#لهفة_عاشق.
#بارت٣٠والأخيررررر من جزء 1
،،،،،،،،،،،،
يكلبي انسه التحبه وادري صعبه اعليك
بس للما يحبك ﻻتطخ هامك
وخلي العزه ثوبك والكرامه احزام
واصعد عالمصاعب ثبت اجدامك
وﻻ تذرف ادموعك عالغدر وياك
المهم باسم الوفاء اترفرف اعلامك
حب كلمن يحبك واليود ملكاك
وضل عايش اوياهم حتى بحلامك
وافدي الروح لجل الي يضحي الروح
وسومه برخص كلمن بالرخص سامك
وﻻ تعاشر احجار وانته جسمك جام
بس اتغثه راح ايكسر بجامك
،،،،،،،،،،،،،،،،،،،
فارس حبيبي يله كوم شنو متروح للشغل
لا يابه شلون ماروح هيري هدومي هساع جاي وراج
اديان كومي شبيج و الله دتحلمين هسه دكعين ودكعدين فارس يروح لشغله
بيدج تريكي
بيدج تمشي
اااخ كلبي ليش هيج يعصر بيه
ليش الهوا كوه يفوت ريتي
تنفسي اديان غمضي حتى توهمين روحج انتي نايمه وهذا حلم
سدي اذنج معليج من حجي فيصل والله هذا وهم لان نمتي تفكرين ليش ضامج منه هيج دتحلمين

نهزيت
اديان اديان
فكيت عيني عذراء عيونه مغرغره دموع بلعت ريك لزمت ايده وكفت فيصل يخرط
ميسون همجت بيتي بتليت دكيت صدري وتكفلته وانت ماصدكت درت وجهك وماسئلت هينوب
شدت ويه ام حسن مكاون اربعه وعشرين ساعه وردت على هيفاء هججته هاي هيه جدامك رجعه على ذمتك انت جنت اعصاب وطلكته يبقى مرجعها النه احسن ماملفي لعالم لفي لمن لحمك ودمك اترك خطاب وحرمتو انه احل مشكلتهم انت لتفت على مشاكلك شو تسوي خير براسه العالم ومابيك خير لروحك

صرخ فارس كافي يضرب بيده بلباب وهوه يكله

مو على كيفك تطلك وتتزوج مالنه حترام عندك لنه مو بعينك لاغي وجوي هينوب من حياتك
ولك انه اخوك اخوك مو عدوك قللت من كدري كبل وعديته ترد تتزوج وتضم عني الله ليعلم منين جايبهم هل ضامهم عني حتى لاعرفهم وافضحك
ولك بيدي بيدي جم نوبه جريتك كتلك تزوج دكلي جازه روحي من كل الحريم تالي الكاك متزوج والمن متزوج من ناس من الششششارع
صرخ وفارس فاك عينه قابض ايده دموعي جرو هاي حقيقه واني مداحلم هذا الدليل كبالي وكفت امي كبال فيصل بكلب محروك وعيون تهمل تكله
ابني ثمن كلامك قبل لاتحجي عيب تهين العالم وانت ماتعرف شنو ضروفهم
لا تتكبر ولاتقسي كلبك وتاخذ الانصى منك بلعين الزغيره
كلنه بشر
كلنه من طين
ومرجعنه ومردنه بحفره وهم بلطين
مالك حقك تهينه ودكول علينه من الشارع
مالي دخل بلبينكم ولااعرف شصاير بس من مسيتنه لا لهنا وكافي خاف الله بعرض العالم اكيد انت هم عندك عرض
اخوك اذا ضام عليك هاي انت وياه
بس احنا نطيناه بعقد وشهود واهلك يدرون كلهم كلهم يدرون
امك خواتك هنه جني خطبن بس شحجي ماكول غير
كلامك مردود عليك وحسبي الله ونعم الوكيل بكل من يقلل منه لو يفكر بينه غير تفكير
تحسبت ماما
رجفت عيوني جمدو خطوتين مشيت دقيت فارس لصافن مصدوم ندار احس طولي ماكدر اصلبه ضلوعي كله ترجف برطمت مخنوكه
فارس ذوله منو
غمض قابض ايديه بجيت وصديت على اخوه اشهك لطمت على وجهي بحركه هستيريه صحت
مرته اني مرته انت شدكول شنو دكله حرمتك وهاي لجاهله تصيحه بابا
ممتزوج فارس ممتزوج غيري
اني مرته انتي مرته وبس

ختفى صوتي كد محجيتهم سوه بكل قوتي وصفنت من نتر فارس
لللللللللا مو محرمتي موووووحرمتي تخسى تكون حرمتي وانه محرمه على روحي ميسسسون مو حرمتي مطلكه والله مطلكه
كاله ونخرط كلبي يلكف يدك سريع شفافي يبست مديت ايدي اااشر
يعني شنو
يعني متزوج كبلي
يعني هاي مرتك صدك
كبببببببل كببببل والله كبل اديان حرمت اخوي هاي وهاي بنته وحتى لاتضيع الجاهله اخذته بس هسه مطلكه و الله مطلكه
يعني متزوج
سكت
فاااااارس يعني متزوج
نصى
روحي شتعلت
كعدت لامه نفسي هوه هجم على فيصل يصيح حرام عليك ليش هيج تسوي بيش اذيتكم ولكم صدمتو الحرمه لابارك الله بيكم الله لايوفكم كسرتو كلبه وكلبي
اسمع جسمي يختض
كل مسامه بيه ماتت
كل شعور مات
كلشي توقف
حتى دموعي صرت ماحس بيهم بس عقلي يعيد ويزيد كل لحضه ويه فارس
كل موقف
همسه
بوسه
شمه
لزمه
كل ذوله ويه غيري عايشهم
حاس بيهم
قشمرني ضحك عليه خدعني
غطيت وجهي مكرفصه بس جسمي يهتز هوه طلعهم وطبك الباب يصيح ماريدكم عوفوني اريد اعيش انه هسه اله عشت انه جنت ميت بلحياه
ماما بس صوت رشحه طالع يعلن نزول دموعه عذراء تتوسل تبوس بجتفي
اديان ابجي بصوت
اديان شبيج
يمه اديان نصدمت فدوه اديان لاتسوين هيج بروحج
جنت ارعش مثل مريض الصرع ضلوعي حتى بطكهم احس

أحقر شعور من تاامن بشخص تنطي
روحك
وكلبك
عقلق
وجسمك
وتالي يطلع خادعك مستغلك
اسمع واشوف واكدر احجي بس شي واكف بحنجرتي مثل الغصه اذا طلعت لو تكتلني لو تنهي كلشي
كدامي كعد بلتفصيل الممل شرح موت
اخو
زواجه منها
موت اهلها
تربيته للبنيه
مشاكله بلبيت
واخر مشكله ويه فيصل
بكد القطره مفات بالي شي من الحجاه
جان يحجي مره بهدوء ويرد بهمس ومره بلهفه عيونه دم يااشر بيده مجرد توصل ايده يم ايدي انز

ماما منطقت منصيه عذراء مخنزره على سوالفه اله اني خشبه تحولت من بره صخره محجره

من جوه كتله نار ويندار عليه صليل يشعله شعل
بكل قطره انلجم
بكل كلمه اشتعل أكثر
يحاجيني جن ماسمع
اديان حاجيني والله ماجاذب عليج ولاخادعج حبيتج وعرف لو رديتي كل هاي المواويل بيه ماترضين
روحي تعلكت بيج مثل حاجه عد عزيز لازم تسايري تاتاخذيه ومن تاخذيه تضميه كد ماتخافين عليه وتبعديه من جدامو تامايذكره
هيج انه اخذتج وضميتج
لابيه انطيج ولابيه اطلعج خاف تروحين مني
رفعت راسي امسح بدموعي اشهك اباوع بعيونه كلبي ينفض الم يصير بي من يشوف بعيونه جانت وحده ثانيه
نصيت امسح بخشمي اشهك مقطع بخنكه كتله
كم سنه متزوج هاي
نصى ساكت يكرض بصبع ايده ينفض بي نترت من بين سنوني وارد امسح بدموعي لدتغوش عيوني
فارس كم سنه متزوجه
ست سنين
كاله وضرب ايده بلحايط بتسمت رتجيت على كاع دكوم وكعت ديلزمني جريت ايدي عذراء ركضت سندتني وكفت
ممثل ورب الكعبه ممثل
من عرفتك عرفت عندك صفه لتمثيل بس غبيه مخطر على بالي يجي يوم وتطلع حتى عليه تمثل
ولامره فكرت انت تجذب عليه لو تخدعني
جنت امشي سانده لحايط واحجي عبالك احاجي روحي عذراء تبوس تهدي تمسح بدموعي
ماما تعاتب بي
امنا بيك
نطيناك
قدرناك
ليش ابني ليش
يبرر يتعذر ويدافع لروحه
كل هذا صار داير مدايري بس مابادرت لاصرخت لاعيطت لا طلعت مصار غير لذكرته سوايتي سوايه واحد الخنجر بضهره مره يحجي مره يسكت مره يبجي
ميعرف كلشي
ولايدري بشي
كل لديشوفه لخنجر نابت بضهره وبس

مددت على سرير لامه نفسي ايدي على راسي ضامه عيوني ودموعها ختنكت خشمي قفل نزلت ايدي صارت على مخدته تلمسته ودموعي تنزل
هنا مكانه
هنا ينام
هنا يتنفس
هذا لمكان لامس وجه لحيته جبينه
غمضت
اتذكر شكل مرته ارملت اخوه مدري طليقته
هاي جان يتمدد على طوله
يلزمه شون ميلزمني
شون ميتفتن بيه
نقرفت معدتي كلبت على سريع كعدت لحيلي ماما وعذراء مكابلاتني ركضت للحمام همه ورايه كمت اتقيى واتخيلهم شون ماتخيل من احنا بخلوتنه
كل حركه اتذكره الزم بطني حيل واتقيى أكثر لجهال ينفض وجهي دم صار عيوني نطو حتى لماي لينكب على وجهي احسه جمر وعليه تيزاب
طلعت راسي على جتف امي عيوني طافيه بس ايده مسحت وجهي فكيت كل عيني ردت اتقيى بوجه كد مكارهته

يوم كامل مر عليه
لا هوه فاتحه
لا هوه عزه
بس الدموع ورجفت لجسم لازمتني
حتى عركتهم هوه وخطاب جنت اسمع بدون اهتمام فقط صوتهم يجيني
هوه يصيح كله منك ساقط حيوان حرامات تربيتي بيك تجيبلي فيصل تاتكبر المشكله
وخطاب نزل الامه كله حلف بيها حتى لمصحف طبه يكله خالي مواني ماجبته ولا متوقعت هيج يسوي رحتله حتى يصلح بينه وجي وياي جدامك صار الي صار ومن طلعنه سئلني على سكنتك هين وجاوبته بلي اعرفو ماجبت طاري زواجك ولا اهل حرمتك بس هوه جاي وحيده هين ويمكن سائل وهل عرف وحتى يخلص من ميسون جابه وجي وتالي من طردتهم ذيج هيه زته بشقتي يكلي رده يم اهلي راح تهجم بيتي خالي وروح ابويه فلا ادري بلي مسوي وياك
طرده يغلط ويصيح سجى تروح وتجي كبالي تضرب بيده كله مني انه عميت على خالو من عمت عيني

جنت ساكته عاجزه اسوي شي حتى عقلي فاصل رافض يفكر باوعت ماما تصلي نصيت ابجي بحركه اتذكر حتى ستخاره صليت كبل يوم عقدنه
حتى ستعانه بيك ياربي ستعانيت ليش خذلتني مويكولن خيره واني دكيت بابك حتى تخيرني ليش خليتي اختاره
ستغفرت وكمت توضيت رجعت مديت السجاده بديت اصلي مفوضه امري لربي
لاول مره اصلي كاعده
رجلي ماله حيل تقاوم وتوكف حلال حرام مادري كل الاعرفه جسمي مشلول بس طفلي يدفر وهذا لكاسر ضهري

شسوي اعوفه
اهج
وين انطي وجهي؟
ساعه أكثر ماما طلعت عذراء ايست مني عرفت راح ابقى اصلي هذا ملجئي الوحيد
سجى وكل اهله حقدت عليهم كد حقدي علي
شكد مضبطين لعد
شكد داريسن الموضوع
ولا غلطه
ولا غلطه
لاعبيه صح بحيث ولا حدث صارت كبالي
ولا حسيت
شسوي اعوفه
اهج
وين انطي وجهي؟
ساعه أكثر ماما طلعت عذراء ايست مني عرفت راح ابقى اصلي هذا ملجئي الوحيد
سجى وكل اهله حقدت عليهم كد حقدي علي
شكد مضبطين لعد
شكد داريسن الموضوع
ولا غلطه
ولا غلطه
لاعبيه صح بحيث ولا حدث صارت كبالي
ولا حسيت

محجيت وياهه ولاعاتبت تحجي ماجاوبه ملت وطلعت
دقايق وفات فارس خطواته مشيته نفسه بلغرفه من احس بيهم اختنك وكنما حيطان الغرفه والعماره كله راح تطبك عليه
كل هذا ومستمره اصلي
ماريد اكمل
ماريد يحجي
مطايقه حتى صوته
دكت رجله
فركت ايده
مسحت وجه
حتى بلعت ريكه داحس بيهم
كمت حتى شصلي شقره شكول مادري اريده بس يختفي بس يطلع
كام ينافخ يفرك بكصته يكح وينصي يفوت ايديه بشعره يهز برجله تالي وكف تقدم ثنى كبالي سلمت من الصلاه منصيه كعد على ركبه ميل رأسه كبال وجهي
اديان كل الصار كلتو مجذب بحرف ولازيدت يشهد الله يولي متعوب ويمج راحتي هين جدامج شفت روحي لاتزيده عليه
برطمت
ليش مكتلي
ماراح تقبلين
لعد ليش جذبت عليه
من حبي الج وج والله اعشكج لا مو اعشكج بلقران اتنفسج
وليحب يئاذي
سكت
فارس اذا اكلك اني قبلك احب واحد

وجنت اتغزل بي وابوسه ادلعه واشمه مثل ماسوي وياك تقبل ؟
اديان لاتحرجين عصابي ول ضغطي معلك لاتشوفين لموضوع من هذا لجانب انت لو متزوجه كبل وانه حابج وماعرف هاي تصير وصايره بس لاتجفصين وتزتين كلام ماتعرفين شيسوي بروحي وشلون يشعله شعال
انه من تزوجت جنت لاشايفج لااعرفج
حرمه اخوي ودبسوني بيه
سليطه ماتنجرع وانه مو على صلح وياهه
لاحبيته ولاعشت وياهه رجال ومره متعاشرين مثل كل ثنين طك كلبي منها ومن مصايبه وافعاله طلكته وليومج ماخلصان
اديان صيريلي
ضهر
صيرلي سند
لاتكسرين بيه

واني منو ضهري
منو سندي
لادكول انت انت نتهيت بنضري متت سند وضهر جذاب خداع ومايل ماريده
يولي مو انتي جدام لقبله خافي ربج بيه كلامج هذا يجيلبي الجلطه
يايوم ماساندج انه
يا يوم مقصر منج
ليش من اوكع تشمتين بيه لوادم واولهم لمثبوره ميسون
هساع عده عيد من شافت دموعج
جدامج فيصل كال هاجمه بيتي ومكاون هيه وعيلتي عجل شلون جتي وياه لو ما رايده تهجم بيتي انه هم

متهمني لا انت ولا هيه ليربطني بيك لطفل وبس ومن هسه اخذ قرارك
لو اطلع وبعد متشوفني لو مالك شغله بيه فدنوب حتى البيت تعوفه

اي تطلعين بلقران وروح المرحوم اخويه ان فكرتي تخطين ليم الطابق مو لدرج لعماره لنعل جلاب اهلج واحسب الله ماخلقج اديان اااياج تفكرين بهل تفكير لاتخليني علج بحلوك العالم تلوج بيه على فارس حرمتو تركتو وماعرف يحويه
لعد ماريد اشوفك لو انت لو اني هنا

يولي هدي موتصلين وتعرفين الله عجل وين ديانتج من جاي تخوطين بشواربي وتخيريني لو انه لو انتي وين تريدن تروحين منو الج وين تنطين وجهج وانه تريدين من تالي عمري حرمه تمشيني بكلامه تطردني من بيتي واسمعله انتي تخافين الله انتي بهاي سوايتج

لعد انت تخاف الله من اجيت وقشمرتني احبج واريدج وركضت بيدك ورجلك وتالي تطلع ست سنين شبعان بزواج شبع وجاي عليه تمثل الحب والحرمان
يله وياك اتفق اسايرك عمي اني ماخاف الله اصلي جذب وديانتي كله تمثيل عوفك مني حط اختك بمكاني يجيك شخص مرتب معدل يخطبه ويتزوجه وبعدين يطلع متزوج ومكايلك
يعني كعد يمك خطبه منك قشمر ضحك عليك ماشايفك كدامه ميهابك مالك قدر عنده لوذني كلهن موجدوات جان ماتجرى يجذب بحرف نفس لسويته انته بس اكو ختلاف بسيط انت ملكيتلي أخ اب تجذب عليهم فستغليتني وجذب عليه اما امي فانت مشايفه كبالك اصلا
بس والله اهنيك انت جائزه نوبل بحقج قليل وله رجال متزوج ست سنين وماحس بي من اهمدايه اهمديه اي والله
غميت روحي وبجيت دنكت لميت لسجاده بحركه وشمرت ازاري كعدت على سرير منصيه ايدي على حلكي بحركه ابجي هز رأسه يكلي ارتحي والنه حجي ثاني غير نوبه
عافني وطلع يومه ليلي منمته ولاناري طفت رحت مثل الطفله نمت بحضن امي تمسد على راسي مجلبه بثوبه حيل اكله جذب عليه ماما شون انسى هذا اليوم شلون ارجع ليوم لبارحه
ارجع اديان لمهامه شي
ارجع اديان لطايره بفارس وحبه
وحايره شتجيب وتخلي كباله
شتلبس
وشلون تدلله
تعبت وصوتني نبح ماما تردد والذين اذا اصابتهم مصيبه قالو انه لله وانا اليه راجعون
بنتي هاي قسمه الله وهذا لماعنده احد ينكسر بخته وينضام وهوه بحيله
كد قهري
كد كسرتي
كد حركاني
ماما مثلي مقهوره وأكثر بس متبين دوم الام تسدد وترقع حتى القافله تسير والمركب ماتغرك
اله مركبي من يوم يومه غركان
أيام وايام مرت فارس يروح ويجي ماعبره ماما تنصح ودكول خلص وكع لفاس براس ستسلمي ورضخي للامر الواقع واقبلي بنصيبج شتردين تغيرين بي
واني
اقسم اقسم فلا عديليه لان بنات الناس مولعبه
أحساسي
مشاعري
كلبي
موشطرنج وهوه الملك لازم هوه ليربج واني ارضخ واسكت
سجى نسحبت من حست نص الصار بسببه هيه ورجله اذا مو كله
الحجيه والبنات وصللهم لخبر منها وعتبت هواي عليهم ذبوهه براسه هوه محذرنه ومنبهنه منحجي
يعني مثل ماكلت طابخيه سوه
اقل الشهر لتزمت لصمت ويه الكل حتى سجى دارت وجهه وراحت لهلها بعد مقدمت على أجازه هيج سمعته دكول لعذراء
ودعتني جنت بارده حيل مكتفيه غدر منهم
مكتفيه كذب
ومستحيل اامن بيهم بعد

فارس اني وياه صرنه حرب والحرب علينه شويه يفوت للبيت افوت للغرفه لابي يحجي مقيد اهلي هنا ولا بي يسكت نار وشابه بي
كم مره اجه نص ليل شارب عذراء شافته جتي ترجف فاكه عينه نصيت راسي مشافتني متفاجه سكتت مدخلت عرفته يشرب واني ادري بس امي مشايفته ولا تدري
من مكالماته
من صياحه سبه وغلطه عرفت سجى رجعت لخطاب وهذا الشي متوقعته هيه ضعيفه كدامه وكدام اهلها وهسه لكو سالفتنه حجه يلوموه بيه ولضاهر ستسلمت ورجعت
اله اني مطخيت راس وحقدي يوم بعد يوم ديزيد من دافكر شكد محاطلي قدر ولاقيمه انوب بدال مينصلح كام يسوي الاسواء ويزيد بلشرب

إلى أن فد يوم دك تليفوني رقم الحجيه جاوبته وانصدم بلبنيه لزغيره بس كلت الوو نهدت بيه
مو عيب عليج ماخذه بابا ماتستحين بواكه من وراج بابا عايف ماما ثبرج الله المهجره الحافيه اصبري اذا مجي يوم وطلكج شون مايطلك ماما كل نوب ويرده

تحجي تحجي لزمت

لميز استند عليه ممستوعبه كلام طفله بهل طريقه رغم اسمع اكو من يمهه يلقنه ويردله لان توكف تحجي وانوب تسكت ترجع تكمل تشعوطت حركت دمي من قله حيلتي وقهري كمت اضرب بروحي
اني اديان لقويه لحجي على سجى واشجع بيه ينربط لساني واوكف عاجزه ارد على طفله تهيني والأكثر تعيرني بفقري وتشردي من مدينتي
ماما تنصح وتعلم سكتي وجاهله اكيد امه وازته معليج منه هوه انتي ورجلج حرب ستري على روحج ولا سمعتله
كمت خابرته روحي متشعوطه خرطتله كل الحجي سده يتوعدله ومن يومه كامت الحجيه وام خطاب وام ثامر يخابرون يسئلون عليه
وينه
عليش معادينه احنا شمسويلو جي هرجنه انتو وانتو سبب خراب حياتي ودار وجه بعد ماشفنه عليش يسوي هيج
مجاوبت كتفيت بكلشي مادري وهذا الصح اني مادري بشي هوه حتى للبيت مكام يجي ولا اني الاريده تعبت منه ومن اهله ومن المشاكل والكال والكلت وكل مره تنعاد الكره اصلح واصالح وهم يرجع يشرب ويجيني بجذبه جديده
مليت ولتفتت لروحي لصالاتي لربي وكمت كل ليليه اخلصه كاعده اصلي ونام على ساجده حاضنه همي وقهري شهرين تقريبا حياتي واكفه مثل سفينه بنص بحر لاماشيه ولاغركانه وخلصانه
رقم الحجيه صرت اخاف اشيله مره تطلع هيه تعتب وتعقل ارجعيلو عليتي كلبو
ومره تطلع تبارك تصفط الكلام لدكوله امه اله
تعبت ونضغطت أكثر من الازم حتى بلطلاك كمت افكر وارجع افرش سجاتي وابدي اصلي ابرد

وبيوم بليل داصلي توني كملت صلاه وكفت اطبك السجاده حسيت خربشه عل باب رفعت عيني عل ساعه ب١ نصيت راسي اخذت نفس لا اني متوهمه مو صوت الباب ستغفرالله ياربي كمت اتخيل فارس بكل لحضه مشيت خطوه توني دانزع الازار صار ضرب خفيف عل باب كلبي خفك هميت سريع باوعت من العين السحريه شفت فارس واكف يترنج ويدك بلباب خليت ايدي عل حلكي بتعدت خطوه مرتبكه طلعت عذراء من الغرفه تباوعلي بقلق
شكو
مجاوبت بس اباوع عل باب
زادت الدكه بعدتني تباوع من العين السحريه فتحت عيونه عل وسعهم
وج اديان هذا فارس وانوب مبين سكران يمعوه فتحي الباب ليفضحنه بلعماره
هزيت راسي اي وجسمي ينفض فتحت الباب رتمه عليه خليت ايدي بينه ولزمته غادي طينه ردت اوكع سندتني عذراء قويت لزمتي اشرتله عل باب طبكته مشيته يروط ويريد يحجي ميكدر عيوني غرغرن واني اباوع عليه شعره مخربط دكم قميصه اول ثنين مفتحوه مشيته للغرفه صارت امي بوجهي نصيت روحي ترجف تمنيت اختفي انعل حضي هذا ليتباهون بي ويموتون عليه هيج حاله نترت بيه
وين موديته يمعوده فوتي للحمام غسلي رأسه خل يصحه

درته بدون ماحجي لان مالي عين احجي اصلا وصلته للحمام فتحت البوري
فارس دنك راسك
وووخري مني
فارس صوتك الدنيه ليل لاتفضحنه
وكف رتجه عل مغسله منصي رأسه هزيته
فارس بس اغسلك
رفع عينه كوه يحجي ... ول يربج عليش هيج مسويه بيه ول موحجيتلج وماجذبت عليج وروح المرحوم
يحجي مكطع امي تباوع علينه تهز براسه متحسفه جبت راسه بيدي سحبت الدوش الرشاش نكعته تنكع وهوه يحاول يبتعد اخر شي دفعه وكع من ايدي رفع راسه مفتح حيل وشعره نازل عل كصته ينكط مي مسح وجهه حسيته شويه وعه صديت اسد المي اباوع لروحي تنكعت الدشداشه لطشت عل بطني جريته من ايده للغرفه امي وعذرا يباوعون كعدته عل جربايه ساكت لازم راسه بثنين اديه وكفت كباله دموعي نزلن

فارس ليش دسوي هيج بروحك

سكت

موياك

وكف عيونه تجدح تقدم واني ارجع ليوره لطشت بلكنتور صار كبالي وايده فوك راسي لازمه الكنتور يباوعلي ضايع حاير مره تصير عيونه عل وجهي مره يباوع لبطني واني اباوعله ونصي نتر
عليتي كلبي وشعلتي صفحتو عجل شون دكولين احبك وانتي موراضيه دحكين بوجهي ول طلعتيني عن طوري ونعلتي جلاب اهلي متحنين وتخافين الله بيه لو اهجم الكون كلو عل راسج وراسو لفارس لحبج وعاف اهلو وكل الدنيه لجل عينج

يحجي معصب واني مدنكه صرخ

اديان ان مانسيتي السالفه وتركتي هذا الموضوع الجايف لحرمج عل روحي مثل ماتحرم عليه امي واخواتي

رفعت راسي مخنره وهوه مزنبر وكنه صحه نترت
طلكني لا تحرمني ولاحرمك طلكني وخلصني

صك سنونه رفع ايده خنكني يرجف من الاعصاب يصيح

بلقران لو عدتي هاي لحجايه لكون دافنج مو فارس التوكف جدامو حرمه وتنطق هل كلمه ادوسج بلي برجلي وموداري بنفسي وانتي تعرفيني لاتطلعين جنوني

بعدت ايده حيل ختنكت كمت اكح وافرك بركبتي بتعد شمر نفسه حيل عل سرير جفي عل وجه كعدت ايدي عل راسي ودموعي عشره عشره ماكدر اطيقه ولاداكدر انسى لسواه بلحضه طيش مدري غضب قررت اعوفه ومابقه دقيقه اذا هسه مو بوعيه باجر يصحى وترجع ريمه لعادته القديمه
كمت نزعت الازار وطلعت من الغرفه فتت غرفه امي سديت الباب كعدت كباله لازمه ايده ابجي بخنيك
يمه ماكدر ابقى وياه
فتحت عيونه .. اديان شبيج
يمه كتلج ماكدر ماتحمل خدعني وجذب عليه ماامنله بعد
اديان تعوذي الشيطان
اكتله الروحي والله
شتردين يمعزايه
نطلع نعوفه ونطلع
نترت ايدي.. انتي تخبلتي وين نولي وين نروح
الاي مكان ارض الله واسعه
لا انتي موصاحيه ولج تردين ترجعينه للخيم

للبرد والحر للجوع والعطش وج يمه ستري علينه

يمه لو تطاوعيني لو تشيلين خطيتي طول العمر
لااله الا الله ستهدي برحمانج يمه لاتغشمين نفسج هذا فارس تعرفين شنو فارس يعني لوتروحين لسابع سمه يطلعج
واني ماريده نفسي جزت منه راح الم هدومي ونطلع جيتي وياي جيتي ما جيتي لا انتي امي ولا اعرفج
طلعت لغرفتنه فتحت الكنتور عل كيف اخذت فلوسي ومستمسكاتي وكم لبسه بجنطه زغيره نزعت ذهبي خليته عل ميز هذا ماله هوه جابه واني ماريد شي من اثره طلعت صايتي وشالي خليتهم عل صفحه وكعدت اريد الوكت يمشي الضوه يطلع اباوع عليه منتهي فاتح حلكه يتنفس بصعوبه جوه عيونه اسود كلبي دينزف قهر شون اعوفه شون بعد ماشوفه تقربت عيوني تدور عليه اصبعه الوشم واسمي ختنكت احس الهوه نكطع وكفت داطلع شفته نايم بحذاء تقربت بهدواء نزعته ونزعت الجواريب ابد ماحس مافسرت تعبه وين جان وشنو مر بي طلعت للحمام غسلت جواريبه وخليتهم بلتعلاكه احجي شي واتصرف غير شي ايدي تاخذني وعقلي فاصل

امي تفتر ورايه يمه صلي عل نبي نامي والصباح رباح
عذارء دكلي .. اديان فدوه هذا فارس لاتضيعين كلشي بساعه شيطان
مسمعت ولا راح اسمع ساعات يقنعون بيه ويحجون قفلت وامي نهارت لحد مستسلمت هواي جرحته بلكلام وكل حاجيه والثانيه اكله حن علينه عطف علينه مجادي بنضره جنه ستغلنه لحد ما مرارته طكت ونترت
طبج طبج منج اله والله ليسحلج ويبجيج دم وكولي كالت امي
امي تفتر ورايه يمه صلي عل نبي نامي والصباح رباح
عذارء دكلي .. اديان فدوه هذا فارس لاتضيعين كلشي بساعه شيطان
مسمعت ولا راح اسمع ساعات يقنعون بيه ويحجون قفلت وامي نهارت لحد مستسلمت هواي جرحته بلكلام وكل حاجيه والثانيه اكله حن علينه عطف علينه مجادي بنضره جنه ستغلنه لحد ما مرارته طكت ونترت
طبج طبج منج اله والله ليسحلج ويبجيج دم وكولي كالت امي

ويه اذان الفجر جبرت امي نطلع للمجهول أو يمكن للضياع مادري كل الادري بي صبري خلص

.
.
.
.
.
.

وطاقتي نفذت
يتبع


القصه مطوله ماريد اختصر ولا اعبر حدث واحد منه وحتى انطيها حقه سويته جزئين هذا الاول
الجزء الثاني حيل مختلف بي أكثر من بطل راح نفوت حياتهم ونطلع منها بضحكه وعبره والاهم من هذا نعيش واقع وحياه غيرنه عاشوهه ونستمتع معاهم

#لهفة_عاشق.

