#لهفة_عاشق
قصه حقيقيه ❤️
الكاتبه
رفل الكناني

ﻟﻬﻔﻪ ﻟﺬﻟﻚ ﺍﻟﻌﺎﺷﻖ ﺍﻟﺬﻱ ﻛﺎﻥ ﻣﻼﻛﺎ ﻧﺘﺸﻞ ﺣﺰﻧﻲ ﻟﺘﻜﻮﻥ ﺭﻭﺣﻲ ﻣﻠﻜﺎ ﻟﻠﻬﻔﺘﻪ

ﺍﺳﺘﻔﺰﺕ ﻗﻠﺒﻲ ﺑﺜﻼﺙ ﻧﻘﺎﻁ ﺍﻧﻮﺛﺘﻬﺎ ﺑﺮﺍﺋﺘﻬﺎ ﻭﺻﺪﻕ
ﻣﺸﺎﻋﺮﻫﺎ ﺗﻠﻚ ﺍﻟﺨﻤﺮﻳﻪ ﺗﺠﻤﻊ ﻛﻞ ﻣﺮﺍﺣﻞ ﺍﻟﻌﻤﺮ ﻓﻲ ﺳﻠﻪ
ﻭﺍﺣﺪﻩ ﻣﺠﻨﻮﻧﻪ ﺣﻴﻦ ﺗﺤﺐ ﻭ ﻃﻔﻠﻪ ﺣﻴﻦ ﺗﺒﻜﻲ ﻭﻧﺎﺿﺠﻪ
ﻋﻨﺪ ﺍﻟﻤﻮﺍﺍﺍﺍﻗﻒ ﺍﻟﺼﻌﺒﻪ ﺗﺤﺮﻗﻨﻲ ﻉ ﻧﺎﺭ ﻫﺎﺩﺋﻬﺎ
ﺑﻨﻈﺮﺍﺕ ﻋﻴﻮﻧﻬﺎ ....
ﻓﻤﺎﺫﺍ ﻋﻨﻲ ؟

@stylegrils

#لهفة_عاشق

بقلم رفل الكناني ✍✍✍

#بارت١
،،،،،،،،،،،،

احيانا يستوطن العقل عل ذالك القلب الشامخ
الذي عانا معانا وتصلب ليالا طوال مكادحا
ليعلن ان وطينا سيتمزق وستنقطع تلك السبل ...
،،،،،،،،،،،،،


ول يربك انت خبل احنا جادمين عل شهر رمضان عود نفسك حتى تجوز منو لهذا لصخام لتشربو

عمر لاتصير شيخ براسي من تالي وكت عجل منو دوم اوصلو لبيتو مايندل دروبو

انه صحيح بس مو مثلك انه لو طخت براسي شربت انت كل يوم كل يوم ول ماتمل ماتعجز يوم بحياتك روح صاحي عل بيتك عل حرمتك ارحم نفسك شويه هذا راح يزرف امعائك

ول انعل جلاب اهلك حدر هين جدامي خل انام عل خوانيكك واترفسك تاكلبي يبر شويه ولك نفتحت عليه مره وحده كر كر كر بالع مسجل انت لاتخليني الوص وساعته محد يسدو الحلكي وانت تعرفني
مامنك رجه غاسل ايدي من سوالفك لاانصحك ولاتنعل جلاب اهلي حدر نتعشى وراه يجراك الي تريدو

عل حسابك غير

ول الله يصكعك عل حسابي منين من شيب ابوي فارس تحدر لو شون

هههههههه لاتعصب وتعكد النونه اعشيك وانه الممنون عجل هيه خوه لو قنادر

كول لروحك اول

انجعم انجعم( اسكت) اعشيك ويم حجي حسين هاا يابه هم كول عايل
لا والله محشوم دام العشه كباب ويم حجي حسين اليوم اخليك تضرب بلنكو للصبح والمزه عل حسابي

المكان الفلوجه إحدى مناطق الانبار
شارع ٤٠ تحديدا

أنه فارس محمد حامد آل...........

من مواليد ١٩٧٩

من سكنه الفلوجه ابا عن جد خريج كليه التجاره وكاضب شغل اهلنه كلو الي ورثنه من المرحوم والدي متوفي وحلالو بيدنه انه واخوي الجبير فيصل عندي خواتي اثنين ام خطاب وام ثامر ساكنات بنفس البيت ذني الدنيه عكست وياهن وترملن كضن حياتهن يربن يتامه ام خطاب نجتل زلمته بسقوط وام ثامر مفقود ومن حرب ايران ماشفنالو إثر بيتنه ٨٠٠متر كلمن ماخذلو ٢٠٠وكاعد اله انه ماكدر أعوف امي الحجيه روحي بيه يوم الماصبح بوجه احس يومي كلو مخربط

متزوج ميسون حرمه اخوي عدنان نجبرت عليه وكت الي نخطف اخوي هوه ونازل لبغداد بزمن الطائفيه والجتل عل هويه وره يومين لكينه بطب العدلي مشوهين جثتو ومانعرف السبب عندو بنيه وحده تبارك الي كسرت ضهري ولجل عينه وحتى متضل يوم يمنه ويوم يم خواله عقدت عل امه وخليتهم تحت جناحي وكل همي ضنه اخوي يضل بينه وجدام عين امي حتى لاتنقهر وتتكدر
لاحبيت ولااعرف جلمه الحب عايش يومي كلو بين الشغل وسوالفي المكسره مثل مادكول امي ماانكر ولااسوي روحي ملاك وبنفس الوكت ماكدر عل روحي مرضي والي معقد حياتي سولتي بشرب مرت عليه أيام سوده لو اكعد اشرحه شعر راسكم يشيب مثل الجم شيبه الخاطات براسي هساع

تعرفون شنو معناه اخوي عضيدي ابن امي وابوي سندي وعرضي عرضو اتزوج حرمتو ولازم ادخل عليه أيام مرت عشت جسد بدون روح واني رافض اكرب منه والكل اكل راسي حرام وحرام لحد ما ستسلمت ورضيت بقسمه الله ميسون تعرفوه بلجايات مابيه احجي عنه بيج قصص عراقيه حقيقيه من واقعنا.روعه الطائي

ول عمر راسي وحف رايح للبيت مابيه بعد حتى اسهر

يا الله كون راسك دوم يوحف واشوفك تايب من هذا الزهرمان وحق الله عندي يوم عيد

انجعم ونكلع لبيتكم شوفه وجهك تطير امو وأبو للواهس ياله تصبح عل خير

وانت من اهلو

فتحت الباب فتت للبيت اضلم دحكت الساعه ١٢ونص قفلت ومريت اصعد الدرج سمعت صوت امي تقره قران فتت غرفته مديت راسي نزلت نضارته اشرت بيده

اطلع

لا يالله حجيه عليه

هزت رأسه اي
ول عليش يربج شمسوي

القران بيدي لاتشوفني وجهك ولاتفوت للغرفه اعرفك شارب مثل كل يوم

ضحكت نزعت حذائي وفتت ذبت المصحف رافعه ايده

فارس بروح ابيك لاتكرب حلفتك بلغالي

ول يمه وروح ابويه ماشارب اكضبي هدومي شميهم

لا هاهيه مزال حلفت صدكتك اكعد وليدي بلقراعان افادي برد من شوفه وجهك مورد وصاحي عل روحك يمه والله ما يفيدك التسوي بروحيتك عجل شوكت تندار لحياتك واشوف ضناك والله عيوني بيضت وانه اتحصر اريدلك ضنه

حجيه قابل بيدي هذا أمر ربج ماكاتبلي اصير اب تبارك ماخذه كلبي حايفتو ولايفتو

ونعم بالله ماكلنه شي تبارك الله يحفضه بغلاتك واعز بس يايمه تبقى مو من ضهرك واخيره لرجاله شلون تضل وحدك

عجل شسوي

تزوج يا ابني لاعيب ولا حرام الشرع محلل اربعه
بربج يمه هاي وياي تسولفين ول يالله انه م

سون موجارعه انوب اتزوج غير امها مو رايدته لمخيله عليه انتي

عليش يمه انت وحد هاي كرابتنه كله الماخذلو ثنين وتلاثه وبدون سبب عاد انت عذرك وياك ميسون ماتخلف اصلا رحم ماعده والكل يعرف

حجيه قابل انه الناس كاضبتني بس ميسون كرهتني بكل نسوان خلك الله وخلت روحي جازه من جنس حواء هينوب بس شسوي مخافه الله وتبارك كافتني عنه

ميخالف وليدي نوبه وحده طاوعني وخليني اجيبلك لتريح كلبك وماتعلو لخاطر اميمتك

وكفت بست رأسه
حجيه خاطرج عل راسي ساعه مافكر بهذا الموضوع اول وحده راح تعرف انتي هسه خل اروح انام وانتي ارتاحي
طلعت وهيه رافعه اديه تدعيلي صعدت للغرفه فتحت الباب ميسون ماكو فريت الطابق الفوك كلو ماكو نزلت عل امي
يمه وين هاي المصكوعه
منو يمه
ميسون يمه اكو غيره
مادري فوك غير
ماكو
عجل وين
بلكبور التاخذه وتلوميني من احجي
هدي وليدي بروح محمد هدي وين تروح تلكاه ندارت يم ام خطاب لو ام ثامر
هساع؟ دحكي بيش الساعة هاي شوكت تجوز من الطلعه
لاتصيح تضوج يايمه وين تروح تندار تتعلل يم خواتك ستهدي برحمانك حدر صيح خطاب لو ثامر من باب المطبخ هسه تجي بلعجل

مسحت وجهي اهدي روحي كل يوم طلابه كل يوم نفس الرنه حرمه علتو الكلبي ماعده شغله ولاعمله غير تفرفر من بيت البيت ودك سوالف وكل سالفه تلحكه طلابه كتلت غلطت حبست مايفيد اطلع يوم يومين البغداد ابات ارجع ترجع لنفس الرنه
مشيت بلحديقه رايح لبيت ام خطاب شفت خيال يم الشباك بيوت خواتي مفتوحه مابيه سياج جيف بنص يتنه لتافيت من وره البييت الدم صعد براسي زحكت صاك سنوني

خطااااب

لتفت يفر براسو وجي مدنك

نترت بي .. شعنك هين

خالي

وخلخاله تنخر عضامك ول انت ماتستحي عجل انت شون زلمه واب لخواتك لمن تريد بنت خالتك ماتخطبه واكف بضلمه تحاجيه شكلت لروحك هااا شكلت

خالي وليرحم اهلك خل افهمك لاتحكم عليه وتاخذ نضره مو حلو بحقي تعرفني شكد احبك وحاسبك مثل ابوي بروح محمد عليك لاتاخذ موقف مني
احجي شششعندك فورت دمي لاتطلع جنوني عليك بهليل

خالي رايد سجى وهيه ماتريدني اليوم جوي مشيه عليه وانه جن جنوني جيت احاجيه والله العضيم هاي اول نوبه ممسويه كبل توه فتحت الشباك وانت جيت

خطاب ماتقنعني اليريد من صدك يدك الباب وعليش سجى ماتريدك مشيت خطبت حجيت كلت؟

لا

عجل انكلع من وجهي وانه اليه كلام ويه امك وامه

خالي بروح العزاز لاتزعل سجى لو تحاجيه بالله موذنبه انه موادمي ماعرفت اتصرف

روح لبيتكم بغير وكت نحجي وخليه بالك ليدك باب الناس بلخش والدس الله يدك بابو وانت عندك خوات

دنج راسو ومشى منصي قسيت عليه صحيح بس حتى يعرف غلطو ومايعيدو رجعت للبلوه مالتي صحت من الباب
ول هين هين

طلعت تركض تعدل بحجابه
هلا فارس هاي شوكت اجيت
والله دنعل ابوج لابو فارس ول انتي شنو حساس ماعندج نص اليل تفرين من بيت لبيت
يااا واني وين رايحه غير اضوج عجل احبس روحي بلغرفه
بهل وكت ؟
وشكو بيه قابل عيب لو حرام
لا يابه مو عيب اطلعي وفيني كل يوم وفارس مشعول الصفحه لاتحسبين حسابو
فارس هوه انه شسويت
ول بنت الكلب انه صار جم يوم ما موجود
سبوع
ولمن زلمتج سبوع موشايفتو بدال متكعدين تنتضرينو اجي ادورلج ماالكاج
غير عبالي مثل كل مره راح تجي نص اليل
نخمدي وجربي تعيده حتى انعل سلفه سلفاج
فارس بداعه تبارك بروح ابوك خل اروح

يابه شتسوين كعدي وسكتي

عجل أنه وحد اهلي كلهم راح يروحون

وانتي شعليج منهم عليش رايحه العرس لا هنا ولا هنا بطوي بتالي الانبار وابن خالج يعني لاعرس اخوج ولااختج

وانه اريد اروح فارس انت خانكني وين مطلعت ماتقبل
بيج قصص عراقيه حقيقيه من واقعنا.روعه الطائي
ليسمعج يكول كادرلج شو احجي من هين طلعين من هين تراج سويتي كلبي هل كبرو ولليوم ماريد امد ايدي عليج يابنت الناس كضبي روحج ثكلي وكضبي لسانج المره حلاته بثكله بخلاقه لاتضلين كل شويه مطلعه سالفه

نك نك نك
اكلت راسي ليحد ما راحت منعت تبارك تروح وهيه روحه معلكه بلحجيه ساعات ودك تليفوني

الووو

منوو

انت فارس محمد

اي يابه وصلت منو
عدكم حادث سياره عل طريق ..... ياريت تجي للمستشفى

طلعت من البيت اخذت فيصل وخليت امي تدعي وحلكه يابس عمي ابو ميسون يصير ابن خاله وصلت المستشفى بلطوارى السديات مغطايه فيصل وكف يسئل وانه عقلي واكف خمس سديات وحده بصف وحده فيصل وصل يكشف بيهم مدنج يردد انا لله وانا اليه راجعون عرفت ذوله النه امها وابوهه اخوانه ثنين واخته الدكتور وصل بلغنه ميسون بلعمليات حالته حرجه طلب توقيعي جانت ضربه ميسون صايره اسفل العامود الفقري خاسفه الحوض مسببه نزف بلرحم صعب يتوقف لابد ينشال وقعت سوو العمليه نشال الرحم ومرت أيام سوينه الفاتحه وميسون شهور بلمستشفى لحد متعافت طلعت غير وحده اول ايام الكل متاعطف وياه مقدرين وضعه وحزنه ويوم بعد يوم صرت ماطيقه لسان وصلفه امي بسدي ياوليدي ويايمه
مسكينه
يتيمه
ماعده احد
ام خطاب وام ثامر يعكلن وينصحن يحيرن شون يعدلنه وهيه تمردت ومستغله ماعد

ه احد ولا احد يكدر يحاجيه تشوف الكل مستخطيه صارت اله حياته والي حياتي اشرب اسهر بس ماكرب لنسوان بلحرام صحيح ماصلي بس هل شي الوحيد لخاف منو
عندي قاعده ليندك بعرض الناس الله يندك بعرضو وانه عندي خوات وعدهم حديثات يتامى
مااحب ميسون ومالي رغبه بيه مخليه ام التبارك وساعه ماتحكمني الغريزه مالي غيره رغم هيه بارده وتجزع حيل مرعبله ماتهتم بروحه وانه وهواسي هواي ادقق وبكل الحالات متحمله
نمت وهيه منطيتني ضهره لثاني يوم الضهر نزلت البيت هوسه عل درج تلكتني تبارك شلته مجلبه بركبتي

شونك بابا
هلا يا بعد ابوج واهلو هلا بلروح والريه شونج

الحمد الله جده دكول ابوج نطاني مصروفج يابه عليش نطيته شهريتي انت واعدني تجيبلي تاب عجل جان جبتلي بيه

ول ينعل ابو التاب المايجي ليمج العصر لجيبلج التاب وعشيرتو تاامرين شي بعد

لا احبك هلكثر ( تسوي بيده دائره)

بس

لالا هلكثر

ههههه واني احبج ازيد يا بعد معاليجي

بابا شوكت تعوف هاي الكلمه شنو معاليجي والله مااحب الملاك

وماتحبين معلاك ابوج

خلت ايده عل عقله عاوصه تك عين ..افكر

عجل فكري فكري بس ها لو نطيت معلاجي الاحد غيرج لا تزعلين
فتحت عيونه غطت وجه كمزت عل صدري لزمت راسي شبكتني تصيح احبك والله احبك حتى المعلاك احبه

بسته ونزلته... كولي لامج تسويلي ريوك انه هنا يم عماتج

فتت ناديت ام خطاب واخذته للهول كعدنه

ها خويه خيرك

شلونج بعد خوج

بخير دامك بخير

الخير النه والج سمعيني خويه كعدي ويه ابنج شوفي شبي مابي خطاب شب وماعد صغير والشوفه الشفته البارحه عليه ماعجبتني

دنكت تفرك بيده ساكته
ها خويه جنج تدرين

فارس ادري هذا الولد تعبني رايد بنت ليلى وهيه ماتريدو

وانتي شدراج ماتريدو

غير انه حاجيته

وليش ماتريدو
نفتحت الباب فاتت ميسون رفعت عيني .. يابه غير دكين الباب

نسيت جيت اسئلك عليش اسوي ريوك وهساع راح نصب الغداء

وانه جديد عليج تدريني لو كعدت متاخر افتح زردومي بكلاص الجاي سويلي جاي اقلاه

هسه اسويلك بس جاي

سكتت ام خطاب تباوع كالت .. ميسون سويله جاي بين متصبين الغدا

تنهدت خلت ايده عل ايدي .. تره فأين حضه مكروده هاي تدحك الله وتدحك عليك

هزيت راسي ... عوفج منه نرجع لموضوعنه سجى ليش ماتريدو لخطاب

دكول انه ادرس وخطاب عصبي لاعب بخواته لعب لو وافقت مايخليني اكمل وحجيه صحيح انه حاجيته يكلي شله بدراسه

عجل خل يطخ راسو بلحايط يريده يخاف الله بيه البنيه يتيمه لايحرمه من شي مايكدر يكضب روحو يشيل ايده منه كعدي وياه فهمي هذا الكلام كوليلو خالك سكت خل يلم روحو ويبطل سوالف المزعطه لاعباله ماله احد هوه يعرفني من يوم يومي اني ابوه وابوهن وله انتي شايفه غير شي ام خطاب
لاخويه والنعم منك ممقصر والله ابوهم واكثر وعتبر السالفه نسدت وانه عيني عليهم

كفو منج اخذي راحتج اروح اشوف فيصل البارحه ماشفتو

والجاي ماشربته

و الله يختي لو باجه جان نطبخت عوفيه هناك اشرب يم ابو حسن

طلعت للباب ودحك ميسون يم بيت ابو حسن واكفه تسولف ويه ام حسن عرفت ماتكدر تضم السمعته بيني وبين ام خطاب راحت تطشه خزرته دنجت ورجعت للبيت مشيت سلمت عل ام حسن وعيونه بيه كلام تستفسر صفكتله بيدي ام حسن الاخبار الوصلتج انسيه

ضحكت وكالت فوت خويه فوت تعرف مرتك وسوالفه هزيت راسي مو راضي والله وفتت يم ابو حسن حجينه بشغل وجيكنه جم شغله معلكه حسابات وامور عقارات هوه لازم عمارتين وفرع من محل العقارات واني لازم الثاني وعماره مئجره عيادات طبيه ومطاعم
تغديت يمهم والعصر طلعت للسوك جبت التاب هذا لوفتت البيت بدونه تبارك تصرع راسي للمغرب بيج قصص عراقيه حقيقيه من واقعنا.روعه الطائي
رجعت انطيته اله نست الاول والتالي ليشوفه يكول اول نوبه تكضبو مايدري هذا الثاني مدري الثالث وكلو بين فتره وفتره تعطلو هناك وكامت ناس تردم ناس
ول شكو شبيكم

خالو صاحو بجامع باجر اول يوم رمضان

وانتو ماتعرفون يابه اله يصيح بجامع

لابس التكبير حلو

صفنت والله صوت يريح النفس التلفزيون مشتغل وهم علنو عنو وكله دكمز وتطافر جنهم جهال ام خطاب عده خطاب وسيف وبثينه ومريم وام ثامر عده ثامر ومصطفى ولبنا فيصل عندو بس ولد ٤حسن ومحمد واحمد وحامد تقريبا كلهم شبو سوه دحك عليهم نفس الكصه راسي صار طبل زحكت بيهم سكتو الحجيه بلغتهم باجر الفطور يمنه فات ابو فيصل متسوك النه والهم وللبنات قسمو وراه طشو كلمن لبيتو صعدت احلل وارتاح خابرت عمر سولفنه شويه وهم مايجوز من سوالفو يعيد ويزقل
اركد
اكضب روحك من اليوم والزم لسانك باجر رمضان وضل ساعه اغلط عليه واسكتو ساعه اهدى واضحك عل سوالفو صارت ب١٢وميسون ماصعدت ول يالله يمتى تحس هل مخلوقه وتعرف حقوقي عليه مادري شوي وجتي تبارك
بابا باجر انه أصوم
خاف متكدرين يابه
لا بابا اني صف ثاني والمعلمه من صف اول كالت ليشوف روحو يكدر يصوم خل يصوم حتى لو لضحى
عفيه بنيتي سبعه ان شالله دكرين
بابا انت تصوم
سكتت
عجل اروح انام بين مايسون سحور حتى اكعدك
روحي

