#bombshell
قصة حقيقية .
الفيلم مشوق بحيث شفته مرة وحده بدون مااقطعه؛ جدآ ممتع ويحتوي على حقائق تفتح عيونك ...

@stylegrils

#Taeksi_woonjunsa

قصة حقيقية
يحچي الفيلم عن سائق تكسي حالته المادية على المحك لذلك يتورط مع زبون ألماني لايصاله لمنطقة خطيرة تحصل فيها حالات شغب وهذا كله دون علم السائق بأحوال المنطقة؛فشنو يصير؟وهل يتمكن من إيصاله؟
الفيلم اكثر من رائع وراح نتذكر الثورات الي صارت عدنا بسبب تشابه الأحداث.

@stylegrils

حٌبِ تّأّلَيِّ أّلَعٌمَر

#القصه_حقيقية_ومشوقه

#البارت_الأول والثاني


مرحبا اني اسمي شهلاء عمري 22سنه مواصفاتي عيوني كبار لون عيوني خضر بشرتي بيضه قصيره ماكملت دراستي للمتوسطه وبطلت احجيلكم قصتي من البدايه.
انا بنت لأب وأم ضريرين وحيدتهما عشت حياتي من الصغر وانا ارعاهم عمري ماضجت ولا شكيت عايشين يوم بيومه ماعدنه أقارب يسالون علينه من اجيت للدنيا لليوم محد اجانه أو سأل عنه أبويه ماعنده راتب وإني متكلفه بعيشتهم جان قبل أبويه يشتغل نداف كان بارع بشغلته رغم ضعف بصره بس بعد مرور السنين أبويه فقد بصره كليآ من صار عمري 16 بديت اشتغل علمني أبويه على الندافه برعت بيهه بس فلوسهه قليله اني اعرف اسوي طرشي فكمت اسوي طرشي وبيع بالسوك الي قريب على بيتنه جنت أخاف من مضايقات الناس إليه جنت البس عدسات جوزيه وتنقب وطلع بس عيوني جنت حتى صوتي اغيره حتى ابين اني عجوز مو شابه وكل يوم اكعد الصبح اريك أبويه وأمي ونضف واخذ الطرشي الي سويته وروح للسوك ماعدي مكان ابسط بي وين الكه مكان فارغ اروح افرش وكعد ابيع ابيع القاسمه الله واليبقه ارجعه وياي للبيت ارجع للبيت ابلش اسوي غده وخسل ملابس وماعين انضف البيت وسوي جاي واكعد اني وهلي احجيلهم شنو صار وياي وشكد بعت ونضل انسولف استخطيهم رغم تعبانه بس اضل اسولف وياهم اكول خطيه كلشي ميشوفون عاد احجيلكم على الي يصير ونضحك وبعدين انام بحضن امي هيه تضل تمسح على شعري لحد ماانام أبويه عنده راديو زغير يسمع بيه أخبار امي ادكله طفي خليهه نايمه البنيه خطيه تعبت من وكت ماشافت شي بحياتهه حتى محد يدري بينه عدنه بنيه حتى من تطلع اتبيع الجيران عبالهم اني محد شافهه بهل دنيا بس منطقتنه القديمه يعرفوهه بس من يوم الي اجينه هنا محد شافهه كلي اشلون راح تجيهه قسمه اذا تبقى منقبه ومبتعده عن الناس.
أبو شهلاء . خليهه على الله يدبر امورهه الله عوضني بهاي البنيه تشيل كبرتنه ليش انتي تردين تزوجيهه.
أم شهلاء. زين انت مافكرت من اني وياك الله يأخذ امانته وين تروح هل بنيه اني وياك ايامنه معدودة بهاي الدنيا بس هاي البنيه منو الهه بعدنه صحيح احنه منافعيهه بشي وهيه الشايله همنه وهم علاجنه بس هم اسمنه امهه وبوهه وحسنه بالدنيه وياهه ونس.
أبو شهلاء. والله كلامج صحيح بس لا بيدي ولا بيدج هيه محذرتنه منحجي الأحد ومااريد اضوجهه تدريهه حساسة بهيج مواضيع بس نضغط عليهه تزعل وتبجي. شهلاء. جنت بين نايمه وبين صاحيه اسمع كلام أبويه وأمي خطيه شايلين همي ليش هوه منو يباوع الوحده فقيره مثلي اني حياتي اعيشهه بس الأمي وبويه مااريد أفكر بالزواج . كعدت من نومي ماطولت ربع ساعة من غفيت كمت نكعت الخيار والفلفل وكمت اسوي طرشي كملته ورحت حضرت العشه تعشينه ونمنه.
كعدت الصبح كل عاده ريكتهم ونضفت وطلعت للسوك ابيع كعدت كامت كم مره تجي تشتري مني منا للضهر بعت نص الطرشي العندي لميت بسطيتي ورحت بطريقي اسوكت مسواك للبيت وجنت جاي امشي أفكر بالبيت ومصاريفه واهلي وعلاجهم هاي الفلوس الي احصلهه متكفي بس شطالع بيدي وإني امشي اجه أبو دراجة دعمني وإني وغراضي وكعت بالشارع اني نضربت براسي بالرصيف أغمى عليه .
أبو الدراجة. اعرفكم بنفسي اسمي حسن عمري 25 سنة طويل معضل عيوني كبار جوزيات حنطاوي. جنت بطريقي راجع للبيت وماسيطرت على الدراجة دعمت عجوز وإني نكلبت بيه الدراجة العجوز متتحرك يارب دخيلك بس لاماتت الناس لتمت علينه اخذونه للمستشفى اني مابيه شي بس كسر برجلي بس العجوز غايبه عن الوعي من وصلنه للمستشفى دخلوهه للطوارئ اني خابرت اخوي اجاني وره اشويه اجه الدكتور .
الدكتور. اجتنه حاله إسعاف بيهه شاب وعجوز بس من اجيت للعجوز نزعت الممرضه النقاب نصدمت هاي موعجوز هاي بنيه شابه عالجت اجروحهه بس بعدهه ماصاحيه عفتهه تحت المراقبة ورحت للشاب الدكتور الي وياي جابسله رجله .
الدكتور . شتحس بس رجلك لوشي ثاني يوجعك.
حسن. دكتور اني زين بس العجوز شلونهه .
الدكتور. أولاً الي اجت وياك موعجوز هاي بنيه شابه عالجت اجروحهه عدهه رضوض بجسمهه بس الضربه براسهه ضمدناهه الهه بس بعدهه ماصاحيه خلال ساعتين اذا ماصحت راح تكون بخطر.
حسن. بنيه شابه لا اني شفتهه عجوز.
الدكتور. تكدر تشوفهه بنفسك بنيه شابه بالعشرين عمرهه.
حسن. كلت الاخويه ياخذني الهه جابلي الكرسي المتحرك كعدت بي وخذني الهه دخلت للغرفة شفتهه بنيه والجمال سبحان الله تجنن ضليت صافن بوجهه جمال وبراة وجهه وكفت عقلي ضليت يهمه ساعه بالغرفة متانيهه تصحه مااعرف الهه عنوان حتى أخبر اهلهه .
أهل شهلاء.
أم شهلاء. يمه بنيتي شصار بيهه اليوم تأخرت مومن عوايدهه تتأخر .
أبو شهلاء. الله يستر