رفل الكناني
#بارت٣١_

ﻭ ﺇﻥ ﺳﺄﻟﺘﻜﻢ ﻋﻨﻲ ﺫﺍﺕ ﻳﻮﻡ
ﺍﺧـﺒﺮﻭﻫﺎ ﺑﺄﻧـﻨﻲ ﺍﺣﺒﺒـﺘﻬﺎ ﺑﻘـﻠـﺐ ﻳﺘـﻴﻢ
،،،،،،،،،،،،،،،،،،،،
ﺍﻟﻮﻭ ﺍﺳﺘﺎﺫ ﻓﺎﺭﺱ ﺻﺒﺤﻚ ﺍﻟﻠﻪ ﺑﻠﺨﻴﺮ
ﻫﻼ ﺍﺑﻮ ﻋﻠﻲ ﻫﻼ ﺑﻴﻚ ﺍﺍﻣﺮﻧﻲ
ﺍﺳﺘﺎﺫ ﻓﺎﺭﺱ ﻣﺎﻳﺌﻤﺮ ﻋﻠﻴﻚ ﺿﺎﻟﻢ ﺑﺲ ﺷﻔﺖ ﺳﻴﺎﺭﺗﻚ ﺑﻜﺮﺍﺝ ﺍﻟﻌﻤﺎﺭﻩ ﻭﺍﻫﻠﻚ ﻭﺍﻛﻔﻴﻦ ﻋﻠﻰ ﺷﺎﺭﻉ ﻳﻤﻜﻦ ﻳﺪﻭﺭﻥ ﺳﻴﺎﺭﻩ ﻭﺑﻘﻰ ﺑﺎﻟﻲ ﻭﺍﻧﺖ ﻣﻮﺻﻴﻨﻲ ﻋﻠﻴﻬﻢ ﻭﺍﻟﺪﻧﻴﻪ ﻓﺠﺮﻳﻪ ﻛﻠﺖ ﺍﺑﻠﻐﻚ ﻭﺍﺫﺍ ﻳﺤﺘﺎﺟﻮﻥ ﻣﺴﺎﻋﺪﻩ ﺍﻧﻲ ﺣﺎﺿﺮ
ﺍﺑﻮ ﻋﻠﻲ ﺍﻧﺖ ﻣﺘﺎﻛﺪﺭ ﻳﺎﺑﻪ ﺩﻧﻴﻪ ﺍﻟﻔﺠﺮ
ﺍﻱ ﻭﺍﻟﻠﻪ ﺳﺘﺎﺫ ﻭﺫﻭﻟﻪ ﻫﻤﻪ ﺟﺪﺍﻣﻲ
ﻋﺠﻞ ﻣﺸﻜﻮﻭ ﺍﺑﻮ ﻋﻠﻲ ﻫﺴﺎﻉ ﺍﻧﻪ ﻧﺎﺯﻝ
ﺍﺩﻳﺎﻥ ... ﻭﺍﻛﻔﻪ ﻋﻠﻰ ﺷﺎﺭﻉ ﺩﻣﻮﻋﻲ ﺗﺠﺮﻱ ﻭﻳﻦ ﺭﺍﻳﺤﻪ ﻭ ﺷﻨﻮ ﻣﺼﻴﺮﻱ ﻣﺎﺩﺭﻱ ﻣﺎﻣﺎ ﺑﺼﻔﻲ ﺗﻠﻮﺏ
ﺍﺩﻳﺎﻥ ﺧﻞ ﻧﺮﺟﻊ ﻗﺒﻞ ﻣﻴﻜﻌﺪ ﻓﺎﺭﺱ
ﻏﻤﻀﺖ ﺳﺎﻛﺘﻪ ﻭﻋﺬﺭﺍﺀ ﺗﻀﻐﻂ ﻋﻠﻰ ﺍﻳﺪﻱ
ﺍﺩﻳﺎﻥ ﻓﺪﻭﻩ ﺧﻞ ﻧﺮﺟﻊ ﺑﺮﻭﺡ ﺑﺎﺑﺎ ﺧﻞ ﻧﺮﺟﻊ ﻭﺝ ﻭﻳﻦ ﻧﺮﻭﺡ ﺣﺘﻰ ﻣﺴﺘﻤﺴﻜﺎﺕ ﻣﺎﻋﺪﻧﻪ
ﺳﻜﺘﻲ ﻋﺬﺭﺍﺀ ﺳﻜﺘﻲ ﻃﻠﻌﻨﻪ ﺑﻌﺪ
ﺳﻜﺘﺖ ﺗﺘﻠﻔﺖ ﺗﻔﺮﻙ ﺑﻴﺪﻩ ﻭﻫﻤﺲ ﺍﻣﻲ ﻭﺳﺘﻐﻔﺎﺭﻩ ﺑﺬﻧﻲ ﺍﻟﺮﻋﺐ ﻭﺍﻟﺨﻮﻑ ﺍﻟﺒﻴﻪ ﻣﻮﻃﺒﻴﻌﻲ ﻭﺍﻟﺸﺎﺭﻉ ﺷﺒﻪ ﻓﺎﺭﻍ ﺍﻟﻔﺠﺮ ﻃﻠﻊ ﺑﻴﺎﺿﻪ ﻭﺑﻌﺪ ﺍﻛﻮ ﻛﻢ ﻧﺠﻤﻪ ﺑﺴﻤﺎ ﻭﺭﻛﺒﺘﻲ ﻧﻠﻮﺕ ﻛﺪ ﻣﺎﺑﺎﻭﻉ ﻋﻠﻰ ﺑﻮﺍﺑﻪ ﺍﻟﻌﻤﺎﺭﻩ ﻭﺍﺭﺩ ﺍﺑﺎﻭﻉ ﻟﻠﺸﺎﺭﻉ
ﻣﺘﺮﻭﺳﻪ ﺍﻟﻢ
ﺑﻲ ﺧﻮﻑ ﻣﻦ ﺍﻟﻤﺠﻬﻮﻝ
ﻣﻠﻴﺎﻧﻪ ﺣﻴﺮﻩ ﺑﻼﻳﺎﻡ ﺍﻟﺠﺎﻳﻪ ﻭﻳﻦ ﺭﺍﺡ ﺗﺎﺧﺬﻧﻲ ﺍﻟﺪﻧﻴﻪ ﻭﺑﺎﻟﻲ ﻳﻢ ﺟﺰﺩﺍﻧﻲ ﺍﻟﻤﺎﺑﻲ ﻏﻴﺮ ﺗﻼﻓﻴﺲ ﺟﺎﻣﻌﺘﻬﻢ ﻣﻦ ﻣﺼﺮﻓﻲ ﻟﺠﺎﻥ ﻓﺎﺭﺱ ﻳﻨﻄﻴﻨﻴﺎﻩ
ﻃﻠﻌﺖ ﻛﻠﺸﻲ ﻋﺎﻳﻔﻪ
ﺫﻫﺒﻲ
ﻓﻠﻮﺳﻪ ﻟﻤﺨﻮﻟﻨﻲ ﺑﻴﻬﻢ
ﻭﻣﺎﺧﺬﻩ ﺑﺲ ﻛﻠﺐ ﻣﺠﺮﻭﺡ ﻭﺑﻲ ﺣﻔﺮﻩ ﻛﺎﻋﺪ ﻓﺎﺭﺱ ﺑﻮﺳﻄﻪ ﺷﻠﻮﻥ ﺍﻃﻠﻌﻪ ﻣﻨﻬﺎ ﻣﺎﺩﺭﻱ
ﻧﺼﻴﺖ ﻭﻻﻣﺲ ﻛﻠﺒﻲ ﻗﺮﺑﻪ
ﺧﻔﻚ ﺣﻴﻞ ﻭﺣﻨﺠﺮﺗﻲ ﺑﻠﻌﺖ ﺭﻳﻚ ﺷﻚ ﺯﺭﺩﻭﻣﻲ ﻋﺬﺭﺍﺀ ﺷﺪﺕ ﺍﻳﺪﻩ ﻋﻠﻰ ﺍﻳﺪﻱ ﻏﻤﻀﺖ ﻛﻞ ﻗﻮﺗﻲ
ﺭﺑﻲ ﻣﻮ ﻫﻮﻩ
ﺭﺑﻲ ﻋﻠﻰ ﺑﺨﺘﻚ ﻛﻠﺸﻲ ﻭﻻ ﻫﻮﻩ
ﺑﻬﺪﻭﺀ ﺭﻓﻌﺖ ﺭﺍﺳﻲ
ﺗﻤﻨﻴﺖ ﺍﻣﻮﺕ
ﺍﺧﺘﻔﻲ
ﺍﺿﻴﻊ
ﺍﻧﻤﺤﻲ
ﻭﻻ ﺍﺷﻮﻓﻪ ﻭﻳﺸﻮﻓﻨﻲ ﻭﺳﻂ ﺍﻟﺸﺎﺭﻉ ﻭﻋﻴﻮﻧﻪ ﺩﻡ ﺩﻡ ﻛﺪ ﻣﻮ ﺣﻤﺮ
ﻣﺎﻣﺎ ﺗﻮﻩ ﺗﺤﺠﻲ ﻧﺼﻰ ﺭﺃﺳﻪ ﻧﺪﺍﺭ ﻭﺃﺑﻮ ﻋﻠﻲ ﺑﻮﺍﺏ ﺍﻟﻌﻤﺎﺭﻩ ﻳﻜﻠﻪ
ﺍﺳﺘﺎﺫ ﻓﺎﺭﺱ ﻣﺤﺘﺎﺝ ﺷﻲ ﻣﺤﺘﺎﺟﻴﻦ ﺷﻲ ﻳﺎﺑﻪ
ﻭﻫﻮﻩ ﻳﻬﺰ ﺭﺃﺳﻪ ﻻ
ﺧﻄﻮﺗﻴﻦ ﻣﺸﻰ ﻭﺍﻧﻲ ﺑﺤﺎﻟﻪ ﺻﺪﻣﻪ ﻓﺎﻛﻪ ﻋﻴﻨﻲ ﺳﺎﻛﺘﻪ ﺍﻣﻲ ﻋﻴﻮﻧﻪ ﺗﺘﻨﻘﻞ ﺑﻴﻨﻪ ﻫﻤﺲ
ﺣﺪﺭﻭ ﻋﻞ ﺑﻴﺖ ﻧﺘﻔﺎﻫﻢ
ﺟﺮﺗﻨﻲ ﺍﻣﻲ ﻣﺘﺤﺮﻛﺖ ﻋﺬﺭﺍﺀ ﺑﻌﻴﻮﻧﻪ ﺩﻛﻠﻲ ﺍﺩﻳﺎﻥ ﺍﻣﺸﻲ ﺭﻣﺸﺖ ﻋﻴﻮﻧﻲ ﻣﺮﺗﻴﻦ ﺗﺴﺘﻮﻋﺐ ﻟﺪﻳﺼﻴﺮﺭ
ﺑﻌﺪﻧﻲ ﺑﺼﺪﻣﻪ ﻭﻧﺪﺍﺭ ﻣﺨﻨﺰﺭ ﺑﺪﻭﻥ ﻛﻼﻡ ﺟﺮ ﺍﻳﺪﻱ ﻛﻠﻲ ﻛﻞ ﺟﺴﻤﻲ ﺍﺟﻴﺖ ﺑﻴﺪﻩ ﺍﻣﺸﻲ ﻭﻳﺴﺤﻞ ﺑﻴﻪ ﻣﻦ ﺍﻳﺪﻱ ﺟﺴﻤﻲ ﺧﺎﻭﻱ ﺍﻟﺤﺎﺭﺱ ﺗﺮﺍﺟﻊ ﻟﻴﻮﺭﻩ ﺻﺎﻓﻦ ﻭﺍﻫﻠﻲ ﻭﺭﺍﻳﻪ ﺻﻌﺪﻧﻲ ﻟﺪﺭﺝ
ﻧﺘﺮﺕ ﺍﻳﺪﻩ ﻫﺪﻧﻲ ﻭﺻﻌﺪ ﻭﻛﻒ ﺑﺎﺏ ﺍﻟﺸﻘﻪ ﺣﺮﻑ ﻣﻨﻄﻘﺖ
ﺩﺭﺟﻪ ﺩﺭﺟﻪ ﺻﻌﺪﺕ ﻣﻨﺼﻴﻪ ﻭﻣﻦ ﻳﻤﻪ ﻓﺘﺖ ﻋﻴﻨﻲ ﻣﺮﻓﻌﺘﻪ
ﺷﺪﻳﺼﻴﺮ ﻭﺷﺮﺍﺡ ﻳﺼﻴﺮ ﻣﺎﺩﺭﻱ
ﻛﻌﺪﺕ ﺑﻠﻬﻮﻝ ﺻﺎﻓﻨﻪ
ﺷﻮﻥ ﺣﺲ
ﺷﻮﻥ ﻋﺮﻑ
ﺃﻓﻜﺮ
ﻭﻧﻄﺒﻚ ﺍﻟﺒﺎﺏ ﻧﺰﻳﺖ ﺍﺟﻪ ﻛﻌﺪ ﻛﺒﺎﻟﻲ ﻣﻨﺼﻲ ﺍﻳﺪﻩ ﻋﻠﻰ ﺭﺃﺳﻪ ﺑﺮﻃﻤﺖ
ﺍﻧﻲ ﺷﺴﻮﻳﺖ ﺷﻌﻤﻠﺖ
ﻫﺴﻪ ﻭﻋﻴﺖ
ﻫﺴﻪ ﻋﺮﻓﺖ ﻏﻠﻂ ﺍﻟﺴﻮﻳﺘﻪ ﻭﺍﺩﺭﻛﺖ ﺣﺠﻢ ﺍﻟﻤﺼﻴﺒﻪ ﻟﺠﺒﺘﻪ ﻟﺮﻭﺣﻲ
ﻣﻦ ﺷﻔﺖ ﻧﻀﺮﺗﻪ ﻭﻛﺴﺮﺗﻪ ﻭﻛﺴﺮﺕ ﻛﻠﺒﻲ
ﺗﻨﻬﺪ ﺭﻓﻊ ﺭﺃﺳﻪ ﺻﺮﻧﻪ ﻋﻴﻦ ﺑﻌﻴﻦ ﻧﺼﻴﺖ ﻭﻫﻤﺲ
ﻭﻳﻦ ﺗﺮﻳﺪﻳﻦ
ﺳﻜﺘﺖ
ﻭﻛﻒ ﻭﺗﻘﺪﻡ ﺻﺎﺭ ﻛﺒﺎﻟﻲ ﺛﻨﻰ ﻭﻣﻴﻞ ﺭﺃﺳﻪ ﻛﺒﺎﻝ ﻭﺟﻬﻲ
ﺍﺩﻳﺎﻥ ﻣﻬﺰﻣﻪ ﻣﻨﻲ ؟
ﺑﺠﻴﺖ
ﻭﻛﻒ ﺑﻨﺺ ﺍﻟﻬﻮﻝ ﻳﺮﻭﺡ ﻭﻳﺠﻲ ﻳﺪﻙ ﻋﻠﻰ ﺻﺪﺭﻩ ﺑﺤﺮﻛﻪ
ﻣﻬﺰﻣﻪ ﺍﺩﻳﺎﻥ ﻣﻬﺰﻣﻪ ﻭﻝ ﻳﺮﺑﺞ ﻓﺎﺭﺱ ﺗﺎﻟﻲ ﻋﻤﺮﻭ ﻳﺨﺎﺑﺮﻭ ﺣﺮﻣﺘﻚ ﺑﻨﺺ ﺍﻟﺸﺎﺭﻉ ﺍﻟﻔﺠﺮ ﺷﻌﺪﻫﻪ ﻭﺍﻧﺖ ﻫﻴﻦ
ﻭﻝ ﻭﻳﻦ ﺗﺮﻳﺪﻥ
ﻭﻝ ﻳﺎﻣﺎ ﻛﺘﻠﺞ ﻳﺎﻣﺎ ﺣﺬﺭﺗﺞ
ﺍﺩﻳﺎﻥ ﺍﻳﺎﺝ ﺗﺨﻄﻴﻦ ﻫﻴﺞ ﺧﻄﻮﻩ ﻭﺗﻌﻮﻓﻴﻨﻲ
ﺍﺩﻳﺎﻥ ﻻﺗﺸﻤﺘﻴﻦ ﺍﻟﻌﺎﻟﻢ ﺑﻴﻪ
ﻻﺗﺨﻠﻴﻦ ﺍﻟﻨﺎﺱ ﺗﺨﻮﻁ ﺑﺸﻮﺭﺍﺑﻲ
ﻻﺗﻨﻄﻴﻦ ﻟﺰﻣﻪ ﻷﺣﺪ ﻳﻠﺰﻣﻪ ﻋﻠﻴﻨﻪ
ﻋﻔﺘﺞ ﻭﻋﻔﺖ ﺍﻟﺒﻴﺖ ﻭﻋﻔﺖ ﺍﻫﻠﻲ ﻛﻞ ﻫﺬﺍ ﻻﻧﺞ ﻫﻴﺞ ﺭﺩﺗﻲ ﻭﻧﻔﺬﺕ ﺣﺘﻰ ﻻﺗﺴﻮﻳﻨﻲ ﺣﺠﻮﻩ ﺍﻟﻨﺎﺱ ﺗﺴﻮﻟﻒ ﺑﻴﻬﺎ
ﺷﻬﺮﻳﻦ ﺷﻬﺮﻳﻦ ﺳﺘﺮﺟﻠﺘﻲ ﻭﺗﻔﺮﻋﻨﺘﻲ ﻭﻣﻦ ﺑﻴﺘﻲ ﺣﺮﺍﻣﺘﻲ ﻭﺍﻧﻪ ﺳﺎﻛﺖ ﺍﻛﻮﻝ ﺣﻜﻪ
ﻣﺼﺪﻭﻣﻪ
ﻣﺠﺮﻭﺣﻪ
ﻫﺬﺍ ﺛﻤﻦ ﻏﻠﻄﻲ ﺧﻠﻴﻨﻲ ﺍﺩﻓﻌﻮ ﻭﻳﺠﻲ ﻳﻮﻡ ﺗﻬﻮﻥ ﻭﺗﻨﺴﻰ ﻭﺗﺴﺎﻣﺢ
ﺍﺩﻳﺎﻥ ﺗﺼﻠﻲ
ﺍﺩﻳﺎﻥ ﺗﺨﺎﻑ ﺭﺑﻪ
ﺍﺩﻳﺎﻥ ﻣﺘﺴﻮﻱ ﻟﻴﻐﻀﺐ ﺍﻟﻠﻪ ﻭﺗﺎﻟﻲ ﺑﻠﻴﻠﻪ ﺿﻠﻤﻪ ﺗﻬﺠﻴﻦ ﺗﺎﺗﺨﻠﻴﻨﻲ ﺍﻓﺮ ﺑﺬﻧﻲ ﺍﺩﺭﻭﻟﺞ؟
ﻣﻦ ﻳﺮﺿﻪ ﺑﻬﺎﻱ ﻋﻤﻠﺘﺞ
ﺭﺑﺞ ﻟﺘﺼﻠﻴﻠﻮ ﻳﺮﺿﺎﻟﺞ ؟
ﻳﻘﺒﻞ ﺗﻨﻬﺰﻣﻴﻦ ﻣﻦ ﺯﻟﻤﺘﺞ ﻧﺺ ﺍﻟﻴﻞ؟
ﻋﻠﻴﺶ ﺗﻘﺮﻳﻦ ﻗﺮﺍﻥ
ﻋﻠﻴﺶ ﺗﻜﻔﻴﻦ ﺟﺪﺍﻣﻮ
ﻭﺝ ﺣﺒﻴﺘﺞ ﻭﺍﻟﻒ ﻧﻮﺑﻪ ﻛﻠﺘﻪ ﺣﺒﻴﺘﺞ ﻣﻦ ﻛﻠﺒﻲ
ﺭﺩﺗﺞ ﻭﺧﻔﺖ ﻋﻠﻴﺞ ﺑﺮﻭﺣﻲ ﺿﻤﻴﻨﺞ ﻭﻣﻦ ﻧﺼﺪﻣﺘﻲ ﺑﺘﻌﺪﺕ ﻭﺍﻧﺘﻲ ﺷﺴﻮﻳﺘﻲ ﻫﺎﺍﺍ ﺷﺸﺴﻮﻳﺘﻲ ﻭﻳﻦ ﺗﺮﻳﺪﻥ ﺗﻮﻟﻴﻦ
ﻣﺎﻓﻜﺮﺗﻲ ﺑﻴﻪ
ﻣﺎﻛﻠﺘﻲ ﻟﻮ ﻛﻌﺪ ﻭﻣﺎﻟﻜﺎﻧﻲ ﺷﻴﻜﻮﻝ ﻛﻠﺒﻮ
ﻭﺝ ﻛﻠﺒﻮ ﻟﺨﻼﺝ ﺑﻲ ﻭﺿﻤﺞ ﺑﺲ ﺍﻟﻮ ﺑﺲ ﺍﻟﻮ ﻫﻴﺞ ﺗﺠﺎﺯﻳﻨﻮ
ﻭﺍﻧﺘﻲ ﻳﺎﺍﻣﻬﺎ ﻳﺎﺟﺒﻴﺮﻩ ﺷﻠﻮﻥ ﺗﻄﺎﻭﻋﻴﻬﺎ ﺷﻠﻮﻥ ﺗﺮﻭﺣﻴﻦ ﻭﻳﺎﻫﻪ ﻭﺍﻧﻪ ﻣﺎﺍﺍﻣﻦ ﺣﺮﻣﺘﻲ ﻭﺿﺎﻧﺎﻱ ﻭﻧﺎﻳﻢ ﺍﺩﺭﻱ ﺑﻴﻬﺎ ﺣﺘﻰ ﻟﻮ ﻏﻠﻄﺖ ﻋﺪﻫﻪ ﺍﻡ ﺣﺎﺳﺒﻪ ﻣﺜﻞ ﺍﻣﻲ ﻭﻣﺎﺗﺮﺿﻪ ﺑﻠﻐﻠﻂ
ﺣﺎﺳﺐ ﺭﻭﺣﻲ ﻭﻟﻴﺪﺝ ﻭﺍﻻﻡ ﻣﺎﺗﺠﻴﺐ ﻟﻌﻴﺒﻪ ﻟﺒﻨﻪ
ﺍﺑﻨﻲ ﺍﺳﻤﻌﻨﻲ ﻭﺍﻟﻠﻪ ﻣﺎﺭﺍﺿﻴﻪ ﻭﻋﺠﺮﺕ ﻭﺍﻧﻲ ﺍﻓﻬﻤﻪ ﻓﺪﻭﻩ ﻓﺎﺭﺱ ﺧﻞ ﺗﻔﻬﻤﻚ
ﺍﺍﺍﺍﺍﺍﺍﺳﺴﺴﺲ ﻣﺎﺳﻤﻊ ﻛﻠﺸﻲ ﺍﻧﻲ ﺷﻔﺖ ﺑﻌﻴﻨﻲ ﻣﺎﻳﺤﺘﺎﺝ ﺍﺳﻤﻊ ﻭﻛﻞ ﻛﻼﻡ ﺍﻟﺪﻧﻴﻪ ﻣﺎﻳﺒﺮﺭ ﻟﺸﻔﺘﻮ
ﺍﻟﺤﺮﻣﻪ ﻟﺘﻐﺎﻓﻠﻨﻲ ﻭﺗﻄﻠﻊ ﻣﻬﺰﺯﻣﻪ ﻣﻦ ﺑﻴﺘﻲ ﻭﺍﻧﻪ ﻣﺤﺬﺭﻩ ﻣﺎﺗﺼﻴﺮﻟﻲ ﺑﻌﺪ ﺣﺮﻣﻪ ﻫﻴﻨﻮﺏ
ﺳﻮﻳﺘﻲ ﻛﻞ ﻫﺬﺍ ﻟﺴﻮﻳﺘﻲ ﻭﻛﺖ ﺍﻟﻌﺮﻓﺘﻲ ﺿﺎﻡ ﺯﻭﺍﺟﻲ ﻋﻠﻴﺞ
ﺣﻠﻔﺖ
ﻭﻓﻬﻤﺖ
ﻭﺭﺍﺿﻴﺖ ﺷﻜﺜﺮ ﻭﺷﻤﺮﺗﻲ ﻭﺭﻩ ﺿﻬﺮﺝ ﻛﻞ ﻛﻼﻣﻲ
ﻭﻣﻮ ﻓﺎﺭﺱ ﻟﻴﻨﺸﻤﺮ ﻭﺭﻩ ﺍﻟﻀﻬﺮ ﺍﻧﻪ ﻟﺸﻤﺮ ﺍﻟﻨﺎﺱ ﻭﺭﻩ ﺿﻬﺮﻱ
ﺍﻟﺒﺎﺏ ﻫﻴﺎﻧﻮ ﺟﺪﺍﻣﺞ ﻭﻣﻔﺘﻮﺣﻠﺞ ﻭﻳﻦ ﻣﺎﻳﻌﺤﺒﺞ ﻧﻜﻠﻌﻲ
ﻃﻼﻙ ﻣﺎﻃﻠﻚ ﺧﺎﻑ ﻫﻴﺞ ﺟﻨﺘﻲ ﻣﻔﻜﺮﻩ ﻭﺿﻨﺎﻱ ﺍﻟﻲ ﻳﻤﺘﻰ ﻣﺎﻭﻟﺪﺗﻲ ﺑﺮﺍﺿﺞ ﺃﻭ ﻏﺼﺒﺎ ﻋﻨﺞ
ﻭﺧﻠﻴﻪ ﺑﺎﻟﺞ ﻟﻮ ﺗﻄﻴﺮﻳﻦ ﻭﻳﻦ ﻣﺎﺗﺤﻄﻴﻦ ﺍﺟﻴﺒﺞ ﻣﻮ ﻋﻠﻤﻮﺩﺝ ﻻ ﺍﻧﺘﻲ ﺑﻌﻴﻨﻲ ﻧﺘﻬﻴﺘﻲ ﻋﻠﻤﻮﺩ ﺷﻲ ﺑﺎﻟﻲ ﻭﻛﺖ ﺍﻻﺣﺼﻠﻮ ﻟﺒﺠﻴﺞ ﺩﻡ ﻭﺍﺭﺩﻟﺞ ﻧﺺ ﺍﻟﺴﻮﻳﺘﻲ ﻫﺴﺎﻉ ﺑﻴﻪ ﺍﺫﺍ ﻣﻮ ﻛﻠﻮ
ﻟﻮﻛﻠﺞ ﻧﻔﺲ ﺍﻟﻬﺒﻄﻪ
ﻟﺮﻛﻀﺞ ﻧﻔﺲ ﺍﻟﺮﻛﻀﻪ ﻟﺮﻛﻀﺘﻪ ﻫﺴﺎﻉ
ﻭﻟﻀﺮﺏ ﻛﻠﺒﺞ ﺑﻨﻔﺲ ﺍﻟﺴﻤﻬﻢ ﻟﻀﺮﺑﺘﻲ ﺑﻲ ﻛﻠﺒﻲ
ﻛﻠﻤﻪ ﻛﻠ

ﺣﺠﺎﻫﻢ ﻭﻃﻠﻊ ﻭﺍﻧﻲ ﺩﻣﻮﻋﻲ ﻋﺸﺮﻩ ﻋﺸﺮﻩ ﺗﺨﺸﺒﺖ ﺑﻤﻜﺎﻧﻲ ﻭﻋﻴﻮﻧﻲ ﻧﺪﺍﺭﺕ ﻻﻣﻲ ﻣﻨﺼﻴﻪ ﻭﻋﺬﺭﺍﺀ ﺩﻣﻮﻋﻪ ﻣﺴﺘﻘﺮﻩ ﺑﻌﻴﻮﻧﻪ ﻭﻛﻔﺖ ﺍﺗﻮﺟﻪ ﻋﻠﻰ ﻗﻨﻔﻪ ﻭﺍﺭﺩ ﺍﻣﺴﺢ ﺑﺪﻣﻮﻋﻲ ﺧﻄﻔﺖ ﻣﻦ ﻳﻤﻲ ﻋﺬﺭﺍﺀ ﻧﻄﺨﺖ ﺑﺠﺘﻔﻲ ﺻﺪﻳﺖ ﻭﺻﻔﻜﺖ ﺑﻴﺪﻩ ﺗﺎﺋﺸﺮ ﻋﻠﻰ ﺑﺎﺏ
ﻳﻠﻪ ﻳﻠﻪ ﻃﻠﻌﻲ ﻣﻮ ﺗﺮﺩﻳﻦ ﻧﺘﻬﺰﻣﻴﻦ ﻫﺎ ﺍﻫﺎ ﻫﻴﺎﺗﻪ ﻣﻔﺘﻮﺡ ﺍﻟﺒﺎﺏ ﻛﺒﺎﻟﺞ
ﺑﺠﻴﺖ ﻭﺻﺮﺧﺖ ﺗﻬﺰ ﺑﻴﻪ
ﺍﺍﺍﺍﺍﺩﻳﺎﻥ ﻳﻠﻪ ﻣﻮ ﻫﺬﺍ ﻟﺮﺩﺗﻲ ﻓﺎﺭﺱ ﻃﻠﻊ ﻭﺧﻼﻟﺞ ﺣﺘﻰ ﺍﻟﺒﺎﺏ ﻣﻔﺘﻮﺡ ﻳﻠﻪ ﻫﺠﻲ ﻫﻬﻬﻬﻬﺠﻲ ﻣﻨﺎ
ﻧﺘﺮﺕ ﺻﺎﻣﻪ ﺍﺫﻧﻲ ﻛﺎﻓﻲ ﻭﺻﺎﺣﺖ ﻛﻞ ﺣﺴﻪ
ﻻ ﻣﻮ ﻛﺎﺍﺍﺍﺍﻓﻲ ﻣﻮ ﻛﺎﻓﻲ ﺍﻧﺘﻲ ﻣﺸﻔﺘﻲ ﻓﺎﺭﺱ ﺷﻮﻥ ﺟﺎﻥ ﻳﺤﺠﻲ ﻣﻨﺼﻴﻪ ﺭﺍﺳﺞ ﻭﺍﺣﻨﺎ ﺑﻮﺟﻪ ﺍﻟﻤﺪﻓﻊ
ﻣﺸﻔﺘﻲ ﻗﻬﺮﻩ
ﻣﺸﻔﺘﻲ ﻛﺴﺮﺗﻪ
ﻣﺸﻔﺘﻲ ﻋﻴﻮﻥ ﺍﺑﻮ ﻋﻠﻲ ﺷﻮﻥ ﺗﺒﺎﻭﻋﻠﻪ ﻭﻻ ﺷﻔﺘﻲ ﺷﻠﻮﻥ ﻭﻛﻒ ﺳﺎﻛﺖ ﻣﺎﻛﺪﺭ ﻳﺒﺮﺭﺭ
ﻛﺎﻓﻲ ﻛﺘﻠﺞ ﺍﻟﻒ ﻣﺮﻩ ﻛﺎﻓﻲ ﺍﻧﺴﻲ ﻟﺴﻮﺍﻩ
ﻓﺎﺭﺱ ﻳﺤﺒﺞ
ﺍﻣﻲ ﺗﻨﺼﺢ
ﻭﻫﻮﻩ ﻋﺎﻓﻠﺞ ﺍﻟﺒﻴﺖ
ﻭﻣﻜﻌﺘﻲ
ﺷﻔﻜﺮ ﻫﺴﻪ ﺷﻜﺎﻝ ﺑﻜﻠﺒﻪ ﺷﺨﺬ ﻧﻀﺮﻩ ﻋﻨﻪ ﻭﻫﻮﻩ ﻳﺪﺭﻱ ﺑﻴﻨﻪ ﻣﺎﻋﺪﻧﻪ ﺍﺣﺪ
ﻟﺤﺪ ﻗﺒﻞ ﺳﺎﻋﺎﺕ ﻭﺍﺣﻨﺎ ﻋﻞ ﺷﺎﺭﻉ ﺍﻛﻠﺞ ﺍﺩﻳﺎﻥ ﺍﻣﺸﻲ ﻧﺮﺟﻊ ﺍﻣﺸﻲ ﻧﺮﺟﻊ ﻫﺎﻱ ﺗﺎﻟﻴﺘﻪ
ﻫﺎﻱ ﺍﺧﺮﺗﻪ
ﻫﻴﻪ ﻫﺎﻱ ﺗﺮﺑﻴﺘﻨﺎ ﻟﻀﻴﻌﺘﻴﻬﺎ ﺑﺴﻮﺍﻳﺘﺞ
ﻛﺎﻟﺘﻪ ﻭﻛﻌﺪﺕ ﺗﺒﺠﻲ ﻛﻞ ﻗﻮﺗﻪ ﻭﻛﻔﺖ ﻣﺎﻣﺎ ﺗﻠﺒﺲ ﺑﻌﺒﺎﺗﻪ ﺗﻤﺴﺢ ﺑﺪﻣﻮﻋﻪ
ﺍﻧﻲ ﺑﻌﺪ ﻣﺎ ﺑﻘﻰ ﻫﻨﺎ
ﺗﺨﺒﻠﺖ ﻭﺻﺮﺕ ﺑﻴﻨﻬﻢ ﺍﺗﻨﻘﻞ ﻣﺜﻞ ﺍﻟﻤﺠﻨﻮﻧﻪ
ﻣﺎﻣﺎ ﻭﻳﻦ ﻋﺎﻳﻔﺘﻨﻲ ﻭﻳﻦ ﺭﺍﻳﺤﻪ
ﺍﺩﻳﺎﻥ ﻭﺧﺮﻱ ﻣﻨﻲ ﻛﻠﻪ ﻣﻨﺞ ﻃﻮﻝ ﻋﻤﺮﻱ ﻋﺰﻳﺰﻩ ﻧﻔﺲ ﻭﺭﺿﻴﺖ ﺍﻛﻌﺪ ﺑﺨﻴﻤﻪ ﻣﺘﺤﻤﻠﻪ ﺍﻟﺤﺮ ﻭﺍﻟﺒﺮﺩ ﻻﻥ ﺳﻤﻌﺖ ﻛﻼﻡ ﻣﻦ ﺭﺟﻞ ﺗﻤﺎﺭﻩ ﻭﻣﺎﺭﺩﺕ ﺍﺳﻤﻌﻪ ﻣﻦ ﻓﺎﺭﺱ ﻭﺿﻠﻴﺖ ﻣﺘﺤﻤﻠﻪ ﺃﺷﻜﺎﻝ ﻭﺃﺭﻧﺎﻙ ﻓﻲ ﺳﺒﻴﻞ ﺍﺑﻘﻰ ﻣﺤﺎﻓﻈﻪ ﻋﻠﻰ ﻛﺮﺍﻣﺘﻲ ﺑﺲ ﺍﻧﺘﻲ ﺩﺳﺘﻴﻨﻲ ﻭﺩﺳﺘﻲ ﺍﺧﺘﺞ ﻭﺧﻠﻴﺘﻨﻪ ﻣﻬﺰﻟﻪ ﺑﻌﻴﻮﻥ ﺭﺟﻠﺞ
ﻳﻮﻡ ﺑﻴﻨﻲ ﻭﺑﻴﺘﻪ ﺍﻧﺘﻮ ﻣﻌﻠﻴﻜﻢ ﺍﻟﺴﺎﻟﻔﻪ ﻣﻮ ﻳﻤﻜﻢ ﻳﻮﻡ ﻓﺪﻭﻩ
ﻭﺧﺮﻱ ﻣﻨﻲ ﻭﺧﺮﻱ
ﺑﻌﺪﺗﻨﻲ ﻭﻃﻠﻌﺖ ﻛﻌﺪﺕ ﻟﺤﻴﻠﻲ ﺍﻟﻄﻢ ﻭﺍﺳﺐ ﺑﺮﻭﺣﻲ ﻭﺍﺑﺠﻲ ﻟﺤﺪ ﻣﺨﺮﺑﺖ ﻭﻛﻌﺪﺕ ﻟﻜﻴﺖ ﺭﻭﺣﻲ ﺑﺤﻀﻨﻪ ﺑﺠﻴﺖ ﻭﻫﻴﻪ ﺗﺒﺠﻲ
ﻟﻨﻬﺎﻳﻪ ﺍﻟﻴﻮﻡ ﻭﺍﻧﻲ ﺑﺲ ﺭﻭﺡ
ﺑﺲ ﻧﻔﺲ ﻳﺼﻌﺪ ﻭﻳﻨﺰﻝ ﻭﻛﻼﻡ ﻓﺎﺭﺱ ﻳﺪﻙ ﺑﺮﺍﺳﻲ
ﻭﺭﺟﻌﺖ ﻣﺎﻣﺎ ﻓﺘﺤﺖ ﻣﻮﺿﻮﻉ ﻃﻠﻌﺘﻬﻢ ﻭﺍﻧﻲ ﺍﺗﻮﺳﻞ ﻭﺍﻗﻨﻊ
ﻋﺬﺭﺍﺀ ﻟﺘﺰﻣﺖ ﻟﺼﻤﺖ ﻭﻛﻼﻡ ﻣﺎﻣﺎ ﻳﻄﺤﻨﻲ ﺃﻛﺜﺮ
ﻏﻠﻂ ﻏﻠﻂ ﻃﻠﻌﺖ ﺍﻟﻤﺮﻩ ﻣﻦ ﺑﻴﺘﻪ ﻭﻫﺬﺍ ﺍﻻﺩﺭﻛﺘﻪ ﻓﻴﻤﺎ ﺑﻌﺪ ﺟﻨﺖ ﺳﺎﻛﺘﻪ ﻭﺍﺳﻤﻊ ﻭﺍﺳﻤﻊ ﻟﺤﺪ ﻣﻨﻔﺠﺮﺕ ﺍﻟﻄﻢ ﻋﻠﻰ ﻭﺟﻬﻲ ﻭﺍﺑﺠﻲ ﻭﺍﺻﻴﺢ
ﻏﻠﻄﺖ ﻳﻮﻡ ﻭﺍﻟﻠﻪ ﻏﻠﻄﺖ
ﺍﺻﻌﺐ ﻳﻮﻡ ﻣﺮ ﻋﻠﻴﻪ ﻭﺍﻧﻲ ﺑﺤﻀﻦ ﻣﺎﻣﺎ ﺍﺷﻬﻚ ﻣﺠﻠﺒﻪ ﺑﻴﻬﺎ ﻛﻞ ﻗﻮﺗﻲ
ﻓﺎﺭﺱ ﺭﺍﺡ ﻣﺎﺭﻳﺪ ﻣﺎﻣﺎ ﻫﻢ ﺗﺮﻭﺡ ﻭﻫﻴﻪ ﺩﺍﺳﺖ ﻋﻠﻰ ﺭﻭﺣﻪ ﻭﻛﺮﺍﻣﺘﻪ ﻭﻧﻔﺴﻪ ﻭﻛﺎﻋﺪﻩ ﺭﻏﻢ ﺣﻠﻔﺖ ﻣﺘﺒﻘﻰ ﺑﻌﺪ ﻭﻛﻞ ﻛﻠﻤﻪ ﻭﺍﻟﺜﺎﻧﻴﻪ ﻭﻛﺎﻟﺖ ﺍﻧﺘﻲ ﻭﺭﺟﻠﺞ ﻭﺍﻧﻲ ﺍﻻﻛﻠﺘﻪ ﺍﻧﻲ ﻟﻨﻬﻨﺖ ﺍﻧﻲ ﺍﻟﻲ ﺗﻤﺮﻏﻠﺖ
ﻭﺍﺳﻜﺖ ﻣﺎﺟﺎﻭﺏ
ﻳﻮﻡ ﻭﺍﻟﺜﺎﻧﻲ ﻧﻄﻮﻳﺖ ﺑﻠﻐﺮﻓﻪ ﺑﺲ ﻧﺎﻳﻤﻪ ﻭﺍﺫﺍ ﺍﻛﻌﺪ ﺍﺣﺎﺟﻲ ﺭﻭﺣﻲ ﻳﻠﻪ ﻛﻮﻣﻲ ﻣﻮ ﺳﻮﻳﺘﻲ ﻛﻞ ﻫﺎﻱ ﺍﻟﻬﻮﺳﻪ ﺣﺘﻰ ﺗﻄﻠﻌﻴﻦ ﻣﻦ ﺣﻴﺎﺗﻪ
ﻟﻌﺪ ﺷﻮ ﻧﺎﻳﻤﻪ ﻋﻠﻰ ﻓﺮﺍﺷﻪ ﺷﻮ ﺣﺎﺿﻨﻪ ﻣﺨﺪﺗﻪ ﻭﻣﺠﻠﺒﻪ ﺑﻴﺘﻪ
ﺻﺮﺕ ﺩﻣﻴﻪ ﺑﺲ ﺍﻟﻌﻴﻮﻥ ﺗﺘﺤﺮﻙ ﻭﺑﻄﻨﻲ ﻣﻔﺎﺗﻪ ﻏﻴﺮ ﺍﻟﻤﻲ ﻭﻣﺎﻣﺎ ﺗﺬﻛﺮ
ﺣﺮﺍﻡ ﻋﻠﻴﺞ ﺭﻭﺡ ﺑﻄﻨﺞ
ﻟﻠﺤﻤﺎﻡ ﺣﺪﻱ ﻭﻫﻢ ﺍﺫﺍ ﻓﺘﺖ ﺍﻃﺒﻚ ﺍﻟﻐﺮﺑﻴﻪ ﻭﺍﻛﻌﺪ ﺍﺑﺠﻲ ﻛﻞ ﻗﻮﺗﻲ
ﻫﺎﻱ ﺟﻮﺍﺭﺑﻴﻪ ﺑﻠﺘﻌﻼﻛﻪ ﻛﺒﺎﻟﻲ ﺑﻴﺪﻱ ﻧﺰﻋﺘﻬﻢ ﺑﻴﺪﻱ ﻏﺴﻠﺘﻬﻢ
ﻟﻌﺪ ﻟﻴﺶ ﻫﻴﺞ ﺳﻮﻳﺖ
ﺍﻧﻲ ﺷﺒﻴﻪ ﺷﺮﻳﺪ ﻭﻓﺎﺭﺱ ﻭﻳﻦ ﺭﺍﺡ
ﻟﻴﺶ ﻋﻔﺖ ﺻﻼﺗﻲ ﻭﻟﻴﺶ ﻭﻛﻔﻪ ﻣﺒﻴﻪ ﺍﻭﻛﻒ ﻭﻟﺸﻮﻛﺖ ﺭﺍﺡ ﺍﺿﻞ ﻫﻴﺞ
ﻟﻠﻴﻮﻡ ﻟﺜﺎﻟﺚ ﻭﻟﺰﻣﺖ ﻟﻔﻮﻥ ﺩﻛﻴﺖ ﺍﻻﻡ ﺧﻄﺎﺏ ﻭﺟﺎﻭﺑﺖ ﺑﺤﺮﻛﻪ ﻭﺍﻧﻲ ﺳﺎﻛﺘﻪ
ﻟﻴﺶ ﺍﺩﻳﺎﻥ ﻟﻴﺶ ﻭﺝ ﺷﻤﺴﻮﻳﻪ ﺑﻔﺎﺭﺱ ﻣﻮ ﺣﺠﻴﻨﻪ ﻣﻮ ﻭﺻﻴﻨﻪ ﻭﻛﺘﻠﺞ ﺍﺧﻮﻱ ﻣﺘﻌﺒﻮﺏ ﻭﻛﻠﺒﻮ ﻣﻌﻠﻮﻝ ﺷﻠﻮﻥ ﺗﺌﺬﻳﻨﻮﻭ ﻭﺷﻤﺴﻮﻳﻪ ﺗﺎﻫﻴﺞ ﻳﺴﻮﻱ
ﺑﻠﻌﺖ ﺭﻳﻚ ﺍﺧﺠﻞ ﺍﺣﺠﻲ ﺍﻭ ﻳﻤﻜﻦ ﻟﺴﻮﻳﺘﻪ ﺍﺻﻼ ﻳﺨﺠﻞ ﻓﻤﺎﻛﺪﺭ ﺍﺑﺮﺭ ﻟﻮ ﺍﺩﺍﻓﻊ ﻭﻣﻦ ﺳﻜﻮﺗﻲ ﻧﺘﺮﺕ
ﺍﺩﻳﺎﻥ ﺍﺣﺠﻴﻠﻲ ﺷﺼﺎﻳﺮ
ﺳﻜﺘﺖ ﻭﺳﻜﺘﺖ
ﻫﻤﺴﺖ ﻭﻳﻨﻪ؟
ﻭﺑﻘﻬﺮ ﺭﺩﺕ .. ﻭﺝ ﺍﺩﻳﺎﻥ ﻓﺎﺭﺱ ﺭﺟﻊ ﻋﻘﺪ ﻋﻠﻰ ﻣﻴﺴﻮﻥ ﻭﺟﺎﺑﻪ ﻟﻠﺒﻴﺖ ﻭﻃﻠﻊ ﻣﻨﺪﺭﻱ ﺑﻲ ﻭﻳﻦ ﻭﺃﻛﺪ ﻋﻠﻴﻨﻪ ﻣﺎﻟﻨﻪ ﺷﻐﻠﻪ ﺑﻴﺞ ﻫﻴﻨﻮﺏ ﻭﺍﻧﻪ ﺟﺎﻱ ﺍﻟﻮﺏ ﻭﻛﻠﺒﻲ ﺻﺎﻳﺮ ﻧﺎﺭ ﺍﺭﻳﺪ ﺍﻋﺮﻑ ﺷﺼﺎﺭ ﻭﻫﻴﺞ ﺳﻮﻩ
ﺳﻤﻌﺖ ﻣﻦ ﻛﻼﻣﻪ ﺭﺟﻔﺖ ﺍﻳﺪﻱ ﻻﺯﻣﻪ ﻟﻔﻮﻥ ﻫﺘﺰﺕ ﺷﻔﺘﻲ ﺭﺟﻔﺖ ﺑﺮﻃﻤﺖ ﻭﻛﻌﺪﺕ ﻟﺤﻴﻠﻲ ﻫﺎﻱ ﺻﺪﻣﻪ ﺛﺎﻧﻴﻪ ﺑﻘﻮﺕ ﺫﻳﺞ ﺍﻟﺼﺪﻣﻪ ﻭﺃﻛﺜﺮ ﺭﺟﻊ
ﻃﻌﻨﻲ
ﺭﺟﻊ
ﺧﺬﻟﻨﻲ ﺃﻭ ﺑﻼﺣﺮﻯ ﺫﻟﻨﻲ ﺍﻱ ﺫﻟﻨﻲ
ﺣﺘﻰ ﻳﺴﻮﻟﻲ ﺍﻟﻲ ﻣﺠﺎﻥ ﻣﺴﻮﻱ ﺩﻳﺸﻮﻑ ﺷﻴﻄﻠﻊ ﻣﻨﻲ
ﺑﺠﻴﺖ ﺑﻌﺪ ﻣﻜﺪﺭﺕ ﺳﺪﻳﺘﻪ ﻣﻨﺼﻴﻪ ﺭﺍﺳﻲ ﺑﻴﻦ ﺭﺟﻠﻴﻪ ﻭﺭﺟﻌﺖ ﺩﻛﺖ ﺍﻟﺤﺠﻴﻪ ﺗﺤﺎﺟﻴﻨﻲ ﻭﺗﻌﺘﺐ ﻭﺍﻧﻲ ﺳﺎﻛﺘﻪ
ﻣﺤﺪ ﺫﻣﻪ
ﻭﻻ ﺍﺣﺪ ﻋﻴﻠﻪ ﻭﻛﻞ ﺍﻟﻐﻠﻂ ﻭﻛﻊ ﺑﺎﺩﻳﺎﻥ
ﺗﻘﻮﻗﻌﺖ ﻭﺗﻤﺮﺿﺖ ﻭﺷﻲ ﻭﺍﺣﺪ ﻣﺘﺎﺍﻛﺪﻩ ﻣﻨﻪ ﻣﺪﺍﻣﻪ ﻣﺎﻛﻮ ﻣﻌﻨﺎﻫﻪ ﺳﻮﻩ ﻫﻴﺞ ﺣﺘﻰ ﺑﺲ ﻳﺬﻟﻨﻲ ﻻ ﺍﻛﺜﺮ
ﺷﻬﺮ ﻛﺎﻣﻞ ﻧﻜﻄﻌﺖ ﺍﺧﺒﺎﺭﻩ ﻻ ﺍﺟﻪ ﻭﻻﻭﺻﻞ ﺍﻟﻤﺴﻮﺍﻙ ﻛﻞ ﻳﻮﻣﻴﻦ ﻭﺍﻟﺜﺎﻟﺚ ﺍﺑﻮ ﻋﻠﻲ ﻳﻜﻮﻣﻪ ﺑﻠﺒﺎﺏ ﻭﻣﺴﺘﻤﺴﻜﺎﺕ ﺍﻫﻠﻲ ﻃﻠﻌﻮ ﻛﻠﻪ ﺟﺪﻳﺪ ﺛﺎﻣﺮ ﻣﻦ ﺍﻟﺒﺎﺏ ﺟﺎﺑﻬﻢ
ﺍﻟﺴﺎﻋﺎﺕ ﺗﻤﺮ ﻣﺜﻞ ﺍﻟﺪﻫﺮ ﻭﺗﻠﻤﺲ ﺑﻄﻨﻲ ﺩﺗﻜﺒﺮ ﻭﻳﺴﺮﺡ ﻓﻜﺮﻱ ﻭﻳﻨﻪ ﻭﻳﻦ ﺭﺍﺡ
ﻣﻦ ﻏﻴﺮ ﻛﻼﻡ ﺍﻣﻲ ﺍﻟﻲ ﺃﺩﺭﻛﺖ ﺑﻲ ﻏﻠﻄﻲ ﻭﻓﺘﺤﺖ ﻋﻴﻨﻲ ﻋﻠﻰ ﻛﻮﻣﻪ ﺳﻮﺍﻟﻔﻪ ﻏﺎﻓﻠﻪ ﻋﻨﻪ
ﻣﺎﻣﺎ ﺣﻘﻪ ﻟﻮ ﺭﺍﻳﺤﻪ ﻭﻫﻮﻩ ﺳﺎﻛﺖ ﻟﻌﺎﻟﻢ ﻣﺎﺗﺴﻜﺖ ﺗﺎﻛﻞ ﻛﻠﺒﻪ ﻭﺃﺷﻜﺎﻝ ﺗﻄﻠﻊ ﺳﻮﺍﻟﻒ ﻧﺎﺱ ﺩﻛﻮﻝ ﻋﺪﻫﻪ ﺷﻲ ﻭﻋﺎﻓﺘﻪ ﻭﻧﺎﺱ ﺩﻛﻮﻝ ﺟﻮﺯ ﺭﺍﺣﺖ ﺍﻟﻪ ﻭﻳﻪ ﻭﺍﺣﺪ ﻭﺷﻤﺎﺗﻪ ﻫﻮﺍﻱ ﻳﺎﺍﺍﻣﻲ ﻣﺸﻔﺘﻲ ﺍﺧﻮ ﺷﻜﺎﻝ ﻛﺒﺎﻟﻨﻪ ﻳﻜﻠﻪ ﻣﺘﻌﺮﻓﻬﻢ ﻣﻨﻴﻦ ﻣﺎﻣﻨﻴﻦ ﻭﺍﻟﻠﻪ ﻟﻮ ﺭﺍﻳﺤﻴﻦ ﺟﺎﻥ ﺍﻭﻝ ﺍﻟﻨﺎﺱ ﺍﺧﻮﻩ ﺗﺸﻔﻪ ﺑﻲ
ﺍﺳﻤﻊ ﻭﺍﻛﻮﻝ ﺍﺣﻨﺎ ﻭﻳﻦ ﻋﺎﻳﺸﻴﻦ ﻟﻴﺶ ﺍﻟﻨﺎﺱ ﻣﺘﻌﻮﻑ ﺍﺣﺪ ﺑﺤﺎﻟﻪ
ﻳﻮﻡ ﻭﺭﻩ ﻳﻮﻡ ﺻﺮﺕ ﺍﺗﻌﺐ
ﺳﻬﺮ
ﻭﻗﻠﻖ
ﺗﻔﻜﻴﺮ
ﻭﺣﺮﻛﻪ ﺑﻜﻠﺒﻲ ﻟﺤﻀﻪ ﻣﻄﻔﺖ ﻭﻟﻴﻞ ﻛﻠﻪ ﺍﻟﻮﺏ ﻭﺍﻓﺘﺮ ﺣﺘﻰ ﺳﺠﺎﺩﺗﻲ ﻭﻗﺮﺍﻧﻲ ﺍﻟﻲ ﺍﻫﺮﺏ ﺍﻟﻬﻢ ﻣﻦ ﻫﻤﻲ ﻭﻗﻬﺮﻱ ﺻﺮﺕ ﺍﻟﺰﻣﻬﻢ ﺻﺎﻓﻨﻪ ﻭﺍﻗﺮﻩ ﺍﻗﺮﻩ ﻭﺑﻨﺺ ﺍﻟﻤﻄﺎﻑ ﻭﺍﻃﺒﻚ ﺍﻟﻤﺼﺤﻒ ﻣﻦ ﺗﺴﺮﺳﻞ ﺩﻣﻮﻋﻲ ﻭﺗﻨﺰﻝ ﻋﻠﻴﻪ
ﺧﻄﺎﺏ ... ﻳﻤﻌﻮﺩﻩ ﺻﺒﻲ ﺯﻗﻨﺒﻮﺕ ﻳﻠﻪ ﺗﺎﻭﻟﻲ
ﺍﻱ ﺍﻱ ﺟﺎﻱ ﺍﺻﺐ ﻋﺠﻞ ﺷﺠﺎﻱ ﺍﺳﻮﻱ
ﺍﺣﺠﻲ ﻋﺪﻝ ﻻﺍﺟﻲ ﺍﻓﻴﻨﻮ ﺍﻟﺤﻀﺞ ﺍﻧﺘﻲ ﻟﻤﻔﺮﻭﺽ ﺻﻮﺗﺞ ﻣﺎﻳﻄﻠﻊ ﻣﻮ ﺟﺎﻳﻪ ﺗﻠﻌﻠﻌﻴﻦ ﺟﺪﺍﻣﻲ
ﺟﺮﻳﺖ ﻧﻔﺲ ﺳﺎﻛﺘﻪ ﻭﻫﻮﻩ ﻣﺴﺘﻤﺮ ﻳﺨﺮﻁ
ﻭ ﺍﻟﻠﻪ ﻟﺸﻮﻓﺞ ﻧﺠﻮﻡ ﻟﻀﻬﺮ ﻋﺠﻞ ﺣﺮﻣﻪ ﺗﺨﺮﺏ ﻋﻴﻠﻪ ﺑﻜﺎﻣﻠﻪ ﻻ ﺍﻡ ﺗﺤﺎﺟﻴﻨﻲ ﻭﻻ ﺍﻟ

