من صدگ ..

رفيف ..
مر كم يوم وبدأت اعراض الحمل بيه ..
ومااتحمل ريحة الاكل نهائي ..
ام اسد گامت تتفاداني .. ماادري شبيها .
بس عمتهم حاطة بالها يمي ..
وتگلي عيارة نسوان مو احنه نحبل ونجيب مانسوي مثلج وكلشي ناكل .
لو انتي الا من برى تاكلين .
واني وربي حتى الي يجيبه صگر مااكله . مااگدر اتقبله

طلع نقلي واخيرا وگمت اداوم ..
حسيت روحي اختنگت من البيت ..
واضطريت اداوم رغم حملي .. بس زين متساهلين وياي
اداوم بس الصبح وارجع .
وصگر ياخذني ويجيبني ..

صارت سنوية اسد . والتهينا باللطم ..
اني ماردت انزل باللطم لان تعبانه من الدوام .
واخاف من صوت العياط .والفواتح ..
بس البنات اصرن علية يگولن خاف امي تحجي ..

لبست جبة سوده عندي .
ونزلت . وكانت العيون كلها تترقبني ..
گعدت ع جههة ..
والنسوان كلها تباوع. مااعرف ليش ..

گمت المله تقرأ .. والكل يبجي ويعيط .
واني كانت عيوني تراقب زينب وهي تبجي وتگله حبيبي اشتاقيتلك اخذني وياك ليش تركتني ..
مااتحملت الموقف وگمت ابجي ع بجيها ..

اباوع الامهاتها . مايحجن وهي شبه تخبلت وملختها النفسها .. ووجهه بس دم صار ..

مااتحملت رحت عليها وسحبتها ..
گلتلها . زينب اهدي اعقلي وج هيج تعذبيه انتي . لاعبالج يرتاح من تسوين هيج ..

امها .. اتركيها . راح ابو بيتها وسندها بعد منو الها خليها تفرغ حرگتها ..

رفيف .. تججين صدگ عمه . راح تموت .

امها .. انتي معليج تكتري . ماضايگه لوعة الرجل .

تخبلت من حجيها . وتندمت لأن تدخلت . اعرف مايطيقوني المن احشر روحي بالنص ..

بس ماقهرني غيرها .. معقوله سنه كامله وهي بعدهي بنفس الالم .قهرتني حيل ..
وبقيت ادعي ربي يحفظلي صگر ولايفرقنا .

للمغرب التهينا بالعشا .. عازمين هواي ناس ع الثواب ..
همه جايبين طباخ ..
بس غسل مواعين وتنضيف انكسر ظهري وعود كلنا نشتغل سوة ..

سمعنا هوسه گالو زينب تخربطت ..
ركضت . شفتها ضغطها هابط حيل وواگعه ..
دزينا على مغذي وابرة وشگلتلها كانونه ..
بعد ماجرى المغذي بجسمها ارتاحت شويه ..
وضربتها ابرة مهدئة لان صار عندها تسارع من البجي والقهر .
الى ان هدأت ونامت ..
رجعت وي البنات كملنا شغل .
وردت اصعد گلت امر الغرفه زينب اشوفها .
شفتها نايمه و امها تگل الاختها الثانيه يعني عمتهم .
باجر احجي وي الشيخ وصگر . خو مااشوف بنتي تموت گدام عيني واسكت ..
وبقن يتهامسن .
تركتهم ومشيت .
رحت الغرفتي اخذت ملابس سبحت وونمت ع السرير ارتاح شويه ..

اجه صگر خطيه تعبانه بوسني وراح يسبح .
كمل واجه يمي باس بطني اليوم تعبنوا انتو وابني .
ضحكت گتله منو يگول ولد جائز بنيه .
باس ايده وخلاها ع گصته .
الحمد لله اهم شي تمام الخلقه ..

دور نومني بحظنه ونمنا

من التعب .
ثاني يوم ..
بالگوه گعدت من ظهري ..نزلت حظرت الريوگ وصعدت گعدت صگر غسل واجه .
تريگنا ونزلت غسلت مواعين .
شفت خالتي گاعده والشيخ .
سويتلهم ريوگ .
گعدت عمتهم .
گلتلها اسويلج ريوگ .
-لاشكرا عندي ادين واسوي .
تركتها وصعدت ومااهتميت الحجيها .