البارت الثاني .
شهلاء. فتحت عيوني شفت نفسي نايمه على سديه هاي مستشفى اجابني هنا درت وجهي شفت اثنين ولد كاعدين .
حسن. بعد ساعه صحت البنيه فتحت اعيونهه تجنن فوك هل جمال تطلع اعيونهه خضر .
حسن. الحمد ل

له على سلامتج شلونج هسه.
شهلاء. منو انت ومنو جابني هنا .
حسن . تعرضتي لحادث بدراجتي وإني وياج جابونه للمستشفى هسه اصيح الدكتور يجي يشوفج.
شهلاء . انتبهت النفسي مكشوف وجهي وعيوني مابيهه العدسات . عزه هذا الولد شاف وجهي كمت ادور على النقاب بس كمت دخت وكعت اجه الدكتور سندني وكومني نومني على السديه.
الدكتور. ميصير تتحركين شتحسين هسه .
شهلاء. النقاب وينه .
الدكتور. هسه الممرضة تجيج اجيبه الج تحسين شي يأذيج.
شهلاء. بس راسي يأذيني .
الدكتور. شي طبيعي أثر الضربه هسه تصيرين زينه اليوم لازم تبقين تحت المراقبة وباجر نطلعج عدج رقم تليفون تخابرين اهلج. شهلاء. لا ماعندي اني لازم اطلع أهلي هسه يضل بالهم حسن. انطيني العنوان اني آدز اخويه يطمنهم.
شهلاء. لا لا اني اطلع احسن مابيه شي.
الدكتور. ميصير تطلعين حالتج بعدهه مامستقره.
حسن. مطلعين اله الدكتور يسمحلج .
شهلاء. ضليت ساكته شلون هسه أهلي حالهم اكيد ضل بالهم عليه .
طلع الدكتور بقى يمي حسن وأخوه جابولي عصير شربته أحس جسمي مكسر .
حسن. اني راح اروح الغرفتي ارتاح اشويه اذا تحتاجين شي دزي عليه الممرضه .
راح حسن واخوه اجت يمي الممرضة سالتهه على عباتي ونقابي جابتهن إليه وره شويه طلعت بسكوت من المستشفى بس امشي ودايخه لازم ارجع للبيت صعدت سياره ورحت للبيت .
حسن. هاي البنيه بيهه شي عجيب شي شدني الهه من اباوع الوجهه ادوخ وره نص ساعه رحت اشوفهه ولمن دخلت ماكو وين راحت سألت الممرضه كالت ماشفتهه طلعت بس هيه أخذت نقابهه وعباتهه مني وهاي عدساتهه بقت جاي اوديهه الهه .
حسن . شلون تروح وهيه حالتهه هيج بلكي داخت بالطريق طلعت من المستشفى اني واخويه افترينه بالسيارة اندور عليهه ماكو رحنه للبيت دخلت تلكتني مرت اخويه.
ابتهال. الحمد لله على سلامتك كون متاذي .
حسن . لا الحمد لله بس كسر برجلي اسبوعين ويطيب.
دخلت غرفتي وإني أفكر ليش طلعت بدون متكول اني بأجر اروح وي احسين اخوي لسوك الي تبيع بي بلكي الكاهه.
شهلاء. وصلت لمنطقننه كوه امشي الدنيا ادور بيه لحد ماوصلت الباب بيتنه فتحت الباب وفتت .
أم شهلاء. أبو شهلاء انفتح الباب يمكن اجت .
كمنه اني وبو شهلاء ها يمه اجيتي.
شهلاء. أي يمه اجيت .
أبو شهلاء. وين جنتي بويه ضل بالنه عليج هواي تاخرتي صار اليل.
شهلاء. لايضل بالكم هسه اسولفلكم بس خلي نكعد .
كعدنه وسولفت لهلي كلشي .
أم شهلاء. عزه العزاج فخريه جان راحت مني البنية .
أبو شهلاء. سلامتج بويه بس لا متأذيه وماتحجين.
شهلاء. لابويه لوبيه شي جان مطلعوني من المستشفى بس شويه دوخه أثر الضربه.
أم شهلاء. تعالي بنيتي اشو خل اجيسج يمه ملفوف راسج.
شهلاء. أي يمه جرح ازغير.
أبو شهلاء . شنو بويه خيطوه . لابويه بس عقموه مابي شي جرح بسيط.
أم شهلاء. تعاي نامي يمه تعاي ارتاحي ..
شهلاء. نمت على رجل امي طبعاً احنه بيتنه عباره عن غرفه وحده هيه للنوم وهيه للكعده نمت كعدت وره ساعتين كمت سويتلهم عشه عشيتهم وكعدت أفكر الطرشي الي وكع بالشارع شغل البارحه لازم اسوي غيره يعني اضل بلا فلوس أسبوع شلون ادبر اموري بلا مصرف ابوي علاجه شلون ضليت حايره صفنه اجيبني وصفنه تاخذني كملت العشه وعشيتهم ونامو وإني كمت اسوي الطرشي أحس جسمي مكسر وراسي يوجعني بس مااكدر انام لازم أكمل الطرشي هذا باب رزقنه كلمته ورحت نمت على فراشي ماكدرت انام من الوجع ضليت للصبح كاعده ماكدرت انام جسمي كله يون عليه كمت نضفت وحضرت الريوك كليت طماطه وجاي وكعدنه نتريك .
أبو شهلاء. بويه اليوم لاترحين للسوك ارتاحي.
شهلاء. أي يابه مااروح .
أم شهلاء. ليش يمه شي يوجعج.
شهلاء. لايمه بس الطرشي الي سويته كله اطشر بالشارع وقت الحادث البارحه سويت غيره لحد ميصير اروح للسوك ابيعه .
أم شهلاء. سوده بوجهي يمه تعبج راح .
شهلاء. على الله العوض يمه.