حبيبتي اله صدك امج وين
كاعده يم جده
ناديها كليله بابا يريدج
باستني وطلعت ردت الباب شويه وفاتت ميسون
ها فارس ناديت عليه
انتي ماتجين اله انادي عليج
عجل شعندي مابيه اصعد الدرج وانزل كلت نتسحر واصعد فدنوب
خير ان شالله حدري يابه عدلي روحج انه هم حقي عليج هم يراد بهل سالفه اعلم وباجر انتي صايمه هم راعي الله بيه
سكتت وطفت الضوه وجتي بصفي دحكت بيه صفنت
شبيك
انه كتلج عدلي روحج ماكتلج نبطحي بصفي
يبوو يافارس سوالفك مال واحد ذاك اليوم تزوج ادري شنو عروس واعدل روحي بعد ورايه سبح وسحور وصيام

يواش يواش يواش الله يصكعج ماريد كلشي كمتي تعددين هاهيه امري ال الله
كربت منه دقايق وبتعدت رحت سبحت واجيت لفيت راسي ونمت

المكيف جان مشتغل والبروده دكت ضلوعي وانه سابح لزمتني البارده لثاني يوم متلفلف محد كلبني غير امي من دكت عليه رفعت الخط راسي جمر جاوبته كالت انزل يمه شجاك اليوم نهضت لن الدنيه مغرب انه ماصوم وهمه يدرون نزلت لازم راسي كعدت بغرفه امي التلفزيون عل قران وامي تسبح مددت عل رجليه مسدت عل راسي

يمه عليش صايم اذا مخلصه نوم

يمه انه ماصايم تدريني ماصوم

وعليش ماتصوم صغير وليدي شناقصك ايد رجل

يمه انتي كل سنه تعيدين نفس الكلام عليه

عجل كوم مني مارضه عليك وانت تغضب ربك

يمه لا هيج تحاجيني بغلاتي عندج مريض هينوب
و الله ياوليدي اخاف عليك تقهرني من تعصي ربك يضل فادي وكلبي لازمني وافكر بيك

يمه ماعاصي بس ماكدر أصوم انه ساعه ماشرب جكاره دربي ماندله شون أصوم واضل بدونه يوم كامل

عجل الصبر شون يصير وشون ماعاصي وانت ماتصلي لاتصوم وتشرب شنو تصير المعصية بعد

حجيه راح تستلميني لاتخليني احدر لبغداد اخلص رمضان هناك

لا هذا هوه سكتت الله يهديك انت مصخن غادي نار وانه عبالي نايم مرتاح كل مارادت تبارك تصعد يمك ماخليه سوده عليه شمدريني متوجع

ضلت تفرك براسي نفرشت السفره التمر والبن الشوربه المحلبي الدولمه والدليميه حتى برمضان مايعوفوهه مسوين اكل الدنيه ناس تصيح لبن وناس تصيح شربت اريد اشيل راسي من حضن امي داتفطر خطيه ماكدر جن جبل شايل موراس عيوني غوشت وهيه تفرهم واحد واحد كاعدين سره
فيصل
خطاب
ثامر
حامد
محمد
سجى
بثينه
تبارك
لبنا
وهاي صوت الاذان الله اكبر وامي تردد ربي لك صمت وعل رزقك افطرت ولصيام يوم غدا نويت ذهب الضما وبتلت العروق وثبت الأجر ان شالله
يمه فارس شوريه راسك

فارس
فارس
فارس

مادريت شصار بس اصواتهم بذني
شبي شبي خالو خالو تسمعني يمه خويه فارس عفيه بابا شبيك بسم الله يمه وليدي
وخرو عنو خطاب فيصل شيلوووو وياي يمعودين خالو جثيث شيشيلو صبو عليه مي بلكت يصحى
ول شيلو لايطلع ضغطو معلك هساع يجتلو لو مالحكنه عليه
نرفعت من الكاع و اختفى حتى الصوت روحي ساحت رجعت ذاك فارس الزغير كاعد بصف الصوبه متلفلف بفروه ابوي والصوبه كبالي الكتاب والفانوس بصفي اطلع ايدي من الفروه ابرد ارجعه ادفه مثل مديصير هساع ساعه حاره ساعه بارده صوره ابويه نرسمت كبالي كاعد مدد والراديو الزغير عل اذنو وكل شويه يطلع ساعته الجيب ام الزنجبيل من جيب الصدر ويرد يرفع عينو بعيني يخزرني

اقراه

يابه بارده والوكت لنطتنيه انتهى من زمان شوف الدنيه غوربت
حيال وين البرد تراك متلفلف بلفروه عدال صوبتين وانه جاتلني البرد بس كول اريد الحك فيصل وعدنان لطوبه

عجل لمن تعرف عليش حابسني الله يخليك يابه خل اطلع

ول انه اليه ؟هوه الك الشهاده عزوه وسند راح تجي أيام تترحم عل روحي من تكبر وتفوت من كبال لافته لو كبال محل وتقره شمكتوب

اي يابه و الله ادري بس خل اطلع هساع

هز رأسه وانه فلتت امي بلمطبخ مكابله الجوله تسوي العشه بذيج أيام الحرب والحصار المابيه غاز والناس مو لاكيه لكمه خبز ليلى تلم هدومنه من الحبل وهديه تلملم الغرضان من الحوش خاف دنيه تمطر بليل وانه اكمز بينهن ادور تك نعالي ااااخ عضيت اصبعي الله يصكعك فيصل اعرفك تضم تك نعالي خاف اطلع وراكم بس انه فارس متفوتني فايته اندل حذاء الجديد جوه الدرج يضمه اروح البسه وطلع حتى لوجبير ركضت لبسته وامي زحكت بيه ول فارس حدر جاي لاتطلع اليوم يفين حضك فيصل ماسمعت منه اركض عل شارع لتبليط والهوه يكفك بخشمي بارد بضبط مثل الهوه الفات بين وريدي
أخ اكو اللم اكو وجع انه وين وكعت
لا
عجل شنو ريحه مستشفى بخشمي هاي الريحه مواطيقه
ول يربكم شجاي
يصير

يتبع

مساء الخير

#لهفة_عاشق

،،،،،،،،،،

#البارت٢

يكسر خاطري مرات حتى الطير

هم مثلي غريب وحسرته بصدره

يلم عشه على شجره وعود لازم عود

ويجي الماخايف الله يطيح الشجره

،،،،،،،،،،،،،
فتحت عيوني حلكي ثكيل وين انه بغرفه بيضه تفتر بيه رفعت ايدي الكانونه بيه وجهاز الاعطاء ينزل قطره قطره وين ابوي فيصل وعدنان ساحه الطوبه والركض الجنت اركضو انه ماوكعت بشارع انه واكع بلمستشفى اي مستشفى مبينه وهذا صوت عمر

خطاب يزي تاكل ول راح يصيح إمساك

عمر شعليه منو جدتي دكول حتى يتبين الخيط الابيض من الخيط الأسود من الفجر

يول تاتحسسني جدتك تداوم بديوان الوقف تاطلع هاي الفتوه

شدراني بس خوش سالفه انه من اتسحر عدهم اكل براحتي

عجل الله يصكعك ول صيامك ماواصل لراس الشارع

ههههههه عموري ماسامع المثل ليكول ذبه براس عالم واطلع منه سالم انه ذابه براس جدتي

و الله انت وجدتك لاينشوي عل اذانكم بصل يوم القيامه وكولو عمر كال

يربك انت لاحكنه حتى بيوم القيامه مايلام خالي بيك من يكول عمر لطشه

ول طاح حضك وحض خالك خل يكوم بسلامه وعلمه شون يكول عليه عمر لطشه اكل اكل راح يطلع الخيط الاحمر مو الابيض وانت تاكل اكوم اشوف خالك

ااااخ يولو شصاير عمر خطاب ليش حلكي ماكدر افكو

يالله يالله هااا ابو الفوارس الحمد الله عل سلامه بالله وكعت كلوبنه
الله يسلمك عمر شصاير شبيه

هلا خالي الحمدالله عل سلامه بيه ولابيك بعد روحي

الله يسلمك يولو ماكدر احجي فهموني حلكي شجراله

عمر ... فارس ضربك شرجي خفيف (جلطه خفيفه ) والحمد الله عدت سلامات

تلمست حلكي مورم ومايل عل صفحه غمضت تحمدت الله عل كل حال عمر كرب نفسو شاورني

ها خويي اكسبايرك نتهى بعدك بعز شبابك وضربك الشرجي لو صرت شايب شيصير بيك ول عبالي ازوجك بس خاف تفشلنه وتطلع عطلت هينوب

عمر انكلع من جدامي مو ناقصك ول عطلان انه من زمان خومو هسه

لابربك وتعترف بلسانك عجل منا وغاد ضل اضرب بس بلنكو

دفعته ضحك ويكولي..... اتشاقه وياك فارس بروح محمد دير بالك على روحك يول روحت نص عمري جوه الكاع بداعه الله شكد ما تعزني تعوف الشرب بالله هاي كله اثارو

ولك صار ٣ايام ماشارب نمت كلشي مابيه وكعدت متكسر شصار مادري
يابه هم كلنالو للدكتور كال هاي ضغطو صاعد وستبرد راسو ماتحمل وضربو الشجري

وشون خوما ابقى هينا

لا هوه كال بس يصحى نجيكو ويطلع وحلكو عل علاج بمرور الايام يرجع

عجل وين اهلي شو ماكو احد

كلهم جانو هينا ابو فيصل والولد بس انه كتلهم مايحتاج وامك الحجيه بقى باله خليتهم يروحون وبقى خطاب صدك هذا وينو يمكن لم السحور وراح يغسل

تعبتك وياي ممنون منك

لاتعب ولاش انت خويي اصلا هذا الهدواء مايلوكلك انه متعود على لسانك الفالت

بتسمتلو بتعب درت وجهي مغمض وين اخذتني الدنيه شفت ابوي وذاك بيتنه البسيط ورجعت ماعرف جم سنه ليوره شوف الانسان شكد روحو صغيره بلحضه تصعد لربه وبلحضه تنزل امي اااخ امي شصار بحاله وتبارك صوته يرن بذني بابا شبيك بابا الحمدالله من ردتلي الروح

نمت ومداهر عمر وخطاب ماسكت ليثاني يوم جي ابو فيصل والدكتور جيكني وكال عدت ان شالله ابقى بس ليوم افضل الك خاطر تتعداك هينوب بقيت يوم ثاني و طلعت للبيت تعبان والوكعه ماخذه حيلي من غير حلكي لحسو جبل كل شويه اتلمسو وصلنه امي مفرفحه وتبارك مجلبه حيل بهدومي تشهك بيج قصص عراقيه حقيقيه من واقعنا.روعه الطائي
نمت ومداهر عمر وخطاب ماسكت ليثاني يوم جي ابو فيصل والدكتور جيكني وكال عدت ان شالله ابقى بس ليوم افضل الك خاطر تتعداك هينوب بقيت يوم ثاني و طلعت للبيت تعبان والوكعه ماخذه حيلي من غير حلكي لحسو جبل كل شويه اتلمسو وصلنه امي مفرفحه وتبارك مجلبه حيل بهدومي تشهك

بابا وين رحت حيل خفت عليك

حبيبتي هياني يمج مابيه شي يابعد ابوج

بابا بعد لاتروح والله احبك ودعيتلك بسحور والفطور مثل جده كومه

رحتلج فدوه باباتي انتي وجده يابعد معاليجي

ضحكت وضمت رأسه بصدري ... بابا حتى هاي الحجايه كل يوم كوله بعد صرت احبه وماضوج منه

ول يربج شعندي غيرج تاماكول هاي الحجايه انتي موبس المعلاج انتي الجلاوي والمعاليج وكلشي بحياتي

حضنته حيل كسرت كلبي تبارك وعت عليه رغم تعرف انه مو ابوه بس مامهتمه قانعه روحه انه ابوه وتشوفني الدنيه كله

مددت بديوانيه(استقبال )وتجمعو داير مدايري امي تبجي منين جتك ومنين جتك ياهو قاهرك وشون لو رايح مني وانه أقنعه مابيه شي
عمامنه جوي وضلت ناس فايته ناس طالعه يومين البيت ماخله بليوم الثالث لوكت الفطور كعدو جدامي جميع وانه اكلي كبالي الدكتور وصالي بشي خفيف ونفسي هم موراغبه ذاك الكد يادوب جم خاشوكه شوربه وامي تلوب
يابه عليش ماخليتنه نسويلك شي يسندو لكلبك هاي مابيه فايده الشوربه صار يومين موفايت شي لبطنك يسندك وانت تعيبان

حجيه هاي وموجارعه نفسي خلاص مسدوده

سوده عليه يايمه وينك وين الجلطه ان شالله لعدوينك ياربي

ميسون .... عمه ليش وينو ويون الجل

طه هوه عندو أشكال الأمراض

اسم الله القرعآن منيلو امراض بيمن طالبه وليدي وتفاولين عليه بلمراض

عجل الضغط كل يوم صاعد نازل هذا موامرض

يولي يمصكوعه نص الشعب العراقي بي ضغط من وره الهبطاب والمصايب ووليدي شاف شكال جدامو شون مايصير بي ضغط

داجاوب خزرته سكتت نصت تاكل اعرفه تجادل وتطر الجلمه ماتثمنه كملو وفات فيصل شايل سجل الحسابات كل شهر نكعد نتاحسب نجمع الاجارات ونطلع الوارد نتقاسمه ونطي شهريه خواتي البنوات رغم تعبان مارديتو شربنه جاي وخطاب يحسب بمكاني ساعتين وخصلنه كال فيصل

تعبتك وانت مريض بس تعرف آخر شهر واحنا مشغلين ناس هم تريد حكه ماترهم نعطلهم
ابو حسن هذا حك والشغل مولازم يوكف الناس منين تاكل وهيه منتجله عليه

عجل دامك زين وصحتك احسن انه عندي موضوع جنت ناوي افاتحك كبل هاي الضروف ومن صارت سالفتك نسيتو

كول خويه عيوني الك

سالمات يابه انه بالي مشروع ورايدله جم دفتر كلت تدايني وارجعهم الك عل ارباح من ينجح المشروع

ابشر يخوي بس كون المشروع مالي ايدك منو

عجل شلون انت تعرفني مافوت شغله مو دارسه انه مفكر ما نحصر شغلنه بس بلفوجه بالي احول نصو لبغداد هم زياده خير وهم الفلوجه مدينه مستهدفه ويادوب رجعت وكفت عل حيله اقلاه لو صار ماصار لاسامح الله نحول كلشي هناك وماننضر

والله خوش فكره وانه وياك بلي تريدو اطلب عل لسانك يجي ليمك

انطيني ليطلع جوه ايدك وان شالله الله يوفقنه

ابشر ابو حسن هساع اجيب الفلوس واجي

وين كايم خاف ماتكدر تصعد الدرج خليه لغير وكت
لايابه شبيه عدت ان شالله

صعدت هاي اول نوبه اصعد من يوم الوكعه كلو جوه انام فتت الغرفه والهوسه للضالين طلعت مديت راسي من الدرج صحت ميسون صعدت شافتني فتحت عينه

هاي شصعدك

عجل ابقى جوه شون ول يربج يمتى تترتبين عليش دومج مرعبله والغرفه ماتنفات من الهوسه

وشكو بيه ياهو الصاعد فوك شو كلنه جوه

وانتي روحج ماتطلع من تشوفين غرفتج مفجور بيه عبوه يولي شوراج وهيج هامله روحج وغرفتج

فارس شجاك شنو صاعد تتمشكل وياي

لااله الا الله انتي مايفيد وياج الحجي حدري طلعي مفتاح الملحق

وجه صفر وكفت تفرك بيده زكحت بيها .... شششبيج تيبستي المفتاح وينو

فارس هيانو ضميتو لاتصيح هساع اطلعو

جرت الكرسي صفطت عليه مخاد وانه صافن هاي شداسوي صعدت كلبت نضد الفراش للكاع ومن بينهم سحبت مخده فكت سحابه طلعت كل الفلوس واوراق شغلي وشكو شي جنت قافل عليه بلملحق ضامتو بلمخده رفعت حاجبي مخنز
هاي شمسويه

فارس لاتفهمني غلط خفت عليهم وضميتهم

خفتي عليهم؟ من شنو

فارس افهمك

خفففففففففتي عليهم لو كلتي ضربتو جلطه وراح يموت خل اضمهن كصدج خفتي عل نفسج خاف ميلوحج من فلوسي شي

حكي وحك بنتي

حصرته عل كنتور خنكته..... انعل ابوج لابو حكج منيلج حك بعدني مامتت مخططه وضامه فلوسي وفوكاه توكفين بوجهي تكولين حكي

اي حكي ماريد يصير بيه مثل ما صار من مات المرحوم عدنان كومه فلوس جانت عل كلبو يجيب ويضم يم امك تالي من مات كلشي مالاحني

ول انتي شكد صلفه وبرعه ماشيف بعرامتج عمري كلو عجل منو سوالج العمليات ورجعج تمشين عل حيلج غير امي الماخلتني اصرف فلس احمر كالت فلوس المرحوم يمي تصدقت وثوبت وهيه ام بنتو اثوب بهاي الفلوس طلعتي شيطان اخرس وكاتمه بكلبج ودكولين بوجهي خاف تموت وماحصل والله ليوم لنعل سلفه سلفاج
كضبته وفقدت ماوعيت عل روحي ولاجن احد كبالي خطاب يجر بيه وهيه تحامي بروحه وبكل صلافه بوجهي تدعي ياريتك ميت ياضالم طيرت عكلي وماعدت اشوف كبالي حتى دمارات راسي صارت تنفض جتفوني حسن وثامر تبارك تصرخ وتصيح بابا فدوه لاتتخربط

نجريت وكعدوني ام خطاب حاضنه راسي.... خويه فارس بروح محمد لاتسوي بروحك هيج فارس تسمعني خله تولي هاي المصكوعه من يوم يومه عالتو لكلبك
بيج قصص عراقيه حقيقيه من واقعنا.روعه الطائي
ميسون..... اني عاله كلبو لو انتي واختج نايمات عل كلبو ويصرف عليكم بدم بارد طبعا تعيلوني وتكفون وياه عجل الحيله شون تصير لاعبالج مصدكتج مثلو من مسويه روحج تحبي تره كلكم تحبون فلوسو والعلاليك ليفوت بيه عليكم

ام خطاب .... ميسون اكصري الشر وطلعي وكلامج مرددو عليج يولي هذا اخونه فلوس الدنيه كله ومصالحه ماتصير كبالنه عكب عينو

اي صدكتج ولي ولي هذا الكلام قشمري بي فارس موتحجي كبالي اني اعرف النغل منو ابو

زكحت كل حسي وحلكي نادار اكثر.. ميسسسسسون انتي ط
ونصم حلكي من ايد ام خطاب.. فارس بروح ابويه لا لاتنطق جلمه بلحضه غضب انت معصب وهيه معصبه لايركبكم الشيطان

ام خطاب لا تسوين نفسج تحبيني لوما دوم اسمعج تقنعين بي تزوج وتزوج هسه جايه تهدين بينه
ميسون اااطلعي ولج انتي شنو شوفي شون صامه حلكو وهوه مريض وج لاتصيرين كبالو لاتصير كارثه انزلي الشيطان يكمز كبالكم

يولو ياامه الله يا شيطان ولكم اني متزوج الشيطان نفسو وجايبو بيتي هدددديني ام خطاب هديني

خالو موزين عليك كوم انزل وياي

جروني وانه روحي شايطه يمكن اكطعه ومادري بروحي فيصل واكف

بلباب شفتو تذكرت لفلوس درت روحي داجيبهم

ثامر..... خالو انزل بروح العزار وين راد للغرفه

وخر خالي ماسوي شي

خطاب ... ثامر نزلو لاتسمعلو شوف عينو دم وحلكو يرجف خالي انزل ماعليك منها

وووخر بالله ماسوي شي

لازميني من كل صفحه وصلت المخده جريته ايدي ترجف اعصاب شالوه الولد مني وميسون ام خطاب حاطته وراه نزلت امي تقره بوجهي المعوذات وفيصل يحجي عليه شون عصبت وانه مريض فتت غرفه امي نكتت المخده ممخليه شي ماضامته حتى ذهبه وذهب تبارك مستمسكات وكومه اوراق مال ايجارات لزمت راسي أعصابي تلفت مادري هاي الحرمه شتفكر وين تريد تولي بيهم وهيه لااهل لااخوه كل عمري اعرفه وكحه وعينه ضيجه حتى على علاكه المسواك لتفوت الخواتي من ايدي بس ممفكر تبوكني باول وكعه
يمه وليدي ستهدي برحمانك
يمه عليش هيج تسوي بيمن مقصر انه
يمه النفس دنيه والمره عكله صغير كبر عكلك انت
يمه فشلتني جدام اخوي وترادد ام خطاب جدام ولده يووووولو عليشششش لازميني انتوو
يعرفوه يايمه قابل جديده هيه كلنه نعرفه ماتنجرع بس خايفه منك وكل هذا ونكول يتيمه ماعده احد مايخالف فلتت لسان اذا عل ام خطاب هنه نسوان بينهم واذا عل فيصل لاتهتم كل رجال ومره تصير بينهم مشاكل

بابا عفيه حلكك رجع مثل أول يوم لاتعصب
تلمست حلكي ندار ازيد وازيد امي تلملم وعزلت كلشي وحد الاوراق من الفلوس والذهب مددت حيل مابيه صحت خطاب حسب فلوس نطه لفيصل صرت مالي عين اباوع بعين اهلي سنين متحمل لسانه اهماله كباحته بس هاي الماحسبت حسابه طمعه ماجنت مفكر بي