ﻮﻟﺪ ﻭﻓﻮﻛﺎﻩ ﺧﻮﺍﻟﻲ ﺗﻜﺎﻭﻧﻮﻥ ﻭﻣﻦ ﻭﺭﻩ ﻏﺒﺎﺋﺞ ﺳﻮﻳﺘﻲ ﺳﺎﻟﻔﻪ ﻟﺨﺎﻟﻲ ﻓﺎﺭﺱ ﻭﻛﺎﻭﻥ ﺧﺎﻟﻲ ﻓﻴﺼﻞ ﻭﻧﻔﺾ ﺍﻟﺸﻐﻞ ﻭﺍﻟﺪﻧﻴﻪ ﺗﺨﺮﺑﺼﺖ ﻛﻠﻪ ﻻﻥ ﺍﻟﻤﺪﺍﻡ ﺳﺠﻰ ﺧﻄﺎﺏ ﻗﺎﻓﻞ ﺍﻟﺒﺎﺏ ﻋﻠﻴﻪ ﻣﻦ ﺍﻟﻠﻪ ﻳﺠﻌﻤﺞ ﻭﻳﺠﻌﻢ ﻫﻞ ﺟﻬﺮﻩ ﻟﺒﺘﺼﺮﻓﺎﺗﺞ ﺻﺮﺕ ﻣﻮ ﻃﺎﻳﻘﻪ
ﺧﻠﻴﺖ ﺍﻟﺼﻴﻨﻴﻪ ﻭﻛﻔﺖ ﻣﺒﺮﻃﻤﻪ ... ﻋﻠﻴﺶ ﻫﻴﺞ ﺗﺤﺎﺟﻴﻨﻲ ﺗﺮﻩ ﻣﺎﺟﺎﻥ ﻫﺬﺍ ﻛﻼﻣﻚ ﻭﻛﺖ ﻟﺠﺒﺘﻨﻲ ﺣﺮﺍﻡ ﻋﻠﻴﻚ ﺍﻧﺖ ﻛﻞ ﺳﺎﻉ ﺷﻜﻞ
ﺍﻱ ﻛﻞ ﺳﺎﻉ ﺷﻜﻞ ﻭﺭﺍﺡ ﺗﺸﻮﻓﻴﻦ ﻣﻨﻲ ﻟﻤﻮ ﺷﺎﻳﻔﺘﻮ ﻭﺗﺎﺷﻮﻑ ﺷﻴﻄﻠﻊ ﺑﻴﺪﺝ ﻓﻘﻠﺖ ﺍﻟﺒﺎﺏ ﺻﺤﻴﺢ ﺧﺒﻞ ﻭﺍﻟﻒ ﻧﻮﺑﻪ ﺍﻧﻪ ﻛﺎﻳﻠﻪ ﺍﻟﺞ ﺗﺮﻭﺣﻴﻦ ﺗﺨﺎﺑﺮﻳﻦ ﺧﺎﻟﻮ ﻓﺎﺭﺱ ﻭﻳﺠﻲ ﻳﺎﺧﺬﺝ ﺗﻤﺮﺿﻴﻦ ﺭﻭﺣﺞ ﻭﺗﺴﻘﻄﻴﻦ ﻭﺍﻻﻃﺒﺎﺀ ﻳﻄﻠﻌﻮﻟﻲ ﺑﻴﺞ ﻣﺮﺽ ﺍﻟﺴﻜﺮ ﻭﻛﻞ ﻫﺬﺍ ﺳﺒﺒﻮ ﺧﻄﺎﺏ ﻭﻻﺯﻡ ﺍﻟﻜﻞ ﻳﻬﻴﻨﻮ ﻭﻫﻮﻩ ﻳﺴﻜﺖ ﻣﻮﻭﻭ
ﺍﺍﻱ ﻣﺮﺿﺖ ﺭﻭﺣﻲ ﺧﻄﺎﺏ ﺧﺎﻑ ﺍﻟﻠﻪ ﺍﻧﻪ ﻫﺒﻄﺖ ﻣﻦ ﺫﺍﻙ ﺍﻟﻴﻮﻡ ﻭﺷﻜﻞ ﺍﻟﺴﻜﺮ ﻭﻳﻪ ﺍﻟﺤﻤﻞ ﻭﺧﺴﺮﺕ ﺍﻟﻄﻔﻞ ﻭﻟﻮ ﻣﺎ ﻣﺎﻣﺎ ﻭﺧﺎﻟﻪ ﻭﺟﺪﻩ ﻳﺰﻧﻮﻥ ﺑﺮﺍﺳﻲ ﻭﻟﻮﻣﺎ ﺍﻧﻪ ﻣﺤﻤﻠﻪ ﺭﻭﺣﻲ ﺫﻧﺐ ﻟﺼﺎﺭ ﻻﺩﻳﺎﻥ ﻭﺧﺎﻟﻮ ﻓﺎﺭﺱ ﺟﺎﻥ ﻭﻻ ﺍﺭﺟﻌﻠﻚ
ﺗﺮﺟﻌﻴﻦ ﻭﻏﺼﺒﺎ ﻋﻨﺞ ﻭﺗﻜﻌﺪﻳﻦ ﻫﻴﻦ ﻭﺗﻨﺠﻌﻤﻴﻦ ﻭﻗﺴﻤﺎ ﺑﻠﻘﺮﺍﻥ ﻟﻴﺼﻴﺮ ﺑﻴﻨﻪ ﻟﻮ ﻃﻠﻊ ﺧﺎﺭﺝ ﻟﺸﻘﻪ ﻟﺘﺸﻮﻓﻴﻦ ﻛﻞ ﻟﻤﺎﺳﻮﻳﺘﻮ ﺑﻠﻴﺎﻡ ﻟﺮﺍﺣﺔ
ﺣﺠﺎﻩ ﻭﺩﻓﻊ ﺍﻟﺼﻴﻨﻴﻪ ﻭﻃﻠﻊ ﻛﻌﺪﺕ ﺍﺑﺠﻲ ﻛﻠﻪ ﻣﻦ ﻣﺎﻣﺎ ﻭﺧﺎﻟﻪ ﺍﺭﺟﻌﻲ ﻭﺍﺭﺟﻌﻲ ﻭﻫﺎﻱ ﺍﻧﻪ ﺭﺟﻌﺖ ﺍﻧﻮﺏ ﺻﺎﻳﺮ ﻟﻼﺳﻮﻯ
ﻛﻌﺪﺕ ﺍﺿﺮﺏ ﻛﻠﺒﻲ ﺑﻴﺪﻱ ﻭﻫﺬﺍ ﻟﺼﺨﺎﻡ ﺍﻧﻮﺏ ﻳﺤﺒﻮ ﻟﻮ ﺑﺲ ﺍﻋﺮﻑ ﺷﻼﻛﻲ ﺑﻲ ﻣﻦ ﺍﻧﻌﻞ ﺣﻀﻮ
ﻫﻨﺎﻙ ﻭﺍﺗﺬﻛﺮ ﺍﺩﻳﺎﻥ ﻭﺧﺎﻟﻮ ﻓﺎﺭﺱ ﻟﺨﺮﺑﺖ ﺣﻴﺎﺗﻬﻢ ﻭﻣﺎﻋﺮﻑ ﺑﺴﺒﺒﻨﺎ ﻟﻮ ﻫﺬﺍ ﻣﻘﺪﺭ ﺍﻟﻬﻢ
ﺃﻳﺎﻡ ﻭﺍﻳﺎﻡ ﻣﺮﺕ ﺗﺠﻨﺒﺘﻮ ﺟﺜﻴﺮ ﺍﻛﻠﻮ ﻭﺷﺮﺑﻮ ﺣﺎﺿﺮ ﻭﻫﻮﻩ ﻏﺮﻛﺎﻥ ﺑﺸﻐﻠﻮ ﺍﻟﻲ ﺻﺎﺭ ﻭﺍﺻﻞ ﻟﺮﺍﺳﻮ ﺑﻌﺪ ﻣﺎ ﺧﺎﻟﻮ ﻓﺎﺭﺱ ﻋﺎﻑ ﻛﻠﺸﻲ ﻭﺃﺧﺬ ﺣﺼﺘﻮ ﻭﻣﻨﻌﺮﻑ ﺑﻲ ﻭﻳﻦ ﺭﺍﺡ
ﻣﺎﻣﺎ ﺧﺎﻟﻪ ﺟﺪﻩ ﻛﻠﻬﻢ ﺭﻭﺍﺣﻬﻢ ﻻﻳﺒﻪ ﻋﻠﻴﻪ ﻭﻣﺎﻧﻌﺮﻓﻠﻮ ﺍﺛﺮ ﻋﻤﺮ ﻳﺴﺌﻠﻮ ﻳﻜﻠﻬﻢ ﻣﺎﺩﺭﻱ ﻭﺑﻴﻮﻡ ﺧﺎﺑﺮﺗﻨﻲ ﻟﺒﻨﻰ ﻭﻓﻮﺭﺕ ﻋﺼﺎﺑﻲ ﻭﻫﻴﻪ ﺩﻛﻠﻲ
ﺳﺠﻰ ﺍﺭﻳﺪ ﺭﻗﻢ ﻋﻤﺮ
ﺍﻧﺠﺒﻲ ﺷﺘﺴﻮﻳﻦ ﺑﻲ ﺟﻢ ﻧﻮﺑﻪ ﻛﺘﻠﺞ ﺟﻮﺯﻱ ﻣﻦ ﻫﺎﻱ ﻟﺴﺎﻟﻔﻪ
ﻻ ﻣﺎﺟﻮﺯ ﻭﻻﺗﺨﺎﻓﻴﻦ ﻣﻮ ﺍﻟﻲ ﺑﺎﻟﺞ ﺑﺲ ﺍﺭﻳﺪ ﺭﻗﻤﻮ ﺣﺘﻰ ﺍﻋﺮﻑ ﺧﺎﻟﻮ ﻓﺎﺭﺱ ﻭﻳﻦ
ﻻ ﻭﺍﻟﻠﻪ ﺻﺪﻛﺘﺞ ﺩﻛﻮﻟﻲ ﻭﺍﻟﻠﻪ ﻣﺮﺗﻴﻦ ﻳﻮﻟﻲ ﻋﻠﻴﻪ ﻫﺬﺍ ﺍﻟﻜﻼﻡ ﺍﻟﻮﻟﺪ ﻛﻠﻬﻢ ﻭﺑﻴﺖ ﺧﺎﻟﻮ ﻓﻴﺼﻞ ﺍﻟﻒ ﻧﻮﺑﻪ ﺳﺌﻠﻮ ﻭﻛﺎﻝ ﻣﺎﻋﺮﻑ ﺑﻌﺪ ﻋﻠﻰ ﺷﻨﻮ ﺍﻧﺘﻲ ﺗﺴﺌﻠﻲ
ﺷﻜﺜﺮ ﺗﻠﻐﻴﻦ ﻟﺨﺎﻃﺮ ﺍﻟﻠﻪ ﺗﺠﻴﺒﻴﻦ ﺍﻟﺮﻗﻢ ﻻﺍﺗﻬﻮﺭ ﻭﺍﺧﺬﻭ ﻣﻦ ﺗﻠﻴﻔﻮﻥ ﺧﻄﺎﺏ ﻟﻮ ﻣﺼﻄﻔﻰ
ﻭﺍﻟﻠﻪ ﺍﺫﺍ ﺗﻜﺪﺭﻳﻦ ﻻﺗﻘﺼﺮﻳﻦ ﺑﻠﻜﺖ ﻟﻨﻬﻢ ﻛﺎﺿﺒﻴﻨﺞ ﻭﻛﺎﺿﻴﻦ ﺑﻴﺞ ﺍﻟﺘﻮﺑﻪ
ﻳﻮﻟﻲ ﺍﻧﻪ ﻟﺒﻨﻰ ﻣﺎﻳﻌﺼﻪ ﻋﻠﻴﻪ ﻟﻮ ﺭﺩﺕ ﺍﺧﺬﻭ ﺑﺲ ﻛﻠﺖ ﺍﺧﺘﻲ ﻭﺍﻣﻮﻥ ﻋﻠﻴﺞ ﺑﺲ ﻭﻻ ﻳﻬﻤﺞ ﺗﺠﻴﺞ ﺍﻻﺧﺒﺎﺭ ﺍﺻﺒﺮﻱ
ﺑﺜﻴﻨﻪ ... ﺳﺪﺗﻪ ﺍﻟﻨﻘﺎﻝ ﻭﺍﻧﻪ ﺻﺎﻓﻨﻪ ﻓﺮﺕ ﺍﻳﺪﻩ
ﺷﻜﻮﻭ
ﺍﺣﻨﺎ ﻟﺸﻜﻮ ﻟﻮ ﺍﻧﺘﻲ ﺑﻠﻪ ﻣﺪﻛﻠﻠﻲ ﺷﻮﻛﺖ ﺗﻌﻘﻠﻴﻦ ﻣﻦ ﻛﻞ ﻋﻘﻠﺞ ﺗﺤﺒﻴﻦ ﻋﻤﺮ ﻳﻮﻟﻲ ﻭﻳﻦ ﺗﻠﻜﻴﻨﻮ ﻻﺗﺸﻮﻓﻲ ﻳﻜﺸﺦ ﺗﺮﻩ ﺭﺍﺳﻮ ﺍﺑﻴﺾ ﺣﺘﻰ ﺻﺒﻎ ﻳﺼﺒﻎ ﺗﺮﻩ ﺃﻛﺒﺮ ﻣﻦ ﺧﺎﻟﻮ ﻓﺎﺭﺱ ﺟﻮﺯﻱ ﻣﻨﻮ ﺍﺣﺴﻦ ﺍﻟﺞ
ﻻ ﻣﺎﺟﻮﺯ ﻭ ﻣﻮ ﺃﻛﺒﺮ ﻣﻦ ﺧﺎﻟﻮ ﻫﻤﻪ ﻧﻔﺲ ﺍﻟﻌﻤﺮ
ﻭﺣﺘﻰ ﻟﻮ ﻧﻔﺲ ﺍﻟﻌﻤﺮ ﻫﻢ ﺟﺒﻴﺮ ﻋﻠﻴﺞ ﺍﻧﺘﻲ ﺳﺎﺩﺱ ﻣﺎﻣﻜﻤﻠﻪ ﻭﺍﻟﻤﺜﻠﺞ ﻻﺯﻡ ﻫﺴﺎﻉ ﺣﺎﻳﺮﻩ ﺷﻠﻮﻥ ﺗﻄﻠﻊ ﻣﻨﻮ ﻣﻮﺗﻔﻜﺮ ﺑﻠﺤﺐ ﻭﻫﺎﻱ ﺍﻟﺴﻮﺍﻟﻒ
ﻣﺎﺑﻴﺪﻱ ﺍﺣﺒﻮ ﻣﻦ ﺟﺎﻥ ﻳﺠﻲ ﻳﺘﻌﻠﻞ ﻋﺪ ﺧﺎﻟﻮ ﻓﺎﺭﺱ ﻭﺍﻧﻲ ﻛﻠﺒﻲ ﻋﻨﺪﻭ ﻭﻟﻮ ﻣﺎ ﺍﻟﺘﻬﺠﻴﺮ ﻭﺍﻻﺍﻭﺿﺎﻉ ﺍﻟﺼﺎﺭﺗﻨﻪ ﺟﺎﻥ ﺣﺘﻰ ﻫﻮﻩ ﺧﻠﻴﺘﻮ ﻳﺤﺒﻨﻮ ﺑﺲ ﻏﻴﺮ ﺍﻟﻮﻛﺖ ﻃﺎﻳﺢ ﺣﻀﻮ ﺟﺎﺑﻨﻪ ﻟﺸﻤﺎﻝ ﻭﺧﻠﻪ ﻛﻠﺒﻲ ﺑﻐﺪﺍﺩ ﻋﻨﺪﻭ ﺗﺪﺭﻳﻦ ﺟﻨﺖ ﻣﺎﺍﻧﺎﻡ ﻃﻮﻝ ﻣﺎﻫﻮﻩ ﻛﺎﻋﺪ ﺑﻠﺪﻳﻮﺍﻧﻴﻪ ﻭﺍﺫﺍ ﻧﻤﺖ ﺍﺿﻞ ﺃﻓﻜﺮ ﺑﻲ ﻳﺠﻮﺯ ﻫﺴﺎﻉ ﺑﻜﻠﺒﺞ ﺗﻜﻮﻟﻴﻦ ﻫﺎﻱ ﺳﻮﺍﻟﻒ ﺗﻌﺒﺎﻧﻪ ﻭﻋﻴﺐ ﺃﻓﻜﺮ ﺑﻴﻪ ﻭﺍﻧﻪ ﻫﻢ ﻧﻮﺑﺎﺕ ﺍﻛﻮﻝ ﻫﻴﺞ ﺑﺲ ﻧﻔﺲ ﺍﻟﻮﻛﺖ ﻣﺎﻛﺪﺭ ﺍﻣﻨﻊ ﺭﻭﺣﻲ ﻭﻣﺎﻓﻜﺮ ﺑﻲ ﺍﺻﻼ ﺳﺎﻋﺎﺕ ﺍﻛﻌﺪ ﻭﻳﻪ ﺭﻭﺣﻲ ﺍﻛﻮﻝ ﻟﻴﺶ ﺍﻟﻪ ﻫﻮﻩ
ﺟﺒﻴﺮ ﻋﻠﻴﻪ
ﻭﻋﻤﺮﻩ ﻣﺎﻧﻄﺎﻧﻲ ﻭﺟﻪ ﺭﻏﻢ ﺍﻧﻪ ﻣﻦ ﺍﺷﻮﻓﻮ ﺟﺪﺍﻣﻲ ﺍﻧﺴﻄﺮ ﻭﺍﺿﻞ ﺻﺎﻓﻨﻪ ﺑﻮﺟﻮ ﻭﺟﻢ ﻧﻮﺑﻪ ﺟﺬﺑﺖ ﺭﻭﺣﻲ ﻭﺩﺳﺖ ﻋﻠﻴﻪ ﺍﻛﻠﻪ ﻛﻞ ﻫﺬﺍ ﻭﻫﻢ ﺑﺲ ﻭﻛﺖ ﻟﺠﻴﻨﻪ ﻫﻨﺎ ﻭﺑﺘﻌﺪﺕ ﻋﻨﻮ ﻣﺎﻋﺪﺕ ﺍﺷﻮﻓﻮ ﻫﻴﻦ ﺍﻧﻪ ﻋﺮﻓﺖ ﺭﻭﺣﻲ ﺍﻧﻪ ﻣﺘﻮﻟﻌﻪ ﺑﻲ ﻻﻥ ﺟﺖ ﺃﻳﺎﻡ ﺍﺑﺠﻲ ﺍﺑﺠﻲ ﻛﺪ ﻣﺎﺷﺘﺎﻙ ﻟﺼﻮﺗﻮ ﻭﺍﺣﻦ ﺍﻟﻮ
ﻭﺍﻟﻠﻪ ﺧﻴﺘﻲ ﻣﺎﺩﺭﻱ ﺍﻧﺘﻲ ﺷﻠﻮﻥ ﺗﻔﻜﺮﻳﻦ ﻭﻻ ﺍﻛﺪﺭ ﺍﻏﻴﺮ ﺭﺍﻳﺞ ﺑﻴﺎﻧﺞ ﻗﺎﻓﻠﻪ ﺍﻻﺣﺴﻦ ﺍﻃﻠﻊ ﻣﻦ ﻫﺎﻱ ﺍﻟﺴﺎﻟﻔﻪ ﻭﺇﺣﺪﺭ ﺍﻧﺎﻡ
ﻭﻳﻦ ﺗﺮﻭﺣﻴﻦ ﻣﺘﻨﺎﻣﻴﻦ ﻫﻴﻦ ﻭﻳﻦ ﺗﺮﻳﺪﻳﻦ ﺗﻨﺎﻣﻴﻦ
ﻻ ﺍﻧﺎﻡ ﻳﻢ ﻣﺎﻣﺎ ﻫﻴﻦ ﻛﻞ ﺳﺎﻉ ﺍﺧﻮﺝ ﺛﺎﻣﺮ ﺩﺍﻙ ﺍﻟﺒﺎﺏ ﻳﺼﺨﺮﺡ ﻭﺍﻧﻪ ﻫﻨﺎﻙ ﺍﺭﺗﺎﺡ ﺃﻛﺜﺮ
ﻛﻴﻔﺞ ..
ﻋﻔﺘﻪ ﻭﻃﻠﻌﺖ ﻛﻞ ﻛﻼﻣﻪ ﻣﺎﻓﻴﺖ ﻋﻘﻠﻲ ﻫﺎﻱ ﻛﻞ ﻋﻘﻠﻪ ﻋﻤﻮ ﻋﻤﺮ ﻳﺤﺒﻪ ﻫﻮﻩ ﻟﻮ ﻳﺮﻳﺪ ﻳﺤﺐ ﺟﺎﻥ ﻣﺎﺿﻞ ﺑﺪﻭﻥ ﺯﻭﺍﺝ ﻟﻴﻬﺴﻪ
ﺍﻣﺸﻲ ﻭﺍﻓﻜﺮ ﺑﻴﻬﻢ ﻭﻛﻔﺖ ﻋﻠﻰ ﺍﻭﻝ ﺑﺎﻳﻪ ﻣﻦ ﺍﻟﺪﺭﺝ ﺻﺎﺭ ﺧﻴﺎﻝ ﺟﺪﺍﻣﻲ ﺭﻓﻌﺖ ﺭﺍﺳﻲ ﺛﺎﻣﺮ ﻧﺰﻟﺖ ﻟﺪﺭﺟﻪ ﻻﺯﻣﻪ ﻟﻤﺤﺠﺮ ﺻﺮﺕ ﻋﻠﻰ ﺻﻔﺤﻪ ﺩﻳﻨﺰﻝ ﺟﺘﻒ ﺍﻳﺪﻩ ﻭﻛﻒ ﻣﻴﻞ ﺭﺃﺳﻪ ﻣﺒﺘﺴﻢ ﻓﻜﻴﺖ ﻋﻴﻨﻲ ﻫﺬﺍ ﺷﺒﻲ ﺍﻭﻝ ﻧﻮﺑﻪ ﻳﺴﻮﻳﻬﺎ
ﺗﻨﺰﻝ ؟
ﻻ
ﻋﺠﻞ ﺷﻨﻮ
ﺳﻼﻣﺘﺞ
ﻫﻬﻪ ﻣﻴﻞ ﻋﺠﻞ ﺍﺭﻳﺪ ﺍﺻﻌﺪ ﻟﻠﻐﺮﻓﻪ
ﻧﺼﻰ ﻭﻓﻞ ﺍﻳﺪﻩ ﺧﻼﻩ ﺑﺠﻴﺒﻪ ﻧﺰﻝ ﻣﺨﻨﻄﻞ ﺟﺴﻤﻪ ﻭﻧﺪﺍﺭ ﺻﺎﺭ ﺟﺪﺍﻣﻲ ﻋﻴﻨﻲ ﺑﻌﻴﻨﻪ ﻏﺎﺑﺖ ﺍﺑﺘﺴﺎﻣﺘﻲ ﻭﻃﻮﻝ ﻧﻀﺮﺗﻪ ﻓﻜﻴﺖ ﻋﻴﻨﻲ
ﺛﺎﻣﺮ ﺷﺒﻴﻚ
ﺳﻜﺖ ﻭﻣﺸﻰ ﻃﻠﻊ ﻟﻠﺤﺪﻳﻘﻪ ﺭﻛﺾ ﺻﻌﺪﺕ ﺣﺎﻳﺮﻩ ﺍﻭﻝ ﻧﻮﺑﻪ ﻳﺴﻮﻱ ﺷﻲ ﻳﻠﻔﺖ ﻧﻀﺮﻱ ﺛﺎﻣﺮ ﺣﺪﻱ ﻭﺗﺼﺮﻓﺎﺗﻮ ﻛﻠﻬﺎ ﺟﺪﻳﻪ ﺷﺒﻲ ﺍﻟﻴﻮﻡ ﻧﻀﺮﺍﺗﻮ ﻣﺎﻃﺒﻴﻌﻴﻪ
ﻧﻤﺖ ﺑﺴﺪ ﻣﺎﻣﺎ ﺍﻏﻤﺾ ﻭﺍﻓﺘﺢ ﻟﺤﺪ ﻏﻔﻴﺖ ﻭﺍﺧﺮ ﻣﻮﺿﻮﻉ ﺑﺎﻟﻲ ﻟﺼﺎﺭ ﻛﺒﻞ ﺷﻮﻳﻪ ﻭﺟﻨﻲ ﺑﻌﺪﻧﻲ ﻛﺎﻋﺪﻩ ﻭﺣﻠﻤﺖ ﺭﻭﺣﻲ ﻣﺸﺘﻌﻠﻪ ﻧﺎﺭ ﻭﺍﻛﻤﺰ ﺍﺻﻴﺢ ﻃﻔﻮﻧﻲ ﻃﻔﻮﻧﻲ ﻭﻛﻞ ﺍﻟﺪﺍﻳﺮ ﻣﺪﺍﻳﺮﻱ ﻳﻄﻔﻮﻥ ﺑﻴﻪ ﺍﻟﻪ ﺛﺎﻣﺮ ﻭﺍﻛﻒ ﻳﺪﺧﻦ ﺟﻜﺎﻳﺮ ﻭﻛﻞ ﻣﺎﻃﻔﺖ ﺍﻟﻨﺎﺭ ﻭﺭﺙ ﺟﻜﺎﺭﻩ ﻭﺷﻤﺮ ﻛﻄﻒ ﻟﻘﺒﻠﻪ ﻋﻠﻴﻪ
ﻭﺍﻧﻪ ﺍﺷﺘﻌﻞ ﺃﻛﺜﺮ
ﻳﺘﺒﻊ..

#لهفة_عاشق

،،،،،،،،،،،،،،،،،،،،،،،
ﻭﻟﺞ ﺑﺴﺞ ﻳﺎ ﺩﻧﻴﺎ ﺷﻠﻮﻥ ﺍﻧﻲ ﻭﻳﺎﺝ
ﻳﻌﻨﻲ ﻧﻈﻞ ﺣﺮﺏ ﻣﺎ ﺑﻴﻬﺔ ﻫﺪﻧﺔ
ﺩﻭﺍﺭﺓ ﺳﻤﻌﺖ ﻋﻨﺞ ﻳﻜﻮﻟﻮﻥ
ﺷﻤﺎﻟﺞ ﻋﺎﻟﻔﺮﺡ ﻣﺎ ﺩﺭﺗﻲ ﻳﻤﻨﻪ
ﺑﻘﻴﻨﻪ ﻋﻠﻰ ﺍﻟﺤﺰﻥ ﻭﺧﺎﻭﻳﻨﻪ ﺍﻟﻔﺮﺍﻙ
ﻭﻣﺎ ﺍﻇﻦ ﻟﻠﻮﻓﻪ ﺑﺎﻗﻲ ﺍﻱ ﻣﻌﻨﻰ
ﻧﺎﺱ ﺏﻻ ﺳﺒﺐ ﺗﺠﺮﺡ ﺑﺎﻟﻜﻠﻮﺏ
ﻭﺍﻧﺘﻲ ﻭﻳﻪ ﺍﻟﻈﻠﻢ ﺗﻤﺸﻴﻦ ﺿﺪﻧﻪ
،،،،،،،،،،،،،،
ﻛﻌﺪﺕ ﻋﺮﻛﺎﻧﻪ ﺍﻫﻔﻲ ﻋﻠﻰ ﻭﺟﻬﻲ ﺑﻴﺪﻱ ﺍﺗﻠﻔﺖ ﻭﺍﺑﻠﻊ ﺑﺮﻳﻜﻲ ﺍﺳﺘﻐﻔﺮ ﻭﺍﻟﺤﻠﻢ ﻣﺴﻴﻄﺮ ﻋﻠﻰ ﻋﻘﻠﻲ ﺷﻮﻳﻪ ﺷﻮﻳﻪ ﺑﺪﻳﺖ ﺍﺳﺘﻮﻋﺐ ﻫﺬﺍ ﺣﻠﻢ ﻭﻛﻔﺖ ﺍﻟﻢ ﺑﺸﻌﺮﻱ ﺑﺎﻭﻋﺖ ﺍﻟﺴﺎﻋﻪ ﻣﺼﺎﺭ ﻫﻮﺍﻱ ﻣﻦ ﻧﻤﺖ ﻧﺰﻟﺖ ﺍﺷﺮﺏ ﻣﻲ ﺍﻳﺪﻱ ﻋﻠﻰ ﻣﺤﺠﺮ ﺩﺭﺟﻪ ﺭﺩﺟﻪ ﺍﻧﺰﻝ ﻣﻨﺼﻴﻪ ﻭﺍﺗﺨﻴﻞ ﺍﻟﻨﺎﺭ ﻟﺠﻨﺖ ﺑﻴﻪ ﻣﺸﺘﻌﻠﻪ ﺍﻫﺰ ﺭﺍﺳﻲ ﻭﺍﻻﺳﺘﻐﻔﺎﺭ ﻣﻨﺰﻝ ﻣﻦ ﺣﻠﻜﻲ ﺍﺑﺪ
ﻓﺘﺖ ﺍﻟﻤﻄﺒﺦ ﻓﻜﻴﺖ ﺍﻟﺜﻼﺟﻪ ﻭﻃﻠﻌﺖ ﻣﻲ ﺷﺮﺑﺖ ﺍﻳﺪﻱ ﻋﻠﻰ ﺻﺪﺭﻱ ﻣﻐﻤﻀﻪ ﻟﺤﺪ ﻣﺤﺴﻴﺖ ﺑﺮﻭﺩﺗﻪ ﺗﺮﺳﺖ ﺭﻭﺣﻲ ﺗﻤﺎﻟﻜﺖ ﻧﻔﺴﻲ ﻭﻛﻌﺪﺕ ﻋﻠﻰ ﻛﺮﺳﻲ ﺭﺍﺳﻲ ﻋﻠﻰ ﻣﻴﺰ ﻭﺍﺳﺘﺮﺟﻊ ﻟﺸﻔﺘﻪ ﻟﺤﻀﻪ ﺑﻠﺤﻀﻪ ﻭﻓﺰﻳﺖ ﻣﺮﻋﻮﺑﻪ ﻣﻜﺪﺭﺕ ﺍﺗﺨﻴﻞ
ﻟﺤﻠﻤﺖ ﺑﻲ ﻭﺍﺭﺟﻊ ﺍﺳﺘﻐﻔﺮ ﻭﺍﻛﻮﻝ ﺣﻠﻢ ﺷﺠﺎﺝ ﺟﻠﺒﺘﻲ ﺑﻲ
ﻃﺮﺩﺕ ﻛﻠﺸﻲ ﻣﻦ ﺗﻔﻜﻴﺮﻱ ﻭﺭﺟﻌﺖ ﺩﺍﺻﻌﺪ ﺳﻤﻌﺖ ﺗﺤﻤﺤﻢ ﺑﻠﺤﺪﻳﻘﻪ ﻋﻠﻰ ﻛﻴﻒ ﺭﺟﻌﺖ ﺻﺮﺕ ﻭﺭﻩ ﻟﺒﺮﺩﻩ ﻟﺰﻣﺖ ﻃﺮﻓﻪ ﻭﻣﺪﻳﺖ ﺭﺍﺳﻲ ﺷﻔﺖ ﺛﺎﻣﺮ ﻛﺎﻋﺪ ﻋﻠﻰ ﻛﺮﺳﻲ ﻭﻛﺪﺍﻣﻪ ﻛﺮﺳﻲ ﺛﺎﻧﻲ ﻣﺎﺩ ﺭﺟﻠﻪ ﻋﻠﻴﻪ ﻣﺮﺟﻊ ﺭﺃﺳﻪ ﻟﻴﻮﺭﻩ ﻟﺴﻤﺎﻋﻪ ﺑﺬﻧﻪ ﻭﺍﻳﺪﻩ ﺗﺸﻴﻞ ﻃﺮﻑ ﺳﻜﺴﻮﻛﺘﻪ ﻳﺼﻮﺻﻠﻪ ﻟﺤﻠﻜﻪ
ﻋﻴﻮﻧﻪ ﺑﻠﺴﻤﺎ ﻭﺭﺟﻠﻪ ﺗﻬﺰ
ﺻﻔﻨﺖ ﻭﺑﺎﻟﻲ ﺳﺎﻓﺮ ﻳﻢ ﺍﻟﺤﻠﻢ ﻋﻴﻨﻲ ﻣﺘﺮﻛﺰﻩ ﻋﻠﻰ ﺩﺧﺎﻥ ﺍﻟﺠﻜﺎﺭﻩ ﻟﻤﻌﻠﻜﻪ ﺑﻴﺪﻩ
ﻫﺎﻱ ﺍﻧﻲ
ﻭﻫﺬﺍ ﻫﻮﻩ
ﺑﻘﺖ ﺑﺲ ﺍﻟﻨﺎﺭ ﺍﻟﺸﻔﺘﻪ ﻭﻳﻨﻬﺎ ؟
ﻏﻤﻀﺖ ﻗﻮﻱ ﻭﻛﺢ ﻓﺰﻳﺖ ﻓﺎﻛﻪ ﻋﻴﻨﻲ ﻧﺰﻝ ﺭﺟﻠﻪ ﻭﻛﻒ ﺑﻄﺮﻑ ﺍﻳﺪﻩ ﺷﻤﺮ ﺍﻟﺠﻜﺎﺭﻩ ﻭﺗﻘﺪﻡ ﺗﺠﺎﻩ ﺍﻟﻤﻄﺒﺦ ﺭﻛﻀﺖ ﻭﻧﻔﺘﺤﺖ ﺑﺎﺏ ﺍﻟﻤﻄﺒﺦ ﺗﺒﺴﻤﺮﺕ ﺑﻠﺤﻮﻟﻲ ﻣﺎﺭﻳﺪ ﺍﺗﻮﺍﺟﻪ ﻭﻳﺎﻩ ﻭﻳﻜﻤﻞ ﺍﻟﺤﻠﻢ
ﺍﺫﺍ ﺻﻌﺪﺕ ﻓﻮﻙ ﻣﺎﻟﺤﻚ ﺣﻴﺸﻮﻓﻨﻲ ﻛﺒﺎﻟﻲ ﻏﺮﻓﻪ ﺍﻟﺒﻨﺎﺕ ﻛﺒﻞ ﻓﻜﻴﺘﻪ ﻭﻓﺘﺖ ﻓﺰﺕ ﻟﺒﻨﻰ ﺍﻟﻨﻘﺎﻝ ﺑﻴﺪﻩ ﻣﺮﺗﺒﻜﻪ ﺑﺎﻟﻲ ﻣﻮ ﻳﻤﻬﺎ ﻫﻴﻨﻮﺏ
ﺗﻴﺒﺴﺖ ﻭﺭﻩ ﺍﻟﺒﺎﺏ ﻭﻫﻴﻪ ﺗﺒﻠﻊ ﺑﺮﻳﻜﻪ ﺩﻗﺎﻳﻖ ﻭﺛﻨﻴﻨﻪ ﻛﻠﻨﻪ ﺷﻜﻮﻭ
ﺟﺮﺕ ﻋﻴﻨﻪ
ﺍﻧﻲ ﻟﻮ ﺍﻧﺘﻲ
ﻫﺎﺍﺍ
ﻭﺟﻌﺎﺀ ﺷﺒﻴﺞ ﻓﺎﻳﺘﻪ ﻣﺨﺮﻭﻋﻪ
ﻭﺍﻧﺘﻲ ﺷﺒﻴﺞ ﻭﺟﻬﺞ ﻧﻠﺒﻚ ﻣﻦ ﻓﺘﺖ
ﺑﺘﺴﻤﺖ ﻭﻣﺪﺗﺖ ﺑﻬﻤﺲ ﻛﺎﻟﺖ
ﺳﻤﻌﺖ ﺻﻮﺗﻪ
ﻣﻨﻮ ؟
ﻋﻤﺮ ﺷﺒﻴﺞ
ﻓﻜﻴﺖ ﻋﻴﻨﻲ ﻭﺍﺟﻴﺖ ﺛﻨﻴﺖ ﻛﺒﺎﻟﻪ .. ﺍﻧﺘﻲ ﺧﺒﻠﻪ ﻫﺎﻱ ﺳﻮﻳﺘﻪ ﺻﺪﻙ ﻭﺧﺎﺑﺮﺗﻲ ﻣﻨﻴﻦ ﺟﺒﺘﻲ ﺭﻗﻤﻪ
ﻣﻦ ﺗﻠﻴﻔﻮﻥ ﻣﺼﻄﻔﻰ
ﻻ ﺍﻧﺘﻲ ﻣﻮ ﺻﺎﺣﻴﻪ ﻟﻮ ﻻﻛﻔﺞ ﻟﻮ ﺣﺎﺱ ﻋﻠﻴﺞ
ﻣﻴﺤﺲ ﻛﺘﻠﻪ ﻧﻄﻴﻨﻲ ﻧﻘﺎﻟﻚ ﺍﺣﺎﺟﻲ ﺳﺠﻰ ﻧﻘﺎﻟﻲ ﻃﻔﻪ ﻭﻧﻄﺎﻧﻴﺎﻩ
ﻭﺗﺎﻟﻲ
ﺑﺘﺴﻤﺖ ﺳﺮﺣﺎﻧﻪ ﺗﻠﻌﺐ ﺑﻄﺮﺍﻑ ﻛﺬﻟﺘﻪ ﺩﻗﻴﺘﻪ ﺣﻴﻞ
ﻭﻝ ﻣﺼﻜﻮﻋﻪ ﻭﺗﺎﻟﻲ
ﺳﻼﻣﺘﺞ ﺑﺲ ﺳﻤﻌﺖ ﺻﻮﺗﻪ ﻭﺳﺪﻳﺘﻪ
ﻻ ﺍﻟﻪ ﺍﻻ ﺍﻟﻠﻪ ﺍﻧﺘﻲ ﻧﺬﺑﺞ ﺑﻠﻤﺼﺤﻪ ﺷﻮﻳﻪ ﻋﻠﻴﺞ ﻭﺝ ﻟﺒﻨﻰ ﻻﺗﺨﺰﻳﻨﻪ ﻋﻤﻮ ﻋﻤﺮ ﻛﺒﺮ ﺍﺑﻮﺝ ﻭﻣﻦ ﻳﻮﻡ ﻳﻮﻣﻮ ﻓﺎﻳﺖ ﻃﺎﻟﻊ ﻋﻠﻴﻨﻪ ﺣﺎﺳﺐ ﺭﻭﺣﻮ ﻭﺍﺣﺪ ﻣﻨﻪ ﺷﻴﻜﻮﻝ ﻋﻨﻪ ﺷﻴﺤﺠﻲ ﻋﻠﻰ ﺗﺮﺑﻴﺘﻨﻪ ﺍﻧﺘﻲ ﻧﺴﻴﺘﻲ ﻫﻮﻩ ﻭﺧﺎﻟﻮ ﻓﺎﺭﺱ ﺻﺤﺒﻪ ﻟﺮﻭﺡ ﺑﻠﺮﻭﺡ ﻳﻌﻨﻲ ﻭﻛﺖ ﻟﻴﻌﺮﻑ ﺑﺨﺮﺍﺑﻴﻄﺞ ﺷﻠﻮﻥ ﻳﺪﺣﻚ ﺑﺨﺎﻟﻮ ﻓﺎﺭﺱ
ﺍﻛﻠﺞ ﺍﻧﺘﻲ ﺣﻠﻤﺎﻧﻪ ﺑﻴﻪ ﻭﺟﺎﻳﻪ ﺗﺼﻔﻄﻴﻦ ﺑﺮﺍﺳﻲ ﺷﻌﻠﻴﺞ ﻣﻨﻲ ﺗﺮﻛﻴﻨﻲ ﺑﺨﺮﺍﺑﻴﻄﻲ ﻟﺪﻛﻮﻟﻴﻦ ﻋﻠﻴﻬﺎ ﺑﻌﺪﻳﻦ ﺍﻧﺘﻲ ﺷﺮﺟﻌﺞ ﻣﻮﻛﻠﺘﻲ ﺭﺍﺡ ﺍﻧﺎﻡ ﻓﻮﻙ
ﺻﻔﻨﺖ ﻫﺰﻳﺖ ﺭﺍﺳﻲ ﻛﻴﻔﺞ
ﺩﺍﺭﺕ ﻭﺟﻬﺎ ﻧﺪﺣﺴﺖ ﺑﺼﻔﻪ ﺗﻠﻔﻠﻔﺖ ﻭﺑﺪﻳﺖ ﺍﻗﺮﻩ ﺍﻳﺎﺕ ﻭﺍﻟﻤﻌﻮﺫﺍﺕ ﻭﻧﻤﺖ
ﺃﻳﺎﻡ ﻭﺍﻳﺎﻡ ﻣﺮﺕ ﺧﺎﻟﻮ ﻣﺎﻟﻮ ﺍﺛﺮ ﺟﺪﻩ ﺣﻴﻞ ﺗﻤﺮﺿﺖ ﻋﻠﻴﻪ ﻭﺩﻡ ﺗﻮﻥ
ﻭﻟﻴﺪﻱ ﻭﻳﻨﻮ
ﻟﺒﻨﻰ ﻛﻞ ﻳﻮﻡ ﻧﺺ ﺍﻟﻴﻞ ﺍﺣﺲ ﺑﺮﺟﻔﺘﻪ ﻭﻓﺮﺗﻪ ﺑﻠﻐﺮﻓﻪ ﻣﺜﻞ ﺍﻟﻤﺨﺒﻠﻪ ﺗﻔﺘﺮ ﻻﺯﻣﻪ ﻛﻠﺒﻪ ﺍﻟﻨﻘﺎﻝ ﺑﻴﺪﻩ ﺗﺮﻭﺡ ﻭﺗﺠﻲ ﺍﻋﺮﻓﻪ ﺗﺘﺼﻞ ﺑﻌﻤﻮ ﻋﻤﺮ ﺗﺴﻤﻊ ﺻﻮﺗﻪ ﻭﺗﺴﺪﻩ ﻳﺼﻴﺒﻪ ﺗﻮﺗﺮ ﻭﺭﻋﺐ ﻣﺎﻃﺒﻴﻌﻲ ﻟﺴﺎﻋﺎﺕ ﻭﺗﻔﻮﺕ ﺑﺼﻔﻲ ﺑﻠﻔﺮﺍﺵ ﻭﻧﻔﺴﻬﺎ ﻳﺮﺟﻒ
ﺍﺑﺴﺘﻢ ﻫﺬﺍ ﺍﻟﺤﺐ ﻫﻴﺞ ﻳﺴﻮﻱ ؟
ﺍﻏﻤﺾ ﻭﺣﻮﺳﻪ ﺛﺎﻣﺮ ﻳﻢ ﺍﻟﺒﺎﺏ ﺭﺍﻳﺢ ﺟﺎﻱ ﺗﺮﺑﻜﻨﻲ ﺩﻭﺭﺍﺕ ﺍﻧﺎﻡ ﻓﻮﻙ ﻳﻢ ﻣﺎﻣﺎ ﻭﺷﻲ ﺑﻴﻪ ﻳﺨﻠﻴﻨﻲ ﺍﺣﺐ ﺍﻟﻨﻮﻣﻪ ﺟﻮﻩ
ﺍﺫﻧﻲ ﻭﻫﻴﻪ ﺗﺴﻤﺢ ﺳﺤﻠﺖ ﺟﺪﺍﻣﻮ ﺗﻜﻠﻲ ﻋﻠﻤﻮﺩﺝ ﻭﺍﺭﺩ ﺍﺟﺬﺏ ﺭﻭﺣﻲ ﺍﻛﻮﻝ ﻻﺍﻧﻲ ﻣﺎﻓﻜﺮ ﺑﻠﺤﺐ ﻣﺜﻞ ﻟﺒﻨﻰ ﻭﻻ ﺛﺎﻣﺮ ﺭﺍﻋﻲ ﻫﺎﻱ ﺍﻟﺴﻮﺍﻟﻒ
ﻓﺘﺮﻩ ﻣﺮﺕ ﻭﻛﻤﺖ ﺍﺭﻛﺰ ﻋﻠﻰ ﺍﺑﺴﻂ ﺍﻻﺷﻴﺎﺀ ﻭﻋﺒﺎﻟﻚ ﻭﻋﻴﺖ
ﻧﻀﺮﺍﺗﻪ ﺩﻭﻡ ﺗﻼﺣﻜﻨﻲ ﻭﻳﻦ ﻣﺎﺭﻭﺡ ﻳﺪﺣﻚ ﺑﻴﻪ ﻭﻛﺖ ﻻﺣﻂ ﻋﻴﻨﻮ ﺑﻌﻴﻨﻮ ﻳﺒﺘﺴﻢ ﺑﺘﺴﺎﻣﻪ ﺗﺤﻴﺮﻧﻲ
ﺇﻟﻰ ﺃﻥ ﻣﺮﻩ ﻣﻦ ﺍﻟﻤﺮﺍﺕ ﺟﻨﺖ ﺍﺳﻮﻱ ﻋﺸﻪ ﻭﻣﻨﺪﻣﺠﻪ ﺍﺳﻮﻟﻒ ﻭﻳﻪ ﻟﺒﻨﻰ ﻟﺘﺜﺮﻡ ﺑﺼﻔﻲ
ﻭﺝ ﻟﺒﻨﻰ ﺍﻟﻴﻮﻡ ﺭﺩﺕ ﺍﻣﻮﺕ ﺧﻮﻑ ﻣﻦ ﺍﺑﻮ ﺍﻟﺨﻂ ﻟﻴﺎﺧﺬﻧﻪ ﻭﺝ ﻏﻴﺮ ﻣﺼﺎﺩﻕ ﺑﻨﻴﻪ ﻭﻳﺎﻧﻪ ﻭﺷﻜﺪ ﺻﻠﻔﻪ ﺗﺒﻘﻰ ﺁﺧﺮ ﻭﺣﺪﻩ ﻳﻮﺻﻠﻪ ﻭﻫﻴﻪ ﺑﻴﺘﻬﻢ ﺑﺎﻭﻝ ﺍﻟﺪﺭﺏ ﻻﻭﺍﻧﻮﺏ ﺗﻜﻌﺪ ﺑﺼﻔﻮ ﻭﺑﻜﻞ ﻋﻴﻦ ﺻﻠﻔﻪ ﺗﻨﺰﻝ ﻣﻦ ﻳﻤﻲ ﻭﺗﺘﺤﻮﻝ ﻟﻴﺠﺪﺍﻡ ﻭﺗﺼﻴﺮ ﻫﻴﻪ ﻭﻳﺎ ﺗﺘﺒﺴﺒﺲ ﻭﺍﻧﻲ ﺣﻠﻜﻲ ﻳﺒﺲ ﻟﺤﺪ ﻣﺎﺻﻞ ﺑﻴﺘﻨﻪ
ﻛﺒﺮ ﺷﺎﻳﻔﻪ ﺑﻲ ﻫﻮﻩ ﻣﻄﻌﺞ
ﻻ ﻭﻟﺞ ﻭﻳﻦ ﻣﻄﻌﺞ ﻫﺎﻱ ﺍﻧﺘﻲ ﻣﻤﺒﺎﻭﻋﻪ ﻋﻠﻴﻪ ﺯﻳﻦ
ﻋﺠﻞ ﺣﻘﻜﻪ ﺍﺫﺍ ﻫﻴﺞ
ﺷﺤﻜﻬﺎ ﻭﺍﻟﻨﺎﺱ ﻟﻮ ﺷﺎﻓﻮﻫﻪ ﻭﺳﻤﻌﺘﻪ ﻭﺍﻫﻠﻪ ﻳﻌﻨﻲ ﺍﻟﻌﺎﻟﻢ ﻣﺎﺗﻜﻮﻝ ﺑﻨﺖ ﻓﻼﻥ ﺷﻌﺪﻫﻪ ﻻﻃﺸﻪ ﺑﺼﺪﺭ ﻭﺍﻟﻜﻴﻪ ﻓﺎﺭﻏﻪ
ﻭﺍﻧﻪ ﺷﺪﺭﺍﻧﻲ ﺷﻮ ﻛﻠﺒﺘﻲ ﻋﻠﻴﻪ ﻳﻠﻪ ﻛﻤﻠﺖ ﺍﻟﺰﻻﻃﻪ ﺻﺒﻲ ﺭﺍﺡ ﺍﻟﻤﻠﻢ ﻏﺮﻓﺘﻨﻪ ﺑﻴﻦ ﻣﺘﻜﻤﻠﻴﻦ
ﻫﺰﻳﺖ ﺭﺍﺳﻲ ﺭﻭﺣﻲ ﻭﻛﻞ ﻋﻘﻠﻲ ﺩﻣﻲ ﻣﺤﺘﺮﻙ ﺷﻠﻮﻥ ﺍﻟﺒﻨﺎﺕ ﺗﺴﻮﻱ ﻫﻴﺞ ﻭﻣﺎﺗﻔﻜﺮ ﺑﻬﻠﻬﺎ ﺷﻠﻮﻥ ﺗﺎﺍﻣﻦ ﻭﺷﻠﻮﻥ ﻳﻨﻄﻴﻬﺎ ﻛﻠﺒﻪ ﺗﺨﻮﻥ ﺛﻘﺘﻬﻢ
ﺣﺴﻴﺖ ﻧﻔﺲ ﻭﺭﺍﻳﻪ ﻧﺪﺭﺕ ﻭﺷﻬﻜﺖ ﻣﻦ ﻗﺮﺑﻮ ﻏﻤﻀﺖ ﺻﺎﻣﻪ ﺣﻠﻜﻲ ﻣﻴﻞ ﺭﺃﺳﻪ ﺭﺍﻓﻊ ﺣﺎﺟﺒﻪ ﻣﺒﺘﺴﻢ ﺗﻚ ﺧﺪ
ﺷﺒﻴﺞ؟
ﺟﻔﻠﺘﻨﻲ ﺛﺎﻣﺮ
ﺟﺮ ﻋﻴﻨﻪ ﻭﻣﺪ ﺍﻳﺪﻩ ﻓﻴﺖ ﻣﻦ ﻳﻢ ﺟﺘﻔﻲ ﺍﺧﺬ ﺧﻴﺎﺭﻩ ﺧﻼﻫﻪ ﺑﺤﻠﻜﻪ ﻭﺗﻠﻔﺖ ﻋﻠﻰ ﺑﺎﺏ ﺍﻟﻤﻄﺒﺦ ﻭﺭﺩ ﻗﺮﺏ ﺭﺃﺳﻪ ﺑﺴﺘﻔﻬﺎﻡ ﺳﺌﻞ
ﻣﻨﻮ ﺧﻼﻟﺞ ﻫﺬﺍ ﺍﻟﺨﻂ ؟
ﺑﻠﻌﺖ ﺭﻳﻚ ﻋﺰﻩ ﺳﻤﻌﻨﻲ ﻧﺘﺮ
ﻣﻮﻭﻭﻳﺎﺝ
ﺷﻨﻮ
ﺍﺑﻮ ﺍﻟﺨﻂ ﻣﻨﻮ ﻫﺬﺍ ﻭﻣﻨﻮ ﺧﻼﻟﺠﻴﺎﻩ
ﻡ ﻡ ﻣﺎ ﻣﺎﺩﺭﻱ ﺧﺎﻟﻮ ﺧﺎﻟﻮ ﻓﺎﺭﺱ ﺍﻭﻝ ﻣﻨﺰﻟﻪ ﻫﻴﻦ
ﺑﻌﺪ ﻻﺗﺮﻭﺣﻴﻦ ﻭﻳﺎﻩ
ﻓﻜﻴﺖ ﻋﻴﻨﻲ ﻧﺼﻰ ﻭﺭﻓﻊ ﺭﺃﺳﻪ ﻭﻋﻴﻨﻪ ﻣﺮﻛﺰﻩ ﻋﻠﻴﻪ ﻓﻬﻴﺖ ﻭﻓﺮ

