فدوةة لكلبج🥰 وهسه اوجهلج فد طريقتين للشيرة ومقاديره مضبوطة😻✨

#ملوكه

بهالفيديو👆🏻🌚

ومنا👆🏻🙃

#لهفة_عاشق
قصه حقيقيه ❤️
الكاتبه
رفل الكناني

ﻟﻬﻔﻪ ﻟﺬﻟﻚ ﺍﻟﻌﺎﺷﻖ ﺍﻟﺬﻱ ﻛﺎﻥ ﻣﻼﻛﺎ ﻧﺘﺸﻞ ﺣﺰﻧﻲ ﻟﺘﻜﻮﻥ ﺭﻭﺣﻲ ﻣﻠﻜﺎ ﻟﻠﻬﻔﺘﻪ

ﺍﺳﺘﻔﺰﺕ ﻗﻠﺒﻲ ﺑﺜﻼﺙ ﻧﻘﺎﻁ ﺍﻧﻮﺛﺘﻬﺎ ﺑﺮﺍﺋﺘﻬﺎ ﻭﺻﺪﻕ
ﻣﺸﺎﻋﺮﻫﺎ ﺗﻠﻚ ﺍﻟﺨﻤﺮﻳﻪ ﺗﺠﻤﻊ ﻛﻞ ﻣﺮﺍﺣﻞ ﺍﻟﻌﻤﺮ ﻓﻲ ﺳﻠﻪ
ﻭﺍﺣﺪﻩ ﻣﺠﻨﻮﻧﻪ ﺣﻴﻦ ﺗﺤﺐ ﻭ ﻃﻔﻠﻪ ﺣﻴﻦ ﺗﺒﻜﻲ ﻭﻧﺎﺿﺠﻪ
ﻋﻨﺪ ﺍﻟﻤﻮﺍﺍﺍﺍﻗﻒ ﺍﻟﺼﻌﺒﻪ ﺗﺤﺮﻗﻨﻲ ﻉ ﻧﺎﺭ ﻫﺎﺩﺋﻬﺎ
ﺑﻨﻈﺮﺍﺕ ﻋﻴﻮﻧﻬﺎ ....
ﻓﻤﺎﺫﺍ ﻋﻨﻲ ؟

@stylegrils

#لهفة_عاشق

بقلم رفل الكناني ✍✍✍

#بارت١
،،،،،،،،،،،،

احيانا يستوطن العقل عل ذالك القلب الشامخ
الذي عانا معانا وتصلب ليالا طوال مكادحا
ليعلن ان وطينا سيتمزق وستنقطع تلك السبل ...
،،،،،،،،،،،،،


ول يربك انت خبل احنا جادمين عل شهر رمضان عود نفسك حتى تجوز منو لهذا لصخام لتشربو

عمر لاتصير شيخ براسي من تالي وكت عجل منو دوم اوصلو لبيتو مايندل دروبو

انه صحيح بس مو مثلك انه لو طخت براسي شربت انت كل يوم كل يوم ول ماتمل ماتعجز يوم بحياتك روح صاحي عل بيتك عل حرمتك ارحم نفسك شويه هذا راح يزرف امعائك

ول انعل جلاب اهلك حدر هين جدامي خل انام عل خوانيكك واترفسك تاكلبي يبر شويه ولك نفتحت عليه مره وحده كر كر كر بالع مسجل انت لاتخليني الوص وساعته محد يسدو الحلكي وانت تعرفني
مامنك رجه غاسل ايدي من سوالفك لاانصحك ولاتنعل جلاب اهلي حدر نتعشى وراه يجراك الي تريدو

عل حسابك غير

ول الله يصكعك عل حسابي منين من شيب ابوي فارس تحدر لو شون

هههههههه لاتعصب وتعكد النونه اعشيك وانه الممنون عجل هيه خوه لو قنادر

كول لروحك اول

انجعم انجعم( اسكت) اعشيك ويم حجي حسين هاا يابه هم كول عايل
لا والله محشوم دام العشه كباب ويم حجي حسين اليوم اخليك تضرب بلنكو للصبح والمزه عل حسابي

المكان الفلوجه إحدى مناطق الانبار
شارع ٤٠ تحديدا

أنه فارس محمد حامد آل...........

من مواليد ١٩٧٩

من سكنه الفلوجه ابا عن جد خريج كليه التجاره وكاضب شغل اهلنه كلو الي ورثنه من المرحوم والدي متوفي وحلالو بيدنه انه واخوي الجبير فيصل عندي خواتي اثنين ام خطاب وام ثامر ساكنات بنفس البيت ذني الدنيه عكست وياهن وترملن كضن حياتهن يربن يتامه ام خطاب نجتل زلمته بسقوط وام ثامر مفقود ومن حرب ايران ماشفنالو إثر بيتنه ٨٠٠متر كلمن ماخذلو ٢٠٠وكاعد اله انه ماكدر أعوف امي الحجيه روحي بيه يوم الماصبح بوجه احس يومي كلو مخربط

متزوج ميسون حرمه اخوي عدنان نجبرت عليه وكت الي نخطف اخوي هوه ونازل لبغداد بزمن الطائفيه والجتل عل هويه وره يومين لكينه بطب العدلي مشوهين جثتو ومانعرف السبب عندو بنيه وحده تبارك الي كسرت ضهري ولجل عينه وحتى متضل يوم يمنه ويوم يم خواله عقدت عل امه وخليتهم تحت جناحي وكل همي ضنه اخوي يضل بينه وجدام عين امي حتى لاتنقهر وتتكدر
لاحبيت ولااعرف جلمه الحب عايش يومي كلو بين الشغل وسوالفي المكسره مثل مادكول امي ماانكر ولااسوي روحي ملاك وبنفس الوكت ماكدر عل روحي مرضي والي معقد حياتي سولتي بشرب مرت عليه أيام سوده لو اكعد اشرحه شعر راسكم يشيب مثل الجم شيبه الخاطات براسي هساع

تعرفون شنو معناه اخوي عضيدي ابن امي وابوي سندي وعرضي عرضو اتزوج حرمتو ولازم ادخل عليه أيام مرت عشت جسد بدون روح واني رافض اكرب منه والكل اكل راسي حرام وحرام لحد ما ستسلمت ورضيت بقسمه الله ميسون تعرفوه بلجايات مابيه احجي عنه بيج قصص عراقيه حقيقيه من واقعنا.روعه الطائي