طول اليل امي تقره عل راسي وجابت علاجي تبارك فرشت بصفي تفرك بيدي هاي الطفله كل ماباوع عليه بكلبي اكول حرامات هاي امه
لثاني يوم اصبح الكل تتهامس وتبارك حاصرته الدمعه اكلهم شكو مايحجون سجى وبثينه نضفو البيت ووصوت امي تصيح
يابه لبنا ديري بالج من التنور اخبزي عل كيف

ميسون ماكو صوته البنات يفترن وامي توجه عل فطو سون هيج طبخن هيج كلبي لعب جريت تبارك جوه جتفي برطمت
باباتي شبيج
ماتحجي
يابه عليش حاصرتج الدمعه
بجت دموعه نزلو عيوني نطو
تبارك منو وياج بالله انعل امو على ابو
جده حدري يمي ابوج مريض

يمه عوفي البنيه شوفي شون مخنوكه

مابيه شي شوف على شنو ضايجه اكله لو على لعبه تعاي جده

حجيه تبارك تربات ايدي عينه مليانه لو اخذو منه كلشي تملكو البنيه بيه شي

سكتوو زكحت... شصاير يربكم لاتجننوني انه روحي موطايقه

تجمعو بصفي امي لازمه ايدي
اكلك بس بصلا محمد عليك لاتطلع اعصابك وهل مره تروح بيه
حجيه احجي شصاير
ميسون لمت هدومه وطلعت من البيت

وكفت لحيلي
وين ولت هاي المكموعه
اكعد يمه وين تروح هسه تجي
مشيت خطوه لزمت الحايط حيلي ونفسي تعبو مو من مرض ولا من جلطه كلشي بيه تعب من ميسون ندرت عليهم صافنين
اسمعوني ميسون لو ردت ماتفوت البيت ولاتصيرلي مره بعد
يمه ارتاح والله ترجع لاتحجي هيج وين تروح ماله غيرك يتيمه وليدي لاتكسر بخته
يممممممه ميسون ماتصيرلي مره بعد المره الطلعت من بيتي حرمت عليه
صعدت للغرفه نفس الوصخ والهوسه نفس الخربطه رديت صحت خالو بثينه سجى حدرن يمي
صعدن بلعجل
امر خالي
خالي وليرحم ابهاتكم نضفن الغرفه غيرن الفراش
صار خالي تااامر
فتحت الشباك صافن وين راحت ماله احد وين ولت جايز راحت الخواله دام هيج عجل هين وين تروحين يومين وتردين والله لبجيج دم كعدت رجيت راسي مليان هموم من يوم يومي متعوب يمتى ارتاح ماعرف اباوع الغرفه صاج ذهبي مزغرف التراب نايم بي السيراميك مطكع والبنكه تفتر حافاته اسود سجى تمسح الكاع وكل شويه توكف تطلع جياسه الحلويات الفارغه كشور الحب جوه الجربايه والميوزه

لحضه تندمت من صحتهم شيكولون على خالهن واني لو طلعت الف نوبه اباوع عل روحي بلمراه هدومي اخمهم خم ولوسيرت عليهم ونطوني حاجه اكلبه كبل لاضوكه ام خطاب وام ثامر بيدهم يقدمولي خاف تكش روحي ويتولون الولد حدر غير هذا وجيب هذا خالك مايحبو عليش الناس تهابني وحرمتي عجزت احتويه واخليه تهابني

كملو كلشي صارت الغرفه تلج تشكرت منهم نزلو نبهت عليهم لايكعدوني طفيت الضوره ونمت حاضن مصايبي وطبات الدنيه عل راسي
أيام وايام مرت رجعت رويحتي ورد الدم بيه صحتي تحسنت وبالي صافي دزيت جماعه جابولي خبرر ميسون عد كرابته بلفوجه بس بغير حي حقدت عليه اضعاف عن كبل الجلطه خفت وحلكي بدأ يرجع كل سبوع اراجع عد الدكتور ويه عمر ويروح وياي خطاب لو حسن فيصل سوه المشروع وخيره جاي ان شالله

الفطور يوميه وحده من البنات تجي يوم ام خطاب يوم ام ثامر يفطرون سوه نتعلل ويتسحرون للصلاه يطشون كلمن لبيتو أكثر شي متعجب منو تبارك ماسئلت على امه وعايشه دور الجبيره بلبيت
جده كولي لسجى تروح انه اسوي سحور
عيب جده شتردين منه موزين شايلتنه
جده ادي بس انه جبيره اعرف اسوي جاي احط جبن وكطع طماطه وخيار اخلي فوكهم زيتون واطلع روبه بس صدك لاخل تبقى ماعرف اطك بيض وانتو تحبون بيض وبتيته بسحور
عجل صار ساعه تعددين وانه نافخ روحي اكول بنتي صار

ت مره طلعتي بوخه

بابا اعرف عليش بوخه بس تقبل اصل الطباخ واحترك

غير اشعل اهلو للطباخ واهجم المطبخ كلو

عجل تقبل تاكل بس جبن وزيتون وطماطه

كلشي من ايدج اكل يابعد معاليجي انتي

وهيج خلصنه رمضان كل يومي تبارك تصرع راسي وتعدد شسوت وشحطت وانه مسايره للشغل ماطلعت فيصل محلفني وامي تجيب وتتوسل بعدك تعبان نوبات اكعد بلحديقه ويه عمر والولد يسون نركليه اشرب ليحد مانسطر ونام

اخر أيام صارو عزاز واحنه نودع هذا الشهر الفضيل جن خطار وتعودنه عليه مجلبين بي يبقه تعز علينه روحتو سوو كليجه لتمو بغرفه امي

سجى .. تره ماصايره كاعدات تطبعن وتلفن وانه نكسر ضهري مندكه عل فرن والحر سلكني سلك

لبنا ... عجل احنا ضهرنه نكسر من الكعده انوب كل ساع اكشف النجانه اكول خلصت العجنه اشو الكاه منفوخه ازيد

بثينه.... وانه شلع كلبي التصفيط ماما شكد عاجنه لخاطر الله ادري راح توزعون عل فلوجه كلها
ام فيصل... صلو على نبي بنات والله للسحور ان شالله مخلصين

سجى صحت من المطبخ ... عززززه للسحور ابقى يم الطباخ يولو غير ماتلكوني يجوز اموع من الحر

خطاب .... بكل الاحوال حلوه وانتي مايعه تصيرين بعد احلى

وانت منو يمك جاي احجي ويه البنات

وشدعواج يابه شكنالج هينوب اخذيلج راشدي

تره اسويه ماعندي مانع

حتى افين حضج وانعل يومو

لاتجاوز وخر خل اشوف الصينيه هسه حتركت

نطيني ماعون اودي لصاحبي

لا والله انه اشوي واتعب وانت تودي لصاحبك

عجل شون يعني تشوين ماناكل

ناكل احنا مو صاحبك

يولي لاتطوليه وهيه كصيره نطيني ماعون داولي

اي اي اصبر
لاتزمخين لاهفج عل وجهج

لازم تايهتلك

ول اذا الي ماتيهين عجل المن تيهين

وخر خطاب شبيك هساع يفوت احد

عجل لاتطيرن عيونج بوجهي افكسهم والله

دوخر

تلفت بلع ريك ورجع شعره ليوره تقرب أكثر صار بصفي وانه اخلي بلماعون مد ايده بلنجانه صارت فوك ايدي بسرعه سحبته

شبيج جبانه شمسوي

عليش مديت ايدك انه موداطلع

رفع عينه مسلهم رتبكت همس ... جاي ادور ام الجوز

صديت روحي ترجف كلبت الماعون ضحك ... شبيج تيهتي دربج

خزرته نترت..... موصحيح شكو حتى اتيه دربي انت كلت اريد ام الجوز واحنا منيشنيه هسه اطلعلك

بتعد صرت اجيب واخلي بلماعون وصل للغرفه يمهم مدر رأسه شافهم ورجع سريع يمشي وكذلته تتحرك شعرو عالي وصل يمي شلت الماعون مديته كبالو تقرب حيل لزم اديه هيه والماعون
خطاب شبيك ايدي

يولي يمتى تفهمين علي

خطاب روح

فهميني شبيج وياي

نصيت ارجف ايدي عركت هيه وجوه ايدو تلفت شد ايدو حيل فوك ايدي رفعت عيني العبره خنكتني بلع ريك تليفونو يتصل صافن بوجهي وانه صافنه همس

يولي احبج حسي

بيه

يتبببع..