ﺭﺃﺳﻪ
ﺳﻤﻌﺘﻲ
ﺳﻜﺘﺖ ﻭﺭﻛﻀﺖ ﻟﻠﻐﺮﻓﻪ ﺍﻟﻄﻢ ﻋﻠﻰ ﻭﺟﻬﻲ ﻟﺒﻨﻰ ﻣﺮﻳﻢ ﺩﺍﻳﺮﻱ ﻣﺪﺍﺭﻳﺮﻱ ﻭﺍﺣﺠﻴﻠﻬﻢ ﺛﺎﻣﺮ ﺳﻤﻌﻨﻲ ﻛﻌﺪﺕ ﻭﻓﺎﺗﺖ ﻣﺎﻣﺎ ﺗﻜﻠﻲ ﺍﺗﺮﻛﻲ ﺍﻟﺨﻂ ﺑﻌﺪ ﺍﺧﻮﺝ ﺳﻴﻒ ﻳﻮﺩﻳﺞ ﺑﻴﻦ ﻣﺎﻧﺸﻮﻓﻠﺞ ﻏﻴﺮﻭ ﻫﺴﺎﻉ ﺛﺎﻣﺮ ﻳﺴﻮﻟﻒ ﺑﻲ ﻳﻜﻮﻝ ﺳﺎﻣﻊ ﻋﻠﻴﻪ ﻣﻮﺧﻮﺵ ﺍﺩﻣﻲ ﺳﺘﺮﻱ ﻋﻠﻴﻨﺎ ﻧﺤﻨﺎ ﻣﺎﺑﺪﻳﺮﺗﻨﻪ ﻭﻣﺎﻧﺤﺰﺭ ﺍﻟﻨﺎﺱ ﻫﻴﻦ
ﺳﻜﺘﺖ ﻭﻧﻔﺬﺕ ﺑﺲ ﻣﻦ ﻳﻮﻣﻬﺎ ﻣﺎﻋﺪﺕ ﺍﺗﻮﺍﺟﻪ ﻭﻳﻪ ﺛﺎﻣﺮ ﺳﻴﻒ ﺻﺎﺭ ﻳﻮﺩﻳﻨﻲ ﻭﻳﺠﻴﺒﻨﻲ ﻭﺣﻴﻞ ﻣﺘﻤﻠﻞ ﻭﻣﺎﻟﻮ ﺧﻠﻚ ﻫﻮﺳﻪ ﺍﻟﺤﻠﻪ ﻭﻣﺰﺍﺣﻢ ﺍﻟﺨﻄﻮﻁ ﺣﺎﻭﻝ ﻳﺨﻠﻴﻨﻲ ﺑﺨﻂ ﻟﺒﻨﻰ ﻭﻣﺮﻳﻢ ﻭﻣﺎﺭﻫﻤﺖ ﻣﻘﺒﻂ ﻭﺍﺣﻨﺎ ﺍﺻﻼ ﺟﻴﻨﻪ ﻓﺎﻳﺖ ﻭﻛﺖ ﻳﺎﺩﻭﺏ ﺣﺼﻠﻨﻪ ﺧﻄﻮﻁ
ﻓﻲ ﻭﻗﺖ ﺁﺧﺮ
ﻣﺮﺍﺕ ﺍﺷﻮﻓﻚ ﺣﻠﻢ
ﻣﺮﺍﺕ ﺍﺷﻮﻓﻚ ﻃﻴﻒ
ﻳﻠﺒﻴﻚ ﺑﺮﺩ ﺍﻟﺸﺘﺎ
ﻭﻳﻠﺒﻴﻚ ﺣﺮ ﺍﻟﺼﻴﻒ
ﺍﻧﺖ ﺍﻟﻤﻠﺘﺪﺭﻱ ﺑﺤﺎﻟﻲ ﻭﻻ ﺑﻤﺮﻱ
ﺗﺮﻭﺡ ﻭﺗﻐﻴﺐ ﻭﺗﺠﻲ ﻭﺗﻤﺮﻧﻲ ﻣﻦ ﺍﻟﻀﻴﻒ
ﻋﻤﺮ .... ﺍﻟﻠﻪ ﺍﻟﻠﻪ ﻫﻴﺜﻢ ﻣﺮﻩ ﻭﺣﺪﻩ ﻭﻝ ﻳﺮﺑﻚ ﺷﺠﺎﻙ ﻛﺎﻟﺐ ﺍﻟﻤﺠﺎﻥ ﺳﻴﻨﻤﺎ ﻭﺭﺍﻳﺪﻟﻪ ﺑﺲ ﺍﺧﻠﻲ ﺑﺎﻛﻴﻴﺖ ﻛﻠﻴﻨﺲ ﻭﺍﻛﻌﺪ ﺍﺑﺠﻲ
ﻓﺎﺭﺱ .... ﻋﻤﺮ ﻭﻟﻴﺮﺣﻢ ﺍﻫﻠﻚ ﻣﺎﻟﻲ ﺧﻠﻜﻚ ﻓﻚ ﻣﻨﻲ ﻳﺎﺧﻪ ﺍﻧﻪ ﺭﻭﺣﻲ ﻣﻮ ﻃﺎﻳﻘﻪ
ﻭﻋﻠﻴﺶ ﻳﺎﺑﻪ ﻋﻠﻴﺶ ﺷﻮ ﺍﻧﺖ ﺟﺎﻳﺒﻪ ﻟﺮﻭﺣﻚ ﺍﺣﺪ ﻛﺎﻟﻚ ﺣﺐ ﻭﺗﺰﻭﺝ ﻳﺎﻣﺎ ﻛﺘﻠﻚ ﺿﻞ ﻃﻴﺮ ﺣﺮ ﻣﺜﻞ ﺧﻮﻳﻚ ﺑﺲ ﺍﻧﺖ ﺗﻤﻮﺕ ﻋﻠﻰ ﻣﻐﺜﻪ ﺭﻭﺣﻚ ﺑﻴﻬﺎ ﻫﺴﻪ ﻟﻮ ﺗﺴﻮﻟﻔﻠﻲ ﺷﺒﻴﻚ ﺟﺎﻥ ﺭﺗﺎﺣﻴﺖ ﺷﻮ ﺗﻔﺎﺻﻠﺖ ﻭﻳﻪ ﺍﺧﻮﻙ ﻭﺷﻐﻠﻪ ﻭﻋﻔﺘﻚ ﺍﻫﻠﻚ ﻭﺣﺮﻣﺘﻚ ﻭﻣﺤﻠﻔﻨﻲ ﻣﺎﺩﻟﻴﻬﻢ ﻣﺠﺎﻧﻚ ﺗﺮﺍﻙ ﺣﻴﺮﺗﻨﻲ ﻭﺧﻠﻴﺖ ﺭﺍﺳﻲ ﻫﻞ ﻛﺒﺮﻭ
ﻋﻤﺮ ﺍﺫﺍ ﺍﻧﻪ ﻣﺜﻜﻞ ﻋﻠﻴﻚ ﺍﻃﻠﻊ ﺗﺮﻩ ﺍﺭﺽ ﺍﻟﻠﻪ ﻭﺍﺳﻌﻪ ﺍﻛﻌﺪ ﺑﻔﻨﺪﻕ ﺍﺍﺋﺠﺮ ﻟﻮ ﺍﺭﺩ ﻟﻠﻔﻠﻮﺟﻪ ﻭﺍﺧﻠﺺ
ﺍﻱ ﻓﻠﻮﺟﻪ ﺍﻟﻠﻪ ﻳﺜﺒﺮﻙ ﺍﻧﺖ ﺗﺮﻳﺪ ﺗﺮﻭﺡ ﻟﻠﻤﻮﺕ ﺑﺮﺟﻠﻴﻚ ﻳﻮﻝ ﻟﻮﻣﺎﺷﺎﻟﻚ ﺍﻟﻤﺠﺎﻥ ﺍﺷﻴﻠﻚ ﻋﻠﻰ ﺭﺍﺳﻲ ﺑﺲ ﺗﻌﺮﻓﻨﻲ ﺍﻟﻔﻀﻮﻝ ﻳﻘﺮﺍ ﺍﻟﻒ ﻭﺣﺎﻳﺮ ﺑﻴﻚ ﻭﺿﻌﻚ ﻛﺎﺳﺮ ﺿﻬﺮﻱ ﻭﻫﻢ ﻣﺎﺿﻐﻂ ﻋﻠﻴﻚ ﺑﺮﺍﺣﺘﻚ ﻻﺗﺤﺠﻲ ﻭﺧﻠﻴﻨﻲ ﺍﻓﺮ ﺑﺬﻧﻲ ﺑﺲ ﻻ ﺗﺰﻋﻞ
ﺻﺮﻓﺖ ﺍﻟﻮﺭﻕ ﺍﻟﻜﺘﻠﻚ ﻋﻠﻴﻪ ؟
ﻋﺠﻞ ﺷﻠﻮﻥ ﻣﺎﺻﺮﻓﺘﻮ ﺫﻧﻲ ﺍﻛﻀﺐ ﻓﻠﻮﺳﻚ ﻭﺣﺴﺒﻬﻢ
ﻣﺎﻳﺤﺘﺎﺝ ﻣﺎﺣﺴﺐ ﻭﺭﺍﻙ ﺍﻧﻪ ﺭﺍﺡ ﺍﺭﻭﺡ ﻻﻡ ﺍﻳﻬﻢ ﺍﺟﻴﺐ ﺍﻳﻬﻢ ﺍﻭﺻﻠﻪ ﻟﻠﻌﻤﺎﺭﻩ ﻭﺍﺭﺩ
ﻓﺎﺭﺱ ﺍﻧﺖ ﻟﺸﻮﻛﺖ ﺭﺍﺡ ﺗﻀﻞ ﺗﻨﻄﻲ ﻓﻠﻮﺱ ﻟﻬﻞ ﻣﺼﻜﻮﻋﻪ ﺗﺎﺗﺨﺬﻭﻥ ﺍﺑﻨﻪ ﻭﻝ ﺑﺤﻴﺎﺗﻲ ﻣﻮ ﺷﺎﻳﻒ ﺍﻡ ﺗﺒﻴﻊ ﺿﻨﺎﻫﻪ
ﺍﻟﻴﻌﻴﺶ ﺑﻬﺎﻱ ﺍﻟﺤﻴﺎﻩ ﻳﺸﻮﻑ ﺟﺜﻴﺮ ﻭﻫﺎﻱ ﺍﻟﺤﺮﻣﻪ ﻋﻴﻨﻪ ﻛﻮﻳﻪ ﺟﻨﺖ ﻣﻔﻜﺮ ﻟﻮ ﻫﻤﻠﻨﺎﻫﻪ ﻣﻠﺖ ﻭﺯﺗﺖ ﺍﺑﻨﻪ ﺣﺘﻰ ﻟﻮ ﻣﻌﺬﺑﻬﺎ ﻭﻣﻮﻃﺎﻳﻖ ﻳﻌﻴﺶ ﻳﻤﻬﺎ ﺑﺲ ﻣﺎﻃﺨﺖ ﺭﺃﺱ ﻭﺳﻮﺗﻪ ﻭﺍﻟﻌﻨﺪﻱ ﺍﻋﺮﻓﻪ ﻣﺎﺗﻌﻴﺶ ﺩﻭﻧﻮ
ﻋﺠﻞ ﻭﺍﻧﺖ ﺗﻌﻴﺶ ﺩﻭﻧﻪ
ﺳﻜﺖ
ﻓﺎﺭﺱ ﻻﺗﻐﺎﻟﻂ ﺭﻭﺣﻚ ﺷﻮﻑ ﺷﺼﺎﻳﺮ ﺑﺤﺎﻟﻚ
ﻋﻤﺮﻱ ﺗﺮﻛﻨﻲ ﻭﻫﻞ ﻣﻮﺿﻮﻉ ﻻﺗﺠﻴﺐ ﻃﺎﺭﻳﻮ ﻳﻠﻪ ﺍﺗﺮﺧﺺ
ﺍﺩﻳﺎﻥ ... ﻣﺜﻞ ﻛﻞ ﻳﻮﻡ ﻛﺎﻋﺪﻩ ﺻﺎﻓﻨﻪ ﺩﺍﺧﻠﻲ ﻣﺘﻔﻠﺶ ﻭﺑﻲ ﺑﺮﻭﺩ ﻋﺠﻴﺐ
ﻣﺎﻣﺎ ﺑﻌﺪﻩ ﻋﻠﻰ ﻣﻮﻗﻔﻪ ﻭﺣﻠﻔﺎﻧﻪ ﻣﺘﺒﻘﻰ ﻫﻨﺎ ﻭﺍﻟﻲ ﻣﺒﻘﻴﻬﺎ ﺣﻤﻠﻲ ﻭﺿﻌﻲ
ﻳﻮﻡ ﻭﺭﻩ ﻳﻮﻡ ﺷﻲ ﺑﻴﻪ ﻧﺎﺣﻴﻪ ﻓﺎﺭﺱ ﺑﺮﺩ ﺣﺘﻰ ﺯﻭﺍﺟﻪ ﻛﺪ ﻣﻠﺠﻢ ﻛﻠﺒﻲ ﻛﺪ ﻣﺪﺍﺱ ﻋﻠﻴﻪ
ﻟﻴﺶ ﺩﺍﻏﺎﻟﻂ ﺭﻭﺣﻲ ﺍﻥ ﻛﺎﻥ ﻣﺘﺰﻭﺝ ﺃﻭ ﻣﻄﻠﻚ ﻭﺭﺟﻌﻬﺎ ﻫﺴﻪ ﻫﻴﻪ ﻧﻔﺲ ﺍﻟﺤﺮﻛﻪ ﻭﻧﻔﺲ ﺍﻟﺠﻤﻪ
ﻧﻔﺲ ﺍﻟﻨﺎﺭ ﻻﻗﻠﺖ ﻭﻻ ﻃﻔﺖ
ﺍﻟﻲ ﻣﺼﺒﺮﻧﻲ ﻭﻣﻘﻮﻳﻨﻲ ﺑﺲ ﻃﻔﻠﻲ
ﺣﻴﻞ ﻣﻨﺘﻀﺮﺗﻪ
ﻫﻮﺍﻱ ﻣﺘﻠﻬﻔﻪ ﻋﻠﻴﻪ
ﺑﻲ ﻋﻮﺿﻲ
ﻭﻫﺬﺍ ﻫﺪﻳﺘﻲ
ﺍﺭﺑﻲ ﺍﺣﺴﻦ ﺗﺮﺑﻴﻪ
ﻫﻮﻩ ﻟﻴﻄﻴﺐ ﺧﺎﻃﺮﻱ ﻭﻳﺪﺍﻭﻱ ﺟﺮﻭﺣﻲ
ﺃﻳﺎﻡ ﺍﺗﻠﻤﺲ ﺑﻄﻨﻲ ﻭﺣﺴﺐ ﺍﻳﺎﻣﻪ ﻭﻣﻦ ﺍﺧﺘﻠﻲ ﺑﺮﻭﺣﻲ ﺍﺑﺠﻲ
ﺍﻧﻲ ﺷﺤﺼﻠﺖ ؟
ﺣﺒﻴﺖ ﻭﻧﺨﺪﻋﺖ
ﺗﺰﻭﺟﺖ ﻭﻧﻄﻌﻨﺖ
ﺣﺒﻠﺖ ﻭﻣﻌﺸﺖ ﻫﻞ ﻓﺮﺣﻪ
ﻟﺤﻀﻪ ﻟﺤﻀﻪ
ﻣﻮﻓﻖ ﻣﻮﻓﻖ ﺃﺫﻛﺮ ﻓﺎﺭﺱ ﻭﻟﻬﻔﺘﻪ ﺑﺤﻤﻠﻲ ﻭﺍﻏﻤﺾ ﺍﺑﺠﻲ ﺃﻛﺜﺮ
ﺷﻮﻥ ﻣﺤﺴﻴﺖ ﻭﺭﺍﺟﻊ ﺍﻛﻮﻝ ﺧﻠﺺ ﻫﺎﻱ ﻗﺴﻤﺘﻲ ﻭﻫﺬﺍ ﺧﺘﺒﺎﺭ
ﺣﺘﻰ ﻏﻠﻄﺖ ﺧﺮﻭﺟﻲ ﺑﻴﻪ ﺣﻜﻤﻪ ﻳﺠﻮﺯ ﺣﺘﻰ ﺗﻴﺼﻴﺮ ﻋﺒﺮﻩ ﻟﻐﻴﺮﻱ
ﻫﺪﻭﺀ ﻣﺮﻋﺐ ﺑﻠﺸﻘﻪ ﻣﺎﻣﺎ ﺣﻴﻞ ﺗﺌﺬﺕ ﺑﻠﻔﺘﺮﻩ ﺍﻻﺧﻴﺮﻩ ﻭﻧﻄﻮﺕ
ﻣﺎﻣﺎ ﻋﺰﻳﺰﻩ ﻧﻔﺲ ﻭﻣﻦ ﺗﻨﻬﺎﻥ ﺗﺘﻤﺮﺽ
ﻣﺘﻘﺮﺑﺖ ﻳﻤﻬﺎ ﻧﺺ ﺍﻟﺒﻴﻬﺎ ﻣﻨﻲ
ﻋﺬﺭﺍﺀ ﻋﺎﻳﺸﻪ ﺑﻌﺎﻟﻤﻪ ﻭﺍﺣﺲ ﻋﺪﻫﻪ ﺷﻲ ﻣﺪﺍﻋﺮﻓﻪ ﻫﻮﺍﻱ ﺗﺴﺌﻞ ﻋﻦ ﻓﺎﺭﺱ ﻭﺍﻫﻠﻪ ﻭﺩﻭﻡ ﺩﻛﻮﻝ
ﻫﻢ ﺗﻨﺼﻠﺤﻮﻥ ﻫﻢ ﺗﺮﺟﻌﻮﻥ ﻭﺗﺮﺟﻊ ﺗﺮﺳﻢ ﻭﺗﺒﺪﻉ ﻭﻛﻞ ﺭﺳﻤﻪ ﺑﻴﻬﺎ ﺍﻟﻒ ﻣﻌﻨﻰ ﻭﻏﺎﻟﻂ ﺭﻭﺣﻲ ﺍﻛﻮﻝ ﻟﺒﺎﻟﻲ ﻣﻮ ﺻﺤﻴﺢ
ﻫﻮﺍﻱ ﻋﻼﻗﺘﻪ ﻗﻮﺕ ﺑﺴﺠﻰ ﺗﻠﻴﻔﻮﻧﺎﺕ ﻭﺳﻮﺍﻟﻒ ﻭﺿﺤﻚ ﻣﺎﻟﻪ ﺁﺧﺮ ﻭﻛﻞ ﻣﺎﺭﻳﺪ ﺍﺣﺠﻲ ﻣﺎﺗﺠﺮﻯ ﻭﻣﺨﻠﻴﻪ ﻛﻠﺸﻲ ﻟﻮﻛﺘﻪ
ﺭﺟﻌﺖ ﺍﻋﻴﺶ ﻟﺮﻭﺣﻲ ﻭﺭﺟﻌﺖ ﻟﻤﺼﺤﻔﻲ ﻭﺳﺠﺎﺗﻲ ﻟﻤﺎﻋﻨﺪﻱ ﻏﻴﺮﻫﻢ
ﻛﺪ ﻣﺎﺑﻴﻪ ﺍﺣﺎﻭﻝ ﺍﺗﻨﺎﺳﻪ ﻟﺼﺎﺭ
ﻭﻻﻳﻮﻡ ﻓﻜﺮﺕ ﺍﺳﺌﻞ ﻭﻳﻨﻪ ﻟﻮ ﺷﺼﺎﺭ ﺑﻲ ﺭﻏﻢ ﺍﻡ ﺧﻄﺎﺏ ﻭﺍﻟﺤﺠﻴﻪ ﻭﺍﻡ ﺛﺎﻣﺮ ﺩﻭﻡ ﻳﺴﺌﻠﻮﻥ ﻭﻳﺨﺎﺑﺮﻭﻥ ﻭﺍﻧﻲ ﻋﻠﻰ ﻣﻮﻗﻔﻲ
ﺟﻨﺖ ﻣﻜﺘﻔﻴﻪ ﻣﻦ ﻟﺼﺎﺭﻟﻲ ﻭﻣﻌﺎﻗﺒﻪ ﺭﻭﺣﻲ ﻭﻗﺎﻧﻌﺘﻪ ﺍﻧﻲ ﻣﻦ ﺑﺪﺍﻳﺘﻲ ﻏﻠﻂ
ﺣﺒﻲ
ﺯﻭﺍﺟﻲ
ﻋﻴﺸﺘﻲ ﻭﻳﺎﻩ
ﻓﻜﺮﺕ ﻫﺮﻭﺑﻲ
ﻛﻠﻪ ﻏﻠﻂ ﺑﻐﻠﻂ
ﺍﻧﺴﺎﻥ ﺑﻌﻴﺪ ﻋﻨﻲ ﻛﻞ ﺍﻟﺒﻌﺪ
ﻻﺑﻴﺌﺘﻲ ﻣﻦ ﺑﻴﺌﺘﻪ ﻭﻻﺗﻔﻜﻴﺮﻱ ﻣﺜﻞ ﺗﻔﻜﻴﺮﻩ
ﻭﻻ ﻧﺼﻠﺢ ﻧﻜﻮﻥ ﺳﻮﻩ
ﻭﻫﻤﺖ ﺭﻭﺣﻲ ﺍﻧﻲ ﻗﻮﻳﻪ ﺍﻧﻲ ﺍﺑﻨﻲ ﺍﻧﻲ ﺍﺳﻮﻱ
ﻭﻛﻠﺸﻲ ﻣﻦ ﺍﻟﺮﺩﺗﻪ ﻣﺼﺎﺭ
ﻻ ﻧﻌﺪﻝ
ﻭﻻ ﻧﺼﻠﺢ
ﻭﻻ ﺑﻄﻞ ﺷﺮﺏ
ﻟﺤﺪ ﺍﺧﺮ ﻣﺮﻩ ﻫﻮﻩ ﺍﺳﻮﺀ ﻣﻦ ﻗﺒﻞ
ﺷﺘﺮﺟﻪ ﻣﻨﻪ
ﺷﺘﺌﻤﻞ ﺑﻌﺪ
ﺧﻠﺺ ﺍﻋﻴﺶ ﻟﻨﻔﺴﻲ ﻭﺍﺑﻨﻲ ﻭﻣﻦ ﺑﻴﺘﻪ ﻣﺎﻃﻠﻊ ﻻﻥ ﻣﺴﺘﺤﻴﻞ ﺍﺷﺮﺩ ﺍﺑﻨﻲ
ﻣﺴﺘﺤﻴﻞ ﺃﻋﻴﺸﻪ ﺍﻟﺠﻮﻉ ﻭﺍﻟﻌﻄﺶ ﺍﻟﺒﺮﺩ ﻭﺍﻟﺤﺮ ﻟﻌﺸﺘﻪ
ﺧﻠﺺ ﻫﺬﺍ ﺧﻴﺮ ﺍﺑﻮ ﻭﻫﻮﻩ ﻳﻌﻴﺶ ﺑﻲ
ﻛﻢ ﻣﺮﻩ ﺳﺌﻠﺘﻨﻲ ﻣﺎﻣﺎ ﻭﻫﻴﺞ ﺟﺎﻭﺑﺘﻪ ﺑﺘﺴﻤﺖ ﻭﺭﺩﺕ
ﻟﻌﺪ ﻭﻳﻦ ﺟﺎﻥ ﻫﺬﺍ ﻛﻼﻣﺞ ﻣﻦ ﻃﻠﻌﻨﻪ
ﻭﻳﻦ ﺟﺎﻥ ﻋﻘﻠﺞ ﺍﻟﺪﻳﻔﻜﺮ ﻫﻴﺞ ﻣﻦ ﺑﺬﻳﺞ ﺍﻟﻴﻠﻪ ﻃﻠﻌﺘﻴﻨﻪ
ﺍﺳﻜﺖ ﻭﺍﺭﺩﺩ
ﻗﺪﺭ ﺍﻟﻠﻪ ﻭﻣﺎ ﺷﺎﺀ ﻓﻌﻞ
ﺍﻳﻬﻢ ﻏﺼﻪ ﺑﻜﻠﻲ ﻭﻧﺎﺭ ﺗﻠﻬﺐ ﻋﻞ ﺑﻄﻴﻰ ﺍﻟﺸﻮﻙ ﻳﺎﺧﻨﻲ ﺍﻟﻪ ﻭﺩﻣﻮﻋﻲ ﺗﺸﺮﺡ ﺷﻮﻛﻲ ﻭﻟﻬﻔﺘﻲ ﻋﻠﻴﻪ ﺑﺲ ﻣﺎﺑﻠﻴﺪ ﺣﻴﻠﻪ ﺣﺘﻰ ﺻﻮﺗﻪ ﻣﺘﺨﻠﻴﻨﻪ ﻧﺴﻤﻌﻪ ﻭﻧﻌﺠﺰ ﻭﺍﺣﻨﺎ ﻧﺘﺼﻞ ﻣﺘﺠﺎﻭﺏ ﺗﺎﻟﻲ ﺳﻠﻤﺘﻪ ﺑﻴﺪ ﺍﻟﻠﻪ ﻫﻴﻪ ﻭﻳﻪ ﺗﺘﺠﺎﺯﻩ ﻭﺿﻠﻴﺖ ﺍﺩﻋﻲ ﺗﺤﺒﻪ ﻭﻳﺤﻨﻦ ﻛﻠﺒﻪ ﻋﻠﻴﻪ ﻭﻫﻮﻩ ﻳﺤﺒﻪ ﻭﻳﺘﻌﻠﻢ ﻋﻠﻴﻬﺎ
ﺍﻟﻠﻪ ﻳﻠﺪﻧﻴﻪ ﺷﻜﺪ ﺧﺒﻴﺜﻪ ﺷﻜﻮ ﺷﻲ ﻧﺤﺒﻪ ﻭﻧﺘﻌﻠﻖ ﺑﻲ ﺗﺎﺧﺬﻩ ﻣﻨﺎ
ﺑﺎﺑﺎ
ﺍﺧﻮﺍﻧﻲ
ﺑﻴﺘﻨﻪ
ﺍﻳﻬﻢ
ﻓﺎﺭﺱ
ﻭﺑﻌﺪ ﻣﻨﻮ ﺭﺍﺡ ﺗﺎﺧﺬ ﻣﺎﺩﺭﻱ ؟
ﻛﻞ ﻫﺬﺍ ﻭﻣﺎﺯﻟﺖ ﺍﺭﺩﺩ
} ﻭَﻋَﺴَﻰ ﺃَﻥْ ﺗَﻜْﺮَﻫُﻮﺍ ﺷَﻴْﺌًﺎ ﻭَﻫُﻮَ ﺧَﻴْﺮٌ ﻟَﻜُﻢْ ﻭَﻋَﺴَﻰ ﺃَﻥْ ﺗُﺤِﺒُّﻮﺍ ﺷَﻴْﺌًﺎ ﻭَﻫُﻮَ ﺷَﺮٌّ ﻟَﻜُﻢْ ﻭَﺍﻟﻠَّﻪُ ﻳَﻌْﻠَﻢُ ﻭَﺃَﻧْﺘُﻢْ ﻟَﺎ ﺗَﻌْﻠَﻤُﻮﻥَ {
ﻫﺎﻱ ﺍﻵﻳﻪ ﻣﻦ ﺍﺫﻛﺮﻩ ﺷﻲ ﺑﻴﻪ ﻳﺒﺮﺩ ﻭﻳﺮﺗﺎﺡ ﻭﺭﺍﺟﻊ ﺍﻗﻮﻱ ﺭﻭﺣﻲ ﻭﺍﺑﻨ