ول عمر راسي وحف رايح للبيت مابيه بعد حتى اسهر

يا الله كون راسك دوم يوحف واشوفك تايب من هذا الزهرمان وحق الله عندي يوم عيد

انجعم ونكلع لبيتكم شوفه وجهك تطير امو وأبو للواهس ياله تصبح عل خير

وانت من اهلو

فتحت الباب فتت للبيت اضلم دحكت الساعه ١٢ونص قفلت ومريت اصعد الدرج سمعت صوت امي تقره قران فتت غرفته مديت راسي نزلت نضارته اشرت بيده

اطلع

لا يالله حجيه عليه

هزت رأسه اي
ول عليش يربج شمسوي

القران بيدي لاتشوفني وجهك ولاتفوت للغرفه اعرفك شارب مثل كل يوم

ضحكت نزعت حذائي وفتت ذبت المصحف رافعه ايده

فارس بروح ابيك لاتكرب حلفتك بلغالي

ول يمه وروح ابويه ماشارب اكضبي هدومي شميهم

لا هاهيه مزال حلفت صدكتك اكعد وليدي بلقراعان افادي برد من شوفه وجهك مورد وصاحي عل روحك يمه والله ما يفيدك التسوي بروحيتك عجل شوكت تندار لحياتك واشوف ضناك والله عيوني بيضت وانه اتحصر اريدلك ضنه

حجيه قابل بيدي هذا أمر ربج ماكاتبلي اصير اب تبارك ماخذه كلبي حايفتو ولايفتو

ونعم بالله ماكلنه شي تبارك الله يحفضه بغلاتك واعز بس يايمه تبقى مو من ضهرك واخيره لرجاله شلون تضل وحدك

عجل شسوي

تزوج يا ابني لاعيب ولا حرام الشرع محلل اربعه
بربج يمه هاي وياي تسولفين ول يالله انه م

سون موجارعه انوب اتزوج غير امها مو رايدته لمخيله عليه انتي

عليش يمه انت وحد هاي كرابتنه كله الماخذلو ثنين وتلاثه وبدون سبب عاد انت عذرك وياك ميسون ماتخلف اصلا رحم ماعده والكل يعرف

حجيه قابل انه الناس كاضبتني بس ميسون كرهتني بكل نسوان خلك الله وخلت روحي جازه من جنس حواء هينوب بس شسوي مخافه الله وتبارك كافتني عنه

ميخالف وليدي نوبه وحده طاوعني وخليني اجيبلك لتريح كلبك وماتعلو لخاطر اميمتك

وكفت بست رأسه
حجيه خاطرج عل راسي ساعه مافكر بهذا الموضوع اول وحده راح تعرف انتي هسه خل اروح انام وانتي ارتاحي
طلعت وهيه رافعه اديه تدعيلي صعدت للغرفه فتحت الباب ميسون ماكو فريت الطابق الفوك كلو ماكو نزلت عل امي
يمه وين هاي المصكوعه
منو يمه
ميسون يمه اكو غيره
مادري فوك غير
ماكو
عجل وين
بلكبور التاخذه وتلوميني من احجي
هدي وليدي بروح محمد هدي وين تروح تلكاه ندارت يم ام خطاب لو ام ثامر
هساع؟ دحكي بيش الساعة هاي شوكت تجوز من الطلعه
لاتصيح تضوج يايمه وين تروح تندار تتعلل يم خواتك ستهدي برحمانك حدر صيح خطاب لو ثامر من باب المطبخ هسه تجي بلعجل

مسحت وجهي اهدي روحي كل يوم طلابه كل يوم نفس الرنه حرمه علتو الكلبي ماعده شغله ولاعمله غير تفرفر من بيت البيت ودك سوالف وكل سالفه تلحكه طلابه كتلت غلطت حبست مايفيد اطلع يوم يومين البغداد ابات ارجع ترجع لنفس الرنه
مشيت بلحديقه رايح لبيت ام خطاب شفت خيال يم الشباك بيوت خواتي مفتوحه مابيه سياج جيف بنص يتنه لتافيت من وره البييت الدم صعد براسي زحكت صاك سنوني

خطااااب

لتفت يفر براسو وجي مدنك

نترت بي .. شعنك هين

خالي

وخلخاله تنخر عضامك ول انت ماتستحي عجل انت شون زلمه واب لخواتك لمن تريد بنت خالتك ماتخطبه واكف بضلمه تحاجيه شكلت لروحك هااا شكلت

خالي وليرحم اهلك خل افهمك لاتحكم عليه وتاخذ نضره مو حلو بحقي تعرفني شكد احبك وحاسبك مثل ابوي بروح محمد عليك لاتاخذ موقف مني
احجي شششعندك فورت دمي لاتطلع جنوني عليك بهليل

خالي رايد سجى وهيه ماتريدني اليوم جوي مشيه عليه وانه جن جنوني جيت احاجيه والله العضيم هاي اول نوبه ممسويه كبل توه فتحت الشباك وانت جيت

خطاب ماتقنعني اليريد من صدك يدك الباب وعليش سجى ماتريدك مشيت خطبت حجيت كلت؟

لا

عجل انكلع من وجهي وانه اليه كلام ويه امك وامه

خالي بروح العزاز لاتزعل سجى لو تحاجيه بالله موذنبه انه موادمي ماعرفت اتصرف

روح لبيتكم بغير وكت نحجي وخليه بالك ليدك باب الناس بلخش والدس الله يدك بابو وانت عندك خوات

دنج راسو ومشى منصي قسيت عليه صحيح بس حتى يعرف غلطو ومايعيدو رجعت للبلوه مالتي صحت من الباب
ول هين هين

طلعت تركض تعدل بحجابه
هلا فارس هاي شوكت اجيت
والله دنعل ابوج لابو فارس ول انتي شنو حساس ماعندج نص اليل تفرين من بيت لبيت
يااا واني وين رايحه غير اضوج عجل احبس روحي بلغرفه
بهل وكت ؟
وشكو بيه قابل عيب لو حرام
لا يابه مو عيب اطلعي وفيني كل يوم وفارس مشعول الصفحه لاتحسبين حسابو
فارس هوه انه شسويت
ول بنت الكلب انه صار جم يوم ما موجود
سبوع
ولمن زلمتج سبوع موشايفتو بدال متكعدين تنتضرينو اجي ادورلج ماالكاج
غير عبالي مثل كل مره راح تجي نص اليل
نخمدي وجربي تعيده حتى انعل سلفه سلفاج
فارس بداعه تبارك بروح ابوك خل اروح

يابه شتسوين كعدي وسكتي

عجل أنه وحد اهلي كلهم راح يروحون

وانتي شعليج منهم عليش رايحه العرس لا هنا ولا هنا بطوي بتالي الانبار وابن خالج يعني لاعرس اخوج ولااختج