يتبع....

أّلَبِأّرتّ أّلَثّأّلَثّ وِأّلَرأّبِعٌ

حسن . كعدت الصبح وبده تفكيري بيهه مااعرفت اسمهه سميتهه ملاكي لأن هيه فعلاً ملاك اجه حسين اخويه.
حسين. ها حسن شلونك اليوم.
حسن. كسر رجلي ماهامني بكثر ماشايل هم البنيه.
حسين. ليش شبيهه الدكتور مو كال صارت زينه .
حسن. أي بس اني ضيعت كل تعبهه صطلين طرشي تأثرت بالكاع اذيتهه وجرح راسهه الله يعلم أخذت مسكن لولا.
حسين. انت ليش شاغل نفسك بيهه هاذا حادث قضاء وقدر قابل متقصد.
حسن . ربك خلاني بطريقهه يجوز حتى اساعدهه انت شفتهه متنكره ومسويه روحهه عجوز وهيه شفتهه ملاك جمالهه يجنن .
حسين. شكلك حبيتهه من أول نضره.
حسن. بربك متنحب.
حسين. والله تنحب.
حسن. حسين فدوى روح شوفهه تلكاهه بالسوك ....
دور عليهه تلكاهه منقبه تبيع طرشي هذا كل الي أعرفه عنهه .
حسين. صار تدلل هسه اروح ادور على ملاكك. رحت فريت السوك كله مشفت منقبه تبيع طرشي حتى سألت البياعين عليهه كالو ماتكعد بمكان واحد يوميه تكعد بمكان شكل ومحد شافهه بعد رجعت لحسن وكلتله.
حسن. أخاف صاير بيهه شي ومجاي تطلع الشغلهه.
حسين. إن شاء الله مابيهه شي.
حسن. مر أسبوع وكل يوم يروح حسين يدور عليهه وميلكاهه هنا اني تأكدت بيهه شي ولازم ادور عليهه بنفسي. .
شهلاء. مر أسبوع وإني بالبيت صحتي موزينه دائماً أحس بدوخه لازم اطلع للشغل بس عدساتي بقن بالمستشفى شلون اطلع هسه. راح اتنقب حتى عيوني اغطيهن حضرت الطرشي وطلعت للسوك رحت كعدت وبديت ابيع طلعت كم فلس الحمد لله على كلشي جاي الم ابسطيتي وجان واحد وكف يمي .
حسن . أخذت عكازتي ورحت اني وحسين للسوك فتريت السوك كله آخر شي شفتهه بس ضليت متردد آخر شي تقدمت يهمه .
حسن. شلونج.
شهلاء. الحمد لله.
حسن. شلون صرتي .
شهلاء. زينه الحمد لله.
حسن. ليش مختفيه صارلج أسبوع ادور عليج ملكيتج بس لابعدج موجوعه. .
شهلاء. لا صرت زينه بس مجان عندي طرشي اطلع ابيعه هسه كمل الطرشي وجيت ابيعه.
حسن. كله بسببي طرشيج اطشر بالشارع .
شهلاء. هذا قضاء وقدر .
حسن. أكدر اعوضج الي خسرتي بسببي.
شهلاء. العوض على رب العالمين.
حسن. زين خليني اساعدج بأي شي .
شهلاء. إذا تريد تساعدني بشي واحد بس.
حسن. كولي بشنو اساعدج.
شهلاء. هنا محد يعرف بيه اني منو وشكلي شنو يعرفوني عجوز مااريد أحد يعرف سري هذا.
حسن. بامرج محد راح يعرف بس اطلب منج طلب.
شهلاء. ممكن تحجيلي قصتج وإني اوصلج للبيت.
شهلاء. بس .
حسن. ماكو بس بس هل طلب.
شهلاء. ماشي .
رحنه توجهنه للسياره أخذ مني صطل الطرشي وخلاه بصندوق السياره صعد أخوه يسوق وهوه كعد يمه بالصدر وإني كعدت وره.
حسن . يالله احجيلي قصتج أريد اعرف كلشي عنج.
شهلاء .ستغربت الطلبه يعرف قصتي بس كأني مصدكت أحد يسألني عشت عمري كله ماحاجيه شي عن حياتي سولفتله كلشي عن حياتي عن أبويه وأمي .
حسن . بدت تحجي وإني اسمع حجيهه دمعت عيوني معقوله بنيه شابه شايله كل هل هم والمسؤليه صدمتني قصتهه شلون تتنكر بشخصية عجوز حتى تحمي روحهه من عيون الناس إلي مترحم. من هل لحظه قررت اساعدهه.
حسن. انتي شسمج.
شهلاء. اسمي شهلاء.
حسن. شهلاء اني عندي الج عرض شغل انتي مو مخلصه متوسطه.
شهلاء. أي .
حسن. احنه محتاجين بشركتنه مساعده يعني ترتب المواعيد شنو رأيج تشتغلين بالشركة وراتب زين تكدرين تعالجين الوالد والوالده.
شهلاء. بس اني مااعرف بهذا الشغل.
حسن . تتعلمين كلش سهل شكلتي.
شهلاء. مااكدر اجاوبك لازم استشير أبويه .
حسن. براحتج بأي وقت اتصلي بيه هذا رقمي فكري ورديلي خبر.
شهلاء أخذت رقمه اني حبيت الفكره اذا راتب زين راح اكدر اعالج أبويه ورتاح من طلعت السوك.
شهلاء. هنا نزلني .
حسن. وين بيتكم .
شهلاء. هذا الباب الأسود.
نزلت من السياره نزل أخ حسن وفتح الصندوك ونطاني صطل الطرشي سلمت عليهم ورحت فتحت الباب ودخلت للبيت.البارت الرابع .
حسين. حسن شنو راح تشغلهه بشركتنه.
حسن. أي قررت اساعدهه هيه نفسهه عزيزه متقبل اساعدهه بفلوس كلت ليش مااعرض عليهه شغل وبهاي الطريقه أكون ساعدتهه بدون متحس.
حسين. زين ولمياء .
حسن. انقلها الغير مكان بالشركة وخلي شهلاء بمكانهه وتحسبلهه راتب سكرتيره .
حسن. حسين ليش عندك إعتراض على قراري.
حسين لاماعندي إعتراض بس الراتب هواي لأن لا شهاده ولا خبره عدهه.
حسن. لواعرف اخليهه بس كاعده ونطيهه ضعف هذا الراتب اسويهه بس مااريدهه تحس أشفق عليهه اريدهه تتعب حتى تحس الفلوس الي تاخذهه تعبهه وحقهه. .
حسين. الي يريحك سوي .
شهلاء. دخلت للبيت سلمت على امي وبويه دخلت سبحت وبدلت سويت غده تغدينه شلت الماعين غسلتهن وسويت جاي وجيت كعدت يمهم فتحت الموضوع وياهم. شهلاء. يابه اليوم الولد الي سويت ويا الحادث اجاني للسوك.
أبو شهلاء. أي بويه شجان رايد منج اجاج.
شهلاء. يابه ضال باله عليه لأن هوه سبب الحادث اجه يطمن عليه وبنفس الوقت عرض عليه شغل بشركته.
أبو شهلاء. وشنو هذا