ﻴﻪ ﺷﻮﻳﻪ ﺷﻮﻳﻪ
ﻓﺰﻳﺖ ﻣﻦ ﺻﻔﻨﺘﻲ ﻭﻳﻪ ﻣﻨﺪﻛﺖ ﺑﺎﺏ ﺍﻟﺸﻘﻪ ﻭﻋﺬﺭﺍﺀ ﺗﺪﺭﺩﻡ
ﺍﻱ ﺍﻱ ﺍﻛﻮ ﻭﺍﺣﺪ ﻫﻴﺞ ﻳﺪﻙ ﺍﻟﺒﺎﺏ
ﻭﺍﻧﻲ ﺍﺭﺩﻩ ﻭﺝ ﻋﻴﺐ ﺻﻮﺗﺞ ﻓﺘﺤﻲ ﺍﻟﺒﺎﺏ ﻭﺳﻜﺘﻲ
ﻭﻫﻴﻪ ﻭﺭﻩ ﺍﻟﺒﺎﺏ ﺗﻌﻴﺐ ﻭﺗﻠﻒ ﺑﺸﺎﻟﻪ ﺗﺴﻮﻱ ﺣﺮﻛﺎﺕ ﺍﺑﻮ ﻋﻠﻲ ﺍﻟﺤﺎﺭﺱ ﺗﺪﺭﻱ ﻣﺤﺪ ﻳﺪﻙ ﺑﺎﺏ ﺷﻘﺘﻨﻪ ﻏﻴﺮﻩ ﻣﻦ ﻳﺠﻴﺐ ﺍﻟﻤﺴﻮﺍﻙ ﻭﺍﻧﻲ ﺻﺎﻓﻨﻪ ﻋﻠﻴﻬﺎ
ﻭﺝ ﻓﺘﺤﻲ ﺍﻟﺒﺎﺏ
ﻭﺍﻟﻠﻪ ﻣﺎﻓﺘﺤﻪ ﺍﻟﻪ ﺍﺷﻠﻊ ﻛﻠﺒﻪ ﺩﺍﺷﻮﻑ ﺟﺎﻫﻞ ﻫﻴﺞ ﻳﺪﻛﻪ
ﺗﻮﺟﻴﺖ ﻋﻠﻰ ﻗﻨﻔﻪ ﻭﻛﻤﺖ ﻻﺯﻣﻪ ﺑﻄﻨﻲ ﺍﺷﺮﺕ
ﻛﻌﺪﻱ ﺑﻄﻪ ﻛﻌﺪﻱ ﻟﺨﺎﻃﺮﺝ ﺭﺍﺡ ﺍﻓﺘﺤﻪ ﺳﺘﺨﻄﻴﺘﺞ
ﻭﻛﻔﺖ ﺍﻫﺰ ﺑﻴﺪﻩ ﻭﺟﻤﺪﺕ ﻣﻦ ﺳﻤﻌﺖ ﺻﻮﺗﻪ ﻭﺷﻔﺖ ﻃﻮﻟﻪ ﻛﺒﺎﻟﻲ ﻳﻤﻪ ﻛﻠﺒﻲ ﻧﻄﺖ ﻭﺻﺤﺖ ﻛﻞ ﺣﺴﻲ ﻓﺎﺗﺤﻪ ﺍﻳﺪﻱ
ﺍﺍﺍﺍﺍﺍﻳﻬﻢ
ﻭﺭﻛﺾ ﻣﻦ ﺣﻀﻦ ﻋﺬﺭﺍﺀ ﻟﺤﻀﻨﻲ ﻛﻌﺪﺕ ﻟﺤﻴﻠﻲ ﺣﺎﺿﻨﺘﻪ ﻛﻞ ﻗﻮﺗﻲ ﺍﺑﺠﻲ ﻭﺍﺑﻮﺱ ﺑﻲ ﻭﻣﺎﻣﺎ ﺗﺠﺮﻩ ﻣﻨﻲ ﻟﺤﻀﻪ ﻭﺑﻌﺪﻧﻲ ﻻﺯﻣﻪ ﻭﺟﻬﻪ ﺑﻴﺪﻱ
ﺍﻳﻬﻢ ﻣﺎﻣﺎ ﻣﻨﻮ ﺟﺎﺑﻚ
ﻋﻤﻮﻭ ﻋﻦ ﻋﻦ ﻭﺷﻼﻟﻲ
ﺭﻓﻌﺖ ﺭﺃﺳﻪ ﻋﺬﺭﺍﺀ
ﻭﺝ ﺍﺩﻳﺎﻥ ﻳﻌﻨﻲ ﻓﺎﺭﺱ ﺟﺎﻳﺒﻪ ﺑﻠﺴﻴﺎﺭﻩ ﻭﻣﺸﺘﺮﻳﻠﻪ
ﻭﻛﻔﺖ ﻛﻠﺒﻲ ﺧﻔﻚ ﺑﻌﺪﺗﻪ ﻭﺗﻤﺸﻴﺖ ﻟﻠﺸﺒﺎﻙ ﻓﻜﻴﺘﻪ ﺷﻔﺖ ﺑﺲ ﺳﻴﺎﺭﺗﻪ ﻭﺃﺑﻮ ﻋﻠﻲ ﻣﺎﺩ ﺭﺃﺳﻪ ﻳﺤﺎﺟﻲ
ﺗﺨﺸﺒﺖ ﻭﺭﺟﻠﻴﻪ ﺻﺎﺭﻭ ﺧﻴﻮﻁ
ﻋﻴﻨﻲ ﺗﺮﻛﺰﺕ ﻋﻠﻰ ﺍﻳﺪﻩ ﻟﻄﺎﻟﻌﻪ ﻣﻦ ﺑﺎﺏ ﺍﻟﺴﻴﺎﺭﻩ ﻭﻛﺎﻣﺸﻪ ﻟﺠﻜﺎﺭﻩ ﺣﺘﻰ ﻧﻜﺜﺖ ﺇﺻﺒﻌﻪ ﻋﻴﻨﻲ ﻛﺪ ﻣﻤﺮﻛﺰﻩ ﺷﺎﻓﺘﻪ ﻭﺍﻭﻋﻪ ﻋﻠﻰ ﺭﻭﺣﻲ
ﺍﻧﻲ ﺷﺒﻴﻪ ﺗﺨﺒﻠﺖ ﻫﺴﻪ ﻳﺸﻮﻓﻨﻲ ﺷﻴﻜﻮﻝ ﻋﻠﻴﻪ
ﻛﻌﺪﺕ ﻧﺎﺳﻴﻪ ﺍﻳﻬﻢ ﺣﺎﻳﺮﻩ ﺑﺮﻭﺣﻲ ﺑﻜﻠﺒﻲ ﻟﺪﻳﻄﺐ ﻭﻏﻤﻀﺖ ﺣﻴﻞ ﺭﺑﻲ ﺷﻜﺪ ﻣﺘﻨﺎﻗﻀﻪ ﻟﺨﺎﻃﺮ ﺍﻟﻠﻪ
ﻭﻳﻦ ﻗﻮﺗﻲ ﻭ ﺷﻨﻮ ﻫﺬﺍ ﺣﺴﺎﺳﻲ ﻟﻤﺨﺮﺑﻂ
ﺟﻴﺖ ﺑﺤﻀﻨﻲ ﺍﻳﻬﻢ ﻟﻤﻴﺘﻪ ﺣﻴﻞ
ﻳﺎﺭﻭﺡ ﺍﻣﻚ ﺍﺣﻠﻰ ﻣﻔﺎﺟﻪ
ﺍﺣﻠﻰ ﻓﺮﺣﻪ ﻓﺎﺗﺖ ﻟﻜﻠﺒﻲ
ﻭﺍﺣﻠﻰ ﺻﺒﺎﺡ ﻫﺬﺍ ﻟﺸﻔﺘﻚ ﺑﻲ
ﻣﺎﻣﺎ ﺍﺿﻞ ﻧﻤﺞ
ﺿﻞ ﻳﻤﻲ ﻳﺮﻭﺣﻲ ﺿﻞ ﻟﻴﺶ ﻫﻮﻩ ﻟﻮ ﺑﻴﺪﻱ ﺍﻧﻲ ﺍﻧﻄﻴﻚ
ﻣﺎﻣﺎ ﻋﻤﻮ ﺷﻼﻟﻲ
ﻭﺭﻛﺾ ﻣﻦ ﺣﻀﻨﻲ ﻟﻠﺒﺎﺏ ﺟﺎﺏ ﻛﻼﻛﺘﻪ ﻟﻤﻠﻴﺎﻧﻪ ﺣﻠﻮﻳﺎﺕ ﻳﻜﻠﺐ ﺑﻴﻪ ﻭﻳﻀﺤﻚ ﻳﻔﺘﺢ ﻭﻳﺎﻛﻞ ﻭﻳﻄﺸﺮ ﻭﻣﺎﻣﺎ ﻃﺎﻳﺮﻩ ﺑﻲ
ﺣﻴﻞ ﺭﺗﺎﺣﺖ
ﻭﺟﻪ ﻭﺭﺩ
ﻗﻬﺮﻩ ﻧﻜﺘﻢ ﻭﺑﺲ ﻋﻴﻮﻧﻪ ﺗﻼﻟﻲ ﻓﺮﺣﺎﻧﻪ ﺑﻲ ﻭﻛﻨﻤﺎ ﺷﺎﻳﻔﻪ ﺣﺎﺯﻡ ﺑﻌﻴﻨﺎ ﻻﻥ ﻫﻮﻩ ﻧﺴﺨﻪ ﻣﻨﻪ
ﻓﻮﺗﺖ ﺍﻳﻬﻢ ﻋﻠﻴﻨﻪ ﻫﻮﺍﻱ ﻏﻴﺮﺕ ﺃﺷﻴﺎﺀ ﺭﺟﻊ ﻳﻔﺘﺮ ﺑﻴﻨﻪ ﺑﻀﺤﻜﻪ ﻭﻟﻌﺒﻪ ﻭﻣﺪﺍﻫﺮﻩ ﻭﻳﻪ ﻋﺬﺭﺍﺀ ﻭﺗﺎﻟﻲ ﻟﻴﻞ ﻳﺘﻮﺳﺪ ﺣﻀﻨﻲ ﺍﻳﺪﻩ ﻋﻠﻰ ﺑﻄﻨﻲ
ﻣﺎﻣﺎ ﺩﺍﺩﺍ
ﺍﻱ ﺣﺒﻴﺒﻲ ﺍﺧﻮﻙ
ﻳﻀﺤﻚ ﻭﻳﺒﻮﺱ ﺑﻄﻨﻲ ﻭﺑﺮﺟﻠﻪ ﻳﻜﻤﺰ ﺍﺧﻮﻙ ﺍﺧﻮﻙ
ﻛﻞ ﺣﺮﻛﻪ ﻣﻨﻪ
ﻛﻞ ﺿﺤﻜﻪ
ﺗﻤﻠﻴﻨﻲ ﺭﺍﺣﻪ
ﻭﻳﺴﺎﻓﺮ ﺑﺎﻟﻲ ﻳﻤﻪ
ﻟﻴﺶ ﺟﺎﺑﻪ
ﻫﻢ ﺩﻓﻊ ﻓﻠﻮﺱ
ﻳﻌﻨﻲ ﺍﺷﺘﺮﺍﻩ ﻋﻠﻤﻮﺩﻱ
ﻳﺪﺭﻱ ﻫﻮﻩ ﺭﺍﺣﺘﻲ ﻭﺳﻌﺎﺩﺗﻲ ﻭﻧﺴﺘﻲ ﻭﻣﺎﻛﺪﺭ ﺑﻠﻴﺎﻩ
ﻳﻌﻨﻲ ﻳﻌﺮﻑ ﺷﺤﺐ
ﻳﻌﺮﻑ ﺷﻜﺮﻩ
ﻟﻌﺪ ﻟﻴﺶ ﻗﺴﻪ ﻛﻠﺒﻪ ﻋﻠﻴﻪ
ﻏﻠﻄﺖ ﻭﻏﻠﻂ
ﻟﻴﺶ ﻣﺴﺎﻣﺢ
ﻟﻴﺶ ﻣﻐﻔﺮ
ﻟﻴﺶ ﺧﻠﻖ ﻫﺎﻱ ﻟﻔﺠﻮﻩ ﻭﻟﻴﻮﻥ ﺭﺍﺡ ﺗﻀﻞ ﻭﺷﻠﻮﻥ ﺭﺍﺡ ﺗﻨﺘﻬﻲ
ﻛﻤﻠﺖ ﺷﻬﺮ ﺍﻟﺴﺎﺑﻊ ﻳﻮﻣﻴﻦ ﻭﺍﻓﻮﺕ ﺑﻠﺜﺎﻣﻦ ﻭﻃﻮﻝ ﻫﺎﻱ ﺍﻟﻔﺘﺮﻩ ﺑﺎﺏ ﺍﻟﺸﻘﻪ ﻣﻄﺎﻟﻌﻪ ﻛﻢ ﻣﺮﻩ ﻣﺎﻣﺎ ﻃﻠﻌﺖ ﻭﺭﺟﻌﺖ ﺟﺎﻳﺒﺘﻠﻲ ﻗﻤﺎﺷﻪ ﺑﻴﻀﻪ ﺣﻴﻞ ﺣﺒﻴﺘﻪ ﻭﺍﺧﺬﻧﻲ ﺍﻟﻮﺍﻫﺲ ﺍﻛﻌﺪ ﺍﺧﻴﻄﻪ ﺛﻮﺏ ﻟﻠﻄﻔﻞ ﺍﺧﻴﻂ ﻓﺮﺣﺎﻧﻪ ﻣﺒﺘﺴﻤﻪ ﻭﺍﺗﺨﻴﻞ ﺷﻜﻠﻪ ﺑﻲ ﻭﺑﻄﻨﻲ ﻣﻐﺼﺘﻨﻲ ﺗﻮﻗﻔﺖ ﻣﺪﻳﺖ ﺭﺟﻠﻲ ﻭﺭﺟﻴﺖ ﺿﻬﺮﻱ ﻟﻴﻮﺭﻩ ﻋﻠﻰ ﻗﻨﻔﻪ
ﻣﺎﻣﺎ ﺑﺼﻔﻲ ﻭﺍﻳﻬﻢ ﻟﻌﺐ ﺟﻮﻟﻪ ﺑﻴﻪ ﺳﺎﻋﻪ ﻳﻀﻢ ﺍﻻﺑﺮﻩ ﻟﻮ ﻟﺒﻜﺮﻩ ﻭﺳﺎﻋﻪ ﻳﺸﻴﻞ ﻟﻤﻜﺺ ﻭﻋﺬﺭﺍﺀ ﺗﺮﻛﺾ ﻭﺭﻩ ﺗﻜﻔﺨﻪ ﻭﺍﺷﻴﻂ ﻟﻠﺴﺘﺎﺭ ﻋﻠﻴﻬﺎ ﻟﺤﺪ ﻣﺨﻨﺴﺖ ﻭﻣﺎﻣﺎ ﻣﻴﻠﺖ ﺭﺃﺳﻪ
ﺍﺩﻳﺎﻥ ﺷﺒﻴﺞ
ﻣﺎﻣﺎ ﺑﻄﻨﻲ
ﺍﺳﻢ ﺍﻟﻠﻪ ﺍﻟﺮﺣﻤﻦ ﺑﻌﺪﺝ ﺑﺜﺎﻣﻦ ﻣﻔﺎﻳﺘﻪ ﺷﺠﺎﺝ
ﻣﺎﻣﺎ ﻓﺪﻭﻩ ﺷﻮ ﺯﺍﺩﺕ
ﻳﺒﻮﻭﻭ ﻻﺗﻮﻫﺴﻴﻦ ﻫﺎﻱ ﺗﺸﺎﻟﻴﻊ ﺗﻀﻞ ﻟﻠﺘﺎﺳﻊ ﻻ ﺗﺨﺎﻓﻴﻦ ﺷﻮ ﻛﻮﻣﻲ ﻣﺪﺩﻱ ﺍﺩﺭﻱ ﺍﻧﻲ ﺟﺒﺖ ﻟﻘﻤﺎﺵ ﺣﻀﻴﻨﻪ ﻛﺴﺮﺗﻲ ﺿﻬﺮﺝ ﺗﺴﻮﻱ ﺛﻮﺍﺑﻪ ﻟﻴﺶ ﺗﺮﻩ ﺍﻟﺴﻮﻙ ﻣﻠﻴﺎﻥ ﺟﺎﻫﺰ ﻭﻳﺨﺒﻞ ﺑﺲ ﻫﺬﺍ ﻟﻘﻤﺎﺵ ﻳﺼﻴﺮ ﺣﻀﻴﻨﻪ ﺑﺎﺭﺩﻩ ﺍﺣﺴﻦ ﻣﻦ ﺍﻟﺤﻀﺎﻳﻦ ﺍﻟﺠﺎﻫﺰﻩ ﺗﺼﻴﺮ ﻛﻄﻢ ﻭﻛﺼﺎﺭ
ﻭﺝ ﺍﺩﻳﺎﻥ ﺷﺒﻴﺞ ﺗﻌﺼﺮﻳﻦ
ﻳﻮﻭﻭﻭﻭﻭﻡ ﻛﺘﻠﺞ ﺑﻄﻨﻲ ﻭﺩﺍﺣﺲ ﺷﻲ ﺛﻜﻴﻞ ﺑﻴﻦ ﺭﺟﻠﻴﻪ
ﺍﺣﺠﻲ ﻭﺍﺗﻠﻮﻩ ﻧﺨﺒﺼﺖ ﻣﺎﻣﺎ ﻭﺭﻭﺣﻲ ﻛﺎﻣﺖ ﺗﻄﻠﻊ ﺍﺧﺎﻑ ﺍﻭﻛﻒ ﺍﺣﺲ ﺣﻴﻮﻛﻊ ﻟﻄﻔﻞ ﻭﻋﺬﺭﺍﺀ ﺗﺮﻭﺡ ﻭﺗﺠﻲ ﻭﻣﺎ ﺗﻘﺮﺍ ﻛﻞ ﺿﻨﻪ ﺗﺸﺎﻟﻴﻊ ﻋﻠﻰ ﻛﻮﻟﺘﻪ
ﺍﻳﻬﻢ ﻳﺒﺎﻭﻋﻠﻲ ﺑﺨﻮﻑ ﻟﻤﻴﺘﻪ ﺑﺤﻀﻨﻲ ﺩﻗﺎﻳﻖ ﻭﻣﺘﺤﻤﻠﺖ ﺻﺎﺭ ﺍﻟﻮﺟﻊ ﻓﻀﻴﻊ ﻭﻧﺰﻟﺖ ﺗﺮﻛﺾ ﻣﺎﻣﺎ ﻋﻠﻰ ﺍﺑﻮﻋﻠﻲ ﻭﺍﻧﻲ ﻓﺎﺻﻠﻪ
ﻋﺬﺭﺍﻩ ﻟﺒﺴﺘﻨﻲ ﺻﺎﻳﺘﻲ ﻭﺳﻨﺘﺪﻧﻲ ﺍﻧﺰﻝ ﻭﻳﻪ ﻣﺎﻣﺎ ﺻﻌﺪﻧﻪ ﺳﻴﺎﺭﻩ ﺍﺑﻮ ﻋﻠﻲ ﻭﻫﻮﻩ ﻳﺨﺎﺑﺮ ﻭﻳﻨﻄﻴﻨﻲ ﻋﻨﻮﺍﻥ ﺍﻟﻤﺴﺘﺸﻔﻰ ﻭﺍﻧﻲ ﻓﺎﺻﻠﻪ ﺗﻤﺎﻣﺎ
ﺍﻭﻝ ﻣﺮﻩ ﺍﺧﺎﻑ
ﺍﻭﻝ ﻣﺮﻩ ﺍﺣﺲ ﺭﻭﺣﻲ ﻣﺎﻋﺮﻑ ﺍﺳﻮﻱ ﺷﻲ
ﻃﻮﻝ ﻋﻤﺮﻱ ﺍﺭﻛﺾ ﺑﻠﻜﻞ
ﺑﺎﺑﺎ ﺍﺧﻮﺍﻧﻲ
ﻣﺎﻣﺎ
ﺑﺲ ﺍﻟﻴﻮﻡ ﺑﺮﻭﺣﻲ ﻣﺎﻛﺪﺭ ﺍﺭﻛﺾ ﻣﺎﻛﺪﺭ ﺍﻋﻴﻨﻬﺎ
ﻭﺻﻠﻨﻪ ﻟﻤﺴﺘﺸﻔﻰ ﺑﺲ ﺷﻤﻴﺖ ﺭﻳﺤﺘﻪ ﺟﻠﺒﺖ ﺑﻤﺎﻣﺎ ﻗﻮﻱ
ﻳﻮﻡ ﺷﻨﻮ ﺭﺍﺡ ﺍﺟﻴﺐ
ﻻﻻ ﻳﻤﻪ ﺍﻟﻠﻪ ﻟﻴﻜﻮﻟﻪ ﺷﺘﺠﻴﺒﻴﻦ ﺑﻌﺪﺝ ﺑﺴﺎﺑﻊ ﺍﻟﻠﻪ ﻟﻴﻜﻮﻟﻪ
ﻧﺼﻴﺖ ﻛﺎﻣﺸﺘﻪ ﺣﻴﻞ ﻭﺧﻄﻮﺍﺗﻲ ﺗﻴﺒﺴﺖ
ﺍﺍﺍﺩﻳﺎﻥ ﺍﻣﺸﻲ ﺷﺒﻴﺞ
ﻳﻮﻭﻭﻭﻡ ﻭﻛﻊ
ﻓﻜﺖ ﻋﻴﻨﻪ ﺑﺠﻴﺖ ﻛﻞ ﻗﻮﺗﻲ ﻭﺍﻧﻲ ﺍﺣﺲ ﺭﺍﺳﻪ ﺑﻴﻦ ﺭﺟﻠﻴﻪ ﻭﺣﺮﻭﺭﻩ ﺗﺠﻮﻱ ﻧﺰﻟﺖ ﻣﻨﻲ ﺳﺪﻳﺖ ﺭﺟﻠﻲ ﻭﻧﺨﺒﻄﺖ ﺍﻟﻜﺎﻉ ﺍﻟﺠﻮﺍﻳﻪ ﻣﻲ ﻭﺩﻡ
ﺭﻛﻀﻪ ﺻﺎﺭﺕ ﺭﻛﻀﻪ ﻣﻮﻃﺒﻴﻌﻴﻪ
ﻣﺎﻣﺎ ﺗﺼﻴﺢ ﺩﺧﻴﻠﻚ ﺭﺑﻲ ﻭﺃﺑﻮ ﻋﻠﻲ ﻳﺼﻴﺢ ﻳﻤﻌﻮﺩﻳﻦ ﻋﺮﺑﺎﻧﻪ ﺳﺪﻳﻪ ﻭﺍﻧﻲ ﻧﺨﺮﻃﺖ ﺧﻮﻑ
ﻫﻴﻪ ﺩﻗﺎﻳﻖ ﻣﻮ ﺃﻛﺜﺮ ﻧﺤﻄﻴﺖ ﻋﻠﻰ ﺳﺪﻳﻪ ﻭﺍﺻﻮﺗﻬﻢ ﺑﺬﻧﻲ
ﺟﺎﻳﺒﻪ ﺟﺎﻳﺒﻪ ﺑﺲ ﻧﻜﺺ ﺍﻟﻤﺼﻴﺮ
ﻭﻓﺘﺖ ﺻﺎﻟﻪ ﺍﻟﻮﻻﺩﻩ ﻭﺷﺘﻐﻞ ﺧﻮﻓﻲ ﻣﺨﻠﻮﻁ ﺑﺪﻣﻮﻋﻲ ﻭﺻﻮﺕ ﺍﻟﻄﻔﻞ ﻭﺍﻟﻤﻤﺮﺿﺎﺕ
ﻭﻟﺪ ﻭﻟﺪ
ﻭﺍﻟﺜﺎﻧﻴﻪ ﺩﻛﻠﻪ
ﺧﻠﻮ ﺑﻠﺨﺪﺝ
ﻭﻫﻴﻪ ﺗﺮﺩﻩ
ﻻ ﻣﻴﺤﺘﺎﺝ ﺩﻳﺒﺠﻲ ﻣﺒﻲ ﺷﻲ
ﻟﺤﻤﻪ ﺣﻤﺮﻩ ﺑﺸﻌﺮ ﺍﺳﻮﺩ ﻣﻠﻴﺎﻥ ﻭﻏﻒ ﺍﺑﻴﺾ ﻣﺪﻧﺪﻝ ﺭﺃﺳﻪ ﻛﺪﺍﻡ ﻭﺟﻬﻲ ﻭﺷﻜﺒﺮ ﺍﻳﺪ ﺍﻟﻤﻤﺮﺿﻪ ﺩﻙ ﻋﻠﻰ ﺿﻬﺮﻩ ﻭﻫﻮﻩ ﻳﺼﺮﺥ ﻛﻞ ﻗﻮﺗﻪ ﻭﺍﻧﻲ ﺍﺑﺘﺴﻢ
ﺭﺍﺡ ﺍﻟﻮﺟﻊ
ﺭﺍﺡ ﺍﻟﺘﻌﺐ
ﺭﺍﺡ ﺍﻟﺨﻮﻑ
ﻭﻛﻞ ﺍﻷﻟﻢ
ﻭﻫﺬﺍ ﻛﺪﺍﻣﻲ ﺍﻟﻤﺤﺼﻮﻝ
ﻣﺎﻣﺎ ﺗﺒﻮﺱ ﺑﺮﺍﺳﻲ ﻭﺗﺼﻠﻲ ﻋﻠﻰ ﻧﺒﻲ ﻭﻓﺎﺗﺖ ﺍﻡ ﺧﻄﺎﺏ ﺩﻣﻮﻋﻪ ﻋﺸﺮﻩ ﻋﺸﺮﻩ ﺷﺎﻳﻠﻪ ﺑﻴﺪﻩ ﺩﺷﺪﺍﺷﻪ ﻓﺎﺭﺱ ﺻﻔﻨﺖ ﻛﻞ ﺍﻟﺼﺎﻟﻪ ﻭﺍﻧﻲ ﻣﻨﻬﻢ
ﺷﺠﺎﺑﻪ
ﺷﺪﺭﺍﻫﻪ ﻣﺎﺩﺭﻱ
ﺍﻟﻤﻤﺮﺿﻪ ... ﻋﻴﻮﻧﻲ ﻫﺎﻱ ﺷﻨﻮ ﻭﻳﻦ ﺍﻟﺤﻀﻴﻨﻪ
ﺍﻡ ﺧﻄﺎﺏ ... ﻫﺎﻱ ﺍﻟﺤﻀﻴﻨﻪ ﺩﺷﺪﺍﺷﻪ ﺍﺑﻮ ﻫﻴﻪ ﺟﺴﻮﺗﻮ ﺍﻣﻲ ﺍﻟﺤﺠﻴﻪ ﺣﺎﻟﻔﻪ ﻣﺎﻳﻨﻠﻒ ﺍﻟﻪ ﺑﺪﺷﺪﺍﺷﺘﻮ ﻭﻟﻜﻢ ﻋﻴﻮﻧﻪ ﺑﻴﻀﺖ ﻭﺭﺍﺳﻪ ﺷﻴﺐ ﻭﻫﻮﻩ ﻳﻨﺘﻀﺮﻩ ﺷﻮ ﺟﻴﺒﻮ
ﻓﺮﺷﺖ ﻋﻠﻰ ﺍﺩﻳﻪ ﻟﺪﺷﺪﺍﺷﻪ ﻭﺧﻠﻮ ﺑﻨﺼﻪ ﻧﻠﻒ ﻭﺣﻴﻞ ﻟﻤﺘﻪ ﻋﻠﻰ ﺣﻀﻨﻪ ﻭﺟﺘﻲ ﻳﻢ ﺭﺍﺳﻲ ﺑﺎﺳﺘﻨﻲ ﺑﺠﻴﺖ
ﺷﻠﻮﻥ ﺍﺟﻴﺘﻲ
ﺑﻌﺪ ﻋﻴ

ﻨﻲ ﻫﻮﻩ ﺟﺎﺑﻨﻲ ﻣﺎﺻﺪﻛﺖ ﻣﻦ ﺷﻔﺘﻮ ﺟﺪﺍﻣﻲ ﻓﺎﻛﺪﻳﻨﻮ ﺻﺎﺭ ﺷﻬﻮﺭ ﻳﻮﻟﻲ ﺍﺩﻳﺎﻥ ﺟﻲ ﻃﺎﻳﺮ ﺣﺘﻰ ﺩﻛﻢ ﻗﻤﻴﺼﻮ ﺗﻚ ﻭﺗﻚ ﻣﺨﺎﺑﺮﻭ ﺍﻟﺤﺎﺭﺱ ﻭﺍﻧﻪ ﺍﻟﻴﻮﻡ ﺍﻟﻠﻪ ﺟﺎﺑﻨﻲ ﻳﻢ ﺳﺠﻰ ﺷﻮﻳﻪ ﻭﺟﻌﺎﻧﻪ ﻭﺣﺪﺭﺕ ﺍﺷﻮﻓﻪ ﻋﺎﺩ ﺷﻠﻮﻥ ﺻﺎﺭﺕ ﺻﺪﻓﻪ
ﺳﻜﺘﺖ ﺍﺑﺎﻭﻉ ﺑﻴﺪﻩ ﻋﻠﻰ ﻃﻔﻞ ﻳﻔﺮ ﺑﺮﺍﺳﻪ ﻭﻣﺎﻣﺎ ﺩﻛﻠﻪ ﺍﻡ ﺧﻄﺎﺏ ﻋﻔﻴﻪ ﺧﺎﻑ ﻣﺰﻳﻦ ﺷﻮﻥ ﻣﻮ ﺳﺒﻴﻌﻲ ﻭﻫﻴﻪ ﺗﺮﺩﻩ ﻳﺨﺒﻞ ﺷﺤﻼﺗﻮ ﻟﻮ ﺑﻲ ﺷﻲ ﺟﺎﻥ ﻣﺨﻠﻮ ﺑﻴﺪﻧﻪ ﻫﺴﺎﻉ ﺍﻭﺩﻱ ﻻﺑﻮ ﻭﺑﻌﺪﻩ ﺍﻏﺮﺑﻠﻮ ﺗﺎﻧﺘﻜﺪ
ﻃﻠﻌﺖ ﻭﻣﺎﻣﺎ ﻟﻤﻠﻤﺘﻨﻲ ﻭﺍﺧﺬﺗﻨﻲ ﻟﻠﺮﺩﻫﻪ ﻧﻮﻣﺘﻨﻲ
ﺳﺒﺤﺎﻥ ﺍﻟﻠﻪ ﺍﻟﻤﺴﻬﻞ ﻭﻻﺟﻨﺖ ﻫﻴﺞ ﻣﺘﻮﻗﻌﻪ ﻭﻻﻫﻴﺞ ﻣﺤﺴﺒﻪ ﻛﻠﺸﻲ ﺻﺎﺭ ﺑﻠﻤﺢ ﺍﻟﺒﺼﺮ
ﻣﺎﻣﺎ ﺗﻔﻮﺕ ﻭﺗﻄﻠﻊ ﺗﺒﺎﻭﻉ ﻋﻠﻴﻬﻢ ﻭﺍﻧﻲ ﺍﺧﺠﻞ ﺍﺳﺌﻞ ﻛﺘﻔﻴﺖ ﺑﻠﺴﻜﻮﺕ ﻭﺍﻟﻨﺎﺱ ﺟﺎﻭﺑﺖ ﻋﻠﻰ ﻛﻞ ﺳﻮﺍﻝ ﺑﺪﺍﺧﻠﻲ
ﺧﻄﻴﻪ ﺷﻮﻓﻮ ﻫﺬﺍ ﺳﺒﻊ ﺳﻨﻴﻦ ﻣﻌﻨﺪﻩ ﻃﻔﻞ ﺷﻮﻓﻲ ﺷﻠﻮﻥ ﻻﻓﻴﻨﻪ ﺑﺪﺷﺪﺍﺷﺘﻪ
ﺍﻓﺮ ﺑﻌﻴﻮﻧﻲ ﻭﺍﺫﻧﻲ ﻳﻤﻬﻢ ﻭﻣﺎﻣﺎ ﻳﻢ ﺭﺍﺳﻲ
ﻛﻮﻣﻲ ﺷﻮﻓﻲ ﻭﺝ ﺍﻟﻤﺴﺘﺸﻔﻰ ﻛﻠﻪ ﺗﺘﻔﺮﺝ ﺷﻮﻥ ﺣﺎﺿﻨﻪ
ﻭﺳﺎﻟﻔﻪ ﺩﺷﺪﺍﺷﺘﻪ ﺻﺎﺭﺕ ﺣﺪﻳﺚ ﺍﻟﻤﺴﺘﺸﻔﻰ
ﻣﺎﻣﺎ ﺍﺭﻳﺪ ﺍﺷﻮﻓﻪ ﺍﻟﻄﻔﻞ ﻓﺪﻭﻩ ﻣﺸﻔﺘﻪ
ﻫﻮﻩ ﻏﻴﺮ ﻟﻮ ﻳﻨﻄﻲ ﻣﺠﻠﺐ ﺑﻲ ﺣﺘﻰ ﻳﺮﺩﻭﻥ ﻳﻔﺤﺼﻮ ﻣﻴﻨﻄﻲ
ﺳﻜﺘﺖ ﻭﻧﻤﺖ ﻣﻦ ﺍﻟﺘﻌﺐ ﺍﻟﺒﻴﻪ ﻭﺍﺗﺨﻴﻞ ﻫﺴﻪ ﻧﻄﻠﻊ ﻭﺍﺧﺬﻩ ﺑﺤﻀﻨﻲ ﺍﺭﺿﻌﻪ ﻭﺍﻭﺩﻱ ﻻﺍﻳﻬﻢ ﻏﻴﺮﺭ ﻳﺘﺨﺒﻞ ﻋﻠﻴﻪ
ﻏﻔﻴﺖ ﻭﻛﻌﺪﺕ ﻧﺺ ﺍﻟﻴﻞ ﻣﺎﻣﺎ ﻏﺎﻓﻴﻪ ﻋﻠﻰ ﻛﺮﺳﻲ ﻭﺍﻡ ﺧﻄﺎﺏ ﺗﻠﻮﺏ ﺗﻔﺮﻙ ﺑﻴﺪﻩ ﺧﻔﺖ ﻭﻛﻌﺪﺕ ﻟﺤﻴﻠﻲ
ﻫﺎﺍ ﺍﻡ ﺧﻄﺎﺏ ﻭﻳﻦ ﺍﺑﻨﻲ
ﺭﺗﺒﻜﺖ ﻭﺑﺘﺴﻤﺖ ﺟﺬﺏ
ﻣﻮﺟﻮﺩ ﻣﻮﺟﻮﺩ ﻭﻳﻦ ﻳﺮﻭﺡ ﺑﺲ ﺧﻠﻮ ﺑﻠﺨﺪﺝ ﻟﻠﺼﺒﺢ ﻭﻳﻨﻄﻮﻧﻴﺎﻩ
ﺍﺷﻮﻓﻪ
ﺳﻜﺘﺖ
ﻟﻴﻠﻲ ﺷﺒﻲ ﺍﺑﻨﻲ
ﻛﻌﺪﺕ ﻣﺎﻣﺎ ﻭﻫﻴﻪ ﺟﺘﻲ ﻛﺒﺎﻟﻲ
ﻭﺍﻟﻠﻪ ﻣﺎﺑﻲ ﻛﻠﺸﻲ ﺷﺤﻼﺗﻮ ﻟﻮ ﺑﻲ ﺷﻲ ﺗﻠﻜﻴﻨﻲ ﻣﻜﺎﺑﻠﺘﻮ
ﻟﻌﺪ ﺍﺷﻮﻓﻪ
ﻣﺠﺎﻭﺑﺖ
ﻛﻤﺖ ﺍﻟﻤﻠﻢ ﺑﺮﻭﺣﻲ ﻣﺎﻣﺎ ﺳﻨﺪﺗﻨﻲ ﻛﺘﻠﻪ ﻣﺎﺑﻴﻪ ﺷﻲ ﺑﺲ ﺷﻮﻳﻪ ﺩﺍﻳﺨﻪ ﻻﺗﺨﺎﻓﻴﻦ ﺑﺲ ﺍﺷﻮﻑ ﺍﺑﻨﻲ ﻛﻠﺸﻲ ﻣﻴﻀﻞ ﺑﻴﻪ
ﻣﺸﺘﻨﻲ ﻭﺍﻡ ﺧﻄﺎﺏ ﻛﺒﺎﻟﻨﻪ ﻟﻴﻢ ﺍﻟﺨﺪﺝ ﻭﺷﺎﻓﺘﻪ ﻋﻴﻨﻲ
ﺗﻮﺍﺟﻬﻨﻪ ﺟﺎﻥ ﻭﺍﻛﻒ ﺑﻠﻤﻤﺮ ﺑﻤﻜﺎﻧﻲ ﻭﻛﻔﺖ ﻭﺟﺮﺗﻨﻲ ﻣﺎﻣﺎ ﻛﻤﻠﺖ ﻣﺸﻲ ﻭﺻﻠﻨﻪ ﻳﻤﻪ ﻳﻢ ﺑﺎﺏ ﺍﻟﺨﺪﺝ ﻧﺼﻰ ﻭﻣﻦ ﻳﻤﻲ ﻣﺮ
ﻫﻮﻩ ﻫﻮﻩ ﻣﻤﺘﻐﻴﺮ ﺑﺲ ﺷﻴﺒﺎﺕ ﻭﺟﻬﻪ ﺻﺎﻳﺮﻩ ﺍﻭﺿﺢ ﺑﻴﺎﺽ ﻳﻤﻜﻦ ﻻﻥ ﻟﺤﻴﺘﻪ ﺃﻋﻠﻰ
ﻧﻀﺮﻩ ﻣﺒﺎﻭﻋﻠﻲ ﻭﻻ ﺍﻧﻲ ﻫﺘﻤﻴﺖ ﺑﺴﺮﻋﻪ ﻧﺼﻴﺖ ﻭﻓﺘﺖ ﺷﻮﻓﻪ ﺍﺑﻨﻲ ﻧﺴﺘﻨﻲ ﻛﻠﺸﻲ ﻭﻛﻔﺖ ﻛﺪﺍﻡ ﺣﺎﺟﺰ ﺍﻟﺠﺎﻡ ﺍﺑﺎﻭﻉ ﻋﻠﻴﻪ ﻧﺎﻳﻢ ﻣﺜﻞ ﺍﻟﻤﻼﻙ ﻭﻛﻞ ﺷﻮﻳﻪ ﺗﺼﻴﺮ ﺑﻲ ﻓﺰﻩ ﻳﺘﺤﺮﻙ ﻛﻞ ﺟﺴﻤﻪ
ﺣﺮﻛﻪ ﺣﺮﻛﻪ ﺭﺍﻗﺒﺘﻬﻢ
ﺍﺩﻳﻪ ﺷﻠﻮﻥ ﺗﺤﻮﺱ ﻭﺭﺟﻠﻴﻪ ﺷﻠﻮﻥ ﺗﺮﻓﻊ ﻭﻳﺪﺍﻓﺮ ﺍﻡ ﺧﻄﺎﺏ ﻛﺎﻟﺖ ﻫﺎﺍ ﺗﺎﺍﻛﺪﺗﻲ ﻫﺰﻳﺖ ﺭﺍﺳﻲ ﺍﻱ ﻭﺗﻤﺸﻴﺖ ﻟﻠﻤﻤﺮﺿﻪ ﻟﻜﺎﻋﺪﻩ ﺳﺌﻠﺘﻪ ﻛﺎﻟﺖ ﺻﺤﺘﻪ ﻛﻠﺶ ﺯﻳﻨﻪ ﺑﺲ ﻫﻮﻩ ﻻﺯﻡ ﻳﺒﻘﻰ ﻟﻤﺪﻩ ٢٤ﺳﺎﻋﻪ ﻳﻤﻨﻪ ﻳﻌﻨﻲ ﺍﻟﺼﺒﺢ ﻋﺎﺩﻱ ﺗﺎﺧﺬﻱ
ﺳﺘﻔﺴﺮﺕ ﻋﻠﻰ ﻋﻤﺮﻩ ﻭﻛﻮﻧﻪ ﺳﺒﻴﻌﻲ ﻛﺎﻟﺖ ﻣﺎﻋﻠﻴﻪ ﺷﻲ ﺳﻮﻳﻨﺎﻟﻪ ﻛﺎﻓﻪ ﺍﻟﻔﺤﻮﺻﺎﺕ ﻛﻠﺸﻲ ﺳﻠﻴﻢ ﺗﺒﻘﻰ ﻳﻤﺞ ﺍﻧﺘﻲ ﺗﺪﺍﺭﻱ ﻫﻞ ﺷﻬﺮﻳﻦ ﻟﺤﺪ ﻣﻴﻨﺸﻨﺶ
ﺑﺘﺴﻤﺖ ﻭﻓﺮﺣﺖ ﺣﻴﻞ ﻭﻣﻨﺘﻀﺮﻩ ﺍﻟﺼﺒﺢ ﻟﺤﻀﻪ ﻟﺤﻀﻪ ﺭﺟﻌﺖ ﻣﺪﺩﺕ ﻭﺣﺎﻝ ﺍﻡ ﺧﻄﺎﺏ ﺍﺑﺪ ﻣﻌﺎﺟﺒﻨﻲ ﻣﺎﻛﻌﺪﺕ ﻭﻋﻴﻮﻧﻪ ﺩﻡ ﻣﺪﻣﻌﻪ ﺣﺴﻴﺖ ﻛﻞ ﻓﺮﺣﺘﻪ ﺍﻭﻝ ﻃﺒﺘﻪ ﻣﻤﻮﺟﻮﺩﻩ
ﺳﺘﺴﻠﻤﺖ ﻟﻠﻨﻮﻡ ﺗﻌﺒﺎﻧﻪ ﻭ ﺍﺭﻳﺪ ﺑﺲ ﺍﻟﺼﺒﺢ ﻳﻄﻠﻊ ﻭﺃﺧﺬ ﺍﺑﻨﻲ ﻳﻨﻌﻞ ﺍﺑﻮ ﻫﻞ ﻭﺍﻫﺲ ﻟﻜﺘﻠﻨﻲ
ﻭﻧﻤﺖ ﻭﻳﺎﺭﻳﺘﻨﻲ ﻣﻨﻤﺖ ﻓﺰﻳﺖ ﻋﻠﻰ ﻣﺎﻣﺎ ﺗﺘﺤﺴﺐ ﻛﻌﺪﺕ ﻛﻠﺒﻲ ﻧﺒﺾ ﻭﺻﺪﺭﻱ ﺩﺭ
ﻣﺎﻣﺎ ﺍﺑﻨﻲ
ﺧﻨﺰﺕ ﻣﺌﺎﺷﺮﻩ ﺍﺍﺍﺍﺵ ﻭﻻ ﻛﻠﻤﻪ
ﻣﺎﻣﺎ ﻟﻴﺶ ﺷﺼﺎﻳﺮ
ﺍﺑﻮ ﺍﺧﺬﻩ
ﺭﺟﻔﺖ ﻭﻛﻞ ﻣﻔﺼﻞ ﺑﺠﺴﻤﻲ ﻃﻚ ﻓﺎﻛﻪ ﻛﻞ ﻋﻴﻨﻲ ﺍﺑﻠﻊ ﺑﺮﻳﻜﻲ ﻭﻛﻔﺖ ﻟﺰﻣﺖ ﺍﻳﺪﻱ
ﺍﺫﺍ ﺧﻄﻴﺘﻲ ﺧﻄﻮﻩ ﻭﺣﺪﻩ ﻻ ﺍﻧﺘﻲ ﺑﻨﺘﻲ ﻭﻻ ﺍﻋﺮﻓﺞ ﺭﺟﻠﺞ ﻭﺍﺣﺪ ﻣﻴﺨﺎﻑ ﺍﻟﻠﻪ ﻭﻻﻳﺴﺘﺤﻲ ﺳﺎﻋﻪ ﺍﺗﻮﺳﻞ ﺑﻲ ﻭﻟﻚ ﺷﻮﻑ ﻣﺸﺎﻓﺘﻪ ﺭﺿﺎﻋﻪ ﻣﺮﺿﻌﺘﻪ ﺑﻜﻞ ﻋﻴﻦ ﺻﻠﻔﻪ ﻭﻛﺪﺍﻡ ﺍﺧﺘﻪ ﻳﻜﻠﻲ ﺑﻨﺘﺞ ﻋﻨﺪﺝ ﻭﺍﺑﻨﻲ
ﻋﻨﺪﻱ
ﻟﻄﻤﺖ ﻣﺮﺗﻴﻦ ﻋﻠﻰ ﻭﺟﻬﻲ ﻭﺑﺠﻴﺖ ﻛﻞ ﻗﻮﺗﻲ ﺩﻛﻴﺖ ﺭﺟﻠﻲ ﺑﻠﻜﺎﻉ ﻣﺎﺍﺍﺍﺍﺍﻣﺎ ﺍﺭﻳﺪﻩ ﺍﺑﻨﻲ ﺍﺭﻳﺪﻩ
ﺻﻤﺖ ﺣﻠﻜﻲ ﺗﺘﻠﻔﺖ
ﻛﺘﻠﺞ ﻭﻻ ﻛﻠﻤﻪ ﻭﻻ ﺣﺮﻑ ﺩﻧﻌﻞ ﺍﺑﻮ ﻻ ﺍﺑﻮ ﺍﺑﻨﻪ ﺗﺪﺭﻳﻦ ﺷﻴﻜﻠﻲ ﻳﻜﻠﻲ ﺗﺮﺩﻳﻦ ﺍﻧﻄﻴﻪ ﺍﺑﻨﻲ ﺣﺘﻰ ﺗﻨﻬﺰﻡ ﺑﻲ ﺷﻮﻥ ﻣﻨﻬﺰﻣﺖ ﺫﻳﺞ ﺍﻟﻤﺮﻩ ﻭﻫﻞ ﻣﺮﻩ ﻭﻳﻦ ﺍﻟﻜﺎﻩ ﺍﺫﺍ ﻗﺒﻞ ﺍﻟﻨﺎﺱ ﻛﻠﺘﻠﻲ ﻫﺴﻪ ﻣﻨﻮ ﻳﻜﻠﻲ
ﺳﻜﺘﺖ ﻭﺩﻣﻮﻋﻲ ﺟﻤﺪﻭ ﺑﺠﺖ ﻭﺷﻜﺖ ﻛﻠﺒﻲ ﺑﺠﻴﺘﻪ
ﺍﺩﻳﺎﻥ ﺍﺫﺍ ﺻﺪﻙ ﺗﺤﺒﻴﻦ ﺍﻣﺞ ﻭﺗﻘﺪﺭﻳﻪ ﻓﻜﺎﻓﻲ ﺍﻟﺼﺎﺭ ﻟﺤﺪ ﺍﻻﻥ ﻫﻮﺍﻱ ﻧﻬﺎﻧﻴﻨﻪ ﻫﻮﺍﻱ ﻧﺬﻟﻴﻨﻪ ﻭﺝ ﻛﻞ ﻛﻠﻤﻪ ﻳﻜﻮﻟﻪ ﺑﻴﻬﺎ ﺍﻟﻒ ﻣﻌﻨﻰ ﺑﻴﻬﺎ ﺍﻟﻒ ﺍﻧﻪ ﻣﺸﻔﺘﻲ ﺷﻠﻮﻥ ﻳﺤﺎﺟﻴﻨﻲ ﻋﻮﻓﻲ ﺍﻣﻲ ﻋﻮﻓﻲ ﺍﺑﻨﺞ ﺍﻟﺞ ﺍﻟﻴﻮﻡ ﻭﻟﻪ ﺑﺎﺟﺮ ﻭﺍﻟﻠﻪ ﻟﻴﺘﻨﺪﻡ ﻭﺍﻟﻠﻪ ﻟﻴﺒﺠﻲ ﺩﻡ ﺑﺲ ﻻﺗﻘﻬﺮﻳﻦ ﺭﻭﺣﺞ ﺍﻧﺘﻲ ﻧﻔﺴﻰ
ﺳﻜﺘﺖ ﻣﻘﻮﻳﻪ ﺭﻭﺣﻲ ﻭﺍﻧﻲ ﺑﻴﻪ ﻋﻴﻄﻪ ﺗﻬﺪ ﺟﺒﺎﻝ ﺗﻬﺪ ﺍﻟﻜﻮﻥ ﺑﻜﺒﺮﻩ
ﺳﻮﺕ ﺍﺟﺮﺍﺕ ﺍﻟﺨﺮﻭﺝ ﻭﻃﻠﻌﻨﻪ ﺩﻣﻮﻋﻲ ﺑﻌﻴﻨﻲ
ﻫﺬﺍ ﺍﻟﻮﻋﺪﻧﻲ ﺑﻲ
ﻛﺎﻝ ﻟﻮﻛﻠﺞ ﻧﻔﺲ ﺍﻟﻬﺒﻄﻪ
ﻭﻧﻔﺲ ﺍﻟﺮﻛﻀﻪ ﻟﺮﻛﻀﺘﻪ ﻟﺮﻛﻀﺞ
ﻭﺍﺿﺮﺑﺞ ﺑﻨﻔﺲ ﺍﻟﺴﻬﻢ ﻟﻀﺮﺑﺘﻲ ﺑﻲ ﻛﻠﺒﻲ ﻭﻓﻌﻼ ﻧﻔﺬ
ﻫﺒﻄﻨﻲ
ﻭﻛﺴﺮﻧﻲ
ﻭﺫﻟﻨﻲ
ﻭﺿﻴﻊ ﻓﺮﺣﺘﻲ
ﺭﺟﻌﺖ ﻓﺎﺭﻏﻪ
ﻓﺘﺖ ﻟﻠﺒﻴﺖ ﻋﺬﺭﺍﺀ ﺗﻮﻫﻪ ﺗﺴﺌﻞ ﻣﺎﻣﺎ ﺧﺰﺭﺗﻪ ﺳﻜﺘﺖ ﻭﺍﻳﻬﻢ ﻣﻜﺪﺭﺕ ﺗﺴﻜﺘﻪ
ﻭﻳﻨﻪ ﺩﺍﺩﺍ
ﻭﻳﻨﻪ ﺍﺧﻮﻳﻪ
ﺣﻀﻨﺘﻪ ﺍﺑﺠﻲ ﻭﺍﺑﺠﻲ ﻟﺤﺪ ﻣﺘﻌﺒﺖ
ﺑﻴﻮﻣﻪ ﻋﺘﺒﺖ ﻭﻫﻮﺍﻱ ﻋﻠﻰ ﺍﻡ ﺧﻄﺎﺏ ﻭﻣﺎﻣﺎ ﻣﺮﺿﺖ ﻋﻠﻴﻪ ﻭﺗﺤﻠﻒ ﺍﻟﻤﺮﻩ ﻣﺎﻟﻪ ﻋﻼﻗﻪ ﻭﻻ ﺭﺍﺿﻴﻪ ﺩﻛﻠﻪ ﺍﻣﻪ ﺣﺮﺍﻡ ﻋﻠﻴﻚ ﺑﺲ ﺭﺟﻠﺞ ﻳﻤﻪ ﻣﻴﻨﺠﺮﻉ ﺍﻟﺤﺠﻴﻪ ﺧﺎﺑﺮﺗﻨﻲ ﺗﺤﻤﺪﺗﻠﻲ ﺑﺴﻼﻣﻪ ﻭﻛﻞ ﻛﻠﻤﻪ ﻭﺍﻟﺜﺎﻧﻴﻪ ﻭﻛﺎﻟﺖ ﻳﺮﺑﺪ ﻳﻤﻴﻤﺘﻲ ﻳﺒﺮﺩ ﻋﺴﻰ ﻫﻞ ﺟﺎﻫﻞ ﻓﻮﺗﻪ ﺧﻴﺮ ﻟﺤﻴﺎﺗﻜﻢ ﻭﻳﺼﻠﺤﻜﻢ
ﺳﻜﺘﺖ ﻣﻔﻮﺿﻪ ﺍﻣﺮﻱ ﻟﺮﺑﻲ ﻭﻓﺘﺖ ﺑﺤﺎﻟﻪ ﺻﺪﻣﻪ ﻣﺘﻮﻗﻌﺖ ﻫﻴﺞ ﻳﺴﻮﻱ
ﻣﺘﻮﻗﻌﺖ ﻫﻴﺞ ﻳﻌﺎﻗﺒﻨﻲ
ﺳﺎﻋﻪ ﺍﻟﻮﺏ ﻭﺳﺎﻋﻪ ﺍﺑﺠﻲ ﻭﻣﺎﻣﺎ ﺗﻘﻨﻊ ﻭﺗﻌﻘﻞ ﻳﻢ ﺍﻫﻠﻪ ﻳﻢ ﺍﺑﻮ ﻫﻤﻪ ﺑﺤﺼﺮﺗﻪ ﻳﺤﺒﻮ ﺃﻛﺜﺮ ﻣﻨﺞ ﻭﻳﺪﺍﺭﻭ ﺃﻛﺜﺮ ﻣﻨﺎ ﻛﻠﻨﻪ ﻫﻤﻪ ﻳﺘﻤﻨﻮ ﺍﺻﻼ
ﻭﺍﻧﻲ ﺷﻴﻘﻨﻌﻨﻲ ﻭﺻﺪﺭﻱ ﻭﺭﻡ ﻋﻠﻴﻪ ﻭﺍﺧﺮﻁ ﺑﻠﺤﻠﻴﺐ ﻣﺎﺭﻳﺪﻩ ﻳﻨﺸﻒ ﺍﺭﻳﺪﻩ ﻳﺮﺟﻊ ﺣﺘﻰ ﻳﺎﺧﺬﻩ
ﺍﺭﺑﻊ ﺍﻳﺎﻡ ﺻﺮﺕ ﺟﻠﺪ ﻭﻋﻀﻢ ﺍﺧﺎﺑﺮ ﺳﺠﻰ ﺩﻛﻮﻝ ﻫﻴﺎﻧﻪ ﻳﻤﻨﻪ ﻣﺎﻣﺎ ﻣﺪﺍﺭﻳﺘﻪ ﺣﺘﻰ ﻣﺎﺭﺍﺣﺖ ﻟﻠﺸﻤﺎﻝ ﻭﺍﺣﺎﺟﻲ ﺍﻡ ﺧﻄﺎﺏ ﺩﻛﻮﻝ ﺷﺒﻴﺪﻱ ﻋﻠﻴﺞ ﻭﻫﺬﺍ ﻣﻜﺎﺑﻠﻨﻲ ﻣﺰﻧﺒﺮ ﻣﻜﺎﺑﻠﻮ ﻭﻛﺎﻋﺪ
ﺷﺴﻤﻰ
ﺍﺣﻤﺪ ﻋﻠﻰ ﺍﺳﻢ ﺍﻟﻤﺮﺣﻮﻡ ﺳﻤﺎﻩ
ﻳﺮﺿﻊ
ﻭﺍﻟﻠﻪ ﻳﺮﺿﻊ ﻭﻳﺨﺒﻞ ﺑﺲ ﺍﺩﻋﻲ ﺍﻟﻠﻪ ﻳﻬﺪﻱ ﻫﺬﺍ ﻟﻌﻨﺪﺝ ﻣﻮ ﻓﺮﻛﺴﺘﻮ ﻛﻠﻮﺑﻨﻪ
ﺍﺳﺪﻩ ﻭﺍﺩﻋﻲ ﺍﻟﻠﻪ ﻳﺤﻨﻦ ﻛﻠﺒﻪ ﻋﻠﻴﻪ ﻭﻳﺮﺟﻌﻪ ﻭﻣﺎﻣﺎ ﺗﻬﺪﻱ ﻭﺗﺼﺒﺮ ﺑﻴﻪ ﻭﺍﻧﻲ