وانه اريد اروح فارس انت خانكني وين مطلعت ماتقبل
بيج قصص عراقيه حقيقيه من واقعنا.روعه الطائي
ليسمعج يكول كادرلج شو احجي من هين طلعين من هين تراج سويتي كلبي هل كبرو ولليوم ماريد امد ايدي عليج يابنت الناس كضبي روحج ثكلي وكضبي لسانج المره حلاته بثكله بخلاقه لاتضلين كل شويه مطلعه سالفه

نك نك نك
اكلت راسي ليحد ما راحت منعت تبارك تروح وهيه روحه معلكه بلحجيه ساعات ودك تليفوني

الووو

منوو

انت فارس محمد

اي يابه وصلت منو
عدكم حادث سياره عل طريق ..... ياريت تجي للمستشفى

طلعت من البيت اخذت فيصل وخليت امي تدعي وحلكه يابس عمي ابو ميسون يصير ابن خاله وصلت المستشفى بلطوارى السديات مغطايه فيصل وكف يسئل وانه عقلي واكف خمس سديات وحده بصف وحده فيصل وصل يكشف بيهم مدنج يردد انا لله وانا اليه راجعون عرفت ذوله النه امها وابوهه اخوانه ثنين واخته الدكتور وصل بلغنه ميسون بلعمليات حالته حرجه طلب توقيعي جانت ضربه ميسون صايره اسفل العامود الفقري خاسفه الحوض مسببه نزف بلرحم صعب يتوقف لابد ينشال وقعت سوو العمليه نشال الرحم ومرت أيام سوينه الفاتحه وميسون شهور بلمستشفى لحد متعافت طلعت غير وحده اول ايام الكل متاعطف وياه مقدرين وضعه وحزنه ويوم بعد يوم صرت ماطيقه لسان وصلفه امي بسدي ياوليدي ويايمه
مسكينه
يتيمه
ماعده احد
ام خطاب وام ثامر يعكلن وينصحن يحيرن شون يعدلنه وهيه تمردت ومستغله ماعد

ه احد ولا احد يكدر يحاجيه تشوف الكل مستخطيه صارت اله حياته والي حياتي اشرب اسهر بس ماكرب لنسوان بلحرام صحيح ماصلي بس هل شي الوحيد لخاف منو
عندي قاعده ليندك بعرض الناس الله يندك بعرضو وانه عندي خوات وعدهم حديثات يتامى
مااحب ميسون ومالي رغبه بيه مخليه ام التبارك وساعه ماتحكمني الغريزه مالي غيره رغم هيه بارده وتجزع حيل مرعبله ماتهتم بروحه وانه وهواسي هواي ادقق وبكل الحالات متحمله
نمت وهيه منطيتني ضهره لثاني يوم الضهر نزلت البيت هوسه عل درج تلكتني تبارك شلته مجلبه بركبتي

شونك بابا
هلا يا بعد ابوج واهلو هلا بلروح والريه شونج

الحمد الله جده دكول ابوج نطاني مصروفج يابه عليش نطيته شهريتي انت واعدني تجيبلي تاب عجل جان جبتلي بيه

ول ينعل ابو التاب المايجي ليمج العصر لجيبلج التاب وعشيرتو تاامرين شي بعد

لا احبك هلكثر ( تسوي بيده دائره)

بس

لالا هلكثر

ههههه واني احبج ازيد يا بعد معاليجي

بابا شوكت تعوف هاي الكلمه شنو معاليجي والله مااحب الملاك

وماتحبين معلاك ابوج

خلت ايده عل عقله عاوصه تك عين ..افكر

عجل فكري فكري بس ها لو نطيت معلاجي الاحد غيرج لا تزعلين
فتحت عيونه غطت وجه كمزت عل صدري لزمت راسي شبكتني تصيح احبك والله احبك حتى المعلاك احبه

بسته ونزلته... كولي لامج تسويلي ريوك انه هنا يم عماتج

فتت ناديت ام خطاب واخذته للهول كعدنه

ها خويه خيرك

شلونج بعد خوج

بخير دامك بخير

الخير النه والج سمعيني خويه كعدي ويه ابنج شوفي شبي مابي خطاب شب وماعد صغير والشوفه الشفته البارحه عليه ماعجبتني

دنكت تفرك بيده ساكته
ها خويه جنج تدرين

فارس ادري هذا الولد تعبني رايد بنت ليلى وهيه ماتريدو

وانتي شدراج ماتريدو

غير انه حاجيته

وليش ماتريدو
نفتحت الباب فاتت ميسون رفعت عيني .. يابه غير دكين الباب

نسيت جيت اسئلك عليش اسوي ريوك وهساع راح نصب الغداء

وانه جديد عليج تدريني لو كعدت متاخر افتح زردومي بكلاص الجاي سويلي جاي اقلاه

هسه اسويلك بس جاي

سكتت ام خطاب تباوع كالت .. ميسون سويله جاي بين متصبين الغدا

تنهدت خلت ايده عل ايدي .. تره فأين حضه مكروده هاي تدحك الله وتدحك عليك

هزيت راسي ... عوفج منه نرجع لموضوعنه سجى ليش ماتريدو لخطاب

دكول انه ادرس وخطاب عصبي لاعب بخواته لعب لو وافقت مايخليني اكمل وحجيه صحيح انه حاجيته يكلي شله بدراسه

عجل خل يطخ راسو بلحايط يريده يخاف الله بيه البنيه يتيمه لايحرمه من شي مايكدر يكضب روحو يشيل ايده منه كعدي وياه فهمي هذا الكلام كوليلو خالك سكت خل يلم روحو ويبطل سوالف المزعطه لاعباله ماله احد هوه يعرفني من يوم يومي اني ابوه وابوهن وله انتي شايفه غير شي ام خطاب
لاخويه والنعم منك ممقصر والله ابوهم واكثر وعتبر السالفه نسدت وانه عيني عليهم

كفو منج اخذي راحتج اروح اشوف فيصل البارحه ماشفتو

والجاي ماشربته

و الله يختي لو باجه جان نطبخت عوفيه هناك اشرب يم ابو حسن

طلعت للباب ودحك ميسون يم بيت ابو حسن واكفه تسولف ويه ام حسن عرفت ماتكدر تضم السمعته بيني وبين ام خطاب راحت تطشه خزرته دنجت ورجعت للبيت مشيت سلمت عل ام حسن وعيونه بيه كلام تستفسر صفكتله بيدي ام حسن الاخبار الوصلتج انسيه

