يي عمري عادي مو اله جوز الهند المهم أي زيت عندج استعملي بالخلطة🙃✨

#ملوكه

حبيبتي قبل كلشي سوي تحليل اذا شعر ديتساقط بكثرة..فهاي اكو نقص داخلي🤦‍♀💔 كون تعالجينه بعدين تستخدمين خلطات
فاتوقع لو فيتامين dنازل عندج او نقص بالحديد
فانتي احتياط حللي فيتامينd .وحديد والغدة الدرقيه والزنك
وخلطات بروتينات للشعر..عندج ماسك البيض وخلي وياه موز وزيت الزيتون بالاسبوع مرة استعملي كلش زين كبروتين
وتسلمين عل هالدعوة الحلوة🥰

#ملوكه

عادي عيوني اذا تغسلين بالماي وحده فاشكد متريدين غسلي
بس اذا وي صابون لومرتين لو 3..مو اكثر
وللتقليل من التعرق رطبي بشرتج وبعده خلي بوطرة اطفال رح يمنع تعرق لساعتين او 3 حسب البشرة🌚🌺

#ملوكه

تمام حبي هسه اوجهها🥰

#ملوكه

منا بدايه القصة👆🏻☺️

عيوني هاي الخلطة من تسويها عادي تكدرين تخليها بالثلاجة اسبوع.. اسبوعين مايضر🙃✨

#ملوكه

حبي اكو مقشر بجوز الهند من ماركه انيكتو واكو مقشر بماركة نيفيا🌚🌺

كومة انواع تلكين بالسوك

#ملوكه

حبيبتي حاليا مامنزلين ملابس شتوية مال مناسبات😕

فقبل نشرت بيجات عن فساتين للعقد والاعراس فهسه اوجهن
ومن ينزلون شتوي ..هم انزلهن🥰✨

#ملوكه

عمري البسي وياه شال عنابي(شرابي)يعني بلون الثيم اللي اني خالة😅🌚
والبطرون جينز .. والجنطة والحذاء وردي سادة وعادي اذا وردي ومخطط برصاصي هم يرهم وياه..فبهالتنسيقة تطلعين بيرفكت😻

او تكدرين تلبسين الشال عنابي والبطرون اسود والجنطة بلون شال والحذاء ابيض

#ملوكه

وفف..حبي غرغري بماي ملح🥺💜 واشربي شي دافي مثل حليب دافي او شاي
وقبل ماتنامين ابلعي كبسولة اموكسسلين وثاني يوم راجعي حتلو صيدلية

#ملوكه

حبيبتي ماكو شي محرمه

فعادي تكدرين بالشمع او الشيرة تشيلين او حته بالمكينة هم تكدرين تزيلي☺️🌸

#ملوكه

عمري هاي معناه انو عندج نسبة قليلة من الدهون..اللي تسوي هالتجاعيد
فأغلب ناس يحقنون فلر يعني يضيفون دهون للايد🤦‍♀💔

واذا علاج طبيعي..كل يومين استعملي ماسك الافوكادو والعسل
اهرسي فد ربع افوكادو وملعقة عسل ضيفي واخليطهن وخلي عل ايد ربع ساعه وغسلي بالماي البارد بدون صابون

وباليوم 3 مرات رطبي الايد ضروري
استمري عل هالعناية لشهر ..شهرين وان شاء الله تشوفين فرق😻

#ملوكه

عيوني التمويه معناه عندج شي وتريدين تخفينه

مثلا رسمتي فد انسان..فبالتلوين رح تكدرين تموهي..يعني تخفين شكل الانسان فاللي يشوفه عباله غير شكل من اشكال الطبيعة🌚🌺

#ملوكه

باعي عيوني من تيهين بالقصة🥺 ..حفظي رقم بارت اخر شي اللي قريتي

وبالبحث تكدرين تطلعيها..يعني تكتبين مثلا كلمة تواتر وتطلعلج

والمحظورين..ديزدادون عندج..
هاي مال بتوتات من تمسحين محادثة أي البوت فيصير كحضر🌚🌺

#ملوكه