بدلنا وكملنا ونزلنا ..
شفت الشيخ وخالتي ماهمه بالصاله ..
ردنا نطلع اشرت عمته الصگر ..
عمه تعال شويه بغرفه اهلك .
واخذته ودخلوا للغرفه .
سمعت حجي وواحد يعله صوته واحد ينصى .
ومافهمت السالفه شنو !!

طلع صگر معصب وگال يله امشينا…
صعدت بالسيارة . گتله شبيها عمتك .
صگر . ماكو شي سوالف نسوان وع الشغل ومن هالحجي ..
رفيف .. والله اني دااشتغل وياهن . رغم البنات مايخلني صگر .. اعرف حبيبتي لاتهتمين ..

وصلني للدوام وراح ..
بقيت النهار كله ضايجه . يعني عمته ليش هيج تكرهني وشادة وياي .
واذا ضايجه لان بنتها تشتغل .
ماتاخذها المن مخليتها .
خاف هاي تريد تلزگها بصگر ..
لا لا مستحيل . صگر ميسويها .
وزينب هم تموت ع اسد ومااعتقد ببالها هيج شي .

كمل الدوام واجه صگر ياخذني . صحيح يتغزل ويگلي اشتاقيتلج ويسألني عن صحتي .
بس حسيته مو على بعضه .
واحجي وياه صافن . وماينتبه .
سكتت وگلت اكيد عنده مشكله .

وصلنا للبيت هو راح للمضيف واني دخلت ..
سلمت ورحت صعدت بدلت ونزلت للمطبخ اصب غدا .
شفت عمته هناك .
سلمت عليها باوعتلي وگالت .
الله لاينطيج ماادري منين لفتي عليه وفريتي عقله .
انانيه عساها ببختج ..

صدگ ضحكت ههههه هاي شبيها .
گلتلها انتي شبيج وياي . ماخذة شي منج وماادري .

دخلت هيلين . هلو رفوفه اجيتي .
طلعت عمتها ..
گلتلها هلو حبيبتي شلونج .

حظرت وياي الصينيه .
گلتلها هيلين عمتج ليش تكرهني شمسويتلها ..
گالت .. هاااااا ماادري. اني اروح انضف الصاله .

اني هم اخذت الصينيه وصعدت .
اجه صگر نزع الدشداشة وگعد گبالي .
گاله لاهيج مااگدر اكل دتسويلي اغرائات ..
ضحك .. گال مو لاتخليني اغديج ع طريقتي .
بس انقهر على ابني ومسامحج .
ضحكت . گتله لا خلينا نتغدا هيج احسن .
وگعدنا ناكل ..
حجيت هيج وياه حتى يضحك لأن اعرفه ضايج .
ومااگدر اسأله شبيك اخاف يضوج اكثر .
لهذا من ضحك احس روحي رجعتلي ..

كملنا غدا وغسلت المواعين واجينا نمنا ..
گعدت كالعادة وي البنات عشا وشغل وغسلت ملابس .
اتصلت ع ماما وسألتني عن حالي .
وگلتلها اريد ارجع دكتورة .
گالت تعالي لهنا راجعي افضل .
گلتلها اشوف صگر وارجعلج جواب ..

تعشينا وكملنا .. گال صگر اني اتأخر انتي نامي حبيبتي لاتنتظريني .
تعجبت . گتله لا عادي انتضرك .
گال . اتأخر وانتي وراج دوام وحمل وتعب . نامي ومن اجي اني اگعدج .
گتله اوكي ..
صعدت بدلت وبقيت ع الموبايل شويه ونمت ..
گعدت بنص الليل عطشانه .
باوعت صگر ماكو .
استغربت اكثر .
مو عوايده يتأخر كلش ل 11 او 12 ويصعد .
لبست دشداشه فوگ ملابسي وطلعت .
باوعت الكل نايم ماكو احد .
رحت للمطبخ الباب مقفول .
الصاله الاستقبال الداخلي ماكو .
رجعت اريد اصعد . شفتة بغرفه زينب .
باس راسها وطلع .
صرنا وجه بوجه .
اني علامات التعجب على وجهي ..
بسرعه رجعلي حجي عمته واهله وتعاملهم .
احس روحي اختنگت ..
بصدمة وصوت مخنوگ گتله صگر انت شتسوي هنا .
واحس الصوت بالگوة يطلع مني !!
هو من شافني ارتبك ..
اتقرب مني . ويحجي بصوت خافت . رفيف ..
تركته ورحت ركض الغرفتي !!!