ضحكت وكالت فوت خويه فوت تعرف مرتك وسوالفه هزيت راسي مو راضي والله وفتت يم ابو حسن حجينه بشغل وجيكنه جم شغله معلكه حسابات وامور عقارات هوه لازم عمارتين وفرع من محل العقارات واني لازم الثاني وعماره مئجره عيادات طبيه ومطاعم
تغديت يمهم والعصر طلعت للسوك جبت التاب هذا لوفتت البيت بدونه تبارك تصرع راسي للمغرب بيج قصص عراقيه حقيقيه من واقعنا.روعه الطائي
رجعت انطيته اله نست الاول والتالي ليشوفه يكول اول نوبه تكضبو مايدري هذا الثاني مدري الثالث وكلو بين فتره وفتره تعطلو هناك وكامت ناس تردم ناس
ول شكو شبيكم

خالو صاحو بجامع باجر اول يوم رمضان

وانتو ماتعرفون يابه اله يصيح بجامع

لابس التكبير حلو

صفنت والله صوت يريح النفس التلفزيون مشتغل وهم علنو عنو وكله دكمز وتطافر جنهم جهال ام خطاب عده خطاب وسيف وبثينه ومريم وام ثامر عده ثامر ومصطفى ولبنا فيصل عندو بس ولد ٤حسن ومحمد واحمد وحامد تقريبا كلهم شبو سوه دحك عليهم نفس الكصه راسي صار طبل زحكت بيهم سكتو الحجيه بلغتهم باجر الفطور يمنه فات ابو فيصل متسوك النه والهم وللبنات قسمو وراه طشو كلمن لبيتو صعدت احلل وارتاح خابرت عمر سولفنه شويه وهم مايجوز من سوالفو يعيد ويزقل
اركد
اكضب روحك من اليوم والزم لسانك باجر رمضان وضل ساعه اغلط عليه واسكتو ساعه اهدى واضحك عل سوالفو صارت ب١٢وميسون ماصعدت ول يالله يمتى تحس هل مخلوقه وتعرف حقوقي عليه مادري شوي وجتي تبارك
بابا باجر انه أصوم
خاف متكدرين يابه
لا بابا اني صف ثاني والمعلمه من صف اول كالت ليشوف روحو يكدر يصوم خل يصوم حتى لو لضحى
عفيه بنيتي سبعه ان شالله دكرين
بابا انت تصوم
سكتت
عجل اروح انام بين مايسون سحور حتى اكعدك
روحي

حبيبتي اله صدك امج وين
كاعده يم جده
ناديها كليله بابا يريدج
باستني وطلعت ردت الباب شويه وفاتت ميسون
ها فارس ناديت عليه
انتي ماتجين اله انادي عليج
عجل شعندي مابيه اصعد الدرج وانزل كلت نتسحر واصعد فدنوب
خير ان شالله حدري يابه عدلي روحج انه هم حقي عليج هم يراد بهل سالفه اعلم وباجر انتي صايمه هم راعي الله بيه
سكتت وطفت الضوه وجتي بصفي دحكت بيه صفنت
شبيك
انه كتلج عدلي روحج ماكتلج نبطحي بصفي
يبوو يافارس سوالفك مال واحد ذاك اليوم تزوج ادري شنو عروس واعدل روحي بعد ورايه سبح وسحور وصيام

يواش يواش يواش الله يصكعج ماريد كلشي كمتي تعددين هاهيه امري ال الله
كربت منه دقايق وبتعدت رحت سبحت واجيت لفيت راسي ونمت

المكيف جان مشتغل والبروده دكت ضلوعي وانه سابح لزمتني البارده لثاني يوم متلفلف محد كلبني غير امي من دكت عليه رفعت الخط راسي جمر جاوبته كالت انزل يمه شجاك اليوم نهضت لن الدنيه مغرب انه ماصوم وهمه يدرون نزلت لازم راسي كعدت بغرفه امي التلفزيون عل قران وامي تسبح مددت عل رجليه مسدت عل راسي

يمه عليش صايم اذا مخلصه نوم

يمه انه ماصايم تدريني ماصوم

وعليش ماتصوم صغير وليدي شناقصك ايد رجل

يمه انتي كل سنه تعيدين نفس الكلام عليه

عجل كوم مني مارضه عليك وانت تغضب ربك

يمه لا هيج تحاجيني بغلاتي عندج مريض هينوب
و الله ياوليدي اخاف عليك تقهرني من تعصي ربك يضل فادي وكلبي لازمني وافكر بيك

يمه ماعاصي بس ماكدر أصوم انه ساعه ماشرب جكاره دربي ماندله شون أصوم واضل بدونه يوم كامل

عجل الصبر شون يصير وشون ماعاصي وانت ماتصلي لاتصوم وتشرب شنو تصير المعصية بعد

حجيه راح تستلميني لاتخليني احدر لبغداد اخلص رمضان هناك

لا هذا هوه سكتت الله يهديك انت مصخن غادي نار وانه عبالي نايم مرتاح كل مارادت تبارك تصعد يمك ماخليه سوده عليه شمدريني متوجع

ضلت تفرك براسي نفرشت السفره التمر والبن الشوربه المحلبي الدولمه والدليميه حتى برمضان مايعوفوهه مسوين اكل الدنيه ناس تصيح لبن وناس تصيح شربت اريد اشيل راسي من حضن امي داتفطر خطيه ماكدر جن جبل شايل موراس عيوني غوشت وهيه تفرهم واحد واحد كاعدين سره
فيصل
خطاب
ثامر
حامد
محمد
سجى
بثينه
تبارك
لبنا
وهاي صوت الاذان الله اكبر وامي تردد ربي لك صمت وعل رزقك افطرت ولصيام يوم غدا نويت ذهب الضما وبتلت العروق وثبت الأجر ان شالله
يمه فارس شوريه راسك

فارس
فارس
فارس

مادريت شصار بس اصواتهم بذني
شبي شبي خالو خالو تسمعني يمه خويه فارس عفيه بابا شبيك بسم الله يمه وليدي
وخرو عنو خطاب فيصل شيلوووو وياي يمعودين خالو جثيث شيشيلو صبو عليه مي بلكت يصحى
ول شيلو لايطلع ضغطو معلك هساع يجتلو لو مالحكنه عليه
نرفعت من الكاع و اختفى حتى الصوت روحي ساحت رجعت ذاك فارس الزغير كاعد بصف الصوبه متلفلف بفروه ابوي والصوبه كبالي الكتاب والفانوس بصفي اطلع ايدي من الفروه ابرد ارجعه ادفه مثل مديصير هساع ساعه حاره ساعه بارده صوره ابويه نرسمت كبالي كاعد مدد والراديو الزغير عل اذنو وكل شويه يطلع ساعته الجيب ام الزنجبيل من جيب الصدر ويرد يرفع عينو بعيني يخزرني