الشغل .
شهلاء مساعده ارتب المواعيد وهيج شغلات .
أبو شهلاء. والله بنتي انتي اعرف بمصلحتج الي تشوفي بي خير الج سوي. .
إم شهلاء. يمه شتعرفين عنه وتشتغلين ويا.
أبو شهلاء. شلج بهل حجي انتي ربج حفضهه وهيه بنص السوك ميحفضهه وهيه بين ناس دارسه ومتعلمه .
شهلاء. أفهم منكم موافقين على شغلي.
أبو شهلاء. بنتي هذا شغل زين وبي ضمان الج ربي يوفقج بنتي.
طبعاً أهلي فرحو بهاي الشغله بس شلون اذا داومت ملابس ماعندي قابل اروح بنقاب ميصير وشلون اتصل بي وإني اصلا ماعدي تليفون ضليت يومين اشتغل ولم فلوس ملابس حتى لو واحد اروح بي وخلال هل يومين مااجه ولا شفته.
حسن. مر يومين وماخابرت يجوز متريد تشتعل بس شلون تضيع هيج فرصه تنقذهه من الوضع الي هيه بي طلعت افتر بالسيارة رجلي شويه صارت زينه وإني افتر لمحت وحده يم محلات الملابس منقبه ضليت اتقرب منهه صعب عليه اميزهه وهيه مغطيه وجهه بس وكفت ونزلت من السياره وتقربت منهه وكتلهه. شهلاء.
شهلاء. بعت الطرشي كله وصار عندي فلوس كلت افتر اشوف الأسعار مال الملابس بس كل مايعجبني شي يطلع غالي ضليت افتر وكفت يم محل اتفرج سمعت شخص يصيح باسمي لتفتت شفت حسن هذا حسن الله جابه جنت حايره منين أجيب تليفون حتى اخابره
شهلاء. هلو حسن.
حسن. انتي شهلاء .
شهلاء. رفعت البوشيه طلعت بس عيوني .
حسن . شلونج شهلاء ليش مخابرتي ماعجبج الشغل.
شهلاء. بالعكس عجبني وهلي وافقو.
حسن. لعد ليش مخابرتيني .
شهلاء. والله تليفون ماعندي.
حسن. سهله زين شسوين هنا.
شهلاء. اجيت اتفرج على الملابس اكيد بالشغل مراح البس عبايه ونقاب.
حسن. صح لازم ملابس سافره .ها شعجبج منهم.
شهلاء. احجي بكلبي هوه شنو الماعجبني بس فلوسي متكفي.
شهلاء. اجيت بس اتفرج بعدين اجي اشتري.
حسن . وشوكت تداومين .
شهلاء. مااعرف انت شوكت تريدني اداوم .
حسن . بأجر اول يوم اداومين بي.
شهلاء. بس اني بعدني مجاهزه.
حسن . تعالي اخذتهه ودخلت للمحل شفت بنيه صاحبت المحل كتلهه أريد ملابس مال موضفه دخلتهه كوه مقبلت كلت لأم المحل أريد احسن ملابس وكلشي يخص البنات من ملابس وعطور إكسسوارات اخذتلهه ملابس وطلعنه .
شهلاء. فوتني المحل وشترالي كومه ملابس وعطور إكسسوارات وطلعنه كلتله.
شهلاء. حسن هاي هواي وغاليات.
حسن . لاتهتمين اخصمهن من راتبج .
شهلاء. خلي اداوم بالأول يجوز ميعجبك شغلي.
حسن. يعجبني لاتشيلين هم. اخذتهه دخلتهه لصالون تجميل حجيت وي صاحبه الصالون كتلهه شوفي شغلج وياهه اخذتهه ودخلن وضليت منتضر بالسيارة وره فتره من الوقت طلعت بس اني نبهرت بجمالهه ضليت بس صافن عليهه.
شهلاء. اخذتني أم الصالون سوتلي بدكير ومنكير ونضفت بشرتي تعجبت بشكلي كامت تحجي عليه لأن هامله نفسي طلعت من ملابسي الي شتريتهن ولبستهن وطلعت حسن ضل متعجب بشكلي محجه ولا كلمه.
شهلاء. حسن لازم اروح للبيت تأخرت.
حسن . هاا أي أي صعدي اوصلج .صعدت وطول الطريق عيني عليهه طلعت من صفنتي وكتلهه.
حسن. شهلاء باجر أمر عليج الساعه سبعه ونص حتى تبلشين اول يوم الج بالشركة

يتبع...