يتبع………

///البارت الرابع عشر///
درب_العشگ🔥
بقلم_الكاتبة_شمس


صگر ..
جانوا اكو ناس يم الشيخ .. جايين على قضيه كتل وطالبين ابوي يتدخل ..
وعرفت شغلتهم تطول ..
گلت الرفيف .. لاتنتظرني وتنام .. لان ادري بيها حامل وتتعب بالدوام والبيت ..

بقوا الجماعه فوگ 12 بالليل ..
اني بالي يم روحيتي . بس لا منتظرتني هسا ..

كملوا وطلعوا . وبقينا نحجي اني والشيخ بشغله عمتي وزينب ..
گتله يابة .
الصبح من حاجتنا عمتي وگالت استعجلوا بشغله الزواج اني ماحجيت ولارديتها لأن رفيف واكفه ..

گلتلكم اي قرار ماتاخذون عني ..
جبرتوني اقبل بشرطكم وهو اعقد عليها بس .
واني وافقت علمود اخذ الي اريدها ..
بس يابويه اشوفها صعبة اخذ مرت اخوي ..
الي گضيت عمري اگللها خويه ..
الي من هي طفله حاجزها اسد ومسمايه بأسمه .
شلون تريدها تنكتب بأسمي ..

شلون تريدني اباوع بوجهها .. وهي تحلفني وتگلي خويه بروح اخوك لاتوافق ..
اني مالي رأي وماأگدر احجي ..
انت احجي وارفض بمكاني ..
خويه اموت اذا تسلجت بالجنسيه بغير اسم اسد ..
كل هذا وتريدني اوافق ..
حتى اذا على ورق . لااگدر اجرح مرتي ..
ولااجرح مرت اخوي ..

ودور عمتي غيرت شروطها وتريد ادخل عليها وزواج حاله حال زواجي برفيف ..
واني لو اموت ماابدل وحدة برفيف وتاخذ مكانها ..

الشيخ .. هي لعب جهال .. هاي ماشيه بالعشاير كلها تريد بناتنا يتهجولن .

صگر .. بويه وليش يتهجولن . واحنه فوگ روسهن .
وانت كاتب بستان بأسمهن للكبر يفيدهن .
وسويتلهن راتب وغير مصرفهن .
واني مدام راسي يشم الهوا مااعوفهن بعازة شي .
وامهن وهن يعيشن ويانا معززات مكرمات .
محد يدوسلهن على طرف ..

الشيخ .. واذا زينب نست حزنها بيوم وگالت اريد اعرس وتدريها صغيرة وحلوه .
حلالنا وبناتنا يضلن للغريب ..

صگر .. زينب ماتفكر هيج. وادريها بحياتها ماتتزوج ماتشوفها شلون مسودنه عليه ..
وبعدين هي الكلفتني وگالتلي احجيلي وي الشيخ .
مايخلينا نعقد . ويهدي امي عليه ..
واني مستعده اسويله تعهد وابصمله مااتزوج بحياتي واگعد اربي بناتي واكبرهن ..

وياشيخ ترى محد مرض زينب ومعذبها غير عمتي وزنها على راسها ..
تحرض بأمي وزينب حتى يوافقن .
وشادة وي مرتي وتسمعها حجي .
ومرتي ماشكت ولاادري .
لو ما منى والبنات يگللي ..

صفن الشيخ .. وگال هينه . مادام لاانت ولا هي موافقين . اني احلها .
وخلي عمتك عليه اني احجي وياها ..

صگر .. بويه اذا انسدت السالفه مااريد بعد يفتحها ويحجي بيها . لأن مااريد مرتي تنقهر .