اقراه

يابه بارده والوكت لنطتنيه انتهى من زمان شوف الدنيه غوربت
حيال وين البرد تراك متلفلف بلفروه عدال صوبتين وانه جاتلني البرد بس كول اريد الحك فيصل وعدنان لطوبه

عجل لمن تعرف عليش حابسني الله يخليك يابه خل اطلع

ول انه اليه ؟هوه الك الشهاده عزوه وسند راح تجي أيام تترحم عل روحي من تكبر وتفوت من كبال لافته لو كبال محل وتقره شمكتوب

اي يابه و الله ادري بس خل اطلع هساع

هز رأسه وانه فلتت امي بلمطبخ مكابله الجوله تسوي العشه بذيج أيام الحرب والحصار المابيه غاز والناس مو لاكيه لكمه خبز ليلى تلم هدومنه من الحبل وهديه تلملم الغرضان من الحوش خاف دنيه تمطر بليل وانه اكمز بينهن ادور تك نعالي ااااخ عضيت اصبعي الله يصكعك فيصل اعرفك تضم تك نعالي خاف اطلع وراكم بس انه فارس متفوتني فايته اندل حذاء الجديد جوه الدرج يضمه اروح البسه وطلع حتى لوجبير ركضت لبسته وامي زحكت بيه ول فارس حدر جاي لاتطلع اليوم يفين حضك فيصل ماسمعت منه اركض عل شارع لتبليط والهوه يكفك بخشمي بارد بضبط مثل الهوه الفات بين وريدي
أخ اكو اللم اكو وجع انه وين وكعت
لا
عجل شنو ريحه مستشفى بخشمي هاي الريحه مواطيقه
ول يربكم شجاي
يصير

يتبع

مساء الخير

#لهفة_عاشق

،،،،،،،،،،

#البارت٢

يكسر خاطري مرات حتى الطير

هم مثلي غريب وحسرته بصدره

يلم عشه على شجره وعود لازم عود

ويجي الماخايف الله يطيح الشجره

،،،،،،،،،،،،،
فتحت عيوني حلكي ثكيل وين انه بغرفه بيضه تفتر بيه رفعت ايدي الكانونه بيه وجهاز الاعطاء ينزل قطره قطره وين ابوي فيصل وعدنان ساحه الطوبه والركض الجنت اركضو انه ماوكعت بشارع انه واكع بلمستشفى اي مستشفى مبينه وهذا صوت عمر

خطاب يزي تاكل ول راح يصيح إمساك

عمر شعليه منو جدتي دكول حتى يتبين الخيط الابيض من الخيط الأسود من الفجر

يول تاتحسسني جدتك تداوم بديوان الوقف تاطلع هاي الفتوه

شدراني بس خوش سالفه انه من اتسحر عدهم اكل براحتي

عجل الله يصكعك ول صيامك ماواصل لراس الشارع

ههههههه عموري ماسامع المثل ليكول ذبه براس عالم واطلع منه سالم انه ذابه براس جدتي

و الله انت وجدتك لاينشوي عل اذانكم بصل يوم القيامه وكولو عمر كال

يربك انت لاحكنه حتى بيوم القيامه مايلام خالي بيك من يكول عمر لطشه

ول طاح حضك وحض خالك خل يكوم بسلامه وعلمه شون يكول عليه عمر لطشه اكل اكل راح يطلع الخيط الاحمر مو الابيض وانت تاكل اكوم اشوف خالك

ااااخ يولو شصاير عمر خطاب ليش حلكي ماكدر افكو

يالله يالله هااا ابو الفوارس الحمد الله عل سلامه بالله وكعت كلوبنه
الله يسلمك عمر شصاير شبيه

هلا خالي الحمدالله عل سلامه بيه ولابيك بعد روحي

الله يسلمك يولو ماكدر احجي فهموني حلكي شجراله

عمر ... فارس ضربك شرجي خفيف (جلطه خفيفه ) والحمد الله عدت سلامات

تلمست حلكي مورم ومايل عل صفحه غمضت تحمدت الله عل كل حال عمر كرب نفسو شاورني

ها خويي اكسبايرك نتهى بعدك بعز شبابك وضربك الشرجي لو صرت شايب شيصير بيك ول عبالي ازوجك بس خاف تفشلنه وتطلع عطلت هينوب

عمر انكلع من جدامي مو ناقصك ول عطلان انه من زمان خومو هسه

لابربك وتعترف بلسانك عجل منا وغاد ضل اضرب بس بلنكو

دفعته ضحك ويكولي..... اتشاقه وياك فارس بروح محمد دير بالك على روحك يول روحت نص عمري جوه الكاع بداعه الله شكد ما تعزني تعوف الشرب بالله هاي كله اثارو

ولك صار ٣ايام ماشارب نمت كلشي مابيه وكعدت متكسر شصار مادري
يابه هم كلنالو للدكتور كال هاي ضغطو صاعد وستبرد راسو ماتحمل وضربو الشجري

وشون خوما ابقى هينا

لا هوه كال بس يصحى نجيكو ويطلع وحلكو عل علاج بمرور الايام يرجع

عجل وين اهلي شو ماكو احد

كلهم جانو هينا ابو فيصل والولد بس انه كتلهم مايحتاج وامك الحجيه بقى باله خليتهم يروحون وبقى خطاب صدك هذا وينو يمكن لم السحور وراح يغسل

تعبتك وياي ممنون منك

لاتعب ولاش انت خويي اصلا هذا الهدواء مايلوكلك انه متعود على لسانك الفالت

بتسمتلو بتعب درت وجهي مغمض وين اخذتني الدنيه شفت ابوي وذاك بيتنه البسيط ورجعت ماعرف جم سنه ليوره شوف الانسان شكد روحو صغيره بلحضه تصعد لربه وبلحضه تنزل امي اااخ امي شصار بحاله وتبارك صوته يرن بذني بابا شبيك بابا الحمدالله من ردتلي الروح

نمت ومداهر عمر وخطاب ماسكت ليثاني يوم جي ابو فيصل والدكتور جيكني وكال عدت ان شالله ابقى بس ليوم افضل الك خاطر تتعداك هينوب بقيت يوم ثاني و طلعت للبيت تعبان والوكعه ماخذه حيلي من غير حلكي لحسو جبل كل شويه اتلمسو وصلنه امي مفرفحه وتبارك مجلبه حيل بهدومي تشهك بيج قصص عراقيه حقيقيه من واقعنا.روعه الطائي
نمت ومداهر عمر وخطاب ماسكت ليثاني يوم جي ابو فيصل والدكتور جيكني وكال عدت ان شالله ابقى بس ليوم افضل الك خاطر تتعداك هينوب بقيت يوم ثاني و طلعت للبيت تعبان والوكعه ماخذه حيلي من غير حلكي لحسو جبل كل شويه اتلمسو وصلنه امي مفرفحه وتبارك مجلبه حيل بهدومي تشهك

