حبي اي تنسيق شفتي وعجبج عادي البسي..والتنسيقات اللي دانزلهن شوفي شنو عندج مثل الوانه هم طبقي🥰

بس حاولي لاتختارين الملابس الضيكه والحصر..لان تبرز سمن الجسم اكثر
فاخذي اشويه فد اصبعين اكبر من مقاسج
واي حاجه لون ماعرفتي بالتنسيق بي..فدزلي صورته واني انسقلج

وعل لفات الحجاب مدام وجهج بي خدود ومدور فكلشي يلوكلج😻✨

#ملوكه

منا تلكين لف الشال👆🏻🙃

#ملوكه

ومنا طرق لف الشيلة🌚👆🏻

#مشاركه وحده من البنوتات🥺👇🏻💔 ومن الضيم اللي عايشته وي عيالها

#ملوكه

هلو حبي اريد احجي فد شي بقلبي وخانكني واريد نصحيتج نصيحت كل بنيه

انا متزوجه صالي هاي ٣ سنه عندي طفله وهسه هم حامل عايشه وي عيالي وزوجي هم زوجي الحمدلله حباب ويحبني اكو بعض المشاكل اتصير بس عادي لان هيه حياه
اعيالي شوي عدي مشاكل وياهم بالبدايه جانت حماتي ممزوجه وتزوجت ولسه هيه وامها الي هي عمتي عليه واحسهم ميحبوني وكله بس يشمرون بالحجي وانا والله ما ماذيتهم
حماتي احسها تغار مني ومو هلكد وياي وبس ع مصلحتها وكل يوم وكالبه خلقتها بدون سبب طبعا وإذب حجي حت وهسه هيه مزوجه من تجي يمنه وعمتي هم ع اقل سالفه تكوم تحجي عليه لو ع تنظيف لو ع كعده الصبح لو لو لو كومه مره من المرات ضاع فلوس عدهم يمكن ورقه مدري ورقتين واجت عمتي تكول منو شالها ومنو حطها وانا متاكده واكيد احد ماخذها ومن تحجي تباوع علي وكانو انا الي مديت ايدي ع فلوسه والعياذ بالله ورا جم يوم لكتهن نفس المكان ومشيتها الهم كلت يلا بعد ميتهموني واجت سالفه اضيع من حماتي مثلا حاجه وهم منو اخذها واشو اختفت واحسهم ما ثاقين بيه ليش احسهم همه مبينين

وانا والله مرات توصل ربع ماعدي بجنطتي ماحجي وتكول الله كريم وتفرج واسكت ورجلي من احجيله يضوج يكول شسوي يعني وحقه واكع بين اهله وبيني..... هليلام خيه وصلت بيهم ضاعلهم(ستيان لحماتي ) بيت خالتعا واحنه حته رايحين هناك اشو هاي عمتي مره دا اغسل هدوم وشاقت ستيان من ملاتي وشكت انو انا ماخذته مالت حماتي يعني انا انصعقت من دريت لهيج مرحله وصل بيهم يعني لا فوكها يخدمون الحسين بريء منكم الامام ... صدفه شفتها كاتبه لبتها بمبايلها لكيت ستاينج هيه كلتلها وين هوه انا خالته بعلاكه ماعرف شنو .... كلتلها بعدين اكلج والله فد انقهرت هيج يشكون بيه والله انا ما ماخذه منهم وبعدين شون اخذ يعني ترا انا اخاف الله ومن عائله وهذوله رح يشوهون سمعتي رجااااء نصحوني ساعدوني لسه ما كايله لرجلي وماعرف شون رح اكوله اهلك يشكون بيه ومتيقنه هم رح تكللها انا اخذته هوه انا بحالكم اريدكم تكلولي اذا فتحو الموضوع شون والله انا ع حق واحس رح ابجي من القهر ليش هيج ماعدي ناس تثق بيه

رح اتوسل بالله يخلصني منهم واطلع بيت وحدي حلم والله
انا هذا الستيان من قبل محرم اشتريته وهيه فقدته صالها اسبوع وهسه جايين عليه يعني شعليه

ياربي خلصني من هلعهيشه

#رد

باعي حبيبتي اللي ديمر وياج هالشي كلش وارد..
لانو مدام الجنة وي العيال..فمتخلص من هالمشاكل🤦‍♀💔..انتي لأن فقيرة وعل نيتج فيذبون براسج لان يضوجون منج

فأنتي بهج حالة لاتسكتين وجاوبيهم بالحق..لان اذا تسكتين ياكلوج أكل
وبنفس الوكت اكسبي رجلج..حاولي تحجين وياه كلشي عن اللي ديصير بوكت اللي مرتاح سولفيله كلشي بهدوء

وذبيله حجي..انو بس تجمعون فلوس كبل خل يشتري بيت وتستقرون وحدكم
هم ترتاحون وتخلصون من هالمشاكل

وبنفس الوكت انتي هم اشتغلي ..شنو تعرفين من خياطه او كيك وحلويات الخ. سوي بيج عل انستا وفيس وبيعي بالتوصيل
وخل رجلج يدعمج ويوكف وياج..واذا رفض كوليله اني داشتغل علمودك..داساعدك حته نجمع ونطلع ببيت وحد
واصبري وادعي وان شاء الله يجي يوم وتحلصين عل مرادج وترتاحين منهم🌺


واللي عدها نصيحة لهالبنوتة فانصحوها🥺💜

#ملوكه

حبي هسه اوجهه🌸

#ملوكه

منا البارت 20☺️👆🏻..ونزلي ليجوة كلهن تلكيهن
هالقصة ناشرتها كلها وبارتاتها يمكن ب30

#ملوكه

اللي سألت عل الفيس

وتسلمين عيوني☺️💓

#ملوكه

حبي اذا اكثر من مرة مستعملته😕 وديحرك بشرتج..معناه دتحسسين منه فلاتستعملي بعد

#ملوكه

عمري التونر للبشرة الدهنية اشكال🥰✨.. اكو نتروجينا ..لاروش ؛ وclarins ; lavo ;michael todd ; clinique..الخ

والباودر..اي واحد عادي ..زينات اللي مجربتهم دالي ونوت وكاترس وجوردن

والفاندوشين والغسول هسه اوجهن☺️

#ملوكه

وهذيني غسولات للبشرة دهنيه..كلهن زينات خاصة ماركه نتروجينا خفيف عل البشرة وحلو🥰.. اكو منه مرطب واكو غسول..
وهمين غسول شجرة الشاي هم كلش زين

#ملوكه