ﻧﺎﺭ ﺷﺎﺑﻪ ﺑﻀﻠﻮﻋﻲ
ﺑﻠﻴﻮﻡ ﺍﻟﺨﺎﻣﺲ ﺍﻟﻌﺼﺮ ﺭﻭﺣﻲ ﻻﺑﺖ ﻋﻠﻴﻪ ﻻﻛﻼﻡ ﺍﻡ ﺧﻄﺎﺏ ﻳﻬﺪﻳﻨﻲ ﻭﻻ ﻛﻼﻡ ﻣﺎﻣﺎ ﺩﻳﺼﺒﺮﻧﻲ ﻳﺠﻲ ﻋﻠﻰ ﺑﺎﻟﻲ ﺍﺭﻭﺡ ﻟﺒﻴﺖ ﺧﻄﺎﺏ ﻭﺍﺭﺟﻊ ﺍﻛﻮﻝ ﻣﺎﺭﻳﺪ ﺍﺫﻝ ﺭﻭﺣﻲ ﺃﻛﺜﺮ
ﺑﻌﺰ ﻭﻻﺩﺗﻲ
ﺑﻌﺰ ﻓﺮﺣﺘﻪ ﻣﻌﺒﺮﻧﻲ ﻭﻻﻧﻀﺮﻩ ﺑﺎﻭﻋﻠﻲ
ﻋﺎﺩ ﻛﻤﺖ ﻭﺧﺎﺑﺮﺗﻪ ﺑﻜﻠﻲ ﻳﺤﻦ ﺑﻜﻠﻲ ﻳﺮﺟﻌﻪ ﻣﺎﻛﻮ ﺍﻳﺪﻱ ﻭﻛﻌﺖ ﻭﺍﻟﻔﻮﻥ ﻋﻠﻰ ﺍﺫﻧﻲ ﻭﻣﺎﺟﺎﻭﺏ
ﺑﺠﻴﺖ ﻭﺣﺘﺎﺟﻴﺖ ﺭﺑﻲ ﻫﻮﺍﻱ
ﺣﺘﺎﺟﻴﺖ ﺍﺩﻙ ﺑﺎﺑﻪ ﺍﻓﺮﺵ ﺳﺠﺎﺩﺗﻲ ﻭﺍﺷﻤﺮ ﺣﻤﻮﻟﻲ ﻋﻠﻴﻪ ﺑﺲ ﻭﺿﻌﻲ ﻣﻴﺴﻤﺢ ﻛﺘﻔﻴﺖ ﺍﻓﺘﺢ ﺷﺒﺎﻙ ﺍﻟﻐﺮﻓﻪ ﻭﺍﺭﻓﻊ ﺍﻳﺪﻱ ﻟﻠﺴﻤﺎ ﻭﺍﺩﻋﻲ ﺍﺩﻋﻲ ﻟﺤﺪ ﻣﺘﻌﺒﺖ ﻭﻓﺘﺖ ﻟﻠﻴﻞ ﻭﺗﻔﺎﺟﺎﻩ ﺑﺨﻄﺎﺏ ﺟﺎﻱ ﻣﻦ ﺷﻔﺘﻪ ﻛﻞ ﺣﻴﻞ ﻣﻀﻞ ﺑﻴﻪ ﺍﺭﻳﺪ ﺍﺣﺠﻲ ﻣﺎﻛﺪﺭ ﻭﺷﻜﻞ ﺑﻠﺴﺎﻧﻲ
ﺍﺑﻨﻲ ﺍﺑﻨﻲ ﺑﻲ ﺷﻲ
ﻭﻫﻮﻩ ﻳﺮﺩ
ﻻ ﻣﺎﻛﻮ ﺷﻲ ﺍﻥ ﺷﺎﻟﻠﻪ ﺣﺪﺭﻱ ﻭﻳﺎﻱ ﺧﺎﻟﻲ ﻭﺍﻣﻲ ﺩﺯﻭﻧﻲ ﻋﻠﻴﺞ
ﺑﺪﻭﻥ ﻋﻘﻞ ﺑﺪﻭﻥ ﺗﻔﺎﻫﻢ ﻟﺒﺴﺖ ﺻﺎﻳﺘﻲ ﻭﻧﺰﻟﺖ ﺣﺘﻰ ﻣﺎﻣﺎ ﻭﺭﺍﻳﻪ ﻣﻠﺘﻔﺘﺖ ﻋﻠﻴﻬﺎ ﺻﻌﺪﺕ ﻭﻳﺎﻩ ﺍﻟﺴﻴﺎﺭﻩ ﻭﻣﺎﻣﺎ ﺗﺴﺄﻟﻪ ﻭﻟﺸﻬﻜﻪ ﻟﺰﻣﺘﻨﻲ ﺻﺪﺭﻱ ﻳﺪﺭ ﻳﺪﺭ ﺑﻮﺟﻊ ﻭﻣﻄﻠﻌﻨﻪ ﻛﻠﻤﻪ ﻣﻦ ﺧﻄﺎﺏ
ﻭﺻﻠﻨﻪ ﻟﻤﺴﺘﺸﻔﻰ ﻟﻄﻔﻞ ﺑﻐﺪﺍﺩ ﺍﻣﺸﻲ ﻭﺍﻣﺸﻲ ﻭﺩﻣﻮﻋﻲ ﺗﺠﺮﻱ ﺑﺎﻟﻒ ﻳﺎﻟﻠﻪ ﻭﺻﻠﺖ ﻭﺗﻠﻜﺘﻨﻲ ﺍﻡ ﺧﻄﺎﺏ ﺣﻴﻞ ﺟﻠﺒﺖ ﺑﻴﻬﺎ ﺍﺭﺟﻒ ﻭﻫﻴﻪ ﺗﺒﺠﻲ ﺷﺒﻲ ﻭﻳﻨﻪ ﻛﺎﻟﺖ ﺑﻠﺨﺪﺝ ﺧﻠﻮ ﻋﻨﺪﻩ ﺍﺑﻮ ﺻﻔﺎﺭ ﺻﺎﻋﺪ ﻭﻫﻮﻩ ﺳﺒﻴﻌﻲ ﻣﺎﻋﻨﺪﻩ ﻣﻨﺎﻋﻪ ﺍﺩﻋﻴﻠﻮ
ﻛﻞ ﺣﻴﻠﻲ ﺭﺍﺡ ﻭﺍﻧﻲ ﺍﺷﻮﻓﻪ ﺑﻠﺤﺎﺿﻨﻪ ﺻﺪﺭﻩ ﻳﺼﻌﺪ ﻭﻳﻨﺰﻝ ﺳﺮﻳﻊ ﻭﺣﻠﻜﻪ ﻣﻔﺘﻮﺡ ﻭﻋﻴﻮﻧﻪ ﻣﺸﺪﻭﺩﻩ ﻧﻬﺮﺕ ﻭﻃﻠﻌﺖ ﺍﻟﺪﻛﺘﻮﺭﻩ ﺗﺤﺠﻲ
ﻭﻳﻦ ﺍﻣﻪ ﺍﻟﻄﻔﻞ ﺳﺒﻴﻌﻲ ﻋﻨﺎﻳﻪ ﻣﺎﻛﻮ ﺍﺑﻮ ﺻﻔﺎﺭ ﺻﺎﻋﺪ ﻭﺗﻨﻄﻮ ﺣﻠﻴﺐ ﻗﻮﺍﻃﻲ ﻫﺬﺍ ﻛﺎﻣﻞ ﺍﻟﺪﺳﻢ ﻳﻜﺘﻠﻪ ﻭﻳﻦ ﺣﻠﻴﺐ ﺍﻣﻪ ﺍﻟﺼﺤﻲ ﻟﻴﺶ ﻣﻄﻠﻌﻲ ﻣﻦ ﺍﻟﻤﺴﺘﺸﻔﻰ ﺍﺻﻼ ﻫﺬﺍ ﻳﻨﺎﻡ ﺧﺪﺝ ﻟﺤﺪ ﻣﻴﻜﻤﻞ
ﺍﺳﻤﻊ ﻭﻛﻠﺒﻲ ﻳﺘﻜﻄﻊ ﺍﺭﻭﺡ ﻭﺍﺟﻲ ﻳﻢ ﺍﻟﻐﺮﻓﻪ ﺍﺑﺎﻭﻉ ﻋﻠﻴﻪ ﻓﺎﺭﺱ ﻛﺪﺍﻣﻲ ﻭﺩﻱ ﺍﺷﺐ ﻋﻠﻴﻪ ﺍﻣﺮﻋﺪﻩ ﻭﻻﺯﻣﻪ ﺭﻭﺣﻲ ﺟﺎﻥ ﻳﻔﺘﺮ ﻭﻛﻞ ﺷﻮﻳﻪ ﺟﺎﻳﺐ ﺩﻛﺘﻮﺭ ﻭﺩﻛﺘﻮﺭﻩ ﻭﻳﻠﻮﺏ ﻳﻤﻪ ﻭﻳﺴﺤﻚ ﺟﻜﺎﻳﺮ ﻭﻣﺎﻣﺎ ﻣﻨﺼﻴﻪ ﺗﺴﺒﺞ ﻭﺗﺪﻋﻲ ﻭﺍﻡ ﺧﻄﺎﺏ ﻟﺤﻀﻪ ﻓﻮﻧﻪ ﻣﺎﺳﻜﺖ ﻛﻞ ﺷﻮﻳﻪ ﻣﺎﺧﺒﺮ ﺍﺣﺪ ﻳﺴﺌﻞ
ﻟﻠﻔﺠﺮ ﻭﺳﻘﻄﺖ ﺗﻠﻚ ﺍﻟﻮﺭﻗﻪ ﺍﻟﺒﻴﻀﺎﺀ ﺍﻟﺘﻲ ﻟﻢ ﺗﺘﻤﻜﻦ ﻣﻦ ﻛﺘﺎﺑﻪ ﻧﻘﻄﻪ ﻣﻦ ﺳﻄﺮ ﻓﻲ ﻫﺬﺍ ﺍﻟﺪﻧﻴﺎ
ﻏﺎﺩﺭﺕ ﻣﺤﻠﻘﻪ ﻟﺮﺏ ﺍﻟﺴﻤﺎﺀ
ﺍﻣﺎﻧﻪ ﺑﺎﺗﺖ ﻓﻲ ﻋﻨﻘﻲ ﻟﻤﺪﻩ ﺃﺷﻬﺮ ﻭﻧﻮﺭﺕ ﺣﻴﺎﺗﻲ ﻟﻤﺪﻩ ﺳﺎﻋﺎﺕ ﺛﻢ ﺻﺮﺕ ﺍﺗﺘﺎﻣﻠﻪ ﺃﻳﺎﻡ ﺍﻥ ﺗﺪﻭﻡ ﻟﻲ ﻃﻮﻝ ﺍﻟﻌﻤﺮ ﻭﻻﻛﻦ
ﻭَﻣَﺎ ﺗَﺸَﺎﺀُﻭﻥَ ﺇِﻟَّﺎ ﺃَﻥ ﻳَﺸَﺎﺀَ ﺍﻟﻠَّﻪُ ﺭَﺏُّ ﺍﻟْﻌَﺎﻟَﻤِﻴﻦَ
ﺻﺮﺧﺖ ﻻﻻ ﻛﻞ ﻗﻮﺗﻲ
ﻛﻞ ﺣﺴﻲ ﻣﻦ ﻛﺎﻝ ﺍﻟﺪﻛﺘﻮﺭ
ﺍﻟﺒﻘﺎﺀ ﻓﻲ ﺣﻴﺎﺗﻜﻢ
ﻳﻴﻴﺘﺒﻊ

#بارت٣٣
#لهفة_عاشق.
،،،،،،،،،،،،،،،،،،
ﺷﮕﺪ ﺭﻣﺎﺩ ﺑﺮﻭﺣﻲ ﻣﻨﻚ !..
ﺷﮕﺪ ﻭﺟﻊ ﻭﺷﮕﺪ ﺍﺣﺒﻚ
ﻣﻨﻴﻦ ﻫﺬﺍ ﺍﻟﺤﻆ ﺍﺟﺎﻙ .. ؟
ﻳﺎ ﻧﺒﻲ ﺍﻟﺤﻨﻴﺖ ﺑﺎﺑﻪ ﻭﺣﺒﺒﺎﻙ !!..
،،،،،،،،،،،،،،،،
ﺻﺮﺧﺖ ﻭﺧﺘﻔﻰ ﺻﻮﺗﻲ ﻛﻌﺪﺕ ﺑﻌﺪ ﻃﻮﻟﻲ ﻣﺎﻛﺪﺭ ﺍﺻﻠﺒﻪ ﻭﺍﺗﺨﻴﻞ ﺷﻜﻠﻪ ﺷﻠﻮﻥ ﺗﺮﻑ ﻭﻧﺎﻋﻢ ﻟﻮ ﺍﻟﻮﻏﻒ ﻟﺒﻴﺾ ﻟﺠﺎﻥ ﻣﻐﻄﻲ ﺟﺴﻤﻪ ﻭﻳﻪ ﺣﻤﺎﺭﻩ
ﺍﻏﻤﺾ ﻭﻋﻴﻮﻧﻲ ﺗﻐﻮﺵ ﻣﺘﺮﻭﺳﻪ ﺩﻣﻮﻉ ﻭﻣﺎﻣﺎ ﺗﻬﺰ ﺑﻴﻪ
ﺍﺩﻳﺎﻥ ﻗﺪﺭ ﺍﻟﻠﻪ ﻭﻣﺎ ﺷﺎﺀ ﻓﻌﻞ ﺍﻟﻠﻪ ﻧﻄﺎﻩ ﻭﺍﻟﻠﻪ ﺍﺧﺬﻩ ﺑﻨﺘﻲ
ﻭﻛﻔﺖ ﺍﺗﻮﺟﻪ ﻋﻠﻰ ﺣﺎﻳﻂ ﻭﺍﻣﺸﻲ ﻓﺎﺻﻠﻪ ﻭﺧﺪﻭﺩ ﺍﻡ ﺧﻄﺎﺏ ﺗﺠﺮﻱ ﺩﻡ ﻛﺪ ﻣﺰﻟﻐﺘﻬﻢ
ﻭﻛﻔﺖ ﻛﺪﺍﻡ ﺣﺎﺟﺰ ﺍﻟﺠﺎﻡ ﺍﺑﺎﻭﻉ ﺷﻠﻮﻥ ﻃﻠﻌﻮ ﻣﻦ ﻟﺤﺎﺿﻨﻪ ﻭﻳﻔﺼﻠﻮﻥ ﻋﻨﻪ ﺍﻻﺟﻬﺰﻩ ﻭﻳﻠﻔﻮﻥ ﺑﻲ ﺗﺨﺒﻠﺖ
ﻭﻋﻴﺖ ﻭﺻﺤﺖ ﺑﺠﻴﺖ ﻭﻣﺮﺗﻴﻦ ﺿﺮﺑﺖ ﻋﻠﻰ ﻭﺟﻬﻲ ﻭﻧﻠﺰﻣﺖ ﺍﻳﺪﻱ ﻣﺎﻣﺎ ﻣﺨﻨﺰﺭﻩ
ﺻﻮﺗﺞ ﻟﻴﻄﻠﻊ ﺣﺮﺍﻡ ﻋﻠﻴﺞ ﺗﻌﺘﺮﺿﻴﻦ ﻋﻠﻰ ﺣﻜﻢ ﺍﻟﻠﻪ
ﺳﻜﺘﺖ ﻭﻣﺸﻴﺖ ﺍﺗﻠﻄﺦ ﺍﺭﻳﺪ ﺍﻭﺻﻞ ﻳﻤﻪ
ﺍﺭﻳﺪ ﺍﺣﺎﺟﻲ
ﺍﻋﺎﺗﺒﻪ
ﺍﺗﺤﺴﺐ ﻋﻠﻴﻪ ﻛﺒﺎﻝ ﻭﺟﻪ
ﻟﻴﺶ ﺣﺮﻣﻨﻲ ﻣﻨﺎ
ﻭﻟﻴﺶ ﻣﺸﺒﻌﺖ ﻣﻦ ﺗﺮﺍﻓﺘﻪ
ﺟﺎﻥ ﻛﺎﻋﺪ ﻋﻠﻰ ﻛﺮﺳﻲ ﺍﻳﺪﻩ ﻋﻠﻰ ﺭﺃﺳﻪ ﻭﺧﻄﺎﺏ ﻻﺯﻣﻪ ﺟﺘﻔﻪ ﺻﺮﺧﺖ ﻭﻫﺰﻳﺘﻪ
ﻟﻴﺸﺸﺸﺸﺶ ﺍﺧﺬﺗﻪ
ﻟﻴﺶ ﻣﺎﺕ
ﻟﻴﺶ ﻣﻨﻄﻴﺘﻨﺎﻩ
ﻛﻞ ﺻﻮﺗﻲ ﺻﺤﺖ ﻣﻐﻄﻴﻪ ﻭﺟﻬﻲ ﻭﺍﺩﻙ ﺑﺮﺟﻠﻲ ﺑﻠﻜﺎﻉ
ﻭﻛﻒ ﺩﻳﺤﻀﻨﻲ ﻋﻴﻮﻧﻪ ﻣﺘﺮﻭﺳﻪ ﺩﻣﻮﻉ ﺩﻓﻌﺘﻪ ﻛﺪ ﻣﻤﻬﺰﻭﺯ ﻭﺗﻌﺒﺎﻥ ﺟﺴﻤﻪ ﻣﺨﻨﻄﻞ ﻛﻞ ﺟﺴﻤﻪ ﺧﺘﻞ ﻭﻛﻌﺪ ﻋﻠﻰ ﺣﻴﻠﻪ ﺛﻨﻴﺖ ﻛﺒﺎﻟﻪ ﺍﺑﺠﻲ ﻭﻋﺎﺗﺐ ﻭﺻﺪﺭﻱ ﻳﺪﺭ ﻳﺪﺭﻱ ﻭﺍﻟﻨﺎﺱ ﻛﻠﻪ ﺗﺒﺠﻲ ﻋﻠﻰ ﺑﺠﺎﻱ ﻭﻫﻮﻩ ﺟﺘﺎﻓﻪ ﺗﻬﺘﺰ ﻣﻨﺼﻲ
ﻓﻘﺪﺕ
ﻭﺻﻮﺗﻲ ﻟﻨﺎﺻﻲ ﻧﺒﺢ ﻭﻳﻪ ﻟﺰﻣﺖ ﺍﻳﺪ ﻣﺎﻣﺎ ﻟﺘﻬﺪﻱ ﺑﻴﻪ ﺗﻌﺒﺖ ﻭﺻﺮﺕ ﺑﺲ ﺍﺷﻬﻚ ﺑﺤﺮﻛﻪ ﻣﻨﺼﻴﻪ ﻭﺭﻓﻌﺖ ﺭﺍﺳﻲ ﻣﻦ ﻣﺎﻝ ﺟﺴﻤﻪ ﻭﺧﻄﺎﺏ ﻛﻞ ﺣﺴﻪ ﺻﺎﺡ
ﺧﺎﺍﺍﺍﺍﺍﺍﻟﻲ ﻟﻢ ﻛﻞ ﻟﺪﻛﺎﺗﺮﻩ ﻭﺷﺎﻟﻮ
ﺧﻄﻮﻩ ﺗﺮﺍﺟﻌﺖ
ﺟﺮﺗﻨﻲ ﻣﺎﻣﺎ ﻣﺠﻠﺒﻪ ﺑﻴﻬﺎ ﺣﻴﻞ ﺍﺷﻬﻚ ﻭﺍﻡ ﺧﻄﺎﺏ ﻭﺍﺑﻨﻪ ﻧﺨﺒﺼﻮ ﺑﻲ ﺭﺍﺣﻮ ﻭﺭﺍﻩ ﻛﻌﺪﺕ ﻋﺎﺟﺰﻩ ﺍﻟﻮﺏ ﻣﻔﺮﻓﺤﻪ ﻣﺎﻣﺎ ﺗﻬﺪﻱ ﻭﺗﻤﺴﺢ ﻋﻠﻰ ﺭﺍﺳﻲ ﺗﻘﺮﻩ ﺍﻳﺎﺕ ﻭﺗﺬﻛﺮﻧﻲ ﺑﺮﺑﻲ ﻭﺍﻧﻲ ﺑﻐﻴﺮ ﻋﺎﻟﻢ
ﺟﺜﻪ ﻫﺎﻣﺪﻩ ﺻﺮﺕ ﻭﺭﺍﺣﺖ ﻣﻨﻲ ﻓﺮﺣﺘﻲ
ﺭﺍﺡ ﻟﺠﻨﺖ ﺍﻧﺘﻀﺮﻩ
ﻭﺭﺍﺡ ﻛﻞ ﺗﻌﺒﻲ
ﻭﺍﻟﻠﻪ ﻣﺸﺒﻌﺖ ﻣﻨﻪ ﻭﻻﺗﻬﻨﻴﺖ ﻟﻴﺶ ﻫﻴﺞ ﺑﺴﻊ ﺑﺴﻊ ﺟﺒﺘﻪ ﻭﺑﺴﻊ ﺭﺍﺡ
ﻫﻴﺞ ﺟﻨﺖ ﺍﺣﺎﺟﻲ ﺭﻭﺣﻲ
ﺳﺎﻋﺎﺕ ﻣﺮﺕ ﺟﻨﺖ ﻣﺘﺨﺸﺒﻪ ﻣﺼﺪﻭﻣﻪ ﻣﻤﺼﺪﻛﻪ ﻟﺤﺪ ﻣﺼﺎﺡ ﺃﺫﺍﻥ ﺍﻟﻔﺠﺮ
ﺍﺍﺍﻟﻠﻪ ﺍﺍﺍﺍﻛﺒﺮ
ﺷﻲ ﺑﻴﻪ ﻓﺰ ﻭﻛﻨﻤﺎ ﺍﻟﻠﻪ ﺩﻳﺬﻛﺮﻧﻲ ﺑﻲ ﺩﻳﻮﻋﻴﻨﻲ ﻭﻛﻔﺖ ﻣﺎﻣﺎ ﻣﺠﻠﺒﻪ ﺑﻴﻪ
ﺍﺩﻳﺎﻥ ﻭﻳﻦ
ﻣﺠﺎﻭﺑﺖ
ﺍﻟﺤﻤﺎﻣﺎﺕ ﻛﺒﺎﻟﻲ ﻓﺘﺖ ﺗﻮﺿﻴﺖ ﻭﺍﺟﻴﺖ ﻭﺭﻩ ﺣﺎﺟﺰ ﺍﻻﺳﺘﻌﻼﻣﺎﺕ ﺑﺪﻳﺖ ﺍﺻﻠﻲ ﻣﺴﺘﻠﺴﻤﻪ ﻣﻮﺋﻤﻨﻪ ﺑﻘﻀﺎﺀ ﺍﻟﻠﻪ ﻭﻗﺪﺭﻩ ﻭﻳﻘﻴﻨﻲ ﺑﻬﺎﻱ ﺍﻟﺤﻴﺎﻩ ﺑﺌﻦ ﻛﻠﻨﺎ ﻧﻤﻮﺕ ﻛﻠﻨﺎ ﻣﺮﺟﻌﻨﺎ ﻟﻠﻪ
ﻫﻴﺞ ﻗﻮﻩ ﺍﻟﻠﻪ ﺧﻠﻪ ﺑﻴﻪ ﺑﻴﺬﺝ ﺍﻟﺴﺎﻋﻪ ﻭﻫﻴﺞ ﺻﺒﺮ ﻣﺸﺎﻳﻔﻪ
ﻧﻔﺴﻲ ﺍﻧﻲ ﻧﻔﺴﻲ ﻣﺘﻌﺠﺒﻪ ﺷﻠﻮﻥ ﺍﻧﻲ ﻟﻼﻥ ﺻﺎﻣﺪﻩ ﻭﻣﻘﺎﻭﻣﻪ
ﻣﺎﻣﺎ ﺟﺎﻧﺖ ﻣﻴﺘﻪ ﺧﻮﻑ ﻋﻠﻴﻪ ﺗﺘﻠﻤﺲ ﺑﻴﻪ ﻭﻛﻞ ﺷﻮﻳﻪ ﻭﻛﺎﻟﺖ
ﺍﺩﻳﺎﻥ ﺑﻴﺞ ﺷﻲ
ﺍﻫﺰ ﺭﺍﺳﻲ ﻻ ﺑﺲ ﺩﻣﻮﻋﻲ ﺗﺠﺮﻱ
ﺍﻡ ﺧﻄﺎﺏ ﻭﺭﻩ ﺳﺎﻋﺎﺕ ﺟﺘﻲ ﺟﺎﻧﺖ ﺑﺤﺎﻟﻪ ﺑﺮﺛﻰ ﻟﻬﺎﺀ ﺣﻀﻨﺘﻨﻲ ﻣﻨﻄﻴﺖ ﺭﺩﺕ ﻓﻌﻞ
ﺑﺠﺖ ﻭﻫﻮﺍﻱ ﺣﺠﺖ ﻟﺤﺪ ﻣﺨﻠﺼﺖ ﻃﺎﻗﺘﻲ ﻭﻛﻤﺖ ﺍﺑﺠﻲ ﺑﺸﻬﻴﻚ ﻭﺍﺳﻤﻊ ﻛﻼﻣﻪ
ﺍﺩﻳﺎﻥ ﺣﺒﻴﺒﺘﻲ ﺍﻟﻠﻪ ﻳﻌﻮﺿﺞ ﺍﻟﻠﻪ ﻣﺎﻗﺎﺳﻤﻮ ﻭﺍﻧﺖ ﻣﻮﺋﻤﻨﻪ ﺣﺘﺴﺒﻲ ﺍﻣﺮﻟﺞ ﻟﻠﻪ ﺭﺑﻲ ﻳﺒﺮﺩ ﻛﻠﺒﺞ ﻭﻳﺎﺧﺬﻭ ﻣﻦ ﻣﻨﻮ ﻣﺜﻞ ﻣﺎﺍﺧﺬﻭ ﻣﻦ ﻋﻴﻨﺞ
ﺍﻡ ﺧﻄﺎﺏ ﻟﻴﺶ ﻣﺎﺕ
ﺳﻜﺘﺖ ﻣﻨﺼﻴﻪ
ﻋﻔﻴﻪ ﺟﺎﻭﺑﻴﻨﻲ ﻟﻴﺶ ﺍﺧﺬﺗﻮ ﻣﻨﻲ ﻭﻟﻴﺶ ﺣﺮﻣﺘﻮﻧﻲ ﻣﻨﺎ
ﻭﺍﻟﻠﻪ ﺭﺍﺩ ﻳﺮﺟﻌﺞ ﻭﻛﻞ ﻣﺎﺣﺎﺟﻴﺘﻮ ﻛﺎﻝ ﻳﻮﻣﻴﻦ ﻭﺍﺭﺩ ﺍﻧﻲ ﻭﻳﺎﻩ ﻭﻫﻴﻪ
ﻫﺰﻳﺖ ﺭﺍﺳﻲ ﺟﺬﺏ ﺣﻀﻨﺘﻨﻲ ﻭﺑﺠﻴﺖ ﺑﻜﻞ ﺻﻮﺗﻲ ﺑﻌﺪ ﻣﺘﺤﻤﻠﺖ
ﻟﺰﻣﺖ ﺭﺍﺳﻲ ﺑﻴﻦ ﺍﺩﻳﻪ ﺗﻤﺴﺢ ﺑﺪﻭﻣﻮﻋﻲ ﻭﺩﻣﻮﻋﻪ ﻭﺗﺮﺩﺩ ﻣﻮﺑﺲ ﺍﺑﻨﺞ ﺍﺩﻳﺎﻥ ﺍﺧﻮﻱ ﻫﻢ ﺭﺍﺡ ﻳﺮﻭﺡ ﻣﻦ ﺍﻳﺪﻧﻪ ﺍﺧﻮﻱ ﻛﻠﺒﻮ ﻣﺎﺗﺤﻤﻞ
ﻭﺝ ﺍﺩﻳﺎﻥ ﻓﺎﺭﺱ ﻧﺠﻠﻂ
ﻭﻫﻞ ﻣﺮﻩ ﺍﻟﻀﺮﺑﻪ ﺣﻴﻞ ﺟﺎﺳﻴﻪ
ﻭﺝ ﻫﺬﺍ ﺣﻠﻢ ﺣﻴﺎﺗﻮ ﻭﺍﻟﺸﻲ ﻟﺠﺎﻥ ﻳﺘﻤﻨﻰ ﻭﺍﻟﻠﻪ ﻟﻮﺗﺸﻮﻓﻴﻦ ﺷﻠﻮﻥ ﻣﻜﺎﺑﻠﻮ ﺟﺎﻥ ﻧﻜﺴﺮ ﻛﻠﺒﺞ ﻋﻠﻴﻪ ﺃﺯﻳﺪ ﻣﺎﻧﻜﺴﺮ ﻋﻠﻰ ﺿﻨﺎﺝ
ﺑﺘﻌﺪﺕ ﺍﻣﺴﺢ ﺑﺪﻣﻮﻋﻲ ﻭﺍﻛﻠﻪ
ﻣﺤﺪ ﺑﺼﺪﺭﻩ ﻟﻨﺎﺭ ﻟﺒﺼﺪﺭﻱ
ﻣﺤﺪ ﺑﻲ ﻟﺤﺮﻛﻪ ﺍﻟﺒﻴﻪ ﺍﺫﺍ ﻫﻮﻩ ﺳﻨﻴﻦ ﻳﺘﻤﻨﺎﻩ ﻭﺳﺒﻮﻉ ﺷﺎﻓﻪ ﻭﻣﻜﺎﺑﻠﻪ
ﺍﻧﻲ ﺷﻬﻮﺭ ﺑﻄﻨﻲ ﺣﺎﻣﻠﺘﻪ
ﺗﺤﻤﻠﺖ ﻧﺴﺎﻭﺗﻪ
ﻭﺛﻜﻠﻪ
ﻭﺗﻌﺒﻪ
ﻭﺗﺎﻟﻲ ﻟﺰﻣﻪ ﻣﻠﺰﻣﺘﻪ ﺷﻤﻪ ﻣﺸﻤﻴﺘﻪ
ﻣﻦ ﻋﺴﺎﻩ ﺑﺤﻀﻪ ﻭﺑﺨﺘﻪ
ﻛﻠﺘﻪ ﻭﺻﻤﺖ ﺣﻠﻜﻲ ﺗﺒﺠﻲ
ﺍﺩﻳﺎﻥ ﻟﺪﻋﻴﻦ ﻓﺎﺭﺱ ﻣﻮ ﻧﺎﻗﺺ ﻭﺝ ﺟﺎﻱ ﻳﻤﻮﺕ ﺫﺍﻙ ﻫﻮﻩ ﻣﺠﻠﻮﻁ ﻭﻧﺎﻳﻢ
ﻭﻋﺴﺎﻩ ﺑﻼﺯﻳﺪ
ﺣﺠﻴﺘﻪ ﻭﻛﻤﺖ ﺭﺣﺖ ﻟﻼﺳﺘﻌﻼﻣﺎﺕ ﻭﺑﻠﺸﺖ ﺑﺠﺮﺍﺋﺎﺕ ﺷﻬﺎﺩﻩ ﺍﻟﻮﻓﺎﻩ ﻭﻫﻢ ﻻﺯﻡ ﺍﺣﺘﺎﺟﻪ ﻻﺯﻡ ﺍﺳﻤﻪ ﻳﻤﺮ ﺑﻠﻄﺎﺭﻱ ﻭﻻﺯﻡ ﻳﻄﻠﺒﻮ
ﻻﺯﻡ ﺟﻨﺴﻴﺘﻪ
ﺷﻨﻮ ﻫﺎﻱ ﺍﻟﻘﻮﻩ ﺍﻻﻧﻲ ﺑﻴﻬﺎ ﺷﻮﻥ ﺍﺭﻳﺪ ﺍﺧﺬ ﺍﺑﻨﻲ ﻭﺍﺩﻓﻨﻪ ﻭﺍﺭﺟﻌﻪ ﻟﻤﺜﻮﺍﻩ ﺍﻷﺧﻴﺮ
ﻣﺘﺤﻄﻤﻪ ﻣﺘﻔﻠﺸﻪ ﺑﺲ ﻫﺬﺍ ﻻﺯﻡ ﻳﺼﻴﺮ ﻭﺍﻃﻠﻊ ﻣﻦ ﺧﻄﻴﺘﻪ
ﻣﻠﺰﻣﺘﻪ ﻻﺍﺧﺬﺗﻪ ﺑﺤﻀﻨﻲ
ﻻﺩﺍﺭﻳﺘﻪ ﻭﻻﺭﻛﻀﺘﻠﻪ ﻭﺳﻮﻳﺖ ﻛﻞ ﻫﺬﺍ ﻭﻫﻮﻩ ﻣﻴﺖ
ﺟﻨﺖ ﺍﻣﺸﻲ ﺩﻣﻴﻪ ﺍﻟﻲ ﻣﺘﺤﺮﻙ ﺑﺲ ﻋﻴﻮﻧﻲ ﺗﻬﻤﻞ ﻭﻣﺎﻣﺎ ﻭﺭﺍﻳﻪ ﺗﺮﺩﺩ ﻳﻨﻄﻮﺝ ﻣﻦ ﺻﺒﺮﻫﻢ
ﺭﺑﻲ ﻣﻦ ﺻﺒﺮ ﺍﻫﻞ ﺑﻴﺘﻚ ﻟﻜﻠﺐ ﺑﻨﺘﻲ
ﺍﺳﻤﻊ ﻭﺍﻗﻮﻩ ﺃﻛﺜﺮ
ﺗﻮﺍﺟﻬﺖ ﻭﻳﻪ ﺧﻄﺎﺏ ﻳﺮﻛﺾ ﻟﻔﺎﺭﺱ ﻣﻦ ﻣﻜﺎﻥ ﻟﻤﻜﺎﻥ ﻃﻠﺒﺖ ﻣﻨﻪ ﺟﻨﺴﻴﺘﻪ ﺭﺍﺡ ﺩﻳﺠﻴﺒﻪ ﻭﺍﻧﻲ ﻭﺭﺍﻩ ﻟﺤﺪ ﻣﺨﻼﻩ ﺑﻴﺪﻱ ﺍﺧﺬﺗﻪ ﻭﻋﻴﻨﻲ ﻋﻠﻴﻪ ﺟﺎﻥ ﺑﻼﻧﻌﺎﺵ ﺻﺪﺭﻩ ﻣﺘﺮﻭﺱ ﺍﺟﻬﺰﻩ ﻭﺍﻟﺼﻮﻧﺪﻩ ﺑﺤﻠﻜﻪ ﻏﻤﻀﺖ ﺑﺪﺍﺧﻠﻲ ﺍﺗﻤﻨﺎﻟﻪ ﺍﻷﻛﺜﺮ ﻭﺍﺭﺟﻊ ﺍﻛﻮﻝ ﺧﺎﻑ ﺣﺮﺍﻡ ﻋﻠﻴﻪ
ﻛﻤﻠﺖ ﻛﻠﺸﻲ ﻭﺍﺧﺬﺗﻪ ﺑﻴﻦ ﺍﻳﺪﻱ ﺍﺑﺎﻭﻉ ﻋﻠﻴﻪ ﻭﺍﻟﻠﻪ ﻣﻤﻴﺖ ﻭﺍﻟﻠﻪ ﻧﺎﻳﻢ ﻳﺮﺑﻲ
ﻭﻛﺘﻪ ﻗﻄﺮﻩ ﺧﻮﻑ ﺑﻜﻠﺒﻲ ﻣﺎﻛﻮ ﺑﺲ
ﺍﻛﻮ ﺑﺮﻛﺎﻥ ﻣﺸﺘﻌﻞ ﻭﺩﻣﻮﻋﻲ ﻟﺤﻄﺎﺏ ﻣﺎﻟﻪ
ﺍﻡ ﺧﻄﺎﺏ ﺗﺨﺒﻠﺖ ﻭﻳﻦ ﻣﺎﺧﺬﺗﻪ ﻭﻳﻦ ﻣﻮﺩﻳﺘﻪ ﻧﺘﻀﺮﻱ ﺧﻄﺎﺏ ﻳﺪﻓﻨﻪ ﻛﺘﻠﻪ ﻳﺪﻓﻨﻪ ﺧﻄﺎﺏ ﺑﺲ ﺑﻴﺪﻱ ﺍﻏﺴﻠﻪ ﻭﺍﺟﻔﻨﻪ
ﻛﻮﻣﻪ ﺣﺠﺖ ﻗﻨﻌﺖ ﺭﺍﺡ ﻳﻮﻛﻒ ﻛﻠﺒﺞ ﻣﺮﺍﺡ ﺗﺘﺤﻤﻠﻴﻦ ﻭﻣﺎﻣﺎ ﻣﺜﻞ ﻛﻼﻣﻪ ﻭﺍﺭﺩﻫﻢ ﻻ ﺍﻧﻲ ﻗﻮﻳﻪ ﻭﻧﻬﻴﺘﻬﺎ
ﺍﻟﺮﺍﺣﻮﻟﻲ ﻫﻮﺍﻱ ﺑﺎﺑﺎ ﻭﺍﺧﻮﺍﻧﻲ ﻭﻫﻮﻩ ﻣﻮ ﺍﻋﺰ ﻣﻨﻬﻢ
ﻭﺻﻠﻨﻪ ﺧﻄﺎﺏ ﻟﻠﺒﻴﺖ ﺻﻌﺪﺕ ﻟﺪﺭﺝ ﺭﺟﻠﻴﻪ ﻣﻜﺮﻣﻪ ﻭﺑﻌﺪ ﺷﻮﻳﻪ ﺍﺗﺨﺒﻞ ﻭﻋﺎﻳﺸﻪ ﺑﻔﻜﺮﻩ ﻫﻮﻩ ﻋﺎﻳﺶ ﻭﺍﻧﻲ ﺟﺎﻳﺒﺘﻪ ﻭﺭﺍﺟﻌﻪ ﻟﻠﺒﻴﺖ
ﺟﻨﺖ ﺍﺗﺨﻴﻞ ﻫﻴﺞ
ﺣﺘﻰ ﺍﻋﺒﺮ ﺧﻄﻮﻩ
ﺣﺘﻰ ﺍﻛﻤﻞ ﻣﻬﻤﻪ
ﻣﺜﻞ ﻭﺍﺣﺪ ﻭﺩﻳﻮﻫﻢ ﻧﻔﺴﻪ
ﻋﺬﺭﺍﺀ ﻧﺮﻋﺒﺖ ﻭﻧﺰﻭﺕ ﻛﺎﻣﺸﻪ ﺍﻳﻬﻢ ﻟﺼﺎﻓﻦ ﺍﻳﺪﻩ ﺑﺤﻠﻜﻪ ﻭﺍﻧﻲ ﻛﻌﺪﺕ ﻫﻮﻩ ﺑﺤﻀﻨﻲ ﻣﺎﻣﺎ ﺟﺎﺑﺖ ﻟﻄﺸﺖ ﻭﺍﻟﻤﻲ ﻣﺪ