من ٥ الى ٨

البارت الخامس. ..
شهلاء . وصلني حسن للبيت وراح دخلت للبيت سلمت على أهلي تمنيت يكدرون يشوفوني بهذا منضري جان فرحو . سلمت عليهم وكعدت سولفتلهم كلشي وكتلهم باجر ابلش شغل بالشركه.
أم شهلاء. الله يوفقج بشغلج بنيتي.
أبو شهلاء. موفقه بنتي .
شهلاء. جنت حيل فرحانه حضرت العشه لهلي تعشو ونامو اني ضليت اصفط بالغراض والملابس الي جابهم حسن الي وراهه نمت. ..
حسن. وره ماوصلتهه لبيتهه ضليت افتر بالسياره أريد اعرف سبب تلهفي الهه معقولة حبيتهه شكد ارتاح من اشوفهه رحت للبيت تعشيت ونمت .
شهلاء. كعدت الصبح حضرت الريوك وريكت اهلي وتريكت سبحت وبدلت جهزت نفسي صارت الساعه سبعه ونص دك الباب فتحته.
حسن كعدت الصبح بدلت وطلعت توجهت البيت شهلاء حتى اخذهه للشركه. دكيت الباب فتحته يارب جمالهه راح يجنني . صباح الخير شهلاء. ..
شهلاء. صباح النور ...
حسن. . جاهزه ..
شهلاء. أي جاهزة بس لحظه أجيب الجنطه وجي. رحت سلمت على أهلي كامو يدعولي بوستهم وطلعت.
حسن. طلعت ركبت بالسيارة ورحنه للشركه وصلنه للشركه دخلنه وكمت ادليهه وعرفهه على المكان ..
حسن. شهلاء هذا مكتبج وهذا بصفه مكتبي ..
وهسه تجي ساره تعلمج على طريقه الشغل.
ساره. صباح الخير أستاذ.
حسن. صباح النور ساره هاي الموضفه الجديدة راح تعلميهه كلشي اسمهه شهلاء.
ساره. تأمر أستاذ .
ساره. اعرفكم بنفسي اسمي ساره موضفه بشركة حسن بس اني أحب حسن حاولت ويا كلشي بس ما تجاوب ويايه اليوم خابرني كال وحده من كرايبه راح تجي تداوم ويريدني اعلمهه الشغل كلت هاي فرصتي خلي اعلمهه وهم اتقرب منه لأن مكتبي بعيد عن مكتبه. شهلاء. دخلني شركه كلش جبيره وشوفني مكتب كال هذا الج فرحت كلش اجت بنيه تعلمني طريقه الشغل بقت تعلم بيه لحد آخر الدوام .
حسن. طول اليوم اشوف شهلاء مركزه بشغلهه وراقب بيهه من الشباك فعلاً تستحق هذا الشغل .خلص الدوام اليوم بسرعه رحت الهه. .
حسن. شهلاء يالله اوصلج للبيت.
شهلاء. تمام أستاذ
طلعنه من الشركه ركبنه السياره . حسن. شنو رأيج بالشغل سهل لو صعب.
شهلاء. لا والله سهل تعلمته بسرعه.
حسن . بمناسبة اول يوم الج بالدوام جبتلج هديه .
شهلاء. شنو هذا تليفون لا شكراً انت هواي صرفت عليه.
حسن. أولاً مصارف عليج ثانياً هذا كله ينخصم من راتبج بس الموبايل هديه . ثالثاً . هاي سلفه مبلغ بسيط تمشين روحج بي منا الرأس الشهر وينخصم من راتبج كل شهر قسم منه .
شهلاء. بس هاي افلوس هواي .
حسن. هاي فلوسج ويرجعن كل شهر قسم بس حتى تديرين البيت منا الرأس الشهر .
شهلاء. فرحت عمري مصار عدي هيج مبلغ وصلني للبيت وراح دخلت للبيت فرحانه بشغلي بوست أهلي وكعدت اسولفلهم على الشركه وشغلي أهلي فرحولي هواي تغدينه وطلعت رحت اسوكت مسواك للبيت عمري ممسوكه هيج مسواك شتريت لابويه ملابس والامي ورجعت للبيت فرحو خطيه بالجبته الهم لأول مره نكعد نسولف بدون هموم كلنه فرحانين طلعتلهم فاكهة اكلو ضلينه نسولف لحد منمنه.
حسن. هاي البنيه أخذت فكري وعقلي من يوم الشفتهه حسين. شلونك حسن اشو صافن.
حسن. والله اخوك عاشك. حسين. هلا هلا من شوكت.
حسن. من يوم الي شفتهه.
حسين. لاتكول شهلاء.
حسن. هيه .
حسين صدك تحجي انت وين وهيه وين.
حسن. ليش هيج تفكيرك بيهه هيه صح فقيره بس غنيه بخلاقهه وعزة نفسهه شوف البنات الحولنه كلهن غنيات بس يحبني لطمع لاغير.
حسين. وهيه تحبك.
حسن. مااعرف أتمنى تحبني نص محبتي الهه.
حسين .ليش متعترفلهه.
حسن . مو هسه اذا عترفتلهه بهذا الوقت راح تفهم مساعتي الهه غلط راح تحس طامع بيهه ومااريد اخليهه تفكر بيه هيج والحب مينكال يتحس ويجي يوم وتحس بيه.
حسين . الله ينولك الي تريده.
حسن . شكرآ حبيبي تعرف انت موبس اخوي انت صديقي وامي وبويه الله عوضني بيك بعد وفات ابونه وامنه الله يخليك إليه.
حسين. ويخليك إليه حبيبي.
حسن. ضلينه نسولف ع الشغل وراهه راح حسين وضليت أفكر بحبي الشهلاء. لحد منمت.
كعدت الصبح رحتلهه متلهف ركبت السياره ورحت الههالبارت السادس.
شهلاء. كعدت الصبح ريكت أهلي ونضفت وبدلت اباوع لنفسي بالمرايه شكد جنت ناسيه نفسي هاي الملابس وهذا الشغل رجعولي نفسي كمت أحب نفسي وشكلي بعد ماجنت أكره شكلي لأن ممكن يعرضني للمضايقات بس هسه كمت اهتم بشكلي جنت اتنقب ومجان يهمني منضري بس هسه من اشوف البنات بالشركة مهتمين بشكلهم واناقتهم اتحسر على نفسي ليش هملت روحي بس لا منا وهيج اهتم وحب نفسي يمكن اذا سعدت نفسي اكدر أسعد أهلي سمعت اندك الباب اكيد حسن وصل رحت بوست أهليف وطلعت فتحت الباب.
شهلاء. صباح الخير أستاذ
حسن. صباح النور .
صعدنه للسياره وباوع الجمالهه يوم عن يوم أحلى.
حسن. شلونج اليوم .
شهلاء. الحمد لله أستاذ.
حسن. منين طلعت هاي أستاذ احنه أصدقاء مو.
شهلاء. بس انت مديري لازم اكلك أستاذ.
حسن. أستاذ هناك بالشركة بس من وحدنه سميني حسن .
شهلاء. مثل متحب أستاذ.
حسن. هاا شكل