هز براسه .. ودخلنا للبيت سويه .
هو راح الغرفته .
واني قفلت البيبان مال بين .
واريد اصعد .
صاحتني زينب ..
عيونها وارمات من البجي ..
اجيتها .
ها خويه شبيج .
گالت تعال هنا لايسمعنا واحد .

دخلت الغرفتها والبنات نايمات وهي مخليه صور ااسد وتبجي ..
خليت الباب مفتوح مال غرفة .
ولميت الصور .
خويه مو هيج تموتين روحج .وتعذبيه .
فكري ببناتج خطيه .
صيري قويه واوكفي على رجليج .
واني اساندج .
تردين تدرسين اي شي ترديه گولي واني احجي وي الشيخ ..
اهم شي ترتاحين .

زينب .. اني ارتاح اذا فكوني من هاي السالفه . واخلص من زن امي عليه .
امي تگلي ماارضى عليج اليوم الدين .
اذا ماوافقتي ..

صگر .. لاتخافين . اني حجيت وي الشيخ على كلشي وهو اقتنع وگال اني اقنع عمتك .
خليه هو يحجي وياها ويقنعها .
خلي يذب الصوج كله بيه حتى ماتجي تحجي عليج .
وعود خليها تشن الحرب علينا اني ومرتي ..

ابتسمت هي ..
گلتلها يله مدام خلصنا من هاي الشغله اروح اشوف مريتي ..

زينب .. وگالت ينطيك العافيه ويحفظلك مريتك وابنك ..
انت نعم الاخو الي والاسد . ونعم العم البناتي .
مدام انت موجود ماراح اخاف عليهن ..

قهرتني بحجيها وخنگتني العبرة .
بستها براسها . وگلتلها خادم اني الج والهن بأي وقت .
طلعت شفت رفيف گبالي .
ووجهها اصفر ويتخاطف ..
ويمكن فسرت وجودي واني طالع من غرفة زينب خطأ .

اجيت حتى افسرلها الي شافته بس بصوت خافت .
لأن كلها نايمه ..
تركتني وصعدت تركض للغرفه ..

اشرت الزينب تدخل. دخلت وسدت بابها ..
واني صعدت للغرفه ..
دگيت الباب ..
رفيف افتحي .
رفيف ..
صوتها وهي تبجي ..
خليني وحدي صگر مااريد اشوفك ..

صگر .. خليني افهمج ..

فتحت الباب .. گتله شتفهمني گلي شتفهمني .
ساعة 2 هسا وانت طالع من غرفة ارمله اخوك .
شتريدني افسرها.

صگر .. هاي شبيج شلون تفكرين . عود انتي الواعية والعاقله.

رفيف .. ههههههه ياعقل . انتو خليتي بيه عقل .
مااعرف شتفكرون . حياتكم غامضه .
وكلها تتهامس .
اجي يسكتون .
حاسبيني غريبه . وعمتك تطلبني ثار .
ويمكن رايدتك البنتها واني دخلت بنصكم ..

صگر .. انتي شبيج .

رفيف .. اني لو انت شتسوي بغرفتها .

صگر .. لاتصيحين لايگعدون .

ر

فيف .. خلي يگعدون . خلي الجيش المتآمر عليه من يوم الي اجينا لسا يفهمون شيصير ..
انت متزوجها صگر .

صگر .. شنوووو

رفيف .. انت متزوجها الزينب . هذا هم من شروط اهلك حتى يوافقون عليه . وانت علمود تحصل عليه وافقت مو .
خدعتوني وخليتوني امام الامر الواقع .
وعبالكم ارضخ واقبل . بس اريد افهمك شغله وحدة .
اتفقت وياهم ع دوامي ولبسي وقررت عني وسامحتك
بس وحق الله .
اذا اعرف عاقد عليها .او متفقين على هيج شي .
ماتشوفني طول عمرك لا اني ولا الي ببطني…
وهسا اطلع… اااطللللع مااريد اشوفك ..
گمت اعيط بلا وعي ..
………………………………………
رفيف ..
من استفقدته ونزلت . ولگيته طالع من غرفة زينب تخبلت ..
حسيت اني بكذبة .. وصگر اخذني لأن شافني صعبة المنال او لغرض ثاني .
بعد مااگدر اصدگ او اثق ..