ﻓﻰ ﺗﺼﺒﻠﻲ ﻭﺍﻏﻠﺲ ﻭﺩﻣﻌﻲ ﺗﺠﺮﻱ
ﻣﻮﻫﺎﻱ ﻟﺴﺒﺤﻪ ﻟﺮﺩﺗﻪ ﻭﻻ ﻫﺬﺍ ﻟﺘﻤﻨﻴﺘﻪ
ﺗﻤﻨﻴﺘﻪ ﺳﺒﺤﻪ ﻟﻴﻮﻡ ﻟﺴﺎﺑﻊ ﻭﻫﺴﻪ ﺑﻴﻦ ﺍﻳﺪﻱ ﻳﺼﺮﺥ ﻣﻦ ﺍﻟﻤﺎﻱ
ﻫﻢ ﻫﻴﺞ ﺟﻨﺖ ﺍﺗﺨﻴﻞ ﻭﻟﻮﻣﺎ ﻫﻴﺞ ﺍﺗﺨﻴﻞ ﺟﺎﻥ ﻣﻜﻤﻠﺖ
ﺷﻬﺎﺩﺗﻪ ﻭﺍﻣﻨﺘﻪ ﻭﺑﺤﻀﻴﻨﺘﻪ ﻟﻔﻠﻔﺘﻪ ﺳﻮﻳﺘﻪ ﻛﻔﺘﻪ ﻭﻧﺰﻟﺖ ﻫﺪﻭﻣﻲ ﻣﺒﻠﻠﻪ ﻣﻦ ﻣﻴﻪ
ﺍﻟﺤﺎﺭﺱ ﻣﻨﺼﻲ ﺭﺍﺳﻪ ﺍﺧﺬ ﻣﻦ ﺧﺎﻃﺮﻱ ﻭﻛﺘﻔﻴﺖ ﺍﻫﺰ ﺑﺮﺍﺳﻲ ﻣﺎﻣﺎ ﻛﺎﻣﺸﺘﻲ ﻭﺻﻌﺪﻧﻪ ﻟﺴﻴﺎﺭﻩ ﻣﺘﻮﺟﻬﻴﻦ ﻟﻠﻤﻘﺒﺮﻩ
ﺩﻓﻨﻪ ﺧﻄﺎﺏ ﻭﺭﺟﻌﺖ ﺩﻣﻮﻋﻲ ﻳﺎﺑﺴﻪ ﻋﻠﻰ ﺧﺪﻭﺩﻱ ﻭﺍﻟﻜﻞ ﻳﺒﺎﻭﻋﻠﻲ ﺑﺘﺮﻗﺐ ﺣﺘﻰ ﺍﻳﻬﻢ ﺍﺑﺪ ﻣﻮﺻﻞ ﻳﻤﻲ
ﻧﻤﺖ ﻭﻧﻤﺖ ﻭﻧﻤﺖ
ﻣﻮﺗﻌﺐ
ﻭﻻﻧﻌﺎﺱ
ﻧﻤﺖ ﺣﺘﻰ ﺍﻟﻠﻤﻠﻢ ﺭﻭﺣﻲ ﻟﻄﺸﺮﺕ
ﺣﺘﻰ ﺍﻧﻬﺰﻡ ﻣﻦ ﻭﺍﻗﻌﻲ ﻭﺣﺘﻰ ﻣﺎﻧﻬﺎﺭ
ﻟﺤﻀﺎﺕ ﺷﻴﻄﺎﻧﻴﻪ ﺗﺠﻲ ﻋﻠﻰ ﺑﺎﻟﻲ ﺑﻴﻬﺎ ﻛﻮﻣﻪ ﺃﻓﻜﺎﺭ ﻣﻠﻴﺎﻧﻪ ﻣﻌﺎﺻﻲ ﻭﺫﻧﻮﺏ ﺷﻲ ﺍﻫﺪ ﺍﺷﺮﺏ ﻣﻦ ﺩﻡ ﻓﺎﺭﺱ ﻭﺷﻲ ﺍﺭﻭﺡ ﻟﻠﻤﻘﺒﺮﻩ ﺍﻃﻠﻌﻪ ﺍﺷﻤﻪ ﻭﺍﺷﺒﻊ ﻣﻨﺎ ﻭﺍﺭﺟﻊ ﺍﻛﻮﻝ ﻻ ﻣﺴﺘﺤﻴﻞ ﺍﺳﻮﻳﻬﺎ
ﺍﺑﺠﻲ ﺍﻱ ﺍﻓﺮﻍ ﻫﻤﻲ ﺍﻱ
ﺑﺲ ﻻﺍﻟﻄﻢ ﻭﻻ ﺍﻧﺤﺐ
ﻭﻻﺍﻭﻥ
ﻣﺎﻋﺘﺮﺽ ﻋﻠﻰ ﻗﺪﺭ ﺍﻟﻠﻪ ﻻﻥ ﺍﻧﻲ ﻣﻮ ﺍﺣﺴﻦ ﻣﻦ ﻫﺎﻱ ﺍﻻﻣﻬﺎﺕ ﻟﺪﻓﻨﺖ ﺯﻟﻢ ﻣﺸﻮﺭﺑﻪ
ﻣﻮﺍﺣﺴﻦ ﻣﻦ ﻟﻌﺮﺳﺎﻥ ﻟﺼﺎﺭﺕ ﻓﺎﺗﺤﺘﻬﻢ ﺻﻴﻨﻪ ﺣﻨﻪ ﻭﺯﻓﻪ ﺑﻤﻮﺳﻴﻘﻰ
ﺍﺑﻨﻲ ﻃﻴﺮ
ﺍﻱ ﻣﻦ ﻃﻴﻮﺭ ﺑﻠﺠﻨﻪ ﻳﻮﻡ ﺍﻟﻘﻴﺎﻣﻪ ﻫﻨﺎﻙ ﺍﻟﻜﺎﻩ ﻭﺍﻟﻲ ﺗﻤﻨﻴﺘﻨﻪ ﺑﻠﺪﻧﻴﻪ ﻭﻣﺎﺻﺎﺭ ﻫﻨﺎﻙ ﻳﺼﻴﺮ
ﻛﻠﺸﻲ ﺧﻴﺮﻩ
ﻛﻠﺸﻲ ﺧﻴﺮﻩ
ﻧﻤﺖ ﻣﻮﺋﻤﻨﻪ ﻛﻠﺸﻲ ﺧﻴﺮﻩ ﻭﻻ ﺍﻋﺘﺮﺍﺽ ﻋﻠﻰ ﺣﻜﻢ ﺍﻟﻠﻪ
ﻫﻴﺞ ﺟﻨﺖ ﺍﺻﺒﺮ ﺭﻭﺣﻲ ﻭﻣﺮ ﺍﻟﻴﻮﻡ ﻭﺍﻧﺘﻬﻰ
ﻛﻞ ﻫﺬﺍ ﻭﺷﻲ ﻭﺍﺣﺪ ﻗﺎﻓﻠﻪ ﻣﻨﻪ ﺟﻨﺖ ﺍﻧﻮ ﻣﺎﺳﺎﻣﺢ ﻓﺎﺭﺱ ﻭﻻﺍﻏﻔﺮﻟﻪ ﻟﺴﻮﺍﻩ ﻣﻮ ﻻﻥ ﺍﺑﻨﻲ ﻣﺎﺕ
ﻻ
ﺍﺑﻨﻲ ﻣﺎﺕ ﻻﻥ ﻫﺬﺍ ﻳﻮﻣﻪ ﻭﻟﻬﻨﺎ ﻭﺭﻗﺘﻪ ﺳﻘﻄﺖ ﻭﺧﺒﺰﺗﻪ ﻧﺘﻬﺖ
ﺑﺲ ﻣﺎﺳﺎﻣﺤﻪ ﻻﻥ ﺍﺧﺬﻩ ﻣﻨﻲ
ﺣﺮﻣﻨﻲ ﻣﻨﺎ
ﻭﺧﻼﻧﻲ ﺑﺤﺼﺮﺗﻪ
ﻟﻠﻴﻞ ﺣﺴﻴﺖ ﻣﺎﻣﺎ ﺗﻤﺴﺪ ﻋﻠﻰ ﺷﻌﺮﻱ ﻭﺗﺘﻠﻤﺲ ﺑﻴﻪ ﺩﻣﻮﻋﻪ ﺑﻌﻴﻨﻪ ﻓﺘﺤﺖ ﻣﺴﺤﺖ ﺩﻣﻌﺘﻪ ﻛﻌﺪﺕ ﻻﻣﻪ ﺭﻭﺣﻲ ﻭﺭﺍﺳﻲ ﺑﻴﺪ ﺭﺟﻠﻴﻪ ﺗﻘﺮﺑﺖ ﺣﺎﻭﻃﺘﻨﻲ ﺑﻴﺪﻩ ﻭﻛﻼﻣﻪ ﺗﺮﺱ ﺍﺫﻧﻲ
ﺍﺩﻳﺎﻥ ﺑﻨﺘﻲ ﺍﻟﻤﻮﺋﻤﻨﻪ ﺍﻟﺼﺎﺑﺮﻩ
ﻓﺨﻮﺭﻩ ﺑﻴﺞ ﺍﻧﻲ ﻭﻧﻔﺲ ﺍﻟﻮﻛﺖ ﻣﺘﻌﺠﺒﻪ ﻣﻦ ﺍﻳﻤﺎﻧﺞ ﻭﻗﻮﺗﺞ
ﺍﻣﻲ ﺍﻧﺘﻲ ﺯﻳﻨﻪ
ﻛﺪ ﻣﺪﺍﺷﻮﻑ ﺍﻳﻤﺎﻧﺞ
ﻛﺪ ﻣﺨﺎﻳﻔﻪ ﻋﻠﻴﺞ
ﺣﺒﻴﺒﺘﻲ ﻳﺠﻮﺯ ﺣﻀﺞ ﻣﺜﻞ ﺣﺾ ﺍﻣﺞ ﺭﺍﺣﻮ ﻭﻟﺪﻱ ﻭﺭﺍﺡ ﺍﺑﻨﺞ ﺑﺲ ﻳﺒﻘﻰ ﻫﺬﺍ ﺃﻣﺮ ﺍﻟﻠﻪ ﻭﻣﺎﻟﻨﻪ ﻏﻴﺮ ﺍﻟﺼﺒﺮ
ﺩﻳﻮﻧﻪ ﺑﻨﺘﻲ ﻛﻠﺒﻲ ﻭﺍﺟﻌﻨﻲ ﻋﻠﻴﺞ ﻭﻛﻮﻥ ﻟﺒﻴﺞ ﺑﻴﻪ ﻭﻻﻫﺎﻱ ﻫﻞ ﻛﺴﺮﻩ ﻟﺪﺍﺷﻮﻓﻪ ﺑﻌﻴﻮﻧﺞ
ﺭﻓﻌﺖ ﺭﺍﺳﻲ ﺣﻀﻨﺘﻪ
ﻻ ﺍﻣﻲ ﻛﻠﺸﻲ ﻭﻻ ﺍﻧﺘﻲ ﻫﻮﻩ ﺷﺒﻘﺎﻟﻲ ﻭﺷﻌﻨﺪﻱ ﻏﻴﺮﺝ
ﺳﻜﺘﺖ ﻣﻨﺼﻴﻪ ﺗﻬﺰ ﺭﺃﺳﻪ ﻣﺴﺤﺖ ﺩﻣﻮﻋﻲ
ﻳﻮﻡ ﺷﺒﻴﺞ
ﻳﻮﻡ ﻻﺩﻛﻮﻟﻴﻦ ﻣﺎﻋﻨﺪﻱ ﻏﻴﺮﺝ ﻻ ﻋﻨﺪﺝ ﻭﻋﻨﺪﺝ
ﻏﻤﻀﺖ ﺍﻋﺮﻑ ﻗﺼﺪﻩ ﻟﻤﺘﻨﻲ ﻣﻦ ﺟﺘﻔﻲ ﺑﻐﻀﺐ ﻧﺘﺮﺕ
ﻣﺎﻣﺎ ﺍﺣﻨﺎ ﻧﺘﻬﻴﻨﺎ
ﺿﻴﻜﺖ ﻋﻴﻨﻪ ﺗﺴﺒﺢ ﻣﻨﺼﻴﻪ ﺩﻛﻠﻲ
ﺍﻟﺨﻴﺮﻩ ﻭﺑﻨﺖ ﺍﻟﺤﻤﻮﻟﻪ ﻣﻴﻄﻠﻊ ﻣﻨﻬﺎ ﺍﻟﻪ ﺍﻟﺨﻴﺮ ﻣﺜﻞ ﺍﻟﺸﺠﺮﻩ ﻟﻴﻀﺮﺑﻪ ﻟﻔﻼﺡ ﺑﻔﺎﺱ ﻭﺗﺒﻘﻰ ﺗﻄﻠﻊ ﺛﻤﺮ ﻭﺗﻤﻠﻲ ﺻﻨﺎﺩﻳﻜﻪ
ﻫﺎﻱ ﺑﻨﺘﻲ ﻟﻌﺮﻓﻪ ﻭﻫﺎﻱ ﻟﺮﺑﻴﺘﻪ ﻭﺍﻧﺘﻲ ﻛﻴﻔﻴﺞ ﺑﻌﺪ ﻣﺎﺿﻐﻂ ﻋﻠﻴﺞ
ﻧﺼﻴﺖ ﺩﺍﺧﻠﻲ ﻳﺮﺟﻒ ﺍﺑﺪ ﻣﻔﺎﺕ ﻣﺨﻲ ﻛﻼﻣﻬﺎ ﺑﺲ ﻣﺠﺎﺩﻟﺘﻪ ﻣﺒﻴﻪ ﺣﻴﻞ ﺍﺻﻼ ﺷﻘﺼﺪﻩ ﻣﻌﺮﻓﺖ ﻭﻛﺘﻔﻴﺖ ﺑﻠﺴﻜﻮﺕ ﻟﺜﺎﻧﻲ ﻳﻮﻡ ﻭﻓﺎﺗﺖ ﻋﻠﻴﻨﻪ ﺍﻡ ﺧﻄﺎﺏ ﻭﺳﺠﻰ ﻛﻌﺪﺕ ﺳﺎﻛﺘﻪ ﻭﺍﺳﻤﻊ ﻟﻜﻼﻣﻬﻢ ﻭﻳﻪ ﻣﺎﻣﺎ ﻟﻬﻨﺎﻙ ﻭﺩﻛﺖ ﻟﺤﺠﻴﻪ ﻟﻢ ﺧﻄﺎﺏ ﻭﻃﻠﺒﺖ ﺗﺤﺎﺟﻴﻨﻲ ﺟﺎﻭﺑﺖ ﺑﺲ ﺍﻟﻮ ﻭﺑﺠﻴﻪ ﻭﻧﺤﻴﺒﻪ ﻣﻔﻬﻤﺖ ﻏﻴﺮﻩ ﻭﺳﺘﻤﺮﻳﺖ ﺑﺴﻜﻮﺗﻲ ﻟﺤﺪ ﻣﻨﻬﺖ ﻟﻤﻜﺎﻟﻤﻪ ﻭﺭﺟﻌﺖ ﺍﻡ ﺧﻄﺎﺏ ﺗﺴﻮﻟﻒ ﺑﻔﺎﺭﺱ
ﻧﺠﻠﻂ ﻭﺍﻟﺠﻠﻄﻪ ﺩﻣﺎﻏﻴﻪ ﻧﺘﻴﺠﻪ ﺭﺗﻔﺎﻉ ﺍﻟﻀﻐﻂ ﺿﺮﺑﺖ ﺍﻃﺮﺍﻑ ﺟﺰﺀ ﻣﻦ ﺟﺴﻤﻪ ﺻﻔﺤﻪ ﻛﺎﻣﻠﻪ ﻣﺎﺗﺖ ﻭﻧﺘﻬﺖ ﻣﻦ ﻓﻜﻪ
ﺍﺩﻳﻪ
ﻭﺭﺟﻠﻪ
ﺗﺸﻜﻲ ﻭﺗﺒﺠﻲ
ﻭﺷﻲ ﺑﻴﻪ ﺑﺮﺩ ﻣﺮﻩ ﺍﻛﻮﻝ ﻫﺬﺍ ﻋﻘﺎﺏ ﺍﻟﻠﻪ ﺑﻲ ﻭﻣﺮﻩ ﺍﻛﻮﻝ ﻻ ﺍﻟﺸﻤﺎﺗﻪ ﺣﺮﺍﻡ ﻭﺍﺭﺟﻊ ﻣﻨﺼﻴﻪ ﺍﺳﻤﻊ ﻭﻛﻼﻡ ﻣﺎﻣﺎ ﻳﺪﻙ ﺑﺮﺍﺳﻲ
ﺍﻟﻔﻼﺡ ﺷﻜﺪ ﻣﻴﻀﺮﺏ ﻟﺸﺠﺮﻩ ﺑﻔﺎﺳﻪ ﺗﺒﻘﻰ ﺗﺜﻤﺮ ﻭﺗﻨﻄﻲ ﺻﻨﺎﺩﻳﻚ ﺻﻨﺎﺩﻳﻚ
ﻳﻤﻜﻦ ﻟﺤﻀﺘﻪ ﻋﺮﻓﺖ ﻗﺼﺪﻩ ﻭﺑﻴﻦ ﺍﻟﻤﻐﺰﻩ
ﺑﻌﺪ ﻛﻞ ﻫﺬﺍ ﺍﻟﺤﺪﻳﺚ ﻭﻛﻔﺖ ﺍﻡ ﺧﻄﺎﺏ ﻣﺘﺮﺧﺼﻪ ﻛﺎﻣﺸﻪ ﺍﻳﺪﻱ
ﺍﺩﻳﺎﻥ ﻻﺗﻌﻮﻓﻴﻨﻮ ﻭﻻﺗﻘﺴﻴﻦ ﻋﻠﻴﻪ
ﻧﺼﻴﺖ ﻭﻧﺪﺭﺕ ﻧﺎﻃﻴﺘﻪ ﺿﻬﺮﻱ .. ﺧﻠﺺ ﻟﻴﻠﻰ ﺗﻮﻛﻠﻲ ﺑﺎﻟﻠﻪ ﻻ ﺗﺨﺎﻓﻴﻦ ﻣﺎﺍﺩﻋﻲ ﻋﻠﻴﻪ ﻻﻥ ﻣﺎﺑﻴﻨﻲ ﻭﺑﻴﻨﻪ ﺷﻲ ﺑﻌﺪ
ﺑﺲ ﻫﻮﻩ ﺭﻭﺣﻪ ﺑﻴﺞ
ﺑﺘﺴﻤﺖ ﺑﺴﺘﻬﻨﺰﺍﺀ ﻭﺻﺮﻧﻪ ﻋﻴﻦ ﺑﻌﻴﻦ .. ﺍﻡ ﺧﻄﺎﺏ ﺩﺿﺤﻜﻴﻦ ﻋﻠﻴﻪ ﻟﻮ ﻋﻠﻰ ﺭﻭﺣﺞ ﻟﻮﻣﺎ ﺛﻨﻴﻨﻪ ﺷﺎﻫﺪﻳﻦ ﻋﻠﻰ ﻛﻞ ﺍﻟﺼﺎﺭ
ﺑﺠﺖ
ﻭﺝ ﻭﺍﻟﻠﻪ ﻳﻤﻮﺕ ﻋﻠﻴﺞ ﻳﻮﻟﻲ ﻟﺮﺟﻌﻠﺞ ﺍﻳﻬﻢ ﺣﺘﻰ ﻣﻴﻜﺴﺮ ﻛﻠﺒﺞ ﺗﺘﻮﻗﻌﻴﻦ ﻳﻜﺴﺮ ﻛﻠﺒﺞ ﺑﺒﺎﺍﺑﻨﺞ
ﻭﻛﺴﺮﻩ
ﻭﺍﻟﻠﻪ ﻏﺼﺒﺎ ﻋﻨﺎ ﻫﻮﻩ ﺭﺍﺩ ﺷﻲ ﻭﺍﻟﻠﻪ ﺭﺍﺩ ﻏﻴﺮ ﺷﻲ ﻭﺍﻟﻠﻪ ﺁﺧﺮ ﻳﻮﻡ ﻣﻦ ﻛﺎﻡ ﺍﻟﻮﻟﺪ ﻣﺎﻳﺮﺿﻊ ﻛﻤﺖ ﺍﻟﻄﻢ ﻋﻠﻰ ﻭﺟﻬﻲ ﺍﻛﻠﻮ ﻛﻠﻪ ﻣﻨﻚ ﻭﻫﻮﻩ ﻣﺜﻞ ﺍﻟﻤﻀﺮﻭﺏ ﺑﺮﺍﺳﻪ ﻛﺎﻣﺸﻪ ﺑﻜﻞ ﻗﻮﺗﻪ ﻳﺒﻮﺱ ﺑﻲ ﻭﻳﻜﻠﻲ ﻭﺍﻟﻠﻪ ﻣﺎﻧﻴﺘﻲ ﻏﻴﺮ ﺑﺲ ﺍﺭﺟﻌﻬﺎ ﻭﺍﺩﺭﻱ ﺑﻴﻬﺎ ﻣﺎﺗﺮﺟﻌﻠﻲ ﺇﻟﻰ ﺍﺧﺬﻭ ﻭﻫﻴﻪ ﺟﻢ ﻳﻢ ﻭﺗﻄﺦ ﺭﺃﺳﻪ ﻭﻧﻌﻴﺶ ﺟﻤﻴﻊ ﻭﺍﻧﻪ ﻳﻤﻬﻢ
ﻭﺍﻟﻠﻪ ﻫﻴﺞ ﺟﺎﻥ ﻳﻔﻜﺮ ﻭﻧﻜﻠﺒﺖ ﻛﻞ ﺍﻟﻤﻮﺍﺯﻳﻦ
ﻣﺠﺎﻭﺑﺖ ﻭﻻﺍﺧﺬﺕ ﻣﻨﻲ ﻛﻠﻤﻪ ﺧﻠﺖ ﻭﻃﻠﻌﺖ ﻛﻌﺪﺕ ﻭﻳﻪ ﺭﻭﺣﻲ ﻻﺭﺍﺿﻴﻪ ﺍﻏﻔﺮﻟﻪ ﻟﺴﻮﺍﻩ
ﻭﻻﻛﺎﺩﺭﻩ ﺍﺗﺸﻔﻰ ﺑﻲ
ﺳﺒﻮﻉ ﻣﺮ ﺣﻴﺖ ﺭﻭﺣﻲ ﻣﻦ ﺟﺪﻳﺪ ﺍﻭ ﺍﺣﺎﻭﻝ ﺍﺣﻴﻬﺎ ﺻﺤﻴﺢ ﻧﻄﻮﻳﺖ ﺑﺲ ﻣﻌﻔﺖ ﺗﺴﺒﻴﺤﻲ ﻭﺳﺘﻐﻔﺎﺭﻱ ﻛﻞ ﻣﻴﻤﺮ ﺍﺑﻨﻲ ﻋﻠﻰ ﺑﺎﻟﻲ ﻳﺰﻳﺪ ﺳﺘﻐﻔﺎﺭﻱ ﻭﺭﻭﺣﻲ ﺗﻬﺪﺍ
ﻭﺑﻴﻮﻡ ﻛﻌﺪﺕ ﻟﺼﺒﺢ ﻟﻜﻴﺖ ﻣﺎﻣﺎ ﻫﻴﻪ ﻭﻋﺬﺭﺍﺀ ﻳﻠﻤﻠﻤﻮﻥ ﻏﺮﺍﺿﻬﻢ ﺗﺨﺒﻠﺖ ﻛﻠﺸﻲ ﻭﻻ ﻫﻤﻪ ﻳﻤﻜﻦ ﻫﻤﻪ ﺁﺧﺮ ﺷﻲ ﺣﻠﻮ ﺿﻠﻲ ﺑﻬﺪﻧﻴﻪ ﺟﻨﺖ ﺧﺎﻳﻔﻪ ﺣﺘﻰ ﺍﺳﺌﻞ ﺧﺎﻑ ﺩﻛﻠﻲ ﺣﻨﻄﻠﻊ ﻟﻮ ﺭﺍﺡ ﻧﺮﻭﺡ ﻭﺭﺍﺟﻊ ﻟﺬﻳﺞ ﺍﻻﻳﺎﻡ ﺍﻻﺑﺠﻲ ﻭﺍﺗﻮﺳﻠﻬﻢ ﺑﻴﻬﺎ
ﺍﻳﻬﻢ ﻳﻬﺰ ﺑﻤﺎﻣﺎ
ﺑﻴﺒﻲ ﻭﻳﺎﺝ ﻭﺍﻧﻲ ﻓﺎﻛﻪ ﻋﻴﻨﻲ ﻟﺤﺪ ﻣﺒﺘﺴﻤﺖ ﻭﺗﻘﺮﺑﺖ ﻻﺯﻣﻪ ﺍﻳﺪﻱ ﺑﺮﻃﻤﺖ ﺑﻌﺪ ﻣﻜﺪﺭﺕ
ﻣﺎﻣﺎ ﺷﺪﺳﻮﻳﻦ
ﻋﻜﻀﺖ .. ﻟﻴﺶ ﺍﻟﺒﺠﻲ ﺗﺮﻩ ﻣﻌﺮﻓﺘﺞ ﻣﺮﻩ ﻗﻮﻳﻪ ﻭﻣﺮﻩ ﻣﻦ ﺍﻗﻞ ﺷﻲ ﺗﺒﺠﻴﻦ
ﻓﺪﻭﻩ ﻣﺎﻣﺎ ﻋﻮﻓﺞ ﻣﺖ ﻫﺬﺁ ﺍﻟﺤﺠﻲ ﻭﻛﻠﻴﻠﻲ ﻭﻳﻦ ﺗﺮﻳﺪﻳﻦ
ﺗﻨﻬﺪﺕ ﻭﻛﺎﻟﺖ
ﺍﻣﺞ ﻣﻘﺼﺮﺕ ﻭﺗﺤﻤﻠﺖ ﻭﺷﺎﻓﺖ ﻫﻮﺍﻱ ﻭﻫﺴﻪ ﺍﺟﻪ ﻟﻮﻛﺖ ﻟﺮﺟﻊ ﺑﻲ ﻣﻨﻴﻦ ﻣﺠﻴﺖ ﻭﻫﺬﺍ ﻻﺯﻡ ﻳﺼﻴﺮ ﻣﻦ ﺯﻣﺎﻥ ﺑﺲ ﺟﺎﻧﺖ ﺍﻟﻀﺮﻭﻑ ﺗﺤﻜﻢ ﻭﻫﺴﻪ ﻛﻠﺸﻲ ﻧﺤﻞ ﺍﻥ ﺷﺎﻟﻠﻪ
ﻭﻣﺎﻛﺪﺭ ﺍﺑﻘﻰ ﺑﻌﺪ ﻭﻧﻔﺲ ﺍﻟﻮﻛﺖ ﺍﻋﺬﺭﻳﻨﻲ ﻣﺎﻛﺪﺭ ﺍﺧﺬﺝ ﻭﻳﺎﻱ ﻭﻳﻨﻌﺎﺩ ﻧﻔﺲ ﺍﻟﻐﻠﻂ ﺧﺎﺻﻪ ﺑﻬﺬﺍ ﺍﻟﻮﻛﺖ ﺍﻟﻲ ﺭﺟﻠﺞ ﻭﺍﻛﻊ ﺑﻲ ﺑﺸﺪﻩ ﻭﻫﻢ ﺍﻧﺘﻲ ﺑﺬﻣﺘﻪ ﺣﺮﺍﻡ ﻋﻠﻴﻪ ﺍﺧﺬﺝ ﻣﻨﺎ ﺑﺪﻭﻥ ﻋﻠﻤﻪ ﻭﺍﻧﺘﻲ ﺗﺪﺭﻳﻦ ﻭﺗﻌﺮﻓﻴﻦ ﻣﻮﻗﻔﻲ ﻣﻦ ﻫﺬﺍ ﺍﻟﻤﻮﺿﻮﻉ ﻭﺑﻌ