#بارت٣
ﻣﺴﺎﺀ ﺍﻟﺨﻴﺮ
#لهفة_عاشق
،،،،،،،،
ﻇﻞ ﺷﺎﻣﺦ ﺟﺒﻞ ﻻﺗﻨﺤﻨﻲ ﻓﺪ ﺗﺮﻩ ﺛﻮﺏ ﺍﻟﻜﺮﺍﻣﻪ ﻻﺗﻈﻦ ﻳﻌﺘﻚ ﻻﺗﺸﻜﻲ ﺍﺑﺪ ﺭﻏﻢ ﺍﻟﺠﺮﻭﺡ ﺍﻟﺒﻴﻚ ﺍﻻﻋﻮﺝ ﻣﺴﺘﺮﺍﺡ ﺍﻟﻌﺪﻝ ﺷﺎﺑﻊ ﺩﻙ
،،،،،،،،،
ﺧﻄﺎﺏ ... ﻳﻮﻟﻲ ﺍﺣﺒﺞ ﻳﻤﺘﻰ ﺗﺤﺴﻴﻦ
ﺳﺠﻰ ... ﺭﺗﺒﻜﺖ ﺍﻟﻤﺎﻋﻮﻥ ﺭﺍﺩ ﻳﻜﻊ ﻣﻦ ﺍﻳﺪﻱ ﺗﺤﻤﺤﻢ ﺧﺎﻟﻲ ﻓﺎﺭﺱ ﻧﺘﺮ
ﺧﻄﺎﺍﺍﺍﺍﺏ
ﻫﻼ ﺧﺎﻟﻲ
ﺣﺪﺭ ﺟﺎﻱ ﺍﺭﻳﺪﻙ ﺑﺸﻐﻠﻪ
ﺻﺎﺭ ﺧﺎﻟﻲ
ﻓﺎﺭﺱ ﻣﺸﻴﺖ ﻭﻫﻮﻩ ﻭﺭﺍﻱ ﻛﻌﺪﺕ ﺑﻠﺤﺪﻳﻘﻪ ﻃﻠﻊ ﻧﺎﺣﻴﻪ ﺍﻟﺒﺎﺏ ﺯﻛﺤﺖ
ﻭﻝ ﻭﻳﻦ ﺍﻧﻪ ﺷﻜﺘﻠﻚ
ﺧﺎﻟﻲ ﺍﻧﻄﻲ ﺍﻟﻜﻠﻴﺠﻪ ﻟﻠﻮﻟﺪ ﺩﻗﺎﻳﻖ ﻣﺎﺗﺎﺧﺮ
ﻣﺪﻳﺖ ﺭﻭﺣﻲ ﻋﻠﻰ ﺍﻟﻜﺮﺳﻲ ﺍﻳﺪﻱ ﻋﻞ ﺭﺍﺳﻲ ﺗﻨﻬﺪﺕ ﺿﺎﻳﺞ ﻫﻴﻨﻮﺏ ﻃﻠﻌﺖ ﺍﻟﻤﺒﺎﻳﻞ ﺷﻐﻠﺖ ﺍﻟﻜﺎﻣﺮﻩ ﺩﺣﻜﺖ ﻭﺟﻬﻲ ﺍﻟﺤﻤﺪﺍﻟﻠﻪ ﺣﻠﻜﻲ ﻣﺎﺑﻲ ﺷﻲ ﺭﺍﺟﻊ ﻃﺒﻴﻌﻲ ﻭﺍﻟﺸﺮﺟﻲ ﻣﻨﺘﻬﻲ ﻣﻨﻮ ﻃﻌﺠﺖ ﻭﺟﻬﻲ ﻭﺭﺟﻌﺘﻮ ﻓﺮﻛﺖ ﻋﻴﻮﻧﻲ ﻓﻌﺎﻟﻴﺎﺕ ﺍﻟﻀﻮﺟﻪ ﻛﺒﺎﻝ ﺍﻟﻤﺮﺍﻩ ﺟﻔﻠﻨﻲ ﺧﻄﺎﺏ
ﺧﺎﻟﻲ ﺣﻠﻮ ﺣﻠﻮ ﻃﺎﻟﻊ ﻋﻠﻴﻪ ﻳﺮﺑﻚ
ﺍﻧﺠﺐ ﻋﺎﺭ ﻫﻮﻩ ﻣﻨﻮ ﻳﻄﻠﻊ ﻋﻠﻰ ﻣﻨﻮ ﺣﺪﺭ ﺍﻛﻌﺪ ﺟﺪﺍﻣﻲ ﻻﺗﻐﻴﺮ ﺍﻟﺴﺎﻟﻔﻪ ﻋﺒﺎﻟﻚ ﺗﻨﺴﻴﻨﻲ
ﻣﺎﺑﻠﺤﻴﻒ ﻓﺎﺭﺱ ﻳﻨﺴﻰ ﺳﺎﻟﻔﻪ ﻛﻮﻝ ﺧﺎﻟﻲ ﺍﺳﻤﻌﻚ
ﻻﺗﻐﺸﻢ ﺭﻭﺣﻚ ﺍﻧﻪ ﺷﻜﺘﻠﻚ ﺷﻮﺻﻴﺘﻚ ﻋﻞ ﺑﻨﺖ ﺧﺎﻟﺘﻚ
ﺩﻧﺞ ﻏﻄﻪ ﻭﺟﻬﻮ ﺑﻴﺪﻭ ﻓﺮﻛﻮ ﻭﺭﺟﻊ ﺷﻌﺮﻭ ﻟﻴﻮﺭﻩ ﺭﻓﻊ ﺭﺍﺳﻮ ... ﺧﺎﻟﻲ ﺍﺣﺒﻪ
ﺣﺒﺘﻚ ﺳﻠﻴﻤﻪ ﻭﻝ ﻣﺼﻜﻮﻉ ﺍﺛﻜﻞ ﺍﺷﻮﻓﻚ ﺳﺎﺣﻞ ﺭﻭﺣﻚ ﺯﻳﺎﺩﻩ ﻭﻳﻦ ﻣﺎﺭﺍﺣﺖ ﺗﻔﺘﺮ ﻭﺭﺍﻫﻪ ﻭﻣﻦ ﻳﻮﻡ ﺍﻟﺒﻘﺖ ﻋﺪﻧﻪ ﺍﻧﺖ ﻻﻓﻲ ﻳﻤﻨﻪ
ﻭﺍﻟﻠﻪ ﺧﺎﻟﻲ ﻭﺭﺡ ﺍﺑﻮﻳﻪ ﺍﺣﺒﻪ ﺑﺲ ﻫﻴﻪ ﻣﺎﻋﺮﻑ ﺷﺒﻴﻪ ﻣﺎﺗﺒﺎﻭﻉ ﺑﻮﺟﻬﻲ
ﻋﺠﻞ ﻛﺮﺍﻣﺘﻚ ﻭﻳﻦ ﺭﺟﻮﻟﺘﻚ ﻭﻳﻦ ﻧﻮﺑﻪ ﻭﺣﺪﻩ ﺣﺎﺟﻴﺘﻪ ﺻﺪﺗﻚ ﺍﻧﻌﺠﻢ ﻭﺍﻛﻀﺐ ﺭﻭﺣﻚ ﻭﻝ ﺧﻄﺎﺏ ﺍﻧﻪ ﺍﻛﻮﻝ ﺍﻧﺖ ﺍﻟﻮﺣﻴﺪ ﻓﺎﺭﺱ ﺍﻟﺜﺎﻧﻲ ﻛﻠﺒﻚ ﻛﻮﻱ ﻭﻛﺮﺍﻣﺘﻚ ﻓﻮﻙ ﻛﻠﺸﻲ ﺷﺠﺎﻙ ﻫﻠﻴﺎﻡ ﺻﺎﻳﺮﺭ ﺧﻔﻴﻔﻲ
ﻻ ﻫﺎﻫﻴﻪ ﺧﺎﻟﻲ ﻛﻼﻣﻚ ﻃﺎﺑﻮ ﻣﻦ ﺍﻟﻴﻮﻡ ﺗﺸﻮﻑ ﺧﻄﺎﺏ ﺛﺎﻧﻲ ﺗﺸﻮﻑ ﺧﻄﺎﺏ ﻧﺴﺨﻪ ﻓﺎﺭﺱ ﺍﻧﻪ ﻫﻢ ﺍﻟﻤﺎﻳﺮﻳﺪﻧﻲ ﻣﺎﺭﻳﺪﻭ
ﻋﻔﻴﻪ ﺍﺑﻨﻲ ﺍﻱ ﻫﻴﺞ ﺍﺭﻳﺪﻙ ﺟﺜﻴﺚ ‏( ﺗﻜﻴﻞ ‏) ﻭﻧﻔﺴﻚ ﻋﺰﻳﺰﻩ ﻣﻮﺭﺍﺧﺺ ﺑﻨﺖ ﺍﺧﺘﻲ ﺑﺲ ﺍﻟﺰﻭﺍﺝ ﻗﺴﻤﻪ ﻭﺟﺎﻳﺰ ﻣﻮﻧﺼﻴﺒﻚ ﻋﻠﻴﺶ ﺗﺒﻘﻰ ﺗﻔﺮﻓﺮ ﻭﻋﻴﻮﻧﻚ ﻓﺎﺿﺤﺘﻚ ﻭﺍﻟﺒﻨﻴﻪ ﻋﺮﺿﻚ ﻭﺍﻟﺤﺠﺎﻳﻪ ﺍﻟﺰﺍﻳﺪﻩ ﺗﺠﺮ ﻭﺍﺣﻨﻪ ﺟﺎﻋﺪﻳﻦ ﻭﺳﻂ ﻋﻤﺎﻡ ﻭﻛﺮﺍﺑﻪ ﻟﻮﻭﻛﻌﺖ ﺳﺎﻟﻔﻪ ﺑﺤﻠﻜﻬﻢ ﻃﺸﺖ ﺑﻜﻞ ﺍﻟﻔﻠﻮﺟﻪ ﻋﺎﺩ ﺍﻧﺖ ﺗﺮﺿﺎﻩ ﻋﻞ ﺑﻨﺖ ﺧﺎﻟﺘﻚ
ﻻﺧﺎﻟﻲ ﺷﺤﺪﻭ ﻟﻴﻔﺘﺢ ﺣﻠﻜﻮ ﻭﻳﺠﻴﺐ ﺳﻴﺮﻩ ﺑﻨﻮﺍﺗﻨﻪ ﻭﺣﻖ ﺍﻟﻠﻪ ﺍﺣﻂ ﺍﻟﺒﺮﺟﻠﻚ ﻛﻠﻪ ﺑﺤﻠﻜﻮ ﻭﺍﻧﻌﻞ ﺍﻫﻠﻮ
ﻋﺠﻞ ﺩﺍﻡ ﻫﻴﺞ ﺍﻃﺮﺏ ﻟﺸﺮ ﻭﻏﻨﻴﻠﻮ ﻭﺍﺫﺍ ﺍﻟﻚ ﻧﺼﻴﺐ ﺗﺎﺧﺬﻭ ﻟﻮ ﺗﻨﻄﺮ ﺍﻟﺴﻤﺎ ﻋﻠﻰ ﺍﻟﻜﺎﻉ
ﺩﻧﺞ ﻣﻘﻬﻮﺭ ﺟﺮ ﺣﺴﺮﻩ ﻭﺭﺩ ﺭﻓﻊ ﺭﺍﺳﻮ ﺗﻘﺮﺏ ﺑﺎﺳﻨﻲ ... ﺧﺎﻟﻲ ﻻﺗﺰﻋﻞ ﺍﻣﺴﺤﻪ ﺑﻬﺎﻱ ﺍﻟﺤﻴﻪ
ﻛﻀﺒﺖ ﺭﻛﺒﺘﻮ ﺳﺤﺒﺘﻪ ﻛﺒﺎﻟﻲ ... ﻣﻮ ﺯﻋﻼﻥ ﺗﺎﻧﺼﺤﻚ ﻭﺍﻧﺖ ﺗﺮﺑﺎﺕ ﺍﻳﺪﻱ ﻳﻌﺰ ﻋﻠﻴﻪ ﺍﺷﻮﻓﻚ ﻣﻬﻀﻮﻡ ﺣﺎﺟﻴﺘﻚ ﺣﺘﻰ ﺗﻮﻋﻪ ﻣﻮ ﺍﺯﻭﺩ ﻳﻠﻪ ﺗﻮﻛﻞ ﺗﺎﺑﺎﺟﺮ ﺗﺎﺧﺬ ﺍﻣﻚ ﻭﺧﻮﺍﺗﻚ ﻟﻠﺴﻮﻙ ﺗﻔﺮﺣﻬﻢ ﺑﻤﺸﺘﺮﺍﻩ ﺍﻟﻌﻴﺪ ﻭﻫﺎﻙ ﺍﻛﻀﺐ ﻻﺗﺨﻠﻲ ﺑﻨﻔﺴﻬﻢ ﺷﻲ
ﺧﺎﻟﻲ ﺷﻨﻮ ﻫﺎﻱ ﺗﺮﻩ ﻣﺴﺘﻮﺭﻩ ﻭﺍﻟﺤﻤﺪ ﺍﻟﻠﻪ ﺍﺧﺬﻫﻢ ﻭﺍﻧﻪ ﺍﻟﻤﻤﻨﻮﻥ ﺍﺷﺘﺮﻳﻠﻬﻢ ﺍﻟﻲ ﻳﺮﻳﺪﻭ ﺑﺲ ﻓﻠﻮﺱ ﻣﻨﻚ ﻣﺎﺍﺧﺬ
ﻳﻮﻝ ﺍﺧﺬ ﻻﺗﺼﻴﺮ ﺭﺟﺎﻝ ﻛﺒﺎﻟﻲ ﺍﻧﻪ ﺍﺳﻮﻳﻚ ﺭﺟﺎﻝ ﻋﻠﻰ ﺍﻟﻌﺎﻟﻢ ﻣﻮ ﻋﻠﻲ ﻣﻦ ﻳﻤﺘﻰ ﺗﺮﺩ ﺍﻳﺪﻱ
ﻣﻮ ﺍﺭﺩﻫﻢ ﺑﺲ ﻭﺍﻟﻠﻪ ﺍﻟﺨﻴﺮ ﺟﺜﻴﺮ ﻭﻣﻮ ﻣﺤﺘﺎﺝ
ﺍﺧﺬ ﻭﻧﺠﻌﻢ ﻳﺎﻟﻪ ﺣﺪﺭ ﺗﺴﺤﺮ ﻳﻢ ﺟﺪﺗﻚ
ﻻﻻ ﺭﺍﻳﺢ ﻟﻠﺒﻴﺖ ﺑﺎﻟﻒ ﻋﺎﻓﻴﻪ ﻋﻠﻴﻜﻢ
ﻳﻮﻝ ﺍﻣﻚ ﻫﻴﻦ ﻭﺧﻮﺍﺗﻚ ﻭﻳﻦ ﺭﺍﻳﺢ
ﺭﺍﻳﺢ ﺧﺎﻟﻲ ﺭﺍﻳﺢ ﻫﻤﻪ ﻳﺠﻮﻥ ﻋﻮﺩ ﻳﺴﻮﻭﻟﻲ
ﻓﺎﺕ ﻟﺒﻴﺘﻬﻢ ﻋﺮﻓﺘﻮ ﻛﻀﺐ ﺭﻭﺣﻮ ﺧﻄﺎﺏ ﻧﺴﺨﻪ ﻣﻨﻲ ﻋﺼﺒﻲ ﻋﻨﻴﺪ ﻣﺎﻳﺘﻔﺎﻫﻢ ﻭﺍﻟﻲ ﻳﺮﻳﺪﻭ ﻳﺎﺧﺬﻭ ﻭﻣﺎﻳﻌﺮﻑ ﻳﻌﺒﺮ ﻋﻦ ﻣﺸﺎﻋﺮﻭ ﻏﻴﺮ ﺑﻌﺼﺎﺑﻮ ﻭﺳﺠﻰ ﺗﺨﺎﻑ ﻣﻨﻮﻭ ﺗﺸﻮﻑ ﻣﻌﺎﻣﻠﺘﻮ ﻟﺨﻮﺍﺗﻮ ﻭﺟﻨﻮﻧﻮ ﺳﻮﺗﻠﻪ ﻓﻮﺑﻴﻪ ﺑﻌﺪﺗﻮ ﻣﻨﻬﺎ ﺣﺘﻰ ﻛﻠﻤﻦ ﻳﻨﺪﻝ ﻃﺮﻳﻖ ﻛﻠﺒﻮ
ﻓﺘﺖ ﻟﻜﻴﺘﻬﻢ ﻳﺴﻮﻥ ﻛﻠﻴﺠﻪ ﻭﻛﻔﺖ ﺑﻠﺒﺎﺏ ... ﻫﺎﺍﺍ ﻳﺎﺑﻪ ﺍﻟﻜﻮﻭﻭﻭﻩ
ﺍﻡ ﺛﺎﻣﺮ .... ﻫﻼ ﺧﻮﻳﻪ ﺍﻟﻠﻪ ﻳﻜﻮﻳﻚ
ﻋﺠﻞ ﻣﺎ ﻛﻤﻠﺘﻮ ﺍﻟﺘﺮﺍﻭﻳﺢ ﺧﻠﺼﺖ ﻳﻤﺘﻰ ﺗﺴﺤﺮﻭﻥ
ﻫﺴﺎﻉ ﺍﻟﺒﻨﺎﺕ ﻳﺴﻮﻥ ﺟﻮﻋﺎﻥ ﻳﺎﺑﻪ
ﻻﻻ ﻭﺍﺻﻠﻪ ﻟﻬﻴﻦ ﺭﺍﻳﺢ ﺍﻧﺎﻡ ﻋﻮﺩ ﻗﻔﻠﻮ ﺍﻟﺒﻴﺒﺎﻥ ﻟﻮ ﺭﺣﺘﻮ ﻟﺒﻴﻮﺗﻜﻢ
ﺗﺎﺍﻣﺮ ﺍﻣﺮ
ﺗﺼﺒﺤﻮﻥ ﻋﻞ ﺧﻴﺮ
ﻭﺍﻧﺖ ﻣﻦ ﺍﻫﻠﻮ
ﺻﻌﺪ ﺍﻟﺪﺭﺝ ﻭﻧﺪﺭﺕ ﺍﻟﻪ ﺻﺪﻙ ﺗﺒﺎﺭﻙ ﻭﻳﻦ
ﺑﺜﻴﻨﻪ .... ﺧﺎﻟﻮ ﺗﻮﻩ ﺻﻌﺪﺕ ﺑﻔﺮﻓﺘﻜﻢ
ﺻﻌﺪﺕ ﻣﺴﺘﻌﺠﺐ ﻫﻴﻪ ﺗﺎﺧﻒ ﻣﺎﺗﺼﻌﺪ ﻓﻮﻙ ﻭﺣﻴﺪﻩ ﺳﻮﻳﺖ ﺍﻟﺪﺭﺝ ﺑﺎﻳﺘﻴﻦ ﻓﺘﺤﺖ ﺍﻟﺒﺎﺏ ﻭﺍﻟﻜﺎﻩ ﻻﻣﻪ ﺭﻭﺣﻪ ﻋﻞ ﺟﺮﺑﺎﻳﻪ ﻭﺍﻟﻤﺨﺪﻩ ﻋﻞ ﺭﺃﺳﻪ ﺟﺴﻤﻪ ﻳﻬﺘﺰ ﻧﻄﺮﻛﺖ ﻛﻌﺪﺕ ﺑﺼﻔﻪ ﺭﻓﻌﺘﻪ ﻟﺤﻀﻨﻲ ﺗﺒﺠﻲ ﻋﻴﻮﻧﻲ ﻧﻄﻮ
ﺷﺒﻴﺞ ﺑﺎﺑﺎﺗﻲ ﻋﻠﻴﺶ ﺍﻟﺒﺠﻲ
ﺑﺎﺑﺎ ﻣﺎﻣﺎ ﻭﻳﻦ ﺍﻧﻪ ﺻﺎﺭ ﻛﻮﻣﻪ ﻛﺎﺿﺒﻪ ﻧﻔﺴﻲ ﻛﻞ ﻳﻮﻡ ﺟﺪﻩ ﺗﺠﺬﺏ ﻋﻠﻲ ﺩﻛﻮﻝ ﺑﺎﺟﺮ ﺗﺠﻲ ﻭﻣﺎﺟﺘﻲ ﻋﺠﻞ ﻳﻤﺘﻰ ﺗﺠﻲ
ﺣﻀﻨﺘﻪ ﻣﻐﻤﺾ ﻣﺎﻋﺮﻑ ﺷﺠﺎﻭﺑﻪ ﺗﻨﻬﺪﺕ ﺑﻌﺪﺕ ﻭﺟﻪ ﻻﺯﻣﻪ ﺑﻴﺪﻱ .... ﺑﺎﺑﺎﺗﻲ ﺍﻧﻪ ﻣﻘﺼﺮ ﻣﻨﺞ
ﻻ
ﻋﺠﻞ ﺍﻣﺞ ﺍﺍﺍﺫﺗﻨﻲ ﻭﻃﻠﻌﺖ ﻣﺎﺣﺴﺒﺖ ﺣﺴﺎﺑﻲ ﺗﺮﺿﻴﻪ ﻋﻞ ﺍﺑﻮﺝ
ﻻ
ﻋﺠﻞ ﺷﻨﻮ
ﺑﺎﺑﺎ ﺍﻧﻪ ﺍﻏﺎﺭ ﻛﻠﻬﻢ ﻳﻤﻬﻢ ﺍﻣﻬﻢ ﺑﺜﻴﻨﻪ ﻟﺒﻨﺎ ﺳﺠﻰ ﻣﺮﻳﻢ ﻭﺭﺍﺡ ﻳﺸﺘﺮﻭﻥ ﻫﺪﻭﻡ ﺍﻟﻌﻴﺪ ﺍﻧﻪ ﻣﻦ ﻳﺠﻴﺒﻠﻲ
ﻋﺠﻞ ﺭﺍﻳﺪﻩ ﺍﻣﺞ ﻟﻬﺪﻭﻡ ﺍﻟﻌﻴﺪ ﻭﺑﺲ
ﻫﺰﺕ ﺭﺃﺳﻪ ﺍﻱ
ﻳﻌﻨﻲ ﻣﻮ ﻣﺸﺘﺎﻛﻪ ﺍﻟﻪ
ﺳﻜﺘﺖ
ﺑﺎﺑﺎﺗﻲ ﺍﺣﺠﻲ
ﻫﻴﻪ ﺗﺼﻴﺢ ﻋﻠﻴﻪ ﻭﻣﻦ ﺗﻤﺸﻄﻠﻲ ﺗﻮﺟﻊ ﺷﻌﺮﻱ ﺟﺪﻩ ﻭﻋﻤﻪ ﻟﻴﻠﻰ ﻟﻮ ﺑﺪﻟﻮﻟﻲ ﻭﺳﺒﺤﻮﻧﻲ ﻋﻞ ﻛﻴﻒ ﻫﻴﻪ ﺗﺰﻣﺦ ﺑﻴﻪ ﻭﻧﻮﺑﺎﺕ ﺩﻛﻮﻝ ﻗﺎﺑﻞ ﺍﻧﺘﻲ ﺻﻐﻴﺮﻩ ﺍﺳﺒﺤﻲ ﻭﺣﻴﺪﺝ ﻭﻳﻮﻣﻴﻪ ﻳﻮﻣﻴﻪ ﺗﺴﺌﻠﻨﻲ ﺍﺑﻮﺝ ﻣﻦ ﻳﻜﻌﺪ ﻳﻢ ﺟﺪﺗﺞ ﺷﻴﺤﺠﻮﻥ ﻭﺷﻜﺪ ﻳﻨﻄﻴﻪ ﻓﻠﻮﺱ ﺑﺎﺑﺎ ﻣﺎﻣﺎ ﺳﻮﺕ ﺭﺍﺳﻲ ﻫﻞ ﻛﺒﺮﻩ
ﺗﺠﺮﻧﻲ ﻣﻦ ﻫﺪﻭﻣﻲ ﺣﻴﻞ ﻣﻦ ﺗﻔﻮﺕ ﺳﻴﺎﺭﺗﻚ ﻟﻠﻜﺮﺍﺝ ﻭﺗﻨﺰﻝ ﻣﺴﻮﺍﻙ ﻋﻤﻪ ﻟﻴﻠﻰ ﻭﻋﻤﻪ ﻫﺪﻳﻪ ﺑﻠﻌﺠﻞ ﺩﻛﻠﻲ ﺭﻭﺣﻲ ﺷﻮﻓﻲ ﺷﺠﺎﺑﻠﻬﻢ ﻭﺍﻧﻪ ﺍﺗﻌﺐ ﺍﺭﺟﻊ ﺍﻋﺪﺩ ﻫﻮﻩ ﺷﺠﺎﺏ ﺑﺎﺑﺎ ﻃﻤﺎﻃﻪ ﺑﺘﻴﺘﻪ ﺑﺼﻞ ﻟﺤﻢ ﺩﺟﺎﺝ ﺳﻤﺞ ﻟﺒﻦ ﺑﻴﺾ ﺗﻤﻦ ﻭﻋﻠﺐ ﺣﻠﻮﻳﺎﺕ ﻭﺷﺎﻝ ﻫﻠﻜﺜﺮ ﺍﻧﻄﻪ ﻟﻌﻤﻪ ﻣﺎﻣﺎ ﺷﺒﻴﺞ ﻫﻮﻩ ﻳﺸﺒﻪ ﺍﻟﻤﺴﻮﺍﻙ ﺍﻟﺠﺎﺑﻪ ﺍﻟﻨﻪ
ﺗﺤﺠﻲ ﻣﻨﻔﻌﻠﻪ ﺗﻌﺪﺩ ﺑﺼﺎﺑﻌﻪ ﺍﻟﺤﺎﺟﺎﺕ ﻓﺎﺗﺤﻪ ﻋﻴﻮﻧﻪ ﻭﺷﻌﺮﻩ ﻛﻞ ﺷﻮﻳﻪ ﻣﻦ ﻳﺘﺤﺮﻙ ﺟﺴﻤﻪ ﻳﻤﻴﻞ ﻋﻞ ﻭﺟﻪ ﺗﺒﻌﺪﻭ ﻭﻧﻜﻤﻞ ﺗﻌﺪﺩ ﻭﺗﺒﻠﻊ ﺭﻳﻚ ﻟﻮﺗﺼﻔﻦ ﺛﺎﻧﻴﻪ ﺗﺴﺤﻚ ﺟﻠﻤﻪ ﺗﻬﺰ ﺭﺃﺳﻪ ﺗﺎﺗﺬﻛﺮ ﻧﻔﺘﺤﺖ ﺗﺤﺠﻲ ﺟﻠﻤﻪ ﻭﺭﻩ ﺟﻠﻤﻪ ﻟﻴﺤﺪ ﻣﺎﺟﺮﻳﺖ ﺍﻳﺪﻩ ﻭﻛﻔﺖ
ﺑﺎﺑﺎ ﺍﻛﻒ ﻧﺴﻴﺖ ﺍﻟﺸﺴﻤﻪ ﺑﻌﺪ ﺷﺴﻤﻪ ﺷﺴﻤﻪ
ﻭﺝ ﻛﺎﻓﻲ ﻫﻮﻩ ﺿﻞ ﺷﻲ ﻣﺎﺣﺠﻴﺘﻲ ﻣﺎﻋﻠﻴﺞ ﻣﻨﻪ ﻳﺎﺑﻪ