صعدت مخنوگه الغرفتي وكااگدر اتنفس ..
هسا فهمت كلام عمته ..
من حجت بالغرفه ..
يعني هو عاقد عليها وتريدة يتقربلها حتى تنسى اسد .
حسيت روحي بوسط غابة ..
وكلها لابسة اقنعة . ومااعرف وجوهم الحقيقي ..
فعلا اني غريبة بينهم ..
همه كلهم اقارب وواحد ماخذ من الثاني ..
واني دخلت بينهم ويريدون يزيحوني ..

گمت ابجي وخليت ايدي ع بطني .
ليش هيج صگر .. هانت عليك رفيف ..
وين حبك الها ..
وين العشگ الي تگول عليه ..

اجة كسر الباب .. وفتحتها بالگوة حتى افهم السالفة وارتاح ..
بس ماريحني ولا فهمني . اني اعيط وافرفح .
وهو گضاها شبيج ولتعلين صوتج .
تفسير واحد مانطاني ..

طلعت جنطتي ورتبت اغراضي وملابسي ..
وگلت الصبح لازم اروح ماابقى دقيقة بعد ..
اني بنت الدلال هيج يصير بيه ..
اتذكرت اخواني كانوا اذا خطأت بشي .. مايگلولي انتي خطأتي .. خاف يجرحون مشاعري ..
يكتفون بالسؤال وبس ..
ويثگلون وجهم عليه ..
واني احس بخطأي واجي اعتذر وابوسهم حتى يسامحوني ..

وبابا كذلك مايوم ضربني او مسني بحجاية ..
واني هنا كم يوم . سمعت اشكال الححي وشفت اشكال
وفوگ كل هذا طعنوني بظهري وغدروني ..

ردت اتصل برامي او رافد ..
بس گلت خطيه نايمين .. الصباح رباح ..

رحت للحمام واجيت ردت انام ماكو . گمت اتگلب يمنى ويسرى ..
بقت الافكار تجيني ..
گمت اتخيل او احلم مااعرف ..
بأنه صگر هسا يمها نايم ومتونس ..
وهي تضحك فرحانه ..
افكار متعبة دمرت عقلي ..
الغيرة تموت وماتعرف هذا عاقل وهذا جاهل ..

نزلت ع كيفي .. شفته نايم بالاستقبال ..
گلب ع الجهه الثانيه ..
ركضت صعدت ..

رجعت ع نومتي الى ان طلع الصبح واني عيني ماغامضه انتضرت شويه .
ولبست جبتي وشالي ..
وگمت انزل الجنط وحدة ورى الثانيه ..
دخلت للاستقبال ..
شفته گاعد ..
گال .. ها . اجيتي تشوفيني وتتأكدين وين نايم مثل الليل ..
گتله .. بعد ميهمني .. شوفلي تكسي اريد اروح الاهلي. صگر .. تحجين صدگ لو تتشاقين ..
رفيف .. شتشوف انت هاي جنطي واني مبدلة يعني صدگ ..
گام من مكانه وگال .. ماكو طلعة . انسي تطلعين من البيت ..
رفيف .. شنو انت احتكرتني .. مخليني اني من جهه وزينب من جهه ..
مو اني الي ينضحك عليه وتجيبلي ضرة وتريدني اسكت ..
صگر .. لا كل شويه تجيبين زينب بالسالفه مالها علاقة .
رفيف .. وتدافعلها !!.. بين معدنك .
انت كنت ماخذني نزوة وخلصت مو ??

فرك وجهه وگال .. والله ماحبيت ولا اح احب غيرج ..
وزينب مثل اختي ومستحيل افكر بيها ..

رفيف .. ههههههه والي شفته البارحة شنو .
اسمع صگر ..
لو حتى اذا مابينكم شي وبس ع الورق هم ماارجعلك .
عندي كرامتي اهم من كلشي بينا ..

صگر .. يعني هيج صار الحجي .. اني اروح احسن
لأن اذا بقيت راح تتمادين بالحجي . ومااريد اجرحج ..

رفيف .. ماتروح قبل متوديني الاهلي گتلك ماابقى هنا ..
صگر .. هذا اخر حجي . وبعد ماابرر .. لأن ماعندي شي احجيه . وطلعة من البيت ماكو .. انسسسي .