نه. شهلاء. يوو نسيت ماشي حسن.
حسن. أي هسه تمام.
وصلنه للشركة وراح كلمن المكتبة .
شهلاء. بديت التأقلم وي الوضع تعلمت الشغل مرت الأيام وإني تعودت على الشركه وحبيت الشغل بيهه اجه وقت الراتب والأول مره استلم راتب جان مبلغ عمري محصلت هل كد بأي شغله اشتغلتهه فرحت بي وضميته بالجنطه خلص الدوام وكل عاده وصلني حسن للبيت .
شهلاء. حسن أريد اكلك شي.
حسن . كولي.
شهلاء. الموظفين مو عدهم خط يوديهم ويجيبهم للشغل حسن. أي.
شهلاء . اني كلت ليش مااروح ورجع وياهم بالخط.
حسن. ليش شهلاء اني زعجتج بشي.
شهلاء. لا ابد بس انت دا تعب نفسك ويايه .
حسن. بالعكس مااتعب وحب أكون وياج .
شهلاء. بس .
حسن . بس شنو احجي شهلاء.
شهلاء . بصراحه الموضفين يسمعوني حجي لأن اصعد وياك بالسيارة.
حسن. منووو هذا الي يجيب طاريج بحرف والله ادفنه بمكانه.
شهلاء. حجو الي شافو مغلطو اني وياك أصدقاء بس همه ميفهمون علاقتنه على حقيقتهه.
حسن. يمكن انتي الي مفهمتي علاقتنه كل هل فتره محسيتي بيه.
شهلاء. شتقصد حسن.
حسن. شهلاء اني احبج من أول مشفتج .
شهلاء. ضليت ساكته معرفت اجاوب والحمد لله جنه قريبن على البيت وصلنه ونزلت.
حسن. شهلاء يعني سكتي.
شهلاء. حسن احنه أصدقاء. باي
حسن . كالتهه وراحت احنه أصدقاء ليش محبتني شنو ناقصني .
شهلاء. دخلت للبيت وإني كلبي يدك بسرعه ليش مكتله اني هم أحبك ليش سكتت بس منو اني ومنو هوه صح يمكن يكدر يحبني بس مستحيل يرتبط بيه اني وين وهوه وين الفرق شاسع بينه .
أم شهلاء. بنيتي هاي انتي اجيتي.
شهلاء. أي يوم اجيت شلونج شلونك يابه.
أبو شهلاء. الله يساعدج بويه .
شهلاء. يابه هاذا راتبي اليوم استلمته اليوم.
أبو شهلاء. اللهم صل على محمد وال محمد بويه خليهن عندج انتي الي تصرفين ع للبيت خليهن يمج .
شهلاء. بس هذا أول راتب حبيت انت يضل عندك شنو بنفسك انسوي بي. أبو شهلاء. بنتي انتي من يوم الي نولدتي مجان الج غرفه وحدج اني اكول لو ناجر بيت غير هذا بي غرف زايده شتكولين.
شهلاء. هذا الي جنت أفكر بي مثل متحب انتي يوم شتحبين.
أم شهلاء . اني أريد تدفئه كهربائية تدرين كل شته احنه نتغطه بالبطاطين من البرد.

شهلاء . تدللون راح اسوي كل الي يعجبكم.
رحت أحضر العشه وفكر بكلام حسن اني صح حبيته بس اني طول حياتي الغالي مااشتري لأن ماعدي ثمنه وحسن غالي عليه هواي أخاف اتعلق بي وبالاخير ميصير من نصيبي. كملت العشه وعشيت أهلي ونامو وإني ضليت كاعده أفكر بحسن ياترى تقبل كلامي لو زعلان. لحد منمت.
حسن . حسين اكلك دكلي احنه أصدقاء .
حسين. أصبر عليهه يجوز بمرور الوقت تحبك.
حسن. شوكت اكلك عترفتلهه بحبي الهه دكلي أصدقاء. حسين .هذا دليل على كلامك لو نسيته.
حسن. ياكلام شنو تقصد.
حسين. تذكر من كلت انته هيه عدهه عزة نفس اكيد هيه فكرت بالفرق الاجتماعي بينكم لهذا متريد تخوض هيج تجربه وهيه تعرف نهايتهه لأن بنضرهه انت مراح تزوجهه لكونهه فقيره ونته غني حسن. يعني قصدك هيه تحبني.
حسين. متأكد.
حسن. فدوه رحتلك اروح انام وباجر اراويهه منو حسن.البارت السابع. ..
شهلاء . كعدت الصبح كل عاده كملت شغلي وريكت أهلي اجه حسن ورحنه للشركه .
حسن. قررت اخليهه تعترف بس شلون اجتني فكره منفتح عقدة لسانهه غير غيرة النسوان وهيه تجاهلتهه كمت مابين الهه اني مهتم. رحت عليهه للبيت وعادي سلمت عليهه وصعدت ضليت طول الطريق ادندن وي الاغاني لحد موصلنه نزلنه وكل واحد منه راح المكتبه اجت ساره وأعرف بيهه تحبني أو بالحرى تحب فلوسي كلت خل اغورهه بيهه.
حسن. شلونج ساره مشتاقلج.
ساره. هاا الحمد لله انت شلونك .
حسن. عدج شي وره الدوام.
ساره. لا ماعدي شي
حسن. لعد حضري نفسج عازمج على الغده.
ساره. ماشي راح تلكاني جاهزة.
حسن. اباوع لعيون شهلاء طلعت ههههه حل تستاهلين. شهلاء. شوف شوف البارحه يكلي احبج وليوم يبصبص بساره ويعزمهه ع الغده. لا هواي يحبني .خلص الدوام وشلون هوه راح يتغده ويه ساره اني اروح وحدي لو وي الموضفين .
حسن. سويت هاي الحركه ونجحت بعد وبعد ماشفتي شي بعدج اني حسن .
ساره. حسن اني جاهزه نطلع .
حسن. أي يالله نطلع اباوع على شهلاء عاقده حواجبهه .
حسن. يالله ساره نروح هاا نسيت شهلاء ..شهلاء تعاي اوصلج بطريقنه .
شهلاء. لا شكراً عدي شغله أريد اروح اسويهه قبل لا اروح للبيت اخذو راحتكم .
حسن. شنو هاي الشغله.
شهلاء. ها عندي موعد ويه شخص اني اروح باي. .
حسن. هاي وين تريد تروح طلعت اني وساره ركبنه السياره نشغل بالي شهلاء وين راحت وهاي الي ورطت نفسي بيهه اجتني فكره شغلت الرنات وسويت روحي اخابر. الووو ها حسين أي أي هسه جاي نسيت والله.
حسن. ساره آسف عدي موعد وي حسين نسيته هسه هوه منتضرني اوصلج للبيت واعوضج غير مره.
ساره. ماشي براحتك.
وصلت ساره ورجعت للبيت ياترى شهلاء وين راحت.
شهلاء. طلعت من الدوام أخذت تكسي ورحت للدلال سألته على بيت اجار وفعلاً لكيت كم بيت رحت شفتهم عجبن