ﺍﻳﺎﺝ ﺗﺘﻌﻠﻤﻴﻦ ﻫﺎﻱ ﺍﻻﻃﺒﺎﻉ ﺍﻟﻤﺎﺯﻳﻨﻪ ﺍﻟﺘﺼﻨﺖ ﻋﻴﺐ ﺟﺎﻳﺰ ﺍﻟﺘﺴﻤﻌﻴﻦ ﻋﻠﻴﻬﻢ ﺗﺎﻳﺴﻮﻟﻔﻮﻥ ﺳﻮﺍﻟﻒ ﻣﺎﻝ ﻛﺒﺎﺭ ﻭﻫﻢ ﺣﺮﺍﻡ ﺍﻟﺘﺼﻨﺖ ﻭﻻﺗﺼﻴﺮ ﻋﻴﻨﺞ ﺿﻴﺠﻪ ﺑﻴﻮﻡ ﻭﺗﻤﺸﻴﻦ ﺑﻄﺒﻊ ﺍﻣﺞ ﺗﺼﻴﺮ ﻋﻴﻨﺞ ﻋﻠﻰ ﺍﻟﻌﻼﻛﻪ ﺍﻟﺒﻴﺪﻱ ﻟﺘﻔﻮﺕ ﺍﻟﻌﻤﺎﺗﺞ ﻟﻮ ﺍﻻﻱ ﺃﺣﺪ ﻋﻤﺎﺗﺞ ﺧﻮﺍﺗﻲ ﻫﺴﻪ ﺍﻧﻪ ﻣﻦ ﺍﺟﻴﺒﻠﺞ ﺣﺎﺟﻪ ﺷﻜﺜﺮ ﺗﻔﺮﺣﻴﻦ
ﺍﻭﻭﻭﻭﻭ ﻫﻠﻜﺜﺮ ﺑﻜﺪ ﺍﻟﺴﻤﺎ
ﻋﺠﻞ ﻋﻤﺎﺗﺞ ﻫﻴﺞ ﻳﻔﺮﺣﻮﻥ ﻣﻦ ﺍﺟﻴﺒﻠﻬﻢ ﺷﻲ ﻣﺎﺗﻜﻴﻔﻴﻦ ﻳﻔﺮﺣﻮﻥ
ﻻﺷﻮﻥ ﺍﻧﻪ ﺍﺣﺒﻬﻢ ﻫﻤﻪ ﻳﺒﺪﻟﻠﻮﻱ ﻭﻳﻐﺴﻠﻮﻥ ﺍﻫﺪﻭﻣﻲ ﻟﺒﻨﺎ ﻭﻣﺮﻳﻢ ﻳﻘﺮﻭﻧﻲ ﻭﺳﺠﻰ ﻭﺑﺜﻴﻨﻪ ﻳﺴﻮﻭﻟﻲ ﺗﺴﺮﻳﺤﺎﺕ ﻭﻳﺨﻄﻄﻮﻥ ﺩﻓﺎﺗﺮﻱ ﺣﺘﻰ ﻣﻦ ﺍﺗﻌﺐ ﻳﻜﺘﺒﻮﻥ ﻭﺍﺟﺒﻲ ﺑﺎﺑﺎ ﺷﺠﻴﺒﻠﻬﻢ ﺍﻧﻪ ﺍﻓﺮﺡ
ﺑﺴﺘﻪ ﻭﺭﺣﺖ ﻟﻠﻜﻨﺘﻮﺭ ﻓﺘﺤﺘﻮ ﺷﻠﺖ ﻓﻠﻮﺱ ﻭﻧﺰﻟﺖ ﻻﺯﻡ ﺍﻳﺪﻩ ﻧﻄﻴﺖ ﺑﻴﺪ ﺍﻡ ﺛﺎﻣﺮ ﻛﺘﻠﻪ ﺗﺸﺘﺮﻳﻠﻪ ﺑﺎﺟﺮ ﻋﻠﻰ ﻟﺴﺎﻧﻪ ﻟﻴﺨﻄﺮ ﺑﺎﻟﻪ ﻭﻫﻴﻪ ﺩﻛﻤﺰ ﻭﺗﻌﺪﺩ ﺑﺼﺎﺑﻌﻪ ﺟﻴﺒﻮﻟﻲ ﻫﺬﺍ ﻭﻫﺬﺍ ﻧﻄﻠﻘﺖ ﻭﻻﺟﻨﻪ ﺟﺎﻧﺖ ﺗﺒﺠﻲ ﺣﺎﻭﻟﺖ ﻭﻳﺎﻫﻪ ﺗﺼﻌﺪ ﺗﻨﺎﻡ ﻳﻤﻲ ﺣﺴﺒﺖ ﺧﺎﻑ ﻣﺤﺘﺎﺟﻪ ﺣﻨﺎﻥ ﺍﻣﻪ ﺑﺲ ﻓﺸﻠﺘﻨﻲ ﻭﻫﻴﻪ ﺗﺎﺷﺮﻟﻲ ﺑﻴﺪﻩ
ﺍﺻﻌﺪ ﺍﺻﻌﺪ ﻧﺎﻡ ﺑﻐﺮﻓﺘﻚ ﺷﻨﻮ ﺻﻐﻴﺮ ﻣﺎﺧﺬﻧﻲ ﺍﻧﺎﻡ ﻭﻳﺎﻙ ﻋﺠﻞ ﻛﻮﻝ ﺍﺧﺎﻑ ﺣﺘﻰ ﺍﺟﻲ ﺍﻧﻴﻤﻚ ﺑﺲ ﻫﺎﺍ ﺗﺮﻩ ﻣﻦ ﺗﻨﺎﻡ ﺍﻧﺰﻝ ﺣﺘﻰ ﺍﺗﺴﺤﺮ ﻻﻥ ﺟﻮﻋﺎﻧﻪ
ﻫﺰﻳﺖ ﺭﺍﺳﻲ ﻋﺎﺽ ﺍﺻﺒﻌﻲ ﺍﻡ ﻟﺴﺎﻥ ﻟﺴﺎﻧﺞ ﻟﺴﺎﻥ ﺩﻻﻟﻪ ﺻﻌﺪﺕ ﺳﺒﺤﺖ ﺗﻮﻧﻲ ﺍﺣﻂ ﺭﺍﺳﻲ ﺗﺎﻧﺎﻡ ﺩﻙ ﻋﻤﺮ ﺟﺎﻭﺑﺘﻪ
ﻟﻚ ﻫﺎﺍ ﻋﺎﺭ ﻫﺬﺍ ﻭﻛﺖ ﺗﺨﺎﺑﺮ ﺑﻲ ﺗﻮﻧﻲ ﺍﻧﺎﻡ
ﻣﻮﺻﻮﺟﻚ ﻳﻮﻝ ﺻﻮﺟﻲ ﺻﺪﻙ ﻻﺗﺴﻮﻱ ﺯﻳﻦ ﻟﺤﺪ
ﻫﻬﻬﻬﻬﻬﻪ ﺍﺗﺸﺎﻗﻪ ﻭﻳﺎﻙ ﻭﻳﻨﻚ ﺍﻟﻴﻮﻡ ﻣﺎﺷﻔﺘﻚ
ﻧﺎﺯﻝ ﻟﺒﻐﺪﺍﺩ ﺻﺎﺭﺗﻠﻲ ﺷﻐﻠﻪ
ﺑﺲ ﻻﺑﺎﻳﺖ ﺑﺸﻘﻪ
ﻋﺠﻞ ﻭﻳﻦ
ﺍﻟﻠﻪ ﻳﺠﻌﻤﻚ ﻳﻮﻝ ﻋﻠﻴﺶ ﻣﺎﻛﻠﺖ ﺟﺎﻥ ﺟﻴﺖ ﻭﻳﺎﻙ
ﺍﻱ ﺣﺘﻰ ﺗﻀﺮﺏ ﺑﻠﻨﻜﻮ ﻣﻮﻭﻭ
ﺍﻱ ﺑﺎﻟﻠﻪ ﺭﻭﺣﻲ ﻻﻳﺒﻪ ﻫﻴﻨﻮﺏ
ﻳﻮﻝ ﺍﺭﻛﺪ ﺍﻟﺪﻧﻴﻪ ﺭﻣﻀﺎﻥ ﻻﻳﻜﻠﺒﻪ ﺍﻟﻠﻪ ﺑﻴﻨﻪ
ﻋﺠﻞ ﺷﻼﺯﻣﻨﻲ ﻏﻴﺮ ﺭﻣﻀﺎﻥ ﺍﻟﻪ ﺍﻧﻪ ﻣﻨﺘﻬﻲ ﻭﺍﺻﻞ ﻣﺮﺣﻠﻪ
ﺍﻧﺠﻌﻢ ﻭﺳﻤﻌﻨﻲ ﺍﻧﻪ ﻟﻜﻴﺖ ﺧﻮﺵ ﺷﻐﻠﻪ ﺍﻟﻴﻮﻡ ﻭﺭﺍﺡ ﺍﻋﻮﻑ ﺍﻟﺸﻐﻞ ﻭﻳﺎﻙ
ﻣﻮﺍﻛﻠﻚ ﻋﺎﺭ ﻳﻮﻝ ﻣﻮ ﺑﺲ ﻋﺎﺭ ﻭﺩﻭﻧﻲ ﻫﻢ
ﻓﺎﺭﺱ ﺍﺳﻤﻌﻨﻲ ﻭﺍﻟﻠﻪ ﺍﻟﻤﻨﻄﻘﻪ ﻧﺎﻳﻤﻪ ﻭﻣﺤﻞ ﺍﻟﻐﺬﺍﺋﻴﻪ ﻭﺍﻛﻒ ﻫﺎﻱ ﻋﻮﺩ ﺍﺣﻨﺎ ﺑﺮﻣﻀﺎﻥ ﺗﻌﺎﻝ ﺷﻮﻑ ﺑﻐﺪﺍﺩ ﺗﺮﻭﺵ ﺭﻭﺵ ﻓﻠﻮﺟﺘﻨﻪ ﺷﺎﻣﻪ ﺭﻳﺤﻪ ﺣﺮﺏ ﻭﻫﻞ ﺧﺎﻧﺴﻪ
ﻳﻮﻝ ﺍﻧﺖ ﺷﺘﺤﺠﻲ ﺑﻴﻤﻦ ﻣﻔﺎﻭﻟﻨﻪ ﺍﻟﻤﻨﻄﻘﻪ ﺑﺨﻴﺮ ﻭﺍﻟﺠﻮﺍﻣﻊ ﺗﺼﻠﻲ ﻭﻧﺎﺱ ﺗﺮﻭﺵ ﻣﻨﻴﻠﻚ ﻫﺬﺍ ﺍﻟﺨﺮﻳﻂ
ﺍﻥ ﺷﺎﻟﻠﻪ ﻳﻄﻠﻊ ﺧﺮﻳﻂ ﺗﺮﻳﺪ ﺍﻟﺼﺪﻙ ﺍﻟﺸﻐﻠﻪ ﻟﻜﻴﺘﻪ ﻣﺎﺗﺘﻔﻮﺕ ﺍﻗﻠﻪ ﺑﻴﻪ ﺭﺍﺗﺐ ﺷﻬﺮﻱ ﻳﻔﻮﺗﻠﻲ ﻛﻞ ﺷﻬﺮ ﻣﻮ ﺍﺟﺮ ﻳﻮﻣﻲ
ﻭﺷﻨﻮ ﻫﺎﻱ ﺍﻟﺸﻐﻠﻪ ﺑﻠﻪ
ﺷﻮﻑ ﺭﺟﻞ ﺍﺧﺘﻲ ﻳﺪﺍﻭﻡ ﺑﻤﻨﻀﻤﻪ ﺣﻘﻮﻕ ﺍﻻﻧﺴﺎﻥ ﻭﻫﻮﻩ ﻣﺴﻮﻝ ﻟﺠﻨﻪ ﺍﻟﻬﻼﻝ ﺍﻻﺣﻤﺮ ﺫﻭﻟﻪ ﻟﻴﻮﺯﻋﻮﻥ ﻣﺴﺎﻋﺪﺍﺕ ﺷﺒﻴﻚ
ﺍﻱ ﺃﻋﺮﺍﻑ ﺍﻋﺮﻑ ﻭﺗﺎﻟﻲ
ﻛﺎﻟﻲ ﻣﺤﺘﺎﺟﻴﻦ ﺳﺎﻳﻖ ﻳﻮﺻﻞ ﻣﺴﺎﻋﺪﺍﺕ ﻟﻠﻨﺎﺯﺣﻴﻦ ﻭﺍﺫﺍ ﺷﺎﻓﻮﻙ ﻣﻠﺘﺰﻡ ﻳﻮﺿﻔﻮﻙ ﻋﺪﻫﻢ ﻋﻞ ﻧﻘﻠﻴﺎﺕ
ﻭ ﺍﻟﻠﻪ ﻋﻤﺮ ﺍﻧﻪ ﻣﺎﻋﺮﻑ ﺑﻬﺎﻱ ﺍﻻﻣﻮﺭ ﺑﺲ ﺍﺫﺍ ﺍﻧﺖ ﺭﺍﻏﺐ ﺍﻟﺸﻐﻠﻪ ﺍﻟﻠﻪ ﻳﻮﻓﻘﻚ ﺑﻴﻬﺎ ﻭﻳﺒﻘﻰ ﺍﻟﻤﺤﻞ ﻭﺭﺍﻋﻴﻮ ﺗﺤﺖ ﺍﻣﺮﻙ ﻳﻤﺘﻰ ﻣﺎ ﺗﺮﻳﺪ
ﻣﺎﺗﻘﺼﺮ ﺍﺑﻮ ﺍﻟﻔﻮﺍﺭﺱ ﻭﺍﻟﻠﻪ ﻭﻛﻔﻮ ﻣﻮﺟﺪﻳﺪﻩ ﻋﻠﻴﻚ ﺳﻨﻴﻦ ﻭﺍﻧﻪ ﻭﻳﺎﻙ ﺑﺸﻐﻞ ﻣﺎﻳﻮﻡ ﺣﺴﺴﺘﻨﻲ ﻋﺎﻣﻞ ﻋﺪﻛﻢ ﻣﻦ ﻳﻮﻡ ﻳﻮﻣﻚ ﺗﻌﺎﻣﻠﻨﻲ ﻣﻌﺎﻣﻠﻪ ﺧﻄﺎﺏ ﻭﺛﺎﻣﺮ ﻭﺣﺴﻦ ﺍﻟﻠﻪ ﻻﻳﺨﻠﻴﻨﻲ ﻣﻨﻚ ﻭﻻﻳﻜﻄﻊ ﻣﻌﺠﻮﻧﻴﺎﺗﻚ ﻋﻠﻴﻪ
ﺍﻫﺎﺍﺍﺍ ﻫﻨﺎ ﺭﺑﺎﻁ ﺍﻟﺪﻋﻮﻩ ﻣﺎﻟﺘﻚ ﻋﻞ ﻣﻌﺠﻮﻧﻴﺎﺕ ﻋﺠﻞ ﺍﺳﻤﻊ ﺩﺍﻣﻚ ﻋﻔﺘﻨﻲ ﺑﻠﻔﻮﺟﻪ ﻭﺣﻴﺪﻱ ﻭﻧﺰﻟﺖ ﺍﻟﺒﻐﺪﺍﺩ ﻣﺎﺗﺸﻮﻑ ﻣﻌﺠﻮﻧﻴﺎﺕ ﺑﻌﺪ
ﻫﻬﻬﻬﻬﻬﻬﻪ ﺍﺗﺸﺎﻗﻪ ﻭﻳﺎﻙ ﻳﺎﻟﻪ ﺍﺧﺬ ﺭﺍﺣﺘﻚ ﺗﺼﺒﺢ ﻋﻞ ﺧﻴﺮ
ﺍﻟﻠﻪ ﻭﻳﺎﻙ ﺧﻮﻳﻲ ﻭﺍﻧﺖ ﻣﻦ ﺍﻫﻠﻮ
ﻟﻔﻠﻔﺖ ﺭﻭﺣﻲ ﻭﻧﻤﺖ ﻭﻫﻴﺞ ﻣﺮﺕ ﺍﻻﻳﺎﻡ ﻣﺘﺸﺎﺑﻪ ﻋﻤﺮ ﻛﻄﻊ ﺑﻴﻪ ﻭﻓﺮﺍﻏﻪ ﺗﺮﺱ ﻛﻠﺒﻲ ﻣﻌﺎﺷﺮ ﻧﺺ ﺍﻟﻔﻠﻮﺟﻪ ﺑﺲ ﻣﻮ ﻣﺜﻞ ﻋﻤﺮ ﺍﻫﺠﺴﻪ ﻫﻮﻩ ﻭﺭﻭﺣﻲ ﺁﺧﺮ ﺍﻳﺎﻡ ﻧﺰﻟﺖ ﻟﻠﺸﻐﻞ ﻭﺟﻦ ﻛﻼﻡ ﻋﻤﺮ ﺻﺤﻴﺢ ﺍﻟﻤﻨﻄﻘﻪ ﻣﻮ ﻫﻠﻜﺪ ﺣﺎﺟﻴﺖ ﻓﻴﺼﻞ ﻛﺎﻝ ﻻﻣﺎﻛﻮ ﺷﻲ ﺍﻟﺪﻧﻴﻪ ﺭﻣﻀﺎﻥ ﻭﺍﻟﻨﺎﺱ ﺗﻌﺒﺎﻧﻪ ﺻﻴﺎﻡ ﻭﻛﺬﺍ ﻗﺘﻨﻌﺖ ﻭﺍﻟﻮﻟﺪ ﻋﺎﻓﻮ ﺍﻟﺸﻐﻞ ﻋﻞ ﺭﺍﺳﻲ ﻛﻠﻬﻢ ﻳﻤﺘﺤﻨﻮﻥ ﺍﻟﻲ ﺑﻠﻌﺪﺍﺩﻳﻪ ﻭﺍﻟﻲ ﺑﻠﻜﻠﻴﻪ ﻫﻠﻜﺖ ﺣﻴﻞ ﻣﻌﺘﻤﺪ ﻋﻠﻴﻬﻢ ﺧﺎﺻﻪ ﺧﻄﺎﺏ ﻭﺣﺴﻦ ﻭﺫﻭﻟﻪ ﻛﻠﻴﺎﺕ ﻣﺎﺭﻳﺪ ﺍﺷﻐﻠﻬﻢ ﺑﺲ ﺣﻴﻞ ﺍﺣﺘﺎﺟﻬﻢ ﻫﻤﻪ ﺍﻳﺪﻱ ﻭﺭﺟﻠﻲ ﺻﺮﺕ ﺍﺿﻐﻂ ﻋﻠﻰ ﺭﻭﺣﻲ ﻭﺍﺿﻞ ﻟﺘﺎﻟﻲ ﺍﻟﻴﻞ ﺍﺟﺮﺩ ﻭﺭﻩ ﺍﻟﻌﻤﺎﻝ ﻭﺭﺍﺟﻊ ﺍﻟﺤﺴﺎﺑﺎﺕ ﻭﺍﻟﺸﻐﻞ ﺍﺭﺟﻊ ﻣﺎﺑﻴﻪ ﺍﺻﻌﺪ ﻟﻠﻐﺮﻓﻪ ﺍﻧﺒﻄﺢ ﺑﻐﺮﻓﻪ ﺍﻣﻲ
ﻭﺟﻲ ﺍﻟﻌﻴﺪ ﺍﻭﻝ ﻳﻮﻡ ﻫﻮﺳﺘﻨﻪ ﻣﺎﻟﻪ ﻭﺍﻟﻲ ﺟﻦ ﺍﻭﻝ ﻧﻮﺑﻪ ﻧﺘﺸﺎﻭﻑ
ﺣﺴﻦ ... ﺟﺒﺘﻠﻜﻢ ﻛﻤﻴﺮ ﻭﻛﺎﻫﻲ ﻳﺎ ﺑﻨﺎﺕ ﺳﺴﻮﻭﻭ ﺟﺎﻱ ﺑﻠﻌﺠﻞ ﻛﺒﻞ ﻣﺎﻳﺒﺮ ﺍﻟﻌﺴﻞ ﻣﺎﻝ ﺍﻟﻜﺎﻫﻲ
ﺛﺎﻣﺮ .... ﻛﻮﻡ ﺣﺎﻣﺪ ﺟﻴﺐ ﺻﻤﻮﻥ
ﻻ ﻭﺍﻟﻠﻪ ﺧﺎﻑ ﻣﺎﺗﺮﺿﻪ ﻭﻝ ﻳﺮﺑﻚ ﺍﻟﺴﺮﻩ ﻋﻠﻰ ﺍﺑﻮ ﺍﻟﺼﻤﻮﻥ ﻭﺍﺻﻞ ﻟﻤﻜﻪ ﺗﺤﺠﻲ ﻛﻞ ﻋﻜﻠﻚ
ﻋﺠﻞ ﺷﻮﻥ ﻣﺎﻧﺘﺮﻳﻚ
ﺃﻛﻠﻮ ﺧﺒﺰ ﻭﺍﺳﻜﺘﻮ
ﻻ ﺧﻠﻔﻠﻪ ﻋﻠﻴﻚ ﻫﺬﺍ ﺧﻄﺎﺏ ﺟﻲ ﻭﺟﺎﻳﺐ ﻭﻳﺎﻩ ﻟﻚ ﻫﻼ ﻫﻼ ﺑﺠﺒﻴﺮ ﺍﻧﻮﺏ ﻻﺑﺲ ﺩﺷﺎﺩﺷﻪ ﻭﺟﺎﻱ ﻣﻦ ﻟﺠﺎﻣﻊ ﻣﻦ ﺍﻟﺼﻼﻩ ﻭﺟﺎﻳﺐ ﺻﻤﻮﻥ ﻋﻤﻲ ﺍﺷﻌﻞ ﺍﻫﻠﻮ ﺍﻟﻤﺎﻳﺨﻠﻴﻚ ﺟﺒﻴﺮ
ﺧﻄﺎﺏ ... ﺍﻧﺠﻌﻢ ﻛﺎﻓﻲ ﺗﺼﺒﻎ ﺍﻳﺎﻣﻚ ﺳﻌﻴﺪﻩ ﻛﻞ ﻋﺎﻡ ﻭﺍﻧﺖ ﺑﺨﻴﺮ ﺍﻥ ﺷﺎﻟﻠﻪ ﻋﺮﻳﺲ ﻳﻮﻟﻮ ﺍﻧﺘﻮ ﻫﻮﺍﻱ ﺷﻮﻥ ﺍﺑﻮﺳﻜﻢ ﻛﻠﻜﻢ ﻫﺎﻛﻢ ﻫﺎﻱ ﻣﻦ ﺑﻌﻴﺪ ﺍﻟﻌﺰﺍﺑﻴﻪ ﺍﻥ ﺷﺎﻟﻠﻪ ﻛﻠﻜﻢ ﻣﻌﺎﺭﻳﺲ ﺑﻨﺎﺕ ﻭﻭﻟﺪ ﻭﺍﻟﻜﺒﺎﺭﻳﻪ ﺣﺠﻴﺎﺕ ﻣﺪﺭﻱ ﺣﺠﻴﻴﻦ ﻻﺟﺬﺏ ﻫﺴﺎﻉ ﺍﻋﺎﻳﺪﻛﻢ ﺑﺴﺮﻩ ﺍﺻﻼ ﻓﺮﺻﻪ ﺍﻧﻪ ﺑﺲ ﺑﻠﻌﻴﺪ ﺍﺑﻮﺳﻜﻢ
ﻓﺎﺭﺱ .... ﻛﺎﻓﻲ ﺩﻭﺧﺘﻮﻧﻪ ﻳﻮﻝ ﻳﺮﺑﻜﻢ ﺍﻳﻤﻦ ﺍﻻﺭﺑﻌﻪ ﺟﺎﻋﺪﻳﻦ ﺍﺩﺭﻱ ﻣﻔﺠﻮﻋﻴﻦ ﻣﻮﺷﺎﻳﻔﻴﻦ ﻋﻴﺪ ﺣﺪﺭ ﺍﺑﻮﺳﻚ ﻳﻮﻝ ﻭﺍﻧﻲ ﺟﺎﻋﺪ ﻣﺎﺑﻴﻪ ﺍﻛﻮﻡ ﺧﺎﻟﻚ ﻭﺍﻣﻮﻥ ﻋﻠﻴﻚ
ﺧﻄﺎﺏ .... ﻣﻮ ﺗﺎﻣﺮ ﺍﻣﺮ ﺍﺫﺍ ﻋﻠﻴﻚ ﻣﺪﻧﻚ ﻋﺠﻞ ﻋﻠﻴﻤﻴﻦ ﺍﺩﻧﻚ ﺍﻳﺎﻣﻚ ﺳﻌﻴﺪﻩ ﺧﺎﻟﻲ ﻋﻴﺪﻙ ﻣﺒﺎﺭﻙ ﺗﺮﻳﺪ ﺣﺠﻲ ﻟﻮ ﻋﺮﻳﺲ
ﺍﻧﺖ ﺷﺪﺩﻛﻮﻝ
ﺍﻧﻪ ﻛﻮﻝ ﻫﺴﺎﻉ ﻋﺮﻳﺲ ﺩﺍﻣﻚ ﺩﻭﻥ ﻣﺮﻩ ﻭﺑﻴﺖ ﺍﻟﻠﻪ ﻻﻛﺤﻴﻦ ﻋﻠﻴﻪ
ﺍﻳﺎﻩ ﺳﺎﻗﻂ ... ﻛﻔﺨﺘﻪ ﻋﻼﺑﻴﻪ ﻋﻞ ﺭﻛﺒﺘﻮ ﺣﻀﻨﻲ ﻳﻀﺤﻚ ﺑﻮﺳﺘﻪ .. ﻭﺍﻧﻪ ﻫﻢ ﺍﻥ ﺷﺎﻟﻠﻪ ﺳﻨﻪ ﺍﻟﺦ ﺍﺷﻮﻓﻚ ﺍﺣﻠﻰ ﻋﺮﻳﺲ
ﻧﻔﺮﺷﺖ ﺍﻟﺴﻔﺮﻩ ﺗﺮﻳﻜﻨﻪ ﻭﺭﺍﻩ ﺷﺘﻐﻞ ﺍﻟﻘﻂ ﻭﺍﻟﻌﻴﺪﻳﺎﺕ ... ﻳﻮﻟﻮ ﻭﺍﺣﺪﻛﻢ ﺑﻄﻮﻟﻲ ﺷﻜﺪ ﺍﻧﻄﻲ ﻟﻮﺍﺩﺭﻱ ﺑﻌﺪﻛﻢ ﻣﺰﺍﻋﻴﻂ ﻭﺩﻭﺭﻭﻥ ﻋﻴﺪﻳﺎﺕ ﺟﺎﻥ ﻣﺎﺻﺮﻓﺖ ﺍﻻﻑ ﺍﻟﺪﺧﻞ ﺍﻟﺒﺎﺭﺣﻪ ﻭﺣﻮﻟﺘﻪ ﻭﺭﻕ ﺟﺎﻥ ﻭﺯﻋﺘﻪ ﻋﻠﻴﻜﻢ
ﺗﺒﺎﺭﻙ ... ﺑﺎﺑﺎ ﺍﻟﻒ ﺷﻨﻮ ﻭﺍﻟﻠﻪ ﺑﻐﻴﺮ ﺍﻟﺤﻤﺮﻩ ﻣﺎﻗﺒﻞ
ﻋﻔﻴﻪ ﺑﻨﺘﻲ ﺫﻳﺒﻪ ﻋﻞ ﺍﺑﻮﺝ ﻓﺮﻳﻬﻢ ﻭﺍﺣﺪ ﻭﺍﺣﺪ ﻣﻦ ﻋﻤﺞ ﻓﻴﺼﻞ ﻭﺍﻟﻮﻟﺪ ﻟ