وتركني وصعد ..
طلعوا اهله ع الصوت والبنات هم ..
الشيخ مبدل ويريد يطلع ..
شكو شبيكم ..
ام اسد .. بأسم الله بعدكم ماصارلكم كم شهر وبدت رحمة الله ..

گلتلها .. بسببكم خدعتوني وماگلتوا على كلشي من البدايه ..
باوعت للشيخ وگتله ..
سيد عندكم هيج بقوانين العشاير .تاخذون المرة وبعدين تصدموها وتخلوها امام الامر الواقع . ولازم تسكت وتتحمل ..

تقبلون احد يضحك عليكم وياخذ بناتكم ويطلع متزوج او يتزوج عليهن ..

الشيخ .. كلشي ينحل بنتي .. روحي اصعدي الغرفتج ولاتكبريها ..
عدنا شغل نكمله ونجي ونسولف ..

رفيف .. عمو ليش هي صغيرة واكبرها ..
طلعت زينب من غرفتها ..
گلتلها وانتي.. من قبل كم يوم تردين تموتين ع اسد شنو الي تغيير ..
هي گامت تبجي ودخلت ..
نزل صگر مبدل .. حجي زايد ناقص مااريد .
وأنتي اصعدي الغرفتج . نامي وارتاحي ومن تهدين نتفاهم. موزين عليج ..
طلعة ماكو . احنه رايحين بشغله خارج المحافظة .
من نرجع يصير خير ..

اني بس صافنه ومذهوله على بروده ..
گاله هاحجي كملت نطلع ..
طلع هو وابوه .
واني بقيت واگفة بالصاله مثل التايهه .
بسيطه ياصگر ..
الا اخليك تتسول وماارجعلك .

ام اسد .. يله يمه اصعدي وتعوذي من الشيطان .

شغله ماتسوه لاتكبريها ..
رفيف .. هههههه بسيطه تزوجوه وبسيطه .
ام اسد .. يمه احنه ردنا نگلج بس صگر ماقبل وگال لاتجيبولها طاري .
وبعدين الشرع حلل اربعه .. ليش توگفين بوجه هاي الايتام وتأشر على غرفة اسد ..
وهو يحبج ومامقصر عنج ليش تخسريه برعونيتج ..

اباوعلها واضحك ..
رفيف .. اي طبعا لان غبيه وبسرعه صدگت حبه ووثقت بي ..

انتو شنو متگلولي ..
اني شسويتلج حتى تعامليني هيج ..
تقبلين منى او اي وحدة من بناتج يصير هيج بيها ..
احجي حجايه الحق .
مو ذاك اليوم وصلتي الموت ..
اني هم يتيمه وخافوا الله بيه ..

ام اسد .. تعيرين بيه وتتشمتين . ااااه ياصگر موگتلك يمه هاي مو من ثوبنا مااقتنعت ..

رفيف .. خلص راح اريحكم. مني وارتاح ..
فقدت وگمت افرفح وابجي . الى ان حسيت عيوني غوشن ووگعت ..
بقلم_الكاتبة_شمس
……………………………………………
صحيت ومااگدر افتح عيوني . وهيلين تذب مي عليه وتصحي بيه .
وشيرين تفرك بإيدي ..
اسمع عمتهم تحجي . طبعا هذي مقيمه عندهم ..
تگول ..
دادة خليها تروح .. اذا هو الشرع محلل اربعه قابل هي بكيفها .. واذا ع الطفل . عنده بنات اخوه اثنين ..
وشوية شوية يتعود على زينب ويخلفون دسته .
وبنتي ماقاصرة واحلى منها ..

اني اسمع وعيوني تجري دموع .. طبعا هيج تحجي فگور وجانت مستفاده من خير اخوها .
ومن مات اسد حست روحها خسرت .
وهسا تريد تستفاد براس صگر ..

مااتحملت الاهانة والحجي ..
گلتلها هيلين انطيني الموبايل بالجنطة .
اخذت الموبايل منها .
فتحته وماأشوف بعيوني من الدموع ..
اتصلت ع رامي ..
بس گال ياهلا بوردتي ..

مااتحملت .. گمت اشهگ . گتله رامي ذبلوها وردتك الحگني ..

