اكو هوايه بنات حابين🙈❤️ يهتمون بنفسهم بس محد يعرف منين يبدي وخصوصاً البنات اللي بسن المراهقه او المتوسطه اليوم راح احجيلكم عن مرحله مهمه لازم تبدون بيها تحبون العنايه والاهتمام وتستمرون عليها :-

*ما راح ازعجج واگولج حبي نفسج ومن هالكلام لااا لأن اكيد حب النفس موجود واكيد كل وحده منا عندها نشاطات🙃 تحسسها انو هي تحب نفسها ...بس راح اگولج اهتمامج بجمالج وبوقت مبكر راح يساعدج هواي حتى تتجنبين مشاكل ممكن تصيب بشرتج وجلدج وشعرج اذا ما اهتميتي .....

**الطريقه الاولى لدخول هذا العالم👇😉

جهزي اول شي (صندوق او علبه او اي شي منظم) وحطي بيه اشياء اساسيه تحتاجيها قبل لا تنامين وحطيها بمكان واضح الج مثلا الميز او الكوميدي الخاص بيج بالبدايه خلي العنايه بوقت محدد من كل يوم گلتلج بالليل وقبل النوم افضل وقت تكونين بيه متفرغه


*شنو راح تحطين بهالصندوق!!!!

حطي كريم - لوشن يعني - مرطب شفايف -ڤازلين او اي كريم مرطب طبي عندج مثلاً بيزلين او دوف او هملايا او سيرافي - وحطي عطر خفيف مثل عطر الاطفال ......

*قبل ما تجين تنامين بفراشج
اخذي لوشن لكل جسمج ورطبيه

اخذي مرطب ورطبي شفايفج
اخذي العطر عطري فراشج وملابسج

وهيج راح تبديه تحبين😍 نفسج تحبين العنايه والاهتمام شوي شوي


الخطوه الثانيه#

*جدول بسيط وعلقيه بغرفتج .... جدول عنايه واهتمام

خصصي :-

يوم للبشره

يوم للشعر

يوم للجسم

ويوم للرياضه

#مثلاً

الاحد :- حمام زيتي للشعر

الاثنين :- ماسك للبشره

الثلاثاء :- مقشر وماسك للجسم

ونزلتلكم هوايه ماسكات عنايه للجسم وللشعر وللبشره👆❤️

الموضوع جداً سهل وراح تحبيه بس اهم شي سويلج جدول خفيف وما مزدحم حتى ما تملين وتضوجين منه ادخلي اول شي بجدول بسيط وبعدها شوي شوي راح تشوفين نفسج عندج واهس حتى تدخلين بجدول وكورسات عنايه اكبر وتجربين اشياء جديده وتنتبهين للمشاكل اللي بجسمج وتدورين الها حل ووقتها راح يصير سهل عليج الالتزام ❤️🌸


#اعـاده_توجيـــہ_لتنسون
#ملوكه
@stylegrils