ي بيت حلو على كدنه بي غرفتين وهول وصاله اجاره مناسب وي وي راتبي قرررت أجره ودفعت اجار شهر ورحت للسوك شفت واحد يبيع غراض اقصاد شتريت كم غرض للبيت أخذت ثلاجه وسبلت وبلازمه ورحت على أبو الافرشه شتريت افراش أرض ورجعت للبيت الاجرته خليتهم بي رحت للبيت أخذت أهلي ورحت للبيت الجديد فرحو بي اجه عامل نصب السبلت والبلازمه وإني نضفته البيت وفرشت الافرشه خليت أهلي بالبيت الجديد ورجعت البيتنه القديم لميت اغراضنه هنه بسيطات ماعدنه شي كم قطعه جبت عامل حمل الاغراض بالسيارة الحمل نطيت المفتاح للبيت البصفنه حتى ينطيه لصاحب البيت ورحت للبيت الجديد العامل نصب الكنتور ونطيته اجرته وراح ضليت أعدل وسفط الملابس وعدلت المطبخ وكلت كل شهر أجيب غرض للبيت بعد ماكملت كل شغلي جبت عشه من بره وتعشينه وكعدنه نسولف جان الجو حار شغلت السبلت والبروده تخبل .
أم شهلاء. يمه اني مو كتلج على مدفئه .
شهلاء. أي يمه هذا سبلت يشتغل تبريد وتدفئه يفيدنه صيف وشته.
أم شهلاء. يعني بعد ماكو برد بالشته .
شهلاء. إن شاء الله يمه بعد ميجيسكم برد الشته وحر الصيف بس أريد دعوتكم.
عدنه مبرده جانت خليتهه بغرفتي السبلت والبلازمه خليتهم بالصاله فرشت لهلي بالصاله ونامو .اني رحت الغرفتي اول مرة تصير الي غرفه وحدي دك تليفوني.
حسن. رجعت للبيت وحاير شهلاء وين راحت كلت اخابر واعرف منهه وين راحت اتصلت عليهه.
حسن. الوو.
شهلاء. الو حسن .
حسن. شلونج.
شهلاء. زينه الحمد لله.
حسن. اليوم وين رحتي شنو ويامن الموعد .
شهلاء. جان عدي موعد وي الدلال رحت أجرت بيت قريب على الشركه وهسه نتقلت بي .
حسن. ليش مكتيلي اجي وياج.
شهلاء. شفتك مشغول ويه ساره ماردت ازعجكم.
حسن. حتى لو شلون ترحين وحدج جان كتيلي وإني أقرر اروح وياج لو وياهه .
شهلاء. مااحرجك وخليك محتار بيني وبينهه.
حسن. ماكو حيرة لوكتيلي جان عفتهه وجيت وياج.
شهلاء. بس انته جنت مشتاقلهه.
حسن. المن مشتاق كل عقلج انتي اصلا مااطيقهه.
بس ردت اشوف اكو أحد يغار عليه لولا.
شهلاء. ابشرك نجحت وخليته يغار.
حسن. شنو قصدج غرتي .
شهلاء. اني ليش أغار بس قصدي الموضفات شفتهن شلون غارن.
حسن. ونتي مغرتي.
شهلاء. عمري مااباوع على شي مو ملكي. حسن. بس اني ملكج وحدج .
شهلاء. مااكدر اصدك انت تحبني لأن انت وإني أي توافق اجتماعي ماكو بينه.
حسن. إذا قصدج على الفلوس والاملاك هذن بلحظة يرحن بس انتي أغنى انتي غنيه بعفتج وخلاقج الي مشفتهم بيوم عد وحده غيرج.
شهلاء. سهل تحبني بس صعب ترتبط بيه .
حسن . لعد خبري اهلج أريد منهم موعد ازورهم اني وأهلي.البارت الثامن. .
شهلاء . يعني شتقصد.
حسن باجر اجي اخطبج من اهلج حتى اثبتلج حبي.
شهلاء . حسن هاي السوالف مو مال شقه عفيه.
حسن. من شوكت اشاقه بهيج موضوع.
شهلاء. حسن يعني تحجي صدك.
حسن. صدك الصدك هم .
شهلاء. بس.
حسن. لابس ولا شي باجر جايكم العصر ونتي باجر لاتجين للدوام ارتاحي اليوم تعبتي هواي بس دزيلي العنوان الجديد مال بيتكم.
شهلاء. ماشي . .. دزيتله العنوان برسالة والدنيا مسايعتني فرحت كلش بس للمثلي الفرحه متكمل اذكرت أهلي شلون اعوفهم همه ميكدرون يسون شي بدوني. ضليت أفكر للصبح كمت نضفت ورتبت البيت وطلعت جبت ريوك ومواد مال كيك وعصاير ورجعت حضرت الريوك وكعدت أهلي ريكتهم .
أبو شهلاء. بنتي موجنج تأخرتي على دوامج .
شهلاء. لا يابه اليوم مااروح.
أم شهلاء. ليش يمه بس لا بطلوج ماعونه ارتاحينه شويه .
شهلاء. لايمه بس انطوني اجازه اليوم . وأريد احجي وياكم بموضوع.
أبو شهلاء. احجي بويه .
شهلاء. اليوم يجون ناس يخطبوني منكم.
أم شهلاء. ياصلاة محمد ربي احمدك وشكرك لأن خليتني أعيش لهذا اليوم.
أبو شهلاء. بيهه الخير بويه.
شهلاء. بس اني مراح أقبل راح اخابرهم اكلهم لاتجون.
أبو شهلاء. ليش بويه.
شهلاء. بويه المن اتركم منو الكم غيري اذا ازوجت.
أبو شهلاء. لابنتي شكو علينه هسه نتعلم على البيت وحنه نكدر ندبر امورنه.
شهلاء. لا متكدرون .
أم شهلاء. اكلج موبكيفج احنه نكدر نعتني بنفسنه ليش نسيتي منو اعتنى بيج ونتي زغيره.
شهلاء. مراح ارتاح انام بعيده عنكم مااكدر.
أبو شهلاء. منو هذا سعيد الحض الي راح يخطبج.
شهلاء. مديري سولفتلك عليه حسن.
أبو شهلاء. هاي القسمه متتعوض وحنه مدايميلج اقبلي والباقى خلي ع الله.
شهلاء. ونعم بالله .
كمت سويت كيك وحضرت العصاير وسويت غده تغدينه غسلت الماعين سبحت ولبست ملابس حلوه فستان بنفسجي وشال مناسق للفستان ومكياج هادء خابرني حسن وكلي همه بالطريق.
حسن.. اليوم كلش فرحان راح اروح وخطبهه اثبتلهه اني احبهه الي عجبني بيهه متحب العب ع الشباب وتستغلهم رغم الفقر الي مرت بي صانت نفسهه وحافضت على روحهه حتى من كلتلهه احبج كالت احنه أصدقاء ومااستغلت حبي الهه وصلنه البيتهم اني واخوي ومرته دكيت الباب.
شهلاء. جهزت نفسي وحضرت الضيافة شكد تمنيت عدي أخت توكف وياي بهيج يوم . ندك ال