بابا وين رحت حيل خفت عليك

حبيبتي هياني يمج مابيه شي يابعد ابوج

بابا بعد لاتروح والله احبك ودعيتلك بسحور والفطور مثل جده كومه

رحتلج فدوه باباتي انتي وجده يابعد معاليجي

ضحكت وضمت رأسه بصدري ... بابا حتى هاي الحجايه كل يوم كوله بعد صرت احبه وماضوج منه

ول يربج شعندي غيرج تاماكول هاي الحجايه انتي موبس المعلاج انتي الجلاوي والمعاليج وكلشي بحياتي

حضنته حيل كسرت كلبي تبارك وعت عليه رغم تعرف انه مو ابوه بس مامهتمه قانعه روحه انه ابوه وتشوفني الدنيه كله

مددت بديوانيه(استقبال )وتجمعو داير مدايري امي تبجي منين جتك ومنين جتك ياهو قاهرك وشون لو رايح مني وانه أقنعه مابيه شي
عمامنه جوي وضلت ناس فايته ناس طالعه يومين البيت ماخله بليوم الثالث لوكت الفطور كعدو جدامي جميع وانه اكلي كبالي الدكتور وصالي بشي خفيف ونفسي هم موراغبه ذاك الكد يادوب جم خاشوكه شوربه وامي تلوب
يابه عليش ماخليتنه نسويلك شي يسندو لكلبك هاي مابيه فايده الشوربه صار يومين موفايت شي لبطنك يسندك وانت تعيبان

حجيه هاي وموجارعه نفسي خلاص مسدوده

سوده عليه يايمه وينك وين الجلطه ان شالله لعدوينك ياربي

ميسون .... عمه ليش وينو ويون الجل

طه هوه عندو أشكال الأمراض

اسم الله القرعآن منيلو امراض بيمن طالبه وليدي وتفاولين عليه بلمراض

عجل الضغط كل يوم صاعد نازل هذا موامرض

يولي يمصكوعه نص الشعب العراقي بي ضغط من وره الهبطاب والمصايب ووليدي شاف شكال جدامو شون مايصير بي ضغط

داجاوب خزرته سكتت نصت تاكل اعرفه تجادل وتطر الجلمه ماتثمنه كملو وفات فيصل شايل سجل الحسابات كل شهر نكعد نتاحسب نجمع الاجارات ونطلع الوارد نتقاسمه ونطي شهريه خواتي البنوات رغم تعبان مارديتو شربنه جاي وخطاب يحسب بمكاني ساعتين وخصلنه كال فيصل

تعبتك وانت مريض بس تعرف آخر شهر واحنا مشغلين ناس هم تريد حكه ماترهم نعطلهم
ابو حسن هذا حك والشغل مولازم يوكف الناس منين تاكل وهيه منتجله عليه

عجل دامك زين وصحتك احسن انه عندي موضوع جنت ناوي افاتحك كبل هاي الضروف ومن صارت سالفتك نسيتو

كول خويه عيوني الك

سالمات يابه انه بالي مشروع ورايدله جم دفتر كلت تدايني وارجعهم الك عل ارباح من ينجح المشروع

ابشر يخوي بس كون المشروع مالي ايدك منو

عجل شلون انت تعرفني مافوت شغله مو دارسه انه مفكر ما نحصر شغلنه بس بلفوجه بالي احول نصو لبغداد هم زياده خير وهم الفلوجه مدينه مستهدفه ويادوب رجعت وكفت عل حيله اقلاه لو صار ماصار لاسامح الله نحول كلشي هناك وماننضر

والله خوش فكره وانه وياك بلي تريدو اطلب عل لسانك يجي ليمك

انطيني ليطلع جوه ايدك وان شالله الله يوفقنه

ابشر ابو حسن هساع اجيب الفلوس واجي

وين كايم خاف ماتكدر تصعد الدرج خليه لغير وكت
لايابه شبيه عدت ان شالله

صعدت هاي اول نوبه اصعد من يوم الوكعه كلو جوه انام فتت الغرفه والهوسه للضالين طلعت مديت راسي من الدرج صحت ميسون صعدت شافتني فتحت عينه

هاي شصعدك

عجل ابقى جوه شون ول يربج يمتى تترتبين عليش دومج مرعبله والغرفه ماتنفات من الهوسه

وشكو بيه ياهو الصاعد فوك شو كلنه جوه

وانتي روحج ماتطلع من تشوفين غرفتج مفجور بيه عبوه يولي شوراج وهيج هامله روحج وغرفتج

فارس شجاك شنو صاعد تتمشكل وياي

لااله الا الله انتي مايفيد وياج الحجي حدري طلعي مفتاح الملحق

وجه صفر وكفت تفرك بيده زكحت بيها .... شششبيج تيبستي المفتاح وينو

فارس هيانو ضميتو لاتصيح هساع اطلعو

جرت الكرسي صفطت عليه مخاد وانه صافن هاي شداسوي صعدت كلبت نضد الفراش للكاع ومن بينهم سحبت مخده فكت سحابه طلعت كل الفلوس واوراق شغلي وشكو شي جنت قافل عليه بلملحق ضامتو بلمخده رفعت حاجبي مخنز
هاي شمسويه

فارس لاتفهمني غلط خفت عليهم وضميتهم

خفتي عليهم؟ من شنو

فارس افهمك

خفففففففففتي عليهم لو كلتي ضربتو جلطه وراح يموت خل اضمهن كصدج خفتي عل نفسج خاف ميلوحج من فلوسي شي

حكي وحك بنتي

حصرته عل كنتور خنكته..... انعل ابوج لابو حكج منيلج حك بعدني مامتت مخططه وضامه فلوسي وفوكاه توكفين بوجهي تكولين حكي

اي حكي ماريد يصير بيه مثل ما صار من مات المرحوم عدنان كومه فلوس جانت عل كلبو يجيب ويضم يم امك تالي من مات كلشي مالاحني