رامي .. رفيف شبيج . منو وياج .. جاي جاي . ابقى وياي ع الخط ..
گال شكو ..
گتله قشمروني . يردون يزوجون صگر المرت اخوه مدري متزوجها ..
رامي .. كافي يبعد اخوج . اني جاي اليوم اگلبها عليهم شنو ماعندج اهل عبالهم تايهه ..
ورجلج الشفيه وين ..
رفيف .. ماهو طلع ومايقبل يخليني اجيكم ..
رامي .. حظري روحج اني شويه واوصل ..

سديته وبعدني ابجي ..
عمتهم .. شني خابرتي أخوج تخوفينا لو تهددينا . عشيرتج كلها ماتوصل ربع عشيرتنا ..
بس همزين راح نفتك منج ومن اصلج ..

ام اسد .. ام زينب مو هيج الحجي . وانتي اصعدي صگر مايقبل ..

باوعتلهن بأستهزاء ..
مع الاسف انتن محسوبات ع السادة ..
شوهتن صورتهم ..
السادة مو هيج .. اني بنت عمي ماخذة سيد .
واهله يخافون الله ومعتبريها مثل بنتهم .
ومايفرقوها عنهن ..

بس انتن لاتعرفن الله ولامخافته ..
وفاهمات الدين خطأ ..
الشرع حلل اربعه .. اذا الزوجه عقيم واذا الزوجه ممراعيه الزوج بحقوقه ..

كلشي وگلتوا الشرع حلل اربعه ..
تردين تزيحيني وتاخذين صگر البنتج ..
عمود بناتها ..
بس مافكرتي الي ببطني شلون راح يربى بلا اب .
بس اني رايحة ومخليه عيني بعين الله ..
هو الي ياخذلي حقي ..

سحبت جنطي للباب المطبخ الخارجي وطلعتهن .
والبنات يتوسلن بيه .. مااروح
ويگولن اذا اجه صگر ومالگاج يتخبل علينا ..

رفيف .. عود گلله اجه اخوها واخذها وماگدرنا نحجي ..
ولايتعب روحة مااارجع .
بعد الي صار .
والي سمعته هسا من امهاته .
مستحيل ارجع ..

بقيت منتظرة رامي بباب المطبخ..
ودموعي ماتقبل توگف ..

شفت سيارة رامي من بعيد ..
گمت اسحب بالجنط وامشي اله ..
اريد اوصله ..
گمت ابجي واشهگ اكثر واگله ..

ااااه ياخويه ..
تعال وشوف اختك حالهه اشلون
الك ازرع محبه بصفنة الشوگ
تعال وخل اصير بحضرتك طير
ومن شجرة محبتك اخذ اعلوگ
چثيره احلوگ كالت چنه خلاچ
تعال ارجوك سكت هاي الحلوگ

يتبع…… .

عيوني لونه يصير ابيض لان تعبان🤦‍♀💔 وبي تقصف او محترك من المكواة وسشوار

فكون تستمرين تكصين الاطراف كل 25 يوم او كل شهر
وسوي عنايات بالشعر وماسكات وحمام زيتي..حته يتقوى شعرج

#ملوكه

عمري البلسم🥰 يستعمل لترطيب الشعر وتقليل من نفشه..فبعد ماغسلتي بالشامبو وكملتي..تخلين منه وتوزعين من نص الشعر للاطراف..فد دقيقتين وغسلي

•والحمام الزيتي هم يرطب الشعر..بس ترطيبه أقوى من البلسم

☆وطريقة استعمال حمام زيتي:
تقسيمن الشعر ل4-5 أجزاء..
وتدلكين دلك كل جزء بالايد المدهونة بالزيت..من الفروة.. لنهاية الشعر
ومن تكملين غطي الشعر بكيس بلاستيكي،وهالنوب تسشوري بهوة حار
وتعوفي نص ساعه وتغسلي بالشامبو

•وبديل الزيت يقلل من التقصف وهمين يطي لمعان وتستعملي بعد ماطلعتي من الحمام وشعرج مبلل ..فتخلين من نص الشعر للاطراف وتوزعي فد ربع ساعه تركي وبعده غسلي اشويه بس بالماي😇✨

#ملوكه