باب أبويه راح فتحه .
أبو شهلاء . منو .
حسن اني حسن عمي.
أبو شهلاء. اهلآ وسهلاً أبني تفضلو .
حسن. زاد فضلك عمي هذا اخوي حسين وزوجته .
أبو شهلاء. كل الهلا بيكم تفضلو البيت بيتكم.
حسن. دخلنه للبيت جان ابوهه مرحب بينه تلكتنه امهه بالهلا والمرحبه بس حيل نقهرت عليهم ثنينهم ضريرين كعدنه سلمنه وتعارفنه وره شويه دخلت ملاكي وطالعه تجنن .
شهلاء . طلع أبويه فتح الباب اباوعلهم من شباك المطبخ شلون يسلمون على أبويه باحترام وبويه دخلهم وتعارفو أخذت صينية العصير ودخلت سلمت عليهم قدمت الهم العصير وكلبي يدك وديه ترجف . حسين. . أبو شهلاء احنه اجينه اليوم نخطب شهلاء منكم هيه عرفت حسن وعرفت اطباعه من خلال شغلهه ويا وحنه عرفنه بتكم وعرفنه اخلاقهه ويشرفنه تصير منه وبينه .
أبو شهلاء. النه الشرف وليدي احنه بس هل بنيه عدنه ويشرفني نسبكم بس الرأي الأول والأخير الهه شدكولين بنتي.
شهلاء. يابه حجيت وياك الصبح برأيي .
أبو شهلاء. وإني فهمتج شوفي مستقبلج بنتي .
حسن. شيقصدون بحجيهم معقوله رافضتني اني هم عدي كرامه.
حسن. عمي اذا شهلاء رافضتني لاتجبرهه.
أبو شهلاء. لاتفهم الموضوع غلط ابني شهلاء مرافضتك بس هيه كل همهه احنه دكول شلون اعوفكم وزوج.
حسن. منو كال تعوفكم انت والحجيه تعيشون ويانه مستحيل اخليكم تعيشون هنا وحدكم.
أبو شهلاء. بس ميصير نكعد وي النسيب هاي ترفضهه عوايدنه وتقاليدنه.
حسن. بس انت مراح تكعد ويانه بصفتي نسيبكم راح تكعدون ويانه بصفتكم امي وبويه اني يتيم الأب والام وحس ربي راح يعوضني بيكم والتقاليد متمنع آب وام يكعدون وي ابنهم هاي اذا انت متحسبني مثل ابنك.
أبو شهلاء. اتشرف بيك اوليدي وإني ماعدي ولد والله رزقني بيك .
حسين . ها شهلاء ابوج وحسن اتفقو شكلتي

يتبع...

#نصائح_بالمكياج😻💄

1ـــ شعر الوجة والشارب اله تاثير سلبي جدا واذا مـٍّْــ😏ًــــاًَآأٍِِ شلتي الشعر مايطلع المكياج حلو

2ــ ضروري تنسيق المكياج مع الملابس وكذلك مكياج العيون مع الشفاه لازم تناسق مثلا

🚫مكياج العيون يكون ازرق او سمائي تنسيقة يكون احمر شفاه وردي اوتدرجان الوردي

🚫 مكياج العيون بني وتدرجات الترابي احمر الشفاه احمر او احد درجات البني او بنك وردي فاتح مائل للترابي او برتقالي وتدرجاتة

🚫مكياج العيون لامع احمر الشفاه يكون مات وبدون لمعة بلعكس

🚫مكياج العيون بنفسجي احمر الشفاه يكون تدرجات الوردي او تدرجات بنفسجي

🚫مكياج العيون غامق لازم يكون احمر الشفاه فاتح وبلعكس

3ــ تنسيق الملابس مع المكياج اللون الوردي للشفة والترابي وتدرجات الوردي الترابي تلائم اغلب الوان الملابس اما الالوان الاخرێ فلازم اماراحمر االشفااه قريب ع لون الملابس او ضلال العيون الايشادو


🚫ممنوع وابتعدو تخلون احمر الشفاه ومكياج العيون نفس اللون بلضبط لازم تدرجات وافتح اواغمق ودمج الوان بحيث تكون متانسقة او متقاربه


#اعادة_توجيـهہ_لصديقتج
#ملوكه
@stylegrils

طريقة رسم مفصلة لايلانير يناسب كل انواع العيون😍❤️


#اعادة_توجيـهہ_لصديقتج
#ملوكه
@stylegrils

من توصل بالنسوان🙄للغيرة والخباثة
كيدهن عظيم🤭😂

#اعادة_توجيـهہ_لصديقتج
#ملوكه
@stylegrils