ﺪ ﺿﻠﺖ ﻳﻤﺞ ﻫﺎﻱ ﺣﻴﺎﺗﺞ ﻭﺍﻧﺘﻲ ﺣﺮﻩ ﻻﺍﻛﺪﺭ ﺍﺟﺒﺮﺝ ﻭﻻﺍﻛﺪﺭ ﺍﺿﻐﻂ ﻋﻠﻴﺞ ﺑﺲ ﺍﻛﺪﺭ ﺍﻧﺼﺤﺞ ﻭﺍﻋﺘﻘﺪ ﻳﺎ ﺑﻨﺘﻲ ﺍﻟﻨﺼﻴﺤﻪ ﺑﻌﺪﻩ ﺑﺮﺍﺳﺞ ﻟﻜﺘﻠﺞ ﻋﻠﻴﻬﺎ ﺣﺘﻰ ﻟﻮ ﻣﺠﺎﻭﺑﺘﻴﻨﻲ ﺑﻮﻛﺘﻪ ﺑﺲ ﺑﻨﺘﻲ ﻭﺍﻋﺮﻓﺞ ﻣﻴﻔﻮﺕ ﻣﻦ ﻳﻤﺞ ﺷﻲ ﻭﻳﺮﻭﺡ ﻋﺎﺑﺮ
ﺑﺠﻴﺖ .. ﻳﻌﻨﻲ ﺷﻨﻮ ﻣﺎﻣﺎ ﺭﺍﺡ ﺗﻌﻮﻓﻴﻨﻲ ﻭﻟﻴﺶ ﻫﺴﻪ ﻭ ﺷﻨﻮ ﻟﺨﻼﺝ ﺗﺤﺠﻴﻦ ﻫﺬﺍ ﺍﻟﺤﺠﻲ
ﺑﻨﺘﻲ ﺭﺟﻠﺞ ﺻﺎﺭﻟﻪ ﺳﺒﻮﻉ ﺑﻠﻤﺴﺘﺸﻔﻰ ﻧﺠﻠﻂ ﻭﺻﺎﺭ ﺍﻧﺴﺎﻥ ﻻﺣﻮﻝ ﻭﻻ ﻗﻮﻩ ﻭﺍﻟﺒﺸﺮ ﻣﻦ ﻳﻮﻛﻊ ﻳﺮﻳﺪ ﻟﻴﻌﻴﻨﻪ ﻟﻮﻣﻬﻤﺎ ﻛﺎﻥ ﻣﺴﻮﻱ ﻳﻀﻞ ﺍﻟﻤﻘﺎﺑﻞ ﻫﻮﻩ ﻭﺍﻧﺴﺎﻧﻴﺘﻪ ﻭﺭﺣﻤﻪ ﻛﻠﺒﻪ ﺍﻧﻲ ﺑﻠﻨﺴﺒﻪ ﺍﻟﻴﻪ ﻣﺤﻠﻠﺘﻪ ﻭﻣﻮﻫﺒﺘﻪ ﻭﺟﺎﻋﻠﺘﻪ ﻣﺜﻞ ﻭﻟﻴﺪﻱ ﻳﻌﻴﺶ ﺑﻜﺪ ﺗﺮﺍﺑﻪ ﺍﻥ ﺷﺎﻟﻠﻪ ﻭﻣﺎﻛﻮ ﺑﺸﺮ ﻣﻤﻌﺼﻮﻡ ﻣﻦ ﺍﻟﺨﻄﺎﺀ ﻭﻻ ﺗﻨﺴﻴﻦ ﻣﻮ ﺑﺲ ﻫﻮﻩ ﺧﻄﺎﺀ ﺣﺘﻰ ﺍﻧﺘﻲ ﻭﻻﺗﺘﺼﻮﺭﻳﻦ ﺭﺟﺎﻝ ﻋﺮﺍﻗﻲ ﻋﺮﺑﻲ ﻧﺸﻤﻲ ﻳﻘﺒﻞ ﻋﻠﻰ ﻣﺮﺗﻪ ﺗﻨﻬﺰﻡ ﻧﺺ ﺍﻟﻴﻞ ﻣﻨﻪ ﻭﺍﻟﻨﺎﺱ ﻳﺠﻮﻥ ﻳﻜﻠﻮﻟﻪ ﻭﻳﺴﻜﺖ ﺟﺒﻴﺮﻩ ﻭﺟﺒﻴﺮﻩ ﺣﻴﻞ ﺑﺤﻘﻪ ﺍﻧﺘﻲ ﺑﻨﺘﻲ ﺍﻱ ﺑﺲ ﺍﻟﺤﻖ ﻳﻨﻜﺎﻝ ﻭﺭﺩﻩ ﻓﻌﻠﻪ ﺭﺩﺕ ﻓﻌﻞ ﺍﻱ ﻭﺍﺣﺪ ﻳﺼﻴﺮ ﺑﻬﺬﺍ ﺍﻟﻤﻮﻗﻒ
ﻋﺼﺐ ﻭﺣﺠﻪ ﻭﻣﺴﻨﻪ ﻭﻳﺎﺝ ﻣﻴﺨﺎﻟﻒ ﻭﻛﺖ ﺍﻟﻐﻀﺐ ﻛﻠﺸﻲ ﻳﻨﻜﺎﻝ
ﺗﺰﻭﺝ ﻳﺠﻮﺯ ﺩﻳﺤﻄﺞ ﺑﻠﻨﺎﺭ ﻟﺤﻄﻴﺘﻲ ﺑﻴﻬﺎ ﺑﺲ ﻻ ﺍﻛﺜﺮ ﻭﻟﻪ ﻟﻮ ﻳﺮﻳﺪ ﻳﺘﺰﻭﺝ ﻭﻳﺮﻳﺪﻫﻪ ﻣﺮﻩ ﻣﻦ ﺻﺪﻙ ﺟﺎﻥ ﻣﻌﺎﻓﻠﻬﻢ ﺍﻟﺒﻴﺖ ﻭﻣﻨﺪﻟﻮ ﻭﻳﻦ
ﺍﺑﻨﺞ ﻣﺎﺕ ﻻﺑﻴﺪﻩ ﻭﻻﺑﻴﺪﺝ ﻫﺬﺍ ﻣﺎﻝ ﺍﻟﻠﻪ ﻭﺭﺟﻊ ﻝ ﺍﻟﻠﻪ ﻭﻟﻪ ﻫﻮﻩ ﺑﺤﺼﺮﺗﻪ ﻭﻳﺘﻤﻨﺎﻩ ﺃﻛﺜﺮ ﻣﻨﺞ
ﻣﺪﺍﺣﺠﻲ ﻫﺬﺍ ﺍﻟﺤﺠﻲ ﺻﺎﻓﻪ ﻭﻳﺎﻩ ﺑﺲ ﻫﺬﺍ ﻟﺪﺍﺷﻮﻓﻪ ﻛﺒﺎﻝ ﻋﻴﻨﻲ ﻭﻟﻮ ﻣﺎﻫﺎﻣﻪ ﺍﻟﻄﻔﻞ ﺟﺎﻥ ﻣﺎﻫﺴﻪ ﻧﺎﻳﻢ ﺑﻠﻤﺴﺘﺸﻔﻰ ﻭﺧﺴﺮﺍﻥ ﺻﺤﺘﻪ
ﻛﻞ ﻫﺬﺍ ﺍﻟﻜﻼﻡ ﺭﺑﺎﻃﻪ ﺷﻐﻠﻪ ﻭﺣﺪﻩ
ﺭﺟﻠﺞ ﺍﻟﻴﻮﻡ ﻣﺮﺧﺼﻴﻨﻪ ﻳﻄﻠﻊ ﻭﺍﻟﻤﺮﻳﺾ ﻳﺮﻳﺪ ﻟﻴﺪﺍﺭﻱ ﻭﻳﺮﻳﺪ ﺍﻟﻤﻨﻪ ﻭﺑﻲ ﺍﻡ ﺧﻄﺎﺏ ﺩﻛﻮﻝ ﻟﻠﺸﻤﺎﻝ ﻣﻨﻜﺪﺭ ﻧﺎﺧﺬﻩ ﻻﻥ ﺩﻛﺘﻮﺭﻩ ﻫﻨﺎ ﻫﻮﻩ ﻣﺸﺮﻑ ﻋﻠﻰ ﻭﺿﻌﻪ ﻣﻦ ﺍﻭﻝ ﻳﻮﻡ ﻭﻛﻞ ﺳﺒﻮﻉ ﺍﻟﻪ ﻣﺮﺍﺟﻌﻪ ﻳﻤﻪ ﺭﺍﺡ ﻧﺎﺧﺬﻩ ﻟﺸﻘﻪ ﻟﻜﺎﻋﺪ ﺑﻴﻬﺎ ﺧﻄﺎﺏ ﻭﺍﻧﻲ ﺍﺷﻮﻑ ﺑﻴﺘﻪ ﺍﻭﻟﻪ ﺑﻲ ﻟﻮ ﺍﻧﺘﻲ ﺷﺪﻛﻮﻟﻴﻦ
ﻓﻜﻴﺖ ﻋﻴﻨﻲ ﻣﺰﻧﺒﺮﻩ
ﻟﻮ ﻳﻤﻮﺕ ﺍﻧﺘﻲ ﺷﺘﺤﺠﻴﻦ
ﻛﻴﻔﻴﺞ ﻣﺎﻣﺎ ﻛﻴﻔﻴﺞ ﺍﻧﻲ ﻣﻠﻲ ﺷﻐﻠﻪ
ﻭﺍﻧﺘﻮ ﻟﻴﺶ ﺭﺍﻳﺤﻴﻦ ﻟﻌﺪ
ﺗﻌﺮﻓﻴﻦ ﻋﻠﻰ ﺷﻨﻮ ﺟﻨﺖ ﺑﺎﻗﻴﻪ ﻭﺣﻠﻔﺎﻧﻲ ﻣﺎﻛﺴﺮﻩ
ﺗﻮﺳﻠﺖ ﺭﺩﺕ ﻗﻔﻠﺖ ﻭﻛﻞ ﻛﻠﻤﻪ ﻭﺍﻟﺜﺎﻧﻴﻪ ﻛﺎﻟﺖ ﻓﻜﺮﻱ ﺑﻠﺤﺠﻴﺘﻪ ﺑﻨﺘﻲ ﻭﺗﺮﺑﻴﺘﻲ ﻭﺍﻋﺮﻓﺞ ﻛﻠﺒﺞ ﻣﻴﻨﻄﻴﺞ ﺗﻜﺴﺮﻳﻦ ﺑﻲ ﻭﺗﺬﺑﻲ ﺣﺘﻰ ﻟﻮ ﻛﺴﺮ ﺑﻴﺞ
ﺳﻜﺘﺖ ﻭﻃﻠﻌﻮ ﻟﻮ ﺍﺧﺬﻭ ﺭﻭﺣﻲ ﻋﺬﺭﺍﺀ ﺗﺒﻮﺱ ﺑﻴﻪ ﻛﺎﻣﺸﺘﻲ ﺗﺤﻠﻒ ﻻﺗﻌﻮﻓﻴﻦ ﻓﺎﺭﺱ ﻭﺍﻟﻠﻪ ﻳﻤﻮﺕ ﻋﻠﻴﺞ ﻭﺍﻧﻲ ﺩﻣﻮﻋﻲ ﻋﺸﺮﻩ ﻋﺸﺮﻩ ﻋﻠﻰ ﻃﻠﻌﺘﻬﻢ
ﺭﺑﻊ ﺭﺑﻊ ﺩﻳﻨﺎﺭ ﻣﺎﻣﺎ ﻣﻘﺒﻠﺖ ﺗﺎﺧﺬ ﻣﻨﻲ ﻭﻛﺎﻟﺖ ﺭﺍﺟﻌﻴﻦ ﻟﻠﻤﺨﻴﻢ ﻫﻨﺎﻙ ﻛﻠﺸﻲ ﻣﺘﻮﻓﺮ ﻭﻛﻞ ﺷﻲ ﻳﻮﺯﻋﻮﻥ ﻭﺍﻧﻲ ﻋﻨﺪﻱ ﺭﺍﺗﺐ ﺍﻟﺮﻋﺎﻳﺔ ﺧﻴﺮ ﻣﻦ ﺍﻟﻠﻪ ﻛﺎﻓﻲ ﻋﻠﻴﻨﻪ
ﻃﻠﻌﻮ ﻭﻛﻌﺪﺕ ﺣﺎﺿﻨﻪ ﺍﻳﻬﻢ ﺭﺍﺳﻲ ﻋﻠﻰ ﺭﺃﺳﻪ ﻭﻛﻞ ﻫﻤﻮﻡ ﺍﻟﺪﻧﻴﻪ ﺑﻴﻪ
ﺳﺎﻋﻪ ﻭﺩﻙ ﺗﻠﻴﻔﻮﻧﻲ ﺍﻡ ﺧﻄﺎﺏ ﺟﺎﻭﺑﺘﻪ ﻛﺎﻟﺖ
ﺍﺣﻨﺎ ﺭﺍﺡ ﻧﻄﻠﻊ ﻣﻦ ﺍﻟﻤﺴﺘﺸﻔﻰ ﻭﺭﺩﺕ ﺍﺑﻠﻐﺞ ﺗﺒﻘﻴﻦ ﺣﺮﻣﺘﻮ ﻭﺧﺎﻑ ﺩﻛﻮﻟﻴﻦ ﻣﺎﻛﺎﻟﻮﻟﻲ ﻓﺎﺭﺱ ﺭﺍﺡ ﻧﺎﺧﺬﻩ ﻳﻢ ﺧﻄﺎﺏ ﻭﺳﺠﻰ ﻳﻀﻞ
ﺳﻜﺘﺖ
ﺍﺩﻳﺎﻥ ﺗﺴﻤﻌﻴﻨﻲ
ﺧﺘﻨﻜﺖ
ﺍﺩﻳﺎﻥ ﻭﻳﻨﺞ
ﻫﻤﺴﺖ ﺟﻴﺒﻮ ﻟﺒﻴﺘﻪ
ﺣﺠﻴﺘﻪ ﻭﺧﺘﻔﻰ ﺻﻮﺕ ﺍﻡ ﺧﻄﺎﺏ ﺛﻮﺍﻧﻲ ﻭﺭﺟﻌﺖ ﻛﺎﻟﺖ
ﺷﻜﻠﺘﻲ ﺍﺩﻳﺎﻥ ﻣﺎﺳﻤﻌﺘﺞ
ﺍﻡ ﺧﻄﺎﺏ ﺟﻴﺒﻮ ﻓﺎﺭﺱ ﻟﺒﻴﺘﻪ
ﺳﺪﺗﻪ ﻭﻛﻌﺪﺕ ﺻﺎﻓﻨﻪ ﺻﺢ ﺧﻄﺎﺀ ﻟﺴﻮﻳﺘﻪ ﻣﺎﺩﺭﻱ ﺑﺲ ﻫﺎﻱ ﺍﻧﻲ ﻭﻫﺎﻱ ﺗﺮﺑﻴﺘﻲ ﻣﺴﺘﺤﻞ ﺍﺫﺏ ﺭﺟﻠﻲ ﻭﺍﺧﻠﻲ ﻋﺎﻟﻪ ﻋﻠﻰ ﺍﻟﻌﺎﻟﻢ ﺍﺩﺭﻱ ﺣﺘﻰ ﻟﻮ ﻛﺎﻧﻮ ﺍﻫﻠﻪ ﺍﺑﻘﻰ ﺍﻧﻲ ﻣﺮﺗﻪ ﻭﺍﻧﻲ ﻭﺍﻧﻲ ﺍﻫﻠﻪ
ﺷﻮﻳﻪ ﻭﺭﺟﻊ ﺩﻙ ﺗﻠﻴﻔﻮﻧﻲ ﻛﺎﻟﺖ ﻣﻴﻘﺒﻞ ﻳﻬﺰ ﺑﺮﺍﺳﻪ ﻫﻮﻩ ﻣﻴﻜﺪﺭ ﻳﺤﺠﻲ ﻭﻣﻦ ﺳﻤﻊ ﺑﺲ ﻳﻬﺰ ﺑﺮﺍﺳﻪ
ﺑﺘﺴﻤﺖ
ﻳﺴﺘﻨﻜﻒ؟
ﻻﻻ ﺍﺑﺪ ﺑﺲ ﻳﻤﻜﻦ
ﻭﺳﻜﺘﺖ
ﻳﻤﻜﻦ ﺷﻨﻮ
ﻣﺤﺠﺖ
ﻣﺘﺸﻤﺘﻪ ﺑﻲ ﻋﺒﺎﻟﻪ ﻣﻮ ؟
ﺍﺩﻳﺎﻥ ﻣﺎﺩﺭﻱ
ﻟﻴﻠﻰ ﻳﻜﺪﺭ ﻳﺠﻲ ﺍﺣﺪ ﻳﺄﺧﺬﻧﻲ ﻟﻠﻤﺴﺘﺸﻔﻰ
ﺭﺃﺳﻪ ﻛﺎﻟﺖ
ﺍﻱ ﺍﻱ ﻫﺴﺎﻉ ﺍﺩﺯﻟﺞ ﺧﻄﺎﺏ
ﺳﺪﻳﺘﻪ ﻭﻛﻤﺖ ﺭﺗﺒﺖ ﻟﺸﻘﻪ ﻭﻓﺘﺖ ﻏﺮﻓﻪ ﻋﺬﺭﺍﺀ ﻭﻣﺎﻣﺎ ﻟﺠﺎﻧﺖ ﺑﻴﻬﺎ ﺧﻨﻜﺘﻨﻲ ﻟﻌﺒﺮﻩ ﻋﻠﻰ ﻓﺮﺍﻏﻬﻢ ﻭﺍﺭﺟﻊ ﺍﻛﻮﻝ ﻣﺎﻣﺎ ﻋﺰﻳﺰﻩ ﻧﻔﺲ ﻭﻫﻮﺍﻱ ﺗﺤﻤﻠﺖ ﻋﻠﻤﻮﺩﻱ ﻣﺎﺭﻳﺪ ﺍﺿﻐﻂ ﻋﻠﻴﻬﺎ ﺃﻛﺜﺮ ﺧﻠﻴﻬﺎ ﺑﺮﺍﺣﺘﻪ ﻭﻫﻴﻪ ﺍﺻﻼ ﺗﻌﺮﻑ ﺑﻴﻪ ﺷﻨﻮ ﺗﻌﺮﻑ ﻣﺮﺍﺡ ﺍﻋﻮﻑ ﻓﺎﺭﺱ ﺑﻬﻠﻤﺤﻨﻪ ﻭﺭﺍﺡ ﺍﺟﻴﺒﻪ ﻫﻨﺎ ﻟﻬﺬﺍ ﻣﺮﺍﺩﺕ ﺗﺤﺮﺝ ﻧﻔﺴﻬﺎ ﺃﻛﺜﺮ
ﻟﻤﻠﻤﺖ ﺍﻟﻐﺮﻓﻪ ﻭﺳﺤﺐ ﺳﺤﺐ ﺟﺮﻳﺖ ﺳﺮﻳﺮ ﻣﻦ ﺍﻻﺳﺮﻩ ﺳﻮﻳﺘﻠﻪ ﻣﻜﺎﻥ ﺑﻠﻬﻮﻝ ﺭﺗﺒﺘﻪ ﻭﻓﺮﺷﺘﻪ ﺣﻀﺮﺕ ﻣﻜﺎﻧﻪ ﺑﻠﻜﺎﻣﻞ ﻭﺑﻌﺪﻩ ﺭﺣﺖ ﻟﺒﺴﺖ ﺻﺎﻳﺘﻲ ﻭﻟﻔﻴﺖ ﺷﺎﻟﻲ ﺑﻴﺪﻱ ﺍﻳﻬﻢ ﺍﻣﻨﺘﻪ ﻳﻢ ﺍﻟﺤﺎﺭﺱ ﺍﺑﻮ ﻋﻠﻲ ﻛﺘﻠﻪ ﻧﺺ ﺳﺎﻋﻪ ﻭﺍﺭﺟﻊ ﺷﻔﺖ ﺑﻌﻴﻮﻧﻪ ﺣﻴﺮﻩ ﻫﺬﺍ ﺍﻻﺳﺘﺨﺒﺎﺭﺍﺕ ﻣﺎﻝ ﻓﺎﺭﺱ ﺑﺲ ﺳﺎﻛﺖ ﻣﺴﺌﻞ ﻭﺍﻟﻔﻀﻮﻝ ﺑﻌﻴﻨﻪ ﻳﻘﺮﻩ ﺍﻟﻒ ﺗﺎﻟﻲ ﺑﺮﺩﺕ ﻛﻠﺒﻪ ﻭﺣﺠﻴﺘﻠﻪ ﻣﺨﺘﺼﺮ ﻛﺎﻡ ﻳﺪﻙ ﻋﻠﻰ ﺭﺃﺳﻪ ﻳﺄﺑﻮﻳﻪ ﻛﻠﺸﻲ ﻭﻻ ﻟﺴﺘﺎﺫ ﻭﻳﺎﺑﻮﻳﻪ ﻛﺘﻠﻪ ﺑﻜﻠﺒﻲ ﺍﻱ ﻫﺬﺍ ﺍﺑﻮ ﺍﻟﺨﺒﺰﻩ
ﺩﺳﻮﻟﻒ ﻭﻳﺎﻩ ﻭﻃﺒﻜﺖ ﺳﻴﺎﺭﻩ ﺧﻄﺎﺏ ﺳﻠﻤﺖ ﻭﺻﻌﺪ ﺑﺪﻭﻥ ﻛﻼﻡ ﻃﻮﻝ ﺍﻟﻄﺮﻳﻖ ﺳﺎﻛﺘﻴﻦ ﻟﺤﺪ ﻣﺎ ﻣﻮﺻﻠﻨﺎ ﻧﺰﻟﺖ ﺗﻤﺸﻴﺖ ﻭﻓﺘﺖ ﻫﻮﻩ ﻭﺭﺍﻳﻪ ﻳﺪﻟﻴﻨﻲ ﻟﻐﺮﻓﻪ ﻣﻦ ﺑﻌﻴﺪ ﻟﻤﺤﺖ ﺛﺎﻣﺮ ﻭﺳﻴﻒ ﻭﻳﺎﻫﻢ ﺷﺒﺎﺏ ﺛﻨﻴﻦ ﻣﻌﺮﻓﺘﻬﻢ ﻣﻦ ﺗﻘﺮﺑﻨﻪ ﻭﺳﻠﻤﻨﻪ ﺧﻄﺎﺏ ﻋﺮﻓﻨﻲ ﻋﻠﻴﻬﻢ ﻭﻟﺪ ﻓﻴﺼﻞ ﺍﻡ ﺧﻄﺎﺏ ﺟﺎﻧﺖ ﺗﻠﻤﻠﻢ ﻏﺮﺍﺿﻪ ﺑﺠﻨﻂ ﻭﻓﺘﺮﺕ ﻋﻴﻨﻲ ﻋﻠﻴﻪ ﻛﺎﻋﺪ ﺑﻠﻜﺮﺳﻲ ﺍﻟﻤﺘﺤﺮﻙ ﻣﻨﺼﻲ ﺭﺍﺳﻪ ﺑﺲ ﻛﻠﺖ ﺳﻼﻡ ﻋﻠﻴﻜﻢ ﺭﻓﻊ ﺭﺃﺳﻪ ﻓﺎﻙ ﻛﻞ ﻋﻴﻨﻪ
ﺍﻟﻜﻞ ﺭﺩ
ﻭﺍﻟﻜﻠﺐ ﻣﺸﻌﻮﻝ ﺍﻟﺼﻔﺤﻪ ﺣﺘﺮﻙ ﺣﺮﻙ ﻣﻦ ﺷﺎﻓﻪ ﺍﻟﺤﻠﻚ ﺑﺼﻔﺤﻪ ﻭﺍﻻﻳﺪ ﻋﻮﺟﻪ
ﻏﻤﻀﺖ ﺃﻗﻮﻱ ﺭﻭﺣﻲ ﻭﺩﻣﻌﺖ ﻋﻴﻮﻧﻪ ﺗﻘﺮﺑﺖ ﺍﺳﺌﻞ ﺍﻡ ﺧﻄﺎﺏ
ﻟﻴﺶ ﻣﺘﺮﺿﻮﻥ ﺗﺠﻮﻥ ﻳﻤﻲ ؟
ﺍﺷﺮﺕ ﺑﻴﺪﻩ ﻋﻠﻴﺎ ﺭﻓﻌﺖ ﺣﺎﺟﺒﻲ ﺍﻟﻪ ﺍﺳﺘﻔﺴﺮ ﻧﺼﻰ ﻭﺗﻘﺮﺑﺖ ﻻﺯﻣﻪ ﻟﻜﺮﺳﻲ ﻣﻨﺎ ﻭﻣﻨﺎ ﻣﻴﻠﺖ ﺭﺍﺳﻲ ﻧﻄﺒﻜﺖ ﺍﻟﺒﺎﺏ ﺍﻟﻜﻞ ﻃﻠﻊ ﺑﺬﻧﻪ ﻫﻤﺴﺖ
ﺍﺑﻮ ﺍﺣﻤﺪ ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﻪ
ﺭﺍﺳﻦ ﺷﻔﺘﻪ ﺑﺮﻃﻤﺖ
ﺭﻓﻊ ﺭﺃﺳﻪ ﻋﻴﻨﻪ ﺑﻌﻴﻨﻲ ﺟﺮﻳﺖ ﻋﻴﻨﻲ ﺍﻫﺰ ﺑﺮﺍﺳﻲ
ﻟﻴﺶ ﻣﺘﺮﻳﺪ ﺗﺠﻲ ﻳﻤﻲ ﻋﺒﺎﻟﻚ ﺭﺍﺡ ﺍﺗﺸﻤﺖ ﺑﻴﻚ ؟
ﺧﻨﺰﺭ ﺑﺘﺴﻤﺖ ﺑﻬﺪﻭﺀ ﺑﺼﻒ ﺍﺫﻧﻪ ﻫﻤﺴﺖ
ﻻﺗﺨﺎﻑ ﺍﻧﻲ ﻣﺮﻩ ﺍﺧﺎﻑ ﺍﻟﻠﻪ ﻭﺍﻟﺸﻤﺎﺗﻪ ﺣﺮﺍﻡ ﺑﺲ ﺍﺭﻳﺪ ﺍﻛﺴﺐ ﺑﻴﻚ ﺍﺩﺍﺭﻳﻚ ﻭﻫﻢ ﻏﺼﺒﺎ ﻋﻠﻴﻪ ﻻﻥ ﺍﻧﻲ ﻣﺮﺗﻚ ﻛﺪﺍﻡ ﺍﻟﻠﻪ ﻭﺍﻟﻨﺎﺱ ﻟﻮ ﺍﻧﺖ ﺗﺸﻮﻑ ﻏﻴﺮ ﺷﻲ
ﻫﺰ ﺭﺃﺳﻪ ﻻﻻ
ﻧﺪﺭﺕ ﺻﺮﺕ ﻭﺭﺍﻩ ﻓﺮﻳﺖ ﺍﻟﻜﺮﺳﻲ ﻭﻣﺸﻴﺖ ﺑﻲ ﻣﻨﻄﻪ ﺭﺩﺕ ﻓﻌﻞ ﻓﻜﻴﺖ ﺍﻟﺒﺎﺏ ﻭﻃﻠﻌﺘﻪ ﺭﻭﺣﻪ ﻃﺎﺭﺕ ﻻﻡ ﺧﻄﺎﺏ ﺗﺒﻮﺱ ﺑﺠﺘﻔﻲ ﺗﻬﻤﺲ
ﺍﺻﻴﻠﻪ ﻭﺍﻟﻠﻪ ﺍﺻﻠﻴﻪ
ﺍﺧﺬﻭ ﺍﻟﻮﻟﺪ ﺩﻓﻌﻮ ﻭﺍﺣﻨ

ﺎ ﻧﻤﺸﻲ ﻭﺭﺍﻫﻢ ﺟﺎﻥ ﻓﺎﺭﺱ ﻛﺘﻠﻪ ﻣﻦ ﻏﻀﺐ ﻛﺘﻠﻪ ﻣﻦ ﺟﻤﺮ
ﺍﻟﻮﻟﺪ ﻳﺘﻔﺪﻭ ﺗﻔﺪﻱ ﻭﻫﻮﻩ ﻣﺰﻧﺒﺮ
ﺣﺘﻰ ﻛﻴﺲ ﺍﻻﺩﺭﺍﺭ ﻻﺯﻣﻪ ﺑﻴﺪﻩ ﺍﻟﺴﻠﻴﻤﻪ ﻭﻣﻦ ﻧﺰﻟﻨﻪ ﺑﺎﺏ ﺍﻟﻌﻤﺎﺭﻩ ﻭﺩﻳﺸﻴﻠﻪ ﺳﻴﻒ ﻧﻠﻮﻩ ﺣﻠﻜﻪ ﻭﺫﺏ ﺣﺘﻰ ﺳﻼﺝ ﻛﺪ ﻣﻌﺘﺮﺽ ﻭﻫﻮﻩ ﻛﻤﺸﻪ
ﻣﺼﻌﺪ ﺍﻟﻌﻤﺎﺭﻩ ﺟﺎﻥ ﻋﻄﻼﻥ ﻭﻋﻠﻰ ﻋﺼﺎﺑﻪ ﺷﻴﻠﻪ ﺍﻟﻮﻟﺪ ﺍﻟﻪ
ﻓﺘﺤﺖ ﺍﻟﺸﻘﻪ ﻭﻓﺘﺮﺕ ﻋﻴﻮﻧﻪ ﻋﻠﻰ ﻛﻞ ﻣﻜﺎﻥ ﻋﻠﻰ ﻛﻞ ﺭﻛﻦ
ﺍﻡ ﺧﻄﺎﺏ ﻋﻴﻨﻪ ﻋﻠﻰ ﺳﺮﻳﺮﻩ ﻭﻋﻴﻠﻪ ﻣﺘﺮﻭﺳﻪ ﻣﻤﻨﻮﻧﻴﻪ
ﻭﺍﻧﻲ ﻣﻠﻴﺎﻧﻪ ﺭﺿﺎ ﺑﻠﺪﺍﺳﻮﻱ
ﺍﺣﺴﻪ
ﻭﺍﺟﺐ
ﻭﺷﻲ ﻣﺤﺘﻢ ﻋﻠﻴﻪ ﻻﺯﻡ ﺑﺎﻛﻤﻞ ﻭﺍﺟﺐ ﺍﺍﺋﺪﻱ
ﻧﻮﻣﻮ ﻭﺭﺣﺖ ﺟﺒﺖ ﺟﺮﺟﻒ ﻏﻄﻮﻩ ﺍﻳﻬﻢ ﻋﻠﻰ ﺻﻔﺤﻪ ﻭﺍﻛﻒ ﻣﺘﻌﺠﺐ ﺣﻴﺮﺍﻥ ﺟﺮﻳﺘﻪ ﺣﻀﻨﺘﻪ
ﺣﺒﻴﺒﻲ ﺷﺒﻴﻚ
ﻋﻤﻮ ﺍﻭﺍﺀ
ﺍﻱ ﺣﺒﻴﺒﻲ ﺭﻭﺡ ﺑﻮﺳﻪ ﺳﻠﻢ ﻋﻠﻴﻪ
ﻭﺗﻘﺮﺏ ﺍﻳﻬﻢ ﻟﻴﻤﻪ ﺧﻄﻮﻩ ﺗﺠﺮ ﺧﻄﻮﻩ ﻣﺘﻌﺠﺐ ﺧﺎﻳﻒ ﻣﺸﺎﻳﻔﻪ ﺑﻬﻞ ﺷﻜﻞ ﻟﺤﻴﺘﻪ ﻋﺎﻟﻴﻪ ﻭﺣﻠﻜﻪ ﺷﻜﻠﻪ ﻣﺨﺮﺏ ﻛﻞ ﻣﻨﻀﺮ ﻭﺟﻬﺎ
ﺑﺮﺩﺕ ﻣﻼﻣﺢ ﻓﺎﺭﺱ ﻭﺍﻟﻐﻀﺐ ﺗﺤﻮﻝ ﻋﻄﻒ ﻣﻦ ﻃﺒﻊ ﺑﻮﺳﻪ ﺍﻳﻬﻢ ﻋﻠﻰ ﺧﺪﻩ
ﺷﺎﻟﻪ ﺳﻴﻒ ﻋﺒﺮﻩ ﻓﻮﻙ ﺳﺮﻳﺮﻩ ﺧﻼﻩ ﺑﺼﻔﻪ ﺑﻴﺪﻩ ﻟﺴﻠﻴﻤﻪ ﺣﺎﻭﻃﻪ ﻭﻗﺮﺑﻪ ﺑﺎﺳﻪ ﻭﺍﻳﻬﻢ ﺑﻌﺪﻩ ﺑﺨﻮﻓﻪ ﺷﻮﻳﻪ ﺷﻮﻳﻪ ﺗﻌﻠﻢ ﻋﻠﻰ ﻭﺿﻊ
ﻋﻔﺘﻬﻢ ﻭﻓﺘﺖ ﻟﻠﻤﻄﺒﺦ ﺑﻠﺸﺖ ﺍﺳﻮﻱ ﺑﻠﻐﺪﻩ ﺑﻌﺪ ﻣﺨﺎﺑﺮﺕ ﻣﺎﻣﺎ ﻛﺎﻟﺖ ﺑﻠﻤﺨﻴﻢ ﻗﺎﺳﻢ ﺭﻛﺾ ﻭﻳﺎﻧﻪ ﻣﻘﺼﺮ ﻭﻓﺮﻧﻪ ﻛﻠﺸﻲ ﺳﻮﻟﻔﺘﻠﻬﺎ ﻣﺨﺘﺼﺮ ﻭﺟﻮﺍﺑﻪ ﺗﺮﻭﺱ ﺭﻭﺣﻲ ﺭﺍﺣﻪ
ﻋﻔﻴﻪ ﺑﻨﺘﻲ ﻋﻔﻴﻪ ﺑﺮﻓﻌﻪ ﺭﺍﺳﻲ
ﻧﻬﻴﺖ ﻭﻳﺎﻫﻪ ﺍﻟﻤﻜﺎﻟﻤﺔ ﻭﺭﺟﻌﺖ ﺍﻛﻤﻞ ﺍﻡ ﺧﻄﺎﺏ ﺟﺘﻲ ﻳﻤﻲ ﺗﻌﻠﻤﻨﻲ ﻋﻠﻰ ﺍﻛﻠﻪ ﻛﻠﻪ ﻓﺎﻫﻲ ﻭﺳﻮﺍﺋﻞ ﺳﻮﻳﺖ ﻣﺜﻞ ﻣﺎﻛﻠﺖ ﻭﺟﻬﺰﺕ ﻏﺪﺍﻫﻢ
ﺍﺗﺼﺮﻑ ﺑﺪﻭﻥ ﺗﻜﻠﻒ ﻭﻻ ﻣﻨﻪ ﺭﻛﺾ ﺭﻛﺾ ﺻﺒﻴﺖ ﻭﺣﺪﻱ ﻭﺍﻛﻞ ﻓﺎﺭﺱ ﻭﺣﺪ ﻋﻠﻰ ﻃﺒﻠﻪ ﺧﻠﻴﺘﻪ ﻛﻌﺪﺕ ﺍﻡ ﺧﻄﺎﺏ ﺗﻮﻛﻠﻪ ﺟﺮﻳﺖ ﺍﻳﻬﻢ ﻟﻠﻤﻄﺒﺦ ﻏﺪﻳﺘﻪ ﻭﻓﺘﺖ ﺳﺒﺤﺘﻪ ﻭﻧﻴﻤﺘﻪ ﺑﻐﺮﻓﺘﻲ ﺍﻟﻴﻮﻡ ﻧﺴﻄﺮ ﺳﻄﺮ ﻣﻨﺎ ﺭﻭﺣﺖ ﻣﺎﻣﺎ ﻭﻫﺴﻪ ﺍﻫﻞ ﻓﺎﺭﺱ ﻣﺸﺎﻳﻔﻬﻢ ﺍﺑﺪ ﻭﺿﻌﻪ ﻟﺠﺎﻥ ﻣﺘﻌﺠﺐ ﺑﻲ ﺍﺣﺲ ﻋﻘﻠﻪ ﻛﺎﻡ ﻣﻴﺠﻤﻊ ﻭﺑﺴﺮﻋﻪ ﻧﺎﻡ ﻣﻌﺬﺑﻨﻲ
ﻋﻠﻰ ﻛﻴﻒ ﺗﺴﺤﺒﺖ ﻣﻦ ﻳﻤﺎ ﻭﻃﻠﻌﺖ ﺟﺎﻧﺖ ﺿﻬﺮﻳﻪ ﻫﺪﻭﺀ ﺻﻨﺘﻪ ﺧﻄﺎﺏ ﺍﺧﺬ ﺍﻟﻮﻟﺪ ﻭﺭﺍﺡ ﻟﺒﻴﺘﻪ ﺍﻡ ﺧﻄﺎﺏ ﻓﺎﺗﺖ ﺗﺴﺒﺢ ﻣﺪﻳﺖ ﺭﺍﺳﻲ ﻓﺎﺭﺱ ﻳﻬﺰ ﺑﺮﺍﺳﻪ ﻳﺮﻳﺪ ﻳﻨﻄﻖ ﻣﻴﻜﺪﺭ ﺿﻠﻴﺖ ﺍﺑﺎﻭﻉ ﻣﺎﻋﺮﻑ ﺷﻴﺮﻳﺪ ﺗﻤﺸﻴﺖ ﻟﻤﻴﻪ ﺩﺍﺭ ﻭﺟﻪ ﻭﻋﻜﺾ ﻣﻬﺘﻤﻴﺖ ﻃﻔﻴﺖ ﺍﻟﺸﺎﺷﻪ ﻭﺍﻟﻀﻮﻩ ﺟﺮﻳﺖ ﺍﻟﺒﺮﺩﻩ ﻟﺜﺨﻴﻨﻪ ﻋﻠﻰ ﺗﻮﻝ ﻟﺨﻔﻴﻒ ﺻﺎﺭﺕ ﺿﻠﻤﻪ ﺑﻲ ﺷﻮﻳﻪ ﻓﺴﺤﻪ ﻣﺎﻝ ﺿﻮﻩ ﻳﺠﻲ ﻣﻦ ﺍﻟﻤﻤﺮ ﻧﺼﻴﺖ ﻟﻤﻠﻤﺖ ﺻﻴﻨﻴﻪ ﻟﺠﺎﻱ ﻭﻣﻨﻔﺎﺿﻪ ﻟﺠﻜﺎﻳﺮ ﻟﺘﺎﻓﺖ ﻋﻴﻨﻲ ﺻﺎﺭﺕ ﻋﻠﻰ ﻛﻴﺲ ﺍﻻﺩﺍﺭ ﺟﺎﻥ ﻣﻠﻴﺎﻥ ﻣﻴﻠﺖ ﺭﺍﺳﻲ ﻋﻠﻴﻪ ﻣﻦ ﺟﻮﻩ ﻋﻴﻨﻲ ﺑﺎﻭﻋﺘﻠﻪ ﻧﺪﺍﺭ ﺭﺃﺳﻪ ﻋﺮﻓﺖ ﺷﺒﻲ
ﻛﻤﺖ ﺍﺧﺬﺕ ﻟﺼﻴﻨﻴﻪ ﻟﻠﻤﻄﺒﺦ ﻭﺭﺟﻌﺖ ﺩﻧﻜﺖ ﻋﻠﻰ ﻛﻴﺲ ﺣﻠﻴﺘﻪ ﻭﺍﺧﺬﺗﻪ ﻟﻠﺤﻤﺎﻣﺎﺕ ﻓﺮﻏﺘﻪ ﻭﺭﺟﻌﺘﻪ ﺟﺎﻥ ﻭﺟﻪ ﻓﺎﺭﺱ ﻗﻄﻌﻪ ﻣﺎﻝ ﺩﻡ ﻭﻃﺒﻜﺎﺕ ﻛﺼﺘﻪ ﻃﺒﻜﻪ ﻃﺒﻜﻪ ﻭﺍﺿﺤﻪ
ﻣﺤﺎﺟﻴﺘﻪ ﻭﻧﺪﺭﺕ ﺩﺍﺭﺟﻊ ﻟﻠﻐﺮﻓﻪ ﻃﻠﻌﺖ ﺍﻡ ﺧﻄﺎﺏ ﻣﻦ ﺍﻟﺤﻤﺎﻡ ﺗﺤﺎﺟﻴﻨﻲ
ﻳﻨﻄﻴﺞ ﺍﻟﻌﺎﻓﻴﻪ ﻋﻠﻰ ﻫﺬﺍ ﺍﻟﺤﻤﺎﻡ ﺍﻟﻤﺮﻳﺢ ﻭﺍﻟﻤﻲ ﺍﻟﺒﺎﺭﺩ ﻳﺒﺮﺩ ﺍﻟﻘﻠﺐ ﻳﺒﻮ ﺷﻜﺜﺮ ﺷﻔﻨﻪ ﺗﻌﺐ ﺑﻠﻤﺴﺘﺸﻔﻰ ﻭ ﺍﻟﺤﻤﺪ ﺍﻟﻠﻪ ﻣﻦ ﺍﻟﻠﻪ ﻋﺪﺍﻫﻪ ﻭﺧﻠﺼﺖ
ﺗﺤﺠﻲ ﺑﺎﻟﻲ ﻣﻮ ﻳﻤﻬﺎ ﺑﺎﻟﻲ ﺑﻠﺪﺍﺳﻮﻱ
ﻟﻴﺶ ﻫﻴﺞ ﺍﻧﻲ ﺩﺍﺳﻮﻳﻠﻪ ﻛﻠﺸﻲ ﺑﻜﻠﺐ ﺑﺎﺭﺩ
ﻟﻴﺶ ﻣﻦ ﺍﺗﻘﺮﺏ ﻣﻨﺎ ﻣﺎﻓﻜﺮ ﺑﻠﺴﻮﺍﻩ ﺑﻴﻪ ﻣﻌﻘﻮﻟﻪ ﺭﺏ ﺍﻟﻌﺎﻟﻤﻴﻦ ﺩﻳﻬﻴﻰ ﺗﺼﺮﻓﺎﺗﻲ ﻫﻴﺞ
ﺣﺘﻰ ﻣﺎﺣﻘﺪ
ﻟﻮ ﺣﺘﻰ ﺇﺩﺍﺭﻱ ﻣﻦ ﻛﻠﺒﻲ؟
ﻓﺰﺯﺗﻨﻲ ﺍﻡ ﺧﻄﺎﺏ ﻣﻦ ﺻﻔﻨﺖ ﺑﻮﺟﻬﻲ
ﺍﺩﻳﺎﻥ ﺷﻮﻥ ﻧﺠﺎﺯﻳﺞ
ﺟﺮﻳﺖ ﻧﻔﺲ ﻣﻨﺼﻴﻪ ﻭﺍﺟﺒﻲ ﻫﺬﺍ ﻓﺎﺭﺱ ﺭﺟﻠﻲ ﻛﺪﺍﻡ ﺍﻟﻠﻪ ﻭﻛﺪﺍﻡ ﺍﻟﻨﺎﺱ
ﺭﺑﻲ ﻳﻜﻤﻠﺞ ﺑﻌﻘﻠﺞ ﻭﻳﻨﻄﻴﺞ ﻋﻠﻰ ﻛﺪ ﻧﻴﺎﺗﺞ
ﻓﺮﺷﺘﻠﻪ ﻭﻧﺎﻣﺖ ﻭﺍﻧﻲ ﻫﻢ ﻧﻤﺖ ﻟﻠﻤﻐﺮﺏ ﻛﻌﺪﺕ ﻋﻠﻰ ﺻﻮﺗﻪ ﺗﺤﺠﻲ ﻓﺎﺭﺱ
ﻳﺎﺧﻮﻳﻪ ﺷﺠﺎﻙ ﺗﺴﺘﺤﻲ ﻣﻨﻲ ﻭﺍﻟﻠﻪ ﻋﻠﻴﺘﻮ ﺍﻟﻜﻠﺒﻲ ﺷﻮ ﺣﺪﺭ ﻭﻳﺎﻱ ﻭﺭﺡ ﺍﻟﻤﺮﺣﻮﻡ ﺍﺯﻋﻞ ﻣﻨﻚ ﺍﺫﺍ ﺿﻠﻴﺖ ﻫﻴﺞ
ﺗﻤﺸﻴﺖ ﻟﻠﻤﻤﺮ ﻣﻦ ﻭﺭﻩ ﻟﺒﺮﺩﻩ ﺑﺎﻭﻋﺘﻠﻬﻢ ﺗﺮﻳﺪ ﺗﺎﺧﺬﻩ ﻟﻠﺤﻤﺎﻡ ﻣﻴﺨﻠﻴﻬﺎ ﺗﺎﻟﻲ ﻧﺘﺮﺕ ﻭﺩﻣﻮﻋﻪ ﻧﺰﻟﺖ ﺩﻛﻠﻪ
ﻭﺳﻔﻪ ﻋﻠﻴﻚ ﺗﺴﺘﻨﻜﻒ ﻣﻨﻲ ﻳﺎﺧﻮﻳﻪ ﻳﺎﻣﺎ ﺷﻠﺘﻨﻪ ﻫﺴﺎﻉ ﻭﻛﺖ ﺍﻟﺰﺗﺘﻚ ﺍﻟﺪﻧﻴﻪ ﻣﺎﺗﻘﺒﻞ ﻧﺸﻴﻠﻚ ﻭﻝ ﻳﺎﺑﻪ ﻋﺠﻞ ﺷﻠﻮﻥ ﺗﻀﻞ ﻫﻴﺞ ﺗﺮﻩ ﻟﻤﺎﻳﻔﻮﺕ ﺑﻴﺖ ﺍﻟﺮﺍﺣﻪ ﻳﻄﻚ ﻛﻠﺒﻮ
ﻭﻫﻮﻩ ﻳﻬﺰ ﺑﺮﺍﺳﻪ ﻻ ﺷﻔﺘﻪ ﺗﺮﺟﻒ ﻋﺮﻓﺖ ﺣﺘﻌﺐ ﻭﻳﺎﻩ ﻭﻣﻊ ﻫﺬﺍ ﻛﻠﺖ ﻣﻴﺨﺎﻟﻒ
ﺗﻘﺮﺑﺖ ﺳﻜﺘﻮ ﻭﻓﺮﻳﺖ ﺍﻟﻜﺮﺳﻲ ﺑﺘﺠﺎﻩ ﺍﻟﺤﻤﺎﻡ ﺧﻨﺰﺭ ﺑﻌﺪ ﺷﻮﻳﻪ ﻋﻴﻮﻧﻪ ﺗﻄﻠﻊ ﻭﻳﻌﻦ
ﻣﺴﻤﻌﺘﻠﻪ ﻟﻠﺤﻤﺎﻡ ﻭﺻﻠﺘﻪ ﻣﺪﻳﺖ ﺍﻳﺪﻱ ﺻﺎﺭ ﺟﺴﻤﻪ ﻳﺮﻋﺶ ﺍﻡ ﺧﻄﺎﺏ ﻭﺭﺍﻳﻪ ﺑﺮﺍﺳﻲ ﺍﺷﺮﺗﻠﻪ ﺭﻭﺣﻲ ﺧﻄﻴﻪ ﻧﺪﺍﺭﺕ ﺗﺒﺠﻲ
ﻣﺪﻳﺖ ﺍﻳﺪﻱ ﻟﻴﺪﻩ ﻧﺘﺮﻩ ﺟﺮﻳﺖ ﻧﻔﺲ ﻫﻤﺴﺖ
ﻓﺎﺭﺱ ﺷﺒﻴﻚ ﺷﻠﻮﻥ ﻳﻌﻨﻲ ﻣﺘﻔﻮﺕ ﻟﻠﺤﻤﺎﻡ
ﻫﺰ ﻻ
ﻣﻮ ﺑﻜﻴﻔﻚ ﻧﻄﻴﻨﻲ ﺍﻳﺪﻙ
ﺭﻓﻊ ﻋﻴﻨﻪ ﺑﻐﻀﺐ ﻛﺼﺘﻪ ﺗﻨﻀﺢ ﻋﺮﻙ ﺳﻨﺪﺗﻪ ﻛﻞ ﺟﺴﻤﻪ ﺍﺟﻪ ﺑﻴﺪﻱ ﺛﻜﻴﻞ ﺣﻴﻞ
ﺣﻀﻨﺘﻪ ﻛﺪ ﻣﻤﺠﻠﺒﻪ ﺑﻲ ﺩﻣﺮﺍﺕ ﺍﻳﺪﻱ ﻃﻠﻌﻮ ﺍﻳﺪﻩ ﺻﺎﺭ ﻋﻠﻴﻬﻢ ﻣﻨﺼﻲ ﻣﺸﻴﺘﻪ ﻓﺘﻨﻪ ﻟﺤﻤﺎﻡ ﺑﺮﺟﻠﻲ ﺭﺩﻳﺖ ﺍﻟﺒﺎﺏ ﻭﻧﺘﺒﻬﺖ ﻟﺮﻭﺣﻲ ﻣﻦ ﺛﻜﻠﻪ ﺻﺮﺕ ﺍﻟﻬﺚ ﻭﻛﻠﺒﻲ ﻳﻠﻜﻒ ﺭﻓﻌﺖ ﺭﺍﺳﻲ ﻟﻮﺟﻪ ﺷﻔﺖ ﺍﻟﺪﻣﻮﻉ ﻣﺘﺠﻤﻌﻪ ﺑﻌﻴﻮﻧﻪ ﻭﻳﻬﺰ ﺑﺮﺍﺳﻪ ﺭﺍﻓﺾ ﺍﺳﺎﻋﺪﻩ ﺑﻜﻠﺸﻲ
ﺣﺮﻑ ﻣﻨﻄﻘﺖ
ﻭﻻﺟﺎﺩﻟﺘﻪ
ﻋﻔﺘﻪ ﻳﺮﺟﻒ ﻭﻳﻌﻦ ﻳﻬﺰ ﺑﺮﺍﺳﻪ ﻟﺤﺪ ﻣﺌﻴﺲ ﻭﺳﺘﺴﻠﻢ ﻟﻤﺴﺎﻋﺪﺗﻲ
ﻋﻠﻰ ﺻﻔﺤﻪ ﻓﻜﻴﺖ ﺯﺍﻭﻳﻪ ﺍﻟﺤﻤﺎﻡ ﺟﺮﻳﺖ ﻣﻌﺠﻮﻥ ﺍﻟﺤﻼﻗﻪ ﻭﺍﻟﻤﻜﻴﻨﻪ ﺣﻀﺮﺗﻪ ﻭﻧﺪﺭﺕ ﻧﺰﻋﺘﻪ ﺩﺷﺪﺍﺷﻪ ﺑﻴﺪﻱ ﻏﺴﻠﺖ ﻭﺟﻪ ﻭﺑﺪﻳﺖ ﺍﺣﻠﻖ ﻟﺤﻴﺘﻪ
ﻛﻞ ﻟﻤﺴﻪ ﻣﻨﻲ ﻳﺮﺟﻒ ﺑﻴﻪ
ﻛﻞ ﺣﺮﻛﻪ ﺍﺳﻮﻳﻪ ﻳﺒﻠﻊ ﺭﻳﻚ ﻭﺗﻔﺎﺣﻪ ﺍﺩﻡ ﺗﺘﺤﺮﻙ ﺑﺰﺭﺩﻭﻣﻪ ﺗﻌﻠﻦ ﺭﺗﺒﺎﻛﻪ
ﺟﺴﻤﻪ ﻟﻴﻜﺰﺑﺮ
ﻭﻋﻴﻮﻧﻪ ﻟﺘﻨﺘﺮﺱ ﺩﻣﻊ
ﻛﻞ ﻫﺬﺍ ﺟﻨﺖ ﺍﺭﺍﻗﺒﻪ ﺑﺪﻭﻥ ﻛﻼﻡ ﺑﺪﻭﻥ ﺻﻮﺕ ﻭﻫﻮﻩ ﻣﻨﺼﻲ
ﺳﺒﺤﺘﻪ ﻛﺎﻣﻞ ﻭﻧﺸﻔﺘﻪ ﻭﻃﻠﻌﺘﻪ ﺑﻌﺪ ﻣﺬﺑﻴﺖ ﻛﻴﺲ ﺍﻻﺩﺍﺭ ﻭﺭﻓﻊ ﻋﻴﻨﻪ ﺗﺴﺌﻞ ﻟﻴﺶ
ﺷﻠﻚ ﺑﻲ
ﻏﻤﺾ
ﺳﻜﺘﺖ ﻭﺭﺩﻳﺖ ﻛﺘﻠﻪ
ﻣﺘﺤﺘﺎﺟﻪ ﺍﺩﺭﻱ ﺍﻧﻲ ﺷﻮﻳﻪ ﺍﻭﺩﻳﻚ
ﻧﺼﻰ ﻭﺭﺟﻌﺘﻪ ﻟﻔﺮﺍﺷﻪ ﻣﺪﺩ ﺍﻳﺪﻩ ﻟﺴﻠﻴﻤﻪ ﻋﻠﻰ ﻋﻴﻮﻧﻪ ﻭﺍﻡ ﺧﻄﺎﺏ ﻣﺒﺘﺴﻤﻪ
ﺷﺒﻴﺞ؟
ﻣﺮﺗﺎﺣﻪ ﺣﻴﻞ ﺷﻜﺪ ﻣﺎﺗﺘﺼﻮﺭﻳﻦ ﻣﺮﺗﺎﺣﻪ ﻣﺎﺗﻮﻗﻌﺖ ﻳﻄﻠﻊ ﻣﻨﺞ ﻛﻞ ﻫﺬﺍ ﻫﺴﺎﻉ ﻟﻮ ﺣﺪﺭﺕ ﻟﻬﻠﻨﻪ ﻋﻠﻰ ﻋﻴﻠﺘﻲ ﻭﺍﻣﻲ ﺍﻟﺤﺠﻴﻪ ﺍﺣﺪﺭ ﻣﺮﺗﺎﺣﻪ ﻭﻣﺎﻣﻨﻪ ﻋﻠﻰ ﺍﺧﻮﻱ ﻳﻤﺞ
ﺗﺤﺠﻲ ﻭﺍﻓﺮﻍ ﺟﻨﻄﻪ ﺍﻟﻤﺴﺘﺸﻔﻰ ﺻﻔﻄﺖ ﻋﻼﺟﻪ ﻳﻢ ﺭﺍﺳﻪ ﻋﻠﻰ ﻃﺒﻠﻪ ﻭﺍﺧﺬﺕ ﻛﻞ ﻫﺪﻭﻣﻪ ﺫﺑﻴﺘﻬﻢ ﺑﻠﻐﺴﻠﻪ ﺷﻐﻠﺘﻪ ﺭﺟﻌﺖ ﺳﻮﻳﺖ ﻋﺸﻪ ﻭﻛﻌﺪ ﺍﻳﻬﻢ ﻭﻛﻠﺘﻪ ﻭﺟﺒﺘﻪ ﻳﻤﻬﻢ
ﺻﺎﺭ ﺍﻟﻤﻐﺮﺏ ﺷﻮﻳﻪ ﺷﻐﻠﺖ ﺍﻟﺸﺎﺷﻪ ﻋﻠﻰ ﻗﺮﺍﻥ ﻭﺭﺣﺖ ﺍﺳﻮﻱ ﻋﺸﻪ ﻗﺮﻳﺐ ﻣﺎﺭﻳﺪ ﺍﻛﻤﻞ ﻭﻧﺪﺍﺭ ﺍﻟﺘﻠﻔﺰﻳﻮﻥ ﻣﺪﻳ