ﻴﺤﺪ ﺟﺪﺗﺞ ﻭﺗﺎﻟﻲ ﺍﺟﻤﻌﻬﻢ ﻳﻤﻲ ﻭﻧﺮﺩ ﺍﻟﻬﻢ ﻋﻴﺪﻳﺎﺗﻬﻢ ﺍﻻﻑ
ﺑﺈﺑﺎ ﺗﻀﺤﻚ ﻋﻠﻴﻪ ﻭﺍﻟﻠﻪ ﺣﺘﻰ ﺍﻧﺖ ﻭﻳﺎﻫﻢ ﺗﻨﻄﻴﻨﻲ ﻋﻴﺪﻳﻪ ﺣﻤﺮﻩ ﻳﻠﻪ ﻟﻌﺐ ﺍﻳﺪﻙ
ﻋﺒﺎﻟﻲ ﺗﻘﻄﻬﻢ ﺍﻧﻮﺏ ﺟﺎﺑﺘﻬﻢ ﻳﻘﻄﻮﻧﻲ ﺳﻤﻌﻮﻫﻪ ﻭﻛﻔﻮ ﺟﻤﻴﻊ ﻓﻮﻙ ﺭﺍﺳﻲ ﺍﻭﺯﻉ ﻭﻣﻮﺧﻠﺼﺎﻧﻴﻦ ﻛﻌﺪﻭﻧﻲ ﻋﻞ ﺭﻧﻜﺎﺕ ﻟﻴﻀﻬﺮ ﻓﺮﻳﻨﻪ ﻋﻤﺎﻣﻨﻪ ﻧﻌﺎﻳﺪﻫﻢ ﺍﻧﻪ ﻭﻓﻴﺼﻞ ﻭﺭﺩﻳﻨﻪ ﻟﻜﻴﻨﺎﻩ ﺻﻨﺘﻪ ﻫﺎﺍﺍ ﻳﺎﺑﻪ ﻫﺎﻫﻴﻪ ﺧﻠﺺ ﺍﻟﻌﻴﺪ ﻭﺣﻞ ﺗﻌﺐ ﺭﻣﻀﺎﻥ ﻭﺍﻟﺼﻴﺎﻡ ﻋﻠﻴﻬﻢ ﻛﻀﻮﻩ ﺑﺲ ﻧﻮﻡ ﻋﻔﺘﻬﻢ ﻭﺣﺪﺭﺕ ﻟﺒﻐﺪﺍﺩ ﻳﻮﻣﻴﻦ ﺿﻠﻴﺖ ﺑﺸﻘﻪ ﺑﻠﻴﻞ ﺍﺷﺮﺏ ﻭﺍﻛﻀﻲ ﺍﻟﻨﻬﺎﺭ ﻧﺎﻳﻢ
ﺍﻟﺸﻘﻪ ﻛﺒﻞ ﺳﻨﻪ ﺍﺧﺬﺗﻪ ﺍﺧﻠﺺ ﺑﻴﻪ ﻣﻦ ﻣﻴﺴﻮﻥ ﻭﺳﻮﺍﻟﻔﻪ ﺍﺑﺎﺕ ﻳﻮﻣﻴﻦ ﺗﻼﺛﻪ ﺑﺎﻟﻲ ﻳﺼﻔﻪ ﻭﺍﺭﺩ ﻋﻤﺮ ﻣﺎﺷﻔﺘﻮ ﺗﻌﺎﻛﺒﻨﻪ ﺭﺍﻳﺢ ﻟﻬﻠﻮ ﻣﻦ ﺟﻴﺖ ﺛﺎﻟﺚ ﻳﻮﻡ ﺭﺩﻳﺖ ﻟﻠﺒﻴﺖ ﺑﺲ ﻓﺎﺗﺖ ﺳﻴﺎﺭﺗﻲ ﻟﻠﻜﺮﺍﺝ ﺍﻡ ﺧﻄﺎﺏ ﻭﺍﻡ ﺛﺎﻣﺮ ﺧﻄﻔﻦ ﻛﺒﺎﻟﻲ ﻓﺎﺗﻦ ﺳﺮﻳﻊ ﻣﻦ ﺑﺎﺏ ﺍﻟﻤﻄﺒﺦ ﻧﺰﻟﺖ ﻗﻔﻠﺖ ﺍﻟﺴﻴﺎﺭﻩ ﻧﺪﺭﺕ ﺗﺒﺎﺭﻙ ﻭﺍﻛﻔﻪ ﺷﻠﺘﻪ ﺍﺑﻮﺱ ﺑﻴﻪ ﻟﻴﺤﺪ ﻣﺎﻓﺘﺖ ﺍﻟﻐﺮﻓﻪ ﺍﻣﻲ ﺷﻔﺘﻪ ﻛﺎﻋﺪﻩ ﻭﻣﻴﺴﻮﻥ ﻭﺭﺍﻩ ﻋﻴﻮﻧﻲ ﺻﺎﺭﻭ ﺑﺮﺍﺳﻲ
ﻋﻠﻴﺸﺸﺸﺸﺶ ﺭﺩﻳﺘﻲ ﺷﺠﺎﺑﺞ
ﺍﻡ ﺧﻄﺎﺏ ... ﻓﺎﺭﺱ ﺑﺮﻭﺡ ﻣﺤﻤﺪ ﺗﻔﺎﻫﻤﻮ
ﺍﻧﻪ ﻛﻠﺖ ﺟﻠﻤﻪ ﻭﻣﺎﺭﺩ ﺑﻴﻪ ﻫﺎﻱ ﺍﻟﻤﺨﻠﻮﻗﻪ ﻣﺎﺗﺼﻴﻠﻲ ﻣﺮﻩ ﻭﺍﻧﺘﻬﺖ
ﺍﻡ ﺛﺎﻣﺮ ... ﻻﻣﺎﺍﻧﺘﻬﺖ ﺧﺎﻑ ﺍﻟﻠﻪ ﻳﺨﻮﻱ ﺍﻟﺒﻨﻴﻪ ﻣﺎﻟﻪ ﺍﺣﺪ ﻭﻳﻦ ﺗﺮﻭﺡ ﺍﻧﺖ ﺗﻌﺮﻓﻪ ﺩﺣﻚ ﺍﻟﻠﻪ ﻭﺩﺣﻜﻚ
ﻣﺎ ﻳﻬﻤﻨﻲ ﺗﺮﺩ ﻣﻨﻴﻦ ﻣﺎﺟﺘﻲ ﺍﻟﻤﺮﻩ ﺍﻟﻄﻠﻌﺖ ﻣﻦ ﺑﻴﺘﻲ ﻭﻛﻞ ﻳﻮﻡ ﻣﺴﻮﻳﻪ ﺑﻴﻪ ﻃﺒﻪ ﻣﺎﺭﻳﺪﻩ ﺑﻌﺪ
ﺍﻟﺤﺠﻴﻪ ... ﻣﻮﻫﻴﺞ ﻳﺎﻳﻤﻪ ﻣﻴﺴﻮﻥ ﻏﻠﻄﺖ ﻭﺳﺒﺤﺎﻧﻮ ﺍﻟﻤﺎﻳﻐﻠﻂ ﻫﺴﺎﻉ ﺗﺤﺐ ﻋﻞ ﺭﺍﺳﻚ ﻭﺗﺼﺎﻟﺤﻚ
ﻣﻴﺴﻮﻥ ... ﻓﺎﺭﺱ ﺍﻋﺬﺭﻧﻲ ﺍﻧﻪ ﻣﺎﻟﻲ ﻏﻴﺮﻙ ﻻﺗﻜﺴﺮ ﺑﺨﺎﻃﺮﻱ
ﻭﺧﺎﻃﺮﻱ ﻣﺎﺣﺴﺒﺘﻲ ﺣﺴﺎﺑﻮ ﻣﻦ ﺍﻧﻪ ﺑﻴﻦ ﺍﻟﻤﻮﺕ ﻭﺍﻟﺤﻴﺎﻩ ﻭﺍﻧﺘﻲ ﺗﻀﻤﻴﻦ ﺑﻔﻠﻮﺳﻲ ﺧﺎﻑ ﺍﻣﻮﺕ؟
ﻣﺎﺧﻠﻴﺘﻴﻠﻲ ﺧﺎﻃﺮ ﺳﺎﻋﻪ ﻣﺎﻭﻛﻔﺘﻲ ﺑﻮﺟﻬﻲ ﺗﺬﻛﺮﻳﻨﻲ ﺍﻧﺘﻲ ﺣﺮﻣﻪ ﺍﺧﻮﻱ ﺩﻛﻮﻟﻴﻪ ﺑﻮﺟﻬﻲ ﺍﺧﻮﻙ ﻣﺎﺕ ﻭﻣﺎﺣﺼﻠﺖ ﻣﻨﻮ ﻭﺧﺎﻑ ﺗﻤﻮﺕ ﻭﻣﺎﺣﺼﻞ
ﻣﺎﺧﻠﻴﺘﻴﻠﻲ ﺧﺎﻃﺮ ﻣﻦ ﻃﻠﻌﺘﻠﻲ ﻭﺍﻧﻪ ﺍﺩﺭﻱ ﻣﺎﻋﻨﺪﺝ ﺍﺣﺪ ﺗﺮﻭﺣﻴﻠﻮ ﻭﺗﺪﺭﻳﻨﻲ ﻣﺮﻳﺾ ﺑﺪﺍﻝ ﻣﺎﺗﻮﻛﻔﻴﻦ ﻭﻳﺎﻱ ﺗﻌﻮﻓﻴﻨﻲ ﻭﺗﺮﻭﺣﻴﻦ ﻣﺎﻓﻜﺮﺗﻲ ﺣﺘﻰ ﺑﻨﺘﺞ ﻣﺎﻛﻠﺘﻲ ﺷﻜﺎﻝ ﻟﺮﻭﺣﻮ
ﻟﻬﻠﻮ
ﻣﺎﻓﻜﺮﺗﻲ ﺑﻠﻨﺎﺱ ﺷﻴﻜﻮﻟﻮﻥ ﻋﻨﻲ
ﻣﺎﺧﻔﺘﻲ ﺍﻟﻠﻪ ﺑﻨﺘﺞ ﺑﻨﻔﺴﺞ ﻭﺍﻟﻨﺎﺱ ﺑﻴﺖ ﺑﻠﻪ؟
ﻣﻴﺴﻮﻥ ﺳﻨﻴﻦ ﺳﺎﻛﺘﻠﺞ ﻭﻣﺘﺤﻤﻞ ﺑﺲ ﻫﺴﺎﻉ ﻭﺻﻠﺖ ﺣﺪﻩ ﻭﺭﻭﺣﻲ ﺻﺎﺭﺕ ﺑﻬﺎﻣﺘﻲ ﻣﻨﺞ ﺩﺍﻣﺞ ﻛﺪﺭﺗﻲ ﻛﻞ ﻫﺎﻱ ﺍﻟﻔﺘﺮﻩ ﺗﻌﻴﺸﻴﻦ ﻭﺣﻴﺪﺝ ﻋﺠﻞ ﺍﻧﻜﻠﻌﻲ ﺭﺩﻱ ﻣﻨﻴﻦ ﻣﺎﺟﻴﺘﻲ
ﻭﺃﺧﺬ ﺑﻨﺘﻲ
ﻟﻮ ﺗﻤﻮﺗﻴﻦ ﻧﺠﻮﻡ ﺍﻟﺴﻤﺎ ﺍﻛﺮﺑﻠﺞ
ﺍﺷﺘﻜﻲ ﻋﻠﻴﻚ ﻭﺍﻟﻠﻪ
ﺟﻦ ﺟﻨﻮﻧﻲ ﻭﺍﻧﻪ ﻛﺎﺿﺐ ﺭﻭﺣﻲ ﻣﻦ ﺍﻭﻝ ﻣﺎﻓﺘﺖ ﻛﻤﺰﺕ ﻋﻠﻴﻪ ﺳﺤﻠﺘﻪ ﻋﺒﺎﻟﻚ ﻛﺎﺿﺐ ﺭﺟﺎﻝ ﺣﻴﻞ ﻛﻮﻳﻪ ﺗﺪﻓﻊ ﺑﻴﻪ ﻭﺗﺰﻣﺦ ﻭﺗﺪﻋﻲ ﺍﻟﺒﻨﺎﺕ ﺑﻴﻨﻪ ﻣﻮﺗﺘﻪ ﺩﻣﻌﻪ ﻣﺎﻧﺰﻟﺖ ﻣﻨﻪ ﺗﻌﻴﻂ ﺍﺟﻴﺐ ﺍﻟﺸﺮﻃﻪ ﻭﺍﻟﻠﻪ ﻳﺎﺧﺬﻭﻙ
ﺍﺩﺣﻚ ﺍﻣﻲ ﺷﻠﻮﻥ ﻛﺎﺿﺒﻪ ﺣﻠﻜﻪ ﺗﺪﻓﻊ ﺑﺎﺍﻣﻲ ﻣﺎﺿﻞ ﻋﻜﻞ ﺑﺮﺍﺳﻲ ﻣﺤﺪ ﻧﻌﻞ ﺍﻫﻠﻲ ﻏﻴﺮ ﺫﻭﻟﻪ ﺍﻟﺪﻭﻧﻴﻪ ﺧﻄﺎﺏ ﻭﺣﺴﻦ ﻭﺛﺎﻣﺮ ﺣﺘﻰ ﺿﺮﺏ ﺿﺮﺑﺘﻬﻢ ﺗﺎﻳﻬﺪﻭﻧﻲ ﻣﺎﻳﻔﻌﻠﻮﻥ ﺳﺪﻭ ﻋﻠﻴﻬﺎ ﺍﻟﺒﺎﺏ ﻛﺴﺮﺗﻮ ﻣﺎﻓﺘﺤﻨﻮ ﺟﺮﻭﻧﻲ ﻟﻴﺒﺮﻩ ﻭﻓﻴﺼﻞ ﺟﻲ ﻳﻌﻜﻞ ﺑﻴﻪ ﺣﻴﻠﻲ ﻛﻠﻮ ﻳﺮﺟﻒ ﻭﺍﻋﺼﺎﺑﻲ ﻓﻠﺘﺖ ﺗﺒﺎﺭﻙ ﺗﺒﺠﻲ ﺑﺎﺏ ﺍﻟﻤﻄﺒﺦ ﻧﺼﻴﺖ ﻛﺎﺗﻢ ﻏﻀﺒﻲ ﻟﺠﻞ ﻋﻴﻨﻪ
ﺳﺎﻋﺎﺕ ﻭﻛﻠﻤﻦ ﻳﺤﺠﻲ ﻣﻦ ﺻﻔﺤﻪ ﻋﻠﻰ ﺍﺑﻮ ﻣﺎﻋﺪﻩ ﺍﺣﺪ ﻭﻳﻦ ﺗﺮﻭﺡ ﺍﻟﻌﻴﺒﻪ ﺗﻠﺤﻜﻨﻪ ﺍﻟﻨﺎﺱ ﺗﺎﻛﻞ ﻭﺟﻬﻨﻪ ﻛﺘﻠﻬﻢ ﺗﺒﻘﻰ ﻭﻣﺎﺭﻳﺪ ﺍﺷﻮﻓﻪ ﺟﺪﺍﻣﻲ ﻫﻴﻨﻮﺏ
ﻭﺻﺪﻙ ﺻﺎﺭﺕ ﻣﺎﺗﺒﻘﻰ ﺑﻤﺠﺎﻥ ﺍﻧﻲ ﺑﻲ ﻭﻻ ﺍﻧﻲ ﻃﺎﻳﻚ ﺍﺷﻮﻓﻪ ﺣﺘﻰ ﺗﻄﺒﺦ ﻣﺎﺍﻛﻞ ﺻﺎﺭ ﻛﻞ ﻳﻮﻣﻲ ﺑﺸﻐﻞ ﻭﺑﻠﻴﻞ ﺍﺭﺩ ﻫﻴﻪ ﺗﻨﺎﻡ ﻳﻢ ﺍﻣﻲ ﺍﻟﻘﻬﺎﺭﻧﻲ ﺭﺩﺕ ﺗﻔﻮﺕ ﺑﻴﺖ ﺧﻮﺍﺗﻲ ﺑﻜﻞ ﻋﻴﻦ ﺻﻠﻔﻪ ﻭﻻﺟﻦ ﻛﺒﺤﺖ ﻭﻳﺎﻫﻢ ﻭﻫﻤﻪ ﻣﺎﻳﺪﻭﺭﻭﻥ ﻣﺸﺎﻛﻞ ﺗﺎﺭﻛﻴﻪ
ﻭﺑﻴﻮﻡ ﺭﺩﻳﺖ ﻧﺺ ﺍﻟﻴﻞ ﺷﺎﺭﺏ ﺻﺎﻳﺮ ﻃﻴﻨﻪ ﺣﺴﻴﺖ ﻋﻠﻴﻪ ﻣﻦ ﺻﻌﺪﺗﻨﻲ ﺍﻟﺪﺭﺝ ﻭﻧﺎﻣﺖ ﺑﺴﺪﻱ ﺑﺲ ﻣﻮﻛﺎﺩﺭ ﺍﺣﺠﻲ ﻫﻴﻨﻮﺏ ﻗﺎﻓﻞ ﻧﻤﺖ ﻟﺜﺎﻧﻲ ﻳﻮﻡ ﻟﻜﻴﺘﻪ ﻳﻢ ﺭﺍﺳﻲ ﺻﺎﻓﻨﻪ ﺑﻮﺟﻬﻲ ﺯﻛﺤﺖ ﺑﻴﻬﺎ
ﺷﻜﻮﻭﻭ
ﺳﻼﻣﺘﻚ ﻳﻤﺘﻰ ﺗﺤﻦ ﻭﺗﺮﺿﻰ ﻋﻠﻴﻪ
ﺍﻧﻜﻠﻌﻲ ﻣﻨﻲ ﻭﺻﻴﺮﻱ ﺍﺩﻣﻪ ﺍﺣﺴﻠﺞ
ﻭ ﺍﻟﻠﻪ ﻣﺘﻨﺪﻣﻪ ﻓﺎﺭﺱ ﻭﻣﺎﻋﻨﺪﻱ ﻏﻴﺮﻙ ﺣﺘﻰ ﺭﺍﺡ ﺗﻐﻴﺮ ﻋﻠﻤﻮﺩﻙ
ﻭﻟﺴﺎﻧﺞ ﺷﻴﻐﻴﺮﻭ ﻭﺍﻟﻠﻪ ﻟﻮ ﻳﻄﻠﻊ ﺍﺑﻮﻱ ﻣﻦ ﻛﺒﺮﻭ ﻭﺍﺑﻮﺝ ﻣﻦ ﻛﺒﺮﻭ ﻣﺎﺗﺘﻐﻴﺮﻳﻦ
ﻭﺍﻟﻘﺮﺁﻥ ﺭﺍﺡ ﺍﺗﻐﻴﺮ ﻭﻫﺴﺎﻉ ﺗﺸﻮﻑ ﺑﻌﻴﻨﻚ ﺍﻟﻴﻮﻡ ﺷﺴﻮﻱ
ﻣﻴﺴﻮﻥ ﺟﻔﻴﻨﻲ ﺷﺮﺝ ﻣﺎﻟﻲ ﺧﻠﻜﺞ ﻭﻟﻲ ﻣﻨﻲ ﻧﺰﻟﻲ ﺟﻮﻩ
ﻟﺨﺎﻃﺮ ﺗﺒﺎﺭﻙ ﻓﺎﺭﺱ ﺑﺮﻭﺡ ﺍﺑﻮﻙ ﻭﺍﻟﻠﻪ ﺍﻟﺒﻨﺎﺕ ﺻﺎﻟﺤﺘﻬﻢ
ﻭﻋﻤﺘﻲ ﺑﺴﺖ ﺭﺃﺳﻪ ﻣﺎﺿﻞ ﻏﻴﺮﻙ ﺑﺮﻭﺡ ﺍﻟﻌﺰﺍﺯ ﻻﺗﻔﺸﻠﻨﻲ ﻭﻟﺴﺎﻧﻲ ﻣﻨﺎ ﻭﺭﺍﻳﺢ ﺑﻴﺪﻙ ﻛﺼﻮ ﻟﻮﻃﻮﻟﺘﻮ
ﻭﻛﻔﺖ ﺟﺮﻳﺖ ﺍﻟﻤﻨﺸﻔﻪ ﻃﻠﻌﺖ ﻟﻠﺒﺎﺏ ﻟﺤﻜﺘﻨﻲ ﺗﺒﻮﺱ ﺑﺠﺘﻔﻲ ﻏﻤﻀﺖ ﻭﻣﺜﻞ ﻛﻞ ﻣﺮﻩ ﺍﺳﺘﺨﻄﻴﻪ ﺩﻧﺠﺖ ﺣﻀﻨﺖ ﺍﻳﺪﻱ ﺭﻓﻌﺖ ﺭﺍﺳﻲ ﻫﺰﻳﺘﻪ
ﺳﻮﻱ ﺭﻳﻮﻙ ﻳﻠﻪ
ﻣﻦ ﻋﻴﻮﻧﻲ ﺑﺲ ﺭﻳﻮﻙ ﺗﺮﻳﺪ
ﺭﻓﻌﺖ ﺣﺎﺟﺒﻲ
ﺍﻟﻴﻮﻡ ﺷﻌﻨﺪﺝ ﺍﺷﻮﻓﺞ ﺻﺎﻳﺮﻩ ﻏﻴﺮ ﺷﻜﻞ
ﻋﺠﻞ ﻏﻴﺮ ﻛﺘﻠﻚ ﺭﺍﺡ ﺍﺗﻐﻴﺮ
ﻧﺸﻮﻑ ﺷﻮﺭﺍﻧﻪ ﺣﺪﺭﻱ ﻫﻴﺮﻱ ﻫﺪﻭﻣﻲ ﻭﺍﻻﻛﻞ
ﺻﺎﺭ ﻣﻦ ﻋﻴﻮﻧﻲ
ﺭﺣﺖ ﺳﺒﺤﺖ ﺣﺎﻳﺮ ﺑﻴﻪ ﺷﺠﺎﻩ ﻳﻤﻜﻦ ﺻﺎﺭﻟﻪ ﺩﺭﺱ ﺍﻛﻒ ﻋﻨﻪ ﺍﺑﺮﺩ ﺭﺃﺱ ﺗﺮﻳﻜﺖ ﻭﻃﻠﻌﺖ ﻛﻀﻴﺖ ﺟﻢ ﺷﻐﻠﻪ ﻭﺭﺩﻳﺖ ﻟﻠﺒﻴﺖ ﺻﺮﺕ ﻣﺎﻟﻲ ﺷﻐﻠﻪ ﺑﻴﻬﺎ ﻋﻼﻗﺘﻲ ﻭﻳﺎﻫﻪ ﺳﻮﺍﻝ ﻭﺟﻮﺍﺏ ﻭﻫﻴﻪ ﺧﺎﻧﺴﻪ ﻣﺮﺕ ﺍﻷﻳﺎﻡ ﻋﺎﺩﻳﻪ ﺩﻭﻡ ﺍﺧﺎﺑﺮ ﻋﻤﺮ ﻣﻠﺘﻬﻲ ﺑﺸﻐﻠﻮ ﺍﻣﻲ ﺗﻌﺮﻓﻨﻲ ﺑﺎﻋﺪ ﺭﻭﺣﻲ ﻋﻦ ﻣﻴﺴﻮﻥ ﺑﻄﺎﻟﻌﻪ ﻭﺍﻟﻨﺎﺯﻟﻪ ﺩﻛﻮﻝ ﺗﺰﻭﺝ ﻳﻤﻪ
ﺣﺠﻴﻪ ﺷﺴﺎﻟﻔﺘﺞ ﺷﺪﻳﺘﻲ ﻭﻳﺎﻱ
ﻋﺠﻞ ﺭﺩ ﻣﻴﺴﻮﻥ ﺗﻨﺎﻡ ﻳﻤﻚ ﺑﻠﻐﺮﻓﻪ
ﺷﻜﺎﻟﻮﻟﺞ ﺍﻧﻪ ﻛﺎﺿﺒﻪ
ﺗﺨﺎﻑ ﻣﻨﻚ ﻭﺍﻧﺖ ﻣﺎﺗﻨﻄﻴﻪ ﻭﺟﻪ
ﺧﻄﻴﻪ ﺍﻧﺘﻲ ﻳﻤﻪ ﻳﺮﺑﺞ ﻫﻴﻪ ﻫﺎﻱ ﺗﺨﺎﻑ ﻛﻮﻟﻲ ﻣﻜﻴﻔﻪ ﻛﻮﻟﻲ ﻓﺮﺣﺎﻧﻪ ﻟﺨﺎﻃﺮ ﺭﺑﺞ ﺣﺠﻴﻪ ﺑﻜﻠﺒﻲ ﻛﻼﻡ ﻫﻠﻜﺜﺮ ﻟﻮﺣﺠﻴﺘﻪ ﺷﻌﺮ ﺭﺍﺳﺞ ﻳﺸﻴﺐ ﺧﻠﻴﻪ ﺳﻜﺘﻪ ﺍﺑﺮﻙ ﺍﻟﺞ ﻭﺍﻟﻲ
ﺍﻋﺮﻑ ﻛﻠﺸﻲ ﺍﻋﺮﻓﻪ ﻣﻮﻧﻀﻴﻔﻪ ﻭﻣﺎﻗﺎﻳﻤﻪ ﺑﻮﺍﺟﺒﻚ ﻣﻬﻤﻠﻪ ﻭﻋﺎﻟﻪ ﻛﻠﺒﻚ ﻛﻞ ﺫﻧﻲ ﺍﻋﺮﻓﻬﻦ ﺑﺲ ﺍﻧﺖ ﻋﻨﻮﺩﻱ ﻻﺭﺍﺿﻲ ﺗﺰﻭﺝ ﻭﻻﺭﺍﺿﻲ ﺗﻌﺪﻟﻪ ﻋﺠﻞ ﻋﻠﻴﺶ ﻫﺎﺟﺮﻩ
ﺍﺗﺰﻭﺝ ﺳﺎﻟﻔﻪ ﻣﻨﺘﻬﻴﻦ ﻣﻨﻬﺎ ﺗﻌﺮﻓﻴﻨﻲ ﻣﺎﺭﻳﺪ ﻫﺎﺟﺮﻩ ﻣﺎﻟﻲ ﻧﻔﺲ ﻳﻤﻪ ﻟﻴﺶ ﺗﺨﻠﻴﻨﻲ ﺍﻟﻮﺹ ﺑﻠﺤﺠﻲ ﺑﺲ ﺍﻋﺪﻟﻪ ﻫﺎﻱ ﺷﻮﻥ
ﻫﻴﻪ ﻫﻞ ﺃﻳﺎﻡ ﻭﺍﻧﺖ ﻫﺎﺟﺮﻩ ﺍﺷﻮﻓﻪ ﺟﺎﺭﻩ ﻋﺪﻝ ﺳﺎﻣﺤﻪ ﻟﺨﺎﻃﺮﻱ ﺑﻠﻜﺖ ﺻﺎﺭﺕ ﺍﻟﻪ ﺟﺮﺕ ﺍﺫﻥ
ﻫﺰﻳﺖ ﺭﺍﺳﻲ ... ﻳﺠﺮﺍﻟﺞ ﺣﺠﻴﻪ ﺍﻣﺮﻟﻲ ﺍﻝ ﺍﻟﻠﻪ ﺣﺎﺟﻴﻪ ﻭﻋﻜﻠﻴﻪ ﺗﺮﻩ ﻛﻠﺒﻲ ﺧﻠﺼﺎﻥ ﻣﺎﻋﺪ ﻳﺘﺤﻤﻞ ﺍﻛﺜﺮ
ﺑﺴﺘﻪ ﻭﺻﻌﺪﺕ ﺑﺪﻟﺖ ﻭﻣﺪﺩﺕ ﺷﻮﻳﻪ ﻭﻓﺎﺗﺖ ﻣﻴﺴﻮﻥ