ول انتي شكد صلفه وبرعه ماشيف بعرامتج عمري كلو عجل منو سوالج العمليات ورجعج تمشين عل حيلج غير امي الماخلتني اصرف فلس احمر كالت فلوس المرحوم يمي تصدقت وثوبت وهيه ام بنتو اثوب بهاي الفلوس طلعتي شيطان اخرس وكاتمه بكلبج ودكولين بوجهي خاف تموت وماحصل والله ليوم لنعل سلفه سلفاج
كضبته وفقدت ماوعيت عل روحي ولاجن احد كبالي خطاب يجر بيه وهيه تحامي بروحه وبكل صلافه بوجهي تدعي ياريتك ميت ياضالم طيرت عكلي وماعدت اشوف كبالي حتى دمارات راسي صارت تنفض جتفوني حسن وثامر تبارك تصرخ وتصيح بابا فدوه لاتتخربط

نجريت وكعدوني ام خطاب حاضنه راسي.... خويه فارس بروح محمد لاتسوي بروحك هيج فارس تسمعني خله تولي هاي المصكوعه من يوم يومه عالتو لكلبك
بيج قصص عراقيه حقيقيه من واقعنا.روعه الطائي
ميسون..... اني عاله كلبو لو انتي واختج نايمات عل كلبو ويصرف عليكم بدم بارد طبعا تعيلوني وتكفون وياه عجل الحيله شون تصير لاعبالج مصدكتج مثلو من مسويه روحج تحبي تره كلكم تحبون فلوسو والعلاليك ليفوت بيه عليكم

ام خطاب .... ميسون اكصري الشر وطلعي وكلامج مرددو عليج يولي هذا اخونه فلوس الدنيه كله ومصالحه ماتصير كبالنه عكب عينو

اي صدكتج ولي ولي هذا الكلام قشمري بي فارس موتحجي كبالي اني اعرف النغل منو ابو

زكحت كل حسي وحلكي نادار اكثر.. ميسسسسسون انتي ط
ونصم حلكي من ايد ام خطاب.. فارس بروح ابويه لا لاتنطق جلمه بلحضه غضب انت معصب وهيه معصبه لايركبكم الشيطان

ام خطاب لا تسوين نفسج تحبيني لوما دوم اسمعج تقنعين بي تزوج وتزوج هسه جايه تهدين بينه
ميسون اااطلعي ولج انتي شنو شوفي شون صامه حلكو وهوه مريض وج لاتصيرين كبالو لاتصير كارثه انزلي الشيطان يكمز كبالكم

يولو ياامه الله يا شيطان ولكم اني متزوج الشيطان نفسو وجايبو بيتي هدددديني ام خطاب هديني

خالو موزين عليك كوم انزل وياي

جروني وانه روحي شايطه يمكن اكطعه ومادري بروحي فيصل واكف

بلباب شفتو تذكرت لفلوس درت روحي داجيبهم

ثامر..... خالو انزل بروح العزار وين راد للغرفه

وخر خالي ماسوي شي

خطاب ... ثامر نزلو لاتسمعلو شوف عينو دم وحلكو يرجف خالي انزل ماعليك منها

وووخر بالله ماسوي شي

لازميني من كل صفحه وصلت المخده جريته ايدي ترجف اعصاب شالوه الولد مني وميسون ام خطاب حاطته وراه نزلت امي تقره بوجهي المعوذات وفيصل يحجي عليه شون عصبت وانه مريض فتت غرفه امي نكتت المخده ممخليه شي ماضامته حتى ذهبه وذهب تبارك مستمسكات وكومه اوراق مال ايجارات لزمت راسي أعصابي تلفت مادري هاي الحرمه شتفكر وين تريد تولي بيهم وهيه لااهل لااخوه كل عمري اعرفه وكحه وعينه ضيجه حتى على علاكه المسواك لتفوت الخواتي من ايدي بس ممفكر تبوكني باول وكعه
يمه وليدي ستهدي برحمانك
يمه عليش هيج تسوي بيمن مقصر انه
يمه النفس دنيه والمره عكله صغير كبر عكلك انت
يمه فشلتني جدام اخوي وترادد ام خطاب جدام ولده يووووولو عليشششش لازميني انتوو
يعرفوه يايمه قابل جديده هيه كلنه نعرفه ماتنجرع بس خايفه منك وكل هذا ونكول يتيمه ماعده احد مايخالف فلتت لسان اذا عل ام خطاب هنه نسوان بينهم واذا عل فيصل لاتهتم كل رجال ومره تصير بينهم مشاكل

بابا عفيه حلكك رجع مثل أول يوم لاتعصب
تلمست حلكي ندار ازيد وازيد امي تلملم وعزلت كلشي وحد الاوراق من الفلوس والذهب مددت حيل مابيه صحت خطاب حسب فلوس نطه لفيصل صرت مالي عين اباوع بعين اهلي سنين متحمل لسانه اهماله كباحته بس هاي الماحسبت حسابه طمعه ماجنت مفكر بي

طول اليل امي تقره عل راسي وجابت علاجي تبارك فرشت بصفي تفرك بيدي هاي الطفله كل ماباوع عليه بكلبي اكول حرامات هاي امه
لثاني يوم اصبح الكل تتهامس وتبارك حاصرته الدمعه اكلهم شكو مايحجون سجى وبثينه نضفو البيت ووصوت امي تصيح
يابه لبنا ديري بالج من التنور اخبزي عل كيف

ميسون ماكو صوته البنات يفترن وامي توجه عل فطو سون هيج طبخن هيج كلبي لعب جريت تبارك جوه جتفي برطمت
باباتي شبيج
ماتحجي
يابه عليش حاصرتج الدمعه
بجت دموعه نزلو عيوني نطو
تبارك منو وياج بالله انعل امو على ابو
جده حدري يمي ابوج مريض

يمه عوفي البنيه شوفي شون مخنوكه

مابيه شي شوف على شنو ضايجه اكله لو على لعبه تعاي جده

حجيه تبارك تربات ايدي عينه مليانه لو اخذو منه كلشي تملكو البنيه بيه شي

سكتوو زكحت... شصاير يربكم لاتجننوني انه روحي موطايقه

تجمعو بصفي امي لازمه ايدي
اكلك بس بصلا محمد عليك لاتطلع اعصابك وهل مره تروح بيه
حجيه احجي شصاير
ميسون لمت هدومه وطلعت من البيت

وكفت لحيلي
وين ولت هاي المكموعه
اكعد يمه وين تروح هسه تجي
مشيت خطوه لزمت الحايط حيلي ونفسي تعبو مو من مرض ولا من جلطه كلشي بيه تعب من ميسون ندرت عليهم صافنين
اسمعوني ميسون لو ردت ماتفوت البيت ولاتصيرلي مره بعد
يمه ارتاح والله ترجع لاتحجي هيج وين تروح ماله غيرك يتيمه وليدي لاتكسر بخته
يممممممه ميسون ماتصيرلي مره بعد المره الطلعت من بيتي حرمت عليه
صعدت للغرفه نفس الوصخ والهوسه نفس الخربطه رديت صحت خالو بثينه سجى حدرن يمي
صعدن بلعجل
امر خالي
خالي وليرحم ابهاتكم نضفن الغرفه غيرن الفراش
صار خالي تااامر
فتحت الشباك صافن وين راحت ماله احد وين ولت جايز راحت الخواله دام هيج عجل هين وين تروحين يومين وتردين والله لبجيج دم كعدت رجيت راسي مليان هموم من يوم يومي متعوب يمتى ارتاح ماعرف اباوع الغرفه صاج ذهبي مزغرف التراب نايم بي السيراميك مطكع والبنكه تفتر حافاته اسود سجى تمسح الكاع وكل شويه توكف تطلع جياسه الحلويات الفارغه كشور الحب جوه الجربايه والميوزه

لحضه تندمت من صحتهم شيكولون على خالهن واني لو طلعت الف نوبه اباوع عل روحي بلمراه هدومي اخمهم خم ولوسيرت عليهم ونطوني حاجه اكلبه كبل لاضوكه ام خطاب وام ثامر بيدهم يقدمولي خاف تكش روحي ويتولون الولد حدر غير هذا وجيب هذا خالك مايحبو عليش الناس تهابني وحرمتي عجزت احتويه واخليه تهابني

كملو كلشي صارت الغرفه تلج تشكرت منهم نزلو نبهت عليهم لايكعدوني طفيت الضوره ونمت حاضن مصايبي وطبات الدنيه عل راسي
أيام وايام مرت رجعت رويحتي ورد الدم بيه صحتي تحسنت وبالي صافي دزيت جماعه جابولي خبرر ميسون عد كرابته بلفوجه بس بغير حي حقدت عليه اضعاف عن كبل الجلطه خفت وحلكي بدأ يرجع كل سبوع اراجع عد الدكتور ويه عمر ويروح وياي خطاب لو حسن فيصل سوه المشروع وخيره جاي ان شالله

الفطور يوميه وحده من البنات تجي يوم ام خطاب يوم ام ثامر يفطرون سوه نتعلل ويتسحرون للصلاه يطشون كلمن لبيتو أكثر شي متعجب منو تبارك ماسئلت على امه وعايشه دور الجبيره بلبيت
جده كولي لسجى تروح انه اسوي سحور
عيب جده شتردين منه موزين شايلتنه
جده ادي بس انه جبيره اعرف اسوي جاي احط جبن وكطع طماطه وخيار اخلي فوكهم زيتون واطلع روبه بس صدك لاخل تبقى ماعرف اطك بيض وانتو تحبون بيض وبتيته بسحور
عجل صار ساعه تعددين وانه نافخ روحي اكول بنتي صار

ت مره طلعتي بوخه

بابا اعرف عليش بوخه بس تقبل اصل الطباخ واحترك

غير اشعل اهلو للطباخ واهجم المطبخ كلو

عجل تقبل تاكل بس جبن وزيتون وطماطه

كلشي من ايدج اكل يابعد معاليجي انتي

وهيج خلصنه رمضان كل يومي تبارك تصرع راسي وتعدد شسوت وشحطت وانه مسايره للشغل ماطلعت فيصل محلفني وامي تجيب وتتوسل بعدك تعبان نوبات اكعد بلحديقه ويه عمر والولد يسون نركليه اشرب ليحد مانسطر ونام

اخر أيام صارو عزاز واحنه نودع هذا الشهر الفضيل جن خطار وتعودنه عليه مجلبين بي يبقه تعز علينه روحتو سوو كليجه لتمو بغرفه امي

سجى .. تره ماصايره كاعدات تطبعن وتلفن وانه نكسر ضهري مندكه عل فرن والحر سلكني سلك

لبنا ... عجل احنا ضهرنه نكسر من الكعده انوب كل ساع اكشف النجانه اكول خلصت العجنه اشو الكاه منفوخه ازيد

بثينه.... وانه شلع كلبي التصفيط ماما شكد عاجنه لخاطر الله ادري راح توزعون عل فلوجه كلها
ام فيصل... صلو على نبي بنات والله للسحور ان شالله مخلصين

سجى صحت من المطبخ ... عززززه للسحور ابقى يم الطباخ يولو غير ماتلكوني يجوز اموع من الحر

خطاب .... بكل الاحوال حلوه وانتي مايعه تصيرين بعد احلى

وانت منو يمك جاي احجي ويه البنات

وشدعواج يابه شكنالج هينوب اخذيلج راشدي

تره اسويه ماعندي مانع

حتى افين حضج وانعل يومو

لاتجاوز وخر خل اشوف الصينيه هسه حتركت

نطيني ماعون اودي لصاحبي

لا والله انه اشوي واتعب وانت تودي لصاحبك

عجل شون يعني تشوين ماناكل

ناكل احنا مو صاحبك

يولي لاتطوليه وهيه كصيره نطيني ماعون داولي

اي اي اصبر
لاتزمخين لاهفج عل وجهج

لازم تايهتلك

ول اذا الي ماتيهين عجل المن تيهين

وخر خطاب شبيك هساع يفوت احد

عجل لاتطيرن عيونج بوجهي افكسهم والله

دوخر

تلفت بلع ريك ورجع شعره ليوره تقرب أكثر صار بصفي وانه اخلي بلماعون مد ايده بلنجانه صارت فوك ايدي بسرعه سحبته

شبيج جبانه شمسوي

عليش مديت ايدك انه موداطلع

رفع عينه مسلهم رتبكت همس ... جاي ادور ام الجوز

صديت روحي ترجف كلبت الماعون ضحك ... شبيج تيهتي دربج

خزرته نترت..... موصحيح شكو حتى اتيه دربي انت كلت اريد ام الجوز واحنا منيشنيه هسه اطلعلك

بتعد صرت اجيب واخلي بلماعون وصل للغرفه يمهم مدر رأسه شافهم ورجع سريع يمشي وكذلته تتحرك شعرو عالي وصل يمي شلت الماعون مديته كبالو تقرب حيل لزم اديه هيه والماعون
خطاب شبيك ايدي

يولي يمتى تفهمين علي

خطاب روح

فهميني شبيج وياي

نصيت ارجف ايدي عركت هيه وجوه ايدو تلفت شد ايدو حيل فوك ايدي رفعت عيني العبره خنكتني بلع ريك تليفونو يتصل صافن بوجهي وانه صافنه همس

يولي احبج حسي

بيه

يتبببع..