ﺑﻬﺪﻭﺀ ﻭﻫﺎﻱ ﻣﻮ ﻋﻮﺍﻳﺪﻩ ﻛﺒﻞ ﺟﺎﻧﺖ ﺗﻔﻮﺕ ﺗﻨﺎﻓﺦ ﻛﺎﺿﺒﻪ ﺿﻬﺮﻩ ﺩﺭﺕ ﻭﺟﻬﻲ ﺟﺮﻳﺖ ﺍﻟﻤﺒﺎﻳﻞ ﺍﺗﺼﻔﺢ ﺑﻲ ﺟﺎﺭ ﻋﻴﻨﻲ ﺍﺩﺣﻚ ﻋﻠﻴﻪ ﻭﻛﻔﺖ ﻛﺒﺎﻝ ﺍﻟﻤﺮﺍﻳﻪ ﻣﺸﻄﺖ ﻭﺗﻌﻄﺮﺕ ﺻﻔﻨﺖ ﻣﻮﺷﺎﻳﻒ ﻫﻞ ﺷﻮﻓﻪ ﻫﻴﻨﻮﺏ ﻣﺎﺗﺬﻛﺮ ﺑﻴﻮﻡ ﻋﺪﻟﺖ ﺭﻭﺣﻪ ﻣﺨﺼﻮﺹ ﺍﻟﻲ ﻃﻔﺖ ﺍﻟﻀﻮﻩ ﻭﺗﻜﺮﺑﺖ ﺫﺑﺖ ﺛﻮﺑﻪ ﺩﺗﻨﻴﺖ ﺳﻮﻳﻨﻠﻪ ﻣﺠﺎﻝ ﺣﻀﻨﺘﻨﻲ ﺟﻤﺪﺕ
ﻣﻮ ﻣﺼﺪﻙ ﺛﻮﺍﻧﻲ ﻭﺳﺘﻮﻋﺒﺖ ﺧﺠﻠﺖ ﻣﻦ ﺭﻭﺣﻲ ﺷﻮﻥ ﻣﺎﺑﺪﻟﺘﻪ ﺟﺮﻳﺖ ﻧﻔﺲ ﻭﻧﺪﺭﺕ ﺍﺧﺬﺗﻪ ﺑﺤﻀﻨﻲ ﺻﺪﻙ ﺟﻨﺖ ﻣﺤﺘﺎﺝ ﻣﺮﻩ ﺗﻜﺮﺑﺖ ﻣﻨﻬﺎ ﺑﺨﺒﺎﻝ ﻣﺎﻋﺮﻑ ﺷﺼﺎﺭﻟﻲ ﻣﺠﻠﺐ ﺑﻴﻪ ﺣﻴﻞ ﻣﺎﺭﻳﺪ ﺍﺑﻌﺪ ﺗﻌﺒﺖ ﻭﺍﻟﻨﻔﺲ ﺿﺎﻙ ﻋﻠﻲ ﺍﺭﻳﺪ ﺍﺑﻌﺪ ﺍﺭﻳﺪ ﺍﺭﺗﺎﺡ ﻣﻮﻛﺎﺩﺭ ﻭﻫﻴﻪ ﺳﺎﻛﺘﻪ ﺟﺮﻩ ﻋﻴﻨﻪ ﺗﺒﺘﺴﻢ ﻋﺼﺒﺖ ﺣﻴﻞ ﻭﺣﻴﻠﻲ ﻧﻬﺪ ﺍﻧﻪ ﺷﺒﻴﻪ ﻋﻠﻴﺶ ﻣﺎﻛﺪﺭ ﺍﺭﺗﺎﺡ
ﻛﻀﺒﺖ ﻭﺟﻬﻲ ﺑﻴﺪﻩ ﻏﻤﻀﺖ ... ﻓﺎﺭﺱ ﺍﺑﻌﺪ ﺍﺫﺍ ﻣﻮﻛﺎﺩﺭ ﻋﻠﻴﺶ ﻣﺘﻌﺒﺖ ﻧﻔﺴﻚ
ﺧﻨﺰﺭﺕ ﻋﻠﻴﻪ ﺳﻜﺘﺖ ﻛﻤﻠﺖ ﻭﺣﺴﺎﺳﻲ ﻣﻴﺖ ﻣﻜﺪﺭﺕ ﺑﻌﺪﺕ ﺭﻭﺣﻲ ﻧﻄﺮﺣﺖ ﻭﻫﻴﻪ ﻛﻌﺪﺕ ﻛﺒﺎﻟﻲ ﺗﺴﺌﻞ
ﻓﺎﺭﺱ ﺍﻧﺖ ﺷﺎﺭﺏ
ﺍﻧﺠﻌﻤﻲ
ﻋﺠﻞ ﺷﺒﻴﻚ
ﺳﻜﺘﺖ
ﺍﻱ ﻫﺬﺍ ﻛﻠﻮ ﻣﻦ ﺍﻟﺸﺮﺏ
ﻛﻌﺪﺕ ﻧﺺ ﻛﻌﺪﻩ ﻣﻄﻴﺮ ﻋﻴﻮﻧﻲ ﻟﻔﺖ ﺭﻭﺣﻪ ﺯﻛﺤﺖ
ﺷﺠﻠﺒﺘﻲ ﺑﻨﺖ ﺍﻟﻜﻠﺐ ﺷﺎﺭﺏ ﻭﺷﺎﺭﺏ ﻋﺠﻞ ﻳﺎﻣﻪ ﺍﺟﻲ ﺷﺎﺭﺏ ﻛﺒﻞ ﻭﻣﺎﻳﺼﻴﺮ ﺑﻴﻪ ﻫﻴﺞ ﺑﺲ ﺍﻟﻴﻮﻡ ﻣﻮﺷﺎﺭﺏ ﻟﻮ ﺷﺎﺭﺏ ﺧﺎﻳﻒ ﻣﻨﺞ ﺍﻧﻪ
ﺳﻜﺘﺖ
ﻟﺒﺴﺖ ﻭﻃﻠﻌﺖ ﺳﺒﺤﺖ ﻣﺨﻨﻮﻙ ﺭﺍﺳﻲ ﻣﻨﻤﻞ ﺭﺟﻌﺖ ﺍﺭﻳﺪ ﺍﻧﺎﻡ ﻣﻮﻛﺎﺩﺭ ﻫﻴﻪ ﺑﺴﺎﺑﻊ ﻧﻮﻣﻪ ﻧﺰﻟﺖ ﻟﻠﺤﺪﻳﻘﻪ ﻛﻌﺪﺕ ﻭﺍﻓﻜﺮ ﺑﻠﺼﺎﺭ ﺳﺖ ﺳﻨﻴﻦ ﻣﺎﻳﻮﻡ ﺻﺎﺭ ﺑﻴﻪ ﺍﻟﺼﺎﺭ ﺍﻟﻴﻮﻡ ﻭﻳﻪ ﺭﻭﺣﻲ ﻣﺎﻛﺪﺭ ﺍﻓﺴﺮ ﺍﻟﺼﺎﺭ ﺑﻴﻪ ﺷﻨﻮ ﺳﺎﻋﻪ ﺍﻛﻮﻝ ﻣﻦ ﻭﺭﻩ ﺍﻟﺠﻠﻄﻪ ﻧﻮﺏ ﺍﻛﻮﻝ ﻣﻦ ﺍﻟﻌﻼﺝ ﺗﺎﻟﻲ ﻃﻠﻊ ﻟﺼﺒﺢ ﻳﺎﻟﻪ ﻓﺘﺖ ﻧﻤﺖ ﻛﻌﺪﺕ ﺷﺒﻪ ﺍﻟﺴﺎﻟﻔﻪ ﻣﻮ ﺑﺎﻟﻲ ﺣﺪﺭﺕ ﻟﻠﺸﻐﻞ ﻭﻣﻨﺎﻙ ﻧﺰﻟﺖ ﻟﺒﻐﺪﺍﺩ ﺣﻴﻞ ﻣﺸﺘﺎﻙ ﻟﻌﻤﺮ ﺧﺎﺑﺮﺗﻮ ﻛﺎﻝ ﺭﻭﺡ ﻟﻠﺸﻘﻪ ﻭﺍﻧﻪ ﺍﺟﻴﻚ ﺍﺧﺬﺕ ﻋﺸﻪ ﻭﺭﺣﺖ ﺑﻴﻮﻣﻪ ﺳﻬﺮﻧﻪ ﻟﻮﻛﺖ ﻣﺘﺎﺧﺮ ﻳﺴﻮﻟﻔﻠﻲ ﻋﻞ ﺷﻐﻠﻮ ﻣﺎﻧﻤﻨﻪ ﻏﻴﺮ ﺳﺎﻋﺘﻴﻦ ﻭﻛﻌﺪﻧﻲ ﺭﺍﺳﻲ ﻣﺎﻛﺪﺭ ﺍﺭﻓﻌﻮ
ﻓﺎﺭﺱ ﻛﻮﻡ ﻣﺤﺘﺎﺟﻚ ﺑﺸﻐﻠﻪ
ﻳﻮﻝ ﻭﻳﻦ ﺗﺮﻳﺪ ﺑﻴﻪ ﻣﻦ ﺍﻟﺼﺒﺢ
ﺑﻠﺨﻮﻩ ﺗﻜﻮﻡ ﻭﻳﺎﻱ ﺍﺭﻳﺪ ﺍﺧﺬﻙ ﻟﻠﻤﺨﻴﻢ ﺗﺸﻮﻑ ﺍﻟﻨﺎﺱ ﻭﻳﻦ ﻭﺻﺎﻟﻪ ﺑﻴﻬﺎ ﺍﻟﺪﻧﻴﻪ
ﻳﺮﺑﻚ ﺍﻧﻪ ﺭﺍﺳﻲ ﻫﻞ ﻛﺒﺮﻭ ﻣﻦ ﺍﻟﻀﻴﻢ ﺍﻟﺒﻲ ﻣﺎﺧﺬﻧﻲ ﺍﺷﻮﻑ ﺿﻴﻢ ﺍﻟﻌﺎﻟﻢ ﻋﻠﻴﺶ
ﺣﻠﻔﺘﻚ ﺑﻠﻐﻮﺍﻟﻲ ﺑﺎﻟﻠﻪ ﺗﺤﺪﺭ ﻭﻳﺎﻱ ﺗﺘﻨﺪﻡ ﻟﻮﻣﺎ ﺭﺣﺖ
ﺭﺍﻳﺢ ﻳﺎﺑﻪ ﺭﺍﻳﺢ ﺍﻣﺮﻱ ﻟﻠﻪ
ﺑﺪﻟﻨﻪ ﻭﻃﻠﻌﻨﻪ ﺍﺧﺬﻧﻲ ﺑﺴﻴﺎﺭﺗﻮ ﺟﺎﻧﻮ ﻣﺴﻠﻤﻴﻨﻮ ﺳﻴﺎﺭﻩ ﺧﺎﺻﻪ ﺗﺎﺑﻌﻪ ﻟﻠﻤﻨﻀﻤﻪ ﻳﻨﻘﻞ ﺑﻴﻪ ﻣﺴﺎﻋﺪﺍﺕ ﻓﻬﻤﻨﻲ ﺻﺎﺣﺒﻮ ﻣﺠﺎﺯ ﻭﺍﻟﻴﻮﻡ ﻳﻮﺯﻉ ﻭﺣﻴﺪﻭ ﻭﺻﻠﻨﻪ ﻣﺨﻴﻢ ﺑﻤﻨﻄﻘﻪ ﻣﻜﻄﻮﻋﻪ ﺑﻐﺪﺍﺩ ﻓﺘﻨﻪ ﻭﻧﺎﺱ ﻟﻤﺤﺖ ﺍﻟﺴﻴﺎﺭﻩ ﺻﺎﺭﺕ ﺗﺘﺮﺍﻛﺾ ﻃﺒﻚ ﺑﻮﺳﻂ ﺍﻟﻤﺨﻴﻢ ﻧﺰﻝ ﺍﻟﺴﺠﻞ ﺑﻴﺪﻭ ﻟﺘﻤﻮ ﺩﺍﻳﺮ ﻣﺪﺍﻳﺮﻭ ﺻﺎﺭ ﻣﺎﻳﻨﺸﺎﻑ ﻣﺎﻧﺰﻟﺖ ﺍﺩﺣﻚ ﻭﺍﻧﻪ ﻛﺎﻋﺪ ﻳﺎﺭﺣﻤﺘﻚ ﻳﺎﺍﻟﻠﻪ ﻫﺬﺍ ﺍﻟﻌﺮﺍﻕ ﺍﻟﻌﻀﻴﻢ ﺍﺑﻮ ﺍﻟﺨﻴﺮ ﻫﻴﺞ ﻳﺼﻴﺮ ﺑﺤﺎﻟﻮ ﻫﻴﺞ ﺍﻃﻔﺎﻟﻮ ﺣﻔﺎﻱ
ﻭﺭﺟﺎﻟﻮ ﺍﻟﺤﺮ ﻭﺍﻟﺸﻤﺲ ﺗﺼﻜﻊ ﺑﻴﻪ ﺑﻬﺎﻱ ﺍﻟﻬﻴﻤﻪ؟
ﻫﺬﺍ ﺍﻟﻌﺮﺍﻕ ﻧﺴﻮﺍﻧﻮ ﺗﺘﻮﺳﻞ ﺗﺎﺗﺤﺼﻞ ﺍﻟﺴﻠﻪ ﺍﻟﻐﺬﺍﺋﻴﻪ
ﺍﻟﺠﺎﻳﺒﻪ ﻋﻤﺮ ﻭﻫﻴﻪ ﻣﺎﺗﺴﻮﻩ ﺗﻌﺐ ﻭﻛﻔﺘﻬﻢ ﺑﻠﺤﺮ ﻭﺍﻟﺸﻤﺲ ﺣﺠﺎﻟﻲ ﺍﻟﺒﺎﺭﺣﻪ ﻋﻨﻪ ﻳﻜﻮﻝ ﺑﻄﻞ ﺯﻳﺖ ﻭﺟﻴﺲ ﻃﺤﻴﻦ ﺍﺑﻮ ﺍﻟﻜﻴﻠﻮﻳﻦ ﺟﻴﺲ ﺟﺎﻱ ﻭﻗﻮﻃﻴﻪ ﻣﻌﺠﻮﻥ ﻭﻧﻮﻋﻴﻦ ﺑﻘﻮﻟﻴﺎﺕ ﻋﻞ ﻧﺺ ﻧﺺ ﻫﺬﺍ ﺷﻴﻜﻔﻴﻬﻢ ﻭﻫﻤﻪ ﻛﻞ ﻭﺍﺣﺪ ﺟﺎﺭﻟﻮ ﺍﺭﺑﻊ ﺟﻬﻴﻞ ﺧﻤﺴﻪ ﻭﺭﺍﻩ ؟
ﻟﺰﻣﺖ ﺭﺍﺳﻲ ﺻﺎﻓﻦ ﺷﻮﻥ ﻋﺎﻳﺸﻦ ﺟﻮﻩ ﻫﺬﺍ ﺍﻻﻳﻠﻮﻥ ﺑﻬﺬﺍ ﺍﻟﺤﺮ ﻭﺑﺎﺟﺮ ﺷﺘﻲ ﻭﻣﻄﺮ ﺍﺳﻤﻊ ﺻﻮﺕ ﻋﻤﺮ ﻧﺒﺢ ﻧﺰﻟﺖ ﺩﺣﻜﺘﻮ ﺻﺎﻋﺪ ﻋﻠﻰ ﺳﻴﺎﺭﻩ ﻳﺼﻴﺢ ﺑﻌﺎﻟﻲ ﺻﻮﺗﻮ
ﻳﺎﺟﻤﺎﻋﻪ ﻛﻠﻪ ﺗﺎﺧﺬ ﻣﺤﺪ ﻳﻀﻞ ﺟﺎﻳﺒﻴﻦ ﻋﻠﻰ ﺍﻟﻌﺪﺩ ﻛﻠﻤﻦ ﺣﺼﺘﻮ ﺍﺻﺒﺮﻭ ﻋﺎﻭﻧﻮﻧﻲ ﻻﺗﺘﻜﺎﻭﻧﻮﻥ ﺍﻛﻔﻮ ﺳﺮﻩ ﺑﺎﻟﻠﻪ ﻛﻠﻪ ﺗﺎﺧﺬ ﻛﻠﻪ ﺗﺎﺧﺬ
ﺳﺮﺍﻭﺍﺕ ﺍﻟﺠﻬﺎﻝ ﺗﻜﻤﺰ ﻭﺍﻟﺰﻟﻢ ﺗﺼﻴﺢ ﻳﻤﻌﻮﺩ ﺍﺣﻨﺎ ﻋﺎﻳﻠﻪ ﺳﻠﻪ ﻣﺎ ﺗﻜﻔﻴﻨﻪ
ﻭﺍﻟﺜﺎﻧﻲ ﻭﺍﻛﻒ ﻳﺼﻒ ﺍﻟﺴﺮﻩ ﻣﻨﻪ ﻳﺨﺮﺏ ﻣﻨﺎ
ﻫﻨﺎﻙ ﻭﺃﻟﻤﺢ ﺑﻨﻴﻪ ﺗﺪﻓﻊ ﻋﺮﺑﺎﻧﻪ ﺑﻴﻪ ﺭﺟﺎﻝ ﻣﻌﻮﻕ ﺟﺒﻴﺮ ﺑﻠﻌﻤﺮ ﻣﻨﺼﻲ ﺭﺍﺳﻮ ﻭﺍﻟﺒﻨﻴﻪ ﺍﻟﻮﺟﻪ ﻣﺤﺘﻘﻦ ﻣﻌﻜﺾ ﺗﺤﺎﻭﻝ ﺗﻔﻮﺕ ﺍﻟﻌﺮﺑﺎﻧﻪ ﺑﻨﺺ ﺍﻟﺴﺮﻩ ﻭﻛﻞ ﺷﻮﻳﻪ ﺗﻌﺼﻪ ﻻﺗﻜﺪﺭ ﺗﺴﺤﺒﻪ ﻭﻻﺗﻜﺪﺭ ﺗﻤﺸﻴﻪ ﺷﺎﻟﺘﻨﻲ ﺍﻟﻐﻴﺮﻩ ﻫﻤﻴﺖ ﺳﺮﻳﻊ ﺍﺑﻌﺪ ﺑﻠﻌﺎﻟﻢ ﺗﺎﺍﺻﻞ ﻳﻤﻪ ﻭﻛﻔﺖ ﻛﺮﻳﺐ ﻋﻠﻴﻪ ﻛﺘﻠﻪ
ﻧﻄﻴﻨﻲ ﻳﺎﺑﻪ ﻋﻨﺞ ﺍﻧﻪ ﺍﻭﺻﻠﻮ ﻭﻳﻦ ﺗﺮﻳﺪﻳﻦ
ﺭﻓﻌﺖ ﺭﺃﺳﻪ ﻣﺨﻨﺮﻩ ﻋﻴﻮﻧﻪ ﺩﻭﺍﺋﺮ ﻛﺒﺎﺭ ﻋﺒﺎﻟﻚ ﻋﻴﻮﻥ ﻣﻬﺮﻩ ﻧﺘﺮﺕ
ﻭﺍﻧﺖ ﻣﻨﻮ ﻋﺎﺗﺐ ﻋﻠﻴﻚ ﻭﺧﺮ ﻭﺧﺮ ﻟﺨﺎﻃﺮ ﺍﻟﻠﻪ
ﻋﻠﻴﺶ ﺗﺰﻣﺨﻴﻦ ﺍﻧﻪ ﺟﺎﻱ ﺳﺎﻋﺪﺝ ﺧﻮﻣﺎ ﺩﻋﺎﺭﻛﺞ
ﻧﺼﺖ ﻣﻌﻜﻀﻪ ﻃﺒﻜﺎﺕ ﻛﺼﺘﻪ ﻣﺤﺪﺩﻩ ﻭﺳﻨﻮﻧﻪ ﻋﻀﻪ ﻋﻠﻰ ﺍﺳﻔﻞ ﺷﻔﺘﻪ ﺗﺠﻤﻊ ﻗﻮﺗﻪ ﺗﺎﻃﻠﻊ ﺍﻟﻌﺮﺑﺎﻧﻪ ﻭﻛﻞ ﺷﻮﻳﻪ ﺟﺎﻳﺘﻪ ﺩﻓﻌﻪ ﻣﻦ ﺍﻟﺴﺮﻩ ﺗﻤﻴﻞ ﺟﺴﻤﻪ ﻭﺗﺮﻓﻊ ﻋﻴﻨﻪ ﻋﻠﻴﻬﻢ ﺑﻐﻀﺐ ﺗﻔﺮ ﺭﺍﺳﻪ ﻧﻜﺴﺮ ﻛﻠﺒﻲ ﺑﺪﻭﻥ ﻭﻋﻲ ﺑﻌﺪﺗﻪ ﻭﺳﺤﺒﺖ ﺍﻟﻌﺮﺑﺎﻧﻪ ﺑﺤﺮﻛﻪ ﻭﺣﺪﻩ ﺍﺧﺬﺗﻪ ﻛﺒﺎﻝ ﻋﻤﺮ ﺑﻨﺺ ﺍﻟﺴﺮﻩ ﺯﻛﺤﺖ ﺣﻴﻞ ﺗﺎﻳﺴﻤﻌﻨﻲ
ﻋﻤﺮ ﻧﺰﻝ ﻫﻴﻦ ﺳﻠﻪ
ﻧﺪﻗﻴﺖ ﻣﻦ ﺟﺘﻔﻲ ﺣﻴﻞ ﻧﺪﺍﺭﻳﺖ ﻫﻴﻪ ﻣﺨﻨﺰﺭﻩ
ﺍﻧﺖ ﺷﻮﻥ ﺗﺎﺧﺬ ﺑﺎﺑﺎ ﻣﻦ ﺍﻳﺪﻱ ﻣﻨﻮﻭﻭ ﺳﻤﺤﻠﻚ
ﻳﻮﻟﻮ ﻫﺎﻱ ﻓﻮﻙ ﺯﻳﻨﻴﺘﻲ ﺩﺣﻜﺖ ﺍﻟﺮﺟﺎﻝ ﺗﻌﺒﺎﻥ ﻣﻮﺣﻤﻞ ﻫﺬﺍ ﺍﻟﺴﺮﻩ ﻭﺍﻧﺘﻲ ﻣﻮﻛﺎﺩﺭﻩ ﺗﻄﻠﻌﻲ ﻣﻦ ﺍﻟﻬﻮﺳﻪ ﺍﻟﻌﺮﺑﺎﻧﻪ ﻣﺠﻴﻤﻪ ﺟﺒﺘﻮ ﺗﺎﻳﻘﺮﺏ ﺳﺮﺍﻩ ﻣﺎﻋﺮﻑ ﺍﺫﺍ ﺑﻨﻀﺮﺝ ﺳﻮﻳﺖ ﻏﻠﻂ
ﻃﻴﺮﺕ ﻋﻴﻮﻧﻪ ﻣﺰﻧﺒﺮﻩ ﺧﻠﺖ ﺍﻟﻴﺸﻄﺎﻥ ﻳﻜﻤﺰ ﻛﺒﺎﻟﻲ ﻧﺘﺮﺕ
ﻭﺍﻧﺖ ﻣﻨﻮ ﻛﻠﻚ ﺍﺣﻨﻪ ﻣﻴﺘﻴﻦ ﻋﻠﻰ ﻫﺎﻱ ﺍﻟﺴﻠﻪ ﻟﺘﺠﻴﺒﻮﻫﻪ ﻋﺸﺘﻮ ﻋﺸﺘﻮ ﻋﻠﻰ ﺣﻮﺭﻫﻦ ﺍﻟﻠﻪ ﻻﻳﻌﻮﺯﻧﻪ ﻋﻠﻴﻜﻢ ﺍﻧﺘﻮ
ﺍﻟﺪﻭﻟﻪ
.
ﻳﺘﺒﺒﺒﻊ

#لهفة_عاشق
#البارت4
،،،،،،،،،،

شفت دفتر حياتي مطرز احزان
وبجيت هواي يوم إلي قريته
أول صفحه بيها اشكال وألوان
قريت الثانيه راح الي هويته
ثالث صفحه دوخه وشدت البال
قريت الرابعه وما كمليته
شمال الخامسه شضمتلي الأيام
قريت السادسه وبيدي طويته
اذاني زماني وعكس وياي
وهمي الغيري والله ماشكيته
انا ادري الدنيا بيها هواي طيبين
زرعت الطيب ولا مره جنيته
،،،،،،،،،،،،،،

اووووف و الله ذبحني الحرمس لابليل نايمين زين ولا الضهر وفوك كل هذا عذراء الغضب اختي الناس كله تجيل بضهريه تنام اله هيه مكانه يم راسي كبال التلفزيون تكرط حلويات وبس صوت الخرخشه بذني زهكتني صحت

عذارء وجع ادري فاره شجاج كرط كرط يعني اله يم راسي

كبر جفلتيني همزين مغصيت انتي مو نايمه شكعدج

وج يانوم والتلفزيون يرطن وانتي تكرطين يم راسي والبك اكلني بس فهميني ماكو مكان تكعدين بي اله هنا

اي غير حتى كبال المبرده شون يعني اموت حر
لا والله ليسمعج يكول مبردتنه تجرش اليكعد كباله هيه وين دتفتر الخاطر الله شوفي البك سشوه بيدي

دسكتي موزين اجتي الكهرباء خليه ضعيفه والمبرده يادوب تفتر بس اقله اسمه كهرباء احسن من الماكو

هم صدك اكوم اعجن احسن طيرتي النوم من عيني

حبابه فدوه سوي عصريه وياج

امشي لج لو تموتين
دندوش حبيبتي اختي الحلوه كلبه مينطيه ترفضلي طلب

عفته وطلعت البيت هدوء الضهريه انام بس هاي الفصعونه متنام شلت النجانه ترسته طحين وجبته بلحولي بيتنه ٣غرف جينكو غرفه كبال غرفه بنصهم حولي طويل ماخذين زاويه منه مسويه مطبخ وكدامه حوش جبير سياجه سعف وبابه برده

ولي ولي لاتصبغين بيه ماتقشمر اني

اني اديان من مواليد ١٩٨٨

مخلصه عداديه

وساكنه بمنطقه زراعيه بشمال بغداد بهذا الوكت وره السقوط واحداث الطائفيه اطلقو على مناطقنه مسمى حزام بغداد
اعيش بهذا البيت ويه عائلتي والدي والدتي اخواني قصي وحازم واخواتي ثنين تماره متزوجه وعذراء اصغرنه بزر الكعده بابا يشتغل فلاح بلبساتين الداير مدايرنه يفلح بيه يصعد نخل وينطوه هل الله قاسمه حازم الجبير متزوج ومنفصل عنده ولد جان ماخذ بنت خالي ومتراهمو هوه وياه دوم مشاكل مشاكل تعبو وتعبو الكل تالي طلكه وزعل خالي تاخرب هوه وامي وعلى اثره خوالي كلهم زعلو على زعل اخوهم الجبير ونقطعت بينهم العلاقه رغم امي اختهم الوحيده وذبو علينه ايهم عمره من عمره سنه روحي صارت بي ربيته وصار حتى ماما يصيحلي هسه اربع سنوات عمره

قصي قبل شهرين تزوج بنيه جيرانه حبه وهيه تحبه لملمنه الاكو والماكو وزجناه وهيه فقيره حيل وتموت عليه راضيه بعيشتنه شون مجان قصي وحازم يشتغلون صياده يوميه المغرب ياخذون الشبج لمنطقه فوك من منطقته بيه شط ينصبو ويضلون اليل كله بايتين هناك للصبح يطلعون صيدهم وشنو الله رزقهم ينزلو للسوك يبيعو ويجون وعلى هاي الرنه عايشن ومستوره
الاوضاع بكل العراق تعبانه بس من وره السقوط كمنا نسمع مصايب واحداث تشيب الرأس ومناطقنه جانت أكثر المناطق المستهدفه كونه ارض زراعيه مفتوحه سكانه الناس الفقره فقط ولان كيعانه مفتوحه وتسهل العبور من منطقه لمنطقه يعتبروه حاضنه للارهاب تعودنه على القصف والتفتيش كل شويه جافتينه لو يوميه مسوين حمله اعتقالات شايلن نص المنطقه كل هذا ومتحملين وين نروح هاي كاع ابويه وارثه من ابوه والعيشه بغداد صعبه والايجار مينراد الواحد يشتغل حتى يعيش وياكل لويدفع ايجار

عمامي ثنين بصفنه كاعدين وعماتي متزوجات محافضات وهم الحال من بعضه هاي عايشين نزرع ونصيد سمج وناكل امي مربيه دجاج مداريته وهوه مدارينه البيض ماله خير من الله ومرات قصي تطبك عنده يغافل امي ياخذ دجاجه يذبحه ونشويه نحطه كبال امي دكول هاي منين يكله من السوك تصفن وجنه تعرف رباه اديه تصرخ
قصي بس لا الدجاجه الكاركه والله العب بيك جوله
ينصي رأسه يضحك يبوسه بلهوه تبرد ملامحه تكول اكلو الف عافيه بس غير دكول واطلعلك اني خطيه هاي جانت كاركه يشيل عينه رافع حاجبه يكله كل عقلج اكلج واني ادري ذني الدجاجات اعز من عدنه عليج

خليت النجانه وبديت اعجن وتذكر سوالفنه صوت قصي ومرته بلغرفه ومداهرهم بذني بتسمت مدنكه اكول لروحي هم يجي يوم اني واياد تجمعنه غرفه تنهدت ضحكت فاطمه بصوت عالي كحيت احسسهم اكو احد بلحولي خاف يجفصون بصوت اعلى هههههه سكتو وهيه دكله قصي كافي تداهر طلعت صوتنه وهوه يكله تعاي لج شمسوي نصيت وبالي راح بغير مكان وتذكرته

اياد لو تخطب لو تفك ياخه مني
اديان شبيج منين اجيب يعني ابوك

هسه اني شطالبه منك شفتني تشرطت هيه خطبه تكف مني الخطابه اليوميه جايه

ماكدر ماكدر تدرين اني بالي هواي أفكار اريد اشتغل اسافر اكون روحي والزواج آخر شي مفكر بي

هااا هيج الحجي لعد شكو خابصني احبج واحبج

قابل مجذب احبج بس الفكر مينراد اهلنه فكوره تريدن نعيش عيشتهم وجهالنه يعيشون عيشتنه

اياد ستغفر ربك شبيه عيشته شو مستوره والحمد الله احسن من غيرنه اكو ناس ميته جوع
دسكتي لخاط

ر الله شمستوره مدكللي موطكت روحي وقميصي حمض اغسله والبسه ماعندي خمس الاف اشتري غيره

من ايدك غير دشتغل ياعيني لعد انت كاعد وتريد تجيك فلوس

ششتغل وشنو الشغل ليجيلي الفلوس الزينه ويحقق احلامي عماله لو صياده مثل اخوتج

وشبيهم اخوتي عيني اشو زلم مفديوم حتاجينه احد وهمه موجودين يعني شون انت لو قميصك يحمض على حجايتك لو تريد بيوم وليله تطك

لعد اسمعني عيوني منا وهيج اي خطابه تجي اني اوافق

اي والله هذا لعندي
لعد اسمعني عيوني منا وهيج اي خطابه تجي اني اوافق

خنز عليه بغضب وعافني وراح سكتت ادري بي كل مره احنا هيج يومين ويجي يراضيني اياد ابن عمي عارف الازغر من ابويه من وعينه على الدنيه احنا بيت واحد بس بلفتره الأخير صارت بينه نضرات وبعدين تحول حب من كامت تجيني الخطابه ويجي طاير يكلي ارفضي بديت احبه وانام افكر بي شكد ما حلو وشخصيه بس عيبه الوحيد موقنعوع متبطر دومه يباوع ليفوك ويفكر ويخطط اسوي هيج اجيب هيج اشتري هيج بس الزم الفلوس همه ومهمومه وشغله الشاغل الفلوس

شهر صار مشايفته من راح مافكرت اسئل عنه وهل شي سببه كل مره يصير بينه زعل اني لصالحه مشتاقتله صحيح بس خلي حتى بلكت يتوب ويصحى من اوهامه وأحلامه البعيده الانسان لازم يسعى حتى يحصل ليفكر بي موكاعد ويريده يجي يمه
نفتحت الباب رفعت راسي بابا سوده عليه فات ضهره منحني موس التكريب على جتفه(ادا لقص النخل)
ونطاقه بضهره كوه يمشي كمزت رديت العجين مرتين وغطيته غسلت ايده وركضت سلمت عليه بسته نطاني شماغه وفك نطاقه خلاه بيدي فات للحمام رفعت الشماغ شميته ااااه يا ريحه محنتك تسوي عطر الدنيه الدنيه كله

وليدي اتمرض اني متعلم يوم لماطلع لزرع اتوجع خلوني براحتي من اشوف روحي ماكدر وداعتك ماطلع

علكت النطاق بلمسمار وكفت عل سنك خضيت الشماغ وشريته طلع قصي من الغرفه تلاكاه بابا طالع من الحمام حضنه يكله
يابه ليش متعب نفسك بهذا الحر ادري مودنكلك اكعد
وليدي اتمرض اني متعلم يوم لماطلع لزرع اتوجع خلوني براحتي من اشوف روحي ماكدر وداعتك ماطلع

هاهيه يابه كيفك بس والله انقهر عليك فاطمه فاطمه

عيوني

حبيبتي سوي لكمه لعمج وجاي جديد

صار من عيوني

فتنه كعدنه بلغرفه بابا يتغده وامي بصفه يسولف اله يوميه فاطمه تكنس بلحولي يوميه هذا وكته وايهم قصي طلع روحه عنده خدود متولي يكرص بي وهذا يعيط واني كلبي يحترك واذا وصلت يمه ينطيني دفره آخر شي لزمت رجلي جان لابس برموده
وخري بس خل اتعصر بخدوده

قصي لوتهده لو اشلع شعر رجلك والله

قصصصي حرام عليك شوفهم صار دم بابا حاجي

كافي ولكم اني دايخ كومو خل نام والف امكم بحضني ساعه من الصبح ماشايفه

غطت امي وجه دكله ياااا عيب يارجال ولدك بطولك وهوه يرده لابوهم لابو طولهم شمسوي اني غير مرتي

طلعنه نضحك شلت الصينه ولايد الثانيه لازمه ايهم خاتل بضهري قصي وراه يخاف من شقاه كعدته بلمطبخ صبيتله ماعون تمن وفوكاه مرك اوكله معودته يوميه من ينام ويكعد اوكله فات قصي يكله اكل اكل وانتي جيبي وزقي بي حتى خدوده ينفخن اكثر يصير العض احلى
برطم جريته شربته مي
اكل امي اكل يغارون من خدودك ضحك وعذراء مخنزره عليه
خير
وين العصريه
دولي لج
اي اني ولي ابنج تتربعين وتكعدين توكلي
طبعا هذا هيمه انتي منو
اديان فدوه والله جوعانه شبيج كبر
ههههه ابجي ابجي ام بطن
لافدوه ديله سويلي اكلتي المفضله وانوب من ايدج الله عشق

اخذت ايهم غسلتله وشغلت فلام كارتون كعدته ورحت كشفت العجين كصيت منه وسويت قطع قطع صغار حميت الطاوه وخليت الزيت يحمه ارتاحو القطع سويتهم اقراص وكليتهم هاي اكلت عذراء المفضله احنا نسميه خبز بلدهن
خدرت جاي مهيل ورتبت الصينيه كعدنه ناكل والخبله تجيب شكر وتدير فوكاه علمت ايهم ولاص روحه كفخته لعبتي نفسي وكمت غسلتله وبدلتله لملمت هيه وفاطمه نضفو المطبخ واني كعدت شويه على تلفزيون وقت مسلسلي المفضل حريم السلطان اباوع وافكر بالخبز ختمر فار طلع من النجانه بس شون اعوفه السلطان سيلمان صاحت امي

اديان

هااا ماما

وج فار العجين والدنيه غوربت يمتى تخبزين يادوب تكملين

يمه بس هاي المشهد فدوه

عذراء .... لاحول لله بابا انتي شاخطه عشرين تلاثين مره عادو هذا الجزاء ادري تخبلتي تشوفي من تطلع وبلاعاده خوما تخبلتي
مجاوبت مندمجه بهيام وشلون السلطان يباوعله وعيونه تريد تاكله

عززززه لا انتي تخبلتي رسمي راح اطفي والله

خنزرت محذره بيدي لبيه لريمونت اذبحج والله

ادري شعاجبج بي هذا الشايب اشو خلصان ولحيته بيضه

وانتي شعرفج بالحب وج همه ذوله لحيحبون صدك مو جيل هسه لمحفحف ويخلي خبطات لوجه ديصير حلو امر منج

ها هيج صار الحجي لعد دروحي ان شالله الله يرزقج بواحد بكد هذا السلطان كم سنه ويحط رأسه ويموت
ليش الموت بلاعمار قابل

مو بلعمار بس لبكد السلطان تلكي بي أمراض الدنيه كله وعلاكه الدوه يم رأسه

عوذه منج شكد تنقطين اكوم اخبز احسن عود اشوفه بليل بلاعاده

ذبيت الريمونت لكفته دارته وكلبي يم